ಗಂಗಾಲಹರೀ
{॥ ಗಂಗಾಲಹರೀ ॥}
ಸಮೃದ್ಧಂ ಸೌಭಾಗ್ಯಂ ಸಕಲವಸುಧಾಯಾಃ ಕಿಮಪಿ ತನ್
ಮಹೈಶ್ವರ್ಯಂ ಲೀಲಾಜನಿತಜಗತಃ ಖಣ್ಡಪರಶೋಃ ।
ಶ್ರುತೀನಾಂ ಸರ್ವಸ್ವಂ ಸುಕೃತಮಥ ಮೂರ್ತಂ ಸುಮನಸಾಂ
ಸುಧಾಸೋದರ್ಯಂ ತೇ ಸಲಿಲಮಶಿವಂ ನಃ ಶಮಯತು ॥ ೧॥
ದರಿದ್ರಾಣಾಂ ದೈನ್ಯಂ ದುರಿತಮಥ ದುರ್ವಾಸನಹೃದಾಂ
ದ್ರುತಂ ದೂರೀಕುರ್ವನ್ ಸಕೃದಪಿ ಗತೋ ದೃಷ್ಟಿಸರಣಿಮ್ ।
ಅಪಿ ದ್ರಾಗಾವಿದ್ಯಾದ್ರುಮದಲನದೀಕ್ಷಾಗುರುರಿಹ
ಪ್ರವಾಹಸ್ತೇ ವಾರಾಂ ಶ್ರಿಯಮಯಮಪಾರಾಂ ದಿಶತು ನಃ ॥ ೨॥
ಉದಞ್ಚನ್ಮಾರ್ತಣ್ಡಸ್ಫುಟಕಪಟಹೇರಮ್ಬಜನನೀ-
ಕಟಾಕ್ಷವ್ಯಾಕ್ಷೇಪಕ್ಷಣಜನಿತಸಂಕ್ಷೋಭನಿವಹಾಃ ।
ಭವನ್ತು ತ್ವಙ್ಗನ್ತೋ ಹರಶಿರಸಿ ಗಙ್ಗಾತನುಭುವ-
ಸ್ತರಙ್ಗಾಃ ಪ್ರೋತ್ತುಙ್ಗಾ ದುರಿತಭಯಭಙ್ಗಾಯ ಭವತಾಮ್ ॥ ೩॥
ತವಾಲಮ್ಬಾದಮ್ಬ ಸ್ಫುರದಲಘುಗರ್ವೇಣ ಸಹಸಾ
ಮಯಾ ಸರ್ವೇಽವಜ್ಞಾಸರಣಿಮಥ ನೀತಾಃ ಸುರಗಣಾಃ ।
ಇದಾನೀಮೌದಾಸ್ಯಂ ಭಜಸಿ ಯದಿ ಭಾಗೀರಥಿ ತದಾ
ನಿರಾಧಾರೋ ಹಾ ರೋದಿಮಿ ಕಥಯ ಕೇಷಾಮಿಹ ಪುರಃ ॥ ೪॥
ಸ್ಮೃತಿಂ ಯಾತಾ ಪುಂಸಾಮಕೃತಸುಕೃತಾನಾಮಪಿ ಚ ಯಾ
ಹರತ್ಯನ್ತಸ್ತನ್ದ್ರಾಂ ತಿಮಿರಮಿವ ಚನ್ದ್ರಾಂಶುಸರಣಿಃ ।
ಇಯಂ ಸಾ ತೇ ಮೂರ್ತಿಃ ಸಕಲಸುರಸಂಸೇವ್ಯಸಲಿಲಾ
ಮಮಾನ್ತಃಸನ್ತಾಪಂ ತ್ರಿವಿಧಮಪಿ ಪಾಪಂ ಚ ಹರತಾಮ್ ॥ ೫॥
ಅಪಿ ಪ್ರಾಜ್ಯಂ ರಾಜ್ಯಂ ತೃಣಮಿವ ಪರಿತ್ಯಜ್ಯ ಸಹಸಾ
ವಿಲೋಲದ್ವಾನೀರಂ ತವ ಜನನಿ ತೀರಂ ಶ್ರಿತವತಾಮ್ ।
ಸುಧಾತಃ ಸ್ವಾದೀಯಸ್ಸಲಿಲಭರಮಾತೃಪ್ತಿ ಪಿಬತಾಂ
ಜನಾನಾಮಾನನ್ದಃ ಪರಿಹಸತಿ ನಿರ್ವಾಣಪದವೀಮ್ ॥ ೬॥
ಪ್ರಭಾತೇ ಸ್ನಾತೀನಾಂ ನೃಪತಿರಮಣೀನಾಂ ಕುಚತಟೀ-
ಗತೋ ಯಾವನ್ಮಾತರ್ಮಿಲತಿ ತವ ತೋಯೈರ್ಮೃಗಮದಃ ।
ಮೃಗಾಸ್ತಾವದ್ವೈಮಾನಿಕಶತಸಹಸ್ರೈಃ ಪರಿವೃತಾ
ವಿಶನ್ತಿ ಸ್ವಚ್ಛನ್ದಂ ವಿಮಲವಪುಷೋ ನನ್ದನವನಮ್ ॥ ೭॥
ಸ್ಮೃತಂ ಸದ್ಯಃ ಸ್ವಾನ್ತಂ ವಿರಚಯತಿ ಶಾನ್ತಂ ಸಕೃದಪಿ
ಪ್ರಗೀತಂ ಯತ್ಪಾಪಂ ಝಟಿತಿ ಭವತಾಪಂ ಚ ಹರತಿ ।
ಇದಂ ತದ್ಗಙ್ಗೇತಿ ಶ್ರವಣರಮಣೀಯಂ ಖಲು ಪದಂ
ಮಮ ಪ್ರಾಣಪ್ರಾನ್ತೇ ವದನಕಮಲಾನ್ತರ್ವಿಲಸತು ॥ ೮॥
ಯದನ್ತಃ ಖೇಲನ್ತೋ ಬಹುಲತರಸನ್ತೋಷಭರಿತಾ
ನ ಕಾಕಾ ನಾಕಾಧೀಶ್ವರನಗರಸಾಕಾಙ್ಕ್ಷಮನಸಃ ।
ನಿವಾಸಾಲ್ಲೋಕಾನಾಂ ಜನಿಮರಣಶೋಕಾಪಹರಣಂ
ತದೇತತ್ತೇ ತೀರಂ ಶ್ರಮಶಮನಧೀರಂ ಭವತು ನಃ ॥ ೯॥
ನ ಯತ್ಸಾಕ್ಷಾದ್ವೇದೈರಪಿ ಗಲಿತಭೇದೈರವಸಿತಂ
ನ ಯಸ್ಮಿನ್ ಜೀವಾನಾಂ ಪ್ರಸರತಿ ಮನೋವಾಗವಸರಃ ।
ನಿರಾಕಾರಂ ನಿತ್ಯಂ ನಿಜಮಹಿಮನಿರ್ವಾಸಿತತಮೋ
ವಿಶುದ್ಧಂ ಯತ್ತತ್ತ್ವಂ ಸುರತಟಿನಿ ತತ್ತ್ವಂ ನ ವಿಷಯಃ ॥ ೧೦॥
ಮಹಾದಾನೈರ್ಧ್ಯಾನೈರ್ಬಹುವಿಧವಿತಾನೈರಪಿ ಚ ಯನ್
ನ ಲಭ್ಯಂ ಘೋರಾಭಿಃ ಸುವಿಮಲತಪೋರಾಶಿಭಿರಪಿ ।
ಅಚಿನ್ತ್ಯಂ ತದ್ವಿಷ್ಣೋಃ ಪದಮಖಿಲಸಾಧಾರಣತಯಾ
ದದಾನಾ ಕೇನಾಸಿ ತ್ವಮಿಹ ತುಲನೀಯಾ ಕಥಯ ನಃ ॥ ೧೧॥
ನೃಣಾಮೀಕ್ಷಾಮಾತ್ರಾದಪಿ ಪರಿಹರನ್ತ್ಯಾ ಭವಭಯಂ
ಶಿವಾಯಾಸ್ತೇ ಮೂರ್ತೇಃ ಕ ಇಹ ಮಹಿಮಾನಂ ನಿಗದತು ।
ಅಮರ್ಷಮ್ಲಾನಾಯಾಃ ಪರಮಮನುರೋಧಂ ಗಿರಿಭುವೋ
ವಿಹಾಯ ಶ್ರೀಕಣ್ಠಃ ಶಿರಸಿ ನಿಯತಂ ಧಾರಯತಿ ಯಾಮ್ ॥ ೧೨॥
ವಿನಿನ್ದ್ಯಾನ್ಯುನ್ಮತ್ತೈರಪಿ ಚ ಪರಿಹಾರ್ಯಾಣಿ ಪತಿತೈ-
ರವಾಚ್ಯಾನಿ ವ್ರಾತ್ಯೈಃ ಸಪುಲಕಮಪಾಸ್ಯಾನಿ ಪಿಶುನೈಃ ।
ಹರನ್ತೀ ಲೋಕಾನಾಮನವರತಮೇನಾಂಸಿ ಕಿಯತಾಂ
ಕದಾಪ್ಯಶ್ರಾನ್ತಾ ತ್ವಂ ಜಗತಿ ಪುನರೇಕಾ ವಿಜಯಸೇ ॥ ೧೩॥
ಸ್ಖಲನ್ತೀ ಸ್ವರ್ಲೋಕಾದವನಿತಲಶೋಕಾಪಹೃತಯೇ
ಜಟಾಜೂಟಗ್ರನ್ಥೌ ಯದಸಿ ವಿನಿಬದ್ಧಾ ಪುರಭಿದಾ ।
ಅಯೇ ನಿರ್ಲೋಭಾನಾಮಪಿ ಮನಸಿ ಲೋಭಂ ಜನಯತಾಂ
ಗುಣಾನಾಮೇವಾಯಂ ತವ ಜನನಿ ದೋಷಃ ಪರಿಣತಃ ॥ ೧೪॥
ಜಡಾನನ್ಧಾನ್ ಪಙ್ಗೂನ್ ಪ್ರಕೃತಿಬಧಿರಾನುಕ್ತಿವಿಕಲಾನ್
ಗ್ರಹಗ್ರಸ್ತಾನಸ್ತಾಖಿಲದುರಿತನಿಸ್ತಾರಸರಣೀನ್ ।
ನಿಲಿಮ್ಪೈರ್ನಿರ್ಮುಕ್ತಾನಪಿ ಚ ನಿರಯಾನ್ತರ್ನಿಪತತೋ
ನರಾನಮ್ಬ ತ್ರಾತುಂ ತ್ವಮಿಹ ಪರಮಂ ಭೇಷಜಮಸಿ ॥ ೧೫॥
ಸ್ವಭಾವಸ್ವಚ್ಛಾನಾಂ ಸಹಜಶಿಶಿರಾಣಾಮಯಮಪಾ-
ಮಪಾರಸ್ತೇ ಮಾತರ್ಜಯತಿ ಮಹಿಮಾ ಕೋಽಪಿ ಜಗತಿ ।
ಮುದಾಯಂ ಗಾಯನ್ತಿ ದ್ಯುತಲಮನವದ್ಯದ್ಯುತಿಭೃತಃ
ಸಮಾಸಾದ್ಯಾದ್ಯಾಪಿ ಸ್ಫುಟಪುಲಕಸಾನ್ದ್ರಾಃ ಸಗರಜಾಃ ॥ ೧೬॥
ಕೃತಕ್ಷುದ್ರೈನಸ್ಕಾನಥ ಝಟಿತಿ ಸನ್ತಪ್ತಮನಸಃ
ಸಮುದ್ಧರ್ತುಂ ಸನ್ತಿ ತ್ರಿಭುವನತಲೇ ತೀರ್ಥನಿವಹಾಃ ।
ಅಪಿ ಪ್ರಾಯಶ್ಚಿತ್ತಪ್ರಸರಣಪಥಾತೀತಚರಿತಾ-
ನ್ನರಾನೂರೀಕರ್ತುಂ ತ್ವಮಿವ ಜನನಿ ತ್ವಂ ವಿಜಯಸೇ ॥ ೧೭॥
ನಿಧಾನಂ ಧರ್ಮಾಣಾಂ ಕಿಮಪಿ ಚ ವಿಧಾನಂ ನವಮುದಾಂ
ಪ್ರಧಾನಂ ತೀರ್ಥಾನಾಮಮಲಪರಿಧಾನಂ ತ್ರಿಜಗತಃ ।
ಸಮಾಧಾನಂ ಬುದ್ಧೇರಥ ಖಲು ತಿರೋಧಾನಮಧಿಯಾಂ
ಶ್ರಿಯಾಮಾಧಾನಂ ನಃ ಪರಿಹರತು ತಾಪಂ ತವ ವಪುಃ ॥ ೧೮॥
ಪುರೋ ಧಾವಂ ಧಾವಂ ದ್ರವಿಣಮದಿರಾಘೂರ್ಣಿತದೃಶಾಂ
ಮಹೀಪಾನಾಂ ನಾನಾತರುಣತರಖೇದಸ್ಯ ನಿಯತಮ್ ।
ಮಮೈವಾಯಂ ಮನ್ತುಃ ಸ್ವಹಿತಶತಹನ್ತುರ್ಜಡಧಿಯೋ
ವಿಯೋಗಸ್ತೇ ಮಾತರ್ಯದಿಹ ಕರುಣಾತಃ ಕ್ಷಣಮಪಿ ॥ ೧೯॥
ಮರುಲ್ಲೀಲಾಲೋಲಲ್ಲಹರಿಲುಲಿತಾಮ್ಭೋಜಪಟಲೀ-
ಸ್ಖಲತ್ಪಾಂಸುವ್ರಾತಚ್ಛುರಣವಿಸರತ್ಕೌಙ್ಕುಮರುಚಿ ।
ಸುರಸ್ತ್ರೀವಕ್ಷೋಜಕ್ಷರದಗರುಜಮ್ಬಾಲಜಟಿಲಂ
ಜಲಂ ತೇ ಜಮ್ಬಾಲಂ ಮಮ ಜನನಜಾಲಂ ಜರಯತು ॥ ೨೦॥
ಸಮುತ್ಪತ್ತಿಃ ಪದ್ಮಾರಮಣಪದಪದ್ಮಾಮಲನಖಾ-
ನ್ನಿವಾಸಃ ಕನ್ದರ್ಪಪ್ರತಿಭಟಜಟಾಜೂಟಭವನೇ ।
ಅಥಾಽಯಂ ವ್ಯಾಸಙ್ಗೋ ಹತಪತಿತನಿಸ್ತಾರಣವಿಧೌ
ನ ಕಸ್ಮಾದುತ್ಕರ್ಷಸ್ತವ ಜನನಿ ಜಾಗರ್ತು ಜಗತಿ ॥ ೨೧॥
ನಗೇಭ್ಯೋ ಯಾನ್ತೀನಾಂ ಕಥಯ ತಟಿನೀನಾಂ ಕತಮಯಾ
ಪುರಾಣಾಂ ಸಂಹರ್ತುಃ ಸುರಧುನಿ ಕಪರ್ದೋಽಧಿರುರುಹೇ ।
ಕಯಾ ವಾ ಶ್ರೀಭರ್ತುಃ ಪದಕಮಲಮಕ್ಷಾಲಿ ಸಲಿಲೈ-
ಸ್ತುಲಾಲೇಶೋ ಯಸ್ಯಾಂ ತವ ಜನನಿ ದೀಯೇತ ಕವಿಭಿಃ ॥ ೨೨॥
ವಿಧತ್ತಾಂ ನಿಃಶಙ್ಕಂ ನಿರವಧಿ ಸಮಾಧಿಂ ವಿಧಿರಹೋ
ಸುಖಂ ಶೇಷೇ ಶೇತಾಂ ಹರಿರವಿರತಂ ನೃತ್ಯತು ಹರಃ ।
ಕೃತಂ ಪ್ರಾಯಶ್ಚಿತ್ತೈರಲಮಥ ತಪೋದಾನಯಜನೈಃ
ಸವಿತ್ರೀ ಕಾಮಾನಾಂ ಯದಿ ಜಗತಿ ಜಾಗರ್ತಿ ಜನನೀ ॥ ೨೩॥
ಅನಾಥಃ ಸ್ನೇಹಾರ್ದ್ರಾಂ ವಿಗಲಿತಗತಿಃ ಪುಣ್ಯಗತಿದಾಂ
ಪತನ್ ವಿಶ್ವೋದ್ಧರ್ತ್ರೀಂ ಗದವಿಗಲಿತಃ ಸಿದ್ಧಭಿಷಜಮ್ ।
ಸುಧಾಸಿನ್ಧುಂ ತೃಷ್ಣಾಕುಲಿತಹೃದಯೋ ಮಾತರಮಯಂ
ಶಿಶುಃ ಸಮ್ಪ್ರಾಪ್ತಸ್ತ್ವಾಮಹಮಿಹ ವಿದಧ್ಯಾಃ ಸಮುಚಿತಮ್ ॥ ೨೪॥
ವಿಲೀನೋ ವೈ ವೈವಸ್ವತನಗರಕೋಲಾಹಲಭರೋ
ಗತಾ ದೂತಾ ದೂರಂ ಕ್ವಚಿದಪಿ ಪರೇತಾನ್ ಮೃಗಯಿತುಮ್ ।
ವಿಮಾನಾನಾಂ ವ್ರಾತೋ ವಿದಲಯತಿ ವೀಥಿರ್ದಿವಿಷದಾಂ
ಕಥಾ ತೇ ಕಲ್ಯಾಣೀ ಯದವಧಿ ಮಹೀಮಣ್ಡಲಮಗಾತ್ ॥ ೨೫॥
ಸ್ಫುರತ್ಕಾಮಕ್ರೋಧಪ್ರಬಲತರಸಞ್ಜಾತಜಟಿಲ-
ಜ್ವರಜ್ವಾಲಾಜಾಲಜ್ವಲಿತವಪುಷಾಂ ನಃ ಪ್ರತಿದಿನಮ್ ।
ಹರನ್ತಾಂ ಸನ್ತಾಪಂ ಕಮಪಿ ಮರುದುಲ್ಲಾಸಲಹರಿ-
ಚ್ಛಟಾಚಞ್ಚತ್ಪಾಥಃಕಣಸರಣಯೋ ದಿವ್ಯಸರಿತಃ ॥ ೨೬॥
ಇದಂ ಹಿ ಬ್ರಹ್ಮಾಣ್ಡಂ ಸಕಲಭುವನಾಭೋಗಭವನಂ
ತರಙ್ಗೈರ್ಯಸ್ಯಾನ್ತರ್ಲುಠತಿ ಪರಿತಸ್ತಿನ್ದುಕಮಿವ ।
ಸ ಏಷ ಶ್ರೀಕಣ್ಠಪ್ರವಿತತಜಟಾಜೂಟಜಟಿಲೋ
ಜಲಾನಾಂ ಸಙ್ಘಾತಸ್ತವ ಜನನಿ ತಾಪಂ ಹರತು ನಃ ॥ ೨೭॥
ತ್ರಪನ್ತೇ ತೀರ್ಥಾನಿ ತ್ವರಿತಮಿಹ ಯಸ್ಯೋದ್ಧೃತಿವಿಧೌ
ಕರಂ ಕರ್ಣೇ ಕುರ್ವನ್ತ್ಯಪಿ ಕಿಲ ಕಪಾಲಿಪ್ರಭೃತಯಃ ।
ಇಮಂ ತ್ವಂ ಮಾಮಮ್ಬ ತ್ವಮಿಯಮನುಕಮ್ಪಾರ್ದ್ರಹೃದಯೇ
ಪುನಾನಾ ಸರ್ವೇಷಾಮಘಮಥನದರ್ಪಂ ದಲಯಸಿ ॥ ೨೮॥
ಶ್ವಪಾಕಾನಾಂ ವ್ರಾತೈರಮಿತವಿಚಿಕಿತ್ಸಾವಿಚಲಿತೈ-
ರ್ವಿಮುಕ್ತಾನಾಮೇಕಂ ಕಿಲ ಸದನಮೇನಃಪರಿಷದಾಮ್ ।
ಅಹೋ ಮಾಮುದ್ಧರ್ತುಂ ಜನನಿ ಘಟಯನ್ತ್ಯಾಃ ಪರಿಕರಂ
ತವ ಶ್ಲಾಘಾಂ ಕರ್ತುಂ ಕಥಮಿವ ಸಮರ್ಥೋ ನರಪಶುಃ ॥ ೨೯॥
ನ ಕೋಽಪ್ಯೇತಾವನ್ತಂ ಖಲು ಸಮಯಮಾರಭ್ಯ ಮಿಲಿತೋ
ಯದುದ್ಧಾರಾದಾರಾದ್ಭವತಿ ಜಗತೋ ವಿಸ್ಮಯಭರಃ ।
ಇತೀಮಾಮೀಹಾಂ ತೇ ಮನಸಿ ಚಿರಕಾಲಂ ಸ್ಥಿತವತೀ-
ಮಯಂ ಸಮ್ಪ್ರಾಪ್ತೋಽಹಂ ಸಫಲಯಿತುಮಮ್ಬ ಪ್ರಣಯ ನಃ ॥ ೩೦॥
ಶ್ವವೃತ್ತಿವ್ಯಾಸಙ್ಗೋ ನಿಯತಮಥ ಮಿಥ್ಯಾಪ್ರಲಪನಂ
ಕುತರ್ಕೇಶ್ವಭ್ಯಾಸಃ ಸತತಪರಪೈಶುನ್ಯಮನನಮ್ ।
ಅಪಿ ಶ್ರಾವಂ ಶ್ರಾವಂ ಮಮ ತು ಪುನರೇವಂ ಗುಣಗಣಾ-
ನೃತೇ ತ್ವತ್ಕೋ ನಾಮ ಕ್ಷಣಮಪಿ ನಿರೀಕ್ಷೇತ ವದನಮ್ ॥ ೩೧॥
ವಿಶಾಲಾಭ್ಯಾಮಾಭ್ಯಾಂ ಕಿಮಿಹ ನಯನಾಭ್ಯಾಂ ಖಲು ಫಲಂ
ನ ಯಾಭ್ಯಾಮಾಲೀಢಾ ಪರಮರಮಣೀಯಾ ತವ ತನುಃ ।
ಅಯಂ ಹಿ ನ್ಯಕ್ಕಾರೋ ಜನನಿ ಮನುಜಸ್ಯ ಶ್ರವಣಯೋ-
ರ್ಯಯೋರ್ನಾನ್ತರ್ಯಾತಸ್ತವ ಲಹರಿಲೀಲಾಕಲಕಲಃ ॥ ೩೨॥
ವಿಮಾನೈಃ ಸ್ವಚ್ಛನ್ದಂ ಸುರಪುರಮಯನ್ತೇ ಸುಕೃತಿನಃ
ಪತನ್ತಿ ದ್ರಾಕ್ ಪಾಪಾ ಜನನಿ ನರಕಾನ್ತಃ ಪರವಶಾಃ ।
ವಿಭಾಗೋಽಯಂ ತಸ್ಮಿನ್ನಶುಭಮಯಮೂರ್ತೌ ಜನಪದೇ
ನ ಯತ್ರ ತ್ವಂ ಲೀಲಾದಲಿತಮನುಜಾಶೇಷಕಲುಷಾ ॥ ೩೩॥
ಅಪಿ ಘ್ನನ್ತೋ ವಿಪ್ರಾನವಿರತಮುಶನ್ತೋ ಗುರುಸತೀಃ
ಪಿಬನ್ತೋ ಮೈರೇಯಂ ಪುನರಪಿ ಹರನ್ತಶ್ಚ ಕನಕಮ್ ।
ವಿಹಾಯ ತ್ವಯ್ಯನ್ತೇ ತನುಮತನುದಾನಾಧ್ವರಜುಷಾ-
ಮುಪರ್ಯಮ್ಬ ಕ್ರೀಡನ್ತ್ಯಖಿಲಸುರಸಮ್ಭಾವಿತಪದಾಃ ॥ ೩೪॥
ಅಲಭ್ಯಂ ಸೌರಭ್ಯಂ ಹರತಿ ಸತತಂ ಯಃ ಸುಮನಸಾಂ
ಕ್ಷಣಾದೇವ ಪ್ರಾಣಾನಪಿ ವಿರಹಶಸ್ತ್ರಕ್ಷತಹೃದಾಮ್ ।
ತ್ವದೀಯಾನಾಂ ಲೀಲಾಚಲಿತಲಹರೀಣಾಂ ವ್ಯತಿಕರಾತ್
ಪುನೀತೇ ಸೋಽಪಿ ದ್ರಾಗಹಹ ಪವಮಾನಸ್ತ್ರಿಭುವನಮ್ ॥ ೩೫॥
ಕಿಯನ್ತಃ ಸನ್ತ್ಯೇಕೇ ನಿಯತಮಿಹಲೋಕಾರ್ಥಘಟಕಾಃ
ಪರೇ ಪೂತಾತ್ಮಾನಃ ಕತಿ ಚ ಪರಲೋಕಪ್ರಣಯಿನಃ ।
ಸುಖಂ ಶೇತೇ ಮಾತಸ್ತವ ಖಲು ಕೃಪಾತಃ ಪುನರಯಂ
ಜಗನ್ನಾಥಃ ಶಶ್ವತ್ತ್ವಯಿ ನಿಹಿತಲೋಕದ್ವಯಭರಃ ॥ ೩೬॥
ಭವತ್ಯಾ ಹಿ ವ್ರಾತ್ಯಾಧಮಪತಿತಪಾಖಣ್ಡಪರಿಷತ್
ಪರಿತ್ರಾಣಸ್ನೇಹಃ ಶ್ಲಥಯಿತುಮಶಕ್ಯಃ ಖಲು ಯಥಾ ।
ಮಮಾಪ್ಯೇವಂ ಪ್ರೇಮಾ ದುರಿತನಿವಹೇಷ್ವಮ್ಬ ಜಗತಿ
ಸ್ವಭಾವೋಽಯಂ ಸರ್ವೈರಪಿ ಖಲು ಯತೋ ದುಷ್ಪರಿಹರಃ ॥ ೩೭॥
ಪ್ರದೋಷಾನ್ತರ್ನೃತ್ಯತ್ಪುರಮಥನಲೀಲೋದ್ಧೃತಜಟಾ-
ತಟಾಭೋಗಪ್ರೇಙ್ಖಲ್ಲಹರಿಭುಜಸನ್ತಾನವಿಧುತಿಃ ।
ಬಿಲಕ್ರೋಡಕ್ರೀಡಜ್ಜಲಡಮರುಟಙ್ಕಾರಸುಭಗ-
ಸ್ತಿರೋಧತ್ತಾಂ ತಾಪಂ ತ್ರಿದಶತಟಿನೀತಾಣ್ಡವವಿಧಿಃ ॥ ೩೮॥
ಸದೈವ ತ್ವಯ್ಯೇವಾರ್ಪಿತಕುಶಲಚಿನ್ತಾಭರಮಿಮಂ
ಯದಿ ತ್ವಂ ಮಾಮಮ್ಬ ತ್ಯಜಸಿ ಸಮಯೇಽಸ್ಮಿನ್ಸುವಿಷಮೇ ।
ತದಾ ವಿಶ್ವಾಸೋಽಯಂ ತ್ರಿಭುವನತಲಾದಸ್ತಮಯತೇ
ನಿರಾಧಾರಾ ಚೇಯಂ ಭವತಿ ಖಲು ನಿರ್ವ್ಯಾಜಕರುಣಾ ॥ ೩೯॥
ಕಪರ್ದಾದುಲ್ಲಸ್ಯ ಪ್ರಣಯಮಿಲದರ್ಧಾಙ್ಗಯುವತೇಃ
ಪುರಾರೇಃ ಪ್ರೇಙ್ಖನ್ತ್ಯೋ ಮೃದುಲತರಸೀಮನ್ತಸರಣೌ ।
ಭವಾನ್ಯಾ ಸಾಪತ್ನ್ಯಸ್ಫುರಿತನಯನಂ ಕೋಮಲರುಚಾ
ಕರೇಣಾಕ್ಷಿಪ್ತಾಸ್ತೇ ಜನನಿ ವಿಜಯನ್ತಾಂ ಲಹರಯಃ ॥ ೪೦॥
ಪ್ರಪದ್ಯನ್ತೇ ಲೋಕಾಃ ಕತಿ ನ ಭವತೀಮತ್ರಭವತೀ-
ಮುಪಾಧಿಸ್ತತ್ರಾಯಂ ಸ್ಫುರತಿ ಯದಭೀಷ್ಟಂ ವಿತರಸಿ ।
ಶಪೇ ತುಭ್ಯಂ ಮಾತರ್ಮಮ ತು ಪುನರಾತ್ಮಾ ಸುರಧುನಿ
ಸ್ವಭಾವಾದೇವ ತ್ವಯ್ಯಮಿತಮನುರಾಗಂ ವಿಧೃತವಾನ್ ॥ ೪೧॥
ಲಲಾಟೇ ಯಾ ಲೋಕೈರಿಹ ಖಲು ಸಲೀಲಂ ತಿಲಕಿತಾ
ತಮೋ ಹನ್ತುಂ ಧತ್ತೇ ತರುಣತರಮಾರ್ತಣ್ಡತುಲನಾಮ್ ।
ವಿಲುಮ್ಪನ್ತೀ ಸದ್ಯೋ ವಿಧಿಲಿಖಿತದುರ್ವರ್ಣಸರಣಿಂ
ತ್ವದೀಯಾ ಸಾ ಮೃತ್ಸ್ನಾ ಮಮ ಹರತು ಕೃತ್ಸ್ನಾಮಪಿ ಶುಚಮ್ ॥ ೪೨॥
ನರಾನ್ ಮೂಢಾಂಸ್ತತ್ತಜ್ಜನಪದಸಮಾಸಕ್ತಮನಸೋ
ಹಸನ್ತಃ ಸೋಲ್ಲಾಸಂ ವಿಕಚಕುಸುಮವ್ರಾತಮಿಷತಃ ।
ಪುನಾನಾಃ ಸೌರಭ್ಯೈಃ ಸತತಮಲಿನೋ ನಿತ್ಯಮಲಿನಾನ್
ಸಖಾಯೋ ನಃ ಸನ್ತು ತ್ರಿದಶತಟಿನೀತೀರತರವಃ ॥ ೪೩॥
ಯಜನ್ತ್ಯೇಕೇ ದೇವಾನ್ ಕಠಿನತರಸೇವಾಂಸ್ತದಪರೇ
ವಿತಾನವ್ಯಾಸಕ್ತಾ ಯಮನಿಯಮರಕ್ತಾಃ ಕತಿಪಯೇ ।
ಅಹಂ ತು ತ್ವನ್ನಾಮಸ್ಮರಣಕೃತಕಾಮಸ್ತ್ರಿಪಥಗೇ
ಜಗಜ್ಜಾಲಂ ಜಾನೇ ಜನನಿ ತೃಣಜಾಲೇನ ಸದೃಶಮ್ ॥ ೪೪॥
ಅವಿಶ್ರಾನ್ತಂ ಜನ್ಮಾವಧಿ ಸುಕೃತಜನ್ಮಾರ್ಜನಕೃತಾಂ
ಸತಾಂ ಶ್ರೇಯಃ ಕರ್ತುಂ ಕತಿ ನ ಕೃತಿನಃ ಸನ್ತಿ ವಿಬುಧಾಃ ।
ನಿರಸ್ತಾಲಮ್ಬಾನಾಮಕೃತಸುಕೃತಾನಾಂ ತು ಭವತೀಂ
ವಿನಾಽಮುಷ್ಮಿಂಲ್ಲೋಕೇ ನ ಪರಮವಲೋಕೇ ಹಿತಕರಮ್ ॥ ೪೫॥
ಪಯಃ ಪೀತ್ವಾ ಮಾತಸ್ತವ ಸಪದಿ ಯಾತಃ ಸಹಚರೈ-
ರ್ವಿಮೂಢೈಃ ಸಂರನ್ತುಂ ಕ್ವಚಿದಪಿ ನ ವಿಶ್ರಾನ್ತಿಮಗಮಮ್ ।
ಇದಾನೀಮುತ್ಸಙ್ಗೇ ಮೃದುಪವನಸಞ್ಚಾರಶಿಶಿರೇ
ಚಿರಾದುನ್ನಿದ್ರಂ ಮಾಂ ಸದಯಹೃದಯೇ ಶಾಯಯ ಚಿರಮ್ ॥ ೪೬॥
ಬಧಾನ ದ್ರಾಗೇವ ದ್ರಢಿಮರಮಣೀಯಂ ಪರಿಕರಂ
ಕಿರೀಟೇ ಬಾಲೇನ್ದುಂ ನಿಯಮಯ ಪುನಃ ಪನ್ನಗಗಣೈಃ ।
ನ ಕುರ್ಯಾಸ್ತ್ವಂ ಹೇಲಾಮಿತರಜನಸಾಧಾರಣತಯಾ
ಜಗನ್ನಾಥಸ್ಯಾಯಂ ಸುರಧುನಿ ಸಮುದ್ಧಾರಸಮಯಃ ॥ ೪೭॥
ಶರಚ್ಚನ್ದ್ರಶ್ವೇತಾಂ ಶಶಿಶಕಲಶ್ವೇತಾಲಮುಕುಟಾಂ
ಕರೈಃ ಕುಮ್ಭಾಮ್ಭೋಜೇ ವರಭಯನಿರಾಸೌ ಚ ದಧತೀಮ್ ।
ಸುಧಾಧಾರಾಕಾರಾಭರಣವಸನಾಂ ಶುಭ್ರಮಕರ-
ಸ್ಥಿತಾಂ ತ್ವಾಂ ಯೇ ಧ್ಯಾಯನ್ತ್ಯುದಯತಿ ನ ತೇಷಾಂ ಪರಿಭವಃ ॥ ೪೮॥
ದರಸ್ಮಿತಸಮುಲ್ಲಸದ್ವದನಕಾನ್ತಿಪೂರಾಮೃತೈ-
ರ್ಭವಜ್ವಲನಭರ್ಜಿತಾನನಿಶಮೂರ್ಜಯನ್ತೀ ನರಾನ್ ।
ಚಿದೇಕಮಯಚನ್ದ್ರಿಕಾಚಯಚಮತ್ಕೃತಿಂ ತನ್ವತೀ
ತನೋತು ಮಮ ಶನ್ತನೋಃ ಸಪದಿ ಶನ್ತನೋರಙ್ಗನಾ ॥ ೪೯॥
ಮನ್ತ್ರೈರ್ಮೀಲಿತಮೌಷಧೈರ್ಮುಕುಲಿತಂ ತ್ರಸ್ತಂ ಸುರಾಣಾಂ ಗಣೈಃ
ಸ್ರಸ್ತಂ ಸಾನ್ದ್ರಸುಧಾರಸೈರ್ವಿದಲಿತಂ ಗಾರುತ್ಮತೈರ್ಗ್ರಾವಭಿಃ ।
ವೀಚಿಕ್ಷಾಲಿತಕಾಲಿಯಾಹಿತಪದೇ ಸ್ವರ್ಲೋಕಕಲ್ಲೋಲಿನಿ
ತ್ವಂ ತಾಪಂ ತಿರಯಾಧುನಾ ಮಮ ಭವಜ್ವಾಲಾವಲೀಢಾತ್ಮನಃ ॥ ೫೦॥
ದ್ಯೂತೇ ನಾಗೇನ್ದ್ರಕೃತ್ತಿಪ್ರಮಥಗಣಮಣಿಶ್ರೇಣಿನನ್ದೀನ್ದುಮುಖ್ಯಂ
ಸರ್ವಸ್ವಂ ಹಾರಯಿತ್ವಾ ಸ್ವಮಥ ಪುರಭಿದಿ ದ್ರಾಕ್ ಪಣೀಕರ್ತುಕಾಮೇ ।
ಸಾಕೂತಂ ಹೈಮವತ್ಯಾ ಮೃದುಲಹಸಿತಯಾ ವೀಕ್ಷಿತಾಯಾಸ್ತವಾಮ್ಬ
ವ್ಯಾಲೋಲೋಲ್ಲಾಸಿವಲ್ಗಲ್ಲಹರಿನಟಘಟೀತಾಣ್ಡವಂ ನಃ ಪುನಾತು ॥ ೫೧॥
ವಿಭೂಷಿತಾನಙ್ಗರಿಪೂತ್ತಮಾಙ್ಗಾ ಸದ್ಯಃಕೃತಾನೇಕಜನಾರ್ತಿಭಙ್ಗಾ ।
ಮನೋಹರೋತ್ತುಙ್ಗಚಲತ್ತರಙ್ಗಾ ಗಙ್ಗಾ ಮಮಾಙ್ಗಾನ್ಯಮಲೀಕರೋತು ॥ ೫೨॥
ಇಮಾಂ ಪೀಯೂಷಲಹರೀಂ ಜಗನ್ನಾಥೇನ ನಿರ್ಮಿತಾಮ್ ।
ಯಃ ಪಠೇತ್ತಸ್ಯ ಸರ್ವತ್ರ ಜಾಯನ್ತೇ ಸುಖಸಮ್ಪದಃ ॥ ೫೩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ಸಮೃದ್ಧಂ ಸೌಭಾಗ್ಯಂ ಸಕಲವಸುಧಾಯಾಃ ಕಿಮಪಿ ತನ್
ಮಹೈಶ್ವರ್ಯಂ ಲೀಲಾಜನಿತಜಗತಃ ಖಣ್ಡಪರಶೋಃ ।
ಶ್ರುತೀನಾಂ ಸರ್ವಸ್ವಂ ಸುಕೃತಮಥ ಮೂರ್ತಂ ಸುಮನಸಾಂ
ಸುಧಾಸೋದರ್ಯಂ ತೇ ಸಲಿಲಮಶಿವಂ ನಃ ಶಮಯತು ॥ ೧॥
ದರಿದ್ರಾಣಾಂ ದೈನ್ಯಂ ದುರಿತಮಥ ದುರ್ವಾಸನಹೃದಾಂ
ದ್ರುತಂ ದೂರೀಕುರ್ವನ್ ಸಕೃದಪಿ ಗತೋ ದೃಷ್ಟಿಸರಣಿಮ್ ।
ಅಪಿ ದ್ರಾಗಾವಿದ್ಯಾದ್ರುಮದಲನದೀಕ್ಷಾಗುರುರಿಹ
ಪ್ರವಾಹಸ್ತೇ ವಾರಾಂ ಶ್ರಿಯಮಯಮಪಾರಾಂ ದಿಶತು ನಃ ॥ ೨॥
ಉದಞ್ಚನ್ಮಾರ್ತಣ್ಡಸ್ಫುಟಕಪಟಹೇರಮ್ಬಜನನೀ-
ಕಟಾಕ್ಷವ್ಯಾಕ್ಷೇಪಕ್ಷಣಜನಿತಸಂಕ್ಷೋಭನಿವಹಾಃ ।
ಭವನ್ತು ತ್ವಙ್ಗನ್ತೋ ಹರಶಿರಸಿ ಗಙ್ಗಾತನುಭುವ-
ಸ್ತರಙ್ಗಾಃ ಪ್ರೋತ್ತುಙ್ಗಾ ದುರಿತಭಯಭಙ್ಗಾಯ ಭವತಾಮ್ ॥ ೩॥
ತವಾಲಮ್ಬಾದಮ್ಬ ಸ್ಫುರದಲಘುಗರ್ವೇಣ ಸಹಸಾ
ಮಯಾ ಸರ್ವೇಽವಜ್ಞಾಸರಣಿಮಥ ನೀತಾಃ ಸುರಗಣಾಃ ।
ಇದಾನೀಮೌದಾಸ್ಯಂ ಭಜಸಿ ಯದಿ ಭಾಗೀರಥಿ ತದಾ
ನಿರಾಧಾರೋ ಹಾ ರೋದಿಮಿ ಕಥಯ ಕೇಷಾಮಿಹ ಪುರಃ ॥ ೪॥
ಸ್ಮೃತಿಂ ಯಾತಾ ಪುಂಸಾಮಕೃತಸುಕೃತಾನಾಮಪಿ ಚ ಯಾ
ಹರತ್ಯನ್ತಸ್ತನ್ದ್ರಾಂ ತಿಮಿರಮಿವ ಚನ್ದ್ರಾಂಶುಸರಣಿಃ ।
ಇಯಂ ಸಾ ತೇ ಮೂರ್ತಿಃ ಸಕಲಸುರಸಂಸೇವ್ಯಸಲಿಲಾ
ಮಮಾನ್ತಃಸನ್ತಾಪಂ ತ್ರಿವಿಧಮಪಿ ಪಾಪಂ ಚ ಹರತಾಮ್ ॥ ೫॥
ಅಪಿ ಪ್ರಾಜ್ಯಂ ರಾಜ್ಯಂ ತೃಣಮಿವ ಪರಿತ್ಯಜ್ಯ ಸಹಸಾ
ವಿಲೋಲದ್ವಾನೀರಂ ತವ ಜನನಿ ತೀರಂ ಶ್ರಿತವತಾಮ್ ।
ಸುಧಾತಃ ಸ್ವಾದೀಯಸ್ಸಲಿಲಭರಮಾತೃಪ್ತಿ ಪಿಬತಾಂ
ಜನಾನಾಮಾನನ್ದಃ ಪರಿಹಸತಿ ನಿರ್ವಾಣಪದವೀಮ್ ॥ ೬॥
ಪ್ರಭಾತೇ ಸ್ನಾತೀನಾಂ ನೃಪತಿರಮಣೀನಾಂ ಕುಚತಟೀ-
ಗತೋ ಯಾವನ್ಮಾತರ್ಮಿಲತಿ ತವ ತೋಯೈರ್ಮೃಗಮದಃ ।
ಮೃಗಾಸ್ತಾವದ್ವೈಮಾನಿಕಶತಸಹಸ್ರೈಃ ಪರಿವೃತಾ
ವಿಶನ್ತಿ ಸ್ವಚ್ಛನ್ದಂ ವಿಮಲವಪುಷೋ ನನ್ದನವನಮ್ ॥ ೭॥
ಸ್ಮೃತಂ ಸದ್ಯಃ ಸ್ವಾನ್ತಂ ವಿರಚಯತಿ ಶಾನ್ತಂ ಸಕೃದಪಿ
ಪ್ರಗೀತಂ ಯತ್ಪಾಪಂ ಝಟಿತಿ ಭವತಾಪಂ ಚ ಹರತಿ ।
ಇದಂ ತದ್ಗಙ್ಗೇತಿ ಶ್ರವಣರಮಣೀಯಂ ಖಲು ಪದಂ
ಮಮ ಪ್ರಾಣಪ್ರಾನ್ತೇ ವದನಕಮಲಾನ್ತರ್ವಿಲಸತು ॥ ೮॥
ಯದನ್ತಃ ಖೇಲನ್ತೋ ಬಹುಲತರಸನ್ತೋಷಭರಿತಾ
ನ ಕಾಕಾ ನಾಕಾಧೀಶ್ವರನಗರಸಾಕಾಙ್ಕ್ಷಮನಸಃ ।
ನಿವಾಸಾಲ್ಲೋಕಾನಾಂ ಜನಿಮರಣಶೋಕಾಪಹರಣಂ
ತದೇತತ್ತೇ ತೀರಂ ಶ್ರಮಶಮನಧೀರಂ ಭವತು ನಃ ॥ ೯॥
ನ ಯತ್ಸಾಕ್ಷಾದ್ವೇದೈರಪಿ ಗಲಿತಭೇದೈರವಸಿತಂ
ನ ಯಸ್ಮಿನ್ ಜೀವಾನಾಂ ಪ್ರಸರತಿ ಮನೋವಾಗವಸರಃ ।
ನಿರಾಕಾರಂ ನಿತ್ಯಂ ನಿಜಮಹಿಮನಿರ್ವಾಸಿತತಮೋ
ವಿಶುದ್ಧಂ ಯತ್ತತ್ತ್ವಂ ಸುರತಟಿನಿ ತತ್ತ್ವಂ ನ ವಿಷಯಃ ॥ ೧೦॥
ಮಹಾದಾನೈರ್ಧ್ಯಾನೈರ್ಬಹುವಿಧವಿತಾನೈರಪಿ ಚ ಯನ್
ನ ಲಭ್ಯಂ ಘೋರಾಭಿಃ ಸುವಿಮಲತಪೋರಾಶಿಭಿರಪಿ ।
ಅಚಿನ್ತ್ಯಂ ತದ್ವಿಷ್ಣೋಃ ಪದಮಖಿಲಸಾಧಾರಣತಯಾ
ದದಾನಾ ಕೇನಾಸಿ ತ್ವಮಿಹ ತುಲನೀಯಾ ಕಥಯ ನಃ ॥ ೧೧॥
ನೃಣಾಮೀಕ್ಷಾಮಾತ್ರಾದಪಿ ಪರಿಹರನ್ತ್ಯಾ ಭವಭಯಂ
ಶಿವಾಯಾಸ್ತೇ ಮೂರ್ತೇಃ ಕ ಇಹ ಮಹಿಮಾನಂ ನಿಗದತು ।
ಅಮರ್ಷಮ್ಲಾನಾಯಾಃ ಪರಮಮನುರೋಧಂ ಗಿರಿಭುವೋ
ವಿಹಾಯ ಶ್ರೀಕಣ್ಠಃ ಶಿರಸಿ ನಿಯತಂ ಧಾರಯತಿ ಯಾಮ್ ॥ ೧೨॥
ವಿನಿನ್ದ್ಯಾನ್ಯುನ್ಮತ್ತೈರಪಿ ಚ ಪರಿಹಾರ್ಯಾಣಿ ಪತಿತೈ-
ರವಾಚ್ಯಾನಿ ವ್ರಾತ್ಯೈಃ ಸಪುಲಕಮಪಾಸ್ಯಾನಿ ಪಿಶುನೈಃ ।
ಹರನ್ತೀ ಲೋಕಾನಾಮನವರತಮೇನಾಂಸಿ ಕಿಯತಾಂ
ಕದಾಪ್ಯಶ್ರಾನ್ತಾ ತ್ವಂ ಜಗತಿ ಪುನರೇಕಾ ವಿಜಯಸೇ ॥ ೧೩॥
ಸ್ಖಲನ್ತೀ ಸ್ವರ್ಲೋಕಾದವನಿತಲಶೋಕಾಪಹೃತಯೇ
ಜಟಾಜೂಟಗ್ರನ್ಥೌ ಯದಸಿ ವಿನಿಬದ್ಧಾ ಪುರಭಿದಾ ।
ಅಯೇ ನಿರ್ಲೋಭಾನಾಮಪಿ ಮನಸಿ ಲೋಭಂ ಜನಯತಾಂ
ಗುಣಾನಾಮೇವಾಯಂ ತವ ಜನನಿ ದೋಷಃ ಪರಿಣತಃ ॥ ೧೪॥
ಜಡಾನನ್ಧಾನ್ ಪಙ್ಗೂನ್ ಪ್ರಕೃತಿಬಧಿರಾನುಕ್ತಿವಿಕಲಾನ್
ಗ್ರಹಗ್ರಸ್ತಾನಸ್ತಾಖಿಲದುರಿತನಿಸ್ತಾರಸರಣೀನ್ ।
ನಿಲಿಮ್ಪೈರ್ನಿರ್ಮುಕ್ತಾನಪಿ ಚ ನಿರಯಾನ್ತರ್ನಿಪತತೋ
ನರಾನಮ್ಬ ತ್ರಾತುಂ ತ್ವಮಿಹ ಪರಮಂ ಭೇಷಜಮಸಿ ॥ ೧೫॥
ಸ್ವಭಾವಸ್ವಚ್ಛಾನಾಂ ಸಹಜಶಿಶಿರಾಣಾಮಯಮಪಾ-
ಮಪಾರಸ್ತೇ ಮಾತರ್ಜಯತಿ ಮಹಿಮಾ ಕೋಽಪಿ ಜಗತಿ ।
ಮುದಾಯಂ ಗಾಯನ್ತಿ ದ್ಯುತಲಮನವದ್ಯದ್ಯುತಿಭೃತಃ
ಸಮಾಸಾದ್ಯಾದ್ಯಾಪಿ ಸ್ಫುಟಪುಲಕಸಾನ್ದ್ರಾಃ ಸಗರಜಾಃ ॥ ೧೬॥
ಕೃತಕ್ಷುದ್ರೈನಸ್ಕಾನಥ ಝಟಿತಿ ಸನ್ತಪ್ತಮನಸಃ
ಸಮುದ್ಧರ್ತುಂ ಸನ್ತಿ ತ್ರಿಭುವನತಲೇ ತೀರ್ಥನಿವಹಾಃ ।
ಅಪಿ ಪ್ರಾಯಶ್ಚಿತ್ತಪ್ರಸರಣಪಥಾತೀತಚರಿತಾ-
ನ್ನರಾನೂರೀಕರ್ತುಂ ತ್ವಮಿವ ಜನನಿ ತ್ವಂ ವಿಜಯಸೇ ॥ ೧೭॥
ನಿಧಾನಂ ಧರ್ಮಾಣಾಂ ಕಿಮಪಿ ಚ ವಿಧಾನಂ ನವಮುದಾಂ
ಪ್ರಧಾನಂ ತೀರ್ಥಾನಾಮಮಲಪರಿಧಾನಂ ತ್ರಿಜಗತಃ ।
ಸಮಾಧಾನಂ ಬುದ್ಧೇರಥ ಖಲು ತಿರೋಧಾನಮಧಿಯಾಂ
ಶ್ರಿಯಾಮಾಧಾನಂ ನಃ ಪರಿಹರತು ತಾಪಂ ತವ ವಪುಃ ॥ ೧೮॥
ಪುರೋ ಧಾವಂ ಧಾವಂ ದ್ರವಿಣಮದಿರಾಘೂರ್ಣಿತದೃಶಾಂ
ಮಹೀಪಾನಾಂ ನಾನಾತರುಣತರಖೇದಸ್ಯ ನಿಯತಮ್ ।
ಮಮೈವಾಯಂ ಮನ್ತುಃ ಸ್ವಹಿತಶತಹನ್ತುರ್ಜಡಧಿಯೋ
ವಿಯೋಗಸ್ತೇ ಮಾತರ್ಯದಿಹ ಕರುಣಾತಃ ಕ್ಷಣಮಪಿ ॥ ೧೯॥
ಮರುಲ್ಲೀಲಾಲೋಲಲ್ಲಹರಿಲುಲಿತಾಮ್ಭೋಜಪಟಲೀ-
ಸ್ಖಲತ್ಪಾಂಸುವ್ರಾತಚ್ಛುರಣವಿಸರತ್ಕೌಙ್ಕುಮರುಚಿ ।
ಸುರಸ್ತ್ರೀವಕ್ಷೋಜಕ್ಷರದಗರುಜಮ್ಬಾಲಜಟಿಲಂ
ಜಲಂ ತೇ ಜಮ್ಬಾಲಂ ಮಮ ಜನನಜಾಲಂ ಜರಯತು ॥ ೨೦॥
ಸಮುತ್ಪತ್ತಿಃ ಪದ್ಮಾರಮಣಪದಪದ್ಮಾಮಲನಖಾ-
ನ್ನಿವಾಸಃ ಕನ್ದರ್ಪಪ್ರತಿಭಟಜಟಾಜೂಟಭವನೇ ।
ಅಥಾಽಯಂ ವ್ಯಾಸಙ್ಗೋ ಹತಪತಿತನಿಸ್ತಾರಣವಿಧೌ
ನ ಕಸ್ಮಾದುತ್ಕರ್ಷಸ್ತವ ಜನನಿ ಜಾಗರ್ತು ಜಗತಿ ॥ ೨೧॥
ನಗೇಭ್ಯೋ ಯಾನ್ತೀನಾಂ ಕಥಯ ತಟಿನೀನಾಂ ಕತಮಯಾ
ಪುರಾಣಾಂ ಸಂಹರ್ತುಃ ಸುರಧುನಿ ಕಪರ್ದೋಽಧಿರುರುಹೇ ।
ಕಯಾ ವಾ ಶ್ರೀಭರ್ತುಃ ಪದಕಮಲಮಕ್ಷಾಲಿ ಸಲಿಲೈ-
ಸ್ತುಲಾಲೇಶೋ ಯಸ್ಯಾಂ ತವ ಜನನಿ ದೀಯೇತ ಕವಿಭಿಃ ॥ ೨೨॥
ವಿಧತ್ತಾಂ ನಿಃಶಙ್ಕಂ ನಿರವಧಿ ಸಮಾಧಿಂ ವಿಧಿರಹೋ
ಸುಖಂ ಶೇಷೇ ಶೇತಾಂ ಹರಿರವಿರತಂ ನೃತ್ಯತು ಹರಃ ।
ಕೃತಂ ಪ್ರಾಯಶ್ಚಿತ್ತೈರಲಮಥ ತಪೋದಾನಯಜನೈಃ
ಸವಿತ್ರೀ ಕಾಮಾನಾಂ ಯದಿ ಜಗತಿ ಜಾಗರ್ತಿ ಜನನೀ ॥ ೨೩॥
ಅನಾಥಃ ಸ್ನೇಹಾರ್ದ್ರಾಂ ವಿಗಲಿತಗತಿಃ ಪುಣ್ಯಗತಿದಾಂ
ಪತನ್ ವಿಶ್ವೋದ್ಧರ್ತ್ರೀಂ ಗದವಿಗಲಿತಃ ಸಿದ್ಧಭಿಷಜಮ್ ।
ಸುಧಾಸಿನ್ಧುಂ ತೃಷ್ಣಾಕುಲಿತಹೃದಯೋ ಮಾತರಮಯಂ
ಶಿಶುಃ ಸಮ್ಪ್ರಾಪ್ತಸ್ತ್ವಾಮಹಮಿಹ ವಿದಧ್ಯಾಃ ಸಮುಚಿತಮ್ ॥ ೨೪॥
ವಿಲೀನೋ ವೈ ವೈವಸ್ವತನಗರಕೋಲಾಹಲಭರೋ
ಗತಾ ದೂತಾ ದೂರಂ ಕ್ವಚಿದಪಿ ಪರೇತಾನ್ ಮೃಗಯಿತುಮ್ ।
ವಿಮಾನಾನಾಂ ವ್ರಾತೋ ವಿದಲಯತಿ ವೀಥಿರ್ದಿವಿಷದಾಂ
ಕಥಾ ತೇ ಕಲ್ಯಾಣೀ ಯದವಧಿ ಮಹೀಮಣ್ಡಲಮಗಾತ್ ॥ ೨೫॥
ಸ್ಫುರತ್ಕಾಮಕ್ರೋಧಪ್ರಬಲತರಸಞ್ಜಾತಜಟಿಲ-
ಜ್ವರಜ್ವಾಲಾಜಾಲಜ್ವಲಿತವಪುಷಾಂ ನಃ ಪ್ರತಿದಿನಮ್ ।
ಹರನ್ತಾಂ ಸನ್ತಾಪಂ ಕಮಪಿ ಮರುದುಲ್ಲಾಸಲಹರಿ-
ಚ್ಛಟಾಚಞ್ಚತ್ಪಾಥಃಕಣಸರಣಯೋ ದಿವ್ಯಸರಿತಃ ॥ ೨೬॥
ಇದಂ ಹಿ ಬ್ರಹ್ಮಾಣ್ಡಂ ಸಕಲಭುವನಾಭೋಗಭವನಂ
ತರಙ್ಗೈರ್ಯಸ್ಯಾನ್ತರ್ಲುಠತಿ ಪರಿತಸ್ತಿನ್ದುಕಮಿವ ।
ಸ ಏಷ ಶ್ರೀಕಣ್ಠಪ್ರವಿತತಜಟಾಜೂಟಜಟಿಲೋ
ಜಲಾನಾಂ ಸಙ್ಘಾತಸ್ತವ ಜನನಿ ತಾಪಂ ಹರತು ನಃ ॥ ೨೭॥
ತ್ರಪನ್ತೇ ತೀರ್ಥಾನಿ ತ್ವರಿತಮಿಹ ಯಸ್ಯೋದ್ಧೃತಿವಿಧೌ
ಕರಂ ಕರ್ಣೇ ಕುರ್ವನ್ತ್ಯಪಿ ಕಿಲ ಕಪಾಲಿಪ್ರಭೃತಯಃ ।
ಇಮಂ ತ್ವಂ ಮಾಮಮ್ಬ ತ್ವಮಿಯಮನುಕಮ್ಪಾರ್ದ್ರಹೃದಯೇ
ಪುನಾನಾ ಸರ್ವೇಷಾಮಘಮಥನದರ್ಪಂ ದಲಯಸಿ ॥ ೨೮॥
ಶ್ವಪಾಕಾನಾಂ ವ್ರಾತೈರಮಿತವಿಚಿಕಿತ್ಸಾವಿಚಲಿತೈ-
ರ್ವಿಮುಕ್ತಾನಾಮೇಕಂ ಕಿಲ ಸದನಮೇನಃಪರಿಷದಾಮ್ ।
ಅಹೋ ಮಾಮುದ್ಧರ್ತುಂ ಜನನಿ ಘಟಯನ್ತ್ಯಾಃ ಪರಿಕರಂ
ತವ ಶ್ಲಾಘಾಂ ಕರ್ತುಂ ಕಥಮಿವ ಸಮರ್ಥೋ ನರಪಶುಃ ॥ ೨೯॥
ನ ಕೋಽಪ್ಯೇತಾವನ್ತಂ ಖಲು ಸಮಯಮಾರಭ್ಯ ಮಿಲಿತೋ
ಯದುದ್ಧಾರಾದಾರಾದ್ಭವತಿ ಜಗತೋ ವಿಸ್ಮಯಭರಃ ।
ಇತೀಮಾಮೀಹಾಂ ತೇ ಮನಸಿ ಚಿರಕಾಲಂ ಸ್ಥಿತವತೀ-
ಮಯಂ ಸಮ್ಪ್ರಾಪ್ತೋಽಹಂ ಸಫಲಯಿತುಮಮ್ಬ ಪ್ರಣಯ ನಃ ॥ ೩೦॥
ಶ್ವವೃತ್ತಿವ್ಯಾಸಙ್ಗೋ ನಿಯತಮಥ ಮಿಥ್ಯಾಪ್ರಲಪನಂ
ಕುತರ್ಕೇಶ್ವಭ್ಯಾಸಃ ಸತತಪರಪೈಶುನ್ಯಮನನಮ್ ।
ಅಪಿ ಶ್ರಾವಂ ಶ್ರಾವಂ ಮಮ ತು ಪುನರೇವಂ ಗುಣಗಣಾ-
ನೃತೇ ತ್ವತ್ಕೋ ನಾಮ ಕ್ಷಣಮಪಿ ನಿರೀಕ್ಷೇತ ವದನಮ್ ॥ ೩೧॥
ವಿಶಾಲಾಭ್ಯಾಮಾಭ್ಯಾಂ ಕಿಮಿಹ ನಯನಾಭ್ಯಾಂ ಖಲು ಫಲಂ
ನ ಯಾಭ್ಯಾಮಾಲೀಢಾ ಪರಮರಮಣೀಯಾ ತವ ತನುಃ ।
ಅಯಂ ಹಿ ನ್ಯಕ್ಕಾರೋ ಜನನಿ ಮನುಜಸ್ಯ ಶ್ರವಣಯೋ-
ರ್ಯಯೋರ್ನಾನ್ತರ್ಯಾತಸ್ತವ ಲಹರಿಲೀಲಾಕಲಕಲಃ ॥ ೩೨॥
ವಿಮಾನೈಃ ಸ್ವಚ್ಛನ್ದಂ ಸುರಪುರಮಯನ್ತೇ ಸುಕೃತಿನಃ
ಪತನ್ತಿ ದ್ರಾಕ್ ಪಾಪಾ ಜನನಿ ನರಕಾನ್ತಃ ಪರವಶಾಃ ।
ವಿಭಾಗೋಽಯಂ ತಸ್ಮಿನ್ನಶುಭಮಯಮೂರ್ತೌ ಜನಪದೇ
ನ ಯತ್ರ ತ್ವಂ ಲೀಲಾದಲಿತಮನುಜಾಶೇಷಕಲುಷಾ ॥ ೩೩॥
ಅಪಿ ಘ್ನನ್ತೋ ವಿಪ್ರಾನವಿರತಮುಶನ್ತೋ ಗುರುಸತೀಃ
ಪಿಬನ್ತೋ ಮೈರೇಯಂ ಪುನರಪಿ ಹರನ್ತಶ್ಚ ಕನಕಮ್ ।
ವಿಹಾಯ ತ್ವಯ್ಯನ್ತೇ ತನುಮತನುದಾನಾಧ್ವರಜುಷಾ-
ಮುಪರ್ಯಮ್ಬ ಕ್ರೀಡನ್ತ್ಯಖಿಲಸುರಸಮ್ಭಾವಿತಪದಾಃ ॥ ೩೪॥
ಅಲಭ್ಯಂ ಸೌರಭ್ಯಂ ಹರತಿ ಸತತಂ ಯಃ ಸುಮನಸಾಂ
ಕ್ಷಣಾದೇವ ಪ್ರಾಣಾನಪಿ ವಿರಹಶಸ್ತ್ರಕ್ಷತಹೃದಾಮ್ ।
ತ್ವದೀಯಾನಾಂ ಲೀಲಾಚಲಿತಲಹರೀಣಾಂ ವ್ಯತಿಕರಾತ್
ಪುನೀತೇ ಸೋಽಪಿ ದ್ರಾಗಹಹ ಪವಮಾನಸ್ತ್ರಿಭುವನಮ್ ॥ ೩೫॥
ಕಿಯನ್ತಃ ಸನ್ತ್ಯೇಕೇ ನಿಯತಮಿಹಲೋಕಾರ್ಥಘಟಕಾಃ
ಪರೇ ಪೂತಾತ್ಮಾನಃ ಕತಿ ಚ ಪರಲೋಕಪ್ರಣಯಿನಃ ।
ಸುಖಂ ಶೇತೇ ಮಾತಸ್ತವ ಖಲು ಕೃಪಾತಃ ಪುನರಯಂ
ಜಗನ್ನಾಥಃ ಶಶ್ವತ್ತ್ವಯಿ ನಿಹಿತಲೋಕದ್ವಯಭರಃ ॥ ೩೬॥
ಭವತ್ಯಾ ಹಿ ವ್ರಾತ್ಯಾಧಮಪತಿತಪಾಖಣ್ಡಪರಿಷತ್
ಪರಿತ್ರಾಣಸ್ನೇಹಃ ಶ್ಲಥಯಿತುಮಶಕ್ಯಃ ಖಲು ಯಥಾ ।
ಮಮಾಪ್ಯೇವಂ ಪ್ರೇಮಾ ದುರಿತನಿವಹೇಷ್ವಮ್ಬ ಜಗತಿ
ಸ್ವಭಾವೋಽಯಂ ಸರ್ವೈರಪಿ ಖಲು ಯತೋ ದುಷ್ಪರಿಹರಃ ॥ ೩೭॥
ಪ್ರದೋಷಾನ್ತರ್ನೃತ್ಯತ್ಪುರಮಥನಲೀಲೋದ್ಧೃತಜಟಾ-
ತಟಾಭೋಗಪ್ರೇಙ್ಖಲ್ಲಹರಿಭುಜಸನ್ತಾನವಿಧುತಿಃ ।
ಬಿಲಕ್ರೋಡಕ್ರೀಡಜ್ಜಲಡಮರುಟಙ್ಕಾರಸುಭಗ-
ಸ್ತಿರೋಧತ್ತಾಂ ತಾಪಂ ತ್ರಿದಶತಟಿನೀತಾಣ್ಡವವಿಧಿಃ ॥ ೩೮॥
ಸದೈವ ತ್ವಯ್ಯೇವಾರ್ಪಿತಕುಶಲಚಿನ್ತಾಭರಮಿಮಂ
ಯದಿ ತ್ವಂ ಮಾಮಮ್ಬ ತ್ಯಜಸಿ ಸಮಯೇಽಸ್ಮಿನ್ಸುವಿಷಮೇ ।
ತದಾ ವಿಶ್ವಾಸೋಽಯಂ ತ್ರಿಭುವನತಲಾದಸ್ತಮಯತೇ
ನಿರಾಧಾರಾ ಚೇಯಂ ಭವತಿ ಖಲು ನಿರ್ವ್ಯಾಜಕರುಣಾ ॥ ೩೯॥
ಕಪರ್ದಾದುಲ್ಲಸ್ಯ ಪ್ರಣಯಮಿಲದರ್ಧಾಙ್ಗಯುವತೇಃ
ಪುರಾರೇಃ ಪ್ರೇಙ್ಖನ್ತ್ಯೋ ಮೃದುಲತರಸೀಮನ್ತಸರಣೌ ।
ಭವಾನ್ಯಾ ಸಾಪತ್ನ್ಯಸ್ಫುರಿತನಯನಂ ಕೋಮಲರುಚಾ
ಕರೇಣಾಕ್ಷಿಪ್ತಾಸ್ತೇ ಜನನಿ ವಿಜಯನ್ತಾಂ ಲಹರಯಃ ॥ ೪೦॥
ಪ್ರಪದ್ಯನ್ತೇ ಲೋಕಾಃ ಕತಿ ನ ಭವತೀಮತ್ರಭವತೀ-
ಮುಪಾಧಿಸ್ತತ್ರಾಯಂ ಸ್ಫುರತಿ ಯದಭೀಷ್ಟಂ ವಿತರಸಿ ।
ಶಪೇ ತುಭ್ಯಂ ಮಾತರ್ಮಮ ತು ಪುನರಾತ್ಮಾ ಸುರಧುನಿ
ಸ್ವಭಾವಾದೇವ ತ್ವಯ್ಯಮಿತಮನುರಾಗಂ ವಿಧೃತವಾನ್ ॥ ೪೧॥
ಲಲಾಟೇ ಯಾ ಲೋಕೈರಿಹ ಖಲು ಸಲೀಲಂ ತಿಲಕಿತಾ
ತಮೋ ಹನ್ತುಂ ಧತ್ತೇ ತರುಣತರಮಾರ್ತಣ್ಡತುಲನಾಮ್ ।
ವಿಲುಮ್ಪನ್ತೀ ಸದ್ಯೋ ವಿಧಿಲಿಖಿತದುರ್ವರ್ಣಸರಣಿಂ
ತ್ವದೀಯಾ ಸಾ ಮೃತ್ಸ್ನಾ ಮಮ ಹರತು ಕೃತ್ಸ್ನಾಮಪಿ ಶುಚಮ್ ॥ ೪೨॥
ನರಾನ್ ಮೂಢಾಂಸ್ತತ್ತಜ್ಜನಪದಸಮಾಸಕ್ತಮನಸೋ
ಹಸನ್ತಃ ಸೋಲ್ಲಾಸಂ ವಿಕಚಕುಸುಮವ್ರಾತಮಿಷತಃ ।
ಪುನಾನಾಃ ಸೌರಭ್ಯೈಃ ಸತತಮಲಿನೋ ನಿತ್ಯಮಲಿನಾನ್
ಸಖಾಯೋ ನಃ ಸನ್ತು ತ್ರಿದಶತಟಿನೀತೀರತರವಃ ॥ ೪೩॥
ಯಜನ್ತ್ಯೇಕೇ ದೇವಾನ್ ಕಠಿನತರಸೇವಾಂಸ್ತದಪರೇ
ವಿತಾನವ್ಯಾಸಕ್ತಾ ಯಮನಿಯಮರಕ್ತಾಃ ಕತಿಪಯೇ ।
ಅಹಂ ತು ತ್ವನ್ನಾಮಸ್ಮರಣಕೃತಕಾಮಸ್ತ್ರಿಪಥಗೇ
ಜಗಜ್ಜಾಲಂ ಜಾನೇ ಜನನಿ ತೃಣಜಾಲೇನ ಸದೃಶಮ್ ॥ ೪೪॥
ಅವಿಶ್ರಾನ್ತಂ ಜನ್ಮಾವಧಿ ಸುಕೃತಜನ್ಮಾರ್ಜನಕೃತಾಂ
ಸತಾಂ ಶ್ರೇಯಃ ಕರ್ತುಂ ಕತಿ ನ ಕೃತಿನಃ ಸನ್ತಿ ವಿಬುಧಾಃ ।
ನಿರಸ್ತಾಲಮ್ಬಾನಾಮಕೃತಸುಕೃತಾನಾಂ ತು ಭವತೀಂ
ವಿನಾಽಮುಷ್ಮಿಂಲ್ಲೋಕೇ ನ ಪರಮವಲೋಕೇ ಹಿತಕರಮ್ ॥ ೪೫॥
ಪಯಃ ಪೀತ್ವಾ ಮಾತಸ್ತವ ಸಪದಿ ಯಾತಃ ಸಹಚರೈ-
ರ್ವಿಮೂಢೈಃ ಸಂರನ್ತುಂ ಕ್ವಚಿದಪಿ ನ ವಿಶ್ರಾನ್ತಿಮಗಮಮ್ ।
ಇದಾನೀಮುತ್ಸಙ್ಗೇ ಮೃದುಪವನಸಞ್ಚಾರಶಿಶಿರೇ
ಚಿರಾದುನ್ನಿದ್ರಂ ಮಾಂ ಸದಯಹೃದಯೇ ಶಾಯಯ ಚಿರಮ್ ॥ ೪೬॥
ಬಧಾನ ದ್ರಾಗೇವ ದ್ರಢಿಮರಮಣೀಯಂ ಪರಿಕರಂ
ಕಿರೀಟೇ ಬಾಲೇನ್ದುಂ ನಿಯಮಯ ಪುನಃ ಪನ್ನಗಗಣೈಃ ।
ನ ಕುರ್ಯಾಸ್ತ್ವಂ ಹೇಲಾಮಿತರಜನಸಾಧಾರಣತಯಾ
ಜಗನ್ನಾಥಸ್ಯಾಯಂ ಸುರಧುನಿ ಸಮುದ್ಧಾರಸಮಯಃ ॥ ೪೭॥
ಶರಚ್ಚನ್ದ್ರಶ್ವೇತಾಂ ಶಶಿಶಕಲಶ್ವೇತಾಲಮುಕುಟಾಂ
ಕರೈಃ ಕುಮ್ಭಾಮ್ಭೋಜೇ ವರಭಯನಿರಾಸೌ ಚ ದಧತೀಮ್ ।
ಸುಧಾಧಾರಾಕಾರಾಭರಣವಸನಾಂ ಶುಭ್ರಮಕರ-
ಸ್ಥಿತಾಂ ತ್ವಾಂ ಯೇ ಧ್ಯಾಯನ್ತ್ಯುದಯತಿ ನ ತೇಷಾಂ ಪರಿಭವಃ ॥ ೪೮॥
ದರಸ್ಮಿತಸಮುಲ್ಲಸದ್ವದನಕಾನ್ತಿಪೂರಾಮೃತೈ-
ರ್ಭವಜ್ವಲನಭರ್ಜಿತಾನನಿಶಮೂರ್ಜಯನ್ತೀ ನರಾನ್ ।
ಚಿದೇಕಮಯಚನ್ದ್ರಿಕಾಚಯಚಮತ್ಕೃತಿಂ ತನ್ವತೀ
ತನೋತು ಮಮ ಶನ್ತನೋಃ ಸಪದಿ ಶನ್ತನೋರಙ್ಗನಾ ॥ ೪೯॥
ಮನ್ತ್ರೈರ್ಮೀಲಿತಮೌಷಧೈರ್ಮುಕುಲಿತಂ ತ್ರಸ್ತಂ ಸುರಾಣಾಂ ಗಣೈಃ
ಸ್ರಸ್ತಂ ಸಾನ್ದ್ರಸುಧಾರಸೈರ್ವಿದಲಿತಂ ಗಾರುತ್ಮತೈರ್ಗ್ರಾವಭಿಃ ।
ವೀಚಿಕ್ಷಾಲಿತಕಾಲಿಯಾಹಿತಪದೇ ಸ್ವರ್ಲೋಕಕಲ್ಲೋಲಿನಿ
ತ್ವಂ ತಾಪಂ ತಿರಯಾಧುನಾ ಮಮ ಭವಜ್ವಾಲಾವಲೀಢಾತ್ಮನಃ ॥ ೫೦॥
ದ್ಯೂತೇ ನಾಗೇನ್ದ್ರಕೃತ್ತಿಪ್ರಮಥಗಣಮಣಿಶ್ರೇಣಿನನ್ದೀನ್ದುಮುಖ್ಯಂ
ಸರ್ವಸ್ವಂ ಹಾರಯಿತ್ವಾ ಸ್ವಮಥ ಪುರಭಿದಿ ದ್ರಾಕ್ ಪಣೀಕರ್ತುಕಾಮೇ ।
ಸಾಕೂತಂ ಹೈಮವತ್ಯಾ ಮೃದುಲಹಸಿತಯಾ ವೀಕ್ಷಿತಾಯಾಸ್ತವಾಮ್ಬ
ವ್ಯಾಲೋಲೋಲ್ಲಾಸಿವಲ್ಗಲ್ಲಹರಿನಟಘಟೀತಾಣ್ಡವಂ ನಃ ಪುನಾತು ॥ ೫೧॥
ವಿಭೂಷಿತಾನಙ್ಗರಿಪೂತ್ತಮಾಙ್ಗಾ ಸದ್ಯಃಕೃತಾನೇಕಜನಾರ್ತಿಭಙ್ಗಾ ।
ಮನೋಹರೋತ್ತುಙ್ಗಚಲತ್ತರಙ್ಗಾ ಗಙ್ಗಾ ಮಮಾಙ್ಗಾನ್ಯಮಲೀಕರೋತು ॥ ೫೨॥
ಇಮಾಂ ಪೀಯೂಷಲಹರೀಂ ಜಗನ್ನಾಥೇನ ನಿರ್ಮಿತಾಮ್ ।
ಯಃ ಪಠೇತ್ತಸ್ಯ ಸರ್ವತ್ರ ಜಾಯನ್ತೇ ಸುಖಸಮ್ಪದಃ ॥ ೫೩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Ganga Lahari Lyrics in Kannada PDF
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website