{॥ ଶାନ୍ତିସ୍ତଵଃ ॥}
॥ ତ୍ଯାଗରାଜଵିରଚିତଃ॥
ସ୍ଵାନନ୍ଦମନ୍ଦହସିତାଂ ଶିଵଵାମଭାଗାଂ
ଭୃଙ୍ଗାଵଲୀକଚଭରାକଲିତେନ୍ଦୁମୌଲିମ୍ ।
ଶ୍ଯାମାଂ ଵିଶାଲନଯନାମତିକୋମଲାଙ୍ଗୀଂ
ଵନ୍ଦେ ସ୍ମରାରିମହିଲାଂ ଵରଦାଂ ଶିଵାଖ୍ଯାମ୍ ॥ ୧॥

କାଲଦେଶକଲନାଵିଵର୍ଜିତା ସ୍ଵେଚ୍ଛଯୈଵ ଭୁଵନାନ୍ଯଜୀଜନତ୍ ।
କ୍ରୀଡତି ସ୍ଵଯମନେକଭୂମିକା ସା ଶିଵାହମିତି ଶାନ୍ତିମାଶ୍ରଯେ ॥ ୨॥

ସ୍ଵପ୍ରକାଶଶିଵଶକ୍ତିରୂପିଣୀ ସର୍ଵଭୂତହୃଦଯାବ୍ଜହଂସିକା ।
ନିଷ୍ପ୍ରକାରସୁଖଚନ୍ଦ୍ରଚନ୍ଦ୍ରିକା ସା ଶିଵାହମିତି ଶାନ୍ତିମାଶ୍ରଯେ ॥ ୩॥

ସର୍ଵଭୂତହୃଦଯପ୍ରଚୋଦିକା ଶର୍ଵଵିଷ୍ଣୁନିଖିଲାତ୍ମରୂପିଣୀ ।
ନିର୍ଵିକାରରସରୂପଲକ୍ଷିତା ସା ଶିଵାହମିତି ଶାନ୍ତିମାଶ୍ରଯେ ॥ ୪॥

ଯା ପରାଦିଵଚସାମଗୋଚରା ରୂପନାମରହିତା ପରା ଵରା ।
ଯା ତ୍ରଯୀପ୍ରମୁଖମାର୍ଗଦର୍ଶିନୀ ସା ଶିଵାହମିତି ଶାନ୍ତିମାଶ୍ରଯେ ॥ ୫॥

ନିର୍ମମା ନିଖିଲଲୋକରକ୍ଷଣୀ କର୍ମକାଣ୍ଡଫଲଦାନକାମଧୁକ୍ ।
ଆପ୍ତକାମଧିଷଣାତ୍ମରୂପିଣୀ ସା ଶିଵାହମିତି ଶାନ୍ତିମାଶ୍ରଯେ ॥ ୬॥

ପଞ୍ଚକୋଶଘନମୁକ୍ତଚନ୍ଦ୍ରିକା ପଞ୍ଚଭୂତଜଡଵିଶ୍ଵଦୀପିକା ।
ପଞ୍ଚମୂର୍ତିରଵବିନ୍ଦୁନାଯିକା ସା ଶିଵାହମିତି ଶାନ୍ତିମାଶ୍ରଯେ ॥ ୭॥

ଚିଦ୍ଵିଲାସଜଗଦେକରୂପିଣୀ ହ୍ଯସ୍ତିଭାତିସୁଖରୂପସତ୍ତଯା ।
ଷଡ୍ଵିକାରରହିତା ନିରାଶ୍ରଯା ସା ଶିଵାହମିତି ଶାନ୍ତିମାଶ୍ରଯେ ॥ ୮॥

ଯାଗଯୋଗଜପହୋମକର୍ମଭିର୍ନୈଵ ଜାତୁ ପରମା ହି ଲଭ୍ଯତେ ।
ପ୍ରଜ୍ଞଯା ସହଜଯୈଵ ଯାପ୍ଯତେ ସା ଶିଵାହମିତି ଶାନ୍ତିମାଶ୍ରଯେ ॥ ୯॥

ଜାଗ୍ରଦାଦିସମଯେଷୁ ଵୃତ୍ତିଷୁ ଭ୍ରାଜତେ ତନୁଷୁ ସର୍ଵସାକ୍ଷିଣୀ ।
ସ୍ଵର୍ଣଵତ୍ ସକଲଭୂଷଣେଷୁ ଯା ସା ଶିଵାହମିତି ଶାନ୍ତିମାଶ୍ରଯେ ॥ ୧୦॥

ନେତି ନେତି ନିଗମୋକ୍ତିବୋଧିତା ଜ୍ଞାନିନାଂ ତୁ ହୃଦଯେ ସଦୋଜ୍ଜ୍ଵଲା ।
ଭେଦଭାଵଗଲନାତ୍ ସଦାତ୍ମିକା ସା ଶିଵାହମିତି ଶାନ୍ତିମାଶ୍ରଯେ ॥ ୧୧॥

ଭେଦତୋ ଭଵତି ଭୀରିତି ଶ୍ରୁତେର୍ଯାନ୍ତି ତେନ ରହିତା ଯଦେକତାମ୍ ।
ଆପଗାସ୍ତୁ ସରିତାମିଵେଶ୍ଵରେ ସା ଶିଵାହମିତି ଶାନ୍ତିମାଶ୍ରଯେ ॥ ୧୨॥

ନାମରୂପକୁଲଧର୍ମଵର୍ଜିତା ଜନ୍ମନାଶରହିତା ସଦଵ୍ଯଯା ।
କଲ୍ପନାନ୍ତସମଯେଽପି ଯା ସ୍ଥିରା ସା ଶିଵାହମିତି ଶାନ୍ତିମାଶ୍ରଯେ ॥ ୧୩॥

କୋଟିକୋଟିଜନିପୁଣ୍ଯସଂସ୍କୃତଃ ସର୍ଵକାମରହିତୋ ଜିତେନ୍ଦ୍ରିଯଃ
ଯାଂ ଵିଭାଵ୍ଯ ପରିମୁଚ୍ଯତେ ଭଵାତ୍ ସା ଶିଵାହମିତି ଶାନ୍ତିମାଶ୍ରଯେ ॥ ୧୪॥

ଶାସ୍ତ୍ରପାଠମନନୈର୍ନ ଲଭ୍ଯତେ ଧୈର୍ଯଵୀର୍ଯନଯତଃ ପରାକ୍ରମୈଃ ।
କେଵଲଂ ଗୁରୁଦୃଶା ପ୍ରକାଶତେ ସା ଶିଵାହମିତି ଶାନ୍ତିମାଶ୍ରଯେ ॥ ୧୫॥

ପ୍ରାଣବୁଦ୍ଧିହୃଦଯାତ୍ମସାକ୍ଷିଣୀ ସର୍ଵଯଜ୍ଞପରିତୃପ୍ତିକାମିନୀ ।
ଜ୍ଞାନପୁଷ୍ପରସପୂଜିତାଭଯା ସା ଶିଵାହମିତି ଶାନ୍ତିମାଶ୍ରଯେ ॥ ୧୬॥

ଯତ୍ର ନାସ୍ତି ନିଖିଲଂ ଚରାଚରଂ ହ୍ଯେକରୂପରସଵସ୍ତ୍ଵଭେଦତଃ ।
ନେହ ନେତି ଵିଧିଵାକ୍ଯଚୋଦିତା ସା ଶିଵାହମିତି ଶାନ୍ତିମାଶ୍ରଯେ ॥ ୧୭॥

ଯା ଗୁରୂକ୍ତିସୁଧଯା ମନୋମଲେ କ୍ଷାଲିତେ ସପଦି ସତ୍ଯଚିନ୍ମଣିଃ ।
ଦ୍ଯୋତତେ ସକଲଧୀପ୍ରଭାସୁରା ସା ଶିଵାହମିତି ଶାନ୍ତିମାଶ୍ରଯେ ॥ ୧୮॥

ଦହ୍ଯତେ ନ ଶିଖିନା ସଦାଵ୍ଯଯା ସତ୍ତଯା ଦହତି ପାଵକସ୍ତୃଣମ୍ ।
ଶୁଷ୍ଯତେ ନ ମରୁତାଖିଲେଶ୍ଵରୀ ସା ଶିଵାହମିତି ଶାନ୍ତିମାଶ୍ରଯେ ॥ ୧୯॥

ସିଦ୍ଧ୍ଯସାଧ୍ଯପରମନ୍ତ୍ରଵର୍ଜିତା ହ୍ଯଷ୍ଟସିଦ୍ଧିପରସିଦ୍ଧିଭୂମିକା ।
ଶୁଦ୍ଧଚିତ୍ତପରମାମୃତାତ୍ମିକା ସା ଶିଵାହମିତି ଶାନ୍ତିମାଶ୍ରଯେ ॥ ୨୦॥

ଦେହମାନଦଲିତସ୍ଯ ଯୋଗିନଃ ସର୍ଵତୋଽପି ପରିପୂର୍ଣକାମତା ।
ଭାତି ଯା ପରମଗୁପ୍ତରୂପିଣୀ ସା ଶିଵାହମିତି ଶାନ୍ତିମାଶ୍ରଯେ ॥ ୨୧॥

ଇନ୍ଦ୍ରଜାଲମିଦମଲ୍ପକାଲିକଂ ଵିଶ୍ଵମେଵମିତି ନିଶ୍ଚଯାତ୍ମନଃ ।
ବୋଧରୂପତ ଇହୈଵ ଭାତି ଯା ସା ଶିଵାହମିତି ଶାନ୍ତିମାଶ୍ରଯେ ॥ ୨୨॥

ଵିଶ୍ଵଯୋନିରମୃତାଭଯାକ୍ଷରା ନିତ୍ଯତୃପ୍ତିରଜରା ପରାତ୍ପରା ।
ଇତ୍ଥମାଗମଵଚୋଭିରୀଡ୍ଯତେ ସା ଶିଵାହମିତି ଶାନ୍ତିମାଶ୍ରଯେ ॥ ୨୩॥

ସର୍ଵଦା ସମରସାତ୍ମରୂପିଣୀ ସର୍ଵଲୋକଜନନୀ ହ୍ଯରୂପିଣୀ ।
ଶର୍ଵନୃତ୍ଯସୁଖସାକ୍ଷିଣୀ ଚ ଯା ସା ଶିଵାହମିତି ଶାନ୍ତିମାଶ୍ରଯେ ॥ ୨୪॥

ଇନ୍ଦ୍ରିଯାର୍ଥସୁଖବୋଧବୋଧିନୀ ଚନ୍ଦ୍ରଭାନୁଶିଖିଦୀପ୍ତିକାରିଣୀ ।
ବନ୍ଧଵର୍ଗଭଯମୋହମୋଚିନୀ ସା ଶିଵାହମିତି ଶାନ୍ତିମାଶ୍ରଯେ ॥ ୨୫॥

ଦେହଜୀଵଜଗଦୀଶବାଧନେ ଶିଷ୍ଯତେ ସ୍ଵଯମନନ୍ତରୂପିଣୀ ।
ଵ୍ଯାପିନୀ ଜଗତି ସଂତତଂ ଚ ଯା ସା ଶିଵାହମିତି ଶାନ୍ତିମାଶ୍ରଯେ ॥ ୨୬॥

ପ୍ରାଣବନ୍ଧପରିଶୁଦ୍ଧଚେତସାଂ ନିର୍ଵିକଲ୍ପସୁଖରୂପିଣୀ ସଦା ।
ଚିନ୍ମଯୀ ସଦସଦାତ୍ମିକା ଚ ଯା ସା ଶିଵାହମିତି ଶାନ୍ତିମାଶ୍ରଯେ ॥ ୨୭॥

ଯତ୍ସୁଖାବ୍ଧିଲଵଲେଶନିଵୃତା ବ୍ରହ୍ମଵିଷ୍ଣୁସୁରମାନଵାଦଯଃ ।
ସଂଭଵନ୍ତି ଯୁଗକଲ୍ପଭେଦତଃ ସା ଶିଵାହମିତି ଶାନ୍ତିମାଶ୍ରଯେ ॥ ୨୮॥

ବ୍ରହ୍ମଲୋକତୃଣମାନିନେ ସଦା ତୃପ୍ତିରୂପପରଶାନ୍ତିଦାଯିନୀ ।
ଯୋଗିନେ ସମରସଂ ଦଦାତି ଯା ସା ଶିଵାହମିତି ଶାନ୍ତିମାଶ୍ରଯେ ॥ ୨୯॥

ସର୍ଵମେକରସମିତ୍ଯୁଦେତି ଯା ନିର୍ମଲା ନିରଵଧିଶ୍ଚ ଚେତସି ।
ଦେଶିକେନ୍ଦ୍ରପଦଭକ୍ତିଯୋଗିନଃ ସା ଶିଵାହମିତି ଶାନ୍ତିମାଶ୍ରଯେ ॥ ୩୦॥

ମାଯିକସ୍ଯ ଜଗତଃ ସ୍ଥିତିର୍ଯଯା ସ୍ଵପ୍ନକାଲନଗରୀଵ ଯୋଗିନଃ ।
ଭାସତେ ନିଜସୁଖୈକଭୋଗିନଃ ସା ଶିଵାହମିତି ଶାନ୍ତିମାଶ୍ରଯେ ॥ ୩୧॥

ନିସ୍ତରଙ୍ଗସୁଖସିନ୍ଧୁରୂପିଣୀଂ ଯାମନୁସ୍ମରତି ବନ୍ଧମୁକ୍ତଯେ ।
ଶାନ୍ତିଦାନ୍ତିଧୃତିଯୁକ୍ତଯୋଗିରାଟ୍ ସା ଶିଵାହମିତି ଶାନ୍ତିମାଶ୍ରଯେ ॥ ୩୨॥

ଭୂତଭାଵିମତିଵୃତ୍ତ୍ଯଭାଵିକାଂ ଵର୍ତମାନସୁଖଵୃତ୍ତିଭାସିକାମ୍ ।
ଯେଽନୁସଂଦଧତି ନିତ୍ଯମାଦରାତ୍ ସା ଶିଵାହମିତି ଶାନ୍ତିମାଶ୍ରଯେ ॥ ୩୩॥

ବୁଦ୍ଧିମୋହପଟଲେ ଵ୍ଯପୋହିତେ ଶାଣଚକ୍ରନିଗମୋକ୍ତିତଃ ସ୍ଵଯମ୍ ।
ପ୍ରସ୍ଫୁରତ୍ଯଵିରତଂ ଚ ଚିନ୍ମଣିଃ ସା ଶିଵାହମିତି ଶାନ୍ତିମାଶ୍ରଯେ ॥ ୩୪॥

ନାହମିତ୍ଯନୃତଜାଡ୍ଯଭୂମଯଃ ସଚ୍ଚିଦେଵ ସକଲାତ୍ମଭାସକଃ ।
ଇତ୍ଥମେକରସରୂପଶେମୁଷୀ ସା ଶିଵାହମିତି ଶାନ୍ତିମାଶ୍ରଯେ ॥ ୩୫॥

ଵୃତ୍ତିସଂଧିଵିଲସତ୍ସ୍ଵରୂପିଣୀ ପ୍ରଜ୍ଞଯା ହୃଦି ଵିଭାଵ୍ଯତେ ସଦା ।
ନିତ୍ଯମୁକ୍ତିସୁଖକାଙ୍କ୍ଷିଣା ଦୃଢଂ ସା ଶିଵାହମିତି ଶାନ୍ତିମାଶ୍ରଯେ ॥ ୩୬॥

ତ୍ଯାଗରାଜସୁଖରୂପିଣୀ ପରଂ ଯୋଗିରାଜହୃଦଯୋଜ୍ଜ୍ଵଲା ସଦା ।
ଆଗମାଦ୍ଯଖିଲମାନବୋଧିତା ସା ଶିଵାହମିତି ଶାନ୍ତିମାଶ୍ରଯେ ॥ ୩୭॥

ଶାନ୍ତିସ୍ତଵଂ ପଠତି ନିତ୍ଯମନନ୍ଯଭକ୍ତ୍ଯା
ଯୋ ମାନଵୋ ଭଵତି ଶଂକର ଏଵ ସାକ୍ଷାତ୍ ।
ସଂସାରଦୁଃଖଭଯମୋଚନଦକ୍ଷକଲ୍ପଂ
ସ୍ଵାତ୍ମାପରୋକ୍ଷକରଣେ ଗୁରୁପାଦକଲ୍ପମ୍ ॥ ୩୮॥

ଇତ୍ଯାନନ୍ଦନାଥପାଦପପଦ୍ମୋପଜୀଵିନା କାଶ୍ଯପଗୋତ୍ରୋତ୍ପନ୍ନେନାନ୍ଧ୍ରେଣ
ତ୍ଯାଗରାଜନାମ୍ନା ଵିରଚିତଃ ଶାନ୍ତିସ୍ତଵଃ ସଂପୂର୍ଣଃ

Encoded by Sridhar Seshagiri seshagir at engineering.sdsu.edu

Please send corrections to sanskrit@cheerful.com
Last updated ତ୍oday
http://sanskritdocuments.org

Shanti Stavam Lyrics in Oriya PDF
% File name : shaantistava.itx
% Location : doc\_devii
% Author : Tyagaraja
% Language : Sanskrit
% Subject : hinduism/religion
% Transliterated by : Sridhar Seshagiri sridhar.seshagiri at gmail.com
% Proofread by : Sridhar Seshagiri sridhar.seshagiri at gmail.com
% Description-comments : Hymn in praise of the Devi as a peace personification
% Latest update : January 13, 2002
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website