{॥ తులసీ పూజా ॥}
॥అథ తులసీ పూజా ప్రారంభః॥
॥శ్రీగణేశాయ నమః॥
॥అథ తులసీపూజనం లిఖ్యతే॥
శ్రీమహాదేవ ఉవాచ॥

శుభే పక్షే శుభే వారే శుభే ఋక్షే శుభోదయే ।
కేశవార్థే శుభాంశే చ రోపయేత్తులసీం మునిః ॥౧॥

గృహస్థో గృహమధ్యే వా గృహస్థోపవనేపి వా ।
శుచౌ దేశే తు తులసీమర్చ్చయేద్బుద్ధిమాన్నరః ॥౨॥

మూలే చ వేదికాం కృత్వా ఆలవాలసమన్వితామ్ ।
ప్రాతఃసంధ్యావిధిం కృత్వా స్నానపూర్వం దినే దినే ॥౩॥

గాయత్ర్యష్టజపం కృత్వా తులసీం పూజయేత్తతః ।
ప్రాఙ్ముఖోదఙ్ముఖో వాపి స్థిత్వా ప్రయతమానసః ॥౪॥

ధ్యాయేచ్చ తులసీం దేవీం శ్యామాం కమలలోచనామ్
ప్రసన్నపద్మకల్హారవరాభయచతుర్భుజామ్ ॥౫॥

కిరీటహారకేయూరకుండలాదివిభూషితామ్ ।
ధవలాంశుకసంయుక్తాం పద్మాసననిషేదుషీమ్ ॥౬॥ ఇతి ధ్యానమ్॥

దేవి త్రైలోక్యజనని సర్వలోకైకపావని ।
ఆగచ్ఛ భగవత్యత్ర ప్రసీద తులసి ద్రుతమ్ ॥౭॥ ఆవాహనమ్॥

సర్వ దేవమయే దేవి సర్వదా విష్ణువల్లభే ।
రత్నస్వర్ణమయం దివ్యం గృహాణాసనమవ్యయే ॥౮॥ ఆసనమ్॥

సర్వదేవమయాకారే సర్వదేవనమోఽస్తుతే ।
పాద్యం గృహాణ దేవేశి తులసి త్వం ప్రసీద మే ॥౯॥ పాద్యమ్॥

సర్వ దేవమయాకారే సర్వాంగమణిశోభితే ।
ఇదమర్ఘంగృహానత్వం దేవి దైత్యాంన్తకప్రియే ॥౧౦॥ అర్ఘ్యమ్॥

సర్వలోకస్య రక్షార్థం సదా సంనిధికారరిణి॥

గృహాణ తులసి ప్రీత్యా ఇదమాచమనీయకం ॥౧౧॥ ఆచమనమ్॥

గంగాదిభ్యో నదీభ్యశ్చ సమానీతమిదం జలమ్ ।
స్నానార్థం తులసి స్వచ్ఛం ప్రీత్యా తత్ప్రతిగృత్ద్యతామ్ ॥౧౨॥ స్నానమ్॥

క్షిరోదమథనోద్భూతే చంద్రలక్ష్మీసహోదరే ।
గృత్ద్యతాం పరిధానార్థమిదం క్షౌమాంబరం శుభే ॥౧౩॥ వస్త్రమ్॥

శ్రీగంధం కుంకుమం దివ్యం కర్పూరాగరుసంయుతమ్ ।
కల్పితం తే మహాదేవి ప్రీత్యర్థం ప్రతిగృత్ద్యతామ్ ॥౧౪॥ గంధమ్॥

నీలోత్పలం తు కల్హారమాలత్యాదీని శోభనే ।
పద్మాదిగంధవంతీని పుష్పాణి ప్రతిగృత్ద్యతామ్ ॥౧౫॥ పుష్పమ్॥

ధూపం గృహాణ్ దేవేశి మనోహారి సగుగ్గలమ్ ।
ఆజ్యమిస్రం తు తులసి భక్తాభిష్టప్రదాయిని ॥౧౬॥ ధూపమ్॥

అజ్ఞానతిమిరాంధస్య జ్ఞానదీపప్రదాయినీ ।
త్వయా తు తులసి ప్రితా దీపోయం ప్రతిగృత్ద్యతామ్ ॥౧౭॥ దీపమ్ ।

నమస్తే జగతాం నాథే ప్రాణినాం ప్రియదర్శనే ।
యథాశక్తి మయా దత్తం నైవేద్యమ్ ప్రతిగృత్ద్యతామ్ ॥౧౮॥ నైవేద్యమ్॥

నమో భగవతే శ్రేష్ఠే నారయనజగన్మయే ।
తులసి త్వరయా దేవి పానీయం ప్రతిగృత్ద్యతామ్ ॥౧౯॥ పానీయమ్॥

అమృతేమృతసంభూతే తులస్యమృతరూపిణి ।
కర్పూరాదిసమాయుక్తం తాంబూలం ప్రతిగృత్ద్యతామ్ ॥౨౦॥ తాంబూలమ్॥

దక్షిణా దక్షిణకరే త్వద్భక్తానాం ప్రియంకరి ।
కరోమి తే సదా భక్త్యా విష్ణుకాంతే ప్రదక్షిణామ్ ॥౨౧॥

నమో నమో జగద్ధాత్ర్యై జగదాద్యై నమో నమః ।
నమో నమో జగద్భూత్యై నమస్తే పరమేశ్వరి ॥౨౨॥

ప్రసీద మమ దేవేశి కృపయా పరయా సదా ।
అభిష్టఫలసిద్ధ్యర్థ కురు మే మాధవప్రియే ॥౨౩॥

ఇత్యేవమర్చ్చయేన్నిత్యం ప్రాతరేవ శుచిర్నరః ।
మధ్యాహ్నే వాథ సాయాహ్నే పూజయేత్ప్రయతో నరః ॥౨౪॥

॥ఇతి తులసీపూజాసమ్పూర్ణా॥

Encoded by Daniel Mohanpersad danielmohanpersad98@msn.com

Please send corrections to sanskrit@cheerful.com
Last updated త్oday
http://sanskritdocuments.org

Tulasi Puja Lyrics in Telugu PDF
% File name : tulasipujaa.itx
% Category : pUjA
% Location : doc\_deities\_misc
% Author : shiva
% Language : Sanskrit
% Subject : hinduism/religion
% Transliterated by : Daniel Mohanpersad (danielmohanpersad98 at msn.com)
% Proofread by : Daniel Mohanpersad (danielmohanpersad98 at msn.com)
% Translated by : (not translated)
% Latest update : August 25, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website