{॥ ഭ്രമരാമ്ബാഷ്ടകമ് ॥}
ചാഞ്ചല്യാരുണലോചനാഞ്ചിതകൃപാചന്ദ്രാര്കചൂഡാമണിം
ചാരുസ്മേരമുഖാം ചരാചരജഗത്സംരക്ഷണീം തത്പദാമ് ।
ചഞ്ച്ചമ്പകനാസികാഗ്രവിലസന്മുക്താമണീരഞ്ജിതാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൧॥

കസ്തൂരീതിലകാഞ്ചിതേന്ദുവിലസത്പ്രോദ്ഭാസിഫാലസ്ഥലീം
കര്പൂരദ്രാവമിക്ഷചൂര്ണഖദിരാമോദോല്ലസദ്വീടികാമ് ।
ലോലാപാങ്ഗതരങ്ഗിതൈരധികൃപാസാരൈര്നതാനന്ദിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൨॥

രാജന്മത്തമരാലമന്ദഗമനാം രാജീവപത്രേക്ഷണാം
രാജീവപ്രഭവാദിദേവമകുടൈ രാജത്പദാമ്ഭോരുഹാമ് ।
രാജീവായതമന്ദമണ്ഡിതകുചാം രാജാധിരാജേശ്വരീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൩॥

ഷട്താരാം ഗണദീപികാം ശിവസതീം ഷഡ്വൈരിവര്ഗാപഹാം
ഷട്ചക്രാന്തരസംസ്ഥിതാം വരസുധാം ഷഡ്യോഗിനീവേഷ്ടിതാമ് ।
ഷട്ചക്രാഞ്ചിതപാദുകാഞ്ചിതപദാം ഷഡ്ഭാവഗാം ഷോഡശീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൪॥

ശ്രീനാഥാദൃതപാലിതാത്രിഭുവനാം ശ്രിചക്രസംചാരിണീം
ജ്ഞാനാസക്തമനോജയൌവനലസദ്ഗന്ധര്വകന്യാദൃതാമ് ।
ദീനാനാമാതിവേലഭാഗ്യജനനീം ദിവ്യാമ്ബരാലംകൃതാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൫॥

ലാവണ്യാധികഭൂഷിതാങ്ഗലതികാം ലാക്ഷാലസദ്രാഗിണീം
സേവായാതസമസ്തദേവവനിതാം സീമന്തഭൂഷാന്വിതാമ് ।
ഭാവോല്ലാസവശീകൃതപ്രിയതമാം ഭണ്ഡാസുരച്ഛേദിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൬॥

ധന്യാം സോമവിഭാവനീയചരിതാം ധാരാധരശ്യാമലാം
മുന്യാരാധനമേധിനീം സുമവതാം മുക്തിപ്രദാനവ്രതാമ് ।
കന്യാപൂജനപുപ്രസന്നഹൃദയാം കാഞ്ചീലസന്മധ്യമാം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൭॥

കര്പൂരാഗരുകുങ്കുമാങ്കിതകുചാം കര്പൂരവര്ണസ്ഥിതാം
കൃഷ്ടോത്കൃഷ്ടസുകൃഷ്ടകര്മദഹനാം കാമേശ്വരീം കാമിനീമ് ।
കാമാക്ഷീം കരുണാരസാര്ദ്രഹൃദയാം കല്പാന്തരസ്ഥായിനീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൮॥

ഗായത്രീം ഗരുഡധ്വജാം ഗഗനഗാം ഗാന്ധര്വഗാനപ്രിയാം
ഗമ്ഭീരാം ഗജഗാമിനീം ഗിരിസുതാം ഗന്ധാക്ഷതാലംകൃതാമ് ।
ഗങ്ഗാഗൌത്മഗര്ഗസംനുതപദാം ഗാം ഗൌതമീം ഗോമതീം
ശ്രീശൈലസ്ഥലവാസിനീം ഭഗവതീം ശ്രീമാതരം ഭാവയേ ॥ ൯॥

ഇതി ശ്രീമത്പരമഹംസപരിവ്രാജകാചാര്യസ്യ
ശ്രീഗോവിന്ദഭഗവത്പൂജ്യപാദശിഷ്യസ്യ
ശ്രീമച്ഛംകരഭഗവതഃ കൃതൌ
ഭ്രമരാമ്ബാഷ്ടകം സമ്പൂര്ണമ് ॥


Encoded by Aravind Krishna seekSha at hotmail.com
Proofread by KamakShi kAmAkShi7 at gmail.com

Please send corrections to sanskrit@cheerful.com
Last updated ത്oday
http://sanskritdocuments.org

Bhramaramba Ashtakam Lyrics in Malayalam PDF
% File name : bhramaraambaa8.itx
% Category : aShTaka
% Location : doc\_devii
% Author : Shankaracharya
% Language : Sanskrit
% Subject : hinduism/religion
% Transliterated by : Aravind Krishna seeksha at hotmail.com
% Proofread by : Aravind Krishna seeksha at hotmail.com, Kamakshi kAmAkShi7 at gmail.com
% Latest update : February 24, 2002, January 31, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website