আনন্দসাগরস্তবঃ
{॥ আনন্দসাগরস্তবঃ ॥}
॥ আনন্দসাগরস্তবঃ ॥
বিজ্ঞাপনার্হবিরলাবসরানবাপ্ত্যা
মন্দোদ্যমে মযি দবীযসি বিশ্বমাতুঃ ।
অব্যাজভূতকরুণাপবনাপবিদ্ধা-
ন্যন্তঃ স্মরাম্যহমপাঙ্গতরঙ্গিতানি ॥ ১ ॥
আবেদ্যতামবিদিতং কিমথাপ্যনুক্তং
বক্তব্যমান্তররুজোপশমায নালম্ ।
ইত্যর্থ্যসে কিমপি তচ্ছ্রবণে নিধাতুং
মাতঃ প্রসীদ মলযধ্বজপাণ্ড্যকন্যে ॥২॥
আক্রন্দিতং রুদিতমাহতমাননে বা
কস্যার্দ্রমস্তু হৃদযং কিমতঃ ফলং বা ।
যস্যা মনো দ্রবতি যা জগতাং স্বতন্ত্রা
তস্যাস্তবাম্ব পুরতঃ কথযামি খেদম্ ॥ ৩ ॥
পর্যাকুলে মনসি বাচি পরিস্খলন্ত্যাং
আবর্তগর্ত ইব চক্ষিষি ঘূর্ণমানে ।
কস্তেঽভিদাস্যতি শিবে মমতামবস্থাং
কালে দযস্ব কথযামি তবাধুনৈব ॥ ৪ ॥
ভক্তিং করোতু নিতরাং সুরজাতিমাত্রে
গ্রামীণজন্তুরিব পৌরজনেষু লোকঃ ।
অন্যত্র দেবি ভবদীযপদারবিন্দা-
দাকৃষ্যমাণমপি মে হৃদযং ন যাতি ॥ ৫ ॥
অঙ্গীকুরু ত্বমবধীরয বা বযং তু
দাসাস্তবেতি বচসৈব জযেম লোকান্ ।
এতাবতৈব সুকরো ননু বিশ্বমাতঃ
উদ্দণ্ডদণ্ডধরকিঙ্করমৌলিভঙ্গঃ ॥ ৬ ॥
বেদান্তবাক্যজনিতং বিমলং বিচারৈঃ
আসাদ্য বোধমনুচিন্তনতোঽপরোক্ষম্ ।
মুক্তিং ব্রজন্তি মনুজা ইতি সূক্তিমাদ্যা-
মালম্ব্য কস্তরিতুমর্হতি শৈলকন্যে ॥ ৭ ॥
একৈকবেদবিষযাঃ কতি নামশাখা-
স্তাসাং শিরাংসি কতি নাম পৃথগ্বিধানি ।
অর্থাববোধবিধুরোঽক্ষরলাভ এব
কেষাং নৃণাং কতিভিরস্তু শরীরবন্ধৈঃ ॥ ৮ ॥
ন্যাযাঃ পরস্পরবিভিন্নদিশঃ সহস্র-
মুচ্ছাবচানি চ ভবন্ত্যুপবৃংহণানি ।
এবং স্থিতে গিরিসুতে নিগমোপলানাং
তাত্পর্যসারমবধারযিতুং ক্ষমঃ কঃ ॥ ৯ ॥
অস্ত্বক্ষরগ্রহবিধির্জনুষাং সহস্রৈ-
রাপাততো ভবতু নাম ততোঽর্থবোধঃ ।
দুর্বাদিকল্পিতবিকল্পতরঙ্গসান্দ্রান্
দুষ্পূর্বপক্ষজলধীন্ কথমুত্তরেযঃ ॥ ১০ ॥
ব্রহ্মেতি শক্তিরিতি বন্ধবিমোচনীতি
মাযামযীতি মদনান্তকবল্লভেতি ।
সপ্তাষ্টশব্দপরিবর্তনমাত্র এব
সামর্থ্যমাবহতি শাস্ত্রপরিশ্রমোঽযম্ ॥ ১১ ॥
তস্যৈ প্রসীদসি গিরীন্দ্রসুতে য ইত্থং
সম্পাদযেত শনকৈরপরোক্ষবোধম্ ।
যস্মৈ প্রসীদসি স চ ক্ষমতেঽববোদ্ধু-
মিত্থং পরস্পরসমাশ্রযমেতদাস্তে ॥ ১২ ॥
আকর্ণয ত্বমিমমভ্যুপগম্য বাদং
জানাতু কোঽপি যদি বা হৃদযং শ্রুতীনাম্ ।
তস্যাপ্যসঙ্খ্যভববন্ধশতার্জিতোঽযং
দ্বৈতভ্রমো গলতু জন্মশতৈঃ কিযদ্ভিঃ ॥ ১৩ ॥
কালে মহত্যনবধাবপতন্ক্বদাপি
ক্বাপ্যন্তিমে জনুষি কোঽপি গতিং লভেত ।
ইত্থং সমর্থনবিধিঃ পরমাগমানাং
পর্যাযসূক্তিবিধযা নযনং নঞর্থে ॥১৪ ॥
একাপবর্গসমযে জগতোঽপবর্গঃ
সর্বাপবর্গসমযে পুনরস্তশঙ্কঃ ।
ঈদৃগ্বিধং কমপি পক্ষমিহাবলম্ব্য
স্থাতুং সুখং ক্ষমমনেব পথা প্রবৃত্তৈঃ ॥ ১৫ ॥
অভ্যস্য বেদমবধার্য চ পূর্বতন্ত্র-
মালক্ষ্য শিষ্টচরিতানি পৃথগ্বিধানি ।
অধ্যাপনাদিভিরবাপ্য ধনং চ ভূরি
শর্মাণি মাতরলসাঃ কথমাচরেযুঃ ॥ ১৬ ॥
আযস্য তাবদপি কর্ম করোতু কশ্চি-
ত্তেনাপি মাতরধিকং কিমিবানুভাব্যম্ ।
অস্তে সুখং য ইহ ভারতবর্ষসীম-
ন্যাস্তে স কিঞ্চিদিত উত্তরতোঽপসৃত্য ॥ ১৭ ॥
কর্ম ত্যজেম যদি নূনমধঃ পতেম
যদ্যাচরেম ন কদাপি ভবং তরেম ।
কর্ম ত্যজেদিতি চরেদিতি চ প্রবৃত্তাঃ
ভাবেন কেন নিগমা ইতি ন প্রতীমঃ ॥ ১৮ ॥
কর্মণ্যকর্মবিধিরেষ যদাচরন্তি
কর্মাণি তত্তদনুবন্ধজিহাসযেতি ।
সত্যং তথাপ্যভিনবো ভবিতা ন বন্ধঃ
প্রাচীনবন্ধহরণে ক ইবাভ্যুপাযঃ ॥ ১৯ ॥
প্রারব্ধকর্ম কিযদারভতে কিযদ্বা
প্রারপ্স্যতে কিযদিদং ক ইবাবধত্তাম্ ।
কালঃ কিযানিব মযা প্রতিপালনীযো
যস্য ক্ষণার্ধমপি কল্পশতত্বমেতি ॥ ২০ ॥
পুংসঃ ক্ষণার্ধমপি সংসরণাক্ষমস্য
সাঙ্খ্যাদযঃ সরণযো ন বিশন্তি কর্ণম্ ।
সঙ্খ্যায গাঙ্গসিকতাঃ সকলাশ্চ সূক্ষ্মা
ভুঙ্ক্ষ্বেতি বাগিব মহাক্ষুধযার্দিতস্য ॥ ২১ ॥
ভক্তিস্তু কা যদি ভবেদ্রতিভাবভেদ-
স্তত্কেবলান্বযিতযা বিফলৈব ভক্তিঃ ।
প্রীতিস্ত্বযি ত্রিজগদাত্মনি কস্য নাস্তি
স্বাত্মদ্রুহো ন খলু সন্তি জনাস্ত্রিলোক্যাম্ ॥ ২২ ॥
আত্মা সমস্তজগতাং ভবতীতি সম্য-
গ্বিজ্ঞায যদ্বিতনুতে ত্বযি ভাববন্ধম্ ।
সা ভক্তিরিত্যভিমতং যদি সিদ্ধমিষ্টং
ব্যর্থং বিশেষ্যমলমস্তু বিশেষণং নঃ ॥ ২৩ ॥
স্বাত্মেতরত্বমবধার্য পরত্ববুদ্ধ্যা
যত্প্রীযতে গুরুজনেষ্বিব সৈব ভক্তিঃ ।
স্যাদেতদেবমিযমেব তু মে জিহাস্যা
দ্বৈতভ্রমাত্কিমধিকং ভববন্ধমূলম্ ॥ ২৪ ॥
সেবৈব ভক্তিরিতি কর্মপথপ্রবেশঃ
সেব্যপ্রসাদফলকা কিল কর্মসেবা ।
ধ্যানপ্রবাহ ইতি চেচ্ছ্রবণাত্ তৃতীযঃ
প্রাগেব মাতরযমাকলিতোঽভ্যুপাযঃ ॥ ২৫ ॥
অত্রৈব দাস্যসি বিমুক্তিমথাপি যাচে
মাতঃ শরীরপতনং মণিকর্ণিকাযাম্ ।
অস্তু স্বকৃত্যমনুকম্পনমীশ্বরাণাং
দাসস্য কর্মকরতৈব তথা স্বকৃত্যম্ ॥ ২৬ ॥
সদ্যো ভবেত্সুকৃতিনামুপদেশলাভঃ
পাপাত্মনাং বহুতিথে সমযে ব্যতীতে ।
ইত্যাদিভিঃ কিল পুরাণবচোভিরম্ব
বারাণসীমপি ন যাচিতুমুত্সুকোঽস্মি ॥ ২৭ ॥
আক্রান্তমন্তররিভিঃ মদমত্সরাদ্যৈঃ
গাত্রং বলীপলিতরোগশতানুবিদ্ধম্ ।
দারৈঃ সুতৈশ্চ গৃহমাবৃতমুত্তমর্ণৈঃ
মাতঃ কথং ভবতু মে মনসঃ প্রসাদঃ ॥ ২৮ ॥
ধন্যাঃ কতি ত্রিভুবনে পরমোপভাগ্যং
সংসারমেব পরমেশ্বরি ভাবযন্তঃ ।
আভাসরূপমববোধমিমং সমেত্য
ক্লিশ্যে কিযত্কিযদহং ত্বমুনা ভবেন ॥ ২৯ ॥
কা সংস্কৃতিঃ কিমপচারনিবন্ধনেযং
কীদৃগ্বিধস্য তব কিং ক্ষতমেতযেতি ।
প্রশ্নে তু নাস্মি কুশলঃ প্রতিবক্তুমেব
খেদস্তু মে জননি কোঽপ্যযমেবমাস্তে ॥ ৩০ ॥
এবং গতস্য মম সাম্প্রতমেতদর্হ-
মত্রেদমৌপযিকমিত্থমিদং চ সাধ্যম্ ।
অস্মিন্প্রমাণমিদমিত্যপি বোদ্ধুমম্ব
শক্তির্ন মে ভুবনসাক্ষিণি কিং করোমি ॥ ৩১ ॥
ন জ্ঞাযতে মম হিতং নিতরামুপাযো
দীনোঽস্মি দেবি সমযাচরণাক্ষমোঽস্মি ।
তত্ত্বামনন্যশরণঃ শরণং প্রপদ্যে
মীনাক্ষি বিশ্বজননীং জননীং মমৈব ॥ ৩২ ॥
কিঞ্চিন্মযা শ্রুতিষু কিঞ্চিদিবাগমেষু
শাস্ত্রেষু কিঞ্চিদুপদেশপথেষু কিঞ্চিত্ ।
আঘ্রাতমস্তি যদতো ভবতীং বরীতুং
গোপ্ত্রীতি কাচিদুদপদ্যত বুদ্ধিরেষা ॥ ৩৩ ॥
ব্রহ্মৈবমেবমহমেষ তদাপ্ত্যুপায
ইত্যাগমার্থবিধুরাঃ প্রথমে দযার্হাঃ ।
ত্বদ্রক্ষকত্বগুণমাত্রবিদো দ্বিতীযা
ইত্যর্থযে সদধিকার নিরূপণায ॥ ৩৪ ॥
মাতা করোষি মমতাং মযি যাবদীশ-
ত্তাবদ্যতে মম ততঃ কিমিবাস্তি সাধ্যম্ ।
মামিত্থমিত্থমুপযুঙ্ক্ষ্ব ন বিস্মরেতি
কিং স্বামিনং ত্বরযতে ক্বচন স্বভৃত্যঃ ॥ ৩৫ ॥
ত্যাজ্যং ত্যজানি বিহিতং চ সমাচরাণি
নিত্যেষু শক্তিমনুরুধ্য হু বর্তিতব্যম্ ।
তদ্বুদ্ধিশক্তিমনুরুদ্ধ্য ন কার্যশক্তি-
মিত্যেতদেব তু শিবে বিনিবেদযামি ॥ ৩৬ ॥
আত্মৈব ভার ইতি তং ত্বযি যো নিধত্তে
সোঽঙ্গানি কানি কলযত্বলসঃ প্রপত্তেঃ ।
বিশ্বস্য সাক্ষিণি বিলক্ষণলক্ষণা যা
বিস্রম্ভসম্পদিযমেব সমস্তমঙ্গম্ ॥ ৩৭ ॥
ত্বত্প্রেরণেন মিষতঃ শ্বসতোঽপি মাতঃ
প্রামাদিকেঽপি সতি কর্মণি মে ন দোষঃ ।
মাত্রৈব দত্তমশনং গ্রসতঃ সুতস্য
কো নাম বক্ষ্যতি শিশোরতিভুক্তিদোষম্ ॥ ৩৮ ॥
মুক্তিং নিষাধযিষতাং নিজযৈব বুদ্ধ্যা
প্রারব্ধকর্ম ভবতু প্রতিবন্ধহেতুঃ ।
ত্বামেব সাধনতযাপি সমাশ্রিতানাং
তুল্যং তদম্ব যদি কস্তব বীরবাদঃ ॥ ৩৯ ॥
প্রারব্ধকর্ম গিরিজে ভবদাশ্রিতানা-
মন্যত্র সংক্রময নাশয বা সমূলম্ ।
মর্ত্যাশ্চ খল্বপি বিষং বপুষি প্রসক্তং
সংক্রামযন্তি পরতোঽপি চ নাশযন্তি ॥ ৪০ ॥
ত্বদ্দর্শনশ্রবণচিন্তনবন্দনাদি-
ষ্বক্ষাণি দেবি বিনিযুজ্য যথাধিকারম্ ।
রক্ষেত্যসঙ্খ্যভবসম্ভৃতযৈব মৈত্র্যা
রুন্ধ্যাং যদি স্থিরমমূন্যধুনৈব ন স্যুঃ ॥ ৪১ ॥
ত্রাতব্য এষ ইতি চেত্করুণা মযি স্যা-
ত্ত্রাযস্ব কিং সুকৃতদুষ্কৃতচিন্তযা মে ।
কর্তুং জগত্তিরযিতুং চ বিশৃংখলাযাঃ
কর্মানুরোধ ইতি কং প্রতি বঞ্চনেযম্ ॥ ৪২ ॥
ত্বয্যর্পিতং প্রথমমপ্পযযজ্বনৈব
স্বাত্মার্পণং বিদধতা স্বকুলং সমস্তম্ ।
কা ত্বং মহেশি কুলদাসমুপেক্ষিতুং মাং
কো বানুপাসিতুমহং কুলদেবতাং ত্বাম্ ॥ ৪৩ ॥
মৌঢ্যাদহং শরণযামি সুরান্তরং চে-
ত্কিং তাবতা স্বমপি তস্য ভবামি মাতঃ ।
অজ্ঞানতঃ পরগৃহং প্রবিশন্পরস্য
স্বত্বং প্রযাস্যতি পশুঃ কিমু রাজকীযঃ ॥ ৪৪ ॥
আধায মূর্ধনি বৃথৈব ভরং মহান্তং
মূর্খা নিমজ্জথ কথং ভবসাগরেঽস্মিন্ ।
বিন্যস্য ভারমখিলং পদযোর্জনন্যা
বিস্রব্ধমুত্তরত পল্বলতুল্যমেনম্ ॥ ৪৫ ॥
ক্বেদং পতিষ্যতি বপুঃ ক্ব ততো নু গম্যং
কো দণ্ডযিষ্যতি কিযংতমনেহসং বা ।
কিং তস্য সন্তরণসাধনমিত্যনন্তা
চিন্তা স্থিতা ত্বযি শনৈরবতারিতা সা ॥ ৪৬ ॥
জ্ঞানং বিশেযমুত তেন বিনোদ্ধরেযং
প্রারব্ধমপ্যপলপেযমুতানুরুংধ্যাম্ ।
ইত্থং সকৃত্প্রপদনৈকবশংবদাযা
মাতুর্মযি প্রববৃতে মহতীহ চিন্তা ॥ ৪৭ ॥
এতজ্জডাজডবিবেচনমেতদেব
ক্ষিত্যাদিতত্বপরিশোধনকৌশলং চ ।
জ্ঞানং চ শৈবমিদমাগমকোটিলভ্যং
মাতুর্যদঙ্ঘ্রিযুগলে নিহিতো মযাত্মা ॥ ৪৮ ॥
ষট্ত্রিংশদাবরণমধ্যজুষি ত্বদঙ্ঘ্রৌ
হালাস্যনাথদযিতে নিহিতো মযাত্মা ।
ভূভুতলত্রিদিববর্তিষু কঃ ক্ষমেত
তচ্চক্ষুশাদি নিভৃতেন নিরীক্ষিতুং মাম্ ॥ ৪৯ ॥
বন্ধং হরিষ্যসি সুখং বিতরিষ্যসীতি
নিশ্চপ্রচং নিখিলমম্ব তদাস্ত এব ।
সম্প্রত্যহং ত্বযি নিধায ভরং সমস্তং
যানির্বৃণোমিকিমিতোঽপি মমাপবর্গে ॥ ৫০ ॥
কাশ্যাং নিপাতয বপুঃ শ্বপচালযে বা
স্বর্গং নয ত্বমপবর্গমধোগতিং বা ।
অদ্যৈব বা কুরু দযাং পুনরাযতৌ বা
কঃ সম্ভ্রমো মম ধনে ধনিনঃ প্রমাণম্ ॥ ৫১ ॥
নাহং সহে তব কথাশ্রবণান্তরাযং
নাহং সহে তব পদার্চনবিচ্যুতিং বা ।
মোক্ষং দিশৈতদবিরুদ্ধমিদং ন চেত্যা-
ন্নৈবাস্তু মাতরপবর্গমহোপসর্গঃ ॥ ৫২ ॥
আচূডমাচরণমম্ব তবানুবার-
মন্তঃস্মরন্ভুবনমঙ্গলমঙ্গমঙ্গম্ ।
আনন্দসাগরতরঙ্গপরম্পরাভি-
রান্দোলিতো ন গণযামি গতান্যহানি ॥ ৫৩ ॥
পাষাণতোঽপি কঠিনে শিরসি শ্রুতীনাং
প্রাযঃ পরিক্রমবশাদিব পাটলাভম্ ।
অম্ব স্মরেযমমৃতার্ণবমাথলব্ধ-
হৈয্যঙ্গবীনসু কুমারমিদং পদং তে ॥ ৫৪ ॥
যে নাম সন্তি কতিচিদ্গুরবিস্ত্রিলোক্যাং
তেষামপি স্বযমুপেতবতা গুরুত্বম্ ।
পাদেন মূর্ধ্নি বিধৃতেন বযং তবাম্ব
সংসারসাগরমিমং সুখমুত্তরামঃ ॥ ৫৫ ।
সাধারণে স্মরজযে নিতিলাক্ষিসাধ্যে
ভাগী শিবো ভজতু নাম যশঃ সমগ্রম্ ।
বামাঙ্ঘ্রিমাত্রকলিতে জননি ত্বদীযে
কা বা প্রসক্তিরপি কালজযে পুরারেঃ ॥ ৫৬ ॥
স্যাত্কোমলং যদি মনো মম বিশ্বমাতঃ
তত্পাদযোর্মৃদুলযোস্তব পাদুকাঽস্তু ।
স্যাত্কর্কশং যদি করগ্রহণে পুরারেঃ
অশ্মাধিরোপণবিধৌ ভবতূপযোগঃ ॥ ৫৭ ॥
প্রস্নিগ্ধমুগ্ধরুচিপাদতলে ভবত্যা
লগ্নং দৃঢং যদিহ মে হৃদযারবিন্দম্ ।
এষৈব সাগ্রভুবনদ্বিশতীপতিত্ব-
সাম্রাজ্যসূচনকরী তব পদ্মরেখা ॥ ৫৮ ॥
অপ্রাকৃতং মৃদুলতামবিচিন্ত্য কিঞ্চি-
দালম্বিতাসি পদযোঃ সুদৃঢং মযা যত্ ।
তন্মে ভবার্ণবনিমজ্জনকাতরস্য
মাতঃ ক্ষমস্ব মধুরেশ্বরি বালকৃত্যম্ ॥ ৫৯ ॥
যত্রানমন্পশুপতিঃ প্রণযাপরাধে
মন্দং কিল স্পৃশতি চন্দ্রকলাঞ্চলেন ।
পুষ্পার্চনেঽপি মৃদিতং পদযোর্যুগং ত-
ন্মাতস্তুদন্তি ন কথং পরুষা গিরো মে ॥ ৬০ ॥
অব্যাজসুন্দরমনুত্তরমপ্রমেয-
মপ্রাকৃতং পরমমঙ্গলমঙ্ঘ্রিপদ্মম্ ।
সংদর্শযেদপি সকৃদ্ভবতী দযার্দ্রা
দ্রষ্টাস্মি কেন তদহং তু বিলোচনেন ॥ ৬১ ॥
দিব্যা দৃশোঽপি দিবিষদ্গ্রহণোচিতানি
বস্তূনি কামমবধারযিতুং ক্ষমন্তে ।
ত্বন্মাত্রবেদ্যবিভবে তব রূপধেযে
ত্বদ্ভাব এব শরণং পরিশেষিতো নঃ ॥ ৬২ ॥
অস্মিন্মহত্যনবধৌ কিল কালচক্রে
ধন্যাস্তু যে কতিপযে শুকযোগিমুখ্যাঃ ।
লীনাস্ত্বদঙ্ঘ্রিযুগলে পরিশুদ্ধসত্বান্
তানাত্মনস্তব নখানবধারযামঃ ॥ ৬৩ ॥
আ শৈশবান্মমতযা কলিতস্ত্বযাসা-
বানৃণ্যমম্ব তব লব্ধুমনা মৃগাঙ্গকঃ ।
স্বাত্মানমেব নিযতং বহুধা বিভজ্য
ত্বত্পাদযোর্বিনিদধে নখরাপদেশাত্ ॥ ৬৪ ॥
নান্তঃ প্রবেশমযতে কিমপি শ্রুতং মে
নাস্তিক্যবাদশিলযা প্রতিরুধ্যমানম্ ।
তত্পাতযাম্যহমিমাং মহতীমধস্তা-
ত্পাদোদকেন কিযতা পরদেবতাযাঃ ॥ ৬৫ ॥
সন্নাহিভিঃ যমভটৈঃ পরিবার্যমাণে
ময্যর্ভকে করুণযা স্বযমাপতন্ত্যাঃ ।
আকর্ণযেযমপি নাম বিরামকালে
মাতস্তবাঙ্ঘ্রিমণিনূপুরশিঞ্জিতানি ॥ ৬৬ ॥
ব্রহ্মেশকেশবমুখৈর্বহুভিঃ কুমারৈঃ
পর্যাযতঃ পরিগৃহীতবিমুক্তদেশম্ ।
উত্সঙ্গমম্ব তব দাস্যসি মে কদা ত্বং
মাতৃপ্রিযং কিল জডং সুতমামনন্তি ॥ ৬৭ ॥
ঊরৌ শিরস্তব নিবেশ্য দযাবিতীর্ণ-
সংব্যানপল্লবসমীরবিনীতখেদম্ ।
অত্রৈব জন্মনি বিভোঃ পরমোপদেশ-
মাকর্ণযেযমপি কিং মণিকর্ণিকাযাম্ ॥ ৬৮ ॥
কাঞ্চীগুণগ্রথিতকাঞ্চনচেলদৃশ্য-
চণ্ডাতকাংশুকবিভাপরভাগশোভি ।
পর্যঙ্কমণ্ডলপরিষ্করণং পুরারেঃ
ধ্যাযামি তে বিপুলমম্ব নিতম্ববিম্বম্ ॥ ৬৯ ॥
গর্ভে নিবেশ্য ভুবনানি চতুর্দশাপি
সংরক্ষিতুং কলিতনিশ্চিতযা ভবত্যা ।
প্রাকারমেব রচিতং পরিতোঽপি নূন-
মূহে সুবর্ণমযমেদুরপট্টবন্ধম্ ॥ ৭০ ॥
মুক্তাশ্চ খল্বপি যদি ত্রিপুরে ভবত্যাঃ
স্তন্যাশযা স্তনতটং ন পরিত্যজন্তি ।
অস্মাকমুদ্ভটভবজ্বরতাপিতানা-
মার্দ্রীভবন্ তু বদনানি কুতো ন হেতোঃ ॥ ৭১ ॥
নষ্টোপলব্ধমধিগত্য শিশুং চিরান্মাং
বাত্সল্যবিদ্রুতহৃদঃ পরদেবতাযাঃ ।
ক্লিদ্যত্পযোধরবিনিঃসৃতদুগ্ধবিন্দু-
নিষ্যন্দপঙ্ক্তিরিব দীব্যতি হারযষ্টিঃ ॥ ৭২ ॥
যত্তদ্ধনুর্জনমনোমযমৈক্ষবং তে
তস্যাস্তু দেবি হৃদযং মম মূলদেশঃ ।
চাপাধিরোপণবিধৌ চরণাঞ্চলেন
সম্ভাব্যতে কিল সমাক্রমণং কদাচিত্ ॥ ৭৩ ॥
আস্থায দারুণতরং কমপি স্বভাব-
মত্যন্তদুষ্কৃতকৃতামপি শিক্ষণায ।
গৃহ্ণাসি সাযকপদে কুসুমান্যমূনি
মাতঃ সুতেষু মহতী কিল রূক্ষতেযম্ ॥ ৭৪ ॥
পাশং সৃণিং চ করযোস্তব ভাবযন্তঃ
সংস্তম্ভযন্তি বশযন্তি চ সর্বলোকান্ ।
চাপং শরং চ সকৃদম্ব তব স্মরন্তো
ভূপালতাং দধতি ভোগপথাবতীর্ণঃ ॥ ৭৫ ॥
পাশাঙ্কুশৌ তব করে পরিচিন্ত্য রাগ-
দ্বেষৌ জযন্তি পরমার্থবিদস্তু ধন্যাঃ ।
একত্র চাপমিতরত্র শরং চ মত্বা
ব্যাবর্তযন্তি হৃদযং বিষযান্ধকূপাত্ ॥ ৭৬ ॥
উত্ক্রান্তমান্তরমিদং শরণং জনানা-
মপ্যেতি চন্দ্রমিতি হে শ্রুতযো বদন্তি ।
আস্তামিদং মম তু দেবি মনোঽধুনৈব
লীনং দৃঢং বদনচন্দ্রমসি ত্বদীযে ॥ ৭৭ ॥
বিদ্যাত্মনো জননি তাবকদন্তপঙ্ক্তেঃ
বৈমল্যমীদৃগিতি বর্ণযিতুং ক্ষমঃ কঃ ।
তত্সম্ভবা যদমলা বচসাং সবিত্রী
তন্মূলকং কবিযশোঽপি ততস্তরাং যত্ ॥ ৭৮ ॥
স্বচ্ছাপি তে বহতি যত্কিল দন্তপঙ্ক্তিঃ
স্বচ্ছন্দনির্দলিতদাডিমবীজশোভাম্ ।
তন্মে রজোব্যতিকরাধিকপাটলিম্নি
চিত্তে পরং পরিচযাদিতি চিন্তযামি ॥ ৭৯ ॥
অর্ধং জিতত্রিপুরমম্ব তব স্মিতং চে-
দর্ধান্তরেণ চ তথা ভবিতব্যমেব ।
তচ্চিন্তযে জননি কারণসূক্ষ্মরূপ-
স্থূলাত্মকত্রিপুরশান্তিকৃতে স্মিতং তে ॥৮০ ॥
মত্ক্লেশদর্শনপরিদ্রবদন্তরঙ্গ-
হৈয্যঙ্গবী নপরিবাহনিভং জনন্যাঃ ।
অন্তস্তমোপহমনুস্মরতাং জনানাং
মন্দস্মিতং ভুবনমঙ্গলমস্তু ভূত্যৈ ॥ ৮১ ॥
সাংসিদ্ধিকাননসরোরুহদিব্যগন্ধ-
সান্দ্রীকৃতেন্দুশকলাকলিতাধিবাসম্ ।
তাম্বূলসারমখিলাগমবোধসারং
মাতর্বিধেহি মম বক্ত্রকলাচিকাযাম্ ॥ ৮২ ॥
নাসামণিস্তব শিবে চিরসংস্তবেন
প্রত্যাহৃতে মনসি ভাতি তপোধনানাম্ ।
অজ্ঞানসন্ততিনিশাত্যযসূচনার্থং
আবির্ভবন্ত্যসুরদেশিকতারকেব ॥ ৮৩ ॥
তাম্বূলগর্ভপরিফুল্লকপোললক্ষ্য-
তাটঙ্কমৌক্তিকমণিপ্রতিবিম্বদম্ভাত্ ।
অস্তদ্বযব্যতিকরামলসত্বমাদ্যং
বর্ণং বিভর্তি জঠরে তব বক্ত্রবিম্বম্ ॥ ৮৪ ॥
দত্তে শ্রিযং বহুবিধাং কুশলানি দত্তে
দত্তে পদং সুরপতেরপি লীলযৈব ।
ঈদৃগ্বিধাম্ব তব দৃষ্টিরিতোঽধিকা বা
নাদ্যাপি কর্ণমতিবর্তিতুমীশ্বরীযম্ ॥ ৮৫ ॥
পাশাণকূটকঠিণে জনদুর্বিগাহে
ব্যর্থং মহত্যুপনিষদ্বিপিনে প্রবৃত্তা ।
সেব্যেত কেন তব লোচনচন্দ্রিকেয-
মেনাং নিপাতয সকৃন্মযি তপ্যমানে ॥ ৮৬ ॥
কামং শিবেন শমিতং পুনরুজ্জগার
দৃষ্টিস্তবেতি কিমিযং জননি স্তুতিস্তে ।
লীলাপ্রসূতপুরুষার্থচতুষ্টযাযা-
স্তস্যাঃ পরং তু স ভবত্যবযুত্যবাদঃ ॥ ৮৭ ॥
সোমো জগজ্জনযিতেতি যদাহ বেদো
নেদং লতাপরমিতি ভ্রমিতব্যমার্যৈঃ ।
যঃ শৈববামতনুবর্তিভবদ্দৃগাত্মা
চন্দ্রো জগত্সৃজতি তত্পর এষ বাদঃ ॥ ৮৮ ॥
সূচ্যগ্রবদ্বসুমতীমণুবচ্চ মেরুং
দৃষ্টির্যদম্ব তব পশ্যতি দানশৌণ্ডা ।
দৃষ্টাস্ত্বযা বযমপীহ ততঃ স্মরামো
বেশন্তমেব ভবসাগরমুত্তরঙ্গম্ ॥ ৮৯ ॥
বাণীনিকেতনতযা ঘনসারগৌরাঃ
কল্হারকেসররুচঃ কমলানুষঙ্গাত্ ।
মাতর্জযন্তি শরণাগতলোকচেতো-
মালিন্যমার্জনবশাদসিতাঃ কটাক্ষাঃ ॥ ৯০ ॥
আকর্ণমুল্লসতি মাতরপাঙ্গদেশে
কালাঞ্জনেন ঘটিতা তব ভাতি রেখা ।
শৈবালপঙ্ক্তিরিবসন্ততনির্জিহান-
কারুণ্যপূরপদবীকলিতানুবন্ধঃ ॥ ৯১ ॥
বিশ্বং সৃজতি হন্তি চ যঃ কটাক্ষো
বিশ্বস্যতাং কথমসৌ চপলস্বভাবঃ ।
এষোঽপি যামনুসরল্লভতে যশাংসি
তামেব বিশ্বসিমি দেবি তবানুকম্পাম্ ॥ ৯২ ॥
অর্ধং কলঙ্করহিতা করুণৈব শম্ভো-
রর্ধং গুণাস্তদিতরে সকলাঃ সমেতাঃ ।
ইত্যম্ব সম্প্রতি কিল স্ফুরিতং রহস্যং
সম্পশ্যতো মম ভবন্মযমৈশমর্ধম্ ॥ ৯৩ ॥
অম্ব ভ্রুবোস্তব বিচেষ্টিতমপ্রমত্তং
সম্পশ্যতাং নিজনিজার্থনিদেশহেতোঃ ।
তন্মূলদেশনিহিতা নিভৃতা সুরাণাং
দৃষ্টিঃ প্রযাতি মৃগনাভিবিশেষকত্বম্ ॥ ৯৪ ॥
সারং কণং কণমঘর্মরুচাং সহস্রা-
ত্সঙ্গৃহ্য নির্মিতমিদং তব বক্ত্রবিম্বম্ ।
তাবত্সুধাকরকলঙ্ককুলানি পশ্চা-
দেকত্র দেবি নিহিতানি কচাপদেশাত্ ॥ ৯৫ ॥
বিন্যস্তমিন্দ্রমণিকন্দলসুন্দরেষু
কেশেষু তে স্ফটিকনির্মলমিন্দুখণ্ডম্ ।
আধারসঙ্গতিবশাদসিতাযমান-
মিন্দীবরচ্ছদবতংসদশাং বিভর্তি ॥ ৯৬ ॥
চিন্তামণিস্ত্রিভুবনেশ্বরি কৌস্তুভশ্চ
খ্যাতৌ মণী তব গৃহাঙ্গণকুট্টিমস্থৌ ।
কিং রত্নমন্যদুপলভ্য কিরীটকোটিং
বাচস্পতিপ্রভৃতযস্তব বর্ণযন্তু ॥ ৯৭ ॥
প্রাদুর্ভবত্তরণিবিম্বশতারুণানি
পর্যাপ্তশীতকিরণাযুতশীতলানি ।
শৃঙ্গারসারপরিবাহমযানি মাত-
রঙ্গানি কেঽপি চরমে জনুষি স্মরন্তি ॥ ৯৮॥
প্রত্যুগ্রকুঙ্কুমরসাকলিতাঙ্গরাগং
প্রত্যঙ্গদত্তমণিভূষণজালরম্যম্ ।
তাম্বূলপূরিতমুখং তরুণেন্দুচূডং
সর্বারুণং কিমপি বস্তু মমাবিরস্তু ॥ ৯৯ ॥
অর্ধং স্ত্রিযস্ত্রিভুবনে সচরাচরেঽস্মি-
ন্নর্ধং পুমাংস ইতি দর্শযিতুং ভবত্যা ।
স্ত্রীপুংসলক্ষণমিদং বপুরাদৃতং য-
ত্তেনাসি দেবি বিদিতা ত্রিজগচ্ছরীরা ॥ ১০০ ॥
নির্মাসি সংহরসি নির্বহসি ত্রিলোকীং
বৃত্তান্তমেতমপি বেত্তি ন বা মহেশঃ ।
তস্যেশ্বরস্য গিরিজে তব সাহচর্যা-
জ্জাতঃ শ্রুতিষ্বপি জগজ্জনকত্ববাদঃ ॥ ১০১ ॥
সত্তাস্যখণ্ডসুখসংবিদসি ত্রিলোকী-
সর্গস্থিতিপ্রতিহতিষ্বপিনির্ব্যপেক্ষা ।
ত্বামন্তরেণ শিব ইত্যবশিষ্যতে কি-
মর্ধং শিবস্য ভবতীত্যনভিজ্ঞবাদঃ ॥ ১০২ ॥
নাস্মিন্রবিস্তপতি নাত্র বিবাতি বাতো
নাস্য প্রবৃত্তিমপি বেদ জগত্সমস্তম্ ।
অন্তঃপুরং তদিদমীদৃশমন্তকারে-
রস্মাদৃশাস্তু সুখমত্র চরন্তি বালাঃ ॥ ১০৩ ॥
ত্বত্সন্নিধানরহিতো মম মাস্তু দেশ-
স্ত্বত্তত্ত্ববোধরহিতা মম মাস্তু বিদ্যা ।
ত্বত্পাদভক্তিরহিতো মম মাস্তু বংশ-
স্ত্বচ্চিন্তযা বিরহিতং মম মাস্তু চাযুঃ ॥ ১০৪ ॥
ত্বং দেবি যাদৃগসি তাদৃগসি ত্বমীদৃ-
গেবেতি বক্তুমপি বোদ্ধুমপি ক্ষমঃ কঃ ।
মামেব তাবদবিদন্নতিপামরোঽহং
মাতঃ স্তুতিং ত্বযি সমর্পযিতুং বিলজ্জে ॥ ১০৫ ॥
কাচিত্কৃতা কৃতিরিতি ত্বযি সাঽর্পিতেতি
কাপি প্রমোদকণিকা ন মমাংতরঙ্গে ।
মৌঢ্যং মদীযমিহ যদ্বিদিতং মমৈব
কিং ত্বম্ব বিশ্বসিমি দীনশরণ্যতাং তে ॥ ১০৬ ॥
কালানপাস্য বিষুবাযনসঙ্ক্রমাদী-
নস্তঙ্গতে হিমকরে চ দিবাকরে চ ।
অম্ব স্মরেযমপি তে চরণারবিন্দ-
মানন্দলক্ষণমপাস্তসমস্তভেদম্ ॥ ১০৭ ॥
চতুরধ্যাযীরূপং কলহংসব্যঞ্জনং জগন্মাতুঃ ।
অপরব্রহ্মমযং বপুরন্তঃ শশিখণ্ডমণ্ডনমুপাসে ॥ ১০৮ ॥
॥ ইতি শ্রী নীলকণ্ঠদীক্ষিতবিরচিতঃ
শ্রীআনন্দসাগরস্তবঃ সম্পূর্ণঃ ॥
Please send corrections to sanskrit@cheerful.com
Last updated ত্oday
http://sanskritdocuments.org
॥ আনন্দসাগরস্তবঃ ॥
বিজ্ঞাপনার্হবিরলাবসরানবাপ্ত্যা
মন্দোদ্যমে মযি দবীযসি বিশ্বমাতুঃ ।
অব্যাজভূতকরুণাপবনাপবিদ্ধা-
ন্যন্তঃ স্মরাম্যহমপাঙ্গতরঙ্গিতানি ॥ ১ ॥
আবেদ্যতামবিদিতং কিমথাপ্যনুক্তং
বক্তব্যমান্তররুজোপশমায নালম্ ।
ইত্যর্থ্যসে কিমপি তচ্ছ্রবণে নিধাতুং
মাতঃ প্রসীদ মলযধ্বজপাণ্ড্যকন্যে ॥২॥
আক্রন্দিতং রুদিতমাহতমাননে বা
কস্যার্দ্রমস্তু হৃদযং কিমতঃ ফলং বা ।
যস্যা মনো দ্রবতি যা জগতাং স্বতন্ত্রা
তস্যাস্তবাম্ব পুরতঃ কথযামি খেদম্ ॥ ৩ ॥
পর্যাকুলে মনসি বাচি পরিস্খলন্ত্যাং
আবর্তগর্ত ইব চক্ষিষি ঘূর্ণমানে ।
কস্তেঽভিদাস্যতি শিবে মমতামবস্থাং
কালে দযস্ব কথযামি তবাধুনৈব ॥ ৪ ॥
ভক্তিং করোতু নিতরাং সুরজাতিমাত্রে
গ্রামীণজন্তুরিব পৌরজনেষু লোকঃ ।
অন্যত্র দেবি ভবদীযপদারবিন্দা-
দাকৃষ্যমাণমপি মে হৃদযং ন যাতি ॥ ৫ ॥
অঙ্গীকুরু ত্বমবধীরয বা বযং তু
দাসাস্তবেতি বচসৈব জযেম লোকান্ ।
এতাবতৈব সুকরো ননু বিশ্বমাতঃ
উদ্দণ্ডদণ্ডধরকিঙ্করমৌলিভঙ্গঃ ॥ ৬ ॥
বেদান্তবাক্যজনিতং বিমলং বিচারৈঃ
আসাদ্য বোধমনুচিন্তনতোঽপরোক্ষম্ ।
মুক্তিং ব্রজন্তি মনুজা ইতি সূক্তিমাদ্যা-
মালম্ব্য কস্তরিতুমর্হতি শৈলকন্যে ॥ ৭ ॥
একৈকবেদবিষযাঃ কতি নামশাখা-
স্তাসাং শিরাংসি কতি নাম পৃথগ্বিধানি ।
অর্থাববোধবিধুরোঽক্ষরলাভ এব
কেষাং নৃণাং কতিভিরস্তু শরীরবন্ধৈঃ ॥ ৮ ॥
ন্যাযাঃ পরস্পরবিভিন্নদিশঃ সহস্র-
মুচ্ছাবচানি চ ভবন্ত্যুপবৃংহণানি ।
এবং স্থিতে গিরিসুতে নিগমোপলানাং
তাত্পর্যসারমবধারযিতুং ক্ষমঃ কঃ ॥ ৯ ॥
অস্ত্বক্ষরগ্রহবিধির্জনুষাং সহস্রৈ-
রাপাততো ভবতু নাম ততোঽর্থবোধঃ ।
দুর্বাদিকল্পিতবিকল্পতরঙ্গসান্দ্রান্
দুষ্পূর্বপক্ষজলধীন্ কথমুত্তরেযঃ ॥ ১০ ॥
ব্রহ্মেতি শক্তিরিতি বন্ধবিমোচনীতি
মাযামযীতি মদনান্তকবল্লভেতি ।
সপ্তাষ্টশব্দপরিবর্তনমাত্র এব
সামর্থ্যমাবহতি শাস্ত্রপরিশ্রমোঽযম্ ॥ ১১ ॥
তস্যৈ প্রসীদসি গিরীন্দ্রসুতে য ইত্থং
সম্পাদযেত শনকৈরপরোক্ষবোধম্ ।
যস্মৈ প্রসীদসি স চ ক্ষমতেঽববোদ্ধু-
মিত্থং পরস্পরসমাশ্রযমেতদাস্তে ॥ ১২ ॥
আকর্ণয ত্বমিমমভ্যুপগম্য বাদং
জানাতু কোঽপি যদি বা হৃদযং শ্রুতীনাম্ ।
তস্যাপ্যসঙ্খ্যভববন্ধশতার্জিতোঽযং
দ্বৈতভ্রমো গলতু জন্মশতৈঃ কিযদ্ভিঃ ॥ ১৩ ॥
কালে মহত্যনবধাবপতন্ক্বদাপি
ক্বাপ্যন্তিমে জনুষি কোঽপি গতিং লভেত ।
ইত্থং সমর্থনবিধিঃ পরমাগমানাং
পর্যাযসূক্তিবিধযা নযনং নঞর্থে ॥১৪ ॥
একাপবর্গসমযে জগতোঽপবর্গঃ
সর্বাপবর্গসমযে পুনরস্তশঙ্কঃ ।
ঈদৃগ্বিধং কমপি পক্ষমিহাবলম্ব্য
স্থাতুং সুখং ক্ষমমনেব পথা প্রবৃত্তৈঃ ॥ ১৫ ॥
অভ্যস্য বেদমবধার্য চ পূর্বতন্ত্র-
মালক্ষ্য শিষ্টচরিতানি পৃথগ্বিধানি ।
অধ্যাপনাদিভিরবাপ্য ধনং চ ভূরি
শর্মাণি মাতরলসাঃ কথমাচরেযুঃ ॥ ১৬ ॥
আযস্য তাবদপি কর্ম করোতু কশ্চি-
ত্তেনাপি মাতরধিকং কিমিবানুভাব্যম্ ।
অস্তে সুখং য ইহ ভারতবর্ষসীম-
ন্যাস্তে স কিঞ্চিদিত উত্তরতোঽপসৃত্য ॥ ১৭ ॥
কর্ম ত্যজেম যদি নূনমধঃ পতেম
যদ্যাচরেম ন কদাপি ভবং তরেম ।
কর্ম ত্যজেদিতি চরেদিতি চ প্রবৃত্তাঃ
ভাবেন কেন নিগমা ইতি ন প্রতীমঃ ॥ ১৮ ॥
কর্মণ্যকর্মবিধিরেষ যদাচরন্তি
কর্মাণি তত্তদনুবন্ধজিহাসযেতি ।
সত্যং তথাপ্যভিনবো ভবিতা ন বন্ধঃ
প্রাচীনবন্ধহরণে ক ইবাভ্যুপাযঃ ॥ ১৯ ॥
প্রারব্ধকর্ম কিযদারভতে কিযদ্বা
প্রারপ্স্যতে কিযদিদং ক ইবাবধত্তাম্ ।
কালঃ কিযানিব মযা প্রতিপালনীযো
যস্য ক্ষণার্ধমপি কল্পশতত্বমেতি ॥ ২০ ॥
পুংসঃ ক্ষণার্ধমপি সংসরণাক্ষমস্য
সাঙ্খ্যাদযঃ সরণযো ন বিশন্তি কর্ণম্ ।
সঙ্খ্যায গাঙ্গসিকতাঃ সকলাশ্চ সূক্ষ্মা
ভুঙ্ক্ষ্বেতি বাগিব মহাক্ষুধযার্দিতস্য ॥ ২১ ॥
ভক্তিস্তু কা যদি ভবেদ্রতিভাবভেদ-
স্তত্কেবলান্বযিতযা বিফলৈব ভক্তিঃ ।
প্রীতিস্ত্বযি ত্রিজগদাত্মনি কস্য নাস্তি
স্বাত্মদ্রুহো ন খলু সন্তি জনাস্ত্রিলোক্যাম্ ॥ ২২ ॥
আত্মা সমস্তজগতাং ভবতীতি সম্য-
গ্বিজ্ঞায যদ্বিতনুতে ত্বযি ভাববন্ধম্ ।
সা ভক্তিরিত্যভিমতং যদি সিদ্ধমিষ্টং
ব্যর্থং বিশেষ্যমলমস্তু বিশেষণং নঃ ॥ ২৩ ॥
স্বাত্মেতরত্বমবধার্য পরত্ববুদ্ধ্যা
যত্প্রীযতে গুরুজনেষ্বিব সৈব ভক্তিঃ ।
স্যাদেতদেবমিযমেব তু মে জিহাস্যা
দ্বৈতভ্রমাত্কিমধিকং ভববন্ধমূলম্ ॥ ২৪ ॥
সেবৈব ভক্তিরিতি কর্মপথপ্রবেশঃ
সেব্যপ্রসাদফলকা কিল কর্মসেবা ।
ধ্যানপ্রবাহ ইতি চেচ্ছ্রবণাত্ তৃতীযঃ
প্রাগেব মাতরযমাকলিতোঽভ্যুপাযঃ ॥ ২৫ ॥
অত্রৈব দাস্যসি বিমুক্তিমথাপি যাচে
মাতঃ শরীরপতনং মণিকর্ণিকাযাম্ ।
অস্তু স্বকৃত্যমনুকম্পনমীশ্বরাণাং
দাসস্য কর্মকরতৈব তথা স্বকৃত্যম্ ॥ ২৬ ॥
সদ্যো ভবেত্সুকৃতিনামুপদেশলাভঃ
পাপাত্মনাং বহুতিথে সমযে ব্যতীতে ।
ইত্যাদিভিঃ কিল পুরাণবচোভিরম্ব
বারাণসীমপি ন যাচিতুমুত্সুকোঽস্মি ॥ ২৭ ॥
আক্রান্তমন্তররিভিঃ মদমত্সরাদ্যৈঃ
গাত্রং বলীপলিতরোগশতানুবিদ্ধম্ ।
দারৈঃ সুতৈশ্চ গৃহমাবৃতমুত্তমর্ণৈঃ
মাতঃ কথং ভবতু মে মনসঃ প্রসাদঃ ॥ ২৮ ॥
ধন্যাঃ কতি ত্রিভুবনে পরমোপভাগ্যং
সংসারমেব পরমেশ্বরি ভাবযন্তঃ ।
আভাসরূপমববোধমিমং সমেত্য
ক্লিশ্যে কিযত্কিযদহং ত্বমুনা ভবেন ॥ ২৯ ॥
কা সংস্কৃতিঃ কিমপচারনিবন্ধনেযং
কীদৃগ্বিধস্য তব কিং ক্ষতমেতযেতি ।
প্রশ্নে তু নাস্মি কুশলঃ প্রতিবক্তুমেব
খেদস্তু মে জননি কোঽপ্যযমেবমাস্তে ॥ ৩০ ॥
এবং গতস্য মম সাম্প্রতমেতদর্হ-
মত্রেদমৌপযিকমিত্থমিদং চ সাধ্যম্ ।
অস্মিন্প্রমাণমিদমিত্যপি বোদ্ধুমম্ব
শক্তির্ন মে ভুবনসাক্ষিণি কিং করোমি ॥ ৩১ ॥
ন জ্ঞাযতে মম হিতং নিতরামুপাযো
দীনোঽস্মি দেবি সমযাচরণাক্ষমোঽস্মি ।
তত্ত্বামনন্যশরণঃ শরণং প্রপদ্যে
মীনাক্ষি বিশ্বজননীং জননীং মমৈব ॥ ৩২ ॥
কিঞ্চিন্মযা শ্রুতিষু কিঞ্চিদিবাগমেষু
শাস্ত্রেষু কিঞ্চিদুপদেশপথেষু কিঞ্চিত্ ।
আঘ্রাতমস্তি যদতো ভবতীং বরীতুং
গোপ্ত্রীতি কাচিদুদপদ্যত বুদ্ধিরেষা ॥ ৩৩ ॥
ব্রহ্মৈবমেবমহমেষ তদাপ্ত্যুপায
ইত্যাগমার্থবিধুরাঃ প্রথমে দযার্হাঃ ।
ত্বদ্রক্ষকত্বগুণমাত্রবিদো দ্বিতীযা
ইত্যর্থযে সদধিকার নিরূপণায ॥ ৩৪ ॥
মাতা করোষি মমতাং মযি যাবদীশ-
ত্তাবদ্যতে মম ততঃ কিমিবাস্তি সাধ্যম্ ।
মামিত্থমিত্থমুপযুঙ্ক্ষ্ব ন বিস্মরেতি
কিং স্বামিনং ত্বরযতে ক্বচন স্বভৃত্যঃ ॥ ৩৫ ॥
ত্যাজ্যং ত্যজানি বিহিতং চ সমাচরাণি
নিত্যেষু শক্তিমনুরুধ্য হু বর্তিতব্যম্ ।
তদ্বুদ্ধিশক্তিমনুরুদ্ধ্য ন কার্যশক্তি-
মিত্যেতদেব তু শিবে বিনিবেদযামি ॥ ৩৬ ॥
আত্মৈব ভার ইতি তং ত্বযি যো নিধত্তে
সোঽঙ্গানি কানি কলযত্বলসঃ প্রপত্তেঃ ।
বিশ্বস্য সাক্ষিণি বিলক্ষণলক্ষণা যা
বিস্রম্ভসম্পদিযমেব সমস্তমঙ্গম্ ॥ ৩৭ ॥
ত্বত্প্রেরণেন মিষতঃ শ্বসতোঽপি মাতঃ
প্রামাদিকেঽপি সতি কর্মণি মে ন দোষঃ ।
মাত্রৈব দত্তমশনং গ্রসতঃ সুতস্য
কো নাম বক্ষ্যতি শিশোরতিভুক্তিদোষম্ ॥ ৩৮ ॥
মুক্তিং নিষাধযিষতাং নিজযৈব বুদ্ধ্যা
প্রারব্ধকর্ম ভবতু প্রতিবন্ধহেতুঃ ।
ত্বামেব সাধনতযাপি সমাশ্রিতানাং
তুল্যং তদম্ব যদি কস্তব বীরবাদঃ ॥ ৩৯ ॥
প্রারব্ধকর্ম গিরিজে ভবদাশ্রিতানা-
মন্যত্র সংক্রময নাশয বা সমূলম্ ।
মর্ত্যাশ্চ খল্বপি বিষং বপুষি প্রসক্তং
সংক্রামযন্তি পরতোঽপি চ নাশযন্তি ॥ ৪০ ॥
ত্বদ্দর্শনশ্রবণচিন্তনবন্দনাদি-
ষ্বক্ষাণি দেবি বিনিযুজ্য যথাধিকারম্ ।
রক্ষেত্যসঙ্খ্যভবসম্ভৃতযৈব মৈত্র্যা
রুন্ধ্যাং যদি স্থিরমমূন্যধুনৈব ন স্যুঃ ॥ ৪১ ॥
ত্রাতব্য এষ ইতি চেত্করুণা মযি স্যা-
ত্ত্রাযস্ব কিং সুকৃতদুষ্কৃতচিন্তযা মে ।
কর্তুং জগত্তিরযিতুং চ বিশৃংখলাযাঃ
কর্মানুরোধ ইতি কং প্রতি বঞ্চনেযম্ ॥ ৪২ ॥
ত্বয্যর্পিতং প্রথমমপ্পযযজ্বনৈব
স্বাত্মার্পণং বিদধতা স্বকুলং সমস্তম্ ।
কা ত্বং মহেশি কুলদাসমুপেক্ষিতুং মাং
কো বানুপাসিতুমহং কুলদেবতাং ত্বাম্ ॥ ৪৩ ॥
মৌঢ্যাদহং শরণযামি সুরান্তরং চে-
ত্কিং তাবতা স্বমপি তস্য ভবামি মাতঃ ।
অজ্ঞানতঃ পরগৃহং প্রবিশন্পরস্য
স্বত্বং প্রযাস্যতি পশুঃ কিমু রাজকীযঃ ॥ ৪৪ ॥
আধায মূর্ধনি বৃথৈব ভরং মহান্তং
মূর্খা নিমজ্জথ কথং ভবসাগরেঽস্মিন্ ।
বিন্যস্য ভারমখিলং পদযোর্জনন্যা
বিস্রব্ধমুত্তরত পল্বলতুল্যমেনম্ ॥ ৪৫ ॥
ক্বেদং পতিষ্যতি বপুঃ ক্ব ততো নু গম্যং
কো দণ্ডযিষ্যতি কিযংতমনেহসং বা ।
কিং তস্য সন্তরণসাধনমিত্যনন্তা
চিন্তা স্থিতা ত্বযি শনৈরবতারিতা সা ॥ ৪৬ ॥
জ্ঞানং বিশেযমুত তেন বিনোদ্ধরেযং
প্রারব্ধমপ্যপলপেযমুতানুরুংধ্যাম্ ।
ইত্থং সকৃত্প্রপদনৈকবশংবদাযা
মাতুর্মযি প্রববৃতে মহতীহ চিন্তা ॥ ৪৭ ॥
এতজ্জডাজডবিবেচনমেতদেব
ক্ষিত্যাদিতত্বপরিশোধনকৌশলং চ ।
জ্ঞানং চ শৈবমিদমাগমকোটিলভ্যং
মাতুর্যদঙ্ঘ্রিযুগলে নিহিতো মযাত্মা ॥ ৪৮ ॥
ষট্ত্রিংশদাবরণমধ্যজুষি ত্বদঙ্ঘ্রৌ
হালাস্যনাথদযিতে নিহিতো মযাত্মা ।
ভূভুতলত্রিদিববর্তিষু কঃ ক্ষমেত
তচ্চক্ষুশাদি নিভৃতেন নিরীক্ষিতুং মাম্ ॥ ৪৯ ॥
বন্ধং হরিষ্যসি সুখং বিতরিষ্যসীতি
নিশ্চপ্রচং নিখিলমম্ব তদাস্ত এব ।
সম্প্রত্যহং ত্বযি নিধায ভরং সমস্তং
যানির্বৃণোমিকিমিতোঽপি মমাপবর্গে ॥ ৫০ ॥
কাশ্যাং নিপাতয বপুঃ শ্বপচালযে বা
স্বর্গং নয ত্বমপবর্গমধোগতিং বা ।
অদ্যৈব বা কুরু দযাং পুনরাযতৌ বা
কঃ সম্ভ্রমো মম ধনে ধনিনঃ প্রমাণম্ ॥ ৫১ ॥
নাহং সহে তব কথাশ্রবণান্তরাযং
নাহং সহে তব পদার্চনবিচ্যুতিং বা ।
মোক্ষং দিশৈতদবিরুদ্ধমিদং ন চেত্যা-
ন্নৈবাস্তু মাতরপবর্গমহোপসর্গঃ ॥ ৫২ ॥
আচূডমাচরণমম্ব তবানুবার-
মন্তঃস্মরন্ভুবনমঙ্গলমঙ্গমঙ্গম্ ।
আনন্দসাগরতরঙ্গপরম্পরাভি-
রান্দোলিতো ন গণযামি গতান্যহানি ॥ ৫৩ ॥
পাষাণতোঽপি কঠিনে শিরসি শ্রুতীনাং
প্রাযঃ পরিক্রমবশাদিব পাটলাভম্ ।
অম্ব স্মরেযমমৃতার্ণবমাথলব্ধ-
হৈয্যঙ্গবীনসু কুমারমিদং পদং তে ॥ ৫৪ ॥
যে নাম সন্তি কতিচিদ্গুরবিস্ত্রিলোক্যাং
তেষামপি স্বযমুপেতবতা গুরুত্বম্ ।
পাদেন মূর্ধ্নি বিধৃতেন বযং তবাম্ব
সংসারসাগরমিমং সুখমুত্তরামঃ ॥ ৫৫ ।
সাধারণে স্মরজযে নিতিলাক্ষিসাধ্যে
ভাগী শিবো ভজতু নাম যশঃ সমগ্রম্ ।
বামাঙ্ঘ্রিমাত্রকলিতে জননি ত্বদীযে
কা বা প্রসক্তিরপি কালজযে পুরারেঃ ॥ ৫৬ ॥
স্যাত্কোমলং যদি মনো মম বিশ্বমাতঃ
তত্পাদযোর্মৃদুলযোস্তব পাদুকাঽস্তু ।
স্যাত্কর্কশং যদি করগ্রহণে পুরারেঃ
অশ্মাধিরোপণবিধৌ ভবতূপযোগঃ ॥ ৫৭ ॥
প্রস্নিগ্ধমুগ্ধরুচিপাদতলে ভবত্যা
লগ্নং দৃঢং যদিহ মে হৃদযারবিন্দম্ ।
এষৈব সাগ্রভুবনদ্বিশতীপতিত্ব-
সাম্রাজ্যসূচনকরী তব পদ্মরেখা ॥ ৫৮ ॥
অপ্রাকৃতং মৃদুলতামবিচিন্ত্য কিঞ্চি-
দালম্বিতাসি পদযোঃ সুদৃঢং মযা যত্ ।
তন্মে ভবার্ণবনিমজ্জনকাতরস্য
মাতঃ ক্ষমস্ব মধুরেশ্বরি বালকৃত্যম্ ॥ ৫৯ ॥
যত্রানমন্পশুপতিঃ প্রণযাপরাধে
মন্দং কিল স্পৃশতি চন্দ্রকলাঞ্চলেন ।
পুষ্পার্চনেঽপি মৃদিতং পদযোর্যুগং ত-
ন্মাতস্তুদন্তি ন কথং পরুষা গিরো মে ॥ ৬০ ॥
অব্যাজসুন্দরমনুত্তরমপ্রমেয-
মপ্রাকৃতং পরমমঙ্গলমঙ্ঘ্রিপদ্মম্ ।
সংদর্শযেদপি সকৃদ্ভবতী দযার্দ্রা
দ্রষ্টাস্মি কেন তদহং তু বিলোচনেন ॥ ৬১ ॥
দিব্যা দৃশোঽপি দিবিষদ্গ্রহণোচিতানি
বস্তূনি কামমবধারযিতুং ক্ষমন্তে ।
ত্বন্মাত্রবেদ্যবিভবে তব রূপধেযে
ত্বদ্ভাব এব শরণং পরিশেষিতো নঃ ॥ ৬২ ॥
অস্মিন্মহত্যনবধৌ কিল কালচক্রে
ধন্যাস্তু যে কতিপযে শুকযোগিমুখ্যাঃ ।
লীনাস্ত্বদঙ্ঘ্রিযুগলে পরিশুদ্ধসত্বান্
তানাত্মনস্তব নখানবধারযামঃ ॥ ৬৩ ॥
আ শৈশবান্মমতযা কলিতস্ত্বযাসা-
বানৃণ্যমম্ব তব লব্ধুমনা মৃগাঙ্গকঃ ।
স্বাত্মানমেব নিযতং বহুধা বিভজ্য
ত্বত্পাদযোর্বিনিদধে নখরাপদেশাত্ ॥ ৬৪ ॥
নান্তঃ প্রবেশমযতে কিমপি শ্রুতং মে
নাস্তিক্যবাদশিলযা প্রতিরুধ্যমানম্ ।
তত্পাতযাম্যহমিমাং মহতীমধস্তা-
ত্পাদোদকেন কিযতা পরদেবতাযাঃ ॥ ৬৫ ॥
সন্নাহিভিঃ যমভটৈঃ পরিবার্যমাণে
ময্যর্ভকে করুণযা স্বযমাপতন্ত্যাঃ ।
আকর্ণযেযমপি নাম বিরামকালে
মাতস্তবাঙ্ঘ্রিমণিনূপুরশিঞ্জিতানি ॥ ৬৬ ॥
ব্রহ্মেশকেশবমুখৈর্বহুভিঃ কুমারৈঃ
পর্যাযতঃ পরিগৃহীতবিমুক্তদেশম্ ।
উত্সঙ্গমম্ব তব দাস্যসি মে কদা ত্বং
মাতৃপ্রিযং কিল জডং সুতমামনন্তি ॥ ৬৭ ॥
ঊরৌ শিরস্তব নিবেশ্য দযাবিতীর্ণ-
সংব্যানপল্লবসমীরবিনীতখেদম্ ।
অত্রৈব জন্মনি বিভোঃ পরমোপদেশ-
মাকর্ণযেযমপি কিং মণিকর্ণিকাযাম্ ॥ ৬৮ ॥
কাঞ্চীগুণগ্রথিতকাঞ্চনচেলদৃশ্য-
চণ্ডাতকাংশুকবিভাপরভাগশোভি ।
পর্যঙ্কমণ্ডলপরিষ্করণং পুরারেঃ
ধ্যাযামি তে বিপুলমম্ব নিতম্ববিম্বম্ ॥ ৬৯ ॥
গর্ভে নিবেশ্য ভুবনানি চতুর্দশাপি
সংরক্ষিতুং কলিতনিশ্চিতযা ভবত্যা ।
প্রাকারমেব রচিতং পরিতোঽপি নূন-
মূহে সুবর্ণমযমেদুরপট্টবন্ধম্ ॥ ৭০ ॥
মুক্তাশ্চ খল্বপি যদি ত্রিপুরে ভবত্যাঃ
স্তন্যাশযা স্তনতটং ন পরিত্যজন্তি ।
অস্মাকমুদ্ভটভবজ্বরতাপিতানা-
মার্দ্রীভবন্ তু বদনানি কুতো ন হেতোঃ ॥ ৭১ ॥
নষ্টোপলব্ধমধিগত্য শিশুং চিরান্মাং
বাত্সল্যবিদ্রুতহৃদঃ পরদেবতাযাঃ ।
ক্লিদ্যত্পযোধরবিনিঃসৃতদুগ্ধবিন্দু-
নিষ্যন্দপঙ্ক্তিরিব দীব্যতি হারযষ্টিঃ ॥ ৭২ ॥
যত্তদ্ধনুর্জনমনোমযমৈক্ষবং তে
তস্যাস্তু দেবি হৃদযং মম মূলদেশঃ ।
চাপাধিরোপণবিধৌ চরণাঞ্চলেন
সম্ভাব্যতে কিল সমাক্রমণং কদাচিত্ ॥ ৭৩ ॥
আস্থায দারুণতরং কমপি স্বভাব-
মত্যন্তদুষ্কৃতকৃতামপি শিক্ষণায ।
গৃহ্ণাসি সাযকপদে কুসুমান্যমূনি
মাতঃ সুতেষু মহতী কিল রূক্ষতেযম্ ॥ ৭৪ ॥
পাশং সৃণিং চ করযোস্তব ভাবযন্তঃ
সংস্তম্ভযন্তি বশযন্তি চ সর্বলোকান্ ।
চাপং শরং চ সকৃদম্ব তব স্মরন্তো
ভূপালতাং দধতি ভোগপথাবতীর্ণঃ ॥ ৭৫ ॥
পাশাঙ্কুশৌ তব করে পরিচিন্ত্য রাগ-
দ্বেষৌ জযন্তি পরমার্থবিদস্তু ধন্যাঃ ।
একত্র চাপমিতরত্র শরং চ মত্বা
ব্যাবর্তযন্তি হৃদযং বিষযান্ধকূপাত্ ॥ ৭৬ ॥
উত্ক্রান্তমান্তরমিদং শরণং জনানা-
মপ্যেতি চন্দ্রমিতি হে শ্রুতযো বদন্তি ।
আস্তামিদং মম তু দেবি মনোঽধুনৈব
লীনং দৃঢং বদনচন্দ্রমসি ত্বদীযে ॥ ৭৭ ॥
বিদ্যাত্মনো জননি তাবকদন্তপঙ্ক্তেঃ
বৈমল্যমীদৃগিতি বর্ণযিতুং ক্ষমঃ কঃ ।
তত্সম্ভবা যদমলা বচসাং সবিত্রী
তন্মূলকং কবিযশোঽপি ততস্তরাং যত্ ॥ ৭৮ ॥
স্বচ্ছাপি তে বহতি যত্কিল দন্তপঙ্ক্তিঃ
স্বচ্ছন্দনির্দলিতদাডিমবীজশোভাম্ ।
তন্মে রজোব্যতিকরাধিকপাটলিম্নি
চিত্তে পরং পরিচযাদিতি চিন্তযামি ॥ ৭৯ ॥
অর্ধং জিতত্রিপুরমম্ব তব স্মিতং চে-
দর্ধান্তরেণ চ তথা ভবিতব্যমেব ।
তচ্চিন্তযে জননি কারণসূক্ষ্মরূপ-
স্থূলাত্মকত্রিপুরশান্তিকৃতে স্মিতং তে ॥৮০ ॥
মত্ক্লেশদর্শনপরিদ্রবদন্তরঙ্গ-
হৈয্যঙ্গবী নপরিবাহনিভং জনন্যাঃ ।
অন্তস্তমোপহমনুস্মরতাং জনানাং
মন্দস্মিতং ভুবনমঙ্গলমস্তু ভূত্যৈ ॥ ৮১ ॥
সাংসিদ্ধিকাননসরোরুহদিব্যগন্ধ-
সান্দ্রীকৃতেন্দুশকলাকলিতাধিবাসম্ ।
তাম্বূলসারমখিলাগমবোধসারং
মাতর্বিধেহি মম বক্ত্রকলাচিকাযাম্ ॥ ৮২ ॥
নাসামণিস্তব শিবে চিরসংস্তবেন
প্রত্যাহৃতে মনসি ভাতি তপোধনানাম্ ।
অজ্ঞানসন্ততিনিশাত্যযসূচনার্থং
আবির্ভবন্ত্যসুরদেশিকতারকেব ॥ ৮৩ ॥
তাম্বূলগর্ভপরিফুল্লকপোললক্ষ্য-
তাটঙ্কমৌক্তিকমণিপ্রতিবিম্বদম্ভাত্ ।
অস্তদ্বযব্যতিকরামলসত্বমাদ্যং
বর্ণং বিভর্তি জঠরে তব বক্ত্রবিম্বম্ ॥ ৮৪ ॥
দত্তে শ্রিযং বহুবিধাং কুশলানি দত্তে
দত্তে পদং সুরপতেরপি লীলযৈব ।
ঈদৃগ্বিধাম্ব তব দৃষ্টিরিতোঽধিকা বা
নাদ্যাপি কর্ণমতিবর্তিতুমীশ্বরীযম্ ॥ ৮৫ ॥
পাশাণকূটকঠিণে জনদুর্বিগাহে
ব্যর্থং মহত্যুপনিষদ্বিপিনে প্রবৃত্তা ।
সেব্যেত কেন তব লোচনচন্দ্রিকেয-
মেনাং নিপাতয সকৃন্মযি তপ্যমানে ॥ ৮৬ ॥
কামং শিবেন শমিতং পুনরুজ্জগার
দৃষ্টিস্তবেতি কিমিযং জননি স্তুতিস্তে ।
লীলাপ্রসূতপুরুষার্থচতুষ্টযাযা-
স্তস্যাঃ পরং তু স ভবত্যবযুত্যবাদঃ ॥ ৮৭ ॥
সোমো জগজ্জনযিতেতি যদাহ বেদো
নেদং লতাপরমিতি ভ্রমিতব্যমার্যৈঃ ।
যঃ শৈববামতনুবর্তিভবদ্দৃগাত্মা
চন্দ্রো জগত্সৃজতি তত্পর এষ বাদঃ ॥ ৮৮ ॥
সূচ্যগ্রবদ্বসুমতীমণুবচ্চ মেরুং
দৃষ্টির্যদম্ব তব পশ্যতি দানশৌণ্ডা ।
দৃষ্টাস্ত্বযা বযমপীহ ততঃ স্মরামো
বেশন্তমেব ভবসাগরমুত্তরঙ্গম্ ॥ ৮৯ ॥
বাণীনিকেতনতযা ঘনসারগৌরাঃ
কল্হারকেসররুচঃ কমলানুষঙ্গাত্ ।
মাতর্জযন্তি শরণাগতলোকচেতো-
মালিন্যমার্জনবশাদসিতাঃ কটাক্ষাঃ ॥ ৯০ ॥
আকর্ণমুল্লসতি মাতরপাঙ্গদেশে
কালাঞ্জনেন ঘটিতা তব ভাতি রেখা ।
শৈবালপঙ্ক্তিরিবসন্ততনির্জিহান-
কারুণ্যপূরপদবীকলিতানুবন্ধঃ ॥ ৯১ ॥
বিশ্বং সৃজতি হন্তি চ যঃ কটাক্ষো
বিশ্বস্যতাং কথমসৌ চপলস্বভাবঃ ।
এষোঽপি যামনুসরল্লভতে যশাংসি
তামেব বিশ্বসিমি দেবি তবানুকম্পাম্ ॥ ৯২ ॥
অর্ধং কলঙ্করহিতা করুণৈব শম্ভো-
রর্ধং গুণাস্তদিতরে সকলাঃ সমেতাঃ ।
ইত্যম্ব সম্প্রতি কিল স্ফুরিতং রহস্যং
সম্পশ্যতো মম ভবন্মযমৈশমর্ধম্ ॥ ৯৩ ॥
অম্ব ভ্রুবোস্তব বিচেষ্টিতমপ্রমত্তং
সম্পশ্যতাং নিজনিজার্থনিদেশহেতোঃ ।
তন্মূলদেশনিহিতা নিভৃতা সুরাণাং
দৃষ্টিঃ প্রযাতি মৃগনাভিবিশেষকত্বম্ ॥ ৯৪ ॥
সারং কণং কণমঘর্মরুচাং সহস্রা-
ত্সঙ্গৃহ্য নির্মিতমিদং তব বক্ত্রবিম্বম্ ।
তাবত্সুধাকরকলঙ্ককুলানি পশ্চা-
দেকত্র দেবি নিহিতানি কচাপদেশাত্ ॥ ৯৫ ॥
বিন্যস্তমিন্দ্রমণিকন্দলসুন্দরেষু
কেশেষু তে স্ফটিকনির্মলমিন্দুখণ্ডম্ ।
আধারসঙ্গতিবশাদসিতাযমান-
মিন্দীবরচ্ছদবতংসদশাং বিভর্তি ॥ ৯৬ ॥
চিন্তামণিস্ত্রিভুবনেশ্বরি কৌস্তুভশ্চ
খ্যাতৌ মণী তব গৃহাঙ্গণকুট্টিমস্থৌ ।
কিং রত্নমন্যদুপলভ্য কিরীটকোটিং
বাচস্পতিপ্রভৃতযস্তব বর্ণযন্তু ॥ ৯৭ ॥
প্রাদুর্ভবত্তরণিবিম্বশতারুণানি
পর্যাপ্তশীতকিরণাযুতশীতলানি ।
শৃঙ্গারসারপরিবাহমযানি মাত-
রঙ্গানি কেঽপি চরমে জনুষি স্মরন্তি ॥ ৯৮॥
প্রত্যুগ্রকুঙ্কুমরসাকলিতাঙ্গরাগং
প্রত্যঙ্গদত্তমণিভূষণজালরম্যম্ ।
তাম্বূলপূরিতমুখং তরুণেন্দুচূডং
সর্বারুণং কিমপি বস্তু মমাবিরস্তু ॥ ৯৯ ॥
অর্ধং স্ত্রিযস্ত্রিভুবনে সচরাচরেঽস্মি-
ন্নর্ধং পুমাংস ইতি দর্শযিতুং ভবত্যা ।
স্ত্রীপুংসলক্ষণমিদং বপুরাদৃতং য-
ত্তেনাসি দেবি বিদিতা ত্রিজগচ্ছরীরা ॥ ১০০ ॥
নির্মাসি সংহরসি নির্বহসি ত্রিলোকীং
বৃত্তান্তমেতমপি বেত্তি ন বা মহেশঃ ।
তস্যেশ্বরস্য গিরিজে তব সাহচর্যা-
জ্জাতঃ শ্রুতিষ্বপি জগজ্জনকত্ববাদঃ ॥ ১০১ ॥
সত্তাস্যখণ্ডসুখসংবিদসি ত্রিলোকী-
সর্গস্থিতিপ্রতিহতিষ্বপিনির্ব্যপেক্ষা ।
ত্বামন্তরেণ শিব ইত্যবশিষ্যতে কি-
মর্ধং শিবস্য ভবতীত্যনভিজ্ঞবাদঃ ॥ ১০২ ॥
নাস্মিন্রবিস্তপতি নাত্র বিবাতি বাতো
নাস্য প্রবৃত্তিমপি বেদ জগত্সমস্তম্ ।
অন্তঃপুরং তদিদমীদৃশমন্তকারে-
রস্মাদৃশাস্তু সুখমত্র চরন্তি বালাঃ ॥ ১০৩ ॥
ত্বত্সন্নিধানরহিতো মম মাস্তু দেশ-
স্ত্বত্তত্ত্ববোধরহিতা মম মাস্তু বিদ্যা ।
ত্বত্পাদভক্তিরহিতো মম মাস্তু বংশ-
স্ত্বচ্চিন্তযা বিরহিতং মম মাস্তু চাযুঃ ॥ ১০৪ ॥
ত্বং দেবি যাদৃগসি তাদৃগসি ত্বমীদৃ-
গেবেতি বক্তুমপি বোদ্ধুমপি ক্ষমঃ কঃ ।
মামেব তাবদবিদন্নতিপামরোঽহং
মাতঃ স্তুতিং ত্বযি সমর্পযিতুং বিলজ্জে ॥ ১০৫ ॥
কাচিত্কৃতা কৃতিরিতি ত্বযি সাঽর্পিতেতি
কাপি প্রমোদকণিকা ন মমাংতরঙ্গে ।
মৌঢ্যং মদীযমিহ যদ্বিদিতং মমৈব
কিং ত্বম্ব বিশ্বসিমি দীনশরণ্যতাং তে ॥ ১০৬ ॥
কালানপাস্য বিষুবাযনসঙ্ক্রমাদী-
নস্তঙ্গতে হিমকরে চ দিবাকরে চ ।
অম্ব স্মরেযমপি তে চরণারবিন্দ-
মানন্দলক্ষণমপাস্তসমস্তভেদম্ ॥ ১০৭ ॥
চতুরধ্যাযীরূপং কলহংসব্যঞ্জনং জগন্মাতুঃ ।
অপরব্রহ্মমযং বপুরন্তঃ শশিখণ্ডমণ্ডনমুপাসে ॥ ১০৮ ॥
॥ ইতি শ্রী নীলকণ্ঠদীক্ষিতবিরচিতঃ
শ্রীআনন্দসাগরস্তবঃ সম্পূর্ণঃ ॥
Please send corrections to sanskrit@cheerful.com
Last updated ত্oday
http://sanskritdocuments.org
Ananda Sagara Stavam Lyrics in Bengali PDF
% File name : anandasagarastava.itx
% Location : doc\_devii
% Author : Nilakantha Dikshitar
% Language : Sanskrit
% Subject : philosophy/hinduism/religion
% Transliterated by : Sunder Hattangadi
% Translated by : n/a
% Description-comments : Hymn to Devi Minakshi
% Latest update : Dec. 18, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : anandasagarastava.itx
% Location : doc\_devii
% Author : Nilakantha Dikshitar
% Language : Sanskrit
% Subject : philosophy/hinduism/religion
% Transliterated by : Sunder Hattangadi
% Translated by : n/a
% Description-comments : Hymn to Devi Minakshi
% Latest update : Dec. 18, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website