{॥ ನವರತ್ನಮಾಲಾ ಕಾಲಿದಾಸವಿರಚಿತಮ್ ॥}
ಓಙ್ಕಾರಪಞ್ಜರಶುಕೀಮುಪನಿಷದುದ್ಯಾನಕೇಲಿಕಲಕಣ್ಠೀಮ್ ।
ಆಗಮವಿಪಿನಮಯೂರೀಮಾರ್ಯಾಮನ್ತರ್ವಿಭಾವಯೇ ಗೌರೀಮ್ ॥ ೧॥

ದಯಮಾನದೀರ್ಘನಯನಾಂ ದೇಸಿಕರೂಪೇಣದರ್ಶಿತಾಭ್ಯುದಯಾಮ್ ।
ವಾಮಕುಚನಿಹಿತವೀಣಾಂ ವರದಾಂ ಸಙ್ಗೀತಮಾತೃಕಾಂ ವನ್ದೇ ॥ ೨॥

ಶ್ಯಾಮಲಿಮಸೌಕುಮಾರ್ಯಾಂ ಸೌನ್ದರ್ಯಾನನ್ದಸಮ್ಪದುನ್ಮೇಷಾಮ್ ।
ತರುಣಿಮಕರುಣಾಪೂರಾಂ ಮದಜಲಕಲ್ಲೋಲಲೋಚನಾಂ ವನ್ದೇ ॥ ೩॥

ನಖಮುಖಮುಖರಿತವೀಣಾನಾದಸಾಸ್ವಾದನವನವೋಲ್ಲಾಸಾಮ್ ।
ಮುಖಮಮ್ಬ ಮೋದಯತು ಮಾಂ ಮುಕ್ತಾತಾಟಙ್ಕಮುಗ್ಧಹಸಿತಂ ತೇ ॥ ೪॥

ಸರಿಗಮಪಧನಿರತಾಂ ತಾಂ ವೀಣಾಸಙ್ಕ್ರಾನ್ತಹಸ್ತಾಂ ತಾಮ್ ।
ಶಾನ್ತಾಂ ಮೃದುಲಸ್ವಾನ್ತಾಂ ಕುಚಭರತಾನ್ತಾಂ ನಮಾಮಿ ಶಿವಕಾನ್ತಾಮ್ ॥ ೫॥

ಅವಟುತಟಘಟಿತಚೂಲೀತಾಡಿತತಾಲೀಪಲಾಶತಾಟಙ್ಕಾಮ್ ।
ವೀಣಾವಾದನವೇಲಾಕಮ್ಪಿತಶಿರಸಂ ನಮಾಮಿ ಮಾತಙ್ಗೀಮ್ ॥ ೬॥

ವೀಣಾರವಾನುಷಙ್ಗಂ ವಿಕಚಮುಖಾಮ್ಭೋಜಮಾಧುರೀಭೃಙ್ಗಮ್ ।
ಕರುಣಾಪೂರತರಙ್ಗಂ ಕಲಯೇ ಮಾತಙ್ಗಕನ್ಯಕಾಪಾಙ್ಗಮ್ ॥ ೭॥

ಮಣಿಭಙ್ಗಮೇಚಕಾಙ್ಗೀಂ ಮಾತಙ್ಗೀಂ ನೌಮಿ ಸಿದ್ಧಮಾತಙ್ಗೀಮ್ ।
ಯೌವನವನಸಾರಙ್ಗೀಂ ಸಙ್ಗೀತಾಮ್ಭೋರುಹಾನುಭವಭೃಙ್ಗೀಮ್ ॥ ೮॥

ಮೇಚಕಮಾಸೇಚನಕಂ ಮಿಥ್ಯಾದೃಷ್ಟಾನ್ತಮಧ್ಯಭಾಗಂ ತೇ ।
ಮಾತಸ್ವರೂಪಮನಿಶಂ ಮಙ್ಗಲಸಙ್ಗೀತಸೌರಭಂ ವನ್ದೇ ॥ ೯॥


Encoded and proofread by Sunder Hattangadi sunderh@hotmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Navaratnamala ( By Kalidasa ) Lyrics in Kannada PDF
% File name : navaratnamala.itx
% Category : kalidasa
% Location : doc\_devii
% Author : Kalidasa
% Language : Sanskrit
% Subject : literature
% Transliterated by : Sunder Hattangadi (sunderh at hotmail.com)
% Proofread by : Sunder Hattangadi (sunderh at hotmail.com)
% Description-comments : A poem by Kalidasa
% Latest update : Feb. 27, 2008
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website