{॥ ଭ୍ରମରାମ୍ବାଷ୍ଟକମ୍ ॥}
ଚାଞ୍ଚଲ୍ଯାରୁଣଲୋଚନାଞ୍ଚିତକୃପାଚନ୍ଦ୍ରାର୍କଚୂଡାମଣିଂ
ଚାରୁସ୍ମେରମୁଖାଂ ଚରାଚରଜଗତ୍ସଂରକ୍ଷଣୀଂ ତତ୍ପଦାମ୍ ।
ଚଞ୍ଚ୍ଚମ୍ପକନାସିକାଗ୍ରଵିଲସନ୍ମୁକ୍ତାମଣୀରଞ୍ଜିତାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୧॥

କସ୍ତୂରୀତିଲକାଞ୍ଚିତେନ୍ଦୁଵିଲସତ୍ପ୍ରୋଦ୍ଭାସିଫାଲସ୍ଥଲୀଂ
କର୍ପୂରଦ୍ରାଵମିକ୍ଷଚୂର୍ଣଖଦିରାମୋଦୋଲ୍ଲସଦ୍ଵୀଟିକାମ୍ ।
ଲୋଲାପାଙ୍ଗତରଙ୍ଗିତୈରଧିକୃପାସାରୈର୍ନତାନନ୍ଦିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୨॥

ରାଜନ୍ମତ୍ତମରାଲମନ୍ଦଗମନାଂ ରାଜୀଵପତ୍ରେକ୍ଷଣାଂ
ରାଜୀଵପ୍ରଭଵାଦିଦେଵମକୁଟୈ ରାଜତ୍ପଦାମ୍ଭୋରୁହାମ୍ ।
ରାଜୀଵାଯତମନ୍ଦମଣ୍ଡିତକୁଚାଂ ରାଜାଧିରାଜେଶ୍ଵରୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୩॥

ଷଟ୍ତାରାଂ ଗଣଦୀପିକାଂ ଶିଵସତୀଂ ଷଡ୍ଵୈରିଵର୍ଗାପହାଂ
ଷଟ୍ଚକ୍ରାନ୍ତରସଂସ୍ଥିତାଂ ଵରସୁଧାଂ ଷଡ୍ଯୋଗିନୀଵେଷ୍ଟିତାମ୍ ।
ଷଟ୍ଚକ୍ରାଞ୍ଚିତପାଦୁକାଞ୍ଚିତପଦାଂ ଷଡ୍ଭାଵଗାଂ ଷୋଡଶୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୪॥

ଶ୍ରୀନାଥାଦୃତପାଲିତାତ୍ରିଭୁଵନାଂ ଶ୍ରିଚକ୍ରସଂଚାରିଣୀଂ
ଜ୍ଞାନାସକ୍ତମନୋଜଯୌଵନଲସଦ୍ଗନ୍ଧର୍ଵକନ୍ଯାଦୃତାମ୍ ।
ଦୀନାନାମାତିଵେଲଭାଗ୍ଯଜନନୀଂ ଦିଵ୍ଯାମ୍ବରାଲଂକୃତାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୫॥

ଲାଵଣ୍ଯାଧିକଭୂଷିତାଙ୍ଗଲତିକାଂ ଲାକ୍ଷାଲସଦ୍ରାଗିଣୀଂ
ସେଵାଯାତସମସ୍ତଦେଵଵନିତାଂ ସୀମନ୍ତଭୂଷାନ୍ଵିତାମ୍ ।
ଭାଵୋଲ୍ଲାସଵଶୀକୃତପ୍ରିଯତମାଂ ଭଣ୍ଡାସୁରଚ୍ଛେଦିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୬॥

ଧନ୍ଯାଂ ସୋମଵିଭାଵନୀଯଚରିତାଂ ଧାରାଧରଶ୍ଯାମଲାଂ
ମୁନ୍ଯାରାଧନମେଧିନୀଂ ସୁମଵତାଂ ମୁକ୍ତିପ୍ରଦାନଵ୍ରତାମ୍ ।
କନ୍ଯାପୂଜନପୁପ୍ରସନ୍ନହୃଦଯାଂ କାଞ୍ଚୀଲସନ୍ମଧ୍ଯମାଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୭॥

କର୍ପୂରାଗରୁକୁଙ୍କୁମାଙ୍କିତକୁଚାଂ କର୍ପୂରଵର୍ଣସ୍ଥିତାଂ
କୃଷ୍ଟୋତ୍କୃଷ୍ଟସୁକୃଷ୍ଟକର୍ମଦହନାଂ କାମେଶ୍ଵରୀଂ କାମିନୀମ୍ ।
କାମାକ୍ଷୀଂ କରୁଣାରସାର୍ଦ୍ରହୃଦଯାଂ କଲ୍ପାନ୍ତରସ୍ଥାଯିନୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୮॥

ଗାଯତ୍ରୀଂ ଗରୁଡଧ୍ଵଜାଂ ଗଗନଗାଂ ଗାନ୍ଧର୍ଵଗାନପ୍ରିଯାଂ
ଗମ୍ଭୀରାଂ ଗଜଗାମିନୀଂ ଗିରିସୁତାଂ ଗନ୍ଧାକ୍ଷତାଲଂକୃତାମ୍ ।
ଗଙ୍ଗାଗୌତ୍ମଗର୍ଗସଂନୁତପଦାଂ ଗାଂ ଗୌତମୀଂ ଗୋମତୀଂ
ଶ୍ରୀଶୈଲସ୍ଥଲଵାସିନୀଂ ଭଗଵତୀଂ ଶ୍ରୀମାତରଂ ଭାଵଯେ ॥ ୯॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ
ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ
ଶ୍ରୀମଚ୍ଛଂକରଭଗଵତଃ କୃତୌ
ଭ୍ରମରାମ୍ବାଷ୍ଟକଂ ସମ୍ପୂର୍ଣମ୍ ॥


Encoded by Aravind Krishna seekSha at hotmail.com
Proofread by KamakShi kAmAkShi7 at gmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

Bhramaramba Ashtakam Lyrics in Oriya PDF
% File name : bhramaraambaa8.itx
% Category : aShTaka
% Location : doc\_devii
% Author : Shankaracharya
% Language : Sanskrit
% Subject : hinduism/religion
% Transliterated by : Aravind Krishna seeksha at hotmail.com
% Proofread by : Aravind Krishna seeksha at hotmail.com, Kamakshi kAmAkShi7 at gmail.com
% Latest update : February 24, 2002, January 31, 2009
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website