{॥ ନର୍ମଦାଷ୍ଟକଂ ॥}
ସବିନ୍ଦୁସିନ୍ଧୁସୁସ୍ଖଲତ୍ତରଙ୍ଗଭଙ୍ଗରଞ୍ଜିତଂ
ଦ୍ଵିଷତ୍ସୁ ପାପଜାତଜାତକାଦିଵାରିସଂଯୁତମ୍ ।
କୃତାନ୍ତଦୂତକାଲଭୂତଭୀତିହାରିଵର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୧॥

ତ୍ଵଦମ୍ବୁଲୀନଦୀନମୀନଦିଵ୍ଯସମ୍ପ୍ରଦାଯକଂ
କଲୌ ମଲୌଘଭାରହାରିସର୍ଵତୀର୍ଥନାଯକମ୍ ।
ସୁମଚ୍ଛକଚ୍ଛନକ୍ରଚକ୍ରଵାକଚକ୍ରଶର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୨॥

ମହାଗଭୀରନୀରପୂରପାପଧୂତଭୂତଲଂ
ଧ୍ଵନତ୍ସମସ୍ତପାତକାରିଦାରିତାପଦାଚଲମ୍ ।
ଜଗଲ୍ଲଯେ ମହାଭଯେ ମୃକଣ୍ଡୁସୂନୁହର୍ମ୍ଯଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୩ ॥

ଗତଂ ତଦୈଵ ମେ ଭଯଂ ତ୍ଵଦମ୍ବୁ ଵୀକ୍ଷିତଂ ଯଦା
ମୃକଣ୍ଡୁସୂନୁଶୌନକାସୁରାରିସେଵିତଂ ସଦା ।
ପୁନର୍ଭଵାବ୍ଧିଜନ୍ମଜଂ ଭଵାବ୍ଧିଦୁଃଖଵର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୪॥

ଅଲକ୍ଷ୍ଯଲକ୍ଷକିନ୍ନରାମରାସୁରାଦିପୂଜିତଂ
ସୁଲକ୍ଷନୀରତୀରଧୀରପକ୍ଷିଲକ୍ଷକୂଜିତମ୍ ।
ଵସିଷ୍ଠଶିଷ୍ଟପିପ୍ପଲାଦିକର୍ଦମାଦିଶର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୫॥

ସନତ୍କୁମାରନାଚିକେତକଶ୍ଯପାତ୍ରିଷତ୍ପଦୈଃ
ଧୃତଂ ସ୍ଵକୀଯମାନସେଷୁ ନାରଦାଦିଷତପଦୈଃ ।
ରଵୀନ୍ଦୁରନ୍ତିଦେଵଦେଵରାଜକର୍ମଶର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୬॥

ଅଲକ୍ଷଲକ୍ଷଲକ୍ଷପାପଲକ୍ଷସାରସାଯୁଧଂ
ତତସ୍ତୁ ଜୀଵଜନ୍ତୁତନ୍ତୁଭୁକ୍ତିମୁକ୍ତିଦାଯକମ୍ ।
ଵିରିଞ୍ଚିଵିଷ୍ଣୁଶଂକରସ୍ଵକୀଯଧାମଵର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୭॥

ଅହୋ ଧୃତଂ ସ୍ଵନଂ ଶ୍ରୁତଂ ମହେଶିକେଶଜାତଟେ
କିରାତସୂତବାଡବେଷୁ ପଣ୍ଡିତେ ଶଠେ ନଟେ ।
ଦୁରନ୍ତପାପତାପହାରି ସର୍ଵଜନ୍ତୁଶର୍ମଦେ
ତ୍ଵଦୀଯପାଦପଙ୍କଜଂ ନମାମି ଦେଵି ନର୍ମଦେ ॥ ୮॥

ଇଦଂ ତୁ ନର୍ମଦାଷ୍ଟକଂ ତ୍ରିକାଲମେଵ ଯେ ସଦା
ପଠନ୍ତି ତେ ନିରନ୍ତରଂ ନ ଯନ୍ତି ଦୁର୍ଗତିଂ କଦା ।
ସୁଲଭ୍ଯଦେହଦୁର୍ଲଭଂ ମହେଶଧାମଗୌରଵଂ
ପୁନର୍ଭଵା ନରା ନ ଵୈ ଵିଲୋକଯନ୍ତି ରୌରଵମ୍ ॥ ୯॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ
ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ
ଶ୍ରୀମଚ୍ଛଂକରଭଗଵତଃ କୃତୌ
ନର୍ମଦାଷ୍ଟକଂ ସମ୍ପୂର୍ଣମ୍ ॥


% Encoded by "Savithri D"
% Date: Fri, 09 Jun 2000

Please send corrections to sanskrit@cheerful.com
Last updated ତ୍oday
http://sanskritdocuments.org

Narmada Ashtakam Lyrics in Oriya PDF
% File name : narmadaa8.itx
% Category : aShTaka
% Location : doc\_devii
% Author : Popular stotra
% Language : Sanskrit
% Subject : philosophy/hinduism
% Transliterated by : Savithri D. savdev at hotmail.com
% Proofread by : Savithri D. savdev at hotmail.com
% Latest update : June 14, 2000
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website