{॥ ଶ୍ରୀସରସ୍ଵତୀସ୍ତୋତ୍ରଂ ଅଗସ୍ତ୍ଯମୁନିପ୍ରୋକ୍ତମ୍ ॥}
ଶ୍ରୀଗଣେଶାଯ ନମଃ ।
ଯା କୁନ୍ଦେନ୍ଦୁ ତୁଷାରହାରଧଵଲା ଯା ଶୁଭ୍ରଵସ୍ତ୍ରାଵୃତା
ଯା ଵୀଣାଵରଦଣ୍ଡମଣ୍ଡିତକରା ଯା ଶ୍ଵେତପଦ୍ମାସନା ।
ଯା ବ୍ରହ୍ମାଚ୍ଯୁତଶଙ୍କରପ୍ରଭୃତିଭିର୍ଦେଵୈସ୍ସଦା ପୂଜିତା
ସା ମାଂ ପାତୁ ସରସ୍ଵତୀ ଭଗଵତୀ ନିଶ୍ଶେଷଜାଡ୍ଯାପହା ॥ ୧॥

ଦୋର୍ଭିର୍ଯୁକ୍ତା ଚତୁର୍ଭିଂ ସ୍ଫଟିକମଣିନିଭୈ ରକ୍ଷମାଲାନ୍ଦଧାନା
ହସ୍ତେନୈକେନ ପଦ୍ମଂ ସିତମପିଚ ଶୁକଂ ପୁସ୍ତକଂ ଚାପରେଣ ।
ଭାସା କୁନ୍ଦେନ୍ଦୁଶଙ୍ଖସ୍ଫଟିକମଣିନିଭା ଭାସମାନାଽସମାନା
ସା ମେ ଵାଗ୍ଦେଵତେଯଂ ନିଵସତୁ ଵଦନେ ସର୍ଵଦା ସୁପ୍ରସନ୍ନା ॥ ୨॥

ସୁରାସୁରାସେଵିତପାଦପଙ୍କଜା କରେ ଵିରାଜତ୍କମନୀଯପୁସ୍ତକା ।
ଵିରିଞ୍ଚିପତ୍ନୀ କମଲାସନସ୍ଥିତା ସରସ୍ଵତୀ ନୃତ୍ଯତୁ ଵାଚି ମେ ସଦା ॥ ୩॥

ସରସ୍ଵତୀ ସରସିଜକେସରପ୍ରଭା ତପସ୍ଵିନୀ ସିତକମଲାସନପ୍ରିଯା ।
ଘନସ୍ତନୀ କମଲଵିଲୋଲଲୋଚନା ମନସ୍ଵିନୀ ଭଵତୁ ଵରପ୍ରସାଦିନୀ ॥ ୪॥

ସରସ୍ଵତି ନମସ୍ତୁଭ୍ଯଂ ଵରଦେ କାମରୂପିଣି ।
ଵିଦ୍ଯାରମ୍ଭଂ କରିଷ୍ଯାମି ସିଦ୍ଧିର୍ଭଵତୁ ମେ ସଦା ॥ ୫॥

ସରସ୍ଵତି ନମସ୍ତୁଭ୍ଯଂ ସର୍ଵଦେଵି ନମୋ ନମଃ ।
ଶାନ୍ତରୂପେ ଶଶିଧରେ ସର୍ଵଯୋଗେ ନମୋ ନମଃ ॥ ୬॥

ନିତ୍ଯାନନ୍ଦେ ନିରାଧାରେ ନିଷ୍କଲାଯୈ ନମୋ ନମଃ ।
ଵିଦ୍ଯାଧରେ ଵିଶାଲାକ୍ଷି ଶୁଦ୍ଧଜ୍ଞାନେ ନମୋ ନମଃ ॥ ୭॥

ଶୁଦ୍ଧସ୍ଫଟିକରୂପାଯୈ ସୂକ୍ଷ୍ମରୂପେ ନମୋ ନମଃ ।
ଶବ୍ଦବ୍ରହ୍ମି ଚତୁର୍ହସ୍ତେ ସର୍ଵସିଦ୍ଧଯୈ ନମୋ ନମଃ ॥ ୮॥

ମୁକ୍ତାଲଙ୍କୃତ ସର୍ଵାଙ୍ଗ୍ଯୈ ମୂଲାଧାରେ ନମୋ ନମଃ ।
ମୂଲମନ୍ତ୍ରସ୍ଵରୂପାଯୈ ମୂଲଶକ୍ତ୍ଯୈ ନମୋ ନମଃ ॥ ୯॥

ମନୋ ମଣିମହାଯୋଗେ ଵାଗୀଶ୍ଵରି ନମୋ ନମଃ ।
ଵାଗ୍ଭ୍ଯୈ ଵରଦହସ୍ତାଯୈ ଵରଦାଯୈ ନମୋ ନମଃ ॥ ୧୦॥

ଵେଦାଯୈ ଵେଦରୂପାଯୈ ଵେଦାନ୍ତାଯୈ ନମୋ ନମଃ ।
ଗୁଣଦୋଷଵିଵର୍ଜିନ୍ଯୈ ଗୁଣଦୀପ୍ତ୍ଯୈ ନମୋ ନମଃ ॥ ୧୧॥

ସର୍ଵଜ୍ଞାନେ ସଦାନନ୍ଦେ ସର୍ଵରୂପେ ନମୋ ନମଃ ।
ସମ୍ପନ୍ନାଯୈ କୁମାର୍ଯୈ ଚ ସର୍ଵଜ୍ଞ ତେ ନମୋ ନମଃ ॥ ୧୨॥

ଯୋଗାନାର୍ଯ ଉମାଦେଵ୍ଯୈ ଯୋଗାନନ୍ଦେ ନମୋ ନମଃ ।
ଦିଵ୍ଯଜ୍ଞାନ ତ୍ରିନେତ୍ରାଯୈ ଦିଵ୍ଯମୂର୍ତ୍ଯୈ ନମୋ ନମଃ ॥ ୧୩॥

ଅର୍ଧଚନ୍ଦ୍ରଜଟାଧାରି ଚନ୍ଦ୍ରବିମ୍ବେ ନମୋ ନମଃ ।
ଚନ୍ଦ୍ରାଦିତ୍ଯଜଟାଧାରି ଚନ୍ଦ୍ରବିମ୍ବେ ନମୋ ନମଃ ॥ ୧୪॥

ଅଣୁରୂପେ ମହାରୂପେ ଵିଶ୍ଵରୂପେ ନମୋ ନମଃ ।
ଅଣିମାଦ୍ଯଷ୍ଟସିଦ୍ଧାଯୈ ଆନନ୍ଦାଯୈ ନମୋ ନମଃ ॥ ୧୫॥

ଜ୍ଞାନ ଵିଜ୍ଞାନ ରୂପାଯୈ ଜ୍ଞାନମୂର୍ତେ ନମୋ ନମଃ ।
ନାନାଶାସ୍ତ୍ର ସ୍ଵରୂପାଯୈ ନାନାରୂପେ ନମୋ ନମଃ ॥ ୧୬॥

ପଦ୍ମଦା ପଦ୍ମଵଂଶା ଚ ପଦ୍ମରୂପେ ନମୋ ନମଃ ।
ପରମେଷ୍ଠ୍ଯୈ ପରାମୂର୍ତ୍ଯୈ ନମସ୍ତେ ପାପନାଶିନୀ ॥ ୧୭॥

ମହାଦେଵ୍ଯୈ ମହାକାଲ୍ଯୈ ମହାଲକ୍ଷ୍ମ୍ଯୈ ନମୋ ନମଃ ।
ବ୍ରହ୍ମଵିଷ୍ଣୁଶିଵାଯୈ ଚ ବ୍ରହ୍ମନାର୍ଯୈ ନମୋ ନମଃ ॥ ୧୮॥

କମଲାକରପୁଷ୍ପା ଚ କାମରୂପେ ନମୋ ନମଃ ।
କପାଲି କର୍ମଦୀପ୍ତାଯୈ କର୍ମଦାଯୈ ନମୋ ନମଃ ॥ ୧୯॥

ସାଯଂ ପ୍ରାତଃ ପଠେନ୍ନିତ୍ଯଂ ଷାଣ୍ମାସାତ୍ସିଦ୍ଧିରୁଚ୍ଯତେ ।
ଚୋରଵ୍ଯାଘ୍ରଭଯଂ ନାସ୍ତି ପଠତାଂ ଶ୍ରୃଣ୍ଵତାମପି ॥ ୨୦॥

ଇତ୍ଥଂ ସରସ୍ଵତୀସ୍ତୋତ୍ରମଗସ୍ତ୍ଯମୁନିଵାଚକମ୍ ।
ସର୍ଵସିଦ୍ଧିକରଂ ନୄଣାଂ ସର୍ଵପାପପ୍ରଣାଶନମ୍ ॥ ୨୧॥

॥ ଇତ୍ଯଗସ୍ତମୁନି ପ୍ରୋକ୍ତଂ ସରସ୍ଵତୀସ୍ତୋତ୍ରଂ ସମ୍ପୂର୍ଣମ୍ ॥

Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Saraswati Stotram ( By Agastya Rishi ) Lyrics in Oriya PDF
% File name : sarasvatiAgastya.itx
% Location : doc\_devii
% Author : agastyamuni
% Language : Sanskrit
% Subject : philosophy/hinduism/religion
% Proofread by : Ravin Bhalekar ravibhalekar at hotmail.com
% Description-comments : Traditional
% Latest update : January 25, 2005, July 3, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website