অরুণাচলপঞ্চরত্নবার্ত্তিকম্
{॥ অরুণাচলপঞ্চরত্নবার্ত্তিকম্ ॥}
মঙ্গলম্
সচ্চিন্মাত্রস্বভাবায নিত্যমুক্তায শম্ভবে ।
রমণাযাত্মনাথায নমো ভগবতে সদা ॥ ১॥
গ্রন্থাবতরণম্
তেনারুণাচলাখ্যস্য স্বস্বরূপস্য পঞ্চভিঃ ।
শ্লোকৈঃ কৃতা নুতিস্তস্যাঃ ক্রিযতে লঘুবার্ত্তিকম্ ॥ ২॥
মাণ্ডূক্যোদিতমদ্বৈতং তুর্যাখ্যং নিষ্প্রপঞ্চকম্ ।
সসাধনং স্তুতাবস্যামাত্মতত্ত্বং প্রপঞ্চ্যতে ॥ ৩॥
প্রামাণ্যং যুজ্যতে হ্যস্য যতো বক্ত্যত্র সদ্গুরুঃ ।
নিত্যানুভূতমাত্মীযং তত্ত্বং শিবমনামযম্ ॥ ৪॥
বেদেন গুরুবাক্যানাং প্রামাণ্যং মন্যতাং জনঃ ।
মন্যামহে তু বেদানাং প্রামাণ্যং গুরুবাক্যতঃ ॥ ৫॥
স্বস্বরূপে তুরীযাখ্যে স্থিতো যস্স ভবেদ্গুরুঃ ।
উপদেশস্তদীযো যস্সা স্যাদুপনিষত্পরা ॥ ৬॥
বিহায প্রাযশো বাদান্ প্রামাণ্যাদ্বচসাং গুরোঃ ।
সিদ্ধান্তা এব সঙ্গৃহ্য দীযন্তে হ্যত্র বার্ত্তিকে ॥ ৭॥
প্রথমশ্লোকঃ
করুণাপূর্ণসুধাব্ধে
কবলিতঘনবিশ্বরূপ কিরণাবল্যা ।
অরুণাচলপরমাত্ম-
ন্নরুণো ভব চিত্তকঞ্জসুবিকাসায ॥
প্রথমশ্লোকস্যানুবাদঃ
কৃপাসুধাম্বুধেঽরুণাচল প্রবোধভাস্কর
স্বচিত্স্বরূপতেজসা নিগীর্ণসর্বলোকক ।
হৃদম্বুজাতকোশকপ্রফুল্লতাবিধাযিনীং
প্রভাং নিজাং প্রসার্য ভোস্তমো বিনাশযান্তরম্ ॥
বার্ত্তিকম্
হৃদম্ভোজবিকাসায প্রথমে প্রার্থ্যতে শুভা ।
তত্কৃপাস্বীযভক্তানাং তত্স্বরূপত্বসিদ্ধযে ।
অত্রৈব নিষ্প্রপঞ্চত্বং দিশ্যতে চ পরাত্মনঃ ॥ ৮॥
অহমিত্যখিলস্যান্তর্ভানং যত্ পরমাত্মনঃ ।
করুণেত্যুচ্যতে সৈব নাদ্বৈতে বিক্রিযা যতঃ ॥ ৯॥
করুণাযাঃ স্বরূপত্বমিষ্টং ন গুণতা বিভোঃ ।
উচ্যতে নির্গুণত্বং হি বেদান্তৈঃ পরমাত্মনঃ ॥ ১০॥
তযা গৃহীতা যে ভক্তাঃ প্রেমিণো বা বিচারিণঃ ।
স্বরূপানুভবস্তেষাং ধ্রুবো হ্যজ্ঞাননাশতঃ ॥ ১১॥
নিষ্প্রপঞ্চকমদ্বৈতং তুর্যং সত্যমিতি স্ফুটম্ ।
জগত্কবলনস্যোক্ত্যা পূর্বার্ধে গুরুণোচ্যতে ॥ ১২॥
অধিষ্ঠানতযা তস্য বিশ্বস্যারোপিতত্বতঃ ।
সত্যত্বমস্তি তস্যৈব ন তু বিশ্বস্য কর্হিচিত্ ॥ ১৩॥
কুরুতে হ্যসদেবাসত্ করুণা পরমাত্মনঃ ।
নান্যত্ কিঞ্চন কর্তব্যং সত্য আত্মা স এব হি ॥ ১৪॥
সংবিদ্ভানুরসাবাত্মা যদ্ভাসা মাযিকং জগত্ ।
নীযতে নাশমত্যন্তং তমো ভাসা যথা রবেঃ ॥ ১৫॥
অসদেব তমো যদ্বত্ সত্যবদ্গৃহ্যতেঽবুধৈঃ ।
অসত্যৈব তথা মাযা সকার্যা সত্যবন্মতা ॥ ১৬॥
যথাঽসত্ত্বাত্ তমো ভাসা কবলীক্রিযতে রবেঃ ।
সকার্যা চ তথা মাযা কবলীক্রিযতে চিতা ॥ ১৭॥
স এব শিষ্যতে তুর্যে চিদানন্দোঽদ্বিতীযকঃ ।
ন জীবো ন জগত্ কিঞ্চিত্ তদ্দ্বযং চ মৃষা কিল ॥ ১৮॥
দ্বিতীযশ্লোকঃ
ত্বয্যরুণাচল সর্বং
ভূত্বা স্থিত্বা প্রলীনমেতচ্চিত্রম্ ।
হৃদ্যহমিত্যাত্মতযা
নৃত্যসি ভোস্তে বদন্তি হৃদযং নাম ॥
দ্বিতীযশ্লোকানুবাদঃ
উদেতি বর্ততে প্রলীযতেঽখিলং জগচ্চলং
ত্বযি প্রকাশবত্পটে যথৈব চিত্রসন্ততিঃ ।
অহন্তযাঽঽত্মরূপতোঽপি নৃত্যসি স্বযং হৃদি
বদন্ত্যতো হৃদাখ্যকং ভবন্তমেককং পরম্॥
বার্ত্তিকম্
বহবঃ প্রতিবধ্যন্তে মন্বানাঃ সদিদং জগত্ ।
আত্মনাশপদং কেচিদিদং মত্বা চ বিভ্যতি ।
শঙ্কাদ্বযনিরাসায দ্বিতীযশ্লোক ঈরিতঃ ॥ ১৯॥
তটস্থলক্ষণং চাত্র দিশ্যতে পরমাত্মনঃ ।
স্বরূপলক্ষণং চাপি শুদ্ধং ভক্তিবিবৃদ্ধযে ॥ ২০॥
স্বতঃ সত্যং জগন্মত্বা তস্যাধিষ্ঠানমব্যযম্ ।
ন পশ্যত্যবিবেকীতি তত্তত্ত্বমুপদিশ্যতে ॥ ২১॥
জীবেশৌ বিষযাশ্চেতি ত্রিতযং জগদাখ্যকম্ ।
আরোপিতমিদং সর্বমধিষ্ঠানে চিদাত্মনি ॥ ২২॥
স্বরূপং জগতঃ সত্যং সচ্চিদাত্মৈব কেবলঃ ।
অতোঽন্বেষেণ লব্ধব্যো বিহাযেদং স এব হি ॥ ২৩॥
দৃশ্যতে জগদিত্যেতত্ তত্সত্তাং নৈব সাধযেত্ ।
অধিষ্ঠানং কিমপ্যস্তীত্যেতদেব হি সাধিতম্ ॥ ২৪॥
প্রতীযতে যথা যদ্যত্ তত্ তথেত্যপ্রমাণকম্ ।
বৈজ্ঞানিকজনৈশ্চাপি স্পষ্টমেতন্নিরূপিতম্ ॥ ২৫॥
বহির্মুখতযা তে তু ভেদজ্ঞানপরাযণাঃ ।
ন স্বং বেদিতুমিচ্ছন্তি জ্ঞানং তেষামতো মৃষা ॥ ২৬॥
সাক্ষাত্কৃতমধিষ্ঠানং জগতো যেন বোধতঃ ।
প্রমাণীকৃত্য তদ্বাক্যং তথা নিষ্ঠাং লভেমহি ॥ ২৭॥
অধিষ্ঠানসদদ্বৈতং নির্বিশেষং নিরংশকম্ ।
জগদ্রূপতযা ভাতি মনোব্যাপারমাত্রতঃ ॥ ২৮॥
মন এব স্বযং মাযা যাঽন্যথা কুরুতে পরম্ ।
জ্ঞাযতাং তদিদং স্পষ্টং সুপ্তৌ জগদভানতঃ ॥ ২৯॥
উদেতি বর্ততে তস্মিন্ লীযতে চাখিলং যতঃ ।
স এবাত্মা ততঃ সর্বং জীবেশৌ বিষযা অপি ॥ ৩০॥
মাযাকার্যমিদং যস্মাত্ কেবলোঽসাববিক্রিযঃ ।
নানেন বাধ্যতে কিঞ্চিত্ পটশ্চিত্রাগ্নিনা যথা ॥ ৩১॥
তদাভাসমযং চেদং স এব পরমার্থতঃ ।
যদেবাদ্যন্তযোরেতন্মধ্যে চেদং তদেব হি ॥ ৩২॥
বিশ্বং বিবেকদৃষ্ট্যৈবং স্বাত্মনি প্রবিলাপযেত্ ।
প্রবিলাপনদৃষ্ট্যা হি স্বান্বেষণক্ষমং মনঃ ॥ ৩৩॥
স্বান্বেষণস্য চাত্রৈব প্রকার উপদিশ্যতে ।
তেন স্বরূপেঽবস্থানং জগদ্ভ্রমবিনাশতঃ ॥ ৩৪॥
তটস্থলক্ষণং দিষ্টমেবং তস্য পরাত্মনঃ ।
স্বরূপলক্ষণং ত্বত্র সূচিতং চোপলক্ষ্যতে ॥ ৩৫॥
স্বরূপং তত্ স্ফুটীকুর্বন্ শিবস্য পরমাত্মনঃ ।
তস্যৈবাত্মত্বমস্মাকং দর্শযত্যতিশোভনম্ ॥ ৩৬॥
আত্মত্বেনাখিলস্যান্তরহমিত্যনিশং স্বযম্ ।
ভাত্যসৌ নান্য আত্মাঽস্তি স্বরূপং তদিদং বিভোঃ ॥ ৩৭॥
নৃত্যসীতি পদেনাত্র দিষ্টাঽঽনন্দস্বরূপতা ।
আত্মভূতস্য তুর্যস্য তদসংসারিতাঽঽত্মনঃ ॥ ৩৮॥
স্বযৈব মাযযা দেবো বিমোহিত ইব স্বযম্ ।
ভ্রমতীবাত্র সংসারে মাযাঽসৌ ন তু বিদ্যতে ॥ ৩৯॥
অর্থাদ্ব্যাবর্তনং চাপি দেহাদীনামনাত্মনাম্ ।
কৃতমেবেত্যতস্তেষু জহ্যাদাত্মত্বভাবনাম্ ॥ ৪০॥
সর্বে বযং স এব স্মো ন দেহা নাপি দেহিনঃ ।
নাজ্ঞানং ন চ সংসার ইত্যেষা পরমার্থতা ॥ ৪১॥
মনঃ কল্পযতে দেহান্ জীবাংশ্চ বিষযানহো ।
জাগ্রত্যপি যথা স্বপ্নে মাযৈষা মন এব হি ॥ ৪২॥
শুদ্ধচিদ্রূপ আত্মৈব সত্যো নান্যস্ততঃ শিবঃ ।
এষ বেদান্তসিদ্ধান্ত উক্তঃ স্বীযানুভূতিতঃ ॥ ৪৩॥
প্রেষ্ঠ আত্মৈব সর্বেষাং তদর্থমিতরত্ প্রিযম্ ।
অত আনন্দরূপত্বমাত্মনো গম্যতে স্ফুটম্ ॥ ৪৪॥
তদানন্দকণা এব হ্যানন্দা লৌকিকাঃ স্মৃতাঃ ।
আত্মলাভসমো নাস্তীত্যত এবোচ্যতে বুধৈঃ ॥ ৪৫॥
বহির্মুখত্বহানায দিশ্যতে হৃদি তত্স্থিতিঃ ।
অন্তর্মুখতযা হ্যেব সাধনে সম্প্রবর্তনম্ ॥ ৪৬॥
পরমার্থতযা ত্বেষ পরমো হৃদযং স্বযম্ ।
সর্বাধারস্য সত্যস্য মিথ্যৈবাধারকল্পনা ॥ ৪৭॥
তৃতীযশ্লোকঃ
অহমিতি কুত আযাতী-
ত্যন্বিষ্যান্তঃ প্রবিষ্টযাঽত্যমলধিযা ।
অবগম্য স্বং রূপং
শাম্যত্যরুণাচল ত্বযি নদীবাব্ধৌ॥
তৃতীযশ্লোকস্যানুবাদঃ
উদেত্যহং কুতস্স এষ ইত্যতীব শুদ্ধযা
ধিযা হৃদি প্রবিষ্টযা বিমৃগ্য তত্ত্বমাত্মনঃ ।
অবৈতি চেচ্চিদাত্মকং ভবন্তমাত্মরূপতো
নদীব সঙ্গতাঽম্বুধিং ত্বযি প্রশান্তিমেতি ধীঃ॥
বার্ত্তিকম্
জ্ঞাত্বৈবমাত্মলাভায যতমানস্য সিদ্ধযে ।
ঋজুমার্গস্তৃতীযেন বিস্পষ্টমুপদিশ্যতে ॥ ৪৮॥
আভাসমাত্রো জীবোঽযং চিজ্জডগ্রন্থিরূপকঃ ।
তচ্চিদংশনিদানং তু ভবত্যাত্মা পরঃ স্বযম্ ॥ ৪৯॥
হিত্বা জডাংশং দেহাদি শিষ্টাং চৈতন্যরূপিণীম্ ।
শুদ্ধাহন্তাং সমাদায তন্মূলং স্বং গবেষযেত্ ॥ ৫০॥
নিমজ্জেত্ সলিলে লব্ধুং মগ্নং বস্তু যথা তথা ।
অহন্তামূলমন্বিষ্যন্ নিমজ্জেত্ সাধকো হৃদি ॥ ৫১॥
স্বামিনো গন্ধমাদায যথা শ্বা তং গবেষযেত্ ।
শুদ্ধাহন্তাং তথাঽঽদায ধীঃ স্বমূলং গবেষযেত্ ॥ ৫২॥
গবেষণে স্থিরীভূতং মনো বিশতি হৃদ্গুহাম্ ।
তদা ভাযাত্ স্বভাসাঽঽত্মা শাম্যেদপি মনোঽন্ততঃ ॥ ৫৩॥
মনোনাশাদপার্থক্যং স্বতঃ সিদ্ধং প্রকাশতে ।
মনঃকৃতো হি ভেদোঽযং দ্বযোর্ব্রহ্মাত্মনোরিহ ॥ ৫৪॥
ইদমন্বেষণাত্ স্বস্য তত্ত্বস্য হৃদি মজ্জনম্ ।
সাধনং পরমং মুক্তের্বিচার ইতি চোচ্যতে ॥ ৫৫॥
অত্যন্ত্যৈক্যমনাবৃত্তিং দর্শযিষ্যন্নতো গুরুঃ ।
নদীং দৃষ্টান্তযত্যব্ধিং গত্বা তদ্রূপতাং গতাম্ ॥ ৫৬॥
আত্মানুভূতিরেষৈব মুক্তিরিত্যভিধীযতে ।
সত্যা স্থিতিঃ পরং ধাম কৈবল্যং সহজা স্থিতিঃ ॥ ৫৭॥
স্বজ্ঞানমমৃতত্বং চ মৌনং নির্ভযতেত্যুত ।
স্থিতিমেতাং পরাং তুর্যাং শংসন্তি বহুধা বুধাঃ ॥ ৫৮॥
আত্মা তু জ্ঞেযতাং নৈতি তুর্যে জ্ঞাতাঽপি নাস্তি হি ।
জ্ঞানাজ্ঞানবিনির্মুক্ত আত্মা জ্ঞানস্বরূপকঃ ॥ ৫৯॥
জ্ঞেযজ্ঞাতৃবিহিনোঽসাবাত্মা ভবতি কেবলঃ ।
অনাত্মন্যাত্মধীনাশঃ স্বাত্মজ্ঞানমিতীর্যতে ॥ ৬০॥
নষ্টং যস্য বিচারেণ মনো হৃদি নিমজ্জনাত্ ।
আত্মৈব স হি নাত্মজ্ঞো ব্রহ্মৈব ব্রহ্মবিন্নহি ॥ ৬১॥
ব্রহ্মব্রহ্মজ্ঞযোর্ভেদং মন্বানঃ পারমার্থিকম্ ।
মিথ্যাগ্রহেণ তেনৈব প্রতিবধ্যেত সাধকঃ ॥ ৬২॥
জ্ঞানাদ্বিমুক্তিরিত্যুক্তের্জ্ঞানমিত্যর্থ এব হি ।
ন জ্ঞানং কারণং মুক্তের্মুক্তির্জ্ঞানফলং চ ন ॥ ৬৩॥
আত্মনঃ সহজা মুক্তিঃ স্বরূপং জ্ঞানমাত্মনঃ ।
স মুক্তির্নিত্যসিদ্ধৈব স্বযমেব স্বকারণম্ ।
ব্যাবহারিকদৃষ্ট্যা তু জ্ঞানান্মুক্তিরিতীর্যতে ॥ ৬৪॥
ন বক্তুং নাপি মন্তুং বা শক্যমেতত্ পরং পদম্ ।
মৌনব্যাখ্যাননির্দেশ্যং বেদ্যং চ স্বানুভূতিতঃ ॥ ৬৫॥
ন বক্তা ন চ মন্তা বা তত্র কশ্চন শিষ্যতে ।
অত এতত্ পদং তুর্যং মৌনমিত্যভিধীযতে ॥ ৬৬॥
বাচোঽপি মনসা সাকং নিবর্তন্তে যতোঽদ্বযাত্ ।
অনুভূয তমানন্দং ন বিভেতি কুতশ্চন ॥ ৬৭॥
যত্রাস্তি ভেদবিজ্ঞানং নাভীতিস্তত্র কর্হিচিত্ ।
ইতি চ শ্রূযতে যস্মাত্ তুর্যমেবাভযং পদম্ ॥ ৬৮॥
স্বস্বরূপপরিজ্ঞানাত্ কথমৈক্যং পরাত্মনা ।
ইতি প্রশ্নো নিরাধার ঐক্যং স্বাভাবিকং যতঃ ॥ ৬৯॥
অত্রোক্তেন বিচারেণ লভ্যৈষা পরমা গতিঃ ।
নান্যথা লভ্যতে সেযমিতি বেদান্তনির্ণযঃ ॥ ৭০॥
ইহ দিষ্টঃ স এবার্থো নদীদৃষ্টান্তযোজনাত্ ।
অন্যত্রানেকধা চাপি স্পষ্টং ভগবতা সতাম্ ॥ ৭১॥
নোপাসনেন যোগেন পুণ্যৈর্বাঽপি চ কর্মভিঃ ।
লভ্যেতেদং পদং তুর্যমিত্যেবং চ প্রদর্শিতম্ ॥ ৭২॥
মিথ্যেযং জীবতা যাবন্ন লুপ্যেত বিচারণাত্ ।
তাবত্ সংসারনির্মোক্ষো ন ভবেত্ কিল দেহিনাম্ ॥ ৭৩॥
জীবত্বমাদিমো ধর্মঃ কর্তৃত্বাদ্যাস্তদাশ্রযাঃ ।
জীবতাঽঽরোপিতা পূর্বং কর্তৃত্বাদ্যাস্ততঃ পরম্ ।
জীবত্বনাশে সর্বেষাং নাশোঽতঃ সহজা স্থিতিঃ ॥ ৭৪॥
সর্বধর্মপরিত্যাগো যো গীতাসু বিধীযতে ।
কর্তৃত্বাদিকহানং স জীবত্বত্যাগপূর্বকম্ ॥ ৭৫॥
সর্বধর্মপরিত্যাগো জীবত্বত্যাগ এব হি ।
অত্যাগে জীবতাযাস্তু ত্যক্তো ধর্মো ন কশ্চন ॥ ৭৬॥
ইত্যৌপনিষদং স্বাস্থ্যং পরমং পদমব্যযম্ ।
অত্রোপদিষ্টং দ্রষ্টব্যমদ্বৈতং তুর্যনামকম্ ॥ ৭৭॥
ঋজুমার্গমিমং হিত্বা চরন্ত্যন্যপথা তু যে ।
কালেন পরমং ধাম যান্তি তে হৃন্নিমজ্জনাত্ ॥ ৭৮॥
চতুর্থশ্লোকঃ
ত্যক্ত্বা বিষযং বাহ্যং
রুদ্ধপ্রাণেন রুদ্ধমনসাঽন্তস্ত্বাম্ ।
ধ্যাযন্পশ্যতি যোগী
দীধিতিমরুণাচল ত্বযি মহীযং তে॥
চতুর্থশ্লোকস্যানুবাদঃ
বিহায বাহ্যবস্তু বাযুরোধনান্মনো হঠা-
ন্নিরুধ্য যোগগস্স্মরন্ ভবন্তমেব সর্বদা ।
মহিম্নি লীনধীঃ প্রভে ক্ষণেন মোদতে ভৃশং
অথোত্থিতস্স বাসনেন চেতসা তু সংসরেত্॥
বার্ত্তিকম্
শিষ্যেতে যতমানৌ দ্বৌ যোগী প্রেমী পরাত্মনি ।
চতুর্থে যোগিনং বক্তি প্রেমিণং পঞ্চমে গুরুঃ ॥ ৭৯॥
তত্র যোগী হঠাদ্রুদ্ধ্বা প্রাণাযামেন মানসম্ ।
চিজ্জ্যোতির্বীক্ষণং লব্ধ্বা তদানীং মোদতে ভৃশম্ ॥ ৮০॥
মনোরোধো হঠাত্ সিদ্ধো ন স্থিরো ভবিতা ক্বচিত্ ।
লীনমেব মনস্তিষ্ঠেত্ সবাসনমথোদিযাত্ ॥ ৮১॥
মনোনাশেন মুক্তির্হি ন লযেন কদাচন ।
লীনং হি পুনরাযাতি নষ্টং নৈবোদিযাত্ পুনঃ ।
অনাশান্মনসো যোগী জীবত্বং ন জহাতি হি ॥ ৮২॥
স্ফুটীকর্তুমিমং ভেদং মনসো লযনাশযোঃ ।
গুরুর্বক্তি পুরাবৃত্তাং কথাং কস্যাপি যোগিনঃ ॥ ৮৩॥
সমাধের্ব্যুত্থিতো যোগী পিপাসার্দিতমানসঃ ।
শিষ্যমাদিশ্য তীর্থায সমাধিং প্রাবিশত্ পুনঃ ॥ ৮৪॥
যযুঃ শতানি বর্ষাণাং ব্যুত্থিতোঽভূত্ ততঃ পরম্ ।
জলাথপ্রেষিতং শিষ্যং বেগেনাথ স্মরংস্তদা ।
উবাচোচ্চৈশ্চ ভোস্তীর্থং কিমানীতং ত্বযেত্যসৌ ॥ ৮৫॥
পিপাসাবাসনাযুক্তং মনো লীনং হ্যভূচ্চিরম্ ।
উদিযায চ বেগেন সমাধের্ব্যুত্থিতস্য হি ।
অনাশান্মনসো হ্যেবং বেগেন স্মৃতিরুদ্গতা ॥ ৮৬॥
মহিম্নি রমতে যোগী ন স্বরূপং প্রপদ্যতে ।
ইত্যুক্ত্যা যোগিনো ভোগো দিশ্যতে ন তু মোক্ষণম্ ॥ ৮৭॥
অল্পমপ্যন্তরং কৃত্বা ভযমেতীতি চ শ্রুতেঃ ।
নাভযং বিন্দতে যোগীত্যযমর্থো নিরূপিতঃ ॥ ৮৮॥
বিনা বিবেকমত্রোক্তং স্বশক্ত্যা চ হঠেন চ ।
যতমানো হি দিষ্টোঽত্র ন তু সর্বোঽপি যোগগঃ ॥ ৮৯॥
যাবন্ন সজ্জতে সোঽযং বিচারেঽহঙ্কৃতিং ত্যজন্ ।
পরং বা শরণং যাতি তাবন্নাযং বিমুচ্যতে ॥ ৯০॥
বার্ত্তিকম্
অতো বিশিষ্যতে প্রেমী তদর্পিতমনাঃ সদা ।
বিস্মৃত্য স্বং চ তত্প্রেম্ণা বীক্ষতে তন্মযং জগত্ ॥ ৯১॥
" যো মাং পশ্যতি সর্বত্র সর্বং চ মযি পশ্যতি ।
তস্যাহং ন প্রণশ্যামি স চ মে ন প্রণশ্যতি " ॥ ৯২॥
" যোগিনামপি সর্বেষাং মদ্গতেনান্তরাত্মনা ।
শ্রদ্ধাবান্ ভজতে যো মাং স মে যুক্ততমো মতঃ "॥
ইতি গীতাসু সন্দিষ্টং পারম্যং প্রেমিণঃ কিল ॥ ৯৩॥
পশ্যংস্তং স সদা প্রেষ্ঠং তদানন্দে নিমগ্নধীঃ ।
মুক্তপ্রাযো হ্যসৌ কালান্মুক্তিমাত্যন্তিকীং ব্রজেত্ ॥ ৯৪॥
ভক্তিযোগেন লভ্যেত পরস্মিন্ প্রেম শোভনম্ ।
উক্তা ভাগবতে ভক্তির্নবধা শ্রবণাদিকা ।
প্রপত্তির্নবমা তত্তু পরস্মৈ স্বনিবেদনম্ ॥ ৯৫॥
" দৈবী হ্যেষা গুণমযী মম মাযা দুরত্যযা ।
মামেব যে প্রপদ্যন্তে মাযামেতাং তরন্তি তে "॥
ইত্যুপাযঃ প্রপত্তির্হি মাযামোক্ষায দিশ্যতে ॥ ৯৬॥
মাযযা বিষযেষ্বেব প্রীতিঃ সঞ্জাযতে নৃণাম্ ।
প্রপন্নো মাযযা মুক্তঃ পরস্মিন্ প্রেমবান্ ভবেত্ ॥ ৯৭॥
অতঃ পরস্মিন্ কর্তব্যা ভক্তিঃ পরমশোভনা ।
আত্মত্বেন পৃথক্ত্বেন কথঞ্চিত্ পরমং ভজেত্ ॥ ৯৮॥
ভজনাত্ প্রেম্ণি সঞ্জাতে পার্থক্যং স্রংসতে চিরাত্ ।
অভেদঃ শিষ্যতে সত্য এবং ভক্তঃ কৃতী ভবেত্ ॥ ৯৯॥
প্রেমবাঞ্জযতীত্যুক্ত্যা যোগিভ্যোঽসৌ বিশিষ্যতে ।
অতো বিচারে নো চেদ্ধীরিচ্ছেত্ প্রেম্ণাঽঽপ্তুমীশ্বরম্ ॥ ১০০॥
স্তোত্রসমুদাযার্থঃ
" ন হি জ্ঞানেন সদৃশং পবিত্রমিহ বিদ্যতে " ।
ইতি পূর্বোক্তমেবার্থমিব দর্শযতি স্বযম্ ॥ ১০১॥
বৃদ্ধ ইত্যুচ্যতে জ্ঞানী প্রেমী বাল ইতীর্যতে ।
অহঙ্কারপরীতাত্মা যোগী প্রোক্তো যুবেতি চ ॥ ১০২॥
অত্র যৌবনমেবাদ্যং ততো বালত্ববৃদ্ধতে ।
সাহঙ্কারত্বমেবাদৌ নিরহঙ্কারতা পরা ।
যোগাদ্ভক্তিস্ততঃ প্রেম ততো জ্ঞানমিতি ক্রমঃ ॥ ১০৩॥
উত্তমো ভবতি জ্ঞানী নিকৃষ্টো যোগতত্পরঃ ।
মধ্যমো ভবতি প্রেমী তেষামেবং ভিদা মতা ॥ ১০৪॥
মোক্ষকারণসামগ্র্যাং ভক্তিরেব গরীযসী ।
ভক্তিপ্রকারে সর্বস্মিন্ বিচারঃ পরমোত্তমঃ ॥ ১০৫॥
বিচারেণান্নতাং যাতি পরমস্য স্বযং হৃদি ।
বিচারী পরমো ভক্তো জ্ঞাত্বৈবং স্বং বিচারযন্ ॥ ১০৬॥
বিচারেণৈব সম্পূর্ণং পরস্মৈ স্বনিবেদনম্ ।
বিচারেণান্নতামেত্য ন ততো ভিদ্যতে যতঃ ॥ ১০৭॥
মঙ্গলম্
ঈশ্বরো গুরুরাত্মেতি মূর্তিভেদবিভাগিনে ।
পরস্মৈ রমণাখ্যায পঞ্চরত্নকৃতে নমঃ ॥ ১০৮॥
ইতি শিবম্
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
এতদ্ রমণ মহর্ষের্দর্শনমরুণাচলস্য দেবগিরা ।
পঞ্চকমার্যাগীতৌ রত্নং ত্বিদমৌপনিষদং হি ॥
ইতি শ্রী পারাশর্যস্য ভগবতো মহর্ষেরাচার্য
রমণস্য দর্শনমরুণাচলপঞ্চরত্নম্ ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ত্oday
http://sanskritdocuments.org
মঙ্গলম্
সচ্চিন্মাত্রস্বভাবায নিত্যমুক্তায শম্ভবে ।
রমণাযাত্মনাথায নমো ভগবতে সদা ॥ ১॥
গ্রন্থাবতরণম্
তেনারুণাচলাখ্যস্য স্বস্বরূপস্য পঞ্চভিঃ ।
শ্লোকৈঃ কৃতা নুতিস্তস্যাঃ ক্রিযতে লঘুবার্ত্তিকম্ ॥ ২॥
মাণ্ডূক্যোদিতমদ্বৈতং তুর্যাখ্যং নিষ্প্রপঞ্চকম্ ।
সসাধনং স্তুতাবস্যামাত্মতত্ত্বং প্রপঞ্চ্যতে ॥ ৩॥
প্রামাণ্যং যুজ্যতে হ্যস্য যতো বক্ত্যত্র সদ্গুরুঃ ।
নিত্যানুভূতমাত্মীযং তত্ত্বং শিবমনামযম্ ॥ ৪॥
বেদেন গুরুবাক্যানাং প্রামাণ্যং মন্যতাং জনঃ ।
মন্যামহে তু বেদানাং প্রামাণ্যং গুরুবাক্যতঃ ॥ ৫॥
স্বস্বরূপে তুরীযাখ্যে স্থিতো যস্স ভবেদ্গুরুঃ ।
উপদেশস্তদীযো যস্সা স্যাদুপনিষত্পরা ॥ ৬॥
বিহায প্রাযশো বাদান্ প্রামাণ্যাদ্বচসাং গুরোঃ ।
সিদ্ধান্তা এব সঙ্গৃহ্য দীযন্তে হ্যত্র বার্ত্তিকে ॥ ৭॥
প্রথমশ্লোকঃ
করুণাপূর্ণসুধাব্ধে
কবলিতঘনবিশ্বরূপ কিরণাবল্যা ।
অরুণাচলপরমাত্ম-
ন্নরুণো ভব চিত্তকঞ্জসুবিকাসায ॥
প্রথমশ্লোকস্যানুবাদঃ
কৃপাসুধাম্বুধেঽরুণাচল প্রবোধভাস্কর
স্বচিত্স্বরূপতেজসা নিগীর্ণসর্বলোকক ।
হৃদম্বুজাতকোশকপ্রফুল্লতাবিধাযিনীং
প্রভাং নিজাং প্রসার্য ভোস্তমো বিনাশযান্তরম্ ॥
বার্ত্তিকম্
হৃদম্ভোজবিকাসায প্রথমে প্রার্থ্যতে শুভা ।
তত্কৃপাস্বীযভক্তানাং তত্স্বরূপত্বসিদ্ধযে ।
অত্রৈব নিষ্প্রপঞ্চত্বং দিশ্যতে চ পরাত্মনঃ ॥ ৮॥
অহমিত্যখিলস্যান্তর্ভানং যত্ পরমাত্মনঃ ।
করুণেত্যুচ্যতে সৈব নাদ্বৈতে বিক্রিযা যতঃ ॥ ৯॥
করুণাযাঃ স্বরূপত্বমিষ্টং ন গুণতা বিভোঃ ।
উচ্যতে নির্গুণত্বং হি বেদান্তৈঃ পরমাত্মনঃ ॥ ১০॥
তযা গৃহীতা যে ভক্তাঃ প্রেমিণো বা বিচারিণঃ ।
স্বরূপানুভবস্তেষাং ধ্রুবো হ্যজ্ঞাননাশতঃ ॥ ১১॥
নিষ্প্রপঞ্চকমদ্বৈতং তুর্যং সত্যমিতি স্ফুটম্ ।
জগত্কবলনস্যোক্ত্যা পূর্বার্ধে গুরুণোচ্যতে ॥ ১২॥
অধিষ্ঠানতযা তস্য বিশ্বস্যারোপিতত্বতঃ ।
সত্যত্বমস্তি তস্যৈব ন তু বিশ্বস্য কর্হিচিত্ ॥ ১৩॥
কুরুতে হ্যসদেবাসত্ করুণা পরমাত্মনঃ ।
নান্যত্ কিঞ্চন কর্তব্যং সত্য আত্মা স এব হি ॥ ১৪॥
সংবিদ্ভানুরসাবাত্মা যদ্ভাসা মাযিকং জগত্ ।
নীযতে নাশমত্যন্তং তমো ভাসা যথা রবেঃ ॥ ১৫॥
অসদেব তমো যদ্বত্ সত্যবদ্গৃহ্যতেঽবুধৈঃ ।
অসত্যৈব তথা মাযা সকার্যা সত্যবন্মতা ॥ ১৬॥
যথাঽসত্ত্বাত্ তমো ভাসা কবলীক্রিযতে রবেঃ ।
সকার্যা চ তথা মাযা কবলীক্রিযতে চিতা ॥ ১৭॥
স এব শিষ্যতে তুর্যে চিদানন্দোঽদ্বিতীযকঃ ।
ন জীবো ন জগত্ কিঞ্চিত্ তদ্দ্বযং চ মৃষা কিল ॥ ১৮॥
দ্বিতীযশ্লোকঃ
ত্বয্যরুণাচল সর্বং
ভূত্বা স্থিত্বা প্রলীনমেতচ্চিত্রম্ ।
হৃদ্যহমিত্যাত্মতযা
নৃত্যসি ভোস্তে বদন্তি হৃদযং নাম ॥
দ্বিতীযশ্লোকানুবাদঃ
উদেতি বর্ততে প্রলীযতেঽখিলং জগচ্চলং
ত্বযি প্রকাশবত্পটে যথৈব চিত্রসন্ততিঃ ।
অহন্তযাঽঽত্মরূপতোঽপি নৃত্যসি স্বযং হৃদি
বদন্ত্যতো হৃদাখ্যকং ভবন্তমেককং পরম্॥
বার্ত্তিকম্
বহবঃ প্রতিবধ্যন্তে মন্বানাঃ সদিদং জগত্ ।
আত্মনাশপদং কেচিদিদং মত্বা চ বিভ্যতি ।
শঙ্কাদ্বযনিরাসায দ্বিতীযশ্লোক ঈরিতঃ ॥ ১৯॥
তটস্থলক্ষণং চাত্র দিশ্যতে পরমাত্মনঃ ।
স্বরূপলক্ষণং চাপি শুদ্ধং ভক্তিবিবৃদ্ধযে ॥ ২০॥
স্বতঃ সত্যং জগন্মত্বা তস্যাধিষ্ঠানমব্যযম্ ।
ন পশ্যত্যবিবেকীতি তত্তত্ত্বমুপদিশ্যতে ॥ ২১॥
জীবেশৌ বিষযাশ্চেতি ত্রিতযং জগদাখ্যকম্ ।
আরোপিতমিদং সর্বমধিষ্ঠানে চিদাত্মনি ॥ ২২॥
স্বরূপং জগতঃ সত্যং সচ্চিদাত্মৈব কেবলঃ ।
অতোঽন্বেষেণ লব্ধব্যো বিহাযেদং স এব হি ॥ ২৩॥
দৃশ্যতে জগদিত্যেতত্ তত্সত্তাং নৈব সাধযেত্ ।
অধিষ্ঠানং কিমপ্যস্তীত্যেতদেব হি সাধিতম্ ॥ ২৪॥
প্রতীযতে যথা যদ্যত্ তত্ তথেত্যপ্রমাণকম্ ।
বৈজ্ঞানিকজনৈশ্চাপি স্পষ্টমেতন্নিরূপিতম্ ॥ ২৫॥
বহির্মুখতযা তে তু ভেদজ্ঞানপরাযণাঃ ।
ন স্বং বেদিতুমিচ্ছন্তি জ্ঞানং তেষামতো মৃষা ॥ ২৬॥
সাক্ষাত্কৃতমধিষ্ঠানং জগতো যেন বোধতঃ ।
প্রমাণীকৃত্য তদ্বাক্যং তথা নিষ্ঠাং লভেমহি ॥ ২৭॥
অধিষ্ঠানসদদ্বৈতং নির্বিশেষং নিরংশকম্ ।
জগদ্রূপতযা ভাতি মনোব্যাপারমাত্রতঃ ॥ ২৮॥
মন এব স্বযং মাযা যাঽন্যথা কুরুতে পরম্ ।
জ্ঞাযতাং তদিদং স্পষ্টং সুপ্তৌ জগদভানতঃ ॥ ২৯॥
উদেতি বর্ততে তস্মিন্ লীযতে চাখিলং যতঃ ।
স এবাত্মা ততঃ সর্বং জীবেশৌ বিষযা অপি ॥ ৩০॥
মাযাকার্যমিদং যস্মাত্ কেবলোঽসাববিক্রিযঃ ।
নানেন বাধ্যতে কিঞ্চিত্ পটশ্চিত্রাগ্নিনা যথা ॥ ৩১॥
তদাভাসমযং চেদং স এব পরমার্থতঃ ।
যদেবাদ্যন্তযোরেতন্মধ্যে চেদং তদেব হি ॥ ৩২॥
বিশ্বং বিবেকদৃষ্ট্যৈবং স্বাত্মনি প্রবিলাপযেত্ ।
প্রবিলাপনদৃষ্ট্যা হি স্বান্বেষণক্ষমং মনঃ ॥ ৩৩॥
স্বান্বেষণস্য চাত্রৈব প্রকার উপদিশ্যতে ।
তেন স্বরূপেঽবস্থানং জগদ্ভ্রমবিনাশতঃ ॥ ৩৪॥
তটস্থলক্ষণং দিষ্টমেবং তস্য পরাত্মনঃ ।
স্বরূপলক্ষণং ত্বত্র সূচিতং চোপলক্ষ্যতে ॥ ৩৫॥
স্বরূপং তত্ স্ফুটীকুর্বন্ শিবস্য পরমাত্মনঃ ।
তস্যৈবাত্মত্বমস্মাকং দর্শযত্যতিশোভনম্ ॥ ৩৬॥
আত্মত্বেনাখিলস্যান্তরহমিত্যনিশং স্বযম্ ।
ভাত্যসৌ নান্য আত্মাঽস্তি স্বরূপং তদিদং বিভোঃ ॥ ৩৭॥
নৃত্যসীতি পদেনাত্র দিষ্টাঽঽনন্দস্বরূপতা ।
আত্মভূতস্য তুর্যস্য তদসংসারিতাঽঽত্মনঃ ॥ ৩৮॥
স্বযৈব মাযযা দেবো বিমোহিত ইব স্বযম্ ।
ভ্রমতীবাত্র সংসারে মাযাঽসৌ ন তু বিদ্যতে ॥ ৩৯॥
অর্থাদ্ব্যাবর্তনং চাপি দেহাদীনামনাত্মনাম্ ।
কৃতমেবেত্যতস্তেষু জহ্যাদাত্মত্বভাবনাম্ ॥ ৪০॥
সর্বে বযং স এব স্মো ন দেহা নাপি দেহিনঃ ।
নাজ্ঞানং ন চ সংসার ইত্যেষা পরমার্থতা ॥ ৪১॥
মনঃ কল্পযতে দেহান্ জীবাংশ্চ বিষযানহো ।
জাগ্রত্যপি যথা স্বপ্নে মাযৈষা মন এব হি ॥ ৪২॥
শুদ্ধচিদ্রূপ আত্মৈব সত্যো নান্যস্ততঃ শিবঃ ।
এষ বেদান্তসিদ্ধান্ত উক্তঃ স্বীযানুভূতিতঃ ॥ ৪৩॥
প্রেষ্ঠ আত্মৈব সর্বেষাং তদর্থমিতরত্ প্রিযম্ ।
অত আনন্দরূপত্বমাত্মনো গম্যতে স্ফুটম্ ॥ ৪৪॥
তদানন্দকণা এব হ্যানন্দা লৌকিকাঃ স্মৃতাঃ ।
আত্মলাভসমো নাস্তীত্যত এবোচ্যতে বুধৈঃ ॥ ৪৫॥
বহির্মুখত্বহানায দিশ্যতে হৃদি তত্স্থিতিঃ ।
অন্তর্মুখতযা হ্যেব সাধনে সম্প্রবর্তনম্ ॥ ৪৬॥
পরমার্থতযা ত্বেষ পরমো হৃদযং স্বযম্ ।
সর্বাধারস্য সত্যস্য মিথ্যৈবাধারকল্পনা ॥ ৪৭॥
তৃতীযশ্লোকঃ
অহমিতি কুত আযাতী-
ত্যন্বিষ্যান্তঃ প্রবিষ্টযাঽত্যমলধিযা ।
অবগম্য স্বং রূপং
শাম্যত্যরুণাচল ত্বযি নদীবাব্ধৌ॥
তৃতীযশ্লোকস্যানুবাদঃ
উদেত্যহং কুতস্স এষ ইত্যতীব শুদ্ধযা
ধিযা হৃদি প্রবিষ্টযা বিমৃগ্য তত্ত্বমাত্মনঃ ।
অবৈতি চেচ্চিদাত্মকং ভবন্তমাত্মরূপতো
নদীব সঙ্গতাঽম্বুধিং ত্বযি প্রশান্তিমেতি ধীঃ॥
বার্ত্তিকম্
জ্ঞাত্বৈবমাত্মলাভায যতমানস্য সিদ্ধযে ।
ঋজুমার্গস্তৃতীযেন বিস্পষ্টমুপদিশ্যতে ॥ ৪৮॥
আভাসমাত্রো জীবোঽযং চিজ্জডগ্রন্থিরূপকঃ ।
তচ্চিদংশনিদানং তু ভবত্যাত্মা পরঃ স্বযম্ ॥ ৪৯॥
হিত্বা জডাংশং দেহাদি শিষ্টাং চৈতন্যরূপিণীম্ ।
শুদ্ধাহন্তাং সমাদায তন্মূলং স্বং গবেষযেত্ ॥ ৫০॥
নিমজ্জেত্ সলিলে লব্ধুং মগ্নং বস্তু যথা তথা ।
অহন্তামূলমন্বিষ্যন্ নিমজ্জেত্ সাধকো হৃদি ॥ ৫১॥
স্বামিনো গন্ধমাদায যথা শ্বা তং গবেষযেত্ ।
শুদ্ধাহন্তাং তথাঽঽদায ধীঃ স্বমূলং গবেষযেত্ ॥ ৫২॥
গবেষণে স্থিরীভূতং মনো বিশতি হৃদ্গুহাম্ ।
তদা ভাযাত্ স্বভাসাঽঽত্মা শাম্যেদপি মনোঽন্ততঃ ॥ ৫৩॥
মনোনাশাদপার্থক্যং স্বতঃ সিদ্ধং প্রকাশতে ।
মনঃকৃতো হি ভেদোঽযং দ্বযোর্ব্রহ্মাত্মনোরিহ ॥ ৫৪॥
ইদমন্বেষণাত্ স্বস্য তত্ত্বস্য হৃদি মজ্জনম্ ।
সাধনং পরমং মুক্তের্বিচার ইতি চোচ্যতে ॥ ৫৫॥
অত্যন্ত্যৈক্যমনাবৃত্তিং দর্শযিষ্যন্নতো গুরুঃ ।
নদীং দৃষ্টান্তযত্যব্ধিং গত্বা তদ্রূপতাং গতাম্ ॥ ৫৬॥
আত্মানুভূতিরেষৈব মুক্তিরিত্যভিধীযতে ।
সত্যা স্থিতিঃ পরং ধাম কৈবল্যং সহজা স্থিতিঃ ॥ ৫৭॥
স্বজ্ঞানমমৃতত্বং চ মৌনং নির্ভযতেত্যুত ।
স্থিতিমেতাং পরাং তুর্যাং শংসন্তি বহুধা বুধাঃ ॥ ৫৮॥
আত্মা তু জ্ঞেযতাং নৈতি তুর্যে জ্ঞাতাঽপি নাস্তি হি ।
জ্ঞানাজ্ঞানবিনির্মুক্ত আত্মা জ্ঞানস্বরূপকঃ ॥ ৫৯॥
জ্ঞেযজ্ঞাতৃবিহিনোঽসাবাত্মা ভবতি কেবলঃ ।
অনাত্মন্যাত্মধীনাশঃ স্বাত্মজ্ঞানমিতীর্যতে ॥ ৬০॥
নষ্টং যস্য বিচারেণ মনো হৃদি নিমজ্জনাত্ ।
আত্মৈব স হি নাত্মজ্ঞো ব্রহ্মৈব ব্রহ্মবিন্নহি ॥ ৬১॥
ব্রহ্মব্রহ্মজ্ঞযোর্ভেদং মন্বানঃ পারমার্থিকম্ ।
মিথ্যাগ্রহেণ তেনৈব প্রতিবধ্যেত সাধকঃ ॥ ৬২॥
জ্ঞানাদ্বিমুক্তিরিত্যুক্তের্জ্ঞানমিত্যর্থ এব হি ।
ন জ্ঞানং কারণং মুক্তের্মুক্তির্জ্ঞানফলং চ ন ॥ ৬৩॥
আত্মনঃ সহজা মুক্তিঃ স্বরূপং জ্ঞানমাত্মনঃ ।
স মুক্তির্নিত্যসিদ্ধৈব স্বযমেব স্বকারণম্ ।
ব্যাবহারিকদৃষ্ট্যা তু জ্ঞানান্মুক্তিরিতীর্যতে ॥ ৬৪॥
ন বক্তুং নাপি মন্তুং বা শক্যমেতত্ পরং পদম্ ।
মৌনব্যাখ্যাননির্দেশ্যং বেদ্যং চ স্বানুভূতিতঃ ॥ ৬৫॥
ন বক্তা ন চ মন্তা বা তত্র কশ্চন শিষ্যতে ।
অত এতত্ পদং তুর্যং মৌনমিত্যভিধীযতে ॥ ৬৬॥
বাচোঽপি মনসা সাকং নিবর্তন্তে যতোঽদ্বযাত্ ।
অনুভূয তমানন্দং ন বিভেতি কুতশ্চন ॥ ৬৭॥
যত্রাস্তি ভেদবিজ্ঞানং নাভীতিস্তত্র কর্হিচিত্ ।
ইতি চ শ্রূযতে যস্মাত্ তুর্যমেবাভযং পদম্ ॥ ৬৮॥
স্বস্বরূপপরিজ্ঞানাত্ কথমৈক্যং পরাত্মনা ।
ইতি প্রশ্নো নিরাধার ঐক্যং স্বাভাবিকং যতঃ ॥ ৬৯॥
অত্রোক্তেন বিচারেণ লভ্যৈষা পরমা গতিঃ ।
নান্যথা লভ্যতে সেযমিতি বেদান্তনির্ণযঃ ॥ ৭০॥
ইহ দিষ্টঃ স এবার্থো নদীদৃষ্টান্তযোজনাত্ ।
অন্যত্রানেকধা চাপি স্পষ্টং ভগবতা সতাম্ ॥ ৭১॥
নোপাসনেন যোগেন পুণ্যৈর্বাঽপি চ কর্মভিঃ ।
লভ্যেতেদং পদং তুর্যমিত্যেবং চ প্রদর্শিতম্ ॥ ৭২॥
মিথ্যেযং জীবতা যাবন্ন লুপ্যেত বিচারণাত্ ।
তাবত্ সংসারনির্মোক্ষো ন ভবেত্ কিল দেহিনাম্ ॥ ৭৩॥
জীবত্বমাদিমো ধর্মঃ কর্তৃত্বাদ্যাস্তদাশ্রযাঃ ।
জীবতাঽঽরোপিতা পূর্বং কর্তৃত্বাদ্যাস্ততঃ পরম্ ।
জীবত্বনাশে সর্বেষাং নাশোঽতঃ সহজা স্থিতিঃ ॥ ৭৪॥
সর্বধর্মপরিত্যাগো যো গীতাসু বিধীযতে ।
কর্তৃত্বাদিকহানং স জীবত্বত্যাগপূর্বকম্ ॥ ৭৫॥
সর্বধর্মপরিত্যাগো জীবত্বত্যাগ এব হি ।
অত্যাগে জীবতাযাস্তু ত্যক্তো ধর্মো ন কশ্চন ॥ ৭৬॥
ইত্যৌপনিষদং স্বাস্থ্যং পরমং পদমব্যযম্ ।
অত্রোপদিষ্টং দ্রষ্টব্যমদ্বৈতং তুর্যনামকম্ ॥ ৭৭॥
ঋজুমার্গমিমং হিত্বা চরন্ত্যন্যপথা তু যে ।
কালেন পরমং ধাম যান্তি তে হৃন্নিমজ্জনাত্ ॥ ৭৮॥
চতুর্থশ্লোকঃ
ত্যক্ত্বা বিষযং বাহ্যং
রুদ্ধপ্রাণেন রুদ্ধমনসাঽন্তস্ত্বাম্ ।
ধ্যাযন্পশ্যতি যোগী
দীধিতিমরুণাচল ত্বযি মহীযং তে॥
চতুর্থশ্লোকস্যানুবাদঃ
বিহায বাহ্যবস্তু বাযুরোধনান্মনো হঠা-
ন্নিরুধ্য যোগগস্স্মরন্ ভবন্তমেব সর্বদা ।
মহিম্নি লীনধীঃ প্রভে ক্ষণেন মোদতে ভৃশং
অথোত্থিতস্স বাসনেন চেতসা তু সংসরেত্॥
বার্ত্তিকম্
শিষ্যেতে যতমানৌ দ্বৌ যোগী প্রেমী পরাত্মনি ।
চতুর্থে যোগিনং বক্তি প্রেমিণং পঞ্চমে গুরুঃ ॥ ৭৯॥
তত্র যোগী হঠাদ্রুদ্ধ্বা প্রাণাযামেন মানসম্ ।
চিজ্জ্যোতির্বীক্ষণং লব্ধ্বা তদানীং মোদতে ভৃশম্ ॥ ৮০॥
মনোরোধো হঠাত্ সিদ্ধো ন স্থিরো ভবিতা ক্বচিত্ ।
লীনমেব মনস্তিষ্ঠেত্ সবাসনমথোদিযাত্ ॥ ৮১॥
মনোনাশেন মুক্তির্হি ন লযেন কদাচন ।
লীনং হি পুনরাযাতি নষ্টং নৈবোদিযাত্ পুনঃ ।
অনাশান্মনসো যোগী জীবত্বং ন জহাতি হি ॥ ৮২॥
স্ফুটীকর্তুমিমং ভেদং মনসো লযনাশযোঃ ।
গুরুর্বক্তি পুরাবৃত্তাং কথাং কস্যাপি যোগিনঃ ॥ ৮৩॥
সমাধের্ব্যুত্থিতো যোগী পিপাসার্দিতমানসঃ ।
শিষ্যমাদিশ্য তীর্থায সমাধিং প্রাবিশত্ পুনঃ ॥ ৮৪॥
যযুঃ শতানি বর্ষাণাং ব্যুত্থিতোঽভূত্ ততঃ পরম্ ।
জলাথপ্রেষিতং শিষ্যং বেগেনাথ স্মরংস্তদা ।
উবাচোচ্চৈশ্চ ভোস্তীর্থং কিমানীতং ত্বযেত্যসৌ ॥ ৮৫॥
পিপাসাবাসনাযুক্তং মনো লীনং হ্যভূচ্চিরম্ ।
উদিযায চ বেগেন সমাধের্ব্যুত্থিতস্য হি ।
অনাশান্মনসো হ্যেবং বেগেন স্মৃতিরুদ্গতা ॥ ৮৬॥
মহিম্নি রমতে যোগী ন স্বরূপং প্রপদ্যতে ।
ইত্যুক্ত্যা যোগিনো ভোগো দিশ্যতে ন তু মোক্ষণম্ ॥ ৮৭॥
অল্পমপ্যন্তরং কৃত্বা ভযমেতীতি চ শ্রুতেঃ ।
নাভযং বিন্দতে যোগীত্যযমর্থো নিরূপিতঃ ॥ ৮৮॥
বিনা বিবেকমত্রোক্তং স্বশক্ত্যা চ হঠেন চ ।
যতমানো হি দিষ্টোঽত্র ন তু সর্বোঽপি যোগগঃ ॥ ৮৯॥
যাবন্ন সজ্জতে সোঽযং বিচারেঽহঙ্কৃতিং ত্যজন্ ।
পরং বা শরণং যাতি তাবন্নাযং বিমুচ্যতে ॥ ৯০॥
বার্ত্তিকম্
অতো বিশিষ্যতে প্রেমী তদর্পিতমনাঃ সদা ।
বিস্মৃত্য স্বং চ তত্প্রেম্ণা বীক্ষতে তন্মযং জগত্ ॥ ৯১॥
" যো মাং পশ্যতি সর্বত্র সর্বং চ মযি পশ্যতি ।
তস্যাহং ন প্রণশ্যামি স চ মে ন প্রণশ্যতি " ॥ ৯২॥
" যোগিনামপি সর্বেষাং মদ্গতেনান্তরাত্মনা ।
শ্রদ্ধাবান্ ভজতে যো মাং স মে যুক্ততমো মতঃ "॥
ইতি গীতাসু সন্দিষ্টং পারম্যং প্রেমিণঃ কিল ॥ ৯৩॥
পশ্যংস্তং স সদা প্রেষ্ঠং তদানন্দে নিমগ্নধীঃ ।
মুক্তপ্রাযো হ্যসৌ কালান্মুক্তিমাত্যন্তিকীং ব্রজেত্ ॥ ৯৪॥
ভক্তিযোগেন লভ্যেত পরস্মিন্ প্রেম শোভনম্ ।
উক্তা ভাগবতে ভক্তির্নবধা শ্রবণাদিকা ।
প্রপত্তির্নবমা তত্তু পরস্মৈ স্বনিবেদনম্ ॥ ৯৫॥
" দৈবী হ্যেষা গুণমযী মম মাযা দুরত্যযা ।
মামেব যে প্রপদ্যন্তে মাযামেতাং তরন্তি তে "॥
ইত্যুপাযঃ প্রপত্তির্হি মাযামোক্ষায দিশ্যতে ॥ ৯৬॥
মাযযা বিষযেষ্বেব প্রীতিঃ সঞ্জাযতে নৃণাম্ ।
প্রপন্নো মাযযা মুক্তঃ পরস্মিন্ প্রেমবান্ ভবেত্ ॥ ৯৭॥
অতঃ পরস্মিন্ কর্তব্যা ভক্তিঃ পরমশোভনা ।
আত্মত্বেন পৃথক্ত্বেন কথঞ্চিত্ পরমং ভজেত্ ॥ ৯৮॥
ভজনাত্ প্রেম্ণি সঞ্জাতে পার্থক্যং স্রংসতে চিরাত্ ।
অভেদঃ শিষ্যতে সত্য এবং ভক্তঃ কৃতী ভবেত্ ॥ ৯৯॥
প্রেমবাঞ্জযতীত্যুক্ত্যা যোগিভ্যোঽসৌ বিশিষ্যতে ।
অতো বিচারে নো চেদ্ধীরিচ্ছেত্ প্রেম্ণাঽঽপ্তুমীশ্বরম্ ॥ ১০০॥
স্তোত্রসমুদাযার্থঃ
" ন হি জ্ঞানেন সদৃশং পবিত্রমিহ বিদ্যতে " ।
ইতি পূর্বোক্তমেবার্থমিব দর্শযতি স্বযম্ ॥ ১০১॥
বৃদ্ধ ইত্যুচ্যতে জ্ঞানী প্রেমী বাল ইতীর্যতে ।
অহঙ্কারপরীতাত্মা যোগী প্রোক্তো যুবেতি চ ॥ ১০২॥
অত্র যৌবনমেবাদ্যং ততো বালত্ববৃদ্ধতে ।
সাহঙ্কারত্বমেবাদৌ নিরহঙ্কারতা পরা ।
যোগাদ্ভক্তিস্ততঃ প্রেম ততো জ্ঞানমিতি ক্রমঃ ॥ ১০৩॥
উত্তমো ভবতি জ্ঞানী নিকৃষ্টো যোগতত্পরঃ ।
মধ্যমো ভবতি প্রেমী তেষামেবং ভিদা মতা ॥ ১০৪॥
মোক্ষকারণসামগ্র্যাং ভক্তিরেব গরীযসী ।
ভক্তিপ্রকারে সর্বস্মিন্ বিচারঃ পরমোত্তমঃ ॥ ১০৫॥
বিচারেণান্নতাং যাতি পরমস্য স্বযং হৃদি ।
বিচারী পরমো ভক্তো জ্ঞাত্বৈবং স্বং বিচারযন্ ॥ ১০৬॥
বিচারেণৈব সম্পূর্ণং পরস্মৈ স্বনিবেদনম্ ।
বিচারেণান্নতামেত্য ন ততো ভিদ্যতে যতঃ ॥ ১০৭॥
মঙ্গলম্
ঈশ্বরো গুরুরাত্মেতি মূর্তিভেদবিভাগিনে ।
পরস্মৈ রমণাখ্যায পঞ্চরত্নকৃতে নমঃ ॥ ১০৮॥
ইতি শিবম্
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
এতদ্ রমণ মহর্ষের্দর্শনমরুণাচলস্য দেবগিরা ।
পঞ্চকমার্যাগীতৌ রত্নং ত্বিদমৌপনিষদং হি ॥
ইতি শ্রী পারাশর্যস্য ভগবতো মহর্ষেরাচার্য
রমণস্য দর্শনমরুণাচলপঞ্চরত্নম্ ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ত্oday
http://sanskritdocuments.org
Arunachala Pancharatna Varttikam Lyrics in Bengali PDF
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website