{॥ ଶ୍ରୀଲକ୍ଷ୍ମୀକଵଚମ୍ ୨ ॥}
ଶୁକଂ ପ୍ରତି ବ୍ରହ୍ମୋଵାଚ
Efficacy of the kavacham
ମହାଲକ୍ଷ୍ମ୍ଯାଃ ପ୍ରଵକ୍ଷ୍ଯାମି କଵଚଂ ସର୍ଵକାମଦମ୍ ।
ସର୍ଵପାପପ୍ରଶମନଂ ଦୁଷ୍ଟଵ୍ଯାଧିଵିନାଶନମ୍ ॥ ୧॥

ଗ୍ରହପୀଡାପ୍ରଶମନଂ ଗ୍ରହାରିଷ୍ଟପ୍ରଭଞ୍ଜନମ୍ ।
ଦୁଷ୍ଟମୃତ୍ଯୁପ୍ରଶମନଂ ଦୁଷ୍ଟଦାରିଦ୍ର୍ଯନାଶନମ୍ ॥ ୨॥

ପୁତ୍ରପୌତ୍ରପ୍ରଜନନଂ ଵିଵାହପ୍ରଦମିଷ୍ଟଦମ୍ ।
ଚୋରାରିହଂ ଚ ଜପତାଂ ଅଖିଲେପ୍ସିତଦାଯକମ୍ ॥ ୩॥

ସାଵଧାନମନା ଭୂତ୍ଵା ଶ୍ରୁଣୁ ତ୍ଵଂ ଶୁକ ସତ୍ତମ ।
ଅନେକଜନ୍ମସଂସିଦ୍ଧିଲଭ୍ଯଂ ମୁକ୍ତିଫଲପ୍ରଦମ୍ ॥ ୪॥

ଧନଧାନ୍ଯମହାରାଜ୍ଯସର୍ଵସୌଭାଗ୍ଯକଲ୍ପକମ୍ ।
ସକୃତ୍ସ୍ମରଣମାତ୍ରେଣ ମହାଲକ୍ଷ୍ମୀଃ ପ୍ରସୀଦତି ॥ ୫॥

Head-to-Toe description of Shri Laxmi
କ୍ଷୀରାବ୍ଧିମଧ୍ଯେ ପଦ୍ମାନାଂ କାନନେ ମଣିମଣ୍ଟପେ ।
ତନ୍ମଧ୍ଯେ ସୁସ୍ଥିତାଂ ଦେଵୀଂ ମନୀଷାଜନସେଵିତାମ୍ ॥ ୬॥

ସୁସ୍ନାତାଂ ପୁଷ୍ପସୁରଭିକୁଟିଲାଲକବନ୍ଧନାମ୍ ।
ପୂର୍ଣେନ୍ଦୁବିମ୍ବଵଦନାଂ ଅର୍ଧଚନ୍ଦ୍ରଲଲାଟିକାମ୍ ॥ ୭॥

ଇନ୍ଦୀଵରେକ୍ଷଣାଂ କାମକୋଦଣ୍ଡଭ୍ରୁଵମୀଶ୍ଵରୀମ୍ ।
ତିଲପ୍ରସଵସଂସ୍ପର୍ଧିନାସିକାଲଙ୍କୃତାଂ ଶ୍ରିଯମ୍ ॥ ୮॥

କୁନ୍ଦକୁଡ୍ମଲଦନ୍ତାଲିଂ ବନ୍ଧୂକାଧରପଲ୍ଲଵାମ୍ ।
ଦର୍ପଣାକାରଵିମଲକପୋଲଦ୍ଵିତଯୋଜ୍ଜ୍ଵଲାମ୍ ॥ ୯॥

ରତ୍ନତାଟଙ୍କକଲିତକର୍ଣଦ୍ଵିତଯସୁନ୍ଦରାମ୍ ।
ମାଙ୍ଗଲ୍ଯାଭରଣୋପେତାଂ କମ୍ବୁକଣ୍ଠୀଂ ଜଗତ୍ପ୍ରିଯାମ୍ ॥ ୧୦॥

ତାରହାରିମନୋହାରିକୁଚକୁମ୍ଭଵିଭୂଷିତାମ୍ ।
ରତ୍ନାଙ୍ଗଦାଦିଲଲିତକରପଦ୍ମଚତୁଷ୍ଟଯାମ୍ ॥ ୧୧॥

କମଲେ ଚ ସୁପତ୍ରାଢ୍ଯେ ହ୍ଯଭଯଂ ଦଧତୀଂ ଵରମ୍ ।
ରୋମରାଜିକଲାଚାରୁଭୁଗ୍ନନାଭିତଲୋଦରୀମ୍ ॥ ୧୨॥

ପତ୍ତଵସ୍ତ୍ରସମୁଦ୍ଭାସିସୁନିତଂବାଦିଲକ୍ଷଣାମ୍ ।
କାଞ୍ଚନସ୍ତମ୍ଭଵିଭ୍ରାଜଦ୍ଵରଜାନୂରୁଶୋଭିତାମ୍ ॥ ୧୩॥

ସ୍ମରକାହ୍ଲିକାଗର୍ଵହାରିଜଂଭାଂ ହରିପ୍ରିଯାମ୍ ।
କମଠୀପୃଷ୍ଠସଦୃଶପାଦାବ୍ଜାଂ ଚନ୍ଦ୍ରସନ୍ନିଭାମ୍ ॥ ୧୪॥

ପଙ୍କଜୋଦରଲାଵଣ୍ଯସୁନ୍ଦରାଙ୍ଘ୍ରିତଲାଂ ଶ୍ରିଯମ୍ ।
ସର୍ଵାଭରଣସଂଯୁକ୍ତାଂ ସର୍ଵଲକ୍ଷଣଲକ୍ଷିତାମ୍ ॥ ୧୫॥

ପିତାମହମହାପ୍ରୀତାଂ ନିତ୍ଯତୃପ୍ତାଂ ହରିପ୍ରିଯାମ୍ ।
ନିତ୍ଯଂ କାରୁଣ୍ଯଲଲିତାଂ କସ୍ତୂରୀଲେପିତାଙ୍ଗିକାମ୍ ॥ ୧୬॥

ସର୍ଵମନ୍ତ୍ରମଯାଂ ଲକ୍ଷ୍ମୀଂ ଶ୍ରୁତିଶାସ୍ତ୍ରସ୍ଵରୂପିଣୀମ୍ ।
ପରବ୍ରହ୍ମମଯାଂ ଦେଵୀଂ ପଦ୍ମନାଭକୁଟୁଂବିନୀମ୍ ।
ଏଵଂ ଧ୍ଯାତ୍ଵା ମହାଲକ୍ଷ୍ମୀଂ ପଠେତ୍ ତତ୍କଵଚଂ ପରମ୍ ॥ ୧୭॥

ଧ୍ଯାନମ୍ ।
ଏକଂ ନ୍ଯଂଚ୍ଯନତିକ୍ଷମଂ ମମପରଂ ଚାକୁଂଚ୍ଯପଦାଂବୁଜଂ
ମଧ୍ଯେ ଵିଷ୍ଟରପୁଣ୍ଡରୀକମଭଯଂ ଵିନ୍ଯସ୍ତହସ୍ତାମ୍ବୁଜମ୍ ।
ତ୍ଵାଂ ପଶ୍ଯେମ ନିଷେଦୁଷୀମନୁକଲଂକାରୁଣ୍ଯକୂଲଂକଷ-
ସ୍ଫାରାପାଙ୍ଗତରଙ୍ଗମମ୍ବ ମଧୁରଂ ମୁଗ୍ଧଂ ମୁଖଂ ବିଭ୍ରତୀମ୍ ॥ ୧୮॥

ଅଥ କଵଚମ୍ ।
ମହାଲକ୍ଷ୍ମୀଃ ଶିରଃ ପାତୁ ଲଲାଟଂ ମମ ପଙ୍କଜା ।
କର୍ଣେ ରକ୍ଷେଦ୍ରମା ପାତୁ ନଯନେ ନଲିନାଲଯା ॥ ୧୯॥

ନାସିକାମଵତାଦଂବା ଵାଚଂ ଵାଗ୍ରୂପିଣୀ ମମ ।
ଦନ୍ତାନଵତୁ ଜିହ୍ଵାଂ ଶ୍ରୀରଧରୋଷ୍ଠଂ ହରିପ୍ରିଯା ॥ ୨୦॥

ଚୁବୁକଂ ପାତୁ ଵରଦା ଗଲଂ ଗନ୍ଧର୍ଵସେଵିତା ।
ଵକ୍ଷଃ କୁକ୍ଷିଂ କରୌ ପାଯୂଂ ପୃଷ୍ଠମଵ୍ଯାଦ୍ରମା ସ୍ଵଯମ୍ ॥ ୨୧॥

କଟିମୂରୁଦ୍ଵଯଂ ଜାନୁ ଜଘଂ ପାତୁ ରମା ମମ ।
ସର୍ଵାଙ୍ଗମିନ୍ଦ୍ରିଯଂ ପ୍ରାଣାନ୍ ପାଯାଦାଯାସହାରିଣୀ ॥ ୨୨॥

ସପ୍ତଧାତୂନ୍ ସ୍ଵଯଂ ଚାପି ରକ୍ତଂ ଶୁକ୍ରଂ ମନୋ ମମ ।
ଜ୍ଞାନଂ ବୁଦ୍ଧିଂ ମହୋତ୍ସାହଂ ସର୍ଵଂ ମେ ପାତୁ ପଙ୍କଜା ॥ ୨୩॥

ମଯା କୃତଂ ଚ ଯତ୍କିଞ୍ଚିତ୍ତତ୍ସର୍ଵଂ ପାତୁ ସେନ୍ଦିରା ।
ମମାଯୁରଵତାତ୍ ଲକ୍ଷ୍ମୀଃ ଭାର୍ଯାଂ ପୁତ୍ରାଂଶ୍ଚ ପୁତ୍ରିକା ॥ ୨୪॥

ମିତ୍ରାଣି ପାତୁ ସତତମଖିଲାନି ହରିପ୍ରିଯା ।
ପାତକଂ ନାଶଯେତ୍ ଲକ୍ଷ୍ମୀଃ ମହାରିଷ୍ଟଂ ହରେଦ୍ରମା ॥ ୨୫॥

ମମାରିନାଶନାର୍ଥାଯ ମାଯାମୃତ୍ଯୁଂ ଜଯେଦ୍ବଲମ୍ ।
ସର୍ଵାଭୀଷ୍ଟଂ ତୁ ମେ ଦଦ୍ଯାତ୍ ପାତୁ ମାଂ କମଲାଲଯା॥ ୨୬॥

ଫଲଶ୍ରୁତିଃ ।
ଯ ଇଦଂ କଵଚଂ ଦିଵ୍ଯଂ ରମାତ୍ମା ପ୍ରଯତଃ ପଠେତ୍ ।
ସର୍ଵସିଦ୍ଧିମଵାପ୍ନୋତି ସର୍ଵରକ୍ଷାଂ ତୁ ଶାଶ୍ଵତୀମ୍ ॥ ୨୭॥

ଦୀର୍ଘାଯୁଷ୍ମାନ୍ ଭଵେନ୍ନିତ୍ଯଂ ସର୍ଵସୌଭାଗ୍ଯକଲ୍ପକମ୍ ।
ସର୍ଵଜ୍ଞଃ ସର୍ଵଦର୍ଶୀ ଚ ସୁଖଦଶ୍ଚ ଶୁଭୋଜ୍ଜ୍ଵଲଃ ॥ ୨୮॥

ସୁପୁତ୍ରୋ ଗୋପତିଃ ଶ୍ରୀମାନ୍ ଭଵିଷ୍ଯତି ନ ସଂଶଯଃ ।
ତଦ୍ଗୃହେ ନ ଭଵେଦ୍ବ୍ରହ୍ମନ୍ ଦାରିଦ୍ର୍ଯଦୁରିତାଦିକମ୍ ॥ ୨୯॥

ନାଗ୍ନିନା ଦହ୍ଯତେ ଗେହଂ ନ ଚୋରାଦ୍ଯୈଶ୍ଚ ପୀଡ୍ଯତେ ।
ଭୂତପ୍ରେତପିଶାଚାଦ୍ଯାଃ ସଂତ୍ରସ୍ତା ଯାନ୍ତି ଦୂରତଃ ॥ ୩୦॥

ଲିଖିତ୍ଵା ସ୍ଥାପଯେଦ୍ଯତ୍ର ତତ୍ର ସିଦ୍ଧିର୍ଭଵେତ୍ ଧ୍ରୁଵମ୍ ।
ନାପମୃତ୍ଯୁମଵାପ୍ନୋତି ଦେହାନ୍ତେ ମୁକ୍ତିଭାଗ୍ଭଵେତ୍ ॥ ୩୧॥

ଆଯୁଷ୍ଯଂ ପୌଷ୍ଟିକଂ ମେଧ୍ଯଂ ଧାନ୍ଯଂ ଦୁଃସ୍ଵପ୍ନନାଶନମ୍ ।
ପ୍ରଜାକରଂ ପଵିତ୍ରଂ ଚ ଦୁର୍ଭିକ୍ଷର୍ତିଵିନାଶନମ୍ ॥ ୩୨॥

ଚିତ୍ତପ୍ରସାଦଜନନଂ ମହାମୃତ୍ଯୁପ୍ରଶାନ୍ତିଦମ୍ ।
ମହାରୋଗଜ୍ଵରହରଂ ବ୍ରହ୍ମହତ୍ଯାଦିଶୋଧନମ୍ ॥ ୩୩॥

ମହାଧନପ୍ରଦଂ ଚୈଵ ପଠିତଵ୍ଯଂ ସୁଖାର୍ଥିଭିଃ ।
ଧନାର୍ଥୀ ଧନମାପ୍ନୋତି ଵିଵହାର୍ଥୀ ଲଭେଦ୍ଵଧୂମ୍ ॥ ୩୪॥

ଵିଦ୍ଯାର୍ଥୀ ଲଭତେ ଵିଦ୍ଯାଂ ପୁତ୍ରାର୍ଥୀ ଗୁଣଵତ୍ସୁତମ୍ ।
ରାଜ୍ଯାର୍ଥୀ ରାଜ୍ଯମାପ୍ନୋତି ସତ୍ଯମୁକ୍ତଂ ମଯା ଶୁକ ॥ ୩୫॥

ଏତଦ୍ଦେଵ୍ଯାଃପ୍ରସାଦେନ ଶୁକଃ କଵଚମାପ୍ତଵାନ୍ ।
କଵଚାନୁଗ୍ରହେଣୈଵ ସର୍ଵାନ୍ କାମାନଵାପ ସଃ ॥ ୩୬॥

ଇତି ଲକ୍ଷ୍ମୀକଵଚଂ ବ୍ରହ୍ମସ୍ତୋତ୍ରଂ ସମାପ୍ତମ୍ ।

Encoded and proofread by K S Ramachndran ksrkal at dataone.in

Please send corrections to sanskrit@cheerful.com
Last updated ତ୍oday
http://sanskritdocuments.org

Lakshmi Kavacham 2 Lyrics in Oriya PDF
% File name : laxmikavacham2.itx
% Category : kavacha
% Location : doc\_devii
% Author : shukaM prati brahmovaacha
% Language : Sanskrit
% Subject : philosophy/hinduism/religion
% Transliterated by : K S Ramachndran
% Proofread by : K S Ramachndran
% Description-comments : Encoded from DevIstotraratnAkaram in Telugu script
% Latest update : July 10, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website