{॥ ಶ್ರೀಗಾಯತ್ರೀ ಸುಪ್ರಭಾತಮ್ ॥}
ಶ್ರೀ ಪಾತೂರಿ ಸೀತಾರಾಮಾಂಜನೇಯುಲು ಕೃತ
॥ ಶ್ರೀರಸ್ತು ॥
ಶ್ರೀ ಜಾನಿರದ್ರಿತನಯಾಪತಿರಬ್ಜಗರ್ಭಃ
ಸರ್ವೇ ಚ ದೈವತಗಣಾಃ ಸಮಹರ್ಷಯೋಽಮೀ ।
ಏತೇ ಭೂತನಿಚಯಾಃ ಸಮುದೀರಯನ್ತಿ
ಗಾಯತ್ರಿ - ಲೋಕವಿನುತೇ ತವ ಸುಪ್ರಭಾತಮ್ ॥ ೧॥

ಪುಷ್ಪೋಚ್ಚಯಪ್ರವಿಲಸತ್ಕರಕಂಜಯುಗ್ಮಾಮ್
ಗಂಗಾದಿದಿವ್ಯತಟಿನೀವರತೀರದೇಶೇ- ।
ಷ್ವರ್ಘ್ಯಮ್ ಸಮರ್ಪಯಿತುಮತ್ರಜನಾಸ್ತವೈತೇ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨॥

ಕರ್ಣೇಽಮೃತಮ್ ವಿಕಿರತಾ ಸ್ವರಸಂಚಯೇನ
ಸರ್ವೇ ದ್ವಿಜಾಃ ಶ್ರುತಿಗಣಮ್ ಸಮುದೀರಯನ್ತಿ ।
ಪಶ್ಯಾಶ್ರಮಾಸಥ ವೃಕ್ಷತಲೇಷು ದೇವಿ
ಗಾಯತಿ -ಲೋಕವಿನುತೇ -ತವ ಸುಪ್ರಭಾತಮ್ ॥ ೪॥

ಗಾವೋ ಮಹರ್ಷಿನಿಚಯಾಶ್ರಮ ಭೂಮಿಭಾಗಾತ್
ಗನ್ತುಮ್ ವನಾಯ ಶನಕೈಃ ಶನಕೈಃ ಪ್ರಯಾನ್ತಿ ।
ವತ್ಸಾನ್ ಪಯೋಽಮೃತರಸಮ್ ನನು ಪಾಯಯಿತ್ಯಾ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೪॥

ಶಿಷ್ಯ ಪ್ರಬೋಧನಪರಾ ವರ ಮೌನಿ ಮುಖ್ಯಾಃ
ವ್ಯಾಖ್ಯಾನ್ತಿ ವೇದಗದಿತಮ್ ಸ್ಫುಟ ಧರ್ಮ ತತತ್ತ್ವಮ್ ।
ಸ್ವೀಯಾಶ್ರಮಾಙ್ಗಣತಲೇಷು ಮನೋಹರೇಷು
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೫॥

ಶ್ರೋತ್ರಾಮೃತಮ್ ಶ್ರುತಿರವಮ್ ಕಲಯನ್ತ ಏತೇ
ವಿಸ್ಮೃತ್ಯ ಗನ್ತುಮಟವೀಮ್ ಫಲಲಾಭಲೋಭಾತ್ ।
ವೃಕ್ಷಾಗ್ರ ಭೂಮಿಷು ವನೇಷು ಲಸನ್ತಿ ಕೀರಾಃ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೬॥

ಮೂರ್ತಿತ್ರಯಾತ್ಮಕಲಿತೇ ನಿಗಮ ತ್ರಯೇಣ
ವೇದ್ಯೇ ಸ್ವರತ್ರಯ ಪರಿಸ್ಫುಟ ಮನ್ತರೂಪೇ
ತತ್ತ್ವಪ್ರಬೋಧನಪರೋಪನಿಷತ್ಪ್ರಪಞ್ಚೇ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೭॥

ವಿಶ್ವಾತ್ಮಿಕೇ ನಿಗಮಶೀರ್ಷವತಂಸರೂಪೇ
ಸರ್ವಾಗಮಾನ್ತರುದಿತೇ ವರತೈಜಸಾತ್ಮನ್ ।
ಪ್ರಾಜ್ಞಾತ್ಮಿಕೇ ಸೃಜನಪೋಷಣಸಂಹೃತಿಸ್ಥೇ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೮॥

ತುರ್ಯಾತ್ಮಿಕೇ ಸಕಲತತ್ತ್ವಗಣಾನತೀತೇ
ಆನನ್ದಭೋಗಕಲಿತೇ ಪರಮಾರ್ಧದತ್ರಿ
ಬ್ರಹ್ಮಾನುಭೂತಿವರದೇ ಸತತಮ್ ಜನಾನಾಮ್ ।
ಗಾಯತ್ರಿ - ಲೋಕವಿನುತೇ -ಸುಪ್ರಭಾತಮ್ ॥ ೯॥

ತಾರಸ್ವರೇಣ ಮಧುರಮ್ ಪರಿಗೀಯಮಾನೇ
ಮನ್ದ್ರಸ್ವರೇಣ ಮಧುರೇಣ ಚ ಮಧ್ಯಮೇನ ।
ಗಾನಾತ್ಮಿಕೇ ನಿಖಿಲಲೋಕ ಮನೋಜ್ಞ ಭಾವೇ
ಗಾಯತ್ರಿ - ಲೋಕವಿನುತೇ - ತವ ಸುಪಭಾತಮ್ ॥ ೧೦॥

ಪಾಪಾಟವೀ ದಹನ ಜಾಗೃತ ಮಾನಸಾ ತ್ವಮ್
ಭಕ್ತೌಘ ಪಾಲನ ನಿರಂತರ ದೀಕ್ಷಿತಾಽಸಿ ।
ತ್ವಯ್ಯೇವ ವಿಶ್ವಮಖಿಲಮ್ ಸ್ಥಿರತಾಮುಪೈತಿ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೧॥

ಯಾ ವೈದಿಕೀ ನಿಖಿಲ ಪಾವನ ಪಾವನೀ ವಾಕ್
ಯಾ ಲೌಕಿಕೀ ವ್ಯವಹೃತಿ ಪ್ರವಣಾ ಜನಾನಾಮ್ ।
ಯಾ ಕಾವ್ಯರೂಪ ಕಲಿತಾ ತವ ರೂಪ ಮೇತಾಃ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೨॥

ದಿವ್ಯಮ್ ವಿಮಾನಮಧಿರುಹ್ಯ ನಭೋಙ್ಗಣೇಽತ್ರ
ಗಾಯನ್ತಿ ದಿವ್ಯ ಮಹಿಮಾನಮಿಮೇ ಭವತ್ಯಾಃ ।
ಪಶ್ಯ ಪ್ರಸೀದ ನಿಚಯಾ ದಿವಿಜಾಙ್ಗನಾನಾಮ್
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೩॥

ಹೈಮೀಮ್ ರುಚಮ್ ಸಕಲ ಭೂಮಿರುಹಾಗ್ರದೇಶೇ-
ಷ್ವಾಧಾಯ ತತ್ಕೃತ ಪರೋಪಕೃತೌ ಪ್ರಸನ್ನಃ ।
ಭಾನುಃ ಕರೋತ್ಯವಸರೇ ಕನಕಾಭಿಷೇಕಮ್
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೪॥

ದಿವ್ಯಾಪಗಾಸು ಸರಸೀಷು ವನೀ ನಿಕುಙ್ಜೇ-
ಷೂಚ್ಚಾವಚಾನಿ ಕುಸುಮಾನಿ ಮನೋಹರಾಣಿ ।
ಪುಲ್ಲಾನಿ ಸನ್ತಿ ಪರಿತಸ್ತವ ಪೂಜನಾಯ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೫॥

ಕುರ್ವನ್ತಿ ಪಕ್ಷಿನಿಚಯಾಃ ಕಲಗಾನಮೇತೇ
ವೃಕ್ಷಾಗ್ರಮುನ್ನತತರಾಸನಮಾಶ್ರಯನ್ತಃ
ದೇವಿ - ತ್ವದೀಯ ಮಹಿಮಾನಮುದೀರಯನ್ತೋ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೬॥

ವಿಶ್ವೇಶಿ - ವಿಷ್ಣುಭಗಿನಿ - ಶ್ರುತಿವಾಕ್ಸ್ವರೂಪೇ -
ತನ್ಮಾತ್ರಿಕೇ - ನಿಖಿಲಮನ್ತಮಯಸ್ವರೂಪೇ -
ಗಾನಾತ್ಮಿಕೇ - ನಿಖಿಲತತ್ತ್ವನಿಜಸ್ವರೂಪೇ -
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೭॥

ತೇಜೋಮಯಿ - ತ್ರಿಭುವನಾವನಸಕ್ತಚಿತ್ತೇ -
ಸನ್ಧಾತ್ಮಿಕೇ - ಸಕಲ ಕಾಲ ಕಲಾ ಸ್ವರೂಪೇ -
ಮೃತ್ಯುಂಜಯೇ - ಜಯಿನಿ - ನಿತ್ಯನಿರಂತರಾತ್ಮನ್ -
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೮॥

ತ್ವಾಮೇವ ದೇವಿ - ಪರಿತೋ ನಿಖಿಲಾನಿ ತನ್ತ್ರಾ-
ಣ್ಯಾಭಾತಿ ತತ್ತ್ವಮಖಿಲಮ್ ಭವತೀಮ್ ವಿವೃಣ್ವತ್ ।
ತ್ವಮ್ ಸರ್ವದಾಽಸಿ ತರುಣಾರುಣದಿವ್ಯದೇಹೇ -
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೧೯॥

ನಿತ್ಯಾಽಸಿ ದೇವಿ - ಭವತೀ ನಿಖಿಲೇ ಪ್ರಪಞ್ಚೇ
ವನ್ದ್ಯಾಽಸಿ ಸರ್ವ ಭುವನೈಃ ಸತತೋದ್ಯತಾಸಿ ।
ಧೀ ಪ್ರೇರಿಕಾಽಸಿ ಭುವನಸ್ಯ ಚರಾಚರಸ್ಯ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೦॥

ವನ್ದಾಮಹೇ ಭಗವತೀಮ್ ಭವತೀಮ್ ಭವಾಬ್ಧಿ-
ಸನ್ತಾರಿಣೀಮ್ ತ್ರಿಕರಣೈಃ ಕರುಣಾಮೃತಾಬ್ದೇ-
ಸಮ್ಪಶ್ಯ ಚಿನ್ಮಯತನೋ - ಕರುಣಾರ್ದ್ರದೃಷ್ಟ್ಯಾ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೧॥

ತ್ವಮ್ ಮಾತೃಕಾಮಯತನುಃ ಪರಮ ಪ್ರಭಾವಾ
ತ್ವಯ್ಯೇವ ದೇವಿ - ಪರಮಃ ಪುರುಷಃ ಪುರಾಣಃ ।
ತ್ವತ್ತಃ ಸಮಸ್ತ ಭುವನಾನಿ ಸಮುಲ್ಲಸನ್ತಿ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೨॥

ತ್ವಮ್ ವೈ ಪ್ರಸೂರ್ನಿಖಿಲದೇವಗಣಸ್ಯ ದೇವಿ
ತ್ವಮ್ ಸ್ತೂಯಸೇ ತ್ರಿಷವಣಮ್ ನಿಖಿಲೈಶ್ಚ ಲೋಕೈಃ ।
ತ್ವಮ್ ದೇಶ ಕಾಲ ಪರಮಾರ್ಥ ಪರಿಸ್ಫುಟಾಸಿ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೩॥

ತ್ವಮ್ ಗಾಧಿಸೂನು ಪರಮರ್ಷಿ ವರೇಣ ದೃಷ್ಟಾ
ತೇಜೋಮಯೀ ಸವಿತುರಾತ್ಮಮಯಾಖಿಲಾರ್ಥಾ ।
ಸರ್ವಾರ್ಥದಾ ಪ್ರಣತ ಭಕ್ತ ಜನಸ್ಯ ಶಶ್ವತ್
ಗಾಯತ್ರಿ - ಲೋಕವಿನುತೋ - ತವ ಸುಪ್ರಭಾತಮ್ ॥ ೨೪॥

ಸಂಕಲ್ಪ್ಯ ಲೋಕಮಖಿಲಮ್ ಮನಸೈವ ಸೂಷೇ
ಕಾರುಣ್ಯಭಾವ ಕಲಿತಾಽವಸಿ ಲೋಕಮಾತಾ ।
ಕೋಪಾನ್ವಿತಾ ತಮಖಿಲಮ್ ಕುರುಷೇ ಪ್ರಲೀನಮ್
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೫॥

ಮುಕ್ತಾಭ ವಿದ್ರುಮ ಸುವರ್ಣ ಮಹೇನ್ದ್ರ ನೀಲ
ಶ್ವೇತಪ್ರಭೈರ್ ಭುವನ ರಕ್ಷಣ ಬುದ್ಧಿ ದೀಕ್ಷೈಃ ।
ವಕ್ತ್ರೈರ್ಯುತೇ - ನಿಗಮ ಮಾತರುದಾರಸತ್ತ್ವೇ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೬॥

ಕಾರುಣ್ಯ ವೀಚಿ ನಿಚಯಾಮಲ ಕಾನ್ತಿ ಕಾನ್ತಾಮ್
ಬ್ರಹ್ಮಾದಿ ಸರ್ವ ದಿವಿಜೇಡ್ಯ ಮಹಾಪ್ರಭಾವಾಮ್ ।
ಪ್ರೀತ್ಯಾ ಪ್ರಸಾರಯ ದೃಶಮ್ ಮಯಿ ಲೋಕಮಾತಃ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೭॥

ಶ್ರೀ ಲಕ್ಷ್ಮಣಾದಿ ಗುರು ಸತ್ಕರುಣೈಕಲಬ್ಧ-
ವಿದ್ಯಾ ವಿನೀತ ಮತಿಯಾನಯ ಮಾಙನೇಯಃ ।
ಸಂಸೇವತೇಽತ್ರಭವತೀಮ್ ಭುವತೀಮ್ ವಚೋಭಿಃ
ಗಾಯತ್ರಿ - ಲೋಕವಿನುತೇ - ತವ ಸುಪ್ರಭಾತಮ್ ॥ ೨೮॥

ಇತಿ ಸೀತಾರಾಮಾಙ್ಜನೇಯ ಕವಿ ಕೃತ ಗಾಯತ್ರೀ ಸುಪ್ರಭಾತಮ್ ॥



Shri Paturi SitarAmAnjaneyulu is a contemporary
poet both in Sanskrit and Telugu.
This septuagenarian is a resident of Hyderabad, AP. India.

Please send corrections to sanskrit@cheerful.com
Last updated ತ್oday
http://sanskritdocuments.org

Gayatri Suprabhatam Lyrics in Kannada PDF
% File name : gAyatrIsuprabhAtaM.itx
% Category : suprabhAta
% Location : doc\_devii
% Author : Shri Paturi Sitaramanjaneyulu
% Language : Sanskrit
% Subject : philosophy/hinduism/religion
% Transliterated by : MyP
% Proofread by : Desiraju H. Rao
% Latest update : June 9, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website