{॥ ধর্মাম্বিকাস্তবঃ ॥}
ত্যাগরাজবিরচিতঃ
কল্যাণামৃতকামধেনুমহিলে কামপ্রিযাহর্ষদে
কারুণ্যামৃতবাপিকে পিকশিশুস্বানন্দসল্লাপিনি ।
কামেশপ্রিযকামকল্পলতিকে কাদম্ববাটীপ্রিযে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১ ॥

এণীবালবিলোচনে ফণিমণিশ্রেণীলসত্কঙ্কণে
তূণীরাকৃতজঙ্ঘিকে ত্রিনযনে স্থাণোর্মনোহারিণি ।
বাণীপাণিসরোজবাদিতলসদ্বীণাস্বরালাপিকে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ২ ॥

ঈশিত্বাদিবিভূতিকস্ববিভবে ঈকারসিংহাসনে
ইন্দ্রাণীপঠিতস্তুতে ইহপরত্রাণধ্বজে ইন্দিরে ।
ঈশানাদিসুরেন্দ্রসেবকজনে ঈশাধিরাজেশ্বরী
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৩ ॥

লাবণ্যাব্ধিপযোজবক্ত্রনযনে লক্ষ্মীকরালোকনে
লক্ষ্মীকান্তনিষেবিতাঙ্ঘ্রিকমলে লম্বোদরশ্রীকরি ।
লক্ষ্যালক্ষ্যবিলক্ষণে ক্ষণবতাং স্বানন্দবৃদ্ধিপ্রদে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৪ ॥

হ্রীপাশাদিবিমোচনেঽতিচতুরে হৃদ্গ্রন্থিবিচ্ছেদিকে
হৃদ্যানন্দসুধারসার্দ্রমধুনা সংতর্পণাহ্লাদিনি ।
হ্রীংকারার্থজগদ্বিলাসবিভবে বিদ্যে বিমর্শাত্মিকে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৫ ॥

হস্তিশ্রেষ্ঠসুকুম্ভসংনিভকুচে হর্যক্ষমধ্যে শুভে
হেমাব্জাননপাণিপাদনযনে চন্দ্রার্ধফালে শিবে ।
হে মারারিমতের্বিমোহদলসন্নীলালকে নির্মলে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৬ ॥

সত্যানন্দচিদীশ্বরপ্রণযিনী সৌভাগ্যরত্নাকরী
সাম্রাজ্যপ্রভুদেশিকেন্দ্রকরুণাস্যন্দামৃতস্বর্ধুনী ।
সর্বাশারহিতস্য ভক্তহৃদযস্যানন্দকাদম্বিনী
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৭ ॥

কল্পে কালকলেশি কল্পকলনে সংকল্পসিদ্ধাখিলে
কালাকালবিভাগকল্পনকলে কালান্তকপ্রেযসি ।
কালোপাধিবিবর্জিতে কলিমলপ্রধ্বংসিনী কামদে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৮ ॥

হক্ষদ্বন্দ্বদলত্রিকোণবিলসজ্জ্যোত্স্নাকলারাধিতে
হংসদ্বন্দ্বগতিপ্রবোধজননশ্রীদেশিকেন্দ্রাত্মিকে ।
হংসারোহবিচক্ষণে অভযদে আনন্দসংবর্ধিনী
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ৯ ॥

লজ্জানম্রমুখে প্রনৃত্যতি শিবে লাস্যপ্রিযে লক্ষণে
লক্ষ্যার্থে লযবর্জিতে ললিতবাক্পীযূষসংদোহিনি ।
লক্ষ্মীমানসরাজহংসি ললিতে লামজ্জগন্ধপ্রিযে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১০ ॥

হ্রীংকারে হৃদযত্রিকোণনিলযে হৃদ্যে সুরারাধিতে
হ্রীংকারধ্বনিলীনচিত্তসুলভে হৃষ্টেশ্বরেষ্টেশ্বরি ।
হ্রীংকারাগ্নিমুখপ্রশান্তকলনাসর্বজ্ঞসাম্রাজ্যদে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১১ ॥

সত্যাসত্যবিবর্জিতে সমরসে সংবিল্লতে শাশ্বতে
সর্বজ্ঞানবিবোধিনীশকরুণে সৌভাগ্যবিদ্যামযি ।
সচ্চিত্সৌখ্যবিলাসকেলিকুতুকে সর্বাপবর্গাত্মিকে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১২ ॥

কর্মাকর্মবিবর্জিতে কবিমুখে বাগ্বৃষ্টিকাদম্বিনী
কাব্যালাপবিবোধিনীশকলিকে কৌমারি কাত্যাযনি ।
কান্তার্ধেন্দুবিভূষণে স্মরকলে শ্রীকামকোটীশ্বরী
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১৩ ॥

লব্ধশ্রীকমলালযালযলসত্কামেশ্বরপ্রেযসী
লাক্ষারক্তরসপ্রলিপ্তচরণদ্বন্দ্বে লঘুশ্যামলে ।
লৌহিত্যচ্ছবিপাটলীসুমপদে পর্যাপ্তকামপ্রদে
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১৪ ॥

হ্রীংকারোত্থিতনাদসংততিসুধাধারাভিসংতর্পিতে
হ্রীংকারত্রযমন্ত্রবিদ্রুমলতাজ্যোতিঃস্বরূপে পরে ।
হ্রীংকারাক্ষররূপিণি ত্রিভুবনশ্রীরাজরাজেশ্বরী
দেহি শ্রীপদপদ্মভক্তিমনিশং ধর্মাম্বিকে শ্রীশিবে ॥ ১৫ ॥

মূলালবালজপরাবিটপিপ্রসূনৈ-
রভ্যর্চিতা শ্রুতিরহস্যসুগন্ধগন্ধৈঃ ।
প্রস্পন্দিধীপবনচালিতবাঙ্মযৈস্ত্বং
ত্যাগাধিরাজমহিষী বরদে প্রসীদ ॥ ১৬ ॥

ইত্যানন্দনাথপাদপপদ্মোপজীবিনা কাশ্যপগোত্রোত্পন্নেনান্ধ্রেণ
ত্যাগরাজনাম্না বিরচিতঃ ধর্মাম্বিকাস্তবঃ সংপূর্ণঃ

This is a hymn on dharmAmbikA, the presiding goddess
at ThiruvaiyAru.
Encoded and proofread by Sridhar Seshagiri seshagir at engineering.sdsu.edu

Please send corrections to sanskrit@cheerful.com
Last updated ত্oday
http://sanskritdocuments.org

Dharmambika Stavam Lyrics in Bengali PDF
% File name : dharmAmbikAstava.itx
% Location : doc\_devii
% Author : tyAgarAja
% Language : Sanskrit
% Subject : hinduism/religion
% Transliterated by : Sridhar Seshagiri sridhar.seshagiri at gmail.com
% Proofread by : Sridhar Seshagiri sridhar.seshagiri at gmail.com
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website