{॥ మహాగాయత్రీలీలాస్తుతీ ॥}
ఓం
అథ మహాగాయత్రీలీలాస్తుతిః ।
సదా గవేషయన్ జగత్రయేషు వేదమాతరం
చిదాత్మనా కృతస్థితం సమత్ర చాద్య లబ్ధవాన్ ।
ఉదస్రు గదదం మహోదయాత్ప్రణౌమి భక్తినౌకయా
సుదుస్తరం ద్రుతం తితీర్షురాపదర్ణవమ్ ॥ ౧॥

సుహీనలోకపాతినీ సతాం కృపాఽతిశోభతే
హ్యత్సుధాంశుచక్షుషే క్షయామ్బ ! మాద్యశం జనమ్ ।
నవాపి హీయతే తవేషదీశి ! పాలనేననో
భవాద్యతః కుపుత్రతా న భాసతే ప్రసూహ్రది ॥ ౨।

నమామి ముక్తవిద్రుమప్రతప్తహాటకాఽసితా-
వదాతవర్ణసున్దరైః షడర్ధలోలలోచనైః ।
సరోజషణ్డబాన్ధవప్రతప్తపావకప్రభైః
కిరీటరత్నరఞ్జితైః సుధాంశుఖణ్డమణ్డితైః ॥ ౩॥

ముఖైర్దశార్ధసంమితైర్విరాజమానవిగ్రహాం
సురేశచాపసప్రభాం సమస్తదేవవన్దితామ్ ।
వరాభయాఙ్కుశాన్వితైః కపాలశూల శంఖ-
చక్రసారసద్వయీగుణాఙ్కితైః కరైర్విరాజితామ్ ॥ ౪॥

భవద్రుమస్య మూలతాం గతాం మునీన్ద్రవన్దితామ్
అఖణ్డ భావమణ్డలప్రకాశకారిణీం శివామ్ ।
సమస్తదేవతామయీం సమస్త సిద్ధిదయినీమ్
పూర్వరూప విగ్రహాం సరస్వతీం భవార్తిహామ్ ॥ ౫॥

శుచీన్దుసూర్యలోచనాం శుచీన్దుసూర్య విగ్రహామ్
శుచీన్దుసూర్యసఙ్గమస్వభావశాలినీం శుభామ్ ।
పదద్వయానుకమ్పితస్వశక్తిచక్రసేవితాం
పరేశశక్తిముత్తమాం భజే త్రిలోకసున్దరీమ్ ॥ ౬॥

మహామహేశ్వరీ జగద్విసర్గసుస్థితిక్షయ-
స్వతంత్రతా శరీరిణీ బభూవ యా మహేశితుః ।
ద్విపత్రితాదిభేదతో లతాయమానవిగ్రహా
త్రయీశ్వరీ సదా తు సా జగఙ్జయాయ జాయతామ్ ॥ ౭॥

నమామి తన్ముఖారవిన్దపఞ్చకం మలాపహం
గలైకనాలకం సదావికాసి భక్తిసమ్భవమ్ ।
స్వభక్తహంససేవితం శుచీన్దుపద్మబన్ధవః
ప్రతీకభూతవిగ్రహా గతా హి యత్ర పఞ్చతామ్ ॥ ౮॥

భవార్ణవేఽతిదుఃసహస్మరాధిదిగ్ధమానసం
షడూర్మినిత్యపీడితం జనం దిధీర్షుమానసా ।
శ్రుతిధ్వనిస్ఫురన్ముఖారవిన్దభూసురైః సదా
త్రిసన్ధ్యమీశ్వరీ నుతాఽస్తు సా సుఖప్రదా హి నః ॥ ౯॥

త్రయీప్రసూః స్వదృష్టిపాతధూతభక్తకల్మషా
సమైర్జునైర్నుతా ముదా స్వవర్ణధర్మభేదతః ।
నిలిమ్పనిమ్నగామిషేణ పాదద్యౌతజం జలం
యదీయమాగతం క్షిర్తి తనోతు నః శివం తు సా ॥ ౧౦॥

స్వదమ్భవఞ్చితాఖిలం కుభోగసక్తమానసం
సదాఽశుచిం కుమార్గగం శఠం చ శఙ్కసే యది ।
కథం స్వపాదచిన్తనోత్థవైభవం నహీశ్వరి !
యతోఙ్వ్రిచిన్తకం దయాదృశేక్షసే న మాద్యశమ్ ॥ ౧౧॥

అనేకదోషదూషితేష్వనిర్వివేచనా సతీ
స్వతంత్రశక్తిరీశ్వరీ భవాధనాశకారిణీ ।
కృపామయీమ్ దృశం విధాయ సా స్వభక్తిపాత్రితం
స్వపత్కజే మధువ్రతం కరోతు మామహర్నిశమ్ ॥ ౧౨॥

త్రిసన్ధ్యమిష్టదైవతం సుకేశవాస్యజం స్తవం
స్మరన్ హృదీద్ధభావనో విధాయ వేదమాతరమ్ ।
విధూయ పాపసంచయం వితీర్య కీర్తిముత్తమామ్-
ఇహ త్వముత్ర కైవలం పదం స యాతి నిర్భయమ్ ॥ ౧౩॥

ఇతి శ్రీమహాగాయత్రీలీలాస్తుతిః ।

Encoded and proofread Jagannath Vedula jvedula at yahoo.com

Please send corrections to sanskrit@cheerful.com
Last updated త్oday
http://sanskritdocuments.org

Maha Gayatri Lila Stuti Lyrics in Telugu PDF
% File name : mahAgAyatrilIlAstuti.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Jagannath Vedula jvedula at yahoo.com
% Proofread by : Jagannath Vedula jvedula at yahoo.com
% Latest update : September 11, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website