{॥ ଅଘନାଶକଗାଯତ୍ରୀସ୍ତୋତ୍ର ॥}
ଆଦିଶକ୍ତେ ଜଗନ୍ମାତର୍ଭକ୍ତାନୁଗ୍ରହକାରିଣି ।
ସର୍ଵତ୍ର ଵ୍ଯାପିକେଽନନ୍ତେ ଶ୍ରୀସଂଧ୍ଯେ ତେ ନମୋଽସ୍ତୁ ତେ ॥

ତ୍ଵମେଵ ସଂଧ୍ଯା ଗାଯତ୍ରୀ ସାଵିତ୍ରି ଚ ସରସ୍ଵତୀ ।
ବ୍ରାହ୍ମୀ ଚ ଵୈଷ୍ଣଵୀ ରୌଦ୍ରୀ ରକ୍ତା ଶ୍ଵେତା ସିତେତରା ॥

ପ୍ରାତର୍ବାଲା ଚ ମଧ୍ଯାହ୍ନେ ଯୌଵନସ୍ଥା ଭଵେତ୍ପୁନଃ ।
ଵୃଦ୍ଧା ସାଯଂ ଭଗଵତୀ ଚିନ୍ତ୍ଯତେ ମୁନିଭିଃ ସଦା ॥

ହଂସସ୍ଥା ଗରୁଡାରୂଢା ତଥା ଵୃଷଭଵାହିନୀ ।
ଋଗ୍ଵେଦାଧ୍ଯାଯିନୀ ଭୂମୌ ଦୃଶ୍ଯତେ ଯା ତପସ୍ଵିଭିଃ ॥

ଯଜୁର୍ଵେଦଂ ପଠନ୍ତୀ ଚ ଅନ୍ତରିକ୍ଷେ ଵିରାଜତେ ।
ସା ସାମଗାପି ସର୍ଵେଷୁ ଭ୍ରାମ୍ଯମାଣା ତଥା ଭୁଵି ॥

ରୁଦ୍ରଲୋକଂ ଗତା ତ୍ଵଂ ହି ଵିଷ୍ଣୁଲୋକନିଵାସିନୀ ।
ତ୍ଵମେଵ ବ୍ରହ୍ମଣୋ ଲୋକେଽମର୍ତ୍ଯାନୁଗ୍ରହକାରିଣୀ ॥

ସପ୍ତର୍ଷିପ୍ରୀତିଜନନୀ ମାଯା ବହୁଵରପ୍ରଦା ।
ଶିଵଯୋଃ କରନେତ୍ରୋତ୍ଥା ହ୍ଯଶ୍ରୁସ୍ଵେଦସମୁଦ୍ଭଵା ॥

ଆନନ୍ଦଜନନୀ ଦୁର୍ଗା ଦଶଧା ପରିପଠ୍ଯତେ ।
ଵରେଣ୍ଯା ଵରଦା ଚୈଵ ଵରିଷ୍ଠା ଵରର୍ଵ୍ଣିନୀ ॥

ଗରିଷ୍ଠା ଚ ଵରାହୀ ଚ ଵରାରୋହା ଚ ସପ୍ତମୀ ।
ନୀଲଗଂଗା ତଥା ସଂଧ୍ଯା ସର୍ଵଦା ଭୋଗମୋକ୍ଷଦା ॥

ଭାଗୀରଥୀ ମର୍ତ୍ଯଲୋକେ ପାତାଲେ ଭୋଗଵତ୍ଯପି ॥

ତ୍ରିଲୋକଵାହିନୀ ଦେଵୀ ସ୍ଥାନତ୍ରଯନିଵାସିନୀ ॥

ଭୂର୍ଲୋକସ୍ଥା ତ୍ଵମେଵାସି ଧରିତ୍ରୀ ଶୋକଧାରିଣୀ ।
ଭୁଵୋ ଲୋକେ ଵାଯୁଶକ୍ତିଃ ସ୍ଵର୍ଲୋକେ ତେଜସାଂ ନିଧିଃ ॥

ମହର୍ଲୋକେ ମହାସିଦ୍ଧିର୍ଜନଲୋକେ ଜନେତ୍ଯପି ।
ତପସ୍ଵିନୀ ତପୋଲୋକେ ସତ୍ଯଲୋକେ ତୁ ସତ୍ଯଵାକ୍ ॥

କମଲା ଵିଷ୍ଣୁଲୋକେ ଚ ଗାଯତ୍ରୀ ବ୍ରହ୍ମଲୋକଗା ।
ରୁଦ୍ରଲୋକେ ସ୍ଥିତା ଗୌରୀ ହରାର୍ଧାଂଗୀନିଵାସିନୀ ॥

ଅହମୋ ମହତଶ୍ଚୈଵ ପ୍ରକୃତିସ୍ତ୍ଵଂ ହି ଗୀଯସେ ।
ସାମ୍ଯାଵସ୍ଥାତ୍ମିକା ତ୍ଵଂ ହି ଶବଲବ୍ରହ୍ମରୂପିଣୀ ॥

ତତଃ ପରାପରା ଶକ୍ତିଃ ପରମା ତ୍ଵଂ ହି ଗୀଯସେ ।
ଇଚ୍ଛାଶକ୍ତିଃ କ୍ରିଯାଶକ୍ତିର୍ଜ୍ଞାନଶକ୍ତିସ୍ତ୍ରିଶକ୍ତିଦା ॥

ଗଂଗା ଚ ଯମୁନା ଚୈଵ ଵିପାଶା ଚ ସରସ୍ଵତୀ ।
ସରଯୂର୍ଦେଵିକା ସିନ୍ଧୁର୍ନର୍ମଦେରାଵତୀ ତଥା ॥

ଗୋଦାଵରୀ ଶତଦ୍ରୁଶ୍ଚ କାଵେରୀ ଦେଵଲୋକଗା ।
କୌଶିକୀ ଚନ୍ଦ୍ରଭାଗା ଚ ଵିତସ୍ତା ଚ ସରସ୍ଵତୀ ॥

ଗଣ୍ଡକୀ ତାପିନୀ ତୋଯା ଗୋମତୀ ଵେତ୍ରଵତ୍ଯପି ।
ଇଡା ଚ ପିଂଗଲା ଚୈଵ ସୁଷୁମ୍ଣା ଚ ତୃତୀଯକା ॥

ଗାଂଧାରୀ ହସ୍ତିଜିହ୍ଵା ଚ ପୂଷାପୂଷା ତଥୈଵ ଚ ।
ଅଲମ୍ବୁଷା କୁହୂଶ୍ଚୈଵ ଶଂଖିନୀ ପ୍ରାଣଵାହିନୀ ॥

ନାଡୀ ଚ ତ୍ଵଂ ଶରୀରସ୍ଥା ଗୀଯସେ ପ୍ରାକ୍ତନୈର୍ବୁଧୈଃ ।
ହୃତପଦ୍ମସ୍ଥା ପ୍ରାଣଶକ୍ତିଃ କଣ୍ଠସ୍ଥା ସ୍ଵପ୍ନନାଯିକା ॥

ତାଲୁସ୍ଥା ତ୍ଵଂ ସଦାଧାରା ବିନ୍ଦୁସ୍ଥା ବିନ୍ଦୁମାଲିନୀ ।
ମୂଲେ ତୁ କୁଣ୍ଡଲୀ ଶକ୍ତିର୍ଵ୍ଯାପିନୀ କେଶମୂଲଗା ॥

ଶିଖାମଧ୍ଯାସନା ତ୍ଵଂ ହି ଶିଖାଗ୍ରେ ତୁ ମନୋନ୍ମନୀ ।
କିମନ୍ଯଦ୍ ବହୁନୋକ୍ତେନ ଯତ୍କିଂଚିଜ୍ଜଗତୀତ୍ରଯେ ॥

ତତ୍ସର୍ଵଂ ତ୍ଵଂ ମହାଦେଵି ଶ୍ରିଯେ ସଂଧ୍ଯେ ନମୋଽସ୍ତୁ ତେ ।
ଇତୀଦଂ କୀର୍ତିତଂ ସ୍ତୋତ୍ରଂ ସଂଧ୍ଯାଯାଂ ବହୁପୁଣ୍ଯଦମ୍ ॥

ମହାପାପପ୍ରଶମନଂ ମହାସିଦ୍ଧିଵିଧାଯକମ୍ ।
ଯ ଇଦଂ କୀର୍ତଯେତ୍ ସ୍ତୋତ୍ରଂ ସଂଧ୍ଯାକାଲେ ସମାହିତଃ ॥

ଅପୁତ୍ରଃ ପ୍ରାପ୍ନୁଯାତ୍ ପୁତ୍ରଂ ଧନାର୍ଥୀ ଧନମାପ୍ନୁଯାତ୍ ।
ସର୍ଵତୀର୍ଥତପୋଦାନଯଜ୍ଞଯୋଗଫଲଂ ଲଭେତ୍ ॥

ଭୋଗାନ୍ ଭୁକ୍ତ୍ଵା ଚିରଂ କାଲମନ୍ତେ ମୋକ୍ଷମଵାପ୍ନୁଯାତ୍ ।
ତପସ୍ଵିଭିଃ କୃତଂ ସ୍ତୋତ୍ରଂ ସ୍ନାନକାଲେ ତୁ ଯଃ ପଠେତ୍ ॥

ଯତ୍ର କୁତ୍ର ଜଲେ ମଗ୍ନଃ ସଂଧ୍ଯାମଜ୍ଜନଜଂ ଫଲମ୍ ।
ଲଭତେ ନାତ୍ର ସଂଦେହଃ ସତ୍ଯଂ ଚ ନାରଦ ॥

ଶ୍ରୃଣୁଯାଦ୍ଯୋଽପି ତଦ୍ଭକ୍ତ୍ଯା ସ ତୁ ପାପାତ୍ ପ୍ରମୁଚ୍ଯତେ ।
ପୀଯୂଷସଦୃଶଂ ଵାକ୍ଯଂ ସଂଧ୍ଯୋକ୍ତଂ ନାରଦେରିତମ୍ ॥

॥ ଇତି ଶ୍ରୀଅଘନାଶକ ଗାଯତ୍ରୀ ସ୍ତୋତ୍ରଂ ସମ୍ପୂର୍ଣମ୍ ॥

Visit http://www.webdunia.com for additional texts with Hindi meanings.

Please send corrections to sanskrit@cheerful.com
Last updated ତ୍oday
http://sanskritdocuments.org

Aghanashaka Gayatri Stotram Lyrics in Oriya PDF
% File name : aghanaashakagaayatrii.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.webdunia.com
% Proofread by : http://www.webdunia.com
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website