ನರ್ಮದಾಷ್ಟಕಂ

{॥ ನರ್ಮದಾಷ್ಟಕಂ ॥}
ಸಬಿನ್ದುಸಿನ್ಧುಸುಸ್ಖಲತ್ತರಙ್ಗಭಙ್ಗರಞ್ಜಿತಂ
ದ್ವಿಷತ್ಸು ಪಾಪಜಾತಜಾತಕಾದಿವಾರಿಸಂಯುತಮ್ ।
ಕೃತಾನ್ತದೂತಕಾಲಭೂತಭೀತಿಹಾರಿವರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೧॥

ತ್ವದಮ್ಬುಲೀನದೀನಮೀನದಿವ್ಯಸಮ್ಪ್ರದಾಯಕಂ
ಕಲೌ ಮಲೌಘಭಾರಹಾರಿಸರ್ವತೀರ್ಥನಾಯಕಮ್ ।
ಸುಮಚ್ಛಕಚ್ಛನಕ್ರಚಕ್ರವಾಕಚಕ್ರಶರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೨॥

ಮಹಾಗಭೀರನೀರಪೂರಪಾಪಧೂತಭೂತಲಂ
ಧ್ವನತ್ಸಮಸ್ತಪಾತಕಾರಿದಾರಿತಾಪದಾಚಲಮ್ ।
ಜಗಲ್ಲಯೇ ಮಹಾಭಯೇ ಮೃಕಣ್ಡುಸೂನುಹರ್ಮ್ಯದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೩ ॥

ಗತಂ ತದೈವ ಮೇ ಭಯಂ ತ್ವದಮ್ಬು ವೀಕ್ಷಿತಂ ಯದಾ
ಮೃಕಣ್ಡುಸೂನುಶೌನಕಾಸುರಾರಿಸೇವಿತಂ ಸದಾ ।
ಪುನರ್ಭವಾಬ್ಧಿಜನ್ಮಜಂ ಭವಾಬ್ಧಿದುಃಖವರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೪॥

ಅಲಕ್ಷ್ಯಲಕ್ಷಕಿನ್ನರಾಮರಾಸುರಾದಿಪೂಜಿತಂ
ಸುಲಕ್ಷನೀರತೀರಧೀರಪಕ್ಷಿಲಕ್ಷಕೂಜಿತಮ್ ।
ವಸಿಷ್ಠಶಿಷ್ಟಪಿಪ್ಪಲಾದಿಕರ್ದಮಾದಿಶರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೫॥

ಸನತ್ಕುಮಾರನಾಚಿಕೇತಕಶ್ಯಪಾತ್ರಿಷತ್ಪದೈಃ
ಧೃತಂ ಸ್ವಕೀಯಮಾನಸೇಷು ನಾರದಾದಿಷತಪದೈಃ ।
ರವೀನ್ದುರನ್ತಿದೇವದೇವರಾಜಕರ್ಮಶರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೬॥

ಅಲಕ್ಷಲಕ್ಷಲಕ್ಷಪಾಪಲಕ್ಷಸಾರಸಾಯುಧಂ
ತತಸ್ತು ಜೀವಜನ್ತುತನ್ತುಭುಕ್ತಿಮುಕ್ತಿದಾಯಕಮ್ ।
ವಿರಿಞ್ಚಿವಿಷ್ಣುಶಂಕರಸ್ವಕೀಯಧಾಮವರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೭॥

ಅಹೋ ಧೃತಂ ಸ್ವನಂ ಶ್ರುತಂ ಮಹೇಶಿಕೇಶಜಾತಟೇ
ಕಿರಾತಸೂತಬಾಡಬೇಷು ಪಣ್ಡಿತೇ ಶಠೇ ನಟೇ ।
ದುರನ್ತಪಾಪತಾಪಹಾರಿ ಸರ್ವಜನ್ತುಶರ್ಮದೇ
ತ್ವದೀಯಪಾದಪಙ್ಕಜಂ ನಮಾಮಿ ದೇವಿ ನರ್ಮದೇ ॥ ೮॥

ಇದಂ ತು ನರ್ಮದಾಷ್ಟಕಂ ತ್ರಿಕಾಲಮೇವ ಯೇ ಸದಾ
ಪಠನ್ತಿ ತೇ ನಿರನ್ತರಂ ನ ಯನ್ತಿ ದುರ್ಗತಿಂ ಕದಾ ।
ಸುಲಭ್ಯದೇಹದುರ್ಲಭಂ ಮಹೇಶಧಾಮಗೌರವಂ
ಪುನರ್ಭವಾ ನರಾ ನ ವೈ ವಿಲೋಕಯನ್ತಿ ರೌರವಮ್ ॥ ೯॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಂಕರಭಗವತಃ ಕೃತೌ
ನರ್ಮದಾಷ್ಟಕಂ ಸಮ್ಪೂರ್ಣಮ್ ॥


% Encoded by "Savithri D"
% Date: Fri, 09 Jun 2000

Please send corrections to sanskrit@cheerful.com
Last updated ತ್oday
http://sanskritdocuments.org

Narmada Ashtakam Lyrics in Kannada PDF
% File name : narmadaa8.itx
% Category : aShTaka
% Location : doc\_devii
% Author : Popular stotra
% Language : Sanskrit
% Subject : philosophy/hinduism
% Transliterated by : Savithri D. savdev at hotmail.com
% Proofread by : Savithri D. savdev at hotmail.com
% Latest update : June 14, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website