{॥ గఙ్గాస్తవః ॥}
శ్రీగణేశాయ నమః ॥

సూత ఉవాచ --
శృణుధ్వం మునయః సర్వే గఙ్గాస్తవమనుత్తమమ్ ।
శోకమోహహరం పుంసామృషిభిః పరికీర్తితమ్ ॥ ౧॥

ఋషయ ఊచుః --
ఇయం సురతరఙ్గిణీ భవనవారిధేస్తారిణీ
స్తుతా హరిపదామ్బుజాదుపగతా జగత్సంసదః ।
సుమేరుశిఖరామరప్రియజలామలక్షాలినీ
ప్రసన్నవదనా శుభా భవభయస్య విద్రావిణీ ॥ ౨॥

భగీరథరథానుగా సురకరీన్ద్రదర్పాపహా
మహేశముకుటప్రభా గిరిశిరఃపతాకా సితా ।
సురాసురనరోరగైరజభవాచ్యుతైః సంస్తుతా
విముక్తిఫలశాలినీ కలుషనాశినీ రాజతే ॥ ౩॥

పితామహకమణ్డలుప్రభవముక్తిబీజా లతా
శ్రుతిస్మృతిగణస్తుతద్విజకులాలవాలావృతా ।
సుమేరుశిఖరాభిదా నిపతితా త్రిలోకావృతా
సుధర్మఫలశాలినీ సుఖపలాశినీ రాజతే ॥ ౪॥

చరద్విహగమాలినీ సగరవంశముక్తిప్రదా
మునీన్ద్రవరనన్దినీ దివి మతా చ మన్దాకినీ ।
సదా దురితనాశినీ విమలవారిసన్దర్శన-
ప్రణామగుణకీర్తనాదిషు జగత్సు సంరాజతే ॥ ౫॥

మహాభిషసుతాఙ్గనా హిమగిరీశకూటస్తనా
సఫేనజలహాసినీ సితమరాలసచ్చారిణీ ।
చలల్లహరిసత్కరా వరసరోజమాలాధరా
రసోల్లసితగామినీ జలధికామినీ రాజతే ॥ ౬॥

క్వచిన్మునిగణైః స్తుతా క్వచిదనన్తసమ్పూజితా
క్వచిత్కలకలస్వనా క్వచిదధీరయాదోగణా ।
క్వచిద్రవికరోజ్జ్వలా క్వచిదుదగ్రపాతాకులా
క్వచిజ్జనవిగాహితా జయతి భీష్మమాతా సతీ ॥ ౭॥

స ఏవ కుశలీ జనః ప్రణమతీహ భాగీరథీం
స ఏవ తపసాం నిధిర్జపతి జాహ్నవీమాదరాత్ ।
స ఏవ పురుషోత్తమః స్మరతి సాధు మన్దాకినీం
స ఏవ విజయీ ప్రభుః సురతరఙ్గిణీం సేవతే ॥ ౮॥

తవామలజలాచితం ఖగసృగాలమీనక్షతం
చలల్లహరిలోలితం రుచిరతీరజమ్బాలితమ్ ।
కదా నిజవపుర్ముదా సురనరోరగైః సంస్తుతోఽప్యహం
త్రిపథగామిని ప్రియమతీవ పశ్యామ్యహో ॥ ౯॥

త్వత్తీరే వసతిం తవామలజలస్నానం తవ ప్రేక్షణం
త్వన్నామస్మరణం తవోదయకథాసంలాపనం పావనమ్ ।
గఙ్గే మే తవ సేవనైకనిపుణోఽప్యానన్దితశ్చాదృతః
స్తుత్వా చోద్గతపాతకో భువి కదా శాన్తశ్చరిష్యామ్యహమ్ ॥ ౧౦॥

ఇత్యేతదృషిభిః ప్రోక్తం గఙ్గాస్తవనముత్తమమ్ ।
స్వర్గ్యం యశ్స్యమాయుష్యం పఠనాచ్ఛ్రవణాదపి ॥ ౧౧॥

సర్వపాపహరం పుంసాం బలమాయుర్వివర్ధనమ్ ।
ప్రాతర్మధ్యాహ్నసాయాహ్నే గఙ్గాసాన్నిధ్యతా భవేత్ ॥ ౧౨॥

ఇత్యేతద్భార్గవాఖ్యానం శుకదేవాన్మయా శ్రుతమ్ ।
పఠితం శ్రావితం చాత్ర పుణ్యం ధన్యం యశస్కరమ్ ॥ ౧౩॥

అవతారం మహావిష్ణోః కల్కేః పరమమద్భుతమ్ ।
పఠతాం శృణ్వతాం భక్త్యా సర్వాశుభవినాశనమ్ ॥ ౧౪॥

ఇతి శ్రీకల్కిపురాణేఽనుభాగవతే భవిష్యే తృతీయాంశే
ఋషికృతో గఙ్గాస్తవః సమ్పూర్ణః ॥




Encoded and proofread by Dinesh Agarwal dinesh.garghouse at gmail.com
Proofread by PSA EASWARAN psaeaswaran at gmail.com

Please send corrections to sanskrit@cheerful.com
Last updated త్oday
http://sanskritdocuments.org

Ganga Stavam Lyrics in Telugu PDF
% File name : gangAstavakalkIP.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Dinesh Agarwal dinesh.garghouse at gmail.com
% Proofread by : Dinesh Agarwaa, by PSA EASWARAN psaeaswaran at gmail.coml
% Description-comments : shrIkalkipurANe.anubhAgavate bhaviShye tRityA.nshe
% Latest update : May 18, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website