{॥ ରେଣୁକାକଵଚଂ ଭୈରଵରୁଦ୍ରଯାମାଲେ ॥}
ଶ୍ରୀ ଦେଵ୍ଯୁଵାଚ ।
ଜମଦଗ୍ନିପ୍ରିଯାଂ ଦେଵୀଂ ରେଣୁକାମେକମାତରଂ
ସର୍ଵାରମ୍ଭେ ପ୍ରସୀଦ ତ୍ଵଂ ନମାମି କୁଲଦେଵତାମ୍ ।
ଅଶକ୍ତାନାଂ ପ୍ରକାରୋ ଵୈ କଥ୍ଯତାଂ ମମ ଶଙ୍କର
ପୁରଶ୍ଚରଣକାଲେଷୁ କା ଵା କାର୍ଯା କ୍ରିଯାପରା ॥

ଶ୍ରୀ ଶଙ୍କର ଉଵାଚ ।
ଵିନା ଜପଂ ଵିନା ଦାନଂ ଵିନା ହୋମଂ ମହେଶ୍ଵରି ।
ରେଣୁକା ମନ୍ତ୍ରସିଦ୍ଧିସ୍ଯାନ୍ନିତ୍ଯଂ କଵଚପାଠତଃ ॥

ତ୍ରୈଲୋକ୍ଯଵିଜଯଂ ନାମ କଵଚଂ ପରମାଦ୍ଭୁତମ୍ ।
ସର୍ଵସିଦ୍ଧିକରଂ ଲୋକେ ସର୍ଵରାଜଵଶଙ୍କରମ୍ ॥

ଡାକିନୀ-ଭୂତଵେତାଲ-ବ୍ରହ୍ମରାକ୍ଷସ-ନାଶନମ୍ ।
ପୁରା ଦେଵାସୁରେ ଯୁଧ୍ଦେ ମାହିଷେ ଲୋକେ ଵିଗ୍ରହେ ॥

ବ୍ରହ୍ମଣା ନିର୍ମିତା ରକ୍ଷା ସାଧକାନାଂ ସୁଖାଯ ଚ ।
ମନ୍ତ୍ରଵୀର୍ଯଂ ସମୋପେତଂ ଭୂତାପସ୍ମାର-ନାଶନମ୍ ॥

ଦେଵୈର୍ଦେଵସ୍ଯ ଵିଜଯେ ସିଦ୍ଧେଃ ଖେଚର-ସିଧ୍ଦଯେ ।
ଦିଵା ରାତ୍ରମଧୀତଂ ସ୍ଯାତ୍ ରେଣୁକା କଵଚଂ ପ୍ରିଯେ ॥

ଵନେ ରାଜଗୃହେ ଯୁଦ୍ଧେ ବ୍ରହ୍ମରାକ୍ଷସସଙ୍କୁଲେ ।
ବନ୍ଧନେ ଗମନେ ଚୈଵ କର୍ମଣି ରାଜସଙ୍କଟେ ॥

କଵଚସ୍ମରଣାଦେଵ ସର୍ଵଂ କଲ୍ଯାଣମଶ୍ନୁତେ ।
ରେଣୁକାଯାଃ ମହାଦେଵ୍ଯାଃ କଵଚଂ ଶୃଣୁ ପାର୍ଵତି ॥

ଯସ୍ଯ ସ୍ମରଣମାତ୍ରେଣ ଧର୍ମକାମାର୍ଥଭାଜନମ୍ ।
ରେଣୁକା-କଵଚସ୍ଯାସ୍ଯ ଋଷିର୍ବ୍ରହ୍ମା ଵିଧୀଯତେ ॥

ଛନ୍ଦଶ୍ଚିତ୍ରାହ୍ଵଯଂ ପ୍ରୋକ୍ତଂ ଦେଵତା ରେଣୁକା ସ୍ମୃତା ।
ପୃଥ୍ଵୀ ବୀଜଂ ରମା ଶକ୍ତିଃ ପୁରୁଷାର୍ଥ-ଚତୁଷ୍ଟଯମ୍ ॥

ଵିନିଯୋଗୋ ମହେଶାନି ତଦାକାଲେ ପ୍ରକୀର୍ତ୍ତିତଃ ( ପ୍ରକୀର୍ତିତଃ )।
ଧ୍ଯାତ୍ଵା ଦେଵୀଂ ମହାମାଯାଂ ଜଗନ୍ମାତରମମ୍ବିକାମ୍ ॥

ପୂର୍ଣକୁମ୍ଭସମାଯୁକ୍ତାଂ ମୁକ୍ତାହାରଵିରାଜିତାମ୍ ।
ସ୍ଵର୍ଣାଲଙ୍କାରସଂଯୁକ୍ତାଂ ସ୍ଵର୍ଣସିଂହାସନସ୍ଥିତାମ୍ ॥

ମସ୍ତକେ ଗୁରୁପାଦାବ୍ଜଂ ପ୍ରଣମ୍ଯ କଵଚଂ ପଠେତ୍ ।
ଇନ୍ଦ୍ରୋ ମାଂ ରକ୍ଷତୁ ପ୍ରାଚ୍ଯାଂ ଵହ୍ନୌ ଵହ୍ନିଃ ସୁରେଶ୍ଵରି ॥

ଯାମ୍ଯାଂ ଯମଃ ସଦା ପାତୁ ନୈରୃତ୍ଯାଂ ନିରୃତିସ୍ତଥା ।
ପଶ୍ଚିମେ ଵରୁଣଃ ପାତୁ ଵାଯଵ୍ଯେ ଵାଯୁଦେଵତା ॥

ଧନଶ୍ଚୋତ୍ତରେ ପାତୁ ଈଶାନ୍ଯାମୀଶ୍ଵରୋ ଵିଭୁଃ ।
ଊର୍ଧ୍ଵଂ ବ୍ରହ୍ମା ସଦା ପାତୁ ଅନନ୍ତୋଽଧଃ ସଦାଽଵତୁ ॥

ପଞ୍ଚାନ୍ତକୋ ମହେନ୍ଦ୍ରଶ୍ଚ ଵାମକର୍ଣେନ୍ଦୁଭୂଷିତଃ ।
ପ୍ରଣଵଂ ପୁଟିତଂ କୃତ୍ଵା ତତ୍କୃତ୍ଵା ପ୍ରଣଵଂ ପୁନଃ ॥

ସମୁଚ୍ଚାର୍ଯ ତତୋ ଦେଵୀକଵଚଂ ପ୍ରପଠେ ତଥା ।
ବ୍ରହ୍ମାଣୀ ମେ ଶିରଃ ପାତୁ ନେତ୍ରେ ପାତୁ ମହେଶ୍ଵରୀ ॥

ଵୈଷ୍ଣଵୀ ନାସିକାଯୁଗ୍ମଂ କର୍ଣଯୋଃ କର୍ଣଵାସିନୀ ।
କଣ୍ଠଂ ମାତୁ ମହାଲକ୍ଷ୍ମୀର୍ହୃଦଯଂ ଚଣ୍ଡଭୈରଵୀ ॥

ବାହୂ ମେ ବଗଲା ପାତୁ କରୌ ମହିଷମର୍ଦିନୀ ।
କରାଙ୍ଗୁଲିଷୁ କେଶେଷୁ ନାଭିଂ ମେ ଚର୍ଚିକାଽଵତୁ ॥

ଗୁହ୍ଯଂ ଗୁହ୍ଯେଶ୍ଵରୀ ପାତୁ ଊରୂ ପାତୁ ମହାମତିଃ ।
ଜାନୁନୀ ଜନନୀ ରାମା ଗୁଲ୍ଫଯୋର୍ନାରସିଂହିକା ॥

ଵସୁନ୍ଧରା ସଦା ପାଦୌ ପାଯାତ୍ପାଦାଙ୍ଗୁଲୀଷୁ ଚ ।
ରୋମକୂପେ ମେଦମଜ୍ଜା ରକ୍ତ-ମାଂସାସ୍ଥିଖଣ୍ଡିକେ ॥

ରେଣୁକା ଜନନୀ ପାତୁ ମହାପୁରନିଵାସିନୀ ।
ରକ୍ଷାହୀନଂ ତୁ ଯତ୍ସ୍ଥାନଂ ଵର୍ଜିତଂ କଵଚେନ ତୁ ॥

ପୂର୍ଵଂ ବୀଜଂ ସମୁଚ୍ଚାର୍ଯ ସମ୍ପୁଟକ୍ରମଯୋଗତଃ ।
ମୁଦ୍ରାଂ ଵଧ୍ଵା ମହେଶାନି ଗୋଲଂ ନ୍ଯାସଂ ସମାଚରେତ୍ ॥

ଅସ୍ଯ ଶ୍ରୀରେଣୁକା-କଵଚମନ୍ତ୍ରସ୍ଯ ବ୍ରହ୍ମା ଋଷିଃ ଅନୁଷ୍ଟୁପ୍ ଛନ୍ଦଃ ରେଣୁକା ଦେଵତା
ଲଂ ବୀଜଂ ରେଣୁକା ପ୍ରୀତ୍ଯର୍ଥେ ଗୋଲନ୍ଯାସେ ଵିନିଯୋଗଃ ।
ଓଂ ରାଂ ଅଙ୍ଗୁଷ୍ଠାଭ୍ଯାଂ ନମଃ ।
ଓଂ ରୀଂ ତର୍ଜନୀଭ୍ଯାଂ ନମଃ ।
ଓଂ ରୂଂ ମଧ୍ଯମାଭ୍ଯାଂ ନମଃ ।
ଓଂ ରୈଂ ଅନାମିକାଭ୍ଯାଂ ନମଃ ।
ଓଂ ରୌଂ କନିଷ୍ଠିକାଭ୍ଯାଂ ନମଃ ।
ଓଂ ରଃ କରତଲକରପୃଷ୍ଠାଭ୍ଯାଂ ନମଃ ।
ଏଵଂ ହୃଦଯାଦିନ୍ଯାସଃ ।
ଓଂ ପଂ ନମଃ ମୂର୍ଧ୍ନି ।
ଓଂ ଫଂ ନମଃ ଦକ୍ଷିଣନେତ୍ରେ ।
ଓଂ ବଂ ନମଃ ଵାମନେତ୍ରେ ।
ଓଂ ଭଂ ନମଃ ଦକ୍ଷିଣନାସାପୁଟେ ।
ଓଂ ମଂ ନମଃ ଵାମନାସାପୁଟେ ।
ଓଂ ଯଂ ନମଃ ଦକ୍ଷିଣକର୍ଣେ ।
ଓଂ ରଂ ନମଃ ଵାମକର୍ଣେ ।
ଓଂ ଲଂ ନମଃ ମୁଖେ ।
ଓଂ ଵଂ ନମଃ ଗୁଦେ ।
ବ୍ରହ୍ମାଣୀ ବ୍ରହ୍ମଭାଗେ ଚ ଶିରୋ ଧରଣି ଧାରିଣୀ ।
ରକ୍ଷ ରକ୍ଷ ମହେଶାନି ସଦା ମାଂ ପାହି ପାର୍ଵତୀ ॥

ଭୈରଵୀ ତ୍ରିପୁରା ବାଲା ଵଜ୍ରା ମେ ତାରିଣୀ ପା ।
ରକ୍ଷ ରକ୍ଷ ମହେଶାନି ସଦା ମାଂ ପାହି ପାର୍ଵତୀ ॥

ଏଷା ମେଽଙ୍ଗଂ ସଦା ପାତୁ ପାର୍ଵତୀ ହରଵଲ୍ଲଭା ।
ମହିଷାସୁରସଂହର୍ତ୍ରୀ ଵିଧାତୃଵରଦାଯିନୀ ॥

ମସ୍ତକେ ପାତୁ ମେ ନିତ୍ଯଂ ମହାକାଲୀ ପ୍ରସୀଦତୁ ।
ଆକାଶେ ତାଡକା ପାତୁ ପାତାଲେ ଵହ୍ନିଵାସିନୀ ॥

ଵାମଦକ୍ଷିଣଯୋଶ୍ଚାପି କାଲିକା ଚ କରାଲିକା ।
ଧନୁର୍ବାଣଧରା ଚୈଵ ଖଡ୍ଗ-ଖଟ୍ଵାଙ୍ଗ-ଧାରିଣୀ ॥

ସର୍ଵାଙ୍ଗଂ ମେ ସଦା ପାତୁ ରେଣୁକା ଵରଦାଯିନୀ ।
ରାଂ ରାଂ ରାଂ ରେଣୁକେ ମାତର୍ଭାର୍ଗଵୋଦ୍ଧାରକାରିଣୀ ॥

ରାଜରାଜକୁଲୋଦ୍ଭୂତେ ସଂଗ୍ରାମେ ଶତ୍ରୁସଙ୍କଟେ ।
ଜଲାପ୍ନାଵ୍ଯେ ଵ୍ଯାଘ୍ରଭଯେ ତଥା ରାଜଭଯେଽପି ଚ ।
ଶ୍ମଶାନେ ସଙ୍କଟେ ଘୋରେ ପାହି ମାଂ ପରମେଶ୍ଵରି ॥

ରୂପଂ ଦେହି ଯଶୋ ଦେହି ଦ୍ଵିଷତାଂ ନାଶମେଵ ଚ ।
ପ୍ରସାଦଃ ସ୍ଯାଚ୍ଛୁଭୋ ମାତର୍ଵରଦା ରେଣୁକେ ଭଵ ॥

ଐଂ ମହେଶି ମହେଶ୍ଵରି ଚଣ୍ଡିମେ
ଭୁଜଙ୍ଗଧାରିଣି ଶଙ୍ଖକପାଲିକେ ।
କନକ-କୁଣ୍ଡଲ-ମଣ୍ଡଲ-ଭାଜନେ
ଵପୁରିଦଞ୍ଚ ପୁନୀହି ମହେଶ୍ଵରି ॥

ଇଦଂ ଶ୍ରୀକଵଚଂ ଦେଵ୍ଯାଃ ରେଣୁକାଯା ମହେଶ୍ଵରି ।
ତ୍ରିକାଲଂ ଯଃ ପଠେନ୍ନିତ୍ଯଂ ତସ୍ଯ ସିଦ୍ଧିଃ ପ୍ରଜାଯତେ ॥

ଗ୍ରହଣେଽର୍କସ୍ଯ ଚନ୍ଦ୍ରସ୍ଯ ଶୁଚିଃ ପୂର୍ଵମୁପୋଷିତଃ ।
ଶତତ୍ରଯାଵୃତ୍ତିପାଠାଦ୍ମନ୍ତ୍ରସିଦ୍ଧିଃ ପ୍ରଜାଯତେ ॥

ନଦୀସଙ୍ଗମମାସାଦ୍ଯ ନାଭିମାତ୍ରୋଦକସ୍ଥିତଃ ।
ରଵିମଣ୍ଡଲମୁଦ୍ଵୀକ୍ଷ୍ଯ ଜଲେ ତତ୍ର ସ୍ଥିତାଂ ଶିଵାମ୍ ॥

ଵିଚିନ୍ତ୍ଯ ମଣ୍ଡଲେ ଦେଵୀ କାର୍ଯେ ସିଦ୍ଧିର୍ଭଵେଦ୍ଧ୍ରୁଵମ୍ ।
ଘଟଂ ତଵ ପ୍ରତିଷ୍ଠାପ୍ଯ ଵିଭୂତିସ୍ତତ୍ର ଵେଶଯେତ୍ ।
ଦୀପଂ ସର୍ଷପତୈଲେନ କଵଚଂ ତ୍ରିଃ ପଠେତ୍ତଦା ॥

ଭୂତପ୍ରେତ-ପିଶାଚାଶ୍ଚ ଡାକିନ୍ଯୋ ଯାତୁଧାନିକା ।
ସର୍ଵ ତେ ନାଶମାଯାନ୍ତି କଵଚସ୍ମରଣାତ୍ପ୍ରିଯେ ॥

ଧନଂ ଧାନ୍ଯଂ ଯଶୋ ମେଧାଂ ଯତ୍କିଞ୍ଚିନ୍ମନସେପ୍ସିତମ୍ ।
କଵଚସ୍ମରଣାଦେଵ ସର୍ଵମାପ୍ନୋତି ନିତ୍ଯଶଃ ॥

ଇତି ଶ୍ରୀ ମାତୃସଂସ୍ଥାନେ ଭୈରଵରୁଦ୍ରଯାମଲେ ରେଣୁକାକଲ୍ପେ
ପଞ୍ଚମଂ ପଟଲଂ ସମ୍ପୂର୍ଣମ୍ ॥


Encoded and proofread by Kaushal S. Kaloo kaushalskaloo at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Renuka Kavacham 1 Lyrics in Oriya PDF
% File name : reNukAkavacham1.itx
% Category : kavacha
% Location : doc\_devii
% Language : Sanskrit
% Subject : philosophy/hinduism/religion
% Transliterated by : Kaushal S. Kaloo kaushalskaloo at gmail.com
% Proofread by : Kaushal S. Kaloo kaushalskaloo at gmail.com
% Description-comments : bhairavarudrayAmAle mAtRisaMsthAne panchamaM paTalaM from shrIreNukAtantram, Pitambarapeeth, Datia
% Latest update : May 18, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website