{॥ ശ്രീസരസ്വതീസ്തുതീ ॥}
യാ കുന്ദേന്ദു-തുഷാരഹാര-ധവലാ യാ ശുഭ്ര-വസ്ത്രാവൃതാ
യാ വീണാവരദണ്ഡമന്ഡിതകരാ യാ ശ്വേതപദ്മാസനാ ।
യാ ബ്രഹ്മാച്യുത-ശംകര-പ്രഭൃതിഭിര്ദേവൈഃ സദാ പൂജിതാ
സാ മാം പാതു സരസ്വതീ ഭഗവതീ നിഃശേഷജാഡ്യാപഹാ ॥ ൧॥

ദോര്ഭിര്യുക്താ ചതുര്ഭിഃ സ്ഫടികമണിമയീമക്ഷമാലാം ദധാനാ
ഹസ്തേനൈകേന പദ്മം സിതമപി ച ശുകം പുസ്തകം ചാപരേണ ।
ഭാസാ കുന്ദേന്ദു-ശംഖസ്ഫടികമണിനിഭാ ഭാസമാനാഽസമാനാ
സാ മേ വാഗ്ദേവതേയം നിവസതു വദനേ സര്വദാ സുപ്രസന്നാ ॥ ൨॥

ആശാസു രാശീ ഭവദംഗവല്ലി
ഭാസൈവ ദാസീകൃത-ദുഗ്ധസിന്ധുമ് ।
മന്ദസ്മിതൈര്നിന്ദിത-ശാരദേന്ദും
വന്ദേഽരവിന്ദാസന-സുന്ദരി ത്വാമ് ॥ ൩॥

ശാരദാ ശാരദാമ്ബോജവദനാ വദനാമ്ബുജേ ।
സര്വദാ സര്വദാസ്മാകം സന്നിധിം സന്നിധിം ക്രിയാത് ॥ ൪॥

സരസ്വതീം ച താം നൌമി വാഗധിഷ്ഠാതൃ-ദേവതാമ് ।
ദേവത്വം പ്രതിപദ്യന്തേ യദനുഗ്രഹതോ ജനാഃ ॥ ൫॥

പാതു നോ നികഷഗ്രാവാ മതിഹേമ്നഃ സരസ്വതീ ।
പ്രാജ്ഞേതരപരിച്ഛേദം വചസൈവ കരോതി യാ ॥ ൬॥

ശുദ്ധാം ബ്രഹ്മവിചാരസാരപരമാ-മാദ്യാം ജഗദ്വ്യാപിനീം
വീണാപുസ്തകധാരിണീമഭയദാം ജാഡ്യാന്ധകാരാപഹാമ് ।
ഹസ്തേ സ്പാടികമാലികാം വിദധതീം പദ്മാസനേ സംസ്ഥിതാം
വന്ദേ താം പരമേശ്വരീം ഭഗവതീം ബുദ്ധിപ്രദാം ശാരദാമ് ॥ ൭॥

വീണാധരേ വിപുലമംഗലദാനശീലേ
ഭക്താര്തിനാശിനി വിരിംചിഹരീശവന്ദ്യേ ।
കീര്തിപ്രദേഽഖിലമനോരഥദേ മഹാര്ഹേ
വിദ്യാപ്രദായിനി സരസ്വതി നൌമി നിത്യമ് ॥ ൮॥

ശ്വേതാബ്ജപൂര്ണ-വിമലാസന-സംസ്ഥിതേ ഹേ
ശ്വേതാമ്ബരാവൃതമനോഹരമംജുഗാത്രേ ।
ഉദ്യന്മനോജ്ഞ-സിതപംകജമംജുലാസ്യേ
വിദ്യാപ്രദായിനി സരസ്വതി നൌമി നിത്യമ് ॥ ൯॥

മാതസ്ത്വദീയ-പദപംകജ-ഭക്തിയുക്താ
യേ ത്വാം ഭജന്തി നിഖിലാനപരാന്വിഹായ ।
തേ നിര്ജരത്വമിഹ യാന്തി കലേവരേണ
ഭൂവഹ്നി-വായു-ഗഗനാമ്ബു-വിനിര്മിതേന ॥ ൧൦॥

മോഹാന്ധകാര-ഭരിതേ ഹൃദയേ മദീയേ
മാതഃ സദൈവ കുരു വാസമുദാരഭാവേ ।
സ്വീയാഖിലാവയവ-നിര്മലസുപ്രഭാഭിഃ
ശീഘ്രം വിനാശയ മനോഗതമന്ധകാരമ് ॥ ൧൧॥

ബ്രഹ്മാ ജഗത് സൃജതി പാലയതീന്ദിരേശഃ
ശമ്ഭുര്വിനാശയതി ദേവി തവ പ്രഭാവൈഃ ।
ന സ്യാത്കൃപാ യദി തവ പ്രകടപ്രഭാവേ
ന സ്യുഃ കഥംചിദപി തേ നിജകാര്യദക്ഷാഃ ॥ ൧൨॥

ലക്ഷ്മിര്മേധാ ധരാ പുഷ്ടിര്ഗൌരീ തൃഷ്ടിഃ പ്രഭാ ധൃതിഃ ।
ഏതാഭിഃ പാഹി തനുഭിരഷ്ടഭിര്മാം സരസ്വതീ ॥ ൧൩॥

സരസവത്യൈ നമോ നിത്യം ഭദ്രകാല്യൈ നമോ നമഃ
വേദ-വേദാന്ത-വേദാംഗ- വിദ്യാസ്ഥാനേഭ്യ ഏവ ച ॥ ൧൪॥

സരസ്വതി മഹാഭാഗേ വിദ്യേ കമലലോചനേ ।
വിദ്യാരൂപേ വിശാലാക്ഷി വിദ്യാം ദേഹി നമോസ്തു തേ ॥ ൧൫॥

യദക്ഷര-പദഭ്രഷ്ടം മാത്രാഹീനം ച യദ്ഭവേത് ।
തത്സര്വം ക്ഷമ്യതാം ദേവി പ്രസീദ പരമേശ്വരി ॥ ൧൬॥

॥ ഇതി ശ്രീസരസ്വതീ സ്തോത്രം സമ്പൂര്ണം॥

Encoded and proofread by Ravisankar S. Mayavaram
Proofread by Smt. Sankaran

Please send corrections to sanskrit@cheerful.com
Last updated ത്oday
http://sanskritdocuments.org

Saraswati Stotram 3 Lyrics in Malayalam PDF
% File name : sarasstuti.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Ravisankar S. Mayavaram
% Proofread by : Ravisankar S. Mayavaram, Smt. Sankaran
% Latest update : December 2, 1996, February 8, 1998
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website