{॥ ಶ್ರೀಶಕ್ತಿಮಹಿಮ್ನ ಅಥವಾ ತ್ರಿಪುರಾಮಹಿಮ್ನಸ್ತೋತ್ರಮ್ ॥}
ಮಾತಸ್ತೇ ಮಹಿಮಾ ವಕ್ತುಂ ಶಿವೇನಾಪಿ ನ ಶಕ್ಯತೇ ।
ಭಕ್ತ್ಯಾಹಂ ಸ್ತೋತುಮಿಚ್ಛಾಮಿ ಪ್ರಸೀದ ಮಮ ಸರ್ವದಾ ॥ ೧॥

ಶ್ರೀಮಾತಸ್ತ್ರಿಪುರೇ ಪರಾತ್ಪರತರೇ ದೇವಿ ತ್ರಿಲೋಕೀಮಹಾ-
ಸೌನ್ದರ್ಯಾರ್ಣವ-ಮನ್ಥನೋದ್ಭವಸುಧಾ-ಪ್ರಾಚುರ್ಯ-ವರ್ಣೋಜ್ಜ್ವಲಮ್ ।
ಉದ್ಯದ್ಭಾನುಸಹಸ್ರನೂತನಜಪಾಪುಷ್ಪಪ್ರಭಂ ತೇ ವಪುಃ
ಸ್ವಾನ್ತೇ ಮೇ ಸ್ಫುರತು ತ್ರಿಕೋಣನಿಲಯಂ ಜ್ಯೋತಿರ್ಮಯಂ ವಾಙ್ಮಯಮ್ ॥ ೨॥

ಆದಿಕ್ಷಾನ್ತ ಸಮಸ್ತ-ವರ್ಣ-ಸುಮಣಿ-ಪ್ರೋತೇ ವಿತಾನಪ್ರಭೇ
ಬ್ರಹ್ಮಾದಿ-ಪ್ರತಿಮಾಭಿಕೀಲಿತ-ಷಡಾರಾಬ್ಜ-ಕಕ್ಷೋನ್ನತೇ ।
ಬ್ರಹ್ಮಾಣ್ಡಾಬ್ಜ ಮಹಾಸನೇ ಜನನಿ ತೇ ಮೂರ್ತಿಂ ಭಜೇ ಚಿನ್ಮಯೀಂ
ಸೌಷುಮ್ನಾಯತ-ಪೀತಪಙ್ಕಜ-ಮಹಾಮಧ್ಯ-ತ್ರಿಕೋಣಸ್ಥಿತಾಮ್ ॥ ೩॥

ಯಾ ಬಾಲೇನ್ದು ದಿವಾಕರಾಕ್ಷಿಮಧುರಾ ಯಾ ರಕ್ತಪದ್ಮಾಸನಾ
ರತ್ನಾಕಲ್ಪ-ವಿರಾಜಿತಾಙ್ಗ-ಲತಿಕಾ ಪೂರ್ಣೇನ್ದುವಕ್ತ್ರೋಜ್ಜ್ವಲಾ ।
ಆಕ್ಷಸ್ತ್ರಕ್ಸೃಣಿ-ಪಾಶ-ಪುಸ್ತಕ-ಕರಾ ಯಾ ಬಾಲಭಾನುಪ್ರಭಾ
ತಾಂ ದೇವೀಂ ತ್ರಿಪುರಾಂ ಶಿವಂ ಹೃದಿ ಭಜೇಽಭೀಷ್ಟಾರ್ಥ ಸಿದ್ಧಯೈ ಸದಾ ॥ ೪॥

ವನ್ದೇ ವಾಗ್ಭವಮೈನ್ದವಾತ್ಮ-ಸದೃಶಂ ವೇದಾದಿ-ವಿದ್ಯಾ-ಗಿರೋ
ಭಾಶಾ ದೇಶಸಮುದ್ಭವಾಃ ಪಶುಗತಾಶ್ಛನ್ದಾಂಸಿ ಸಪ್ತಸ್ವರಾನ್ ।
ತಾಲಾನ್ ಪಞ್ಚಮಹಾಧ್ವನೀನ್ ಪ್ರಕಟಯತ್ಯಾತ್ಮಪ್ರಕಾಶೇನ ಯತ್
ತದ್ಬೀಜಂ ಪದವಾಕ್ಯ-ಮಾನ-ಜನಕಂ ಶ್ರೀಮಾತೃಕೇ ತೇ ಪರಮ್ ॥ ೫॥

ತ್ರೈಲೋಕ್ಯಸ್ಫುಟ-ಮನ್ತ್ರ-ತನ್ತ್ರ-ಮಹಿಮಾ ಸ್ವಾತ್ಮೋಕ್ತಿ-ರೂಪಂ ವಿನಾ
ಯದ್ಬೀಜಂ ವ್ಯವಹಾರಜಾಲಮಖಿಲಂ ನಾಸ್ತ್ಯೇವ ಮಾತಸ್ತವ ।
ತಜ್ಜಾಪ್ಯ-ಸ್ಮರಣ-ಪ್ರಸಕ್ತ-ಸುಮತಿಃ ಸರ್ವಜ್ಞತಾಂ ಪ್ರಾಪ್ಯ ಕಃ
ಶಬ್ದಬ್ರಹ್ಮನಿವಾಸಭೂತವದನೋ ನೇನ್ದ್ರಾದಿಭಿಃ ಸ್ಪರ್ಧತೇ ॥ ೬॥

ಮಾತ್ರಾ ಯಾಽತ್ರ ವಿರಾಜತೇಽತಿವಿಶದಾ ತಾಮಷ್ಟಧಾ ಮಾತೃಕಾಂ
ಶಕ್ತಿಂ ಕುನ್ಡಲಿನೀಂ ಚತುರ್ವಿಧತನುಂ ಯಸ್ತತ್ತ್ವವಿನ್ಮನ್ಯತೇ ।
ಸೋಽವಿದ್ಯಾಖಿಲಜನ್ಮ-ಕರ್ಮ-ದುರಿತಾರಣ್ಯಂ ಪ್ರಬೋಧಾಗ್ನಿನಾ
ಭಸ್ಮೀಕೃತ್ಯ ವಿಕಲ್ಪಜಾಲ-ರಹಿತೋ ಮಾತಃ ಪದಂ ತೀದ್ವ್ರಜೇತ್ ॥ ೭॥

ತತ್ತೇ ಮಧ್ಯಮ-ಬೀಜಮಮ್ಬ ಕಲಯಾಮ್ಯದಿತ್ಯವರ್ಣಂ ಕ್ರಿಯಾ-
ಜ್ಞಾನೇಚ್ಛಾದಿಮನನ್ತಶಕ್ತಿ-ವಿಭವ-ವ್ಯಕ್ತಿಂ ವ್ಯನಕ್ತಿ ಸ್ಫುಟಮ್ ।
ಉತ್ಪತಿ-ಸ್ಥಿತಿ-ಕಲ್ಪ-ಕಲ್ಪಿತ-ತನು ಸ್ವಾತ್ಮಪ್ರಭಾವೇನ ಯತ್
ಕಾಮ್ಯಂ ಬ್ರಹ್ಮಹರೀಶ್ವರಾದಿ-ವಿಬುಧೈಃ ಕಾಮಂ ಕ್ರಿಯಾಯೋಜಿತೈಃ ॥ ೮॥

ಕಾಮಾನ್ ಕಾರಣತಾಂ ಗತಾನ್ ಅಗಣಿತಾನ್ ಕಾರ್ಯೈ-ರನನ್ತೈ-ರ್ಮಹೀ-
ಮುಖ್ಯೈಃ ಸರ್ವಮನೋಗತೈ-ರಧಿಗತಾನ್ ಮಾನೈರನೇಕೈಃ ಸ್ಫುಟ್ಮ್ ।
ಕಾಮಕ್ರೋಧ-ಸಲೋಭಮೋಹ-ಮದಮಾತಸರ್ಯಾರಿ-ಷಟ್ಕಂ ಚ ಯತ್
ಬೀಜಂ ಭ್ರಾಜಯತಿ ಪ್ರಣೌಮಿ ತದಹಂ ತೇ ಸಾಧು ಕಾಮೇಶ್ವರಿ ॥ ೯॥


ಯದ್ಭಕ್ತಾಖಿಲ-ಕಾಮ-ಪೂರಣಚಣ-ಸ್ವಾತ್ಮಪ್ರಭಾವಂ ಮಹಾ-
ಜಾಡ್ಯಧ್ವಾನ್ತ-ವಿದಾರಣೈಕ-ತರಣಿಜ್ಯೋತಿಃ ಪ್ರಬೋಧಪ್ರದಮ್ ।
ಯದ್ವೇದೇಷು ಚ ಗೀಯತೇ ಶ್ರುತಿಮುಖಂ ಮಾತ್ರಾತ್ರಯೇಣೋಮಿತಿ
ಶ್ರೀವಿದ್ಯೇ ತವ ಸರ್ವರಾಜ-ವಶಕೃತ್ ತತ್ಕಾಮರಾಜಂ ಭಜೇ ॥ ೧೦॥

ಯತ್ತೇ ದೇವಿ ತೃತೀಯಬೀಜ-ಮನಲಜ್ವಾಲಾವಲೀ-ಸನ್ನಿಭಂ
ಸರ್ವಾಧಾರ-ತುರೀಯಬೀಜ-ಮಪರಬ್ರಹ್ಮಾಭಿಧಾ-ಶಬ್ದಿತಮ್ ।
ಮೂರ್ಧನ್ಯಾನ್ತ-ವಿಸರ್ಗ-ಭೂಷಿತಮಹೌಕಾರಾತ್ಮಕಂ ತತ್ಪರಂ
ಸರ್ವಿದ್ರೂಪಮನನ್ಯ-ತುಲ್ಯ ಮಹಿಮ ಸ್ವಾನ್ತೇ ಮಮ ದ್ಯೋತತಾಮ್ ॥ ೧೧॥


ಸರ್ವ ಸರ್ವತ ಏವ ಸರ್ಗಸಮಯೇ ಕಾರ್ಯೇನ್ದ್ರಿಯಾಣ್ಯನ್ತರಾ
ತತ್ತದ್ದಿವ್ಯ-ಹೃಷೀಕ-ಕರ್ಮಭಿರಿಯಂ ಸಂವ್ಯಶ್ರುವಾನಾ ಪರಾ ।
ವಾಗರ್ಥ-ವ್ಯವಹಾರ-ಕಾರಣತನುಃ ಶಕ್ತಿ-ರ್ಜಗದ್ರೂಪಿಣೀ
ಯದ್ಬೀಜಾತ್ಮಕತಾಂ ಗತಾ ತವ ಶಿವೇ ತನ್ನೌಮಿ ಬೀಜಂ ಪರಮ್ ॥ ೧೨॥


ಅಗ್ನೀನ್ದು-ದ್ಯುಮಣಿ-ಪ್ರಭಞ್ಜನ-ಧರಾ-ನೀರಾನ್ತರ-ಸ್ಥಾಯಿನೀ
ಶಕ್ತಿರ್ಬ್ರಹ್ಮಹರೀಶ-ವಾಸವ-ಮುಖಾಮರ್ತ್ಯಾಸುರಾತ್ಮ-ಸ್ಥಿತಾ ।
ಸೃಷ್ಟಸ್ಥಾವರಜಙ್ಗಮ-ಸ್ಥಿತ-ಮಹಾ-ಚೈತನ್ಯರೂಪಾ ಚ ಯಾ
ಯದ್ಬೀಜಸ್ಮರಣೇನ ಸೈವ ಭವತೀ ಪ್ರಾದುರ್ಭವತ್ಯಮ್ಬಿಕೇ ॥ ೧೩॥


ಸ್ವಾತ್ಮ ಶ್ರೀವಿಜಿತಾಜವಿಷ್ಣು ಮಘವ ಶ್ರೀಪೂರಣೈಕವ್ರತಂ
ಸದ್ವಿದ್ಯಾ-ಕವಿತಾ-ವಿಲಾಸಲಹರೀ-ಕಲ್ಲೋಲಿನೀ-ದೀಪಕಮ್ ।
ಬೀಜಂ ಯತ್ ತ್ರಿಗುಣಪ್ರವೃತಿ-ಜನಕಂ ಬ್ರಹ್ಮೇತಿ ಯದ್ಯೋಗಿನಃ
ಶಾನ್ತಾಃ ಸತ್ಯಮುಪಾಸತೇ ತದಿಹ ತೇ ಚಿತ್ತೇ ದಧೇ ಶ್ರೀಪರೇ ॥ ೧೪॥


ಏಕೈಕಂ ತವ ಮಾತೃಕೇ ಪರತರಂ ಸಂಯೋಗಿ ವಾಽಯೋಗಿ ವಾ
ವಿದ್ಯಾದಿಪ್ರಕಟ-ಪ್ರಭವ-ಜನಕಂ ಜಾಡ್ಯಾನ್ಧ್ಕಾರಾಪಹಾಮ್ ।
ಯನ್ನಿಷ್ಠಾಶ್ಚ ಮಹೋತ್ಪಲಾಸನ-ಮಹಾವಿಷ್ಣು-ಪ್ರಹನ್ನಾರ್ದಯೋ
ದೇವಾಃ ಸ್ವೇಷು ವಿಧಿಷ್ವನನ್ತ-ಮಹಿಮ-ಸ್ಫೂರ್ತಿಂ ದಧತ್ಯೇವ ತತ್ ॥ ೧೫॥

ಇತ್ಥಂ ತ್ರೀಣ್ಯಪಿ ಮೂಲ-ವಾಗ್ಭವ-ಮಹಾ-ಶ್ರೀಕಾಮರಾಜ ಸ್ಫುರ-
ಚ್ಛಕ್ತ್ತ್ಯಾಖ್ಯಾನಿ ಚತುಃ- ಶ್ರುತಿಪ್ರಕಟಿತಾನ್ಯುತ್ಕೃಷ್ಟ-ಕೂಟಾನಿ ತೇ ।
ಭೂತರ್ತು ಶ್ರುತಿ ಸಂಖ್ಯ-ವರ್ಣ-ವಿದಿತಾಅನ್ಯಾರಕ್ತಕಾನ್ತೇ ಶಿವೇ
ಯೋ ಜಾನಾತಿ ಸ ಏವ ಸರ್ವಜಗತಾಂ-ಸ್ಥಿತಿ-ಧ್ವಂಸಕೃತ್ ॥ ೧೬॥


ಬ್ರಹ್ಮಾ ಯೋನಿ-ರಮಾ-ಸುರೇಶ್ವರ-ಸುಹೃಲ್ಲ್ರೇಖಭಿರುಕ್ತ್ತೈಸ್ತಥಾ
ಮಾರ್ತಾಣ್ಡೇನ್ದು-ಮನೋಜ-ಹಂಸ-ವಸುಧಾ-ಮಾಯಾಭಿರುತ್ತಸಿತೈಃ ।
ಸೋಮಾಮ್ಭು-ಕ್ಷಿತಿ-ಶಕ್ತಿಭಿಃ ಪ್ರಕಟಿತೈ-ರ್ಬಾಣಾಙ್ಗವೇದೈಃ ಕ್ರಮಾದ್
ವರ್ಣೈಃ ಶ್ರೀಶಿವದೇಶಿಕೇನ ವಿದಿತಾಂ ವಿದ್ಯಾಂ ತವಾಮ್ಬಾಶ್ರಯೇ ॥ ೧೭॥


ನಿತ್ಯಂ ಯಸ್ತವ ಮಾತೃಕಾಕ್ಷರ ಸಖೀಂ ಸೌಭಾಗ್ಯವಿದ್ಯಾಂ ಜಪೇತ್
ಸಮ್ಪೂಜ್ಯಾಖಿಲ ಚಕ್ರರಾಜನಿಲಯಾಂ ಸಾಯನ್ತನಾಗ್ನಿ ಪ್ರಭಾಮ್ ।
ಕಾಮಾಖ್ಯಂ ಶಿವನಾಮತತ್ತ್ವಮುಭಯಂ ವ್ಯಾಪ್ಯಾತ್ಮ್ನಾ ಸರ್ವತೋ
ದೀವ್ಯಾನ್ತೀ-ಮಿಹ ತಸ್ಯ ಸಿದ್ಧಿ-ರಚಿರಾತ್ ಸ್ಯಾತ್ ತ್ವತ್ಸ್ವರೂಪೈಕತಾ ॥ ೧೮॥

ಕಾವ್ಯೈರ್ವಾ ಪಠಿತೈಃ ಕಿಮಲ್ಪವಿದುಷಾಂ ಜೋಘುಷ್ಯಮಾಣೈಃ ಪುನಃ
ಕಿಂ ತೈ-ರ್ವ್ಯಾಕರಣೈರ್ವಿವೋಬುಧಿಷಯಾ ಕಿಂ ವಾಭಿಧಾನಶ್ರಿಯಾ ।
ಏತೈರಮ್ಬ ನ ಬೋಭವೀತಿ ಸುಕವಿ-ಸ್ತಾವತ್ತವ ಶ್ರೀಮತೋಃ
ಯಾವನ್ನಾನುಸರೀಸರೀತಿ ಸರಣಿಂ ಪಾದಾಬ್ಜಯೋಃ ಪಾವನೀಮ್ ॥ ೧೯॥

ಗೇಹಂ ನಾಕತಿ ಗರ್ವಿತಃ ಪ್ರವಣತಿ ಸ್ತ್ರೀಸಙ್ಗಮೋ ಮೋಕ್ಷತಿ
ದ್ವೇಷೀ ಮಿತ್ರತಿ ಪಾತಕಂ ಸುಕೃತತಿ ಕ್ಷ್ಮಾವಲ್ಲಭೋ ದಾಸತಿ ।
ಮೃತ್ಯುರ್ವೈದ್ಯತಿ ದೂಷಣಂ ಸುಗುಣತಿ ತ್ವತ್ಪಾದ-ಸಂಸೇವನಾತ್
ತ್ವಾಂ ವನ್ದೇ ಭವಭೀತಿ-ಭಞ್ಜನಕರೀಂ ಗೌರೀಂ ಗಿರೀಶಪ್ರಿಯಾಮ್ ॥ ೨೦॥


ಆದ್ಯೈರಗ್ನಿ ರವೀನ್ದು ಬಿಮ್ಬ ನಿಲಯೇ ರಮ್ಬ ತ್ರಿಲಿಙ್ಗಾತ್ಮಭಿಃ-
ಮಿಶ್ರಾ ರಕ್ತ ಸಿತ ಪ್ರಭೈರನುಪಮೈರ್ಯುಷ್ಮತ್ಪದೈ ಸ್ತೈ ಸ್ತ್ರಿಭಿಃ ।
ಸ್ವಾತ್ಮೋತ್ಪಾದಿತ ಕಾಲ ಲೋಕ ನಿಗಮಾವಸ್ಥಾಮರಾದಿ ತ್ರಯೈಃ
ಉದ್ಭೂತಂ ತ್ರಿಪುರೇತಿ ನಾಮ ಕಲಯೇದ್ಯಸ್ತೇ ಸ ಧನ್ಯೋ ಬುಧಃ ॥ ೨೧॥


ಆದ್ಯೋ ಜಾಪ್ಯತಮರ್ಥ ವಾಚಕತಯಾ ರೂಢಃ ಸ್ವರಃ ಪಞ್ಚಮಃ
ಸರ್ವೋತ್ಕೃಷ್ಟತಮಾರ್ಥ ವಾಚಕತಯಾ ವರ್ಣಃ ಪವರ್ಗಾನ್ತಕಃ ।
ವಕ್ತೃತ್ವೇನ ಮಹಾವಿಭೂತಿಸರಣಿಸ್ತ್ವಾಧಾರಗೋ ಹೃದ್ಗತೋ
ಭ್ರೂಮಧ್ಯೇ ಸ್ಥಿತ ಇತ್ಯತಃ ಪ್ರಣವತಾ ತೇ ಗೀಯತೇಽಮ್ಬಾಗಮೈಃ ॥ ೨೨॥


ಗಾಯತ್ರೀ ಸಶಿರಾಸ್ತುರೀಯ ಸಹಿತಾ ಸನ್ಧ್ಯಾಮಯೀತ್ಯಾಗಮೈಃ
ಆಖ್ಯಾತಾ ತ್ರಿಪುರೇ ತ್ವಮೇವ ಮಹತಾಂ ಶರ್ಮಪ್ರದಾ ಕರ್ಮಣಾಮ್ ।
ತತ್ತದ್ದರ್ಶನ ಮುಖ್ಯಶಕ್ತಿರಪಿ ಚ ತ್ವಂ ಬ್ರಹ್ಮಕರ್ಮೇಶ್ವರೀ
ಕರ್ತಾಽರ್ಹನ್ ಪುರುಷೋ ಹರಿಶ್ಚ ಸವಿತಾ ಬುದ್ಧಃ ಶಿವಸ್ತ್ವಂ ಗುರು ॥ ೨೩॥


ಅನ್ನ-ಪ್ರಾಣ-ಮನ-ಪ್ರಬೋಧ-ಪರಮಾನನ್ದೈಃ ಶಿರಃ-ಪಕ್ಷಯುಕ್
ಪುಚ್ಛಾತ್ಮ-ಪ್ರಕಟೈ-ರ್ಮಹೋಪನಿಷದಾಂ ವಾಗ್ಮಿಃ ಪ್ರಸಿದ್ಧಿಕೃತೈ ।
ಕೋಶೈಃ ಪಞ್ಚಭಿರೇಭಿ-ರಮ್ಬ ಭವತೀಮೇತತ್ ಪ್ರಲೀನಾಮಿತಿ
ಜ್ಯೋತಿಃ ಪ್ರಜ್ವಲ-ದುಜ್ಜ್ವಲಾತ್ಮಚಪಲಾಂ ಯೋ ವೇದ ಸ ಬ್ರಹ್ಮವಿತ್ ॥ ೨೪॥


ಸಚ್ಚಿತ್ತತ್ವಮಸೀತಿ ವಾಕ್ಯವಿದಿತೈ-ರಧ್ಯಾತ್ಮವಿದ್ಯಾ-ಶಿವ-
ಬ್ರಹ್ಮಾಖ್ಯೈ-ರತುಲ-ಪ್ರಭಾವ-ಮಹಿತೈ-ಸ್ತತ್ತ್ವೈಸ್ತ್ರಿಭಿಃ ಸದ್ಗುರೋಃ ।
ತ್ವದ್ರೂಪಸ್ಯ ಮುಖಾರವಿನ್ದ-ವಿವರಾತ್ ಸಮ್ಪ್ರಾಪ್ಯ ದಿಕ್ಷಾ-ಮತೋ
ಯಸ್ತ್ವಾಂ ವಿನ್ದತಿ ತತ್ತ್ವತ-ಸ್ತದಹ-ಮಿತ್ಯಾರ್ಯೇ ಸ ಮುಕ್ತೋ ಭವೇತ್ ॥ ೨೫॥


ಸಿದ್ಧಾನ್ತೈರ್ಬಹುಭಿ ಪ್ರಮಾಣ-ಗದಿತೈರನ್ಯೈರವಿದ್ಯಾತಮೋ
ನಕ್ಷತ್ರೈರಿವ ಸರ್ವಮನ್ಧತಮಸಂ ತಾವನ್ನ ನಿರ್ಭಿದ್ಯತೇ ।
ಯಾವತ್ತೇ ಸವಿತೇವ ಸಮ್ಮತಮಿದಂ ನೋದೇತಿ ವಿಶ್ವಾನ್ತರೇ
ಜನ್ತೋ-ರ್ಜನ್ಮ-ವಿಮೋಚನೈಕಭಿದುರಂ ಶ್ರೀಶಾಮ್ಭವಂ ಶ್ರೀಶಿವೇ ॥ ೨೬॥


ಆತ್ಮಾಽಸೌ ಸಕಲೇನ್ದ್ರಿಯಾಸ್ರಯ-ಮನೋ ಬುಧಯಾದಿಭಿಃ ಶೋಚಿತಃ
ಕರ್ಮಾಬಧತನುರ್ ಜನಿಂ ಚ ಮರಣಂ ಪ್ರೈತೀತಿ ಯತ್ಕಾರಣಮ್ ।
ತತೇ ದೇವಿ ಮಹಾವಿಲಸ ಲಹರಿ ದಿವ್ಯಯುಧಾನಾಂ ಜಯಃ
ತಸ್ಮಾತ್ ಸದ್ಗುರುಮಪ್ಯುಪೇತ್ಯ ಕಲಯೇತ್ವಾಮೇವ ಚೇನ್ಮುಚ್ಯತೇ ॥ ೨೭॥


ನಾನಾ-ಯೋನಿ-ಸಹಸ್ರ-ಸಮ್ಭವ-ವಶಾಜ್ಜಾತಾ ಜನನ್ಯಃ ಕತಿ
ಪ್ರಖ್ಯಾತಾ ಜನಕಾಃ ಕಿಯನ್ತ ಇತಿ ಮೇ ಸೇತ್ಸ್ಯನ್ತಿ ಚಾಗ್ರೇ ಕತಿ ।
ಏತೇಷಾಂ ಗಣನೈವ ನಾಸ್ತಿ ಮಹತಃ ಸಂಸಾರಸಿನ್ಧೋ-ರ್ವಿಧೇಃ
ಭೀತಂ ಮಾಂ ನಿತರಾ-ಮನನ್ಯಶರಣಂ ರಕ್ಷಾನುಕಮ್ಪಾನಿಧೇ ॥ ೨೮॥


ದೇಹಕ್ಷೋಭ-ಕರೈ-ರ್ವೃತೈ-ರ್ಬಹುವಿಧೈ-ದಾನೈಸ್ಚ-ಹೋಮೈ-ರ್ಜಪೈಃ
ಸನ್ತಾನೈ-ರ್ಹಯಮೇಧ-ಮುಖ್ಯ-ಸುಮಖೈ-ರ್ನಾನಾವಿಧೈಃ ಕರ್ಮಭಿಃ ।
ಯತ್ಸಙ್ಕಲ್ಪವಿಕಲ್ಪಜಾಲ-ಮಲಿನಂ ಪ್ರಾಪ್ಯಂ ಪದಂ ತಸ್ಯತೇ
ದೂರಾದೇವ ನಿವರ್ತತೇ ಪರತರಂ ಮಾತಃ ಪದಂ ನಿರ್ಮಲಮ್ ॥ ೨೯॥


ಪಞ್ಚಾಶನ್ನಿಜದೇಹಜಾಕ್ಷರಮಯೈರ್ನಾನಾವಿಧೈರ್ಧಾತುಭಿಃ
ಬಹ್ವರ್ಥೈಃ ಪದವಾಕ್ಯ-ಮಾನ-ಜನಕೈ-ರರ್ಥಾವಿನಾಭಾವಿತೈಃ ।
ಸಾಭಿಪ್ರಾಯವದರ್ಥ-ಕರ್ಮ-ಫಲದೈಃ ಖ್ಯಾತೇರನನ್ತೈರಿದಂ
ವಿಶ್ವಂ ವ್ಯಾಪ್ಯ ಚಿದಾತ್ಮನಾಽಹಮಹಮಿತ್ಯುಜ್ಜೃಮ್ಭಸೇ ಮಾತೃಕೇ ॥ ೩೦॥


ಶ್ರೀಚಕ್ರಂ ಶ್ರುತಿಮೂಲಕೋಶ ಇತಿ ತೇ ಸಂಸಾರಚಕ್ರಾತ್ಮಕಂ
ವಿಖ್ಯಾತಂ ತದಧಿಷ್ಠಿತಾಕ್ಷರ-ಶಿವಜ್ಯೋತಿರ್ಮಯಂ ಸರ್ವತಃ ।
ಏತನ್ಮನ್ತ್ರಮಯಾತ್ಮಿಕಭಿರರುಣಂ ಶ್ರೀಸುನ್ದರೀಭಿರ್ವೃತಂ
ಮಧ್ಯೇ ಬೈನ್ದವಸಿಂಹಪೀಠಲಲಿತೇ ತ್ವಂ ಬ್ರಹ್ಮವಿದ್ಯಾ ಶಿವೇ ॥ ೩೧॥


ಬಿನ್ದು-ಪ್ರಾಣ-ವಿಸರ್ಗ-ಜೀವಸಹಿತಂ ಬಿನ್ದು-ತ್ರಿಬಿಜಾತ್ಮಕಂ
ಷಟ್ಕೂಟಾನಿ ವಿಪರ್ಯಯೇಣ ನಿಗದೇತ್ ತಾರತ್ರಿಬಾಲಾಕ್ಷರೈಃ ।
ಏಭಿಃ ಸಮ್ಪುಟಿತಂ ಪ್ರಜಪ್ಯ ವಿಹರೇತ್ಪ್ರಾಸಾದ-ಮನ್ತ್ರಂ ಪರಂ
ಗುಹ್ಯದ್ಗುಹ್ಯತಮಂ ಸಯೋಗಜನಿತಂ ಸದ್ಭೋಗಮೋಕ್ಷಪ್ರದಮ್ ॥ ೩೨॥


ಆತಾಮ್ರಾರ್ಕ ಸಹಸ್ರದೀಪ್ತಿ ಪರಮಾ ಸೌನ್ದರ್ಯಸಾರೈ-ರಲಂ
ಲೋಕಾತೀತ ಮಹೋದಯೈ ರುಪಯುತಾ ಸರ್ವೋಪಮಾಽಗೋಚರೈಃ ।
ನಾನಾನರ್ಘ್ಯ-ವಿಭೂಷಣೈರಗಣಿತೈ-ರ್ಜಾಜ್ವಲ್ಯಮಾನಾಽಭಿತಃ
ತ್ವಂ ಮಾತಾಸ್ತ್ರಿಪುರಾರಿಸುನ್ದರಿ ಕುರು ಸ್ವಾನ್ತೇ ನಿವಾಸಂ ಮಮ ॥ ೩೩॥


ಶಿಞ್ಜನ್ನೂಪುರ-ಪಾದಕಣ್ಕಣ-ಮಹಾಮುದ್ರಾಸುಲಾಕ್ಷಾರಸಾ-
ಲಙ್ಕಾರನ್ಕಿತ-ಪಾದಪಙ್ಕಜ-ಯುಗಂ ಶ್ರೀಪಾದುಕಾಲಙ್ಕೃತಮ್ ।
ಉದ್ಭಾಸ್ವನ್ನಖಚನ್ದ್ರಖಣ್ಡರುಚಿರಂ ರಾಜಜ್ಜಪಾಸನ್ನಿಭಂ
ಬ್ರಹ್ಮಾದಿ ತ್ರಿದಶಾಸುರಾರ್ಚಿತಮಹಂ ಮೂರ್ಧ್ನಿ ಸ್ಮರಾಮ್ಯಮ್ಬಿಕೇ ॥ ೩೪॥


ಆರಕ್ತಚ್ಛವಿನಾಽತಿಮಾರ್ದವಯುಜಾ ನಿಶ್ವಾಸಹಾರ್ಯೇಣ ಯತ್
ಕೌಶೇಯೇನ ವಿಚಿತ್ರರತ್ನಧತಿತೈರ್ಮುಕ್ತಾಫಲೈರುಜ್ಜ್ವಲೈಃ ।
ಕೂಜತ್ಕಾಞ್ಚನ-ಕಿಙ್ಕಿಣೀಭಿರಭಿತ ಸನ್ನದ್ಧಕಾಞ್ಚೀಗುಣೈಃ
ಆದೀಪ್ತಂ ಸುನಿತಮ್ಬಬಿಮ್ಬಮರುಣಂ ತೇ ಪೂಜಯಾಮ್ಯಮ್ಬಿಕೇ ॥ ೩೫॥


ಕಸ್ತೂರೀ-ಘನಸಾರ-ಕುಙ್ಕುಮರಜೋ-ಗನ್ಧೋತ್ಕಟೈ-ಶ್ಚನ್ದನೈಃ
ಆಲಿಪ್ತಂ ಮಣಿಮಾಲಯಾಽತಿರುಚಿರಂ ಗ್ರೈವೇಯ-ಹಾರಾದಿಭಿಃ ।
ದೀಪ್ತಂ ದಿವ್ಯ-ವಿಭೂಷಣೈ-ರ್ಜನನಿ ತೇ ಜ್ಯೋತಿ-ರ್ವಿಭಾಸ್ವತ್ಕುಚ
ವ್ಯಾಜ-ಸ್ವರ್ಣಧಟದ್ವಯಂ ಹರಿಹರ-ಬ್ರಹ್ಮಾದಿ-ಪೀತಂ ಭಜೇ ॥ ೩೬॥


ಮುಕ್ತಾರತ್ನಸುವರ್ಣಕಾನ್ತಿಕಲಿತೈಸ್ತೇ ಬಾಹುವಲ್ಲೀರಹಂ
ಕೇಯೂರೋತ್ತಮ ಬಾಹುದಣ್ಡವಲಯೈರ್ಹಸ್ತಾಙ್ಗುಲೀಭೂಷಣೈಃ ।
ಸಮ್ಪೃಕ್ತ್ತಾಃ ಕಲಯಾಮಿ ಹೀರಮಣಿಮನ್ಮುಕ್ತಾಫಲಾಕೀಲಿತ-
ಗ್ರೀವಾಪಟ್ಟವಿಭೂಷಣೇನ ಸುಭಗೇ ಕಣ್ಠಂ ಚ ಕಮ್ಬುಶ್ರಿಯಮ್ ॥ ೩೭॥

ತಪ್ತಸ್ವರ್ಣ-ಕೃತೋರುಕುಣ್ಡಲಯುಗಂ ಮಾಣಿಕ್ಯ-ಮುಕ್ತೋಲ್ಲಸ-
ದ್ಧಿರಾಬದ್ಧ-ಮನನ್ಯ-ತುಲ್ಯ-ಮಪರಂ ಹೈಮಂ ಚ ಚಕ್ರದ್ವಯಮ್ ।
ಶುಕ್ರಾಕಾರ-ನಿಕಾರ-ದಕ್ಷ-ಮಪರಂ ಮುಕ್ತಾಫಲಂ ಸುನ್ದರಂ
ಬಿಭ್ರತ್ಕಣಯುಗಂ ನಮಾಮಿ ಲಲಿತಂ ನಾಸಾಗ್ರಭಾಗಂ ಶಿವೇ ॥ ೩೮॥


ಉದ್ಯುತ್ಪೂರ್ಣ ಕಲಾನಿಧಿಶ್ರಿ ವದನಂ ಭಕ್ತಪ್ರಸನ್ನಂ ಸದಾ
ಸಮ್ಫುಲ್ಲಾಮ್ಬುಜ-ಪತ್ರ-ಚಿತ್ರ-ಸುಷಮಾ-ಧಿಕ್ಕಾರ ದಕ್ಷೇಕ್ಷಣಮ್ ।
ಸಾನನ್ದಂ ಕೃತಮನ್ದಹಾಸಮಸಕೃತ್ ಪ್ರಾದುರ್ಭವತ್ಕೌತುಕಂ
ಕುನ್ದಾಕಾರ ಸುದನ್ತಪಙ್ಕ್ತಿ ಶಶಿಭಾ ಪೂರ್ಣಂ ಸ್ಮರಾಮ್ಯಮ್ಬಿಕೇ ॥ ೩೯॥


ಶೃಙ್ಗಾರಾದಿ-ರಸಾಲಯಂ ತ್ರಿಭುವನಿ-ಮಾಲ್ಯೈ-ರತುಲ್ಯೈ-ರ್ಯುತಂ
ಸರ್ವಾಙ್ಗೀಣ ಸದಙ್ಗರಾಗ-ಸುರಭಿ-ಶ್ರೀಮದ್ವಪು-ರ್ದೀಪಿತಮ್ ।
ತಾಮ್ಬೂಲಾಲರುಣ ಪಲ್ಲವಾಧರ-ಯುತಂ ರಮ್ಯಂ ತ್ರಿಪುನ್ಡ್ರಂ ದಧ-
ದ್ಭಾಲಂ ನನ್ದನಚನ್ದನೇನ ಜನನಿ ಧ್ಯಾಯಾಮಿ ತೇ ಮಙ್ಗಲಮ್ ॥ ೪೦॥


ಜಾತಿ-ಚಮ್ಪಕ-ಕುನ್ದಕೇಸರ-ಮಹಾಗನ್ಧೋದ್ನಿರತ್ ಕೇತಕೀ
ನೀಪಶೋಕ-ಶಿರೀಷ-ಮುಖ್ಯ-ಕುಸುಮೈಃ ಪ್ರೋತ್ತಂಸಿತ ಧೂಪಿತಾ ।
ಆನಿಲಾಞ್ಜನ-ತುಲ್ಯ-ಮತ್ತ-ಮಧುಪ-ಶ್ರೇಣೀವ ವೇಣೀ ತವ
ಶ್ರೀಮಾತಃ ಶ್ರಯತಾಂ ಮದಿಯ ಹೃದಯಾಮ್ಭೋಜಾಂ ಸರೋಜಲಯೇ ॥ ೪೧॥


ಲೇಖಾಲಭ್ಯ-ವಿಚಿತ್ರ-ರತ್ನ-ಘಟಿತಂ ಹೈಮಂ ಕಿರೀಟೋತ್ತಮಂ
ಮುಕ್ತಾ-ಕಾಞ್ಚನ-ಕಿಙ್ಕಿಣೀ-ಗಣ-ಮಹಾ-ಹೀರ-ಪ್ರಬದ್ಧೋಜ್ಜ್ವಲಮ್ ।
ಚಞ್ಚಶ್ಚನ್ದ್ರಕಲಾ-ಕಲಾಪ-ಮಹಿತಂ-ದೇವದ್ರುಪುಷ್ಪಾಚಿತೈಃ
ಮಾಲ್ಯೈ-ರಮ್ಬ ವಿಲಮ್ಬಿತಂ ಸಶಿಖರಂ ಬಿಭ್ರಚ್ಛಿರಸ್ತೇ ಭಜೇ ॥ ೪೨॥

ಉತ್ಕ್ಷಿಪ್ತೋಚ್ಚಸುವರ್ಣ-ದಣ್ಡ-ಕಲಿತಂ-ಪೂರ್ಣೇನ್ದು-ಬಿಮ್ಬಾಕೃತಿ
ಚ್ಛತ್ರಂ ಮೌಕ್ತಿಕ-ಚಿತ್ರರತ್ನಖಚಿತಂ ಕ್ಷೌಮಾಂಶುಕೋತ್ತಂಸಿತಮ್ ।
ಮುಕ್ತಜಾಲ-ವಿಲಮ್ಬಿತಂ-ಸಕಲಶಂ ನಾನಾಪ್ರಸೂನಾರ್ಚಿತಂ
ಚನ್ದ್ರೋಙ್ಡಾಮರ-ಚಾಮರಾಣಿ ದಧತೇ ಶ್ರೀದೇವಿ ತೇ ಸ್ವಃ ಸ್ತ್ರಿಯಃ ॥ ೪೩॥


ವಿದ್ಯಾ-ಮನ್ತ್ರ-ರಹಸ್ಯವಿನ್ಮುನಿಗಣೈಃ ಕ್ಲೃಪ್ತೋಪಚಾರಾರ್ಚನಾಂ
ವೇದಾದಿ-ಸ್ತುತಿ-ಗೀಯಮಾನ-ಚರಿತಾಂ ವೇದಾನ್ತ-ತತ್ತ್ವಾತ್ಮಿಕಾಮ್ ।
ಸರ್ವಾಸ್ತಾಃ ಖಲು ತುರ್ಯತಾ-ಮುಪಗತಾ-ಸ್ತ್ವದ್ರಶ್ಮಿದೇವ್ಯಃ ಪರಾಃ
ತ್ವಾಂ ನಿತ್ಯಂ ಸಮುಪಾಸತೇ ಸ್ವವಿಭವೈಃ ಶ್ರೀಚಕ್ರನಾಥೇ ಶಿವೇ ॥ ೪೪॥


ಏವಂ ಯ ಸ್ಮರತಿ ಪ್ರಬುದ್ಧಸುಮತಿಃ ಶ್ರೀಮತ್ಸ್ವರೂಪಂ ಪರಂ
ವೃದ್ಧೋಽಪ್ಯಾಶು ಯುವಾ ಭವತ್ಯನುಪಮಃ ಸ್ತ್ರೀಣಾಮನಙ್ಗಾಯತೇ ।
ಸೋಽಷ್ಟೈಶ್ವರ್ಯ-ತಿರಸ್ಕೃತಖಿಲಾ-ಸುರಶ್ರೀ-ಜೃಮ್ಭಣೈಕಾಲಯಃ
ಪೃಥ್ವೀಪಾಲಕಿರೀಟ-ಕೋಟಿವಲಭಿ-ಪುಷ್ಪಾರ್ಚಿತಾಙ್ಘ್ರಿ-ರ್ಭವೇತ್ತ್ ॥ ೪೫॥

ಅಥ ತವ ಧನುಃ ಪುಣ್ಡ್ರೇಕ್ಷುತ್ವಾತ್ ಪ್ರಸಿದಧ್ಮತಿದ್ಯುತಿ
ತ್ರಿಭುವನವಧೂ ಮುದ್ಯಜ್ಜ್ಯೋತ್ಸ್ನಾಕಲಾನಿಧಿ-ಮಣ್ಡಲಮ್ ।
ಸಕಲ ಜನನಿ ಸ್ಮಾರಂ ಸ್ಮಾರಂ ಗತಃ ಸ್ಮರತಾಂ ನರಃ
ತ್ರಿಭುವನವಧೂ-ಮೋಹಾಮ್ಬೋಧೇಃ ಪ್ರಪೂರ್ಣವಿಧು-ರ್ಭವೇತ್ ॥ ೪೬॥



ಪ್ರಸೂನ ಶರ ಪಞ್ಚಕ ಪ್ರಕಟ ಜೃಮ್ಭಣಾಗುಮ್ಭಿತಂ
ತ್ರಿಲೋಕಮವಲೋಕಯ ತ್ಯಮಲಚೇತಸಾಽಚಞ್ಚಲಮ್ ।
ಅಶೇಷ ತರುಣೀಜನ ಸ್ಮರವಿಜೃಮ್ಭಣೇ ಯಃ ಸದಾ
ಪಟುರ್ಭವತಿ ತೇ ಶಿವೇ ತ್ರಿಜಗದಙ್ಗನಾಕ್ಷೋಭಣೇ ॥ ೪೭॥


ಪಾಶಂ ಪ್ರಪೂರಿತ-ಮಹಾ-ಸುಮತಿ-ಪ್ರಕಾಶೋ
ಯೋ ವಾ ತವ ತ್ರಿಪುರಸುನ್ದರಿ ಸುನ್ದರೀಣಾಮ್ ।
ಆಕರ್ಷಣೇಽಖಿಲವಶೀಕರಣೇ ಪ್ರವೀಣಂ
ಚಿತ್ತೇ ದಧಾತಿ ಸ ಜಗತ್ತ್ರಯ-ವಶ್ಯಕೃತ್ ಸ್ಯಾತ್ ॥ ೪೮॥


ಯಃ ಸ್ವಾನ್ತೇ ಕಲಯತಿ ಕೋವಿದ-ಸ್ತ್ರಿಲೋಕೀ-
ಸ್ತಮ್ಭಾರಮ್ಭಣಚಣ-ಮತ್ಯುದಾರವೀರ್ಯಮ್ ।
ಮಾತಸ್ತೇ ವಿಜಯ-ನಿಜಾಙ್ಕುಶಂ ಸ ಯೋಷಾಃ
ದೇವಾನ್ಸ್ತಮ್ಭಯತಿ ಚ ಭೂಭುಜೋಽನ್ಯಸೈನ್ಯಮ್ ॥ ೪೯॥


ಚಾಪ ಚ್ಯಾನ ವಶಾದ್ಭವೋದ್ಭವ ಮಹಾಮೋಹಂ ಮಹಾಜೃಮ್ಭಣಂ
ಪ್ರಖ್ಯಾತಂ ಪ್ರಸವೇಷುಚಿನ್ತನ-ವಶಾತ್ ತತ್ತಚ್ಛರವ್ಯಂ ಸುಧೀಃ ।
ಪಾಶಧ್ಯಾನವಸಾತ್ ಸಮಸ್ತಜಗತಾಂ ಮೃತ್ಯೋರ್ವಶತ್ವಂ ಮಹಾ-
ದುರ್ಗಸ್ತಮ್ಭ-ಮಹಾಙ್ಕುಶಸ್ಯ ಮನನಾನ್ಮಾಯಾ-ಮಮೇಯಾಂ ತರೇತ್ ॥ ೫೦॥


ನ್ಯಾಸಂ ಕೃತ್ವಾ ಗಣೇಶ-ಗ್ರಹ-ಭಗಣ-ಮಹಾಯೋಗಿನೀ-ರಾಶಿ-ಪೀಠೈಃ
ಷಡ್ಭಿಃ ಶ್ರೀಮಾತೃಕಾರ್ಣೈಃ ಸಹಿತ-ಬಹುಕಲೈ-ರಷ್ಟವಾಗ್ದೇವತಾಭಿಃ ।
ಸಶ್ರೀಕಣ್ಠಾದಿಯುಗ್ಮೈ-ರ್ವಿಮಲನಿಜತನೌ ಕೇಶವಾದ್ಯೈಶ್ಚ ತತ್ತ್ವೈಃ
ಷಟ್ತ್ರಿಂಶದ್ಭಿಶ್ಚ ತತ್ತ್ವೈರ್ಭಗವತಿ ಭವತೀಂ ಯ ಸ್ಮರೇತ್ ಸ ತ್ವಮೇವ ॥ ೫೧॥


ಸುರಪತಿಪುರ-ಲಕ್ಷ್ಮೀ-ಜೃಮ್ಭಣಾತೀತಲಕ್ಷ್ಮೀಃ
ಪ್ರಭವತಿ ನಿಜಗೇಹೇ ಯಸ್ಯ ದೈವಂ ತ್ವಮಾರ್ಯೇ ।
ತವ ವಿವಿಧಕಲಾನಾಂ ಪಾತ್ರಭೂತಸ್ಯ ತಸ್ಯ
ತ್ರಿಭುವನವಿದಿತಾ ಸಾ ಜೃಮ್ಭತೇ ಕೀರ್ತಿರ್ರೇಚ್ಛಾ ॥ ೫೨॥


ಮಾತಸ್ತ್ವಂ ಭೂರ್ಭುವಃಸ್ವ-ರ್ಮಹರಸಿ ನೃತಪಃ-ಸತ್ಯಲೋಕೈಶ್ಚ ಸೂರ್ಯೇ-
ನ್ದ್ವಾರಜ್ಞಾಚಾರ್ಯ-ಶುಕ್ರಾರ್ಕಿಭಿರಪಿ-ನಿಗಮಬ್ರಹ್ಮಭಿಃ ಪ್ರೋತಶಕ್ತಿಃ ।
ಪ್ರಾಣಾಯಾಮಾದಿಯತ್ನೈಃ ಕಲಯಸಿ ಸಕಲಂ ಮಾನಸಂ ಧ್ಯಾನಯೋಗಂ
ಯೇಷಾಂ ತೇಷಾಂ ಸಪರ್ಯಾ ಭವತಿ ಸುರಕೃತಾ ಬ್ರಹ್ಮ ತೇ ಜಾನತೇ ಚ ॥ ೫೩॥


ಕ್ವ ಮೇ ಬುಧಿರ್ವಾಚಾ ಪರಮವಿದುಷೋ ಮನ್ದಸರಣಿಃ
ಕ್ವ ತೇ ಮಾತ-ಬ್ರಹ್ಮಪ್ರಮುಖ-ವಿದುಷಾ-ಮಾಪ್ತವಚಸಾಮ್ ।
ಆಭೂನ್ಮೇ ವಿಸ್ಫೂರ್ತಿಃ ಪರತರ ಮಹಿಮ್ನಸ್ತವ ನುತಿಃ
ಪ್ರಸಿದ್ಧಂ ಕ್ಷನ್ತವ್ಯಂ ಬಹುಲತರ-ಚಾಪಲ್ಯಮಿಹ ಮೇ ॥ ೫೪॥

ಪ್ರಸೀದ ಪರದೇವತೇ ಮಮ ಹೃದಿ ಪ್ರಭೂತಂ ಭಯಂ
ವಿಧಾರಯ ದರಿದ್ರತಾಂ ದಲಯ ದೇಹಿ ಸರ್ವಜ್ಞತಾಮ್ ।
ನಿಧೇಹಿ ಕರುಣಾನಿಧೇ ಚರಣಪದ್ಮಯುಗ್ಮಂ ಸ್ವಕಂ
ನಿವಾರಯ ಜರಾಮೃತಿ ತ್ರಿಪುರಸುನ್ದರಿ ಶ್ರೀಶಿವೇ ॥ ೫೫॥


ಇತಿ ತ್ರಿಪುರಸುನ್ದರೀ-ಸ್ತುತಿಮಿಮಾಂ ಪಠೇದ್ಯಃ ಸುಧೀಃ
ಸ ಸರ್ವದುರಿತಾಟವಿ-ಪಟಲ-ಚಣ್ಡ-ದಾವಾನಲಃ ।
ಭವೇನ್ಮನಸಿ ವಾಞ್ಛಿತ-ಪ್ರಥಿತ-ಸಿದ್ಧಿ-ವೃದ್ಧಿರ್ಭವೇತ್
ಅನೇಕ-ವಿಧ-ಸಮ್ಪದಾಂ ಪದ-ಮನನ್ತುಲ್ಯೋ ಭವೇತ್ ॥ ೫೬॥

ಪೃಥ್ವೀಪಾಲ ಪ್ರಕಟಮುಕುಟ ಸ್ರಗ್ರಜೋ ರಾಜಿತಾಙ್ಘ್ರಿಃ
ವಿದ್ಯುತ್ಪುಞ್ಜಾನತಿನುತಿಸಮಾರಾಧಿತೋ ಬಾಧಿತಾರಿಃ ।
ವಿದ್ಯಾಃ ಸರ್ವಾಃ ಕಲಯತಿ ಹೃದ ವ್ಯಾಕರೋತಿ ಪ್ರವಾಚಾ
ಲೋಕಾಶ್ಚಾರ್ಯೈರ್ನವನವಪದೈರಿನ್ದು ಬಿಮ್ಬ ಪ್ರಕಾಶೈಃ ॥ ೫೭॥


ಸಂಗೀತಂ ಗಿರಿಜೇ ಕವಿತ್ವಸರಣಿಂ-ಚಾಮ್ನಾಯ-ವಾಕ್ಯ-ಸ್ಮೃತೇಃ
ವ್ಯಾಖ್ಯಾನಂ ಹೃದಿ ತಾವಕೀನ-ಚರಣದ್ವನ್ದಂ ಚ ಸರ್ವಜ್ಞತಾಮ್ ।
ಶ್ರದ್ಧಾಂ ಕರ್ಮಣಿ ಕಾಲಿಕೇಽತಿವಿಪುಲ-ಶ್ರೀಜೃಮ್ಭಣಂ ಮನ್ದಿರೇ
ಸೌನ್ದರ್ಯಂ ವಪುಷಿ ಪ್ರಕಾಶಮತುಲಂ ಪ್ರಾಪ್ನೋತಿ ವಿದ್ವಾನ್ ಕವಿ ॥ ೫೮॥


ಭೂಷ್ಯಂ ವೈದುಷ್ಯಮುದ್ಯದ್ದಿನಕರ ಕಿರಣಾಕರಮಾಕಾರತೇಜಃ
ಸುವ್ಯಕ್ತಂ ಭಕ್ತಿಮಾರ್ಗಂ ನಿಗಮನಿಗದಿತಂ ದುರ್ಗಮಂ ಯೋಗಮಾರ್ಗಮ್ ।
ಆಯುಷ್ಯಂ ಬ್ರಹ್ಮಪೋಷ್ಯಂ ಹರಗಿರಿವಿಶದಾಂ ಕೀರ್ತಿಮಭ್ಯೇತ್ಯ ಭೂಮೌ
ದೇಹಾನ್ತೇ ಬ್ರಹ್ಮಪಾರಂ ಪರಶಿವಚರಣಾಕರಮಭ್ಯೇತಿ ವಿದ್ವಾನ್ ॥ ೫೯॥

ದುರ್ವಾಸಸಾ ಮಹಿತ ದಿವ್ಯ ಮುನೀಶ್ವರೇಣ
ವಿದ್ಯಾಕಲಾ ಯುವತಿ ಮನ್ಮಥ-ಮೂರ್ತಿನೈತತ್ ।
ಸ್ತೋತ್ರಂ ವ್ಯಧಾಯಿ ರುಚಿರಂ ತ್ರಿಪುರಾಮ್ಬಿಕಾಯಾಃ
ವೇದಾಗಮೈಕ ಪಟಲೀ ವಿದಿತೈಕಮೂರ್ತೇಃ ॥ ೬೦॥

ಸದಸದನುಗ್ರಹ-ನಿಗ್ರಹ-ಗೃಹಿತ-ಮುನಿವಿಗ್ರಹೋ ಭಗವಾನ್ ।
ಸರ್ವಾಸಾಮುಪನಿಷದಾಂ ದುರ್ವಾಸಾ ಜಯತಿ ದೇಶಿಕಃ ಪ್ರಥಮಃ ॥ ೬೧॥

॥ ಇತಿ ಶ್ರೀದುರ್ವಾಸಸಾ ಮುನೀನ್ದ್ರೇಣ ವಿರಚಿತಂ ಶ್ರೀಶಕ್ತಿಮಹಿಮ್ನ ಸ್ತೋತ್ರಂ ಸಮ್ಪೂರ್ಣಮ್ ॥

Proofread by DPD

Please send corrections to sanskrit@cheerful.com
Last updated ತ್oday
http://sanskritdocuments.org

Shakti Mahimna ( Tripura Mahimna ) Stotram Lyrics in Kannada PDF
% File name : shaktitripurAmahimnastotra.itx
% Location : doc\_devii
% Language : Sanskrit
% Subject : philosophy/hinduism/religion
% Transliterated by : DPD
% Proofread by : DPD
% Latest update : April 5, 2013
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website