గంగాలహరీ
{॥ గంగాలహరీ ॥}
సమృద్ధం సౌభాగ్యం సకలవసుధాయాః కిమపి తన్
మహైశ్వర్యం లీలాజనితజగతః ఖణ్డపరశోః ।
శ్రుతీనాం సర్వస్వం సుకృతమథ మూర్తం సుమనసాం
సుధాసోదర్యం తే సలిలమశివం నః శమయతు ॥ ౧॥
దరిద్రాణాం దైన్యం దురితమథ దుర్వాసనహృదాం
ద్రుతం దూరీకుర్వన్ సకృదపి గతో దృష్టిసరణిమ్ ।
అపి ద్రాగావిద్యాద్రుమదలనదీక్షాగురురిహ
ప్రవాహస్తే వారాం శ్రియమయమపారాం దిశతు నః ॥ ౨॥
ఉదఞ్చన్మార్తణ్డస్ఫుటకపటహేరమ్బజననీ-
కటాక్షవ్యాక్షేపక్షణజనితసంక్షోభనివహాః ।
భవన్తు త్వఙ్గన్తో హరశిరసి గఙ్గాతనుభువ-
స్తరఙ్గాః ప్రోత్తుఙ్గా దురితభయభఙ్గాయ భవతామ్ ॥ ౩॥
తవాలమ్బాదమ్బ స్ఫురదలఘుగర్వేణ సహసా
మయా సర్వేఽవజ్ఞాసరణిమథ నీతాః సురగణాః ।
ఇదానీమౌదాస్యం భజసి యది భాగీరథి తదా
నిరాధారో హా రోదిమి కథయ కేషామిహ పురః ॥ ౪॥
స్మృతిం యాతా పుంసామకృతసుకృతానామపి చ యా
హరత్యన్తస్తన్ద్రాం తిమిరమివ చన్ద్రాంశుసరణిః ।
ఇయం సా తే మూర్తిః సకలసురసంసేవ్యసలిలా
మమాన్తఃసన్తాపం త్రివిధమపి పాపం చ హరతామ్ ॥ ౫॥
అపి ప్రాజ్యం రాజ్యం తృణమివ పరిత్యజ్య సహసా
విలోలద్వానీరం తవ జనని తీరం శ్రితవతామ్ ।
సుధాతః స్వాదీయస్సలిలభరమాతృప్తి పిబతాం
జనానామానన్దః పరిహసతి నిర్వాణపదవీమ్ ॥ ౬॥
ప్రభాతే స్నాతీనాం నృపతిరమణీనాం కుచతటీ-
గతో యావన్మాతర్మిలతి తవ తోయైర్మృగమదః ।
మృగాస్తావద్వైమానికశతసహస్రైః పరివృతా
విశన్తి స్వచ్ఛన్దం విమలవపుషో నన్దనవనమ్ ॥ ౭॥
స్మృతం సద్యః స్వాన్తం విరచయతి శాన్తం సకృదపి
ప్రగీతం యత్పాపం ఝటితి భవతాపం చ హరతి ।
ఇదం తద్గఙ్గేతి శ్రవణరమణీయం ఖలు పదం
మమ ప్రాణప్రాన్తే వదనకమలాన్తర్విలసతు ॥ ౮॥
యదన్తః ఖేలన్తో బహులతరసన్తోషభరితా
న కాకా నాకాధీశ్వరనగరసాకాఙ్క్షమనసః ।
నివాసాల్లోకానాం జనిమరణశోకాపహరణం
తదేతత్తే తీరం శ్రమశమనధీరం భవతు నః ॥ ౯॥
న యత్సాక్షాద్వేదైరపి గలితభేదైరవసితం
న యస్మిన్ జీవానాం ప్రసరతి మనోవాగవసరః ।
నిరాకారం నిత్యం నిజమహిమనిర్వాసితతమో
విశుద్ధం యత్తత్త్వం సురతటిని తత్త్వం న విషయః ॥ ౧౦॥
మహాదానైర్ధ్యానైర్బహువిధవితానైరపి చ యన్
న లభ్యం ఘోరాభిః సువిమలతపోరాశిభిరపి ।
అచిన్త్యం తద్విష్ణోః పదమఖిలసాధారణతయా
దదానా కేనాసి త్వమిహ తులనీయా కథయ నః ॥ ౧౧॥
నృణామీక్షామాత్రాదపి పరిహరన్త్యా భవభయం
శివాయాస్తే మూర్తేః క ఇహ మహిమానం నిగదతు ।
అమర్షమ్లానాయాః పరమమనురోధం గిరిభువో
విహాయ శ్రీకణ్ఠః శిరసి నియతం ధారయతి యామ్ ॥ ౧౨॥
వినిన్ద్యాన్యున్మత్తైరపి చ పరిహార్యాణి పతితై-
రవాచ్యాని వ్రాత్యైః సపులకమపాస్యాని పిశునైః ।
హరన్తీ లోకానామనవరతమేనాంసి కియతాం
కదాప్యశ్రాన్తా త్వం జగతి పునరేకా విజయసే ॥ ౧౩॥
స్ఖలన్తీ స్వర్లోకాదవనితలశోకాపహృతయే
జటాజూటగ్రన్థౌ యదసి వినిబద్ధా పురభిదా ।
అయే నిర్లోభానామపి మనసి లోభం జనయతాం
గుణానామేవాయం తవ జనని దోషః పరిణతః ॥ ౧౪॥
జడానన్ధాన్ పఙ్గూన్ ప్రకృతిబధిరానుక్తివికలాన్
గ్రహగ్రస్తానస్తాఖిలదురితనిస్తారసరణీన్ ।
నిలిమ్పైర్నిర్ముక్తానపి చ నిరయాన్తర్నిపతతో
నరానమ్బ త్రాతుం త్వమిహ పరమం భేషజమసి ॥ ౧౫॥
స్వభావస్వచ్ఛానాం సహజశిశిరాణామయమపా-
మపారస్తే మాతర్జయతి మహిమా కోఽపి జగతి ।
ముదాయం గాయన్తి ద్యుతలమనవద్యద్యుతిభృతః
సమాసాద్యాద్యాపి స్ఫుటపులకసాన్ద్రాః సగరజాః ॥ ౧౬॥
కృతక్షుద్రైనస్కానథ ఝటితి సన్తప్తమనసః
సముద్ధర్తుం సన్తి త్రిభువనతలే తీర్థనివహాః ।
అపి ప్రాయశ్చిత్తప్రసరణపథాతీతచరితా-
న్నరానూరీకర్తుం త్వమివ జనని త్వం విజయసే ॥ ౧౭॥
నిధానం ధర్మాణాం కిమపి చ విధానం నవముదాం
ప్రధానం తీర్థానామమలపరిధానం త్రిజగతః ।
సమాధానం బుద్ధేరథ ఖలు తిరోధానమధియాం
శ్రియామాధానం నః పరిహరతు తాపం తవ వపుః ॥ ౧౮॥
పురో ధావం ధావం ద్రవిణమదిరాఘూర్ణితదృశాం
మహీపానాం నానాతరుణతరఖేదస్య నియతమ్ ।
మమైవాయం మన్తుః స్వహితశతహన్తుర్జడధియో
వియోగస్తే మాతర్యదిహ కరుణాతః క్షణమపి ॥ ౧౯॥
మరుల్లీలాలోలల్లహరిలులితామ్భోజపటలీ-
స్ఖలత్పాంసువ్రాతచ్ఛురణవిసరత్కౌఙ్కుమరుచి ।
సురస్త్రీవక్షోజక్షరదగరుజమ్బాలజటిలం
జలం తే జమ్బాలం మమ జననజాలం జరయతు ॥ ౨౦॥
సముత్పత్తిః పద్మారమణపదపద్మామలనఖా-
న్నివాసః కన్దర్పప్రతిభటజటాజూటభవనే ।
అథాఽయం వ్యాసఙ్గో హతపతితనిస్తారణవిధౌ
న కస్మాదుత్కర్షస్తవ జనని జాగర్తు జగతి ॥ ౨౧॥
నగేభ్యో యాన్తీనాం కథయ తటినీనాం కతమయా
పురాణాం సంహర్తుః సురధుని కపర్దోఽధిరురుహే ।
కయా వా శ్రీభర్తుః పదకమలమక్షాలి సలిలై-
స్తులాలేశో యస్యాం తవ జనని దీయేత కవిభిః ॥ ౨౨॥
విధత్తాం నిఃశఙ్కం నిరవధి సమాధిం విధిరహో
సుఖం శేషే శేతాం హరిరవిరతం నృత్యతు హరః ।
కృతం ప్రాయశ్చిత్తైరలమథ తపోదానయజనైః
సవిత్రీ కామానాం యది జగతి జాగర్తి జననీ ॥ ౨౩॥
అనాథః స్నేహార్ద్రాం విగలితగతిః పుణ్యగతిదాం
పతన్ విశ్వోద్ధర్త్రీం గదవిగలితః సిద్ధభిషజమ్ ।
సుధాసిన్ధుం తృష్ణాకులితహృదయో మాతరమయం
శిశుః సమ్ప్రాప్తస్త్వామహమిహ విదధ్యాః సముచితమ్ ॥ ౨౪॥
విలీనో వై వైవస్వతనగరకోలాహలభరో
గతా దూతా దూరం క్వచిదపి పరేతాన్ మృగయితుమ్ ।
విమానానాం వ్రాతో విదలయతి వీథిర్దివిషదాం
కథా తే కల్యాణీ యదవధి మహీమణ్డలమగాత్ ॥ ౨౫॥
స్ఫురత్కామక్రోధప్రబలతరసఞ్జాతజటిల-
జ్వరజ్వాలాజాలజ్వలితవపుషాం నః ప్రతిదినమ్ ।
హరన్తాం సన్తాపం కమపి మరుదుల్లాసలహరి-
చ్ఛటాచఞ్చత్పాథఃకణసరణయో దివ్యసరితః ॥ ౨౬॥
ఇదం హి బ్రహ్మాణ్డం సకలభువనాభోగభవనం
తరఙ్గైర్యస్యాన్తర్లుఠతి పరితస్తిన్దుకమివ ।
స ఏష శ్రీకణ్ఠప్రవితతజటాజూటజటిలో
జలానాం సఙ్ఘాతస్తవ జనని తాపం హరతు నః ॥ ౨౭॥
త్రపన్తే తీర్థాని త్వరితమిహ యస్యోద్ధృతివిధౌ
కరం కర్ణే కుర్వన్త్యపి కిల కపాలిప్రభృతయః ।
ఇమం త్వం మామమ్బ త్వమియమనుకమ్పార్ద్రహృదయే
పునానా సర్వేషామఘమథనదర్పం దలయసి ॥ ౨౮॥
శ్వపాకానాం వ్రాతైరమితవిచికిత్సావిచలితై-
ర్విముక్తానామేకం కిల సదనమేనఃపరిషదామ్ ।
అహో మాముద్ధర్తుం జనని ఘటయన్త్యాః పరికరం
తవ శ్లాఘాం కర్తుం కథమివ సమర్థో నరపశుః ॥ ౨౯॥
న కోఽప్యేతావన్తం ఖలు సమయమారభ్య మిలితో
యదుద్ధారాదారాద్భవతి జగతో విస్మయభరః ।
ఇతీమామీహాం తే మనసి చిరకాలం స్థితవతీ-
మయం సమ్ప్రాప్తోఽహం సఫలయితుమమ్బ ప్రణయ నః ॥ ౩౦॥
శ్వవృత్తివ్యాసఙ్గో నియతమథ మిథ్యాప్రలపనం
కుతర్కేశ్వభ్యాసః సతతపరపైశున్యమననమ్ ।
అపి శ్రావం శ్రావం మమ తు పునరేవం గుణగణా-
నృతే త్వత్కో నామ క్షణమపి నిరీక్షేత వదనమ్ ॥ ౩౧॥
విశాలాభ్యామాభ్యాం కిమిహ నయనాభ్యాం ఖలు ఫలం
న యాభ్యామాలీఢా పరమరమణీయా తవ తనుః ।
అయం హి న్యక్కారో జనని మనుజస్య శ్రవణయో-
ర్యయోర్నాన్తర్యాతస్తవ లహరిలీలాకలకలః ॥ ౩౨॥
విమానైః స్వచ్ఛన్దం సురపురమయన్తే సుకృతినః
పతన్తి ద్రాక్ పాపా జనని నరకాన్తః పరవశాః ।
విభాగోఽయం తస్మిన్నశుభమయమూర్తౌ జనపదే
న యత్ర త్వం లీలాదలితమనుజాశేషకలుషా ॥ ౩౩॥
అపి ఘ్నన్తో విప్రానవిరతముశన్తో గురుసతీః
పిబన్తో మైరేయం పునరపి హరన్తశ్చ కనకమ్ ।
విహాయ త్వయ్యన్తే తనుమతనుదానాధ్వరజుషా-
ముపర్యమ్బ క్రీడన్త్యఖిలసురసమ్భావితపదాః ॥ ౩౪॥
అలభ్యం సౌరభ్యం హరతి సతతం యః సుమనసాం
క్షణాదేవ ప్రాణానపి విరహశస్త్రక్షతహృదామ్ ।
త్వదీయానాం లీలాచలితలహరీణాం వ్యతికరాత్
పునీతే సోఽపి ద్రాగహహ పవమానస్త్రిభువనమ్ ॥ ౩౫॥
కియన్తః సన్త్యేకే నియతమిహలోకార్థఘటకాః
పరే పూతాత్మానః కతి చ పరలోకప్రణయినః ।
సుఖం శేతే మాతస్తవ ఖలు కృపాతః పునరయం
జగన్నాథః శశ్వత్త్వయి నిహితలోకద్వయభరః ॥ ౩౬॥
భవత్యా హి వ్రాత్యాధమపతితపాఖణ్డపరిషత్
పరిత్రాణస్నేహః శ్లథయితుమశక్యః ఖలు యథా ।
మమాప్యేవం ప్రేమా దురితనివహేష్వమ్బ జగతి
స్వభావోఽయం సర్వైరపి ఖలు యతో దుష్పరిహరః ॥ ౩౭॥
ప్రదోషాన్తర్నృత్యత్పురమథనలీలోద్ధృతజటా-
తటాభోగప్రేఙ్ఖల్లహరిభుజసన్తానవిధుతిః ।
బిలక్రోడక్రీడజ్జలడమరుటఙ్కారసుభగ-
స్తిరోధత్తాం తాపం త్రిదశతటినీతాణ్డవవిధిః ॥ ౩౮॥
సదైవ త్వయ్యేవార్పితకుశలచిన్తాభరమిమం
యది త్వం మామమ్బ త్యజసి సమయేఽస్మిన్సువిషమే ।
తదా విశ్వాసోఽయం త్రిభువనతలాదస్తమయతే
నిరాధారా చేయం భవతి ఖలు నిర్వ్యాజకరుణా ॥ ౩౯॥
కపర్దాదుల్లస్య ప్రణయమిలదర్ధాఙ్గయువతేః
పురారేః ప్రేఙ్ఖన్త్యో మృదులతరసీమన్తసరణౌ ।
భవాన్యా సాపత్న్యస్ఫురితనయనం కోమలరుచా
కరేణాక్షిప్తాస్తే జనని విజయన్తాం లహరయః ॥ ౪౦॥
ప్రపద్యన్తే లోకాః కతి న భవతీమత్రభవతీ-
ముపాధిస్తత్రాయం స్ఫురతి యదభీష్టం వితరసి ।
శపే తుభ్యం మాతర్మమ తు పునరాత్మా సురధుని
స్వభావాదేవ త్వయ్యమితమనురాగం విధృతవాన్ ॥ ౪౧॥
లలాటే యా లోకైరిహ ఖలు సలీలం తిలకితా
తమో హన్తుం ధత్తే తరుణతరమార్తణ్డతులనామ్ ।
విలుమ్పన్తీ సద్యో విధిలిఖితదుర్వర్ణసరణిం
త్వదీయా సా మృత్స్నా మమ హరతు కృత్స్నామపి శుచమ్ ॥ ౪౨॥
నరాన్ మూఢాంస్తత్తజ్జనపదసమాసక్తమనసో
హసన్తః సోల్లాసం వికచకుసుమవ్రాతమిషతః ।
పునానాః సౌరభ్యైః సతతమలినో నిత్యమలినాన్
సఖాయో నః సన్తు త్రిదశతటినీతీరతరవః ॥ ౪౩॥
యజన్త్యేకే దేవాన్ కఠినతరసేవాంస్తదపరే
వితానవ్యాసక్తా యమనియమరక్తాః కతిపయే ।
అహం తు త్వన్నామస్మరణకృతకామస్త్రిపథగే
జగజ్జాలం జానే జనని తృణజాలేన సదృశమ్ ॥ ౪౪॥
అవిశ్రాన్తం జన్మావధి సుకృతజన్మార్జనకృతాం
సతాం శ్రేయః కర్తుం కతి న కృతినః సన్తి విబుధాః ।
నిరస్తాలమ్బానామకృతసుకృతానాం తు భవతీం
వినాఽముష్మింల్లోకే న పరమవలోకే హితకరమ్ ॥ ౪౫॥
పయః పీత్వా మాతస్తవ సపది యాతః సహచరై-
ర్విమూఢైః సంరన్తుం క్వచిదపి న విశ్రాన్తిమగమమ్ ।
ఇదానీముత్సఙ్గే మృదుపవనసఞ్చారశిశిరే
చిరాదున్నిద్రం మాం సదయహృదయే శాయయ చిరమ్ ॥ ౪౬॥
బధాన ద్రాగేవ ద్రఢిమరమణీయం పరికరం
కిరీటే బాలేన్దుం నియమయ పునః పన్నగగణైః ।
న కుర్యాస్త్వం హేలామితరజనసాధారణతయా
జగన్నాథస్యాయం సురధుని సముద్ధారసమయః ॥ ౪౭॥
శరచ్చన్ద్రశ్వేతాం శశిశకలశ్వేతాలముకుటాం
కరైః కుమ్భామ్భోజే వరభయనిరాసౌ చ దధతీమ్ ।
సుధాధారాకారాభరణవసనాం శుభ్రమకర-
స్థితాం త్వాం యే ధ్యాయన్త్యుదయతి న తేషాం పరిభవః ॥ ౪౮॥
దరస్మితసముల్లసద్వదనకాన్తిపూరామృతై-
ర్భవజ్వలనభర్జితాననిశమూర్జయన్తీ నరాన్ ।
చిదేకమయచన్ద్రికాచయచమత్కృతిం తన్వతీ
తనోతు మమ శన్తనోః సపది శన్తనోరఙ్గనా ॥ ౪౯॥
మన్త్రైర్మీలితమౌషధైర్ముకులితం త్రస్తం సురాణాం గణైః
స్రస్తం సాన్ద్రసుధారసైర్విదలితం గారుత్మతైర్గ్రావభిః ।
వీచిక్షాలితకాలియాహితపదే స్వర్లోకకల్లోలిని
త్వం తాపం తిరయాధునా మమ భవజ్వాలావలీఢాత్మనః ॥ ౫౦॥
ద్యూతే నాగేన్ద్రకృత్తిప్రమథగణమణిశ్రేణినన్దీన్దుముఖ్యం
సర్వస్వం హారయిత్వా స్వమథ పురభిది ద్రాక్ పణీకర్తుకామే ।
సాకూతం హైమవత్యా మృదులహసితయా వీక్షితాయాస్తవామ్బ
వ్యాలోలోల్లాసివల్గల్లహరినటఘటీతాణ్డవం నః పునాతు ॥ ౫౧॥
విభూషితానఙ్గరిపూత్తమాఙ్గా సద్యఃకృతానేకజనార్తిభఙ్గా ।
మనోహరోత్తుఙ్గచలత్తరఙ్గా గఙ్గా మమాఙ్గాన్యమలీకరోతు ॥ ౫౨॥
ఇమాం పీయూషలహరీం జగన్నాథేన నిర్మితామ్ ।
యః పఠేత్తస్య సర్వత్ర జాయన్తే సుఖసమ్పదః ॥ ౫౩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated త్oday
http://sanskritdocuments.org
సమృద్ధం సౌభాగ్యం సకలవసుధాయాః కిమపి తన్
మహైశ్వర్యం లీలాజనితజగతః ఖణ్డపరశోః ।
శ్రుతీనాం సర్వస్వం సుకృతమథ మూర్తం సుమనసాం
సుధాసోదర్యం తే సలిలమశివం నః శమయతు ॥ ౧॥
దరిద్రాణాం దైన్యం దురితమథ దుర్వాసనహృదాం
ద్రుతం దూరీకుర్వన్ సకృదపి గతో దృష్టిసరణిమ్ ।
అపి ద్రాగావిద్యాద్రుమదలనదీక్షాగురురిహ
ప్రవాహస్తే వారాం శ్రియమయమపారాం దిశతు నః ॥ ౨॥
ఉదఞ్చన్మార్తణ్డస్ఫుటకపటహేరమ్బజననీ-
కటాక్షవ్యాక్షేపక్షణజనితసంక్షోభనివహాః ।
భవన్తు త్వఙ్గన్తో హరశిరసి గఙ్గాతనుభువ-
స్తరఙ్గాః ప్రోత్తుఙ్గా దురితభయభఙ్గాయ భవతామ్ ॥ ౩॥
తవాలమ్బాదమ్బ స్ఫురదలఘుగర్వేణ సహసా
మయా సర్వేఽవజ్ఞాసరణిమథ నీతాః సురగణాః ।
ఇదానీమౌదాస్యం భజసి యది భాగీరథి తదా
నిరాధారో హా రోదిమి కథయ కేషామిహ పురః ॥ ౪॥
స్మృతిం యాతా పుంసామకృతసుకృతానామపి చ యా
హరత్యన్తస్తన్ద్రాం తిమిరమివ చన్ద్రాంశుసరణిః ।
ఇయం సా తే మూర్తిః సకలసురసంసేవ్యసలిలా
మమాన్తఃసన్తాపం త్రివిధమపి పాపం చ హరతామ్ ॥ ౫॥
అపి ప్రాజ్యం రాజ్యం తృణమివ పరిత్యజ్య సహసా
విలోలద్వానీరం తవ జనని తీరం శ్రితవతామ్ ।
సుధాతః స్వాదీయస్సలిలభరమాతృప్తి పిబతాం
జనానామానన్దః పరిహసతి నిర్వాణపదవీమ్ ॥ ౬॥
ప్రభాతే స్నాతీనాం నృపతిరమణీనాం కుచతటీ-
గతో యావన్మాతర్మిలతి తవ తోయైర్మృగమదః ।
మృగాస్తావద్వైమానికశతసహస్రైః పరివృతా
విశన్తి స్వచ్ఛన్దం విమలవపుషో నన్దనవనమ్ ॥ ౭॥
స్మృతం సద్యః స్వాన్తం విరచయతి శాన్తం సకృదపి
ప్రగీతం యత్పాపం ఝటితి భవతాపం చ హరతి ।
ఇదం తద్గఙ్గేతి శ్రవణరమణీయం ఖలు పదం
మమ ప్రాణప్రాన్తే వదనకమలాన్తర్విలసతు ॥ ౮॥
యదన్తః ఖేలన్తో బహులతరసన్తోషభరితా
న కాకా నాకాధీశ్వరనగరసాకాఙ్క్షమనసః ।
నివాసాల్లోకానాం జనిమరణశోకాపహరణం
తదేతత్తే తీరం శ్రమశమనధీరం భవతు నః ॥ ౯॥
న యత్సాక్షాద్వేదైరపి గలితభేదైరవసితం
న యస్మిన్ జీవానాం ప్రసరతి మనోవాగవసరః ।
నిరాకారం నిత్యం నిజమహిమనిర్వాసితతమో
విశుద్ధం యత్తత్త్వం సురతటిని తత్త్వం న విషయః ॥ ౧౦॥
మహాదానైర్ధ్యానైర్బహువిధవితానైరపి చ యన్
న లభ్యం ఘోరాభిః సువిమలతపోరాశిభిరపి ।
అచిన్త్యం తద్విష్ణోః పదమఖిలసాధారణతయా
దదానా కేనాసి త్వమిహ తులనీయా కథయ నః ॥ ౧౧॥
నృణామీక్షామాత్రాదపి పరిహరన్త్యా భవభయం
శివాయాస్తే మూర్తేః క ఇహ మహిమానం నిగదతు ।
అమర్షమ్లానాయాః పరమమనురోధం గిరిభువో
విహాయ శ్రీకణ్ఠః శిరసి నియతం ధారయతి యామ్ ॥ ౧౨॥
వినిన్ద్యాన్యున్మత్తైరపి చ పరిహార్యాణి పతితై-
రవాచ్యాని వ్రాత్యైః సపులకమపాస్యాని పిశునైః ।
హరన్తీ లోకానామనవరతమేనాంసి కియతాం
కదాప్యశ్రాన్తా త్వం జగతి పునరేకా విజయసే ॥ ౧౩॥
స్ఖలన్తీ స్వర్లోకాదవనితలశోకాపహృతయే
జటాజూటగ్రన్థౌ యదసి వినిబద్ధా పురభిదా ।
అయే నిర్లోభానామపి మనసి లోభం జనయతాం
గుణానామేవాయం తవ జనని దోషః పరిణతః ॥ ౧౪॥
జడానన్ధాన్ పఙ్గూన్ ప్రకృతిబధిరానుక్తివికలాన్
గ్రహగ్రస్తానస్తాఖిలదురితనిస్తారసరణీన్ ।
నిలిమ్పైర్నిర్ముక్తానపి చ నిరయాన్తర్నిపతతో
నరానమ్బ త్రాతుం త్వమిహ పరమం భేషజమసి ॥ ౧౫॥
స్వభావస్వచ్ఛానాం సహజశిశిరాణామయమపా-
మపారస్తే మాతర్జయతి మహిమా కోఽపి జగతి ।
ముదాయం గాయన్తి ద్యుతలమనవద్యద్యుతిభృతః
సమాసాద్యాద్యాపి స్ఫుటపులకసాన్ద్రాః సగరజాః ॥ ౧౬॥
కృతక్షుద్రైనస్కానథ ఝటితి సన్తప్తమనసః
సముద్ధర్తుం సన్తి త్రిభువనతలే తీర్థనివహాః ।
అపి ప్రాయశ్చిత్తప్రసరణపథాతీతచరితా-
న్నరానూరీకర్తుం త్వమివ జనని త్వం విజయసే ॥ ౧౭॥
నిధానం ధర్మాణాం కిమపి చ విధానం నవముదాం
ప్రధానం తీర్థానామమలపరిధానం త్రిజగతః ।
సమాధానం బుద్ధేరథ ఖలు తిరోధానమధియాం
శ్రియామాధానం నః పరిహరతు తాపం తవ వపుః ॥ ౧౮॥
పురో ధావం ధావం ద్రవిణమదిరాఘూర్ణితదృశాం
మహీపానాం నానాతరుణతరఖేదస్య నియతమ్ ।
మమైవాయం మన్తుః స్వహితశతహన్తుర్జడధియో
వియోగస్తే మాతర్యదిహ కరుణాతః క్షణమపి ॥ ౧౯॥
మరుల్లీలాలోలల్లహరిలులితామ్భోజపటలీ-
స్ఖలత్పాంసువ్రాతచ్ఛురణవిసరత్కౌఙ్కుమరుచి ।
సురస్త్రీవక్షోజక్షరదగరుజమ్బాలజటిలం
జలం తే జమ్బాలం మమ జననజాలం జరయతు ॥ ౨౦॥
సముత్పత్తిః పద్మారమణపదపద్మామలనఖా-
న్నివాసః కన్దర్పప్రతిభటజటాజూటభవనే ।
అథాఽయం వ్యాసఙ్గో హతపతితనిస్తారణవిధౌ
న కస్మాదుత్కర్షస్తవ జనని జాగర్తు జగతి ॥ ౨౧॥
నగేభ్యో యాన్తీనాం కథయ తటినీనాం కతమయా
పురాణాం సంహర్తుః సురధుని కపర్దోఽధిరురుహే ।
కయా వా శ్రీభర్తుః పదకమలమక్షాలి సలిలై-
స్తులాలేశో యస్యాం తవ జనని దీయేత కవిభిః ॥ ౨౨॥
విధత్తాం నిఃశఙ్కం నిరవధి సమాధిం విధిరహో
సుఖం శేషే శేతాం హరిరవిరతం నృత్యతు హరః ।
కృతం ప్రాయశ్చిత్తైరలమథ తపోదానయజనైః
సవిత్రీ కామానాం యది జగతి జాగర్తి జననీ ॥ ౨౩॥
అనాథః స్నేహార్ద్రాం విగలితగతిః పుణ్యగతిదాం
పతన్ విశ్వోద్ధర్త్రీం గదవిగలితః సిద్ధభిషజమ్ ।
సుధాసిన్ధుం తృష్ణాకులితహృదయో మాతరమయం
శిశుః సమ్ప్రాప్తస్త్వామహమిహ విదధ్యాః సముచితమ్ ॥ ౨౪॥
విలీనో వై వైవస్వతనగరకోలాహలభరో
గతా దూతా దూరం క్వచిదపి పరేతాన్ మృగయితుమ్ ।
విమానానాం వ్రాతో విదలయతి వీథిర్దివిషదాం
కథా తే కల్యాణీ యదవధి మహీమణ్డలమగాత్ ॥ ౨౫॥
స్ఫురత్కామక్రోధప్రబలతరసఞ్జాతజటిల-
జ్వరజ్వాలాజాలజ్వలితవపుషాం నః ప్రతిదినమ్ ।
హరన్తాం సన్తాపం కమపి మరుదుల్లాసలహరి-
చ్ఛటాచఞ్చత్పాథఃకణసరణయో దివ్యసరితః ॥ ౨౬॥
ఇదం హి బ్రహ్మాణ్డం సకలభువనాభోగభవనం
తరఙ్గైర్యస్యాన్తర్లుఠతి పరితస్తిన్దుకమివ ।
స ఏష శ్రీకణ్ఠప్రవితతజటాజూటజటిలో
జలానాం సఙ్ఘాతస్తవ జనని తాపం హరతు నః ॥ ౨౭॥
త్రపన్తే తీర్థాని త్వరితమిహ యస్యోద్ధృతివిధౌ
కరం కర్ణే కుర్వన్త్యపి కిల కపాలిప్రభృతయః ।
ఇమం త్వం మామమ్బ త్వమియమనుకమ్పార్ద్రహృదయే
పునానా సర్వేషామఘమథనదర్పం దలయసి ॥ ౨౮॥
శ్వపాకానాం వ్రాతైరమితవిచికిత్సావిచలితై-
ర్విముక్తానామేకం కిల సదనమేనఃపరిషదామ్ ।
అహో మాముద్ధర్తుం జనని ఘటయన్త్యాః పరికరం
తవ శ్లాఘాం కర్తుం కథమివ సమర్థో నరపశుః ॥ ౨౯॥
న కోఽప్యేతావన్తం ఖలు సమయమారభ్య మిలితో
యదుద్ధారాదారాద్భవతి జగతో విస్మయభరః ।
ఇతీమామీహాం తే మనసి చిరకాలం స్థితవతీ-
మయం సమ్ప్రాప్తోఽహం సఫలయితుమమ్బ ప్రణయ నః ॥ ౩౦॥
శ్వవృత్తివ్యాసఙ్గో నియతమథ మిథ్యాప్రలపనం
కుతర్కేశ్వభ్యాసః సతతపరపైశున్యమననమ్ ।
అపి శ్రావం శ్రావం మమ తు పునరేవం గుణగణా-
నృతే త్వత్కో నామ క్షణమపి నిరీక్షేత వదనమ్ ॥ ౩౧॥
విశాలాభ్యామాభ్యాం కిమిహ నయనాభ్యాం ఖలు ఫలం
న యాభ్యామాలీఢా పరమరమణీయా తవ తనుః ।
అయం హి న్యక్కారో జనని మనుజస్య శ్రవణయో-
ర్యయోర్నాన్తర్యాతస్తవ లహరిలీలాకలకలః ॥ ౩౨॥
విమానైః స్వచ్ఛన్దం సురపురమయన్తే సుకృతినః
పతన్తి ద్రాక్ పాపా జనని నరకాన్తః పరవశాః ।
విభాగోఽయం తస్మిన్నశుభమయమూర్తౌ జనపదే
న యత్ర త్వం లీలాదలితమనుజాశేషకలుషా ॥ ౩౩॥
అపి ఘ్నన్తో విప్రానవిరతముశన్తో గురుసతీః
పిబన్తో మైరేయం పునరపి హరన్తశ్చ కనకమ్ ।
విహాయ త్వయ్యన్తే తనుమతనుదానాధ్వరజుషా-
ముపర్యమ్బ క్రీడన్త్యఖిలసురసమ్భావితపదాః ॥ ౩౪॥
అలభ్యం సౌరభ్యం హరతి సతతం యః సుమనసాం
క్షణాదేవ ప్రాణానపి విరహశస్త్రక్షతహృదామ్ ।
త్వదీయానాం లీలాచలితలహరీణాం వ్యతికరాత్
పునీతే సోఽపి ద్రాగహహ పవమానస్త్రిభువనమ్ ॥ ౩౫॥
కియన్తః సన్త్యేకే నియతమిహలోకార్థఘటకాః
పరే పూతాత్మానః కతి చ పరలోకప్రణయినః ।
సుఖం శేతే మాతస్తవ ఖలు కృపాతః పునరయం
జగన్నాథః శశ్వత్త్వయి నిహితలోకద్వయభరః ॥ ౩౬॥
భవత్యా హి వ్రాత్యాధమపతితపాఖణ్డపరిషత్
పరిత్రాణస్నేహః శ్లథయితుమశక్యః ఖలు యథా ।
మమాప్యేవం ప్రేమా దురితనివహేష్వమ్బ జగతి
స్వభావోఽయం సర్వైరపి ఖలు యతో దుష్పరిహరః ॥ ౩౭॥
ప్రదోషాన్తర్నృత్యత్పురమథనలీలోద్ధృతజటా-
తటాభోగప్రేఙ్ఖల్లహరిభుజసన్తానవిధుతిః ।
బిలక్రోడక్రీడజ్జలడమరుటఙ్కారసుభగ-
స్తిరోధత్తాం తాపం త్రిదశతటినీతాణ్డవవిధిః ॥ ౩౮॥
సదైవ త్వయ్యేవార్పితకుశలచిన్తాభరమిమం
యది త్వం మామమ్బ త్యజసి సమయేఽస్మిన్సువిషమే ।
తదా విశ్వాసోఽయం త్రిభువనతలాదస్తమయతే
నిరాధారా చేయం భవతి ఖలు నిర్వ్యాజకరుణా ॥ ౩౯॥
కపర్దాదుల్లస్య ప్రణయమిలదర్ధాఙ్గయువతేః
పురారేః ప్రేఙ్ఖన్త్యో మృదులతరసీమన్తసరణౌ ।
భవాన్యా సాపత్న్యస్ఫురితనయనం కోమలరుచా
కరేణాక్షిప్తాస్తే జనని విజయన్తాం లహరయః ॥ ౪౦॥
ప్రపద్యన్తే లోకాః కతి న భవతీమత్రభవతీ-
ముపాధిస్తత్రాయం స్ఫురతి యదభీష్టం వితరసి ।
శపే తుభ్యం మాతర్మమ తు పునరాత్మా సురధుని
స్వభావాదేవ త్వయ్యమితమనురాగం విధృతవాన్ ॥ ౪౧॥
లలాటే యా లోకైరిహ ఖలు సలీలం తిలకితా
తమో హన్తుం ధత్తే తరుణతరమార్తణ్డతులనామ్ ।
విలుమ్పన్తీ సద్యో విధిలిఖితదుర్వర్ణసరణిం
త్వదీయా సా మృత్స్నా మమ హరతు కృత్స్నామపి శుచమ్ ॥ ౪౨॥
నరాన్ మూఢాంస్తత్తజ్జనపదసమాసక్తమనసో
హసన్తః సోల్లాసం వికచకుసుమవ్రాతమిషతః ।
పునానాః సౌరభ్యైః సతతమలినో నిత్యమలినాన్
సఖాయో నః సన్తు త్రిదశతటినీతీరతరవః ॥ ౪౩॥
యజన్త్యేకే దేవాన్ కఠినతరసేవాంస్తదపరే
వితానవ్యాసక్తా యమనియమరక్తాః కతిపయే ।
అహం తు త్వన్నామస్మరణకృతకామస్త్రిపథగే
జగజ్జాలం జానే జనని తృణజాలేన సదృశమ్ ॥ ౪౪॥
అవిశ్రాన్తం జన్మావధి సుకృతజన్మార్జనకృతాం
సతాం శ్రేయః కర్తుం కతి న కృతినః సన్తి విబుధాః ।
నిరస్తాలమ్బానామకృతసుకృతానాం తు భవతీం
వినాఽముష్మింల్లోకే న పరమవలోకే హితకరమ్ ॥ ౪౫॥
పయః పీత్వా మాతస్తవ సపది యాతః సహచరై-
ర్విమూఢైః సంరన్తుం క్వచిదపి న విశ్రాన్తిమగమమ్ ।
ఇదానీముత్సఙ్గే మృదుపవనసఞ్చారశిశిరే
చిరాదున్నిద్రం మాం సదయహృదయే శాయయ చిరమ్ ॥ ౪౬॥
బధాన ద్రాగేవ ద్రఢిమరమణీయం పరికరం
కిరీటే బాలేన్దుం నియమయ పునః పన్నగగణైః ।
న కుర్యాస్త్వం హేలామితరజనసాధారణతయా
జగన్నాథస్యాయం సురధుని సముద్ధారసమయః ॥ ౪౭॥
శరచ్చన్ద్రశ్వేతాం శశిశకలశ్వేతాలముకుటాం
కరైః కుమ్భామ్భోజే వరభయనిరాసౌ చ దధతీమ్ ।
సుధాధారాకారాభరణవసనాం శుభ్రమకర-
స్థితాం త్వాం యే ధ్యాయన్త్యుదయతి న తేషాం పరిభవః ॥ ౪౮॥
దరస్మితసముల్లసద్వదనకాన్తిపూరామృతై-
ర్భవజ్వలనభర్జితాననిశమూర్జయన్తీ నరాన్ ।
చిదేకమయచన్ద్రికాచయచమత్కృతిం తన్వతీ
తనోతు మమ శన్తనోః సపది శన్తనోరఙ్గనా ॥ ౪౯॥
మన్త్రైర్మీలితమౌషధైర్ముకులితం త్రస్తం సురాణాం గణైః
స్రస్తం సాన్ద్రసుధారసైర్విదలితం గారుత్మతైర్గ్రావభిః ।
వీచిక్షాలితకాలియాహితపదే స్వర్లోకకల్లోలిని
త్వం తాపం తిరయాధునా మమ భవజ్వాలావలీఢాత్మనః ॥ ౫౦॥
ద్యూతే నాగేన్ద్రకృత్తిప్రమథగణమణిశ్రేణినన్దీన్దుముఖ్యం
సర్వస్వం హారయిత్వా స్వమథ పురభిది ద్రాక్ పణీకర్తుకామే ।
సాకూతం హైమవత్యా మృదులహసితయా వీక్షితాయాస్తవామ్బ
వ్యాలోలోల్లాసివల్గల్లహరినటఘటీతాణ్డవం నః పునాతు ॥ ౫౧॥
విభూషితానఙ్గరిపూత్తమాఙ్గా సద్యఃకృతానేకజనార్తిభఙ్గా ।
మనోహరోత్తుఙ్గచలత్తరఙ్గా గఙ్గా మమాఙ్గాన్యమలీకరోతు ॥ ౫౨॥
ఇమాం పీయూషలహరీం జగన్నాథేన నిర్మితామ్ ।
యః పఠేత్తస్య సర్వత్ర జాయన్తే సుఖసమ్పదః ॥ ౫౩॥
Encoded and proofread by Arvind Kolhatkar akolhatkar at rogers.com
Proofread by Sunder Hattangadi sunderh at hotmail.com
Please send corrections to sanskrit@cheerful.com
Last updated త్oday
http://sanskritdocuments.org
Ganga Lahari Lyrics in Telugu PDF
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : gangAlaharI.itx
% Category : laharI
% Location : doc\_devii
% Author : Jagannatha Pandit
% Language : Sanskrit
% Subject : philosophy/hinduism/religion
% Transliterated by : Arvind Kolhatkar akolhatkar at rogers.com
% Proofread by : Arvind Kolhatkar akolhatkar at rogers.com, Sunder Hattangadi
% Latest update : January 12, 2005, June 21, 2011
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website