ഗംഗാലഹരീ
{॥ ഗംഗാലഹരീ ॥}
സമൃദ്ധം സൌഭാഗ്യം സകലവസുധായാഃ കിമപി തന്
മഹൈശ്വര്യം ലീലാജനിതജഗതഃ ഖണ്ഡപരശോഃ ।
ശ്രുതീനാം സര്വസ്വം സുകൃതമഥ മൂര്തം സുമനസാം
സുധാസോദര്യം തേ സലിലമശിവം നഃ ശമയതു ॥ ൧॥
ദരിദ്രാണാം ദൈന്യം ദുരിതമഥ ദുര്വാസനഹൃദാം
ദ്രുതം ദൂരീകുര്വന് സകൃദപി ഗതോ ദൃഷ്ടിസരണിമ് ।
അപി ദ്രാഗാവിദ്യാദ്രുമദലനദീക്ഷാഗുരുരിഹ
പ്രവാഹസ്തേ വാരാം ശ്രിയമയമപാരാം ദിശതു നഃ ॥ ൨॥
ഉദഞ്ചന്മാര്തണ്ഡസ്ഫുടകപടഹേരമ്ബജനനീ-
കടാക്ഷവ്യാക്ഷേപക്ഷണജനിതസംക്ഷോഭനിവഹാഃ ।
ഭവന്തു ത്വങ്ഗന്തോ ഹരശിരസി ഗങ്ഗാതനുഭുവ-
സ്തരങ്ഗാഃ പ്രോത്തുങ്ഗാ ദുരിതഭയഭങ്ഗായ ഭവതാമ് ॥ ൩॥
തവാലമ്ബാദമ്ബ സ്ഫുരദലഘുഗര്വേണ സഹസാ
മയാ സര്വേഽവജ്ഞാസരണിമഥ നീതാഃ സുരഗണാഃ ।
ഇദാനീമൌദാസ്യം ഭജസി യദി ഭാഗീരഥി തദാ
നിരാധാരോ ഹാ രോദിമി കഥയ കേഷാമിഹ പുരഃ ॥ ൪॥
സ്മൃതിം യാതാ പുംസാമകൃതസുകൃതാനാമപി ച യാ
ഹരത്യന്തസ്തന്ദ്രാം തിമിരമിവ ചന്ദ്രാംശുസരണിഃ ।
ഇയം സാ തേ മൂര്തിഃ സകലസുരസംസേവ്യസലിലാ
മമാന്തഃസന്താപം ത്രിവിധമപി പാപം ച ഹരതാമ് ॥ ൫॥
അപി പ്രാജ്യം രാജ്യം തൃണമിവ പരിത്യജ്യ സഹസാ
വിലോലദ്വാനീരം തവ ജനനി തീരം ശ്രിതവതാമ് ।
സുധാതഃ സ്വാദീയസ്സലിലഭരമാതൃപ്തി പിബതാം
ജനാനാമാനന്ദഃ പരിഹസതി നിര്വാണപദവീമ് ॥ ൬॥
പ്രഭാതേ സ്നാതീനാം നൃപതിരമണീനാം കുചതടീ-
ഗതോ യാവന്മാതര്മിലതി തവ തോയൈര്മൃഗമദഃ ।
മൃഗാസ്താവദ്വൈമാനികശതസഹസ്രൈഃ പരിവൃതാ
വിശന്തി സ്വച്ഛന്ദം വിമലവപുഷോ നന്ദനവനമ് ॥ ൭॥
സ്മൃതം സദ്യഃ സ്വാന്തം വിരചയതി ശാന്തം സകൃദപി
പ്രഗീതം യത്പാപം ഝടിതി ഭവതാപം ച ഹരതി ।
ഇദം തദ്ഗങ്ഗേതി ശ്രവണരമണീയം ഖലു പദം
മമ പ്രാണപ്രാന്തേ വദനകമലാന്തര്വിലസതു ॥ ൮॥
യദന്തഃ ഖേലന്തോ ബഹുലതരസന്തോഷഭരിതാ
ന കാകാ നാകാധീശ്വരനഗരസാകാങ്ക്ഷമനസഃ ।
നിവാസാല്ലോകാനാം ജനിമരണശോകാപഹരണം
തദേതത്തേ തീരം ശ്രമശമനധീരം ഭവതു നഃ ॥ ൯॥
ന യത്സാക്ഷാദ്വേദൈരപി ഗലിതഭേദൈരവസിതം
ന യസ്മിന് ജീവാനാം പ്രസരതി മനോവാഗവസരഃ ।
നിരാകാരം നിത്യം നിജമഹിമനിര്വാസിതതമോ
വിശുദ്ധം യത്തത്ത്വം സുരതടിനി തത്ത്വം ന വിഷയഃ ॥ ൧൦॥
മഹാദാനൈര്ധ്യാനൈര്ബഹുവിധവിതാനൈരപി ച യന്
ന ലഭ്യം ഘോരാഭിഃ സുവിമലതപോരാശിഭിരപി ।
അചിന്ത്യം തദ്വിഷ്ണോഃ പദമഖിലസാധാരണതയാ
ദദാനാ കേനാസി ത്വമിഹ തുലനീയാ കഥയ നഃ ॥ ൧൧॥
നൃണാമീക്ഷാമാത്രാദപി പരിഹരന്ത്യാ ഭവഭയം
ശിവായാസ്തേ മൂര്തേഃ ക ഇഹ മഹിമാനം നിഗദതു ।
അമര്ഷമ്ലാനായാഃ പരമമനുരോധം ഗിരിഭുവോ
വിഹായ ശ്രീകണ്ഠഃ ശിരസി നിയതം ധാരയതി യാമ് ॥ ൧൨॥
വിനിന്ദ്യാന്യുന്മത്തൈരപി ച പരിഹാര്യാണി പതിതൈ-
രവാച്യാനി വ്രാത്യൈഃ സപുലകമപാസ്യാനി പിശുനൈഃ ।
ഹരന്തീ ലോകാനാമനവരതമേനാംസി കിയതാം
കദാപ്യശ്രാന്താ ത്വം ജഗതി പുനരേകാ വിജയസേ ॥ ൧൩॥
സ്ഖലന്തീ സ്വര്ലോകാദവനിതലശോകാപഹൃതയേ
ജടാജൂടഗ്രന്ഥൌ യദസി വിനിബദ്ധാ പുരഭിദാ ।
അയേ നിര്ലോഭാനാമപി മനസി ലോഭം ജനയതാം
ഗുണാനാമേവായം തവ ജനനി ദോഷഃ പരിണതഃ ॥ ൧൪॥
ജഡാനന്ധാന് പങ്ഗൂന് പ്രകൃതിബധിരാനുക്തിവികലാന്
ഗ്രഹഗ്രസ്താനസ്താഖിലദുരിതനിസ്താരസരണീന് ।
നിലിമ്പൈര്നിര്മുക്താനപി ച നിരയാന്തര്നിപതതോ
നരാനമ്ബ ത്രാതും ത്വമിഹ പരമം ഭേഷജമസി ॥ ൧൫॥
സ്വഭാവസ്വച്ഛാനാം സഹജശിശിരാണാമയമപാ-
മപാരസ്തേ മാതര്ജയതി മഹിമാ കോഽപി ജഗതി ।
മുദായം ഗായന്തി ദ്യുതലമനവദ്യദ്യുതിഭൃതഃ
സമാസാദ്യാദ്യാപി സ്ഫുടപുലകസാന്ദ്രാഃ സഗരജാഃ ॥ ൧൬॥
കൃതക്ഷുദ്രൈനസ്കാനഥ ഝടിതി സന്തപ്തമനസഃ
സമുദ്ധര്തും സന്തി ത്രിഭുവനതലേ തീര്ഥനിവഹാഃ ।
അപി പ്രായശ്ചിത്തപ്രസരണപഥാതീതചരിതാ-
ന്നരാനൂരീകര്തും ത്വമിവ ജനനി ത്വം വിജയസേ ॥ ൧൭॥
നിധാനം ധര്മാണാം കിമപി ച വിധാനം നവമുദാം
പ്രധാനം തീര്ഥാനാമമലപരിധാനം ത്രിജഗതഃ ।
സമാധാനം ബുദ്ധേരഥ ഖലു തിരോധാനമധിയാം
ശ്രിയാമാധാനം നഃ പരിഹരതു താപം തവ വപുഃ ॥ ൧൮॥
പുരോ ധാവം ധാവം ദ്രവിണമദിരാഘൂര്ണിതദൃശാം
മഹീപാനാം നാനാതരുണതരഖേദസ്യ നിയതമ് ।
മമൈവായം മന്തുഃ സ്വഹിതശതഹന്തുര്ജഡധിയോ
വിയോഗസ്തേ മാതര്യദിഹ കരുണാതഃ ക്ഷണമപി ॥ ൧൯॥
മരുല്ലീലാലോലല്ലഹരിലുലിതാമ്ഭോജപടലീ-
സ്ഖലത്പാംസുവ്രാതച്ഛുരണവിസരത്കൌങ്കുമരുചി ।
സുരസ്ത്രീവക്ഷോജക്ഷരദഗരുജമ്ബാലജടിലം
ജലം തേ ജമ്ബാലം മമ ജനനജാലം ജരയതു ॥ ൨൦॥
സമുത്പത്തിഃ പദ്മാരമണപദപദ്മാമലനഖാ-
ന്നിവാസഃ കന്ദര്പപ്രതിഭടജടാജൂടഭവനേ ।
അഥാഽയം വ്യാസങ്ഗോ ഹതപതിതനിസ്താരണവിധൌ
ന കസ്മാദുത്കര്ഷസ്തവ ജനനി ജാഗര്തു ജഗതി ॥ ൨൧॥
നഗേഭ്യോ യാന്തീനാം കഥയ തടിനീനാം കതമയാ
പുരാണാം സംഹര്തുഃ സുരധുനി കപര്ദോഽധിരുരുഹേ ।
കയാ വാ ശ്രീഭര്തുഃ പദകമലമക്ഷാലി സലിലൈ-
സ്തുലാലേശോ യസ്യാം തവ ജനനി ദീയേത കവിഭിഃ ॥ ൨൨॥
വിധത്താം നിഃശങ്കം നിരവധി സമാധിം വിധിരഹോ
സുഖം ശേഷേ ശേതാം ഹരിരവിരതം നൃത്യതു ഹരഃ ।
കൃതം പ്രായശ്ചിത്തൈരലമഥ തപോദാനയജനൈഃ
സവിത്രീ കാമാനാം യദി ജഗതി ജാഗര്തി ജനനീ ॥ ൨൩॥
അനാഥഃ സ്നേഹാര്ദ്രാം വിഗലിതഗതിഃ പുണ്യഗതിദാം
പതന് വിശ്വോദ്ധര്ത്രീം ഗദവിഗലിതഃ സിദ്ധഭിഷജമ് ।
സുധാസിന്ധും തൃഷ്ണാകുലിതഹൃദയോ മാതരമയം
ശിശുഃ സമ്പ്രാപ്തസ്ത്വാമഹമിഹ വിദധ്യാഃ സമുചിതമ് ॥ ൨൪॥
വിലീനോ വൈ വൈവസ്വതനഗരകോലാഹലഭരോ
ഗതാ ദൂതാ ദൂരം ക്വചിദപി പരേതാന് മൃഗയിതുമ് ।
വിമാനാനാം വ്രാതോ വിദലയതി വീഥിര്ദിവിഷദാം
കഥാ തേ കല്യാണീ യദവധി മഹീമണ്ഡലമഗാത് ॥ ൨൫॥
സ്ഫുരത്കാമക്രോധപ്രബലതരസഞ്ജാതജടില-
ജ്വരജ്വാലാജാലജ്വലിതവപുഷാം നഃ പ്രതിദിനമ് ।
ഹരന്താം സന്താപം കമപി മരുദുല്ലാസലഹരി-
ച്ഛടാചഞ്ചത്പാഥഃകണസരണയോ ദിവ്യസരിതഃ ॥ ൨൬॥
ഇദം ഹി ബ്രഹ്മാണ്ഡം സകലഭുവനാഭോഗഭവനം
തരങ്ഗൈര്യസ്യാന്തര്ലുഠതി പരിതസ്തിന്ദുകമിവ ।
സ ഏഷ ശ്രീകണ്ഠപ്രവിതതജടാജൂടജടിലോ
ജലാനാം സങ്ഘാതസ്തവ ജനനി താപം ഹരതു നഃ ॥ ൨൭॥
ത്രപന്തേ തീര്ഥാനി ത്വരിതമിഹ യസ്യോദ്ധൃതിവിധൌ
കരം കര്ണേ കുര്വന്ത്യപി കില കപാലിപ്രഭൃതയഃ ।
ഇമം ത്വം മാമമ്ബ ത്വമിയമനുകമ്പാര്ദ്രഹൃദയേ
പുനാനാ സര്വേഷാമഘമഥനദര്പം ദലയസി ॥ ൨൮॥
ശ്വപാകാനാം വ്രാതൈരമിതവിചികിത്സാവിചലിതൈ-
ര്വിമുക്താനാമേകം കില സദനമേനഃപരിഷദാമ് ।
അഹോ മാമുദ്ധര്തും ജനനി ഘടയന്ത്യാഃ പരികരം
തവ ശ്ലാഘാം കര്തും കഥമിവ സമര്ഥോ നരപശുഃ ॥ ൨൯॥
ന കോഽപ്യേതാവന്തം ഖലു സമയമാരഭ്യ മിലിതോ
യദുദ്ധാരാദാരാദ്ഭവതി ജഗതോ വിസ്മയഭരഃ ।
ഇതീമാമീഹാം തേ മനസി ചിരകാലം സ്ഥിതവതീ-
മയം സമ്പ്രാപ്തോഽഹം സഫലയിതുമമ്ബ പ്രണയ നഃ ॥ ൩൦॥
ശ്വവൃത്തിവ്യാസങ്ഗോ നിയതമഥ മിഥ്യാപ്രലപനം
കുതര്കേശ്വഭ്യാസഃ സതതപരപൈശുന്യമനനമ് ।
അപി ശ്രാവം ശ്രാവം മമ തു പുനരേവം ഗുണഗണാ-
നൃതേ ത്വത്കോ നാമ ക്ഷണമപി നിരീക്ഷേത വദനമ് ॥ ൩൧॥
വിശാലാഭ്യാമാഭ്യാം കിമിഹ നയനാഭ്യാം ഖലു ഫലം
ന യാഭ്യാമാലീഢാ പരമരമണീയാ തവ തനുഃ ।
അയം ഹി ന്യക്കാരോ ജനനി മനുജസ്യ ശ്രവണയോ-
ര്യയോര്നാന്തര്യാതസ്തവ ലഹരിലീലാകലകലഃ ॥ ൩൨॥
വിമാനൈഃ സ്വച്ഛന്ദം സുരപുരമയന്തേ സുകൃതിനഃ
പതന്തി ദ്രാക് പാപാ ജനനി നരകാന്തഃ പരവശാഃ ।
വിഭാഗോഽയം തസ്മിന്നശുഭമയമൂര്തൌ ജനപദേ
ന യത്ര ത്വം ലീലാദലിതമനുജാശേഷകലുഷാ ॥ ൩൩॥
അപി ഘ്നന്തോ വിപ്രാനവിരതമുശന്തോ ഗുരുസതീഃ
പിബന്തോ മൈരേയം പുനരപി ഹരന്തശ്ച കനകമ് ।
വിഹായ ത്വയ്യന്തേ തനുമതനുദാനാധ്വരജുഷാ-
മുപര്യമ്ബ ക്രീഡന്ത്യഖിലസുരസമ്ഭാവിതപദാഃ ॥ ൩൪॥
അലഭ്യം സൌരഭ്യം ഹരതി സതതം യഃ സുമനസാം
ക്ഷണാദേവ പ്രാണാനപി വിരഹശസ്ത്രക്ഷതഹൃദാമ് ।
ത്വദീയാനാം ലീലാചലിതലഹരീണാം വ്യതികരാത്
പുനീതേ സോഽപി ദ്രാഗഹഹ പവമാനസ്ത്രിഭുവനമ് ॥ ൩൫॥
കിയന്തഃ സന്ത്യേകേ നിയതമിഹലോകാര്ഥഘടകാഃ
പരേ പൂതാത്മാനഃ കതി ച പരലോകപ്രണയിനഃ ।
സുഖം ശേതേ മാതസ്തവ ഖലു കൃപാതഃ പുനരയം
ജഗന്നാഥഃ ശശ്വത്ത്വയി നിഹിതലോകദ്വയഭരഃ ॥ ൩൬॥
ഭവത്യാ ഹി വ്രാത്യാധമപതിതപാഖണ്ഡപരിഷത്
പരിത്രാണസ്നേഹഃ ശ്ലഥയിതുമശക്യഃ ഖലു യഥാ ।
മമാപ്യേവം പ്രേമാ ദുരിതനിവഹേഷ്വമ്ബ ജഗതി
സ്വഭാവോഽയം സര്വൈരപി ഖലു യതോ ദുഷ്പരിഹരഃ ॥ ൩൭॥
പ്രദോഷാന്തര്നൃത്യത്പുരമഥനലീലോദ്ധൃതജടാ-
തടാഭോഗപ്രേങ്ഖല്ലഹരിഭുജസന്താനവിധുതിഃ ।
ബിലക്രോഡക്രീഡജ്ജലഡമരുടങ്കാരസുഭഗ-
സ്തിരോധത്താം താപം ത്രിദശതടിനീതാണ്ഡവവിധിഃ ॥ ൩൮॥
സദൈവ ത്വയ്യേവാര്പിതകുശലചിന്താഭരമിമം
യദി ത്വം മാമമ്ബ ത്യജസി സമയേഽസ്മിന്സുവിഷമേ ।
തദാ വിശ്വാസോഽയം ത്രിഭുവനതലാദസ്തമയതേ
നിരാധാരാ ചേയം ഭവതി ഖലു നിര്വ്യാജകരുണാ ॥ ൩൯॥
കപര്ദാദുല്ലസ്യ പ്രണയമിലദര്ധാങ്ഗയുവതേഃ
പുരാരേഃ പ്രേങ്ഖന്ത്യോ മൃദുലതരസീമന്തസരണൌ ।
ഭവാന്യാ സാപത്ന്യസ്ഫുരിതനയനം കോമലരുചാ
കരേണാക്ഷിപ്താസ്തേ ജനനി വിജയന്താം ലഹരയഃ ॥ ൪൦॥
പ്രപദ്യന്തേ ലോകാഃ കതി ന ഭവതീമത്രഭവതീ-
മുപാധിസ്തത്രായം സ്ഫുരതി യദഭീഷ്ടം വിതരസി ।
ശപേ തുഭ്യം മാതര്മമ തു പുനരാത്മാ സുരധുനി
സ്വഭാവാദേവ ത്വയ്യമിതമനുരാഗം വിധൃതവാന് ॥ ൪൧॥
ലലാടേ യാ ലോകൈരിഹ ഖലു സലീലം തിലകിതാ
തമോ ഹന്തും ധത്തേ തരുണതരമാര്തണ്ഡതുലനാമ് ।
വിലുമ്പന്തീ സദ്യോ വിധിലിഖിതദുര്വര്ണസരണിം
ത്വദീയാ സാ മൃത്സ്നാ മമ ഹരതു കൃത്സ്നാമപി ശുചമ് ॥ ൪൨॥
നരാന് മൂഢാംസ്തത്തജ്ജനപദസമാസക്തമനസോ
ഹസന്തഃ സോല്ലാസം വികചകുസുമവ്രാതമിഷതഃ ।
പുനാനാഃ സൌരഭ്യൈഃ സതതമലിനോ നിത്യമലിനാന്
സഖായോ നഃ സന്തു ത്രിദശതടിനീതീരതരവഃ ॥ ൪൩॥
യജന്ത്യേകേ ദേവാന് കഠിനതരസേവാംസ്തദപരേ
വിതാനവ്യാസക്താ യമനിയമരക്താഃ കതിപയേ ।
അഹം തു ത്വന്നാമസ്മരണകൃതകാമസ്ത്രിപഥഗേ
ജഗജ്ജാലം ജാനേ ജനനി തൃണജാലേന സദൃശമ് ॥ ൪൪॥
അവിശ്രാന്തം ജന്മാവധി സുകൃതജന്മാര്ജനകൃതാം
സതാം ശ്രേയഃ കര്തും കതി ന കൃതിനഃ സന്തി വിബുധാഃ ।
നിരസ്താലമ്ബാനാമകൃതസുകൃതാനാം തു ഭവതീം
വിനാഽമുഷ്മിംല്ലോകേ ന പരമവലോകേ ഹിതകരമ് ॥ ൪൫॥
പയഃ പീത്വാ മാതസ്തവ സപദി യാതഃ സഹചരൈ-
ര്വിമൂഢൈഃ സംരന്തും ക്വചിദപി ന വിശ്രാന്തിമഗമമ് ।
ഇദാനീമുത്സങ്ഗേ മൃദുപവനസഞ്ചാരശിശിരേ
ചിരാദുന്നിദ്രം മാം സദയഹൃദയേ ശായയ ചിരമ് ॥ ൪൬॥
ബധാന ദ്രാഗേവ ദ്രഢിമരമണീയം പരികരം
കിരീടേ ബാലേന്ദും നിയമയ പുനഃ പന്നഗഗണൈഃ ।
ന കുര്യാസ്ത്വം ഹേലാമിതരജനസാധാരണതയാ
ജഗന്നാഥസ്യായം സുരധുനി സമുദ്ധാരസമയഃ ॥ ൪൭॥
ശരച്ചന്ദ്രശ്വേതാം ശശിശകലശ്വേതാലമുകുടാം
കരൈഃ കുമ്ഭാമ്ഭോജേ വരഭയനിരാസൌ ച ദധതീമ് ।
സുധാധാരാകാരാഭരണവസനാം ശുഭ്രമകര-
സ്ഥിതാം ത്വാം യേ ധ്യായന്ത്യുദയതി ന തേഷാം പരിഭവഃ ॥ ൪൮॥
ദരസ്മിതസമുല്ലസദ്വദനകാന്തിപൂരാമൃതൈ-
ര്ഭവജ്വലനഭര്ജിതാനനിശമൂര്ജയന്തീ നരാന് ।
ചിദേകമയചന്ദ്രികാചയചമത്കൃതിം തന്വതീ
തനോതു മമ ശന്തനോഃ സപദി ശന്തനോരങ്ഗനാ ॥ ൪൯॥
മന്ത്രൈര്മീലിതമൌഷധൈര്മുകുലിതം ത്രസ്തം സുരാണാം ഗണൈഃ
സ്രസ്തം സാന്ദ്രസുധാരസൈര്വിദലിതം ഗാരുത്മതൈര്ഗ്രാവഭിഃ ।
വീചിക്ഷാലിതകാലിയാഹിതപദേ സ്വര്ലോകകല്ലോലിനി
ത്വം താപം തിരയാധുനാ മമ ഭവജ്വാലാവലീഢാത്മനഃ ॥ ൫൦॥
ദ്യൂതേ നാഗേന്ദ്രകൃത്തിപ്രമഥഗണമണിശ്രേണിനന്ദീന്ദുമുഖ്യം
സര്വസ്വം ഹാരയിത്വാ സ്വമഥ പുരഭിദി ദ്രാക് പണീകര്തുകാമേ ।
സാകൂതം ഹൈമവത്യാ മൃദുലഹസിതയാ വീക്ഷിതായാസ്തവാമ്ബ
വ്യാലോലോല്ലാസിവല്ഗല്ലഹരിനടഘടീതാണ്ഡവം നഃ പുനാതു ॥ ൫൧॥
വിഭൂഷിതാനങ്ഗരിപൂത്തമാങ്ഗാ സദ്യഃകൃതാനേകജനാര്തിഭങ്ഗാ ।
മനോഹരോത്തുങ്ഗചലത്തരങ്ഗാ ഗങ്ഗാ മമാങ്ഗാന്യമലീകരോതു ॥ ൫൨॥
ഇമാം പീയൂഷലഹരീം ജഗന്നാഥേന നിര്മിതാമ് ।
യഃ പഠേത്തസ്യ സര്വത്ര ജായന്തേ സുഖസമ്പദഃ ॥ ൫൩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
സമൃദ്ധം സൌഭാഗ്യം സകലവസുധായാഃ കിമപി തന്
മഹൈശ്വര്യം ലീലാജനിതജഗതഃ ഖണ്ഡപരശോഃ ।
ശ്രുതീനാം സര്വസ്വം സുകൃതമഥ മൂര്തം സുമനസാം
സുധാസോദര്യം തേ സലിലമശിവം നഃ ശമയതു ॥ ൧॥
ദരിദ്രാണാം ദൈന്യം ദുരിതമഥ ദുര്വാസനഹൃദാം
ദ്രുതം ദൂരീകുര്വന് സകൃദപി ഗതോ ദൃഷ്ടിസരണിമ് ।
അപി ദ്രാഗാവിദ്യാദ്രുമദലനദീക്ഷാഗുരുരിഹ
പ്രവാഹസ്തേ വാരാം ശ്രിയമയമപാരാം ദിശതു നഃ ॥ ൨॥
ഉദഞ്ചന്മാര്തണ്ഡസ്ഫുടകപടഹേരമ്ബജനനീ-
കടാക്ഷവ്യാക്ഷേപക്ഷണജനിതസംക്ഷോഭനിവഹാഃ ।
ഭവന്തു ത്വങ്ഗന്തോ ഹരശിരസി ഗങ്ഗാതനുഭുവ-
സ്തരങ്ഗാഃ പ്രോത്തുങ്ഗാ ദുരിതഭയഭങ്ഗായ ഭവതാമ് ॥ ൩॥
തവാലമ്ബാദമ്ബ സ്ഫുരദലഘുഗര്വേണ സഹസാ
മയാ സര്വേഽവജ്ഞാസരണിമഥ നീതാഃ സുരഗണാഃ ।
ഇദാനീമൌദാസ്യം ഭജസി യദി ഭാഗീരഥി തദാ
നിരാധാരോ ഹാ രോദിമി കഥയ കേഷാമിഹ പുരഃ ॥ ൪॥
സ്മൃതിം യാതാ പുംസാമകൃതസുകൃതാനാമപി ച യാ
ഹരത്യന്തസ്തന്ദ്രാം തിമിരമിവ ചന്ദ്രാംശുസരണിഃ ।
ഇയം സാ തേ മൂര്തിഃ സകലസുരസംസേവ്യസലിലാ
മമാന്തഃസന്താപം ത്രിവിധമപി പാപം ച ഹരതാമ് ॥ ൫॥
അപി പ്രാജ്യം രാജ്യം തൃണമിവ പരിത്യജ്യ സഹസാ
വിലോലദ്വാനീരം തവ ജനനി തീരം ശ്രിതവതാമ് ।
സുധാതഃ സ്വാദീയസ്സലിലഭരമാതൃപ്തി പിബതാം
ജനാനാമാനന്ദഃ പരിഹസതി നിര്വാണപദവീമ് ॥ ൬॥
പ്രഭാതേ സ്നാതീനാം നൃപതിരമണീനാം കുചതടീ-
ഗതോ യാവന്മാതര്മിലതി തവ തോയൈര്മൃഗമദഃ ।
മൃഗാസ്താവദ്വൈമാനികശതസഹസ്രൈഃ പരിവൃതാ
വിശന്തി സ്വച്ഛന്ദം വിമലവപുഷോ നന്ദനവനമ് ॥ ൭॥
സ്മൃതം സദ്യഃ സ്വാന്തം വിരചയതി ശാന്തം സകൃദപി
പ്രഗീതം യത്പാപം ഝടിതി ഭവതാപം ച ഹരതി ।
ഇദം തദ്ഗങ്ഗേതി ശ്രവണരമണീയം ഖലു പദം
മമ പ്രാണപ്രാന്തേ വദനകമലാന്തര്വിലസതു ॥ ൮॥
യദന്തഃ ഖേലന്തോ ബഹുലതരസന്തോഷഭരിതാ
ന കാകാ നാകാധീശ്വരനഗരസാകാങ്ക്ഷമനസഃ ।
നിവാസാല്ലോകാനാം ജനിമരണശോകാപഹരണം
തദേതത്തേ തീരം ശ്രമശമനധീരം ഭവതു നഃ ॥ ൯॥
ന യത്സാക്ഷാദ്വേദൈരപി ഗലിതഭേദൈരവസിതം
ന യസ്മിന് ജീവാനാം പ്രസരതി മനോവാഗവസരഃ ।
നിരാകാരം നിത്യം നിജമഹിമനിര്വാസിതതമോ
വിശുദ്ധം യത്തത്ത്വം സുരതടിനി തത്ത്വം ന വിഷയഃ ॥ ൧൦॥
മഹാദാനൈര്ധ്യാനൈര്ബഹുവിധവിതാനൈരപി ച യന്
ന ലഭ്യം ഘോരാഭിഃ സുവിമലതപോരാശിഭിരപി ।
അചിന്ത്യം തദ്വിഷ്ണോഃ പദമഖിലസാധാരണതയാ
ദദാനാ കേനാസി ത്വമിഹ തുലനീയാ കഥയ നഃ ॥ ൧൧॥
നൃണാമീക്ഷാമാത്രാദപി പരിഹരന്ത്യാ ഭവഭയം
ശിവായാസ്തേ മൂര്തേഃ ക ഇഹ മഹിമാനം നിഗദതു ।
അമര്ഷമ്ലാനായാഃ പരമമനുരോധം ഗിരിഭുവോ
വിഹായ ശ്രീകണ്ഠഃ ശിരസി നിയതം ധാരയതി യാമ് ॥ ൧൨॥
വിനിന്ദ്യാന്യുന്മത്തൈരപി ച പരിഹാര്യാണി പതിതൈ-
രവാച്യാനി വ്രാത്യൈഃ സപുലകമപാസ്യാനി പിശുനൈഃ ।
ഹരന്തീ ലോകാനാമനവരതമേനാംസി കിയതാം
കദാപ്യശ്രാന്താ ത്വം ജഗതി പുനരേകാ വിജയസേ ॥ ൧൩॥
സ്ഖലന്തീ സ്വര്ലോകാദവനിതലശോകാപഹൃതയേ
ജടാജൂടഗ്രന്ഥൌ യദസി വിനിബദ്ധാ പുരഭിദാ ।
അയേ നിര്ലോഭാനാമപി മനസി ലോഭം ജനയതാം
ഗുണാനാമേവായം തവ ജനനി ദോഷഃ പരിണതഃ ॥ ൧൪॥
ജഡാനന്ധാന് പങ്ഗൂന് പ്രകൃതിബധിരാനുക്തിവികലാന്
ഗ്രഹഗ്രസ്താനസ്താഖിലദുരിതനിസ്താരസരണീന് ।
നിലിമ്പൈര്നിര്മുക്താനപി ച നിരയാന്തര്നിപതതോ
നരാനമ്ബ ത്രാതും ത്വമിഹ പരമം ഭേഷജമസി ॥ ൧൫॥
സ്വഭാവസ്വച്ഛാനാം സഹജശിശിരാണാമയമപാ-
മപാരസ്തേ മാതര്ജയതി മഹിമാ കോഽപി ജഗതി ।
മുദായം ഗായന്തി ദ്യുതലമനവദ്യദ്യുതിഭൃതഃ
സമാസാദ്യാദ്യാപി സ്ഫുടപുലകസാന്ദ്രാഃ സഗരജാഃ ॥ ൧൬॥
കൃതക്ഷുദ്രൈനസ്കാനഥ ഝടിതി സന്തപ്തമനസഃ
സമുദ്ധര്തും സന്തി ത്രിഭുവനതലേ തീര്ഥനിവഹാഃ ।
അപി പ്രായശ്ചിത്തപ്രസരണപഥാതീതചരിതാ-
ന്നരാനൂരീകര്തും ത്വമിവ ജനനി ത്വം വിജയസേ ॥ ൧൭॥
നിധാനം ധര്മാണാം കിമപി ച വിധാനം നവമുദാം
പ്രധാനം തീര്ഥാനാമമലപരിധാനം ത്രിജഗതഃ ।
സമാധാനം ബുദ്ധേരഥ ഖലു തിരോധാനമധിയാം
ശ്രിയാമാധാനം നഃ പരിഹരതു താപം തവ വപുഃ ॥ ൧൮॥
പുരോ ധാവം ധാവം ദ്രവിണമദിരാഘൂര്ണിതദൃശാം
മഹീപാനാം നാനാതരുണതരഖേദസ്യ നിയതമ് ।
മമൈവായം മന്തുഃ സ്വഹിതശതഹന്തുര്ജഡധിയോ
വിയോഗസ്തേ മാതര്യദിഹ കരുണാതഃ ക്ഷണമപി ॥ ൧൯॥
മരുല്ലീലാലോലല്ലഹരിലുലിതാമ്ഭോജപടലീ-
സ്ഖലത്പാംസുവ്രാതച്ഛുരണവിസരത്കൌങ്കുമരുചി ।
സുരസ്ത്രീവക്ഷോജക്ഷരദഗരുജമ്ബാലജടിലം
ജലം തേ ജമ്ബാലം മമ ജനനജാലം ജരയതു ॥ ൨൦॥
സമുത്പത്തിഃ പദ്മാരമണപദപദ്മാമലനഖാ-
ന്നിവാസഃ കന്ദര്പപ്രതിഭടജടാജൂടഭവനേ ।
അഥാഽയം വ്യാസങ്ഗോ ഹതപതിതനിസ്താരണവിധൌ
ന കസ്മാദുത്കര്ഷസ്തവ ജനനി ജാഗര്തു ജഗതി ॥ ൨൧॥
നഗേഭ്യോ യാന്തീനാം കഥയ തടിനീനാം കതമയാ
പുരാണാം സംഹര്തുഃ സുരധുനി കപര്ദോഽധിരുരുഹേ ।
കയാ വാ ശ്രീഭര്തുഃ പദകമലമക്ഷാലി സലിലൈ-
സ്തുലാലേശോ യസ്യാം തവ ജനനി ദീയേത കവിഭിഃ ॥ ൨൨॥
വിധത്താം നിഃശങ്കം നിരവധി സമാധിം വിധിരഹോ
സുഖം ശേഷേ ശേതാം ഹരിരവിരതം നൃത്യതു ഹരഃ ।
കൃതം പ്രായശ്ചിത്തൈരലമഥ തപോദാനയജനൈഃ
സവിത്രീ കാമാനാം യദി ജഗതി ജാഗര്തി ജനനീ ॥ ൨൩॥
അനാഥഃ സ്നേഹാര്ദ്രാം വിഗലിതഗതിഃ പുണ്യഗതിദാം
പതന് വിശ്വോദ്ധര്ത്രീം ഗദവിഗലിതഃ സിദ്ധഭിഷജമ് ।
സുധാസിന്ധും തൃഷ്ണാകുലിതഹൃദയോ മാതരമയം
ശിശുഃ സമ്പ്രാപ്തസ്ത്വാമഹമിഹ വിദധ്യാഃ സമുചിതമ് ॥ ൨൪॥
വിലീനോ വൈ വൈവസ്വതനഗരകോലാഹലഭരോ
ഗതാ ദൂതാ ദൂരം ക്വചിദപി പരേതാന് മൃഗയിതുമ് ।
വിമാനാനാം വ്രാതോ വിദലയതി വീഥിര്ദിവിഷദാം
കഥാ തേ കല്യാണീ യദവധി മഹീമണ്ഡലമഗാത് ॥ ൨൫॥
സ്ഫുരത്കാമക്രോധപ്രബലതരസഞ്ജാതജടില-
ജ്വരജ്വാലാജാലജ്വലിതവപുഷാം നഃ പ്രതിദിനമ് ।
ഹരന്താം സന്താപം കമപി മരുദുല്ലാസലഹരി-
ച്ഛടാചഞ്ചത്പാഥഃകണസരണയോ ദിവ്യസരിതഃ ॥ ൨൬॥
ഇദം ഹി ബ്രഹ്മാണ്ഡം സകലഭുവനാഭോഗഭവനം
തരങ്ഗൈര്യസ്യാന്തര്ലുഠതി പരിതസ്തിന്ദുകമിവ ।
സ ഏഷ ശ്രീകണ്ഠപ്രവിതതജടാജൂടജടിലോ
ജലാനാം സങ്ഘാതസ്തവ ജനനി താപം ഹരതു നഃ ॥ ൨൭॥
ത്രപന്തേ തീര്ഥാനി ത്വരിതമിഹ യസ്യോദ്ധൃതിവിധൌ
കരം കര്ണേ കുര്വന്ത്യപി കില കപാലിപ്രഭൃതയഃ ।
ഇമം ത്വം മാമമ്ബ ത്വമിയമനുകമ്പാര്ദ്രഹൃദയേ
പുനാനാ സര്വേഷാമഘമഥനദര്പം ദലയസി ॥ ൨൮॥
ശ്വപാകാനാം വ്രാതൈരമിതവിചികിത്സാവിചലിതൈ-
ര്വിമുക്താനാമേകം കില സദനമേനഃപരിഷദാമ് ।
അഹോ മാമുദ്ധര്തും ജനനി ഘടയന്ത്യാഃ പരികരം
തവ ശ്ലാഘാം കര്തും കഥമിവ സമര്ഥോ നരപശുഃ ॥ ൨൯॥
ന കോഽപ്യേതാവന്തം ഖലു സമയമാരഭ്യ മിലിതോ
യദുദ്ധാരാദാരാദ്ഭവതി ജഗതോ വിസ്മയഭരഃ ।
ഇതീമാമീഹാം തേ മനസി ചിരകാലം സ്ഥിതവതീ-
മയം സമ്പ്രാപ്തോഽഹം സഫലയിതുമമ്ബ പ്രണയ നഃ ॥ ൩൦॥
ശ്വവൃത്തിവ്യാസങ്ഗോ നിയതമഥ മിഥ്യാപ്രലപനം
കുതര്കേശ്വഭ്യാസഃ സതതപരപൈശുന്യമനനമ് ।
അപി ശ്രാവം ശ്രാവം മമ തു പുനരേവം ഗുണഗണാ-
നൃതേ ത്വത്കോ നാമ ക്ഷണമപി നിരീക്ഷേത വദനമ് ॥ ൩൧॥
വിശാലാഭ്യാമാഭ്യാം കിമിഹ നയനാഭ്യാം ഖലു ഫലം
ന യാഭ്യാമാലീഢാ പരമരമണീയാ തവ തനുഃ ।
അയം ഹി ന്യക്കാരോ ജനനി മനുജസ്യ ശ്രവണയോ-
ര്യയോര്നാന്തര്യാതസ്തവ ലഹരിലീലാകലകലഃ ॥ ൩൨॥
വിമാനൈഃ സ്വച്ഛന്ദം സുരപുരമയന്തേ സുകൃതിനഃ
പതന്തി ദ്രാക് പാപാ ജനനി നരകാന്തഃ പരവശാഃ ।
വിഭാഗോഽയം തസ്മിന്നശുഭമയമൂര്തൌ ജനപദേ
ന യത്ര ത്വം ലീലാദലിതമനുജാശേഷകലുഷാ ॥ ൩൩॥
അപി ഘ്നന്തോ വിപ്രാനവിരതമുശന്തോ ഗുരുസതീഃ
പിബന്തോ മൈരേയം പുനരപി ഹരന്തശ്ച കനകമ് ।
വിഹായ ത്വയ്യന്തേ തനുമതനുദാനാധ്വരജുഷാ-
മുപര്യമ്ബ ക്രീഡന്ത്യഖിലസുരസമ്ഭാവിതപദാഃ ॥ ൩൪॥
അലഭ്യം സൌരഭ്യം ഹരതി സതതം യഃ സുമനസാം
ക്ഷണാദേവ പ്രാണാനപി വിരഹശസ്ത്രക്ഷതഹൃദാമ് ।
ത്വദീയാനാം ലീലാചലിതലഹരീണാം വ്യതികരാത്
പുനീതേ സോഽപി ദ്രാഗഹഹ പവമാനസ്ത്രിഭുവനമ് ॥ ൩൫॥
കിയന്തഃ സന്ത്യേകേ നിയതമിഹലോകാര്ഥഘടകാഃ
പരേ പൂതാത്മാനഃ കതി ച പരലോകപ്രണയിനഃ ।
സുഖം ശേതേ മാതസ്തവ ഖലു കൃപാതഃ പുനരയം
ജഗന്നാഥഃ ശശ്വത്ത്വയി നിഹിതലോകദ്വയഭരഃ ॥ ൩൬॥
ഭവത്യാ ഹി വ്രാത്യാധമപതിതപാഖണ്ഡപരിഷത്
പരിത്രാണസ്നേഹഃ ശ്ലഥയിതുമശക്യഃ ഖലു യഥാ ।
മമാപ്യേവം പ്രേമാ ദുരിതനിവഹേഷ്വമ്ബ ജഗതി
സ്വഭാവോഽയം സര്വൈരപി ഖലു യതോ ദുഷ്പരിഹരഃ ॥ ൩൭॥
പ്രദോഷാന്തര്നൃത്യത്പുരമഥനലീലോദ്ധൃതജടാ-
തടാഭോഗപ്രേങ്ഖല്ലഹരിഭുജസന്താനവിധുതിഃ ।
ബിലക്രോഡക്രീഡജ്ജലഡമരുടങ്കാരസുഭഗ-
സ്തിരോധത്താം താപം ത്രിദശതടിനീതാണ്ഡവവിധിഃ ॥ ൩൮॥
സദൈവ ത്വയ്യേവാര്പിതകുശലചിന്താഭരമിമം
യദി ത്വം മാമമ്ബ ത്യജസി സമയേഽസ്മിന്സുവിഷമേ ।
തദാ വിശ്വാസോഽയം ത്രിഭുവനതലാദസ്തമയതേ
നിരാധാരാ ചേയം ഭവതി ഖലു നിര്വ്യാജകരുണാ ॥ ൩൯॥
കപര്ദാദുല്ലസ്യ പ്രണയമിലദര്ധാങ്ഗയുവതേഃ
പുരാരേഃ പ്രേങ്ഖന്ത്യോ മൃദുലതരസീമന്തസരണൌ ।
ഭവാന്യാ സാപത്ന്യസ്ഫുരിതനയനം കോമലരുചാ
കരേണാക്ഷിപ്താസ്തേ ജനനി വിജയന്താം ലഹരയഃ ॥ ൪൦॥
പ്രപദ്യന്തേ ലോകാഃ കതി ന ഭവതീമത്രഭവതീ-
മുപാധിസ്തത്രായം സ്ഫുരതി യദഭീഷ്ടം വിതരസി ।
ശപേ തുഭ്യം മാതര്മമ തു പുനരാത്മാ സുരധുനി
സ്വഭാവാദേവ ത്വയ്യമിതമനുരാഗം വിധൃതവാന് ॥ ൪൧॥
ലലാടേ യാ ലോകൈരിഹ ഖലു സലീലം തിലകിതാ
തമോ ഹന്തും ധത്തേ തരുണതരമാര്തണ്ഡതുലനാമ് ।
വിലുമ്പന്തീ സദ്യോ വിധിലിഖിതദുര്വര്ണസരണിം
ത്വദീയാ സാ മൃത്സ്നാ മമ ഹരതു കൃത്സ്നാമപി ശുചമ് ॥ ൪൨॥
നരാന് മൂഢാംസ്തത്തജ്ജനപദസമാസക്തമനസോ
ഹസന്തഃ സോല്ലാസം വികചകുസുമവ്രാതമിഷതഃ ।
പുനാനാഃ സൌരഭ്യൈഃ സതതമലിനോ നിത്യമലിനാന്
സഖായോ നഃ സന്തു ത്രിദശതടിനീതീരതരവഃ ॥ ൪൩॥
യജന്ത്യേകേ ദേവാന് കഠിനതരസേവാംസ്തദപരേ
വിതാനവ്യാസക്താ യമനിയമരക്താഃ കതിപയേ ।
അഹം തു ത്വന്നാമസ്മരണകൃതകാമസ്ത്രിപഥഗേ
ജഗജ്ജാലം ജാനേ ജനനി തൃണജാലേന സദൃശമ് ॥ ൪൪॥
അവിശ്രാന്തം ജന്മാവധി സുകൃതജന്മാര്ജനകൃതാം
സതാം ശ്രേയഃ കര്തും കതി ന കൃതിനഃ സന്തി വിബുധാഃ ।
നിരസ്താലമ്ബാനാമകൃതസുകൃതാനാം തു ഭവതീം
വിനാഽമുഷ്മിംല്ലോകേ ന പരമവലോകേ ഹിതകരമ് ॥ ൪൫॥
പയഃ പീത്വാ മാതസ്തവ സപദി യാതഃ സഹചരൈ-
ര്വിമൂഢൈഃ സംരന്തും ക്വചിദപി ന വിശ്രാന്തിമഗമമ് ।
ഇദാനീമുത്സങ്ഗേ മൃദുപവനസഞ്ചാരശിശിരേ
ചിരാദുന്നിദ്രം മാം സദയഹൃദയേ ശായയ ചിരമ് ॥ ൪൬॥
ബധാന ദ്രാഗേവ ദ്രഢിമരമണീയം പരികരം
കിരീടേ ബാലേന്ദും നിയമയ പുനഃ പന്നഗഗണൈഃ ।
ന കുര്യാസ്ത്വം ഹേലാമിതരജനസാധാരണതയാ
ജഗന്നാഥസ്യായം സുരധുനി സമുദ്ധാരസമയഃ ॥ ൪൭॥
ശരച്ചന്ദ്രശ്വേതാം ശശിശകലശ്വേതാലമുകുടാം
കരൈഃ കുമ്ഭാമ്ഭോജേ വരഭയനിരാസൌ ച ദധതീമ് ।
സുധാധാരാകാരാഭരണവസനാം ശുഭ്രമകര-
സ്ഥിതാം ത്വാം യേ ധ്യായന്ത്യുദയതി ന തേഷാം പരിഭവഃ ॥ ൪൮॥
ദരസ്മിതസമുല്ലസദ്വദനകാന്തിപൂരാമൃതൈ-
ര്ഭവജ്വലനഭര്ജിതാനനിശമൂര്ജയന്തീ നരാന് ।
ചിദേകമയചന്ദ്രികാചയചമത്കൃതിം തന്വതീ
തനോതു മമ ശന്തനോഃ സപദി ശന്തനോരങ്ഗനാ ॥ ൪൯॥
മന്ത്രൈര്മീലിതമൌഷധൈര്മുകുലിതം ത്രസ്തം സുരാണാം ഗണൈഃ
സ്രസ്തം സാന്ദ്രസുധാരസൈര്വിദലിതം ഗാരുത്മതൈര്ഗ്രാവഭിഃ ।
വീചിക്ഷാലിതകാലിയാഹിതപദേ സ്വര്ലോകകല്ലോലിനി
ത്വം താപം തിരയാധുനാ മമ ഭവജ്വാലാവലീഢാത്മനഃ ॥ ൫൦॥
ദ്യൂതേ നാഗേന്ദ്രകൃത്തിപ്രമഥഗണമണിശ്രേണിനന്ദീന്ദുമുഖ്യം
സര്വസ്വം ഹാരയിത്വാ സ്വമഥ പുരഭിദി ദ്രാക് പണീകര്തുകാമേ ।
സാകൂതം ഹൈമവത്യാ മൃദുലഹസിതയാ വീക്ഷിതായാസ്തവാമ്ബ
വ്യാലോലോല്ലാസിവല്ഗല്ലഹരിനടഘടീതാണ്ഡവം നഃ പുനാതു ॥ ൫൧॥
വിഭൂഷിതാനങ്ഗരിപൂത്തമാങ്ഗാ സദ്യഃകൃതാനേകജനാര്തിഭങ്ഗാ ।
മനോഹരോത്തുങ്ഗചലത്തരങ്ഗാ ഗങ്ഗാ മമാങ്ഗാന്യമലീകരോതു ॥ ൫൨॥
ഇമാം പീയൂഷലഹരീം ജഗന്നാഥേന നിര്മിതാമ് ।
യഃ പഠേത്തസ്യ സര്വത്ര ജായന്തേ സുഖസമ്പദഃ ॥ ൫൩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
Ganga Lahari Lyrics in Malayalam PDF
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website