{॥ യമുനാഷ്ടകമ് ൨ ॥}
॥ ശ്രീഃ॥
കൃപാപാരാവാരാം തപനതനയാം താപശമനീം
മുരാരിപ്രേയസ്യാം ഭവഭയദവാം ഭക്തിവരദാമ് ।
വിയജ്ജ്വാലോന്മുക്താം ശ്രിയമപി സുഖാപ്തേഃ പരിദിനം
സദാ ധീരോ നൂനം ഭജതി യമുനാം നിത്യഫലദാമ് ॥ ൧॥

മധുവനചാരിണി ഭാസ്കരവാഹിനി ജാഹ്നവിസങ്ഗിനി സിന്ധുസുതേ
മധുരിപുഭൂഷണി മാധവതോഷിണി ഗോകുലഭീതിവിനാശകൃതേ ।
ജഗദഘമോചിനി മാനസദായിനി കേശവകേലിനിദാനഗതേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൨॥

അയി മധുരേ മധുമോദവിലാസിനി ശൈലവിദാരിണി വേഗപരേ
പരിജനപാലിനി ദുഷ്ടനിഷൂദിനി വാഞ്ഛിതകാമവിലാസധരേ ।
വ്രജപുരവാസിജനാര്ജിതപാതകഹാരിണി വിശ്വജനോദ്ധരികേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൩॥

അതിവിപദമ്ബുധിമഗ്നജനം ഭവതാപശതാകുലമാനസകം
ഗതിമതിഹീനമശേഷഭയാകുലമാഗതപാദസരോജയുഗമ് ।
ഋണഭയഭീതിമനിഷ്കൃതിപാതകകോടിശതായുതപുഞ്ജതരം
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൪॥

നവജലദദ്യുതികോടിലസത്തനുഹേമഭയാഭരരഞ്ജിതകേ
തഡിദവഹേലിപദാഞ്ചലചഞ്ചലശോഭിതപീതസുചേലധരേ ।
മണിമയഭൂഷണചിത്രപടാസനരഞ്ജിതഗഞ്ജിതഭാനുകരേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൫॥

ശുഭപുലിനേ മധുമത്തയദൂദ്ഭവരാസമഹോത്സവകേലിഭരേ
ഉച്ചകുലാചലരാജിതമൌക്തികഹാരമയാഭരരോദസികേ ।
നവമണികോടികഭാസ്കരകഞ്ചുകിശോഭിതതാരകഹാരയുതേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൬॥

കരിവരമൌക്തികനാസികഭൂഷണവാതചമത്കൃതചഞ്ചലകേ
മുഖകമലാമലസൌരഭചഞ്ചലമത്തമധുവ്രതലോചനികേ ।
മണിഗണകുണ്ഡലലോലപരിസ്ഫുരദാകുലഗണ്ഡയുഗാമലകേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൭॥

കലരവനൂപുരഹേമമയാചിതപാദസരോരുഹസാരുണികേ
ധിമിധിമിധിമിധിമിതാലവിനോദിതമാനസമഞ്ജുലപാദഗതേ ।
തവ പദപങ്കജമാശ്രിതമാനവചിത്തസദാഖിലതാപഹരേ
ജയ യമുനേ ജയ ഭീതിനിവാരിണി സംകടനാശിനി പാവയ മാമ് ॥ ൮॥

ഭവോത്താപാമ്ഭോധൌ നിപതിതജനോ ദുര്ഗതിയുതോ
യദി സ്തൌതി പ്രാതഃ പ്രതിദിനമന്യാശ്രയതയാ ।
ഹയാഹ്രേഷൈഃ കാമം കരകുസുമപുഞ്ജൈ രവിസുതാം
സദാ ഭോക്താ ഭോഗാന്മരണസമയേ യാതി ഹരിതാമ് ॥ ൯॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
യമുനാഷ്ടകമ് സമ്പൂര്ണമ് ॥



Encoded by Sridhar Seshagiri

Please send corrections to sanskrit@cheerful.com
Last updated ത്oday
http://sanskritdocuments.org

Yamuna Ashtakam 2 Lyrics in Malayalam PDF
% File name : yamunaa82.itx
% Category : aShTaka
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Latest update : August 23, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website