% Text title            : reNukAkavacham 1 bhairavarudrayAmAle
% File name             : reNukAkavacham1.itx
% Category              : kavacha
% Location              : doc\_devii
% Language              : Sanskrit
% Subject               : philosophy/hinduism/religion
% Transliterated by     : Kaushal S. Kaloo kaushalskaloo at gmail.com
% Proofread by          : Kaushal S. Kaloo kaushalskaloo at gmail.com
% Description-comments  : bhairavarudrayAmAle mAtRisaMsthAne panchamaM paTalaM from shrIreNukAtantram, Pitambarapeeth, Datia
% Latest update         : May 18, 2013
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Renuka Kavacham 1 from bhairavarudrayAmAlatantra ..}##
\itxtitle{.. reNukAkavachaM bhairavarudrayAmAle ..}##\endtitles ##
\section{.. reNukAkavachaM bhairavarudrayAmAle ..}

shrI devyuvAcha |

jamadagnipriyAM devIM reNukAmekamAtaraM
sarvArambhe prasIda tvaM namAmi kuladevatAm |
ashaktAnAM prakAro vai kathyatAM mama sha~Nkara 
purashcharaNakAleShu kA vA kAryA kriyAparA ||

shrI sha~Nkara uvAcha |

vinA japaM vinA dAnaM vinA homaM maheshvari |
reNukA mantrasiddhisyAnnityaM kavachapAThataH ||

trailokyavijayaM nAma kavachaM paramAdbhutam |
sarvasiddhikaraM loke sarvarAjavasha~Nkaram ||

DAkinI\-bhUtavetAla\-brahmarAkShasa\-nAshanam |
purA devAsure yudhde mAhiShe loke vigrahe ||

brahmaNA nirmitA rakShA sAdhakAnAM sukhAya cha |
mantravIryaM samopetaM bhUtApasmAra\-nAshanam ||

devairdevasya vijaye siddheH khechara\-sidhdaye |
divA rAtramadhItaM syAt reNukA kavachaM priye ||

vane rAjagR^ihe yuddhe brahmarAkShasasa~Nkule |
bandhane gamane chaiva karmaNi rAjasa~NkaTe ||

kavachasmaraNAdeva sarvaM kalyANamashnute |
reNukAyAH mahAdevyAH kavachaM shR^iNu pArvati ||

yasya smaraNamAtreNa dharmakAmArthabhAjanam |
reNukA\-kavachasyAsya R^iShirbrahmA vidhIyate ||

ChandashchitrAhvayaM proktaM devatA reNukA smR^itA |
pR^ithvI bIjaM ramA shaktiH puruShArtha\-chatuShTayam ||

viniyogo maheshAni tadAkAle prakIrttitaH ( prakIrtitaH )|
dhyAtvA devIM mahAmAyAM jaganmAtaramambikAm ||

pUrNakumbhasamAyuktAM muktAhAravirAjitAm |
svarNAla~NkArasaMyuktAM svarNasiMhAsanasthitAm ||

mastake gurupAdAbjaM praNamya kavachaM paThet |
indro mAM rakShatu prAchyAM vahnau vahniH sureshvari ||

yAmyAM yamaH sadA pAtu nairR^ityAM nirR^itistathA |
pashchime varuNaH pAtu vAyavye vAyudevatA ||

dhanashchottare pAtu IshAnyAmIshvaro vibhuH |
UrdhvaM brahmA sadA pAtu ananto.adhaH sadA.avatu ||

pa~nchAntako mahendrashcha vAmakarNendubhUShitaH |
praNavaM puTitaM kR^itvA tatkR^itvA praNavaM punaH ||

samuchchArya tato devIkavachaM prapaThe tathA |
brahmANI me shiraH pAtu netre pAtu maheshvarI ||

vaiShNavI nAsikAyugmaM karNayoH karNavAsinI |
kaNThaM mAtu mahAlakShmIrhR^idayaM chaNDabhairavI ||

bAhU me bagalA pAtu karau mahiShamardinI |
karA~NguliShu kesheShu nAbhiM me charchikA.avatu ||

guhyaM guhyeshvarI pAtu UrU pAtu mahAmatiH |
jAnunI jananI rAmA gulphayornArasiMhikA ||

vasundharA sadA pAdau pAyAtpAdA~NgulIShu cha |
romakUpe medamajjA rakta\-mAMsAsthikhaNDike ||

reNukA jananI pAtu mahApuranivAsinI  |
rakShAhInaM tu yatsthAnaM varjitaM kavachena tu ||

pUrvaM bIjaM samuchchArya sampuTakramayogataH |
mudrAM vadhvA maheshAni golaM nyAsaM samAcharet ||

asya shrIreNukA\-kavachamantrasya brahmA R^iShiH anuShTup ChandaH reNukA devatA
laM bIjaM reNukA prItyarthe golanyAse viniyogaH |

OM rAM a~NguShThAbhyAM namaH |
OM rIM tarjanIbhyAM namaH |
OM rUM madhyamAbhyAM namaH |
OM raiM anAmikAbhyAM namaH |
OM rauM kaniShThikAbhyAM namaH |
OM raH karatalakarapR^iShThAbhyAM namaH |

evaM hR^idayAdinyAsaH |

OM paM namaH mUrdhni |
OM phaM namaH dakShiNanetre |
OM baM namaH vAmanetre |
OM bhaM namaH dakShiNanAsApuTe |
OM maM namaH vAmanAsApuTe |
OM yaM namaH dakShiNakarNe |
OM raM namaH vAmakarNe |
OM laM namaH mukhe |
OM vaM namaH gude |

brahmANI brahmabhAge cha shiro dharaNi dhAriNI |
rakSha rakSha maheshAni sadA mAM pAhi pArvatI ||

bhairavI tripurA bAlA vajrA me tAriNI paRA |
rakSha rakSha maheshAni sadA mAM pAhi pArvatI ||

eShA me.a~NgaM sadA pAtu pArvatI haravallabhA |
mahiShAsurasaMhartrI vidhAtR^ivaradAyinI ||

mastake pAtu me nityaM mahAkAlI prasIdatu |
AkAshe tADakA pAtu pAtAle vahnivAsinI ||

vAmadakShiNayoshchApi kAlikA cha karAlikA |
dhanurbANadharA chaiva khaDga\-khaTvA~Nga\-dhAriNI ||

sarvA~NgaM me sadA pAtu reNukA varadAyinI |
rAM rAM rAM reNuke mAtarbhArgavoddhArakAriNI ||

rAjarAjakulodbhUte saMgrAme shatrusa~NkaTe |
jalApnAvye vyAghrabhaye tathA rAjabhaye.api cha |
shmashAne sa~NkaTe ghore pAhi mAM parameshvari ||

rUpaM dehi yasho dehi dviShatAM nAshameva cha |
prasAdaH syAchChubho mAtarvaradA reNuke bhava ||

aiM maheshi maheshvari chaNDime
       bhuja~NgadhAriNi sha~NkhakapAlike |
kanaka\-kuNDala\-maNDala\-bhAjane 
       vapurida~ncha punIhi maheshvari ||

idaM shrIkavachaM devyAH reNukAyA maheshvari |
trikAlaM yaH paThennityaM tasya siddhiH prajAyate ||

grahaNe.arkasya chandrasya shuchiH pUrvamupoShitaH |
shatatrayAvR^ittipAThAdmantrasiddhiH prajAyate ||

nadIsa~NgamamAsAdya nAbhimAtrodakasthitaH |
ravimaNDalamudvIkShya jale tatra sthitAM shivAm ||

vichintya maNDale devI kArye siddhirbhaveddhruvam |
ghaTaM tava pratiShThApya vibhUtistatra veshayet |
dIpaM sarShapatailena kavachaM triH paThettadA ||

bhUtapreta\-pishAchAshcha DAkinyo yAtudhAnikA |
sarva te nAshamAyAnti kavachasmaraNAtpriye ||

dhanaM dhAnyaM yasho medhAM yatki~nchinmanasepsitam |
kavachasmaraNAdeva sarvamApnoti nityashaH ||

iti shrI mAtR^isaMsthAne bhairavarudrayAmale reNukAkalpe
pa~nchamaM paTalaM sampUrNam ||

##
Encoded and proofread by Kaushal S. Kaloo  kaushalskaloo at gmail.com

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}