%@@1
% File name             : gaNeshabAhyapUjA.itx
%--------------------------------------------
% Text title            : gaNeshabAhyapUjA
% Author                : Traditional
% Language              : Sanskrit
% Subject               : philosophy/hinduism/religion
% Description/comments  : mudgalapurANa
% Transliterated by     : http://www.webdunia.com
% Proofread by          : Karthik Chandan.P (kardan5380@yahoo.com) & Amith K Nagaraj(amithkn@rediffmail.com)
% Latest update         : March 9, 2004
% Send corrections to   : sanskrit@cheerful.com
%
% Special Instructions:
% i1h.hdr,ijag.inc,itrans.sty,multicol.sty,iarticle.sty
% Transliteration scheme: ITRANS 5.2
% Site access  :
% http://sanskrit.gde.to/
% http://sanskrit.bhaarat.com
%-----------------------------------------------------
% The text is prepared by volunteers and is to be used for personal study
% and research.  The file is not to be copied or reposted for promotion of 
% any website or individuals or for commercial purpose without permission.
%        Please help to maintain respect for volunteer spirit.
% @@2
%
% Commands upto engtitle are
% needed for devanaagarii output and formatting.
%--------------------------------------------------------

\documentstyle[11pt,multicol,itrans]{article}
%\documentclass[11pt]{article}
%\usepackage{multicol}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\large #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}

\engtitle{.. gaNeshabAhyapUjA ..}##
\itxtitle{.. gaNeshabAhyapUjA ..}##\endtitles ##
shrI gaNeshAya namaH ||
aila uvAcha ||
bAhyapUjAM vada vibho! gR^itsamadaprakIrtitAm |
yena mArgeNa vighneshaM bhajiShyasi nirantaram || 1||
gArgya uvAcha ||
Adau cha mAnasIM pUjAM kR^itvA gR^itsamado muniH |
bAhyAM chakAra vidhivattAM shrR^iNuShva sukhapradAm || 2||
hR^idi dhyAttvA gaNeshAnaM parivArAdisa.nyutam |
nAsikArandhramArgeNa taM bAhyA.nga chakAra ha || 3||
Adau vaidikamantraM sa gaNAnAM tveti sampaThan |
pashchAchchhloka samuchchArya pUjayAmAsa vighnapam || 4||
gR^itsamada uvAcha ||
chaturbAhuM trinetraM cha gajAsyaM rak{}ta varNakam |
pAshAMkushAdi\-sa.nyuk{}taM mAyAyuk{}ta prachintayet || 5||
Agachchha brahmaNAM nAtha surA\-.asura\-varArchita |
siddhi\-buddhyAdi\-sa.nyuk{}ta! bhak{}tigrahaNalAlasa!|| 6||
kR^itArtho.ahaM kR^itArtho.ahaM tavAgamanataH prabho |
vighneshA.anugR^ihIto.ahaM saphalo me bhavo.abhavat || 7||
ratnasi.nhAsanaM svAmin gR^ihANa gaNanAyaka |
tatropavishya vighnesha rakSha bhak{}tAn visheShataH || 8||
suvAsitAbhiradbhishcha pAdaprakShAlanaM prabho!|
shItoShNAmbhaH karomi te gR^ihANa pAdyamuttamam || 9||
sarvatIrthAhR^itaM toyaM suvAsitaM suvastubhiH |
AchamanaM cha tenaiva kurUShva gaNanAyaka || 10||
ratna\-pravAla\-muk{}tAdyairanardhyaiH sa.nskR^itaM prabho |
ardhyaM gR^ihANa heramba dviradAnana toShakam || 11||
dadhi\-madhu\-ghR^itairyuk{}taM madhuparkaM gajAnana |
gR^ihANa bhAvasa.nyuk{}taM mayA dattaM namo.astu te || 12||
pAdye cha madhuparke cha snAne vastropadhAraNe |
upavIte bhojanAnte punarAchamanaM kurU || 13||
champakAdyairgaNAdhyakSha vAsitaM tailamuttamam |
abhya.ngaM kurU sarvesha! lambodara! namo.astu te || 14||
yakSha\-kardamakAdyaishcha vighnesha bhak{}tavatsala!|
udvartanaM kuruShva tvaM mayA dattairmahAprabho || 15||
nAnAtIrthajalairDhuNDhe! sukhoShNabhAvarUpakaiH |
kamaNDalUdbhavaiH snAnaM kurU DhuNDhe samarpitaiH || 16||
kAmadhenu samadbhUtaM payaH paramapAvanam |
tena snAnaM kuruShva tvaM heraMba paramArthavit || 17||
pa.nchAmR^itAnAM madhye tu jalaiH snAnaM punaH punaH |
kuru tvaM sarvatIrthebhyo ga.ngAdibhyaH samAhR^itaiH || 18||
dadhi dhenupayodbhUtaM malApaharaNaM param |
gR^ihANa snAnakAryArthaM vinAyaka dayAnidhe || 19||
dhenudugdhodbhavaM DhuNDhe ghR^itaM santoShakArakam |
mahAmalApaghAtArthaM tena snAnaM kurU prabho || 20||
sAraghaM saskR^itaM pUrNaM madhu madhurasodbhavam |
gR^ihANa snAnakAryArthaM vinAyaka namo.astu te || 21||
ikShudaNDasamudbhUtAM sharkarAM malanAshinIm |
gR^ihANa gaNanAtha tvaM tayA snAnaM samAchara || 22||
yakShakardamakAdyaishcha snAnaM kurU gaNeshvara |
antyaM malaharaM shuddhaM sarvasaugandhyakArakam || 23||
tato gandhAkShatAdI.nshcha dUrvA.nkurAn gajAnana |
samarpayAmi svalpA.nstvaM gR^ihANa parameshvara || 24||
brahmaNaspatyasUk{}taishcha hyekavi.nshativArakaiH |
abhiShekaM karomi te gR^ihANa dviradAnana || 25||
tata AchamanaM deva suvAsitajalena cha |
kuruShva gaNanAtha tvaM sarvatIrthabhavena vai || 26||
vastrayugmaM gR^ihANa tvamanarghyaM rak{}tavarNakam |
lokalajjAharaM chaiva vighnanAtha namo.astu te || 27||
uttarIyaM suchitraM vai nabhastArA.nkitaM yathA |
gR^ihANa sarvasiddhIsha mayA dattaM subhak{}titaH || 28||
upavItaM gaNAdhyakSha gR^ihANa cha tataH param |
traiguNyamayarUpaM tu praNavagranthibandhanam || 29||
tataH sindUrakaM deva gR^ihANa gaNanAyaka |
a.ngalepanabhAvArthaM sadAnandavivardhanam || 30||
nAnAbhUShaNakAni tvama.ngeShu vividheShu cha |
bhAsurasvarNaratnaishcha nirmitAni gR^ihANa bho || 31||
aShTagandha\-samAyuk{}taM gandhaM rak{}taM gajAnana |
dvAdashA.ngeShu te DhuNDhe lepayAmi suchitravat || 32||
rak{}tachandanasa.nyuk{}tAnatha vA kuMkumairyutAn |
akShatAn vighnarAja tvaM gR^ihANa bhAlamaNDale || 33||
champakAdi\-suvR^ikShebhyaH sambhUtAni gajAnana |
puShpANi shamI\-mandAra\-dUrvAdIni gR^ihANa cha || 34||
dashA.nga guggulaM dhUpaM sarvasaurabhakArakam |
gR^ihANa tvaM mayA dattaM vinAyaka mahodara || 35||
nAnAjAtibhavaM dIpa gR^ihANa gaNanAyaka |
aj~nAnamalajaM doShaM harantaM jyotirUpakam || 36||
chaturvidhAnnasampannaM madhuraM laDDukAdikam |
naivedyaM te mayA datta bhojanaM kurU vighnapa || 37||
suvAsitaM gR^ihANedaM jalaM tIrtha samAhR^itam |
bhuk{}timadhye cha pAnArthaM devadevesha te namaH || 38||
bhojanAnte karodvartaM yakShakardamakena cha |
kuruShva tvaM gaNAdhyakSha piba toyaM suvAsitam || 39||
dADimaM kharjuraM drAkShAM rambhAdIni phalAni vai |
gR^ihANa devadevesha nAnAmadhurakANi tu || 40||
aShTA.nga deva tAmbUlaM gR^ihANa mukhavAsanam |
asakR^idvighnarAja tvaM mayA dattaM visheShataH || 41||
dakShiNAM kA.nchanAdyAM tu nAnAdhAtusamudbhavAm |
ratnAdyaiH sa.nyutAM DhuMDhe gR^ihANa sakalapriya || 42||
rAjopachArakAdyAni gR^ihANa gaNanAyaka |
dAnAni tu vichitrANi mayA dattAni vighnapa || 43||
tata AbharaNaM te.ahamarpayAmi vidhAnataH |
vividhairUpachAraishcha tena tuShTo bhava prabho || 44||
tato dUrvA.nkurAn DhuMDhe ekavi.nshatisa.nkhyakAn |
gR^ihANa kAryasiddhyarthaM bhak{}tavAtsalyakAraNAt || 45||
nAnAdIpasamAyuk{}taM nIrAjanaM gajAnana |
gR^ihANa bhAvasa.nyuk{}taM sarvAj~nAnAdinAshana || 46||
gaNAnAM tveti mantrasya japaM sAhasrakaM param |
gR^ihANa gaNanAtha tvaM sarvasiddhiprado bhava || 47||
ArtikyaM cha sukarpUraM nAnAdIpamayaM prabho |
gR^ihANa jyotiShAM nAtha tathA nIrAjayAmyaham || 48||
pAdayoste tu chatvAri nAbhau dve vadane prabho |
ekaM tu saptavAraM vai sarvA.ngeShu nira.njanam || 49||
chaturvedabhavairmantrairgANapatyairgajAnana |
mantritAni gR^ihANa tvaM puShpapatrANi vighnapa || 50||
pa.nchaprakArakaiH stotrairgANapatyairgaNAdhipa |
staumi tvAM tena santuShTo bhava bhak{}tipradAyaka || 51||
ekavi.nshatisa.nkhyaM vA trisa.nkhyaM vA gajAnana |
prAdakShiNyaM gR^ihANa tvaM brahman brahmeshabhAvana || 52||
sAShTA.ngA praNatiM nAtha ekavi.nshatisammitAm |
heramba sarvapUjya tvaM gR^ihANa tu mayA kR^itAm || 53||
nyUnAtirik{}tabhAvArthaM ki.nchid durvA.nkurAn prabho |
samarpayAmi tena tvaM sA.ngAM pUjAM kurUShva tAm || 54||
tvayA dattaM svahastena nirmAlyaM chintayAmyaham |
shikhAyAM dhArayAmyeva sadA sarvapradaM cha tat || 55||
aparAdhAnasa.nkhyAtAn kShamasva gaNanAyaka |
bhak{}taM kuru cha mAM DhuMDhe tava pAdapriyaM sadA || 56||
tvaM mAtA tvaM pitA me vai suhR^itsambandhikAdayaH |
tvameva kuladevashcha sarvaM tvaM me na sa.nshayaH || 57||
jAgrat\-svapna\-suShuptibhirdeha\-vA.ngmanasaiH kR^itam |
sA.nsargikeNa yatkarma gaNeshAya samarpaye || 58||
brAhyaM nAnAvidhaM pApaM mahograM tallayaM vrajet |
gaNeshapAdatIrthasya mastake dhAraNAt kila || 59||
pAdodakaM gaNeshasya pItaM martyeNa tatkShaNAt |
sarvAMtargatajaM pApaM nashyati gaNanAtigam || 60||
gaNeshoochchhiShTagandhaM vai dvAdashA.ngeShu charchayet |
gaNeshatulyarUpaH sa darshanAt sarvapApahA || 61||
yadi gaNeshapUjAdau gandhabhasmAdikaM charet |
athavochchhiShTagandhaM tu no chettatra vidhiM charet || 62||
dvAdashA.ngeShu vighneshaM nAmamantreNa chA.archayet |
tena so.api gaNeshena samo bhavati bhUtale || 63||
Adau gaNeshvaraM mUrdhni lalATe vighnanAyakam |
dakShiNe karNamUle tu vakratuNDaM samarchayet || 64||
vAme karNasya mUle vai chaikadantaM samarchayet |
kaNThe lambodaraM devaM hR^idi chintAmaNiM tathA || 65||
bAhau dakShiNake chaiva heraMbaM vAmabAhuke |
vikaTaM nAbhideshe tu vighnanAthaM samarchayet || 66||
kukShau dakShiNagAyAM tu mayUreshaM samarchayet |
vAmakukShau gajAsyaM vai pR^iShThe svAnandavAsinam || 67||
sarvA.ngalepanaM shastaM chitritaM chA.aShTagandhakaiH |
gANeshAnAM visheSheNa sarvabhadrasya kAraNAt || 68||
tatochchhiShTaM tu naivedyaM gaNeshasya bhunajmyaham |
bhuk{}ti\-muk{}tipradaM pUrNaM nAnApApanikR^intanam || 69||
gaNeshasmaraNenaiva karomi kAlakhaNDanam |
gANapatyaishcha sa.nvAsaH sadA.astu me gajAnana || 70||
gArgya uvAcha ||
evaM gR^itsamadashchaiva chakAra bAhyapUjanam |
trikAleShu mahAyogI sadA bhak{}tisamanvitaH || 71||
tathA kuru mahIpAla gANapatyo bhaviShyasi |
tathA gR^itsamadaH sAkShAttathA tvamapi nishchitam || 72||
iti shrImadAntye mudgalapurANe gaNeshabAhyapUjA samAptA ||
##proofread by Karthik Chandan.P (kardan5380@yahoo.com)
 and Amith K Nagaraj (amithkn@rediffmail.com)
\medskip\hrule\obeylines
\medskip
{\rm Please send corrections to sanskrit@cheerful.com}
{\rm Last updated \today}
\end{document}