ଆନନ୍ଦସାଗରସ୍ତଵଃ
{॥ ଆନନ୍ଦସାଗରସ୍ତଵଃ ॥}
॥ ଆନନ୍ଦସାଗରସ୍ତଵଃ ॥
ଵିଜ୍ଞାପନାର୍ହଵିରଲାଵସରାନଵାପ୍ତ୍ଯା
ମନ୍ଦୋଦ୍ଯମେ ମଯି ଦଵୀଯସି ଵିଶ୍ଵମାତୁଃ ।
ଅଵ୍ଯାଜଭୂତକରୁଣାପଵନାପଵିଦ୍ଧା-
ନ୍ଯନ୍ତଃ ସ୍ମରାମ୍ଯହମପାଙ୍ଗତରଙ୍ଗିତାନି ॥ ୧ ॥
ଆଵେଦ୍ଯତାମଵିଦିତଂ କିମଥାପ୍ଯନୁକ୍ତଂ
ଵକ୍ତଵ୍ଯମାନ୍ତରରୁଜୋପଶମାଯ ନାଲମ୍ ।
ଇତ୍ଯର୍ଥ୍ଯସେ କିମପି ତଚ୍ଛ୍ରଵଣେ ନିଧାତୁଂ
ମାତଃ ପ୍ରସୀଦ ମଲଯଧ୍ଵଜପାଣ୍ଡ୍ଯକନ୍ଯେ ॥୨॥
ଆକ୍ରନ୍ଦିତଂ ରୁଦିତମାହତମାନନେ ଵା
କସ୍ଯାର୍ଦ୍ରମସ୍ତୁ ହୃଦଯଂ କିମତଃ ଫଲଂ ଵା ।
ଯସ୍ଯା ମନୋ ଦ୍ରଵତି ଯା ଜଗତାଂ ସ୍ଵତନ୍ତ୍ରା
ତସ୍ଯାସ୍ତଵାମ୍ବ ପୁରତଃ କଥଯାମି ଖେଦମ୍ ॥ ୩ ॥
ପର୍ଯାକୁଲେ ମନସି ଵାଚି ପରିସ୍ଖଲନ୍ତ୍ଯାଂ
ଆଵର୍ତଗର୍ତ ଇଵ ଚକ୍ଷିଷି ଘୂର୍ଣମାନେ ।
କସ୍ତେଽଭିଦାସ୍ଯତି ଶିଵେ ମମତାମଵସ୍ଥାଂ
କାଲେ ଦଯସ୍ଵ କଥଯାମି ତଵାଧୁନୈଵ ॥ ୪ ॥
ଭକ୍ତିଂ କରୋତୁ ନିତରାଂ ସୁରଜାତିମାତ୍ରେ
ଗ୍ରାମୀଣଜନ୍ତୁରିଵ ପୌରଜନେଷୁ ଲୋକଃ ।
ଅନ୍ଯତ୍ର ଦେଵି ଭଵଦୀଯପଦାରଵିନ୍ଦା-
ଦାକୃଷ୍ଯମାଣମପି ମେ ହୃଦଯଂ ନ ଯାତି ॥ ୫ ॥
ଅଙ୍ଗୀକୁରୁ ତ୍ଵମଵଧୀରଯ ଵା ଵଯଂ ତୁ
ଦାସାସ୍ତଵେତି ଵଚସୈଵ ଜଯେମ ଲୋକାନ୍ ।
ଏତାଵତୈଵ ସୁକରୋ ନନୁ ଵିଶ୍ଵମାତଃ
ଉଦ୍ଦଣ୍ଡଦଣ୍ଡଧରକିଙ୍କରମୌଲିଭଙ୍ଗଃ ॥ ୬ ॥
ଵେଦାନ୍ତଵାକ୍ଯଜନିତଂ ଵିମଲଂ ଵିଚାରୈଃ
ଆସାଦ୍ଯ ବୋଧମନୁଚିନ୍ତନତୋଽପରୋକ୍ଷମ୍ ।
ମୁକ୍ତିଂ ଵ୍ରଜନ୍ତି ମନୁଜା ଇତି ସୂକ୍ତିମାଦ୍ଯା-
ମାଲମ୍ବ୍ଯ କସ୍ତରିତୁମର୍ହତି ଶୈଲକନ୍ଯେ ॥ ୭ ॥
ଏକୈକଵେଦଵିଷଯାଃ କତି ନାମଶାଖା-
ସ୍ତାସାଂ ଶିରାଂସି କତି ନାମ ପୃଥଗ୍ଵିଧାନି ।
ଅର୍ଥାଵବୋଧଵିଧୁରୋଽକ୍ଷରଲାଭ ଏଵ
କେଷାଂ ନୃଣାଂ କତିଭିରସ୍ତୁ ଶରୀରବନ୍ଧୈଃ ॥ ୮ ॥
ନ୍ଯାଯାଃ ପରସ୍ପରଵିଭିନ୍ନଦିଶଃ ସହସ୍ର-
ମୁଚ୍ଛାଵଚାନି ଚ ଭଵନ୍ତ୍ଯୁପବୃଂହଣାନି ।
ଏଵଂ ସ୍ଥିତେ ଗିରିସୁତେ ନିଗମୋପଲାନାଂ
ତାତ୍ପର୍ଯସାରମଵଧାରଯିତୁଂ କ୍ଷମଃ କଃ ॥ ୯ ॥
ଅସ୍ତ୍ଵକ୍ଷରଗ୍ରହଵିଧିର୍ଜନୁଷାଂ ସହସ୍ରୈ-
ରାପାତତୋ ଭଵତୁ ନାମ ତତୋଽର୍ଥବୋଧଃ ।
ଦୁର୍ଵାଦିକଲ୍ପିତଵିକଲ୍ପତରଙ୍ଗସାନ୍ଦ୍ରାନ୍
ଦୁଷ୍ପୂର୍ଵପକ୍ଷଜଲଧୀନ୍ କଥମୁତ୍ତରେଯଃ ॥ ୧୦ ॥
ବ୍ରହ୍ମେତି ଶକ୍ତିରିତି ବନ୍ଧଵିମୋଚନୀତି
ମାଯାମଯୀତି ମଦନାନ୍ତକଵଲ୍ଲଭେତି ।
ସପ୍ତାଷ୍ଟଶବ୍ଦପରିଵର୍ତନମାତ୍ର ଏଵ
ସାମର୍ଥ୍ଯମାଵହତି ଶାସ୍ତ୍ରପରିଶ୍ରମୋଽଯମ୍ ॥ ୧୧ ॥
ତସ୍ଯୈ ପ୍ରସୀଦସି ଗିରୀନ୍ଦ୍ରସୁତେ ଯ ଇତ୍ଥଂ
ସମ୍ପାଦଯେତ ଶନକୈରପରୋକ୍ଷବୋଧମ୍ ।
ଯସ୍ମୈ ପ୍ରସୀଦସି ସ ଚ କ୍ଷମତେଽଵବୋଦ୍ଧୁ-
ମିତ୍ଥଂ ପରସ୍ପରସମାଶ୍ରଯମେତଦାସ୍ତେ ॥ ୧୨ ॥
ଆକର୍ଣଯ ତ୍ଵମିମମଭ୍ଯୁପଗମ୍ଯ ଵାଦଂ
ଜାନାତୁ କୋଽପି ଯଦି ଵା ହୃଦଯଂ ଶ୍ରୁତୀନାମ୍ ।
ତସ୍ଯାପ୍ଯସଙ୍ଖ୍ଯଭଵବନ୍ଧଶତାର୍ଜିତୋଽଯଂ
ଦ୍ଵୈତଭ୍ରମୋ ଗଲତୁ ଜନ୍ମଶତୈଃ କିଯଦ୍ଭିଃ ॥ ୧୩ ॥
କାଲେ ମହତ୍ଯନଵଧାଵପତନ୍କ୍ଵଦାପି
କ୍ଵାପ୍ଯନ୍ତିମେ ଜନୁଷି କୋଽପି ଗତିଂ ଲଭେତ ।
ଇତ୍ଥଂ ସମର୍ଥନଵିଧିଃ ପରମାଗମାନାଂ
ପର୍ଯାଯସୂକ୍ତିଵିଧଯା ନଯନଂ ନଞର୍ଥେ ॥୧୪ ॥
ଏକାପଵର୍ଗସମଯେ ଜଗତୋଽପଵର୍ଗଃ
ସର୍ଵାପଵର୍ଗସମଯେ ପୁନରସ୍ତଶଙ୍କଃ ।
ଈଦୃଗ୍ଵିଧଂ କମପି ପକ୍ଷମିହାଵଲମ୍ବ୍ଯ
ସ୍ଥାତୁଂ ସୁଖଂ କ୍ଷମମନେଵ ପଥା ପ୍ରଵୃତ୍ତୈଃ ॥ ୧୫ ॥
ଅଭ୍ଯସ୍ଯ ଵେଦମଵଧାର୍ଯ ଚ ପୂର୍ଵତନ୍ତ୍ର-
ମାଲକ୍ଷ୍ଯ ଶିଷ୍ଟଚରିତାନି ପୃଥଗ୍ଵିଧାନି ।
ଅଧ୍ଯାପନାଦିଭିରଵାପ୍ଯ ଧନଂ ଚ ଭୂରି
ଶର୍ମାଣି ମାତରଲସାଃ କଥମାଚରେଯୁଃ ॥ ୧୬ ॥
ଆଯସ୍ଯ ତାଵଦପି କର୍ମ କରୋତୁ କଶ୍ଚି-
ତ୍ତେନାପି ମାତରଧିକଂ କିମିଵାନୁଭାଵ୍ଯମ୍ ।
ଅସ୍ତେ ସୁଖଂ ଯ ଇହ ଭାରତଵର୍ଷସୀମ-
ନ୍ଯାସ୍ତେ ସ କିଞ୍ଚିଦିତ ଉତ୍ତରତୋଽପସୃତ୍ଯ ॥ ୧୭ ॥
କର୍ମ ତ୍ଯଜେମ ଯଦି ନୂନମଧଃ ପତେମ
ଯଦ୍ଯାଚରେମ ନ କଦାପି ଭଵଂ ତରେମ ।
କର୍ମ ତ୍ଯଜେଦିତି ଚରେଦିତି ଚ ପ୍ରଵୃତ୍ତାଃ
ଭାଵେନ କେନ ନିଗମା ଇତି ନ ପ୍ରତୀମଃ ॥ ୧୮ ॥
କର୍ମଣ୍ଯକର୍ମଵିଧିରେଷ ଯଦାଚରନ୍ତି
କର୍ମାଣି ତତ୍ତଦନୁବନ୍ଧଜିହାସଯେତି ।
ସତ୍ଯଂ ତଥାପ୍ଯଭିନଵୋ ଭଵିତା ନ ବନ୍ଧଃ
ପ୍ରାଚୀନବନ୍ଧହରଣେ କ ଇଵାଭ୍ଯୁପାଯଃ ॥ ୧୯ ॥
ପ୍ରାରବ୍ଧକର୍ମ କିଯଦାରଭତେ କିଯଦ୍ଵା
ପ୍ରାରପ୍ସ୍ଯତେ କିଯଦିଦଂ କ ଇଵାଵଧତ୍ତାମ୍ ।
କାଲଃ କିଯାନିଵ ମଯା ପ୍ରତିପାଲନୀଯୋ
ଯସ୍ଯ କ୍ଷଣାର୍ଧମପି କଲ୍ପଶତତ୍ଵମେତି ॥ ୨୦ ॥
ପୁଂସଃ କ୍ଷଣାର୍ଧମପି ସଂସରଣାକ୍ଷମସ୍ଯ
ସାଙ୍ଖ୍ଯାଦଯଃ ସରଣଯୋ ନ ଵିଶନ୍ତି କର୍ଣମ୍ ।
ସଙ୍ଖ୍ଯାଯ ଗାଙ୍ଗସିକତାଃ ସକଲାଶ୍ଚ ସୂକ୍ଷ୍ମା
ଭୁଙ୍କ୍ଷ୍ଵେତି ଵାଗିଵ ମହାକ୍ଷୁଧଯାର୍ଦିତସ୍ଯ ॥ ୨୧ ॥
ଭକ୍ତିସ୍ତୁ କା ଯଦି ଭଵେଦ୍ରତିଭାଵଭେଦ-
ସ୍ତତ୍କେଵଲାନ୍ଵଯିତଯା ଵିଫଲୈଵ ଭକ୍ତିଃ ।
ପ୍ରୀତିସ୍ତ୍ଵଯି ତ୍ରିଜଗଦାତ୍ମନି କସ୍ଯ ନାସ୍ତି
ସ୍ଵାତ୍ମଦ୍ରୁହୋ ନ ଖଲୁ ସନ୍ତି ଜନାସ୍ତ୍ରିଲୋକ୍ଯାମ୍ ॥ ୨୨ ॥
ଆତ୍ମା ସମସ୍ତଜଗତାଂ ଭଵତୀତି ସମ୍ଯ-
ଗ୍ଵିଜ୍ଞାଯ ଯଦ୍ଵିତନୁତେ ତ୍ଵଯି ଭାଵବନ୍ଧମ୍ ।
ସା ଭକ୍ତିରିତ୍ଯଭିମତଂ ଯଦି ସିଦ୍ଧମିଷ୍ଟଂ
ଵ୍ଯର୍ଥଂ ଵିଶେଷ୍ଯମଲମସ୍ତୁ ଵିଶେଷଣଂ ନଃ ॥ ୨୩ ॥
ସ୍ଵାତ୍ମେତରତ୍ଵମଵଧାର୍ଯ ପରତ୍ଵବୁଦ୍ଧ୍ଯା
ଯତ୍ପ୍ରୀଯତେ ଗୁରୁଜନେଷ୍ଵିଵ ସୈଵ ଭକ୍ତିଃ ।
ସ୍ଯାଦେତଦେଵମିଯମେଵ ତୁ ମେ ଜିହାସ୍ଯା
ଦ୍ଵୈତଭ୍ରମାତ୍କିମଧିକଂ ଭଵବନ୍ଧମୂଲମ୍ ॥ ୨୪ ॥
ସେଵୈଵ ଭକ୍ତିରିତି କର୍ମପଥପ୍ରଵେଶଃ
ସେଵ୍ଯପ୍ରସାଦଫଲକା କିଲ କର୍ମସେଵା ।
ଧ୍ଯାନପ୍ରଵାହ ଇତି ଚେଚ୍ଛ୍ରଵଣାତ୍ ତୃତୀଯଃ
ପ୍ରାଗେଵ ମାତରଯମାକଲିତୋଽଭ୍ଯୁପାଯଃ ॥ ୨୫ ॥
ଅତ୍ରୈଵ ଦାସ୍ଯସି ଵିମୁକ୍ତିମଥାପି ଯାଚେ
ମାତଃ ଶରୀରପତନଂ ମଣିକର୍ଣିକାଯାମ୍ ।
ଅସ୍ତୁ ସ୍ଵକୃତ୍ଯମନୁକମ୍ପନମୀଶ୍ଵରାଣାଂ
ଦାସସ୍ଯ କର୍ମକରତୈଵ ତଥା ସ୍ଵକୃତ୍ଯମ୍ ॥ ୨୬ ॥
ସଦ୍ଯୋ ଭଵେତ୍ସୁକୃତିନାମୁପଦେଶଲାଭଃ
ପାପାତ୍ମନାଂ ବହୁତିଥେ ସମଯେ ଵ୍ଯତୀତେ ।
ଇତ୍ଯାଦିଭିଃ କିଲ ପୁରାଣଵଚୋଭିରମ୍ବ
ଵାରାଣସୀମପି ନ ଯାଚିତୁମୁତ୍ସୁକୋଽସ୍ମି ॥ ୨୭ ॥
ଆକ୍ରାନ୍ତମନ୍ତରରିଭିଃ ମଦମତ୍ସରାଦ୍ଯୈଃ
ଗାତ୍ରଂ ଵଲୀପଲିତରୋଗଶତାନୁଵିଦ୍ଧମ୍ ।
ଦାରୈଃ ସୁତୈଶ୍ଚ ଗୃହମାଵୃତମୁତ୍ତମର୍ଣୈଃ
ମାତଃ କଥଂ ଭଵତୁ ମେ ମନସଃ ପ୍ରସାଦଃ ॥ ୨୮ ॥
ଧନ୍ଯାଃ କତି ତ୍ରିଭୁଵନେ ପରମୋପଭାଗ୍ଯଂ
ସଂସାରମେଵ ପରମେଶ୍ଵରି ଭାଵଯନ୍ତଃ ।
ଆଭାସରୂପମଵବୋଧମିମଂ ସମେତ୍ଯ
କ୍ଲିଶ୍ଯେ କିଯତ୍କିଯଦହଂ ତ୍ଵମୁନା ଭଵେନ ॥ ୨୯ ॥
କା ସଂସ୍କୃତିଃ କିମପଚାରନିବନ୍ଧନେଯଂ
କୀଦୃଗ୍ଵିଧସ୍ଯ ତଵ କିଂ କ୍ଷତମେତଯେତି ।
ପ୍ରଶ୍ନେ ତୁ ନାସ୍ମି କୁଶଲଃ ପ୍ରତିଵକ୍ତୁମେଵ
ଖେଦସ୍ତୁ ମେ ଜନନି କୋଽପ୍ଯଯମେଵମାସ୍ତେ ॥ ୩୦ ॥
ଏଵଂ ଗତସ୍ଯ ମମ ସାମ୍ପ୍ରତମେତଦର୍ହ-
ମତ୍ରେଦମୌପଯିକମିତ୍ଥମିଦଂ ଚ ସାଧ୍ଯମ୍ ।
ଅସ୍ମିନ୍ପ୍ରମାଣମିଦମିତ୍ଯପି ବୋଦ୍ଧୁମମ୍ବ
ଶକ୍ତିର୍ନ ମେ ଭୁଵନସାକ୍ଷିଣି କିଂ କରୋମି ॥ ୩୧ ॥
ନ ଜ୍ଞାଯତେ ମମ ହିତଂ ନିତରାମୁପାଯୋ
ଦୀନୋଽସ୍ମି ଦେଵି ସମଯାଚରଣାକ୍ଷମୋଽସ୍ମି ।
ତତ୍ତ୍ଵାମନନ୍ଯଶରଣଃ ଶରଣଂ ପ୍ରପଦ୍ଯେ
ମୀନାକ୍ଷି ଵିଶ୍ଵଜନନୀଂ ଜନନୀଂ ମମୈଵ ॥ ୩୨ ॥
କିଞ୍ଚିନ୍ମଯା ଶ୍ରୁତିଷୁ କିଞ୍ଚିଦିଵାଗମେଷୁ
ଶାସ୍ତ୍ରେଷୁ କିଞ୍ଚିଦୁପଦେଶପଥେଷୁ କିଞ୍ଚିତ୍ ।
ଆଘ୍ରାତମସ୍ତି ଯଦତୋ ଭଵତୀଂ ଵରୀତୁଂ
ଗୋପ୍ତ୍ରୀତି କାଚିଦୁଦପଦ୍ଯତ ବୁଦ୍ଧିରେଷା ॥ ୩୩ ॥
ବ୍ରହ୍ମୈଵମେଵମହମେଷ ତଦାପ୍ତ୍ଯୁପାଯ
ଇତ୍ଯାଗମାର୍ଥଵିଧୁରାଃ ପ୍ରଥମେ ଦଯାର୍ହାଃ ।
ତ୍ଵଦ୍ରକ୍ଷକତ୍ଵଗୁଣମାତ୍ରଵିଦୋ ଦ୍ଵିତୀଯା
ଇତ୍ଯର୍ଥଯେ ସଦଧିକାର ନିରୂପଣାଯ ॥ ୩୪ ॥
ମାତା କରୋଷି ମମତାଂ ମଯି ଯାଵଦୀଶ-
ତ୍ତାଵଦ୍ଯତେ ମମ ତତଃ କିମିଵାସ୍ତି ସାଧ୍ଯମ୍ ।
ମାମିତ୍ଥମିତ୍ଥମୁପଯୁଙ୍କ୍ଷ୍ଵ ନ ଵିସ୍ମରେତି
କିଂ ସ୍ଵାମିନଂ ତ୍ଵରଯତେ କ୍ଵଚନ ସ୍ଵଭୃତ୍ଯଃ ॥ ୩୫ ॥
ତ୍ଯାଜ୍ଯଂ ତ୍ଯଜାନି ଵିହିତଂ ଚ ସମାଚରାଣି
ନିତ୍ଯେଷୁ ଶକ୍ତିମନୁରୁଧ୍ଯ ହୁ ଵର୍ତିତଵ୍ଯମ୍ ।
ତଦ୍ବୁଦ୍ଧିଶକ୍ତିମନୁରୁଦ୍ଧ୍ଯ ନ କାର୍ଯଶକ୍ତି-
ମିତ୍ଯେତଦେଵ ତୁ ଶିଵେ ଵିନିଵେଦଯାମି ॥ ୩୬ ॥
ଆତ୍ମୈଵ ଭାର ଇତି ତଂ ତ୍ଵଯି ଯୋ ନିଧତ୍ତେ
ସୋଽଙ୍ଗାନି କାନି କଲଯତ୍ଵଲସଃ ପ୍ରପତ୍ତେଃ ।
ଵିଶ୍ଵସ୍ଯ ସାକ୍ଷିଣି ଵିଲକ୍ଷଣଲକ୍ଷଣା ଯା
ଵିସ୍ରମ୍ଭସମ୍ପଦିଯମେଵ ସମସ୍ତମଙ୍ଗମ୍ ॥ ୩୭ ॥
ତ୍ଵତ୍ପ୍ରେରଣେନ ମିଷତଃ ଶ୍ଵସତୋଽପି ମାତଃ
ପ୍ରାମାଦିକେଽପି ସତି କର୍ମଣି ମେ ନ ଦୋଷଃ ।
ମାତ୍ରୈଵ ଦତ୍ତମଶନଂ ଗ୍ରସତଃ ସୁତସ୍ଯ
କୋ ନାମ ଵକ୍ଷ୍ଯତି ଶିଶୋରତିଭୁକ୍ତିଦୋଷମ୍ ॥ ୩୮ ॥
ମୁକ୍ତିଂ ନିଷାଧଯିଷତାଂ ନିଜଯୈଵ ବୁଦ୍ଧ୍ଯା
ପ୍ରାରବ୍ଧକର୍ମ ଭଵତୁ ପ୍ରତିବନ୍ଧହେତୁଃ ।
ତ୍ଵାମେଵ ସାଧନତଯାପି ସମାଶ୍ରିତାନାଂ
ତୁଲ୍ଯଂ ତଦମ୍ବ ଯଦି କସ୍ତଵ ଵୀରଵାଦଃ ॥ ୩୯ ॥
ପ୍ରାରବ୍ଧକର୍ମ ଗିରିଜେ ଭଵଦାଶ୍ରିତାନା-
ମନ୍ଯତ୍ର ସଂକ୍ରମଯ ନାଶଯ ଵା ସମୂଲମ୍ ।
ମର୍ତ୍ଯାଶ୍ଚ ଖଲ୍ଵପି ଵିଷଂ ଵପୁଷି ପ୍ରସକ୍ତଂ
ସଂକ୍ରାମଯନ୍ତି ପରତୋଽପି ଚ ନାଶଯନ୍ତି ॥ ୪୦ ॥
ତ୍ଵଦ୍ଦର୍ଶନଶ୍ରଵଣଚିନ୍ତନଵନ୍ଦନାଦି-
ଷ୍ଵକ୍ଷାଣି ଦେଵି ଵିନିଯୁଜ୍ଯ ଯଥାଧିକାରମ୍ ।
ରକ୍ଷେତ୍ଯସଙ୍ଖ୍ଯଭଵସମ୍ଭୃତଯୈଵ ମୈତ୍ର୍ଯା
ରୁନ୍ଧ୍ଯାଂ ଯଦି ସ୍ଥିରମମୂନ୍ଯଧୁନୈଵ ନ ସ୍ଯୁଃ ॥ ୪୧ ॥
ତ୍ରାତଵ୍ଯ ଏଷ ଇତି ଚେତ୍କରୁଣା ମଯି ସ୍ଯା-
ତ୍ତ୍ରାଯସ୍ଵ କିଂ ସୁକୃତଦୁଷ୍କୃତଚିନ୍ତଯା ମେ ।
କର୍ତୁଂ ଜଗତ୍ତିରଯିତୁଂ ଚ ଵିଶୃଂଖଲାଯାଃ
କର୍ମାନୁରୋଧ ଇତି କଂ ପ୍ରତି ଵଞ୍ଚନେଯମ୍ ॥ ୪୨ ॥
ତ୍ଵଯ୍ଯର୍ପିତଂ ପ୍ରଥମମପ୍ପଯଯଜ୍ଵନୈଵ
ସ୍ଵାତ୍ମାର୍ପଣଂ ଵିଦଧତା ସ୍ଵକୁଲଂ ସମସ୍ତମ୍ ।
କା ତ୍ଵଂ ମହେଶି କୁଲଦାସମୁପେକ୍ଷିତୁଂ ମାଂ
କୋ ଵାନୁପାସିତୁମହଂ କୁଲଦେଵତାଂ ତ୍ଵାମ୍ ॥ ୪୩ ॥
ମୌଢ୍ଯାଦହଂ ଶରଣଯାମି ସୁରାନ୍ତରଂ ଚେ-
ତ୍କିଂ ତାଵତା ସ୍ଵମପି ତସ୍ଯ ଭଵାମି ମାତଃ ।
ଅଜ୍ଞାନତଃ ପରଗୃହଂ ପ୍ରଵିଶନ୍ପରସ୍ଯ
ସ୍ଵତ୍ଵଂ ପ୍ରଯାସ୍ଯତି ପଶୁଃ କିମୁ ରାଜକୀଯଃ ॥ ୪୪ ॥
ଆଧାଯ ମୂର୍ଧନି ଵୃଥୈଵ ଭରଂ ମହାନ୍ତଂ
ମୂର୍ଖା ନିମଜ୍ଜଥ କଥଂ ଭଵସାଗରେଽସ୍ମିନ୍ ।
ଵିନ୍ଯସ୍ଯ ଭାରମଖିଲଂ ପଦଯୋର୍ଜନନ୍ଯା
ଵିସ୍ରବ୍ଧମୁତ୍ତରତ ପଲ୍ଵଲତୁଲ୍ଯମେନମ୍ ॥ ୪୫ ॥
କ୍ଵେଦଂ ପତିଷ୍ଯତି ଵପୁଃ କ୍ଵ ତତୋ ନୁ ଗମ୍ଯଂ
କୋ ଦଣ୍ଡଯିଷ୍ଯତି କିଯଂତମନେହସଂ ଵା ।
କିଂ ତସ୍ଯ ସନ୍ତରଣସାଧନମିତ୍ଯନନ୍ତା
ଚିନ୍ତା ସ୍ଥିତା ତ୍ଵଯି ଶନୈରଵତାରିତା ସା ॥ ୪୬ ॥
ଜ୍ଞାନଂ ଵିଶେଯମୁତ ତେନ ଵିନୋଦ୍ଧରେଯଂ
ପ୍ରାରବ୍ଧମପ୍ଯପଲପେଯମୁତାନୁରୁଂଧ୍ଯାମ୍ ।
ଇତ୍ଥଂ ସକୃତ୍ପ୍ରପଦନୈକଵଶଂଵଦାଯା
ମାତୁର୍ମଯି ପ୍ରଵଵୃତେ ମହତୀହ ଚିନ୍ତା ॥ ୪୭ ॥
ଏତଜ୍ଜଡାଜଡଵିଵେଚନମେତଦେଵ
କ୍ଷିତ୍ଯାଦିତତ୍ଵପରିଶୋଧନକୌଶଲଂ ଚ ।
ଜ୍ଞାନଂ ଚ ଶୈଵମିଦମାଗମକୋଟିଲଭ୍ଯଂ
ମାତୁର୍ଯଦଙ୍ଘ୍ରିଯୁଗଲେ ନିହିତୋ ମଯାତ୍ମା ॥ ୪୮ ॥
ଷଟ୍ତ୍ରିଂଶଦାଵରଣମଧ୍ଯଜୁଷି ତ୍ଵଦଙ୍ଘ୍ରୌ
ହାଲାସ୍ଯନାଥଦଯିତେ ନିହିତୋ ମଯାତ୍ମା ।
ଭୂଭୁତଲତ୍ରିଦିଵଵର୍ତିଷୁ କଃ କ୍ଷମେତ
ତଚ୍ଚକ୍ଷୁଶାଦି ନିଭୃତେନ ନିରୀକ୍ଷିତୁଂ ମାମ୍ ॥ ୪୯ ॥
ବନ୍ଧଂ ହରିଷ୍ଯସି ସୁଖଂ ଵିତରିଷ୍ଯସୀତି
ନିଶ୍ଚପ୍ରଚଂ ନିଖିଲମମ୍ବ ତଦାସ୍ତ ଏଵ ।
ସମ୍ପ୍ରତ୍ଯହଂ ତ୍ଵଯି ନିଧାଯ ଭରଂ ସମସ୍ତଂ
ଯାନିର୍ଵୃଣୋମିକିମିତୋଽପି ମମାପଵର୍ଗେ ॥ ୫୦ ॥
କାଶ୍ଯାଂ ନିପାତଯ ଵପୁଃ ଶ୍ଵପଚାଲଯେ ଵା
ସ୍ଵର୍ଗଂ ନଯ ତ୍ଵମପଵର୍ଗମଧୋଗତିଂ ଵା ।
ଅଦ୍ଯୈଵ ଵା କୁରୁ ଦଯାଂ ପୁନରାଯତୌ ଵା
କଃ ସମ୍ଭ୍ରମୋ ମମ ଧନେ ଧନିନଃ ପ୍ରମାଣମ୍ ॥ ୫୧ ॥
ନାହଂ ସହେ ତଵ କଥାଶ୍ରଵଣାନ୍ତରାଯଂ
ନାହଂ ସହେ ତଵ ପଦାର୍ଚନଵିଚ୍ଯୁତିଂ ଵା ।
ମୋକ୍ଷଂ ଦିଶୈତଦଵିରୁଦ୍ଧମିଦଂ ନ ଚେତ୍ଯା-
ନ୍ନୈଵାସ୍ତୁ ମାତରପଵର୍ଗମହୋପସର୍ଗଃ ॥ ୫୨ ॥
ଆଚୂଡମାଚରଣମମ୍ବ ତଵାନୁଵାର-
ମନ୍ତଃସ୍ମରନ୍ଭୁଵନମଙ୍ଗଲମଙ୍ଗମଙ୍ଗମ୍ ।
ଆନନ୍ଦସାଗରତରଙ୍ଗପରମ୍ପରାଭି-
ରାନ୍ଦୋଲିତୋ ନ ଗଣଯାମି ଗତାନ୍ଯହାନି ॥ ୫୩ ॥
ପାଷାଣତୋଽପି କଠିନେ ଶିରସି ଶ୍ରୁତୀନାଂ
ପ୍ରାଯଃ ପରିକ୍ରମଵଶାଦିଵ ପାଟଲାଭମ୍ ।
ଅମ୍ବ ସ୍ମରେଯମମୃତାର୍ଣଵମାଥଲବ୍ଧ-
ହୈଯ୍ଯଙ୍ଗଵୀନସୁ କୁମାରମିଦଂ ପଦଂ ତେ ॥ ୫୪ ॥
ଯେ ନାମ ସନ୍ତି କତିଚିଦ୍ଗୁରଵିସ୍ତ୍ରିଲୋକ୍ଯାଂ
ତେଷାମପି ସ୍ଵଯମୁପେତଵତା ଗୁରୁତ୍ଵମ୍ ।
ପାଦେନ ମୂର୍ଧ୍ନି ଵିଧୃତେନ ଵଯଂ ତଵାମ୍ବ
ସଂସାରସାଗରମିମଂ ସୁଖମୁତ୍ତରାମଃ ॥ ୫୫ ।
ସାଧାରଣେ ସ୍ମରଜଯେ ନିତିଲାକ୍ଷିସାଧ୍ଯେ
ଭାଗୀ ଶିଵୋ ଭଜତୁ ନାମ ଯଶଃ ସମଗ୍ରମ୍ ।
ଵାମାଙ୍ଘ୍ରିମାତ୍ରକଲିତେ ଜନନି ତ୍ଵଦୀଯେ
କା ଵା ପ୍ରସକ୍ତିରପି କାଲଜଯେ ପୁରାରେଃ ॥ ୫୬ ॥
ସ୍ଯାତ୍କୋମଲଂ ଯଦି ମନୋ ମମ ଵିଶ୍ଵମାତଃ
ତତ୍ପାଦଯୋର୍ମୃଦୁଲଯୋସ୍ତଵ ପାଦୁକାଽସ୍ତୁ ।
ସ୍ଯାତ୍କର୍କଶଂ ଯଦି କରଗ୍ରହଣେ ପୁରାରେଃ
ଅଶ୍ମାଧିରୋପଣଵିଧୌ ଭଵତୂପଯୋଗଃ ॥ ୫୭ ॥
ପ୍ରସ୍ନିଗ୍ଧମୁଗ୍ଧରୁଚିପାଦତଲେ ଭଵତ୍ଯା
ଲଗ୍ନଂ ଦୃଢଂ ଯଦିହ ମେ ହୃଦଯାରଵିନ୍ଦମ୍ ।
ଏଷୈଵ ସାଗ୍ରଭୁଵନଦ୍ଵିଶତୀପତିତ୍ଵ-
ସାମ୍ରାଜ୍ଯସୂଚନକରୀ ତଵ ପଦ୍ମରେଖା ॥ ୫୮ ॥
ଅପ୍ରାକୃତଂ ମୃଦୁଲତାମଵିଚିନ୍ତ୍ଯ କିଞ୍ଚି-
ଦାଲମ୍ବିତାସି ପଦଯୋଃ ସୁଦୃଢଂ ମଯା ଯତ୍ ।
ତନ୍ମେ ଭଵାର୍ଣଵନିମଜ୍ଜନକାତରସ୍ଯ
ମାତଃ କ୍ଷମସ୍ଵ ମଧୁରେଶ୍ଵରି ବାଲକୃତ୍ଯମ୍ ॥ ୫୯ ॥
ଯତ୍ରାନମନ୍ପଶୁପତିଃ ପ୍ରଣଯାପରାଧେ
ମନ୍ଦଂ କିଲ ସ୍ପୃଶତି ଚନ୍ଦ୍ରକଲାଞ୍ଚଲେନ ।
ପୁଷ୍ପାର୍ଚନେଽପି ମୃଦିତଂ ପଦଯୋର୍ଯୁଗଂ ତ-
ନ୍ମାତସ୍ତୁଦନ୍ତି ନ କଥଂ ପରୁଷା ଗିରୋ ମେ ॥ ୬୦ ॥
ଅଵ୍ଯାଜସୁନ୍ଦରମନୁତ୍ତରମପ୍ରମେଯ-
ମପ୍ରାକୃତଂ ପରମମଙ୍ଗଲମଙ୍ଘ୍ରିପଦ୍ମମ୍ ।
ସଂଦର୍ଶଯେଦପି ସକୃଦ୍ଭଵତୀ ଦଯାର୍ଦ୍ରା
ଦ୍ରଷ୍ଟାସ୍ମି କେନ ତଦହଂ ତୁ ଵିଲୋଚନେନ ॥ ୬୧ ॥
ଦିଵ୍ଯା ଦୃଶୋଽପି ଦିଵିଷଦ୍ଗ୍ରହଣୋଚିତାନି
ଵସ୍ତୂନି କାମମଵଧାରଯିତୁଂ କ୍ଷମନ୍ତେ ।
ତ୍ଵନ୍ମାତ୍ରଵେଦ୍ଯଵିଭଵେ ତଵ ରୂପଧେଯେ
ତ୍ଵଦ୍ଭାଵ ଏଵ ଶରଣଂ ପରିଶେଷିତୋ ନଃ ॥ ୬୨ ॥
ଅସ୍ମିନ୍ମହତ୍ଯନଵଧୌ କିଲ କାଲଚକ୍ରେ
ଧନ୍ଯାସ୍ତୁ ଯେ କତିପଯେ ଶୁକଯୋଗିମୁଖ୍ଯାଃ ।
ଲୀନାସ୍ତ୍ଵଦଙ୍ଘ୍ରିଯୁଗଲେ ପରିଶୁଦ୍ଧସତ୍ଵାନ୍
ତାନାତ୍ମନସ୍ତଵ ନଖାନଵଧାରଯାମଃ ॥ ୬୩ ॥
ଆ ଶୈଶଵାନ୍ମମତଯା କଲିତସ୍ତ୍ଵଯାସା-
ଵାନୃଣ୍ଯମମ୍ବ ତଵ ଲବ୍ଧୁମନା ମୃଗାଙ୍ଗକଃ ।
ସ୍ଵାତ୍ମାନମେଵ ନିଯତଂ ବହୁଧା ଵିଭଜ୍ଯ
ତ୍ଵତ୍ପାଦଯୋର୍ଵିନିଦଧେ ନଖରାପଦେଶାତ୍ ॥ ୬୪ ॥
ନାନ୍ତଃ ପ୍ରଵେଶମଯତେ କିମପି ଶ୍ରୁତଂ ମେ
ନାସ୍ତିକ୍ଯଵାଦଶିଲଯା ପ୍ରତିରୁଧ୍ଯମାନମ୍ ।
ତତ୍ପାତଯାମ୍ଯହମିମାଂ ମହତୀମଧସ୍ତା-
ତ୍ପାଦୋଦକେନ କିଯତା ପରଦେଵତାଯାଃ ॥ ୬୫ ॥
ସନ୍ନାହିଭିଃ ଯମଭଟୈଃ ପରିଵାର୍ଯମାଣେ
ମଯ୍ଯର୍ଭକେ କରୁଣଯା ସ୍ଵଯମାପତନ୍ତ୍ଯାଃ ।
ଆକର୍ଣଯେଯମପି ନାମ ଵିରାମକାଲେ
ମାତସ୍ତଵାଙ୍ଘ୍ରିମଣିନୂପୁରଶିଞ୍ଜିତାନି ॥ ୬୬ ॥
ବ୍ରହ୍ମେଶକେଶଵମୁଖୈର୍ବହୁଭିଃ କୁମାରୈଃ
ପର୍ଯାଯତଃ ପରିଗୃହୀତଵିମୁକ୍ତଦେଶମ୍ ।
ଉତ୍ସଙ୍ଗମମ୍ବ ତଵ ଦାସ୍ଯସି ମେ କଦା ତ୍ଵଂ
ମାତୃପ୍ରିଯଂ କିଲ ଜଡଂ ସୁତମାମନନ୍ତି ॥ ୬୭ ॥
ଊରୌ ଶିରସ୍ତଵ ନିଵେଶ୍ଯ ଦଯାଵିତୀର୍ଣ-
ସଂଵ୍ଯାନପଲ୍ଲଵସମୀରଵିନୀତଖେଦମ୍ ।
ଅତ୍ରୈଵ ଜନ୍ମନି ଵିଭୋଃ ପରମୋପଦେଶ-
ମାକର୍ଣଯେଯମପି କିଂ ମଣିକର୍ଣିକାଯାମ୍ ॥ ୬୮ ॥
କାଞ୍ଚୀଗୁଣଗ୍ରଥିତକାଞ୍ଚନଚେଲଦୃଶ୍ଯ-
ଚଣ୍ଡାତକାଂଶୁକଵିଭାପରଭାଗଶୋଭି ।
ପର୍ଯଙ୍କମଣ୍ଡଲପରିଷ୍କରଣଂ ପୁରାରେଃ
ଧ୍ଯାଯାମି ତେ ଵିପୁଲମମ୍ବ ନିତମ୍ବବିମ୍ବମ୍ ॥ ୬୯ ॥
ଗର୍ଭେ ନିଵେଶ୍ଯ ଭୁଵନାନି ଚତୁର୍ଦଶାପି
ସଂରକ୍ଷିତୁଂ କଲିତନିଶ୍ଚିତଯା ଭଵତ୍ଯା ।
ପ୍ରାକାରମେଵ ରଚିତଂ ପରିତୋଽପି ନୂନ-
ମୂହେ ସୁଵର୍ଣମଯମେଦୁରପଟ୍ଟବନ୍ଧମ୍ ॥ ୭୦ ॥
ମୁକ୍ତାଶ୍ଚ ଖଲ୍ଵପି ଯଦି ତ୍ରିପୁରେ ଭଵତ୍ଯାଃ
ସ୍ତନ୍ଯାଶଯା ସ୍ତନତଟଂ ନ ପରିତ୍ଯଜନ୍ତି ।
ଅସ୍ମାକମୁଦ୍ଭଟଭଵଜ୍ଵରତାପିତାନା-
ମାର୍ଦ୍ରୀଭଵନ୍ ତୁ ଵଦନାନି କୁତୋ ନ ହେତୋଃ ॥ ୭୧ ॥
ନଷ୍ଟୋପଲବ୍ଧମଧିଗତ୍ଯ ଶିଶୁଂ ଚିରାନ୍ମାଂ
ଵାତ୍ସଲ୍ଯଵିଦ୍ରୁତହୃଦଃ ପରଦେଵତାଯାଃ ।
କ୍ଲିଦ୍ଯତ୍ପଯୋଧରଵିନିଃସୃତଦୁଗ୍ଧବିନ୍ଦୁ-
ନିଷ୍ଯନ୍ଦପଙ୍କ୍ତିରିଵ ଦୀଵ୍ଯତି ହାରଯଷ୍ଟିଃ ॥ ୭୨ ॥
ଯତ୍ତଦ୍ଧନୁର୍ଜନମନୋମଯମୈକ୍ଷଵଂ ତେ
ତସ୍ଯାସ୍ତୁ ଦେଵି ହୃଦଯଂ ମମ ମୂଲଦେଶଃ ।
ଚାପାଧିରୋପଣଵିଧୌ ଚରଣାଞ୍ଚଲେନ
ସମ୍ଭାଵ୍ଯତେ କିଲ ସମାକ୍ରମଣଂ କଦାଚିତ୍ ॥ ୭୩ ॥
ଆସ୍ଥାଯ ଦାରୁଣତରଂ କମପି ସ୍ଵଭାଵ-
ମତ୍ଯନ୍ତଦୁଷ୍କୃତକୃତାମପି ଶିକ୍ଷଣାଯ ।
ଗୃହ୍ଣାସି ସାଯକପଦେ କୁସୁମାନ୍ଯମୂନି
ମାତଃ ସୁତେଷୁ ମହତୀ କିଲ ରୂକ୍ଷତେଯମ୍ ॥ ୭୪ ॥
ପାଶଂ ସୃଣିଂ ଚ କରଯୋସ୍ତଵ ଭାଵଯନ୍ତଃ
ସଂସ୍ତମ୍ଭଯନ୍ତି ଵଶଯନ୍ତି ଚ ସର୍ଵଲୋକାନ୍ ।
ଚାପଂ ଶରଂ ଚ ସକୃଦମ୍ବ ତଵ ସ୍ମରନ୍ତୋ
ଭୂପାଲତାଂ ଦଧତି ଭୋଗପଥାଵତୀର୍ଣଃ ॥ ୭୫ ॥
ପାଶାଙ୍କୁଶୌ ତଵ କରେ ପରିଚିନ୍ତ୍ଯ ରାଗ-
ଦ୍ଵେଷୌ ଜଯନ୍ତି ପରମାର୍ଥଵିଦସ୍ତୁ ଧନ୍ଯାଃ ।
ଏକତ୍ର ଚାପମିତରତ୍ର ଶରଂ ଚ ମତ୍ଵା
ଵ୍ଯାଵର୍ତଯନ୍ତି ହୃଦଯଂ ଵିଷଯାନ୍ଧକୂପାତ୍ ॥ ୭୬ ॥
ଉତ୍କ୍ରାନ୍ତମାନ୍ତରମିଦଂ ଶରଣଂ ଜନାନା-
ମପ୍ଯେତି ଚନ୍ଦ୍ରମିତି ହେ ଶ୍ରୁତଯୋ ଵଦନ୍ତି ।
ଆସ୍ତାମିଦଂ ମମ ତୁ ଦେଵି ମନୋଽଧୁନୈଵ
ଲୀନଂ ଦୃଢଂ ଵଦନଚନ୍ଦ୍ରମସି ତ୍ଵଦୀଯେ ॥ ୭୭ ॥
ଵିଦ୍ଯାତ୍ମନୋ ଜନନି ତାଵକଦନ୍ତପଙ୍କ୍ତେଃ
ଵୈମଲ୍ଯମୀଦୃଗିତି ଵର୍ଣଯିତୁଂ କ୍ଷମଃ କଃ ।
ତତ୍ସମ୍ଭଵା ଯଦମଲା ଵଚସାଂ ସଵିତ୍ରୀ
ତନ୍ମୂଲକଂ କଵିଯଶୋଽପି ତତସ୍ତରାଂ ଯତ୍ ॥ ୭୮ ॥
ସ୍ଵଚ୍ଛାପି ତେ ଵହତି ଯତ୍କିଲ ଦନ୍ତପଙ୍କ୍ତିଃ
ସ୍ଵଚ୍ଛନ୍ଦନିର୍ଦଲିତଦାଡିମବୀଜଶୋଭାମ୍ ।
ତନ୍ମେ ରଜୋଵ୍ଯତିକରାଧିକପାଟଲିମ୍ନି
ଚିତ୍ତେ ପରଂ ପରିଚଯାଦିତି ଚିନ୍ତଯାମି ॥ ୭୯ ॥
ଅର୍ଧଂ ଜିତତ୍ରିପୁରମମ୍ବ ତଵ ସ୍ମିତଂ ଚେ-
ଦର୍ଧାନ୍ତରେଣ ଚ ତଥା ଭଵିତଵ୍ଯମେଵ ।
ତଚ୍ଚିନ୍ତଯେ ଜନନି କାରଣସୂକ୍ଷ୍ମରୂପ-
ସ୍ଥୂଲାତ୍ମକତ୍ରିପୁରଶାନ୍ତିକୃତେ ସ୍ମିତଂ ତେ ॥୮୦ ॥
ମତ୍କ୍ଲେଶଦର୍ଶନପରିଦ୍ରଵଦନ୍ତରଙ୍ଗ-
ହୈଯ୍ଯଙ୍ଗଵୀ ନପରିଵାହନିଭଂ ଜନନ୍ଯାଃ ।
ଅନ୍ତସ୍ତମୋପହମନୁସ୍ମରତାଂ ଜନାନାଂ
ମନ୍ଦସ୍ମିତଂ ଭୁଵନମଙ୍ଗଲମସ୍ତୁ ଭୂତ୍ଯୈ ॥ ୮୧ ॥
ସାଂସିଦ୍ଧିକାନନସରୋରୁହଦିଵ୍ଯଗନ୍ଧ-
ସାନ୍ଦ୍ରୀକୃତେନ୍ଦୁଶକଲାକଲିତାଧିଵାସମ୍ ।
ତାମ୍ବୂଲସାରମଖିଲାଗମବୋଧସାରଂ
ମାତର୍ଵିଧେହି ମମ ଵକ୍ତ୍ରକଲାଚିକାଯାମ୍ ॥ ୮୨ ॥
ନାସାମଣିସ୍ତଵ ଶିଵେ ଚିରସଂସ୍ତଵେନ
ପ୍ରତ୍ଯାହୃତେ ମନସି ଭାତି ତପୋଧନାନାମ୍ ।
ଅଜ୍ଞାନସନ୍ତତିନିଶାତ୍ଯଯସୂଚନାର୍ଥଂ
ଆଵିର୍ଭଵନ୍ତ୍ଯସୁରଦେଶିକତାରକେଵ ॥ ୮୩ ॥
ତାମ୍ବୂଲଗର୍ଭପରିଫୁଲ୍ଲକପୋଲଲକ୍ଷ୍ଯ-
ତାଟଙ୍କମୌକ୍ତିକମଣିପ୍ରତିବିମ୍ବଦମ୍ଭାତ୍ ।
ଅସ୍ତଦ୍ଵଯଵ୍ଯତିକରାମଲସତ୍ଵମାଦ୍ଯଂ
ଵର୍ଣଂ ବିଭର୍ତି ଜଠରେ ତଵ ଵକ୍ତ୍ରବିମ୍ବମ୍ ॥ ୮୪ ॥
ଦତ୍ତେ ଶ୍ରିଯଂ ବହୁଵିଧାଂ କୁଶଲାନି ଦତ୍ତେ
ଦତ୍ତେ ପଦଂ ସୁରପତେରପି ଲୀଲଯୈଵ ।
ଈଦୃଗ୍ଵିଧାମ୍ବ ତଵ ଦୃଷ୍ଟିରିତୋଽଧିକା ଵା
ନାଦ୍ଯାପି କର୍ଣମତିଵର୍ତିତୁମୀଶ୍ଵରୀଯମ୍ ॥ ୮୫ ॥
ପାଶାଣକୂଟକଠିଣେ ଜନଦୁର୍ଵିଗାହେ
ଵ୍ଯର୍ଥଂ ମହତ୍ଯୁପନିଷଦ୍ଵିପିନେ ପ୍ରଵୃତ୍ତା ।
ସେଵ୍ଯେତ କେନ ତଵ ଲୋଚନଚନ୍ଦ୍ରିକେଯ-
ମେନାଂ ନିପାତଯ ସକୃନ୍ମଯି ତପ୍ଯମାନେ ॥ ୮୬ ॥
କାମଂ ଶିଵେନ ଶମିତଂ ପୁନରୁଜ୍ଜଗାର
ଦୃଷ୍ଟିସ୍ତଵେତି କିମିଯଂ ଜନନି ସ୍ତୁତିସ୍ତେ ।
ଲୀଲାପ୍ରସୂତପୁରୁଷାର୍ଥଚତୁଷ୍ଟଯାଯା-
ସ୍ତସ୍ଯାଃ ପରଂ ତୁ ସ ଭଵତ୍ଯଵଯୁତ୍ଯଵାଦଃ ॥ ୮୭ ॥
ସୋମୋ ଜଗଜ୍ଜନଯିତେତି ଯଦାହ ଵେଦୋ
ନେଦଂ ଲତାପରମିତି ଭ୍ରମିତଵ୍ଯମାର୍ଯୈଃ ।
ଯଃ ଶୈଵଵାମତନୁଵର୍ତିଭଵଦ୍ଦୃଗାତ୍ମା
ଚନ୍ଦ୍ରୋ ଜଗତ୍ସୃଜତି ତତ୍ପର ଏଷ ଵାଦଃ ॥ ୮୮ ॥
ସୂଚ୍ଯଗ୍ରଵଦ୍ଵସୁମତୀମଣୁଵଚ୍ଚ ମେରୁଂ
ଦୃଷ୍ଟିର୍ଯଦମ୍ବ ତଵ ପଶ୍ଯତି ଦାନଶୌଣ୍ଡା ।
ଦୃଷ୍ଟାସ୍ତ୍ଵଯା ଵଯମପୀହ ତତଃ ସ୍ମରାମୋ
ଵେଶନ୍ତମେଵ ଭଵସାଗରମୁତ୍ତରଙ୍ଗମ୍ ॥ ୮୯ ॥
ଵାଣୀନିକେତନତଯା ଘନସାରଗୌରାଃ
କଲ୍ହାରକେସରରୁଚଃ କମଲାନୁଷଙ୍ଗାତ୍ ।
ମାତର୍ଜଯନ୍ତି ଶରଣାଗତଲୋକଚେତୋ-
ମାଲିନ୍ଯମାର୍ଜନଵଶାଦସିତାଃ କଟାକ୍ଷାଃ ॥ ୯୦ ॥
ଆକର୍ଣମୁଲ୍ଲସତି ମାତରପାଙ୍ଗଦେଶେ
କାଲାଞ୍ଜନେନ ଘଟିତା ତଵ ଭାତି ରେଖା ।
ଶୈଵାଲପଙ୍କ୍ତିରିଵସନ୍ତତନିର୍ଜିହାନ-
କାରୁଣ୍ଯପୂରପଦଵୀକଲିତାନୁବନ୍ଧଃ ॥ ୯୧ ॥
ଵିଶ୍ଵଂ ସୃଜତି ହନ୍ତି ଚ ଯଃ କଟାକ୍ଷୋ
ଵିଶ୍ଵସ୍ଯତାଂ କଥମସୌ ଚପଲସ୍ଵଭାଵଃ ।
ଏଷୋଽପି ଯାମନୁସରଲ୍ଲଭତେ ଯଶାଂସି
ତାମେଵ ଵିଶ୍ଵସିମି ଦେଵି ତଵାନୁକମ୍ପାମ୍ ॥ ୯୨ ॥
ଅର୍ଧଂ କଲଙ୍କରହିତା କରୁଣୈଵ ଶମ୍ଭୋ-
ରର୍ଧଂ ଗୁଣାସ୍ତଦିତରେ ସକଲାଃ ସମେତାଃ ।
ଇତ୍ଯମ୍ବ ସମ୍ପ୍ରତି କିଲ ସ୍ଫୁରିତଂ ରହସ୍ଯଂ
ସମ୍ପଶ୍ଯତୋ ମମ ଭଵନ୍ମଯମୈଶମର୍ଧମ୍ ॥ ୯୩ ॥
ଅମ୍ବ ଭ୍ରୁଵୋସ୍ତଵ ଵିଚେଷ୍ଟିତମପ୍ରମତ୍ତଂ
ସମ୍ପଶ୍ଯତାଂ ନିଜନିଜାର୍ଥନିଦେଶହେତୋଃ ।
ତନ୍ମୂଲଦେଶନିହିତା ନିଭୃତା ସୁରାଣାଂ
ଦୃଷ୍ଟିଃ ପ୍ରଯାତି ମୃଗନାଭିଵିଶେଷକତ୍ଵମ୍ ॥ ୯୪ ॥
ସାରଂ କଣଂ କଣମଘର୍ମରୁଚାଂ ସହସ୍ରା-
ତ୍ସଙ୍ଗୃହ୍ଯ ନିର୍ମିତମିଦଂ ତଵ ଵକ୍ତ୍ରବିମ୍ବମ୍ ।
ତାଵତ୍ସୁଧାକରକଲଙ୍କକୁଲାନି ପଶ୍ଚା-
ଦେକତ୍ର ଦେଵି ନିହିତାନି କଚାପଦେଶାତ୍ ॥ ୯୫ ॥
ଵିନ୍ଯସ୍ତମିନ୍ଦ୍ରମଣିକନ୍ଦଲସୁନ୍ଦରେଷୁ
କେଶେଷୁ ତେ ସ୍ଫଟିକନିର୍ମଲମିନ୍ଦୁଖଣ୍ଡମ୍ ।
ଆଧାରସଙ୍ଗତିଵଶାଦସିତାଯମାନ-
ମିନ୍ଦୀଵରଚ୍ଛଦଵତଂସଦଶାଂ ବିଭର୍ତି ॥ ୯୬ ॥
ଚିନ୍ତାମଣିସ୍ତ୍ରିଭୁଵନେଶ୍ଵରି କୌସ୍ତୁଭଶ୍ଚ
ଖ୍ଯାତୌ ମଣୀ ତଵ ଗୃହାଙ୍ଗଣକୁଟ୍ଟିମସ୍ଥୌ ।
କିଂ ରତ୍ନମନ୍ଯଦୁପଲଭ୍ଯ କିରୀଟକୋଟିଂ
ଵାଚସ୍ପତିପ୍ରଭୃତଯସ୍ତଵ ଵର୍ଣଯନ୍ତୁ ॥ ୯୭ ॥
ପ୍ରାଦୁର୍ଭଵତ୍ତରଣିବିମ୍ବଶତାରୁଣାନି
ପର୍ଯାପ୍ତଶୀତକିରଣାଯୁତଶୀତଲାନି ।
ଶୃଙ୍ଗାରସାରପରିଵାହମଯାନି ମାତ-
ରଙ୍ଗାନି କେଽପି ଚରମେ ଜନୁଷି ସ୍ମରନ୍ତି ॥ ୯୮॥
ପ୍ରତ୍ଯୁଗ୍ରକୁଙ୍କୁମରସାକଲିତାଙ୍ଗରାଗଂ
ପ୍ରତ୍ଯଙ୍ଗଦତ୍ତମଣିଭୂଷଣଜାଲରମ୍ଯମ୍ ।
ତାମ୍ବୂଲପୂରିତମୁଖଂ ତରୁଣେନ୍ଦୁଚୂଡଂ
ସର୍ଵାରୁଣଂ କିମପି ଵସ୍ତୁ ମମାଵିରସ୍ତୁ ॥ ୯୯ ॥
ଅର୍ଧଂ ସ୍ତ୍ରିଯସ୍ତ୍ରିଭୁଵନେ ସଚରାଚରେଽସ୍ମି-
ନ୍ନର୍ଧଂ ପୁମାଂସ ଇତି ଦର୍ଶଯିତୁଂ ଭଵତ୍ଯା ।
ସ୍ତ୍ରୀପୁଂସଲକ୍ଷଣମିଦଂ ଵପୁରାଦୃତଂ ଯ-
ତ୍ତେନାସି ଦେଵି ଵିଦିତା ତ୍ରିଜଗଚ୍ଛରୀରା ॥ ୧୦୦ ॥
ନିର୍ମାସି ସଂହରସି ନିର୍ଵହସି ତ୍ରିଲୋକୀଂ
ଵୃତ୍ତାନ୍ତମେତମପି ଵେତ୍ତି ନ ଵା ମହେଶଃ ।
ତସ୍ଯେଶ୍ଵରସ୍ଯ ଗିରିଜେ ତଵ ସାହଚର୍ଯା-
ଜ୍ଜାତଃ ଶ୍ରୁତିଷ୍ଵପି ଜଗଜ୍ଜନକତ୍ଵଵାଦଃ ॥ ୧୦୧ ॥
ସତ୍ତାସ୍ଯଖଣ୍ଡସୁଖସଂଵିଦସି ତ୍ରିଲୋକୀ-
ସର୍ଗସ୍ଥିତିପ୍ରତିହତିଷ୍ଵପିନିର୍ଵ୍ଯପେକ୍ଷା ।
ତ୍ଵାମନ୍ତରେଣ ଶିଵ ଇତ୍ଯଵଶିଷ୍ଯତେ କି-
ମର୍ଧଂ ଶିଵସ୍ଯ ଭଵତୀତ୍ଯନଭିଜ୍ଞଵାଦଃ ॥ ୧୦୨ ॥
ନାସ୍ମିନ୍ରଵିସ୍ତପତି ନାତ୍ର ଵିଵାତି ଵାତୋ
ନାସ୍ଯ ପ୍ରଵୃତ୍ତିମପି ଵେଦ ଜଗତ୍ସମସ୍ତମ୍ ।
ଅନ୍ତଃପୁରଂ ତଦିଦମୀଦୃଶମନ୍ତକାରେ-
ରସ୍ମାଦୃଶାସ୍ତୁ ସୁଖମତ୍ର ଚରନ୍ତି ବାଲାଃ ॥ ୧୦୩ ॥
ତ୍ଵତ୍ସନ୍ନିଧାନରହିତୋ ମମ ମାସ୍ତୁ ଦେଶ-
ସ୍ତ୍ଵତ୍ତତ୍ତ୍ଵବୋଧରହିତା ମମ ମାସ୍ତୁ ଵିଦ୍ଯା ।
ତ୍ଵତ୍ପାଦଭକ୍ତିରହିତୋ ମମ ମାସ୍ତୁ ଵଂଶ-
ସ୍ତ୍ଵଚ୍ଚିନ୍ତଯା ଵିରହିତଂ ମମ ମାସ୍ତୁ ଚାଯୁଃ ॥ ୧୦୪ ॥
ତ୍ଵଂ ଦେଵି ଯାଦୃଗସି ତାଦୃଗସି ତ୍ଵମୀଦୃ-
ଗେଵେତି ଵକ୍ତୁମପି ବୋଦ୍ଧୁମପି କ୍ଷମଃ କଃ ।
ମାମେଵ ତାଵଦଵିଦନ୍ନତିପାମରୋଽହଂ
ମାତଃ ସ୍ତୁତିଂ ତ୍ଵଯି ସମର୍ପଯିତୁଂ ଵିଲଜ୍ଜେ ॥ ୧୦୫ ॥
କାଚିତ୍କୃତା କୃତିରିତି ତ୍ଵଯି ସାଽର୍ପିତେତି
କାପି ପ୍ରମୋଦକଣିକା ନ ମମାଂତରଙ୍ଗେ ।
ମୌଢ୍ଯଂ ମଦୀଯମିହ ଯଦ୍ଵିଦିତଂ ମମୈଵ
କିଂ ତ୍ଵମ୍ବ ଵିଶ୍ଵସିମି ଦୀନଶରଣ୍ଯତାଂ ତେ ॥ ୧୦୬ ॥
କାଲାନପାସ୍ଯ ଵିଷୁଵାଯନସଙ୍କ୍ରମାଦୀ-
ନସ୍ତଙ୍ଗତେ ହିମକରେ ଚ ଦିଵାକରେ ଚ ।
ଅମ୍ବ ସ୍ମରେଯମପି ତେ ଚରଣାରଵିନ୍ଦ-
ମାନନ୍ଦଲକ୍ଷଣମପାସ୍ତସମସ୍ତଭେଦମ୍ ॥ ୧୦୭ ॥
ଚତୁରଧ୍ଯାଯୀରୂପଂ କଲହଂସଵ୍ଯଞ୍ଜନଂ ଜଗନ୍ମାତୁଃ ।
ଅପରବ୍ରହ୍ମମଯଂ ଵପୁରନ୍ତଃ ଶଶିଖଣ୍ଡମଣ୍ଡନମୁପାସେ ॥ ୧୦୮ ॥
॥ ଇତି ଶ୍ରୀ ନୀଲକଣ୍ଠଦୀକ୍ଷିତଵିରଚିତଃ
ଶ୍ରୀଆନନ୍ଦସାଗରସ୍ତଵଃ ସମ୍ପୂର୍ଣଃ ॥
Please send corrections to sanskrit@cheerful.com
Last updated ତ୍oday
http://sanskritdocuments.org
॥ ଆନନ୍ଦସାଗରସ୍ତଵଃ ॥
ଵିଜ୍ଞାପନାର୍ହଵିରଲାଵସରାନଵାପ୍ତ୍ଯା
ମନ୍ଦୋଦ୍ଯମେ ମଯି ଦଵୀଯସି ଵିଶ୍ଵମାତୁଃ ।
ଅଵ୍ଯାଜଭୂତକରୁଣାପଵନାପଵିଦ୍ଧା-
ନ୍ଯନ୍ତଃ ସ୍ମରାମ୍ଯହମପାଙ୍ଗତରଙ୍ଗିତାନି ॥ ୧ ॥
ଆଵେଦ୍ଯତାମଵିଦିତଂ କିମଥାପ୍ଯନୁକ୍ତଂ
ଵକ୍ତଵ୍ଯମାନ୍ତରରୁଜୋପଶମାଯ ନାଲମ୍ ।
ଇତ୍ଯର୍ଥ୍ଯସେ କିମପି ତଚ୍ଛ୍ରଵଣେ ନିଧାତୁଂ
ମାତଃ ପ୍ରସୀଦ ମଲଯଧ୍ଵଜପାଣ୍ଡ୍ଯକନ୍ଯେ ॥୨॥
ଆକ୍ରନ୍ଦିତଂ ରୁଦିତମାହତମାନନେ ଵା
କସ୍ଯାର୍ଦ୍ରମସ୍ତୁ ହୃଦଯଂ କିମତଃ ଫଲଂ ଵା ।
ଯସ୍ଯା ମନୋ ଦ୍ରଵତି ଯା ଜଗତାଂ ସ୍ଵତନ୍ତ୍ରା
ତସ୍ଯାସ୍ତଵାମ୍ବ ପୁରତଃ କଥଯାମି ଖେଦମ୍ ॥ ୩ ॥
ପର୍ଯାକୁଲେ ମନସି ଵାଚି ପରିସ୍ଖଲନ୍ତ୍ଯାଂ
ଆଵର୍ତଗର୍ତ ଇଵ ଚକ୍ଷିଷି ଘୂର୍ଣମାନେ ।
କସ୍ତେଽଭିଦାସ୍ଯତି ଶିଵେ ମମତାମଵସ୍ଥାଂ
କାଲେ ଦଯସ୍ଵ କଥଯାମି ତଵାଧୁନୈଵ ॥ ୪ ॥
ଭକ୍ତିଂ କରୋତୁ ନିତରାଂ ସୁରଜାତିମାତ୍ରେ
ଗ୍ରାମୀଣଜନ୍ତୁରିଵ ପୌରଜନେଷୁ ଲୋକଃ ।
ଅନ୍ଯତ୍ର ଦେଵି ଭଵଦୀଯପଦାରଵିନ୍ଦା-
ଦାକୃଷ୍ଯମାଣମପି ମେ ହୃଦଯଂ ନ ଯାତି ॥ ୫ ॥
ଅଙ୍ଗୀକୁରୁ ତ୍ଵମଵଧୀରଯ ଵା ଵଯଂ ତୁ
ଦାସାସ୍ତଵେତି ଵଚସୈଵ ଜଯେମ ଲୋକାନ୍ ।
ଏତାଵତୈଵ ସୁକରୋ ନନୁ ଵିଶ୍ଵମାତଃ
ଉଦ୍ଦଣ୍ଡଦଣ୍ଡଧରକିଙ୍କରମୌଲିଭଙ୍ଗଃ ॥ ୬ ॥
ଵେଦାନ୍ତଵାକ୍ଯଜନିତଂ ଵିମଲଂ ଵିଚାରୈଃ
ଆସାଦ୍ଯ ବୋଧମନୁଚିନ୍ତନତୋଽପରୋକ୍ଷମ୍ ।
ମୁକ୍ତିଂ ଵ୍ରଜନ୍ତି ମନୁଜା ଇତି ସୂକ୍ତିମାଦ୍ଯା-
ମାଲମ୍ବ୍ଯ କସ୍ତରିତୁମର୍ହତି ଶୈଲକନ୍ଯେ ॥ ୭ ॥
ଏକୈକଵେଦଵିଷଯାଃ କତି ନାମଶାଖା-
ସ୍ତାସାଂ ଶିରାଂସି କତି ନାମ ପୃଥଗ୍ଵିଧାନି ।
ଅର୍ଥାଵବୋଧଵିଧୁରୋଽକ୍ଷରଲାଭ ଏଵ
କେଷାଂ ନୃଣାଂ କତିଭିରସ୍ତୁ ଶରୀରବନ୍ଧୈଃ ॥ ୮ ॥
ନ୍ଯାଯାଃ ପରସ୍ପରଵିଭିନ୍ନଦିଶଃ ସହସ୍ର-
ମୁଚ୍ଛାଵଚାନି ଚ ଭଵନ୍ତ୍ଯୁପବୃଂହଣାନି ।
ଏଵଂ ସ୍ଥିତେ ଗିରିସୁତେ ନିଗମୋପଲାନାଂ
ତାତ୍ପର୍ଯସାରମଵଧାରଯିତୁଂ କ୍ଷମଃ କଃ ॥ ୯ ॥
ଅସ୍ତ୍ଵକ୍ଷରଗ୍ରହଵିଧିର୍ଜନୁଷାଂ ସହସ୍ରୈ-
ରାପାତତୋ ଭଵତୁ ନାମ ତତୋଽର୍ଥବୋଧଃ ।
ଦୁର୍ଵାଦିକଲ୍ପିତଵିକଲ୍ପତରଙ୍ଗସାନ୍ଦ୍ରାନ୍
ଦୁଷ୍ପୂର୍ଵପକ୍ଷଜଲଧୀନ୍ କଥମୁତ୍ତରେଯଃ ॥ ୧୦ ॥
ବ୍ରହ୍ମେତି ଶକ୍ତିରିତି ବନ୍ଧଵିମୋଚନୀତି
ମାଯାମଯୀତି ମଦନାନ୍ତକଵଲ୍ଲଭେତି ।
ସପ୍ତାଷ୍ଟଶବ୍ଦପରିଵର୍ତନମାତ୍ର ଏଵ
ସାମର୍ଥ୍ଯମାଵହତି ଶାସ୍ତ୍ରପରିଶ୍ରମୋଽଯମ୍ ॥ ୧୧ ॥
ତସ୍ଯୈ ପ୍ରସୀଦସି ଗିରୀନ୍ଦ୍ରସୁତେ ଯ ଇତ୍ଥଂ
ସମ୍ପାଦଯେତ ଶନକୈରପରୋକ୍ଷବୋଧମ୍ ।
ଯସ୍ମୈ ପ୍ରସୀଦସି ସ ଚ କ୍ଷମତେଽଵବୋଦ୍ଧୁ-
ମିତ୍ଥଂ ପରସ୍ପରସମାଶ୍ରଯମେତଦାସ୍ତେ ॥ ୧୨ ॥
ଆକର୍ଣଯ ତ୍ଵମିମମଭ୍ଯୁପଗମ୍ଯ ଵାଦଂ
ଜାନାତୁ କୋଽପି ଯଦି ଵା ହୃଦଯଂ ଶ୍ରୁତୀନାମ୍ ।
ତସ୍ଯାପ୍ଯସଙ୍ଖ୍ଯଭଵବନ୍ଧଶତାର୍ଜିତୋଽଯଂ
ଦ୍ଵୈତଭ୍ରମୋ ଗଲତୁ ଜନ୍ମଶତୈଃ କିଯଦ୍ଭିଃ ॥ ୧୩ ॥
କାଲେ ମହତ୍ଯନଵଧାଵପତନ୍କ୍ଵଦାପି
କ୍ଵାପ୍ଯନ୍ତିମେ ଜନୁଷି କୋଽପି ଗତିଂ ଲଭେତ ।
ଇତ୍ଥଂ ସମର୍ଥନଵିଧିଃ ପରମାଗମାନାଂ
ପର୍ଯାଯସୂକ୍ତିଵିଧଯା ନଯନଂ ନଞର୍ଥେ ॥୧୪ ॥
ଏକାପଵର୍ଗସମଯେ ଜଗତୋଽପଵର୍ଗଃ
ସର୍ଵାପଵର୍ଗସମଯେ ପୁନରସ୍ତଶଙ୍କଃ ।
ଈଦୃଗ୍ଵିଧଂ କମପି ପକ୍ଷମିହାଵଲମ୍ବ୍ଯ
ସ୍ଥାତୁଂ ସୁଖଂ କ୍ଷମମନେଵ ପଥା ପ୍ରଵୃତ୍ତୈଃ ॥ ୧୫ ॥
ଅଭ୍ଯସ୍ଯ ଵେଦମଵଧାର୍ଯ ଚ ପୂର୍ଵତନ୍ତ୍ର-
ମାଲକ୍ଷ୍ଯ ଶିଷ୍ଟଚରିତାନି ପୃଥଗ୍ଵିଧାନି ।
ଅଧ୍ଯାପନାଦିଭିରଵାପ୍ଯ ଧନଂ ଚ ଭୂରି
ଶର୍ମାଣି ମାତରଲସାଃ କଥମାଚରେଯୁଃ ॥ ୧୬ ॥
ଆଯସ୍ଯ ତାଵଦପି କର୍ମ କରୋତୁ କଶ୍ଚି-
ତ୍ତେନାପି ମାତରଧିକଂ କିମିଵାନୁଭାଵ୍ଯମ୍ ।
ଅସ୍ତେ ସୁଖଂ ଯ ଇହ ଭାରତଵର୍ଷସୀମ-
ନ୍ଯାସ୍ତେ ସ କିଞ୍ଚିଦିତ ଉତ୍ତରତୋଽପସୃତ୍ଯ ॥ ୧୭ ॥
କର୍ମ ତ୍ଯଜେମ ଯଦି ନୂନମଧଃ ପତେମ
ଯଦ୍ଯାଚରେମ ନ କଦାପି ଭଵଂ ତରେମ ।
କର୍ମ ତ୍ଯଜେଦିତି ଚରେଦିତି ଚ ପ୍ରଵୃତ୍ତାଃ
ଭାଵେନ କେନ ନିଗମା ଇତି ନ ପ୍ରତୀମଃ ॥ ୧୮ ॥
କର୍ମଣ୍ଯକର୍ମଵିଧିରେଷ ଯଦାଚରନ୍ତି
କର୍ମାଣି ତତ୍ତଦନୁବନ୍ଧଜିହାସଯେତି ।
ସତ୍ଯଂ ତଥାପ୍ଯଭିନଵୋ ଭଵିତା ନ ବନ୍ଧଃ
ପ୍ରାଚୀନବନ୍ଧହରଣେ କ ଇଵାଭ୍ଯୁପାଯଃ ॥ ୧୯ ॥
ପ୍ରାରବ୍ଧକର୍ମ କିଯଦାରଭତେ କିଯଦ୍ଵା
ପ୍ରାରପ୍ସ୍ଯତେ କିଯଦିଦଂ କ ଇଵାଵଧତ୍ତାମ୍ ।
କାଲଃ କିଯାନିଵ ମଯା ପ୍ରତିପାଲନୀଯୋ
ଯସ୍ଯ କ୍ଷଣାର୍ଧମପି କଲ୍ପଶତତ୍ଵମେତି ॥ ୨୦ ॥
ପୁଂସଃ କ୍ଷଣାର୍ଧମପି ସଂସରଣାକ୍ଷମସ୍ଯ
ସାଙ୍ଖ୍ଯାଦଯଃ ସରଣଯୋ ନ ଵିଶନ୍ତି କର୍ଣମ୍ ।
ସଙ୍ଖ୍ଯାଯ ଗାଙ୍ଗସିକତାଃ ସକଲାଶ୍ଚ ସୂକ୍ଷ୍ମା
ଭୁଙ୍କ୍ଷ୍ଵେତି ଵାଗିଵ ମହାକ୍ଷୁଧଯାର୍ଦିତସ୍ଯ ॥ ୨୧ ॥
ଭକ୍ତିସ୍ତୁ କା ଯଦି ଭଵେଦ୍ରତିଭାଵଭେଦ-
ସ୍ତତ୍କେଵଲାନ୍ଵଯିତଯା ଵିଫଲୈଵ ଭକ୍ତିଃ ।
ପ୍ରୀତିସ୍ତ୍ଵଯି ତ୍ରିଜଗଦାତ୍ମନି କସ୍ଯ ନାସ୍ତି
ସ୍ଵାତ୍ମଦ୍ରୁହୋ ନ ଖଲୁ ସନ୍ତି ଜନାସ୍ତ୍ରିଲୋକ୍ଯାମ୍ ॥ ୨୨ ॥
ଆତ୍ମା ସମସ୍ତଜଗତାଂ ଭଵତୀତି ସମ୍ଯ-
ଗ୍ଵିଜ୍ଞାଯ ଯଦ୍ଵିତନୁତେ ତ୍ଵଯି ଭାଵବନ୍ଧମ୍ ।
ସା ଭକ୍ତିରିତ୍ଯଭିମତଂ ଯଦି ସିଦ୍ଧମିଷ୍ଟଂ
ଵ୍ଯର୍ଥଂ ଵିଶେଷ୍ଯମଲମସ୍ତୁ ଵିଶେଷଣଂ ନଃ ॥ ୨୩ ॥
ସ୍ଵାତ୍ମେତରତ୍ଵମଵଧାର୍ଯ ପରତ୍ଵବୁଦ୍ଧ୍ଯା
ଯତ୍ପ୍ରୀଯତେ ଗୁରୁଜନେଷ୍ଵିଵ ସୈଵ ଭକ୍ତିଃ ।
ସ୍ଯାଦେତଦେଵମିଯମେଵ ତୁ ମେ ଜିହାସ୍ଯା
ଦ୍ଵୈତଭ୍ରମାତ୍କିମଧିକଂ ଭଵବନ୍ଧମୂଲମ୍ ॥ ୨୪ ॥
ସେଵୈଵ ଭକ୍ତିରିତି କର୍ମପଥପ୍ରଵେଶଃ
ସେଵ୍ଯପ୍ରସାଦଫଲକା କିଲ କର୍ମସେଵା ।
ଧ୍ଯାନପ୍ରଵାହ ଇତି ଚେଚ୍ଛ୍ରଵଣାତ୍ ତୃତୀଯଃ
ପ୍ରାଗେଵ ମାତରଯମାକଲିତୋଽଭ୍ଯୁପାଯଃ ॥ ୨୫ ॥
ଅତ୍ରୈଵ ଦାସ୍ଯସି ଵିମୁକ୍ତିମଥାପି ଯାଚେ
ମାତଃ ଶରୀରପତନଂ ମଣିକର୍ଣିକାଯାମ୍ ।
ଅସ୍ତୁ ସ୍ଵକୃତ୍ଯମନୁକମ୍ପନମୀଶ୍ଵରାଣାଂ
ଦାସସ୍ଯ କର୍ମକରତୈଵ ତଥା ସ୍ଵକୃତ୍ଯମ୍ ॥ ୨୬ ॥
ସଦ୍ଯୋ ଭଵେତ୍ସୁକୃତିନାମୁପଦେଶଲାଭଃ
ପାପାତ୍ମନାଂ ବହୁତିଥେ ସମଯେ ଵ୍ଯତୀତେ ।
ଇତ୍ଯାଦିଭିଃ କିଲ ପୁରାଣଵଚୋଭିରମ୍ବ
ଵାରାଣସୀମପି ନ ଯାଚିତୁମୁତ୍ସୁକୋଽସ୍ମି ॥ ୨୭ ॥
ଆକ୍ରାନ୍ତମନ୍ତରରିଭିଃ ମଦମତ୍ସରାଦ୍ଯୈଃ
ଗାତ୍ରଂ ଵଲୀପଲିତରୋଗଶତାନୁଵିଦ୍ଧମ୍ ।
ଦାରୈଃ ସୁତୈଶ୍ଚ ଗୃହମାଵୃତମୁତ୍ତମର୍ଣୈଃ
ମାତଃ କଥଂ ଭଵତୁ ମେ ମନସଃ ପ୍ରସାଦଃ ॥ ୨୮ ॥
ଧନ୍ଯାଃ କତି ତ୍ରିଭୁଵନେ ପରମୋପଭାଗ୍ଯଂ
ସଂସାରମେଵ ପରମେଶ୍ଵରି ଭାଵଯନ୍ତଃ ।
ଆଭାସରୂପମଵବୋଧମିମଂ ସମେତ୍ଯ
କ୍ଲିଶ୍ଯେ କିଯତ୍କିଯଦହଂ ତ୍ଵମୁନା ଭଵେନ ॥ ୨୯ ॥
କା ସଂସ୍କୃତିଃ କିମପଚାରନିବନ୍ଧନେଯଂ
କୀଦୃଗ୍ଵିଧସ୍ଯ ତଵ କିଂ କ୍ଷତମେତଯେତି ।
ପ୍ରଶ୍ନେ ତୁ ନାସ୍ମି କୁଶଲଃ ପ୍ରତିଵକ୍ତୁମେଵ
ଖେଦସ୍ତୁ ମେ ଜନନି କୋଽପ୍ଯଯମେଵମାସ୍ତେ ॥ ୩୦ ॥
ଏଵଂ ଗତସ୍ଯ ମମ ସାମ୍ପ୍ରତମେତଦର୍ହ-
ମତ୍ରେଦମୌପଯିକମିତ୍ଥମିଦଂ ଚ ସାଧ୍ଯମ୍ ।
ଅସ୍ମିନ୍ପ୍ରମାଣମିଦମିତ୍ଯପି ବୋଦ୍ଧୁମମ୍ବ
ଶକ୍ତିର୍ନ ମେ ଭୁଵନସାକ୍ଷିଣି କିଂ କରୋମି ॥ ୩୧ ॥
ନ ଜ୍ଞାଯତେ ମମ ହିତଂ ନିତରାମୁପାଯୋ
ଦୀନୋଽସ୍ମି ଦେଵି ସମଯାଚରଣାକ୍ଷମୋଽସ୍ମି ।
ତତ୍ତ୍ଵାମନନ୍ଯଶରଣଃ ଶରଣଂ ପ୍ରପଦ୍ଯେ
ମୀନାକ୍ଷି ଵିଶ୍ଵଜନନୀଂ ଜନନୀଂ ମମୈଵ ॥ ୩୨ ॥
କିଞ୍ଚିନ୍ମଯା ଶ୍ରୁତିଷୁ କିଞ୍ଚିଦିଵାଗମେଷୁ
ଶାସ୍ତ୍ରେଷୁ କିଞ୍ଚିଦୁପଦେଶପଥେଷୁ କିଞ୍ଚିତ୍ ।
ଆଘ୍ରାତମସ୍ତି ଯଦତୋ ଭଵତୀଂ ଵରୀତୁଂ
ଗୋପ୍ତ୍ରୀତି କାଚିଦୁଦପଦ୍ଯତ ବୁଦ୍ଧିରେଷା ॥ ୩୩ ॥
ବ୍ରହ୍ମୈଵମେଵମହମେଷ ତଦାପ୍ତ୍ଯୁପାଯ
ଇତ୍ଯାଗମାର୍ଥଵିଧୁରାଃ ପ୍ରଥମେ ଦଯାର୍ହାଃ ।
ତ୍ଵଦ୍ରକ୍ଷକତ୍ଵଗୁଣମାତ୍ରଵିଦୋ ଦ୍ଵିତୀଯା
ଇତ୍ଯର୍ଥଯେ ସଦଧିକାର ନିରୂପଣାଯ ॥ ୩୪ ॥
ମାତା କରୋଷି ମମତାଂ ମଯି ଯାଵଦୀଶ-
ତ୍ତାଵଦ୍ଯତେ ମମ ତତଃ କିମିଵାସ୍ତି ସାଧ୍ଯମ୍ ।
ମାମିତ୍ଥମିତ୍ଥମୁପଯୁଙ୍କ୍ଷ୍ଵ ନ ଵିସ୍ମରେତି
କିଂ ସ୍ଵାମିନଂ ତ୍ଵରଯତେ କ୍ଵଚନ ସ୍ଵଭୃତ୍ଯଃ ॥ ୩୫ ॥
ତ୍ଯାଜ୍ଯଂ ତ୍ଯଜାନି ଵିହିତଂ ଚ ସମାଚରାଣି
ନିତ୍ଯେଷୁ ଶକ୍ତିମନୁରୁଧ୍ଯ ହୁ ଵର୍ତିତଵ୍ଯମ୍ ।
ତଦ୍ବୁଦ୍ଧିଶକ୍ତିମନୁରୁଦ୍ଧ୍ଯ ନ କାର୍ଯଶକ୍ତି-
ମିତ୍ଯେତଦେଵ ତୁ ଶିଵେ ଵିନିଵେଦଯାମି ॥ ୩୬ ॥
ଆତ୍ମୈଵ ଭାର ଇତି ତଂ ତ୍ଵଯି ଯୋ ନିଧତ୍ତେ
ସୋଽଙ୍ଗାନି କାନି କଲଯତ୍ଵଲସଃ ପ୍ରପତ୍ତେଃ ।
ଵିଶ୍ଵସ୍ଯ ସାକ୍ଷିଣି ଵିଲକ୍ଷଣଲକ୍ଷଣା ଯା
ଵିସ୍ରମ୍ଭସମ୍ପଦିଯମେଵ ସମସ୍ତମଙ୍ଗମ୍ ॥ ୩୭ ॥
ତ୍ଵତ୍ପ୍ରେରଣେନ ମିଷତଃ ଶ୍ଵସତୋଽପି ମାତଃ
ପ୍ରାମାଦିକେଽପି ସତି କର୍ମଣି ମେ ନ ଦୋଷଃ ।
ମାତ୍ରୈଵ ଦତ୍ତମଶନଂ ଗ୍ରସତଃ ସୁତସ୍ଯ
କୋ ନାମ ଵକ୍ଷ୍ଯତି ଶିଶୋରତିଭୁକ୍ତିଦୋଷମ୍ ॥ ୩୮ ॥
ମୁକ୍ତିଂ ନିଷାଧଯିଷତାଂ ନିଜଯୈଵ ବୁଦ୍ଧ୍ଯା
ପ୍ରାରବ୍ଧକର୍ମ ଭଵତୁ ପ୍ରତିବନ୍ଧହେତୁଃ ।
ତ୍ଵାମେଵ ସାଧନତଯାପି ସମାଶ୍ରିତାନାଂ
ତୁଲ୍ଯଂ ତଦମ୍ବ ଯଦି କସ୍ତଵ ଵୀରଵାଦଃ ॥ ୩୯ ॥
ପ୍ରାରବ୍ଧକର୍ମ ଗିରିଜେ ଭଵଦାଶ୍ରିତାନା-
ମନ୍ଯତ୍ର ସଂକ୍ରମଯ ନାଶଯ ଵା ସମୂଲମ୍ ।
ମର୍ତ୍ଯାଶ୍ଚ ଖଲ୍ଵପି ଵିଷଂ ଵପୁଷି ପ୍ରସକ୍ତଂ
ସଂକ୍ରାମଯନ୍ତି ପରତୋଽପି ଚ ନାଶଯନ୍ତି ॥ ୪୦ ॥
ତ୍ଵଦ୍ଦର୍ଶନଶ୍ରଵଣଚିନ୍ତନଵନ୍ଦନାଦି-
ଷ୍ଵକ୍ଷାଣି ଦେଵି ଵିନିଯୁଜ୍ଯ ଯଥାଧିକାରମ୍ ।
ରକ୍ଷେତ୍ଯସଙ୍ଖ୍ଯଭଵସମ୍ଭୃତଯୈଵ ମୈତ୍ର୍ଯା
ରୁନ୍ଧ୍ଯାଂ ଯଦି ସ୍ଥିରମମୂନ୍ଯଧୁନୈଵ ନ ସ୍ଯୁଃ ॥ ୪୧ ॥
ତ୍ରାତଵ୍ଯ ଏଷ ଇତି ଚେତ୍କରୁଣା ମଯି ସ୍ଯା-
ତ୍ତ୍ରାଯସ୍ଵ କିଂ ସୁକୃତଦୁଷ୍କୃତଚିନ୍ତଯା ମେ ।
କର୍ତୁଂ ଜଗତ୍ତିରଯିତୁଂ ଚ ଵିଶୃଂଖଲାଯାଃ
କର୍ମାନୁରୋଧ ଇତି କଂ ପ୍ରତି ଵଞ୍ଚନେଯମ୍ ॥ ୪୨ ॥
ତ୍ଵଯ୍ଯର୍ପିତଂ ପ୍ରଥମମପ୍ପଯଯଜ୍ଵନୈଵ
ସ୍ଵାତ୍ମାର୍ପଣଂ ଵିଦଧତା ସ୍ଵକୁଲଂ ସମସ୍ତମ୍ ।
କା ତ୍ଵଂ ମହେଶି କୁଲଦାସମୁପେକ୍ଷିତୁଂ ମାଂ
କୋ ଵାନୁପାସିତୁମହଂ କୁଲଦେଵତାଂ ତ୍ଵାମ୍ ॥ ୪୩ ॥
ମୌଢ୍ଯାଦହଂ ଶରଣଯାମି ସୁରାନ୍ତରଂ ଚେ-
ତ୍କିଂ ତାଵତା ସ୍ଵମପି ତସ୍ଯ ଭଵାମି ମାତଃ ।
ଅଜ୍ଞାନତଃ ପରଗୃହଂ ପ୍ରଵିଶନ୍ପରସ୍ଯ
ସ୍ଵତ୍ଵଂ ପ୍ରଯାସ୍ଯତି ପଶୁଃ କିମୁ ରାଜକୀଯଃ ॥ ୪୪ ॥
ଆଧାଯ ମୂର୍ଧନି ଵୃଥୈଵ ଭରଂ ମହାନ୍ତଂ
ମୂର୍ଖା ନିମଜ୍ଜଥ କଥଂ ଭଵସାଗରେଽସ୍ମିନ୍ ।
ଵିନ୍ଯସ୍ଯ ଭାରମଖିଲଂ ପଦଯୋର୍ଜନନ୍ଯା
ଵିସ୍ରବ୍ଧମୁତ୍ତରତ ପଲ୍ଵଲତୁଲ୍ଯମେନମ୍ ॥ ୪୫ ॥
କ୍ଵେଦଂ ପତିଷ୍ଯତି ଵପୁଃ କ୍ଵ ତତୋ ନୁ ଗମ୍ଯଂ
କୋ ଦଣ୍ଡଯିଷ୍ଯତି କିଯଂତମନେହସଂ ଵା ।
କିଂ ତସ୍ଯ ସନ୍ତରଣସାଧନମିତ୍ଯନନ୍ତା
ଚିନ୍ତା ସ୍ଥିତା ତ୍ଵଯି ଶନୈରଵତାରିତା ସା ॥ ୪୬ ॥
ଜ୍ଞାନଂ ଵିଶେଯମୁତ ତେନ ଵିନୋଦ୍ଧରେଯଂ
ପ୍ରାରବ୍ଧମପ୍ଯପଲପେଯମୁତାନୁରୁଂଧ୍ଯାମ୍ ।
ଇତ୍ଥଂ ସକୃତ୍ପ୍ରପଦନୈକଵଶଂଵଦାଯା
ମାତୁର୍ମଯି ପ୍ରଵଵୃତେ ମହତୀହ ଚିନ୍ତା ॥ ୪୭ ॥
ଏତଜ୍ଜଡାଜଡଵିଵେଚନମେତଦେଵ
କ୍ଷିତ୍ଯାଦିତତ୍ଵପରିଶୋଧନକୌଶଲଂ ଚ ।
ଜ୍ଞାନଂ ଚ ଶୈଵମିଦମାଗମକୋଟିଲଭ୍ଯଂ
ମାତୁର୍ଯଦଙ୍ଘ୍ରିଯୁଗଲେ ନିହିତୋ ମଯାତ୍ମା ॥ ୪୮ ॥
ଷଟ୍ତ୍ରିଂଶଦାଵରଣମଧ୍ଯଜୁଷି ତ୍ଵଦଙ୍ଘ୍ରୌ
ହାଲାସ୍ଯନାଥଦଯିତେ ନିହିତୋ ମଯାତ୍ମା ।
ଭୂଭୁତଲତ୍ରିଦିଵଵର୍ତିଷୁ କଃ କ୍ଷମେତ
ତଚ୍ଚକ୍ଷୁଶାଦି ନିଭୃତେନ ନିରୀକ୍ଷିତୁଂ ମାମ୍ ॥ ୪୯ ॥
ବନ୍ଧଂ ହରିଷ୍ଯସି ସୁଖଂ ଵିତରିଷ୍ଯସୀତି
ନିଶ୍ଚପ୍ରଚଂ ନିଖିଲମମ୍ବ ତଦାସ୍ତ ଏଵ ।
ସମ୍ପ୍ରତ୍ଯହଂ ତ୍ଵଯି ନିଧାଯ ଭରଂ ସମସ୍ତଂ
ଯାନିର୍ଵୃଣୋମିକିମିତୋଽପି ମମାପଵର୍ଗେ ॥ ୫୦ ॥
କାଶ୍ଯାଂ ନିପାତଯ ଵପୁଃ ଶ୍ଵପଚାଲଯେ ଵା
ସ୍ଵର୍ଗଂ ନଯ ତ୍ଵମପଵର୍ଗମଧୋଗତିଂ ଵା ।
ଅଦ୍ଯୈଵ ଵା କୁରୁ ଦଯାଂ ପୁନରାଯତୌ ଵା
କଃ ସମ୍ଭ୍ରମୋ ମମ ଧନେ ଧନିନଃ ପ୍ରମାଣମ୍ ॥ ୫୧ ॥
ନାହଂ ସହେ ତଵ କଥାଶ୍ରଵଣାନ୍ତରାଯଂ
ନାହଂ ସହେ ତଵ ପଦାର୍ଚନଵିଚ୍ଯୁତିଂ ଵା ।
ମୋକ୍ଷଂ ଦିଶୈତଦଵିରୁଦ୍ଧମିଦଂ ନ ଚେତ୍ଯା-
ନ୍ନୈଵାସ୍ତୁ ମାତରପଵର୍ଗମହୋପସର୍ଗଃ ॥ ୫୨ ॥
ଆଚୂଡମାଚରଣମମ୍ବ ତଵାନୁଵାର-
ମନ୍ତଃସ୍ମରନ୍ଭୁଵନମଙ୍ଗଲମଙ୍ଗମଙ୍ଗମ୍ ।
ଆନନ୍ଦସାଗରତରଙ୍ଗପରମ୍ପରାଭି-
ରାନ୍ଦୋଲିତୋ ନ ଗଣଯାମି ଗତାନ୍ଯହାନି ॥ ୫୩ ॥
ପାଷାଣତୋଽପି କଠିନେ ଶିରସି ଶ୍ରୁତୀନାଂ
ପ୍ରାଯଃ ପରିକ୍ରମଵଶାଦିଵ ପାଟଲାଭମ୍ ।
ଅମ୍ବ ସ୍ମରେଯମମୃତାର୍ଣଵମାଥଲବ୍ଧ-
ହୈଯ୍ଯଙ୍ଗଵୀନସୁ କୁମାରମିଦଂ ପଦଂ ତେ ॥ ୫୪ ॥
ଯେ ନାମ ସନ୍ତି କତିଚିଦ୍ଗୁରଵିସ୍ତ୍ରିଲୋକ୍ଯାଂ
ତେଷାମପି ସ୍ଵଯମୁପେତଵତା ଗୁରୁତ୍ଵମ୍ ।
ପାଦେନ ମୂର୍ଧ୍ନି ଵିଧୃତେନ ଵଯଂ ତଵାମ୍ବ
ସଂସାରସାଗରମିମଂ ସୁଖମୁତ୍ତରାମଃ ॥ ୫୫ ।
ସାଧାରଣେ ସ୍ମରଜଯେ ନିତିଲାକ୍ଷିସାଧ୍ଯେ
ଭାଗୀ ଶିଵୋ ଭଜତୁ ନାମ ଯଶଃ ସମଗ୍ରମ୍ ।
ଵାମାଙ୍ଘ୍ରିମାତ୍ରକଲିତେ ଜନନି ତ୍ଵଦୀଯେ
କା ଵା ପ୍ରସକ୍ତିରପି କାଲଜଯେ ପୁରାରେଃ ॥ ୫୬ ॥
ସ୍ଯାତ୍କୋମଲଂ ଯଦି ମନୋ ମମ ଵିଶ୍ଵମାତଃ
ତତ୍ପାଦଯୋର୍ମୃଦୁଲଯୋସ୍ତଵ ପାଦୁକାଽସ୍ତୁ ।
ସ୍ଯାତ୍କର୍କଶଂ ଯଦି କରଗ୍ରହଣେ ପୁରାରେଃ
ଅଶ୍ମାଧିରୋପଣଵିଧୌ ଭଵତୂପଯୋଗଃ ॥ ୫୭ ॥
ପ୍ରସ୍ନିଗ୍ଧମୁଗ୍ଧରୁଚିପାଦତଲେ ଭଵତ୍ଯା
ଲଗ୍ନଂ ଦୃଢଂ ଯଦିହ ମେ ହୃଦଯାରଵିନ୍ଦମ୍ ।
ଏଷୈଵ ସାଗ୍ରଭୁଵନଦ୍ଵିଶତୀପତିତ୍ଵ-
ସାମ୍ରାଜ୍ଯସୂଚନକରୀ ତଵ ପଦ୍ମରେଖା ॥ ୫୮ ॥
ଅପ୍ରାକୃତଂ ମୃଦୁଲତାମଵିଚିନ୍ତ୍ଯ କିଞ୍ଚି-
ଦାଲମ୍ବିତାସି ପଦଯୋଃ ସୁଦୃଢଂ ମଯା ଯତ୍ ।
ତନ୍ମେ ଭଵାର୍ଣଵନିମଜ୍ଜନକାତରସ୍ଯ
ମାତଃ କ୍ଷମସ୍ଵ ମଧୁରେଶ୍ଵରି ବାଲକୃତ୍ଯମ୍ ॥ ୫୯ ॥
ଯତ୍ରାନମନ୍ପଶୁପତିଃ ପ୍ରଣଯାପରାଧେ
ମନ୍ଦଂ କିଲ ସ୍ପୃଶତି ଚନ୍ଦ୍ରକଲାଞ୍ଚଲେନ ।
ପୁଷ୍ପାର୍ଚନେଽପି ମୃଦିତଂ ପଦଯୋର୍ଯୁଗଂ ତ-
ନ୍ମାତସ୍ତୁଦନ୍ତି ନ କଥଂ ପରୁଷା ଗିରୋ ମେ ॥ ୬୦ ॥
ଅଵ୍ଯାଜସୁନ୍ଦରମନୁତ୍ତରମପ୍ରମେଯ-
ମପ୍ରାକୃତଂ ପରମମଙ୍ଗଲମଙ୍ଘ୍ରିପଦ୍ମମ୍ ।
ସଂଦର୍ଶଯେଦପି ସକୃଦ୍ଭଵତୀ ଦଯାର୍ଦ୍ରା
ଦ୍ରଷ୍ଟାସ୍ମି କେନ ତଦହଂ ତୁ ଵିଲୋଚନେନ ॥ ୬୧ ॥
ଦିଵ୍ଯା ଦୃଶୋଽପି ଦିଵିଷଦ୍ଗ୍ରହଣୋଚିତାନି
ଵସ୍ତୂନି କାମମଵଧାରଯିତୁଂ କ୍ଷମନ୍ତେ ।
ତ୍ଵନ୍ମାତ୍ରଵେଦ୍ଯଵିଭଵେ ତଵ ରୂପଧେଯେ
ତ୍ଵଦ୍ଭାଵ ଏଵ ଶରଣଂ ପରିଶେଷିତୋ ନଃ ॥ ୬୨ ॥
ଅସ୍ମିନ୍ମହତ୍ଯନଵଧୌ କିଲ କାଲଚକ୍ରେ
ଧନ୍ଯାସ୍ତୁ ଯେ କତିପଯେ ଶୁକଯୋଗିମୁଖ୍ଯାଃ ।
ଲୀନାସ୍ତ୍ଵଦଙ୍ଘ୍ରିଯୁଗଲେ ପରିଶୁଦ୍ଧସତ୍ଵାନ୍
ତାନାତ୍ମନସ୍ତଵ ନଖାନଵଧାରଯାମଃ ॥ ୬୩ ॥
ଆ ଶୈଶଵାନ୍ମମତଯା କଲିତସ୍ତ୍ଵଯାସା-
ଵାନୃଣ୍ଯମମ୍ବ ତଵ ଲବ୍ଧୁମନା ମୃଗାଙ୍ଗକଃ ।
ସ୍ଵାତ୍ମାନମେଵ ନିଯତଂ ବହୁଧା ଵିଭଜ୍ଯ
ତ୍ଵତ୍ପାଦଯୋର୍ଵିନିଦଧେ ନଖରାପଦେଶାତ୍ ॥ ୬୪ ॥
ନାନ୍ତଃ ପ୍ରଵେଶମଯତେ କିମପି ଶ୍ରୁତଂ ମେ
ନାସ୍ତିକ୍ଯଵାଦଶିଲଯା ପ୍ରତିରୁଧ୍ଯମାନମ୍ ।
ତତ୍ପାତଯାମ୍ଯହମିମାଂ ମହତୀମଧସ୍ତା-
ତ୍ପାଦୋଦକେନ କିଯତା ପରଦେଵତାଯାଃ ॥ ୬୫ ॥
ସନ୍ନାହିଭିଃ ଯମଭଟୈଃ ପରିଵାର୍ଯମାଣେ
ମଯ୍ଯର୍ଭକେ କରୁଣଯା ସ୍ଵଯମାପତନ୍ତ୍ଯାଃ ।
ଆକର୍ଣଯେଯମପି ନାମ ଵିରାମକାଲେ
ମାତସ୍ତଵାଙ୍ଘ୍ରିମଣିନୂପୁରଶିଞ୍ଜିତାନି ॥ ୬୬ ॥
ବ୍ରହ୍ମେଶକେଶଵମୁଖୈର୍ବହୁଭିଃ କୁମାରୈଃ
ପର୍ଯାଯତଃ ପରିଗୃହୀତଵିମୁକ୍ତଦେଶମ୍ ।
ଉତ୍ସଙ୍ଗମମ୍ବ ତଵ ଦାସ୍ଯସି ମେ କଦା ତ୍ଵଂ
ମାତୃପ୍ରିଯଂ କିଲ ଜଡଂ ସୁତମାମନନ୍ତି ॥ ୬୭ ॥
ଊରୌ ଶିରସ୍ତଵ ନିଵେଶ୍ଯ ଦଯାଵିତୀର୍ଣ-
ସଂଵ୍ଯାନପଲ୍ଲଵସମୀରଵିନୀତଖେଦମ୍ ।
ଅତ୍ରୈଵ ଜନ୍ମନି ଵିଭୋଃ ପରମୋପଦେଶ-
ମାକର୍ଣଯେଯମପି କିଂ ମଣିକର୍ଣିକାଯାମ୍ ॥ ୬୮ ॥
କାଞ୍ଚୀଗୁଣଗ୍ରଥିତକାଞ୍ଚନଚେଲଦୃଶ୍ଯ-
ଚଣ୍ଡାତକାଂଶୁକଵିଭାପରଭାଗଶୋଭି ।
ପର୍ଯଙ୍କମଣ୍ଡଲପରିଷ୍କରଣଂ ପୁରାରେଃ
ଧ୍ଯାଯାମି ତେ ଵିପୁଲମମ୍ବ ନିତମ୍ବବିମ୍ବମ୍ ॥ ୬୯ ॥
ଗର୍ଭେ ନିଵେଶ୍ଯ ଭୁଵନାନି ଚତୁର୍ଦଶାପି
ସଂରକ୍ଷିତୁଂ କଲିତନିଶ୍ଚିତଯା ଭଵତ୍ଯା ।
ପ୍ରାକାରମେଵ ରଚିତଂ ପରିତୋଽପି ନୂନ-
ମୂହେ ସୁଵର୍ଣମଯମେଦୁରପଟ୍ଟବନ୍ଧମ୍ ॥ ୭୦ ॥
ମୁକ୍ତାଶ୍ଚ ଖଲ୍ଵପି ଯଦି ତ୍ରିପୁରେ ଭଵତ୍ଯାଃ
ସ୍ତନ୍ଯାଶଯା ସ୍ତନତଟଂ ନ ପରିତ୍ଯଜନ୍ତି ।
ଅସ୍ମାକମୁଦ୍ଭଟଭଵଜ୍ଵରତାପିତାନା-
ମାର୍ଦ୍ରୀଭଵନ୍ ତୁ ଵଦନାନି କୁତୋ ନ ହେତୋଃ ॥ ୭୧ ॥
ନଷ୍ଟୋପଲବ୍ଧମଧିଗତ୍ଯ ଶିଶୁଂ ଚିରାନ୍ମାଂ
ଵାତ୍ସଲ୍ଯଵିଦ୍ରୁତହୃଦଃ ପରଦେଵତାଯାଃ ।
କ୍ଲିଦ୍ଯତ୍ପଯୋଧରଵିନିଃସୃତଦୁଗ୍ଧବିନ୍ଦୁ-
ନିଷ୍ଯନ୍ଦପଙ୍କ୍ତିରିଵ ଦୀଵ୍ଯତି ହାରଯଷ୍ଟିଃ ॥ ୭୨ ॥
ଯତ୍ତଦ୍ଧନୁର୍ଜନମନୋମଯମୈକ୍ଷଵଂ ତେ
ତସ୍ଯାସ୍ତୁ ଦେଵି ହୃଦଯଂ ମମ ମୂଲଦେଶଃ ।
ଚାପାଧିରୋପଣଵିଧୌ ଚରଣାଞ୍ଚଲେନ
ସମ୍ଭାଵ୍ଯତେ କିଲ ସମାକ୍ରମଣଂ କଦାଚିତ୍ ॥ ୭୩ ॥
ଆସ୍ଥାଯ ଦାରୁଣତରଂ କମପି ସ୍ଵଭାଵ-
ମତ୍ଯନ୍ତଦୁଷ୍କୃତକୃତାମପି ଶିକ୍ଷଣାଯ ।
ଗୃହ୍ଣାସି ସାଯକପଦେ କୁସୁମାନ୍ଯମୂନି
ମାତଃ ସୁତେଷୁ ମହତୀ କିଲ ରୂକ୍ଷତେଯମ୍ ॥ ୭୪ ॥
ପାଶଂ ସୃଣିଂ ଚ କରଯୋସ୍ତଵ ଭାଵଯନ୍ତଃ
ସଂସ୍ତମ୍ଭଯନ୍ତି ଵଶଯନ୍ତି ଚ ସର୍ଵଲୋକାନ୍ ।
ଚାପଂ ଶରଂ ଚ ସକୃଦମ୍ବ ତଵ ସ୍ମରନ୍ତୋ
ଭୂପାଲତାଂ ଦଧତି ଭୋଗପଥାଵତୀର୍ଣଃ ॥ ୭୫ ॥
ପାଶାଙ୍କୁଶୌ ତଵ କରେ ପରିଚିନ୍ତ୍ଯ ରାଗ-
ଦ୍ଵେଷୌ ଜଯନ୍ତି ପରମାର୍ଥଵିଦସ୍ତୁ ଧନ୍ଯାଃ ।
ଏକତ୍ର ଚାପମିତରତ୍ର ଶରଂ ଚ ମତ୍ଵା
ଵ୍ଯାଵର୍ତଯନ୍ତି ହୃଦଯଂ ଵିଷଯାନ୍ଧକୂପାତ୍ ॥ ୭୬ ॥
ଉତ୍କ୍ରାନ୍ତମାନ୍ତରମିଦଂ ଶରଣଂ ଜନାନା-
ମପ୍ଯେତି ଚନ୍ଦ୍ରମିତି ହେ ଶ୍ରୁତଯୋ ଵଦନ୍ତି ।
ଆସ୍ତାମିଦଂ ମମ ତୁ ଦେଵି ମନୋଽଧୁନୈଵ
ଲୀନଂ ଦୃଢଂ ଵଦନଚନ୍ଦ୍ରମସି ତ୍ଵଦୀଯେ ॥ ୭୭ ॥
ଵିଦ୍ଯାତ୍ମନୋ ଜନନି ତାଵକଦନ୍ତପଙ୍କ୍ତେଃ
ଵୈମଲ୍ଯମୀଦୃଗିତି ଵର୍ଣଯିତୁଂ କ୍ଷମଃ କଃ ।
ତତ୍ସମ୍ଭଵା ଯଦମଲା ଵଚସାଂ ସଵିତ୍ରୀ
ତନ୍ମୂଲକଂ କଵିଯଶୋଽପି ତତସ୍ତରାଂ ଯତ୍ ॥ ୭୮ ॥
ସ୍ଵଚ୍ଛାପି ତେ ଵହତି ଯତ୍କିଲ ଦନ୍ତପଙ୍କ୍ତିଃ
ସ୍ଵଚ୍ଛନ୍ଦନିର୍ଦଲିତଦାଡିମବୀଜଶୋଭାମ୍ ।
ତନ୍ମେ ରଜୋଵ୍ଯତିକରାଧିକପାଟଲିମ୍ନି
ଚିତ୍ତେ ପରଂ ପରିଚଯାଦିତି ଚିନ୍ତଯାମି ॥ ୭୯ ॥
ଅର୍ଧଂ ଜିତତ୍ରିପୁରମମ୍ବ ତଵ ସ୍ମିତଂ ଚେ-
ଦର୍ଧାନ୍ତରେଣ ଚ ତଥା ଭଵିତଵ୍ଯମେଵ ।
ତଚ୍ଚିନ୍ତଯେ ଜନନି କାରଣସୂକ୍ଷ୍ମରୂପ-
ସ୍ଥୂଲାତ୍ମକତ୍ରିପୁରଶାନ୍ତିକୃତେ ସ୍ମିତଂ ତେ ॥୮୦ ॥
ମତ୍କ୍ଲେଶଦର୍ଶନପରିଦ୍ରଵଦନ୍ତରଙ୍ଗ-
ହୈଯ୍ଯଙ୍ଗଵୀ ନପରିଵାହନିଭଂ ଜନନ୍ଯାଃ ।
ଅନ୍ତସ୍ତମୋପହମନୁସ୍ମରତାଂ ଜନାନାଂ
ମନ୍ଦସ୍ମିତଂ ଭୁଵନମଙ୍ଗଲମସ୍ତୁ ଭୂତ୍ଯୈ ॥ ୮୧ ॥
ସାଂସିଦ୍ଧିକାନନସରୋରୁହଦିଵ୍ଯଗନ୍ଧ-
ସାନ୍ଦ୍ରୀକୃତେନ୍ଦୁଶକଲାକଲିତାଧିଵାସମ୍ ।
ତାମ୍ବୂଲସାରମଖିଲାଗମବୋଧସାରଂ
ମାତର୍ଵିଧେହି ମମ ଵକ୍ତ୍ରକଲାଚିକାଯାମ୍ ॥ ୮୨ ॥
ନାସାମଣିସ୍ତଵ ଶିଵେ ଚିରସଂସ୍ତଵେନ
ପ୍ରତ୍ଯାହୃତେ ମନସି ଭାତି ତପୋଧନାନାମ୍ ।
ଅଜ୍ଞାନସନ୍ତତିନିଶାତ୍ଯଯସୂଚନାର୍ଥଂ
ଆଵିର୍ଭଵନ୍ତ୍ଯସୁରଦେଶିକତାରକେଵ ॥ ୮୩ ॥
ତାମ୍ବୂଲଗର୍ଭପରିଫୁଲ୍ଲକପୋଲଲକ୍ଷ୍ଯ-
ତାଟଙ୍କମୌକ୍ତିକମଣିପ୍ରତିବିମ୍ବଦମ୍ଭାତ୍ ।
ଅସ୍ତଦ୍ଵଯଵ୍ଯତିକରାମଲସତ୍ଵମାଦ୍ଯଂ
ଵର୍ଣଂ ବିଭର୍ତି ଜଠରେ ତଵ ଵକ୍ତ୍ରବିମ୍ବମ୍ ॥ ୮୪ ॥
ଦତ୍ତେ ଶ୍ରିଯଂ ବହୁଵିଧାଂ କୁଶଲାନି ଦତ୍ତେ
ଦତ୍ତେ ପଦଂ ସୁରପତେରପି ଲୀଲଯୈଵ ।
ଈଦୃଗ୍ଵିଧାମ୍ବ ତଵ ଦୃଷ୍ଟିରିତୋଽଧିକା ଵା
ନାଦ୍ଯାପି କର୍ଣମତିଵର୍ତିତୁମୀଶ୍ଵରୀଯମ୍ ॥ ୮୫ ॥
ପାଶାଣକୂଟକଠିଣେ ଜନଦୁର୍ଵିଗାହେ
ଵ୍ଯର୍ଥଂ ମହତ୍ଯୁପନିଷଦ୍ଵିପିନେ ପ୍ରଵୃତ୍ତା ।
ସେଵ୍ଯେତ କେନ ତଵ ଲୋଚନଚନ୍ଦ୍ରିକେଯ-
ମେନାଂ ନିପାତଯ ସକୃନ୍ମଯି ତପ୍ଯମାନେ ॥ ୮୬ ॥
କାମଂ ଶିଵେନ ଶମିତଂ ପୁନରୁଜ୍ଜଗାର
ଦୃଷ୍ଟିସ୍ତଵେତି କିମିଯଂ ଜନନି ସ୍ତୁତିସ୍ତେ ।
ଲୀଲାପ୍ରସୂତପୁରୁଷାର୍ଥଚତୁଷ୍ଟଯାଯା-
ସ୍ତସ୍ଯାଃ ପରଂ ତୁ ସ ଭଵତ୍ଯଵଯୁତ୍ଯଵାଦଃ ॥ ୮୭ ॥
ସୋମୋ ଜଗଜ୍ଜନଯିତେତି ଯଦାହ ଵେଦୋ
ନେଦଂ ଲତାପରମିତି ଭ୍ରମିତଵ୍ଯମାର୍ଯୈଃ ।
ଯଃ ଶୈଵଵାମତନୁଵର୍ତିଭଵଦ୍ଦୃଗାତ୍ମା
ଚନ୍ଦ୍ରୋ ଜଗତ୍ସୃଜତି ତତ୍ପର ଏଷ ଵାଦଃ ॥ ୮୮ ॥
ସୂଚ୍ଯଗ୍ରଵଦ୍ଵସୁମତୀମଣୁଵଚ୍ଚ ମେରୁଂ
ଦୃଷ୍ଟିର୍ଯଦମ୍ବ ତଵ ପଶ୍ଯତି ଦାନଶୌଣ୍ଡା ।
ଦୃଷ୍ଟାସ୍ତ୍ଵଯା ଵଯମପୀହ ତତଃ ସ୍ମରାମୋ
ଵେଶନ୍ତମେଵ ଭଵସାଗରମୁତ୍ତରଙ୍ଗମ୍ ॥ ୮୯ ॥
ଵାଣୀନିକେତନତଯା ଘନସାରଗୌରାଃ
କଲ୍ହାରକେସରରୁଚଃ କମଲାନୁଷଙ୍ଗାତ୍ ।
ମାତର୍ଜଯନ୍ତି ଶରଣାଗତଲୋକଚେତୋ-
ମାଲିନ୍ଯମାର୍ଜନଵଶାଦସିତାଃ କଟାକ୍ଷାଃ ॥ ୯୦ ॥
ଆକର୍ଣମୁଲ୍ଲସତି ମାତରପାଙ୍ଗଦେଶେ
କାଲାଞ୍ଜନେନ ଘଟିତା ତଵ ଭାତି ରେଖା ।
ଶୈଵାଲପଙ୍କ୍ତିରିଵସନ୍ତତନିର୍ଜିହାନ-
କାରୁଣ୍ଯପୂରପଦଵୀକଲିତାନୁବନ୍ଧଃ ॥ ୯୧ ॥
ଵିଶ୍ଵଂ ସୃଜତି ହନ୍ତି ଚ ଯଃ କଟାକ୍ଷୋ
ଵିଶ୍ଵସ୍ଯତାଂ କଥମସୌ ଚପଲସ୍ଵଭାଵଃ ।
ଏଷୋଽପି ଯାମନୁସରଲ୍ଲଭତେ ଯଶାଂସି
ତାମେଵ ଵିଶ୍ଵସିମି ଦେଵି ତଵାନୁକମ୍ପାମ୍ ॥ ୯୨ ॥
ଅର୍ଧଂ କଲଙ୍କରହିତା କରୁଣୈଵ ଶମ୍ଭୋ-
ରର୍ଧଂ ଗୁଣାସ୍ତଦିତରେ ସକଲାଃ ସମେତାଃ ।
ଇତ୍ଯମ୍ବ ସମ୍ପ୍ରତି କିଲ ସ୍ଫୁରିତଂ ରହସ୍ଯଂ
ସମ୍ପଶ୍ଯତୋ ମମ ଭଵନ୍ମଯମୈଶମର୍ଧମ୍ ॥ ୯୩ ॥
ଅମ୍ବ ଭ୍ରୁଵୋସ୍ତଵ ଵିଚେଷ୍ଟିତମପ୍ରମତ୍ତଂ
ସମ୍ପଶ୍ଯତାଂ ନିଜନିଜାର୍ଥନିଦେଶହେତୋଃ ।
ତନ୍ମୂଲଦେଶନିହିତା ନିଭୃତା ସୁରାଣାଂ
ଦୃଷ୍ଟିଃ ପ୍ରଯାତି ମୃଗନାଭିଵିଶେଷକତ୍ଵମ୍ ॥ ୯୪ ॥
ସାରଂ କଣଂ କଣମଘର୍ମରୁଚାଂ ସହସ୍ରା-
ତ୍ସଙ୍ଗୃହ୍ଯ ନିର୍ମିତମିଦଂ ତଵ ଵକ୍ତ୍ରବିମ୍ବମ୍ ।
ତାଵତ୍ସୁଧାକରକଲଙ୍କକୁଲାନି ପଶ୍ଚା-
ଦେକତ୍ର ଦେଵି ନିହିତାନି କଚାପଦେଶାତ୍ ॥ ୯୫ ॥
ଵିନ୍ଯସ୍ତମିନ୍ଦ୍ରମଣିକନ୍ଦଲସୁନ୍ଦରେଷୁ
କେଶେଷୁ ତେ ସ୍ଫଟିକନିର୍ମଲମିନ୍ଦୁଖଣ୍ଡମ୍ ।
ଆଧାରସଙ୍ଗତିଵଶାଦସିତାଯମାନ-
ମିନ୍ଦୀଵରଚ୍ଛଦଵତଂସଦଶାଂ ବିଭର୍ତି ॥ ୯୬ ॥
ଚିନ୍ତାମଣିସ୍ତ୍ରିଭୁଵନେଶ୍ଵରି କୌସ୍ତୁଭଶ୍ଚ
ଖ୍ଯାତୌ ମଣୀ ତଵ ଗୃହାଙ୍ଗଣକୁଟ୍ଟିମସ୍ଥୌ ।
କିଂ ରତ୍ନମନ୍ଯଦୁପଲଭ୍ଯ କିରୀଟକୋଟିଂ
ଵାଚସ୍ପତିପ୍ରଭୃତଯସ୍ତଵ ଵର୍ଣଯନ୍ତୁ ॥ ୯୭ ॥
ପ୍ରାଦୁର୍ଭଵତ୍ତରଣିବିମ୍ବଶତାରୁଣାନି
ପର୍ଯାପ୍ତଶୀତକିରଣାଯୁତଶୀତଲାନି ।
ଶୃଙ୍ଗାରସାରପରିଵାହମଯାନି ମାତ-
ରଙ୍ଗାନି କେଽପି ଚରମେ ଜନୁଷି ସ୍ମରନ୍ତି ॥ ୯୮॥
ପ୍ରତ୍ଯୁଗ୍ରକୁଙ୍କୁମରସାକଲିତାଙ୍ଗରାଗଂ
ପ୍ରତ୍ଯଙ୍ଗଦତ୍ତମଣିଭୂଷଣଜାଲରମ୍ଯମ୍ ।
ତାମ୍ବୂଲପୂରିତମୁଖଂ ତରୁଣେନ୍ଦୁଚୂଡଂ
ସର୍ଵାରୁଣଂ କିମପି ଵସ୍ତୁ ମମାଵିରସ୍ତୁ ॥ ୯୯ ॥
ଅର୍ଧଂ ସ୍ତ୍ରିଯସ୍ତ୍ରିଭୁଵନେ ସଚରାଚରେଽସ୍ମି-
ନ୍ନର୍ଧଂ ପୁମାଂସ ଇତି ଦର୍ଶଯିତୁଂ ଭଵତ୍ଯା ।
ସ୍ତ୍ରୀପୁଂସଲକ୍ଷଣମିଦଂ ଵପୁରାଦୃତଂ ଯ-
ତ୍ତେନାସି ଦେଵି ଵିଦିତା ତ୍ରିଜଗଚ୍ଛରୀରା ॥ ୧୦୦ ॥
ନିର୍ମାସି ସଂହରସି ନିର୍ଵହସି ତ୍ରିଲୋକୀଂ
ଵୃତ୍ତାନ୍ତମେତମପି ଵେତ୍ତି ନ ଵା ମହେଶଃ ।
ତସ୍ଯେଶ୍ଵରସ୍ଯ ଗିରିଜେ ତଵ ସାହଚର୍ଯା-
ଜ୍ଜାତଃ ଶ୍ରୁତିଷ୍ଵପି ଜଗଜ୍ଜନକତ୍ଵଵାଦଃ ॥ ୧୦୧ ॥
ସତ୍ତାସ୍ଯଖଣ୍ଡସୁଖସଂଵିଦସି ତ୍ରିଲୋକୀ-
ସର୍ଗସ୍ଥିତିପ୍ରତିହତିଷ୍ଵପିନିର୍ଵ୍ଯପେକ୍ଷା ।
ତ୍ଵାମନ୍ତରେଣ ଶିଵ ଇତ୍ଯଵଶିଷ୍ଯତେ କି-
ମର୍ଧଂ ଶିଵସ୍ଯ ଭଵତୀତ୍ଯନଭିଜ୍ଞଵାଦଃ ॥ ୧୦୨ ॥
ନାସ୍ମିନ୍ରଵିସ୍ତପତି ନାତ୍ର ଵିଵାତି ଵାତୋ
ନାସ୍ଯ ପ୍ରଵୃତ୍ତିମପି ଵେଦ ଜଗତ୍ସମସ୍ତମ୍ ।
ଅନ୍ତଃପୁରଂ ତଦିଦମୀଦୃଶମନ୍ତକାରେ-
ରସ୍ମାଦୃଶାସ୍ତୁ ସୁଖମତ୍ର ଚରନ୍ତି ବାଲାଃ ॥ ୧୦୩ ॥
ତ୍ଵତ୍ସନ୍ନିଧାନରହିତୋ ମମ ମାସ୍ତୁ ଦେଶ-
ସ୍ତ୍ଵତ୍ତତ୍ତ୍ଵବୋଧରହିତା ମମ ମାସ୍ତୁ ଵିଦ୍ଯା ।
ତ୍ଵତ୍ପାଦଭକ୍ତିରହିତୋ ମମ ମାସ୍ତୁ ଵଂଶ-
ସ୍ତ୍ଵଚ୍ଚିନ୍ତଯା ଵିରହିତଂ ମମ ମାସ୍ତୁ ଚାଯୁଃ ॥ ୧୦୪ ॥
ତ୍ଵଂ ଦେଵି ଯାଦୃଗସି ତାଦୃଗସି ତ୍ଵମୀଦୃ-
ଗେଵେତି ଵକ୍ତୁମପି ବୋଦ୍ଧୁମପି କ୍ଷମଃ କଃ ।
ମାମେଵ ତାଵଦଵିଦନ୍ନତିପାମରୋଽହଂ
ମାତଃ ସ୍ତୁତିଂ ତ୍ଵଯି ସମର୍ପଯିତୁଂ ଵିଲଜ୍ଜେ ॥ ୧୦୫ ॥
କାଚିତ୍କୃତା କୃତିରିତି ତ୍ଵଯି ସାଽର୍ପିତେତି
କାପି ପ୍ରମୋଦକଣିକା ନ ମମାଂତରଙ୍ଗେ ।
ମୌଢ୍ଯଂ ମଦୀଯମିହ ଯଦ୍ଵିଦିତଂ ମମୈଵ
କିଂ ତ୍ଵମ୍ବ ଵିଶ୍ଵସିମି ଦୀନଶରଣ୍ଯତାଂ ତେ ॥ ୧୦୬ ॥
କାଲାନପାସ୍ଯ ଵିଷୁଵାଯନସଙ୍କ୍ରମାଦୀ-
ନସ୍ତଙ୍ଗତେ ହିମକରେ ଚ ଦିଵାକରେ ଚ ।
ଅମ୍ବ ସ୍ମରେଯମପି ତେ ଚରଣାରଵିନ୍ଦ-
ମାନନ୍ଦଲକ୍ଷଣମପାସ୍ତସମସ୍ତଭେଦମ୍ ॥ ୧୦୭ ॥
ଚତୁରଧ୍ଯାଯୀରୂପଂ କଲହଂସଵ୍ଯଞ୍ଜନଂ ଜଗନ୍ମାତୁଃ ।
ଅପରବ୍ରହ୍ମମଯଂ ଵପୁରନ୍ତଃ ଶଶିଖଣ୍ଡମଣ୍ଡନମୁପାସେ ॥ ୧୦୮ ॥
॥ ଇତି ଶ୍ରୀ ନୀଲକଣ୍ଠଦୀକ୍ଷିତଵିରଚିତଃ
ଶ୍ରୀଆନନ୍ଦସାଗରସ୍ତଵଃ ସମ୍ପୂର୍ଣଃ ॥
Please send corrections to sanskrit@cheerful.com
Last updated ତ୍oday
http://sanskritdocuments.org
Ananda Sagara Stavam Lyrics in Oriya PDF
% File name : anandasagarastava.itx
% Location : doc\_devii
% Author : Nilakantha Dikshitar
% Language : Sanskrit
% Subject : philosophy/hinduism/religion
% Transliterated by : Sunder Hattangadi
% Translated by : n/a
% Description-comments : Hymn to Devi Minakshi
% Latest update : Dec. 18, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : anandasagarastava.itx
% Location : doc\_devii
% Author : Nilakantha Dikshitar
% Language : Sanskrit
% Subject : philosophy/hinduism/religion
% Transliterated by : Sunder Hattangadi
% Translated by : n/a
% Description-comments : Hymn to Devi Minakshi
% Latest update : Dec. 18, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website