ಲಘುಷೋಡಶಾರ್ಣಕಲಾವಿಲಾಸಃ
{॥ ಲಘುಷೋಡಶಾರ್ಣಕಲಾವಿಲಾಸಃ ॥}
ಕಲ್ಯಾಣಂ ಜಗತಾಮಹಂ ಕಥಮುಮೇ ಧ್ಯಾಯಾಮಿ ಸಚ್ಚಿದ್ವಪು-
ಸ್ತ್ರಯ್ಯನ್ತೈರ್ಮನಸಾಪಿ ತೇ ಸಹ ಚಿರಂ ಮೃಗ್ಯಾಪಿ ಯತ್ನೇನ ಚ ।
ಜ್ಞಾತುಮ್ ನೋ ವದಿತುಂ ಶಕ್ಯಮಭವದ್ ಯಸ್ಮಾತ್ ತಥಾ ಭಕ್ತಿತಃ
ಶ್ರೀಚಕ್ರಾಗ್ರಗಶೈವಮಞ್ಚಪರಶೈವಾಙ್ಕಸ್ಥಿತಾಂ ಭಾವಯೇ ॥ ೧॥
ಏಲಾಸೌರಭಿಕುನ್ತಲೇ ಪರಮುಮೇ ತ್ವಾಂ ವ್ಯಾಪ್ಯ ಸರ್ವಂ ಸ್ಥಿತಾಂ
ಕಾಷ್ಠಾದಿಷ್ವಿವ ತೈಲವಹ್ನಿನವನೀತಾಮ್ಬುಪ್ರವಾಹಾದಿಕಮ್ ।
ಶ್ರೀಮೂರ್ತಿಷ್ವತಿಸುನ್ದರಾಸು ನವಬನ್ಧೂಕಪ್ರಭಾಸ್ವಮ್ಬಿಕೇ
ಶಕ್ಯಂ ಕಿಂ ನು ತಥಾಪಿ ತೇ ಪರಶಿವೇ ಚಾಸ್ಥಾನಮಾವಾಹಯೇ ॥ ೨॥
ಈಶಾವಾಸ್ಯಮಿದಂ ತ್ವಯಾ ಸಕಲಮಪ್ಯಮ್ಬಾಸನೇ ಮಞ್ಜುಲೇ
ತ್ವಾಮಾರೋಹಯಿತುಂ ಸಮಸ್ತಭುವನಾಧಾರಂ ಕಥಂ ಶಕ್ನುಯಾಮ್ ।
ಮತ್ಸ್ವಾನ್ತಾಬ್ಜಮಪಿ ತ್ವದಾಸನವರಂ ಭೂಯಾದ್ಯತಃ ಸರ್ವದಾ
ಸರ್ವೇಷಾಂ ಹೃದಯಾರವಿನ್ದಭವನೇ ನಿತ್ಯಂ ವಸಸ್ಯಮ್ಬಿಕೇ ॥ ೩॥
ಲಕ್ಷ್ಯಾಲಕ್ಷ್ಯವಿಲಕ್ಷಣಂ ತವ ವಪುಃ ಪಾದಾದಿಹೀನಂ ಪರಂ
ಪಾದ್ಯೈಸ್ತತ್ ಪರಿತೋಷಯಾಮಿ ಕಥಮಪ್ಯತ್ಯನ್ತಮಚ್ಛಾತ್ಮಕಮ್ ।
ಮತ್ಸ್ವಾನ್ತದ್ರುತಹೇಮರತ್ನಕಲಶಾನೀತಾತಿಭಕ್ತ್ಯಮ್ಬುನಾ
ವಿಜ್ಞಾನಾಮರಸಿನ್ಧುಜೇನ ರಚಯೇ ಪ್ರಕ್ಷಾಲನಂ ತ್ವತ್ಪದೇ ॥ ೪॥
ಹ್ರೀಂಕಾರದ್ರುಮಮಞ್ಜರೀಶವಿನುತೇಽನರ್ಘ್ಯಾಯ ಹಸ್ತಾಯ ತೇ
ಸರ್ವಾಭೀಷ್ಟಫಲಪ್ರದಾನನಿರತಾಯಾರ್ಘ್ಯಂ ಕಥಂ ಕಲ್ಪಯೇ ।
ಗೃಹ್ಣೀಷ್ವಾಮ್ಬ ಮಯಾ ಪ್ರದತ್ತಮನಘೇ ವಿಜ್ಞಾನಪಾತ್ರೇ ಸ್ಥಿತಂ
ತ್ವದ್ರೂಪಾನುಭವಾಮ್ಬುಕಲ್ಪಿತಮಥಾಪ್ಯರ್ಘ್ಯಂ ಮಹಾಸುನ್ದರಿ ॥ ೫॥
ಹನ್ತ ತ್ವನ್ಮುಖನಿರ್ಗತೇನ ಸಕಲಂ ಪೂತಂ ಜಗತ್ ಸರ್ವದಾ
ವೇದೇನಾಚಮನೀಯಮದ್ಯ ಸಹಸಾ ದಾತುಂ ಕಥಂ ಶಕ್ನುಯಾಮ್ ।
ತುಭ್ಯಂ ಶ್ರೀಪರದೇವತೇ ಮಯಿ ತಥಾಪ್ಯಮ್ಬಾನುಕಮ್ಪಾವಶಾದ್
ಗೃಹ್ಣೀಷ್ವಾಚಮನಂ ಪ್ರಕಲ್ಪಿತಮುಮೇ ಗನ್ಧಾದಿಭಿರ್ಮಿಶ್ರಿತಮ್ ॥ ೬॥
ಸರ್ವಂ ಸರ್ವತ ಏವ ಪೂರ್ಣವಿಭವೇ ಪೂರ್ಣೇನ ಪೂರ್ಣಂ ಕಥಂ
ವ್ಯಾಪ್ಯ ತ್ವತ್ತನುಮಾಸ್ಥಿತಾಮತಿತರಾಂ ಶುದ್ಧಾಂ ಜಗತ್ಪಾವನೀಮ್ ।
ಗಾಙ್ಗೈರ್ನಿರ್ಮಲವಾರಿಭಿಃ ಪ್ರಭವತಿ ಪ್ರಾಣೀ ಜಗತ್ಯಾಂ ತಥಾ-
ಪ್ಯಾನನ್ದಾಮೃತವಾರಿಣಾಹಮಭಿಷಿಞ್ಚಾಭ್ಯಾದರಾದಮ್ಬಿಕೇ ॥ ೭॥
ಕಲ್ಪಯ ಕಲ್ಪಕವೃಕ್ಷಸಂಭವಮಹತ್ಕೌಸುಮ್ಭವಸ್ತ್ರದ್ವಯಂ
ನಾನಾರತ್ನವಿಚಿತ್ರಮಮ್ಬ ಪರಮಪ್ರೀತ್ಯಾ ಕಥಂ ತೇ ಮಯಾ ।
ವ್ಯಾಪಿನ್ಯೈ ಜಗತಾಂ ತಥಾಪಿ ವಿಮಲೇನಾಚ್ಛಾದಯೇ ತ್ವಾಂ ಪರಂ
ವಿಜ್ಞಾನಾತ್ಮಕವಾಸಸಾ ಪರಶಿವೇ ಗೃಹ್ಣೀಷ್ವ ತತ್ ಪ್ರೀತಿತಃ ॥ ೮॥
ಹಂಸಸ್ಫಾಟಿಕಕುನ್ದಸುನ್ದರತರಶ್ರೀಮೂರ್ತಿಮಾರ್ಯೇ ಶಿವೇ
ಕರ್ಪೂರಾಗರುಕುಙ್ಕುಮಾದಿಮಿಲಿತೈರ್ಗನ್ಧೈಃ ಕಥಂ ಲೇಪಯೇ ।
ಶ್ರುತ್ಯುಕ್ತಾಂ ತವ ಸರ್ವಗನ್ಧತನುಗಾಂ ನಿರ್ಲೇಪನಾಂ ನಿಷ್ಕಲಾಂ
ಬ್ರಹ್ಮಾತ್ಮೈಕ್ಯಭವಾನುಭೂತಿವಿಮಲಜ್ಞಾನಾಖ್ಯಗನ್ಧೈಃ ಪರಮ್ ॥ ೯॥
ಲಗ್ನೇನ್ದೂಜ್ಜ್ವಲರೇಖಮಮ್ಬ ಮಕುಟಂ ಮಾಣಿಕ್ಯದೀಪ್ತ್ಯುಜ್ಜ್ವಲಂ
ಕಾಲೋನ್ಮೀಲಿತಚಮ್ಪಕಾಮ್ಬುಜಮಹದ್ಬಿಲ್ವೀದಲಾನಾಂ ಸ್ರಜಾ ।
ಸಂವೇಷ್ಟ್ಯಾಹಮಖಣ್ಡನಿರ್ಮಲಪರಾನನ್ದಾಮ್ಬುಧೌ ವಾ ಕದಾ
ಮಜ್ಜೇ ಮನ್ಮಥವೈರಿಭಾಮಿನಿ ವದ ಸ್ವಾನನ್ದವಾರಾಂನಿಧೇ ॥ ೧೦॥
ಹ್ರೀಂಕಾರೀಂ ನಿಗಮಾಗಮಾನ್ತವಿದಿತಾಂ ಭಕ್ತ್ಯಾ ಕಥಂ ತರ್ಪಯೇ
ಧೂಪೈರ್ಗುಗ್ಗುಲುಸಂಭವೈರ್ಜಗದಿದಂ ಸಂವ್ಯಾಪ್ಯ ನಿತ್ಯಂ ಸ್ಥಿತಮ್ ।
ಶ್ರೀಮೂರ್ತ್ಯುದ್ಭವವಾಸನಾಭಿರಧುನಾ ದಿವ್ಯಾಭಿರಾರಾಧಯೇ
ಸಂವಿದ್ವಹ್ನಿಸಮರ್ಪಿತಾಖಿಲಜಗತ್ಕಾಲಾಗರೋರ್ಧೂಪಕೈಃ ॥ ೧೧॥
ಸರ್ವಜ್ಞೇ ಸಕಲೇಷ್ಟದಾನನಿರತೇ ಸಾಮಾದಿಭಿಃ ಸಂಸ್ತುತೇ
ತುಭ್ಯಂ ಕಲ್ಪಯಿತುಂ ಪ್ರದೀಪಮರುಣೇ ಸಾಜ್ಯಂ ಕಥಂ ಶಕ್ನುಯಾಮ್ ।
ಬಾಲಾರ್ಕಾಯುತಕೋಟಿಸುನ್ದರತನೋ ಭಕ್ತ್ಯಾ ತಥಾಪ್ಯಞ್ಚಿತೇ
ವಿಜ್ಞಾನಾತ್ಮಕದೀಪದೀಪ್ತಿಭಿರಹಂ ಸಂತರ್ಪಯಾಮ್ಯಮ್ಬಿಕೇ ॥ ೧೨॥
ಕಲ್ಯಾಣ್ಯಮ್ಬ ಕಥಂ ನಿವೇದಿತುಮಹಂ ನೈವೇದ್ಯಮಾರ್ಯೇ ಶುಭೇ
ತಪ್ತಾಷ್ಟಾಪದಭಾಜನೋಜ್ಜ್ವಲಮುಮೇ ಭಕ್ಷ್ಯಾದಿಭಿಃ ಸಂಯುತಮ್ ।
ಶಕ್ಷ್ಯೇ ಸಂಭೃತಸರ್ವಲೋಕಜಠರಾಯೈ ತುಭ್ಯಮತ್ಯುಜ್ಜ್ವಲಂ
ವಿಶ್ವಾಸೇನ ಸಮರ್ಪಯಾಮಿ ಜಗದಾತ್ಮೈಕ್ಯಾನ್ನಮಾನನ್ದದಮ್ ॥ ೧೩॥
ಲಕ್ಷ್ಮೀವನ್ದಿತಪಾದಪದ್ಮಯುಗಲೇ ಲಕ್ಷ್ಮೀಧವಾದ್ಯರ್ಚಿತೇ
ಕರ್ಪೂರಾಜ್ಯಲಸತ್ಸುವರ್ಣಕಲಶಪ್ರೋದ್ಭಾಸಿ ನೀರಾಜನಮ್ ।
ನಾನಾಶೋಭನಗೀತನೃತ್ತಸಹಿತಂ ದಿವ್ಯಾಙ್ಗನಾಭಿರ್ಧೃತಂ
ವೀಕ್ಷ್ಯಾದ್ಯಾಮ್ಬ ಮುದಂ ಪ್ರಯಾಹಿ ಕೃಪಯಾ ಶ್ರೀಕಾಮರಾಜೇಶ್ವರಿ ॥ ೧೪॥
ಹ್ರೀಂಹ್ರೀಮಿತ್ಯನುಭಾವ್ಯತಾಂ ಹೃತತಮಃಪುಞ್ಜೇ ಸಮಸ್ತಾರ್ಥದೇ
ತ್ವತ್ಪಾದಾಬ್ಜಯುಗೇ ಭವತ್ವನುದಿನಂ ಬಿಲ್ವಾಮ್ಬುಜಾರ್ಚಾವಿಧಿಃ ।
ಹ್ರೀಂಕಾರಾರ್ಣಮನುಪ್ರಯುಕ್ತಮರುಣೇ ಮತ್ಸ್ವಾನ್ತಜೈಃ ಸ್ವಾನುಭೂ-
ತ್ಯಬ್ಜೈಃ ಸಾಕಮಖಣ್ಡಸೌಖ್ಯನಿಲಯೇ ಶ್ರೀಚಕ್ರರಾಜೇಶ್ವರಿ ॥ ೧೫॥
ಹ್ರೀಂಕಾರೋನ್ನತರತ್ನಮಞ್ಜುಲಮಹತ್ಸಿಂಹಾಸನೇ ಭಾಸುರಾ-
ಮೂಢೇ ಬ್ರಹ್ಮಹರೀಶ್ವರಾದಿವಿರಲಂ ಶ್ರೀಕಾಮರಾಜಾಙ್ಕಕಮ್ ।
ಸರ್ವಜ್ಞಾದಿಸಮಸ್ತಶಕ್ತಿನಿವಹೈಃ ಸಂಸೇವಿತಾಮಮ್ಬಿಕಾಂ
ಸೈವಾಸ್ಮೀತಿ ವಿಭಾವನಾನತಿಶತೈಃ ಸಂತೋಷಯಾಮ್ಯನ್ವಹಮ್ ॥ ೧೬॥
ಯೇ ಯೇ ಸಂತತಮನ್ಧಕಾರಿಗೃಹಿಣೀಸ್ತೋತ್ರಂ ಸಮಸ್ತಾರ್ಥದಂ
ಜ್ಞಾತ್ವಾರ್ಥಂ ಹೃದಿ ಮನ್ತ್ರರಾಜವಿಮಲಶ್ರೀಬೀಜವರ್ಣಕ್ರಮಾತ್ ।
ಪ್ರೋಕ್ತಂ ಮನ್ತ್ರವಿದಃ ಪಠನ್ತಿ ಸಹಸಾ ಕಾಲತ್ರಯೇಽಪ್ಯಮ್ಬಿಕಾ-
ಸಾಂನಿಧ್ಯೇ ತದನನ್ಯಭಾವನಾಧಿಯಸ್ತತ್ರೈಕ್ಯತಾಂ ಪ್ರಾಪ್ನುಯುಃ ॥ ೧೭॥
॥ ಇತಿ ಶ್ರೀಲಘುಷೋಡಶಾರ್ಣಕಲಾವಿಲಾಸಸ್ತೋತ್ರಂ ಸಂಪೂರ್ಣಮ್॥
Encoded and proofread by Sridhar Seshagiri seshagir at engineering.sdsu.edu
Please send corrections to sanskrit@cheerful.com
Last updated ತ್oday
http://sanskritdocuments.org
ಕಲ್ಯಾಣಂ ಜಗತಾಮಹಂ ಕಥಮುಮೇ ಧ್ಯಾಯಾಮಿ ಸಚ್ಚಿದ್ವಪು-
ಸ್ತ್ರಯ್ಯನ್ತೈರ್ಮನಸಾಪಿ ತೇ ಸಹ ಚಿರಂ ಮೃಗ್ಯಾಪಿ ಯತ್ನೇನ ಚ ।
ಜ್ಞಾತುಮ್ ನೋ ವದಿತುಂ ಶಕ್ಯಮಭವದ್ ಯಸ್ಮಾತ್ ತಥಾ ಭಕ್ತಿತಃ
ಶ್ರೀಚಕ್ರಾಗ್ರಗಶೈವಮಞ್ಚಪರಶೈವಾಙ್ಕಸ್ಥಿತಾಂ ಭಾವಯೇ ॥ ೧॥
ಏಲಾಸೌರಭಿಕುನ್ತಲೇ ಪರಮುಮೇ ತ್ವಾಂ ವ್ಯಾಪ್ಯ ಸರ್ವಂ ಸ್ಥಿತಾಂ
ಕಾಷ್ಠಾದಿಷ್ವಿವ ತೈಲವಹ್ನಿನವನೀತಾಮ್ಬುಪ್ರವಾಹಾದಿಕಮ್ ।
ಶ್ರೀಮೂರ್ತಿಷ್ವತಿಸುನ್ದರಾಸು ನವಬನ್ಧೂಕಪ್ರಭಾಸ್ವಮ್ಬಿಕೇ
ಶಕ್ಯಂ ಕಿಂ ನು ತಥಾಪಿ ತೇ ಪರಶಿವೇ ಚಾಸ್ಥಾನಮಾವಾಹಯೇ ॥ ೨॥
ಈಶಾವಾಸ್ಯಮಿದಂ ತ್ವಯಾ ಸಕಲಮಪ್ಯಮ್ಬಾಸನೇ ಮಞ್ಜುಲೇ
ತ್ವಾಮಾರೋಹಯಿತುಂ ಸಮಸ್ತಭುವನಾಧಾರಂ ಕಥಂ ಶಕ್ನುಯಾಮ್ ।
ಮತ್ಸ್ವಾನ್ತಾಬ್ಜಮಪಿ ತ್ವದಾಸನವರಂ ಭೂಯಾದ್ಯತಃ ಸರ್ವದಾ
ಸರ್ವೇಷಾಂ ಹೃದಯಾರವಿನ್ದಭವನೇ ನಿತ್ಯಂ ವಸಸ್ಯಮ್ಬಿಕೇ ॥ ೩॥
ಲಕ್ಷ್ಯಾಲಕ್ಷ್ಯವಿಲಕ್ಷಣಂ ತವ ವಪುಃ ಪಾದಾದಿಹೀನಂ ಪರಂ
ಪಾದ್ಯೈಸ್ತತ್ ಪರಿತೋಷಯಾಮಿ ಕಥಮಪ್ಯತ್ಯನ್ತಮಚ್ಛಾತ್ಮಕಮ್ ।
ಮತ್ಸ್ವಾನ್ತದ್ರುತಹೇಮರತ್ನಕಲಶಾನೀತಾತಿಭಕ್ತ್ಯಮ್ಬುನಾ
ವಿಜ್ಞಾನಾಮರಸಿನ್ಧುಜೇನ ರಚಯೇ ಪ್ರಕ್ಷಾಲನಂ ತ್ವತ್ಪದೇ ॥ ೪॥
ಹ್ರೀಂಕಾರದ್ರುಮಮಞ್ಜರೀಶವಿನುತೇಽನರ್ಘ್ಯಾಯ ಹಸ್ತಾಯ ತೇ
ಸರ್ವಾಭೀಷ್ಟಫಲಪ್ರದಾನನಿರತಾಯಾರ್ಘ್ಯಂ ಕಥಂ ಕಲ್ಪಯೇ ।
ಗೃಹ್ಣೀಷ್ವಾಮ್ಬ ಮಯಾ ಪ್ರದತ್ತಮನಘೇ ವಿಜ್ಞಾನಪಾತ್ರೇ ಸ್ಥಿತಂ
ತ್ವದ್ರೂಪಾನುಭವಾಮ್ಬುಕಲ್ಪಿತಮಥಾಪ್ಯರ್ಘ್ಯಂ ಮಹಾಸುನ್ದರಿ ॥ ೫॥
ಹನ್ತ ತ್ವನ್ಮುಖನಿರ್ಗತೇನ ಸಕಲಂ ಪೂತಂ ಜಗತ್ ಸರ್ವದಾ
ವೇದೇನಾಚಮನೀಯಮದ್ಯ ಸಹಸಾ ದಾತುಂ ಕಥಂ ಶಕ್ನುಯಾಮ್ ।
ತುಭ್ಯಂ ಶ್ರೀಪರದೇವತೇ ಮಯಿ ತಥಾಪ್ಯಮ್ಬಾನುಕಮ್ಪಾವಶಾದ್
ಗೃಹ್ಣೀಷ್ವಾಚಮನಂ ಪ್ರಕಲ್ಪಿತಮುಮೇ ಗನ್ಧಾದಿಭಿರ್ಮಿಶ್ರಿತಮ್ ॥ ೬॥
ಸರ್ವಂ ಸರ್ವತ ಏವ ಪೂರ್ಣವಿಭವೇ ಪೂರ್ಣೇನ ಪೂರ್ಣಂ ಕಥಂ
ವ್ಯಾಪ್ಯ ತ್ವತ್ತನುಮಾಸ್ಥಿತಾಮತಿತರಾಂ ಶುದ್ಧಾಂ ಜಗತ್ಪಾವನೀಮ್ ।
ಗಾಙ್ಗೈರ್ನಿರ್ಮಲವಾರಿಭಿಃ ಪ್ರಭವತಿ ಪ್ರಾಣೀ ಜಗತ್ಯಾಂ ತಥಾ-
ಪ್ಯಾನನ್ದಾಮೃತವಾರಿಣಾಹಮಭಿಷಿಞ್ಚಾಭ್ಯಾದರಾದಮ್ಬಿಕೇ ॥ ೭॥
ಕಲ್ಪಯ ಕಲ್ಪಕವೃಕ್ಷಸಂಭವಮಹತ್ಕೌಸುಮ್ಭವಸ್ತ್ರದ್ವಯಂ
ನಾನಾರತ್ನವಿಚಿತ್ರಮಮ್ಬ ಪರಮಪ್ರೀತ್ಯಾ ಕಥಂ ತೇ ಮಯಾ ।
ವ್ಯಾಪಿನ್ಯೈ ಜಗತಾಂ ತಥಾಪಿ ವಿಮಲೇನಾಚ್ಛಾದಯೇ ತ್ವಾಂ ಪರಂ
ವಿಜ್ಞಾನಾತ್ಮಕವಾಸಸಾ ಪರಶಿವೇ ಗೃಹ್ಣೀಷ್ವ ತತ್ ಪ್ರೀತಿತಃ ॥ ೮॥
ಹಂಸಸ್ಫಾಟಿಕಕುನ್ದಸುನ್ದರತರಶ್ರೀಮೂರ್ತಿಮಾರ್ಯೇ ಶಿವೇ
ಕರ್ಪೂರಾಗರುಕುಙ್ಕುಮಾದಿಮಿಲಿತೈರ್ಗನ್ಧೈಃ ಕಥಂ ಲೇಪಯೇ ।
ಶ್ರುತ್ಯುಕ್ತಾಂ ತವ ಸರ್ವಗನ್ಧತನುಗಾಂ ನಿರ್ಲೇಪನಾಂ ನಿಷ್ಕಲಾಂ
ಬ್ರಹ್ಮಾತ್ಮೈಕ್ಯಭವಾನುಭೂತಿವಿಮಲಜ್ಞಾನಾಖ್ಯಗನ್ಧೈಃ ಪರಮ್ ॥ ೯॥
ಲಗ್ನೇನ್ದೂಜ್ಜ್ವಲರೇಖಮಮ್ಬ ಮಕುಟಂ ಮಾಣಿಕ್ಯದೀಪ್ತ್ಯುಜ್ಜ್ವಲಂ
ಕಾಲೋನ್ಮೀಲಿತಚಮ್ಪಕಾಮ್ಬುಜಮಹದ್ಬಿಲ್ವೀದಲಾನಾಂ ಸ್ರಜಾ ।
ಸಂವೇಷ್ಟ್ಯಾಹಮಖಣ್ಡನಿರ್ಮಲಪರಾನನ್ದಾಮ್ಬುಧೌ ವಾ ಕದಾ
ಮಜ್ಜೇ ಮನ್ಮಥವೈರಿಭಾಮಿನಿ ವದ ಸ್ವಾನನ್ದವಾರಾಂನಿಧೇ ॥ ೧೦॥
ಹ್ರೀಂಕಾರೀಂ ನಿಗಮಾಗಮಾನ್ತವಿದಿತಾಂ ಭಕ್ತ್ಯಾ ಕಥಂ ತರ್ಪಯೇ
ಧೂಪೈರ್ಗುಗ್ಗುಲುಸಂಭವೈರ್ಜಗದಿದಂ ಸಂವ್ಯಾಪ್ಯ ನಿತ್ಯಂ ಸ್ಥಿತಮ್ ।
ಶ್ರೀಮೂರ್ತ್ಯುದ್ಭವವಾಸನಾಭಿರಧುನಾ ದಿವ್ಯಾಭಿರಾರಾಧಯೇ
ಸಂವಿದ್ವಹ್ನಿಸಮರ್ಪಿತಾಖಿಲಜಗತ್ಕಾಲಾಗರೋರ್ಧೂಪಕೈಃ ॥ ೧೧॥
ಸರ್ವಜ್ಞೇ ಸಕಲೇಷ್ಟದಾನನಿರತೇ ಸಾಮಾದಿಭಿಃ ಸಂಸ್ತುತೇ
ತುಭ್ಯಂ ಕಲ್ಪಯಿತುಂ ಪ್ರದೀಪಮರುಣೇ ಸಾಜ್ಯಂ ಕಥಂ ಶಕ್ನುಯಾಮ್ ।
ಬಾಲಾರ್ಕಾಯುತಕೋಟಿಸುನ್ದರತನೋ ಭಕ್ತ್ಯಾ ತಥಾಪ್ಯಞ್ಚಿತೇ
ವಿಜ್ಞಾನಾತ್ಮಕದೀಪದೀಪ್ತಿಭಿರಹಂ ಸಂತರ್ಪಯಾಮ್ಯಮ್ಬಿಕೇ ॥ ೧೨॥
ಕಲ್ಯಾಣ್ಯಮ್ಬ ಕಥಂ ನಿವೇದಿತುಮಹಂ ನೈವೇದ್ಯಮಾರ್ಯೇ ಶುಭೇ
ತಪ್ತಾಷ್ಟಾಪದಭಾಜನೋಜ್ಜ್ವಲಮುಮೇ ಭಕ್ಷ್ಯಾದಿಭಿಃ ಸಂಯುತಮ್ ।
ಶಕ್ಷ್ಯೇ ಸಂಭೃತಸರ್ವಲೋಕಜಠರಾಯೈ ತುಭ್ಯಮತ್ಯುಜ್ಜ್ವಲಂ
ವಿಶ್ವಾಸೇನ ಸಮರ್ಪಯಾಮಿ ಜಗದಾತ್ಮೈಕ್ಯಾನ್ನಮಾನನ್ದದಮ್ ॥ ೧೩॥
ಲಕ್ಷ್ಮೀವನ್ದಿತಪಾದಪದ್ಮಯುಗಲೇ ಲಕ್ಷ್ಮೀಧವಾದ್ಯರ್ಚಿತೇ
ಕರ್ಪೂರಾಜ್ಯಲಸತ್ಸುವರ್ಣಕಲಶಪ್ರೋದ್ಭಾಸಿ ನೀರಾಜನಮ್ ।
ನಾನಾಶೋಭನಗೀತನೃತ್ತಸಹಿತಂ ದಿವ್ಯಾಙ್ಗನಾಭಿರ್ಧೃತಂ
ವೀಕ್ಷ್ಯಾದ್ಯಾಮ್ಬ ಮುದಂ ಪ್ರಯಾಹಿ ಕೃಪಯಾ ಶ್ರೀಕಾಮರಾಜೇಶ್ವರಿ ॥ ೧೪॥
ಹ್ರೀಂಹ್ರೀಮಿತ್ಯನುಭಾವ್ಯತಾಂ ಹೃತತಮಃಪುಞ್ಜೇ ಸಮಸ್ತಾರ್ಥದೇ
ತ್ವತ್ಪಾದಾಬ್ಜಯುಗೇ ಭವತ್ವನುದಿನಂ ಬಿಲ್ವಾಮ್ಬುಜಾರ್ಚಾವಿಧಿಃ ।
ಹ್ರೀಂಕಾರಾರ್ಣಮನುಪ್ರಯುಕ್ತಮರುಣೇ ಮತ್ಸ್ವಾನ್ತಜೈಃ ಸ್ವಾನುಭೂ-
ತ್ಯಬ್ಜೈಃ ಸಾಕಮಖಣ್ಡಸೌಖ್ಯನಿಲಯೇ ಶ್ರೀಚಕ್ರರಾಜೇಶ್ವರಿ ॥ ೧೫॥
ಹ್ರೀಂಕಾರೋನ್ನತರತ್ನಮಞ್ಜುಲಮಹತ್ಸಿಂಹಾಸನೇ ಭಾಸುರಾ-
ಮೂಢೇ ಬ್ರಹ್ಮಹರೀಶ್ವರಾದಿವಿರಲಂ ಶ್ರೀಕಾಮರಾಜಾಙ್ಕಕಮ್ ।
ಸರ್ವಜ್ಞಾದಿಸಮಸ್ತಶಕ್ತಿನಿವಹೈಃ ಸಂಸೇವಿತಾಮಮ್ಬಿಕಾಂ
ಸೈವಾಸ್ಮೀತಿ ವಿಭಾವನಾನತಿಶತೈಃ ಸಂತೋಷಯಾಮ್ಯನ್ವಹಮ್ ॥ ೧೬॥
ಯೇ ಯೇ ಸಂತತಮನ್ಧಕಾರಿಗೃಹಿಣೀಸ್ತೋತ್ರಂ ಸಮಸ್ತಾರ್ಥದಂ
ಜ್ಞಾತ್ವಾರ್ಥಂ ಹೃದಿ ಮನ್ತ್ರರಾಜವಿಮಲಶ್ರೀಬೀಜವರ್ಣಕ್ರಮಾತ್ ।
ಪ್ರೋಕ್ತಂ ಮನ್ತ್ರವಿದಃ ಪಠನ್ತಿ ಸಹಸಾ ಕಾಲತ್ರಯೇಽಪ್ಯಮ್ಬಿಕಾ-
ಸಾಂನಿಧ್ಯೇ ತದನನ್ಯಭಾವನಾಧಿಯಸ್ತತ್ರೈಕ್ಯತಾಂ ಪ್ರಾಪ್ನುಯುಃ ॥ ೧೭॥
॥ ಇತಿ ಶ್ರೀಲಘುಷೋಡಶಾರ್ಣಕಲಾವಿಲಾಸಸ್ತೋತ್ರಂ ಸಂಪೂರ್ಣಮ್॥
Encoded and proofread by Sridhar Seshagiri seshagir at engineering.sdsu.edu
Please send corrections to sanskrit@cheerful.com
Last updated ತ್oday
http://sanskritdocuments.org
Laghu Shodasharna Kalavilasa Lyrics in Kannada PDF
% File name : laghu16.itx
% Location : doc\_devii
% Language : Sanskrit
% Subject : hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Description-comments : Hymn to Devi
% Latest update : October 15, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : laghu16.itx
% Location : doc\_devii
% Language : Sanskrit
% Subject : hinduism/religion
% Transliterated by : Sridhar Seshagiri seshagir at engineering.sdsu.edu
% Proofread by : Sridhar Seshagiri seshagir at engineering.sdsu.edu
% Description-comments : Hymn to Devi
% Latest update : October 15, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website