{॥ ଶ୍ରୀଗାଯତ୍ରୀ ସୁପ୍ରଭାତମ୍ ॥}
ଶ୍ରୀ ପାତୂରି ସୀତାରାମାଂଜନେଯୁଲୁ କୃତ
॥ ଶ୍ରୀରସ୍ତୁ ॥
ଶ୍ରୀ ଜାନିରଦ୍ରିତନଯାପତିରବ୍ଜଗର୍ଭଃ
ସର୍ଵେ ଚ ଦୈଵତଗଣାଃ ସମହର୍ଷଯୋଽମୀ ।
ଏତେ ଭୂତନିଚଯାଃ ସମୁଦୀରଯନ୍ତି
ଗାଯତ୍ରି - ଲୋକଵିନୁତେ ତଵ ସୁପ୍ରଭାତମ୍ ॥ ୧॥

ପୁଷ୍ପୋଚ୍ଚଯପ୍ରଵିଲସତ୍କରକଂଜଯୁଗ୍ମାମ୍
ଗଂଗାଦିଦିଵ୍ଯତଟିନୀଵରତୀରଦେଶେ- ।
ଷ୍ଵର୍ଘ୍ଯମ୍ ସମର୍ପଯିତୁମତ୍ରଜନାସ୍ତଵୈତେ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨॥

କର୍ଣେଽମୃତମ୍ ଵିକିରତା ସ୍ଵରସଂଚଯେନ
ସର୍ଵେ ଦ୍ଵିଜାଃ ଶ୍ରୁତିଗଣମ୍ ସମୁଦୀରଯନ୍ତି ।
ପଶ୍ଯାଶ୍ରମାସଥ ଵୃକ୍ଷତଲେଷୁ ଦେଵି
ଗାଯତି -ଲୋକଵିନୁତେ -ତଵ ସୁପ୍ରଭାତମ୍ ॥ ୪॥

ଗାଵୋ ମହର୍ଷିନିଚଯାଶ୍ରମ ଭୂମିଭାଗାତ୍
ଗନ୍ତୁମ୍ ଵନାଯ ଶନକୈଃ ଶନକୈଃ ପ୍ରଯାନ୍ତି ।
ଵତ୍ସାନ୍ ପଯୋଽମୃତରସମ୍ ନନୁ ପାଯଯିତ୍ଯା
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୪॥

ଶିଷ୍ଯ ପ୍ରବୋଧନପରା ଵର ମୌନି ମୁଖ୍ଯାଃ
ଵ୍ଯାଖ୍ଯାନ୍ତି ଵେଦଗଦିତମ୍ ସ୍ଫୁଟ ଧର୍ମ ତତତ୍ତ୍ଵମ୍ ।
ସ୍ଵୀଯାଶ୍ରମାଙ୍ଗଣତଲେଷୁ ମନୋହରେଷୁ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୫॥

ଶ୍ରୋତ୍ରାମୃତମ୍ ଶ୍ରୁତିରଵମ୍ କଲଯନ୍ତ ଏତେ
ଵିସ୍ମୃତ୍ଯ ଗନ୍ତୁମଟଵୀମ୍ ଫଲଲାଭଲୋଭାତ୍ ।
ଵୃକ୍ଷାଗ୍ର ଭୂମିଷୁ ଵନେଷୁ ଲସନ୍ତି କୀରାଃ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୬॥

ମୂର୍ତିତ୍ରଯାତ୍ମକଲିତେ ନିଗମ ତ୍ରଯେଣ
ଵେଦ୍ଯେ ସ୍ଵରତ୍ରଯ ପରିସ୍ଫୁଟ ମନ୍ତରୂପେ
ତତ୍ତ୍ଵପ୍ରବୋଧନପରୋପନିଷତ୍ପ୍ରପଞ୍ଚେ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୭॥

ଵିଶ୍ଵାତ୍ମିକେ ନିଗମଶୀର୍ଷଵତଂସରୂପେ
ସର୍ଵାଗମାନ୍ତରୁଦିତେ ଵରତୈଜସାତ୍ମନ୍ ।
ପ୍ରାଜ୍ଞାତ୍ମିକେ ସୃଜନପୋଷଣସଂହୃତିସ୍ଥେ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୮॥

ତୁର୍ଯାତ୍ମିକେ ସକଲତତ୍ତ୍ଵଗଣାନତୀତେ
ଆନନ୍ଦଭୋଗକଲିତେ ପରମାର୍ଧଦତ୍ରି
ବ୍ରହ୍ମାନୁଭୂତିଵରଦେ ସତତମ୍ ଜନାନାମ୍ ।
ଗାଯତ୍ରି - ଲୋକଵିନୁତେ -ସୁପ୍ରଭାତମ୍ ॥ ୯॥

ତାରସ୍ଵରେଣ ମଧୁରମ୍ ପରିଗୀଯମାନେ
ମନ୍ଦ୍ରସ୍ଵରେଣ ମଧୁରେଣ ଚ ମଧ୍ଯମେନ ।
ଗାନାତ୍ମିକେ ନିଖିଲଲୋକ ମନୋଜ୍ଞ ଭାଵେ
ଗାଯତ୍ରି - ଲୋକଵିନୁତେ - ତଵ ସୁପଭାତମ୍ ॥ ୧୦॥

ପାପାଟଵୀ ଦହନ ଜାଗୃତ ମାନସା ତ୍ଵମ୍
ଭକ୍ତୌଘ ପାଲନ ନିରଂତର ଦୀକ୍ଷିତାଽସି ।
ତ୍ଵଯ୍ଯେଵ ଵିଶ୍ଵମଖିଲମ୍ ସ୍ଥିରତାମୁପୈତି
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୧॥

ଯା ଵୈଦିକୀ ନିଖିଲ ପାଵନ ପାଵନୀ ଵାକ୍
ଯା ଲୌକିକୀ ଵ୍ଯଵହୃତି ପ୍ରଵଣା ଜନାନାମ୍ ।
ଯା କାଵ୍ଯରୂପ କଲିତା ତଵ ରୂପ ମେତାଃ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୨॥

ଦିଵ୍ଯମ୍ ଵିମାନମଧିରୁହ୍ଯ ନଭୋଙ୍ଗଣେଽତ୍ର
ଗାଯନ୍ତି ଦିଵ୍ଯ ମହିମାନମିମେ ଭଵତ୍ଯାଃ ।
ପଶ୍ଯ ପ୍ରସୀଦ ନିଚଯା ଦିଵିଜାଙ୍ଗନାନାମ୍
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୩॥

ହୈମୀମ୍ ରୁଚମ୍ ସକଲ ଭୂମିରୁହାଗ୍ରଦେଶେ-
ଷ୍ଵାଧାଯ ତତ୍କୃତ ପରୋପକୃତୌ ପ୍ରସନ୍ନଃ ।
ଭାନୁଃ କରୋତ୍ଯଵସରେ କନକାଭିଷେକମ୍
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୪॥

ଦିଵ୍ଯାପଗାସୁ ସରସୀଷୁ ଵନୀ ନିକୁଙ୍ଜେ-
ଷୂଚ୍ଚାଵଚାନି କୁସୁମାନି ମନୋହରାଣି ।
ପୁଲ୍ଲାନି ସନ୍ତି ପରିତସ୍ତଵ ପୂଜନାଯ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୫॥

କୁର୍ଵନ୍ତି ପକ୍ଷିନିଚଯାଃ କଲଗାନମେତେ
ଵୃକ୍ଷାଗ୍ରମୁନ୍ନତତରାସନମାଶ୍ରଯନ୍ତଃ
ଦେଵି - ତ୍ଵଦୀଯ ମହିମାନମୁଦୀରଯନ୍ତୋ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୬॥

ଵିଶ୍ଵେଶି - ଵିଷ୍ଣୁଭଗିନି - ଶ୍ରୁତିଵାକ୍ସ୍ଵରୂପେ -
ତନ୍ମାତ୍ରିକେ - ନିଖିଲମନ୍ତମଯସ୍ଵରୂପେ -
ଗାନାତ୍ମିକେ - ନିଖିଲତତ୍ତ୍ଵନିଜସ୍ଵରୂପେ -
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୭॥

ତେଜୋମଯି - ତ୍ରିଭୁଵନାଵନସକ୍ତଚିତ୍ତେ -
ସନ୍ଧାତ୍ମିକେ - ସକଲ କାଲ କଲା ସ୍ଵରୂପେ -
ମୃତ୍ଯୁଂଜଯେ - ଜଯିନି - ନିତ୍ଯନିରଂତରାତ୍ମନ୍ -
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୮॥

ତ୍ଵାମେଵ ଦେଵି - ପରିତୋ ନିଖିଲାନି ତନ୍ତ୍ରା-
ଣ୍ଯାଭାତି ତତ୍ତ୍ଵମଖିଲମ୍ ଭଵତୀମ୍ ଵିଵୃଣ୍ଵତ୍ ।
ତ୍ଵମ୍ ସର୍ଵଦାଽସି ତରୁଣାରୁଣଦିଵ୍ଯଦେହେ -
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୧୯॥

ନିତ୍ଯାଽସି ଦେଵି - ଭଵତୀ ନିଖିଲେ ପ୍ରପଞ୍ଚେ
ଵନ୍ଦ୍ଯାଽସି ସର୍ଵ ଭୁଵନୈଃ ସତତୋଦ୍ଯତାସି ।
ଧୀ ପ୍ରେରିକାଽସି ଭୁଵନସ୍ଯ ଚରାଚରସ୍ଯ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୦॥

ଵନ୍ଦାମହେ ଭଗଵତୀମ୍ ଭଵତୀମ୍ ଭଵାବ୍ଧି-
ସନ୍ତାରିଣୀମ୍ ତ୍ରିକରଣୈଃ କରୁଣାମୃତାବ୍ଦେ-
ସମ୍ପଶ୍ଯ ଚିନ୍ମଯତନୋ - କରୁଣାର୍ଦ୍ରଦୃଷ୍ଟ୍ଯା
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୧॥

ତ୍ଵମ୍ ମାତୃକାମଯତନୁଃ ପରମ ପ୍ରଭାଵା
ତ୍ଵଯ୍ଯେଵ ଦେଵି - ପରମଃ ପୁରୁଷଃ ପୁରାଣଃ ।
ତ୍ଵତ୍ତଃ ସମସ୍ତ ଭୁଵନାନି ସମୁଲ୍ଲସନ୍ତି
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୨॥

ତ୍ଵମ୍ ଵୈ ପ୍ରସୂର୍ନିଖିଲଦେଵଗଣସ୍ଯ ଦେଵି
ତ୍ଵମ୍ ସ୍ତୂଯସେ ତ୍ରିଷଵଣମ୍ ନିଖିଲୈଶ୍ଚ ଲୋକୈଃ ।
ତ୍ଵମ୍ ଦେଶ କାଲ ପରମାର୍ଥ ପରିସ୍ଫୁଟାସି
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୩॥

ତ୍ଵମ୍ ଗାଧିସୂନୁ ପରମର୍ଷି ଵରେଣ ଦୃଷ୍ଟା
ତେଜୋମଯୀ ସଵିତୁରାତ୍ମମଯାଖିଲାର୍ଥା ।
ସର୍ଵାର୍ଥଦା ପ୍ରଣତ ଭକ୍ତ ଜନସ୍ଯ ଶଶ୍ଵତ୍
ଗାଯତ୍ରି - ଲୋକଵିନୁତୋ - ତଵ ସୁପ୍ରଭାତମ୍ ॥ ୨୪॥

ସଂକଲ୍ପ୍ଯ ଲୋକମଖିଲମ୍ ମନସୈଵ ସୂଷେ
କାରୁଣ୍ଯଭାଵ କଲିତାଽଵସି ଲୋକମାତା ।
କୋପାନ୍ଵିତା ତମଖିଲମ୍ କୁରୁଷେ ପ୍ରଲୀନମ୍
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୫॥

ମୁକ୍ତାଭ ଵିଦ୍ରୁମ ସୁଵର୍ଣ ମହେନ୍ଦ୍ର ନୀଲ
ଶ୍ଵେତପ୍ରଭୈର୍ ଭୁଵନ ରକ୍ଷଣ ବୁଦ୍ଧି ଦୀକ୍ଷୈଃ ।
ଵକ୍ତ୍ରୈର୍ଯୁତେ - ନିଗମ ମାତରୁଦାରସତ୍ତ୍ଵେ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୬॥

କାରୁଣ୍ଯ ଵୀଚି ନିଚଯାମଲ କାନ୍ତି କାନ୍ତାମ୍
ବ୍ରହ୍ମାଦି ସର୍ଵ ଦିଵିଜେଡ୍ଯ ମହାପ୍ରଭାଵାମ୍ ।
ପ୍ରୀତ୍ଯା ପ୍ରସାରଯ ଦୃଶମ୍ ମଯି ଲୋକମାତଃ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୭॥

ଶ୍ରୀ ଲକ୍ଷ୍ମଣାଦି ଗୁରୁ ସତ୍କରୁଣୈକଲବ୍ଧ-
ଵିଦ୍ଯା ଵିନୀତ ମତିଯାନଯ ମାଙନେଯଃ ।
ସଂସେଵତେଽତ୍ରଭଵତୀମ୍ ଭୁଵତୀମ୍ ଵଚୋଭିଃ
ଗାଯତ୍ରି - ଲୋକଵିନୁତେ - ତଵ ସୁପ୍ରଭାତମ୍ ॥ ୨୮॥

ଇତି ସୀତାରାମାଙ୍ଜନେଯ କଵି କୃତ ଗାଯତ୍ରୀ ସୁପ୍ରଭାତମ୍ ॥



Shri Paturi SitarAmAnjaneyulu is a contemporary
poet both in Sanskrit and Telugu.
This septuagenarian is a resident of Hyderabad, AP. India.

Please send corrections to sanskrit@cheerful.com
Last updated ତ୍oday
http://sanskritdocuments.org

Gayatri Suprabhatam Lyrics in Oriya PDF
% File name : gAyatrIsuprabhAtaM.itx
% Category : suprabhAta
% Location : doc\_devii
% Author : Shri Paturi Sitaramanjaneyulu
% Language : Sanskrit
% Subject : philosophy/hinduism/religion
% Transliterated by : MyP
% Proofread by : Desiraju H. Rao
% Latest update : June 9, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website