{॥ శ్రీగాయత్రీ సుప్రభాతమ్ ॥}
శ్రీ పాతూరి సీతారామాంజనేయులు కృత
॥ శ్రీరస్తు ॥
శ్రీ జానిరద్రితనయాపతిరబ్జగర్భః
సర్వే చ దైవతగణాః సమహర్షయోఽమీ ।
ఏతే భూతనిచయాః సముదీరయన్తి
గాయత్రి - లోకవినుతే తవ సుప్రభాతమ్ ॥ ౧॥

పుష్పోచ్చయప్రవిలసత్కరకంజయుగ్మామ్
గంగాదిదివ్యతటినీవరతీరదేశే- ।
ష్వర్ఘ్యమ్ సమర్పయితుమత్రజనాస్తవైతే
గాయత్రి - లోకవినుతే - తవ సుప్రభాతమ్ ॥ ౨॥

కర్ణేఽమృతమ్ వికిరతా స్వరసంచయేన
సర్వే ద్విజాః శ్రుతిగణమ్ సముదీరయన్తి ।
పశ్యాశ్రమాసథ వృక్షతలేషు దేవి
గాయతి -లోకవినుతే -తవ సుప్రభాతమ్ ॥ ౪॥

గావో మహర్షినిచయాశ్రమ భూమిభాగాత్
గన్తుమ్ వనాయ శనకైః శనకైః ప్రయాన్తి ।
వత్సాన్ పయోఽమృతరసమ్ నను పాయయిత్యా
గాయత్రి - లోకవినుతే - తవ సుప్రభాతమ్ ॥ ౪॥

శిష్య ప్రబోధనపరా వర మౌని ముఖ్యాః
వ్యాఖ్యాన్తి వేదగదితమ్ స్ఫుట ధర్మ తతత్త్వమ్ ।
స్వీయాశ్రమాఙ్గణతలేషు మనోహరేషు
గాయత్రి - లోకవినుతే - తవ సుప్రభాతమ్ ॥ ౫॥

శ్రోత్రామృతమ్ శ్రుతిరవమ్ కలయన్త ఏతే
విస్మృత్య గన్తుమటవీమ్ ఫలలాభలోభాత్ ।
వృక్షాగ్ర భూమిషు వనేషు లసన్తి కీరాః
గాయత్రి - లోకవినుతే - తవ సుప్రభాతమ్ ॥ ౬॥

మూర్తిత్రయాత్మకలితే నిగమ త్రయేణ
వేద్యే స్వరత్రయ పరిస్ఫుట మన్తరూపే
తత్త్వప్రబోధనపరోపనిషత్ప్రపఞ్చే
గాయత్రి - లోకవినుతే - తవ సుప్రభాతమ్ ॥ ౭॥

విశ్వాత్మికే నిగమశీర్షవతంసరూపే
సర్వాగమాన్తరుదితే వరతైజసాత్మన్ ।
ప్రాజ్ఞాత్మికే సృజనపోషణసంహృతిస్థే
గాయత్రి - లోకవినుతే - తవ సుప్రభాతమ్ ॥ ౮॥

తుర్యాత్మికే సకలతత్త్వగణానతీతే
ఆనన్దభోగకలితే పరమార్ధదత్రి
బ్రహ్మానుభూతివరదే సతతమ్ జనానామ్ ।
గాయత్రి - లోకవినుతే -సుప్రభాతమ్ ॥ ౯॥

తారస్వరేణ మధురమ్ పరిగీయమానే
మన్ద్రస్వరేణ మధురేణ చ మధ్యమేన ।
గానాత్మికే నిఖిలలోక మనోజ్ఞ భావే
గాయత్రి - లోకవినుతే - తవ సుపభాతమ్ ॥ ౧౦॥

పాపాటవీ దహన జాగృత మానసా త్వమ్
భక్తౌఘ పాలన నిరంతర దీక్షితాఽసి ।
త్వయ్యేవ విశ్వమఖిలమ్ స్థిరతాముపైతి
గాయత్రి - లోకవినుతే - తవ సుప్రభాతమ్ ॥ ౧౧॥

యా వైదికీ నిఖిల పావన పావనీ వాక్
యా లౌకికీ వ్యవహృతి ప్రవణా జనానామ్ ।
యా కావ్యరూప కలితా తవ రూప మేతాః
గాయత్రి - లోకవినుతే - తవ సుప్రభాతమ్ ॥ ౧౨॥

దివ్యమ్ విమానమధిరుహ్య నభోఙ్గణేఽత్ర
గాయన్తి దివ్య మహిమానమిమే భవత్యాః ।
పశ్య ప్రసీద నిచయా దివిజాఙ్గనానామ్
గాయత్రి - లోకవినుతే - తవ సుప్రభాతమ్ ॥ ౧౩॥

హైమీమ్ రుచమ్ సకల భూమిరుహాగ్రదేశే-
ష్వాధాయ తత్కృత పరోపకృతౌ ప్రసన్నః ।
భానుః కరోత్యవసరే కనకాభిషేకమ్
గాయత్రి - లోకవినుతే - తవ సుప్రభాతమ్ ॥ ౧౪॥

దివ్యాపగాసు సరసీషు వనీ నికుఙ్జే-
షూచ్చావచాని కుసుమాని మనోహరాణి ।
పుల్లాని సన్తి పరితస్తవ పూజనాయ
గాయత్రి - లోకవినుతే - తవ సుప్రభాతమ్ ॥ ౧౫॥

కుర్వన్తి పక్షినిచయాః కలగానమేతే
వృక్షాగ్రమున్నతతరాసనమాశ్రయన్తః
దేవి - త్వదీయ మహిమానముదీరయన్తో
గాయత్రి - లోకవినుతే - తవ సుప్రభాతమ్ ॥ ౧౬॥

విశ్వేశి - విష్ణుభగిని - శ్రుతివాక్స్వరూపే -
తన్మాత్రికే - నిఖిలమన్తమయస్వరూపే -
గానాత్మికే - నిఖిలతత్త్వనిజస్వరూపే -
గాయత్రి - లోకవినుతే - తవ సుప్రభాతమ్ ॥ ౧౭॥

తేజోమయి - త్రిభువనావనసక్తచిత్తే -
సన్ధాత్మికే - సకల కాల కలా స్వరూపే -
మృత్యుంజయే - జయిని - నిత్యనిరంతరాత్మన్ -
గాయత్రి - లోకవినుతే - తవ సుప్రభాతమ్ ॥ ౧౮॥

త్వామేవ దేవి - పరితో నిఖిలాని తన్త్రా-
ణ్యాభాతి తత్త్వమఖిలమ్ భవతీమ్ వివృణ్వత్ ।
త్వమ్ సర్వదాఽసి తరుణారుణదివ్యదేహే -
గాయత్రి - లోకవినుతే - తవ సుప్రభాతమ్ ॥ ౧౯॥

నిత్యాఽసి దేవి - భవతీ నిఖిలే ప్రపఞ్చే
వన్ద్యాఽసి సర్వ భువనైః సతతోద్యతాసి ।
ధీ ప్రేరికాఽసి భువనస్య చరాచరస్య
గాయత్రి - లోకవినుతే - తవ సుప్రభాతమ్ ॥ ౨౦॥

వన్దామహే భగవతీమ్ భవతీమ్ భవాబ్ధి-
సన్తారిణీమ్ త్రికరణైః కరుణామృతాబ్దే-
సమ్పశ్య చిన్మయతనో - కరుణార్ద్రదృష్ట్యా
గాయత్రి - లోకవినుతే - తవ సుప్రభాతమ్ ॥ ౨౧॥

త్వమ్ మాతృకామయతనుః పరమ ప్రభావా
త్వయ్యేవ దేవి - పరమః పురుషః పురాణః ।
త్వత్తః సమస్త భువనాని సముల్లసన్తి
గాయత్రి - లోకవినుతే - తవ సుప్రభాతమ్ ॥ ౨౨॥

త్వమ్ వై ప్రసూర్నిఖిలదేవగణస్య దేవి
త్వమ్ స్తూయసే త్రిషవణమ్ నిఖిలైశ్చ లోకైః ।
త్వమ్ దేశ కాల పరమార్థ పరిస్ఫుటాసి
గాయత్రి - లోకవినుతే - తవ సుప్రభాతమ్ ॥ ౨౩॥

త్వమ్ గాధిసూను పరమర్షి వరేణ దృష్టా
తేజోమయీ సవితురాత్మమయాఖిలార్థా ।
సర్వార్థదా ప్రణత భక్త జనస్య శశ్వత్
గాయత్రి - లోకవినుతో - తవ సుప్రభాతమ్ ॥ ౨౪॥

సంకల్ప్య లోకమఖిలమ్ మనసైవ సూషే
కారుణ్యభావ కలితాఽవసి లోకమాతా ।
కోపాన్వితా తమఖిలమ్ కురుషే ప్రలీనమ్
గాయత్రి - లోకవినుతే - తవ సుప్రభాతమ్ ॥ ౨౫॥

ముక్తాభ విద్రుమ సువర్ణ మహేన్ద్ర నీల
శ్వేతప్రభైర్ భువన రక్షణ బుద్ధి దీక్షైః ।
వక్త్రైర్యుతే - నిగమ మాతరుదారసత్త్వే
గాయత్రి - లోకవినుతే - తవ సుప్రభాతమ్ ॥ ౨౬॥

కారుణ్య వీచి నిచయామల కాన్తి కాన్తామ్
బ్రహ్మాది సర్వ దివిజేడ్య మహాప్రభావామ్ ।
ప్రీత్యా ప్రసారయ దృశమ్ మయి లోకమాతః
గాయత్రి - లోకవినుతే - తవ సుప్రభాతమ్ ॥ ౨౭॥

శ్రీ లక్ష్మణాది గురు సత్కరుణైకలబ్ధ-
విద్యా వినీత మతియానయ మాఙనేయః ।
సంసేవతేఽత్రభవతీమ్ భువతీమ్ వచోభిః
గాయత్రి - లోకవినుతే - తవ సుప్రభాతమ్ ॥ ౨౮॥

ఇతి సీతారామాఙ్జనేయ కవి కృత గాయత్రీ సుప్రభాతమ్ ॥



Shri Paturi SitarAmAnjaneyulu is a contemporary
poet both in Sanskrit and Telugu.
This septuagenarian is a resident of Hyderabad, AP. India.

Please send corrections to sanskrit@cheerful.com
Last updated త్oday
http://sanskritdocuments.org

Gayatri Suprabhatam Lyrics in Telugu PDF
% File name : gAyatrIsuprabhAtaM.itx
% Category : suprabhAta
% Location : doc\_devii
% Author : Shri Paturi Sitaramanjaneyulu
% Language : Sanskrit
% Subject : philosophy/hinduism/religion
% Transliterated by : MyP
% Proofread by : Desiraju H. Rao
% Latest update : June 9, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website