{॥ ଆନନ୍ଦଭୈରଵୋକ୍ତଂ ଶ୍ରୀରେଣୁକାହୃଦଯମ୍ ॥}
॥ ଶ୍ରୀ ଗଣେଶାଯ ନମଃ । ଶ୍ରୀ ରେଣୁକାଯୈ ନମଃ ॥
ସ୍କନ୍ଦ ଉଵାଚ --
ଭଗଵନ୍ ଦେଵଦେଵେଶ ପରମେଶ ଶିଵାପତେ ।
ରେଣୁକାହୃଦଯଂ ଗୁହ୍ଯଂ କଥଯସ୍ଵ ପ୍ରସାଦତଃ ॥ ୧॥

ଶିଵ ଉଵାଚ --
ଶୃଣୁ ଷଣ୍ମୁଖ ଵକ୍ଷ୍ଯାମି ରେଣୁକହୃଦଯଂ ପରମ୍।
ଜପେଦ୍ଯୋ ହୃଦଯଂ ନିତ୍ଯଂ ତସ୍ଯ ସିଦ୍ଧିଃ ପଦେ ପଦେ ॥ ୨॥

ରେଣୁକାହୃଦଯସ୍ଯାସ୍ଯ ଋଷିରାନନ୍ଦଭୈରଵଃ।
ଛନ୍ଦୋଭୃଦ୍ଵିରାଟ୍ ପ୍ରୋକ୍ତଂ ଦେଵତା ରେଣୁକା ପରା ॥ ୩॥

କ୍ଲୀଂ ବୀଜଂ କାମଦା ଶକ୍ତିର୍ମହାମାଯେତି କୀଲକମ୍ ।
ସର୍ଵାଭୀଷ୍ଟ ଫଲପ୍ରାପ୍ତ୍ଯୈ ଵିନିଯୋଗ ଉଦାହୃତଃ ॥୪॥

ଓଂ କ୍ଲୀମିତ୍ଯଙ୍ଗୁଷ୍ଠାଦି ହୃଦଯାଦିନ୍ଯାସଂ କୃତ୍ଵା ଧ୍ଯାତେନ୍ନିତ୍ଯମିତି ଧ୍ଯାତ୍ଵା
ହୃଦଯଂ ପଠେତ୍ ।
॥ ଅଥ ଧ୍ଯାନମ୍ ॥
ଧ୍ଯାଯେନ୍ନିତ୍ଯମପୂର୍ଵଵେଶଲଲିତାଂ କନ୍ଦର୍ପଲାଵଣ୍ଯଦାଂ
ଦେଵୀଂ ଦେଵଗଣୈରୁପାସ୍ଯଚରଣାଂ କାରୁଣ୍ଯରତ୍ନାକରାମ୍ ।
ଲୀଲାଵିଗ୍ରହଣୀଂ ଵିରାଜିତଭୁଜାଂ ସଚ୍ଚନ୍ଦ୍ରହାସଦିଭି-
ର୍ଭକ୍ତାନନ୍ଦଵିଧାଯିନୀଂ ପ୍ରମୁଦିତାଂ ନିତ୍ଯୋତ୍ସଵାଂ ରେଣୁକାମ୍ ॥

ଆନନ୍ଦଭୈରଵ ଉଵାଚ --
ଓଂ ନମୋ ରେଣୁକାଯୈ ସର୍ଵଭୂତିଦାଯୈ ସର୍ଵକର୍ତ୍ର୍ଯୈ ସର୍ଵହର୍ତ୍ର୍ଯୈ ସର୍ଵପାଲିନ୍ଯୈ
ସର୍ଵର୍ଥଦାତ୍ର୍ଯୈ ସଚ୍ଚିଦାନନ୍ଦରୂପିଣ୍ଯୈ ଏକଲାଯୈ କାମାକ୍ଷ୍ଯୈ କାମଦାଯିନ୍ଯୈ
ଭର୍ଗାଯୈ ଭର୍ଗରୂପିଣ୍ଯୈ ଭଗଵତ୍ଯୈ ସର୍ଵେଶ୍ଵର୍ଯୈ ଏକଵୀରାଯୈ ଵୀରଵନ୍ଦିତାଅଯୈ
ଵୀରଶକ୍ତ୍ଯୈ ଵୀରମୋହିନ୍ଯୈ ଵୀରସୁଵେଶ୍ଯୈ ହ୍ରୀଂକାରାଯୈ କ୍ଲୀଂକାରାଯୈ ଵାଗ୍ଭଵାଯୈ
ଐଂକାରାଯୈ ଓଂକାରାଯୈ ଶ୍ରୀଂକାରାଯୈ ଦଶାର୍ଣାଯୈ ଦ୍ଵାଦଶର୍ଣାଯୈ ଷୋଡଶାର୍ଣାଯୈ ତ୍ରିବୀଜକାଯୈ
ତ୍ରିପୁରାଯୈ ତ୍ରିପୁରହରଵଲ୍ଲଭାଯୈ କାତ୍ଯାଯିନ୍ଯୈ ଯୋଗିନୀଗଣସେଵିତାଯୈ ଚାମୁନ୍ଡାଯୈ
ମୁଣ୍ଡମାଲିନ୍ଯୈ ଭୈରଵସେଵିତାଯୈ ଭୀତିହରାଯୈ ଭଵହାରିଣ୍ଯୈ କଲ୍ଯାଣ୍ଯୈ
କଲ୍ଯାଣଦାଯୈ ନମସ୍ତେ ନମସ୍ତେ ॥ ୫॥

ନମୋ ନମଃ କାମୁକାମଦାଯୈ ନମୋ ନମୋ ଭକ୍ତଦଯାଘନାଯୈ ।
ନମୋ ନମଃ କେଵଲକେଵଲାଯୈ ନମୋ ନମୋ ମୋହିନୀ ମୋହଦାଯୈ ॥୬॥

ନମୋ ନମଃ କାରଣକାରଣାଯୈ ନମୋ ନମଃ ଶାନ୍ତିରସାନ୍ଵିତାଯୈ ॥

ନମୋ ନମଃ ମଙ୍ଗଲମଙ୍ଲାଯୈ ନମୋ ନମୋ ମଙ୍ଗଲଭୂତିଦାଯୈ ॥ ୭॥

ନମୋ ନମଃ ସଦ୍ଗୁଣଵୈଭଵାଯୈ ଵିଶୁଦ୍ଧଵିଜ୍ଞାନସୁଖପ୍ରଦାଯୈ ।
ନମୋ ନମଃ ଶୋଭନଶୋଭିତାଯୈ ନମୋ ନମଃ ଶକ୍ତିସମାଵୃତାଯୈ ॥ ୮॥

ନମଃ ଶିଵାଯୈ ଶାନ୍ତାଯୈ ନମୋ ମଙ୍ଗଲମୂର୍ତଯେ ।
ସର୍ଵସିଦ୍ଧିପ୍ରଦାଯୈ ତେ ରେଣୁକାଯୈ ନମୋ ନମଃ ॥ ୯॥

ଲଲିତାଯୈ ନମସ୍ତୁଭ୍ଯଂ ପଦ୍ମାଅଵତ୍ଯୈ ନମୋ ନମଃ ॥

ହିମାଚଲସୁତାଯୈ ତେ ରେଣୁକାଯୈ ନମୋ ନମଃ ॥ ୧୦॥

ଵିଷ୍ଣୁଵକ୍ଷଃସ୍ଥଲାଵାସେ ଶିଵଵାମାଙ୍କସଂସ୍ଥିତେ ।
ବ୍ରହ୍ମାଣ୍ଯୈ ବ୍ରହ୍ମମାତ୍ରେ ତେ ରେଣୁକାଯୈ ନମୋଽସ୍ତୁ ତେ ॥ ୧୧॥

ରାମମାତ୍ରେ ନମସ୍ତୁଭ୍ଯଂ ଜଗଦାନନ୍ଦକାରିଣୀ ।
ଜମଦଗ୍ନିପ୍ରିଯାଯୈ ତେ ରେଣୁକାଯୈ ନମୋ ନମଃ ॥ ୧୨॥

ନମୋ ଭୈରଵରୂପାଯୈ ଭୀତିହନ୍ତ୍ର୍ଯୈ ନମୋ ନମଃ ।
ନମଃ ପରଶୁରାମସ୍ଯ ଜନନ୍ଯୈ ତେ ନମୋ ନମଃ ॥ ୧୩॥

କମଲାଯୈ ନମସ୍ତୁଭ୍ଯଂ ତୁଲଜାଯୈ ନମୋ ନମଃ ।
ଷଡ୍ଚକ୍ରଦେଵତାଯୈ ତେ ରେଣୁକାଯୈ ନମୋ ନମଃ ॥ ୧୪॥

ଅହିଲ୍ଯାଯୈ ନମସ୍ତୁଭ୍ଯଂ କାଵେର୍ଯୈ ନମୋ ନମଃ ।
ସର୍ଵାର୍ଥିପୂଜନୀଯାଯୈ ତେ ରେଣୁକାଯୈ ନମୋ ନମଃ ॥ ୧୫॥

ନର୍ମଦାଯୈ ନମସ୍ତୁଭ୍ଯଂ ମନ୍ଦୋଦର୍ଯୈ ନମୋ ନମଃ ।
ଆଦ୍ରିସଂସ୍ଥାନାଯୈ ତେ ରେଣୁକାଯୈ ନମୋ ନମଃ ॥ ୧୬॥

ତ୍ଵରିତାଯୈ ନମସ୍ତୁଭ୍ଯଂ ମନ୍ଦାକିନ୍ଯୈ ନମୋ ନମଃ ॥

ସର୍ଵମନ୍ତ୍ରାଧିଦେଵତାଯୈ ତେ ରେଣୁକାଯୈ ନମୋ ନମଃ ॥ ୧୭॥

ଵିଶୋକାଯୈ ନମସ୍ତୁଭ୍ଯଂ କାଲଶକ୍ତ୍ଯୈ ନମୋ ନମଃ ।
ମଧୁପାନୋଦ୍ଧତାଯୈ ତେ ରେଣୁକାଯୈ ନମୋ ନମଃ ॥ ୧୮॥

ତୋତୁଲାଯୈ ନମସ୍ତୁଭ୍ଯଂ ନାରାଯଣ୍ଯୈ ନମୋ ନମଃ ।
ପ୍ରଧାନାଗୁହରୂପିଣ୍ଯୈ ରେଣୁକାଯୈ ନମୋ ନମଃ ॥ ୧୯॥

ସିଂହଗାଯୈ ନମସ୍ତୁଭ୍ଯଂ କୃପାସିଦ୍ଧଯୈ ନମୋ ନମଃ ।
ଦାରିଦ୍ର୍ଯଵନଦାହିନ୍ଯେ ରେଣୁକାଯୈ ନମୋ ନମଃ ॥ ୨୦॥

ସ୍ତନ୍ଯଦାଯୈ ନମସ୍ତୁଭ୍ଯଂ ଵିନାଶଘ୍ନ୍ଯୈ ନମୋ ନମଃ ।
ମଧୁକୈଟକଭହନ୍ତ୍ର୍ଯୈ ତେ ରେଣୁକାଯୈ ନମୋ ନମଃ ॥ ୨୧॥

ତ୍ରିପୁରାଯୈ ନମସ୍ତୁଭ୍ଯଂ ପୁଣ୍ଯକୀର୍ତ୍ଯୈ ନମୋ ନମଃ ।
ମହିଷାସୁରଵିନାଶାଯୈ ତେ ରେଣୁକାଯୈ ନମୋ ନମଃ ॥ ୨୨॥

ଚେତନାଯୈ ନମସ୍ତୁଭ୍ଯଂ ଵୀରଲକ୍ଷ୍ମ୍ଯୈ ନମୋ ନମଃ ।
କୈଲାଶନିଲଯାଯୈ ତେ ରେଣୁକାଯୈ ନମୋ ନମଃ ॥ ୨୩॥

ବଗଲାଯୈ ନମସ୍ତୁଭ୍ଯଂ ବ୍ରହ୍ମଶକ୍ତ୍ଯୈ ନମୋ ନମଃ ।
କର୍ମଫଲପ୍ରଦାଯୈ ତେ ରେଣୁକାଯୈ ନମୋ ନମଃ ॥ ୨୪॥

ଶୀତଲାଯୈ ନମସ୍ତୁଭ୍ଯଂ ଭଦ୍ରକାଲ୍ଯୈ ନମୋ ନମଃ ।
ଶୁମ୍ଭଦର୍ପହରାଯୈ ତେ ରେଣୁକାଯୈ ନମୋ ନମଃ ॥ ୨୫॥

ଏଲାମ୍ବାଯୈ ନମସ୍ତୁଭ୍ଯଂ ମହାଦେଵ୍ଯୈ ନମୋ ନମଃ ।
ପୀତାମ୍ବରପ୍ରଭାଯୈ ତେ ରେଣୁକାଯୈ ନମୋ ନମଃ ॥ ୨୬॥

ନମଃ ତ୍ରିଗାଯୈ ରୁକ୍ମାଯୈ ନମୋ ତେ ଧର୍ମଶକ୍ତଯେ ।
ଅଜ୍ଞାନକଲ୍ପିତାଯୈ ତେ ରେଣୁକାଯୈ ନମୋ ନମଃ ॥ ୨୭॥

କପର୍ଦାଯୈ ନମସ୍ତୁଭ୍ଯଂ କୃପାଶକ୍ତ୍ଯୈ ନମୋ ନମଃ ।
ଵାନପ୍ରସ୍ଥାଶ୍ରମସ୍ଥାଯୈ ରେଣୁକାଯୈ ନମୋ ନମଃ ॥ ୨୮॥

ଵିଜଯାଯୈ ନମସ୍ତୁଭ୍ଯଂ ଜ୍ଵାଲାମୁଖ୍ଯୈ ନମୋ ନମଃ ।
ମହାସ୍ମୃତିର୍ଜ୍ଯୋତ୍ସ୍ନାଯୈ ରେଣୁକାଯୈ ନମୋ ନମଃ ॥ ୨୯॥

ନମଃ ତୃଷ୍ଣାଯୈ ଧୂମ୍ରାଯୈ ନମୋତେ ଧର୍ମସିଦ୍ଧଯେ ।
ଅର୍ଧମାତ୍ରାକ୍ଷରାଯୈ ତେ ରେଣୁକାଯୈ ନମୋ ନମଃ ॥ ୩୦॥

ନମଃ ଶ୍ରଦ୍ଧାଯୈ ଵାର୍ତାଯୈ ନମୋ ମେଧଶକ୍ତ୍ଯେ ।
ମନ୍ତ୍ରାଧିଦେଵତାଯୈ ତେ ରେଣୁକାଯୈ ନମୋ ନମଃ ॥ ୩୧॥

ଜଯଦାଯୈ ନମସ୍ତୁଭ୍ଯଂ ଶୂଲେଶ୍ଵର୍ଯୈ ନମୋ ନମଃ ।
ଅଲକାପୁରସଂସ୍ଥାନାଯୈ ରେଣୁକାଯୈ ନମୋ ନମଃ ॥ ୩୨॥

ନମଃ ପରାଯୈ ଧ୍ରୌଵ୍ଯାଯୈ ନମଃ ତେ ଶେଷଶକ୍ତ୍ଯେ ।
ଧ୍ରୁଵମଯୀ ହୃଦ୍ରୂପାଯୈ ରେଣୁକାଯୈ ନମୋ ନମଃ ॥ ୩୩॥

ନମୋ ନମଃ ଶକ୍ତିସମନ୍ଵିତାଯୈ ନମୋ ନମଃ ତୁଷ୍ଟିଵରପ୍ରଦାଯୈ ।
ନମୋ ନମଃ ମଣ୍ଡନମଣ୍ଡିତାଯୈ ନମୋ ନମୋ ମଞ୍ଜୁଲମୋକ୍ଷଦାଯୈ ॥ ୩୪॥

ଶ୍ରୀଶିଵ ଉଵାଚ --
ଇତ୍ଯେଵଂ କଥିତଂ ଦିଵ୍ଯଂ ରେଣୁକାହୃଦଯଂ ପରମ୍।
ଯଃ ପଠେତ୍ସତତଂ ଵିଦ୍ଵାନ୍ ତସ୍ଯ ସିଦ୍ଧିଃ ପଦେ ପଦେ॥ ୩୫॥

ରାଜଦ୍ଵାରେ ଶ୍ମଶାନେ ଚ ସଂକଟେ ଦୁରତିକ୍ରମେ।
ସ୍ମରଣାଦ୍ଧୃଦଯସ୍ଯାସ୍ଯ ସର୍ଵସିଦ୍ଧିଃ ପ୍ରଜାଯତେ ॥ ୩୬॥

ଦୁର୍ଲଭଂ ତ୍ରିଷୁ ଲୋକେଷୁ ତସ୍ଯ ପ୍ରାପ୍ତିର୍ଭଵେଦ୍ଧ୍ରୁଵମ୍ ।
ଵିତ୍ତାର୍ଥୀ ଵିତ୍ତମାପ୍ନୋତି ସର୍ଵାର୍ଥୀ ସର୍ଵମାପ୍ନୁଯାତ୍ ॥ ୩୭॥

॥ ଇତ୍ଯାଗମସାରେ ଶିଵଷଣ୍ମୁଖସଂଵାଦେ ଆନନ୍ଦଭୈରଵୋକ୍ତଂ

ରେଣୁକାହୃଦଯଂ ସମ୍ପୂର୍ଣମ୍ ॥

॥ ଓଂ କ୍ଲୀଂ ବୀଜାତ୍ମିକାର୍ପଣମସ୍ତୁ ॥

Encoded and proofread by DPD

Please send corrections to sanskrit@cheerful.com
Last updated ତ୍oday
http://sanskritdocuments.org

Renuka Hrudayam Lyrics in Oriya PDF
% File name : reNukAhridayam.itx
% Category : hRidaya
% Location : doc\_devii
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Latest update : April 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website