{॥ ಭ್ರಮರಾಮ್ಬಾಷ್ಟಕಮ್ ॥}
ಚಾಞ್ಚಲ್ಯಾರುಣಲೋಚನಾಞ್ಚಿತಕೃಪಾಚನ್ದ್ರಾರ್ಕಚೂಡಾಮಣಿಂ
ಚಾರುಸ್ಮೇರಮುಖಾಂ ಚರಾಚರಜಗತ್ಸಂರಕ್ಷಣೀಂ ತತ್ಪದಾಮ್ ।
ಚಞ್ಚ್ಚಮ್ಪಕನಾಸಿಕಾಗ್ರವಿಲಸನ್ಮುಕ್ತಾಮಣೀರಞ್ಜಿತಾಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೧॥

ಕಸ್ತೂರೀತಿಲಕಾಞ್ಚಿತೇನ್ದುವಿಲಸತ್ಪ್ರೋದ್ಭಾಸಿಫಾಲಸ್ಥಲೀಂ
ಕರ್ಪೂರದ್ರಾವಮಿಕ್ಷಚೂರ್ಣಖದಿರಾಮೋದೋಲ್ಲಸದ್ವೀಟಿಕಾಮ್ ।
ಲೋಲಾಪಾಙ್ಗತರಙ್ಗಿತೈರಧಿಕೃಪಾಸಾರೈರ್ನತಾನನ್ದಿನೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೨॥

ರಾಜನ್ಮತ್ತಮರಾಲಮನ್ದಗಮನಾಂ ರಾಜೀವಪತ್ರೇಕ್ಷಣಾಂ
ರಾಜೀವಪ್ರಭವಾದಿದೇವಮಕುಟೈ ರಾಜತ್ಪದಾಮ್ಭೋರುಹಾಮ್ ।
ರಾಜೀವಾಯತಮನ್ದಮಣ್ಡಿತಕುಚಾಂ ರಾಜಾಧಿರಾಜೇಶ್ವರೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೩॥

ಷಟ್ತಾರಾಂ ಗಣದೀಪಿಕಾಂ ಶಿವಸತೀಂ ಷಡ್ವೈರಿವರ್ಗಾಪಹಾಂ
ಷಟ್ಚಕ್ರಾನ್ತರಸಂಸ್ಥಿತಾಂ ವರಸುಧಾಂ ಷಡ್ಯೋಗಿನೀವೇಷ್ಟಿತಾಮ್ ।
ಷಟ್ಚಕ್ರಾಞ್ಚಿತಪಾದುಕಾಞ್ಚಿತಪದಾಂ ಷಡ್ಭಾವಗಾಂ ಷೋಡಶೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೪॥

ಶ್ರೀನಾಥಾದೃತಪಾಲಿತಾತ್ರಿಭುವನಾಂ ಶ್ರಿಚಕ್ರಸಂಚಾರಿಣೀಂ
ಜ್ಞಾನಾಸಕ್ತಮನೋಜಯೌವನಲಸದ್ಗನ್ಧರ್ವಕನ್ಯಾದೃತಾಮ್ ।
ದೀನಾನಾಮಾತಿವೇಲಭಾಗ್ಯಜನನೀಂ ದಿವ್ಯಾಮ್ಬರಾಲಂಕೃತಾಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೫॥

ಲಾವಣ್ಯಾಧಿಕಭೂಷಿತಾಙ್ಗಲತಿಕಾಂ ಲಾಕ್ಷಾಲಸದ್ರಾಗಿಣೀಂ
ಸೇವಾಯಾತಸಮಸ್ತದೇವವನಿತಾಂ ಸೀಮನ್ತಭೂಷಾನ್ವಿತಾಮ್ ।
ಭಾವೋಲ್ಲಾಸವಶೀಕೃತಪ್ರಿಯತಮಾಂ ಭಣ್ಡಾಸುರಚ್ಛೇದಿನೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೬॥

ಧನ್ಯಾಂ ಸೋಮವಿಭಾವನೀಯಚರಿತಾಂ ಧಾರಾಧರಶ್ಯಾಮಲಾಂ
ಮುನ್ಯಾರಾಧನಮೇಧಿನೀಂ ಸುಮವತಾಂ ಮುಕ್ತಿಪ್ರದಾನವ್ರತಾಮ್ ।
ಕನ್ಯಾಪೂಜನಪುಪ್ರಸನ್ನಹೃದಯಾಂ ಕಾಞ್ಚೀಲಸನ್ಮಧ್ಯಮಾಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೭॥

ಕರ್ಪೂರಾಗರುಕುಙ್ಕುಮಾಙ್ಕಿತಕುಚಾಂ ಕರ್ಪೂರವರ್ಣಸ್ಥಿತಾಂ
ಕೃಷ್ಟೋತ್ಕೃಷ್ಟಸುಕೃಷ್ಟಕರ್ಮದಹನಾಂ ಕಾಮೇಶ್ವರೀಂ ಕಾಮಿನೀಮ್ ।
ಕಾಮಾಕ್ಷೀಂ ಕರುಣಾರಸಾರ್ದ್ರಹೃದಯಾಂ ಕಲ್ಪಾನ್ತರಸ್ಥಾಯಿನೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೮॥

ಗಾಯತ್ರೀಂ ಗರುಡಧ್ವಜಾಂ ಗಗನಗಾಂ ಗಾನ್ಧರ್ವಗಾನಪ್ರಿಯಾಂ
ಗಮ್ಭೀರಾಂ ಗಜಗಾಮಿನೀಂ ಗಿರಿಸುತಾಂ ಗನ್ಧಾಕ್ಷತಾಲಂಕೃತಾಮ್ ।
ಗಙ್ಗಾಗೌತ್ಮಗರ್ಗಸಂನುತಪದಾಂ ಗಾಂ ಗೌತಮೀಂ ಗೋಮತೀಂ
ಶ್ರೀಶೈಲಸ್ಥಲವಾಸಿನೀಂ ಭಗವತೀಂ ಶ್ರೀಮಾತರಂ ಭಾವಯೇ ॥ ೯॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ
ಶ್ರೀಗೋವಿನ್ದಭಗವತ್ಪೂಜ್ಯಪಾದಶಿಷ್ಯಸ್ಯ
ಶ್ರೀಮಚ್ಛಂಕರಭಗವತಃ ಕೃತೌ
ಭ್ರಮರಾಮ್ಬಾಷ್ಟಕಂ ಸಮ್ಪೂರ್ಣಮ್ ॥


Encoded by Aravind Krishna seekSha at hotmail.com
Proofread by KamakShi kAmAkShi7 at gmail.com

Please send corrections to sanskrit@cheerful.com
Last updated ತ್oday
http://sanskritdocuments.org

Bhramaramba Ashtakam Lyrics in Kannada PDF
% File name : bhramaraambaa8.itx
% Category : aShTaka
% Location : doc\_devii
% Author : Shankaracharya
% Language : Sanskrit
% Subject : hinduism/religion
% Transliterated by : Aravind Krishna seeksha at hotmail.com
% Proofread by : Aravind Krishna seeksha at hotmail.com, Kamakshi kAmAkShi7 at gmail.com
% Latest update : February 24, 2002, January 31, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website