ଗଂଗାଲହରୀ
{॥ ଗଂଗାଲହରୀ ॥}
ସମୃଦ୍ଧଂ ସୌଭାଗ୍ଯଂ ସକଲଵସୁଧାଯାଃ କିମପି ତନ୍
ମହୈଶ୍ଵର୍ଯଂ ଲୀଲାଜନିତଜଗତଃ ଖଣ୍ଡପରଶୋଃ ।
ଶ୍ରୁତୀନାଂ ସର୍ଵସ୍ଵଂ ସୁକୃତମଥ ମୂର୍ତଂ ସୁମନସାଂ
ସୁଧାସୋଦର୍ଯଂ ତେ ସଲିଲମଶିଵଂ ନଃ ଶମଯତୁ ॥ ୧॥
ଦରିଦ୍ରାଣାଂ ଦୈନ୍ଯଂ ଦୁରିତମଥ ଦୁର୍ଵାସନହୃଦାଂ
ଦ୍ରୁତଂ ଦୂରୀକୁର୍ଵନ୍ ସକୃଦପି ଗତୋ ଦୃଷ୍ଟିସରଣିମ୍ ।
ଅପି ଦ୍ରାଗାଵିଦ୍ଯାଦ୍ରୁମଦଲନଦୀକ୍ଷାଗୁରୁରିହ
ପ୍ରଵାହସ୍ତେ ଵାରାଂ ଶ୍ରିଯମଯମପାରାଂ ଦିଶତୁ ନଃ ॥ ୨॥
ଉଦଞ୍ଚନ୍ମାର୍ତଣ୍ଡସ୍ଫୁଟକପଟହେରମ୍ବଜନନୀ-
କଟାକ୍ଷଵ୍ଯାକ୍ଷେପକ୍ଷଣଜନିତସଂକ୍ଷୋଭନିଵହାଃ ।
ଭଵନ୍ତୁ ତ୍ଵଙ୍ଗନ୍ତୋ ହରଶିରସି ଗଙ୍ଗାତନୁଭୁଵ-
ସ୍ତରଙ୍ଗାଃ ପ୍ରୋତ୍ତୁଙ୍ଗା ଦୁରିତଭଯଭଙ୍ଗାଯ ଭଵତାମ୍ ॥ ୩॥
ତଵାଲମ୍ବାଦମ୍ବ ସ୍ଫୁରଦଲଘୁଗର୍ଵେଣ ସହସା
ମଯା ସର୍ଵେଽଵଜ୍ଞାସରଣିମଥ ନୀତାଃ ସୁରଗଣାଃ ।
ଇଦାନୀମୌଦାସ୍ଯଂ ଭଜସି ଯଦି ଭାଗୀରଥି ତଦା
ନିରାଧାରୋ ହା ରୋଦିମି କଥଯ କେଷାମିହ ପୁରଃ ॥ ୪॥
ସ୍ମୃତିଂ ଯାତା ପୁଂସାମକୃତସୁକୃତାନାମପି ଚ ଯା
ହରତ୍ଯନ୍ତସ୍ତନ୍ଦ୍ରାଂ ତିମିରମିଵ ଚନ୍ଦ୍ରାଂଶୁସରଣିଃ ।
ଇଯଂ ସା ତେ ମୂର୍ତିଃ ସକଲସୁରସଂସେଵ୍ଯସଲିଲା
ମମାନ୍ତଃସନ୍ତାପଂ ତ୍ରିଵିଧମପି ପାପଂ ଚ ହରତାମ୍ ॥ ୫॥
ଅପି ପ୍ରାଜ୍ଯଂ ରାଜ୍ଯଂ ତୃଣମିଵ ପରିତ୍ଯଜ୍ଯ ସହସା
ଵିଲୋଲଦ୍ଵାନୀରଂ ତଵ ଜନନି ତୀରଂ ଶ୍ରିତଵତାମ୍ ।
ସୁଧାତଃ ସ୍ଵାଦୀଯସ୍ସଲିଲଭରମାତୃପ୍ତି ପିବତାଂ
ଜନାନାମାନନ୍ଦଃ ପରିହସତି ନିର୍ଵାଣପଦଵୀମ୍ ॥ ୬॥
ପ୍ରଭାତେ ସ୍ନାତୀନାଂ ନୃପତିରମଣୀନାଂ କୁଚତଟୀ-
ଗତୋ ଯାଵନ୍ମାତର୍ମିଲତି ତଵ ତୋଯୈର୍ମୃଗମଦଃ ।
ମୃଗାସ୍ତାଵଦ୍ଵୈମାନିକଶତସହସ୍ରୈଃ ପରିଵୃତା
ଵିଶନ୍ତି ସ୍ଵଚ୍ଛନ୍ଦଂ ଵିମଲଵପୁଷୋ ନନ୍ଦନଵନମ୍ ॥ ୭॥
ସ୍ମୃତଂ ସଦ୍ଯଃ ସ୍ଵାନ୍ତଂ ଵିରଚଯତି ଶାନ୍ତଂ ସକୃଦପି
ପ୍ରଗୀତଂ ଯତ୍ପାପଂ ଝଟିତି ଭଵତାପଂ ଚ ହରତି ।
ଇଦଂ ତଦ୍ଗଙ୍ଗେତି ଶ୍ରଵଣରମଣୀଯଂ ଖଲୁ ପଦଂ
ମମ ପ୍ରାଣପ୍ରାନ୍ତେ ଵଦନକମଲାନ୍ତର୍ଵିଲସତୁ ॥ ୮॥
ଯଦନ୍ତଃ ଖେଲନ୍ତୋ ବହୁଲତରସନ୍ତୋଷଭରିତା
ନ କାକା ନାକାଧୀଶ୍ଵରନଗରସାକାଙ୍କ୍ଷମନସଃ ।
ନିଵାସାଲ୍ଲୋକାନାଂ ଜନିମରଣଶୋକାପହରଣଂ
ତଦେତତ୍ତେ ତୀରଂ ଶ୍ରମଶମନଧୀରଂ ଭଵତୁ ନଃ ॥ ୯॥
ନ ଯତ୍ସାକ୍ଷାଦ୍ଵେଦୈରପି ଗଲିତଭେଦୈରଵସିତଂ
ନ ଯସ୍ମିନ୍ ଜୀଵାନାଂ ପ୍ରସରତି ମନୋଵାଗଵସରଃ ।
ନିରାକାରଂ ନିତ୍ଯଂ ନିଜମହିମନିର୍ଵାସିତତମୋ
ଵିଶୁଦ୍ଧଂ ଯତ୍ତତ୍ତ୍ଵଂ ସୁରତଟିନି ତତ୍ତ୍ଵଂ ନ ଵିଷଯଃ ॥ ୧୦॥
ମହାଦାନୈର୍ଧ୍ଯାନୈର୍ବହୁଵିଧଵିତାନୈରପି ଚ ଯନ୍
ନ ଲଭ୍ଯଂ ଘୋରାଭିଃ ସୁଵିମଲତପୋରାଶିଭିରପି ।
ଅଚିନ୍ତ୍ଯଂ ତଦ୍ଵିଷ୍ଣୋଃ ପଦମଖିଲସାଧାରଣତଯା
ଦଦାନା କେନାସି ତ୍ଵମିହ ତୁଲନୀଯା କଥଯ ନଃ ॥ ୧୧॥
ନୃଣାମୀକ୍ଷାମାତ୍ରାଦପି ପରିହରନ୍ତ୍ଯା ଭଵଭଯଂ
ଶିଵାଯାସ୍ତେ ମୂର୍ତେଃ କ ଇହ ମହିମାନଂ ନିଗଦତୁ ।
ଅମର୍ଷମ୍ଲାନାଯାଃ ପରମମନୁରୋଧଂ ଗିରିଭୁଵୋ
ଵିହାଯ ଶ୍ରୀକଣ୍ଠଃ ଶିରସି ନିଯତଂ ଧାରଯତି ଯାମ୍ ॥ ୧୨॥
ଵିନିନ୍ଦ୍ଯାନ୍ଯୁନ୍ମତ୍ତୈରପି ଚ ପରିହାର୍ଯାଣି ପତିତୈ-
ରଵାଚ୍ଯାନି ଵ୍ରାତ୍ଯୈଃ ସପୁଲକମପାସ୍ଯାନି ପିଶୁନୈଃ ।
ହରନ୍ତୀ ଲୋକାନାମନଵରତମେନାଂସି କିଯତାଂ
କଦାପ୍ଯଶ୍ରାନ୍ତା ତ୍ଵଂ ଜଗତି ପୁନରେକା ଵିଜଯସେ ॥ ୧୩॥
ସ୍ଖଲନ୍ତୀ ସ୍ଵର୍ଲୋକାଦଵନିତଲଶୋକାପହୃତଯେ
ଜଟାଜୂଟଗ୍ରନ୍ଥୌ ଯଦସି ଵିନିବଦ୍ଧା ପୁରଭିଦା ।
ଅଯେ ନିର୍ଲୋଭାନାମପି ମନସି ଲୋଭଂ ଜନଯତାଂ
ଗୁଣାନାମେଵାଯଂ ତଵ ଜନନି ଦୋଷଃ ପରିଣତଃ ॥ ୧୪॥
ଜଡାନନ୍ଧାନ୍ ପଙ୍ଗୂନ୍ ପ୍ରକୃତିବଧିରାନୁକ୍ତିଵିକଲାନ୍
ଗ୍ରହଗ୍ରସ୍ତାନସ୍ତାଖିଲଦୁରିତନିସ୍ତାରସରଣୀନ୍ ।
ନିଲିମ୍ପୈର୍ନିର୍ମୁକ୍ତାନପି ଚ ନିରଯାନ୍ତର୍ନିପତତୋ
ନରାନମ୍ବ ତ୍ରାତୁଂ ତ୍ଵମିହ ପରମଂ ଭେଷଜମସି ॥ ୧୫॥
ସ୍ଵଭାଵସ୍ଵଚ୍ଛାନାଂ ସହଜଶିଶିରାଣାମଯମପା-
ମପାରସ୍ତେ ମାତର୍ଜଯତି ମହିମା କୋଽପି ଜଗତି ।
ମୁଦାଯଂ ଗାଯନ୍ତି ଦ୍ଯୁତଲମନଵଦ୍ଯଦ୍ଯୁତିଭୃତଃ
ସମାସାଦ୍ଯାଦ୍ଯାପି ସ୍ଫୁଟପୁଲକସାନ୍ଦ୍ରାଃ ସଗରଜାଃ ॥ ୧୬॥
କୃତକ୍ଷୁଦ୍ରୈନସ୍କାନଥ ଝଟିତି ସନ୍ତପ୍ତମନସଃ
ସମୁଦ୍ଧର୍ତୁଂ ସନ୍ତି ତ୍ରିଭୁଵନତଲେ ତୀର୍ଥନିଵହାଃ ।
ଅପି ପ୍ରାଯଶ୍ଚିତ୍ତପ୍ରସରଣପଥାତୀତଚରିତା-
ନ୍ନରାନୂରୀକର୍ତୁଂ ତ୍ଵମିଵ ଜନନି ତ୍ଵଂ ଵିଜଯସେ ॥ ୧୭॥
ନିଧାନଂ ଧର୍ମାଣାଂ କିମପି ଚ ଵିଧାନଂ ନଵମୁଦାଂ
ପ୍ରଧାନଂ ତୀର୍ଥାନାମମଲପରିଧାନଂ ତ୍ରିଜଗତଃ ।
ସମାଧାନଂ ବୁଦ୍ଧେରଥ ଖଲୁ ତିରୋଧାନମଧିଯାଂ
ଶ୍ରିଯାମାଧାନଂ ନଃ ପରିହରତୁ ତାପଂ ତଵ ଵପୁଃ ॥ ୧୮॥
ପୁରୋ ଧାଵଂ ଧାଵଂ ଦ୍ରଵିଣମଦିରାଘୂର୍ଣିତଦୃଶାଂ
ମହୀପାନାଂ ନାନାତରୁଣତରଖେଦସ୍ଯ ନିଯତମ୍ ।
ମମୈଵାଯଂ ମନ୍ତୁଃ ସ୍ଵହିତଶତହନ୍ତୁର୍ଜଡଧିଯୋ
ଵିଯୋଗସ୍ତେ ମାତର୍ଯଦିହ କରୁଣାତଃ କ୍ଷଣମପି ॥ ୧୯॥
ମରୁଲ୍ଲୀଲାଲୋଲଲ୍ଲହରିଲୁଲିତାମ୍ଭୋଜପଟଲୀ-
ସ୍ଖଲତ୍ପାଂସୁଵ୍ରାତଚ୍ଛୁରଣଵିସରତ୍କୌଙ୍କୁମରୁଚି ।
ସୁରସ୍ତ୍ରୀଵକ୍ଷୋଜକ୍ଷରଦଗରୁଜମ୍ବାଲଜଟିଲଂ
ଜଲଂ ତେ ଜମ୍ବାଲଂ ମମ ଜନନଜାଲଂ ଜରଯତୁ ॥ ୨୦॥
ସମୁତ୍ପତ୍ତିଃ ପଦ୍ମାରମଣପଦପଦ୍ମାମଲନଖା-
ନ୍ନିଵାସଃ କନ୍ଦର୍ପପ୍ରତିଭଟଜଟାଜୂଟଭଵନେ ।
ଅଥାଽଯଂ ଵ୍ଯାସଙ୍ଗୋ ହତପତିତନିସ୍ତାରଣଵିଧୌ
ନ କସ୍ମାଦୁତ୍କର୍ଷସ୍ତଵ ଜନନି ଜାଗର୍ତୁ ଜଗତି ॥ ୨୧॥
ନଗେଭ୍ଯୋ ଯାନ୍ତୀନାଂ କଥଯ ତଟିନୀନାଂ କତମଯା
ପୁରାଣାଂ ସଂହର୍ତୁଃ ସୁରଧୁନି କପର୍ଦୋଽଧିରୁରୁହେ ।
କଯା ଵା ଶ୍ରୀଭର୍ତୁଃ ପଦକମଲମକ୍ଷାଲି ସଲିଲୈ-
ସ୍ତୁଲାଲେଶୋ ଯସ୍ଯାଂ ତଵ ଜନନି ଦୀଯେତ କଵିଭିଃ ॥ ୨୨॥
ଵିଧତ୍ତାଂ ନିଃଶଙ୍କଂ ନିରଵଧି ସମାଧିଂ ଵିଧିରହୋ
ସୁଖଂ ଶେଷେ ଶେତାଂ ହରିରଵିରତଂ ନୃତ୍ଯତୁ ହରଃ ।
କୃତଂ ପ୍ରାଯଶ୍ଚିତ୍ତୈରଲମଥ ତପୋଦାନଯଜନୈଃ
ସଵିତ୍ରୀ କାମାନାଂ ଯଦି ଜଗତି ଜାଗର୍ତି ଜନନୀ ॥ ୨୩॥
ଅନାଥଃ ସ୍ନେହାର୍ଦ୍ରାଂ ଵିଗଲିତଗତିଃ ପୁଣ୍ଯଗତିଦାଂ
ପତନ୍ ଵିଶ୍ଵୋଦ୍ଧର୍ତ୍ରୀଂ ଗଦଵିଗଲିତଃ ସିଦ୍ଧଭିଷଜମ୍ ।
ସୁଧାସିନ୍ଧୁଂ ତୃଷ୍ଣାକୁଲିତହୃଦଯୋ ମାତରମଯଂ
ଶିଶୁଃ ସମ୍ପ୍ରାପ୍ତସ୍ତ୍ଵାମହମିହ ଵିଦଧ୍ଯାଃ ସମୁଚିତମ୍ ॥ ୨୪॥
ଵିଲୀନୋ ଵୈ ଵୈଵସ୍ଵତନଗରକୋଲାହଲଭରୋ
ଗତା ଦୂତା ଦୂରଂ କ୍ଵଚିଦପି ପରେତାନ୍ ମୃଗଯିତୁମ୍ ।
ଵିମାନାନାଂ ଵ୍ରାତୋ ଵିଦଲଯତି ଵୀଥିର୍ଦିଵିଷଦାଂ
କଥା ତେ କଲ୍ଯାଣୀ ଯଦଵଧି ମହୀମଣ୍ଡଲମଗାତ୍ ॥ ୨୫॥
ସ୍ଫୁରତ୍କାମକ୍ରୋଧପ୍ରବଲତରସଞ୍ଜାତଜଟିଲ-
ଜ୍ଵରଜ୍ଵାଲାଜାଲଜ୍ଵଲିତଵପୁଷାଂ ନଃ ପ୍ରତିଦିନମ୍ ।
ହରନ୍ତାଂ ସନ୍ତାପଂ କମପି ମରୁଦୁଲ୍ଲାସଲହରି-
ଚ୍ଛଟାଚଞ୍ଚତ୍ପାଥଃକଣସରଣଯୋ ଦିଵ୍ଯସରିତଃ ॥ ୨୬॥
ଇଦଂ ହି ବ୍ରହ୍ମାଣ୍ଡଂ ସକଲଭୁଵନାଭୋଗଭଵନଂ
ତରଙ୍ଗୈର୍ଯସ୍ଯାନ୍ତର୍ଲୁଠତି ପରିତସ୍ତିନ୍ଦୁକମିଵ ।
ସ ଏଷ ଶ୍ରୀକଣ୍ଠପ୍ରଵିତତଜଟାଜୂଟଜଟିଲୋ
ଜଲାନାଂ ସଙ୍ଘାତସ୍ତଵ ଜନନି ତାପଂ ହରତୁ ନଃ ॥ ୨୭॥
ତ୍ରପନ୍ତେ ତୀର୍ଥାନି ତ୍ଵରିତମିହ ଯସ୍ଯୋଦ୍ଧୃତିଵିଧୌ
କରଂ କର୍ଣେ କୁର୍ଵନ୍ତ୍ଯପି କିଲ କପାଲିପ୍ରଭୃତଯଃ ।
ଇମଂ ତ୍ଵଂ ମାମମ୍ବ ତ୍ଵମିଯମନୁକମ୍ପାର୍ଦ୍ରହୃଦଯେ
ପୁନାନା ସର୍ଵେଷାମଘମଥନଦର୍ପଂ ଦଲଯସି ॥ ୨୮॥
ଶ୍ଵପାକାନାଂ ଵ୍ରାତୈରମିତଵିଚିକିତ୍ସାଵିଚଲିତୈ-
ର୍ଵିମୁକ୍ତାନାମେକଂ କିଲ ସଦନମେନଃପରିଷଦାମ୍ ।
ଅହୋ ମାମୁଦ୍ଧର୍ତୁଂ ଜନନି ଘଟଯନ୍ତ୍ଯାଃ ପରିକରଂ
ତଵ ଶ୍ଲାଘାଂ କର୍ତୁଂ କଥମିଵ ସମର୍ଥୋ ନରପଶୁଃ ॥ ୨୯॥
ନ କୋଽପ୍ଯେତାଵନ୍ତଂ ଖଲୁ ସମଯମାରଭ୍ଯ ମିଲିତୋ
ଯଦୁଦ୍ଧାରାଦାରାଦ୍ଭଵତି ଜଗତୋ ଵିସ୍ମଯଭରଃ ।
ଇତୀମାମୀହାଂ ତେ ମନସି ଚିରକାଲଂ ସ୍ଥିତଵତୀ-
ମଯଂ ସମ୍ପ୍ରାପ୍ତୋଽହଂ ସଫଲଯିତୁମମ୍ବ ପ୍ରଣଯ ନଃ ॥ ୩୦॥
ଶ୍ଵଵୃତ୍ତିଵ୍ଯାସଙ୍ଗୋ ନିଯତମଥ ମିଥ୍ଯାପ୍ରଲପନଂ
କୁତର୍କେଶ୍ଵଭ୍ଯାସଃ ସତତପରପୈଶୁନ୍ଯମନନମ୍ ।
ଅପି ଶ୍ରାଵଂ ଶ୍ରାଵଂ ମମ ତୁ ପୁନରେଵଂ ଗୁଣଗଣା-
ନୃତେ ତ୍ଵତ୍କୋ ନାମ କ୍ଷଣମପି ନିରୀକ୍ଷେତ ଵଦନମ୍ ॥ ୩୧॥
ଵିଶାଲାଭ୍ଯାମାଭ୍ଯାଂ କିମିହ ନଯନାଭ୍ଯାଂ ଖଲୁ ଫଲଂ
ନ ଯାଭ୍ଯାମାଲୀଢା ପରମରମଣୀଯା ତଵ ତନୁଃ ।
ଅଯଂ ହି ନ୍ଯକ୍କାରୋ ଜନନି ମନୁଜସ୍ଯ ଶ୍ରଵଣଯୋ-
ର୍ଯଯୋର୍ନାନ୍ତର୍ଯାତସ୍ତଵ ଲହରିଲୀଲାକଲକଲଃ ॥ ୩୨॥
ଵିମାନୈଃ ସ୍ଵଚ୍ଛନ୍ଦଂ ସୁରପୁରମଯନ୍ତେ ସୁକୃତିନଃ
ପତନ୍ତି ଦ୍ରାକ୍ ପାପା ଜନନି ନରକାନ୍ତଃ ପରଵଶାଃ ।
ଵିଭାଗୋଽଯଂ ତସ୍ମିନ୍ନଶୁଭମଯମୂର୍ତୌ ଜନପଦେ
ନ ଯତ୍ର ତ୍ଵଂ ଲୀଲାଦଲିତମନୁଜାଶେଷକଲୁଷା ॥ ୩୩॥
ଅପି ଘ୍ନନ୍ତୋ ଵିପ୍ରାନଵିରତମୁଶନ୍ତୋ ଗୁରୁସତୀଃ
ପିବନ୍ତୋ ମୈରେଯଂ ପୁନରପି ହରନ୍ତଶ୍ଚ କନକମ୍ ।
ଵିହାଯ ତ୍ଵଯ୍ଯନ୍ତେ ତନୁମତନୁଦାନାଧ୍ଵରଜୁଷା-
ମୁପର୍ଯମ୍ବ କ୍ରୀଡନ୍ତ୍ଯଖିଲସୁରସମ୍ଭାଵିତପଦାଃ ॥ ୩୪॥
ଅଲଭ୍ଯଂ ସୌରଭ୍ଯଂ ହରତି ସତତଂ ଯଃ ସୁମନସାଂ
କ୍ଷଣାଦେଵ ପ୍ରାଣାନପି ଵିରହଶସ୍ତ୍ରକ୍ଷତହୃଦାମ୍ ।
ତ୍ଵଦୀଯାନାଂ ଲୀଲାଚଲିତଲହରୀଣାଂ ଵ୍ଯତିକରାତ୍
ପୁନୀତେ ସୋଽପି ଦ୍ରାଗହହ ପଵମାନସ୍ତ୍ରିଭୁଵନମ୍ ॥ ୩୫॥
କିଯନ୍ତଃ ସନ୍ତ୍ଯେକେ ନିଯତମିହଲୋକାର୍ଥଘଟକାଃ
ପରେ ପୂତାତ୍ମାନଃ କତି ଚ ପରଲୋକପ୍ରଣଯିନଃ ।
ସୁଖଂ ଶେତେ ମାତସ୍ତଵ ଖଲୁ କୃପାତଃ ପୁନରଯଂ
ଜଗନ୍ନାଥଃ ଶଶ୍ଵତ୍ତ୍ଵଯି ନିହିତଲୋକଦ୍ଵଯଭରଃ ॥ ୩୬॥
ଭଵତ୍ଯା ହି ଵ୍ରାତ୍ଯାଧମପତିତପାଖଣ୍ଡପରିଷତ୍
ପରିତ୍ରାଣସ୍ନେହଃ ଶ୍ଲଥଯିତୁମଶକ୍ଯଃ ଖଲୁ ଯଥା ।
ମମାପ୍ଯେଵଂ ପ୍ରେମା ଦୁରିତନିଵହେଷ୍ଵମ୍ବ ଜଗତି
ସ୍ଵଭାଵୋଽଯଂ ସର୍ଵୈରପି ଖଲୁ ଯତୋ ଦୁଷ୍ପରିହରଃ ॥ ୩୭॥
ପ୍ରଦୋଷାନ୍ତର୍ନୃତ୍ଯତ୍ପୁରମଥନଲୀଲୋଦ୍ଧୃତଜଟା-
ତଟାଭୋଗପ୍ରେଙ୍ଖଲ୍ଲହରିଭୁଜସନ୍ତାନଵିଧୁତିଃ ।
ବିଲକ୍ରୋଡକ୍ରୀଡଜ୍ଜଲଡମରୁଟଙ୍କାରସୁଭଗ-
ସ୍ତିରୋଧତ୍ତାଂ ତାପଂ ତ୍ରିଦଶତଟିନୀତାଣ୍ଡଵଵିଧିଃ ॥ ୩୮॥
ସଦୈଵ ତ୍ଵଯ୍ଯେଵାର୍ପିତକୁଶଲଚିନ୍ତାଭରମିମଂ
ଯଦି ତ୍ଵଂ ମାମମ୍ବ ତ୍ଯଜସି ସମଯେଽସ୍ମିନ୍ସୁଵିଷମେ ।
ତଦା ଵିଶ୍ଵାସୋଽଯଂ ତ୍ରିଭୁଵନତଲାଦସ୍ତମଯତେ
ନିରାଧାରା ଚେଯଂ ଭଵତି ଖଲୁ ନିର୍ଵ୍ଯାଜକରୁଣା ॥ ୩୯॥
କପର୍ଦାଦୁଲ୍ଲସ୍ଯ ପ୍ରଣଯମିଲଦର୍ଧାଙ୍ଗଯୁଵତେଃ
ପୁରାରେଃ ପ୍ରେଙ୍ଖନ୍ତ୍ଯୋ ମୃଦୁଲତରସୀମନ୍ତସରଣୌ ।
ଭଵାନ୍ଯା ସାପତ୍ନ୍ଯସ୍ଫୁରିତନଯନଂ କୋମଲରୁଚା
କରେଣାକ୍ଷିପ୍ତାସ୍ତେ ଜନନି ଵିଜଯନ୍ତାଂ ଲହରଯଃ ॥ ୪୦॥
ପ୍ରପଦ୍ଯନ୍ତେ ଲୋକାଃ କତି ନ ଭଵତୀମତ୍ରଭଵତୀ-
ମୁପାଧିସ୍ତତ୍ରାଯଂ ସ୍ଫୁରତି ଯଦଭୀଷ୍ଟଂ ଵିତରସି ।
ଶପେ ତୁଭ୍ଯଂ ମାତର୍ମମ ତୁ ପୁନରାତ୍ମା ସୁରଧୁନି
ସ୍ଵଭାଵାଦେଵ ତ୍ଵଯ୍ଯମିତମନୁରାଗଂ ଵିଧୃତଵାନ୍ ॥ ୪୧॥
ଲଲାଟେ ଯା ଲୋକୈରିହ ଖଲୁ ସଲୀଲଂ ତିଲକିତା
ତମୋ ହନ୍ତୁଂ ଧତ୍ତେ ତରୁଣତରମାର୍ତଣ୍ଡତୁଲନାମ୍ ।
ଵିଲୁମ୍ପନ୍ତୀ ସଦ୍ଯୋ ଵିଧିଲିଖିତଦୁର୍ଵର୍ଣସରଣିଂ
ତ୍ଵଦୀଯା ସା ମୃତ୍ସ୍ନା ମମ ହରତୁ କୃତ୍ସ୍ନାମପି ଶୁଚମ୍ ॥ ୪୨॥
ନରାନ୍ ମୂଢାଂସ୍ତତ୍ତଜ୍ଜନପଦସମାସକ୍ତମନସୋ
ହସନ୍ତଃ ସୋଲ୍ଲାସଂ ଵିକଚକୁସୁମଵ୍ରାତମିଷତଃ ।
ପୁନାନାଃ ସୌରଭ୍ଯୈଃ ସତତମଲିନୋ ନିତ୍ଯମଲିନାନ୍
ସଖାଯୋ ନଃ ସନ୍ତୁ ତ୍ରିଦଶତଟିନୀତୀରତରଵଃ ॥ ୪୩॥
ଯଜନ୍ତ୍ଯେକେ ଦେଵାନ୍ କଠିନତରସେଵାଂସ୍ତଦପରେ
ଵିତାନଵ୍ଯାସକ୍ତା ଯମନିଯମରକ୍ତାଃ କତିପଯେ ।
ଅହଂ ତୁ ତ୍ଵନ୍ନାମସ୍ମରଣକୃତକାମସ୍ତ୍ରିପଥଗେ
ଜଗଜ୍ଜାଲଂ ଜାନେ ଜନନି ତୃଣଜାଲେନ ସଦୃଶମ୍ ॥ ୪୪॥
ଅଵିଶ୍ରାନ୍ତଂ ଜନ୍ମାଵଧି ସୁକୃତଜନ୍ମାର୍ଜନକୃତାଂ
ସତାଂ ଶ୍ରେଯଃ କର୍ତୁଂ କତି ନ କୃତିନଃ ସନ୍ତି ଵିବୁଧାଃ ।
ନିରସ୍ତାଲମ୍ବାନାମକୃତସୁକୃତାନାଂ ତୁ ଭଵତୀଂ
ଵିନାଽମୁଷ୍ମିଂଲ୍ଲୋକେ ନ ପରମଵଲୋକେ ହିତକରମ୍ ॥ ୪୫॥
ପଯଃ ପୀତ୍ଵା ମାତସ୍ତଵ ସପଦି ଯାତଃ ସହଚରୈ-
ର୍ଵିମୂଢୈଃ ସଂରନ୍ତୁଂ କ୍ଵଚିଦପି ନ ଵିଶ୍ରାନ୍ତିମଗମମ୍ ।
ଇଦାନୀମୁତ୍ସଙ୍ଗେ ମୃଦୁପଵନସଞ୍ଚାରଶିଶିରେ
ଚିରାଦୁନ୍ନିଦ୍ରଂ ମାଂ ସଦଯହୃଦଯେ ଶାଯଯ ଚିରମ୍ ॥ ୪୬॥
ବଧାନ ଦ୍ରାଗେଵ ଦ୍ରଢିମରମଣୀଯଂ ପରିକରଂ
କିରୀଟେ ବାଲେନ୍ଦୁଂ ନିଯମଯ ପୁନଃ ପନ୍ନଗଗଣୈଃ ।
ନ କୁର୍ଯାସ୍ତ୍ଵଂ ହେଲାମିତରଜନସାଧାରଣତଯା
ଜଗନ୍ନାଥସ୍ଯାଯଂ ସୁରଧୁନି ସମୁଦ୍ଧାରସମଯଃ ॥ ୪୭॥
ଶରଚ୍ଚନ୍ଦ୍ରଶ୍ଵେତାଂ ଶଶିଶକଲଶ୍ଵେତାଲମୁକୁଟାଂ
କରୈଃ କୁମ୍ଭାମ୍ଭୋଜେ ଵରଭଯନିରାସୌ ଚ ଦଧତୀମ୍ ।
ସୁଧାଧାରାକାରାଭରଣଵସନାଂ ଶୁଭ୍ରମକର-
ସ୍ଥିତାଂ ତ୍ଵାଂ ଯେ ଧ୍ଯାଯନ୍ତ୍ଯୁଦଯତି ନ ତେଷାଂ ପରିଭଵଃ ॥ ୪୮॥
ଦରସ୍ମିତସମୁଲ୍ଲସଦ୍ଵଦନକାନ୍ତିପୂରାମୃତୈ-
ର୍ଭଵଜ୍ଵଲନଭର୍ଜିତାନନିଶମୂର୍ଜଯନ୍ତୀ ନରାନ୍ ।
ଚିଦେକମଯଚନ୍ଦ୍ରିକାଚଯଚମତ୍କୃତିଂ ତନ୍ଵତୀ
ତନୋତୁ ମମ ଶନ୍ତନୋଃ ସପଦି ଶନ୍ତନୋରଙ୍ଗନା ॥ ୪୯॥
ମନ୍ତ୍ରୈର୍ମୀଲିତମୌଷଧୈର୍ମୁକୁଲିତଂ ତ୍ରସ୍ତଂ ସୁରାଣାଂ ଗଣୈଃ
ସ୍ରସ୍ତଂ ସାନ୍ଦ୍ରସୁଧାରସୈର୍ଵିଦଲିତଂ ଗାରୁତ୍ମତୈର୍ଗ୍ରାଵଭିଃ ।
ଵୀଚିକ୍ଷାଲିତକାଲିଯାହିତପଦେ ସ୍ଵର୍ଲୋକକଲ୍ଲୋଲିନି
ତ୍ଵଂ ତାପଂ ତିରଯାଧୁନା ମମ ଭଵଜ୍ଵାଲାଵଲୀଢାତ୍ମନଃ ॥ ୫୦॥
ଦ୍ଯୂତେ ନାଗେନ୍ଦ୍ରକୃତ୍ତିପ୍ରମଥଗଣମଣିଶ୍ରେଣିନନ୍ଦୀନ୍ଦୁମୁଖ୍ଯଂ
ସର୍ଵସ୍ଵଂ ହାରଯିତ୍ଵା ସ୍ଵମଥ ପୁରଭିଦି ଦ୍ରାକ୍ ପଣୀକର୍ତୁକାମେ ।
ସାକୂତଂ ହୈମଵତ୍ଯା ମୃଦୁଲହସିତଯା ଵୀକ୍ଷିତାଯାସ୍ତଵାମ୍ବ
ଵ୍ଯାଲୋଲୋଲ୍ଲାସିଵଲ୍ଗଲ୍ଲହରିନଟଘଟୀତାଣ୍ଡଵଂ ନଃ ପୁନାତୁ ॥ ୫୧॥
ଵିଭୂଷିତାନଙ୍ଗରିପୂତ୍ତମାଙ୍ଗା ସଦ୍ଯଃକୃତାନେକଜନାର୍ତିଭଙ୍ଗା ।
ମନୋହରୋତ୍ତୁଙ୍ଗଚଲତ୍ତରଙ୍ଗା ଗଙ୍ଗା ମମାଙ୍ଗାନ୍ଯମଲୀକରୋତୁ ॥ ୫୨॥
ଇମାଂ ପୀଯୂଷଲହରୀଂ ଜଗନ୍ନାଥେନ ନିର୍ମିତାମ୍ ।
ଯଃ ପଠେତ୍ତସ୍ଯ ସର୍ଵତ୍ର ଜାଯନ୍ତେ ସୁଖସମ୍ପଦଃ ॥ ୫୩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
ସମୃଦ୍ଧଂ ସୌଭାଗ୍ଯଂ ସକଲଵସୁଧାଯାଃ କିମପି ତନ୍
ମହୈଶ୍ଵର୍ଯଂ ଲୀଲାଜନିତଜଗତଃ ଖଣ୍ଡପରଶୋଃ ।
ଶ୍ରୁତୀନାଂ ସର୍ଵସ୍ଵଂ ସୁକୃତମଥ ମୂର୍ତଂ ସୁମନସାଂ
ସୁଧାସୋଦର୍ଯଂ ତେ ସଲିଲମଶିଵଂ ନଃ ଶମଯତୁ ॥ ୧॥
ଦରିଦ୍ରାଣାଂ ଦୈନ୍ଯଂ ଦୁରିତମଥ ଦୁର୍ଵାସନହୃଦାଂ
ଦ୍ରୁତଂ ଦୂରୀକୁର୍ଵନ୍ ସକୃଦପି ଗତୋ ଦୃଷ୍ଟିସରଣିମ୍ ।
ଅପି ଦ୍ରାଗାଵିଦ୍ଯାଦ୍ରୁମଦଲନଦୀକ୍ଷାଗୁରୁରିହ
ପ୍ରଵାହସ୍ତେ ଵାରାଂ ଶ୍ରିଯମଯମପାରାଂ ଦିଶତୁ ନଃ ॥ ୨॥
ଉଦଞ୍ଚନ୍ମାର୍ତଣ୍ଡସ୍ଫୁଟକପଟହେରମ୍ବଜନନୀ-
କଟାକ୍ଷଵ୍ଯାକ୍ଷେପକ୍ଷଣଜନିତସଂକ୍ଷୋଭନିଵହାଃ ।
ଭଵନ୍ତୁ ତ୍ଵଙ୍ଗନ୍ତୋ ହରଶିରସି ଗଙ୍ଗାତନୁଭୁଵ-
ସ୍ତରଙ୍ଗାଃ ପ୍ରୋତ୍ତୁଙ୍ଗା ଦୁରିତଭଯଭଙ୍ଗାଯ ଭଵତାମ୍ ॥ ୩॥
ତଵାଲମ୍ବାଦମ୍ବ ସ୍ଫୁରଦଲଘୁଗର୍ଵେଣ ସହସା
ମଯା ସର୍ଵେଽଵଜ୍ଞାସରଣିମଥ ନୀତାଃ ସୁରଗଣାଃ ।
ଇଦାନୀମୌଦାସ୍ଯଂ ଭଜସି ଯଦି ଭାଗୀରଥି ତଦା
ନିରାଧାରୋ ହା ରୋଦିମି କଥଯ କେଷାମିହ ପୁରଃ ॥ ୪॥
ସ୍ମୃତିଂ ଯାତା ପୁଂସାମକୃତସୁକୃତାନାମପି ଚ ଯା
ହରତ୍ଯନ୍ତସ୍ତନ୍ଦ୍ରାଂ ତିମିରମିଵ ଚନ୍ଦ୍ରାଂଶୁସରଣିଃ ।
ଇଯଂ ସା ତେ ମୂର୍ତିଃ ସକଲସୁରସଂସେଵ୍ଯସଲିଲା
ମମାନ୍ତଃସନ୍ତାପଂ ତ୍ରିଵିଧମପି ପାପଂ ଚ ହରତାମ୍ ॥ ୫॥
ଅପି ପ୍ରାଜ୍ଯଂ ରାଜ୍ଯଂ ତୃଣମିଵ ପରିତ୍ଯଜ୍ଯ ସହସା
ଵିଲୋଲଦ୍ଵାନୀରଂ ତଵ ଜନନି ତୀରଂ ଶ୍ରିତଵତାମ୍ ।
ସୁଧାତଃ ସ୍ଵାଦୀଯସ୍ସଲିଲଭରମାତୃପ୍ତି ପିବତାଂ
ଜନାନାମାନନ୍ଦଃ ପରିହସତି ନିର୍ଵାଣପଦଵୀମ୍ ॥ ୬॥
ପ୍ରଭାତେ ସ୍ନାତୀନାଂ ନୃପତିରମଣୀନାଂ କୁଚତଟୀ-
ଗତୋ ଯାଵନ୍ମାତର୍ମିଲତି ତଵ ତୋଯୈର୍ମୃଗମଦଃ ।
ମୃଗାସ୍ତାଵଦ୍ଵୈମାନିକଶତସହସ୍ରୈଃ ପରିଵୃତା
ଵିଶନ୍ତି ସ୍ଵଚ୍ଛନ୍ଦଂ ଵିମଲଵପୁଷୋ ନନ୍ଦନଵନମ୍ ॥ ୭॥
ସ୍ମୃତଂ ସଦ୍ଯଃ ସ୍ଵାନ୍ତଂ ଵିରଚଯତି ଶାନ୍ତଂ ସକୃଦପି
ପ୍ରଗୀତଂ ଯତ୍ପାପଂ ଝଟିତି ଭଵତାପଂ ଚ ହରତି ।
ଇଦଂ ତଦ୍ଗଙ୍ଗେତି ଶ୍ରଵଣରମଣୀଯଂ ଖଲୁ ପଦଂ
ମମ ପ୍ରାଣପ୍ରାନ୍ତେ ଵଦନକମଲାନ୍ତର୍ଵିଲସତୁ ॥ ୮॥
ଯଦନ୍ତଃ ଖେଲନ୍ତୋ ବହୁଲତରସନ୍ତୋଷଭରିତା
ନ କାକା ନାକାଧୀଶ୍ଵରନଗରସାକାଙ୍କ୍ଷମନସଃ ।
ନିଵାସାଲ୍ଲୋକାନାଂ ଜନିମରଣଶୋକାପହରଣଂ
ତଦେତତ୍ତେ ତୀରଂ ଶ୍ରମଶମନଧୀରଂ ଭଵତୁ ନଃ ॥ ୯॥
ନ ଯତ୍ସାକ୍ଷାଦ୍ଵେଦୈରପି ଗଲିତଭେଦୈରଵସିତଂ
ନ ଯସ୍ମିନ୍ ଜୀଵାନାଂ ପ୍ରସରତି ମନୋଵାଗଵସରଃ ।
ନିରାକାରଂ ନିତ୍ଯଂ ନିଜମହିମନିର୍ଵାସିତତମୋ
ଵିଶୁଦ୍ଧଂ ଯତ୍ତତ୍ତ୍ଵଂ ସୁରତଟିନି ତତ୍ତ୍ଵଂ ନ ଵିଷଯଃ ॥ ୧୦॥
ମହାଦାନୈର୍ଧ୍ଯାନୈର୍ବହୁଵିଧଵିତାନୈରପି ଚ ଯନ୍
ନ ଲଭ୍ଯଂ ଘୋରାଭିଃ ସୁଵିମଲତପୋରାଶିଭିରପି ।
ଅଚିନ୍ତ୍ଯଂ ତଦ୍ଵିଷ୍ଣୋଃ ପଦମଖିଲସାଧାରଣତଯା
ଦଦାନା କେନାସି ତ୍ଵମିହ ତୁଲନୀଯା କଥଯ ନଃ ॥ ୧୧॥
ନୃଣାମୀକ୍ଷାମାତ୍ରାଦପି ପରିହରନ୍ତ୍ଯା ଭଵଭଯଂ
ଶିଵାଯାସ୍ତେ ମୂର୍ତେଃ କ ଇହ ମହିମାନଂ ନିଗଦତୁ ।
ଅମର୍ଷମ୍ଲାନାଯାଃ ପରମମନୁରୋଧଂ ଗିରିଭୁଵୋ
ଵିହାଯ ଶ୍ରୀକଣ୍ଠଃ ଶିରସି ନିଯତଂ ଧାରଯତି ଯାମ୍ ॥ ୧୨॥
ଵିନିନ୍ଦ୍ଯାନ୍ଯୁନ୍ମତ୍ତୈରପି ଚ ପରିହାର୍ଯାଣି ପତିତୈ-
ରଵାଚ୍ଯାନି ଵ୍ରାତ୍ଯୈଃ ସପୁଲକମପାସ୍ଯାନି ପିଶୁନୈଃ ।
ହରନ୍ତୀ ଲୋକାନାମନଵରତମେନାଂସି କିଯତାଂ
କଦାପ୍ଯଶ୍ରାନ୍ତା ତ୍ଵଂ ଜଗତି ପୁନରେକା ଵିଜଯସେ ॥ ୧୩॥
ସ୍ଖଲନ୍ତୀ ସ୍ଵର୍ଲୋକାଦଵନିତଲଶୋକାପହୃତଯେ
ଜଟାଜୂଟଗ୍ରନ୍ଥୌ ଯଦସି ଵିନିବଦ୍ଧା ପୁରଭିଦା ।
ଅଯେ ନିର୍ଲୋଭାନାମପି ମନସି ଲୋଭଂ ଜନଯତାଂ
ଗୁଣାନାମେଵାଯଂ ତଵ ଜନନି ଦୋଷଃ ପରିଣତଃ ॥ ୧୪॥
ଜଡାନନ୍ଧାନ୍ ପଙ୍ଗୂନ୍ ପ୍ରକୃତିବଧିରାନୁକ୍ତିଵିକଲାନ୍
ଗ୍ରହଗ୍ରସ୍ତାନସ୍ତାଖିଲଦୁରିତନିସ୍ତାରସରଣୀନ୍ ।
ନିଲିମ୍ପୈର୍ନିର୍ମୁକ୍ତାନପି ଚ ନିରଯାନ୍ତର୍ନିପତତୋ
ନରାନମ୍ବ ତ୍ରାତୁଂ ତ୍ଵମିହ ପରମଂ ଭେଷଜମସି ॥ ୧୫॥
ସ୍ଵଭାଵସ୍ଵଚ୍ଛାନାଂ ସହଜଶିଶିରାଣାମଯମପା-
ମପାରସ୍ତେ ମାତର୍ଜଯତି ମହିମା କୋଽପି ଜଗତି ।
ମୁଦାଯଂ ଗାଯନ୍ତି ଦ୍ଯୁତଲମନଵଦ୍ଯଦ୍ଯୁତିଭୃତଃ
ସମାସାଦ୍ଯାଦ୍ଯାପି ସ୍ଫୁଟପୁଲକସାନ୍ଦ୍ରାଃ ସଗରଜାଃ ॥ ୧୬॥
କୃତକ୍ଷୁଦ୍ରୈନସ୍କାନଥ ଝଟିତି ସନ୍ତପ୍ତମନସଃ
ସମୁଦ୍ଧର୍ତୁଂ ସନ୍ତି ତ୍ରିଭୁଵନତଲେ ତୀର୍ଥନିଵହାଃ ।
ଅପି ପ୍ରାଯଶ୍ଚିତ୍ତପ୍ରସରଣପଥାତୀତଚରିତା-
ନ୍ନରାନୂରୀକର୍ତୁଂ ତ୍ଵମିଵ ଜନନି ତ୍ଵଂ ଵିଜଯସେ ॥ ୧୭॥
ନିଧାନଂ ଧର୍ମାଣାଂ କିମପି ଚ ଵିଧାନଂ ନଵମୁଦାଂ
ପ୍ରଧାନଂ ତୀର୍ଥାନାମମଲପରିଧାନଂ ତ୍ରିଜଗତଃ ।
ସମାଧାନଂ ବୁଦ୍ଧେରଥ ଖଲୁ ତିରୋଧାନମଧିଯାଂ
ଶ୍ରିଯାମାଧାନଂ ନଃ ପରିହରତୁ ତାପଂ ତଵ ଵପୁଃ ॥ ୧୮॥
ପୁରୋ ଧାଵଂ ଧାଵଂ ଦ୍ରଵିଣମଦିରାଘୂର୍ଣିତଦୃଶାଂ
ମହୀପାନାଂ ନାନାତରୁଣତରଖେଦସ୍ଯ ନିଯତମ୍ ।
ମମୈଵାଯଂ ମନ୍ତୁଃ ସ୍ଵହିତଶତହନ୍ତୁର୍ଜଡଧିଯୋ
ଵିଯୋଗସ୍ତେ ମାତର୍ଯଦିହ କରୁଣାତଃ କ୍ଷଣମପି ॥ ୧୯॥
ମରୁଲ୍ଲୀଲାଲୋଲଲ୍ଲହରିଲୁଲିତାମ୍ଭୋଜପଟଲୀ-
ସ୍ଖଲତ୍ପାଂସୁଵ୍ରାତଚ୍ଛୁରଣଵିସରତ୍କୌଙ୍କୁମରୁଚି ।
ସୁରସ୍ତ୍ରୀଵକ୍ଷୋଜକ୍ଷରଦଗରୁଜମ୍ବାଲଜଟିଲଂ
ଜଲଂ ତେ ଜମ୍ବାଲଂ ମମ ଜନନଜାଲଂ ଜରଯତୁ ॥ ୨୦॥
ସମୁତ୍ପତ୍ତିଃ ପଦ୍ମାରମଣପଦପଦ୍ମାମଲନଖା-
ନ୍ନିଵାସଃ କନ୍ଦର୍ପପ୍ରତିଭଟଜଟାଜୂଟଭଵନେ ।
ଅଥାଽଯଂ ଵ୍ଯାସଙ୍ଗୋ ହତପତିତନିସ୍ତାରଣଵିଧୌ
ନ କସ୍ମାଦୁତ୍କର୍ଷସ୍ତଵ ଜନନି ଜାଗର୍ତୁ ଜଗତି ॥ ୨୧॥
ନଗେଭ୍ଯୋ ଯାନ୍ତୀନାଂ କଥଯ ତଟିନୀନାଂ କତମଯା
ପୁରାଣାଂ ସଂହର୍ତୁଃ ସୁରଧୁନି କପର୍ଦୋଽଧିରୁରୁହେ ।
କଯା ଵା ଶ୍ରୀଭର୍ତୁଃ ପଦକମଲମକ୍ଷାଲି ସଲିଲୈ-
ସ୍ତୁଲାଲେଶୋ ଯସ୍ଯାଂ ତଵ ଜନନି ଦୀଯେତ କଵିଭିଃ ॥ ୨୨॥
ଵିଧତ୍ତାଂ ନିଃଶଙ୍କଂ ନିରଵଧି ସମାଧିଂ ଵିଧିରହୋ
ସୁଖଂ ଶେଷେ ଶେତାଂ ହରିରଵିରତଂ ନୃତ୍ଯତୁ ହରଃ ।
କୃତଂ ପ୍ରାଯଶ୍ଚିତ୍ତୈରଲମଥ ତପୋଦାନଯଜନୈଃ
ସଵିତ୍ରୀ କାମାନାଂ ଯଦି ଜଗତି ଜାଗର୍ତି ଜନନୀ ॥ ୨୩॥
ଅନାଥଃ ସ୍ନେହାର୍ଦ୍ରାଂ ଵିଗଲିତଗତିଃ ପୁଣ୍ଯଗତିଦାଂ
ପତନ୍ ଵିଶ୍ଵୋଦ୍ଧର୍ତ୍ରୀଂ ଗଦଵିଗଲିତଃ ସିଦ୍ଧଭିଷଜମ୍ ।
ସୁଧାସିନ୍ଧୁଂ ତୃଷ୍ଣାକୁଲିତହୃଦଯୋ ମାତରମଯଂ
ଶିଶୁଃ ସମ୍ପ୍ରାପ୍ତସ୍ତ୍ଵାମହମିହ ଵିଦଧ୍ଯାଃ ସମୁଚିତମ୍ ॥ ୨୪॥
ଵିଲୀନୋ ଵୈ ଵୈଵସ୍ଵତନଗରକୋଲାହଲଭରୋ
ଗତା ଦୂତା ଦୂରଂ କ୍ଵଚିଦପି ପରେତାନ୍ ମୃଗଯିତୁମ୍ ।
ଵିମାନାନାଂ ଵ୍ରାତୋ ଵିଦଲଯତି ଵୀଥିର୍ଦିଵିଷଦାଂ
କଥା ତେ କଲ୍ଯାଣୀ ଯଦଵଧି ମହୀମଣ୍ଡଲମଗାତ୍ ॥ ୨୫॥
ସ୍ଫୁରତ୍କାମକ୍ରୋଧପ୍ରବଲତରସଞ୍ଜାତଜଟିଲ-
ଜ୍ଵରଜ୍ଵାଲାଜାଲଜ୍ଵଲିତଵପୁଷାଂ ନଃ ପ୍ରତିଦିନମ୍ ।
ହରନ୍ତାଂ ସନ୍ତାପଂ କମପି ମରୁଦୁଲ୍ଲାସଲହରି-
ଚ୍ଛଟାଚଞ୍ଚତ୍ପାଥଃକଣସରଣଯୋ ଦିଵ୍ଯସରିତଃ ॥ ୨୬॥
ଇଦଂ ହି ବ୍ରହ୍ମାଣ୍ଡଂ ସକଲଭୁଵନାଭୋଗଭଵନଂ
ତରଙ୍ଗୈର୍ଯସ୍ଯାନ୍ତର୍ଲୁଠତି ପରିତସ୍ତିନ୍ଦୁକମିଵ ।
ସ ଏଷ ଶ୍ରୀକଣ୍ଠପ୍ରଵିତତଜଟାଜୂଟଜଟିଲୋ
ଜଲାନାଂ ସଙ୍ଘାତସ୍ତଵ ଜନନି ତାପଂ ହରତୁ ନଃ ॥ ୨୭॥
ତ୍ରପନ୍ତେ ତୀର୍ଥାନି ତ୍ଵରିତମିହ ଯସ୍ଯୋଦ୍ଧୃତିଵିଧୌ
କରଂ କର୍ଣେ କୁର୍ଵନ୍ତ୍ଯପି କିଲ କପାଲିପ୍ରଭୃତଯଃ ।
ଇମଂ ତ୍ଵଂ ମାମମ୍ବ ତ୍ଵମିଯମନୁକମ୍ପାର୍ଦ୍ରହୃଦଯେ
ପୁନାନା ସର୍ଵେଷାମଘମଥନଦର୍ପଂ ଦଲଯସି ॥ ୨୮॥
ଶ୍ଵପାକାନାଂ ଵ୍ରାତୈରମିତଵିଚିକିତ୍ସାଵିଚଲିତୈ-
ର୍ଵିମୁକ୍ତାନାମେକଂ କିଲ ସଦନମେନଃପରିଷଦାମ୍ ।
ଅହୋ ମାମୁଦ୍ଧର୍ତୁଂ ଜନନି ଘଟଯନ୍ତ୍ଯାଃ ପରିକରଂ
ତଵ ଶ୍ଲାଘାଂ କର୍ତୁଂ କଥମିଵ ସମର୍ଥୋ ନରପଶୁଃ ॥ ୨୯॥
ନ କୋଽପ୍ଯେତାଵନ୍ତଂ ଖଲୁ ସମଯମାରଭ୍ଯ ମିଲିତୋ
ଯଦୁଦ୍ଧାରାଦାରାଦ୍ଭଵତି ଜଗତୋ ଵିସ୍ମଯଭରଃ ।
ଇତୀମାମୀହାଂ ତେ ମନସି ଚିରକାଲଂ ସ୍ଥିତଵତୀ-
ମଯଂ ସମ୍ପ୍ରାପ୍ତୋଽହଂ ସଫଲଯିତୁମମ୍ବ ପ୍ରଣଯ ନଃ ॥ ୩୦॥
ଶ୍ଵଵୃତ୍ତିଵ୍ଯାସଙ୍ଗୋ ନିଯତମଥ ମିଥ୍ଯାପ୍ରଲପନଂ
କୁତର୍କେଶ୍ଵଭ୍ଯାସଃ ସତତପରପୈଶୁନ୍ଯମନନମ୍ ।
ଅପି ଶ୍ରାଵଂ ଶ୍ରାଵଂ ମମ ତୁ ପୁନରେଵଂ ଗୁଣଗଣା-
ନୃତେ ତ୍ଵତ୍କୋ ନାମ କ୍ଷଣମପି ନିରୀକ୍ଷେତ ଵଦନମ୍ ॥ ୩୧॥
ଵିଶାଲାଭ୍ଯାମାଭ୍ଯାଂ କିମିହ ନଯନାଭ୍ଯାଂ ଖଲୁ ଫଲଂ
ନ ଯାଭ୍ଯାମାଲୀଢା ପରମରମଣୀଯା ତଵ ତନୁଃ ।
ଅଯଂ ହି ନ୍ଯକ୍କାରୋ ଜନନି ମନୁଜସ୍ଯ ଶ୍ରଵଣଯୋ-
ର୍ଯଯୋର୍ନାନ୍ତର୍ଯାତସ୍ତଵ ଲହରିଲୀଲାକଲକଲଃ ॥ ୩୨॥
ଵିମାନୈଃ ସ୍ଵଚ୍ଛନ୍ଦଂ ସୁରପୁରମଯନ୍ତେ ସୁକୃତିନଃ
ପତନ୍ତି ଦ୍ରାକ୍ ପାପା ଜନନି ନରକାନ୍ତଃ ପରଵଶାଃ ।
ଵିଭାଗୋଽଯଂ ତସ୍ମିନ୍ନଶୁଭମଯମୂର୍ତୌ ଜନପଦେ
ନ ଯତ୍ର ତ୍ଵଂ ଲୀଲାଦଲିତମନୁଜାଶେଷକଲୁଷା ॥ ୩୩॥
ଅପି ଘ୍ନନ୍ତୋ ଵିପ୍ରାନଵିରତମୁଶନ୍ତୋ ଗୁରୁସତୀଃ
ପିବନ୍ତୋ ମୈରେଯଂ ପୁନରପି ହରନ୍ତଶ୍ଚ କନକମ୍ ।
ଵିହାଯ ତ୍ଵଯ୍ଯନ୍ତେ ତନୁମତନୁଦାନାଧ୍ଵରଜୁଷା-
ମୁପର୍ଯମ୍ବ କ୍ରୀଡନ୍ତ୍ଯଖିଲସୁରସମ୍ଭାଵିତପଦାଃ ॥ ୩୪॥
ଅଲଭ୍ଯଂ ସୌରଭ୍ଯଂ ହରତି ସତତଂ ଯଃ ସୁମନସାଂ
କ୍ଷଣାଦେଵ ପ୍ରାଣାନପି ଵିରହଶସ୍ତ୍ରକ୍ଷତହୃଦାମ୍ ।
ତ୍ଵଦୀଯାନାଂ ଲୀଲାଚଲିତଲହରୀଣାଂ ଵ୍ଯତିକରାତ୍
ପୁନୀତେ ସୋଽପି ଦ୍ରାଗହହ ପଵମାନସ୍ତ୍ରିଭୁଵନମ୍ ॥ ୩୫॥
କିଯନ୍ତଃ ସନ୍ତ୍ଯେକେ ନିଯତମିହଲୋକାର୍ଥଘଟକାଃ
ପରେ ପୂତାତ୍ମାନଃ କତି ଚ ପରଲୋକପ୍ରଣଯିନଃ ।
ସୁଖଂ ଶେତେ ମାତସ୍ତଵ ଖଲୁ କୃପାତଃ ପୁନରଯଂ
ଜଗନ୍ନାଥଃ ଶଶ୍ଵତ୍ତ୍ଵଯି ନିହିତଲୋକଦ୍ଵଯଭରଃ ॥ ୩୬॥
ଭଵତ୍ଯା ହି ଵ୍ରାତ୍ଯାଧମପତିତପାଖଣ୍ଡପରିଷତ୍
ପରିତ୍ରାଣସ୍ନେହଃ ଶ୍ଲଥଯିତୁମଶକ୍ଯଃ ଖଲୁ ଯଥା ।
ମମାପ୍ଯେଵଂ ପ୍ରେମା ଦୁରିତନିଵହେଷ୍ଵମ୍ବ ଜଗତି
ସ୍ଵଭାଵୋଽଯଂ ସର୍ଵୈରପି ଖଲୁ ଯତୋ ଦୁଷ୍ପରିହରଃ ॥ ୩୭॥
ପ୍ରଦୋଷାନ୍ତର୍ନୃତ୍ଯତ୍ପୁରମଥନଲୀଲୋଦ୍ଧୃତଜଟା-
ତଟାଭୋଗପ୍ରେଙ୍ଖଲ୍ଲହରିଭୁଜସନ୍ତାନଵିଧୁତିଃ ।
ବିଲକ୍ରୋଡକ୍ରୀଡଜ୍ଜଲଡମରୁଟଙ୍କାରସୁଭଗ-
ସ୍ତିରୋଧତ୍ତାଂ ତାପଂ ତ୍ରିଦଶତଟିନୀତାଣ୍ଡଵଵିଧିଃ ॥ ୩୮॥
ସଦୈଵ ତ୍ଵଯ୍ଯେଵାର୍ପିତକୁଶଲଚିନ୍ତାଭରମିମଂ
ଯଦି ତ୍ଵଂ ମାମମ୍ବ ତ୍ଯଜସି ସମଯେଽସ୍ମିନ୍ସୁଵିଷମେ ।
ତଦା ଵିଶ୍ଵାସୋଽଯଂ ତ୍ରିଭୁଵନତଲାଦସ୍ତମଯତେ
ନିରାଧାରା ଚେଯଂ ଭଵତି ଖଲୁ ନିର୍ଵ୍ଯାଜକରୁଣା ॥ ୩୯॥
କପର୍ଦାଦୁଲ୍ଲସ୍ଯ ପ୍ରଣଯମିଲଦର୍ଧାଙ୍ଗଯୁଵତେଃ
ପୁରାରେଃ ପ୍ରେଙ୍ଖନ୍ତ୍ଯୋ ମୃଦୁଲତରସୀମନ୍ତସରଣୌ ।
ଭଵାନ୍ଯା ସାପତ୍ନ୍ଯସ୍ଫୁରିତନଯନଂ କୋମଲରୁଚା
କରେଣାକ୍ଷିପ୍ତାସ୍ତେ ଜନନି ଵିଜଯନ୍ତାଂ ଲହରଯଃ ॥ ୪୦॥
ପ୍ରପଦ୍ଯନ୍ତେ ଲୋକାଃ କତି ନ ଭଵତୀମତ୍ରଭଵତୀ-
ମୁପାଧିସ୍ତତ୍ରାଯଂ ସ୍ଫୁରତି ଯଦଭୀଷ୍ଟଂ ଵିତରସି ।
ଶପେ ତୁଭ୍ଯଂ ମାତର୍ମମ ତୁ ପୁନରାତ୍ମା ସୁରଧୁନି
ସ୍ଵଭାଵାଦେଵ ତ୍ଵଯ୍ଯମିତମନୁରାଗଂ ଵିଧୃତଵାନ୍ ॥ ୪୧॥
ଲଲାଟେ ଯା ଲୋକୈରିହ ଖଲୁ ସଲୀଲଂ ତିଲକିତା
ତମୋ ହନ୍ତୁଂ ଧତ୍ତେ ତରୁଣତରମାର୍ତଣ୍ଡତୁଲନାମ୍ ।
ଵିଲୁମ୍ପନ୍ତୀ ସଦ୍ଯୋ ଵିଧିଲିଖିତଦୁର୍ଵର୍ଣସରଣିଂ
ତ୍ଵଦୀଯା ସା ମୃତ୍ସ୍ନା ମମ ହରତୁ କୃତ୍ସ୍ନାମପି ଶୁଚମ୍ ॥ ୪୨॥
ନରାନ୍ ମୂଢାଂସ୍ତତ୍ତଜ୍ଜନପଦସମାସକ୍ତମନସୋ
ହସନ୍ତଃ ସୋଲ୍ଲାସଂ ଵିକଚକୁସୁମଵ୍ରାତମିଷତଃ ।
ପୁନାନାଃ ସୌରଭ୍ଯୈଃ ସତତମଲିନୋ ନିତ୍ଯମଲିନାନ୍
ସଖାଯୋ ନଃ ସନ୍ତୁ ତ୍ରିଦଶତଟିନୀତୀରତରଵଃ ॥ ୪୩॥
ଯଜନ୍ତ୍ଯେକେ ଦେଵାନ୍ କଠିନତରସେଵାଂସ୍ତଦପରେ
ଵିତାନଵ୍ଯାସକ୍ତା ଯମନିଯମରକ୍ତାଃ କତିପଯେ ।
ଅହଂ ତୁ ତ୍ଵନ୍ନାମସ୍ମରଣକୃତକାମସ୍ତ୍ରିପଥଗେ
ଜଗଜ୍ଜାଲଂ ଜାନେ ଜନନି ତୃଣଜାଲେନ ସଦୃଶମ୍ ॥ ୪୪॥
ଅଵିଶ୍ରାନ୍ତଂ ଜନ୍ମାଵଧି ସୁକୃତଜନ୍ମାର୍ଜନକୃତାଂ
ସତାଂ ଶ୍ରେଯଃ କର୍ତୁଂ କତି ନ କୃତିନଃ ସନ୍ତି ଵିବୁଧାଃ ।
ନିରସ୍ତାଲମ୍ବାନାମକୃତସୁକୃତାନାଂ ତୁ ଭଵତୀଂ
ଵିନାଽମୁଷ୍ମିଂଲ୍ଲୋକେ ନ ପରମଵଲୋକେ ହିତକରମ୍ ॥ ୪୫॥
ପଯଃ ପୀତ୍ଵା ମାତସ୍ତଵ ସପଦି ଯାତଃ ସହଚରୈ-
ର୍ଵିମୂଢୈଃ ସଂରନ୍ତୁଂ କ୍ଵଚିଦପି ନ ଵିଶ୍ରାନ୍ତିମଗମମ୍ ।
ଇଦାନୀମୁତ୍ସଙ୍ଗେ ମୃଦୁପଵନସଞ୍ଚାରଶିଶିରେ
ଚିରାଦୁନ୍ନିଦ୍ରଂ ମାଂ ସଦଯହୃଦଯେ ଶାଯଯ ଚିରମ୍ ॥ ୪୬॥
ବଧାନ ଦ୍ରାଗେଵ ଦ୍ରଢିମରମଣୀଯଂ ପରିକରଂ
କିରୀଟେ ବାଲେନ୍ଦୁଂ ନିଯମଯ ପୁନଃ ପନ୍ନଗଗଣୈଃ ।
ନ କୁର୍ଯାସ୍ତ୍ଵଂ ହେଲାମିତରଜନସାଧାରଣତଯା
ଜଗନ୍ନାଥସ୍ଯାଯଂ ସୁରଧୁନି ସମୁଦ୍ଧାରସମଯଃ ॥ ୪୭॥
ଶରଚ୍ଚନ୍ଦ୍ରଶ୍ଵେତାଂ ଶଶିଶକଲଶ୍ଵେତାଲମୁକୁଟାଂ
କରୈଃ କୁମ୍ଭାମ୍ଭୋଜେ ଵରଭଯନିରାସୌ ଚ ଦଧତୀମ୍ ।
ସୁଧାଧାରାକାରାଭରଣଵସନାଂ ଶୁଭ୍ରମକର-
ସ୍ଥିତାଂ ତ୍ଵାଂ ଯେ ଧ୍ଯାଯନ୍ତ୍ଯୁଦଯତି ନ ତେଷାଂ ପରିଭଵଃ ॥ ୪୮॥
ଦରସ୍ମିତସମୁଲ୍ଲସଦ୍ଵଦନକାନ୍ତିପୂରାମୃତୈ-
ର୍ଭଵଜ୍ଵଲନଭର୍ଜିତାନନିଶମୂର୍ଜଯନ୍ତୀ ନରାନ୍ ।
ଚିଦେକମଯଚନ୍ଦ୍ରିକାଚଯଚମତ୍କୃତିଂ ତନ୍ଵତୀ
ତନୋତୁ ମମ ଶନ୍ତନୋଃ ସପଦି ଶନ୍ତନୋରଙ୍ଗନା ॥ ୪୯॥
ମନ୍ତ୍ରୈର୍ମୀଲିତମୌଷଧୈର୍ମୁକୁଲିତଂ ତ୍ରସ୍ତଂ ସୁରାଣାଂ ଗଣୈଃ
ସ୍ରସ୍ତଂ ସାନ୍ଦ୍ରସୁଧାରସୈର୍ଵିଦଲିତଂ ଗାରୁତ୍ମତୈର୍ଗ୍ରାଵଭିଃ ।
ଵୀଚିକ୍ଷାଲିତକାଲିଯାହିତପଦେ ସ୍ଵର୍ଲୋକକଲ୍ଲୋଲିନି
ତ୍ଵଂ ତାପଂ ତିରଯାଧୁନା ମମ ଭଵଜ୍ଵାଲାଵଲୀଢାତ୍ମନଃ ॥ ୫୦॥
ଦ୍ଯୂତେ ନାଗେନ୍ଦ୍ରକୃତ୍ତିପ୍ରମଥଗଣମଣିଶ୍ରେଣିନନ୍ଦୀନ୍ଦୁମୁଖ୍ଯଂ
ସର୍ଵସ୍ଵଂ ହାରଯିତ୍ଵା ସ୍ଵମଥ ପୁରଭିଦି ଦ୍ରାକ୍ ପଣୀକର୍ତୁକାମେ ।
ସାକୂତଂ ହୈମଵତ୍ଯା ମୃଦୁଲହସିତଯା ଵୀକ୍ଷିତାଯାସ୍ତଵାମ୍ବ
ଵ୍ଯାଲୋଲୋଲ୍ଲାସିଵଲ୍ଗଲ୍ଲହରିନଟଘଟୀତାଣ୍ଡଵଂ ନଃ ପୁନାତୁ ॥ ୫୧॥
ଵିଭୂଷିତାନଙ୍ଗରିପୂତ୍ତମାଙ୍ଗା ସଦ୍ଯଃକୃତାନେକଜନାର୍ତିଭଙ୍ଗା ।
ମନୋହରୋତ୍ତୁଙ୍ଗଚଲତ୍ତରଙ୍ଗା ଗଙ୍ଗା ମମାଙ୍ଗାନ୍ଯମଲୀକରୋତୁ ॥ ୫୨॥
ଇମାଂ ପୀଯୂଷଲହରୀଂ ଜଗନ୍ନାଥେନ ନିର୍ମିତାମ୍ ।
ଯଃ ପଠେତ୍ତସ୍ଯ ସର୍ଵତ୍ର ଜାଯନ୍ତେ ସୁଖସମ୍ପଦଃ ॥ ୫୩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
Ganga Lahari Lyrics in Oriya PDF
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website