ଅରୁଣାଚଲପଞ୍ଚରତ୍ନଵାର୍ତ୍ତିକମ୍
{॥ ଅରୁଣାଚଲପଞ୍ଚରତ୍ନଵାର୍ତ୍ତିକମ୍ ॥}
ମଙ୍ଗଲମ୍
ସଚ୍ଚିନ୍ମାତ୍ରସ୍ଵଭାଵାଯ ନିତ୍ଯମୁକ୍ତାଯ ଶମ୍ଭଵେ ।
ରମଣାଯାତ୍ମନାଥାଯ ନମୋ ଭଗଵତେ ସଦା ॥ ୧॥
ଗ୍ରନ୍ଥାଵତରଣମ୍
ତେନାରୁଣାଚଲାଖ୍ଯସ୍ଯ ସ୍ଵସ୍ଵରୂପସ୍ଯ ପଞ୍ଚଭିଃ ।
ଶ୍ଲୋକୈଃ କୃତା ନୁତିସ୍ତସ୍ଯାଃ କ୍ରିଯତେ ଲଘୁଵାର୍ତ୍ତିକମ୍ ॥ ୨॥
ମାଣ୍ଡୂକ୍ଯୋଦିତମଦ୍ଵୈତଂ ତୁର୍ଯାଖ୍ଯଂ ନିଷ୍ପ୍ରପଞ୍ଚକମ୍ ।
ସସାଧନଂ ସ୍ତୁତାଵସ୍ଯାମାତ୍ମତତ୍ତ୍ଵଂ ପ୍ରପଞ୍ଚ୍ଯତେ ॥ ୩॥
ପ୍ରାମାଣ୍ଯଂ ଯୁଜ୍ଯତେ ହ୍ଯସ୍ଯ ଯତୋ ଵକ୍ତ୍ଯତ୍ର ସଦ୍ଗୁରୁଃ ।
ନିତ୍ଯାନୁଭୂତମାତ୍ମୀଯଂ ତତ୍ତ୍ଵଂ ଶିଵମନାମଯମ୍ ॥ ୪॥
ଵେଦେନ ଗୁରୁଵାକ୍ଯାନାଂ ପ୍ରାମାଣ୍ଯଂ ମନ୍ଯତାଂ ଜନଃ ।
ମନ୍ଯାମହେ ତୁ ଵେଦାନାଂ ପ୍ରାମାଣ୍ଯଂ ଗୁରୁଵାକ୍ଯତଃ ॥ ୫॥
ସ୍ଵସ୍ଵରୂପେ ତୁରୀଯାଖ୍ଯେ ସ୍ଥିତୋ ଯସ୍ସ ଭଵେଦ୍ଗୁରୁଃ ।
ଉପଦେଶସ୍ତଦୀଯୋ ଯସ୍ସା ସ୍ଯାଦୁପନିଷତ୍ପରା ॥ ୬॥
ଵିହାଯ ପ୍ରାଯଶୋ ଵାଦାନ୍ ପ୍ରାମାଣ୍ଯାଦ୍ଵଚସାଂ ଗୁରୋଃ ।
ସିଦ୍ଧାନ୍ତା ଏଵ ସଙ୍ଗୃହ୍ଯ ଦୀଯନ୍ତେ ହ୍ଯତ୍ର ଵାର୍ତ୍ତିକେ ॥ ୭॥
ପ୍ରଥମଶ୍ଲୋକଃ
କରୁଣାପୂର୍ଣସୁଧାବ୍ଧେ
କବଲିତଘନଵିଶ୍ଵରୂପ କିରଣାଵଲ୍ଯା ।
ଅରୁଣାଚଲପରମାତ୍ମ-
ନ୍ନରୁଣୋ ଭଵ ଚିତ୍ତକଞ୍ଜସୁଵିକାସାଯ ॥
ପ୍ରଥମଶ୍ଲୋକସ୍ଯାନୁଵାଦଃ
କୃପାସୁଧାମ୍ବୁଧେଽରୁଣାଚଲ ପ୍ରବୋଧଭାସ୍କର
ସ୍ଵଚିତ୍ସ୍ଵରୂପତେଜସା ନିଗୀର୍ଣସର୍ଵଲୋକକ ।
ହୃଦମ୍ବୁଜାତକୋଶକପ୍ରଫୁଲ୍ଲତାଵିଧାଯିନୀଂ
ପ୍ରଭାଂ ନିଜାଂ ପ୍ରସାର୍ଯ ଭୋସ୍ତମୋ ଵିନାଶଯାନ୍ତରମ୍ ॥
ଵାର୍ତ୍ତିକମ୍
ହୃଦମ୍ଭୋଜଵିକାସାଯ ପ୍ରଥମେ ପ୍ରାର୍ଥ୍ଯତେ ଶୁଭା ।
ତତ୍କୃପାସ୍ଵୀଯଭକ୍ତାନାଂ ତତ୍ସ୍ଵରୂପତ୍ଵସିଦ୍ଧଯେ ।
ଅତ୍ରୈଵ ନିଷ୍ପ୍ରପଞ୍ଚତ୍ଵଂ ଦିଶ୍ଯତେ ଚ ପରାତ୍ମନଃ ॥ ୮॥
ଅହମିତ୍ଯଖିଲସ୍ଯାନ୍ତର୍ଭାନଂ ଯତ୍ ପରମାତ୍ମନଃ ।
କରୁଣେତ୍ଯୁଚ୍ଯତେ ସୈଵ ନାଦ୍ଵୈତେ ଵିକ୍ରିଯା ଯତଃ ॥ ୯॥
କରୁଣାଯାଃ ସ୍ଵରୂପତ୍ଵମିଷ୍ଟଂ ନ ଗୁଣତା ଵିଭୋଃ ।
ଉଚ୍ଯତେ ନିର୍ଗୁଣତ୍ଵଂ ହି ଵେଦାନ୍ତୈଃ ପରମାତ୍ମନଃ ॥ ୧୦॥
ତଯା ଗୃହୀତା ଯେ ଭକ୍ତାଃ ପ୍ରେମିଣୋ ଵା ଵିଚାରିଣଃ ।
ସ୍ଵରୂପାନୁଭଵସ୍ତେଷାଂ ଧ୍ରୁଵୋ ହ୍ଯଜ୍ଞାନନାଶତଃ ॥ ୧୧॥
ନିଷ୍ପ୍ରପଞ୍ଚକମଦ୍ଵୈତଂ ତୁର୍ଯଂ ସତ୍ଯମିତି ସ୍ଫୁଟମ୍ ।
ଜଗତ୍କବଲନସ୍ଯୋକ୍ତ୍ଯା ପୂର୍ଵାର୍ଧେ ଗୁରୁଣୋଚ୍ଯତେ ॥ ୧୨॥
ଅଧିଷ୍ଠାନତଯା ତସ୍ଯ ଵିଶ୍ଵସ୍ଯାରୋପିତତ୍ଵତଃ ।
ସତ୍ଯତ୍ଵମସ୍ତି ତସ୍ଯୈଵ ନ ତୁ ଵିଶ୍ଵସ୍ଯ କର୍ହିଚିତ୍ ॥ ୧୩॥
କୁରୁତେ ହ୍ଯସଦେଵାସତ୍ କରୁଣା ପରମାତ୍ମନଃ ।
ନାନ୍ଯତ୍ କିଞ୍ଚନ କର୍ତଵ୍ଯଂ ସତ୍ଯ ଆତ୍ମା ସ ଏଵ ହି ॥ ୧୪॥
ସଂଵିଦ୍ଭାନୁରସାଵାତ୍ମା ଯଦ୍ଭାସା ମାଯିକଂ ଜଗତ୍ ।
ନୀଯତେ ନାଶମତ୍ଯନ୍ତଂ ତମୋ ଭାସା ଯଥା ରଵେଃ ॥ ୧୫॥
ଅସଦେଵ ତମୋ ଯଦ୍ଵତ୍ ସତ୍ଯଵଦ୍ଗୃହ୍ଯତେଽବୁଧୈଃ ।
ଅସତ୍ଯୈଵ ତଥା ମାଯା ସକାର୍ଯା ସତ୍ଯଵନ୍ମତା ॥ ୧୬॥
ଯଥାଽସତ୍ତ୍ଵାତ୍ ତମୋ ଭାସା କବଲୀକ୍ରିଯତେ ରଵେଃ ।
ସକାର୍ଯା ଚ ତଥା ମାଯା କବଲୀକ୍ରିଯତେ ଚିତା ॥ ୧୭॥
ସ ଏଵ ଶିଷ୍ଯତେ ତୁର୍ଯେ ଚିଦାନନ୍ଦୋଽଦ୍ଵିତୀଯକଃ ।
ନ ଜୀଵୋ ନ ଜଗତ୍ କିଞ୍ଚିତ୍ ତଦ୍ଦ୍ଵଯଂ ଚ ମୃଷା କିଲ ॥ ୧୮॥
ଦ୍ଵିତୀଯଶ୍ଲୋକଃ
ତ୍ଵଯ୍ଯରୁଣାଚଲ ସର୍ଵଂ
ଭୂତ୍ଵା ସ୍ଥିତ୍ଵା ପ୍ରଲୀନମେତଚ୍ଚିତ୍ରମ୍ ।
ହୃଦ୍ଯହମିତ୍ଯାତ୍ମତଯା
ନୃତ୍ଯସି ଭୋସ୍ତେ ଵଦନ୍ତି ହୃଦଯଂ ନାମ ॥
ଦ୍ଵିତୀଯଶ୍ଲୋକାନୁଵାଦଃ
ଉଦେତି ଵର୍ତତେ ପ୍ରଲୀଯତେଽଖିଲଂ ଜଗଚ୍ଚଲଂ
ତ୍ଵଯି ପ୍ରକାଶଵତ୍ପଟେ ଯଥୈଵ ଚିତ୍ରସନ୍ତତିଃ ।
ଅହନ୍ତଯାଽଽତ୍ମରୂପତୋଽପି ନୃତ୍ଯସି ସ୍ଵଯଂ ହୃଦି
ଵଦନ୍ତ୍ଯତୋ ହୃଦାଖ୍ଯକଂ ଭଵନ୍ତମେକକଂ ପରମ୍॥
ଵାର୍ତ୍ତିକମ୍
ବହଵଃ ପ୍ରତିବଧ୍ଯନ୍ତେ ମନ୍ଵାନାଃ ସଦିଦଂ ଜଗତ୍ ।
ଆତ୍ମନାଶପଦଂ କେଚିଦିଦଂ ମତ୍ଵା ଚ ବିଭ୍ଯତି ।
ଶଙ୍କାଦ୍ଵଯନିରାସାଯ ଦ୍ଵିତୀଯଶ୍ଲୋକ ଈରିତଃ ॥ ୧୯॥
ତଟସ୍ଥଲକ୍ଷଣଂ ଚାତ୍ର ଦିଶ୍ଯତେ ପରମାତ୍ମନଃ ।
ସ୍ଵରୂପଲକ୍ଷଣଂ ଚାପି ଶୁଦ୍ଧଂ ଭକ୍ତିଵିଵୃଦ୍ଧଯେ ॥ ୨୦॥
ସ୍ଵତଃ ସତ୍ଯଂ ଜଗନ୍ମତ୍ଵା ତସ୍ଯାଧିଷ୍ଠାନମଵ୍ଯଯମ୍ ।
ନ ପଶ୍ଯତ୍ଯଵିଵେକୀତି ତତ୍ତତ୍ତ୍ଵମୁପଦିଶ୍ଯତେ ॥ ୨୧॥
ଜୀଵେଶୌ ଵିଷଯାଶ୍ଚେତି ତ୍ରିତଯଂ ଜଗଦାଖ୍ଯକମ୍ ।
ଆରୋପିତମିଦଂ ସର୍ଵମଧିଷ୍ଠାନେ ଚିଦାତ୍ମନି ॥ ୨୨॥
ସ୍ଵରୂପଂ ଜଗତଃ ସତ୍ଯଂ ସଚ୍ଚିଦାତ୍ମୈଵ କେଵଲଃ ।
ଅତୋଽନ୍ଵେଷେଣ ଲବ୍ଧଵ୍ଯୋ ଵିହାଯେଦଂ ସ ଏଵ ହି ॥ ୨୩॥
ଦୃଶ୍ଯତେ ଜଗଦିତ୍ଯେତତ୍ ତତ୍ସତ୍ତାଂ ନୈଵ ସାଧଯେତ୍ ।
ଅଧିଷ୍ଠାନଂ କିମପ୍ଯସ୍ତୀତ୍ଯେତଦେଵ ହି ସାଧିତମ୍ ॥ ୨୪॥
ପ୍ରତୀଯତେ ଯଥା ଯଦ୍ଯତ୍ ତତ୍ ତଥେତ୍ଯପ୍ରମାଣକମ୍ ।
ଵୈଜ୍ଞାନିକଜନୈଶ୍ଚାପି ସ୍ପଷ୍ଟମେତନ୍ନିରୂପିତମ୍ ॥ ୨୫॥
ବହିର୍ମୁଖତଯା ତେ ତୁ ଭେଦଜ୍ଞାନପରାଯଣାଃ ।
ନ ସ୍ଵଂ ଵେଦିତୁମିଚ୍ଛନ୍ତି ଜ୍ଞାନଂ ତେଷାମତୋ ମୃଷା ॥ ୨୬॥
ସାକ୍ଷାତ୍କୃତମଧିଷ୍ଠାନଂ ଜଗତୋ ଯେନ ବୋଧତଃ ।
ପ୍ରମାଣୀକୃତ୍ଯ ତଦ୍ଵାକ୍ଯଂ ତଥା ନିଷ୍ଠାଂ ଲଭେମହି ॥ ୨୭॥
ଅଧିଷ୍ଠାନସଦଦ୍ଵୈତଂ ନିର୍ଵିଶେଷଂ ନିରଂଶକମ୍ ।
ଜଗଦ୍ରୂପତଯା ଭାତି ମନୋଵ୍ଯାପାରମାତ୍ରତଃ ॥ ୨୮॥
ମନ ଏଵ ସ୍ଵଯଂ ମାଯା ଯାଽନ୍ଯଥା କୁରୁତେ ପରମ୍ ।
ଜ୍ଞାଯତାଂ ତଦିଦଂ ସ୍ପଷ୍ଟଂ ସୁପ୍ତୌ ଜଗଦଭାନତଃ ॥ ୨୯॥
ଉଦେତି ଵର୍ତତେ ତସ୍ମିନ୍ ଲୀଯତେ ଚାଖିଲଂ ଯତଃ ।
ସ ଏଵାତ୍ମା ତତଃ ସର୍ଵଂ ଜୀଵେଶୌ ଵିଷଯା ଅପି ॥ ୩୦॥
ମାଯାକାର୍ଯମିଦଂ ଯସ୍ମାତ୍ କେଵଲୋଽସାଵଵିକ୍ରିଯଃ ।
ନାନେନ ବାଧ୍ଯତେ କିଞ୍ଚିତ୍ ପଟଶ୍ଚିତ୍ରାଗ୍ନିନା ଯଥା ॥ ୩୧॥
ତଦାଭାସମଯଂ ଚେଦଂ ସ ଏଵ ପରମାର୍ଥତଃ ।
ଯଦେଵାଦ୍ଯନ୍ତଯୋରେତନ୍ମଧ୍ଯେ ଚେଦଂ ତଦେଵ ହି ॥ ୩୨॥
ଵିଶ୍ଵଂ ଵିଵେକଦୃଷ୍ଟ୍ଯୈଵଂ ସ୍ଵାତ୍ମନି ପ୍ରଵିଲାପଯେତ୍ ।
ପ୍ରଵିଲାପନଦୃଷ୍ଟ୍ଯା ହି ସ୍ଵାନ୍ଵେଷଣକ୍ଷମଂ ମନଃ ॥ ୩୩॥
ସ୍ଵାନ୍ଵେଷଣସ୍ଯ ଚାତ୍ରୈଵ ପ୍ରକାର ଉପଦିଶ୍ଯତେ ।
ତେନ ସ୍ଵରୂପେଽଵସ୍ଥାନଂ ଜଗଦ୍ଭ୍ରମଵିନାଶତଃ ॥ ୩୪॥
ତଟସ୍ଥଲକ୍ଷଣଂ ଦିଷ୍ଟମେଵଂ ତସ୍ଯ ପରାତ୍ମନଃ ।
ସ୍ଵରୂପଲକ୍ଷଣଂ ତ୍ଵତ୍ର ସୂଚିତଂ ଚୋପଲକ୍ଷ୍ଯତେ ॥ ୩୫॥
ସ୍ଵରୂପଂ ତତ୍ ସ୍ଫୁଟୀକୁର୍ଵନ୍ ଶିଵସ୍ଯ ପରମାତ୍ମନଃ ।
ତସ୍ଯୈଵାତ୍ମତ୍ଵମସ୍ମାକଂ ଦର୍ଶଯତ୍ଯତିଶୋଭନମ୍ ॥ ୩୬॥
ଆତ୍ମତ୍ଵେନାଖିଲସ୍ଯାନ୍ତରହମିତ୍ଯନିଶଂ ସ୍ଵଯମ୍ ।
ଭାତ୍ଯସୌ ନାନ୍ଯ ଆତ୍ମାଽସ୍ତି ସ୍ଵରୂପଂ ତଦିଦଂ ଵିଭୋଃ ॥ ୩୭॥
ନୃତ୍ଯସୀତି ପଦେନାତ୍ର ଦିଷ୍ଟାଽଽନନ୍ଦସ୍ଵରୂପତା ।
ଆତ୍ମଭୂତସ୍ଯ ତୁର୍ଯସ୍ଯ ତଦସଂସାରିତାଽଽତ୍ମନଃ ॥ ୩୮॥
ସ୍ଵଯୈଵ ମାଯଯା ଦେଵୋ ଵିମୋହିତ ଇଵ ସ୍ଵଯମ୍ ।
ଭ୍ରମତୀଵାତ୍ର ସଂସାରେ ମାଯାଽସୌ ନ ତୁ ଵିଦ୍ଯତେ ॥ ୩୯॥
ଅର୍ଥାଦ୍ଵ୍ଯାଵର୍ତନଂ ଚାପି ଦେହାଦୀନାମନାତ୍ମନାମ୍ ।
କୃତମେଵେତ୍ଯତସ୍ତେଷୁ ଜହ୍ଯାଦାତ୍ମତ୍ଵଭାଵନାମ୍ ॥ ୪୦॥
ସର୍ଵେ ଵଯଂ ସ ଏଵ ସ୍ମୋ ନ ଦେହା ନାପି ଦେହିନଃ ।
ନାଜ୍ଞାନଂ ନ ଚ ସଂସାର ଇତ୍ଯେଷା ପରମାର୍ଥତା ॥ ୪୧॥
ମନଃ କଲ୍ପଯତେ ଦେହାନ୍ ଜୀଵାଂଶ୍ଚ ଵିଷଯାନହୋ ।
ଜାଗ୍ରତ୍ଯପି ଯଥା ସ୍ଵପ୍ନେ ମାଯୈଷା ମନ ଏଵ ହି ॥ ୪୨॥
ଶୁଦ୍ଧଚିଦ୍ରୂପ ଆତ୍ମୈଵ ସତ୍ଯୋ ନାନ୍ଯସ୍ତତଃ ଶିଵଃ ।
ଏଷ ଵେଦାନ୍ତସିଦ୍ଧାନ୍ତ ଉକ୍ତଃ ସ୍ଵୀଯାନୁଭୂତିତଃ ॥ ୪୩॥
ପ୍ରେଷ୍ଠ ଆତ୍ମୈଵ ସର୍ଵେଷାଂ ତଦର୍ଥମିତରତ୍ ପ୍ରିଯମ୍ ।
ଅତ ଆନନ୍ଦରୂପତ୍ଵମାତ୍ମନୋ ଗମ୍ଯତେ ସ୍ଫୁଟମ୍ ॥ ୪୪॥
ତଦାନନ୍ଦକଣା ଏଵ ହ୍ଯାନନ୍ଦା ଲୌକିକାଃ ସ୍ମୃତାଃ ।
ଆତ୍ମଲାଭସମୋ ନାସ୍ତୀତ୍ଯତ ଏଵୋଚ୍ଯତେ ବୁଧୈଃ ॥ ୪୫॥
ବହିର୍ମୁଖତ୍ଵହାନାଯ ଦିଶ୍ଯତେ ହୃଦି ତତ୍ସ୍ଥିତିଃ ।
ଅନ୍ତର୍ମୁଖତଯା ହ୍ଯେଵ ସାଧନେ ସମ୍ପ୍ରଵର୍ତନମ୍ ॥ ୪୬॥
ପରମାର୍ଥତଯା ତ୍ଵେଷ ପରମୋ ହୃଦଯଂ ସ୍ଵଯମ୍ ।
ସର୍ଵାଧାରସ୍ଯ ସତ୍ଯସ୍ଯ ମିଥ୍ଯୈଵାଧାରକଲ୍ପନା ॥ ୪୭॥
ତୃତୀଯଶ୍ଲୋକଃ
ଅହମିତି କୁତ ଆଯାତୀ-
ତ୍ଯନ୍ଵିଷ୍ଯାନ୍ତଃ ପ୍ରଵିଷ୍ଟଯାଽତ୍ଯମଲଧିଯା ।
ଅଵଗମ୍ଯ ସ୍ଵଂ ରୂପଂ
ଶାମ୍ଯତ୍ଯରୁଣାଚଲ ତ୍ଵଯି ନଦୀଵାବ୍ଧୌ॥
ତୃତୀଯଶ୍ଲୋକସ୍ଯାନୁଵାଦଃ
ଉଦେତ୍ଯହଂ କୁତସ୍ସ ଏଷ ଇତ୍ଯତୀଵ ଶୁଦ୍ଧଯା
ଧିଯା ହୃଦି ପ୍ରଵିଷ୍ଟଯା ଵିମୃଗ୍ଯ ତତ୍ତ୍ଵମାତ୍ମନଃ ।
ଅଵୈତି ଚେଚ୍ଚିଦାତ୍ମକଂ ଭଵନ୍ତମାତ୍ମରୂପତୋ
ନଦୀଵ ସଙ୍ଗତାଽମ୍ବୁଧିଂ ତ୍ଵଯି ପ୍ରଶାନ୍ତିମେତି ଧୀଃ॥
ଵାର୍ତ୍ତିକମ୍
ଜ୍ଞାତ୍ଵୈଵମାତ୍ମଲାଭାଯ ଯତମାନସ୍ଯ ସିଦ୍ଧଯେ ।
ଋଜୁମାର୍ଗସ୍ତୃତୀଯେନ ଵିସ୍ପଷ୍ଟମୁପଦିଶ୍ଯତେ ॥ ୪୮॥
ଆଭାସମାତ୍ରୋ ଜୀଵୋଽଯଂ ଚିଜ୍ଜଡଗ୍ରନ୍ଥିରୂପକଃ ।
ତଚ୍ଚିଦଂଶନିଦାନଂ ତୁ ଭଵତ୍ଯାତ୍ମା ପରଃ ସ୍ଵଯମ୍ ॥ ୪୯॥
ହିତ୍ଵା ଜଡାଂଶଂ ଦେହାଦି ଶିଷ୍ଟାଂ ଚୈତନ୍ଯରୂପିଣୀମ୍ ।
ଶୁଦ୍ଧାହନ୍ତାଂ ସମାଦାଯ ତନ୍ମୂଲଂ ସ୍ଵଂ ଗଵେଷଯେତ୍ ॥ ୫୦॥
ନିମଜ୍ଜେତ୍ ସଲିଲେ ଲବ୍ଧୁଂ ମଗ୍ନଂ ଵସ୍ତୁ ଯଥା ତଥା ।
ଅହନ୍ତାମୂଲମନ୍ଵିଷ୍ଯନ୍ ନିମଜ୍ଜେତ୍ ସାଧକୋ ହୃଦି ॥ ୫୧॥
ସ୍ଵାମିନୋ ଗନ୍ଧମାଦାଯ ଯଥା ଶ୍ଵା ତଂ ଗଵେଷଯେତ୍ ।
ଶୁଦ୍ଧାହନ୍ତାଂ ତଥାଽଽଦାଯ ଧୀଃ ସ୍ଵମୂଲଂ ଗଵେଷଯେତ୍ ॥ ୫୨॥
ଗଵେଷଣେ ସ୍ଥିରୀଭୂତଂ ମନୋ ଵିଶତି ହୃଦ୍ଗୁହାମ୍ ।
ତଦା ଭାଯାତ୍ ସ୍ଵଭାସାଽଽତ୍ମା ଶାମ୍ଯେଦପି ମନୋଽନ୍ତତଃ ॥ ୫୩॥
ମନୋନାଶାଦପାର୍ଥକ୍ଯଂ ସ୍ଵତଃ ସିଦ୍ଧଂ ପ୍ରକାଶତେ ।
ମନଃକୃତୋ ହି ଭେଦୋଽଯଂ ଦ୍ଵଯୋର୍ବ୍ରହ୍ମାତ୍ମନୋରିହ ॥ ୫୪॥
ଇଦମନ୍ଵେଷଣାତ୍ ସ୍ଵସ୍ଯ ତତ୍ତ୍ଵସ୍ଯ ହୃଦି ମଜ୍ଜନମ୍ ।
ସାଧନଂ ପରମଂ ମୁକ୍ତେର୍ଵିଚାର ଇତି ଚୋଚ୍ଯତେ ॥ ୫୫॥
ଅତ୍ଯନ୍ତ୍ଯୈକ୍ଯମନାଵୃତ୍ତିଂ ଦର୍ଶଯିଷ୍ଯନ୍ନତୋ ଗୁରୁଃ ।
ନଦୀଂ ଦୃଷ୍ଟାନ୍ତଯତ୍ଯବ୍ଧିଂ ଗତ୍ଵା ତଦ୍ରୂପତାଂ ଗତାମ୍ ॥ ୫୬॥
ଆତ୍ମାନୁଭୂତିରେଷୈଵ ମୁକ୍ତିରିତ୍ଯଭିଧୀଯତେ ।
ସତ୍ଯା ସ୍ଥିତିଃ ପରଂ ଧାମ କୈଵଲ୍ଯଂ ସହଜା ସ୍ଥିତିଃ ॥ ୫୭॥
ସ୍ଵଜ୍ଞାନମମୃତତ୍ଵଂ ଚ ମୌନଂ ନିର୍ଭଯତେତ୍ଯୁତ ।
ସ୍ଥିତିମେତାଂ ପରାଂ ତୁର୍ଯାଂ ଶଂସନ୍ତି ବହୁଧା ବୁଧାଃ ॥ ୫୮॥
ଆତ୍ମା ତୁ ଜ୍ଞେଯତାଂ ନୈତି ତୁର୍ଯେ ଜ୍ଞାତାଽପି ନାସ୍ତି ହି ।
ଜ୍ଞାନାଜ୍ଞାନଵିନିର୍ମୁକ୍ତ ଆତ୍ମା ଜ୍ଞାନସ୍ଵରୂପକଃ ॥ ୫୯॥
ଜ୍ଞେଯଜ୍ଞାତୃଵିହିନୋଽସାଵାତ୍ମା ଭଵତି କେଵଲଃ ।
ଅନାତ୍ମନ୍ଯାତ୍ମଧୀନାଶଃ ସ୍ଵାତ୍ମଜ୍ଞାନମିତୀର୍ଯତେ ॥ ୬୦॥
ନଷ୍ଟଂ ଯସ୍ଯ ଵିଚାରେଣ ମନୋ ହୃଦି ନିମଜ୍ଜନାତ୍ ।
ଆତ୍ମୈଵ ସ ହି ନାତ୍ମଜ୍ଞୋ ବ୍ରହ୍ମୈଵ ବ୍ରହ୍ମଵିନ୍ନହି ॥ ୬୧॥
ବ୍ରହ୍ମବ୍ରହ୍ମଜ୍ଞଯୋର୍ଭେଦଂ ମନ୍ଵାନଃ ପାରମାର୍ଥିକମ୍ ।
ମିଥ୍ଯାଗ୍ରହେଣ ତେନୈଵ ପ୍ରତିବଧ୍ଯେତ ସାଧକଃ ॥ ୬୨॥
ଜ୍ଞାନାଦ୍ଵିମୁକ୍ତିରିତ୍ଯୁକ୍ତେର୍ଜ୍ଞାନମିତ୍ଯର୍ଥ ଏଵ ହି ।
ନ ଜ୍ଞାନଂ କାରଣଂ ମୁକ୍ତେର୍ମୁକ୍ତିର୍ଜ୍ଞାନଫଲଂ ଚ ନ ॥ ୬୩॥
ଆତ୍ମନଃ ସହଜା ମୁକ୍ତିଃ ସ୍ଵରୂପଂ ଜ୍ଞାନମାତ୍ମନଃ ।
ସ ମୁକ୍ତିର୍ନିତ୍ଯସିଦ୍ଧୈଵ ସ୍ଵଯମେଵ ସ୍ଵକାରଣମ୍ ।
ଵ୍ଯାଵହାରିକଦୃଷ୍ଟ୍ଯା ତୁ ଜ୍ଞାନାନ୍ମୁକ୍ତିରିତୀର୍ଯତେ ॥ ୬୪॥
ନ ଵକ୍ତୁଂ ନାପି ମନ୍ତୁଂ ଵା ଶକ୍ଯମେତତ୍ ପରଂ ପଦମ୍ ।
ମୌନଵ୍ଯାଖ୍ଯାନନିର୍ଦେଶ୍ଯଂ ଵେଦ୍ଯଂ ଚ ସ୍ଵାନୁଭୂତିତଃ ॥ ୬୫॥
ନ ଵକ୍ତା ନ ଚ ମନ୍ତା ଵା ତତ୍ର କଶ୍ଚନ ଶିଷ୍ଯତେ ।
ଅତ ଏତତ୍ ପଦଂ ତୁର୍ଯଂ ମୌନମିତ୍ଯଭିଧୀଯତେ ॥ ୬୬॥
ଵାଚୋଽପି ମନସା ସାକଂ ନିଵର୍ତନ୍ତେ ଯତୋଽଦ୍ଵଯାତ୍ ।
ଅନୁଭୂଯ ତମାନନ୍ଦଂ ନ ବିଭେତି କୁତଶ୍ଚନ ॥ ୬୭॥
ଯତ୍ରାସ୍ତି ଭେଦଵିଜ୍ଞାନଂ ନାଭୀତିସ୍ତତ୍ର କର୍ହିଚିତ୍ ।
ଇତି ଚ ଶ୍ରୂଯତେ ଯସ୍ମାତ୍ ତୁର୍ଯମେଵାଭଯଂ ପଦମ୍ ॥ ୬୮॥
ସ୍ଵସ୍ଵରୂପପରିଜ୍ଞାନାତ୍ କଥମୈକ୍ଯଂ ପରାତ୍ମନା ।
ଇତି ପ୍ରଶ୍ନୋ ନିରାଧାର ଐକ୍ଯଂ ସ୍ଵାଭାଵିକଂ ଯତଃ ॥ ୬୯॥
ଅତ୍ରୋକ୍ତେନ ଵିଚାରେଣ ଲଭ୍ଯୈଷା ପରମା ଗତିଃ ।
ନାନ୍ଯଥା ଲଭ୍ଯତେ ସେଯମିତି ଵେଦାନ୍ତନିର୍ଣଯଃ ॥ ୭୦॥
ଇହ ଦିଷ୍ଟଃ ସ ଏଵାର୍ଥୋ ନଦୀଦୃଷ୍ଟାନ୍ତଯୋଜନାତ୍ ।
ଅନ୍ଯତ୍ରାନେକଧା ଚାପି ସ୍ପଷ୍ଟଂ ଭଗଵତା ସତାମ୍ ॥ ୭୧॥
ନୋପାସନେନ ଯୋଗେନ ପୁଣ୍ଯୈର୍ଵାଽପି ଚ କର୍ମଭିଃ ।
ଲଭ୍ଯେତେଦଂ ପଦଂ ତୁର୍ଯମିତ୍ଯେଵଂ ଚ ପ୍ରଦର୍ଶିତମ୍ ॥ ୭୨॥
ମିଥ୍ଯେଯଂ ଜୀଵତା ଯାଵନ୍ନ ଲୁପ୍ଯେତ ଵିଚାରଣାତ୍ ।
ତାଵତ୍ ସଂସାରନିର୍ମୋକ୍ଷୋ ନ ଭଵେତ୍ କିଲ ଦେହିନାମ୍ ॥ ୭୩॥
ଜୀଵତ୍ଵମାଦିମୋ ଧର୍ମଃ କର୍ତୃତ୍ଵାଦ୍ଯାସ୍ତଦାଶ୍ରଯାଃ ।
ଜୀଵତାଽଽରୋପିତା ପୂର୍ଵଂ କର୍ତୃତ୍ଵାଦ୍ଯାସ୍ତତଃ ପରମ୍ ।
ଜୀଵତ୍ଵନାଶେ ସର୍ଵେଷାଂ ନାଶୋଽତଃ ସହଜା ସ୍ଥିତିଃ ॥ ୭୪॥
ସର୍ଵଧର୍ମପରିତ୍ଯାଗୋ ଯୋ ଗୀତାସୁ ଵିଧୀଯତେ ।
କର୍ତୃତ୍ଵାଦିକହାନଂ ସ ଜୀଵତ୍ଵତ୍ଯାଗପୂର୍ଵକମ୍ ॥ ୭୫॥
ସର୍ଵଧର୍ମପରିତ୍ଯାଗୋ ଜୀଵତ୍ଵତ୍ଯାଗ ଏଵ ହି ।
ଅତ୍ଯାଗେ ଜୀଵତାଯାସ୍ତୁ ତ୍ଯକ୍ତୋ ଧର୍ମୋ ନ କଶ୍ଚନ ॥ ୭୬॥
ଇତ୍ଯୌପନିଷଦଂ ସ୍ଵାସ୍ଥ୍ଯଂ ପରମଂ ପଦମଵ୍ଯଯମ୍ ।
ଅତ୍ରୋପଦିଷ୍ଟଂ ଦ୍ରଷ୍ଟଵ୍ଯମଦ୍ଵୈତଂ ତୁର୍ଯନାମକମ୍ ॥ ୭୭॥
ଋଜୁମାର୍ଗମିମଂ ହିତ୍ଵା ଚରନ୍ତ୍ଯନ୍ଯପଥା ତୁ ଯେ ।
କାଲେନ ପରମଂ ଧାମ ଯାନ୍ତି ତେ ହୃନ୍ନିମଜ୍ଜନାତ୍ ॥ ୭୮॥
ଚତୁର୍ଥଶ୍ଲୋକଃ
ତ୍ଯକ୍ତ୍ଵା ଵିଷଯଂ ବାହ୍ଯଂ
ରୁଦ୍ଧପ୍ରାଣେନ ରୁଦ୍ଧମନସାଽନ୍ତସ୍ତ୍ଵାମ୍ ।
ଧ୍ଯାଯନ୍ପଶ୍ଯତି ଯୋଗୀ
ଦୀଧିତିମରୁଣାଚଲ ତ୍ଵଯି ମହୀଯଂ ତେ॥
ଚତୁର୍ଥଶ୍ଲୋକସ୍ଯାନୁଵାଦଃ
ଵିହାଯ ବାହ୍ଯଵସ୍ତୁ ଵାଯୁରୋଧନାନ୍ମନୋ ହଠା-
ନ୍ନିରୁଧ୍ଯ ଯୋଗଗସ୍ସ୍ମରନ୍ ଭଵନ୍ତମେଵ ସର୍ଵଦା ।
ମହିମ୍ନି ଲୀନଧୀଃ ପ୍ରଭେ କ୍ଷଣେନ ମୋଦତେ ଭୃଶଂ
ଅଥୋତ୍ଥିତସ୍ସ ଵାସନେନ ଚେତସା ତୁ ସଂସରେତ୍॥
ଵାର୍ତ୍ତିକମ୍
ଶିଷ୍ଯେତେ ଯତମାନୌ ଦ୍ଵୌ ଯୋଗୀ ପ୍ରେମୀ ପରାତ୍ମନି ।
ଚତୁର୍ଥେ ଯୋଗିନଂ ଵକ୍ତି ପ୍ରେମିଣଂ ପଞ୍ଚମେ ଗୁରୁଃ ॥ ୭୯॥
ତତ୍ର ଯୋଗୀ ହଠାଦ୍ରୁଦ୍ଧ୍ଵା ପ୍ରାଣାଯାମେନ ମାନସମ୍ ।
ଚିଜ୍ଜ୍ଯୋତିର୍ଵୀକ୍ଷଣଂ ଲବ୍ଧ୍ଵା ତଦାନୀଂ ମୋଦତେ ଭୃଶମ୍ ॥ ୮୦॥
ମନୋରୋଧୋ ହଠାତ୍ ସିଦ୍ଧୋ ନ ସ୍ଥିରୋ ଭଵିତା କ୍ଵଚିତ୍ ।
ଲୀନମେଵ ମନସ୍ତିଷ୍ଠେତ୍ ସଵାସନମଥୋଦିଯାତ୍ ॥ ୮୧॥
ମନୋନାଶେନ ମୁକ୍ତିର୍ହି ନ ଲଯେନ କଦାଚନ ।
ଲୀନଂ ହି ପୁନରାଯାତି ନଷ୍ଟଂ ନୈଵୋଦିଯାତ୍ ପୁନଃ ।
ଅନାଶାନ୍ମନସୋ ଯୋଗୀ ଜୀଵତ୍ଵଂ ନ ଜହାତି ହି ॥ ୮୨॥
ସ୍ଫୁଟୀକର୍ତୁମିମଂ ଭେଦଂ ମନସୋ ଲଯନାଶଯୋଃ ।
ଗୁରୁର୍ଵକ୍ତି ପୁରାଵୃତ୍ତାଂ କଥାଂ କସ୍ଯାପି ଯୋଗିନଃ ॥ ୮୩॥
ସମାଧେର୍ଵ୍ଯୁତ୍ଥିତୋ ଯୋଗୀ ପିପାସାର୍ଦିତମାନସଃ ।
ଶିଷ୍ଯମାଦିଶ୍ଯ ତୀର୍ଥାଯ ସମାଧିଂ ପ୍ରାଵିଶତ୍ ପୁନଃ ॥ ୮୪॥
ଯଯୁଃ ଶତାନି ଵର୍ଷାଣାଂ ଵ୍ଯୁତ୍ଥିତୋଽଭୂତ୍ ତତଃ ପରମ୍ ।
ଜଲାଥପ୍ରେଷିତଂ ଶିଷ୍ଯଂ ଵେଗେନାଥ ସ୍ମରଂସ୍ତଦା ।
ଉଵାଚୋଚ୍ଚୈଶ୍ଚ ଭୋସ୍ତୀର୍ଥଂ କିମାନୀତଂ ତ୍ଵଯେତ୍ଯସୌ ॥ ୮୫॥
ପିପାସାଵାସନାଯୁକ୍ତଂ ମନୋ ଲୀନଂ ହ୍ଯଭୂଚ୍ଚିରମ୍ ।
ଉଦିଯାଯ ଚ ଵେଗେନ ସମାଧେର୍ଵ୍ଯୁତ୍ଥିତସ୍ଯ ହି ।
ଅନାଶାନ୍ମନସୋ ହ୍ଯେଵଂ ଵେଗେନ ସ୍ମୃତିରୁଦ୍ଗତା ॥ ୮୬॥
ମହିମ୍ନି ରମତେ ଯୋଗୀ ନ ସ୍ଵରୂପଂ ପ୍ରପଦ୍ଯତେ ।
ଇତ୍ଯୁକ୍ତ୍ଯା ଯୋଗିନୋ ଭୋଗୋ ଦିଶ୍ଯତେ ନ ତୁ ମୋକ୍ଷଣମ୍ ॥ ୮୭॥
ଅଲ୍ପମପ୍ଯନ୍ତରଂ କୃତ୍ଵା ଭଯମେତୀତି ଚ ଶ୍ରୁତେଃ ।
ନାଭଯଂ ଵିନ୍ଦତେ ଯୋଗୀତ୍ଯଯମର୍ଥୋ ନିରୂପିତଃ ॥ ୮୮॥
ଵିନା ଵିଵେକମତ୍ରୋକ୍ତଂ ସ୍ଵଶକ୍ତ୍ଯା ଚ ହଠେନ ଚ ।
ଯତମାନୋ ହି ଦିଷ୍ଟୋଽତ୍ର ନ ତୁ ସର୍ଵୋଽପି ଯୋଗଗଃ ॥ ୮୯॥
ଯାଵନ୍ନ ସଜ୍ଜତେ ସୋଽଯଂ ଵିଚାରେଽହଙ୍କୃତିଂ ତ୍ଯଜନ୍ ।
ପରଂ ଵା ଶରଣଂ ଯାତି ତାଵନ୍ନାଯଂ ଵିମୁଚ୍ଯତେ ॥ ୯୦॥
ଵାର୍ତ୍ତିକମ୍
ଅତୋ ଵିଶିଷ୍ଯତେ ପ୍ରେମୀ ତଦର୍ପିତମନାଃ ସଦା ।
ଵିସ୍ମୃତ୍ଯ ସ୍ଵଂ ଚ ତତ୍ପ୍ରେମ୍ଣା ଵୀକ୍ଷତେ ତନ୍ମଯଂ ଜଗତ୍ ॥ ୯୧॥
" ଯୋ ମାଂ ପଶ୍ଯତି ସର୍ଵତ୍ର ସର୍ଵଂ ଚ ମଯି ପଶ୍ଯତି ।
ତସ୍ଯାହଂ ନ ପ୍ରଣଶ୍ଯାମି ସ ଚ ମେ ନ ପ୍ରଣଶ୍ଯତି " ॥ ୯୨॥
" ଯୋଗିନାମପି ସର୍ଵେଷାଂ ମଦ୍ଗତେନାନ୍ତରାତ୍ମନା ।
ଶ୍ରଦ୍ଧାଵାନ୍ ଭଜତେ ଯୋ ମାଂ ସ ମେ ଯୁକ୍ତତମୋ ମତଃ "॥
ଇତି ଗୀତାସୁ ସନ୍ଦିଷ୍ଟଂ ପାରମ୍ଯଂ ପ୍ରେମିଣଃ କିଲ ॥ ୯୩॥
ପଶ୍ଯଂସ୍ତଂ ସ ସଦା ପ୍ରେଷ୍ଠଂ ତଦାନନ୍ଦେ ନିମଗ୍ନଧୀଃ ।
ମୁକ୍ତପ୍ରାଯୋ ହ୍ଯସୌ କାଲାନ୍ମୁକ୍ତିମାତ୍ଯନ୍ତିକୀଂ ଵ୍ରଜେତ୍ ॥ ୯୪॥
ଭକ୍ତିଯୋଗେନ ଲଭ୍ଯେତ ପରସ୍ମିନ୍ ପ୍ରେମ ଶୋଭନମ୍ ।
ଉକ୍ତା ଭାଗଵତେ ଭକ୍ତିର୍ନଵଧା ଶ୍ରଵଣାଦିକା ।
ପ୍ରପତ୍ତିର୍ନଵମା ତତ୍ତୁ ପରସ୍ମୈ ସ୍ଵନିଵେଦନମ୍ ॥ ୯୫॥
" ଦୈଵୀ ହ୍ଯେଷା ଗୁଣମଯୀ ମମ ମାଯା ଦୁରତ୍ଯଯା ।
ମାମେଵ ଯେ ପ୍ରପଦ୍ଯନ୍ତେ ମାଯାମେତାଂ ତରନ୍ତି ତେ "॥
ଇତ୍ଯୁପାଯଃ ପ୍ରପତ୍ତିର୍ହି ମାଯାମୋକ୍ଷାଯ ଦିଶ୍ଯତେ ॥ ୯୬॥
ମାଯଯା ଵିଷଯେଷ୍ଵେଵ ପ୍ରୀତିଃ ସଞ୍ଜାଯତେ ନୃଣାମ୍ ।
ପ୍ରପନ୍ନୋ ମାଯଯା ମୁକ୍ତଃ ପରସ୍ମିନ୍ ପ୍ରେମଵାନ୍ ଭଵେତ୍ ॥ ୯୭॥
ଅତଃ ପରସ୍ମିନ୍ କର୍ତଵ୍ଯା ଭକ୍ତିଃ ପରମଶୋଭନା ।
ଆତ୍ମତ୍ଵେନ ପୃଥକ୍ତ୍ଵେନ କଥଞ୍ଚିତ୍ ପରମଂ ଭଜେତ୍ ॥ ୯୮॥
ଭଜନାତ୍ ପ୍ରେମ୍ଣି ସଞ୍ଜାତେ ପାର୍ଥକ୍ଯଂ ସ୍ରଂସତେ ଚିରାତ୍ ।
ଅଭେଦଃ ଶିଷ୍ଯତେ ସତ୍ଯ ଏଵଂ ଭକ୍ତଃ କୃତୀ ଭଵେତ୍ ॥ ୯୯॥
ପ୍ରେମଵାଞ୍ଜଯତୀତ୍ଯୁକ୍ତ୍ଯା ଯୋଗିଭ୍ଯୋଽସୌ ଵିଶିଷ୍ଯତେ ।
ଅତୋ ଵିଚାରେ ନୋ ଚେଦ୍ଧୀରିଚ୍ଛେତ୍ ପ୍ରେମ୍ଣାଽଽପ୍ତୁମୀଶ୍ଵରମ୍ ॥ ୧୦୦॥
ସ୍ତୋତ୍ରସମୁଦାଯାର୍ଥଃ
" ନ ହି ଜ୍ଞାନେନ ସଦୃଶଂ ପଵିତ୍ରମିହ ଵିଦ୍ଯତେ " ।
ଇତି ପୂର୍ଵୋକ୍ତମେଵାର୍ଥମିଵ ଦର୍ଶଯତି ସ୍ଵଯମ୍ ॥ ୧୦୧॥
ଵୃଦ୍ଧ ଇତ୍ଯୁଚ୍ଯତେ ଜ୍ଞାନୀ ପ୍ରେମୀ ବାଲ ଇତୀର୍ଯତେ ।
ଅହଙ୍କାରପରୀତାତ୍ମା ଯୋଗୀ ପ୍ରୋକ୍ତୋ ଯୁଵେତି ଚ ॥ ୧୦୨॥
ଅତ୍ର ଯୌଵନମେଵାଦ୍ଯଂ ତତୋ ବାଲତ୍ଵଵୃଦ୍ଧତେ ।
ସାହଙ୍କାରତ୍ଵମେଵାଦୌ ନିରହଙ୍କାରତା ପରା ।
ଯୋଗାଦ୍ଭକ୍ତିସ୍ତତଃ ପ୍ରେମ ତତୋ ଜ୍ଞାନମିତି କ୍ରମଃ ॥ ୧୦୩॥
ଉତ୍ତମୋ ଭଵତି ଜ୍ଞାନୀ ନିକୃଷ୍ଟୋ ଯୋଗତତ୍ପରଃ ।
ମଧ୍ଯମୋ ଭଵତି ପ୍ରେମୀ ତେଷାମେଵଂ ଭିଦା ମତା ॥ ୧୦୪॥
ମୋକ୍ଷକାରଣସାମଗ୍ର୍ଯାଂ ଭକ୍ତିରେଵ ଗରୀଯସୀ ।
ଭକ୍ତିପ୍ରକାରେ ସର୍ଵସ୍ମିନ୍ ଵିଚାରଃ ପରମୋତ୍ତମଃ ॥ ୧୦୫॥
ଵିଚାରେଣାନ୍ନତାଂ ଯାତି ପରମସ୍ଯ ସ୍ଵଯଂ ହୃଦି ।
ଵିଚାରୀ ପରମୋ ଭକ୍ତୋ ଜ୍ଞାତ୍ଵୈଵଂ ସ୍ଵଂ ଵିଚାରଯନ୍ ॥ ୧୦୬॥
ଵିଚାରେଣୈଵ ସମ୍ପୂର୍ଣଂ ପରସ୍ମୈ ସ୍ଵନିଵେଦନମ୍ ।
ଵିଚାରେଣାନ୍ନତାମେତ୍ଯ ନ ତତୋ ଭିଦ୍ଯତେ ଯତଃ ॥ ୧୦୭॥
ମଙ୍ଗଲମ୍
ଈଶ୍ଵରୋ ଗୁରୁରାତ୍ମେତି ମୂର୍ତିଭେଦଵିଭାଗିନେ ।
ପରସ୍ମୈ ରମଣାଖ୍ଯାଯ ପଞ୍ଚରତ୍ନକୃତେ ନମଃ ॥ ୧୦୮॥
ଇତି ଶିଵମ୍
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
ଏତଦ୍ ରମଣ ମହର୍ଷେର୍ଦର୍ଶନମରୁଣାଚଲସ୍ଯ ଦେଵଗିରା ।
ପଞ୍ଚକମାର୍ଯାଗୀତୌ ରତ୍ନଂ ତ୍ଵିଦମୌପନିଷଦଂ ହି ॥
ଇତି ଶ୍ରୀ ପାରାଶର୍ଯସ୍ଯ ଭଗଵତୋ ମହର୍ଷେରାଚାର୍ଯ
ରମଣସ୍ଯ ଦର୍ଶନମରୁଣାଚଲପଞ୍ଚରତ୍ନମ୍ ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ତ୍oday
http://sanskritdocuments.org
ମଙ୍ଗଲମ୍
ସଚ୍ଚିନ୍ମାତ୍ରସ୍ଵଭାଵାଯ ନିତ୍ଯମୁକ୍ତାଯ ଶମ୍ଭଵେ ।
ରମଣାଯାତ୍ମନାଥାଯ ନମୋ ଭଗଵତେ ସଦା ॥ ୧॥
ଗ୍ରନ୍ଥାଵତରଣମ୍
ତେନାରୁଣାଚଲାଖ୍ଯସ୍ଯ ସ୍ଵସ୍ଵରୂପସ୍ଯ ପଞ୍ଚଭିଃ ।
ଶ୍ଲୋକୈଃ କୃତା ନୁତିସ୍ତସ୍ଯାଃ କ୍ରିଯତେ ଲଘୁଵାର୍ତ୍ତିକମ୍ ॥ ୨॥
ମାଣ୍ଡୂକ୍ଯୋଦିତମଦ୍ଵୈତଂ ତୁର୍ଯାଖ୍ଯଂ ନିଷ୍ପ୍ରପଞ୍ଚକମ୍ ।
ସସାଧନଂ ସ୍ତୁତାଵସ୍ଯାମାତ୍ମତତ୍ତ୍ଵଂ ପ୍ରପଞ୍ଚ୍ଯତେ ॥ ୩॥
ପ୍ରାମାଣ୍ଯଂ ଯୁଜ୍ଯତେ ହ୍ଯସ୍ଯ ଯତୋ ଵକ୍ତ୍ଯତ୍ର ସଦ୍ଗୁରୁଃ ।
ନିତ୍ଯାନୁଭୂତମାତ୍ମୀଯଂ ତତ୍ତ୍ଵଂ ଶିଵମନାମଯମ୍ ॥ ୪॥
ଵେଦେନ ଗୁରୁଵାକ୍ଯାନାଂ ପ୍ରାମାଣ୍ଯଂ ମନ୍ଯତାଂ ଜନଃ ।
ମନ୍ଯାମହେ ତୁ ଵେଦାନାଂ ପ୍ରାମାଣ୍ଯଂ ଗୁରୁଵାକ୍ଯତଃ ॥ ୫॥
ସ୍ଵସ୍ଵରୂପେ ତୁରୀଯାଖ୍ଯେ ସ୍ଥିତୋ ଯସ୍ସ ଭଵେଦ୍ଗୁରୁଃ ।
ଉପଦେଶସ୍ତଦୀଯୋ ଯସ୍ସା ସ୍ଯାଦୁପନିଷତ୍ପରା ॥ ୬॥
ଵିହାଯ ପ୍ରାଯଶୋ ଵାଦାନ୍ ପ୍ରାମାଣ୍ଯାଦ୍ଵଚସାଂ ଗୁରୋଃ ।
ସିଦ୍ଧାନ୍ତା ଏଵ ସଙ୍ଗୃହ୍ଯ ଦୀଯନ୍ତେ ହ୍ଯତ୍ର ଵାର୍ତ୍ତିକେ ॥ ୭॥
ପ୍ରଥମଶ୍ଲୋକଃ
କରୁଣାପୂର୍ଣସୁଧାବ୍ଧେ
କବଲିତଘନଵିଶ୍ଵରୂପ କିରଣାଵଲ୍ଯା ।
ଅରୁଣାଚଲପରମାତ୍ମ-
ନ୍ନରୁଣୋ ଭଵ ଚିତ୍ତକଞ୍ଜସୁଵିକାସାଯ ॥
ପ୍ରଥମଶ୍ଲୋକସ୍ଯାନୁଵାଦଃ
କୃପାସୁଧାମ୍ବୁଧେଽରୁଣାଚଲ ପ୍ରବୋଧଭାସ୍କର
ସ୍ଵଚିତ୍ସ୍ଵରୂପତେଜସା ନିଗୀର୍ଣସର୍ଵଲୋକକ ।
ହୃଦମ୍ବୁଜାତକୋଶକପ୍ରଫୁଲ୍ଲତାଵିଧାଯିନୀଂ
ପ୍ରଭାଂ ନିଜାଂ ପ୍ରସାର୍ଯ ଭୋସ୍ତମୋ ଵିନାଶଯାନ୍ତରମ୍ ॥
ଵାର୍ତ୍ତିକମ୍
ହୃଦମ୍ଭୋଜଵିକାସାଯ ପ୍ରଥମେ ପ୍ରାର୍ଥ୍ଯତେ ଶୁଭା ।
ତତ୍କୃପାସ୍ଵୀଯଭକ୍ତାନାଂ ତତ୍ସ୍ଵରୂପତ୍ଵସିଦ୍ଧଯେ ।
ଅତ୍ରୈଵ ନିଷ୍ପ୍ରପଞ୍ଚତ୍ଵଂ ଦିଶ୍ଯତେ ଚ ପରାତ୍ମନଃ ॥ ୮॥
ଅହମିତ୍ଯଖିଲସ୍ଯାନ୍ତର୍ଭାନଂ ଯତ୍ ପରମାତ୍ମନଃ ।
କରୁଣେତ୍ଯୁଚ୍ଯତେ ସୈଵ ନାଦ୍ଵୈତେ ଵିକ୍ରିଯା ଯତଃ ॥ ୯॥
କରୁଣାଯାଃ ସ୍ଵରୂପତ୍ଵମିଷ୍ଟଂ ନ ଗୁଣତା ଵିଭୋଃ ।
ଉଚ୍ଯତେ ନିର୍ଗୁଣତ୍ଵଂ ହି ଵେଦାନ୍ତୈଃ ପରମାତ୍ମନଃ ॥ ୧୦॥
ତଯା ଗୃହୀତା ଯେ ଭକ୍ତାଃ ପ୍ରେମିଣୋ ଵା ଵିଚାରିଣଃ ।
ସ୍ଵରୂପାନୁଭଵସ୍ତେଷାଂ ଧ୍ରୁଵୋ ହ୍ଯଜ୍ଞାନନାଶତଃ ॥ ୧୧॥
ନିଷ୍ପ୍ରପଞ୍ଚକମଦ୍ଵୈତଂ ତୁର୍ଯଂ ସତ୍ଯମିତି ସ୍ଫୁଟମ୍ ।
ଜଗତ୍କବଲନସ୍ଯୋକ୍ତ୍ଯା ପୂର୍ଵାର୍ଧେ ଗୁରୁଣୋଚ୍ଯତେ ॥ ୧୨॥
ଅଧିଷ୍ଠାନତଯା ତସ୍ଯ ଵିଶ୍ଵସ୍ଯାରୋପିତତ୍ଵତଃ ।
ସତ୍ଯତ୍ଵମସ୍ତି ତସ୍ଯୈଵ ନ ତୁ ଵିଶ୍ଵସ୍ଯ କର୍ହିଚିତ୍ ॥ ୧୩॥
କୁରୁତେ ହ୍ଯସଦେଵାସତ୍ କରୁଣା ପରମାତ୍ମନଃ ।
ନାନ୍ଯତ୍ କିଞ୍ଚନ କର୍ତଵ୍ଯଂ ସତ୍ଯ ଆତ୍ମା ସ ଏଵ ହି ॥ ୧୪॥
ସଂଵିଦ୍ଭାନୁରସାଵାତ୍ମା ଯଦ୍ଭାସା ମାଯିକଂ ଜଗତ୍ ।
ନୀଯତେ ନାଶମତ୍ଯନ୍ତଂ ତମୋ ଭାସା ଯଥା ରଵେଃ ॥ ୧୫॥
ଅସଦେଵ ତମୋ ଯଦ୍ଵତ୍ ସତ୍ଯଵଦ୍ଗୃହ୍ଯତେଽବୁଧୈଃ ।
ଅସତ୍ଯୈଵ ତଥା ମାଯା ସକାର୍ଯା ସତ୍ଯଵନ୍ମତା ॥ ୧୬॥
ଯଥାଽସତ୍ତ୍ଵାତ୍ ତମୋ ଭାସା କବଲୀକ୍ରିଯତେ ରଵେଃ ।
ସକାର୍ଯା ଚ ତଥା ମାଯା କବଲୀକ୍ରିଯତେ ଚିତା ॥ ୧୭॥
ସ ଏଵ ଶିଷ୍ଯତେ ତୁର୍ଯେ ଚିଦାନନ୍ଦୋଽଦ୍ଵିତୀଯକଃ ।
ନ ଜୀଵୋ ନ ଜଗତ୍ କିଞ୍ଚିତ୍ ତଦ୍ଦ୍ଵଯଂ ଚ ମୃଷା କିଲ ॥ ୧୮॥
ଦ୍ଵିତୀଯଶ୍ଲୋକଃ
ତ୍ଵଯ୍ଯରୁଣାଚଲ ସର୍ଵଂ
ଭୂତ୍ଵା ସ୍ଥିତ୍ଵା ପ୍ରଲୀନମେତଚ୍ଚିତ୍ରମ୍ ।
ହୃଦ୍ଯହମିତ୍ଯାତ୍ମତଯା
ନୃତ୍ଯସି ଭୋସ୍ତେ ଵଦନ୍ତି ହୃଦଯଂ ନାମ ॥
ଦ୍ଵିତୀଯଶ୍ଲୋକାନୁଵାଦଃ
ଉଦେତି ଵର୍ତତେ ପ୍ରଲୀଯତେଽଖିଲଂ ଜଗଚ୍ଚଲଂ
ତ୍ଵଯି ପ୍ରକାଶଵତ୍ପଟେ ଯଥୈଵ ଚିତ୍ରସନ୍ତତିଃ ।
ଅହନ୍ତଯାଽଽତ୍ମରୂପତୋଽପି ନୃତ୍ଯସି ସ୍ଵଯଂ ହୃଦି
ଵଦନ୍ତ୍ଯତୋ ହୃଦାଖ୍ଯକଂ ଭଵନ୍ତମେକକଂ ପରମ୍॥
ଵାର୍ତ୍ତିକମ୍
ବହଵଃ ପ୍ରତିବଧ୍ଯନ୍ତେ ମନ୍ଵାନାଃ ସଦିଦଂ ଜଗତ୍ ।
ଆତ୍ମନାଶପଦଂ କେଚିଦିଦଂ ମତ୍ଵା ଚ ବିଭ୍ଯତି ।
ଶଙ୍କାଦ୍ଵଯନିରାସାଯ ଦ୍ଵିତୀଯଶ୍ଲୋକ ଈରିତଃ ॥ ୧୯॥
ତଟସ୍ଥଲକ୍ଷଣଂ ଚାତ୍ର ଦିଶ୍ଯତେ ପରମାତ୍ମନଃ ।
ସ୍ଵରୂପଲକ୍ଷଣଂ ଚାପି ଶୁଦ୍ଧଂ ଭକ୍ତିଵିଵୃଦ୍ଧଯେ ॥ ୨୦॥
ସ୍ଵତଃ ସତ୍ଯଂ ଜଗନ୍ମତ୍ଵା ତସ୍ଯାଧିଷ୍ଠାନମଵ୍ଯଯମ୍ ।
ନ ପଶ୍ଯତ୍ଯଵିଵେକୀତି ତତ୍ତତ୍ତ୍ଵମୁପଦିଶ୍ଯତେ ॥ ୨୧॥
ଜୀଵେଶୌ ଵିଷଯାଶ୍ଚେତି ତ୍ରିତଯଂ ଜଗଦାଖ୍ଯକମ୍ ।
ଆରୋପିତମିଦଂ ସର୍ଵମଧିଷ୍ଠାନେ ଚିଦାତ୍ମନି ॥ ୨୨॥
ସ୍ଵରୂପଂ ଜଗତଃ ସତ୍ଯଂ ସଚ୍ଚିଦାତ୍ମୈଵ କେଵଲଃ ।
ଅତୋଽନ୍ଵେଷେଣ ଲବ୍ଧଵ୍ଯୋ ଵିହାଯେଦଂ ସ ଏଵ ହି ॥ ୨୩॥
ଦୃଶ୍ଯତେ ଜଗଦିତ୍ଯେତତ୍ ତତ୍ସତ୍ତାଂ ନୈଵ ସାଧଯେତ୍ ।
ଅଧିଷ୍ଠାନଂ କିମପ୍ଯସ୍ତୀତ୍ଯେତଦେଵ ହି ସାଧିତମ୍ ॥ ୨୪॥
ପ୍ରତୀଯତେ ଯଥା ଯଦ୍ଯତ୍ ତତ୍ ତଥେତ୍ଯପ୍ରମାଣକମ୍ ।
ଵୈଜ୍ଞାନିକଜନୈଶ୍ଚାପି ସ୍ପଷ୍ଟମେତନ୍ନିରୂପିତମ୍ ॥ ୨୫॥
ବହିର୍ମୁଖତଯା ତେ ତୁ ଭେଦଜ୍ଞାନପରାଯଣାଃ ।
ନ ସ୍ଵଂ ଵେଦିତୁମିଚ୍ଛନ୍ତି ଜ୍ଞାନଂ ତେଷାମତୋ ମୃଷା ॥ ୨୬॥
ସାକ୍ଷାତ୍କୃତମଧିଷ୍ଠାନଂ ଜଗତୋ ଯେନ ବୋଧତଃ ।
ପ୍ରମାଣୀକୃତ୍ଯ ତଦ୍ଵାକ୍ଯଂ ତଥା ନିଷ୍ଠାଂ ଲଭେମହି ॥ ୨୭॥
ଅଧିଷ୍ଠାନସଦଦ୍ଵୈତଂ ନିର୍ଵିଶେଷଂ ନିରଂଶକମ୍ ।
ଜଗଦ୍ରୂପତଯା ଭାତି ମନୋଵ୍ଯାପାରମାତ୍ରତଃ ॥ ୨୮॥
ମନ ଏଵ ସ୍ଵଯଂ ମାଯା ଯାଽନ୍ଯଥା କୁରୁତେ ପରମ୍ ।
ଜ୍ଞାଯତାଂ ତଦିଦଂ ସ୍ପଷ୍ଟଂ ସୁପ୍ତୌ ଜଗଦଭାନତଃ ॥ ୨୯॥
ଉଦେତି ଵର୍ତତେ ତସ୍ମିନ୍ ଲୀଯତେ ଚାଖିଲଂ ଯତଃ ।
ସ ଏଵାତ୍ମା ତତଃ ସର୍ଵଂ ଜୀଵେଶୌ ଵିଷଯା ଅପି ॥ ୩୦॥
ମାଯାକାର୍ଯମିଦଂ ଯସ୍ମାତ୍ କେଵଲୋଽସାଵଵିକ୍ରିଯଃ ।
ନାନେନ ବାଧ୍ଯତେ କିଞ୍ଚିତ୍ ପଟଶ୍ଚିତ୍ରାଗ୍ନିନା ଯଥା ॥ ୩୧॥
ତଦାଭାସମଯଂ ଚେଦଂ ସ ଏଵ ପରମାର୍ଥତଃ ।
ଯଦେଵାଦ୍ଯନ୍ତଯୋରେତନ୍ମଧ୍ଯେ ଚେଦଂ ତଦେଵ ହି ॥ ୩୨॥
ଵିଶ୍ଵଂ ଵିଵେକଦୃଷ୍ଟ୍ଯୈଵଂ ସ୍ଵାତ୍ମନି ପ୍ରଵିଲାପଯେତ୍ ।
ପ୍ରଵିଲାପନଦୃଷ୍ଟ୍ଯା ହି ସ୍ଵାନ୍ଵେଷଣକ୍ଷମଂ ମନଃ ॥ ୩୩॥
ସ୍ଵାନ୍ଵେଷଣସ୍ଯ ଚାତ୍ରୈଵ ପ୍ରକାର ଉପଦିଶ୍ଯତେ ।
ତେନ ସ୍ଵରୂପେଽଵସ୍ଥାନଂ ଜଗଦ୍ଭ୍ରମଵିନାଶତଃ ॥ ୩୪॥
ତଟସ୍ଥଲକ୍ଷଣଂ ଦିଷ୍ଟମେଵଂ ତସ୍ଯ ପରାତ୍ମନଃ ।
ସ୍ଵରୂପଲକ୍ଷଣଂ ତ୍ଵତ୍ର ସୂଚିତଂ ଚୋପଲକ୍ଷ୍ଯତେ ॥ ୩୫॥
ସ୍ଵରୂପଂ ତତ୍ ସ୍ଫୁଟୀକୁର୍ଵନ୍ ଶିଵସ୍ଯ ପରମାତ୍ମନଃ ।
ତସ୍ଯୈଵାତ୍ମତ୍ଵମସ୍ମାକଂ ଦର୍ଶଯତ୍ଯତିଶୋଭନମ୍ ॥ ୩୬॥
ଆତ୍ମତ୍ଵେନାଖିଲସ୍ଯାନ୍ତରହମିତ୍ଯନିଶଂ ସ୍ଵଯମ୍ ।
ଭାତ୍ଯସୌ ନାନ୍ଯ ଆତ୍ମାଽସ୍ତି ସ୍ଵରୂପଂ ତଦିଦଂ ଵିଭୋଃ ॥ ୩୭॥
ନୃତ୍ଯସୀତି ପଦେନାତ୍ର ଦିଷ୍ଟାଽଽନନ୍ଦସ୍ଵରୂପତା ।
ଆତ୍ମଭୂତସ୍ଯ ତୁର୍ଯସ୍ଯ ତଦସଂସାରିତାଽଽତ୍ମନଃ ॥ ୩୮॥
ସ୍ଵଯୈଵ ମାଯଯା ଦେଵୋ ଵିମୋହିତ ଇଵ ସ୍ଵଯମ୍ ।
ଭ୍ରମତୀଵାତ୍ର ସଂସାରେ ମାଯାଽସୌ ନ ତୁ ଵିଦ୍ଯତେ ॥ ୩୯॥
ଅର୍ଥାଦ୍ଵ୍ଯାଵର୍ତନଂ ଚାପି ଦେହାଦୀନାମନାତ୍ମନାମ୍ ।
କୃତମେଵେତ୍ଯତସ୍ତେଷୁ ଜହ୍ଯାଦାତ୍ମତ୍ଵଭାଵନାମ୍ ॥ ୪୦॥
ସର୍ଵେ ଵଯଂ ସ ଏଵ ସ୍ମୋ ନ ଦେହା ନାପି ଦେହିନଃ ।
ନାଜ୍ଞାନଂ ନ ଚ ସଂସାର ଇତ୍ଯେଷା ପରମାର୍ଥତା ॥ ୪୧॥
ମନଃ କଲ୍ପଯତେ ଦେହାନ୍ ଜୀଵାଂଶ୍ଚ ଵିଷଯାନହୋ ।
ଜାଗ୍ରତ୍ଯପି ଯଥା ସ୍ଵପ୍ନେ ମାଯୈଷା ମନ ଏଵ ହି ॥ ୪୨॥
ଶୁଦ୍ଧଚିଦ୍ରୂପ ଆତ୍ମୈଵ ସତ୍ଯୋ ନାନ୍ଯସ୍ତତଃ ଶିଵଃ ।
ଏଷ ଵେଦାନ୍ତସିଦ୍ଧାନ୍ତ ଉକ୍ତଃ ସ୍ଵୀଯାନୁଭୂତିତଃ ॥ ୪୩॥
ପ୍ରେଷ୍ଠ ଆତ୍ମୈଵ ସର୍ଵେଷାଂ ତଦର୍ଥମିତରତ୍ ପ୍ରିଯମ୍ ।
ଅତ ଆନନ୍ଦରୂପତ୍ଵମାତ୍ମନୋ ଗମ୍ଯତେ ସ୍ଫୁଟମ୍ ॥ ୪୪॥
ତଦାନନ୍ଦକଣା ଏଵ ହ୍ଯାନନ୍ଦା ଲୌକିକାଃ ସ୍ମୃତାଃ ।
ଆତ୍ମଲାଭସମୋ ନାସ୍ତୀତ୍ଯତ ଏଵୋଚ୍ଯତେ ବୁଧୈଃ ॥ ୪୫॥
ବହିର୍ମୁଖତ୍ଵହାନାଯ ଦିଶ୍ଯତେ ହୃଦି ତତ୍ସ୍ଥିତିଃ ।
ଅନ୍ତର୍ମୁଖତଯା ହ୍ଯେଵ ସାଧନେ ସମ୍ପ୍ରଵର୍ତନମ୍ ॥ ୪୬॥
ପରମାର୍ଥତଯା ତ୍ଵେଷ ପରମୋ ହୃଦଯଂ ସ୍ଵଯମ୍ ।
ସର୍ଵାଧାରସ୍ଯ ସତ୍ଯସ୍ଯ ମିଥ୍ଯୈଵାଧାରକଲ୍ପନା ॥ ୪୭॥
ତୃତୀଯଶ୍ଲୋକଃ
ଅହମିତି କୁତ ଆଯାତୀ-
ତ୍ଯନ୍ଵିଷ୍ଯାନ୍ତଃ ପ୍ରଵିଷ୍ଟଯାଽତ୍ଯମଲଧିଯା ।
ଅଵଗମ୍ଯ ସ୍ଵଂ ରୂପଂ
ଶାମ୍ଯତ୍ଯରୁଣାଚଲ ତ୍ଵଯି ନଦୀଵାବ୍ଧୌ॥
ତୃତୀଯଶ୍ଲୋକସ୍ଯାନୁଵାଦଃ
ଉଦେତ୍ଯହଂ କୁତସ୍ସ ଏଷ ଇତ୍ଯତୀଵ ଶୁଦ୍ଧଯା
ଧିଯା ହୃଦି ପ୍ରଵିଷ୍ଟଯା ଵିମୃଗ୍ଯ ତତ୍ତ୍ଵମାତ୍ମନଃ ।
ଅଵୈତି ଚେଚ୍ଚିଦାତ୍ମକଂ ଭଵନ୍ତମାତ୍ମରୂପତୋ
ନଦୀଵ ସଙ୍ଗତାଽମ୍ବୁଧିଂ ତ୍ଵଯି ପ୍ରଶାନ୍ତିମେତି ଧୀଃ॥
ଵାର୍ତ୍ତିକମ୍
ଜ୍ଞାତ୍ଵୈଵମାତ୍ମଲାଭାଯ ଯତମାନସ୍ଯ ସିଦ୍ଧଯେ ।
ଋଜୁମାର୍ଗସ୍ତୃତୀଯେନ ଵିସ୍ପଷ୍ଟମୁପଦିଶ୍ଯତେ ॥ ୪୮॥
ଆଭାସମାତ୍ରୋ ଜୀଵୋଽଯଂ ଚିଜ୍ଜଡଗ୍ରନ୍ଥିରୂପକଃ ।
ତଚ୍ଚିଦଂଶନିଦାନଂ ତୁ ଭଵତ୍ଯାତ୍ମା ପରଃ ସ୍ଵଯମ୍ ॥ ୪୯॥
ହିତ୍ଵା ଜଡାଂଶଂ ଦେହାଦି ଶିଷ୍ଟାଂ ଚୈତନ୍ଯରୂପିଣୀମ୍ ।
ଶୁଦ୍ଧାହନ୍ତାଂ ସମାଦାଯ ତନ୍ମୂଲଂ ସ୍ଵଂ ଗଵେଷଯେତ୍ ॥ ୫୦॥
ନିମଜ୍ଜେତ୍ ସଲିଲେ ଲବ୍ଧୁଂ ମଗ୍ନଂ ଵସ୍ତୁ ଯଥା ତଥା ।
ଅହନ୍ତାମୂଲମନ୍ଵିଷ୍ଯନ୍ ନିମଜ୍ଜେତ୍ ସାଧକୋ ହୃଦି ॥ ୫୧॥
ସ୍ଵାମିନୋ ଗନ୍ଧମାଦାଯ ଯଥା ଶ୍ଵା ତଂ ଗଵେଷଯେତ୍ ।
ଶୁଦ୍ଧାହନ୍ତାଂ ତଥାଽଽଦାଯ ଧୀଃ ସ୍ଵମୂଲଂ ଗଵେଷଯେତ୍ ॥ ୫୨॥
ଗଵେଷଣେ ସ୍ଥିରୀଭୂତଂ ମନୋ ଵିଶତି ହୃଦ୍ଗୁହାମ୍ ।
ତଦା ଭାଯାତ୍ ସ୍ଵଭାସାଽଽତ୍ମା ଶାମ୍ଯେଦପି ମନୋଽନ୍ତତଃ ॥ ୫୩॥
ମନୋନାଶାଦପାର୍ଥକ୍ଯଂ ସ୍ଵତଃ ସିଦ୍ଧଂ ପ୍ରକାଶତେ ।
ମନଃକୃତୋ ହି ଭେଦୋଽଯଂ ଦ୍ଵଯୋର୍ବ୍ରହ୍ମାତ୍ମନୋରିହ ॥ ୫୪॥
ଇଦମନ୍ଵେଷଣାତ୍ ସ୍ଵସ୍ଯ ତତ୍ତ୍ଵସ୍ଯ ହୃଦି ମଜ୍ଜନମ୍ ।
ସାଧନଂ ପରମଂ ମୁକ୍ତେର୍ଵିଚାର ଇତି ଚୋଚ୍ଯତେ ॥ ୫୫॥
ଅତ୍ଯନ୍ତ୍ଯୈକ୍ଯମନାଵୃତ୍ତିଂ ଦର୍ଶଯିଷ୍ଯନ୍ନତୋ ଗୁରୁଃ ।
ନଦୀଂ ଦୃଷ୍ଟାନ୍ତଯତ୍ଯବ୍ଧିଂ ଗତ୍ଵା ତଦ୍ରୂପତାଂ ଗତାମ୍ ॥ ୫୬॥
ଆତ୍ମାନୁଭୂତିରେଷୈଵ ମୁକ୍ତିରିତ୍ଯଭିଧୀଯତେ ।
ସତ୍ଯା ସ୍ଥିତିଃ ପରଂ ଧାମ କୈଵଲ୍ଯଂ ସହଜା ସ୍ଥିତିଃ ॥ ୫୭॥
ସ୍ଵଜ୍ଞାନମମୃତତ୍ଵଂ ଚ ମୌନଂ ନିର୍ଭଯତେତ୍ଯୁତ ।
ସ୍ଥିତିମେତାଂ ପରାଂ ତୁର୍ଯାଂ ଶଂସନ୍ତି ବହୁଧା ବୁଧାଃ ॥ ୫୮॥
ଆତ୍ମା ତୁ ଜ୍ଞେଯତାଂ ନୈତି ତୁର୍ଯେ ଜ୍ଞାତାଽପି ନାସ୍ତି ହି ।
ଜ୍ଞାନାଜ୍ଞାନଵିନିର୍ମୁକ୍ତ ଆତ୍ମା ଜ୍ଞାନସ୍ଵରୂପକଃ ॥ ୫୯॥
ଜ୍ଞେଯଜ୍ଞାତୃଵିହିନୋଽସାଵାତ୍ମା ଭଵତି କେଵଲଃ ।
ଅନାତ୍ମନ୍ଯାତ୍ମଧୀନାଶଃ ସ୍ଵାତ୍ମଜ୍ଞାନମିତୀର୍ଯତେ ॥ ୬୦॥
ନଷ୍ଟଂ ଯସ୍ଯ ଵିଚାରେଣ ମନୋ ହୃଦି ନିମଜ୍ଜନାତ୍ ।
ଆତ୍ମୈଵ ସ ହି ନାତ୍ମଜ୍ଞୋ ବ୍ରହ୍ମୈଵ ବ୍ରହ୍ମଵିନ୍ନହି ॥ ୬୧॥
ବ୍ରହ୍ମବ୍ରହ୍ମଜ୍ଞଯୋର୍ଭେଦଂ ମନ୍ଵାନଃ ପାରମାର୍ଥିକମ୍ ।
ମିଥ୍ଯାଗ୍ରହେଣ ତେନୈଵ ପ୍ରତିବଧ୍ଯେତ ସାଧକଃ ॥ ୬୨॥
ଜ୍ଞାନାଦ୍ଵିମୁକ୍ତିରିତ୍ଯୁକ୍ତେର୍ଜ୍ଞାନମିତ୍ଯର୍ଥ ଏଵ ହି ।
ନ ଜ୍ଞାନଂ କାରଣଂ ମୁକ୍ତେର୍ମୁକ୍ତିର୍ଜ୍ଞାନଫଲଂ ଚ ନ ॥ ୬୩॥
ଆତ୍ମନଃ ସହଜା ମୁକ୍ତିଃ ସ୍ଵରୂପଂ ଜ୍ଞାନମାତ୍ମନଃ ।
ସ ମୁକ୍ତିର୍ନିତ୍ଯସିଦ୍ଧୈଵ ସ୍ଵଯମେଵ ସ୍ଵକାରଣମ୍ ।
ଵ୍ଯାଵହାରିକଦୃଷ୍ଟ୍ଯା ତୁ ଜ୍ଞାନାନ୍ମୁକ୍ତିରିତୀର୍ଯତେ ॥ ୬୪॥
ନ ଵକ୍ତୁଂ ନାପି ମନ୍ତୁଂ ଵା ଶକ୍ଯମେତତ୍ ପରଂ ପଦମ୍ ।
ମୌନଵ୍ଯାଖ୍ଯାନନିର୍ଦେଶ୍ଯଂ ଵେଦ୍ଯଂ ଚ ସ୍ଵାନୁଭୂତିତଃ ॥ ୬୫॥
ନ ଵକ୍ତା ନ ଚ ମନ୍ତା ଵା ତତ୍ର କଶ୍ଚନ ଶିଷ୍ଯତେ ।
ଅତ ଏତତ୍ ପଦଂ ତୁର୍ଯଂ ମୌନମିତ୍ଯଭିଧୀଯତେ ॥ ୬୬॥
ଵାଚୋଽପି ମନସା ସାକଂ ନିଵର୍ତନ୍ତେ ଯତୋଽଦ୍ଵଯାତ୍ ।
ଅନୁଭୂଯ ତମାନନ୍ଦଂ ନ ବିଭେତି କୁତଶ୍ଚନ ॥ ୬୭॥
ଯତ୍ରାସ୍ତି ଭେଦଵିଜ୍ଞାନଂ ନାଭୀତିସ୍ତତ୍ର କର୍ହିଚିତ୍ ।
ଇତି ଚ ଶ୍ରୂଯତେ ଯସ୍ମାତ୍ ତୁର୍ଯମେଵାଭଯଂ ପଦମ୍ ॥ ୬୮॥
ସ୍ଵସ୍ଵରୂପପରିଜ୍ଞାନାତ୍ କଥମୈକ୍ଯଂ ପରାତ୍ମନା ।
ଇତି ପ୍ରଶ୍ନୋ ନିରାଧାର ଐକ୍ଯଂ ସ୍ଵାଭାଵିକଂ ଯତଃ ॥ ୬୯॥
ଅତ୍ରୋକ୍ତେନ ଵିଚାରେଣ ଲଭ୍ଯୈଷା ପରମା ଗତିଃ ।
ନାନ୍ଯଥା ଲଭ୍ଯତେ ସେଯମିତି ଵେଦାନ୍ତନିର୍ଣଯଃ ॥ ୭୦॥
ଇହ ଦିଷ୍ଟଃ ସ ଏଵାର୍ଥୋ ନଦୀଦୃଷ୍ଟାନ୍ତଯୋଜନାତ୍ ।
ଅନ୍ଯତ୍ରାନେକଧା ଚାପି ସ୍ପଷ୍ଟଂ ଭଗଵତା ସତାମ୍ ॥ ୭୧॥
ନୋପାସନେନ ଯୋଗେନ ପୁଣ୍ଯୈର୍ଵାଽପି ଚ କର୍ମଭିଃ ।
ଲଭ୍ଯେତେଦଂ ପଦଂ ତୁର୍ଯମିତ୍ଯେଵଂ ଚ ପ୍ରଦର୍ଶିତମ୍ ॥ ୭୨॥
ମିଥ୍ଯେଯଂ ଜୀଵତା ଯାଵନ୍ନ ଲୁପ୍ଯେତ ଵିଚାରଣାତ୍ ।
ତାଵତ୍ ସଂସାରନିର୍ମୋକ୍ଷୋ ନ ଭଵେତ୍ କିଲ ଦେହିନାମ୍ ॥ ୭୩॥
ଜୀଵତ୍ଵମାଦିମୋ ଧର୍ମଃ କର୍ତୃତ୍ଵାଦ୍ଯାସ୍ତଦାଶ୍ରଯାଃ ।
ଜୀଵତାଽଽରୋପିତା ପୂର୍ଵଂ କର୍ତୃତ୍ଵାଦ୍ଯାସ୍ତତଃ ପରମ୍ ।
ଜୀଵତ୍ଵନାଶେ ସର୍ଵେଷାଂ ନାଶୋଽତଃ ସହଜା ସ୍ଥିତିଃ ॥ ୭୪॥
ସର୍ଵଧର୍ମପରିତ୍ଯାଗୋ ଯୋ ଗୀତାସୁ ଵିଧୀଯତେ ।
କର୍ତୃତ୍ଵାଦିକହାନଂ ସ ଜୀଵତ୍ଵତ୍ଯାଗପୂର୍ଵକମ୍ ॥ ୭୫॥
ସର୍ଵଧର୍ମପରିତ୍ଯାଗୋ ଜୀଵତ୍ଵତ୍ଯାଗ ଏଵ ହି ।
ଅତ୍ଯାଗେ ଜୀଵତାଯାସ୍ତୁ ତ୍ଯକ୍ତୋ ଧର୍ମୋ ନ କଶ୍ଚନ ॥ ୭୬॥
ଇତ୍ଯୌପନିଷଦଂ ସ୍ଵାସ୍ଥ୍ଯଂ ପରମଂ ପଦମଵ୍ଯଯମ୍ ।
ଅତ୍ରୋପଦିଷ୍ଟଂ ଦ୍ରଷ୍ଟଵ୍ଯମଦ୍ଵୈତଂ ତୁର୍ଯନାମକମ୍ ॥ ୭୭॥
ଋଜୁମାର୍ଗମିମଂ ହିତ୍ଵା ଚରନ୍ତ୍ଯନ୍ଯପଥା ତୁ ଯେ ।
କାଲେନ ପରମଂ ଧାମ ଯାନ୍ତି ତେ ହୃନ୍ନିମଜ୍ଜନାତ୍ ॥ ୭୮॥
ଚତୁର୍ଥଶ୍ଲୋକଃ
ତ୍ଯକ୍ତ୍ଵା ଵିଷଯଂ ବାହ୍ଯଂ
ରୁଦ୍ଧପ୍ରାଣେନ ରୁଦ୍ଧମନସାଽନ୍ତସ୍ତ୍ଵାମ୍ ।
ଧ୍ଯାଯନ୍ପଶ୍ଯତି ଯୋଗୀ
ଦୀଧିତିମରୁଣାଚଲ ତ୍ଵଯି ମହୀଯଂ ତେ॥
ଚତୁର୍ଥଶ୍ଲୋକସ୍ଯାନୁଵାଦଃ
ଵିହାଯ ବାହ୍ଯଵସ୍ତୁ ଵାଯୁରୋଧନାନ୍ମନୋ ହଠା-
ନ୍ନିରୁଧ୍ଯ ଯୋଗଗସ୍ସ୍ମରନ୍ ଭଵନ୍ତମେଵ ସର୍ଵଦା ।
ମହିମ୍ନି ଲୀନଧୀଃ ପ୍ରଭେ କ୍ଷଣେନ ମୋଦତେ ଭୃଶଂ
ଅଥୋତ୍ଥିତସ୍ସ ଵାସନେନ ଚେତସା ତୁ ସଂସରେତ୍॥
ଵାର୍ତ୍ତିକମ୍
ଶିଷ୍ଯେତେ ଯତମାନୌ ଦ୍ଵୌ ଯୋଗୀ ପ୍ରେମୀ ପରାତ୍ମନି ।
ଚତୁର୍ଥେ ଯୋଗିନଂ ଵକ୍ତି ପ୍ରେମିଣଂ ପଞ୍ଚମେ ଗୁରୁଃ ॥ ୭୯॥
ତତ୍ର ଯୋଗୀ ହଠାଦ୍ରୁଦ୍ଧ୍ଵା ପ୍ରାଣାଯାମେନ ମାନସମ୍ ।
ଚିଜ୍ଜ୍ଯୋତିର୍ଵୀକ୍ଷଣଂ ଲବ୍ଧ୍ଵା ତଦାନୀଂ ମୋଦତେ ଭୃଶମ୍ ॥ ୮୦॥
ମନୋରୋଧୋ ହଠାତ୍ ସିଦ୍ଧୋ ନ ସ୍ଥିରୋ ଭଵିତା କ୍ଵଚିତ୍ ।
ଲୀନମେଵ ମନସ୍ତିଷ୍ଠେତ୍ ସଵାସନମଥୋଦିଯାତ୍ ॥ ୮୧॥
ମନୋନାଶେନ ମୁକ୍ତିର୍ହି ନ ଲଯେନ କଦାଚନ ।
ଲୀନଂ ହି ପୁନରାଯାତି ନଷ୍ଟଂ ନୈଵୋଦିଯାତ୍ ପୁନଃ ।
ଅନାଶାନ୍ମନସୋ ଯୋଗୀ ଜୀଵତ୍ଵଂ ନ ଜହାତି ହି ॥ ୮୨॥
ସ୍ଫୁଟୀକର୍ତୁମିମଂ ଭେଦଂ ମନସୋ ଲଯନାଶଯୋଃ ।
ଗୁରୁର୍ଵକ୍ତି ପୁରାଵୃତ୍ତାଂ କଥାଂ କସ୍ଯାପି ଯୋଗିନଃ ॥ ୮୩॥
ସମାଧେର୍ଵ୍ଯୁତ୍ଥିତୋ ଯୋଗୀ ପିପାସାର୍ଦିତମାନସଃ ।
ଶିଷ୍ଯମାଦିଶ୍ଯ ତୀର୍ଥାଯ ସମାଧିଂ ପ୍ରାଵିଶତ୍ ପୁନଃ ॥ ୮୪॥
ଯଯୁଃ ଶତାନି ଵର୍ଷାଣାଂ ଵ୍ଯୁତ୍ଥିତୋଽଭୂତ୍ ତତଃ ପରମ୍ ।
ଜଲାଥପ୍ରେଷିତଂ ଶିଷ୍ଯଂ ଵେଗେନାଥ ସ୍ମରଂସ୍ତଦା ।
ଉଵାଚୋଚ୍ଚୈଶ୍ଚ ଭୋସ୍ତୀର୍ଥଂ କିମାନୀତଂ ତ୍ଵଯେତ୍ଯସୌ ॥ ୮୫॥
ପିପାସାଵାସନାଯୁକ୍ତଂ ମନୋ ଲୀନଂ ହ୍ଯଭୂଚ୍ଚିରମ୍ ।
ଉଦିଯାଯ ଚ ଵେଗେନ ସମାଧେର୍ଵ୍ଯୁତ୍ଥିତସ୍ଯ ହି ।
ଅନାଶାନ୍ମନସୋ ହ୍ଯେଵଂ ଵେଗେନ ସ୍ମୃତିରୁଦ୍ଗତା ॥ ୮୬॥
ମହିମ୍ନି ରମତେ ଯୋଗୀ ନ ସ୍ଵରୂପଂ ପ୍ରପଦ୍ଯତେ ।
ଇତ୍ଯୁକ୍ତ୍ଯା ଯୋଗିନୋ ଭୋଗୋ ଦିଶ୍ଯତେ ନ ତୁ ମୋକ୍ଷଣମ୍ ॥ ୮୭॥
ଅଲ୍ପମପ୍ଯନ୍ତରଂ କୃତ୍ଵା ଭଯମେତୀତି ଚ ଶ୍ରୁତେଃ ।
ନାଭଯଂ ଵିନ୍ଦତେ ଯୋଗୀତ୍ଯଯମର୍ଥୋ ନିରୂପିତଃ ॥ ୮୮॥
ଵିନା ଵିଵେକମତ୍ରୋକ୍ତଂ ସ୍ଵଶକ୍ତ୍ଯା ଚ ହଠେନ ଚ ।
ଯତମାନୋ ହି ଦିଷ୍ଟୋଽତ୍ର ନ ତୁ ସର୍ଵୋଽପି ଯୋଗଗଃ ॥ ୮୯॥
ଯାଵନ୍ନ ସଜ୍ଜତେ ସୋଽଯଂ ଵିଚାରେଽହଙ୍କୃତିଂ ତ୍ଯଜନ୍ ।
ପରଂ ଵା ଶରଣଂ ଯାତି ତାଵନ୍ନାଯଂ ଵିମୁଚ୍ଯତେ ॥ ୯୦॥
ଵାର୍ତ୍ତିକମ୍
ଅତୋ ଵିଶିଷ୍ଯତେ ପ୍ରେମୀ ତଦର୍ପିତମନାଃ ସଦା ।
ଵିସ୍ମୃତ୍ଯ ସ୍ଵଂ ଚ ତତ୍ପ୍ରେମ୍ଣା ଵୀକ୍ଷତେ ତନ୍ମଯଂ ଜଗତ୍ ॥ ୯୧॥
" ଯୋ ମାଂ ପଶ୍ଯତି ସର୍ଵତ୍ର ସର୍ଵଂ ଚ ମଯି ପଶ୍ଯତି ।
ତସ୍ଯାହଂ ନ ପ୍ରଣଶ୍ଯାମି ସ ଚ ମେ ନ ପ୍ରଣଶ୍ଯତି " ॥ ୯୨॥
" ଯୋଗିନାମପି ସର୍ଵେଷାଂ ମଦ୍ଗତେନାନ୍ତରାତ୍ମନା ।
ଶ୍ରଦ୍ଧାଵାନ୍ ଭଜତେ ଯୋ ମାଂ ସ ମେ ଯୁକ୍ତତମୋ ମତଃ "॥
ଇତି ଗୀତାସୁ ସନ୍ଦିଷ୍ଟଂ ପାରମ୍ଯଂ ପ୍ରେମିଣଃ କିଲ ॥ ୯୩॥
ପଶ୍ଯଂସ୍ତଂ ସ ସଦା ପ୍ରେଷ୍ଠଂ ତଦାନନ୍ଦେ ନିମଗ୍ନଧୀଃ ।
ମୁକ୍ତପ୍ରାଯୋ ହ୍ଯସୌ କାଲାନ୍ମୁକ୍ତିମାତ୍ଯନ୍ତିକୀଂ ଵ୍ରଜେତ୍ ॥ ୯୪॥
ଭକ୍ତିଯୋଗେନ ଲଭ୍ଯେତ ପରସ୍ମିନ୍ ପ୍ରେମ ଶୋଭନମ୍ ।
ଉକ୍ତା ଭାଗଵତେ ଭକ୍ତିର୍ନଵଧା ଶ୍ରଵଣାଦିକା ।
ପ୍ରପତ୍ତିର୍ନଵମା ତତ୍ତୁ ପରସ୍ମୈ ସ୍ଵନିଵେଦନମ୍ ॥ ୯୫॥
" ଦୈଵୀ ହ୍ଯେଷା ଗୁଣମଯୀ ମମ ମାଯା ଦୁରତ୍ଯଯା ।
ମାମେଵ ଯେ ପ୍ରପଦ୍ଯନ୍ତେ ମାଯାମେତାଂ ତରନ୍ତି ତେ "॥
ଇତ୍ଯୁପାଯଃ ପ୍ରପତ୍ତିର୍ହି ମାଯାମୋକ୍ଷାଯ ଦିଶ୍ଯତେ ॥ ୯୬॥
ମାଯଯା ଵିଷଯେଷ୍ଵେଵ ପ୍ରୀତିଃ ସଞ୍ଜାଯତେ ନୃଣାମ୍ ।
ପ୍ରପନ୍ନୋ ମାଯଯା ମୁକ୍ତଃ ପରସ୍ମିନ୍ ପ୍ରେମଵାନ୍ ଭଵେତ୍ ॥ ୯୭॥
ଅତଃ ପରସ୍ମିନ୍ କର୍ତଵ୍ଯା ଭକ୍ତିଃ ପରମଶୋଭନା ।
ଆତ୍ମତ୍ଵେନ ପୃଥକ୍ତ୍ଵେନ କଥଞ୍ଚିତ୍ ପରମଂ ଭଜେତ୍ ॥ ୯୮॥
ଭଜନାତ୍ ପ୍ରେମ୍ଣି ସଞ୍ଜାତେ ପାର୍ଥକ୍ଯଂ ସ୍ରଂସତେ ଚିରାତ୍ ।
ଅଭେଦଃ ଶିଷ୍ଯତେ ସତ୍ଯ ଏଵଂ ଭକ୍ତଃ କୃତୀ ଭଵେତ୍ ॥ ୯୯॥
ପ୍ରେମଵାଞ୍ଜଯତୀତ୍ଯୁକ୍ତ୍ଯା ଯୋଗିଭ୍ଯୋଽସୌ ଵିଶିଷ୍ଯତେ ।
ଅତୋ ଵିଚାରେ ନୋ ଚେଦ୍ଧୀରିଚ୍ଛେତ୍ ପ୍ରେମ୍ଣାଽଽପ୍ତୁମୀଶ୍ଵରମ୍ ॥ ୧୦୦॥
ସ୍ତୋତ୍ରସମୁଦାଯାର୍ଥଃ
" ନ ହି ଜ୍ଞାନେନ ସଦୃଶଂ ପଵିତ୍ରମିହ ଵିଦ୍ଯତେ " ।
ଇତି ପୂର୍ଵୋକ୍ତମେଵାର୍ଥମିଵ ଦର୍ଶଯତି ସ୍ଵଯମ୍ ॥ ୧୦୧॥
ଵୃଦ୍ଧ ଇତ୍ଯୁଚ୍ଯତେ ଜ୍ଞାନୀ ପ୍ରେମୀ ବାଲ ଇତୀର୍ଯତେ ।
ଅହଙ୍କାରପରୀତାତ୍ମା ଯୋଗୀ ପ୍ରୋକ୍ତୋ ଯୁଵେତି ଚ ॥ ୧୦୨॥
ଅତ୍ର ଯୌଵନମେଵାଦ୍ଯଂ ତତୋ ବାଲତ୍ଵଵୃଦ୍ଧତେ ।
ସାହଙ୍କାରତ୍ଵମେଵାଦୌ ନିରହଙ୍କାରତା ପରା ।
ଯୋଗାଦ୍ଭକ୍ତିସ୍ତତଃ ପ୍ରେମ ତତୋ ଜ୍ଞାନମିତି କ୍ରମଃ ॥ ୧୦୩॥
ଉତ୍ତମୋ ଭଵତି ଜ୍ଞାନୀ ନିକୃଷ୍ଟୋ ଯୋଗତତ୍ପରଃ ।
ମଧ୍ଯମୋ ଭଵତି ପ୍ରେମୀ ତେଷାମେଵଂ ଭିଦା ମତା ॥ ୧୦୪॥
ମୋକ୍ଷକାରଣସାମଗ୍ର୍ଯାଂ ଭକ୍ତିରେଵ ଗରୀଯସୀ ।
ଭକ୍ତିପ୍ରକାରେ ସର୍ଵସ୍ମିନ୍ ଵିଚାରଃ ପରମୋତ୍ତମଃ ॥ ୧୦୫॥
ଵିଚାରେଣାନ୍ନତାଂ ଯାତି ପରମସ୍ଯ ସ୍ଵଯଂ ହୃଦି ।
ଵିଚାରୀ ପରମୋ ଭକ୍ତୋ ଜ୍ଞାତ୍ଵୈଵଂ ସ୍ଵଂ ଵିଚାରଯନ୍ ॥ ୧୦୬॥
ଵିଚାରେଣୈଵ ସମ୍ପୂର୍ଣଂ ପରସ୍ମୈ ସ୍ଵନିଵେଦନମ୍ ।
ଵିଚାରେଣାନ୍ନତାମେତ୍ଯ ନ ତତୋ ଭିଦ୍ଯତେ ଯତଃ ॥ ୧୦୭॥
ମଙ୍ଗଲମ୍
ଈଶ୍ଵରୋ ଗୁରୁରାତ୍ମେତି ମୂର୍ତିଭେଦଵିଭାଗିନେ ।
ପରସ୍ମୈ ରମଣାଖ୍ଯାଯ ପଞ୍ଚରତ୍ନକୃତେ ନମଃ ॥ ୧୦୮॥
ଇତି ଶିଵମ୍
In another Ashram publication, there is an addition of another verse
(as below) one of Ganapati Muni's disciples, Daivarata, wrote a Tamil
verse and colophon in praise of the stotra.
Maharshi translated this in Sanskrit. The original pancharatna was
composed by Maharshi in Tamil and also translated by him into Sanskrit.
ଏତଦ୍ ରମଣ ମହର୍ଷେର୍ଦର୍ଶନମରୁଣାଚଲସ୍ଯ ଦେଵଗିରା ।
ପଞ୍ଚକମାର୍ଯାଗୀତୌ ରତ୍ନଂ ତ୍ଵିଦମୌପନିଷଦଂ ହି ॥
ଇତି ଶ୍ରୀ ପାରାଶର୍ଯସ୍ଯ ଭଗଵତୋ ମହର୍ଷେରାଚାର୍ଯ
ରମଣସ୍ଯ ଦର୍ଶନମରୁଣାଚଲପଞ୍ଚରତ୍ନମ୍ ॥
Encoded and proofread by Sunder Hattangadi sunderh at hotmail
This work is published by Sri Ramanasramam www.sriramanamaharshi.org
It has been approved to be posted on sanskritdocuments.org
by permission of Sri V.S. Ramanan, President, Sri Ramanasramam.
Please send corrections to sanskrit@cheerful.com
Last updated ତ୍oday
http://sanskritdocuments.org
Arunachala Pancharatna Varttikam Lyrics in Oriya PDF
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : aruNAchalapancharatnavArttikam.itx
% Category : pancharatna
% Location : doc\_shiva
% Author : Shri Ramana Maharshi; varttikam by K.Lakshmana Sharma('WHO')
% Language : Sanskrit
% Subject : philosophy/hinduism/religion
% Transliterated by : Sunder Hattangadi sunderh at hotmail.com
% Proofread by : Sunder Hattangadi sunderh at hotmail.com
% Description-comments : Hymn of 5 verses, with commentary. Ramanashrama publication
% Acknowledge-Permission: Sri V.S. Ramanan, President, Sri Ramanasramam sriramanamaharshi.org
% Latest update : November 7, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 12, 2015 ] at Stotram Website