ଯୋଗିନୀହୃଦଯମ୍
{॥ ଯୋଗିନୀହୃଦଯମ୍ ॥}
ଶ୍ରୀଦେଵ୍ଯୁଵାଚ
ଦେଵଦେଵ ମହାଦେଵ ପରିପୂର୍ଣପ୍ରଥାମଯ ।
ଵାମକେଶ୍ଵରତନ୍ତ୍ରେଽସ୍ମିନ୍ନଜ୍ଞାତର୍ଥାସ୍ତ୍ଵନେକଶଃ ॥ ୧॥
ତାଂସ୍ତାନର୍ଥାନଶେଷେଣ ଵକ୍ତୁମର୍ହସି ଭୈରଵ ।
ଶ୍ରୀଭୈରଵ ଉଵାଚ
ଶୃଣୁ ଦେଵି ମହାଗୁହ୍ଯଂ ଯୋଗିନିହୃଦଯଂ ପରମ୍ ॥ ୨॥
ତ୍ଵତ୍ପ୍ରୀତ୍ଯା କଥଯାମ୍ଯଦ୍ଯ ଗୋପନୀଯଂ ଵିଶେଷତଃ ।
କର୍ଣାତ୍କର୍ଣୋର୍ପଦେଶେନ ସମ୍ପ୍ରାପ୍ତମଵନୀତଲମ୍ ॥ ୩॥
ନ ଦେଯଂ ପରଶିଷ୍ଯେଭ୍ଯୋ ନାସ୍ତିକେଭ୍ଯୋ ନ ଚେଶ୍ଵରି ।
ନ ଶୁଶ୍ରୂଷାଲସାନାଞ୍ଚ ନୈଵାନର୍ଥପ୍ରଦାଯିନାମ୍ ॥ ୪॥
ପରୀକ୍ଷିତାଯ ଦାତଵ୍ଯଂ ଵତ୍ସରାର୍ଧୋଷିତାଯ ଚ ।
ଏତଜ୍ଜ୍ଞାତ୍ଵା ଵରରୋହେ ସଦ୍ଯଃ ଖେଚରତାଂ ଵ୍ରଜେତ୍ ॥ ୫॥
ଚକ୍ରସଙ୍କେତକୋ ମନ୍ତ୍ରପୂଜାସଙ୍କେତକୌ ତଥା ।
ତ୍ରିଵିଧସ୍ତ୍ରିପୁରାଦେଵ୍ଯାଃ ସଙ୍କେତଃ ପରମେଶ୍ଵରି ॥ ୬॥
ଯାଵଦେତନ୍ନ ଜାନାତି ସଙ୍କେତତ୍ରଯମୁତ୍ତମମ୍ ।
ନ ତାଵତ୍ରିପୁରାଚକ୍ରେ ପରମାଜ୍ଞାଧରୋ ଭଵେତ୍ ॥ ୭॥
ତଚ୍ଛକ୍ତିପଞ୍ଚକଂ ସୃଷ୍ଟ୍ଯା ଲଯେନାଗ୍ନିଚତୁଷ୍ଟଯମ୍ ।
ପଞ୍ଚଶକ୍ତିଚତୁର୍ଵହ୍ନିସଂଯୋଗାଚ୍ଚକ୍ରସମ୍ଭଵଃ ॥ ୮॥
ଏତଚ୍ଚକ୍ରାଵତାରନ୍ତୁ କଥଯାମି ତଵାନଘେ ।
ଯଦା ସା ପରମା ଶକ୍ତିଃ ସ୍ଵେଚ୍ଛଯା ଵିଶ୍ଵରୂପିଣୀ ॥ ୯॥
ସ୍ଫୁରତ୍ତାମାତ୍ମନଃ ପଶ୍ଯେତ୍ତଦା ଚକ୍ରସ୍ଯ ସମ୍ଭଵଃ ।
ଶୂନ୍ଯାକାରାଦ୍ଵିସର୍ଗାନ୍ତାଦ୍ ବିନ୍ଦୋଃ ପ୍ରସ୍ପନ୍ଦସଂଵିଦଃ ॥ ୧୦॥
ପ୍ରକାଶପରମାର୍ଥତ୍ଵାତ୍ ସ୍ଫୁରତ୍ତାଲହରୀଯୁତାତ୍ ।
ପ୍ରସୃତଂ ଵିଶ୍ଵଲହରୀସ୍ଥାନଂ ମାତୃତ୍ରଯାତ୍ମକମ୍ ॥ ୧୧॥
ବୈନ୍ଦଵଂ ଚକ୍ରମେତସ୍ଯ ତ୍ରିରୂପତ୍ଵଂ ପୁନର୍ଭଵେତ୍ ।
ଧର୍ମାଧର୍ମୌ ତଥାତ୍ମାନୋ ମାତୃମେଯୌ ତଥା ପ୍ରମା ॥ ୧୨॥
ନଵଯୋନ୍ଯାତ୍ମକଂ ଚକ୍ରଂ ଚିଦାନନ୍ଦଘନଂ ମହତ୍ ।
ଚକ୍ରଂ ନଵାତ୍ମକମିଦଂ ନଵଧା ଭିନ୍ନମନ୍ତ୍ରକମ୍ ॥ ୧୩॥
ବୈନ୍ଦଵାସନସଂରୂଢସଂଵର୍ତାନଲଚିତ୍କଲମ୍ ।
ଅମ୍ବିକାରୂପମେଵେଦମଷ୍ଟାରସ୍ଥଂ ସ୍ଵରାଵୃତମ୍ ॥ ୧୪॥
ନଵତ୍ରିକୋଣସ୍ଫୁରିତପ୍ରଭାରୂପଦଶାରକମ୍ ।
ଶକ୍ତ୍ଯାଦିନଵପର୍ଯନ୍ତଦଶାର୍ଣସ୍ଫୂର୍ତିକାରକମ୍ ॥ ୧୫॥
ଭୂତତନ୍ମାତ୍ରଦଶକପ୍ରକାଶାଲମ୍ବନତ୍ଵତଃ ।
ଦ୍ଵିଦଶାରସ୍ଫୁରଦ୍ରୂପଂ କ୍ରୋଧୀଶାଦିଦଶାରକମ୍ ॥ ୧୬॥
ଚତୁଶ୍ଚକ୍ରପ୍ରଭାରୂପସଂଯୁକ୍ତପରିଣାମତଃ ।
ଚତୁର୍ଦଶାରରୂପେଣ ସଂଵିତ୍ତିକରଣାତ୍ମନା ॥ ୧୭॥
ଖେଚର୍ଯାଦିଜଯାନ୍ତାର୍ଣପରମାର୍ଥପ୍ରଥାମଯମ୍ ।
ଏଵଂ ଶକ୍ତ୍ଯନଲାକାରସ୍ଫୁରଦ୍ରୌଦ୍ରୀପ୍ରଭାମଯମ୍ ॥ ୧୮॥
ଜ୍ଯେଷ୍ଟାରୂପଚତୁଷ୍କୋଣଂ ଵାମାରୂପଭ୍ରମିତ୍ରଯମ୍ ।
ଚିଦଂଶାନ୍ତସ୍ତ୍ରିକୋଣଂ ଚ ଶାନ୍ତ୍ଯତିତାଷ୍ଟକୋଣକଂ ॥ ୧୯॥
ଶାନ୍ତ୍ଯଂଶଦ୍ଵିଦଶାରଞ୍ଚ ତଥୈଵ ଭୁଵନାରକମ୍ ।
ଵିଦ୍ଯାକଲାପ୍ରମାରୂପଦଲାଷ୍ଟକସମାଵୃତମ୍ ॥ ୨୦॥
ପ୍ରତିଷ୍ଟାଵପୁଷା ସୃଷ୍ଟସ୍ଫୁରଦ୍ଦ୍ଵ୍ଯଷ୍ଟଦଲାମ୍ବୁଜମ୍ ।
ନିଵୃତ୍ତ୍ଯାକାରଵିଲସଚ୍ଚତୁସ୍ଷ୍କୋଣଵିରାଜିତମ୍ ॥ ୨୧॥
ତ୍ରୈଲୋକ୍ଯମୋହନାଦ୍ଯେ ତୁ ନଵଚକ୍ରେ ସୁରେଶ୍ଵରି ।
ନାଦୋ ବିନ୍ଦୁଃ କଲା ଜ୍ଯେଷ୍ଟା ରୌଦ୍ରୀଈ ଵାମା ତଥା ପୁନଃ ॥ ୨୨॥
ଵିଷଘ୍ନୀଈ ଦୂତରୀ ଚୈଵ ସର୍ଵାନନ୍ଦା କ୍ରମାତ୍ ସ୍ଥିତାଃ ।
ନିରଂଶୌ ନାଦବିନ୍ଦୂ ଚ କଲା ଚେଚ୍ଛାସ୍ଵରୂପକମ୍ ॥ ୨୩॥
ଜ୍ଯେଷ୍ଟା ଜ୍ଞାନଂ କ୍ରିଯା ଶେଷମିତ୍ଯେଵଂ ତ୍ରିତଯାତ୍ମକମ୍ ।
ଚକ୍ରଂ କାମକଲାରୂପଂ ପ୍ରସାରପର,ମାର୍ଥତଃ ॥ ୨୪॥
ଅକୁଲେ ଵିଷୁସଂଜ୍ଞେ ଚ ଶକ୍ତେ ଵହ୍ନୌ ତଥା ପୁନଃ ।
ନାଭାଵନାହତେ ଶୁଦ୍ଧେ ଲମ୍ବିକାଗ୍ରେ ଭ୍ରୁଵୋଽନ୍ତରେ ॥ ୨୫॥
ବିନ୍ଦୌ ତଦର୍ଧେ ରୋଧିନ୍ଯାଂ ନାଦେ ନାଦାନ୍ତ ଏଵ ଚ ।
ଶକ୍ତୌ ପୁନର୍ଵ୍ଯାପିକାଯାଂ ସମନୋନ୍ମନି ଗୋଚରେ ॥ ୨୬॥
ମହାବିନ୍ଦୌ ପୁନଶ୍ଚୈଵ ତ୍ରିଧା ଚକ୍ରଂ ତୁ ଭାଵଯେତ୍ ।
ଆଜ୍ଞାନ୍ତଂ ସକଲଂ ପ୍ରୋକ୍ତଂ ତତଃ ସକଲନିଷ୍କଲମ୍ ॥ ୨୭॥
ଉନ୍ମନ୍ଯନ୍ତଂ ପରେ ସ୍ଥାନେ ନିଷ୍କଲଞ୍ଚ ତ୍ରିଧା ସ୍ଥିତମ୍ ।
ଦୀପାକାରୋଽର୍ଧମାତ୍ରଶ୍ଚ ଲଲାଟେ ଵୃତ୍ତ୍ ଇଷ୍ଯତେ ॥ ୨୮॥
ଅର୍ଧଚନ୍ଦ୍ରସ୍ତଥାକାରଃ ପାଦମାତ୍ରସ୍ତଦୂର୍ଧ୍ଵକେ ।
ଜ୍ଯୋତ୍ସ୍ନାକାରା ତଦଷ୍ଟାଂଶା ରୋଧିନୀ ତ୍ର୍ଯସ୍ରଵିଗ୍ରହା ॥ ୨୯॥
ବିନ୍ଦୁଦ୍ଵଯାନ୍ତରେ ଦଣ୍ଡଃ ଶେଵରୂପୋ ମଣିପ୍ରଭଃ ।
କଲାଂଶୋ ଦ୍ଵିଗୁଣାଂଶଶ୍ଚ ନାଦାନ୍ତୋ ଵିଦ୍ଯୁଦୁଜ୍ଜ୍ଵଲଃ ॥ ୩୦॥
ହଲାକାରସ୍ତୁ ସଵ୍ଯସ୍ଥବିନ୍ଦୁଯୁକ୍ତୋ ଵିରାଜତେ ।
ଶକ୍ତିର୍ଵାମସ୍ଥବିନ୍ଦୁଦ୍ଯତ୍ସ୍ଥିରାକାରା ତଥା ପୁନଃ ॥ ୩୧॥
ଵ୍ଯାପିକା ବିନ୍ଦୁଵିଲସତ୍ତ୍ରିକୋଣାକାରତାଂ ଗତା ।
ବିନ୍ଦୁଦ୍ଵଯାନ୍ତରାଲସ୍ଥା ଋଜୁରେଖାମଯୀ ପୁନଃ ॥ ୩୨॥
ସମନା ବିନ୍ଦୁଵିଲସଦୃଜୁରେଖା ତଥୋନ୍ମନା ।
ଶକ୍ତ୍ଯାଦୀନାଂ ଵପୁଃ ସ୍ଫୂର୍ଜଦ୍ଦ୍ଵାଦଶାଦିତ୍ଯସନ୍ନିଭମ୍ ॥ ୩୩॥
ଚତୁଃଷଷ୍ଟିସ୍ତଦୂର୍ଧ୍ଵଂ ତୁ ଦ୍ଵିଗୁଣଂ ଦିଗୁଣଂ ତତଃ ।
ଶକ୍ତ୍ଯାଦୀନାଂ ତୁ ମାତ୍ରାଂଶୋ ମନୋନ୍ମନ୍ଯାସ୍ତଥୋନ୍ମନୀ ॥ ୩୪॥
ଦୈଶକାଲାନଵଚ୍ଛିନ୍ନଂ ତଦୂର୍ଧ୍ଵେ ପରମଂ ମହତ୍ ।
ନିସର୍ଗସୁନ୍ଦରଂ ତତ୍ତୁ ପରାନନ୍ଦଵିଘୂର୍ଣିତମ୍ ॥ ୩୫॥
ଆତ୍ମନହ୍ ସ୍ଫୁରଣଂ ପଶ୍ଯେଦ୍ଯଦା ସା ପରମା କଲା ।
ଅମ୍ବିକାରୂପମାପନ୍ନ ପରା ଵାକ୍ ସସୁଦୀରିତା ॥ ୩୬॥
ବୀଜଭାଵସ୍ଥିତଂ ଵିଶ୍ଵଂ ସ୍ଫୁଟୀକର୍ତୁଂ ଯଦୋନ୍ମୁଖୀ॥
ଵାମା ଵିଶ୍ଵସ୍ଯ ଵମନାଦଙ୍କୁଶାକାରତାଂ ଗତା ॥ ୩୭॥
ଇଚ୍ଛାଶକ୍ତିସ୍ତଦା ସେଯଂ ପଶ୍ଯନ୍ତୀ ଵପୁଷା ସ୍ଥିତା ।
ଜ୍ଞାନଶକ୍ତିସ୍ତଥା ଜ୍ଯେଷ୍ଟା ମଧ୍ଯମା ଵାଗୁଦୀରିତା ॥ ୩୮॥
ଋଜୁରେଖାମଯୀ ଵିଶ୍ଵସ୍ଥିତୌଇ ପ୍ରଥିତଵିଗ୍ରହା ।
ତତ୍ସଂହୃତିଦଶାଯାଂ ତୁ ବୈନ୍ଦଵଂ ରୂପମାସ୍ଥିତା ॥ ୩୯॥
ପ୍ରତ୍ଯାଵୃତ୍ତିକ୍ରମେଣୈଵଂ ଶୃଙ୍ଗଟଵପୁରୁଜ୍ଜ୍ଵଲା ।
କ୍ରିଯାଶକ୍ତିସ୍ତୁ ରୌଦ୍ରୀଯଂ ଵୈଖରୀ ଵିଶ୍ଵଵିଗ୍ରହା ॥ ୪୦॥
ଭାସନାଦ୍ଵିଶ୍ଵରୂପସ୍ଯ ସ୍ଵରୂପେ ବାହ୍ଯତୋଽପି ଚ ।
ଏତାଶ୍ଚତସ୍ତ୍ରଃ ଶକ୍ତ୍ଯସ୍ତୁ କା ପୂ ଜା ଓ ଇତି କ୍ରମାତ୍ ॥ ୪୧॥
ପୀଠାଃ କନ୍ଦେ ପଦେ ରୂପେ ରୂପାତୀତେ କ୍ରମାତ୍ ସ୍ଥିତାଃ ।
ଚତୁରସ୍ତ୍ରଂ ତଥ ବିନ୍ଦୁଷଟ୍କଯୁକ୍ତଂ ଚ ଵୃତ୍ତକମ୍ ॥ ୪୨॥
ଅର୍ଧଚନ୍ଦ୍ରଂ ତ୍ରିକୋଣଂ ଚ ରୂପାଣ୍ଯେଷାଂ କ୍ରମେଣ ତୁ ।
ପୀତୋ ଧୂମ୍ରସ୍ତଥା ଶ୍ଵେତୋ ରକ୍ତୋ ରୂପଂ ଚ କୀର୍ତିତମ୍ ॥ ୪୩॥
ସ୍ଵଯମ୍ଭୁର୍ବାଣଲିଙ୍ଗଂ ଚ ଇତରଂ ଚ ପରଂ ପୁନଃ ।
ପୀଠେଷ୍ଵେତାନି ଲିଙ୍ଗାନି ସଂସ୍ଥିତାନି ଵରାନନେ ॥ ୪୪॥
ହେମବନ୍ଧୃକକୁସୁମଶରଚ୍ଚନ୍ଦ୍ରନିଭାନି ତୁ ।
ସ୍ଵାଵୃତଂ ତ୍ରିକୂଟଂ ଚ ମହାଲିଙ୍ଗଂ ସ୍ଵଯମ୍ଭୁଵମ୍ ॥ ୪୫॥
କାଦିତାନ୍ତା କ୍ଷରୋପେତଂ ବାଣଲିଙ୍ଗଂ ତ୍ରିକୋଣକମ୍ ।
କଦମ୍ବଗୋଲକାକାରଂ ଥାଦିସାନ୍ତାକ୍ଷରାଵୃତମ୍ ॥ ୪୬॥
ସୂକ୍ଷ୍ମରୂପଂ ସମସ୍ତାର୍ଣଵୃତଂ ପରମଲିଙ୍ଗକମ୍ ।
ବିନ୍ଦୁରୂପଂ ପରାନନ୍ଦକନ୍ଦଂ ନିତ୍ଯପଓଦିତମ୍ ॥ ୪୭
ବୀଅତ୍ରିତଯଯୁକ୍ତାସ୍ଯ ସକସ୍ଯ ମନୋଃ ପୁନଃ ।
ଏତାନି ଵାଚ୍ଯରୂପାଣି କୁଲକୌଲମଯାନି ତୁ ॥ ୪୮॥
ଜାଗ୍ରତ୍ସ୍ଵପ୍ନସୁଷୁପ୍ତ୍ଯାଖ୍ଯତୁର୍ଯରୂପାଣ୍ଯମୂନି ତୁ ।
ଅତିତଂ ତୁ ପରଂ ତେଜଃ ସ୍ଵସଂଵିଦୁଦଯାତ୍ମକମ୍ ॥ ୪୯॥
ସ୍ଵେଚ୍ଛାଵିଶ୍ଵମଯୋଲ୍ଲେଖଖଚିତଂ ଵିଶ୍ଵରୂପକମ୍ ।
ଚୈତନ୍ଯମାତ୍ମନୋ ରୂପଂ ନିସର୍ଗାନନ୍ଦସୁନ୍ଦରମ୍ ॥ ୫୦॥
ମେଯମାତୃପ୍ରମାମାନପ୍ରସରୈଃ ସଂକୁଚତ୍ପ୍ରଭମ୍ ।
ଶୃଙ୍ଗାଟରୂପମାପନ୍ନମିଚ୍ଛାଜ୍ଞାନକ୍ରିଯାତ୍ମକମ୍ ॥ ୫୧॥
ଵିଶ୍ଵାକାରପ୍ରଥାଧାରନିଜରୂପଶିଵାଶ୍ରଯମ୍ ।
କାମେଶ୍ଵରାଙ୍କପର୍ଯଙ୍କନିଵିଷ୍ଟମତିସୁନ୍ଦରମ୍ ॥ ୫୨॥
ଇଚ୍ଛାଶକ୍ତିମଯଂ ପାଶମଙ୍କୁଶଂ ଜ୍ଞନରୂପିଣମ୍ ।
କ୍ରିଯାଶକ୍ତିମଯେ ବାଣଧନୁଷୀ ଦଧଦୁଜ୍ଜ୍ଵଲମ୍ ॥ ୫୩॥
ଆଶ୍ରଯାଶ୍ରଯିଭେଦେନ ଅଷ୍ଟଧା ଭିନ୍ନହେତିମତ୍ ।
ଅଷ୍ଟାରଚକ୍ରସଂରୂଢଂ ନଵଚକ୍ରାସନସ୍ଥିତମ୍ ॥ ୫୪॥
ଏଵଂରୂପଂ ପରଂ ତେଜଃ ଶ୍ରୀଚକ୍ରଵପୁଷା ସ୍ଥିତମ୍ ।
ତଦୀଯଶକ୍ତିନିକରସ୍ଫୁରଦୂର୍ମିସମାଵୃତମ୍ ॥ ୫୫॥
ଚିଦାତ୍ମଭିତ୍ତୌ ଵିଶ୍ଵସ୍ଯ ପ୍ରକାଶାମର୍ଶନେ ଯଦା ।
କରୋତି ସ୍ଵେଚ୍ଛଯା ପୂର୍ଣଵିଚିକୀର୍ଷାସମନ୍ଵିତା ॥ ୫୬॥
କ୍ରିଯାଶକ୍ତିସ୍ତୁ ଵିଶ୍ଵସ୍ଯ ମୋଦନାଦ୍ ଦ୍ରାଵଣାତ୍ତଥା ।
ମୁଦ୍ରାଖ୍ଯା ସା ଯଦା ସଂଵିଦମ୍ବିକା ତ୍ରିକଲାମଯୀ ॥ ୫୭॥
ତ୍ରିଖଣ୍ଡାରୂପମାପନ୍ନା ସଦା ସନ୍ନିଧିକାରିଣୀ ।
ସର୍ଵସ୍ଯ ଚକ୍ରରାଜସ୍ଯ ଵ୍ଯାପିକା ପରିକୀର୍ତିତ ॥ ୫୮॥
ଯୋନିପ୍ରାଚୁର୍ଯତଃ ସୈଷା ସର୍ଵସଂକ୍ଷୋଭିକା ପୁନଃ ।
ଵାମାଶକ୍ତିପ୍ରଧାନେଯଂ ଦ୍ଵାରଚକ୍ରେ ସ୍ଥିତା ଭଵେତ୍ ॥ ୫୯॥
କ୍ଷୁବ୍ଧାଵିଶ୍ଵସ୍ଥିତତିର୍କରୀ ଜ୍ଯେଷ୍ଟାପ୍ରାଚୁର୍ଯମାଶ୍ରିତା ।
ସ୍ଥୂଲନାଦକଲାରୂପା ସର୍ଵାନୁଗ୍ରହକାରିଣୀ ॥ ୬୦॥
ସର୍ଵାଶପୂରଣାଖ୍ଯେ ତୁ ସୈଷା ସ୍ଫୁରିତଵିଗ୍ରହା ।
ଜ୍ଯେଷ୍ଟାଵାମାସମନ୍ତ୍ଵେନ ସୃଷ୍ଟେଃ ପ୍ରାଧାନ୍ଯମାଶ୍ରିତା ॥ ୬୧॥
ଆକର୍ଷିଣୀ ତୁ ମୁଦ୍ରେଯଂ ସର୍ଵସଂକ୍ଷୋଭିଣୀ ସ୍ମୃତା ।
ଵ୍ଯୋମଦ୍ଵଯାନ୍ତରାଲସ୍ଥବିନ୍ଦୁରୂପା ମହେଶ୍ଵରି ॥ ୬୨॥
ଶିଵଶକ୍ତ୍ଯାତ୍ମସଂଶ୍ଲେଷାଦ୍ଦିଵ୍ଯାକେଶକରୀ ସ୍ମୃତା।
ଚତୁର୍ଦଶାରଚକ୍ରସ୍ଥା ସଂଵିଦାନନ୍ଦଵିଗ୍ରହା ॥ ୬୩॥
ବିନ୍ଦ୍ଵନ୍ତରାଲଵିଲସତ୍ସୂକ୍ଷ୍ମ ରେଖାଶିଖାମଯୀ ।
ଜ୍ଯେଷ୍ଟାଶକ୍ତିପ୍ରଧାନା ତୁ ସର୍ଵୋନ୍ମାଦନକାରିଣୀ ॥ ୬୪॥
ଦଶାରଚକ୍ରମାସ୍ଥାଯ ସଂସ୍ଥିତା ଵୀରଵନ୍ଦିତେ ।
ଵାମାଶକ୍ତିପ୍ରଧାନା ତୁ ମହାଙ୍କୁଶମଯୀ ପୁନଃ ॥ ୬୫॥
ତଦ୍ଵଦ୍ଵିଶ୍ଵଂ ଵମନ୍ତୀ ସା ଦିଵ୍ତୀଯେ ତୁ ଦଶାରକେ ।
ସଂସ୍ଥିତା ମୋଦନପରା ମୁଦ୍ରାରୂପତ୍ଵମାସ୍ଥିତା ॥ ୬୬॥
ଧର୍ମାଧର୍ମସ୍ଯ ସଂଘଟ୍ଟାଦୁତ୍ଥିତା ଵିତ୍ତୀରୂପିଣୀ ।
ଵିକଲ୍ପୋତ୍ଥକ୍ରିଯାଲୋପରୂପଦୋଷଵିଧାତିନୀ ॥ ୬୭॥
ଵିକଲ୍ପରୂପରୋଗାଣାଂ ହାରିଣୀ ଖେଚରୀ ପରା ।
ସର୍ଵରୋଗହରାଖ୍ଯେ ତୁ ଚକ୍ରେ ସଂଵିନ୍ମଯୀ ସ୍ଥିତା ॥ ୬୮॥
ଶିଵଶକ୍ତିସମାଶ୍ଲେଷସ୍ଫୁରଦ୍ଵ୍ଯୋମାନ୍ତରେ ପୁନଃ ।
ପ୍ରକାଶଯତି ଵିଶ୍ଵଂ ସା ସୂକ୍ଷ୍ମରୂପସ୍ଥିତ ସଦା ॥ ୬୯॥
ବୀଜରୂପା ମହାମୁଦ୍ରା ସର୍ଵସିଦ୍ଧିମଯେ ସ୍ଥିତା ।
ସମ୍ପୂର୍ଣସ୍ଯ ପ୍ରକାଶସ୍ଯ ଲାଭଭୂମିରିଯଂ ପୁନଃ ॥ ୭୦॥
ଯୋନିମୁଦ୍ରା କଲାରୂପା ସର୍ଵାନନ୍ଦମଯେ ସ୍ଥିତା ।
କ୍ରିଯା ଚୈତନ୍ଯରୂପତ୍ଵାଦେଵଂ ଚକ୍ରମଯଂ ସ୍ଥିତମ୍ ॥ ୭୧॥
ଇଚ୍ଛାରୂପଂ ପରଂ ତେଜାଃ ସର୍ଵଦା ଭାଵଯେଦ୍ ବୁଧଃ ।
ତ୍ରିଧା ଚ ନଵଧା ଚୈଵ ଚକ୍ରସଙ୍କେତକଃ ପୁନଃ ॥ ୭୨॥
ଵହ୍ନିନୈକେନ ଶକ୍ତିଭ୍ଯାଂ ଦ୍ଵାଭ୍ଯାଂ ଚୈକୋଽପ୍ରଃ ପୁନଃ ।
ତୈଶ୍ଚ ଵହ୍ନିତ୍ରଯେଣାପି ଶକ୍ତୀନାଂ ତ୍ରିତଯେନ ଚ ॥ ୭୩॥
ପଦ୍ମଦ୍ଵଯେନ ଚାନ୍ଯଃ ସ୍ଯାଦ୍ ଭୂଗୃହତ୍ରିତଯେନ ଚ ।
ପଞ୍ଚଶକ୍ତି ଚତୁର୍ଵହ୍ନିପଦ୍ମଦ୍ଵଯମହୀତ୍ରଯମ୍ ॥ ୭୪॥
ପରିପୂର୍ଣଂ ମହଚକ୍ରଂ ତତ୍ପ୍ରକାରଃ ପ୍ରଦର୍ଶ୍ଯତେ ।
ତତ୍ରାଦ୍ଯଂ ନଵଯୋନି ସ୍ଯାତ୍ ତେନ ଦ୍ଵିଦଶାସଂଯୁତମ୍ ॥ ୭୫॥
ମନୁଯୋନି ପରଂ ଵିଦ୍ଯାତ୍ ତୃତୀଯଂ ତଦନନ୍ତରମ୍ ।
ଅଷ୍ଟଦ୍ଵ୍ଯଷ୍ଟଦଲୋପେତଂ ଚତୁରସ୍ରତ୍ରଯାନ୍ଵିତମ୍ ॥ ୭୬॥
ଚକ୍ରସ୍ଯ ତ୍ରିପ୍ରକାରତ୍ଵଂ କଥିତଂ ପରମେଶ୍ଵରି ।
ସୃଷ୍ଟିଃସ୍ଯାନ୍ନଵଯୋନ୍ଯାଦିପୃଥ୍ଵ୍ଯନ୍ତଂ ସଂହୃତି ପୁନଃ ॥ ୭୭॥
ପୃଥ୍ଵ୍ଯାଦିନଵଯୋନ୍ଯନ୍ତମିତି ଶାସ୍ତ୍ରସ୍ଯ ନିର୍ଣଯଃ ।
ଏତତ୍ସମଷ୍ଟିରୂପଂ ତୁ ତ୍ରିପୁରାଚକ୍ରମୁଚ୍ଯତେ ॥ ୭୮॥
ଯସ୍ଯ ଵିଜ୍ଞାନମାତ୍ରେଣ ତ୍ରିପୁରାଜ୍ଞାନଵାନ୍ ଭଵେତ୍ ।
ଚକ୍ରସ୍ଯ ନଵଧାତ୍ଵଂ ଚ କଥଯାମି ତଵ ପ୍ରିଯେ ॥ ୭୯॥
ଆଦିମଂ ଭୂତ୍ରଯେଣ ସ୍ଯାଦ୍ ଦ୍ଵିତୀଯଂ ଷୋଡଶାରକମ୍ ।
ଅନ୍ଯଦଷ୍ଟଦଲଂ ପ୍ରୋକ୍ତଂ ମନୁକୋଣମନନ୍ତରମ୍ ॥ ୮୦॥
ପଞ୍ଚମଂ ଦଶକୋଣଂ ସ୍ଯାତ୍ ଷଷ୍ଟଂ ଚାପି ଦଶାରକମ୍॥
ସପ୍ତମଂ ଵସୁକୋଣଂ ସ୍ଯାନ୍ମଧ୍ଯତ୍ର୍ଯସ୍ରମଥାଷ୍ଟମମ୍ ॥ ୮୧॥
ନଵମଂ ତ୍ର୍ଯସ୍ରମଧ୍ଯଂ ସ୍ଯାତ୍ ତେଷାଂ ନାମାନ୍ଯତଃ ଶୃଣୁ ।
ତ୍ରୈଲୋକ୍ଯମୋହନଂ ଚକ୍ରଂ ସର୍ଵାଶାପରିପୂରକମ୍ ॥ ୮୨॥
ସର୍ଵସଂକ୍ଷୋଭଣଂ ଗୌରି ସର୍ଵାସୌଭାଗ୍ଯଦାଯକମ୍ ।
ସର୍ଵାର୍ଥସାଧକଂ ଚକ୍ରଂ ସର୍ଵରକ୍ଷାକରଂ ପରମ୍ ॥ ୮୩॥
ସର୍ଵରୋଗହରଂ ଦେଵି ସର୍ଵସିଦ୍ଧିମଯଂ ତଥା ।
ସର୍ଵାନନ୍ଦମଯଂ ଚାପି ନଵମଂ ଶୃଣୁ ସୁନ୍ଦରି ॥ ୮୪॥
ଅତ୍ର ପୁଜ୍ଯା ମହାଦେଵୀ ମହାତ୍ରିପୁରସୁନ୍ଦରୀ ।
ପରିପୂର୍ଣଂ ମହାଚକ୍ରମଜରାମରକାରକମ୍ ॥ ୮୫॥
ଏତମେଵ ମହାଚକ୍ରସଙ୍କେତଃ ପରମେଶ୍ଵରି ।
କଥିତସ୍ତ୍ରିପୁରାଦେଵ୍ଯା ଜୀଵନ୍ମୁକ୍ତିପ୍ରଵର୍ତକଃ ॥ ୮୬॥
ଅଥ ଦ୍ଵିତୀଯଃ ପଟଲଃ
ମନ୍ତ୍ରସଙ୍କେତଂ ଦିଵ୍ଯମଧୁନା କଥ୍ଯାମି ତେ ।
ଯଦ୍ଵେତ୍ତା ତ୍ରିପୁରାକାରୋ ଵିରଚକ୍ରେଶ୍ଵରୋ ଭଵେତ୍ ॥ ୧॥
କରଶୁଦ୍ଧିକରୋ ତ୍ଵାଦ୍ଯା ଦ୍ଵିତୀଯା ଚାତ୍ମରକ୍ଷିକା ।
ଆତ୍ମାସନଗତା ଦେଵୀ ତୃତୀଯା ତଦନନ୍ତରମ୍ ॥ ୨॥
ଚକ୍ରାସନଗତା ପଶ୍ଚାତ୍ ସର୍ଵମନ୍ତ୍ରାସନସ୍ଥିତା ।
ସାଧ୍ଯସିଦ୍ଧାସନା ଷ୍ଷ୍ଟା ମାଯାଲକ୍ଷ୍ମୀମଯୀ ପରା ॥ ୩॥
ମୂର୍ତିଵିଦ୍ଯା ଚ ସା ଦେଵୀ ସପ୍ତମୋ ପରିକୀର୍ତିତା ।
ଅଷ୍ଟମ୍ଯାଵାହିନୀ ଵିଦ୍ଯା ନଵମା ଭୈରଵୀ ପରା ॥ ୪॥
ମୂଲଵିଦ୍ଯା ତଥା ଖ୍ଯାତା ତ୍ରୈଲୋକ୍ଯଵଶକାରିଣୀ ।
ଏଵଂ ନଵପ୍ରକାରାସ୍ତୁ ପୂଜାକାଲେ ପ୍ରଯତ୍ନତଃ ॥ ୫॥
ଏତାଃ କ୍ରମେଣ ନ୍ଯସ୍ତଵ୍ଯାଃ ସାଧକେନ କୁଲେଶ୍ଵରି ।
ପାଦାଗ୍ରଜଙ୍ଘାଜାନୂରୁଗୁଦଲିଙ୍ଗାଗ୍ରକେଷୁ ଚ ॥ ୬॥
ଆଧରେ ଵିନ୍ଯସନ୍ମୂର୍ତି ତସ୍ଯାମାଵାହିନୀଂ ନ୍ଯସେତ୍ ।
ମୂଲେନ ଵ୍ଯାପକନ୍ଯାସଃ କର୍ତଵ୍ଯଃ ପରେମ୍ଶ୍ଵରି ॥ ୭॥
ଅକୁଲାଦିଷୁ ପୂର୍ବୋକ୍ତସ୍ଥାନେଷୁ ପରିଚିନ୍ତଯେତ୍ ।
ଚକ୍ରେଶ୍ଵରିସମାଯୁକ୍ତଂ ନଵଚକ୍ରଂ ପୁରୋଦିତମ୍ ॥ ୮॥
ତାସାଂ ନାମାନି ଵକ୍ଷ୍ଯାମି ଯଥାନୁକ୍ରମଯୋଗତଃ ।
ତତ୍ରାଦ୍ଯା ତ୍ରିପୁରା ଦେଵୀ ଦ୍ଵିତୀଯା ତ୍ରିପୁରେଶ୍ଵରୀ ॥ ୯॥
ତୃତୀଯା ଚ ତଥା ପ୍ରୋକ୍ତା ଦେଵୀ ତ୍ରିପୁରସୁନ୍ଦରୀ ।
ଚତୁର୍ଥୀ ଚ ମହାଦେଵୀ ଦେଵୀ ତ୍ରିପୁରଵାସିନୀ ॥ ୧୦॥
ପଞ୍ଚମୀ ତ୍ରିପୁରା ଶ୍ରୀଃ ସ୍ଯାତ୍ ଷଷ୍ଟୀ ତ୍ରିପୁରମାଲିନୀ ।
ସପ୍ତମୀ ତ୍ରିପୁରା ସିଦ୍ଧିରଷ୍ଟମୀ ତ୍ରିପୁରାମ୍ବିକା ॥ ୧୧॥
ନଵମୀ ତୁ ମାହଦେଵୀ ମହାତ୍ରିପୁରସୁନ୍ଦରୀ ।
ପୂଜଯେଚ୍ଚ କ୍ରମାଦେତା ନଵଚକ୍ରେ ପୁରୋଦିତେ ॥ ୧୨॥
ଏଵଂ ନଵପ୍ରକାରାଦ୍ଯା ପୁଜାକଲେ ତୁ ପାର୍ଵତି ।
ଏକାକାରା ହ୍ଯାଦ୍ଯଶକ୍ତିରଜରାମରକାରିଣୀ ॥ ୧୩॥
ମନ୍ତ୍ରସଙ୍କେତକସ୍ତସ୍ଯା ନାନାକାରୋ ଵ୍ଯଵସ୍ଥିତଃ ।
ନାନାମନ୍ତ୍ରକର୍ମେଣୈଵ ପାରମ୍ପର୍ଯେଣ ଲଭ୍ଯତେ ॥ ୧୪॥
ଷଡଵିଧସ୍ତଂ ତୁ ଦେଵେଶି କଥଯାମି ତଵାନଧେ ।
ଭାଵାର୍ଥଃ ସମ୍ପ୍ରଦାଯାର୍ଥୋ ନିଗମାର୍ଥଶ୍ଚ କୌଲିକଃ ॥ ୧୫॥
ତଥା ସର୍ଵରହସ୍ଯାର୍ଥୋ ମହାତତ୍ତ୍ଵାର୍ଥ ଏଵ ଚ ।
ଅକ୍ଷରାର୍ଥୋ ହି ଭାଵାର୍ଥଃ କେଵଲଃ ପରମେଶ୍ଵରି ॥ ୧୬॥
ଯୋଗିନୀଭିସ୍ତଥା ଵିରୈର୍ଵୀରେନ୍ଦ୍ରାଇଃ ସର୍ଵଦା ପ୍ରିଯେ ।
ଶିଵଶକ୍ତିସମାଯୋଗାଽଜ୍ଜନିତୋ ମନ୍ତ୍ରରାଜକଃ ॥ ୧୭॥
ତନ୍ମଯୀଂ ପରମାନନ୍ଦନନ୍ଦିତାଂ ସ୍ପନ୍ଦରୂପିଣୀମ୍ ।
ନିସର୍ଗସୁନ୍ଦରୀଂ ଦେଵୀଂ ଜ୍ଞାତ୍ଵା ସ୍ଵୈରମୁପାସତେ ॥ ୧୮॥
ଶିଵଶକ୍ତ୍ଯାତ୍ମସଂଘଟ୍ଟରୂପେ ବ୍ର୍ହ୍ମାଣି ଶାଶ୍ଵତେ ।
ତତ୍ପ୍ରଥାପ୍ରସରାଶ୍ଲେଷଭୁଵି ତ୍ଵୈନ୍ଦ୍ରୋପଲକ୍ଷିତେ ॥ ୧୯॥
ଜ୍ଞାତୃଜ୍ଞାନମଯାକାରସନନାନ୍ମନ୍ତ୍ରରୂପିଣୀ ।
ତେଷାଂ ସମଷ୍ଟିରୂପେଣ ପରାଶକ୍ତିସ୍ତୁ ମାତୃକା ॥ ୨୦॥
ମଧ୍ଯବିନ୍ଦୁଵିସର୍ଗାନ୍ତଃ ସମାସ୍ଥାନମଯେ ପରେ ।
କୁଟିଲାରୂପକେ ତସ୍ଯାଃ ପ୍ରତିରୂପେ ଵିଯତ୍କଲେ ॥ ୨୧॥
ମଧ୍ଯପ୍ରାଣପ୍ରଥାରୂପପସ୍ପନ୍ଦଵ୍ଯୋମ୍ନି ସ୍ଥିତ ପୁନଃ ।
ମଧ୍ଯମେ ମନ୍ତ୍ରପିଣ୍ଡେ ତୁ ତୃତୀଯେ ପିଣ୍ଡକେ ପୁନଃ ॥ ୨୨॥
ରାହୁକୂଟାଦ୍ଵଯସ୍ଫୂର୍ଜଚ୍ଚଲତ୍ତାସଂସ୍ଥିତସ୍ଯ ତୁ ।
ଧର୍ମାଧର୍ମସ୍ଯ ଵାଚ୍ଯସ୍ଯ ଵିଷାମୃତମଯସ୍ଯ ଚ ॥ ୨୩॥
ଵାଚକ୍ରାକ୍ଷରସଂଯୋଗାତ୍ କଥିତା ଵିଶ୍ଵରୂପିଣୀ ।
ତେଷାଂ ସମଷ୍ଟିରୂପେଣ ପରାଶକ୍ତିଂ ତୁ ମାତୃକାମ୍ ॥ ୨୪॥
କୂଟତ୍ରଯାତ୍ମିକାଂ ଦେଵୀଂ ସମଷ୍ଟିଵ୍ଯଷ୍ଟିରୂପିଣିମ୍ ।
ଆଦ୍ଯାଂ ଶକ୍ତିଂ ଭାଵଯନ୍ତୋ ଭାଵାର୍ଥମିତି ମନ୍ଵତେ ॥ ୨୫॥
ସମ୍ପ୍ରଦାଯୋ ମହାବୋଧରୂପୋ ଗୁରୁମୁଖେ ସ୍ଥିତଃ ।
ଵିଶ୍ଵାକାରପ୍ରଥାଯାସ୍ତୁ ମହତ୍ତ୍ଵଞ୍ଚ ଯଦାଶ୍ରଯମ୍ ॥ ୨୬॥
ଶିଵଶକ୍ତ୍ଯାଦ୍ଯଯା ମୂଲଵିଦ୍ଯଯା ପରମେଶ୍ଵରି ।
ଜଗତ୍କୃତ୍ସ୍ନଂ ତଯା ଵ୍ଯାପ୍ତଂ ଶୃଣୁଷ୍ଵାଵହିତା ପ୍ରିଯେ ॥ ୨୭॥
ପଞ୍ଚଭୂତମଯଂ ଵିଶ୍ଵଂ ତନ୍ମଯୀ ସା ସଦାନଘେ ।
ତନ୍ମଯୀ ମୂଲଵିଦ୍ଯା ଚ ତଦଦ୍ଯ କଥଯାମ୍ମି ତେ ॥ ୨୮॥
ହକାରାଦ୍ ଵ୍ଯୋମ ସମ୍ଭୂତଂ କକାରାତ୍ତୁ ପ୍ରଭଞ୍ଜନହ୍ ।
ରେଫାଦଗ୍ନିଃ ସକାରାଚ୍ଚ ଜଲତତ୍ତ୍ଵସ୍ଯ ସମ୍ଭଵଃ ॥ ୨୯॥
ଲକାରାତ୍,ହ୍ ପୃଥିଵୀ ଜାତା ତସ୍ମାଦ୍ ଵିଶ୍ଵମଯୀ ଚ ସା ।
ଗୁଣାଃପଞ୍ଚଦଶ ପ୍ରୋକ୍ତା ଭୂତାନଂ ତନ୍ମଯୀ ଶିଵା ॥ ୩୦॥
ଯସ୍ଯ ଯସ୍ଯ ପଦାର୍ଥସ୍ଯ ସା ଯା ଶକ୍ତିରୁଦୀରିତା ।
ସା ସା ସର୍ଵେଶ୍ଵରୀ ଦେଵୀ ସ ସ ସର୍ଵୋ ମହେଶ୍ଵରଃ ॥ ୩୧॥
ଵ୍ଯାପ୍ତା ପଞ୍ଚଦଶାର୍ଣଃ ସା ଵିଦ୍ଯା ଭୂତଗୁଣାତ୍ମିକାଃ ।
ପଞ୍ଚଭିଶ୍ଚ ତଥା ଷଡ୍ ଭିଶ୍ଚତୁର୍ଭିରପି ଚାକ୍ଷରଃ ॥ ୩୨॥
ସ୍ଵରଵ୍ଯଞ୍ଜନଭେଦେନ ସପ୍ତତ୍ରିଂଶତ୍ପ୍ରଭେଦେନୀ ।
ସପ୍ତତ୍ରିଂଶତ୍ପ୍ରଭେଦେନ ଷଟ୍ ତ୍ରିଂଶତତ୍ତ୍ଵରୂପିଣୀ ॥ ୩୩॥
ତତ୍ତ୍ଵାତୀତସ୍ଵଭାଵା ଚ ଵିଦ୍ଯୈଷଂ ଭାଵ୍ଯତେ ସଦା ।
ପୃଥିଵ୍ଯାଦିଷୁ ଭୂତେଷୁ ଵ୍ଯାପକଂ ଚୋତ୍ତରୋତ୍ତରମ୍ ॥ ୩୪॥
ଭୂତଂ ତ୍ଵଧସ୍ତନଂ ଵ୍ଯାପ୍ଯଂ ତଦ୍ ଗୁଣା ଵ୍ଯାପକାଶ୍ରଯାଃ ।
ଵ୍ଯାପ୍ଯେଷ୍ଵଵସ୍ଥିତା ଦେଵି ସ୍ଥୂଲସୂକ୍ଷ୍ମଵିଭେଦତଃ ॥ ୩୫॥
ତସ୍ମାଦ୍ଵ୍ଯୋମଗୁଣଃ ଶବ୍ଦୋ ଵାଯ୍ଵାଦୀନ୍ ଵ୍ଯାପ୍ଯ ସଂସ୍ଥିତଃ ।
ଵ୍ଯୋମବିହୈସ୍ତୁ ଵିଦ୍ଯାସ୍ଥୈର୍ଲକ୍ଷଯେଚ୍ଛବ୍ଦପଞ୍ଚକମ୍ ॥ ୩୬॥
ତେଷାଂ କାରୁଣରୂପେଣ ସ୍ଥିତ ଧ୍ଵନିମଯଂ ପରମ୍ ।
ଭଵେଦ୍ ଗୁଣଵତାଂ ବୀଜଂ ଗୁଣାନାମପି ଵାଚକମ୍ ॥ ୩୭॥
କାର୍ଯକାରଣଭାଵେନ ତଯୋରୈକ୍ଯ ଵିଵକ୍ଷଯା ।
ମହାମାଯାତ୍ରଯେଣାପି କାରଣେନ ଚ ବିନ୍ଦୁନା ॥ ୩୮॥
ଵାଯ୍ଵାଗ୍ନିଜଲଭୂମୀନାଂ ସ୍ପର୍ଶାନାଂ ଚ ଚତୁଷ୍ଟଯମ୍ ।
ଉତ୍ପନ୍ନଂ ଭାଵଯେଦ୍ ଦେଵି ସ୍ଥୂଲସୂକ୍ଷ୍ମଵିଭେଦତଃ ॥ ୩୯॥
ରୂପାଣାଂ ତ୍ରିତଯଂ ତଦ୍ଵତ୍ ତ୍ରିଭୀ ରେଫୈର୍ଵିଭାଵିତମ୍ ।
ପ୍ରଧାନଂ ତେଜସୋ ରୂପଂ ତଦ୍ ବୀଜେନ ହି ଜନ୍ଯତେ ॥ ୪୦॥
ଵିଦ୍ଯାସ୍ଥୈଶ୍ଚନ୍ଦ୍ରବୀଜୈସ୍ତୁ ସ୍ଥୂଲସୂକ୍ଷ୍ମୋ ରସଃ ସ୍ମୃତଃ ।
ସମ୍ବନ୍ଧୋ ଵିଦିତୋ ଲୋକେ ରସସ୍ଯାପ୍ଯମୃତସ୍ଯ ଚ ॥ ୪୧॥
ଵସୁ ଧାଯା ଗୁଣୋ ଗନ୍ଧସ୍ତଲ୍ଲିପିର୍ଗନ୍ଧଵାଚିକା ।
ଭୁଵନତ୍ରଯସମ୍ଭନ୍ଧାତ୍ ତ୍ରିଧାତ୍ଵଂ ତୁ ମହେଶ୍ଵରି ॥ ୪୨॥
ଅଶୁଦ୍ଧଶୁଦ୍ଧମିଶ୍ରାଣାଂ ପ୍ରମାତୄଣାଂ ପରଂ ଵପୁଃ ।
କ୍ରୋଧୀଶତ୍ରିତଯେ ନାଥ ଵିଦ୍ଯାସ୍ଥେନ ପ୍ରକାଶ୍ଯତେ ॥ ୪୩॥
ଶ୍ରୀକଣ୍ଠଦଶକଂ ତଦ୍ଵଦ ଵ୍ଯକ୍ତସ୍ଯାପି ଵାଚକଃ ।
ପ୍ରାଣରୂପସ୍ଥିତୋ ଦେଵି ତଦ୍ଵଦେକାଦଶଃ ପରଃ ॥ ୪୪॥
ଏକଃ ସନ୍ନେଵ ପୁରୁଷୋ ବହୁଧା କାଯତେ ହି ସଃ ।
ରୁଦ୍ରେଶ୍ଵରସଦେଶାଖ୍ଯା ଦେଵତା ମିତଵିଗ୍ରହାଃ ॥ ୪୫॥
ବିନ୍ଦୁତ୍ରଯେଣ କଥିତା ଅମିତାମିତଵିଗ୍ରହାଃ ।
ଶାନ୍ତିଃ ଶକ୍ତିଶ୍ଚ ଶମ୍ଭୁଶ୍ଚ ନାଦତ୍ରିତଯବୋଧନାଃ ॥ ୪୬॥
ଵାଗୁରାମୂଲଵଲଯେ ସୂତ୍ରାଦ୍ଯାଃ କଵଲୀକୃତାଃ ।
ତଥା ମନ୍ତ୍ରାଃ ସମସ୍ତାଶ୍ଚ ଵିଦ୍ଯାଯାମତ୍ର ସଂସ୍ଥିତାଃ ॥ ୪୭॥
ଗୁରୁକ୍ରମେଣ ସମ୍ପ୍ରାପ୍ତଃ ସମ୍ପ୍ରଦାଯାର୍ଥ ଈରିତଃ ।
ନିଗର୍ଭାର୍ଥୋ ମହଦେଵି ଶିଵଗୁର୍ଵାତ୍ମଗୋଚରଃ ॥ ୪୮॥
ଶିଵଗୁର୍ଵାତ୍ମନାମୈକ୍ଯାନୁସଂଧାନାତ୍ତଦାତ୍ମକମ୍ ॥ ୪୯॥
ନିଷ୍କଲତ୍ଵଂ ଶିଵେ ବୁଧ୍ଵା ତଦ୍ରୂପତ୍ଵଂ ଗୁରୋରପି ।
ତନ୍ନିରୀକ୍ଷଣସାମର୍ଥ୍ଯାଦାତ୍ମନଶ୍ଚ ଶିଵାତ୍ମତାମ୍ ॥ ୫୦॥
ଭାଵଯେଦଭକ୍ତିନମ୍ରଃ ସଙ୍କୋଚୋନ୍ମେଷାକଲଙ୍କିତଃ ।
କୌଲିକଂ କଥଯିଷ୍ଯାମି ଚକ୍ରଦେଵତଯୋରପି ॥ ୫୧॥
ଵିଦ୍ଯାଗୁର୍ଵାତ୍ମନାମୈକ୍ଯଂ ତତ୍ପ୍ରକାରଃ ପ୍ରଦର୍ଶ୍ଯତେ ।
ଲକାରୈଶ୍ଚତୁରସ୍ରାଣି ଵୃତ୍ତତ୍ରିତଯସଂଯୁତମ୍ ॥ ୫୨॥
ସରୋରୁହଦ୍ଵଯଂ ଶକ୍ତୈରଗ୍ନୀଷୋମାତ୍ମକଂ ପ୍ରିଯେ।
ହୃଲ୍ଲେଖାତ୍ରଯସଂଭୂତୈରକ୍ଷରୈର୍ନଵସଙ୍ଖ୍ଯକୈଃ ॥ ୫୩॥
ବିନ୍ଦୁତ୍ରଯଯୁତୈର୍ଜାତଂ ନଵଯୋନ୍ଯାତ୍ମକଂ ପ୍ରିଯେ।
ମଣ୍ଡଲତ୍ରଯଯୁକ୍ତଂ ତୁ ଚକ୍ରଂ ଶକ୍ତ୍ଯନଲାତ୍ମକମ୍ ॥ ୫୪॥
ଵ୍ଯୋମବୀଜତ୍ରଯେଣୈଵ ପ୍ରମାତୃତ୍ରିତ୍ଯାନ୍ଵିତମ୍।
ଇଚ୍ଛାଜ୍ଞାନକ୍ରିଯାରୂପମାଦନତ୍ରଯସଂଯୁତମ୍ ॥ ୫୫॥
ସଦାଶିଵାସନଂ ଦେଵି ମହାବିନ୍ଦୁମଯଂ ପରମ୍।
ଇତ୍ଥଂ ମନ୍ତ୍ରାତ୍ମକଂ ଚକ୍ରଂ ଦେଵତାଯାଃ ପରଂ ଵପୁଃ ॥ ୫୬॥
ଏକାଦଶାଧିକଶତଦେଵତାତ୍ମତଯା ପୁନଃ ।
ଗଣେଶତ୍ଵଂ ମହାଦେଵ୍ଯାଃ ସସୋମରଵିପାଵକୈଃ ॥ ୫୭॥
ଇଚ୍ଛାଜ୍ଞାନକ୍ରିଯାଭିଶ୍ଚ ଗୁଣତ୍ରଯଯୁତୈହ୍ ପୁନଃ।
ଗ୍ରହରୂପା ଚ ସା ଦେଵୀ ଜ୍ଞାନକର୍ମେନ୍ଦ୍ରିଯୈରପି ॥ ୫୮॥
ତଦର୍ଥୈରେଵ ଦେଵେଶି କରଣୈରାନ୍ତରୈଃ ପୁନଃ।
ପ୍ରକୃତ୍ଯା ଚ ଗୁଣେନାପି ପୁଂସ୍ତ୍ଵବନ୍ଧେନ ଚାତ୍ମନା ॥ ୫୯॥
ନକ୍ଷତ୍ରଵିଗ୍ରହା ଜାତା ଯୋଗିନୀତ୍ଵମଥୋଚ୍ଯତେ।
ତ୍ଵଗାଦିଧାତୁନାଥାଭିର୍ଡାକିନ୍ଯାଦିଭିରପ୍ଯସୌ ॥ ୬୦॥
ଵର୍ଗାଷ୍ଟକନିଵିଷ୍ଟାଭିର୍ଯୋଗିନୀଭିଶ୍ଚ ସଂଯୁତା।
ଯୋଗିନୀରୂପମାସ୍ଥାଯ ରାଜତେ ଵିଶ୍ଵଵିଗ୍ରା ॥ ୬୧॥
ପ୍ରାଣାପାନୌ ସମାନଶ୍ଚୋଦନଵ୍ଯାନୌ ତଥା ପୁନଃ।
ନାଗଃ କୂର୍ମୋଽଥ କୃକରୋ ଦେଵଦତ୍ତୋ ଧନଞ୍ଜଯଃ ॥ ୬୨॥
ଜୀଵାତ୍ମା ପର୍ମାତ୍ମା ଚୈତ୍ଯେତୈ ରାଶିସ୍ଵରୂପିଣୀ।
ଅକଥାଦିତ୍ରିପଙ୍କ୍ତ୍ଯାତ୍ମା ତାର୍ତିଯାଦିକ୍ରମେଣ ସା ॥ ୬୩॥
ଗଣେଶୋଽଭୂନ୍ମହାଵିଦ୍ଯା ପରାଵାଗାଦିଵାଙ୍ମଯୀ।
ବୀଜବିନ୍ଦୁଧ୍ଵନୀନାଂ ଚ ତ୍ରିକୂଟେଷୁ ଗ୍ରହାତ୍ମିକା ॥ ୬୪॥
ହୃଲ୍ଲେଖାତ୍ରଯସଂଭୂତୈସ୍ତିଥିସଂଖ୍ଯୈସ୍ତଥାକ୍ଷରୈଃ।
ଅନ୍ଯୈର୍ଦ୍ଵାଦଶଭିର୍ଵର୍ଣୈରେଷା ନକ୍ଷତ୍ରରୂପିଣୀ ॥ ୬୫॥
ଵିଦ୍ଯାନନ୍ତର୍ଭୂତଶକ୍ତ୍ଯାଦ୍ଯୈଃ ଶାକ୍ତୈଃ ଷଡ୍ ଭିସ୍ତଥାକ୍ଷରୈଃ।
ଯୋଗିନୀତ୍ଵଂ ଚ ଵିଦ୍ଯାଯ ରାଶିତ୍ଵଂ ଚାନ୍ତ୍ଯଵର୍ଜିତୈଃ ॥ ୬୬॥
ଏଵଂ ଵିଶ୍ଵପ୍ରକାରା ଚ ଚକ୍ର ରୂପା ମହେଶ୍ଵରୀ।
ଦେଵ୍ଯା ଦେହେ ଯଥା ପ୍ରୋକ୍ତୋ ଗୁରୁଦେହେ ତଥୈଵ ହି ॥ ୬୭॥
ତତ୍ପ୍ରସାଦାଚ୍ଚ ଶିଷ୍ଯୋଽପି ତଦ୍ରୂପଃ ସମ୍ପ୍ରଜାଯତେ।
ଇତ୍ଯେଵଂ କୌଲିକାର୍ଥସ୍ତୁ କଥିତୋ ଵିରଵନ୍ଦିତେ ॥ ୬୮॥
ତଥା ସର୍ଵରହ୍ସ୍ଯାର୍ଥଂ କଥଯାମି ତଵାନଘେ।
ମୂଲାଧାରେ ତଡିଦ୍ରୂପେ ଵାଗ୍ଭଵାକାରତାଂ ଗତେ ॥ ୬୯॥
ଅଷ୍ଟାତ୍ରିଂଶତ୍କଲାଯୁକ୍ତପଞ୍ଚାଶଦ୍ଵର୍ଣଵିଗ୍ରହା।
ଵିଦ୍ଯା କୁଣ୍ଡଲିନୀରୂପା ମଣ୍ଦଲତ୍ରଯଭେଦିନୀ ॥ ୭୦॥
ତଡିତ୍କୋଟିନିଭପ୍ରଖ୍ଯା ବିସତନ୍ତୁନିଭାକୃତିଃ।
ଵ୍ଯୋମେନ୍ଦୁମଣ୍ଡଲାସକ୍ତା ସୁଧାସ୍ତ୍ରୋତଃସ୍ଵରୂପିଣୀ ॥ ୭୧॥
ସଦା ଵ୍ଯାପ୍ତଜଗତ୍ କୃତ୍ସ୍ନା ସଦାନନ୍ଦସ୍ଵରୂପିଣୀ।
ଏଷା ସ୍ଵାତ୍ମେତି ବୁଦ୍ଧିସ୍ତୁ ରହସ୍ଯାର୍ଥୋ ମହେଶ୍ଵରି ॥ ୭୨॥
ମହାତତ୍ତ୍ଵାର୍ଥଂ ଇତି ଯତ୍ତଚ ଦେଵି ଵଦାମି ତେ।
ନିଷ୍କଲେ ପ୍ରମେ ସୂକ୍ଷ୍ମେ ନିର୍ଲକ୍ଷ୍ଯେ ଭାଵଵର୍ଜିତେ ॥ ୭୩॥
ଵ୍ଯୋମାତୀତେ ପରେ ତତ୍ତ୍ଵେ ପ୍ରକାଶାନନ୍ଦଵିଗ୍ରହେ।
ଵିଶ୍ଵୋତ୍ତିର୍ଣେ ଵିଶ୍ଵମଯେ ତତ୍ତ୍ଵେ ସ୍ଵାତ୍ମନିଯୋଜନମ୍ ॥ ୭୪॥
ତଦା ପ୍ରକାଶମାନତ୍ଵଂ ତେଜସାଂ ତମସାମପି।
ଅଵିନାଭାଵରୂପତ୍ଵଂ ତସ୍ମାଦ୍ଵିଶ୍ଵସ୍ଯ ସର୍ଵତଃ ॥ ୭୫॥
ପ୍ରକାଶତେ ମହାତତ୍ତ୍ଵଂ ଦିଵ୍ଯକ୍ରୀଡାରସୋଜ୍ଜ୍ଵଲେ।
ନିରସ୍ତସର୍ଵସଂକଲ୍ପଵିକଲ୍ପସ୍ଥିତିପୂର୍ଵକଃ ॥ ୭୬॥
ରହସ୍ଯାର୍ଥୋ ମଯା ଗୁପ୍ତଃ ସଦ୍ଯଃ ପ୍ରତ୍ଯଯକାରକଃ।
ମହାଜ୍ଞାନାର୍ଣଵେ ଦୃଷ୍ଟଃ ଶଙ୍କା ତତ୍ର ନ ପାର୍ଵତି ॥ ୭୭॥
ଵିଦ୍ଯାପୀଠନିବଦ୍ଧେଷୁ ସଂସ୍ଥିତୋ ଦିଵ୍ଯସିଦ୍ଧିଦଃ।
କୌଲାଚାରପରୈର୍ଦେଵି ପାଦୁକାଭାଵନାପରୈଃ ॥ ୭୮॥
ଯୋଗିନୀମେଲନୋଦ୍ଯୁକ୍ତୈଃ ପ୍ରାପ୍ତଵିଦ୍ଯାଭିଷେଚନୈଃ।
ଶଙ୍କାକଲଙ୍କଵିଗତୈଃ ସଦା ମୁଦିତମାନସୈଃ ॥ ୭୯॥
ପାରମ୍ପର୍ଯେଣ ଵିଜ୍ଞାତରହସ୍ଯାର୍ଥଵିଶାରଦୈଃ।
ଲଭ୍ଯତେ ନାନ୍ଯଥ ଦେଵି ତ୍ଵାଂ ଶପେକୁଲସୁନ୍ଦରି ॥ ୮୦॥
ପାରମ୍ପର୍ଯଵିହୀନା ଯେ ଜ୍ଞାନମାତ୍ରେଣ ଗର୍ଵିତାଃ।
ତେଷାଂ ସମଯଲୋପେନ ଵିକୁର୍ଵନ୍ତି ମରୀଚଯଃ ॥ ୮୧॥
ଯସ୍ତୁ ଦିଵ୍ଯରସାସ୍ଵାଦମୋଦମାନଵିମର୍ଶନଃ।
ଦେଅତାତିଥିନକ୍ଷତ୍ରେ ଵାରେଽପି ଚ ଵିଵସ୍ଵତଃ ॥ ୮୨॥
ମରୀଚୀନ୍ ପ୍ରୀଣଯତ୍ଯେଵ ମଦିରାନନ୍ଦଘୂର୍ଣିତଃ।
ସର୍ଵଦା ଚ ଵିଶେଷଣ ଲଭତେ ପୂର୍ଣବୋଧତାମ୍ ॥ ୮୩॥
ଏଵଂଵ୍ହାଵସ୍ତୁ ଦେଵେଶି ଦେଶିକେନ୍ଦ୍ରପ୍ରସାଦତଃ।
ମହାଜ୍ଞାନମଯୋ ଦେଵି ସଦ୍ଯଃ ସମ୍ପ୍ରାପ୍ଯତେ ନରୈଃ ॥ ୮୪॥
ଏଵମେତତ୍ପ୍ରଦଂ ଜ୍ଞାନଂ ଵିଦ୍ଯାର୍ଣାଗମଗୋଚରମ୍।
ଦେଵି ଗୁହ୍ଯପ୍ରିଯେଣୈଵ ଵ୍ଯାଖ୍ଯାତଂ ଦୁର୍ଗି ଷଡ୍ ଵିଧମ୍।
ସଦ୍ଯୋ ଯସ୍ଯ ପ୍ରବୋଧେନ ଵୀରଚକ୍ରେଶ୍ଵରୋ ଭଵେତ୍ ॥ ୮୫॥
ଅଥ ତୃତାଯଃ ପଟଲଃ
ପୂଜାସଙ୍କେତମଧୁନା କଥଯାମି ତଵାନଘେ।
ଯସ୍ଯ ପ୍ରବୋଧମାତ୍ରେଣ ଜିଵନ୍ମୁକ୍ତଃ ପ୍ରମୋଦତେ ॥ ୧॥
ତଵ ନିତ୍ଯୋଦିତା ପୂଜା ତ୍ରିଭିର୍ଭେଦୈର୍ଵ୍ଯଵସ୍ଥିତା।
ପରା ଚାପ୍ଯପର ଗୌରି ତୃତୀଯା ଚ ପରାପରା ॥ ୨॥
ପ୍ରଥମାଦ୍ଵୈତଭାଵସ୍ଥା ସର୍ଵପ୍ରସରଗୋଚରା।
ଦ୍ଵିତୀଯା ଚକ୍ରପୂଜା ଚ ସଦା ନିଷ୍ପାଦ୍ଯତେ ମଯା ॥ ୩॥
ଏଵଂ ଜ୍ଞାନମଯେ ଦେଵି ତୃତୀଯା ତୁ ପରାପରା।
ଉତ୍ତମା ସା ପରା ଜ୍ଞେଯା ଵିଧାନଂ ଶୃଣୁ ସାମ୍ପ୍ରତମ୍ ॥ ୪॥
ମହାପଦ୍ମଵନାନ୍ତସ୍ଥେ ଵାଗ୍ଭଵେ ଗୁରୁପାଦୁକାମ୍।
ଆପ୍ଯାଯିତଜଗଦ୍ରୂପାଂ ପର୍ମାମୃତଵର୍ଷିଣୀମ୍ ॥ ୫॥
ସଞ୍ଚିନ୍ତ୍ଯ ପରମାଦ୍ଵୈତଭାଵନାମୃତଘୂର୍ଣିତଃ।
ଦହରାନ୍ତରସଂସର୍ପନ୍ନାଦାଲୋକନତତ୍ପରଃ ॥ ୬॥
ଵିକଲ୍ପରୂପସଂଜଲ୍ପଵିମୁଖୋଽନ୍ତର୍ମୁଖଃ ସଦା।
ଚିତ୍କଲୋଲ୍ଲାସଦଲିତସଂକୋଚସ୍ତ୍ଵତିସୁନ୍ଦରଃ।
ଇନ୍ଦ୍ରିଯପ୍ରୀଣନଦ୍ରଵ୍ଯୈଵିଂ ହିତସ୍ଵାତ୍ମପୂଜନଃ ॥ ୭॥
ନ୍ଯାସଂ ନିର୍ଵର୍ତଯେଦେହେ ଷୋଢାନ୍ଯାସପୁରଃସରମ୍।
ଗଣେଶୈଃ ପ୍ରଥମୋ ନ୍ଯାସୋ ଦ୍ଵିତୀତସ୍ତୁ ଗ୍ରହୈର୍ମତଃ ॥ ୮॥
ନକ୍ଷତ୍ରୈଶ୍ଚ ତୃତୀଯଃ ସ୍ଯାଦ୍ଯୋଗିନୀଭିଶ୍ଚତୁର୍ଥକଃ।
ରାଶିଭିଃ ପଞ୍ଚମୋ ନ୍ଯାସଃ ଷଷ୍ଠଃ ପୀଠୈର୍ନିଗଦ୍ଯତେ ॥ ୯॥
ଷୋଢାନ୍ଯାସସ୍ତ୍ଵଯଂ ପ୍ରୋକ୍ତଃ ସର୍ଵତ୍ରୈଵାପରାଜିତଃ।
ଏଵଂ ଯୋ ନ୍ଯସ୍ତଗାତ୍ରସ୍ତୁ ସ ପୂଜ୍ଯଃ ସର୍ଵଯୋଗିଭିଃ ॥ ୧୦॥
ନାସ୍ତ୍ଯସ୍ଯ ପୂଜ୍ଯୋ ଲୋକେଷୁ ପିତୃମାତୃମୁଖୋ ଜନଃ।
ସ ଏଵ ପୂଜ୍ଯଃ ସର୍ଵେଷାଂ ସ ସ୍ଵଯଂ ପରମେଶ୍ଵରଃ ॥ ୧୧॥
ଷୋଢାନ୍ଯାସଵିହୀନଂ ଯଂ ପ୍ରଣମେଦେଷ ପାର୍ଵତି।
ସୋଽଚିରାନ୍ମୃତ୍ଯୁମାପ୍ନୋତି ନରକଂ ଚ ପ୍ରପଦ୍ଯତେ ॥ ୧୨॥
ଷୋଢାନ୍ଯାସପ୍ରକାରଂ ଚ କଥଯାମି ତଵାନଘେ।
ଵିଘ୍ନେଶୋ ଵିଘ୍ନରାଜଶ୍ଚ ଵିନାଯକଶିଵୋତ୍ତମୌ ॥ ୧୩॥
ଵିଘ୍ନକୃଦ୍ଵିଘ୍ନହର୍ତା ଚ ଗଣରାଟ୍ ଗଣନାଯକଃ।
ଏକଦନ୍ତୋ ଦ୍ଵିଦନ୍ତଶ୍ଚ ଗଜଵକ୍ତ୍ରୋ ନିରଞ୍ଜନଃ ॥ ୧୪॥
କପର୍ଦଵାନ୍ ଦୀର୍ଘମୁଖଃ ଶଙ୍କୁକର୍ଣୋ ଵୃଷଧ୍ଵଜଃ।
ଗଣନାଥୋ ଗଜେନ୍ଦ୍ରଶ୍ଚ ଶୁର୍ପକର୍ଣସ୍ତ୍ରିଲୋଚନଃ ॥ ୧୫॥
ଲମ୍ବୋଦରୋ ମହାନାଦଶ୍ଚତୁର୍ମୂର୍ତିଃ ସଦାଶିଵଃ।
ଆମୋଦୋ ଦୁର୍ମୁଖଶ୍ଚୈଵ ସୁମୁଖଶ୍ଚ ପ୍ରମୋଦକଃ ॥ ୧୬॥
ଏକପାଦୋ ଦ୍ଵିଜିହ୍ଵଶ୍ଚ ଶୂରୋ ଵୀରଶ୍ଚ ଷଣ୍ମୁଖଃ।
ଵରଦୋ ଵାମଦେଵଶ୍ଚ ଵକ୍ରତୁଣ୍ଡୋ ଦ୍ଵିରଣ୍ଡକଃ ॥ ୧୭॥
ସେନାନୀର୍ଗ୍ରାମଣୀର୍ମତ୍ତୋ ଵିମତ୍ତୋ ମତ୍ତଵାହନଃ।
ଜଟୀ ମୁଣ୍ଡୀ ତଥା ଖଡ୍ଗୀ ଵରେଣ୍ଯୋ ଵୃଷକେତନଃ ॥ ୧୮॥
ଭକ୍ଷ୍ଯପ୍ରିଯୋ ଗଣେଶଶ୍ଚ ମେଘନାଦୋ ଗଣେଶ୍ଵରଃ।
ତରୁଣାରୁଣସଙ୍କାଶାନ୍ ଗଜଵକ୍ତ୍ରାନ୍ ତ୍ରିଲୋଚନାନ୍ ॥ ୧୯॥
ପାଶାଙ୍କୁଶଵରାଭୀତିହସ୍ତାନ୍ ଶକ୍ତିସମନ୍ଵିତାନ୍।
ଏତାଂସ୍ତୁ ଵିନ୍ଯସେଦେହେ ମାତୃକାନ୍ଯାସଵତ୍ପ୍ରିଯେ ॥ ୨୦॥
ସ୍ଵରୈସ୍ତୁ ସହିତଂ ସୂର୍ଯଂ ହୃଦଯାଥଃ ପ୍ରଵିନ୍ଯସେତ୍।
ବିନ୍ଦୁସ୍ଥାନେ ସୁଧାସୂତିଂ ଯାଦିଵର୍ଣଚତୁଷ୍ଟଯୈଃ ॥ ୨୧॥
ଭୂପୁତ୍ରଂ ଲୋଚନଦ୍ଵନ୍ଦ୍ଵ କଵର୍ଗାଧିପତିଂ ପ୍ରିଯେ।
ହୃଦଯେ ଵିନ୍ଯସେଚ୍ଛୁକ୍ରଂ ଚଵର୍ଗାଧିପତିଂ ପୁନଃ ॥ ୨୨॥
ହୃଦଯୋପରି ଵିନ୍ଯସେଟ୍ଟଵର୍ଗାଧିପତିଂ ବୁଧମ୍।
ବୃହସ୍ପତିଂ କଣ୍ଠଦେଶେ ତଵର୍ଗାଧିପତିଂ ପ୍ରିଯେ ॥ ୨୩॥
ନାଭୌ ଶନୈଶ୍ଚରଂ ଦେଵି ପଵର୍ଗେଶଂ ସୁରେଶ୍ଵରି।
ଵକ୍ତ୍ରେଶାଦିଚତୁର୍ଵର୍ଣୈଃ ସହିତଂ ରାହୁମେଵ ଚ ॥ ୨୪॥
କ୍ଷକାରସହିତଂ କେତୁଂ ପାଯୋ ଦେଵେଶି ଵିନ୍ଯସେତ୍।
[ ରକ୍ତଂ ଶ୍ଵେତଂ ତଥା ରକ୍ତଂ ଶ୍ଯାମଂ ପୀତଂ ଚ ପାଣ୍ଡୁରମ୍।
କୃଷ୍ଣଂ ଧୂମ୍ରଂ ଧୂମ୍ରଧୂମ୍ରଂ ଭାଵଯେଦ୍ରଵିପୁର୍ଵକାନ୍॥
କାମରୂପଧରାନ୍ ଦେଵି ଦିଵ୍ଯାମ୍ବରଵିଭୂଷଣାନ୍।
ଵାମୋରୁନ୍ଯସ୍ତହସ୍ତାଂଶ୍ଚ ଦକ୍ଷହସ୍ତଵରପ୍ରଦାନ୍ ॥]
ଲଲାଟେ ଦକ୍ଷନେତ୍ରେ ଚ ଵାମେ କର୍ଣଦ୍ଵଯେ ପୁନଃ ॥ ୨୫॥
ପୁଟଯୋନିର୍ନାସିକାଯାଶ୍ଚ କଣ୍ଠେ ସ୍କନ୍ଧଦ୍ଵଯେ ପୁନଃ।
ପଶ୍ଚାତ୍କୂର୍ପରଯୁଗ୍ମେ ଚ ମଣିବନ୍ଧଦ୍ଵଯେ ପୁନଃ ॥ ୨୬॥
ସ୍ତନଯୋର୍ନାଭିଦେଶେ ଚ କଟିବନ୍ଧେ ତତଃ ପରମ୍।
ଊରୁଯୁଗ୍ମେ ତଥା ଜାନ୍ଵୋର୍ଜଙ୍ଘଯୋଶ୍ଚ ପଦଦ୍ଵଯେ ॥ ୨୭॥
[ ଆଦ୍ଯଯୁଗ୍ମନ୍ତଥା ଚୈକଂ ତସ୍ତ୍ରୀଣି ଚତୁଷ୍ଟଯମ୍।
ଏକମେକଂ ଦ୍ଵଯଞ୍ଚେତି ସ୍ଵରାଃ ପ୍ରୋକ୍ତାଶ୍ଚତୁର୍ଦଶ ॥ ୨୮॥
ଵ୍ଯଞ୍ଜନେଷ୍ଵେକମୁଭଯଂ ଦ୍ଵଯଂ ନ୍ଯସ୍ଯେଦତଃ ପରମ୍।
ଏକଂ ଯୁଗ୍ମଂ ଦ୍ଵଯନ୍ଦ୍ଵନ୍ଦ୍ଵମେକଂ ଯୁଗ୍ମଂ ଦ୍ଵଯନ୍ତତଃ ॥ ୨୯॥
ଏକଂ ତ୍ରଯଂ ତଥା ଚୈକଂ ଏକମେକଂ ଦ୍ଵଯନ୍ତଥା।
ଏକଂ ଦ୍ଵଯଂ ତ୍ରଯଂ ପଶ୍ଚାଲ୍ଲକ୍ଷଂ ଅଂ ମଶ୍ଚତୁଷ୍ଟଯମ୍ ॥ ୩୦॥
ଅଶିଵ୍ନ୍ଯାଦେଃ ପୁରୋ ଭଗେ ଦତ୍ଵା ଚକ୍ରମତୋ ନ୍ଯସେତ୍ ]
ଜ୍ଵଲତ୍କାଲାନଲପ୍ରଖ୍ଯା ଵରଦାଭଯପାଣଯଃ ॥ ୩୧॥
ନତିପାଣ୍ଯୋଽଶ୍ଵିନୀପୂର୍ଵାଃ ସର୍ଵାଭରଣଭୂଷିତାଃ।
ଏତାସ୍ତୁ ଵିନ୍ଯସେଦ୍ଦେଵି ସ୍ଥାନେଷ୍ଵେଷୁ ସୁରାର୍ଚିତେ ॥ ୩୨॥
ଵିଶୁଦ୍ଧୌ ହୃଦଯେ ନାଭୌ ସ୍ଵାଧିଷ୍ଟାନେ ଚ ମୂଲକେ।
ଆଜ୍ଞାଯାଂ ଧାତୁନାଥାଶ୍ଚ ନ୍ଯସ୍ତଵ୍ଯା ଡାଦିଦେଵତାଃ ॥ ୩୩॥
ଅମୃତାଦିଯୁତାଃ ସମ୍ଯଙ୍ନ୍ଯସ୍ତଵ୍ଯାଶ୍ଚ ସୁରେଶ୍ଵରି।
ପାଦେ ଲିଙ୍ଗେ ଚ କୁକ୍ଷୌ ଚ ହୃଦଯେ ବାହୁମୂଲଯୋଃ ॥ ୩୪॥
ଦକ୍ଷିଣଂ ପାଦମାରଭ୍ଯ ଵାମପାଦାଵସାନକମ୍।
ମେଷାଦିରାଶଯୋ ଵର୍ଣୈର୍ନ୍ଯସ୍ତଵ୍ଯାଃ ସହ ପାର୍ଵତି ॥ ୩୫॥
[ ଚତୁଷ୍କଂ ତ୍ରିତଯଂ ତ୍ରୀଣି ଦ୍ଵିତଯଂ ଦ୍ଵିତଯଂ ଦ୍ଵଯମ୍।
ପଞ୍ଚକଂ ପଞ୍ଚକଂ ପଞ୍ଚ ପଞ୍ଚକ୍ତଂ ପଞ୍ଚକଂ ତତଃ॥
ଚତ୍ଵାରି ମେରୁର୍ମିନେ ସ୍ଯୁଃ କନ୍ଯାଯାଂ ପଞ୍ଚ ଶାଦଯଃ। ]
ପିଠାନି ଵିନ୍ଯସେଦ୍ଦେଵି ମାତୃକାସ୍ଥାନକେ ପୁନଃ।
ତେଷାଂ ନାମାନି ଵକ୍ଷ୍ଯନ୍ତେ ଶୃଣୁଷ୍ଵାଵହିତା ପ୍ରିଯେ ॥ ୩୬॥
କାମରୂପଂ ଵାରାଣସୀ ନେପାଲଂ ପୌଣ୍ଡ୍ରଵର୍ଧନମ୍।
ଚରସ୍ଥିରଂ କାନ୍ଯକୁବ୍ଜଂ ପୂର୍ଣଶୈଲଂ ତଥାର୍ବୁଦମ୍ ॥ ୩୭॥
ଆମ୍ରାତକେଶ୍ଵରୈକାମ୍ରଂ ତ୍ରିସ୍ରୋତଃ କାମକୋଟକମ୍।
କୈଲାସଂ ଭୃଗୁନଗରଂ କେଦାରପୂର୍ଣଚନ୍ଦ୍ରକେ ॥ ୩୮॥
ଶ୍ରୀପୀଠମୋଙ୍କାରପୀଠଂ ଜାଲନ୍ଧ୍ରଂ ମାଲଵୋତ୍କଲେ।
କୁଲାନ୍ତଂ ଦେଵିକୋଟଂ ଚ ଗୋକର୍ଣଂ ମାରୁତେଶ୍ଵରମ୍ ॥ ୩୯॥
ଅଟ୍ଟହାସଂ ଚ ଵିରଜଂ ରାଜଗେହଂ ମହାପଥମ୍।
କୋଲାପୁର ମେଲାପୁରଂ ଓଙ୍କାରନ୍ତୁ ଜଯନ୍ତିକା ॥ ୪୦॥
ଉଜ୍ଜଯିନ୍ଯାପି ଚିତ୍ରା ଚ କ୍ଷୀରକଂ ହସ୍ତିନାପୁରଂ।
ଓଡ୍ଡୀଶଂ ଚ ପ୍ରଯାଗାଖ୍ଯଂ ଷଷ୍ଠଂ ମାଯାପୁରଂ ତଥା ॥ ୪୧॥
ଜଲେଶଂ ମଲଯଂ ଶୈଲଂ ମେରୁଂ ଗିରିଵରଂ ତଥା।
ମହେନ୍ଦ୍ରଂ ଵାମନଂ ଚୈଵ ହିରଣ୍ଯପୁରମେଵ ଚା ॥ ୪୨॥
ମହାଲକ୍ଷ୍ମୀପୁରୋଡ୍ଯାଣଂ ଛାଯାଛତ୍ରମତଃ ପରମ୍।
ଏତେ ପୀଠାଃ ସମୁଦ୍ଦିଷ୍ଟା ମାତୃକାରୂପକାଃ ସ୍ଥିତାଃ ॥ ୪୩॥
ଏଵଂ ଷୋଢା ପୁରଃ କୃତ୍ଵା ଶ୍ରୀଚକ୍ରନ୍ଯାସମାଚରେତ୍।
ଶ୍ରୀମତ୍ତ୍ରିପୁରସୁନ୍ଦର୍ଯାଶ୍ଚକ୍ରନ୍ଯାସଂ ଶୃଣୁ ପ୍ରିଯେ ॥ ୪୪॥
ଯନ୍ନ କସ୍ଯଚିଦାଖ୍ଯାତଂ ତନୁଶୁଦ୍ଧିକରଂ ପରମ୍।
ଚତୁରସ୍ତ୍ରାଦ୍ଯରେଖାଯୈ ନମ ଇତ୍ଯାଦିତୋ ନ୍ଯସେତ୍ ॥ ୪୫॥
ଦକ୍ଷାଂସପୃଷ୍ଠପାଣ୍ଯଗ୍ରସ୍ଫିକ୍କପାଦାଙ୍ଗୁଲୀଷ୍ଵଥ।
ଵାମାଙ୍ଘ୍ର୍ଯଙ୍ଗୁଲିଷୁସ୍ଫିକ୍କେ ପାଣ୍ଯଗ୍ରେ ଚାଂସପୃଷ୍ଠକେ ॥ ୪୬॥
ସଚୂଲୀମୂଲପୃଷ୍ଠେଷୁ ଵ୍ଯାପକତ୍ଵେନ ସୁନ୍ଦରି।
ଅତ୍ରୈଵ ସ୍ଥାନଦଶକେ ଅଣିମାଦ୍ଯାସ୍ତୁ ଵିନ୍ଯସେତ୍ ॥ ୪୭॥
ସିଦ୍ଧିସ୍ତଦନ୍ତଶ୍ଚ ତନୁଵ୍ଯାପକତ୍ଵେନ ସୁନ୍ଦରି।
[ ଚତୁରସ୍ରମଧ୍ଯରେଖାଯୈ ନମ ଇତ୍ଯପି ଵଲ୍ଲଭେ। ]
ତସ୍ଯାଃ ସ୍ଥାନେଷୁ ଵିନ୍ଯସ୍ଯ ବ୍ରହ୍ମାଣ୍ଯାଦ୍ଯାସ୍ତଦାଷ୍ଟସୁ ॥ ୪୮॥
ପାଦାଙ୍ଗୁଷ୍ଠଦ୍ଵଯେ ପାର୍ଶ୍ଵେ ଦକ୍ଷେ ମୂର୍ଧନ୍ଯପାର୍ଶ୍ଵକେ।
ଵାମଦକ୍ଷିଣଜାନ୍ଵୋଶ୍ଚ ବହିରଂସଦ୍ଵଯେ ତଥା ॥ ୪୯॥
ନ୍ଯସ୍ତଵ୍ଯାଶ୍ଚତୁରସ୍ରାନ୍ତ୍ଯରେଖାଯୈ ନମ ଇତ୍ଯପି।
ଵିନ୍ଯସେଦ୍ ଵ୍ଯାପକତ୍ଵେନ ପୂର୍ଵୋକ୍ତାନ୍ତଶ୍ଚ ଵିଗ୍ରହେ ॥ ୫୦॥
ତସ୍ଯାଃ ସ୍ଥାନେଷୁ ଦଶସୁ ମୁଦ୍ରାଣାଂ ଦଶକଂ ନ୍ଯସେତ୍।
ବ୍ରହ୍ମାଣ୍ଯାଦ୍ଯଷ୍ଟସ୍ଥାନାନ୍ତସ୍ତାସାମଷ୍ଟୌ ନ୍ଯସେତ୍ତତଃ ॥ ୫୧॥
ଶିଷ୍ଟେ ଦ୍ଵେ ଦ୍ଵାଦଶାନ୍ତେ ଚ ପାଦାଙ୍ଗୁଷ୍ଠେ ଚ ଵିନ୍ଯସେତ୍।
ତଦାନ୍ତଃ ଷୋଡଶଦଲପଦ୍ମାଯ ନମ ଇତ୍ଯପି ॥ ୫୨॥
ଵିନ୍ଯସ୍ଯ ତଦ୍ଦଲେ କାମାକର୍ଷିଣ୍ଯାଦ୍ଯାଶ୍ଚ ଵିନ୍ଯସେତ୍।
ଦଲାନି ଦକ୍ଷିନଶ୍ରୋତ୍ରପୃଷ୍ଠମଂସଂ ଚ କୂର୍ପରମ୍ ॥ ୫୩॥
କରପୃଷ୍ଠଂ ଚୋରୁଜାନୁଗୁଲ୍ଫପାଦତଲଂ ତଥା।
ଵାମପାଦତଲାଦ୍ଯେଵମେତଦେଵାଷ୍ଟକଂ ମତମ୍ ॥ ୫୪॥
ତଦନ୍ତରେ ଚାଷ୍ଟଦଲପଦ୍ମାଯ ନମ ଇତ୍ଯପି।
ଵିନ୍ଯସ୍ଯ ତଦ୍ଦଲେଷ୍ଵେଷୁ ଦକ୍ଷଶଙ୍ଖେ ଚ ଜତ୍ରୁକେ ॥ ୫୫॥
ଊର୍ଵନ୍ତର୍ଗୁଲ୍ଫଗୁଲ୍ଫୋରୁଜତ୍ରୁଶଙ୍ଖେ ଚ ଵମତଃ।
ଅନଙ୍ଗକୁସୁମାଦ୍ଯାଶ୍ଚ ଶକ୍ତୀରଷ୍ଟୌ ଚ ଵିନ୍ଯସେତ୍ ॥ ୫୬
ତଦନତଶ୍ଚତୁର୍ଦଶାରଚକ୍ରାଯ ନମ ଇତ୍ଯପି।
ଵିନ୍ଯସ୍ଯ ତସ୍ଯ କୋଣେଷୁ ନ୍ଯସେଚ୍ଛକ୍ତୀଶ୍ଚତୁର୍ଦଶ ॥ ୫୭॥
ସର୍ଵସଙ୍କ୍ଷୋଭିଣ୍ଯାଦ୍ଯାସ୍ତୁ ତସ୍ଯ କୋଣାନି ଵଚ୍ମ୍ଯହମ୍।
ଲଲାଟଂ ଦକ୍ଷଭାଗଂ ଚ ଦକ୍ଷଗଣ୍ଡାଂସମଧ୍ଯତଃ ॥ ୫୮॥
ପାର୍ଶ୍ଵାନ୍ତରୂରୁକଙ୍ଘାନ୍ତର୍ଵାମଜଙ୍ଘାଦି ପାର୍ଵତି।
ଵାମୋର୍ଵନ୍ତଂ ଵାମପାର୍ଶ୍ଵଂ ଵାମାଂସଂ ଵାମଗଣ୍ଡକମ୍ ॥ ୫୯॥
ଲଲାଟଵାମମଧ୍ଯେ ଚ ତଥା ଵୈ ପୃଷ୍ଠମିତ୍ଯପି।
ତତୋ ଦଶାରଚକ୍ରାଯ ନମ ଇତ୍ଯପି ପାର୍ଵତି ॥ ୬୦॥
ତସ୍ଯ କୋଣାନି ଦକ୍ଷାକ୍ଷିନାସାମୂଲାଽଽସ୍ଯନେତ୍ରକେ।
କୁକ୍ଷୀଶଵାଯୁକୋଣେଷୁ ଜାନୁଦ୍ଵଯଗୁଦେଷୁ ଚ ॥ ୬୧॥
କୁକ୍ଷିନୈ ୠର୍ତିଵହ୍ନ୍ଯାଖ୍ଯକୋଣେଷ୍ଵେଷୁ ନ୍ଯସେତ୍ ପୁନଃ।
ସର୍ଵାସିଦ୍ଧିପ୍ରଦାଦୀନାଂ ଶକ୍ତୀନାଂ ଦଶକଂ ତଥା ॥ ୬୨॥
ତଦନ୍ତସ୍ଚ ଦଶାରାଦିଚକ୍ରାଯ ନମ ଇତ୍ଯପି।
ଵିନ୍ଯସ୍ଯ ତସ୍ଯ କୋଣେଷୁ ସର୍ଵଜ୍ଞାଦ୍ଯାଃ ପ୍ରଵିନ୍ଯସେତ୍ ॥ ୬୩॥
ଦକ୍ଷନାସା ସୃକ୍କିଣୀ ଚା ସ୍ତନଂ ଵୃଷଣମେଵ ଚ।
ସୀଵିନୀ ଵାମମୁଷ୍କଂ ଚ ସ୍ତନଂ ସୃକ୍କିଣି ନାସିକେ ॥ ୬୪॥
ନାସାଗ୍ରଂ ଚୈଵ ଵିଜ୍ଞେଯଂ କୋଣାନାଂ ଦଶକଂ ତଥା।
ତଦନ୍ତରଷ୍ଟକୋଣାଦିଚକ୍ରାଯ ନମ ଇତ୍ଯପି ॥ ୬୫॥
ଵିନ୍ଯସ୍ଯ ତସ୍ଯ କୋଣେଷୁ ଵଷିନ୍ଯାଦ୍ଯଷ୍ଟକମ୍ ନ୍ଯସେତ୍।
ଚିବୁକଂ କଣ୍ଠହୃଦଯନାଭୀନାଂ ଚୈଵ ଦକ୍ଷିଣମ୍ ॥ ୬୬॥
ଜ୍ଞେଯଂ ପାର୍ଶ୍ଵଚତୁଷ୍କଂ ଚ ମଣିପୂରାଦି ଵାମକମ୍।
ଚତୁଷ୍ଠଯଂ ଚ ପାର୍ଶ୍ଵାନାମେତତ୍ କୋଣାଷ୍ଟକଂ ମତମ୍ ॥ ୬୭॥
ହୃଦଯସ୍ଥତ୍ରିକୋଣସ୍ଯ ଚତୁର୍ଦିକ୍ଷୁ ବହିର୍ନ୍ଯସେତ୍।
ଶରଚାପୌ ପାଶସୃଣୀ ତ୍ରିକୋଣାଯ ନମସ୍ତଥା ॥ ୬୮॥
ଵିନ୍ଯସ୍ଯ ତସ୍ଯ କୋଣେଷୁ ଅଗ୍ରଦକ୍ଷୋତ୍ତରେଷୁ ଚ।
କାମେଶ୍ଵର୍ଯାଦିଦେଵୀନାଂ ମଧ୍ଯେ ଦେଵୀଂ ଚ ଵିନ୍ଯସେତ୍ ॥ ୬୯॥
ଏଵଂ ମଯୋଦିତୋ ଦେଵି ! ନ୍ଯାସୋ ଗୁହ୍ଯତମକ୍ରମଃ।
ଏତଦ୍ ଗୁହ୍ଯତମଂ କାର୍ଯଂ ତ୍ଵଯା ଵୈ ଵୀରଵନ୍ଦିତେ ॥ ୭୦॥
ସମଯସ୍ଥାଯ ଦାତଵ୍ଯଂ ନଽଶିଷ୍ଯାଯ କଦାଚନ।
ଗୁପ୍ତାଦ୍ ଗୁପ୍ତତରଂ ଚୈତତ୍ତଵାଽଦ୍ଯ ପ୍ରକଟୀକୃତମ୍ ॥ ୭୧॥
ମୂଲଦେଵ୍ଯାଦିକଂ ନ୍ଯାସମଣିମାନ୍ତଂ ପୁନର୍ନ୍ଯସେତ୍।
[ ତ୍ରିକୋଣସ୍ଥେ ମହାବିନ୍ଦୌ ମହାତ୍ରିପୁରସୁନ୍ଦରୀମ୍ ]।
ଶିରସ୍ତ୍ରିକୋଣପୂର୍ଵାଦି କାମେଶ୍ଵର୍ଯାଦିକଂ ନ୍ଯସେତ୍ ॥ ୭୨॥
ବାଣାନ୍ନେତ୍ରେ ଭ୍ରୁଵୋଶ୍ଚାପୌ କର୍ଣେ ପାଶଦ୍ଵଯଂ ନ୍ଯସେତ୍।
ସୃଣିଦ୍ଵଯଂ ଚ ନାସାଗ୍ରେ ଦକ୍ଷିଣାଗ୍ରଂ ତୁ ଵିନ୍ଯସେତ୍ ॥ ୭୩॥
ମୁଣ୍ଡମୂଲକ୍ରମେଣୈଵ ନ୍ଯସେଦ୍ଵାଗ୍ଦେଵତାଷ୍ଟକମ୍ ।
ବୈନ୍ଦଵାଦୀନି ଚକ୍ରାଣି ନ୍ଯସ୍ତଵ୍ଯାନି ଵରାନନେ ॥ ୭୪॥
ନେତ୍ରମୂଲେ ତ୍ଵପାଙ୍ଗେ ଚ କର୍ଣପୂର୍ଵୋତ୍ତରେ ପୁନଃ।
ଚୂଡାଦିକଣ୍ଠନିମ୍ନେଽର୍ଧଂ ଶେଷାର୍ଧଂ କର୍ଣପୃଷ୍ଟକେ ॥ ୭୫॥
କର୍ଣେ ପୂର୍ଵେ ତ୍ଵପାଙ୍ଗେ ଚ ତସ୍ଯ ମୂଲେ ଚ ଵିନ୍ଯସେତ୍।
ହୃଦଯେ ମନୁକୋଣସ୍ଥ ଶକ୍ତଯୋଽପି ଚ ପୂର୍ଵଵତ୍ ॥ ୭୬॥
ସର୍ଵସିଦ୍ଧ୍ଯାଦିକଂ କଣ୍ଠେ ପ୍ରାଦକ୍ଷିଣ୍ଯେନ ଵିନ୍ଯସେତ୍।
ନାଭାଵଷ୍ଟଦଲଂ ତତ୍ତୁ ଵଂଶେ ଵାମେ ଚ ପାର୍ଶ୍ଵକେ ॥ ୭୭॥
ଉଦରେ ସଵ୍ଯପାର୍ଶ୍ଵେ ଚ ନ୍ଯସେଦାଦିଚତୁଷ୍ଟଯମ୍।
ଵଂଶଵାମାନ୍ତରାଲାଦି ନ୍ଯସେଦନ୍ଯ ଚତୁଷ୍ଟଯମ୍ ॥ ୭୮॥
ସ୍ଵାଧିଷ୍ଠାନେ ନ୍ଯସେତ୍ ସ୍ଵସ୍ଯ ପୂର୍ଵାଦ୍ଦକ୍ଷାଵସାନକମ୍।
ଚତସ୍ରସ୍ତୁ ଚତସ୍ରସ୍ତୁ ଚତୁର୍ଦିକ୍ଷୁ କ୍ରମାନ୍ନ୍ଯସେତ୍ ॥ ୭୯॥
ମୂଲାଧାରେ ନ୍ଯସେନ୍ମୁଦ୍ରାଦଶକଂ ସାଧକୋତ୍ତମଃ।
ପୁନର୍ଵଂଶେ ଚ ସଵ୍ଯେ ଚ ଵାମେ ଚୈଵାନ୍ତରାଲକେ ॥ ୮୦॥
ଊର୍ଧୋଧୋ ଦଶମୁଦ୍ରାଶ୍ଚ ଊର୍ଧ୍ଵାଧୋଵର୍ଜିତଂ ପୁନଃ।
ବ୍ରହ୍ମାଣ୍ଯାଦ୍ଯାଷ୍ଟକଂ ଦକ୍ଷଜନ୍ଘାଯାଂ ତାସ୍ତୁ ପୂର୍ଵଵତ୍ ॥ ୮୧॥
ଵାମଜଙ୍ଘାଂ ସମାରଭ୍ଯ ଵାମାଦିକ୍ରମତୋଽପି ଚ ।
ସିଦ୍ଧ୍ଯଷ୍ଟକଂ ନ୍ଯସେତ୍ତେଷୁ ଦ୍ଵଯଂ ପାଦତଲେ ନ୍ଯସେତ୍ ॥ ୮୨॥
କାରଣାତ୍ପ୍ରସୃତଂ ନ୍ଯାସଂ ଦୀପାଦ୍ଦୀପମିଵୋଦିତମ୍ ।
ଏଵଂ ଵିନ୍ଯସ୍ଯ ଦେଵେଶୀଂ ସ୍ଵାଭେଦେନ ଵିଚିନ୍ତଯେତ୍ ॥ ୮୩॥
ତତଶ୍ଚ କରଶୁଦ୍ଧ୍ଯାଦିନ୍ଯାସଂ କୁର୍ଯାତ୍ ସମାହିତଃ ।
ଅହଂ ତେ କଥଯାମ୍ଯଦ୍ଯ ଵିଦ୍ଯାନ୍ଯାସଂ ଶୃନୁ ପ୍ରିଯେ ॥ ୮୪॥
ମୂର୍ଧ୍ନି ଗୁହ୍ଯେ ଚ ହୃଦଯେ ନେତ୍ରେଷୁ ତ୍ରିତଯେଷୁ ଚ ।
ଶ୍ରୋତ୍ରଯୋର୍ଯୁଗଲେ ଚୈଵ ମୁଖେ ଚ ଭୁଜଯୋସ୍ତଥା ॥ ୮୫॥
ପୃଷ୍ଟେ ଜାନ୍ଵୋଶ୍ଚ ନାଭୌ ଚ ଵିଦ୍ଯାନ୍ଯାସଂ ଵିଧାଯ ଚ ।
କରଶୁଦ୍ଧିଂ ପୁନଶ୍ଚୈଵ ଆସନାଦିଷଡଙ୍ଗକମ୍ ॥ ୮୬॥
ଶ୍ରୀକଣ୍ଠାଦୀନି ଵାଗ୍ଦେଵୀରାଧାରେ ହୃଦଯେ ପୁନଃ ।
ଶିଖାଯାଂ ବୈନ୍ଦଵସ୍ଥାନେ ତ୍ଵଗ୍ନିଚକ୍ରାଦିକା ନ୍ଯସେତ୍ ॥ ୮୭॥
ତତ୍ତ୍ଵତ୍ରଯଂ ସମସ୍ତଂ ଚ ଵିଦ୍ଯାବିଜତ୍ରଯାନ୍ଵିତମ୍ ।
ପାଦାଦିନାଭିପର୍ଯନ୍ତମାଗଲଂ ଶିରସ୍ତଥା ॥ ୮୮॥
ଵ୍ଯାପକଂ ଚୈଵ ଵିନ୍ଯସ୍ଯ ସ୍ଵାତ୍ମୀକୃତ୍ଯ ପରଂ ପୁନଃ ।
ସନ୍ତର୍ପଯେତ୍ ପୁନର୍ଦେଵୀଂ ସୌମ୍ଯାଗ୍ନେଯାମୃତଦ୍ରଵୈଃ ॥ ୮୯॥
ଏଵଂ ଚତୁର୍ଵିଧୋ ନ୍ଯାସଃ କର୍ଵଵ୍ଯୋ ଵୀରଵନ୍ଦିତେ ।
ଷୋଢାନ୍ଯାସୋଽଣିମାଦ୍ଯଶ୍ଚ ମୂଲଦେଵ୍ଯାଦିକଃ ପ୍ରିଯେ ॥ ୯୦॥
କରଶୁଦ୍ଧ୍ଯାଦିକସ୍ଚୈଵ ସାଧକେନ ସୁସିଦ୍ଧଯେ ।
ପ୍ରାତଃ କାଲେ ତଥା ପୂଜାସମଯେ ହୋମକର୍ମଣି ॥ ୯୧॥
ଜପକାଲେ ତଥା ତେଷାଂ ଵିନିଯୋଗଃ ପୃଥକ୍ ପୃଥକ୍ ।
ପୂଜାକାଲେ ସମସ୍ତଂ ଵା କୃତ୍ଵା ସାଧକପୁଙ୍ଗଵଃ ॥ ୯୨॥
ଷଟ୍ତ୍ରିଂଶତତ୍ତ୍ଵପର୍ଯନ୍ତମାସନଂ ପରିକଲ୍ପ୍ଯ ଚ ।
ଗୁପ୍ତାଦିଯୋଗିନୀନାଂ ଚ ମନ୍ତ୍ରେଣାଽଥ ବଲିଂ ଦଦେତ୍ ॥ ୯୩॥
ପିଣ୍ଽଡରୂପପଦଗ୍ରନ୍ଥିଭେଦନାଦ୍ ଵିଘ୍ନଭେଦକମ୍ ।
ଗୁହ୍ଯହୃନ୍ମୁଖମୂର୍ଧସୁ ଵିଦ୍ଯାନ୍ଯାସନେଅ ସୁନ୍ଦରି ॥ ୯୪॥
ଯାଗମନ୍ଦିରଗାଂଶ୍ଚୈଵ ଵିଘ୍ନାନୁତ୍ସାର୍ଯ ମନ୍ତ୍ରଵିତ୍ ।
[ ଅପସର୍ପନ୍ତୁ ତେ ଭୂତା ଯେ ଭୁତା ଭୂମିସଂସ୍ଥିତାଃ॥
ଯେ ଭୂତା ଵିଘ୍ନକର୍ତାରସ୍ତେ ନଶ୍ଯନ୍ତୁ ଶିଵାଜ୍ଞଯା ]
ପାର୍ଷ୍ଣିଘାତେନ ଭୌମାଂଶ୍ଚ ତାଲେନ ଚ ନଭୋଗତାନ୍ ॥ ୯୫॥
ଅସ୍ତ୍ରମନ୍ତ୍ରେଣ ଵିଦ୍ଯାଂଶ୍ଚ ଦୃଷ୍ଟ୍ଯା ଵିଘାନପୋହଯେତ୍ ।
ଦିକ୍ଷ୍ଵଧୋର୍ଧ୍ଵଂ ମହାଵହ୍ନିପ୍ରାକାରଂ ପରିଭାଵଯେତ୍ ॥ ୯୬॥
ସାମାନ୍ଯାର୍ଧ୍ଯେଣ ଦେଵେଶି! ମାର୍ତଣ୍ଽଡଂ ପରିପୂଜଯେତ୍ ।
ପ୍ରକାଶଶକ୍ତିସହିତମରୁଣାକଲ୍ପମୁଜ୍ଜ୍ଵଲମ୍ ॥ ୯୭॥
ଗ୍ରହାଦିପରିଵାରଞ୍ଚ ଵିଶ୍ଵତେଜୋଽଵଭାସନମ୍ ।
ସୌମ୍ଯାଗ୍ନେଯଯୁତୈର୍ଦେଵି ରୋଚନାଗୁରୁକୁଙ୍କୁମୈଃ ॥ ୯୮॥
ମୂଲମୁଚ୍ଚାରଯନ୍ ସମ୍ଯଗ୍ଭାଵଯେଚ୍ଚକ୍ରରାଜକମ୍ ।
ଯୋଗିନୀ ମୂଲମନ୍ତ୍ରେଣ କ୍ଷିପେତ୍ ପୁଷ୍ପାଞ୍ଜଲିଂ ତତଃ ॥ ୯୯॥
ମଣିମୁକ୍ତାପ୍ରଵାଲୈର୍ଵା ଵିଲୋମଂ ମୂଲଵିଦ୍ଯଯା ।
ଅଶୂନ୍ଯଂ ସର୍ଵଦା କୁର୍ଯାଚ୍ଛୂନ୍ଯେ ଵିଘ୍ନାସ୍ତ୍ଵନେକଶଃ ॥ ୧୦୦॥
ଶ୍ରୀଚକ୍ରସ୍ଯାତ୍ମନଶ୍ଚୈଵ ମଧ୍ଯେ ତ୍ଵର୍ଘ୍ଯଂ ପ୍ରତିକ୍ଷିପେତ୍ ।
ଚତୁରସ୍ରାନ୍ତରାଲସ୍ଥକାଣଷଟ୍କେ ସୁରେଶ୍ଵରି ॥ ୧୦୧॥
ଷଡାସନାନି ସମ୍ପୁଜ୍ଯ ତ୍ରିକୋଣସ୍ଯାନ୍ତରେ ପୁନଃ ।
ପୀଠାନି ଚତୁରୋ ଦେଵି କାପୂଜା ଓ ଇତି କ୍ରମାତ୍ ॥ ୧୦୨॥
ଅର୍ଚଯିତ୍ଵାଽର୍ଘ୍ଯପାଦେ ତୁ ଵହ୍ନେର୍ଦଶ କଲା ଯଜେତ୍ ।
ଅର୍ଘ୍ଯପାତ୍ରଂ ପ୍ରତିଷ୍ଠାପ୍ଯ ତତ୍ର ସୂର୍ଯକଲା ଯଜେତ୍ ॥ ୧୦୩॥
ପାତ୍ରେ ସୂର୍ଯକଲାଶ୍ଚୈଵ କଭାଦିଦ୍ଵାଦଶାର୍ଚଯେତ୍ ।
ଵିଧୃତେ ତୁ ପୁନର୍ଦ୍ରଵ୍ଯେ ଷୋଡଶେନ୍ଦୁକଲା ଯଜେତ୍ ॥ ୧୦୪॥
ଅମୃତେଶୀଂ ଚ ତନ୍ମଧ୍ଯେ ଭାଵଯେଚ୍ଚ ନଵାତ୍ମନା।
ନଵାତ୍ମନା ତତୋ ଦେଵି ତର୍ପେଯ୍ଦ୍ଧାତୁଦେଵତାଃ ॥ ୧୦୫॥
ଆନନ୍ଦଭୈରଵଂ ଵୌଷଡନ୍ତେନୈଵ ଚ ତର୍ପଯେତ୍ ।
ତଦାଜ୍ଞାପ୍ରେରିତଂ ତଚ୍ଚ ଗୁରୁଷଙ୍କ୍ତୌ ନିଵେଦଯେତ୍ ॥ ୧୦୬॥
ତଥୈଵାର୍ଘ୍ଯଂ ଵିଶେଷେଣ ସାଧଯେତ୍ ସାଧକୋତ୍ତମଃ ।
ଗୁରୁପାଦାଲିମାପୂଜ୍ଯ ଭୈରଵାଯ ଦଦେତ୍ ପୁନଃ ॥ ୧୦୭॥
ତଦୀଯଂ ଶେଷମାଦାଯ କାମାଗ୍ନୌ ଵିଶ୍ଵ ... ସ୍ଥୁଷି ।
ପାଦୁକାଂ ମୂଲଵିଦ୍ଯାଂ ଚ ଜପନ୍ ହୋମଂ ସମାଚରେତ୍ ॥ ୧୦୮॥
ମହାପ୍ରକାଶେ ଵିଶ୍ଵସ୍ଯ ସଂହାରଵମନୋଦ୍ଯତେ ।
ମରୀଚିଵୃତ୍ତୀର୍ଜୁହୁଯାନ୍ମନସା କୁଣ୍ଡଲୀମୁଖେ ॥ ୧୦୯॥
ଅହନ୍ତେଦନ୍ତଯୋରୈକ୍ଯମୁନ୍ମନ୍ଯାଂ ସ୍ରୁଚି କଲ୍ପିତମ୍ ।
ମଥନୋଦ୍ରେକସମ୍ଭୂତଂ ଵସ୍ତୁରୂପଂ ମହାହଵିଃ ॥ ୧୧୦॥
ହୁତ୍ଵା ହୁତ୍ଵା ସ୍ଵଯଂ ଚୈଵଂ ମହଜାନନ୍ଦଵିଗ୍ରହଃ ।
ସ୍ଵପ୍ରଧାପ୍ରସରାକାରଂ ଶ୍ରୀଚକ୍ରଂ ପୂଜଯେତ୍ ସୁଧୀଃ ॥ ୧୧୧॥
ଗଣେଶଂ ଦୂତରୀଂ ଚୈଵ କ୍ଷେତ୍ରେଶଂ ଦୂତିକାଂ ତଥା ।
ବାହ୍ଯଦ୍ଵରେ ଯଜେଦ୍ ଦେଵି ଦେଵୀଶ୍ଚ ସ୍ଵସ୍ତିକାଦିକାଃ ॥ ୧୧୨॥
ତତସ୍ଚାନ୍ତସ୍ତ୍ରିକୋଣଽପି ଗୁରୁପଙ୍କ୍ତିଂ ତ୍ରିଧା ସ୍ଥିତାମ୍ ।
ତଦନ୍ତଶ୍ଚ ମହାଦେଵୀଂ ତାମାଵାହ୍ଯ ଯଜେତ୍ ପୁନଃ ॥ ୧୧୩॥
ମହାପଦ୍ମଵନାନ୍ତସ୍ଥାଂ କାରଣାନନ୍ଦଵିଗ୍ରହାମ୍ ।
ମଦଙ୍କୋପାଶ୍ରିତାଂ ଦେଵୀମିଚ୍ଛାକାମଫଲପ୍ରଦାମ୍ ॥ ୧୧୪॥
ଭଵତୀଂ ତ୍ଵନ୍ମଯୈରେଵ ନୈଵେଦ୍ଯାଦିଭିରର୍ଚଯେତ୍ ।
ତ୍ରିକୋଣେ ତତ୍ସ୍ଫୁରତ୍ତାଯାଃ ପ୍ରତିବିମ୍ବାକୃତୀଃ ପୁନଃ ॥ ୧୧୫॥
ତତ୍ତତ୍ତିଥିମଯୀର୍ନିତ୍ଯାଃ କାମ୍ଯକର୍ମାନୁସାରିଣୀଃ ।
ତତ୍ର ପ୍ରକଟଯୋଗିନ୍ଯଶ୍ଚକ୍ରେ ତ୍ରୈଲୋକ୍ଯମୋହନେ ॥ ୧୧୬॥
ମାତୃକାସ୍ଥୂଲରୂପତ୍ଵାତ୍ତ୍ଵଗାଦିଵ୍ଯାପକତ୍ଵତଃ ।
ଯୋଗିନ୍ଯଃ ପ୍ରକଟା ଜ୍ଞେଯାଃ ସ୍ଥୂଲଵିଶ୍ଵପ୍ରଧାତ୍ମନି ॥ ୧୧୭॥
ଅଣିମାଦ୍ଯା ମହାଦେଵି ସିଦ୍ଧଯୋଽଷ୍ଟୌ ଵ୍ଯଵସ୍ଥିତାଃ ।
ତାସୁ ରକ୍ତତରା ବଣୈର୍ଵରାଭଯକରାସ୍ତଥା ॥ ୧୧୮॥
ଧୃତଚିନ୍ତାମହାରତ୍ନା ମନୀଷିତଫଲପ୍ରଦାଃ ।
ବ୍ରାହ୍ମ୍ଯାଦ୍ଯା ଅପି ତତ୍ରୈଵ ଯଷ୍ଟଵ୍ଯାଃ କ୍ରମତଃ ପ୍ରିଯେ ॥ ୧୧୯॥
ବ୍ରହ୍ମାଣୀ ପୀତଵର୍ଣା ଚ ଚତୁର୍ଭିଃ ଶୋଭିତା ମୁଖୈଃ ।
ଵରଦାଽଭଯହସ୍ତା ଚ କୁଣ୍ଡିକା କ୍ଷଲସତ୍କରା ॥ ୧୨୦॥
ମାହେଶ୍ଵରୀ ଶ୍ଵେତଵର୍ଣା ତ୍ରିନେତ୍ରା ଶୂଲଧାରିଣୀ ।
କପାଲମେଣଂ ପରଶୁଂ ଦଧାନା ପାଣିଭିଃ ପ୍ରିଯେ ॥ ୧୨୧॥
[ ଐନ୍ଦ୍ରୀ ତୁ ଶ୍ଯାମଵର୍ଣା ଚ ଵ୍ରଜୋତ୍ପଲଲସତ୍କରା ]
କୌମାରୀ ପୀତଵର୍ଣା ଚ ଶକ୍ତିତୋମରଧରିଣୀ ॥ ୧୨୨॥
ଵରଦାଭଯହସ୍ତା ଚ ଧ୍ଯାତଵ୍ଯା ପରମେଶ୍ଵରୀ ।
ଵୈଷ୍ଣଵୀ ଶ୍ଯାମଵର୍ଣା ଚ ଶଙ୍ଖଚକ୍ରଵରାଭଯାନ୍ ॥ ୧୨୩॥
ହସ୍ତପଦ୍ମୈସ୍ତୁ ଵିଭ୍ରାଣା ଭୂଷିତା ଦିଵ୍ଯଭୂଷଣୈଃ ।
ଵାରାହୀ ଶ୍ଯାମଲଚ୍ଛାଯା ପୋତ୍ରି ଵକ୍ତ୍ରସମୁଜ୍ଜ୍ଵଲା ॥ ୧୨୪॥
ହଲଂ ଚ ମୁସଲଂ ଖଡ୍ଗଂ ଖେଟକଂ ଦଧାତୀ ଭୁଜୈଃ ।
[ ଐନ୍ଦ୍ରୀ ଶ୍ଯାମଲଵର୍ଣା ଚ ଵଜ୍ରଦ୍ଵଯଲସତ୍କରା ] ॥ ୧୨୫॥
ଚାମୁଣ୍ଡା କୃଷ୍ଣଵର୍ଣା ଚ ଶୂଲଂ ଡମରୁକଂ ତଥା ।
ଖଡ୍ଗଂ ଵେତାଲକଂ ଚୈଵ ଦଧାନା ଦକ୍ଷିଣୈଃ କରୈଃ ॥ ୧୨୬॥
ନାଗଖେଟକଘଣ୍ଟା ଖ୍ଯାନ୍ ଦଧାନାନ୍ଯୈଃ କପାଲକମ୍ ।
ମହାଲକ୍ଷ୍ମୀସ୍ତୁ ପୀତାଭା ପଦ୍ମଦର୍ପଣମେଵ ଚ ॥ ୧୨୭॥
ମାତ ଲୁଙ୍ଗଫଲଂ ଚୈଵ ଦଧାନ ପରମେଶ୍ଵରୀ ।
ଏଵଂ ଧ୍ଯାତ୍ଵା ଯଜେଦେତାଶ୍ଚକ୍ରେଶୀଂ ତ୍ରିପୁରାଂ ତତଃ ॥ ୧୨୮॥
କର୍ମେନ୍ଦ୍ରିଯାଣାଂ ଵୈମଲ୍ଯାତ୍ କରଶୁଦ୍ଧିକରୀ ସ୍ମୃତା ।
କାଯଶୁଦ୍ଧିଭଵା ସିଦ୍ଧିରଣିମା ଚାତ୍ର ସଂସ୍ଥିତା ॥ ୧୨୯॥
ଷୋଡଶସ୍ପନ୍ଦସନ୍ଦୋହେ ଚମତ୍କୃତିମଯୋଃ କଲାଃ ।
ପ୍ରାଣାଦିଷୋଡଶାନାଂ ତୁ ଵଯୁନା ପ୍ରାଣନାତ୍ମିକାଃ ॥ ୧୩୦॥
ବୀଜ ଭୂତାଃ ସ୍ଵରାତ୍ମତ୍ଵାତ୍ କଲନାଦ୍ ବୀଜରୂପକାଃ ।
ଅନ୍ତରଙ୍ଗତଯା ଗୁପ୍ତା ଯୋଗିନ୍ଯଃ ସଂଵ୍ଯଵସ୍ଥିତାଃ ॥ ୧୩୧॥
କାମାକର୍ଷଣରୂପାଦ୍ଯାଃ ସୃଷ୍ଟେଃ ପ୍ରାଧାନ୍ଯତଃ ପ୍ରିଯେ ।
ସର୍ଵାଶାପୂରଣାଖ୍ଯେ ତୁ ଚକ୍ରେ ଵାମେନ ପୂଜଯେତ୍ ॥ ୧୩୨॥
ପାଶାଙ୍କୁଶଧରା ହ୍ଯେତା ରକ୍ତା ରକ୍ତାମ୍ବରା ଵୃତାଃ ।
ପ୍ରାଣଶୁଦ୍ଧିମଯୀ ସିଦ୍ଧିର୍ଲଘିମା ଭୋକ୍ତୁରାତ୍ମନଃ ॥ ୧୩୩॥
ତ୍ରିପୁରେଶୀ ଚ ଚକ୍ରେଶୀ ପୂଜ୍ଯା ସର୍ଵୋପଚାରକୈଃ ।
[ କୌଲିକାନୁଭଵାଵିଷ୍ଟଭୋଗପୁର୍ଯଷ୍ଟକାଶ୍ରିତାଃ ॥ ୧୩୪॥
ଵାଗ୍ଭଵାଷ୍ଟକସମ୍ବନ୍ଧସୂକ୍ଷ୍ମା ଵର୍ଗସ୍ଵରୂପତଃ ।
ତାସ୍ତୁ ଗୁପ୍ତତରାଃ ସର୍ଵାଃ ସର୍ଵସଂକ୍ଷୋଭଣାତ୍ମକେ ॥ ୧୩୫॥
ଅନଙ୍ଗକୁସୁମାଦ୍ଯାସ୍ତୁ ରକ୍ତକଞ୍ଚୁକଶୋଭିତାଃ ]
[ ଵେଣୀକୃତ ଲସତ୍କେଶାଶ୍ଚାପବାଣଧରାଃ ଶୁଭାଃ ] ॥ ୧୩୬॥
ତତ୍ତଦାଜାରବୁଦ୍ଧ୍ଯାତ୍ମବୋଗ୍ଯଭୋକ୍ତୁର୍ମହେଶିତୁଃ ।
ପିଣ୍ଡାଦିପଦଵିଶ୍ରାନ୍ତିସୌନ୍ଦର୍ଯଗୁଣସଂଯୁତା ॥ ୧୩୭॥
ଚକ୍ରେଶ୍ଵରୀ ବୁଦ୍ଧିଶୁଦ୍ଧିରୂପା ଚ ପରମେଶ୍ଵରୀ ।
ମହିମାସିଦ୍ଧିରୂପା ତୁ ପୂଜ୍ଯା ସର୍ଵୋପଚାରକୈଃ ॥ ୧୩୮॥
ଦ୍ଵାଦଶଗ୍ରନ୍ଥିଭେଦେନ ସମୁଲ୍ଲସିତସଂଵିଦଃ ।
ଵିସର୍ଗାନ୍ତଦଶଵେଶାଚ୍ଛାକ୍ତାନୁଭଵପୂର୍ଵକମ୍ ॥ ୧୩୯॥
ଉନ୍ମେଷଷକ୍ତିପ୍ରସରଈରିଚ୍ଛାଶକ୍ତିପ୍ରଧାନକୈଃ ।
ତଦେଵାଽକୁଲସଙ୍ଘଟ୍ଟରୂପୈର୍ଵର୍ଣଚତୁଷ୍ଟଯୈଃ ॥ ୧୪୦॥
ଵେଦ୍ଯୋଷ୍ମରୂପସାଵର୍ଣୈର୍ମିଶ୍ରେଚ୍ଛାଭାଵିତୈରପି ।
କୁଲଶକ୍ତିସମାଵେଶରୂପଵର୍ଣଦ୍ଵଯାନ୍ଵିତୈଃ ॥ ୧୪୧॥
ଶକ୍ତେଃ ସାରମଯତ୍ଵେନ ପ୍ରସୃତତ୍ଵାନ୍ମହେଶ୍ଵରି ।
ସ,ପ୍ରଦାଯକ୍ରମାଯାତାଶ୍ଚକ୍ରେ ସୌଭାଗ୍ଯଦାଯକେ ॥ ୧୪୨॥
ନିରନ୍ତରଓରଧା ରୂପସୌଭାଗ୍ଯଂ କଲଯୋଗତଃ ।
ଅନ୍ତର୍ଥସଂଜ୍ଞିକେ ଦେଵି ଅଣିମାସଦୃଶା: ଶୁଭାଃ ॥ ୧୪୩॥
ସର୍ଵସଙ୍କ୍ଷୋଭିଣୀପୂର୍ଵା ଦେହାକ୍ଷାଦିଵିଶୁଦ୍ଧିଦାଃ ।
ଈଶିତ୍ଵସିଦ୍ଧିରପି ଚ ପ୍ରୋତରୂପେ ପୁରତ୍ରଯେ ॥ ୧୪୪॥
ଯୋଗାଦିକ୍ଲେଶଭେଦେନ ସିଦ୍ଧା ତ୍ରିପୁରଵାସିନୀଇ।
ଏତାଃ ସମ୍ପୂଜଯେଦ୍ ଦେଵି ସର୍ଵାଃ ସର୍ଵୋପଚାରକୈଃ ॥ ୧୪୫॥
ସଦାତନାନା ନାଦାନାଂ ନଵରନ୍ଧ୍ରସ୍ଥିତାତ୍ମନାମ୍ ।
ମହାସାମାନ୍ଯରୂପେଣ ଵ୍ଯାଵୃତ୍ତଧ୍ଵନିରୂପିଣୀଇ ॥ ୧୪୬॥
ଅସ୍ଥିରସ୍ଥିରଵେଦ୍ଯାନାଂ ଛାଯାରୂପୈର୍ଦଶାର୍ଣକୈଃ ।
କୁଲକୌଲିକଯୋଗିନ୍ଯଃ ସର୍ଵ୍ସିଦ୍ଧିପ୍ରଦାଯିକାଃ ॥ ୧୪୭॥
ଶ୍ଵେତାମ୍ବ୍ରଧରାଃ ଶ୍ଵେତାଃ ଶ୍ଵେତାଭରଣଭୂଷିତାଃ ।
ମନ୍ତ୍ରାଣାଂ ସ୍ଵପ୍ରଧାରୂପଯୋଗାଦନ୍ଵର୍ଥସଂଜ୍ଞ୍କେ ॥ ୧୪୮॥
ସର୍ଵସିଦ୍ଧିପ୍ରଦାଦ୍ଯାସ୍ତୁ ଚକ୍ରେ ସର୍ଵର୍ଥସାଧକେ ।
ଲୋକତ୍ରଯସମୃଦ୍ଧୀନାଂ ହେତୁତ୍ଵାଚ୍ଚକ୍ରନାଯିକା ॥ ୧୪୯॥
ତ୍ରିପୁରା ଶ୍ରୀର୍ମହେଶାନି ମନ୍ତ୍ରଶୁଦ୍ଧିଭଵା ପୁନଃ ।
ଵଶିତ୍ଵସିଦ୍ଧିରାଖ୍ଯାତା ଏତାଃ ସର୍ଵା୍ ସମର୍ଚଯେତ୍ ॥ ୧୫୦॥
ଊର୍ଧ୍ଵାଧୋମୁଖଯା ଦେଵି କୁଣ୍ଡଲିନ୍ଯା ପ୍ରକାଶିତାଃ ।
କୁଲେଚ୍ଛଯା ବହିର୍ଭାଵାତ୍ କାଦିଵର୍ଣପ୍ରଥାମଯୀ ॥ ୧୫୧॥
ନିଗର୍ଭଯୋଗିନୀଵାଚ୍ଯାଃ ସ୍ଵରୂପାଵେଶରୂପକେ ।
ସର୍ଵାଵେଶକର ଚକ୍ରେ ସର୍ଵରକ୍ଷାକରେ ପରାଃ ॥ ୧୫୨॥
ସର୍ଵଜ୍ଞାଦ୍ଯାଃ ସ୍ଥିତା ଏତାଃ ସହ ପୁସ୍ତାକ୍ଷମାଲିକାଃ ।
ମାତୃମାନପ୍ରମେଯାଣାଂ ପୁରାଣାଂ ପରିପୋଷିଣୀ ॥ ୧୫୩॥
ତ୍ରିପୁରାମାଲିନୀ ଖ୍ଯାତା ଚକ୍ରେଶୀ ତ୍ରିପୁରମୋହିନୀ ।
ନିରୂଦ୍ଧଵାଯୁସଙ୍ଘଟ୍ଟସ୍ଫଟିତଗ୍ରନ୍ଥିମୂଲତଃ ॥ ୧୫୪॥
ହୃଦଯାନ୍ତରସଂଵିତ୍ତିଶୂନ୍ଯପର୍ଯଷ୍ଟକାତ୍ମନା ।
ବୀଜରୂପସ୍ଵରକଲାସ୍ପୃଷ୍ଟଵର୍ଗାନୁସାରତଃ ॥ ୧୫୫॥
ରହ୍ସ୍ଯଯୋଗିନୀର୍ଦେଵୀଃ ସଂସାରଦଲନୋଜ୍ଜ୍ଵଲେ ।
ସର୍ଵରୋଗହରେ ଚକ୍ରେ ସଂସ୍ଥିତା ଵୀରଵନ୍ଦିତେ ॥ ୧୫୬॥
ଵଶିନ୍ଯାଦ୍ଯା ରକ୍ତଵର୍ଣା ଵରଦାଭଯମୁଦ୍ରିତାଃ ।
ପୁସ୍ତକଂ ଜପମାଲାଂ ଚ ଦଧାନାଃ ସିଦ୍ଧଯୋଗିନୀଃ ॥ ୧୫୭॥
ଶୁଦ୍ଧିଵିଦ୍ଯାଵିଶୁଦ୍ଧିଂ ଚ ଭୁକ୍ତିସିଦ୍ଧିଂ ମହେଶ୍ଵରି ।
ଈଶ୍ଵରୀଂ ତ୍ରିପୁରାଂ ସିଦ୍ଧାଂ ପୂଜଯେଦ୍ ବିନ୍ଦୁତର୍ପଣୈଃ ॥ ୧୫୮॥
ଶକ୍ତିତ୍ରଯାତ୍ମିକା ଦେଵି ଚିଦ୍ଧାମପ୍ରସରାଃ ପୁନାଃ ।
ସଂଵର୍ତାଗ୍ନିକଲାରୂପାଃ ପରମାତିରହସ୍ଯକାଃ ॥ ୧୫୯॥
ପୂର୍ଣାପୁର୍ଣସ୍ଵରୂପାଯାଃ ସିଦ୍ଧେର୍ହେତୁଃ ସୁରେଶ୍ଵରି ।
ସର୍ଵାସିଦ୍ଧିମଯାଖ୍ଯେ ତୁ ଚକ୍ରେ ତ୍ଵାଯୁଧଭୂଷିତାଃ ॥ ୧୬୦॥
ସ୍ଥିତାଃ କାମେଶ୍ଵରୀପୂର୍ଵାଶ୍ଚତସ୍ତ୍ରଃ ପୀଠଦେଵତାଃ ।
ଆଯୁଧାସ୍ତ୍ଵତିରକ୍ତାଭାଃ ସ୍ଵାଯୁଧୋଜ୍ଜ୍ଵଲମସ୍ତକାଃ ॥ ୧୬୧॥
ଵରଦାଭଯହସ୍ତାଶ୍ଚ୍ଚ ପୂଜ୍ଯା ଵ୍ରତଫଲପ୍ରଦା:ଃ ।
ତ୍ଵଦୀଯାଶ୍ଚ ମଦୀଯାଶ୍ଚ ପୁଂସ୍ତ୍ରିଵଶ୍ଯଵିଧାଯିନଃ ॥ ୧୬୨॥
ତ୍ଵଗସୃଙ୍ମାଂସମେଦୋସ୍ଥିଶୁକ୍ଲାନାଂ ଚ ମହେଶ୍ଵରି ।
ଦ୍ଵିତୀଯସ୍ଵରସଂଯୁକ୍ତା ଏତେ ବାଣାସ୍ତ୍ଵଦୀଯକାଃ ॥ ୧୬୩॥
ଵାମାଦୀନାଂ ପୁରାଣାଂ ତୁ ଜନନୀ ତ୍ରିପୁର୍ମ୍ବିକା ।
ପରସ୍ଵାତନ୍ତ୍ର୍ଯରୂପତ୍ଵାଦିଚ୍ଛାସିଦ୍ଧିର୍ମହେଶ୍ଵରି ॥ ୧୬୪॥
ଏତାଃ ସର୍ଵୋପଚାରେଣ ପୂଜଯେତ୍ତୁ ଵରାନନେ ।
ସର୍ଵାନନ୍ଦମଯେ ଦେଵି ପରବ୍ରହ୍ମାତ୍ମକେ ପରେ ॥ ୧୬୫॥
ଚକ୍ରେ ସଂଵିତ୍ତିରୂପା ଚ ମହାତ୍ରିପୁରସୁନ୍ଦରୀ ।
ସ୍ଵୈରାଚାରେଣ ସମ୍ପୂଜ୍ଯା ତ୍ଵହନ୍ତେଦନ୍ତଯୋଃ ସମ ॥ ୧୬୬॥
ମହାକାମକଲାରୂପା ପୀଠଵିଦ୍ଯାଦିସିଦ୍ଧିଦା ।
ମହାମୁଦ୍ରାମଯୀ ଦେଵି ପୂଜ୍ଯା ପଞ୍ଚଦଶାତ୍ମିକା ॥ ୧୬୭॥
ତତ୍ତତ୍ତିଥିମଯୀ ନିତ୍ଯା ନଵମୀ ଭୈରଵୀ ପରା ।
ପ୍ରତିଚକ୍ରଂ ସମୁଦ୍ରାସ୍ତୁ ଚକ୍ରସଙ୍କେତଚୋଦିତାଃ ॥ ୧୬୮॥
ନିତ୍ଯକ୍ଲିନ୍ନ୍ନାଦିକାଶ୍ଚୈଵ କାମ୍ଯକର୍ମାନୁସାରତଃ ।
ଚତୁରସ୍ରାନ୍ତରାଲେ ଵା ତ୍ରିକୋଣେ ଵା ଯଜେତ୍ ସୁଧୀଃ ॥ ୧୬୯॥
ଅଲିନା ପିଶିତୈର୍ଗନ୍ଧୈର୍ଧୂପୈରାରାଧ୍ଯ ଦେଵତାଃ ।
ଚକ୍ରପୂଜାଂ ଵିଧାଏତ୍ଥଂ କୁଲଦୀପଂ ନିଵେଦଯେତ୍ ॥ ୧୭୦॥
ଅନ୍ତର୍ବହିର୍ଭାସମାନଂ ସ୍ଵପ୍ରକାଶୋଜ୍ଜ୍ଵଲଂ ପ୍ରିଯେ ।
ପୁଷ୍ପାଞ୍ଜଲିଂ ତତଃ କୃତ୍ଵା ଜପଂ କୁର୍ଯାତ୍ ସମାହିତଃ ॥ ୧୭୧॥
କୂଟତ୍ରଯେ ମହାଦେଵି କୁଣ୍ଡଲୀତ୍ରିତଯେଽପି ଚ ।
ଚକ୍ରାଣାଂ ପୂର୍ଵପୂର୍ଵେଷାଂ ନାଦରୂପେଣ ଯୋଜିତାମ୍ ॥ ୧୭୨॥
ତେଷୁ ପ୍ରାଣାଗ୍ନିମାଯାର୍ଣକଲାବିନ୍ଦ୍ଵର୍ଧଚନ୍ଦ୍ରିକାଃ ।
ରୋଧିନୀନାଦନାଦାନ୍ତାଃ ଶକ୍ତିଵ୍ଯାପିକଲାନ୍ଵିତାଃ ॥ ୧୭୩॥
ସମନା ଚୋନ୍ମନା ଚେତି ଦ୍ଵାଦଶନ୍ତେ ସ୍ଥିତାଃ ପ୍ରିଯେ ।
ମୂଲକୁଣ୍ଡଲିନୀରୂପେ ମଧ୍ଯମେ ଚ ତତଃ ପୁନଃ ॥ ୧୭୪॥
ସୃଷ୍ଟ୍ଯୁନ୍ମୁଖେ ଚ ଵିଶ୍ଵସ୍ଯ ସ୍ଥିତିରୂପେ ମହେଶ୍ଵରି ।
କେଵଲଂ ନାଦରୂପେଣ ଉତ୍ତରୋତ୍ତରଯୋଜିତମ୍ ॥ ୧୭୫॥
ଶବଲାକାରକେ ଦେଵି ତୃତୀଯେ ଦ୍ଵାଦଶୀ କଲା ।
ଶୂନ୍ଯଷଟ୍କଂ ତଥା ଦେଵି ହ୍ଯଵସ୍ଥାପଞ୍ଚକଂ ପୁନଃ ॥ ୧୭୬॥
ଵିଷୁଵଂ ସପ୍ତରୂପଂ ଚ ଭାଵଯନ୍ ମନସା ଜପେତ୍ ।
ଅଗ୍ନ୍ଯାଦିଦ୍ଵାଦଶାନ୍ତେଷୁ ତ୍ରୀଂସ୍ତ୍ରୀନ୍ ତ୍ଯକ୍ତ୍ଵା ଵରାନନେ ॥ ୧୭୭॥
ଶୂନ୍ଯତ୍ରଯଂ ଵିଜାନୀଯାଦେକୈକାନ୍ତରତଃ ପ୍ରିଯେ ।
[ ଶୁନ୍ଯତ୍ରଯାତ୍ ପରେ ସ୍ଥାନେ ମହାଶୂନ୍ଯଂ ଵିଭାଵଯେତ୍ ]
ପ୍ରବୋଧ କରଣସ୍ଯାଽଥ ଜାଗରତ୍ଵେନ ଭାଵନମ୍ ॥ ୧୭୮॥
ଵହ୍ନୌ ଦେଵି ମହାଜାଗ୍ରଦଵସ୍ଥା ତ୍ଵିନ୍ଦ୍ରିଯଦ୍ଵଯୈଃ ।
ଆନ୍ତରୈଃ କରଣୈରେଵ ସ୍ଵପ୍ନମାଯାଵବୋଧକଃ ॥ ୧୭୯॥
ଗଲଦେଶେ ସୁଷୁପ୍ତିସ୍ତୁ ଲୀନପୂର୍ଵସ୍ଯ ଵେଦନମ୍ ।
ଅନ୍ତଃକରଣଵୃଓତ୍ତୀନାଂ ଲଯତୋ ଵିଷଯସ୍ଯ ତୁ ॥ ୧୮୦॥
ପୂର୍ଵାର୍ଣାନାଂ ଵିଲୋମେନ ଭ୍ରୂମଧ୍ଯେ ବିନ୍ଦୁସଂସ୍ଥିତା ।
ତୁର୍ଯରୂପଂ ତଥା ଚାତ୍ର ଵୃତ୍ତାର୍ଧାଦେସ୍ତୁ ସଙ୍ଗ୍ରହଃ ॥ ୧୮୧॥
ଚୈତନ୍ଯଵ୍ଯକ୍ତିହେତୋସ୍ତୁ ନାଦରୂପସ୍ଯ ଵେଦନମ୍ ।
ତୁର୍ଯାତୀତଂ ସୁଖସ୍ଥାନଂ ନାଦାନ୍ତାଦିସ୍ଥିତଂ ପ୍ରିଯେ ॥ ୧୮୨॥
ଅତ୍ରୈଵ ଜପକାଲେ ତୁ ପଞ୍ଚାଵସ୍ଥାଃ ସ୍ମରେଦ୍ ବୁଧଃ ।
ଯୋଗଃ ପ୍ରାଣାତ୍ମମନସାଂ ଵିଷୁଵଂ ପ୍ରାଣସଂଜ୍ଞିତମ୍ ॥ ୧୮୩॥
ଆଧାରିତ୍ଥିତନାଦେ ତୁ ଲୀନଂ ବୁଦ୍ଧ୍ଯାତ୍ମରୂପକମ୍ ।
ସଂଯୋଗେନ ଵିଯୋଗେନ ମନ୍ତ୍ରାର୍ଣାନାଂ ମହେଶ୍ଵରି ॥ ୧୮୪॥
ଅନହତାଦ୍ଯାଧାରାନ୍ତଂ ନାଦାତ୍ମତ୍ଵଵିଚିନ୍ତନମ୍ ।
ନାଦସଂସ୍ପର୍ଶନାତ୍ତସ୍ଯ ନାଡୀଵିଷୁଵମୁଚ୍ଯତେ ॥ ୧୮୫॥
ଦ୍ଵାଦଶଗ୍ରନ୍ଥିଭେଦେନ ଵର୍ଣାନାମନ୍ତରେ ପ୍ରିଯେ ।
ନାଦଯୋଗଃ ପ୍ରଶାନ୍ତଂ ତୁ ପ୍ରଶାନ୍ତେନ୍ଦ୍ରିଯଗୋଚରମ୍ ॥ ୧୮୬॥
ଵହ୍ନିଂ ମାଯାଂ କଲାଂ ଚୈଵ ଚେତନାମର୍ଧଚନ୍ଦ୍ରକମ୍ ।
ରୋଧିନୀନାଦନାଦାନ୍ତାନ୍ ଶକ୍ତୌ ଲୀନାନ୍ ଵିଭାଵଯେତ୍ ॥ ୧୮୭॥
ଵିଷୁଵଂ ଶକ୍ତିସଂଜ୍ଞ୍ଂ ତୁ ତଦୁର୍ଧ୍ଵଂ ନାଦଚିନ୍ତନମ୍ ।
ତଦୁର୍ଧ୍ଵଂ କାଲଵିଷୁଵମୁନ୍ମନାନ୍ତଂ ମହେଶ୍ଵରି ॥ ୧୮୮॥
ମୁନିଚନ୍ଦ୍ରାଽଷ୍ଟଦଶଭିସ୍ତ୍ରୁଟିଭିର୍ନାଦଵେଦନମ୍ ।
ଚୈତନ୍ଯଵ୍ଯକ୍ତିହେତୁଶ୍ଚ ଵିଷୁଵଂ ତତ୍ତ୍ଵସଂଜ୍ଞିତମ୍ ॥ ୧୮୯॥
ପରଂ ସ୍ଥାନଂ ମହାଦେଵି ନିସର୍ଗାନନ୍ଦସୁନ୍ଦରମ୍ ।
ଏଵଂ ଚିତଯମାନସ୍ଯ ଜପକାଲେଷୁ ପାର୍ଵତି ॥ ୧୯୦॥
ସିଦ୍ଧଯଃ ସକଲାସ୍ତୂର୍ଣାଂ ସିଦ୍ଧ୍ଯନ୍ତି ତ୍ଵତ୍ପ୍ରସାଦତଃ ।
ଏଵଂ କୃତ୍ଵା ଜପଂ ଦେଵ୍ଯା ଵାମହସ୍ତେ ନିଵେଦଯେତ୍ ॥ ୧୯୧॥
ଅନାମାଙ୍ଗୁଷ୍ଠଯୋଗେନ ତର୍ପଯେଚ୍ଚକ୍ରଦେଵତାଃ ।
ମଦ୍ଯଂ ମାଂସଂ ତଥା ମତ୍ସ୍ଯଂ ଦେଵ୍ଯାସ୍ତୁ ଵିନିଵେଦଯେତ୍ ॥ ୧୯୨॥
କୌଲାଚାରସମାଯୁକ୍ତୈର୍ଵିରୈର୍ସ୍ତୁ ସହ ପୂଜଯେତ୍ ।
ପୁଷ୍ଯଭେନ ତୁ ଵାରେ ଚ ସୌରେ ଚ ପରମେଶ୍ଵରି ॥ ୧୯୩॥
ଗୁରୋର୍ଦିନେ ସ୍ଵନକ୍ଷତ୍ରେ ଚତୁର୍ଦଶ୍ଯଷ୍ଟମୀଷୁ ଚ ।
ଚକ୍ରପୂଜାଂ ଵିଶେଷେଣ ଯୋଗିନୀନାଂ ସମାଚରେତ୍ ॥ ୧୯୪॥
ଚତୁଃଷଷ୍ଟିଯୁତାଃ କୋଟ୍ଯୋ ଯୋଗିନୀନାଂ ମହୌଜସାମ୍ ।
ଚକ୍ରମେତତ୍ ସମାଶ୍ରିତ୍ଯ ସଂସ୍ଥିତା ଵୀରଵନ୍ଦିତେ ॥ ୧୯୫॥
ଅଷ୍ଟାଷ୍ଟକଂ ତୁ କର୍ତଵ୍ଯଂ ଵିତ୍ତଶାଠ୍ଯଵିଵର୍ଜିତମ୍ ।
ତ୍ଵମେଵ ତାସାଂ ରୂପେଣ କ୍ରୀଡସେ ଵିଶ୍ଵମୋହିନୀ ॥ ୧୯୬॥
ଅଜ୍ଞାତ୍ଵ ତୁ କୁଲାଚାରମଯଷ୍ଟ୍ଵା ଗୁରୁପାଦୁକାମ୍ ।
ଯୋଽସ୍ମିନ୍ ଶାସ୍ତ୍ରେ ପ୍ର୍ଵର୍ତେତ ତଂ ତ୍ଵଂ ପୀଡଯସି ଧ୍ରୁଵମ୍ ॥ ୧୯୭॥
ଏଵଂ ଜ୍ଞାତ୍ଵା ଵରାରୋହେ କୌଲାଚାରପରଃ ସଦା ।
ଆଵଯୋଃ ଶବଲାକାରଂ ମଦ୍ଯଂ ତତ୍ର ନିଵେଦ୍ଯ ଚ ॥ ୧୯୮॥
ତ୍ଵତ୍ପ୍ରଧା ପ୍ରସରାକାରାସ୍ତ୍ଵାମେଵ ପରିଭାଵଯେତ୍ ।
ଵାମିଚ୍ଛାଵିଗ୍ରହାଂ ଦେଵୀଂ ଗୁରୁରୂପାଂ ଵିଭାଵଯେତ୍ ॥ ୧୯୯॥
ତ୍ଵନ୍ମଯସ୍ଯ ଗୁରୋଃ ଶେଷଂ ନିଵେଦ୍ଯାତ୍ମନି ଯୋଜଯେତ୍ ।
ଯୋଗିନୀନାଂ ମହାଦେଵି ବଟୁକାଯାତ୍ମରୂପିଣେ ॥ ୨୦୦॥
କ୍ଷେତ୍ରାଣାଂ ପତଯେ ମଦ୍ଯଂ ବଲିଂ କୁର୍ଵିତ ହେତୁନା ।
ନିତ୍ଯଂ ପିବନ୍ ଵମନ୍ ଖାଦନ୍ ସ୍ଵେଚ୍ଛାଚାରପରଃ ସ୍ଵଯମ୍ ॥ ୨୦୧॥
ଅହନ୍ତେଦନ୍ତଯୋରୌକ୍ଯଂ ଭାଵଯନ୍ ଵିହରେତ୍ ସୁଖମ୍ ।
ଏତତ୍ତେ କଥିତଂ ସର୍ଵଂ ସଙ୍କେତତ୍ରଯମୁତ୍ତମମ୍ ॥ ୨୦୨॥
ଗୋପନୀଯଂ ପ୍ରଯତ୍ନେନ ସ୍ଵଗୁହ୍ଯମିଵ ସୁଵ୍ରତେ ।
ଚୁମ୍ବକେ ଜ୍ଞାନଲୁବ୍ଧେ ଚ ନ ପ୍ରକାଶ୍ଯଂ ତ୍ଵଯାନଘେ ॥ ୨୦୩॥
ଅନ୍ଯାଯେନ ନ ଦାତଵ୍ଯଂ ନାସ୍ତିକାନାଂ ମହେଶ୍ଵରି ।
ଏଵଂ ତ୍ଵଯାଽହମାଜ୍ଞପ୍ତୋ ମଦିଚ୍ଛାରୂପଯା ପ୍ରଭୋ ॥ ୨୦୪॥
ଅଜ୍ଞାନେନ ତୁ ଯୋ ଦଦ୍ଯାତ୍ ସ ପରେତୋ ଭଵିଷ୍ଯତି ।
ସଙ୍କେତଂ ଯୋ ଵିଜାନାତି ଯୋଗିନୀନାଂ ଭଵେତ୍ପ୍ରିଯଃ ॥ ୨୦୫॥
ସର୍ଵେପ୍ସିତଫଲାଵାପ୍ତିଃ ସର୍ଵକାମଫଲାଶ୍ରଯଃ ।
ଯତୋଽପି ଦୃଶ୍ଯତେ ଦେଵି କଥଂ ଵିଦ୍ଵାନ୍ନ ଚିନ୍ତଯେତ୍ ॥ ୨୦୬॥
॥ ଇତି ଯୋଗିନୀହୃଦଯମ୍ ସ୍ତୋତ୍ରମ୍ ॥
Encoded and proofread by Mike Magee (ac70@cityscape.co.uk).
Please send corrections to sanskrit@cheerful.com
Last updated ତ୍oday
http://sanskritdocuments.org
ଶ୍ରୀଦେଵ୍ଯୁଵାଚ
ଦେଵଦେଵ ମହାଦେଵ ପରିପୂର୍ଣପ୍ରଥାମଯ ।
ଵାମକେଶ୍ଵରତନ୍ତ୍ରେଽସ୍ମିନ୍ନଜ୍ଞାତର୍ଥାସ୍ତ୍ଵନେକଶଃ ॥ ୧॥
ତାଂସ୍ତାନର୍ଥାନଶେଷେଣ ଵକ୍ତୁମର୍ହସି ଭୈରଵ ।
ଶ୍ରୀଭୈରଵ ଉଵାଚ
ଶୃଣୁ ଦେଵି ମହାଗୁହ୍ଯଂ ଯୋଗିନିହୃଦଯଂ ପରମ୍ ॥ ୨॥
ତ୍ଵତ୍ପ୍ରୀତ୍ଯା କଥଯାମ୍ଯଦ୍ଯ ଗୋପନୀଯଂ ଵିଶେଷତଃ ।
କର୍ଣାତ୍କର୍ଣୋର୍ପଦେଶେନ ସମ୍ପ୍ରାପ୍ତମଵନୀତଲମ୍ ॥ ୩॥
ନ ଦେଯଂ ପରଶିଷ୍ଯେଭ୍ଯୋ ନାସ୍ତିକେଭ୍ଯୋ ନ ଚେଶ୍ଵରି ।
ନ ଶୁଶ୍ରୂଷାଲସାନାଞ୍ଚ ନୈଵାନର୍ଥପ୍ରଦାଯିନାମ୍ ॥ ୪॥
ପରୀକ୍ଷିତାଯ ଦାତଵ୍ଯଂ ଵତ୍ସରାର୍ଧୋଷିତାଯ ଚ ।
ଏତଜ୍ଜ୍ଞାତ୍ଵା ଵରରୋହେ ସଦ୍ଯଃ ଖେଚରତାଂ ଵ୍ରଜେତ୍ ॥ ୫॥
ଚକ୍ରସଙ୍କେତକୋ ମନ୍ତ୍ରପୂଜାସଙ୍କେତକୌ ତଥା ।
ତ୍ରିଵିଧସ୍ତ୍ରିପୁରାଦେଵ୍ଯାଃ ସଙ୍କେତଃ ପରମେଶ୍ଵରି ॥ ୬॥
ଯାଵଦେତନ୍ନ ଜାନାତି ସଙ୍କେତତ୍ରଯମୁତ୍ତମମ୍ ।
ନ ତାଵତ୍ରିପୁରାଚକ୍ରେ ପରମାଜ୍ଞାଧରୋ ଭଵେତ୍ ॥ ୭॥
ତଚ୍ଛକ୍ତିପଞ୍ଚକଂ ସୃଷ୍ଟ୍ଯା ଲଯେନାଗ୍ନିଚତୁଷ୍ଟଯମ୍ ।
ପଞ୍ଚଶକ୍ତିଚତୁର୍ଵହ୍ନିସଂଯୋଗାଚ୍ଚକ୍ରସମ୍ଭଵଃ ॥ ୮॥
ଏତଚ୍ଚକ୍ରାଵତାରନ୍ତୁ କଥଯାମି ତଵାନଘେ ।
ଯଦା ସା ପରମା ଶକ୍ତିଃ ସ୍ଵେଚ୍ଛଯା ଵିଶ୍ଵରୂପିଣୀ ॥ ୯॥
ସ୍ଫୁରତ୍ତାମାତ୍ମନଃ ପଶ୍ଯେତ୍ତଦା ଚକ୍ରସ୍ଯ ସମ୍ଭଵଃ ।
ଶୂନ୍ଯାକାରାଦ୍ଵିସର୍ଗାନ୍ତାଦ୍ ବିନ୍ଦୋଃ ପ୍ରସ୍ପନ୍ଦସଂଵିଦଃ ॥ ୧୦॥
ପ୍ରକାଶପରମାର୍ଥତ୍ଵାତ୍ ସ୍ଫୁରତ୍ତାଲହରୀଯୁତାତ୍ ।
ପ୍ରସୃତଂ ଵିଶ୍ଵଲହରୀସ୍ଥାନଂ ମାତୃତ୍ରଯାତ୍ମକମ୍ ॥ ୧୧॥
ବୈନ୍ଦଵଂ ଚକ୍ରମେତସ୍ଯ ତ୍ରିରୂପତ୍ଵଂ ପୁନର୍ଭଵେତ୍ ।
ଧର୍ମାଧର୍ମୌ ତଥାତ୍ମାନୋ ମାତୃମେଯୌ ତଥା ପ୍ରମା ॥ ୧୨॥
ନଵଯୋନ୍ଯାତ୍ମକଂ ଚକ୍ରଂ ଚିଦାନନ୍ଦଘନଂ ମହତ୍ ।
ଚକ୍ରଂ ନଵାତ୍ମକମିଦଂ ନଵଧା ଭିନ୍ନମନ୍ତ୍ରକମ୍ ॥ ୧୩॥
ବୈନ୍ଦଵାସନସଂରୂଢସଂଵର୍ତାନଲଚିତ୍କଲମ୍ ।
ଅମ୍ବିକାରୂପମେଵେଦମଷ୍ଟାରସ୍ଥଂ ସ୍ଵରାଵୃତମ୍ ॥ ୧୪॥
ନଵତ୍ରିକୋଣସ୍ଫୁରିତପ୍ରଭାରୂପଦଶାରକମ୍ ।
ଶକ୍ତ୍ଯାଦିନଵପର୍ଯନ୍ତଦଶାର୍ଣସ୍ଫୂର୍ତିକାରକମ୍ ॥ ୧୫॥
ଭୂତତନ୍ମାତ୍ରଦଶକପ୍ରକାଶାଲମ୍ବନତ୍ଵତଃ ।
ଦ୍ଵିଦଶାରସ୍ଫୁରଦ୍ରୂପଂ କ୍ରୋଧୀଶାଦିଦଶାରକମ୍ ॥ ୧୬॥
ଚତୁଶ୍ଚକ୍ରପ୍ରଭାରୂପସଂଯୁକ୍ତପରିଣାମତଃ ।
ଚତୁର୍ଦଶାରରୂପେଣ ସଂଵିତ୍ତିକରଣାତ୍ମନା ॥ ୧୭॥
ଖେଚର୍ଯାଦିଜଯାନ୍ତାର୍ଣପରମାର୍ଥପ୍ରଥାମଯମ୍ ।
ଏଵଂ ଶକ୍ତ୍ଯନଲାକାରସ୍ଫୁରଦ୍ରୌଦ୍ରୀପ୍ରଭାମଯମ୍ ॥ ୧୮॥
ଜ୍ଯେଷ୍ଟାରୂପଚତୁଷ୍କୋଣଂ ଵାମାରୂପଭ୍ରମିତ୍ରଯମ୍ ।
ଚିଦଂଶାନ୍ତସ୍ତ୍ରିକୋଣଂ ଚ ଶାନ୍ତ୍ଯତିତାଷ୍ଟକୋଣକଂ ॥ ୧୯॥
ଶାନ୍ତ୍ଯଂଶଦ୍ଵିଦଶାରଞ୍ଚ ତଥୈଵ ଭୁଵନାରକମ୍ ।
ଵିଦ୍ଯାକଲାପ୍ରମାରୂପଦଲାଷ୍ଟକସମାଵୃତମ୍ ॥ ୨୦॥
ପ୍ରତିଷ୍ଟାଵପୁଷା ସୃଷ୍ଟସ୍ଫୁରଦ୍ଦ୍ଵ୍ଯଷ୍ଟଦଲାମ୍ବୁଜମ୍ ।
ନିଵୃତ୍ତ୍ଯାକାରଵିଲସଚ୍ଚତୁସ୍ଷ୍କୋଣଵିରାଜିତମ୍ ॥ ୨୧॥
ତ୍ରୈଲୋକ୍ଯମୋହନାଦ୍ଯେ ତୁ ନଵଚକ୍ରେ ସୁରେଶ୍ଵରି ।
ନାଦୋ ବିନ୍ଦୁଃ କଲା ଜ୍ଯେଷ୍ଟା ରୌଦ୍ରୀଈ ଵାମା ତଥା ପୁନଃ ॥ ୨୨॥
ଵିଷଘ୍ନୀଈ ଦୂତରୀ ଚୈଵ ସର୍ଵାନନ୍ଦା କ୍ରମାତ୍ ସ୍ଥିତାଃ ।
ନିରଂଶୌ ନାଦବିନ୍ଦୂ ଚ କଲା ଚେଚ୍ଛାସ୍ଵରୂପକମ୍ ॥ ୨୩॥
ଜ୍ଯେଷ୍ଟା ଜ୍ଞାନଂ କ୍ରିଯା ଶେଷମିତ୍ଯେଵଂ ତ୍ରିତଯାତ୍ମକମ୍ ।
ଚକ୍ରଂ କାମକଲାରୂପଂ ପ୍ରସାରପର,ମାର୍ଥତଃ ॥ ୨୪॥
ଅକୁଲେ ଵିଷୁସଂଜ୍ଞେ ଚ ଶକ୍ତେ ଵହ୍ନୌ ତଥା ପୁନଃ ।
ନାଭାଵନାହତେ ଶୁଦ୍ଧେ ଲମ୍ବିକାଗ୍ରେ ଭ୍ରୁଵୋଽନ୍ତରେ ॥ ୨୫॥
ବିନ୍ଦୌ ତଦର୍ଧେ ରୋଧିନ୍ଯାଂ ନାଦେ ନାଦାନ୍ତ ଏଵ ଚ ।
ଶକ୍ତୌ ପୁନର୍ଵ୍ଯାପିକାଯାଂ ସମନୋନ୍ମନି ଗୋଚରେ ॥ ୨୬॥
ମହାବିନ୍ଦୌ ପୁନଶ୍ଚୈଵ ତ୍ରିଧା ଚକ୍ରଂ ତୁ ଭାଵଯେତ୍ ।
ଆଜ୍ଞାନ୍ତଂ ସକଲଂ ପ୍ରୋକ୍ତଂ ତତଃ ସକଲନିଷ୍କଲମ୍ ॥ ୨୭॥
ଉନ୍ମନ୍ଯନ୍ତଂ ପରେ ସ୍ଥାନେ ନିଷ୍କଲଞ୍ଚ ତ୍ରିଧା ସ୍ଥିତମ୍ ।
ଦୀପାକାରୋଽର୍ଧମାତ୍ରଶ୍ଚ ଲଲାଟେ ଵୃତ୍ତ୍ ଇଷ୍ଯତେ ॥ ୨୮॥
ଅର୍ଧଚନ୍ଦ୍ରସ୍ତଥାକାରଃ ପାଦମାତ୍ରସ୍ତଦୂର୍ଧ୍ଵକେ ।
ଜ୍ଯୋତ୍ସ୍ନାକାରା ତଦଷ୍ଟାଂଶା ରୋଧିନୀ ତ୍ର୍ଯସ୍ରଵିଗ୍ରହା ॥ ୨୯॥
ବିନ୍ଦୁଦ୍ଵଯାନ୍ତରେ ଦଣ୍ଡଃ ଶେଵରୂପୋ ମଣିପ୍ରଭଃ ।
କଲାଂଶୋ ଦ୍ଵିଗୁଣାଂଶଶ୍ଚ ନାଦାନ୍ତୋ ଵିଦ୍ଯୁଦୁଜ୍ଜ୍ଵଲଃ ॥ ୩୦॥
ହଲାକାରସ୍ତୁ ସଵ୍ଯସ୍ଥବିନ୍ଦୁଯୁକ୍ତୋ ଵିରାଜତେ ।
ଶକ୍ତିର୍ଵାମସ୍ଥବିନ୍ଦୁଦ୍ଯତ୍ସ୍ଥିରାକାରା ତଥା ପୁନଃ ॥ ୩୧॥
ଵ୍ଯାପିକା ବିନ୍ଦୁଵିଲସତ୍ତ୍ରିକୋଣାକାରତାଂ ଗତା ।
ବିନ୍ଦୁଦ୍ଵଯାନ୍ତରାଲସ୍ଥା ଋଜୁରେଖାମଯୀ ପୁନଃ ॥ ୩୨॥
ସମନା ବିନ୍ଦୁଵିଲସଦୃଜୁରେଖା ତଥୋନ୍ମନା ।
ଶକ୍ତ୍ଯାଦୀନାଂ ଵପୁଃ ସ୍ଫୂର୍ଜଦ୍ଦ୍ଵାଦଶାଦିତ୍ଯସନ୍ନିଭମ୍ ॥ ୩୩॥
ଚତୁଃଷଷ୍ଟିସ୍ତଦୂର୍ଧ୍ଵଂ ତୁ ଦ୍ଵିଗୁଣଂ ଦିଗୁଣଂ ତତଃ ।
ଶକ୍ତ୍ଯାଦୀନାଂ ତୁ ମାତ୍ରାଂଶୋ ମନୋନ୍ମନ୍ଯାସ୍ତଥୋନ୍ମନୀ ॥ ୩୪॥
ଦୈଶକାଲାନଵଚ୍ଛିନ୍ନଂ ତଦୂର୍ଧ୍ଵେ ପରମଂ ମହତ୍ ।
ନିସର୍ଗସୁନ୍ଦରଂ ତତ୍ତୁ ପରାନନ୍ଦଵିଘୂର୍ଣିତମ୍ ॥ ୩୫॥
ଆତ୍ମନହ୍ ସ୍ଫୁରଣଂ ପଶ୍ଯେଦ୍ଯଦା ସା ପରମା କଲା ।
ଅମ୍ବିକାରୂପମାପନ୍ନ ପରା ଵାକ୍ ସସୁଦୀରିତା ॥ ୩୬॥
ବୀଜଭାଵସ୍ଥିତଂ ଵିଶ୍ଵଂ ସ୍ଫୁଟୀକର୍ତୁଂ ଯଦୋନ୍ମୁଖୀ॥
ଵାମା ଵିଶ୍ଵସ୍ଯ ଵମନାଦଙ୍କୁଶାକାରତାଂ ଗତା ॥ ୩୭॥
ଇଚ୍ଛାଶକ୍ତିସ୍ତଦା ସେଯଂ ପଶ୍ଯନ୍ତୀ ଵପୁଷା ସ୍ଥିତା ।
ଜ୍ଞାନଶକ୍ତିସ୍ତଥା ଜ୍ଯେଷ୍ଟା ମଧ୍ଯମା ଵାଗୁଦୀରିତା ॥ ୩୮॥
ଋଜୁରେଖାମଯୀ ଵିଶ୍ଵସ୍ଥିତୌଇ ପ୍ରଥିତଵିଗ୍ରହା ।
ତତ୍ସଂହୃତିଦଶାଯାଂ ତୁ ବୈନ୍ଦଵଂ ରୂପମାସ୍ଥିତା ॥ ୩୯॥
ପ୍ରତ୍ଯାଵୃତ୍ତିକ୍ରମେଣୈଵଂ ଶୃଙ୍ଗଟଵପୁରୁଜ୍ଜ୍ଵଲା ।
କ୍ରିଯାଶକ୍ତିସ୍ତୁ ରୌଦ୍ରୀଯଂ ଵୈଖରୀ ଵିଶ୍ଵଵିଗ୍ରହା ॥ ୪୦॥
ଭାସନାଦ୍ଵିଶ୍ଵରୂପସ୍ଯ ସ୍ଵରୂପେ ବାହ୍ଯତୋଽପି ଚ ।
ଏତାଶ୍ଚତସ୍ତ୍ରଃ ଶକ୍ତ୍ଯସ୍ତୁ କା ପୂ ଜା ଓ ଇତି କ୍ରମାତ୍ ॥ ୪୧॥
ପୀଠାଃ କନ୍ଦେ ପଦେ ରୂପେ ରୂପାତୀତେ କ୍ରମାତ୍ ସ୍ଥିତାଃ ।
ଚତୁରସ୍ତ୍ରଂ ତଥ ବିନ୍ଦୁଷଟ୍କଯୁକ୍ତଂ ଚ ଵୃତ୍ତକମ୍ ॥ ୪୨॥
ଅର୍ଧଚନ୍ଦ୍ରଂ ତ୍ରିକୋଣଂ ଚ ରୂପାଣ୍ଯେଷାଂ କ୍ରମେଣ ତୁ ।
ପୀତୋ ଧୂମ୍ରସ୍ତଥା ଶ୍ଵେତୋ ରକ୍ତୋ ରୂପଂ ଚ କୀର୍ତିତମ୍ ॥ ୪୩॥
ସ୍ଵଯମ୍ଭୁର୍ବାଣଲିଙ୍ଗଂ ଚ ଇତରଂ ଚ ପରଂ ପୁନଃ ।
ପୀଠେଷ୍ଵେତାନି ଲିଙ୍ଗାନି ସଂସ୍ଥିତାନି ଵରାନନେ ॥ ୪୪॥
ହେମବନ୍ଧୃକକୁସୁମଶରଚ୍ଚନ୍ଦ୍ରନିଭାନି ତୁ ।
ସ୍ଵାଵୃତଂ ତ୍ରିକୂଟଂ ଚ ମହାଲିଙ୍ଗଂ ସ୍ଵଯମ୍ଭୁଵମ୍ ॥ ୪୫॥
କାଦିତାନ୍ତା କ୍ଷରୋପେତଂ ବାଣଲିଙ୍ଗଂ ତ୍ରିକୋଣକମ୍ ।
କଦମ୍ବଗୋଲକାକାରଂ ଥାଦିସାନ୍ତାକ୍ଷରାଵୃତମ୍ ॥ ୪୬॥
ସୂକ୍ଷ୍ମରୂପଂ ସମସ୍ତାର୍ଣଵୃତଂ ପରମଲିଙ୍ଗକମ୍ ।
ବିନ୍ଦୁରୂପଂ ପରାନନ୍ଦକନ୍ଦଂ ନିତ୍ଯପଓଦିତମ୍ ॥ ୪୭
ବୀଅତ୍ରିତଯଯୁକ୍ତାସ୍ଯ ସକସ୍ଯ ମନୋଃ ପୁନଃ ।
ଏତାନି ଵାଚ୍ଯରୂପାଣି କୁଲକୌଲମଯାନି ତୁ ॥ ୪୮॥
ଜାଗ୍ରତ୍ସ୍ଵପ୍ନସୁଷୁପ୍ତ୍ଯାଖ୍ଯତୁର୍ଯରୂପାଣ୍ଯମୂନି ତୁ ।
ଅତିତଂ ତୁ ପରଂ ତେଜଃ ସ୍ଵସଂଵିଦୁଦଯାତ୍ମକମ୍ ॥ ୪୯॥
ସ୍ଵେଚ୍ଛାଵିଶ୍ଵମଯୋଲ୍ଲେଖଖଚିତଂ ଵିଶ୍ଵରୂପକମ୍ ।
ଚୈତନ୍ଯମାତ୍ମନୋ ରୂପଂ ନିସର୍ଗାନନ୍ଦସୁନ୍ଦରମ୍ ॥ ୫୦॥
ମେଯମାତୃପ୍ରମାମାନପ୍ରସରୈଃ ସଂକୁଚତ୍ପ୍ରଭମ୍ ।
ଶୃଙ୍ଗାଟରୂପମାପନ୍ନମିଚ୍ଛାଜ୍ଞାନକ୍ରିଯାତ୍ମକମ୍ ॥ ୫୧॥
ଵିଶ୍ଵାକାରପ୍ରଥାଧାରନିଜରୂପଶିଵାଶ୍ରଯମ୍ ।
କାମେଶ୍ଵରାଙ୍କପର୍ଯଙ୍କନିଵିଷ୍ଟମତିସୁନ୍ଦରମ୍ ॥ ୫୨॥
ଇଚ୍ଛାଶକ୍ତିମଯଂ ପାଶମଙ୍କୁଶଂ ଜ୍ଞନରୂପିଣମ୍ ।
କ୍ରିଯାଶକ୍ତିମଯେ ବାଣଧନୁଷୀ ଦଧଦୁଜ୍ଜ୍ଵଲମ୍ ॥ ୫୩॥
ଆଶ୍ରଯାଶ୍ରଯିଭେଦେନ ଅଷ୍ଟଧା ଭିନ୍ନହେତିମତ୍ ।
ଅଷ୍ଟାରଚକ୍ରସଂରୂଢଂ ନଵଚକ୍ରାସନସ୍ଥିତମ୍ ॥ ୫୪॥
ଏଵଂରୂପଂ ପରଂ ତେଜଃ ଶ୍ରୀଚକ୍ରଵପୁଷା ସ୍ଥିତମ୍ ।
ତଦୀଯଶକ୍ତିନିକରସ୍ଫୁରଦୂର୍ମିସମାଵୃତମ୍ ॥ ୫୫॥
ଚିଦାତ୍ମଭିତ୍ତୌ ଵିଶ୍ଵସ୍ଯ ପ୍ରକାଶାମର୍ଶନେ ଯଦା ।
କରୋତି ସ୍ଵେଚ୍ଛଯା ପୂର୍ଣଵିଚିକୀର୍ଷାସମନ୍ଵିତା ॥ ୫୬॥
କ୍ରିଯାଶକ୍ତିସ୍ତୁ ଵିଶ୍ଵସ୍ଯ ମୋଦନାଦ୍ ଦ୍ରାଵଣାତ୍ତଥା ।
ମୁଦ୍ରାଖ୍ଯା ସା ଯଦା ସଂଵିଦମ୍ବିକା ତ୍ରିକଲାମଯୀ ॥ ୫୭॥
ତ୍ରିଖଣ୍ଡାରୂପମାପନ୍ନା ସଦା ସନ୍ନିଧିକାରିଣୀ ।
ସର୍ଵସ୍ଯ ଚକ୍ରରାଜସ୍ଯ ଵ୍ଯାପିକା ପରିକୀର୍ତିତ ॥ ୫୮॥
ଯୋନିପ୍ରାଚୁର୍ଯତଃ ସୈଷା ସର୍ଵସଂକ୍ଷୋଭିକା ପୁନଃ ।
ଵାମାଶକ୍ତିପ୍ରଧାନେଯଂ ଦ୍ଵାରଚକ୍ରେ ସ୍ଥିତା ଭଵେତ୍ ॥ ୫୯॥
କ୍ଷୁବ୍ଧାଵିଶ୍ଵସ୍ଥିତତିର୍କରୀ ଜ୍ଯେଷ୍ଟାପ୍ରାଚୁର୍ଯମାଶ୍ରିତା ।
ସ୍ଥୂଲନାଦକଲାରୂପା ସର୍ଵାନୁଗ୍ରହକାରିଣୀ ॥ ୬୦॥
ସର୍ଵାଶପୂରଣାଖ୍ଯେ ତୁ ସୈଷା ସ୍ଫୁରିତଵିଗ୍ରହା ।
ଜ୍ଯେଷ୍ଟାଵାମାସମନ୍ତ୍ଵେନ ସୃଷ୍ଟେଃ ପ୍ରାଧାନ୍ଯମାଶ୍ରିତା ॥ ୬୧॥
ଆକର୍ଷିଣୀ ତୁ ମୁଦ୍ରେଯଂ ସର୍ଵସଂକ୍ଷୋଭିଣୀ ସ୍ମୃତା ।
ଵ୍ଯୋମଦ୍ଵଯାନ୍ତରାଲସ୍ଥବିନ୍ଦୁରୂପା ମହେଶ୍ଵରି ॥ ୬୨॥
ଶିଵଶକ୍ତ୍ଯାତ୍ମସଂଶ୍ଲେଷାଦ୍ଦିଵ୍ଯାକେଶକରୀ ସ୍ମୃତା।
ଚତୁର୍ଦଶାରଚକ୍ରସ୍ଥା ସଂଵିଦାନନ୍ଦଵିଗ୍ରହା ॥ ୬୩॥
ବିନ୍ଦ୍ଵନ୍ତରାଲଵିଲସତ୍ସୂକ୍ଷ୍ମ ରେଖାଶିଖାମଯୀ ।
ଜ୍ଯେଷ୍ଟାଶକ୍ତିପ୍ରଧାନା ତୁ ସର୍ଵୋନ୍ମାଦନକାରିଣୀ ॥ ୬୪॥
ଦଶାରଚକ୍ରମାସ୍ଥାଯ ସଂସ୍ଥିତା ଵୀରଵନ୍ଦିତେ ।
ଵାମାଶକ୍ତିପ୍ରଧାନା ତୁ ମହାଙ୍କୁଶମଯୀ ପୁନଃ ॥ ୬୫॥
ତଦ୍ଵଦ୍ଵିଶ୍ଵଂ ଵମନ୍ତୀ ସା ଦିଵ୍ତୀଯେ ତୁ ଦଶାରକେ ।
ସଂସ୍ଥିତା ମୋଦନପରା ମୁଦ୍ରାରୂପତ୍ଵମାସ୍ଥିତା ॥ ୬୬॥
ଧର୍ମାଧର୍ମସ୍ଯ ସଂଘଟ୍ଟାଦୁତ୍ଥିତା ଵିତ୍ତୀରୂପିଣୀ ।
ଵିକଲ୍ପୋତ୍ଥକ୍ରିଯାଲୋପରୂପଦୋଷଵିଧାତିନୀ ॥ ୬୭॥
ଵିକଲ୍ପରୂପରୋଗାଣାଂ ହାରିଣୀ ଖେଚରୀ ପରା ।
ସର୍ଵରୋଗହରାଖ୍ଯେ ତୁ ଚକ୍ରେ ସଂଵିନ୍ମଯୀ ସ୍ଥିତା ॥ ୬୮॥
ଶିଵଶକ୍ତିସମାଶ୍ଲେଷସ୍ଫୁରଦ୍ଵ୍ଯୋମାନ୍ତରେ ପୁନଃ ।
ପ୍ରକାଶଯତି ଵିଶ୍ଵଂ ସା ସୂକ୍ଷ୍ମରୂପସ୍ଥିତ ସଦା ॥ ୬୯॥
ବୀଜରୂପା ମହାମୁଦ୍ରା ସର୍ଵସିଦ୍ଧିମଯେ ସ୍ଥିତା ।
ସମ୍ପୂର୍ଣସ୍ଯ ପ୍ରକାଶସ୍ଯ ଲାଭଭୂମିରିଯଂ ପୁନଃ ॥ ୭୦॥
ଯୋନିମୁଦ୍ରା କଲାରୂପା ସର୍ଵାନନ୍ଦମଯେ ସ୍ଥିତା ।
କ୍ରିଯା ଚୈତନ୍ଯରୂପତ୍ଵାଦେଵଂ ଚକ୍ରମଯଂ ସ୍ଥିତମ୍ ॥ ୭୧॥
ଇଚ୍ଛାରୂପଂ ପରଂ ତେଜାଃ ସର୍ଵଦା ଭାଵଯେଦ୍ ବୁଧଃ ।
ତ୍ରିଧା ଚ ନଵଧା ଚୈଵ ଚକ୍ରସଙ୍କେତକଃ ପୁନଃ ॥ ୭୨॥
ଵହ୍ନିନୈକେନ ଶକ୍ତିଭ୍ଯାଂ ଦ୍ଵାଭ୍ଯାଂ ଚୈକୋଽପ୍ରଃ ପୁନଃ ।
ତୈଶ୍ଚ ଵହ୍ନିତ୍ରଯେଣାପି ଶକ୍ତୀନାଂ ତ୍ରିତଯେନ ଚ ॥ ୭୩॥
ପଦ୍ମଦ୍ଵଯେନ ଚାନ୍ଯଃ ସ୍ଯାଦ୍ ଭୂଗୃହତ୍ରିତଯେନ ଚ ।
ପଞ୍ଚଶକ୍ତି ଚତୁର୍ଵହ୍ନିପଦ୍ମଦ୍ଵଯମହୀତ୍ରଯମ୍ ॥ ୭୪॥
ପରିପୂର୍ଣଂ ମହଚକ୍ରଂ ତତ୍ପ୍ରକାରଃ ପ୍ରଦର୍ଶ୍ଯତେ ।
ତତ୍ରାଦ୍ଯଂ ନଵଯୋନି ସ୍ଯାତ୍ ତେନ ଦ୍ଵିଦଶାସଂଯୁତମ୍ ॥ ୭୫॥
ମନୁଯୋନି ପରଂ ଵିଦ୍ଯାତ୍ ତୃତୀଯଂ ତଦନନ୍ତରମ୍ ।
ଅଷ୍ଟଦ୍ଵ୍ଯଷ୍ଟଦଲୋପେତଂ ଚତୁରସ୍ରତ୍ରଯାନ୍ଵିତମ୍ ॥ ୭୬॥
ଚକ୍ରସ୍ଯ ତ୍ରିପ୍ରକାରତ୍ଵଂ କଥିତଂ ପରମେଶ୍ଵରି ।
ସୃଷ୍ଟିଃସ୍ଯାନ୍ନଵଯୋନ୍ଯାଦିପୃଥ୍ଵ୍ଯନ୍ତଂ ସଂହୃତି ପୁନଃ ॥ ୭୭॥
ପୃଥ୍ଵ୍ଯାଦିନଵଯୋନ୍ଯନ୍ତମିତି ଶାସ୍ତ୍ରସ୍ଯ ନିର୍ଣଯଃ ।
ଏତତ୍ସମଷ୍ଟିରୂପଂ ତୁ ତ୍ରିପୁରାଚକ୍ରମୁଚ୍ଯତେ ॥ ୭୮॥
ଯସ୍ଯ ଵିଜ୍ଞାନମାତ୍ରେଣ ତ୍ରିପୁରାଜ୍ଞାନଵାନ୍ ଭଵେତ୍ ।
ଚକ୍ରସ୍ଯ ନଵଧାତ୍ଵଂ ଚ କଥଯାମି ତଵ ପ୍ରିଯେ ॥ ୭୯॥
ଆଦିମଂ ଭୂତ୍ରଯେଣ ସ୍ଯାଦ୍ ଦ୍ଵିତୀଯଂ ଷୋଡଶାରକମ୍ ।
ଅନ୍ଯଦଷ୍ଟଦଲଂ ପ୍ରୋକ୍ତଂ ମନୁକୋଣମନନ୍ତରମ୍ ॥ ୮୦॥
ପଞ୍ଚମଂ ଦଶକୋଣଂ ସ୍ଯାତ୍ ଷଷ୍ଟଂ ଚାପି ଦଶାରକମ୍॥
ସପ୍ତମଂ ଵସୁକୋଣଂ ସ୍ଯାନ୍ମଧ୍ଯତ୍ର୍ଯସ୍ରମଥାଷ୍ଟମମ୍ ॥ ୮୧॥
ନଵମଂ ତ୍ର୍ଯସ୍ରମଧ୍ଯଂ ସ୍ଯାତ୍ ତେଷାଂ ନାମାନ୍ଯତଃ ଶୃଣୁ ।
ତ୍ରୈଲୋକ୍ଯମୋହନଂ ଚକ୍ରଂ ସର୍ଵାଶାପରିପୂରକମ୍ ॥ ୮୨॥
ସର୍ଵସଂକ୍ଷୋଭଣଂ ଗୌରି ସର୍ଵାସୌଭାଗ୍ଯଦାଯକମ୍ ।
ସର୍ଵାର୍ଥସାଧକଂ ଚକ୍ରଂ ସର୍ଵରକ୍ଷାକରଂ ପରମ୍ ॥ ୮୩॥
ସର୍ଵରୋଗହରଂ ଦେଵି ସର୍ଵସିଦ୍ଧିମଯଂ ତଥା ।
ସର୍ଵାନନ୍ଦମଯଂ ଚାପି ନଵମଂ ଶୃଣୁ ସୁନ୍ଦରି ॥ ୮୪॥
ଅତ୍ର ପୁଜ୍ଯା ମହାଦେଵୀ ମହାତ୍ରିପୁରସୁନ୍ଦରୀ ।
ପରିପୂର୍ଣଂ ମହାଚକ୍ରମଜରାମରକାରକମ୍ ॥ ୮୫॥
ଏତମେଵ ମହାଚକ୍ରସଙ୍କେତଃ ପରମେଶ୍ଵରି ।
କଥିତସ୍ତ୍ରିପୁରାଦେଵ୍ଯା ଜୀଵନ୍ମୁକ୍ତିପ୍ରଵର୍ତକଃ ॥ ୮୬॥
ଅଥ ଦ୍ଵିତୀଯଃ ପଟଲଃ
ମନ୍ତ୍ରସଙ୍କେତଂ ଦିଵ୍ଯମଧୁନା କଥ୍ଯାମି ତେ ।
ଯଦ୍ଵେତ୍ତା ତ୍ରିପୁରାକାରୋ ଵିରଚକ୍ରେଶ୍ଵରୋ ଭଵେତ୍ ॥ ୧॥
କରଶୁଦ୍ଧିକରୋ ତ୍ଵାଦ୍ଯା ଦ୍ଵିତୀଯା ଚାତ୍ମରକ୍ଷିକା ।
ଆତ୍ମାସନଗତା ଦେଵୀ ତୃତୀଯା ତଦନନ୍ତରମ୍ ॥ ୨॥
ଚକ୍ରାସନଗତା ପଶ୍ଚାତ୍ ସର୍ଵମନ୍ତ୍ରାସନସ୍ଥିତା ।
ସାଧ୍ଯସିଦ୍ଧାସନା ଷ୍ଷ୍ଟା ମାଯାଲକ୍ଷ୍ମୀମଯୀ ପରା ॥ ୩॥
ମୂର୍ତିଵିଦ୍ଯା ଚ ସା ଦେଵୀ ସପ୍ତମୋ ପରିକୀର୍ତିତା ।
ଅଷ୍ଟମ୍ଯାଵାହିନୀ ଵିଦ୍ଯା ନଵମା ଭୈରଵୀ ପରା ॥ ୪॥
ମୂଲଵିଦ୍ଯା ତଥା ଖ୍ଯାତା ତ୍ରୈଲୋକ୍ଯଵଶକାରିଣୀ ।
ଏଵଂ ନଵପ୍ରକାରାସ୍ତୁ ପୂଜାକାଲେ ପ୍ରଯତ୍ନତଃ ॥ ୫॥
ଏତାଃ କ୍ରମେଣ ନ୍ଯସ୍ତଵ୍ଯାଃ ସାଧକେନ କୁଲେଶ୍ଵରି ।
ପାଦାଗ୍ରଜଙ୍ଘାଜାନୂରୁଗୁଦଲିଙ୍ଗାଗ୍ରକେଷୁ ଚ ॥ ୬॥
ଆଧରେ ଵିନ୍ଯସନ୍ମୂର୍ତି ତସ୍ଯାମାଵାହିନୀଂ ନ୍ଯସେତ୍ ।
ମୂଲେନ ଵ୍ଯାପକନ୍ଯାସଃ କର୍ତଵ୍ଯଃ ପରେମ୍ଶ୍ଵରି ॥ ୭॥
ଅକୁଲାଦିଷୁ ପୂର୍ବୋକ୍ତସ୍ଥାନେଷୁ ପରିଚିନ୍ତଯେତ୍ ।
ଚକ୍ରେଶ୍ଵରିସମାଯୁକ୍ତଂ ନଵଚକ୍ରଂ ପୁରୋଦିତମ୍ ॥ ୮॥
ତାସାଂ ନାମାନି ଵକ୍ଷ୍ଯାମି ଯଥାନୁକ୍ରମଯୋଗତଃ ।
ତତ୍ରାଦ୍ଯା ତ୍ରିପୁରା ଦେଵୀ ଦ୍ଵିତୀଯା ତ୍ରିପୁରେଶ୍ଵରୀ ॥ ୯॥
ତୃତୀଯା ଚ ତଥା ପ୍ରୋକ୍ତା ଦେଵୀ ତ୍ରିପୁରସୁନ୍ଦରୀ ।
ଚତୁର୍ଥୀ ଚ ମହାଦେଵୀ ଦେଵୀ ତ୍ରିପୁରଵାସିନୀ ॥ ୧୦॥
ପଞ୍ଚମୀ ତ୍ରିପୁରା ଶ୍ରୀଃ ସ୍ଯାତ୍ ଷଷ୍ଟୀ ତ୍ରିପୁରମାଲିନୀ ।
ସପ୍ତମୀ ତ୍ରିପୁରା ସିଦ୍ଧିରଷ୍ଟମୀ ତ୍ରିପୁରାମ୍ବିକା ॥ ୧୧॥
ନଵମୀ ତୁ ମାହଦେଵୀ ମହାତ୍ରିପୁରସୁନ୍ଦରୀ ।
ପୂଜଯେଚ୍ଚ କ୍ରମାଦେତା ନଵଚକ୍ରେ ପୁରୋଦିତେ ॥ ୧୨॥
ଏଵଂ ନଵପ୍ରକାରାଦ୍ଯା ପୁଜାକଲେ ତୁ ପାର୍ଵତି ।
ଏକାକାରା ହ୍ଯାଦ୍ଯଶକ୍ତିରଜରାମରକାରିଣୀ ॥ ୧୩॥
ମନ୍ତ୍ରସଙ୍କେତକସ୍ତସ୍ଯା ନାନାକାରୋ ଵ୍ଯଵସ୍ଥିତଃ ।
ନାନାମନ୍ତ୍ରକର୍ମେଣୈଵ ପାରମ୍ପର୍ଯେଣ ଲଭ୍ଯତେ ॥ ୧୪॥
ଷଡଵିଧସ୍ତଂ ତୁ ଦେଵେଶି କଥଯାମି ତଵାନଧେ ।
ଭାଵାର୍ଥଃ ସମ୍ପ୍ରଦାଯାର୍ଥୋ ନିଗମାର୍ଥଶ୍ଚ କୌଲିକଃ ॥ ୧୫॥
ତଥା ସର୍ଵରହସ୍ଯାର୍ଥୋ ମହାତତ୍ତ୍ଵାର୍ଥ ଏଵ ଚ ।
ଅକ୍ଷରାର୍ଥୋ ହି ଭାଵାର୍ଥଃ କେଵଲଃ ପରମେଶ୍ଵରି ॥ ୧୬॥
ଯୋଗିନୀଭିସ୍ତଥା ଵିରୈର୍ଵୀରେନ୍ଦ୍ରାଇଃ ସର୍ଵଦା ପ୍ରିଯେ ।
ଶିଵଶକ୍ତିସମାଯୋଗାଽଜ୍ଜନିତୋ ମନ୍ତ୍ରରାଜକଃ ॥ ୧୭॥
ତନ୍ମଯୀଂ ପରମାନନ୍ଦନନ୍ଦିତାଂ ସ୍ପନ୍ଦରୂପିଣୀମ୍ ।
ନିସର୍ଗସୁନ୍ଦରୀଂ ଦେଵୀଂ ଜ୍ଞାତ୍ଵା ସ୍ଵୈରମୁପାସତେ ॥ ୧୮॥
ଶିଵଶକ୍ତ୍ଯାତ୍ମସଂଘଟ୍ଟରୂପେ ବ୍ର୍ହ୍ମାଣି ଶାଶ୍ଵତେ ।
ତତ୍ପ୍ରଥାପ୍ରସରାଶ୍ଲେଷଭୁଵି ତ୍ଵୈନ୍ଦ୍ରୋପଲକ୍ଷିତେ ॥ ୧୯॥
ଜ୍ଞାତୃଜ୍ଞାନମଯାକାରସନନାନ୍ମନ୍ତ୍ରରୂପିଣୀ ।
ତେଷାଂ ସମଷ୍ଟିରୂପେଣ ପରାଶକ୍ତିସ୍ତୁ ମାତୃକା ॥ ୨୦॥
ମଧ୍ଯବିନ୍ଦୁଵିସର୍ଗାନ୍ତଃ ସମାସ୍ଥାନମଯେ ପରେ ।
କୁଟିଲାରୂପକେ ତସ୍ଯାଃ ପ୍ରତିରୂପେ ଵିଯତ୍କଲେ ॥ ୨୧॥
ମଧ୍ଯପ୍ରାଣପ୍ରଥାରୂପପସ୍ପନ୍ଦଵ୍ଯୋମ୍ନି ସ୍ଥିତ ପୁନଃ ।
ମଧ୍ଯମେ ମନ୍ତ୍ରପିଣ୍ଡେ ତୁ ତୃତୀଯେ ପିଣ୍ଡକେ ପୁନଃ ॥ ୨୨॥
ରାହୁକୂଟାଦ୍ଵଯସ୍ଫୂର୍ଜଚ୍ଚଲତ୍ତାସଂସ୍ଥିତସ୍ଯ ତୁ ।
ଧର୍ମାଧର୍ମସ୍ଯ ଵାଚ୍ଯସ୍ଯ ଵିଷାମୃତମଯସ୍ଯ ଚ ॥ ୨୩॥
ଵାଚକ୍ରାକ୍ଷରସଂଯୋଗାତ୍ କଥିତା ଵିଶ୍ଵରୂପିଣୀ ।
ତେଷାଂ ସମଷ୍ଟିରୂପେଣ ପରାଶକ୍ତିଂ ତୁ ମାତୃକାମ୍ ॥ ୨୪॥
କୂଟତ୍ରଯାତ୍ମିକାଂ ଦେଵୀଂ ସମଷ୍ଟିଵ୍ଯଷ୍ଟିରୂପିଣିମ୍ ।
ଆଦ୍ଯାଂ ଶକ୍ତିଂ ଭାଵଯନ୍ତୋ ଭାଵାର୍ଥମିତି ମନ୍ଵତେ ॥ ୨୫॥
ସମ୍ପ୍ରଦାଯୋ ମହାବୋଧରୂପୋ ଗୁରୁମୁଖେ ସ୍ଥିତଃ ।
ଵିଶ୍ଵାକାରପ୍ରଥାଯାସ୍ତୁ ମହତ୍ତ୍ଵଞ୍ଚ ଯଦାଶ୍ରଯମ୍ ॥ ୨୬॥
ଶିଵଶକ୍ତ୍ଯାଦ୍ଯଯା ମୂଲଵିଦ୍ଯଯା ପରମେଶ୍ଵରି ।
ଜଗତ୍କୃତ୍ସ୍ନଂ ତଯା ଵ୍ଯାପ୍ତଂ ଶୃଣୁଷ୍ଵାଵହିତା ପ୍ରିଯେ ॥ ୨୭॥
ପଞ୍ଚଭୂତମଯଂ ଵିଶ୍ଵଂ ତନ୍ମଯୀ ସା ସଦାନଘେ ।
ତନ୍ମଯୀ ମୂଲଵିଦ୍ଯା ଚ ତଦଦ୍ଯ କଥଯାମ୍ମି ତେ ॥ ୨୮॥
ହକାରାଦ୍ ଵ୍ଯୋମ ସମ୍ଭୂତଂ କକାରାତ୍ତୁ ପ୍ରଭଞ୍ଜନହ୍ ।
ରେଫାଦଗ୍ନିଃ ସକାରାଚ୍ଚ ଜଲତତ୍ତ୍ଵସ୍ଯ ସମ୍ଭଵଃ ॥ ୨୯॥
ଲକାରାତ୍,ହ୍ ପୃଥିଵୀ ଜାତା ତସ୍ମାଦ୍ ଵିଶ୍ଵମଯୀ ଚ ସା ।
ଗୁଣାଃପଞ୍ଚଦଶ ପ୍ରୋକ୍ତା ଭୂତାନଂ ତନ୍ମଯୀ ଶିଵା ॥ ୩୦॥
ଯସ୍ଯ ଯସ୍ଯ ପଦାର୍ଥସ୍ଯ ସା ଯା ଶକ୍ତିରୁଦୀରିତା ।
ସା ସା ସର୍ଵେଶ୍ଵରୀ ଦେଵୀ ସ ସ ସର୍ଵୋ ମହେଶ୍ଵରଃ ॥ ୩୧॥
ଵ୍ଯାପ୍ତା ପଞ୍ଚଦଶାର୍ଣଃ ସା ଵିଦ୍ଯା ଭୂତଗୁଣାତ୍ମିକାଃ ।
ପଞ୍ଚଭିଶ୍ଚ ତଥା ଷଡ୍ ଭିଶ୍ଚତୁର୍ଭିରପି ଚାକ୍ଷରଃ ॥ ୩୨॥
ସ୍ଵରଵ୍ଯଞ୍ଜନଭେଦେନ ସପ୍ତତ୍ରିଂଶତ୍ପ୍ରଭେଦେନୀ ।
ସପ୍ତତ୍ରିଂଶତ୍ପ୍ରଭେଦେନ ଷଟ୍ ତ୍ରିଂଶତତ୍ତ୍ଵରୂପିଣୀ ॥ ୩୩॥
ତତ୍ତ୍ଵାତୀତସ୍ଵଭାଵା ଚ ଵିଦ୍ଯୈଷଂ ଭାଵ୍ଯତେ ସଦା ।
ପୃଥିଵ୍ଯାଦିଷୁ ଭୂତେଷୁ ଵ୍ଯାପକଂ ଚୋତ୍ତରୋତ୍ତରମ୍ ॥ ୩୪॥
ଭୂତଂ ତ୍ଵଧସ୍ତନଂ ଵ୍ଯାପ୍ଯଂ ତଦ୍ ଗୁଣା ଵ୍ଯାପକାଶ୍ରଯାଃ ।
ଵ୍ଯାପ୍ଯେଷ୍ଵଵସ୍ଥିତା ଦେଵି ସ୍ଥୂଲସୂକ୍ଷ୍ମଵିଭେଦତଃ ॥ ୩୫॥
ତସ୍ମାଦ୍ଵ୍ଯୋମଗୁଣଃ ଶବ୍ଦୋ ଵାଯ୍ଵାଦୀନ୍ ଵ୍ଯାପ୍ଯ ସଂସ୍ଥିତଃ ।
ଵ୍ଯୋମବିହୈସ୍ତୁ ଵିଦ୍ଯାସ୍ଥୈର୍ଲକ୍ଷଯେଚ୍ଛବ୍ଦପଞ୍ଚକମ୍ ॥ ୩୬॥
ତେଷାଂ କାରୁଣରୂପେଣ ସ୍ଥିତ ଧ୍ଵନିମଯଂ ପରମ୍ ।
ଭଵେଦ୍ ଗୁଣଵତାଂ ବୀଜଂ ଗୁଣାନାମପି ଵାଚକମ୍ ॥ ୩୭॥
କାର୍ଯକାରଣଭାଵେନ ତଯୋରୈକ୍ଯ ଵିଵକ୍ଷଯା ।
ମହାମାଯାତ୍ରଯେଣାପି କାରଣେନ ଚ ବିନ୍ଦୁନା ॥ ୩୮॥
ଵାଯ୍ଵାଗ୍ନିଜଲଭୂମୀନାଂ ସ୍ପର୍ଶାନାଂ ଚ ଚତୁଷ୍ଟଯମ୍ ।
ଉତ୍ପନ୍ନଂ ଭାଵଯେଦ୍ ଦେଵି ସ୍ଥୂଲସୂକ୍ଷ୍ମଵିଭେଦତଃ ॥ ୩୯॥
ରୂପାଣାଂ ତ୍ରିତଯଂ ତଦ୍ଵତ୍ ତ୍ରିଭୀ ରେଫୈର୍ଵିଭାଵିତମ୍ ।
ପ୍ରଧାନଂ ତେଜସୋ ରୂପଂ ତଦ୍ ବୀଜେନ ହି ଜନ୍ଯତେ ॥ ୪୦॥
ଵିଦ୍ଯାସ୍ଥୈଶ୍ଚନ୍ଦ୍ରବୀଜୈସ୍ତୁ ସ୍ଥୂଲସୂକ୍ଷ୍ମୋ ରସଃ ସ୍ମୃତଃ ।
ସମ୍ବନ୍ଧୋ ଵିଦିତୋ ଲୋକେ ରସସ୍ଯାପ୍ଯମୃତସ୍ଯ ଚ ॥ ୪୧॥
ଵସୁ ଧାଯା ଗୁଣୋ ଗନ୍ଧସ୍ତଲ୍ଲିପିର୍ଗନ୍ଧଵାଚିକା ।
ଭୁଵନତ୍ରଯସମ୍ଭନ୍ଧାତ୍ ତ୍ରିଧାତ୍ଵଂ ତୁ ମହେଶ୍ଵରି ॥ ୪୨॥
ଅଶୁଦ୍ଧଶୁଦ୍ଧମିଶ୍ରାଣାଂ ପ୍ରମାତୄଣାଂ ପରଂ ଵପୁଃ ।
କ୍ରୋଧୀଶତ୍ରିତଯେ ନାଥ ଵିଦ୍ଯାସ୍ଥେନ ପ୍ରକାଶ୍ଯତେ ॥ ୪୩॥
ଶ୍ରୀକଣ୍ଠଦଶକଂ ତଦ୍ଵଦ ଵ୍ଯକ୍ତସ୍ଯାପି ଵାଚକଃ ।
ପ୍ରାଣରୂପସ୍ଥିତୋ ଦେଵି ତଦ୍ଵଦେକାଦଶଃ ପରଃ ॥ ୪୪॥
ଏକଃ ସନ୍ନେଵ ପୁରୁଷୋ ବହୁଧା କାଯତେ ହି ସଃ ।
ରୁଦ୍ରେଶ୍ଵରସଦେଶାଖ୍ଯା ଦେଵତା ମିତଵିଗ୍ରହାଃ ॥ ୪୫॥
ବିନ୍ଦୁତ୍ରଯେଣ କଥିତା ଅମିତାମିତଵିଗ୍ରହାଃ ।
ଶାନ୍ତିଃ ଶକ୍ତିଶ୍ଚ ଶମ୍ଭୁଶ୍ଚ ନାଦତ୍ରିତଯବୋଧନାଃ ॥ ୪୬॥
ଵାଗୁରାମୂଲଵଲଯେ ସୂତ୍ରାଦ୍ଯାଃ କଵଲୀକୃତାଃ ।
ତଥା ମନ୍ତ୍ରାଃ ସମସ୍ତାଶ୍ଚ ଵିଦ୍ଯାଯାମତ୍ର ସଂସ୍ଥିତାଃ ॥ ୪୭॥
ଗୁରୁକ୍ରମେଣ ସମ୍ପ୍ରାପ୍ତଃ ସମ୍ପ୍ରଦାଯାର୍ଥ ଈରିତଃ ।
ନିଗର୍ଭାର୍ଥୋ ମହଦେଵି ଶିଵଗୁର୍ଵାତ୍ମଗୋଚରଃ ॥ ୪୮॥
ଶିଵଗୁର୍ଵାତ୍ମନାମୈକ୍ଯାନୁସଂଧାନାତ୍ତଦାତ୍ମକମ୍ ॥ ୪୯॥
ନିଷ୍କଲତ୍ଵଂ ଶିଵେ ବୁଧ୍ଵା ତଦ୍ରୂପତ୍ଵଂ ଗୁରୋରପି ।
ତନ୍ନିରୀକ୍ଷଣସାମର୍ଥ୍ଯାଦାତ୍ମନଶ୍ଚ ଶିଵାତ୍ମତାମ୍ ॥ ୫୦॥
ଭାଵଯେଦଭକ୍ତିନମ୍ରଃ ସଙ୍କୋଚୋନ୍ମେଷାକଲଙ୍କିତଃ ।
କୌଲିକଂ କଥଯିଷ୍ଯାମି ଚକ୍ରଦେଵତଯୋରପି ॥ ୫୧॥
ଵିଦ୍ଯାଗୁର୍ଵାତ୍ମନାମୈକ୍ଯଂ ତତ୍ପ୍ରକାରଃ ପ୍ରଦର୍ଶ୍ଯତେ ।
ଲକାରୈଶ୍ଚତୁରସ୍ରାଣି ଵୃତ୍ତତ୍ରିତଯସଂଯୁତମ୍ ॥ ୫୨॥
ସରୋରୁହଦ୍ଵଯଂ ଶକ୍ତୈରଗ୍ନୀଷୋମାତ୍ମକଂ ପ୍ରିଯେ।
ହୃଲ୍ଲେଖାତ୍ରଯସଂଭୂତୈରକ୍ଷରୈର୍ନଵସଙ୍ଖ୍ଯକୈଃ ॥ ୫୩॥
ବିନ୍ଦୁତ୍ରଯଯୁତୈର୍ଜାତଂ ନଵଯୋନ୍ଯାତ୍ମକଂ ପ୍ରିଯେ।
ମଣ୍ଡଲତ୍ରଯଯୁକ୍ତଂ ତୁ ଚକ୍ରଂ ଶକ୍ତ୍ଯନଲାତ୍ମକମ୍ ॥ ୫୪॥
ଵ୍ଯୋମବୀଜତ୍ରଯେଣୈଵ ପ୍ରମାତୃତ୍ରିତ୍ଯାନ୍ଵିତମ୍।
ଇଚ୍ଛାଜ୍ଞାନକ୍ରିଯାରୂପମାଦନତ୍ରଯସଂଯୁତମ୍ ॥ ୫୫॥
ସଦାଶିଵାସନଂ ଦେଵି ମହାବିନ୍ଦୁମଯଂ ପରମ୍।
ଇତ୍ଥଂ ମନ୍ତ୍ରାତ୍ମକଂ ଚକ୍ରଂ ଦେଵତାଯାଃ ପରଂ ଵପୁଃ ॥ ୫୬॥
ଏକାଦଶାଧିକଶତଦେଵତାତ୍ମତଯା ପୁନଃ ।
ଗଣେଶତ୍ଵଂ ମହାଦେଵ୍ଯାଃ ସସୋମରଵିପାଵକୈଃ ॥ ୫୭॥
ଇଚ୍ଛାଜ୍ଞାନକ୍ରିଯାଭିଶ୍ଚ ଗୁଣତ୍ରଯଯୁତୈହ୍ ପୁନଃ।
ଗ୍ରହରୂପା ଚ ସା ଦେଵୀ ଜ୍ଞାନକର୍ମେନ୍ଦ୍ରିଯୈରପି ॥ ୫୮॥
ତଦର୍ଥୈରେଵ ଦେଵେଶି କରଣୈରାନ୍ତରୈଃ ପୁନଃ।
ପ୍ରକୃତ୍ଯା ଚ ଗୁଣେନାପି ପୁଂସ୍ତ୍ଵବନ୍ଧେନ ଚାତ୍ମନା ॥ ୫୯॥
ନକ୍ଷତ୍ରଵିଗ୍ରହା ଜାତା ଯୋଗିନୀତ୍ଵମଥୋଚ୍ଯତେ।
ତ୍ଵଗାଦିଧାତୁନାଥାଭିର୍ଡାକିନ୍ଯାଦିଭିରପ୍ଯସୌ ॥ ୬୦॥
ଵର୍ଗାଷ୍ଟକନିଵିଷ୍ଟାଭିର୍ଯୋଗିନୀଭିଶ୍ଚ ସଂଯୁତା।
ଯୋଗିନୀରୂପମାସ୍ଥାଯ ରାଜତେ ଵିଶ୍ଵଵିଗ୍ରା ॥ ୬୧॥
ପ୍ରାଣାପାନୌ ସମାନଶ୍ଚୋଦନଵ୍ଯାନୌ ତଥା ପୁନଃ।
ନାଗଃ କୂର୍ମୋଽଥ କୃକରୋ ଦେଵଦତ୍ତୋ ଧନଞ୍ଜଯଃ ॥ ୬୨॥
ଜୀଵାତ୍ମା ପର୍ମାତ୍ମା ଚୈତ୍ଯେତୈ ରାଶିସ୍ଵରୂପିଣୀ।
ଅକଥାଦିତ୍ରିପଙ୍କ୍ତ୍ଯାତ୍ମା ତାର୍ତିଯାଦିକ୍ରମେଣ ସା ॥ ୬୩॥
ଗଣେଶୋଽଭୂନ୍ମହାଵିଦ୍ଯା ପରାଵାଗାଦିଵାଙ୍ମଯୀ।
ବୀଜବିନ୍ଦୁଧ୍ଵନୀନାଂ ଚ ତ୍ରିକୂଟେଷୁ ଗ୍ରହାତ୍ମିକା ॥ ୬୪॥
ହୃଲ୍ଲେଖାତ୍ରଯସଂଭୂତୈସ୍ତିଥିସଂଖ୍ଯୈସ୍ତଥାକ୍ଷରୈଃ।
ଅନ୍ଯୈର୍ଦ୍ଵାଦଶଭିର୍ଵର୍ଣୈରେଷା ନକ୍ଷତ୍ରରୂପିଣୀ ॥ ୬୫॥
ଵିଦ୍ଯାନନ୍ତର୍ଭୂତଶକ୍ତ୍ଯାଦ୍ଯୈଃ ଶାକ୍ତୈଃ ଷଡ୍ ଭିସ୍ତଥାକ୍ଷରୈଃ।
ଯୋଗିନୀତ୍ଵଂ ଚ ଵିଦ୍ଯାଯ ରାଶିତ୍ଵଂ ଚାନ୍ତ୍ଯଵର୍ଜିତୈଃ ॥ ୬୬॥
ଏଵଂ ଵିଶ୍ଵପ୍ରକାରା ଚ ଚକ୍ର ରୂପା ମହେଶ୍ଵରୀ।
ଦେଵ୍ଯା ଦେହେ ଯଥା ପ୍ରୋକ୍ତୋ ଗୁରୁଦେହେ ତଥୈଵ ହି ॥ ୬୭॥
ତତ୍ପ୍ରସାଦାଚ୍ଚ ଶିଷ୍ଯୋଽପି ତଦ୍ରୂପଃ ସମ୍ପ୍ରଜାଯତେ।
ଇତ୍ଯେଵଂ କୌଲିକାର୍ଥସ୍ତୁ କଥିତୋ ଵିରଵନ୍ଦିତେ ॥ ୬୮॥
ତଥା ସର୍ଵରହ୍ସ୍ଯାର୍ଥଂ କଥଯାମି ତଵାନଘେ।
ମୂଲାଧାରେ ତଡିଦ୍ରୂପେ ଵାଗ୍ଭଵାକାରତାଂ ଗତେ ॥ ୬୯॥
ଅଷ୍ଟାତ୍ରିଂଶତ୍କଲାଯୁକ୍ତପଞ୍ଚାଶଦ୍ଵର୍ଣଵିଗ୍ରହା।
ଵିଦ୍ଯା କୁଣ୍ଡଲିନୀରୂପା ମଣ୍ଦଲତ୍ରଯଭେଦିନୀ ॥ ୭୦॥
ତଡିତ୍କୋଟିନିଭପ୍ରଖ୍ଯା ବିସତନ୍ତୁନିଭାକୃତିଃ।
ଵ୍ଯୋମେନ୍ଦୁମଣ୍ଡଲାସକ୍ତା ସୁଧାସ୍ତ୍ରୋତଃସ୍ଵରୂପିଣୀ ॥ ୭୧॥
ସଦା ଵ୍ଯାପ୍ତଜଗତ୍ କୃତ୍ସ୍ନା ସଦାନନ୍ଦସ୍ଵରୂପିଣୀ।
ଏଷା ସ୍ଵାତ୍ମେତି ବୁଦ୍ଧିସ୍ତୁ ରହସ୍ଯାର୍ଥୋ ମହେଶ୍ଵରି ॥ ୭୨॥
ମହାତତ୍ତ୍ଵାର୍ଥଂ ଇତି ଯତ୍ତଚ ଦେଵି ଵଦାମି ତେ।
ନିଷ୍କଲେ ପ୍ରମେ ସୂକ୍ଷ୍ମେ ନିର୍ଲକ୍ଷ୍ଯେ ଭାଵଵର୍ଜିତେ ॥ ୭୩॥
ଵ୍ଯୋମାତୀତେ ପରେ ତତ୍ତ୍ଵେ ପ୍ରକାଶାନନ୍ଦଵିଗ୍ରହେ।
ଵିଶ୍ଵୋତ୍ତିର୍ଣେ ଵିଶ୍ଵମଯେ ତତ୍ତ୍ଵେ ସ୍ଵାତ୍ମନିଯୋଜନମ୍ ॥ ୭୪॥
ତଦା ପ୍ରକାଶମାନତ୍ଵଂ ତେଜସାଂ ତମସାମପି।
ଅଵିନାଭାଵରୂପତ୍ଵଂ ତସ୍ମାଦ୍ଵିଶ୍ଵସ୍ଯ ସର୍ଵତଃ ॥ ୭୫॥
ପ୍ରକାଶତେ ମହାତତ୍ତ୍ଵଂ ଦିଵ୍ଯକ୍ରୀଡାରସୋଜ୍ଜ୍ଵଲେ।
ନିରସ୍ତସର୍ଵସଂକଲ୍ପଵିକଲ୍ପସ୍ଥିତିପୂର୍ଵକଃ ॥ ୭୬॥
ରହସ୍ଯାର୍ଥୋ ମଯା ଗୁପ୍ତଃ ସଦ୍ଯଃ ପ୍ରତ୍ଯଯକାରକଃ।
ମହାଜ୍ଞାନାର୍ଣଵେ ଦୃଷ୍ଟଃ ଶଙ୍କା ତତ୍ର ନ ପାର୍ଵତି ॥ ୭୭॥
ଵିଦ୍ଯାପୀଠନିବଦ୍ଧେଷୁ ସଂସ୍ଥିତୋ ଦିଵ୍ଯସିଦ୍ଧିଦଃ।
କୌଲାଚାରପରୈର୍ଦେଵି ପାଦୁକାଭାଵନାପରୈଃ ॥ ୭୮॥
ଯୋଗିନୀମେଲନୋଦ୍ଯୁକ୍ତୈଃ ପ୍ରାପ୍ତଵିଦ୍ଯାଭିଷେଚନୈଃ।
ଶଙ୍କାକଲଙ୍କଵିଗତୈଃ ସଦା ମୁଦିତମାନସୈଃ ॥ ୭୯॥
ପାରମ୍ପର୍ଯେଣ ଵିଜ୍ଞାତରହସ୍ଯାର୍ଥଵିଶାରଦୈଃ।
ଲଭ୍ଯତେ ନାନ୍ଯଥ ଦେଵି ତ୍ଵାଂ ଶପେକୁଲସୁନ୍ଦରି ॥ ୮୦॥
ପାରମ୍ପର୍ଯଵିହୀନା ଯେ ଜ୍ଞାନମାତ୍ରେଣ ଗର୍ଵିତାଃ।
ତେଷାଂ ସମଯଲୋପେନ ଵିକୁର୍ଵନ୍ତି ମରୀଚଯଃ ॥ ୮୧॥
ଯସ୍ତୁ ଦିଵ୍ଯରସାସ୍ଵାଦମୋଦମାନଵିମର୍ଶନଃ।
ଦେଅତାତିଥିନକ୍ଷତ୍ରେ ଵାରେଽପି ଚ ଵିଵସ୍ଵତଃ ॥ ୮୨॥
ମରୀଚୀନ୍ ପ୍ରୀଣଯତ୍ଯେଵ ମଦିରାନନ୍ଦଘୂର୍ଣିତଃ।
ସର୍ଵଦା ଚ ଵିଶେଷଣ ଲଭତେ ପୂର୍ଣବୋଧତାମ୍ ॥ ୮୩॥
ଏଵଂଵ୍ହାଵସ୍ତୁ ଦେଵେଶି ଦେଶିକେନ୍ଦ୍ରପ୍ରସାଦତଃ।
ମହାଜ୍ଞାନମଯୋ ଦେଵି ସଦ୍ଯଃ ସମ୍ପ୍ରାପ୍ଯତେ ନରୈଃ ॥ ୮୪॥
ଏଵମେତତ୍ପ୍ରଦଂ ଜ୍ଞାନଂ ଵିଦ୍ଯାର୍ଣାଗମଗୋଚରମ୍।
ଦେଵି ଗୁହ୍ଯପ୍ରିଯେଣୈଵ ଵ୍ଯାଖ୍ଯାତଂ ଦୁର୍ଗି ଷଡ୍ ଵିଧମ୍।
ସଦ୍ଯୋ ଯସ୍ଯ ପ୍ରବୋଧେନ ଵୀରଚକ୍ରେଶ୍ଵରୋ ଭଵେତ୍ ॥ ୮୫॥
ଅଥ ତୃତାଯଃ ପଟଲଃ
ପୂଜାସଙ୍କେତମଧୁନା କଥଯାମି ତଵାନଘେ।
ଯସ୍ଯ ପ୍ରବୋଧମାତ୍ରେଣ ଜିଵନ୍ମୁକ୍ତଃ ପ୍ରମୋଦତେ ॥ ୧॥
ତଵ ନିତ୍ଯୋଦିତା ପୂଜା ତ୍ରିଭିର୍ଭେଦୈର୍ଵ୍ଯଵସ୍ଥିତା।
ପରା ଚାପ୍ଯପର ଗୌରି ତୃତୀଯା ଚ ପରାପରା ॥ ୨॥
ପ୍ରଥମାଦ୍ଵୈତଭାଵସ୍ଥା ସର୍ଵପ୍ରସରଗୋଚରା।
ଦ୍ଵିତୀଯା ଚକ୍ରପୂଜା ଚ ସଦା ନିଷ୍ପାଦ୍ଯତେ ମଯା ॥ ୩॥
ଏଵଂ ଜ୍ଞାନମଯେ ଦେଵି ତୃତୀଯା ତୁ ପରାପରା।
ଉତ୍ତମା ସା ପରା ଜ୍ଞେଯା ଵିଧାନଂ ଶୃଣୁ ସାମ୍ପ୍ରତମ୍ ॥ ୪॥
ମହାପଦ୍ମଵନାନ୍ତସ୍ଥେ ଵାଗ୍ଭଵେ ଗୁରୁପାଦୁକାମ୍।
ଆପ୍ଯାଯିତଜଗଦ୍ରୂପାଂ ପର୍ମାମୃତଵର୍ଷିଣୀମ୍ ॥ ୫॥
ସଞ୍ଚିନ୍ତ୍ଯ ପରମାଦ୍ଵୈତଭାଵନାମୃତଘୂର୍ଣିତଃ।
ଦହରାନ୍ତରସଂସର୍ପନ୍ନାଦାଲୋକନତତ୍ପରଃ ॥ ୬॥
ଵିକଲ୍ପରୂପସଂଜଲ୍ପଵିମୁଖୋଽନ୍ତର୍ମୁଖଃ ସଦା।
ଚିତ୍କଲୋଲ୍ଲାସଦଲିତସଂକୋଚସ୍ତ୍ଵତିସୁନ୍ଦରଃ।
ଇନ୍ଦ୍ରିଯପ୍ରୀଣନଦ୍ରଵ୍ଯୈଵିଂ ହିତସ୍ଵାତ୍ମପୂଜନଃ ॥ ୭॥
ନ୍ଯାସଂ ନିର୍ଵର୍ତଯେଦେହେ ଷୋଢାନ୍ଯାସପୁରଃସରମ୍।
ଗଣେଶୈଃ ପ୍ରଥମୋ ନ୍ଯାସୋ ଦ୍ଵିତୀତସ୍ତୁ ଗ୍ରହୈର୍ମତଃ ॥ ୮॥
ନକ୍ଷତ୍ରୈଶ୍ଚ ତୃତୀଯଃ ସ୍ଯାଦ୍ଯୋଗିନୀଭିଶ୍ଚତୁର୍ଥକଃ।
ରାଶିଭିଃ ପଞ୍ଚମୋ ନ୍ଯାସଃ ଷଷ୍ଠଃ ପୀଠୈର୍ନିଗଦ୍ଯତେ ॥ ୯॥
ଷୋଢାନ୍ଯାସସ୍ତ୍ଵଯଂ ପ୍ରୋକ୍ତଃ ସର୍ଵତ୍ରୈଵାପରାଜିତଃ।
ଏଵଂ ଯୋ ନ୍ଯସ୍ତଗାତ୍ରସ୍ତୁ ସ ପୂଜ୍ଯଃ ସର୍ଵଯୋଗିଭିଃ ॥ ୧୦॥
ନାସ୍ତ୍ଯସ୍ଯ ପୂଜ୍ଯୋ ଲୋକେଷୁ ପିତୃମାତୃମୁଖୋ ଜନଃ।
ସ ଏଵ ପୂଜ୍ଯଃ ସର୍ଵେଷାଂ ସ ସ୍ଵଯଂ ପରମେଶ୍ଵରଃ ॥ ୧୧॥
ଷୋଢାନ୍ଯାସଵିହୀନଂ ଯଂ ପ୍ରଣମେଦେଷ ପାର୍ଵତି।
ସୋଽଚିରାନ୍ମୃତ୍ଯୁମାପ୍ନୋତି ନରକଂ ଚ ପ୍ରପଦ୍ଯତେ ॥ ୧୨॥
ଷୋଢାନ୍ଯାସପ୍ରକାରଂ ଚ କଥଯାମି ତଵାନଘେ।
ଵିଘ୍ନେଶୋ ଵିଘ୍ନରାଜଶ୍ଚ ଵିନାଯକଶିଵୋତ୍ତମୌ ॥ ୧୩॥
ଵିଘ୍ନକୃଦ୍ଵିଘ୍ନହର୍ତା ଚ ଗଣରାଟ୍ ଗଣନାଯକଃ।
ଏକଦନ୍ତୋ ଦ୍ଵିଦନ୍ତଶ୍ଚ ଗଜଵକ୍ତ୍ରୋ ନିରଞ୍ଜନଃ ॥ ୧୪॥
କପର୍ଦଵାନ୍ ଦୀର୍ଘମୁଖଃ ଶଙ୍କୁକର୍ଣୋ ଵୃଷଧ୍ଵଜଃ।
ଗଣନାଥୋ ଗଜେନ୍ଦ୍ରଶ୍ଚ ଶୁର୍ପକର୍ଣସ୍ତ୍ରିଲୋଚନଃ ॥ ୧୫॥
ଲମ୍ବୋଦରୋ ମହାନାଦଶ୍ଚତୁର୍ମୂର୍ତିଃ ସଦାଶିଵଃ।
ଆମୋଦୋ ଦୁର୍ମୁଖଶ୍ଚୈଵ ସୁମୁଖଶ୍ଚ ପ୍ରମୋଦକଃ ॥ ୧୬॥
ଏକପାଦୋ ଦ୍ଵିଜିହ୍ଵଶ୍ଚ ଶୂରୋ ଵୀରଶ୍ଚ ଷଣ୍ମୁଖଃ।
ଵରଦୋ ଵାମଦେଵଶ୍ଚ ଵକ୍ରତୁଣ୍ଡୋ ଦ୍ଵିରଣ୍ଡକଃ ॥ ୧୭॥
ସେନାନୀର୍ଗ୍ରାମଣୀର୍ମତ୍ତୋ ଵିମତ୍ତୋ ମତ୍ତଵାହନଃ।
ଜଟୀ ମୁଣ୍ଡୀ ତଥା ଖଡ୍ଗୀ ଵରେଣ୍ଯୋ ଵୃଷକେତନଃ ॥ ୧୮॥
ଭକ୍ଷ୍ଯପ୍ରିଯୋ ଗଣେଶଶ୍ଚ ମେଘନାଦୋ ଗଣେଶ୍ଵରଃ।
ତରୁଣାରୁଣସଙ୍କାଶାନ୍ ଗଜଵକ୍ତ୍ରାନ୍ ତ୍ରିଲୋଚନାନ୍ ॥ ୧୯॥
ପାଶାଙ୍କୁଶଵରାଭୀତିହସ୍ତାନ୍ ଶକ୍ତିସମନ୍ଵିତାନ୍।
ଏତାଂସ୍ତୁ ଵିନ୍ଯସେଦେହେ ମାତୃକାନ୍ଯାସଵତ୍ପ୍ରିଯେ ॥ ୨୦॥
ସ୍ଵରୈସ୍ତୁ ସହିତଂ ସୂର୍ଯଂ ହୃଦଯାଥଃ ପ୍ରଵିନ୍ଯସେତ୍।
ବିନ୍ଦୁସ୍ଥାନେ ସୁଧାସୂତିଂ ଯାଦିଵର୍ଣଚତୁଷ୍ଟଯୈଃ ॥ ୨୧॥
ଭୂପୁତ୍ରଂ ଲୋଚନଦ୍ଵନ୍ଦ୍ଵ କଵର୍ଗାଧିପତିଂ ପ୍ରିଯେ।
ହୃଦଯେ ଵିନ୍ଯସେଚ୍ଛୁକ୍ରଂ ଚଵର୍ଗାଧିପତିଂ ପୁନଃ ॥ ୨୨॥
ହୃଦଯୋପରି ଵିନ୍ଯସେଟ୍ଟଵର୍ଗାଧିପତିଂ ବୁଧମ୍।
ବୃହସ୍ପତିଂ କଣ୍ଠଦେଶେ ତଵର୍ଗାଧିପତିଂ ପ୍ରିଯେ ॥ ୨୩॥
ନାଭୌ ଶନୈଶ୍ଚରଂ ଦେଵି ପଵର୍ଗେଶଂ ସୁରେଶ୍ଵରି।
ଵକ୍ତ୍ରେଶାଦିଚତୁର୍ଵର୍ଣୈଃ ସହିତଂ ରାହୁମେଵ ଚ ॥ ୨୪॥
କ୍ଷକାରସହିତଂ କେତୁଂ ପାଯୋ ଦେଵେଶି ଵିନ୍ଯସେତ୍।
[ ରକ୍ତଂ ଶ୍ଵେତଂ ତଥା ରକ୍ତଂ ଶ୍ଯାମଂ ପୀତଂ ଚ ପାଣ୍ଡୁରମ୍।
କୃଷ୍ଣଂ ଧୂମ୍ରଂ ଧୂମ୍ରଧୂମ୍ରଂ ଭାଵଯେଦ୍ରଵିପୁର୍ଵକାନ୍॥
କାମରୂପଧରାନ୍ ଦେଵି ଦିଵ୍ଯାମ୍ବରଵିଭୂଷଣାନ୍।
ଵାମୋରୁନ୍ଯସ୍ତହସ୍ତାଂଶ୍ଚ ଦକ୍ଷହସ୍ତଵରପ୍ରଦାନ୍ ॥]
ଲଲାଟେ ଦକ୍ଷନେତ୍ରେ ଚ ଵାମେ କର୍ଣଦ୍ଵଯେ ପୁନଃ ॥ ୨୫॥
ପୁଟଯୋନିର୍ନାସିକାଯାଶ୍ଚ କଣ୍ଠେ ସ୍କନ୍ଧଦ୍ଵଯେ ପୁନଃ।
ପଶ୍ଚାତ୍କୂର୍ପରଯୁଗ୍ମେ ଚ ମଣିବନ୍ଧଦ୍ଵଯେ ପୁନଃ ॥ ୨୬॥
ସ୍ତନଯୋର୍ନାଭିଦେଶେ ଚ କଟିବନ୍ଧେ ତତଃ ପରମ୍।
ଊରୁଯୁଗ୍ମେ ତଥା ଜାନ୍ଵୋର୍ଜଙ୍ଘଯୋଶ୍ଚ ପଦଦ୍ଵଯେ ॥ ୨୭॥
[ ଆଦ୍ଯଯୁଗ୍ମନ୍ତଥା ଚୈକଂ ତସ୍ତ୍ରୀଣି ଚତୁଷ୍ଟଯମ୍।
ଏକମେକଂ ଦ୍ଵଯଞ୍ଚେତି ସ୍ଵରାଃ ପ୍ରୋକ୍ତାଶ୍ଚତୁର୍ଦଶ ॥ ୨୮॥
ଵ୍ଯଞ୍ଜନେଷ୍ଵେକମୁଭଯଂ ଦ୍ଵଯଂ ନ୍ଯସ୍ଯେଦତଃ ପରମ୍।
ଏକଂ ଯୁଗ୍ମଂ ଦ୍ଵଯନ୍ଦ୍ଵନ୍ଦ୍ଵମେକଂ ଯୁଗ୍ମଂ ଦ୍ଵଯନ୍ତତଃ ॥ ୨୯॥
ଏକଂ ତ୍ରଯଂ ତଥା ଚୈକଂ ଏକମେକଂ ଦ୍ଵଯନ୍ତଥା।
ଏକଂ ଦ୍ଵଯଂ ତ୍ରଯଂ ପଶ୍ଚାଲ୍ଲକ୍ଷଂ ଅଂ ମଶ୍ଚତୁଷ୍ଟଯମ୍ ॥ ୩୦॥
ଅଶିଵ୍ନ୍ଯାଦେଃ ପୁରୋ ଭଗେ ଦତ୍ଵା ଚକ୍ରମତୋ ନ୍ଯସେତ୍ ]
ଜ୍ଵଲତ୍କାଲାନଲପ୍ରଖ୍ଯା ଵରଦାଭଯପାଣଯଃ ॥ ୩୧॥
ନତିପାଣ୍ଯୋଽଶ୍ଵିନୀପୂର୍ଵାଃ ସର୍ଵାଭରଣଭୂଷିତାଃ।
ଏତାସ୍ତୁ ଵିନ୍ଯସେଦ୍ଦେଵି ସ୍ଥାନେଷ୍ଵେଷୁ ସୁରାର୍ଚିତେ ॥ ୩୨॥
ଵିଶୁଦ୍ଧୌ ହୃଦଯେ ନାଭୌ ସ୍ଵାଧିଷ୍ଟାନେ ଚ ମୂଲକେ।
ଆଜ୍ଞାଯାଂ ଧାତୁନାଥାଶ୍ଚ ନ୍ଯସ୍ତଵ୍ଯା ଡାଦିଦେଵତାଃ ॥ ୩୩॥
ଅମୃତାଦିଯୁତାଃ ସମ୍ଯଙ୍ନ୍ଯସ୍ତଵ୍ଯାଶ୍ଚ ସୁରେଶ୍ଵରି।
ପାଦେ ଲିଙ୍ଗେ ଚ କୁକ୍ଷୌ ଚ ହୃଦଯେ ବାହୁମୂଲଯୋଃ ॥ ୩୪॥
ଦକ୍ଷିଣଂ ପାଦମାରଭ୍ଯ ଵାମପାଦାଵସାନକମ୍।
ମେଷାଦିରାଶଯୋ ଵର୍ଣୈର୍ନ୍ଯସ୍ତଵ୍ଯାଃ ସହ ପାର୍ଵତି ॥ ୩୫॥
[ ଚତୁଷ୍କଂ ତ୍ରିତଯଂ ତ୍ରୀଣି ଦ୍ଵିତଯଂ ଦ୍ଵିତଯଂ ଦ୍ଵଯମ୍।
ପଞ୍ଚକଂ ପଞ୍ଚକଂ ପଞ୍ଚ ପଞ୍ଚକ୍ତଂ ପଞ୍ଚକଂ ତତଃ॥
ଚତ୍ଵାରି ମେରୁର୍ମିନେ ସ୍ଯୁଃ କନ୍ଯାଯାଂ ପଞ୍ଚ ଶାଦଯଃ। ]
ପିଠାନି ଵିନ୍ଯସେଦ୍ଦେଵି ମାତୃକାସ୍ଥାନକେ ପୁନଃ।
ତେଷାଂ ନାମାନି ଵକ୍ଷ୍ଯନ୍ତେ ଶୃଣୁଷ୍ଵାଵହିତା ପ୍ରିଯେ ॥ ୩୬॥
କାମରୂପଂ ଵାରାଣସୀ ନେପାଲଂ ପୌଣ୍ଡ୍ରଵର୍ଧନମ୍।
ଚରସ୍ଥିରଂ କାନ୍ଯକୁବ୍ଜଂ ପୂର୍ଣଶୈଲଂ ତଥାର୍ବୁଦମ୍ ॥ ୩୭॥
ଆମ୍ରାତକେଶ୍ଵରୈକାମ୍ରଂ ତ୍ରିସ୍ରୋତଃ କାମକୋଟକମ୍।
କୈଲାସଂ ଭୃଗୁନଗରଂ କେଦାରପୂର୍ଣଚନ୍ଦ୍ରକେ ॥ ୩୮॥
ଶ୍ରୀପୀଠମୋଙ୍କାରପୀଠଂ ଜାଲନ୍ଧ୍ରଂ ମାଲଵୋତ୍କଲେ।
କୁଲାନ୍ତଂ ଦେଵିକୋଟଂ ଚ ଗୋକର୍ଣଂ ମାରୁତେଶ୍ଵରମ୍ ॥ ୩୯॥
ଅଟ୍ଟହାସଂ ଚ ଵିରଜଂ ରାଜଗେହଂ ମହାପଥମ୍।
କୋଲାପୁର ମେଲାପୁରଂ ଓଙ୍କାରନ୍ତୁ ଜଯନ୍ତିକା ॥ ୪୦॥
ଉଜ୍ଜଯିନ୍ଯାପି ଚିତ୍ରା ଚ କ୍ଷୀରକଂ ହସ୍ତିନାପୁରଂ।
ଓଡ୍ଡୀଶଂ ଚ ପ୍ରଯାଗାଖ୍ଯଂ ଷଷ୍ଠଂ ମାଯାପୁରଂ ତଥା ॥ ୪୧॥
ଜଲେଶଂ ମଲଯଂ ଶୈଲଂ ମେରୁଂ ଗିରିଵରଂ ତଥା।
ମହେନ୍ଦ୍ରଂ ଵାମନଂ ଚୈଵ ହିରଣ୍ଯପୁରମେଵ ଚା ॥ ୪୨॥
ମହାଲକ୍ଷ୍ମୀପୁରୋଡ୍ଯାଣଂ ଛାଯାଛତ୍ରମତଃ ପରମ୍।
ଏତେ ପୀଠାଃ ସମୁଦ୍ଦିଷ୍ଟା ମାତୃକାରୂପକାଃ ସ୍ଥିତାଃ ॥ ୪୩॥
ଏଵଂ ଷୋଢା ପୁରଃ କୃତ୍ଵା ଶ୍ରୀଚକ୍ରନ୍ଯାସମାଚରେତ୍।
ଶ୍ରୀମତ୍ତ୍ରିପୁରସୁନ୍ଦର୍ଯାଶ୍ଚକ୍ରନ୍ଯାସଂ ଶୃଣୁ ପ୍ରିଯେ ॥ ୪୪॥
ଯନ୍ନ କସ୍ଯଚିଦାଖ୍ଯାତଂ ତନୁଶୁଦ୍ଧିକରଂ ପରମ୍।
ଚତୁରସ୍ତ୍ରାଦ୍ଯରେଖାଯୈ ନମ ଇତ୍ଯାଦିତୋ ନ୍ଯସେତ୍ ॥ ୪୫॥
ଦକ୍ଷାଂସପୃଷ୍ଠପାଣ୍ଯଗ୍ରସ୍ଫିକ୍କପାଦାଙ୍ଗୁଲୀଷ୍ଵଥ।
ଵାମାଙ୍ଘ୍ର୍ଯଙ୍ଗୁଲିଷୁସ୍ଫିକ୍କେ ପାଣ୍ଯଗ୍ରେ ଚାଂସପୃଷ୍ଠକେ ॥ ୪୬॥
ସଚୂଲୀମୂଲପୃଷ୍ଠେଷୁ ଵ୍ଯାପକତ୍ଵେନ ସୁନ୍ଦରି।
ଅତ୍ରୈଵ ସ୍ଥାନଦଶକେ ଅଣିମାଦ୍ଯାସ୍ତୁ ଵିନ୍ଯସେତ୍ ॥ ୪୭॥
ସିଦ୍ଧିସ୍ତଦନ୍ତଶ୍ଚ ତନୁଵ୍ଯାପକତ୍ଵେନ ସୁନ୍ଦରି।
[ ଚତୁରସ୍ରମଧ୍ଯରେଖାଯୈ ନମ ଇତ୍ଯପି ଵଲ୍ଲଭେ। ]
ତସ୍ଯାଃ ସ୍ଥାନେଷୁ ଵିନ୍ଯସ୍ଯ ବ୍ରହ୍ମାଣ୍ଯାଦ୍ଯାସ୍ତଦାଷ୍ଟସୁ ॥ ୪୮॥
ପାଦାଙ୍ଗୁଷ୍ଠଦ୍ଵଯେ ପାର୍ଶ୍ଵେ ଦକ୍ଷେ ମୂର୍ଧନ୍ଯପାର୍ଶ୍ଵକେ।
ଵାମଦକ୍ଷିଣଜାନ୍ଵୋଶ୍ଚ ବହିରଂସଦ୍ଵଯେ ତଥା ॥ ୪୯॥
ନ୍ଯସ୍ତଵ୍ଯାଶ୍ଚତୁରସ୍ରାନ୍ତ୍ଯରେଖାଯୈ ନମ ଇତ୍ଯପି।
ଵିନ୍ଯସେଦ୍ ଵ୍ଯାପକତ୍ଵେନ ପୂର୍ଵୋକ୍ତାନ୍ତଶ୍ଚ ଵିଗ୍ରହେ ॥ ୫୦॥
ତସ୍ଯାଃ ସ୍ଥାନେଷୁ ଦଶସୁ ମୁଦ୍ରାଣାଂ ଦଶକଂ ନ୍ଯସେତ୍।
ବ୍ରହ୍ମାଣ୍ଯାଦ୍ଯଷ୍ଟସ୍ଥାନାନ୍ତସ୍ତାସାମଷ୍ଟୌ ନ୍ଯସେତ୍ତତଃ ॥ ୫୧॥
ଶିଷ୍ଟେ ଦ୍ଵେ ଦ୍ଵାଦଶାନ୍ତେ ଚ ପାଦାଙ୍ଗୁଷ୍ଠେ ଚ ଵିନ୍ଯସେତ୍।
ତଦାନ୍ତଃ ଷୋଡଶଦଲପଦ୍ମାଯ ନମ ଇତ୍ଯପି ॥ ୫୨॥
ଵିନ୍ଯସ୍ଯ ତଦ୍ଦଲେ କାମାକର୍ଷିଣ୍ଯାଦ୍ଯାଶ୍ଚ ଵିନ୍ଯସେତ୍।
ଦଲାନି ଦକ୍ଷିନଶ୍ରୋତ୍ରପୃଷ୍ଠମଂସଂ ଚ କୂର୍ପରମ୍ ॥ ୫୩॥
କରପୃଷ୍ଠଂ ଚୋରୁଜାନୁଗୁଲ୍ଫପାଦତଲଂ ତଥା।
ଵାମପାଦତଲାଦ୍ଯେଵମେତଦେଵାଷ୍ଟକଂ ମତମ୍ ॥ ୫୪॥
ତଦନ୍ତରେ ଚାଷ୍ଟଦଲପଦ୍ମାଯ ନମ ଇତ୍ଯପି।
ଵିନ୍ଯସ୍ଯ ତଦ୍ଦଲେଷ୍ଵେଷୁ ଦକ୍ଷଶଙ୍ଖେ ଚ ଜତ୍ରୁକେ ॥ ୫୫॥
ଊର୍ଵନ୍ତର୍ଗୁଲ୍ଫଗୁଲ୍ଫୋରୁଜତ୍ରୁଶଙ୍ଖେ ଚ ଵମତଃ।
ଅନଙ୍ଗକୁସୁମାଦ୍ଯାଶ୍ଚ ଶକ୍ତୀରଷ୍ଟୌ ଚ ଵିନ୍ଯସେତ୍ ॥ ୫୬
ତଦନତଶ୍ଚତୁର୍ଦଶାରଚକ୍ରାଯ ନମ ଇତ୍ଯପି।
ଵିନ୍ଯସ୍ଯ ତସ୍ଯ କୋଣେଷୁ ନ୍ଯସେଚ୍ଛକ୍ତୀଶ୍ଚତୁର୍ଦଶ ॥ ୫୭॥
ସର୍ଵସଙ୍କ୍ଷୋଭିଣ୍ଯାଦ୍ଯାସ୍ତୁ ତସ୍ଯ କୋଣାନି ଵଚ୍ମ୍ଯହମ୍।
ଲଲାଟଂ ଦକ୍ଷଭାଗଂ ଚ ଦକ୍ଷଗଣ୍ଡାଂସମଧ୍ଯତଃ ॥ ୫୮॥
ପାର୍ଶ୍ଵାନ୍ତରୂରୁକଙ୍ଘାନ୍ତର୍ଵାମଜଙ୍ଘାଦି ପାର୍ଵତି।
ଵାମୋର୍ଵନ୍ତଂ ଵାମପାର୍ଶ୍ଵଂ ଵାମାଂସଂ ଵାମଗଣ୍ଡକମ୍ ॥ ୫୯॥
ଲଲାଟଵାମମଧ୍ଯେ ଚ ତଥା ଵୈ ପୃଷ୍ଠମିତ୍ଯପି।
ତତୋ ଦଶାରଚକ୍ରାଯ ନମ ଇତ୍ଯପି ପାର୍ଵତି ॥ ୬୦॥
ତସ୍ଯ କୋଣାନି ଦକ୍ଷାକ୍ଷିନାସାମୂଲାଽଽସ୍ଯନେତ୍ରକେ।
କୁକ୍ଷୀଶଵାଯୁକୋଣେଷୁ ଜାନୁଦ୍ଵଯଗୁଦେଷୁ ଚ ॥ ୬୧॥
କୁକ୍ଷିନୈ ୠର୍ତିଵହ୍ନ୍ଯାଖ୍ଯକୋଣେଷ୍ଵେଷୁ ନ୍ଯସେତ୍ ପୁନଃ।
ସର୍ଵାସିଦ୍ଧିପ୍ରଦାଦୀନାଂ ଶକ୍ତୀନାଂ ଦଶକଂ ତଥା ॥ ୬୨॥
ତଦନ୍ତସ୍ଚ ଦଶାରାଦିଚକ୍ରାଯ ନମ ଇତ୍ଯପି।
ଵିନ୍ଯସ୍ଯ ତସ୍ଯ କୋଣେଷୁ ସର୍ଵଜ୍ଞାଦ୍ଯାଃ ପ୍ରଵିନ୍ଯସେତ୍ ॥ ୬୩॥
ଦକ୍ଷନାସା ସୃକ୍କିଣୀ ଚା ସ୍ତନଂ ଵୃଷଣମେଵ ଚ।
ସୀଵିନୀ ଵାମମୁଷ୍କଂ ଚ ସ୍ତନଂ ସୃକ୍କିଣି ନାସିକେ ॥ ୬୪॥
ନାସାଗ୍ରଂ ଚୈଵ ଵିଜ୍ଞେଯଂ କୋଣାନାଂ ଦଶକଂ ତଥା।
ତଦନ୍ତରଷ୍ଟକୋଣାଦିଚକ୍ରାଯ ନମ ଇତ୍ଯପି ॥ ୬୫॥
ଵିନ୍ଯସ୍ଯ ତସ୍ଯ କୋଣେଷୁ ଵଷିନ୍ଯାଦ୍ଯଷ୍ଟକମ୍ ନ୍ଯସେତ୍।
ଚିବୁକଂ କଣ୍ଠହୃଦଯନାଭୀନାଂ ଚୈଵ ଦକ୍ଷିଣମ୍ ॥ ୬୬॥
ଜ୍ଞେଯଂ ପାର୍ଶ୍ଵଚତୁଷ୍କଂ ଚ ମଣିପୂରାଦି ଵାମକମ୍।
ଚତୁଷ୍ଠଯଂ ଚ ପାର୍ଶ୍ଵାନାମେତତ୍ କୋଣାଷ୍ଟକଂ ମତମ୍ ॥ ୬୭॥
ହୃଦଯସ୍ଥତ୍ରିକୋଣସ୍ଯ ଚତୁର୍ଦିକ୍ଷୁ ବହିର୍ନ୍ଯସେତ୍।
ଶରଚାପୌ ପାଶସୃଣୀ ତ୍ରିକୋଣାଯ ନମସ୍ତଥା ॥ ୬୮॥
ଵିନ୍ଯସ୍ଯ ତସ୍ଯ କୋଣେଷୁ ଅଗ୍ରଦକ୍ଷୋତ୍ତରେଷୁ ଚ।
କାମେଶ୍ଵର୍ଯାଦିଦେଵୀନାଂ ମଧ୍ଯେ ଦେଵୀଂ ଚ ଵିନ୍ଯସେତ୍ ॥ ୬୯॥
ଏଵଂ ମଯୋଦିତୋ ଦେଵି ! ନ୍ଯାସୋ ଗୁହ୍ଯତମକ୍ରମଃ।
ଏତଦ୍ ଗୁହ୍ଯତମଂ କାର୍ଯଂ ତ୍ଵଯା ଵୈ ଵୀରଵନ୍ଦିତେ ॥ ୭୦॥
ସମଯସ୍ଥାଯ ଦାତଵ୍ଯଂ ନଽଶିଷ୍ଯାଯ କଦାଚନ।
ଗୁପ୍ତାଦ୍ ଗୁପ୍ତତରଂ ଚୈତତ୍ତଵାଽଦ୍ଯ ପ୍ରକଟୀକୃତମ୍ ॥ ୭୧॥
ମୂଲଦେଵ୍ଯାଦିକଂ ନ୍ଯାସମଣିମାନ୍ତଂ ପୁନର୍ନ୍ଯସେତ୍।
[ ତ୍ରିକୋଣସ୍ଥେ ମହାବିନ୍ଦୌ ମହାତ୍ରିପୁରସୁନ୍ଦରୀମ୍ ]।
ଶିରସ୍ତ୍ରିକୋଣପୂର୍ଵାଦି କାମେଶ୍ଵର୍ଯାଦିକଂ ନ୍ଯସେତ୍ ॥ ୭୨॥
ବାଣାନ୍ନେତ୍ରେ ଭ୍ରୁଵୋଶ୍ଚାପୌ କର୍ଣେ ପାଶଦ୍ଵଯଂ ନ୍ଯସେତ୍।
ସୃଣିଦ୍ଵଯଂ ଚ ନାସାଗ୍ରେ ଦକ୍ଷିଣାଗ୍ରଂ ତୁ ଵିନ୍ଯସେତ୍ ॥ ୭୩॥
ମୁଣ୍ଡମୂଲକ୍ରମେଣୈଵ ନ୍ଯସେଦ୍ଵାଗ୍ଦେଵତାଷ୍ଟକମ୍ ।
ବୈନ୍ଦଵାଦୀନି ଚକ୍ରାଣି ନ୍ଯସ୍ତଵ୍ଯାନି ଵରାନନେ ॥ ୭୪॥
ନେତ୍ରମୂଲେ ତ୍ଵପାଙ୍ଗେ ଚ କର୍ଣପୂର୍ଵୋତ୍ତରେ ପୁନଃ।
ଚୂଡାଦିକଣ୍ଠନିମ୍ନେଽର୍ଧଂ ଶେଷାର୍ଧଂ କର୍ଣପୃଷ୍ଟକେ ॥ ୭୫॥
କର୍ଣେ ପୂର୍ଵେ ତ୍ଵପାଙ୍ଗେ ଚ ତସ୍ଯ ମୂଲେ ଚ ଵିନ୍ଯସେତ୍।
ହୃଦଯେ ମନୁକୋଣସ୍ଥ ଶକ୍ତଯୋଽପି ଚ ପୂର୍ଵଵତ୍ ॥ ୭୬॥
ସର୍ଵସିଦ୍ଧ୍ଯାଦିକଂ କଣ୍ଠେ ପ୍ରାଦକ୍ଷିଣ୍ଯେନ ଵିନ୍ଯସେତ୍।
ନାଭାଵଷ୍ଟଦଲଂ ତତ୍ତୁ ଵଂଶେ ଵାମେ ଚ ପାର୍ଶ୍ଵକେ ॥ ୭୭॥
ଉଦରେ ସଵ୍ଯପାର୍ଶ୍ଵେ ଚ ନ୍ଯସେଦାଦିଚତୁଷ୍ଟଯମ୍।
ଵଂଶଵାମାନ୍ତରାଲାଦି ନ୍ଯସେଦନ୍ଯ ଚତୁଷ୍ଟଯମ୍ ॥ ୭୮॥
ସ୍ଵାଧିଷ୍ଠାନେ ନ୍ଯସେତ୍ ସ୍ଵସ୍ଯ ପୂର୍ଵାଦ୍ଦକ୍ଷାଵସାନକମ୍।
ଚତସ୍ରସ୍ତୁ ଚତସ୍ରସ୍ତୁ ଚତୁର୍ଦିକ୍ଷୁ କ୍ରମାନ୍ନ୍ଯସେତ୍ ॥ ୭୯॥
ମୂଲାଧାରେ ନ୍ଯସେନ୍ମୁଦ୍ରାଦଶକଂ ସାଧକୋତ୍ତମଃ।
ପୁନର୍ଵଂଶେ ଚ ସଵ୍ଯେ ଚ ଵାମେ ଚୈଵାନ୍ତରାଲକେ ॥ ୮୦॥
ଊର୍ଧୋଧୋ ଦଶମୁଦ୍ରାଶ୍ଚ ଊର୍ଧ୍ଵାଧୋଵର୍ଜିତଂ ପୁନଃ।
ବ୍ରହ୍ମାଣ୍ଯାଦ୍ଯାଷ୍ଟକଂ ଦକ୍ଷଜନ୍ଘାଯାଂ ତାସ୍ତୁ ପୂର୍ଵଵତ୍ ॥ ୮୧॥
ଵାମଜଙ୍ଘାଂ ସମାରଭ୍ଯ ଵାମାଦିକ୍ରମତୋଽପି ଚ ।
ସିଦ୍ଧ୍ଯଷ୍ଟକଂ ନ୍ଯସେତ୍ତେଷୁ ଦ୍ଵଯଂ ପାଦତଲେ ନ୍ଯସେତ୍ ॥ ୮୨॥
କାରଣାତ୍ପ୍ରସୃତଂ ନ୍ଯାସଂ ଦୀପାଦ୍ଦୀପମିଵୋଦିତମ୍ ।
ଏଵଂ ଵିନ୍ଯସ୍ଯ ଦେଵେଶୀଂ ସ୍ଵାଭେଦେନ ଵିଚିନ୍ତଯେତ୍ ॥ ୮୩॥
ତତଶ୍ଚ କରଶୁଦ୍ଧ୍ଯାଦିନ୍ଯାସଂ କୁର୍ଯାତ୍ ସମାହିତଃ ।
ଅହଂ ତେ କଥଯାମ୍ଯଦ୍ଯ ଵିଦ୍ଯାନ୍ଯାସଂ ଶୃନୁ ପ୍ରିଯେ ॥ ୮୪॥
ମୂର୍ଧ୍ନି ଗୁହ୍ଯେ ଚ ହୃଦଯେ ନେତ୍ରେଷୁ ତ୍ରିତଯେଷୁ ଚ ।
ଶ୍ରୋତ୍ରଯୋର୍ଯୁଗଲେ ଚୈଵ ମୁଖେ ଚ ଭୁଜଯୋସ୍ତଥା ॥ ୮୫॥
ପୃଷ୍ଟେ ଜାନ୍ଵୋଶ୍ଚ ନାଭୌ ଚ ଵିଦ୍ଯାନ୍ଯାସଂ ଵିଧାଯ ଚ ।
କରଶୁଦ୍ଧିଂ ପୁନଶ୍ଚୈଵ ଆସନାଦିଷଡଙ୍ଗକମ୍ ॥ ୮୬॥
ଶ୍ରୀକଣ୍ଠାଦୀନି ଵାଗ୍ଦେଵୀରାଧାରେ ହୃଦଯେ ପୁନଃ ।
ଶିଖାଯାଂ ବୈନ୍ଦଵସ୍ଥାନେ ତ୍ଵଗ୍ନିଚକ୍ରାଦିକା ନ୍ଯସେତ୍ ॥ ୮୭॥
ତତ୍ତ୍ଵତ୍ରଯଂ ସମସ୍ତଂ ଚ ଵିଦ୍ଯାବିଜତ୍ରଯାନ୍ଵିତମ୍ ।
ପାଦାଦିନାଭିପର୍ଯନ୍ତମାଗଲଂ ଶିରସ୍ତଥା ॥ ୮୮॥
ଵ୍ଯାପକଂ ଚୈଵ ଵିନ୍ଯସ୍ଯ ସ୍ଵାତ୍ମୀକୃତ୍ଯ ପରଂ ପୁନଃ ।
ସନ୍ତର୍ପଯେତ୍ ପୁନର୍ଦେଵୀଂ ସୌମ୍ଯାଗ୍ନେଯାମୃତଦ୍ରଵୈଃ ॥ ୮୯॥
ଏଵଂ ଚତୁର୍ଵିଧୋ ନ୍ଯାସଃ କର୍ଵଵ୍ଯୋ ଵୀରଵନ୍ଦିତେ ।
ଷୋଢାନ୍ଯାସୋଽଣିମାଦ୍ଯଶ୍ଚ ମୂଲଦେଵ୍ଯାଦିକଃ ପ୍ରିଯେ ॥ ୯୦॥
କରଶୁଦ୍ଧ୍ଯାଦିକସ୍ଚୈଵ ସାଧକେନ ସୁସିଦ୍ଧଯେ ।
ପ୍ରାତଃ କାଲେ ତଥା ପୂଜାସମଯେ ହୋମକର୍ମଣି ॥ ୯୧॥
ଜପକାଲେ ତଥା ତେଷାଂ ଵିନିଯୋଗଃ ପୃଥକ୍ ପୃଥକ୍ ।
ପୂଜାକାଲେ ସମସ୍ତଂ ଵା କୃତ୍ଵା ସାଧକପୁଙ୍ଗଵଃ ॥ ୯୨॥
ଷଟ୍ତ୍ରିଂଶତତ୍ତ୍ଵପର୍ଯନ୍ତମାସନଂ ପରିକଲ୍ପ୍ଯ ଚ ।
ଗୁପ୍ତାଦିଯୋଗିନୀନାଂ ଚ ମନ୍ତ୍ରେଣାଽଥ ବଲିଂ ଦଦେତ୍ ॥ ୯୩॥
ପିଣ୍ଽଡରୂପପଦଗ୍ରନ୍ଥିଭେଦନାଦ୍ ଵିଘ୍ନଭେଦକମ୍ ।
ଗୁହ୍ଯହୃନ୍ମୁଖମୂର୍ଧସୁ ଵିଦ୍ଯାନ୍ଯାସନେଅ ସୁନ୍ଦରି ॥ ୯୪॥
ଯାଗମନ୍ଦିରଗାଂଶ୍ଚୈଵ ଵିଘ୍ନାନୁତ୍ସାର୍ଯ ମନ୍ତ୍ରଵିତ୍ ।
[ ଅପସର୍ପନ୍ତୁ ତେ ଭୂତା ଯେ ଭୁତା ଭୂମିସଂସ୍ଥିତାଃ॥
ଯେ ଭୂତା ଵିଘ୍ନକର୍ତାରସ୍ତେ ନଶ୍ଯନ୍ତୁ ଶିଵାଜ୍ଞଯା ]
ପାର୍ଷ୍ଣିଘାତେନ ଭୌମାଂଶ୍ଚ ତାଲେନ ଚ ନଭୋଗତାନ୍ ॥ ୯୫॥
ଅସ୍ତ୍ରମନ୍ତ୍ରେଣ ଵିଦ୍ଯାଂଶ୍ଚ ଦୃଷ୍ଟ୍ଯା ଵିଘାନପୋହଯେତ୍ ।
ଦିକ୍ଷ୍ଵଧୋର୍ଧ୍ଵଂ ମହାଵହ୍ନିପ୍ରାକାରଂ ପରିଭାଵଯେତ୍ ॥ ୯୬॥
ସାମାନ୍ଯାର୍ଧ୍ଯେଣ ଦେଵେଶି! ମାର୍ତଣ୍ଽଡଂ ପରିପୂଜଯେତ୍ ।
ପ୍ରକାଶଶକ୍ତିସହିତମରୁଣାକଲ୍ପମୁଜ୍ଜ୍ଵଲମ୍ ॥ ୯୭॥
ଗ୍ରହାଦିପରିଵାରଞ୍ଚ ଵିଶ୍ଵତେଜୋଽଵଭାସନମ୍ ।
ସୌମ୍ଯାଗ୍ନେଯଯୁତୈର୍ଦେଵି ରୋଚନାଗୁରୁକୁଙ୍କୁମୈଃ ॥ ୯୮॥
ମୂଲମୁଚ୍ଚାରଯନ୍ ସମ୍ଯଗ୍ଭାଵଯେଚ୍ଚକ୍ରରାଜକମ୍ ।
ଯୋଗିନୀ ମୂଲମନ୍ତ୍ରେଣ କ୍ଷିପେତ୍ ପୁଷ୍ପାଞ୍ଜଲିଂ ତତଃ ॥ ୯୯॥
ମଣିମୁକ୍ତାପ୍ରଵାଲୈର୍ଵା ଵିଲୋମଂ ମୂଲଵିଦ୍ଯଯା ।
ଅଶୂନ୍ଯଂ ସର୍ଵଦା କୁର୍ଯାଚ୍ଛୂନ୍ଯେ ଵିଘ୍ନାସ୍ତ୍ଵନେକଶଃ ॥ ୧୦୦॥
ଶ୍ରୀଚକ୍ରସ୍ଯାତ୍ମନଶ୍ଚୈଵ ମଧ୍ଯେ ତ୍ଵର୍ଘ୍ଯଂ ପ୍ରତିକ୍ଷିପେତ୍ ।
ଚତୁରସ୍ରାନ୍ତରାଲସ୍ଥକାଣଷଟ୍କେ ସୁରେଶ୍ଵରି ॥ ୧୦୧॥
ଷଡାସନାନି ସମ୍ପୁଜ୍ଯ ତ୍ରିକୋଣସ୍ଯାନ୍ତରେ ପୁନଃ ।
ପୀଠାନି ଚତୁରୋ ଦେଵି କାପୂଜା ଓ ଇତି କ୍ରମାତ୍ ॥ ୧୦୨॥
ଅର୍ଚଯିତ୍ଵାଽର୍ଘ୍ଯପାଦେ ତୁ ଵହ୍ନେର୍ଦଶ କଲା ଯଜେତ୍ ।
ଅର୍ଘ୍ଯପାତ୍ରଂ ପ୍ରତିଷ୍ଠାପ୍ଯ ତତ୍ର ସୂର୍ଯକଲା ଯଜେତ୍ ॥ ୧୦୩॥
ପାତ୍ରେ ସୂର୍ଯକଲାଶ୍ଚୈଵ କଭାଦିଦ୍ଵାଦଶାର୍ଚଯେତ୍ ।
ଵିଧୃତେ ତୁ ପୁନର୍ଦ୍ରଵ୍ଯେ ଷୋଡଶେନ୍ଦୁକଲା ଯଜେତ୍ ॥ ୧୦୪॥
ଅମୃତେଶୀଂ ଚ ତନ୍ମଧ୍ଯେ ଭାଵଯେଚ୍ଚ ନଵାତ୍ମନା।
ନଵାତ୍ମନା ତତୋ ଦେଵି ତର୍ପେଯ୍ଦ୍ଧାତୁଦେଵତାଃ ॥ ୧୦୫॥
ଆନନ୍ଦଭୈରଵଂ ଵୌଷଡନ୍ତେନୈଵ ଚ ତର୍ପଯେତ୍ ।
ତଦାଜ୍ଞାପ୍ରେରିତଂ ତଚ୍ଚ ଗୁରୁଷଙ୍କ୍ତୌ ନିଵେଦଯେତ୍ ॥ ୧୦୬॥
ତଥୈଵାର୍ଘ୍ଯଂ ଵିଶେଷେଣ ସାଧଯେତ୍ ସାଧକୋତ୍ତମଃ ।
ଗୁରୁପାଦାଲିମାପୂଜ୍ଯ ଭୈରଵାଯ ଦଦେତ୍ ପୁନଃ ॥ ୧୦୭॥
ତଦୀଯଂ ଶେଷମାଦାଯ କାମାଗ୍ନୌ ଵିଶ୍ଵ ... ସ୍ଥୁଷି ।
ପାଦୁକାଂ ମୂଲଵିଦ୍ଯାଂ ଚ ଜପନ୍ ହୋମଂ ସମାଚରେତ୍ ॥ ୧୦୮॥
ମହାପ୍ରକାଶେ ଵିଶ୍ଵସ୍ଯ ସଂହାରଵମନୋଦ୍ଯତେ ।
ମରୀଚିଵୃତ୍ତୀର୍ଜୁହୁଯାନ୍ମନସା କୁଣ୍ଡଲୀମୁଖେ ॥ ୧୦୯॥
ଅହନ୍ତେଦନ୍ତଯୋରୈକ୍ଯମୁନ୍ମନ୍ଯାଂ ସ୍ରୁଚି କଲ୍ପିତମ୍ ।
ମଥନୋଦ୍ରେକସମ୍ଭୂତଂ ଵସ୍ତୁରୂପଂ ମହାହଵିଃ ॥ ୧୧୦॥
ହୁତ୍ଵା ହୁତ୍ଵା ସ୍ଵଯଂ ଚୈଵଂ ମହଜାନନ୍ଦଵିଗ୍ରହଃ ।
ସ୍ଵପ୍ରଧାପ୍ରସରାକାରଂ ଶ୍ରୀଚକ୍ରଂ ପୂଜଯେତ୍ ସୁଧୀଃ ॥ ୧୧୧॥
ଗଣେଶଂ ଦୂତରୀଂ ଚୈଵ କ୍ଷେତ୍ରେଶଂ ଦୂତିକାଂ ତଥା ।
ବାହ୍ଯଦ୍ଵରେ ଯଜେଦ୍ ଦେଵି ଦେଵୀଶ୍ଚ ସ୍ଵସ୍ତିକାଦିକାଃ ॥ ୧୧୨॥
ତତସ୍ଚାନ୍ତସ୍ତ୍ରିକୋଣଽପି ଗୁରୁପଙ୍କ୍ତିଂ ତ୍ରିଧା ସ୍ଥିତାମ୍ ।
ତଦନ୍ତଶ୍ଚ ମହାଦେଵୀଂ ତାମାଵାହ୍ଯ ଯଜେତ୍ ପୁନଃ ॥ ୧୧୩॥
ମହାପଦ୍ମଵନାନ୍ତସ୍ଥାଂ କାରଣାନନ୍ଦଵିଗ୍ରହାମ୍ ।
ମଦଙ୍କୋପାଶ୍ରିତାଂ ଦେଵୀମିଚ୍ଛାକାମଫଲପ୍ରଦାମ୍ ॥ ୧୧୪॥
ଭଵତୀଂ ତ୍ଵନ୍ମଯୈରେଵ ନୈଵେଦ୍ଯାଦିଭିରର୍ଚଯେତ୍ ।
ତ୍ରିକୋଣେ ତତ୍ସ୍ଫୁରତ୍ତାଯାଃ ପ୍ରତିବିମ୍ବାକୃତୀଃ ପୁନଃ ॥ ୧୧୫॥
ତତ୍ତତ୍ତିଥିମଯୀର୍ନିତ୍ଯାଃ କାମ୍ଯକର୍ମାନୁସାରିଣୀଃ ।
ତତ୍ର ପ୍ରକଟଯୋଗିନ୍ଯଶ୍ଚକ୍ରେ ତ୍ରୈଲୋକ୍ଯମୋହନେ ॥ ୧୧୬॥
ମାତୃକାସ୍ଥୂଲରୂପତ୍ଵାତ୍ତ୍ଵଗାଦିଵ୍ଯାପକତ୍ଵତଃ ।
ଯୋଗିନ୍ଯଃ ପ୍ରକଟା ଜ୍ଞେଯାଃ ସ୍ଥୂଲଵିଶ୍ଵପ୍ରଧାତ୍ମନି ॥ ୧୧୭॥
ଅଣିମାଦ୍ଯା ମହାଦେଵି ସିଦ୍ଧଯୋଽଷ୍ଟୌ ଵ୍ଯଵସ୍ଥିତାଃ ।
ତାସୁ ରକ୍ତତରା ବଣୈର୍ଵରାଭଯକରାସ୍ତଥା ॥ ୧୧୮॥
ଧୃତଚିନ୍ତାମହାରତ୍ନା ମନୀଷିତଫଲପ୍ରଦାଃ ।
ବ୍ରାହ୍ମ୍ଯାଦ୍ଯା ଅପି ତତ୍ରୈଵ ଯଷ୍ଟଵ୍ଯାଃ କ୍ରମତଃ ପ୍ରିଯେ ॥ ୧୧୯॥
ବ୍ରହ୍ମାଣୀ ପୀତଵର୍ଣା ଚ ଚତୁର୍ଭିଃ ଶୋଭିତା ମୁଖୈଃ ।
ଵରଦାଽଭଯହସ୍ତା ଚ କୁଣ୍ଡିକା କ୍ଷଲସତ୍କରା ॥ ୧୨୦॥
ମାହେଶ୍ଵରୀ ଶ୍ଵେତଵର୍ଣା ତ୍ରିନେତ୍ରା ଶୂଲଧାରିଣୀ ।
କପାଲମେଣଂ ପରଶୁଂ ଦଧାନା ପାଣିଭିଃ ପ୍ରିଯେ ॥ ୧୨୧॥
[ ଐନ୍ଦ୍ରୀ ତୁ ଶ୍ଯାମଵର୍ଣା ଚ ଵ୍ରଜୋତ୍ପଲଲସତ୍କରା ]
କୌମାରୀ ପୀତଵର୍ଣା ଚ ଶକ୍ତିତୋମରଧରିଣୀ ॥ ୧୨୨॥
ଵରଦାଭଯହସ୍ତା ଚ ଧ୍ଯାତଵ୍ଯା ପରମେଶ୍ଵରୀ ।
ଵୈଷ୍ଣଵୀ ଶ୍ଯାମଵର୍ଣା ଚ ଶଙ୍ଖଚକ୍ରଵରାଭଯାନ୍ ॥ ୧୨୩॥
ହସ୍ତପଦ୍ମୈସ୍ତୁ ଵିଭ୍ରାଣା ଭୂଷିତା ଦିଵ୍ଯଭୂଷଣୈଃ ।
ଵାରାହୀ ଶ୍ଯାମଲଚ୍ଛାଯା ପୋତ୍ରି ଵକ୍ତ୍ରସମୁଜ୍ଜ୍ଵଲା ॥ ୧୨୪॥
ହଲଂ ଚ ମୁସଲଂ ଖଡ୍ଗଂ ଖେଟକଂ ଦଧାତୀ ଭୁଜୈଃ ।
[ ଐନ୍ଦ୍ରୀ ଶ୍ଯାମଲଵର୍ଣା ଚ ଵଜ୍ରଦ୍ଵଯଲସତ୍କରା ] ॥ ୧୨୫॥
ଚାମୁଣ୍ଡା କୃଷ୍ଣଵର୍ଣା ଚ ଶୂଲଂ ଡମରୁକଂ ତଥା ।
ଖଡ୍ଗଂ ଵେତାଲକଂ ଚୈଵ ଦଧାନା ଦକ୍ଷିଣୈଃ କରୈଃ ॥ ୧୨୬॥
ନାଗଖେଟକଘଣ୍ଟା ଖ୍ଯାନ୍ ଦଧାନାନ୍ଯୈଃ କପାଲକମ୍ ।
ମହାଲକ୍ଷ୍ମୀସ୍ତୁ ପୀତାଭା ପଦ୍ମଦର୍ପଣମେଵ ଚ ॥ ୧୨୭॥
ମାତ ଲୁଙ୍ଗଫଲଂ ଚୈଵ ଦଧାନ ପରମେଶ୍ଵରୀ ।
ଏଵଂ ଧ୍ଯାତ୍ଵା ଯଜେଦେତାଶ୍ଚକ୍ରେଶୀଂ ତ୍ରିପୁରାଂ ତତଃ ॥ ୧୨୮॥
କର୍ମେନ୍ଦ୍ରିଯାଣାଂ ଵୈମଲ୍ଯାତ୍ କରଶୁଦ୍ଧିକରୀ ସ୍ମୃତା ।
କାଯଶୁଦ୍ଧିଭଵା ସିଦ୍ଧିରଣିମା ଚାତ୍ର ସଂସ୍ଥିତା ॥ ୧୨୯॥
ଷୋଡଶସ୍ପନ୍ଦସନ୍ଦୋହେ ଚମତ୍କୃତିମଯୋଃ କଲାଃ ।
ପ୍ରାଣାଦିଷୋଡଶାନାଂ ତୁ ଵଯୁନା ପ୍ରାଣନାତ୍ମିକାଃ ॥ ୧୩୦॥
ବୀଜ ଭୂତାଃ ସ୍ଵରାତ୍ମତ୍ଵାତ୍ କଲନାଦ୍ ବୀଜରୂପକାଃ ।
ଅନ୍ତରଙ୍ଗତଯା ଗୁପ୍ତା ଯୋଗିନ୍ଯଃ ସଂଵ୍ଯଵସ୍ଥିତାଃ ॥ ୧୩୧॥
କାମାକର୍ଷଣରୂପାଦ୍ଯାଃ ସୃଷ୍ଟେଃ ପ୍ରାଧାନ୍ଯତଃ ପ୍ରିଯେ ।
ସର୍ଵାଶାପୂରଣାଖ୍ଯେ ତୁ ଚକ୍ରେ ଵାମେନ ପୂଜଯେତ୍ ॥ ୧୩୨॥
ପାଶାଙ୍କୁଶଧରା ହ୍ଯେତା ରକ୍ତା ରକ୍ତାମ୍ବରା ଵୃତାଃ ।
ପ୍ରାଣଶୁଦ୍ଧିମଯୀ ସିଦ୍ଧିର୍ଲଘିମା ଭୋକ୍ତୁରାତ୍ମନଃ ॥ ୧୩୩॥
ତ୍ରିପୁରେଶୀ ଚ ଚକ୍ରେଶୀ ପୂଜ୍ଯା ସର୍ଵୋପଚାରକୈଃ ।
[ କୌଲିକାନୁଭଵାଵିଷ୍ଟଭୋଗପୁର୍ଯଷ୍ଟକାଶ୍ରିତାଃ ॥ ୧୩୪॥
ଵାଗ୍ଭଵାଷ୍ଟକସମ୍ବନ୍ଧସୂକ୍ଷ୍ମା ଵର୍ଗସ୍ଵରୂପତଃ ।
ତାସ୍ତୁ ଗୁପ୍ତତରାଃ ସର୍ଵାଃ ସର୍ଵସଂକ୍ଷୋଭଣାତ୍ମକେ ॥ ୧୩୫॥
ଅନଙ୍ଗକୁସୁମାଦ୍ଯାସ୍ତୁ ରକ୍ତକଞ୍ଚୁକଶୋଭିତାଃ ]
[ ଵେଣୀକୃତ ଲସତ୍କେଶାଶ୍ଚାପବାଣଧରାଃ ଶୁଭାଃ ] ॥ ୧୩୬॥
ତତ୍ତଦାଜାରବୁଦ୍ଧ୍ଯାତ୍ମବୋଗ୍ଯଭୋକ୍ତୁର୍ମହେଶିତୁଃ ।
ପିଣ୍ଡାଦିପଦଵିଶ୍ରାନ୍ତିସୌନ୍ଦର୍ଯଗୁଣସଂଯୁତା ॥ ୧୩୭॥
ଚକ୍ରେଶ୍ଵରୀ ବୁଦ୍ଧିଶୁଦ୍ଧିରୂପା ଚ ପରମେଶ୍ଵରୀ ।
ମହିମାସିଦ୍ଧିରୂପା ତୁ ପୂଜ୍ଯା ସର୍ଵୋପଚାରକୈଃ ॥ ୧୩୮॥
ଦ୍ଵାଦଶଗ୍ରନ୍ଥିଭେଦେନ ସମୁଲ୍ଲସିତସଂଵିଦଃ ।
ଵିସର୍ଗାନ୍ତଦଶଵେଶାଚ୍ଛାକ୍ତାନୁଭଵପୂର୍ଵକମ୍ ॥ ୧୩୯॥
ଉନ୍ମେଷଷକ୍ତିପ୍ରସରଈରିଚ୍ଛାଶକ୍ତିପ୍ରଧାନକୈଃ ।
ତଦେଵାଽକୁଲସଙ୍ଘଟ୍ଟରୂପୈର୍ଵର୍ଣଚତୁଷ୍ଟଯୈଃ ॥ ୧୪୦॥
ଵେଦ୍ଯୋଷ୍ମରୂପସାଵର୍ଣୈର୍ମିଶ୍ରେଚ୍ଛାଭାଵିତୈରପି ।
କୁଲଶକ୍ତିସମାଵେଶରୂପଵର୍ଣଦ୍ଵଯାନ୍ଵିତୈଃ ॥ ୧୪୧॥
ଶକ୍ତେଃ ସାରମଯତ୍ଵେନ ପ୍ରସୃତତ୍ଵାନ୍ମହେଶ୍ଵରି ।
ସ,ପ୍ରଦାଯକ୍ରମାଯାତାଶ୍ଚକ୍ରେ ସୌଭାଗ୍ଯଦାଯକେ ॥ ୧୪୨॥
ନିରନ୍ତରଓରଧା ରୂପସୌଭାଗ୍ଯଂ କଲଯୋଗତଃ ।
ଅନ୍ତର୍ଥସଂଜ୍ଞିକେ ଦେଵି ଅଣିମାସଦୃଶା: ଶୁଭାଃ ॥ ୧୪୩॥
ସର୍ଵସଙ୍କ୍ଷୋଭିଣୀପୂର୍ଵା ଦେହାକ୍ଷାଦିଵିଶୁଦ୍ଧିଦାଃ ।
ଈଶିତ୍ଵସିଦ୍ଧିରପି ଚ ପ୍ରୋତରୂପେ ପୁରତ୍ରଯେ ॥ ୧୪୪॥
ଯୋଗାଦିକ୍ଲେଶଭେଦେନ ସିଦ୍ଧା ତ୍ରିପୁରଵାସିନୀଇ।
ଏତାଃ ସମ୍ପୂଜଯେଦ୍ ଦେଵି ସର୍ଵାଃ ସର୍ଵୋପଚାରକୈଃ ॥ ୧୪୫॥
ସଦାତନାନା ନାଦାନାଂ ନଵରନ୍ଧ୍ରସ୍ଥିତାତ୍ମନାମ୍ ।
ମହାସାମାନ୍ଯରୂପେଣ ଵ୍ଯାଵୃତ୍ତଧ୍ଵନିରୂପିଣୀଇ ॥ ୧୪୬॥
ଅସ୍ଥିରସ୍ଥିରଵେଦ୍ଯାନାଂ ଛାଯାରୂପୈର୍ଦଶାର୍ଣକୈଃ ।
କୁଲକୌଲିକଯୋଗିନ୍ଯଃ ସର୍ଵ୍ସିଦ୍ଧିପ୍ରଦାଯିକାଃ ॥ ୧୪୭॥
ଶ୍ଵେତାମ୍ବ୍ରଧରାଃ ଶ୍ଵେତାଃ ଶ୍ଵେତାଭରଣଭୂଷିତାଃ ।
ମନ୍ତ୍ରାଣାଂ ସ୍ଵପ୍ରଧାରୂପଯୋଗାଦନ୍ଵର୍ଥସଂଜ୍ଞ୍କେ ॥ ୧୪୮॥
ସର୍ଵସିଦ୍ଧିପ୍ରଦାଦ୍ଯାସ୍ତୁ ଚକ୍ରେ ସର୍ଵର୍ଥସାଧକେ ।
ଲୋକତ୍ରଯସମୃଦ୍ଧୀନାଂ ହେତୁତ୍ଵାଚ୍ଚକ୍ରନାଯିକା ॥ ୧୪୯॥
ତ୍ରିପୁରା ଶ୍ରୀର୍ମହେଶାନି ମନ୍ତ୍ରଶୁଦ୍ଧିଭଵା ପୁନଃ ।
ଵଶିତ୍ଵସିଦ୍ଧିରାଖ୍ଯାତା ଏତାଃ ସର୍ଵା୍ ସମର୍ଚଯେତ୍ ॥ ୧୫୦॥
ଊର୍ଧ୍ଵାଧୋମୁଖଯା ଦେଵି କୁଣ୍ଡଲିନ୍ଯା ପ୍ରକାଶିତାଃ ।
କୁଲେଚ୍ଛଯା ବହିର୍ଭାଵାତ୍ କାଦିଵର୍ଣପ୍ରଥାମଯୀ ॥ ୧୫୧॥
ନିଗର୍ଭଯୋଗିନୀଵାଚ୍ଯାଃ ସ୍ଵରୂପାଵେଶରୂପକେ ।
ସର୍ଵାଵେଶକର ଚକ୍ରେ ସର୍ଵରକ୍ଷାକରେ ପରାଃ ॥ ୧୫୨॥
ସର୍ଵଜ୍ଞାଦ୍ଯାଃ ସ୍ଥିତା ଏତାଃ ସହ ପୁସ୍ତାକ୍ଷମାଲିକାଃ ।
ମାତୃମାନପ୍ରମେଯାଣାଂ ପୁରାଣାଂ ପରିପୋଷିଣୀ ॥ ୧୫୩॥
ତ୍ରିପୁରାମାଲିନୀ ଖ୍ଯାତା ଚକ୍ରେଶୀ ତ୍ରିପୁରମୋହିନୀ ।
ନିରୂଦ୍ଧଵାଯୁସଙ୍ଘଟ୍ଟସ୍ଫଟିତଗ୍ରନ୍ଥିମୂଲତଃ ॥ ୧୫୪॥
ହୃଦଯାନ୍ତରସଂଵିତ୍ତିଶୂନ୍ଯପର୍ଯଷ୍ଟକାତ୍ମନା ।
ବୀଜରୂପସ୍ଵରକଲାସ୍ପୃଷ୍ଟଵର୍ଗାନୁସାରତଃ ॥ ୧୫୫॥
ରହ୍ସ୍ଯଯୋଗିନୀର୍ଦେଵୀଃ ସଂସାରଦଲନୋଜ୍ଜ୍ଵଲେ ।
ସର୍ଵରୋଗହରେ ଚକ୍ରେ ସଂସ୍ଥିତା ଵୀରଵନ୍ଦିତେ ॥ ୧୫୬॥
ଵଶିନ୍ଯାଦ୍ଯା ରକ୍ତଵର୍ଣା ଵରଦାଭଯମୁଦ୍ରିତାଃ ।
ପୁସ୍ତକଂ ଜପମାଲାଂ ଚ ଦଧାନାଃ ସିଦ୍ଧଯୋଗିନୀଃ ॥ ୧୫୭॥
ଶୁଦ୍ଧିଵିଦ୍ଯାଵିଶୁଦ୍ଧିଂ ଚ ଭୁକ୍ତିସିଦ୍ଧିଂ ମହେଶ୍ଵରି ।
ଈଶ୍ଵରୀଂ ତ୍ରିପୁରାଂ ସିଦ୍ଧାଂ ପୂଜଯେଦ୍ ବିନ୍ଦୁତର୍ପଣୈଃ ॥ ୧୫୮॥
ଶକ୍ତିତ୍ରଯାତ୍ମିକା ଦେଵି ଚିଦ୍ଧାମପ୍ରସରାଃ ପୁନାଃ ।
ସଂଵର୍ତାଗ୍ନିକଲାରୂପାଃ ପରମାତିରହସ୍ଯକାଃ ॥ ୧୫୯॥
ପୂର୍ଣାପୁର୍ଣସ୍ଵରୂପାଯାଃ ସିଦ୍ଧେର୍ହେତୁଃ ସୁରେଶ୍ଵରି ।
ସର୍ଵାସିଦ୍ଧିମଯାଖ୍ଯେ ତୁ ଚକ୍ରେ ତ୍ଵାଯୁଧଭୂଷିତାଃ ॥ ୧୬୦॥
ସ୍ଥିତାଃ କାମେଶ୍ଵରୀପୂର୍ଵାଶ୍ଚତସ୍ତ୍ରଃ ପୀଠଦେଵତାଃ ।
ଆଯୁଧାସ୍ତ୍ଵତିରକ୍ତାଭାଃ ସ୍ଵାଯୁଧୋଜ୍ଜ୍ଵଲମସ୍ତକାଃ ॥ ୧୬୧॥
ଵରଦାଭଯହସ୍ତାଶ୍ଚ୍ଚ ପୂଜ୍ଯା ଵ୍ରତଫଲପ୍ରଦା:ଃ ।
ତ୍ଵଦୀଯାଶ୍ଚ ମଦୀଯାଶ୍ଚ ପୁଂସ୍ତ୍ରିଵଶ୍ଯଵିଧାଯିନଃ ॥ ୧୬୨॥
ତ୍ଵଗସୃଙ୍ମାଂସମେଦୋସ୍ଥିଶୁକ୍ଲାନାଂ ଚ ମହେଶ୍ଵରି ।
ଦ୍ଵିତୀଯସ୍ଵରସଂଯୁକ୍ତା ଏତେ ବାଣାସ୍ତ୍ଵଦୀଯକାଃ ॥ ୧୬୩॥
ଵାମାଦୀନାଂ ପୁରାଣାଂ ତୁ ଜନନୀ ତ୍ରିପୁର୍ମ୍ବିକା ।
ପରସ୍ଵାତନ୍ତ୍ର୍ଯରୂପତ୍ଵାଦିଚ୍ଛାସିଦ୍ଧିର୍ମହେଶ୍ଵରି ॥ ୧୬୪॥
ଏତାଃ ସର୍ଵୋପଚାରେଣ ପୂଜଯେତ୍ତୁ ଵରାନନେ ।
ସର୍ଵାନନ୍ଦମଯେ ଦେଵି ପରବ୍ରହ୍ମାତ୍ମକେ ପରେ ॥ ୧୬୫॥
ଚକ୍ରେ ସଂଵିତ୍ତିରୂପା ଚ ମହାତ୍ରିପୁରସୁନ୍ଦରୀ ।
ସ୍ଵୈରାଚାରେଣ ସମ୍ପୂଜ୍ଯା ତ୍ଵହନ୍ତେଦନ୍ତଯୋଃ ସମ ॥ ୧୬୬॥
ମହାକାମକଲାରୂପା ପୀଠଵିଦ୍ଯାଦିସିଦ୍ଧିଦା ।
ମହାମୁଦ୍ରାମଯୀ ଦେଵି ପୂଜ୍ଯା ପଞ୍ଚଦଶାତ୍ମିକା ॥ ୧୬୭॥
ତତ୍ତତ୍ତିଥିମଯୀ ନିତ୍ଯା ନଵମୀ ଭୈରଵୀ ପରା ।
ପ୍ରତିଚକ୍ରଂ ସମୁଦ୍ରାସ୍ତୁ ଚକ୍ରସଙ୍କେତଚୋଦିତାଃ ॥ ୧୬୮॥
ନିତ୍ଯକ୍ଲିନ୍ନ୍ନାଦିକାଶ୍ଚୈଵ କାମ୍ଯକର୍ମାନୁସାରତଃ ।
ଚତୁରସ୍ରାନ୍ତରାଲେ ଵା ତ୍ରିକୋଣେ ଵା ଯଜେତ୍ ସୁଧୀଃ ॥ ୧୬୯॥
ଅଲିନା ପିଶିତୈର୍ଗନ୍ଧୈର୍ଧୂପୈରାରାଧ୍ଯ ଦେଵତାଃ ।
ଚକ୍ରପୂଜାଂ ଵିଧାଏତ୍ଥଂ କୁଲଦୀପଂ ନିଵେଦଯେତ୍ ॥ ୧୭୦॥
ଅନ୍ତର୍ବହିର୍ଭାସମାନଂ ସ୍ଵପ୍ରକାଶୋଜ୍ଜ୍ଵଲଂ ପ୍ରିଯେ ।
ପୁଷ୍ପାଞ୍ଜଲିଂ ତତଃ କୃତ୍ଵା ଜପଂ କୁର୍ଯାତ୍ ସମାହିତଃ ॥ ୧୭୧॥
କୂଟତ୍ରଯେ ମହାଦେଵି କୁଣ୍ଡଲୀତ୍ରିତଯେଽପି ଚ ।
ଚକ୍ରାଣାଂ ପୂର୍ଵପୂର୍ଵେଷାଂ ନାଦରୂପେଣ ଯୋଜିତାମ୍ ॥ ୧୭୨॥
ତେଷୁ ପ୍ରାଣାଗ୍ନିମାଯାର୍ଣକଲାବିନ୍ଦ୍ଵର୍ଧଚନ୍ଦ୍ରିକାଃ ।
ରୋଧିନୀନାଦନାଦାନ୍ତାଃ ଶକ୍ତିଵ୍ଯାପିକଲାନ୍ଵିତାଃ ॥ ୧୭୩॥
ସମନା ଚୋନ୍ମନା ଚେତି ଦ୍ଵାଦଶନ୍ତେ ସ୍ଥିତାଃ ପ୍ରିଯେ ।
ମୂଲକୁଣ୍ଡଲିନୀରୂପେ ମଧ୍ଯମେ ଚ ତତଃ ପୁନଃ ॥ ୧୭୪॥
ସୃଷ୍ଟ୍ଯୁନ୍ମୁଖେ ଚ ଵିଶ୍ଵସ୍ଯ ସ୍ଥିତିରୂପେ ମହେଶ୍ଵରି ।
କେଵଲଂ ନାଦରୂପେଣ ଉତ୍ତରୋତ୍ତରଯୋଜିତମ୍ ॥ ୧୭୫॥
ଶବଲାକାରକେ ଦେଵି ତୃତୀଯେ ଦ୍ଵାଦଶୀ କଲା ।
ଶୂନ୍ଯଷଟ୍କଂ ତଥା ଦେଵି ହ୍ଯଵସ୍ଥାପଞ୍ଚକଂ ପୁନଃ ॥ ୧୭୬॥
ଵିଷୁଵଂ ସପ୍ତରୂପଂ ଚ ଭାଵଯନ୍ ମନସା ଜପେତ୍ ।
ଅଗ୍ନ୍ଯାଦିଦ୍ଵାଦଶାନ୍ତେଷୁ ତ୍ରୀଂସ୍ତ୍ରୀନ୍ ତ୍ଯକ୍ତ୍ଵା ଵରାନନେ ॥ ୧୭୭॥
ଶୂନ୍ଯତ୍ରଯଂ ଵିଜାନୀଯାଦେକୈକାନ୍ତରତଃ ପ୍ରିଯେ ।
[ ଶୁନ୍ଯତ୍ରଯାତ୍ ପରେ ସ୍ଥାନେ ମହାଶୂନ୍ଯଂ ଵିଭାଵଯେତ୍ ]
ପ୍ରବୋଧ କରଣସ୍ଯାଽଥ ଜାଗରତ୍ଵେନ ଭାଵନମ୍ ॥ ୧୭୮॥
ଵହ୍ନୌ ଦେଵି ମହାଜାଗ୍ରଦଵସ୍ଥା ତ୍ଵିନ୍ଦ୍ରିଯଦ୍ଵଯୈଃ ।
ଆନ୍ତରୈଃ କରଣୈରେଵ ସ୍ଵପ୍ନମାଯାଵବୋଧକଃ ॥ ୧୭୯॥
ଗଲଦେଶେ ସୁଷୁପ୍ତିସ୍ତୁ ଲୀନପୂର୍ଵସ୍ଯ ଵେଦନମ୍ ।
ଅନ୍ତଃକରଣଵୃଓତ୍ତୀନାଂ ଲଯତୋ ଵିଷଯସ୍ଯ ତୁ ॥ ୧୮୦॥
ପୂର୍ଵାର୍ଣାନାଂ ଵିଲୋମେନ ଭ୍ରୂମଧ୍ଯେ ବିନ୍ଦୁସଂସ୍ଥିତା ।
ତୁର୍ଯରୂପଂ ତଥା ଚାତ୍ର ଵୃତ୍ତାର୍ଧାଦେସ୍ତୁ ସଙ୍ଗ୍ରହଃ ॥ ୧୮୧॥
ଚୈତନ୍ଯଵ୍ଯକ୍ତିହେତୋସ୍ତୁ ନାଦରୂପସ୍ଯ ଵେଦନମ୍ ।
ତୁର୍ଯାତୀତଂ ସୁଖସ୍ଥାନଂ ନାଦାନ୍ତାଦିସ୍ଥିତଂ ପ୍ରିଯେ ॥ ୧୮୨॥
ଅତ୍ରୈଵ ଜପକାଲେ ତୁ ପଞ୍ଚାଵସ୍ଥାଃ ସ୍ମରେଦ୍ ବୁଧଃ ।
ଯୋଗଃ ପ୍ରାଣାତ୍ମମନସାଂ ଵିଷୁଵଂ ପ୍ରାଣସଂଜ୍ଞିତମ୍ ॥ ୧୮୩॥
ଆଧାରିତ୍ଥିତନାଦେ ତୁ ଲୀନଂ ବୁଦ୍ଧ୍ଯାତ୍ମରୂପକମ୍ ।
ସଂଯୋଗେନ ଵିଯୋଗେନ ମନ୍ତ୍ରାର୍ଣାନାଂ ମହେଶ୍ଵରି ॥ ୧୮୪॥
ଅନହତାଦ୍ଯାଧାରାନ୍ତଂ ନାଦାତ୍ମତ୍ଵଵିଚିନ୍ତନମ୍ ।
ନାଦସଂସ୍ପର୍ଶନାତ୍ତସ୍ଯ ନାଡୀଵିଷୁଵମୁଚ୍ଯତେ ॥ ୧୮୫॥
ଦ୍ଵାଦଶଗ୍ରନ୍ଥିଭେଦେନ ଵର୍ଣାନାମନ୍ତରେ ପ୍ରିଯେ ।
ନାଦଯୋଗଃ ପ୍ରଶାନ୍ତଂ ତୁ ପ୍ରଶାନ୍ତେନ୍ଦ୍ରିଯଗୋଚରମ୍ ॥ ୧୮୬॥
ଵହ୍ନିଂ ମାଯାଂ କଲାଂ ଚୈଵ ଚେତନାମର୍ଧଚନ୍ଦ୍ରକମ୍ ।
ରୋଧିନୀନାଦନାଦାନ୍ତାନ୍ ଶକ୍ତୌ ଲୀନାନ୍ ଵିଭାଵଯେତ୍ ॥ ୧୮୭॥
ଵିଷୁଵଂ ଶକ୍ତିସଂଜ୍ଞ୍ଂ ତୁ ତଦୁର୍ଧ୍ଵଂ ନାଦଚିନ୍ତନମ୍ ।
ତଦୁର୍ଧ୍ଵଂ କାଲଵିଷୁଵମୁନ୍ମନାନ୍ତଂ ମହେଶ୍ଵରି ॥ ୧୮୮॥
ମୁନିଚନ୍ଦ୍ରାଽଷ୍ଟଦଶଭିସ୍ତ୍ରୁଟିଭିର୍ନାଦଵେଦନମ୍ ।
ଚୈତନ୍ଯଵ୍ଯକ୍ତିହେତୁଶ୍ଚ ଵିଷୁଵଂ ତତ୍ତ୍ଵସଂଜ୍ଞିତମ୍ ॥ ୧୮୯॥
ପରଂ ସ୍ଥାନଂ ମହାଦେଵି ନିସର୍ଗାନନ୍ଦସୁନ୍ଦରମ୍ ।
ଏଵଂ ଚିତଯମାନସ୍ଯ ଜପକାଲେଷୁ ପାର୍ଵତି ॥ ୧୯୦॥
ସିଦ୍ଧଯଃ ସକଲାସ୍ତୂର୍ଣାଂ ସିଦ୍ଧ୍ଯନ୍ତି ତ୍ଵତ୍ପ୍ରସାଦତଃ ।
ଏଵଂ କୃତ୍ଵା ଜପଂ ଦେଵ୍ଯା ଵାମହସ୍ତେ ନିଵେଦଯେତ୍ ॥ ୧୯୧॥
ଅନାମାଙ୍ଗୁଷ୍ଠଯୋଗେନ ତର୍ପଯେଚ୍ଚକ୍ରଦେଵତାଃ ।
ମଦ୍ଯଂ ମାଂସଂ ତଥା ମତ୍ସ୍ଯଂ ଦେଵ୍ଯାସ୍ତୁ ଵିନିଵେଦଯେତ୍ ॥ ୧୯୨॥
କୌଲାଚାରସମାଯୁକ୍ତୈର୍ଵିରୈର୍ସ୍ତୁ ସହ ପୂଜଯେତ୍ ।
ପୁଷ୍ଯଭେନ ତୁ ଵାରେ ଚ ସୌରେ ଚ ପରମେଶ୍ଵରି ॥ ୧୯୩॥
ଗୁରୋର୍ଦିନେ ସ୍ଵନକ୍ଷତ୍ରେ ଚତୁର୍ଦଶ୍ଯଷ୍ଟମୀଷୁ ଚ ।
ଚକ୍ରପୂଜାଂ ଵିଶେଷେଣ ଯୋଗିନୀନାଂ ସମାଚରେତ୍ ॥ ୧୯୪॥
ଚତୁଃଷଷ୍ଟିଯୁତାଃ କୋଟ୍ଯୋ ଯୋଗିନୀନାଂ ମହୌଜସାମ୍ ।
ଚକ୍ରମେତତ୍ ସମାଶ୍ରିତ୍ଯ ସଂସ୍ଥିତା ଵୀରଵନ୍ଦିତେ ॥ ୧୯୫॥
ଅଷ୍ଟାଷ୍ଟକଂ ତୁ କର୍ତଵ୍ଯଂ ଵିତ୍ତଶାଠ୍ଯଵିଵର୍ଜିତମ୍ ।
ତ୍ଵମେଵ ତାସାଂ ରୂପେଣ କ୍ରୀଡସେ ଵିଶ୍ଵମୋହିନୀ ॥ ୧୯୬॥
ଅଜ୍ଞାତ୍ଵ ତୁ କୁଲାଚାରମଯଷ୍ଟ୍ଵା ଗୁରୁପାଦୁକାମ୍ ।
ଯୋଽସ୍ମିନ୍ ଶାସ୍ତ୍ରେ ପ୍ର୍ଵର୍ତେତ ତଂ ତ୍ଵଂ ପୀଡଯସି ଧ୍ରୁଵମ୍ ॥ ୧୯୭॥
ଏଵଂ ଜ୍ଞାତ୍ଵା ଵରାରୋହେ କୌଲାଚାରପରଃ ସଦା ।
ଆଵଯୋଃ ଶବଲାକାରଂ ମଦ୍ଯଂ ତତ୍ର ନିଵେଦ୍ଯ ଚ ॥ ୧୯୮॥
ତ୍ଵତ୍ପ୍ରଧା ପ୍ରସରାକାରାସ୍ତ୍ଵାମେଵ ପରିଭାଵଯେତ୍ ।
ଵାମିଚ୍ଛାଵିଗ୍ରହାଂ ଦେଵୀଂ ଗୁରୁରୂପାଂ ଵିଭାଵଯେତ୍ ॥ ୧୯୯॥
ତ୍ଵନ୍ମଯସ୍ଯ ଗୁରୋଃ ଶେଷଂ ନିଵେଦ୍ଯାତ୍ମନି ଯୋଜଯେତ୍ ।
ଯୋଗିନୀନାଂ ମହାଦେଵି ବଟୁକାଯାତ୍ମରୂପିଣେ ॥ ୨୦୦॥
କ୍ଷେତ୍ରାଣାଂ ପତଯେ ମଦ୍ଯଂ ବଲିଂ କୁର୍ଵିତ ହେତୁନା ।
ନିତ୍ଯଂ ପିବନ୍ ଵମନ୍ ଖାଦନ୍ ସ୍ଵେଚ୍ଛାଚାରପରଃ ସ୍ଵଯମ୍ ॥ ୨୦୧॥
ଅହନ୍ତେଦନ୍ତଯୋରୌକ୍ଯଂ ଭାଵଯନ୍ ଵିହରେତ୍ ସୁଖମ୍ ।
ଏତତ୍ତେ କଥିତଂ ସର୍ଵଂ ସଙ୍କେତତ୍ରଯମୁତ୍ତମମ୍ ॥ ୨୦୨॥
ଗୋପନୀଯଂ ପ୍ରଯତ୍ନେନ ସ୍ଵଗୁହ୍ଯମିଵ ସୁଵ୍ରତେ ।
ଚୁମ୍ବକେ ଜ୍ଞାନଲୁବ୍ଧେ ଚ ନ ପ୍ରକାଶ୍ଯଂ ତ୍ଵଯାନଘେ ॥ ୨୦୩॥
ଅନ୍ଯାଯେନ ନ ଦାତଵ୍ଯଂ ନାସ୍ତିକାନାଂ ମହେଶ୍ଵରି ।
ଏଵଂ ତ୍ଵଯାଽହମାଜ୍ଞପ୍ତୋ ମଦିଚ୍ଛାରୂପଯା ପ୍ରଭୋ ॥ ୨୦୪॥
ଅଜ୍ଞାନେନ ତୁ ଯୋ ଦଦ୍ଯାତ୍ ସ ପରେତୋ ଭଵିଷ୍ଯତି ।
ସଙ୍କେତଂ ଯୋ ଵିଜାନାତି ଯୋଗିନୀନାଂ ଭଵେତ୍ପ୍ରିଯଃ ॥ ୨୦୫॥
ସର୍ଵେପ୍ସିତଫଲାଵାପ୍ତିଃ ସର୍ଵକାମଫଲାଶ୍ରଯଃ ।
ଯତୋଽପି ଦୃଶ୍ଯତେ ଦେଵି କଥଂ ଵିଦ୍ଵାନ୍ନ ଚିନ୍ତଯେତ୍ ॥ ୨୦୬॥
॥ ଇତି ଯୋଗିନୀହୃଦଯମ୍ ସ୍ତୋତ୍ରମ୍ ॥
Encoded and proofread by Mike Magee (ac70@cityscape.co.uk).
Please send corrections to sanskrit@cheerful.com
Last updated ତ୍oday
http://sanskritdocuments.org
Yogini Hrudayam Lyrics in Oriya PDF
% File name : yoginii.itx
% Category : hRidaya
% Location : doc\_devii
% Language : Sanskrit
% Subject : tantram
% Transliterated by : Michael Magee
% Proofread by : Mike Magee
% Description-comments : yoginiihRidayam.h
% Latest update : Dec. 22, 1997
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : yoginii.itx
% Category : hRidaya
% Location : doc\_devii
% Language : Sanskrit
% Subject : tantram
% Transliterated by : Michael Magee
% Proofread by : Mike Magee
% Description-comments : yoginiihRidayam.h
% Latest update : Dec. 22, 1997
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website