{॥ ଧର୍ମାମ୍ବିକାସ୍ତଵଃ ॥}
ତ୍ଯାଗରାଜଵିରଚିତଃ
କଲ୍ଯାଣାମୃତକାମଧେନୁମହିଲେ କାମପ୍ରିଯାହର୍ଷଦେ
କାରୁଣ୍ଯାମୃତଵାପିକେ ପିକଶିଶୁସ୍ଵାନନ୍ଦସଲ୍ଲାପିନି ।
କାମେଶପ୍ରିଯକାମକଲ୍ପଲତିକେ କାଦମ୍ବଵାଟୀପ୍ରିଯେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧ ॥

ଏଣୀବାଲଵିଲୋଚନେ ଫଣିମଣିଶ୍ରେଣୀଲସତ୍କଙ୍କଣେ
ତୂଣୀରାକୃତଜଙ୍ଘିକେ ତ୍ରିନଯନେ ସ୍ଥାଣୋର୍ମନୋହାରିଣି ।
ଵାଣୀପାଣିସରୋଜଵାଦିତଲସଦ୍ଵୀଣାସ୍ଵରାଲାପିକେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୨ ॥

ଈଶିତ୍ଵାଦିଵିଭୂତିକସ୍ଵଵିଭଵେ ଈକାରସିଂହାସନେ
ଇନ୍ଦ୍ରାଣୀପଠିତସ୍ତୁତେ ଇହପରତ୍ରାଣଧ୍ଵଜେ ଇନ୍ଦିରେ ।
ଈଶାନାଦିସୁରେନ୍ଦ୍ରସେଵକଜନେ ଈଶାଧିରାଜେଶ୍ଵରୀ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୩ ॥

ଲାଵଣ୍ଯାବ୍ଧିପଯୋଜଵକ୍ତ୍ରନଯନେ ଲକ୍ଷ୍ମୀକରାଲୋକନେ
ଲକ୍ଷ୍ମୀକାନ୍ତନିଷେଵିତାଙ୍ଘ୍ରିକମଲେ ଲମ୍ବୋଦରଶ୍ରୀକରି ।
ଲକ୍ଷ୍ଯାଲକ୍ଷ୍ଯଵିଲକ୍ଷଣେ କ୍ଷଣଵତାଂ ସ୍ଵାନନ୍ଦଵୃଦ୍ଧିପ୍ରଦେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୪ ॥

ହ୍ରୀପାଶାଦିଵିମୋଚନେଽତିଚତୁରେ ହୃଦ୍ଗ୍ରନ୍ଥିଵିଚ୍ଛେଦିକେ
ହୃଦ୍ଯାନନ୍ଦସୁଧାରସାର୍ଦ୍ରମଧୁନା ସଂତର୍ପଣାହ୍ଲାଦିନି ।
ହ୍ରୀଂକାରାର୍ଥଜଗଦ୍ଵିଲାସଵିଭଵେ ଵିଦ୍ଯେ ଵିମର୍ଶାତ୍ମିକେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୫ ॥

ହସ୍ତିଶ୍ରେଷ୍ଠସୁକୁମ୍ଭସଂନିଭକୁଚେ ହର୍ଯକ୍ଷମଧ୍ଯେ ଶୁଭେ
ହେମାବ୍ଜାନନପାଣିପାଦନଯନେ ଚନ୍ଦ୍ରାର୍ଧଫାଲେ ଶିଵେ ।
ହେ ମାରାରିମତେର୍ଵିମୋହଦଲସନ୍ନୀଲାଲକେ ନିର୍ମଲେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୬ ॥

ସତ୍ଯାନନ୍ଦଚିଦୀଶ୍ଵରପ୍ରଣଯିନୀ ସୌଭାଗ୍ଯରତ୍ନାକରୀ
ସାମ୍ରାଜ୍ଯପ୍ରଭୁଦେଶିକେନ୍ଦ୍ରକରୁଣାସ୍ଯନ୍ଦାମୃତସ୍ଵର୍ଧୁନୀ ।
ସର୍ଵାଶାରହିତସ୍ଯ ଭକ୍ତହୃଦଯସ୍ଯାନନ୍ଦକାଦମ୍ବିନୀ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୭ ॥

କଲ୍ପେ କାଲକଲେଶି କଲ୍ପକଲନେ ସଂକଲ୍ପସିଦ୍ଧାଖିଲେ
କାଲାକାଲଵିଭାଗକଲ୍ପନକଲେ କାଲାନ୍ତକପ୍ରେଯସି ।
କାଲୋପାଧିଵିଵର୍ଜିତେ କଲିମଲପ୍ରଧ୍ଵଂସିନୀ କାମଦେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୮ ॥

ହକ୍ଷଦ୍ଵନ୍ଦ୍ଵଦଲତ୍ରିକୋଣଵିଲସଜ୍ଜ୍ଯୋତ୍ସ୍ନାକଲାରାଧିତେ
ହଂସଦ୍ଵନ୍ଦ୍ଵଗତିପ୍ରବୋଧଜନନଶ୍ରୀଦେଶିକେନ୍ଦ୍ରାତ୍ମିକେ ।
ହଂସାରୋହଵିଚକ୍ଷଣେ ଅଭଯଦେ ଆନନ୍ଦସଂଵର୍ଧିନୀ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୯ ॥

ଲଜ୍ଜାନମ୍ରମୁଖେ ପ୍ରନୃତ୍ଯତି ଶିଵେ ଲାସ୍ଯପ୍ରିଯେ ଲକ୍ଷଣେ
ଲକ୍ଷ୍ଯାର୍ଥେ ଲଯଵର୍ଜିତେ ଲଲିତଵାକ୍ପୀଯୂଷସଂଦୋହିନି ।
ଲକ୍ଷ୍ମୀମାନସରାଜହଂସି ଲଲିତେ ଲାମଜ୍ଜଗନ୍ଧପ୍ରିଯେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୦ ॥

ହ୍ରୀଂକାରେ ହୃଦଯତ୍ରିକୋଣନିଲଯେ ହୃଦ୍ଯେ ସୁରାରାଧିତେ
ହ୍ରୀଂକାରଧ୍ଵନିଲୀନଚିତ୍ତସୁଲଭେ ହୃଷ୍ଟେଶ୍ଵରେଷ୍ଟେଶ୍ଵରି ।
ହ୍ରୀଂକାରାଗ୍ନିମୁଖପ୍ରଶାନ୍ତକଲନାସର୍ଵଜ୍ଞସାମ୍ରାଜ୍ଯଦେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୧ ॥

ସତ୍ଯାସତ୍ଯଵିଵର୍ଜିତେ ସମରସେ ସଂଵିଲ୍ଲତେ ଶାଶ୍ଵତେ
ସର୍ଵଜ୍ଞାନଵିବୋଧିନୀଶକରୁଣେ ସୌଭାଗ୍ଯଵିଦ୍ଯାମଯି ।
ସଚ୍ଚିତ୍ସୌଖ୍ଯଵିଲାସକେଲିକୁତୁକେ ସର୍ଵାପଵର୍ଗାତ୍ମିକେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୨ ॥

କର୍ମାକର୍ମଵିଵର୍ଜିତେ କଵିମୁଖେ ଵାଗ୍ଵୃଷ୍ଟିକାଦମ୍ବିନୀ
କାଵ୍ଯାଲାପଵିବୋଧିନୀଶକଲିକେ କୌମାରି କାତ୍ଯାଯନି ।
କାନ୍ତାର୍ଧେନ୍ଦୁଵିଭୂଷଣେ ସ୍ମରକଲେ ଶ୍ରୀକାମକୋଟୀଶ୍ଵରୀ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୩ ॥

ଲବ୍ଧଶ୍ରୀକମଲାଲଯାଲଯଲସତ୍କାମେଶ୍ଵରପ୍ରେଯସୀ
ଲାକ୍ଷାରକ୍ତରସପ୍ରଲିପ୍ତଚରଣଦ୍ଵନ୍ଦ୍ଵେ ଲଘୁଶ୍ଯାମଲେ ।
ଲୌହିତ୍ଯଚ୍ଛଵିପାଟଲୀସୁମପଦେ ପର୍ଯାପ୍ତକାମପ୍ରଦେ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୪ ॥

ହ୍ରୀଂକାରୋତ୍ଥିତନାଦସଂତତିସୁଧାଧାରାଭିସଂତର୍ପିତେ
ହ୍ରୀଂକାରତ୍ରଯମନ୍ତ୍ରଵିଦ୍ରୁମଲତାଜ୍ଯୋତିଃସ୍ଵରୂପେ ପରେ ।
ହ୍ରୀଂକାରାକ୍ଷରରୂପିଣି ତ୍ରିଭୁଵନଶ୍ରୀରାଜରାଜେଶ୍ଵରୀ
ଦେହି ଶ୍ରୀପଦପଦ୍ମଭକ୍ତିମନିଶଂ ଧର୍ମାମ୍ବିକେ ଶ୍ରୀଶିଵେ ॥ ୧୫ ॥

ମୂଲାଲଵାଲଜପରାଵିଟପିପ୍ରସୂନୈ-
ରଭ୍ଯର୍ଚିତା ଶ୍ରୁତିରହସ୍ଯସୁଗନ୍ଧଗନ୍ଧୈଃ ।
ପ୍ରସ୍ପନ୍ଦିଧୀପଵନଚାଲିତଵାଙ୍ମଯୈସ୍ତ୍ଵଂ
ତ୍ଯାଗାଧିରାଜମହିଷୀ ଵରଦେ ପ୍ରସୀଦ ॥ ୧୬ ॥

ଇତ୍ଯାନନ୍ଦନାଥପାଦପପଦ୍ମୋପଜୀଵିନା କାଶ୍ଯପଗୋତ୍ରୋତ୍ପନ୍ନେନାନ୍ଧ୍ରେଣ
ତ୍ଯାଗରାଜନାମ୍ନା ଵିରଚିତଃ ଧର୍ମାମ୍ବିକାସ୍ତଵଃ ସଂପୂର୍ଣଃ

This is a hymn on dharmAmbikA, the presiding goddess
at ThiruvaiyAru.
Encoded and proofread by Sridhar Seshagiri seshagir at engineering.sdsu.edu

Please send corrections to sanskrit@cheerful.com
Last updated ତ୍oday
http://sanskritdocuments.org

Dharmambika Stavam Lyrics in Oriya PDF
% File name : dharmAmbikAstava.itx
% Location : doc\_devii
% Author : tyAgarAja
% Language : Sanskrit
% Subject : hinduism/religion
% Transliterated by : Sridhar Seshagiri sridhar.seshagiri at gmail.com
% Proofread by : Sridhar Seshagiri sridhar.seshagiri at gmail.com
% Latest update : November 22, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website