আদ্যাস্তোত্রম্

{॥ আদ্যাস্তোত্রম্ ॥}
ॐ নম আদ্যাযৈ ।
শৃণু বত্স প্রবক্ষ্যামি আদ্যা স্তোত্রং মহাফলম্ ।
যঃ পঠেত্ সততং ভক্ত্যা স এব বিষ্ণুবল্লভঃ ॥ ১॥

মৃত্যুর্ব্যাধিভযং তস্য নাস্তি কিঞ্চিত্ কলৌ যুগে ।
অপুত্রা লভতে পুত্রং ত্রিপক্ষং শ্রবণং যদি ॥ ২॥

দ্বৌ মাসৌ বন্ধনান্মুক্তি বিপ্রবক্ত্রাত্ শ্রুতং যদি ।
মৃতবত্সা জীববত্সা ষণ্মাসং শ্রবণং যদি ॥ ৩॥

নৌকাযাং সঙ্কটে যুদ্ধে পঠনাজ্জযমাপ্নুযাত্ ।
লিখিত্বা স্থাপযেদ্গেহে নাগ্নিচৌরভযং ক্বচিত্ ॥ ৪॥

রাজস্থানে জযী নিত্যং প্রসন্নাঃ সর্বদেবতা ।
ॐ হ্রীং ব্রহ্মাণী ব্রহ্মলোকে চ বৈকুণ্ঠে সর্বমঙ্গলা ॥ ৫॥

ইন্দ্রাণী অমরাবত্যামবিকা বরুণালযে।
যমালযে কালরূপা কুবেরভবনে শুভা ॥ ৬॥

মহানন্দাগ্নিকোনে চ বাযব্যাং মৃগবাহিনী ।
নৈঋত্যাং রক্তদন্তা চ ঐশাণ্যাং শূলধারিণী ॥ ৭॥

পাতালে বৈষ্ণবীরূপা সিংহলে দেবমোহিনী ।
সুরসা চ মণীদ্বিপে লঙ্কাযাং ভদ্রকালিকা ॥ ৮॥

রামেশ্বরী সেতুবন্ধে বিমলা পুরুষোত্তমে ।
বিরজা ঔড্রদেশে চ কামাক্ষ্যা নীলপর্বতে ॥ ৯॥

কালিকা বঙ্গদেশে চ অযোধ্যাযাং মহেশ্বরী ।
বারাণস্যামন্নপূর্ণা গযাক্ষেত্রে গযেশ্বরী ॥ ১০॥

কুরুক্ষেত্রে ভদ্রকালী ব্রজে কাত্যাযনী পরা ।
দ্বারকাযাং মহামাযা মথুরাযাং মাহেশ্বরী ॥ ১১॥

ক্ষুধা ত্বং সর্বভূতানাং বেলা ত্বং সাগরস্য চ ।
নবমী শুক্লপক্ষস্য কৃষ্ণসৈকাদশী পরা ॥ ১২॥

দক্ষসা দুহিতা দেবী দক্ষযজ্ঞ বিনাশিনী ।
রামস্য জানকী ত্বং হি রাবণধ্বংসকারিণী ॥ ১৩॥

চণ্ডমুণ্ডবধে দেবী রক্তবীজবিনাশিনী ।
নিশুম্ভশুম্ভমথিনী মধুকৈটভঘাতিনী ॥ ১৪॥

বিষ্ণুভক্তিপ্রদা দুর্গা সুখদা মোক্ষদা সদা ।
আদ্যাস্তবমিমং পুণ্যং যঃ পঠেত্ সততং নরঃ ॥ ১৫॥

সর্বজ্বরভযং ন স্যাত্ সর্বব্যাধিবিনাশনম্ ।
কোটিতীর্থফলং তস্য লভতে নাত্র সংশযঃ ॥ ১৬॥

জযা মে চাগ্রতঃ পাতু বিজযা পাতু পৃষ্ঠতঃ ।
নারাযণী শীর্ষদেশে সর্বাঙ্গে সিংহবাহিনী ॥ ১৭॥

শিবদূতী উগ্রচণ্ডা প্রত্যঙ্গে পরমেশ্বরী ।
বিশালাক্ষী মহামাযা কৌমারী সঙ্খিনী শিবা ॥ ১৮॥

চক্রিণী জযধাত্রী চ রণমত্তা রণপ্রিযা ।
দুর্গা জযন্তী কালী চ ভদ্রকালী মহোদরী ॥ ১৯॥

নারসিংহী চ বারাহী সিদ্ধিদাত্রী সুখপ্রদা ।
ভযঙ্করী মহারৌদ্রী মহাভযবিনাশিনী ॥ ১০॥

ইতি ব্রহ্মযামলে ব্রহ্মনারদসংবাদে আদ্যা স্তোত্রং সমাপ্তম্ ॥

॥ ॐ নম আদ্যাযৈ ॐ নম আদ্যাযৈ ॐ নম আদ্যাযৈ ॥

Encoded and proofread by Kunal Mukherjee kunal at neo.tamu.edu
Translation at http://www.adyapeath.org/AdyaComb.pdf

Please send corrections to sanskrit@cheerful.com
Last updated ত্oday
http://sanskritdocuments.org

Adya Stotram Lyrics in Bengali PDF
% File name : AdyA.itx
% Location : doc\_devii
% Language : Sanskrit
% Subject : Hinduism/religion/traditional
% Transliterated by : Kunal Mukherjee
% Proofread by : Kunal Mukherjee and Sunder Hattangadi
% Description-comments : brahmayAmala. It is ment for AdyAshakti mahAmayA in form of kAlI
% Latest update : March 22, 2006, September 17, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website