അരുണാചലപഞ്ചരത്നവാര്ത്തികമ്
{॥ അരുണാചലപഞ്ചരത്നവാര്ത്തികമ് ॥}
മങ്ഗലമ്
സച്ചിന്മാത്രസ്വഭാവായ നിത്യമുക്തായ ശമ്ഭവേ ।
രമണായാത്മനാഥായ നമോ ഭഗവതേ സദാ ॥ ൧॥
ഗ്രന്ഥാവതരണമ്
തേനാരുണാചലാഖ്യസ്യ സ്വസ്വരൂപസ്യ പഞ്ചഭിഃ ।
ശ്ലോകൈഃ കൃതാ നുതിസ്തസ്യാഃ ക്രിയതേ ലഘുവാര്ത്തികമ് ॥ ൨॥
മാണ്ഡൂക്യോദിതമദ്വൈതം തുര്യാഖ്യം നിഷ്പ്രപഞ്ചകമ് ।
സസാധനം സ്തുതാവസ്യാമാത്മതത്ത്വം പ്രപഞ്ച്യതേ ॥ ൩॥
പ്രാമാണ്യം യുജ്യതേ ഹ്യസ്യ യതോ വക്ത്യത്ര സദ്ഗുരുഃ ।
നിത്യാനുഭൂതമാത്മീയം തത്ത്വം ശിവമനാമയമ് ॥ ൪॥
വേദേന ഗുരുവാക്യാനാം പ്രാമാണ്യം മന്യതാം ജനഃ ।
മന്യാമഹേ തു വേദാനാം പ്രാമാണ്യം ഗുരുവാക്യതഃ ॥ ൫॥
സ്വസ്വരൂപേ തുരീയാഖ്യേ സ്ഥിതോ യസ്സ ഭവേദ്ഗുരുഃ ।
ഉപദേശസ്തദീയോ യസ്സാ സ്യാദുപനിഷത്പരാ ॥ ൬॥
വിഹായ പ്രായശോ വാദാന് പ്രാമാണ്യാദ്വചസാം ഗുരോഃ ।
സിദ്ധാന്താ ഏവ സങ്ഗൃഹ്യ ദീയന്തേ ഹ്യത്ര വാര്ത്തികേ ॥ ൭॥
പ്രഥമശ്ലോകഃ
കരുണാപൂര്ണസുധാബ്ധേ
കബലിതഘനവിശ്വരൂപ കിരണാവല്യാ ।
അരുണാചലപരമാത്മ-
ന്നരുണോ ഭവ ചിത്തകഞ്ജസുവികാസായ ॥
പ്രഥമശ്ലോകസ്യാനുവാദഃ
കൃപാസുധാമ്ബുധേഽരുണാചല പ്രബോധഭാസ്കര
സ്വചിത്സ്വരൂപതേജസാ നിഗീര്ണസര്വലോകക ।
ഹൃദമ്ബുജാതകോശകപ്രഫുല്ലതാവിധായിനീം
പ്രഭാം നിജാം പ്രസാര്യ ഭോസ്തമോ വിനാശയാന്തരമ് ॥
വാര്ത്തികമ്
ഹൃദമ്ഭോജവികാസായ പ്രഥമേ പ്രാര്ഥ്യതേ ശുഭാ ।
തത്കൃപാസ്വീയഭക്താനാം തത്സ്വരൂപത്വസിദ്ധയേ ।
അത്രൈവ നിഷ്പ്രപഞ്ചത്വം ദിശ്യതേ ച പരാത്മനഃ ॥ ൮॥
അഹമിത്യഖിലസ്യാന്തര്ഭാനം യത് പരമാത്മനഃ ।
കരുണേത്യുച്യതേ സൈവ നാദ്വൈതേ വിക്രിയാ യതഃ ॥ ൯॥
കരുണായാഃ സ്വരൂപത്വമിഷ്ടം ന ഗുണതാ വിഭോഃ ।
ഉച്യതേ നിര്ഗുണത്വം ഹി വേദാന്തൈഃ പരമാത്മനഃ ॥ ൧൦॥
തയാ ഗൃഹീതാ യേ ഭക്താഃ പ്രേമിണോ വാ വിചാരിണഃ ।
സ്വരൂപാനുഭവസ്തേഷാം ധ്രുവോ ഹ്യജ്ഞാനനാശതഃ ॥ ൧൧॥
നിഷ്പ്രപഞ്ചകമദ്വൈതം തുര്യം സത്യമിതി സ്ഫുടമ് ।
ജഗത്കബലനസ്യോക്ത്യാ പൂര്വാര്ധേ ഗുരുണോച്യതേ ॥ ൧൨॥
അധിഷ്ഠാനതയാ തസ്യ വിശ്വസ്യാരോപിതത്വതഃ ।
സത്യത്വമസ്തി തസ്യൈവ ന തു വിശ്വസ്യ കര്ഹിചിത് ॥ ൧൩॥
കുരുതേ ഹ്യസദേവാസത് കരുണാ പരമാത്മനഃ ।
നാന്യത് കിഞ്ചന കര്തവ്യം സത്യ ആത്മാ സ ഏവ ഹി ॥ ൧൪॥
സംവിദ്ഭാനുരസാവാത്മാ യദ്ഭാസാ മായികം ജഗത് ।
നീയതേ നാശമത്യന്തം തമോ ഭാസാ യഥാ രവേഃ ॥ ൧൫॥
അസദേവ തമോ യദ്വത് സത്യവദ്ഗൃഹ്യതേഽബുധൈഃ ।
അസത്യൈവ തഥാ മായാ സകാര്യാ സത്യവന്മതാ ॥ ൧൬॥
യഥാഽസത്ത്വാത് തമോ ഭാസാ കബലീക്രിയതേ രവേഃ ।
സകാര്യാ ച തഥാ മായാ കബലീക്രിയതേ ചിതാ ॥ ൧൭॥
സ ഏവ ശിഷ്യതേ തുര്യേ ചിദാനന്ദോഽദ്വിതീയകഃ ।
ന ജീവോ ന ജഗത് കിഞ്ചിത് തദ്ദ്വയം ച മൃഷാ കില ॥ ൧൮॥
ദ്വിതീയശ്ലോകഃ
ത്വയ്യരുണാചല സര്വം
ഭൂത്വാ സ്ഥിത്വാ പ്രലീനമേതച്ചിത്രമ് ।
ഹൃദ്യഹമിത്യാത്മതയാ
നൃത്യസി ഭോസ്തേ വദന്തി ഹൃദയം നാമ ॥
ദ്വിതീയശ്ലോകാനുവാദഃ
ഉദേതി വര്തതേ പ്രലീയതേഽഖിലം ജഗച്ചലം
ത്വയി പ്രകാശവത്പടേ യഥൈവ ചിത്രസന്തതിഃ ।
അഹന്തയാഽഽത്മരൂപതോഽപി നൃത്യസി സ്വയം ഹൃദി
വദന്ത്യതോ ഹൃദാഖ്യകം ഭവന്തമേകകം പരമ്॥
വാര്ത്തികമ്
ബഹവഃ പ്രതിബധ്യന്തേ മന്വാനാഃ സദിദം ജഗത് ।
ആത്മനാശപദം കേചിദിദം മത്വാ ച ബിഭ്യതി ।
ശങ്കാദ്വയനിരാസായ ദ്വിതീയശ്ലോക ഈരിതഃ ॥ ൧൯॥
തടസ്ഥലക്ഷണം ചാത്ര ദിശ്യതേ പരമാത്മനഃ ।
സ്വരൂപലക്ഷണം ചാപി ശുദ്ധം ഭക്തിവിവൃദ്ധയേ ॥ ൨൦॥
സ്വതഃ സത്യം ജഗന്മത്വാ തസ്യാധിഷ്ഠാനമവ്യയമ് ।
ന പശ്യത്യവിവേകീതി തത്തത്ത്വമുപദിശ്യതേ ॥ ൨൧॥
ജീവേശൌ വിഷയാശ്ചേതി ത്രിതയം ജഗദാഖ്യകമ് ।
ആരോപിതമിദം സര്വമധിഷ്ഠാനേ ചിദാത്മനി ॥ ൨൨॥
സ്വരൂപം ജഗതഃ സത്യം സച്ചിദാത്മൈവ കേവലഃ ।
അതോഽന്വേഷേണ ലബ്ധവ്യോ വിഹായേദം സ ഏവ ഹി ॥ ൨൩॥
ദൃശ്യതേ ജഗദിത്യേതത് തത്സത്താം നൈവ സാധയേത് ।
അധിഷ്ഠാനം കിമപ്യസ്തീത്യേതദേവ ഹി സാധിതമ് ॥ ൨൪॥
പ്രതീയതേ യഥാ യദ്യത് തത് തഥേത്യപ്രമാണകമ് ।
വൈജ്ഞാനികജനൈശ്ചാപി സ്പഷ്ടമേതന്നിരൂപിതമ് ॥ ൨൫॥
ബഹിര്മുഖതയാ തേ തു ഭേദജ്ഞാനപരായണാഃ ।
ന സ്വം വേദിതുമിച്ഛന്തി ജ്ഞാനം തേഷാമതോ മൃഷാ ॥ ൨൬॥
സാക്ഷാത്കൃതമധിഷ്ഠാനം ജഗതോ യേന ബോധതഃ ।
പ്രമാണീകൃത്യ തദ്വാക്യം തഥാ നിഷ്ഠാം ലഭേമഹി ॥ ൨൭॥
അധിഷ്ഠാനസദദ്വൈതം നിര്വിശേഷം നിരംശകമ് ।
ജഗദ്രൂപതയാ ഭാതി മനോവ്യാപാരമാത്രതഃ ॥ ൨൮॥
മന ഏവ സ്വയം മായാ യാഽന്യഥാ കുരുതേ പരമ് ।
ജ്ഞായതാം തദിദം സ്പഷ്ടം സുപ്തൌ ജഗദഭാനതഃ ॥ ൨൯॥
ഉദേതി വര്തതേ തസ്മിന് ലീയതേ ചാഖിലം യതഃ ।
സ ഏവാത്മാ തതഃ സര്വം ജീവേശൌ വിഷയാ അപി ॥ ൩൦॥
മായാകാര്യമിദം യസ്മാത് കേവലോഽസാവവിക്രിയഃ ।
നാനേന ബാധ്യതേ കിഞ്ചിത് പടശ്ചിത്രാഗ്നിനാ യഥാ ॥ ൩൧॥
തദാഭാസമയം ചേദം സ ഏവ പരമാര്ഥതഃ ।
യദേവാദ്യന്തയോരേതന്മധ്യേ ചേദം തദേവ ഹി ॥ ൩൨॥
വിശ്വം വിവേകദൃഷ്ട്യൈവം സ്വാത്മനി പ്രവിലാപയേത് ।
പ്രവിലാപനദൃഷ്ട്യാ ഹി സ്വാന്വേഷണക്ഷമം മനഃ ॥ ൩൩॥
സ്വാന്വേഷണസ്യ ചാത്രൈവ പ്രകാര ഉപദിശ്യതേ ।
തേന സ്വരൂപേഽവസ്ഥാനം ജഗദ്ഭ്രമവിനാശതഃ ॥ ൩൪॥
തടസ്ഥലക്ഷണം ദിഷ്ടമേവം തസ്യ പരാത്മനഃ ।
സ്വരൂപലക്ഷണം ത്വത്ര സൂചിതം ചോപലക്ഷ്യതേ ॥ ൩൫॥
സ്വരൂപം തത് സ്ഫുടീകുര്വന് ശിവസ്യ പരമാത്മനഃ ।
തസ്യൈവാത്മത്വമസ്മാകം ദര്ശയത്യതിശോഭനമ് ॥ ൩൬॥
ആത്മത്വേനാഖിലസ്യാന്തരഹമിത്യനിശം സ്വയമ് ।
ഭാത്യസൌ നാന്യ ആത്മാഽസ്തി സ്വരൂപം തദിദം വിഭോഃ ॥ ൩൭॥
നൃത്യസീതി പദേനാത്ര ദിഷ്ടാഽഽനന്ദസ്വരൂപതാ ।
ആത്മഭൂതസ്യ തുര്യസ്യ തദസംസാരിതാഽഽത്മനഃ ॥ ൩൮॥
സ്വയൈവ മായയാ ദേവോ വിമോഹിത ഇവ സ്വയമ് ।
ഭ്രമതീവാത്ര സംസാരേ മായാഽസൌ ന തു വിദ്യതേ ॥ ൩൯॥
അര്ഥാദ്വ്യാവര്തനം ചാപി ദേഹാദീനാമനാത്മനാമ് ।
കൃതമേവേത്യതസ്തേഷു ജഹ്യാദാത്മത്വഭാവനാമ് ॥ ൪൦॥
സര്വേ വയം സ ഏവ സ്മോ ന ദേഹാ നാപി ദേഹിനഃ ।
നാജ്ഞാനം ന ച സംസാര ഇത്യേഷാ പരമാര്ഥതാ ॥ ൪൧॥
മനഃ കല്പയതേ ദേഹാന് ജീവാംശ്ച വിഷയാനഹോ ।
ജാഗ്രത്യപി യഥാ സ്വപ്നേ മായൈഷാ മന ഏവ ഹി ॥ ൪൨॥
ശുദ്ധചിദ്രൂപ ആത്മൈവ സത്യോ നാന്യസ്തതഃ ശിവഃ ।
ഏഷ വേദാന്തസിദ്ധാന്ത ഉക്തഃ സ്വീയാനുഭൂതിതഃ ॥ ൪൩॥
പ്രേഷ്ഠ ആത്മൈവ സര്വേഷാം തദര്ഥമിതരത് പ്രിയമ് ।
അത ആനന്ദരൂപത്വമാത്മനോ ഗമ്യതേ സ്ഫുടമ് ॥ ൪൪॥
തദാനന്ദകണാ ഏവ ഹ്യാനന്ദാ ലൌകികാഃ സ്മൃതാഃ ।
ആത്മലാഭസമോ നാസ്തീത്യത ഏവോച്യതേ ബുധൈഃ ॥ ൪൫॥
ബഹിര്മുഖത്വഹാനായ ദിശ്യതേ ഹൃദി തത്സ്ഥിതിഃ ।
അന്തര്മുഖതയാ ഹ്യേവ സാധനേ സമ്പ്രവര്തനമ് ॥ ൪൬॥
പരമാര്ഥതയാ ത്വേഷ പരമോ ഹൃദയം സ്വയമ് ।
സര്വാധാരസ്യ സത്യസ്യ മിഥ്യൈവാധാരകല്പനാ ॥ ൪൭॥
തൃതീയശ്ലോകഃ
അഹമിതി കുത ആയാതീ-
ത്യന്വിഷ്യാന്തഃ പ്രവിഷ്ടയാഽത്യമലധിയാ ।
അവഗമ്യ സ്വം രൂപം
ശാമ്യത്യരുണാചല ത്വയി നദീവാബ്ധൌ॥
തൃതീയശ്ലോകസ്യാനുവാദഃ
ഉദേത്യഹം കുതസ്സ ഏഷ ഇത്യതീവ ശുദ്ധയാ
ധിയാ ഹൃദി പ്രവിഷ്ടയാ വിമൃഗ്യ തത്ത്വമാത്മനഃ ।
അവൈതി ചേച്ചിദാത്മകം ഭവന്തമാത്മരൂപതോ
നദീവ സങ്ഗതാഽമ്ബുധിം ത്വയി പ്രശാന്തിമേതി ധീഃ॥
വാര്ത്തികമ്
ജ്ഞാത്വൈവമാത്മലാഭായ യതമാനസ്യ സിദ്ധയേ ।
ഋജുമാര്ഗസ്തൃതീയേന വിസ്പഷ്ടമുപദിശ്യതേ ॥ ൪൮॥
ആഭാസമാത്രോ ജീവോഽയം ചിജ്ജഡഗ്രന്ഥിരൂപകഃ ।
തച്ചിദംശനിദാനം തു ഭവത്യാത്മാ പരഃ സ്വയമ് ॥ ൪൯॥
ഹിത്വാ ജഡാംശം ദേഹാദി ശിഷ്ടാം ചൈതന്യരൂപിണീമ് ।
ശുദ്ധാഹന്താം സമാദായ തന്മൂലം സ്വം ഗവേഷയേത് ॥ ൫൦॥
നിമജ്ജേത് സലിലേ ലബ്ധും മഗ്നം വസ്തു യഥാ തഥാ ।
അഹന്താമൂലമന്വിഷ്യന് നിമജ്ജേത് സാധകോ ഹൃദി ॥ ൫൧॥
സ്വാമിനോ ഗന്ധമാദായ യഥാ ശ്വാ തം ഗവേഷയേത് ।
ശുദ്ധാഹന്താം തഥാഽഽദായ ധീഃ സ്വമൂലം ഗവേഷയേത് ॥ ൫൨॥
ഗവേഷണേ സ്ഥിരീഭൂതം മനോ വിശതി ഹൃദ്ഗുഹാമ് ।
തദാ ഭായാത് സ്വഭാസാഽഽത്മാ ശാമ്യേദപി മനോഽന്തതഃ ॥ ൫൩॥
മനോനാശാദപാര്ഥക്യം സ്വതഃ സിദ്ധം പ്രകാശതേ ।
മനഃകൃതോ ഹി ഭേദോഽയം ദ്വയോര്ബ്രഹ്മാത്മനോരിഹ ॥ ൫൪॥
ഇദമന്വേഷണാത് സ്വസ്യ തത്ത്വസ്യ ഹൃദി മജ്ജനമ് ।
സാധനം പരമം മുക്തേര്വിചാര ഇതി ചോച്യതേ ॥ ൫൫॥
അത്യന്ത്യൈക്യമനാവൃത്തിം ദര്ശയിഷ്യന്നതോ ഗുരുഃ ।
നദീം ദൃഷ്ടാന്തയത്യബ്ധിം ഗത്വാ തദ്രൂപതാം ഗതാമ് ॥ ൫൬॥
ആത്മാനുഭൂതിരേഷൈവ മുക്തിരിത്യഭിധീയതേ ।
സത്യാ സ്ഥിതിഃ പരം ധാമ കൈവല്യം സഹജാ സ്ഥിതിഃ ॥ ൫൭॥
സ്വജ്ഞാനമമൃതത്വം ച മൌനം നിര്ഭയതേത്യുത ।
സ്ഥിതിമേതാം പരാം തുര്യാം ശംസന്തി ബഹുധാ ബുധാഃ ॥ ൫൮॥
ആത്മാ തു ജ്ഞേയതാം നൈതി തുര്യേ ജ്ഞാതാഽപി നാസ്തി ഹി ।
ജ്ഞാനാജ്ഞാനവിനിര്മുക്ത ആത്മാ ജ്ഞാനസ്വരൂപകഃ ॥ ൫൯॥
ജ്ഞേയജ്ഞാതൃവിഹിനോഽസാവാത്മാ ഭവതി കേവലഃ ।
അനാത്മന്യാത്മധീനാശഃ സ്വാത്മജ്ഞാനമിതീര്യതേ ॥ ൬൦॥
നഷ്ടം യസ്യ വിചാരേണ മനോ ഹൃദി നിമജ്ജനാത് ।
ആത്മൈവ സ ഹി നാത്മജ്ഞോ ബ്രഹ്മൈവ ബ്രഹ്മവിന്നഹി ॥ ൬൧॥
ബ്രഹ്മബ്രഹ്മജ്ഞയോര്ഭേദം മന്വാനഃ പാരമാര്ഥികമ് ।
മിഥ്യാഗ്രഹേണ തേനൈവ പ്രതിബധ്യേത സാധകഃ ॥ ൬൨॥
ജ്ഞാനാദ്വിമുക്തിരിത്യുക്തേര്ജ്ഞാനമിത്യര്ഥ ഏവ ഹി ।
ന ജ്ഞാനം കാരണം മുക്തേര്മുക്തിര്ജ്ഞാനഫലം ച ന ॥ ൬൩॥
ആത്മനഃ സഹജാ മുക്തിഃ സ്വരൂപം ജ്ഞാനമാത്മനഃ ।
സ മുക്തിര്നിത്യസിദ്ധൈവ സ്വയമേവ സ്വകാരണമ് ।
വ്യാവഹാരികദൃഷ്ട്യാ തു ജ്ഞാനാന്മുക്തിരിതീര്യതേ ॥ ൬൪॥
ന വക്തും നാപി മന്തും വാ ശക്യമേതത് പരം പദമ് ।
മൌനവ്യാഖ്യാനനിര്ദേശ്യം വേദ്യം ച സ്വാനുഭൂതിതഃ ॥ ൬൫॥
ന വക്താ ന ച മന്താ വാ തത്ര കശ്ചന ശിഷ്യതേ ।
അത ഏതത് പദം തുര്യം മൌനമിത്യഭിധീയതേ ॥ ൬൬॥
വാചോഽപി മനസാ സാകം നിവര്തന്തേ യതോഽദ്വയാത് ।
അനുഭൂയ തമാനന്ദം ന ബിഭേതി കുതശ്ചന ॥ ൬൭॥
യത്രാസ്തി ഭേദവിജ്ഞാനം നാഭീതിസ്തത്ര കര്ഹിചിത് ।
ഇതി ച ശ്രൂയതേ യസ്മാത് തുര്യമേവാഭയം പദമ് ॥ ൬൮॥
സ്വസ്വരൂപപരിജ്ഞാനാത് കഥമൈക്യം പരാത്മനാ ।
ഇതി പ്രശ്നോ നിരാധാര ഐക്യം സ്വാഭാവികം യതഃ ॥ ൬൯॥
അത്രോക്തേന വിചാരേണ ലഭ്യൈഷാ പരമാ ഗതിഃ ।
നാന്യഥാ ലഭ്യതേ സേയമിതി വേദാന്തനിര്ണയഃ ॥ ൭൦॥
ഇഹ ദിഷ്ടഃ സ ഏവാര്ഥോ നദീദൃഷ്ടാന്തയോജനാത് ।
അന്യത്രാനേകധാ ചാപി സ്പഷ്ടം ഭഗവതാ സതാമ് ॥ ൭൧॥
നോപാസനേന യോഗേന പുണ്യൈര്വാഽപി ച കര്മഭിഃ ।
ലഭ്യേതേദം പദം തുര്യമിത്യേവം ച പ്രദര്ശിതമ് ॥ ൭൨॥
മിഥ്യേയം ജീവതാ യാവന്ന ലുപ്യേത വിചാരണാത് ।
താവത് സംസാരനിര്മോക്ഷോ ന ഭവേത് കില ദേഹിനാമ് ॥ ൭൩॥
ജീവത്വമാദിമോ ധര്മഃ കര്തൃത്വാദ്യാസ്തദാശ്രയാഃ ।
ജീവതാഽഽരോപിതാ പൂര്വം കര്തൃത്വാദ്യാസ്തതഃ പരമ് ।
ജീവത്വനാശേ സര്വേഷാം നാശോഽതഃ സഹജാ സ്ഥിതിഃ ॥ ൭൪॥
സര്വധര്മപരിത്യാഗോ യോ ഗീതാസു വിധീയതേ ।
കര്തൃത്വാദികഹാനം സ ജീവത്വത്യാഗപൂര്വകമ് ॥ ൭൫॥
സര്വധര്മപരിത്യാഗോ ജീവത്വത്യാഗ ഏവ ഹി ।
അത്യാഗേ ജീവതായാസ്തു ത്യക്തോ ധര്മോ ന കശ്ചന ॥ ൭൬॥
ഇത്യൌപനിഷദം സ്വാസ്ഥ്യം പരമം പദമവ്യയമ് ।
അത്രോപദിഷ്ടം ദ്രഷ്ടവ്യമദ്വൈതം തുര്യനാമകമ് ॥ ൭൭॥
ഋജുമാര്ഗമിമം ഹിത്വാ ചരന്ത്യന്യപഥാ തു യേ ।
കാലേന പരമം ധാമ യാന്തി തേ ഹൃന്നിമജ്ജനാത് ॥ ൭൮॥
ചതുര്ഥശ്ലോകഃ
ത്യക്ത്വാ വിഷയം ബാഹ്യം
രുദ്ധപ്രാണേന രുദ്ധമനസാഽന്തസ്ത്വാമ് ।
ധ്യായന്പശ്യതി യോഗീ
ദീധിതിമരുണാചല ത്വയി മഹീയം തേ॥
ചതുര്ഥശ്ലോകസ്യാനുവാദഃ
വിഹായ ബാഹ്യവസ്തു വായുരോധനാന്മനോ ഹഠാ-
ന്നിരുധ്യ യോഗഗസ്സ്മരന് ഭവന്തമേവ സര്വദാ ।
മഹിമ്നി ലീനധീഃ പ്രഭേ ക്ഷണേന മോദതേ ഭൃശം
അഥോത്ഥിതസ്സ വാസനേന ചേതസാ തു സംസരേത്॥
വാര്ത്തികമ്
ശിഷ്യേതേ യതമാനൌ ദ്വൌ യോഗീ പ്രേമീ പരാത്മനി ।
ചതുര്ഥേ യോഗിനം വക്തി പ്രേമിണം പഞ്ചമേ ഗുരുഃ ॥ ൭൯॥
തത്ര യോഗീ ഹഠാദ്രുദ്ധ്വാ പ്രാണായാമേന മാനസമ് ।
ചിജ്ജ്യോതിര്വീക്ഷണം ലബ്ധ്വാ തദാനീം മോദതേ ഭൃശമ് ॥ ൮൦॥
മനോരോധോ ഹഠാത് സിദ്ധോ ന സ്ഥിരോ ഭവിതാ ക്വചിത് ।
ലീനമേവ മനസ്തിഷ്ഠേത് സവാസനമഥോദിയാത് ॥ ൮൧॥
മനോനാശേന മുക്തിര്ഹി ന ലയേന കദാചന ।
ലീനം ഹി പുനരായാതി നഷ്ടം നൈവോദിയാത് പുനഃ ।
അനാശാന്മനസോ യോഗീ ജീവത്വം ന ജഹാതി ഹി ॥ ൮൨॥
സ്ഫുടീകര്തുമിമം ഭേദം മനസോ ലയനാശയോഃ ।
ഗുരുര്വക്തി പുരാവൃത്താം കഥാം കസ്യാപി യോഗിനഃ ॥ ൮൩॥
സമാധേര്വ്യുത്ഥിതോ യോഗീ പിപാസാര്ദിതമാനസഃ ।
ശിഷ്യമാദിശ്യ തീര്ഥായ സമാധിം പ്രാവിശത് പുനഃ ॥ ൮൪॥
യയുഃ ശതാനി വര്ഷാണാം വ്യുത്ഥിതോഽഭൂത് തതഃ പരമ് ।
ജലാഥപ്രേഷിതം ശിഷ്യം വേഗേനാഥ സ്മരംസ്തദാ ।
ഉവാചോച്ചൈശ്ച ഭോസ്തീര്ഥം കിമാനീതം ത്വയേത്യസൌ ॥ ൮൫॥
പിപാസാവാസനായുക്തം മനോ ലീനം ഹ്യഭൂച്ചിരമ് ।
ഉദിയായ ച വേഗേന സമാധേര്വ്യുത്ഥിതസ്യ ഹി ।
അനാശാന്മനസോ ഹ്യേവം വേഗേന സ്മൃതിരുദ്ഗതാ ॥ ൮൬॥
മഹിമ്നി രമതേ യോഗീ ന സ്വരൂപം പ്രപദ്യതേ ।
ഇത്യുക്ത്യാ യോഗിനോ ഭോഗോ ദിശ്യതേ ന തു മോക്ഷണമ് ॥ ൮൭॥
അല്പമപ്യന്തരം കൃത്വാ ഭയമേതീതി ച ശ്രുതേഃ ।
നാഭയം വിന്ദതേ യോഗീത്യയമര്ഥോ നിരൂപിതഃ ॥ ൮൮॥
വിനാ വിവേകമത്രോക്തം സ്വശക്ത്യാ ച ഹഠേന ച ।
യതമാനോ ഹി ദിഷ്ടോഽത്ര ന തു സര്വോഽപി യോഗഗഃ ॥ ൮൯॥
യാവന്ന സജ്ജതേ സോഽയം വിചാരേഽഹങ്കൃതിം ത്യജന് ।
പരം വാ ശരണം യാതി താവന്നായം വിമുച്യതേ ॥ ൯൦॥
വാര്ത്തികമ്
അതോ വിശിഷ്യതേ പ്രേമീ തദര്പിതമനാഃ സദാ ।
വിസ്മൃത്യ സ്വം ച തത്പ്രേമ്ണാ വീക്ഷതേ തന്മയം ജഗത് ॥ ൯൧॥
" യോ മാം പശ്യതി സര്വത്ര സര്വം ച മയി പശ്യതി ।
തസ്യാഹം ന പ്രണശ്യാമി സ ച മേ ന പ്രണശ്യതി " ॥ ൯൨॥
" യോഗിനാമപി സര്വേഷാം മദ്ഗതേനാന്തരാത്മനാ ।
ശ്രദ്ധാവാന് ഭജതേ യോ മാം സ മേ യുക്തതമോ മതഃ "॥
ഇതി ഗീതാസു സന്ദിഷ്ടം പാരമ്യം പ്രേമിണഃ കില ॥ ൯൩॥
പശ്യംസ്തം സ സദാ പ്രേഷ്ഠം തദാനന്ദേ നിമഗ്നധീഃ ।
മുക്തപ്രായോ ഹ്യസൌ കാലാന്മുക്തിമാത്യന്തികീം വ്രജേത് ॥ ൯൪॥
ഭക്തിയോഗേന ലഭ്യേത പരസ്മിന് പ്രേമ ശോഭനമ് ।
ഉക്താ ഭാഗവതേ ഭക്തിര്നവധാ ശ്രവണാദികാ ।
പ്രപത്തിര്നവമാ തത്തു പരസ്മൈ സ്വനിവേദനമ് ॥ ൯൫॥
" ദൈവീ ഹ്യേഷാ ഗുണമയീ മമ മായാ ദുരത്യയാ ।
മാമേവ യേ പ്രപദ്യന്തേ മായാമേതാം തരന്തി തേ "॥
ഇത്യുപായഃ പ്രപത്തിര്ഹി മായാമോക്ഷായ ദിശ്യതേ ॥ ൯൬॥
മായയാ വിഷയേഷ്വേവ പ്രീതിഃ സഞ്ജായതേ നൃണാമ് ।
പ്രപന്നോ മായയാ മുക്തഃ പരസ്മിന് പ്രേമവാന് ഭവേത് ॥ ൯൭॥
അതഃ പരസ്മിന് കര്തവ്യാ ഭക്തിഃ പരമശോഭനാ ।
ആത്മത്വേന പൃഥക്ത്വേന കഥഞ്ചിത് പരമം ഭജേത് ॥ ൯൮॥
ഭജനാത് പ്രേമ്ണി സഞ്ജാതേ പാര്ഥക്യം സ്രംസതേ ചിരാത് ।
അഭേദഃ ശിഷ്യതേ സത്യ ഏവം ഭക്തഃ കൃതീ ഭവേത് ॥ ൯൯॥
പ്രേമവാഞ്ജയതീത്യുക്ത്യാ യോഗിഭ്യോഽസൌ വിശിഷ്യതേ ।
അതോ വിചാരേ നോ ചേദ്ധീരിച്ഛേത് പ്രേമ്ണാഽഽപ്തുമീശ്വരമ് ॥ ൧൦൦॥
സ്തോത്രസമുദായാര്ഥഃ
" ന ഹി ജ്ഞാനേന സദൃശം പവിത്രമിഹ വിദ്യതേ " ।
ഇതി പൂര്വോക്തമേവാര്ഥമിവ ദര്ശയതി സ്വയമ് ॥ ൧൦൧॥
വൃദ്ധ ഇത്യുച്യതേ ജ്ഞാനീ പ്രേമീ ബാല ഇതീര്യതേ ।
അഹങ്കാരപരീതാത്മാ യോഗീ പ്രോക്തോ യുവേതി ച ॥ ൧൦൨॥
അത്ര യൌവനമേവാദ്യം തതോ ബാലത്വവൃദ്ധതേ ।
സാഹങ്കാരത്വമേവാദൌ നിരഹങ്കാരതാ പരാ ।
യോഗാദ്ഭക്തിസ്തതഃ പ്രേമ തതോ ജ്ഞാനമിതി ക്രമഃ ॥ ൧൦൩॥
ഉത്തമോ ഭവതി ജ്ഞാനീ നികൃഷ്ടോ യോഗതത്പരഃ ।
മധ്യമോ ഭവതി പ്രേമീ തേഷാമേവം ഭിദാ മതാ ॥ ൧൦൪॥
മോക്ഷകാരണസാമഗ്ര്യാം ഭക്തിരേവ ഗരീയസീ ।
ഭക്തിപ്രകാരേ സര്വസ്മിന് വിചാരഃ പരമോത്തമഃ ॥ ൧൦൫॥
വിചാരേണാന്നതാം യാതി പരമസ്യ സ്വയം ഹൃദി ।
വിചാരീ പരമോ ഭക്തോ ജ്ഞാത്വൈവം സ്വം വിചാരയന് ॥ ൧൦൬॥
വിചാരേണൈവ സമ്പൂര്ണം പരസ്മൈ സ്വനിവേദനമ് ।
വിചാരേണാന്നതാമേത്യ ന തതോ ഭിദ്യതേ യതഃ ॥ ൧൦൭॥
മങ്ഗലമ്
ഈശ്വരോ ഗുരുരാത്മേതി മൂര്തിഭേദവിഭാഗിനേ ।
പരസ്മൈ രമണാഖ്യായ പഞ്ചരത്നകൃതേ നമഃ ॥ ൧൦൮॥
ഇതി ശിവമ്
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
ഏതദ് രമണ മഹര്ഷേര്ദര്ശനമരുണാചലസ്യ ദേവഗിരാ ।
പഞ്ചകമാര്യാഗീതൌ രത്നം ത്വിദമൌപനിഷദം ഹി ॥
ഇതി ശ്രീ പാരാശര്യസ്യ ഭഗവതോ മഹര്ഷേരാചാര്യ
രമണസ്യ ദര്ശനമരുണാചലപഞ്ചരത്നമ് ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ത്oday
http://sanskritdocuments.org
മങ്ഗലമ്
സച്ചിന്മാത്രസ്വഭാവായ നിത്യമുക്തായ ശമ്ഭവേ ।
രമണായാത്മനാഥായ നമോ ഭഗവതേ സദാ ॥ ൧॥
ഗ്രന്ഥാവതരണമ്
തേനാരുണാചലാഖ്യസ്യ സ്വസ്വരൂപസ്യ പഞ്ചഭിഃ ।
ശ്ലോകൈഃ കൃതാ നുതിസ്തസ്യാഃ ക്രിയതേ ലഘുവാര്ത്തികമ് ॥ ൨॥
മാണ്ഡൂക്യോദിതമദ്വൈതം തുര്യാഖ്യം നിഷ്പ്രപഞ്ചകമ് ।
സസാധനം സ്തുതാവസ്യാമാത്മതത്ത്വം പ്രപഞ്ച്യതേ ॥ ൩॥
പ്രാമാണ്യം യുജ്യതേ ഹ്യസ്യ യതോ വക്ത്യത്ര സദ്ഗുരുഃ ।
നിത്യാനുഭൂതമാത്മീയം തത്ത്വം ശിവമനാമയമ് ॥ ൪॥
വേദേന ഗുരുവാക്യാനാം പ്രാമാണ്യം മന്യതാം ജനഃ ।
മന്യാമഹേ തു വേദാനാം പ്രാമാണ്യം ഗുരുവാക്യതഃ ॥ ൫॥
സ്വസ്വരൂപേ തുരീയാഖ്യേ സ്ഥിതോ യസ്സ ഭവേദ്ഗുരുഃ ।
ഉപദേശസ്തദീയോ യസ്സാ സ്യാദുപനിഷത്പരാ ॥ ൬॥
വിഹായ പ്രായശോ വാദാന് പ്രാമാണ്യാദ്വചസാം ഗുരോഃ ।
സിദ്ധാന്താ ഏവ സങ്ഗൃഹ്യ ദീയന്തേ ഹ്യത്ര വാര്ത്തികേ ॥ ൭॥
പ്രഥമശ്ലോകഃ
കരുണാപൂര്ണസുധാബ്ധേ
കബലിതഘനവിശ്വരൂപ കിരണാവല്യാ ।
അരുണാചലപരമാത്മ-
ന്നരുണോ ഭവ ചിത്തകഞ്ജസുവികാസായ ॥
പ്രഥമശ്ലോകസ്യാനുവാദഃ
കൃപാസുധാമ്ബുധേഽരുണാചല പ്രബോധഭാസ്കര
സ്വചിത്സ്വരൂപതേജസാ നിഗീര്ണസര്വലോകക ।
ഹൃദമ്ബുജാതകോശകപ്രഫുല്ലതാവിധായിനീം
പ്രഭാം നിജാം പ്രസാര്യ ഭോസ്തമോ വിനാശയാന്തരമ് ॥
വാര്ത്തികമ്
ഹൃദമ്ഭോജവികാസായ പ്രഥമേ പ്രാര്ഥ്യതേ ശുഭാ ।
തത്കൃപാസ്വീയഭക്താനാം തത്സ്വരൂപത്വസിദ്ധയേ ।
അത്രൈവ നിഷ്പ്രപഞ്ചത്വം ദിശ്യതേ ച പരാത്മനഃ ॥ ൮॥
അഹമിത്യഖിലസ്യാന്തര്ഭാനം യത് പരമാത്മനഃ ।
കരുണേത്യുച്യതേ സൈവ നാദ്വൈതേ വിക്രിയാ യതഃ ॥ ൯॥
കരുണായാഃ സ്വരൂപത്വമിഷ്ടം ന ഗുണതാ വിഭോഃ ।
ഉച്യതേ നിര്ഗുണത്വം ഹി വേദാന്തൈഃ പരമാത്മനഃ ॥ ൧൦॥
തയാ ഗൃഹീതാ യേ ഭക്താഃ പ്രേമിണോ വാ വിചാരിണഃ ।
സ്വരൂപാനുഭവസ്തേഷാം ധ്രുവോ ഹ്യജ്ഞാനനാശതഃ ॥ ൧൧॥
നിഷ്പ്രപഞ്ചകമദ്വൈതം തുര്യം സത്യമിതി സ്ഫുടമ് ।
ജഗത്കബലനസ്യോക്ത്യാ പൂര്വാര്ധേ ഗുരുണോച്യതേ ॥ ൧൨॥
അധിഷ്ഠാനതയാ തസ്യ വിശ്വസ്യാരോപിതത്വതഃ ।
സത്യത്വമസ്തി തസ്യൈവ ന തു വിശ്വസ്യ കര്ഹിചിത് ॥ ൧൩॥
കുരുതേ ഹ്യസദേവാസത് കരുണാ പരമാത്മനഃ ।
നാന്യത് കിഞ്ചന കര്തവ്യം സത്യ ആത്മാ സ ഏവ ഹി ॥ ൧൪॥
സംവിദ്ഭാനുരസാവാത്മാ യദ്ഭാസാ മായികം ജഗത് ।
നീയതേ നാശമത്യന്തം തമോ ഭാസാ യഥാ രവേഃ ॥ ൧൫॥
അസദേവ തമോ യദ്വത് സത്യവദ്ഗൃഹ്യതേഽബുധൈഃ ।
അസത്യൈവ തഥാ മായാ സകാര്യാ സത്യവന്മതാ ॥ ൧൬॥
യഥാഽസത്ത്വാത് തമോ ഭാസാ കബലീക്രിയതേ രവേഃ ।
സകാര്യാ ച തഥാ മായാ കബലീക്രിയതേ ചിതാ ॥ ൧൭॥
സ ഏവ ശിഷ്യതേ തുര്യേ ചിദാനന്ദോഽദ്വിതീയകഃ ।
ന ജീവോ ന ജഗത് കിഞ്ചിത് തദ്ദ്വയം ച മൃഷാ കില ॥ ൧൮॥
ദ്വിതീയശ്ലോകഃ
ത്വയ്യരുണാചല സര്വം
ഭൂത്വാ സ്ഥിത്വാ പ്രലീനമേതച്ചിത്രമ് ।
ഹൃദ്യഹമിത്യാത്മതയാ
നൃത്യസി ഭോസ്തേ വദന്തി ഹൃദയം നാമ ॥
ദ്വിതീയശ്ലോകാനുവാദഃ
ഉദേതി വര്തതേ പ്രലീയതേഽഖിലം ജഗച്ചലം
ത്വയി പ്രകാശവത്പടേ യഥൈവ ചിത്രസന്തതിഃ ।
അഹന്തയാഽഽത്മരൂപതോഽപി നൃത്യസി സ്വയം ഹൃദി
വദന്ത്യതോ ഹൃദാഖ്യകം ഭവന്തമേകകം പരമ്॥
വാര്ത്തികമ്
ബഹവഃ പ്രതിബധ്യന്തേ മന്വാനാഃ സദിദം ജഗത് ।
ആത്മനാശപദം കേചിദിദം മത്വാ ച ബിഭ്യതി ।
ശങ്കാദ്വയനിരാസായ ദ്വിതീയശ്ലോക ഈരിതഃ ॥ ൧൯॥
തടസ്ഥലക്ഷണം ചാത്ര ദിശ്യതേ പരമാത്മനഃ ।
സ്വരൂപലക്ഷണം ചാപി ശുദ്ധം ഭക്തിവിവൃദ്ധയേ ॥ ൨൦॥
സ്വതഃ സത്യം ജഗന്മത്വാ തസ്യാധിഷ്ഠാനമവ്യയമ് ।
ന പശ്യത്യവിവേകീതി തത്തത്ത്വമുപദിശ്യതേ ॥ ൨൧॥
ജീവേശൌ വിഷയാശ്ചേതി ത്രിതയം ജഗദാഖ്യകമ് ।
ആരോപിതമിദം സര്വമധിഷ്ഠാനേ ചിദാത്മനി ॥ ൨൨॥
സ്വരൂപം ജഗതഃ സത്യം സച്ചിദാത്മൈവ കേവലഃ ।
അതോഽന്വേഷേണ ലബ്ധവ്യോ വിഹായേദം സ ഏവ ഹി ॥ ൨൩॥
ദൃശ്യതേ ജഗദിത്യേതത് തത്സത്താം നൈവ സാധയേത് ।
അധിഷ്ഠാനം കിമപ്യസ്തീത്യേതദേവ ഹി സാധിതമ് ॥ ൨൪॥
പ്രതീയതേ യഥാ യദ്യത് തത് തഥേത്യപ്രമാണകമ് ।
വൈജ്ഞാനികജനൈശ്ചാപി സ്പഷ്ടമേതന്നിരൂപിതമ് ॥ ൨൫॥
ബഹിര്മുഖതയാ തേ തു ഭേദജ്ഞാനപരായണാഃ ।
ന സ്വം വേദിതുമിച്ഛന്തി ജ്ഞാനം തേഷാമതോ മൃഷാ ॥ ൨൬॥
സാക്ഷാത്കൃതമധിഷ്ഠാനം ജഗതോ യേന ബോധതഃ ।
പ്രമാണീകൃത്യ തദ്വാക്യം തഥാ നിഷ്ഠാം ലഭേമഹി ॥ ൨൭॥
അധിഷ്ഠാനസദദ്വൈതം നിര്വിശേഷം നിരംശകമ് ।
ജഗദ്രൂപതയാ ഭാതി മനോവ്യാപാരമാത്രതഃ ॥ ൨൮॥
മന ഏവ സ്വയം മായാ യാഽന്യഥാ കുരുതേ പരമ് ।
ജ്ഞായതാം തദിദം സ്പഷ്ടം സുപ്തൌ ജഗദഭാനതഃ ॥ ൨൯॥
ഉദേതി വര്തതേ തസ്മിന് ലീയതേ ചാഖിലം യതഃ ।
സ ഏവാത്മാ തതഃ സര്വം ജീവേശൌ വിഷയാ അപി ॥ ൩൦॥
മായാകാര്യമിദം യസ്മാത് കേവലോഽസാവവിക്രിയഃ ।
നാനേന ബാധ്യതേ കിഞ്ചിത് പടശ്ചിത്രാഗ്നിനാ യഥാ ॥ ൩൧॥
തദാഭാസമയം ചേദം സ ഏവ പരമാര്ഥതഃ ।
യദേവാദ്യന്തയോരേതന്മധ്യേ ചേദം തദേവ ഹി ॥ ൩൨॥
വിശ്വം വിവേകദൃഷ്ട്യൈവം സ്വാത്മനി പ്രവിലാപയേത് ।
പ്രവിലാപനദൃഷ്ട്യാ ഹി സ്വാന്വേഷണക്ഷമം മനഃ ॥ ൩൩॥
സ്വാന്വേഷണസ്യ ചാത്രൈവ പ്രകാര ഉപദിശ്യതേ ।
തേന സ്വരൂപേഽവസ്ഥാനം ജഗദ്ഭ്രമവിനാശതഃ ॥ ൩൪॥
തടസ്ഥലക്ഷണം ദിഷ്ടമേവം തസ്യ പരാത്മനഃ ।
സ്വരൂപലക്ഷണം ത്വത്ര സൂചിതം ചോപലക്ഷ്യതേ ॥ ൩൫॥
സ്വരൂപം തത് സ്ഫുടീകുര്വന് ശിവസ്യ പരമാത്മനഃ ।
തസ്യൈവാത്മത്വമസ്മാകം ദര്ശയത്യതിശോഭനമ് ॥ ൩൬॥
ആത്മത്വേനാഖിലസ്യാന്തരഹമിത്യനിശം സ്വയമ് ।
ഭാത്യസൌ നാന്യ ആത്മാഽസ്തി സ്വരൂപം തദിദം വിഭോഃ ॥ ൩൭॥
നൃത്യസീതി പദേനാത്ര ദിഷ്ടാഽഽനന്ദസ്വരൂപതാ ।
ആത്മഭൂതസ്യ തുര്യസ്യ തദസംസാരിതാഽഽത്മനഃ ॥ ൩൮॥
സ്വയൈവ മായയാ ദേവോ വിമോഹിത ഇവ സ്വയമ് ।
ഭ്രമതീവാത്ര സംസാരേ മായാഽസൌ ന തു വിദ്യതേ ॥ ൩൯॥
അര്ഥാദ്വ്യാവര്തനം ചാപി ദേഹാദീനാമനാത്മനാമ് ।
കൃതമേവേത്യതസ്തേഷു ജഹ്യാദാത്മത്വഭാവനാമ് ॥ ൪൦॥
സര്വേ വയം സ ഏവ സ്മോ ന ദേഹാ നാപി ദേഹിനഃ ।
നാജ്ഞാനം ന ച സംസാര ഇത്യേഷാ പരമാര്ഥതാ ॥ ൪൧॥
മനഃ കല്പയതേ ദേഹാന് ജീവാംശ്ച വിഷയാനഹോ ।
ജാഗ്രത്യപി യഥാ സ്വപ്നേ മായൈഷാ മന ഏവ ഹി ॥ ൪൨॥
ശുദ്ധചിദ്രൂപ ആത്മൈവ സത്യോ നാന്യസ്തതഃ ശിവഃ ।
ഏഷ വേദാന്തസിദ്ധാന്ത ഉക്തഃ സ്വീയാനുഭൂതിതഃ ॥ ൪൩॥
പ്രേഷ്ഠ ആത്മൈവ സര്വേഷാം തദര്ഥമിതരത് പ്രിയമ് ।
അത ആനന്ദരൂപത്വമാത്മനോ ഗമ്യതേ സ്ഫുടമ് ॥ ൪൪॥
തദാനന്ദകണാ ഏവ ഹ്യാനന്ദാ ലൌകികാഃ സ്മൃതാഃ ।
ആത്മലാഭസമോ നാസ്തീത്യത ഏവോച്യതേ ബുധൈഃ ॥ ൪൫॥
ബഹിര്മുഖത്വഹാനായ ദിശ്യതേ ഹൃദി തത്സ്ഥിതിഃ ।
അന്തര്മുഖതയാ ഹ്യേവ സാധനേ സമ്പ്രവര്തനമ് ॥ ൪൬॥
പരമാര്ഥതയാ ത്വേഷ പരമോ ഹൃദയം സ്വയമ് ।
സര്വാധാരസ്യ സത്യസ്യ മിഥ്യൈവാധാരകല്പനാ ॥ ൪൭॥
തൃതീയശ്ലോകഃ
അഹമിതി കുത ആയാതീ-
ത്യന്വിഷ്യാന്തഃ പ്രവിഷ്ടയാഽത്യമലധിയാ ।
അവഗമ്യ സ്വം രൂപം
ശാമ്യത്യരുണാചല ത്വയി നദീവാബ്ധൌ॥
തൃതീയശ്ലോകസ്യാനുവാദഃ
ഉദേത്യഹം കുതസ്സ ഏഷ ഇത്യതീവ ശുദ്ധയാ
ധിയാ ഹൃദി പ്രവിഷ്ടയാ വിമൃഗ്യ തത്ത്വമാത്മനഃ ।
അവൈതി ചേച്ചിദാത്മകം ഭവന്തമാത്മരൂപതോ
നദീവ സങ്ഗതാഽമ്ബുധിം ത്വയി പ്രശാന്തിമേതി ധീഃ॥
വാര്ത്തികമ്
ജ്ഞാത്വൈവമാത്മലാഭായ യതമാനസ്യ സിദ്ധയേ ।
ഋജുമാര്ഗസ്തൃതീയേന വിസ്പഷ്ടമുപദിശ്യതേ ॥ ൪൮॥
ആഭാസമാത്രോ ജീവോഽയം ചിജ്ജഡഗ്രന്ഥിരൂപകഃ ।
തച്ചിദംശനിദാനം തു ഭവത്യാത്മാ പരഃ സ്വയമ് ॥ ൪൯॥
ഹിത്വാ ജഡാംശം ദേഹാദി ശിഷ്ടാം ചൈതന്യരൂപിണീമ് ।
ശുദ്ധാഹന്താം സമാദായ തന്മൂലം സ്വം ഗവേഷയേത് ॥ ൫൦॥
നിമജ്ജേത് സലിലേ ലബ്ധും മഗ്നം വസ്തു യഥാ തഥാ ।
അഹന്താമൂലമന്വിഷ്യന് നിമജ്ജേത് സാധകോ ഹൃദി ॥ ൫൧॥
സ്വാമിനോ ഗന്ധമാദായ യഥാ ശ്വാ തം ഗവേഷയേത് ।
ശുദ്ധാഹന്താം തഥാഽഽദായ ധീഃ സ്വമൂലം ഗവേഷയേത് ॥ ൫൨॥
ഗവേഷണേ സ്ഥിരീഭൂതം മനോ വിശതി ഹൃദ്ഗുഹാമ് ।
തദാ ഭായാത് സ്വഭാസാഽഽത്മാ ശാമ്യേദപി മനോഽന്തതഃ ॥ ൫൩॥
മനോനാശാദപാര്ഥക്യം സ്വതഃ സിദ്ധം പ്രകാശതേ ।
മനഃകൃതോ ഹി ഭേദോഽയം ദ്വയോര്ബ്രഹ്മാത്മനോരിഹ ॥ ൫൪॥
ഇദമന്വേഷണാത് സ്വസ്യ തത്ത്വസ്യ ഹൃദി മജ്ജനമ് ।
സാധനം പരമം മുക്തേര്വിചാര ഇതി ചോച്യതേ ॥ ൫൫॥
അത്യന്ത്യൈക്യമനാവൃത്തിം ദര്ശയിഷ്യന്നതോ ഗുരുഃ ।
നദീം ദൃഷ്ടാന്തയത്യബ്ധിം ഗത്വാ തദ്രൂപതാം ഗതാമ് ॥ ൫൬॥
ആത്മാനുഭൂതിരേഷൈവ മുക്തിരിത്യഭിധീയതേ ।
സത്യാ സ്ഥിതിഃ പരം ധാമ കൈവല്യം സഹജാ സ്ഥിതിഃ ॥ ൫൭॥
സ്വജ്ഞാനമമൃതത്വം ച മൌനം നിര്ഭയതേത്യുത ।
സ്ഥിതിമേതാം പരാം തുര്യാം ശംസന്തി ബഹുധാ ബുധാഃ ॥ ൫൮॥
ആത്മാ തു ജ്ഞേയതാം നൈതി തുര്യേ ജ്ഞാതാഽപി നാസ്തി ഹി ।
ജ്ഞാനാജ്ഞാനവിനിര്മുക്ത ആത്മാ ജ്ഞാനസ്വരൂപകഃ ॥ ൫൯॥
ജ്ഞേയജ്ഞാതൃവിഹിനോഽസാവാത്മാ ഭവതി കേവലഃ ।
അനാത്മന്യാത്മധീനാശഃ സ്വാത്മജ്ഞാനമിതീര്യതേ ॥ ൬൦॥
നഷ്ടം യസ്യ വിചാരേണ മനോ ഹൃദി നിമജ്ജനാത് ।
ആത്മൈവ സ ഹി നാത്മജ്ഞോ ബ്രഹ്മൈവ ബ്രഹ്മവിന്നഹി ॥ ൬൧॥
ബ്രഹ്മബ്രഹ്മജ്ഞയോര്ഭേദം മന്വാനഃ പാരമാര്ഥികമ് ।
മിഥ്യാഗ്രഹേണ തേനൈവ പ്രതിബധ്യേത സാധകഃ ॥ ൬൨॥
ജ്ഞാനാദ്വിമുക്തിരിത്യുക്തേര്ജ്ഞാനമിത്യര്ഥ ഏവ ഹി ।
ന ജ്ഞാനം കാരണം മുക്തേര്മുക്തിര്ജ്ഞാനഫലം ച ന ॥ ൬൩॥
ആത്മനഃ സഹജാ മുക്തിഃ സ്വരൂപം ജ്ഞാനമാത്മനഃ ।
സ മുക്തിര്നിത്യസിദ്ധൈവ സ്വയമേവ സ്വകാരണമ് ।
വ്യാവഹാരികദൃഷ്ട്യാ തു ജ്ഞാനാന്മുക്തിരിതീര്യതേ ॥ ൬൪॥
ന വക്തും നാപി മന്തും വാ ശക്യമേതത് പരം പദമ് ।
മൌനവ്യാഖ്യാനനിര്ദേശ്യം വേദ്യം ച സ്വാനുഭൂതിതഃ ॥ ൬൫॥
ന വക്താ ന ച മന്താ വാ തത്ര കശ്ചന ശിഷ്യതേ ।
അത ഏതത് പദം തുര്യം മൌനമിത്യഭിധീയതേ ॥ ൬൬॥
വാചോഽപി മനസാ സാകം നിവര്തന്തേ യതോഽദ്വയാത് ।
അനുഭൂയ തമാനന്ദം ന ബിഭേതി കുതശ്ചന ॥ ൬൭॥
യത്രാസ്തി ഭേദവിജ്ഞാനം നാഭീതിസ്തത്ര കര്ഹിചിത് ।
ഇതി ച ശ്രൂയതേ യസ്മാത് തുര്യമേവാഭയം പദമ് ॥ ൬൮॥
സ്വസ്വരൂപപരിജ്ഞാനാത് കഥമൈക്യം പരാത്മനാ ।
ഇതി പ്രശ്നോ നിരാധാര ഐക്യം സ്വാഭാവികം യതഃ ॥ ൬൯॥
അത്രോക്തേന വിചാരേണ ലഭ്യൈഷാ പരമാ ഗതിഃ ।
നാന്യഥാ ലഭ്യതേ സേയമിതി വേദാന്തനിര്ണയഃ ॥ ൭൦॥
ഇഹ ദിഷ്ടഃ സ ഏവാര്ഥോ നദീദൃഷ്ടാന്തയോജനാത് ।
അന്യത്രാനേകധാ ചാപി സ്പഷ്ടം ഭഗവതാ സതാമ് ॥ ൭൧॥
നോപാസനേന യോഗേന പുണ്യൈര്വാഽപി ച കര്മഭിഃ ।
ലഭ്യേതേദം പദം തുര്യമിത്യേവം ച പ്രദര്ശിതമ് ॥ ൭൨॥
മിഥ്യേയം ജീവതാ യാവന്ന ലുപ്യേത വിചാരണാത് ।
താവത് സംസാരനിര്മോക്ഷോ ന ഭവേത് കില ദേഹിനാമ് ॥ ൭൩॥
ജീവത്വമാദിമോ ധര്മഃ കര്തൃത്വാദ്യാസ്തദാശ്രയാഃ ।
ജീവതാഽഽരോപിതാ പൂര്വം കര്തൃത്വാദ്യാസ്തതഃ പരമ് ।
ജീവത്വനാശേ സര്വേഷാം നാശോഽതഃ സഹജാ സ്ഥിതിഃ ॥ ൭൪॥
സര്വധര്മപരിത്യാഗോ യോ ഗീതാസു വിധീയതേ ।
കര്തൃത്വാദികഹാനം സ ജീവത്വത്യാഗപൂര്വകമ് ॥ ൭൫॥
സര്വധര്മപരിത്യാഗോ ജീവത്വത്യാഗ ഏവ ഹി ।
അത്യാഗേ ജീവതായാസ്തു ത്യക്തോ ധര്മോ ന കശ്ചന ॥ ൭൬॥
ഇത്യൌപനിഷദം സ്വാസ്ഥ്യം പരമം പദമവ്യയമ് ।
അത്രോപദിഷ്ടം ദ്രഷ്ടവ്യമദ്വൈതം തുര്യനാമകമ് ॥ ൭൭॥
ഋജുമാര്ഗമിമം ഹിത്വാ ചരന്ത്യന്യപഥാ തു യേ ।
കാലേന പരമം ധാമ യാന്തി തേ ഹൃന്നിമജ്ജനാത് ॥ ൭൮॥
ചതുര്ഥശ്ലോകഃ
ത്യക്ത്വാ വിഷയം ബാഹ്യം
രുദ്ധപ്രാണേന രുദ്ധമനസാഽന്തസ്ത്വാമ് ।
ധ്യായന്പശ്യതി യോഗീ
ദീധിതിമരുണാചല ത്വയി മഹീയം തേ॥
ചതുര്ഥശ്ലോകസ്യാനുവാദഃ
വിഹായ ബാഹ്യവസ്തു വായുരോധനാന്മനോ ഹഠാ-
ന്നിരുധ്യ യോഗഗസ്സ്മരന് ഭവന്തമേവ സര്വദാ ।
മഹിമ്നി ലീനധീഃ പ്രഭേ ക്ഷണേന മോദതേ ഭൃശം
അഥോത്ഥിതസ്സ വാസനേന ചേതസാ തു സംസരേത്॥
വാര്ത്തികമ്
ശിഷ്യേതേ യതമാനൌ ദ്വൌ യോഗീ പ്രേമീ പരാത്മനി ।
ചതുര്ഥേ യോഗിനം വക്തി പ്രേമിണം പഞ്ചമേ ഗുരുഃ ॥ ൭൯॥
തത്ര യോഗീ ഹഠാദ്രുദ്ധ്വാ പ്രാണായാമേന മാനസമ് ।
ചിജ്ജ്യോതിര്വീക്ഷണം ലബ്ധ്വാ തദാനീം മോദതേ ഭൃശമ് ॥ ൮൦॥
മനോരോധോ ഹഠാത് സിദ്ധോ ന സ്ഥിരോ ഭവിതാ ക്വചിത് ।
ലീനമേവ മനസ്തിഷ്ഠേത് സവാസനമഥോദിയാത് ॥ ൮൧॥
മനോനാശേന മുക്തിര്ഹി ന ലയേന കദാചന ।
ലീനം ഹി പുനരായാതി നഷ്ടം നൈവോദിയാത് പുനഃ ।
അനാശാന്മനസോ യോഗീ ജീവത്വം ന ജഹാതി ഹി ॥ ൮൨॥
സ്ഫുടീകര്തുമിമം ഭേദം മനസോ ലയനാശയോഃ ।
ഗുരുര്വക്തി പുരാവൃത്താം കഥാം കസ്യാപി യോഗിനഃ ॥ ൮൩॥
സമാധേര്വ്യുത്ഥിതോ യോഗീ പിപാസാര്ദിതമാനസഃ ।
ശിഷ്യമാദിശ്യ തീര്ഥായ സമാധിം പ്രാവിശത് പുനഃ ॥ ൮൪॥
യയുഃ ശതാനി വര്ഷാണാം വ്യുത്ഥിതോഽഭൂത് തതഃ പരമ് ।
ജലാഥപ്രേഷിതം ശിഷ്യം വേഗേനാഥ സ്മരംസ്തദാ ।
ഉവാചോച്ചൈശ്ച ഭോസ്തീര്ഥം കിമാനീതം ത്വയേത്യസൌ ॥ ൮൫॥
പിപാസാവാസനായുക്തം മനോ ലീനം ഹ്യഭൂച്ചിരമ് ।
ഉദിയായ ച വേഗേന സമാധേര്വ്യുത്ഥിതസ്യ ഹി ।
അനാശാന്മനസോ ഹ്യേവം വേഗേന സ്മൃതിരുദ്ഗതാ ॥ ൮൬॥
മഹിമ്നി രമതേ യോഗീ ന സ്വരൂപം പ്രപദ്യതേ ।
ഇത്യുക്ത്യാ യോഗിനോ ഭോഗോ ദിശ്യതേ ന തു മോക്ഷണമ് ॥ ൮൭॥
അല്പമപ്യന്തരം കൃത്വാ ഭയമേതീതി ച ശ്രുതേഃ ।
നാഭയം വിന്ദതേ യോഗീത്യയമര്ഥോ നിരൂപിതഃ ॥ ൮൮॥
വിനാ വിവേകമത്രോക്തം സ്വശക്ത്യാ ച ഹഠേന ച ।
യതമാനോ ഹി ദിഷ്ടോഽത്ര ന തു സര്വോഽപി യോഗഗഃ ॥ ൮൯॥
യാവന്ന സജ്ജതേ സോഽയം വിചാരേഽഹങ്കൃതിം ത്യജന് ।
പരം വാ ശരണം യാതി താവന്നായം വിമുച്യതേ ॥ ൯൦॥
വാര്ത്തികമ്
അതോ വിശിഷ്യതേ പ്രേമീ തദര്പിതമനാഃ സദാ ।
വിസ്മൃത്യ സ്വം ച തത്പ്രേമ്ണാ വീക്ഷതേ തന്മയം ജഗത് ॥ ൯൧॥
" യോ മാം പശ്യതി സര്വത്ര സര്വം ച മയി പശ്യതി ।
തസ്യാഹം ന പ്രണശ്യാമി സ ച മേ ന പ്രണശ്യതി " ॥ ൯൨॥
" യോഗിനാമപി സര്വേഷാം മദ്ഗതേനാന്തരാത്മനാ ।
ശ്രദ്ധാവാന് ഭജതേ യോ മാം സ മേ യുക്തതമോ മതഃ "॥
ഇതി ഗീതാസു സന്ദിഷ്ടം പാരമ്യം പ്രേമിണഃ കില ॥ ൯൩॥
പശ്യംസ്തം സ സദാ പ്രേഷ്ഠം തദാനന്ദേ നിമഗ്നധീഃ ।
മുക്തപ്രായോ ഹ്യസൌ കാലാന്മുക്തിമാത്യന്തികീം വ്രജേത് ॥ ൯൪॥
ഭക്തിയോഗേന ലഭ്യേത പരസ്മിന് പ്രേമ ശോഭനമ് ।
ഉക്താ ഭാഗവതേ ഭക്തിര്നവധാ ശ്രവണാദികാ ।
പ്രപത്തിര്നവമാ തത്തു പരസ്മൈ സ്വനിവേദനമ് ॥ ൯൫॥
" ദൈവീ ഹ്യേഷാ ഗുണമയീ മമ മായാ ദുരത്യയാ ।
മാമേവ യേ പ്രപദ്യന്തേ മായാമേതാം തരന്തി തേ "॥
ഇത്യുപായഃ പ്രപത്തിര്ഹി മായാമോക്ഷായ ദിശ്യതേ ॥ ൯൬॥
മായയാ വിഷയേഷ്വേവ പ്രീതിഃ സഞ്ജായതേ നൃണാമ് ।
പ്രപന്നോ മായയാ മുക്തഃ പരസ്മിന് പ്രേമവാന് ഭവേത് ॥ ൯൭॥
അതഃ പരസ്മിന് കര്തവ്യാ ഭക്തിഃ പരമശോഭനാ ।
ആത്മത്വേന പൃഥക്ത്വേന കഥഞ്ചിത് പരമം ഭജേത് ॥ ൯൮॥
ഭജനാത് പ്രേമ്ണി സഞ്ജാതേ പാര്ഥക്യം സ്രംസതേ ചിരാത് ।
അഭേദഃ ശിഷ്യതേ സത്യ ഏവം ഭക്തഃ കൃതീ ഭവേത് ॥ ൯൯॥
പ്രേമവാഞ്ജയതീത്യുക്ത്യാ യോഗിഭ്യോഽസൌ വിശിഷ്യതേ ।
അതോ വിചാരേ നോ ചേദ്ധീരിച്ഛേത് പ്രേമ്ണാഽഽപ്തുമീശ്വരമ് ॥ ൧൦൦॥
സ്തോത്രസമുദായാര്ഥഃ
" ന ഹി ജ്ഞാനേന സദൃശം പവിത്രമിഹ വിദ്യതേ " ।
ഇതി പൂര്വോക്തമേവാര്ഥമിവ ദര്ശയതി സ്വയമ് ॥ ൧൦൧॥
വൃദ്ധ ഇത്യുച്യതേ ജ്ഞാനീ പ്രേമീ ബാല ഇതീര്യതേ ।
അഹങ്കാരപരീതാത്മാ യോഗീ പ്രോക്തോ യുവേതി ച ॥ ൧൦൨॥
അത്ര യൌവനമേവാദ്യം തതോ ബാലത്വവൃദ്ധതേ ।
സാഹങ്കാരത്വമേവാദൌ നിരഹങ്കാരതാ പരാ ।
യോഗാദ്ഭക്തിസ്തതഃ പ്രേമ തതോ ജ്ഞാനമിതി ക്രമഃ ॥ ൧൦൩॥
ഉത്തമോ ഭവതി ജ്ഞാനീ നികൃഷ്ടോ യോഗതത്പരഃ ।
മധ്യമോ ഭവതി പ്രേമീ തേഷാമേവം ഭിദാ മതാ ॥ ൧൦൪॥
മോക്ഷകാരണസാമഗ്ര്യാം ഭക്തിരേവ ഗരീയസീ ।
ഭക്തിപ്രകാരേ സര്വസ്മിന് വിചാരഃ പരമോത്തമഃ ॥ ൧൦൫॥
വിചാരേണാന്നതാം യാതി പരമസ്യ സ്വയം ഹൃദി ।
വിചാരീ പരമോ ഭക്തോ ജ്ഞാത്വൈവം സ്വം വിചാരയന് ॥ ൧൦൬॥
വിചാരേണൈവ സമ്പൂര്ണം പരസ്മൈ സ്വനിവേദനമ് ।
വിചാരേണാന്നതാമേത്യ ന തതോ ഭിദ്യതേ യതഃ ॥ ൧൦൭॥
മങ്ഗലമ്
ഈശ്വരോ ഗുരുരാത്മേതി മൂര്തിഭേദവിഭാഗിനേ ।
പരസ്മൈ രമണാഖ്യായ പഞ്ചരത്നകൃതേ നമഃ ॥ ൧൦൮॥
ഇതി ശിവമ്
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
ഏതദ് രമണ മഹര്ഷേര്ദര്ശനമരുണാചലസ്യ ദേവഗിരാ ।
പഞ്ചകമാര്യാഗീതൌ രത്നം ത്വിദമൌപനിഷദം ഹി ॥
ഇതി ശ്രീ പാരാശര്യസ്യ ഭഗവതോ മഹര്ഷേരാചാര്യ
രമണസ്യ ദര്ശനമരുണാചലപഞ്ചരത്നമ് ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ത്oday
http://sanskritdocuments.org
Arunachala Pancharatna Varttikam Lyrics in Malayalam PDF
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website