{॥ వరాహముఖీస్తవః తథా వారాహ్యనుగ్రహాష్టకమ్ ॥}
కువలయనిభా కౌశేయార్ధోరుకా ముకుటోజ్జ్వలా
హలముసలినీ సద్భక్తేభ్యో వరాభయదాయినీ ।
కపిలనయనా మధ్యే క్షామా కఠోరఘనస్తనీ
జయతి జగతాం మాతః సా తే వరాహముఖీ తనుః ॥ ౧ ॥

తరతి విపదో ఘోరా దూరాత్ పరిహ్రియతే భయ-
స్ఖలితమతిభిర్భూతప్రేతైః స్వయం వ్రియతే శ్రియా ।
క్షపయతి రిపూనీష్టే వాచాం రణే లభతే జయం
వశయతి జగత్ సర్వం వారాహి యస్త్వయి భక్తిమాన్ ॥ ౨ ॥

స్తిమితగతయః సీదద్వాచః పరిచ్యుతహేతయః
క్షుభితహృదయాః సద్యో నశ్యద్దృశో గలితౌజసః ।
భయపరవశా భగ్నోత్సాహాః పరాహతపౌరుషా
భగవతి పురస్త్వద్భక్తానాం భవన్తి విరోధినః ॥ ౩ ॥

కిసలయమృదుర్హస్తః క్లిశ్యతే కన్దుకలీలయా
భగవతి మహాభారః క్రీడాసరోరుహమేవ తే ।
తదపి ముసలం ధత్సే హస్తే హలం సమయద్రుహాం
హరసి చ తదాఘాతైః ప్రాణానహో తవ సాహసమ్ ॥ ౪ ॥

జనని నియతస్థానే త్వద్వామదక్షిణపార్శ్వయో-
ర్మృదుభుజలతామన్దోత్క్షేపప్రణర్తితచామరే ।
సతతముదితే గుహ్యాచారద్రుహాం రుధిరాసవై-
రుపశమయతాం శత్రూన్ సర్వానుభే మమ దేవతే ॥ ౫ ॥

హరతు దురితం క్షేత్రాధీశః స్వశాసనవిద్విషాం
రుధిరమదిరామత్తః ప్రాణోపహారబలిప్రియః ।
అవిరతచటత్కుర్వద్దంష్ట్రాస్థికోటిరటన్ముకో
భగవతి స తే చణ్డోచ్చణ్డః సదా పురతః స్థితః ॥ ౬ ॥

క్షుభితమకరైర్వీచీహస్తోపరుద్ధపరస్పరై-
శ్చతురదధిభిః క్రాన్తా కల్పాన్తదుర్లలితోదకైః ।
జనని కథముత్తిష్ఠేత్ పాతాలసద్మబిలాదిలా
తవ తు కుటిలే దంష్ట్రాకోటీ న చేదవలమ్బనమ్ ॥ ౭ ॥

తమసి బహులే శూన్యాటవ్యాం పిశాచనిశాచర-
ప్రమథకలహే చోరవ్యాఘ్రోరగద్విపసంకటే ।
క్షుభితమనసః క్షుద్రస్యైకాకినోఽపి కుతో భయం
సకృదపి ముఖే మాతస్త్వన్నామ సంనిహితం యది ॥ ౮ ॥

విదితవిభవం హృద్యైః పద్మైర్వరాహముఖీస్తవం
సకలఫలదం పూర్ణం మన్త్రాక్షరైరిమమేవ యః ।
పఠతి స పటుః ప్రాప్నోత్యాయుశ్చిరం కవితాం ప్రియాం
సుతసుఖధనారోగ్యం కీర్తిం శ్రియం జయముర్వరామ్ ॥ ౯ ॥

ఇతి శ్రీవరాహముఖీస్తవః సమాప్తః ॥


Encoded and proofread by Sridhar Seshagiri seshagir at engineering.sdsu.edu

Please send corrections to sanskrit@cheerful.com
Last updated త్oday
http://sanskritdocuments.org

Varahamuki Stavam ( Varahyanugraha Ashtakam ) Lyrics in Telugu PDF
% File name : varAhamukhIstava.itx
% Location : doc\_devii
% Language : Sanskrit
% Subject : hinduism/religion
% Transliterated by : Sridhar Seshagiri sridhar.seshagiri at gmail.com
% Proofread by : Sridhar Seshagiri sridhar.seshagiri at gmail.com
% Latest update : November 26, 2001
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website