% Text title            : vArAhInigrahAShTakam
% File name             : vaaraahiinigraha8.itx
% Category              : aShTaka
% Location              : doc\_devii
% Author                : Traditional
% Language              : Sanskrit
% Subject               : philosophy/hinduism/religion
% Transliterated by     : WebD
% Proofread by          : Ravin Bhalekar ravibhalekar at hotmail.com
% Latest update         : June 26, 2004
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vArAhInigrahAShTakam ..}##
\itxtitle{.. vArAhInigrahAShTakam ..}##\endtitles ##
\section{.. vArAhInigrahAShTakam ..}

shrIgaNeshAya namaH .
devi kroDamukhi tvada.nghrikamala\-dvandvAnurak{}tAtmane
mahyaM druhyati yo maheshi manasA kAyena vAchA naraH |
tasyAshu tvadayograniShThurahalA\-ghAta\-prabhUta\-vyathA\-
paryasyanmanaso bhavantu vapuShaH prANAH prayANonmukhAH || 1||
devi tvatpadapadmabhak{}tivibhava\-prakShINaduShkarmaNi
prAdurbhUtanR^isha.nsabhAvamalinAM vR^ittiM vidhatte mayi |
yo dehI bhuvane tadIyahR^idayAnnirgatvarairlohitaiH
sadyaH pUrayase karAab{}ja\-chaShakaM vA.nChAphalairmAmapi || 2||
chaNDottuNDa\-vidIrNada.nShTrahR^idaya\-prodbhinnarak{}tachChaTA\-
hAlApAna\-madATTahAsa\-ninadATopa\-pratApotkaTam |
mAtarmatparipanthinAmapahR^itaiH prANaistvada.nghridvayaM
dhyAnoddAmaravairbhavodayavashAtsantarpayAmi kShaNAt || 3||
shyAmAM tAmarasAnanA.nghrinayanAM somArdhachUDAM
jagattrANa\-vyagra\-halAyudhAgramusalAM santrAsamudrAvatIm |
ye tvAM rak{}takapAlinIM haravarArohe varAhAnanAM
bhAvaiH sandadhate kathaM kShaNamapi prANanti teShAM dviShaH || 4||
vishvAdhIshvaravallabhe vijayase yA tvaM niyantryAtmikA
bhUtAntA puruShAyuShAvadhikarI pAkapradA karmaNAm |
tvAM yAche bhavatIM kimapyavitathaM yo madvirodhI
janastasyAyurmama vA.nChitAvadhi bhavenmAtastavaivAj~nayA || 5||
mAtaH samyagupAsituM jaDamatistvAM naiva shak{}nomyahaM
yadyapyanvita\-daishikA.nghrikamalAnukroshapAtrasya me |
jantuH kashchana chintayatyakushalaM yastasya tadvaishasaM
bhUyAddevi virodhino mama cha te shreyaH padAsa~NginaH || 6||
vArAhi vyathamAna\-mAnasagalatsaukhyaM tadAshAbaliM
sIdantaM yamapAkR^itAdhyavasitaM prAptAkhilotpAditam |
krandadbandhujanaiH kala~NkitatulaM kaNThavraNodyatkR^imi
pashyAmi pratipakShamAshu patitaM bhrAntaM luThantaM muhuH || 7||
vArAhi tvamasheShajantuShu punaH prANAtmikA spandase
shak{}ti vyApta\-charAcharA khalu yatastvAmetadabhyarthaye |
tvatpAdAmbujasa~Ngino mama sakR^itpApaM chikIrShanti ye
teShAM mA kuru sha~Nkarapriyatame dehAntarAvasthitim || 8||
|| iti shrIvArAhInigrahAShTakaM sampUrNam ||
##
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}