{॥ శ్రీతులసీస్తోత్రమ్ ॥}
జగద్ధాత్రి! నమస్తుభ్యం విష్ణోశ్చ ప్రియవల్లభే ।
యతో బ్రహ్మాదయో దేవాః సృష్టి స్థిత్యన్తకారిణః ॥

నమస్తులసి కల్యాణి నమో విష్ణుప్రియే శుభే ।
నమో మోక్షప్రదే దేవి నమః సమ్పత్ప్రదాయికే ॥

తులసీ పాతు మాం నిత్యం సర్వాపద్భ్యోఽపి సర్వదా ।
కీర్తితాపి స్మృతా వాపి పవిత్రయతి మానవమ్ ॥

నమామి శిరసా దేవీం తులసీం విలసత్తనుమ్ ।
యాం దృష్ట్వా పాపినో మర్త్యా ముచ్యన్తే సర్వకిల్బిషాత్ ॥

తులస్యా రక్షితం సర్వం జగదేతచ్చరాచరమ్ ।
యా వినిహన్తి పాపాని దృష్ట్వా వా పాపిభిర్నరైః ॥

నమస్తులస్యతితరాం యస్యై బద్ధాఞ్జలిం కలౌ ।
కలయన్తి సుఖం సర్వం స్త్రియో వైశ్యాస్తథాఽపరే ॥

తులస్యా నాపరం కిఞ్చిద్దైవతం జగతీతలే ।
యథా పవిత్రితో లోకో విష్ణుసఙ్గేన వైష్ణవః ॥

తులస్యాః పల్లవం విష్ణోః శిరస్యారోపితం కలౌ ।
ఆరోపయతి సర్వాణి శ్రేయాంసి వరమస్తకే ॥

తులస్యాం సకలా దేవా వసన్తి సతతం యతః ।
అతస్తామర్చయేల్లోకే సర్వాన్ దేవాన్ సమర్చయన్ ॥

నమస్తులసి సర్వజ్ఞే పురుషోత్తమవల్లభే ।
పాహి మాం సర్వ పాపేభ్యః సర్వసమ్పత్ప్రదాయికే ॥

ఇతి స్తోత్రం పురా గీతం పుణ్డరీకేణ ధీమతా ।
విష్ణుమర్చయతా నిత్యం శోభనైస్తులసీదలైః ॥

తులసీ శ్రీర్మహాలక్ష్మీర్విద్యావిద్యా యశస్వినీ ।
ధర్మ్యా ధర్మాననా దేవీ దేవీదేవమనఃప్రియా ॥

లక్ష్మీప్రియసఖీ దేవీ ద్యౌర్భూమిరచలా చలా ।
షోడశైతాని నామాని తులస్యాః కీర్తయన్నరః ॥

లభతే సుతరాం భక్తిమన్తే విష్ణుపదం లభేత్ ।
తులసీ భూర్మహాలక్ష్మీః పద్మినీ శ్రీర్హరిప్రియా ॥

తులసి శ్రీసఖి శుభే పాపహారిణి పుణ్యదే ।
నమస్తే నారదనుతే నారాయణమనఃప్రియే ॥

ఇతి శ్రీపుణ్డరీకకృతం తులసీస్తోత్రమ్ సమ్పూర్ణమ్ ॥


Proofread by Dr. Varagur S.V. Rajan
sankrityaraja@shaw.ca and Anuradha


Please send corrections to sanskrit@cheerful.com
Last updated త్oday
http://sanskritdocuments.org

Tulasi Stotram Lyrics in Telugu PDF
% File name : tulasIstotram.itx
% Location : doc\_deities\_misc
% Author : Sri Pundarikaksha
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Anuradha anuradha at cs.com and Dr. Varagur S.V. Rajan sankrityaraja at shaw.ca
% Latest update : September 8, 2004
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website