% Text title            : AnandalaharI
% File name             : aanandal.itx
% Category              : laharI
% Location              : doc\_devii
% Author                : Shankaracharya
% Language              : Sanskrit
% Subject               : philosophy/hinduism/religion
% Transliterated by     : S.V.Ganesan and P. P. Narayanaswami  (swami at math.mun.ca)
% Proofread by          : S.V.Ganesan and P. P. Narayanaswami  (swami at math.mun.ca)
% Latest update         : October 1, 2010
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. AnandalaharI   ..}##
\itxtitle{.. AnandalaharI ..}##\endtitles ##
\section{.. AnandalaharI ..}

bhavAni stotuM tvAM prabhavati chaturbhirna vadanaiH
prajAnAmIshAnastripuramathanaH pa~nchabhirapi .
na ShaDbhiH senAnIrdashashatamukhairapyahipatiH
tadAnyeShAM keShAM kathaya kathamasminnavasaraH .. 1..
ghR^itakShIradrAkShAmadhumadhurimA kairapi padaiH
vishiShyAnAkhyeyo bhavati rasanAmAtra viShayaH .
tathA te saundaryaM paramashivadR^i~NmAtraviShayaH
kathaMkAraM brUmaH sakalanigamAgocharaguNe .. 2..
mukhe te tAmbUlaM nayanayugaLe kajjalakalA
lalATe kAshmIraM vilasati gaLe mauktikalatA .
sphuratkA~nchI shATI pR^ithukaTitaTe hATakamayI
bhajAmi tvAM gaurIM nagapatikishorImaviratam.h .. 3..
virAjanmandAradrumakusumahArastanataTI
nadadvINAnAdashravaNavilasatkuNDalaguNA
natA~NgI mAta~NgI ruchiragatibha~NgI bhagavatI
satI shambhorambhoruhachaTulachakShurvijayate .. 4..
navInArkabhrAjanmaNikanakabhUShaNaparikaraiH
vR^itA~NgI sAra~NgIruchiranayanA~NgIkR^itashivA .
taDitpItA pItAmbaralalitama~njIrasubhagA
mamAparNA pUrNA niravadhisukhairastu sumukhI .. 5..
himAdreH sa.nbhUtA sulalitakaraiH pallavayutA
supuShpA muktAbhirbhramarakalitA chAlakabharaiH .
kR^itasthANusthAnA kuchaphalanatA sUktisarasA
rujAM hantrI gantrI vilasati chidAnandalatikA .. 6..
saparNAmAkIrNAM katipayaguNaiH sAdaramiha
shrayantyanye vallIM mama tu matirevaM vilasati .
aparNaikA sevyA jagati sakalairyatparivR^itaH
purANo.api sthANuH phalati kila kaivalyapadavIm.h .. 7..
vidhAtrI dharmANAM tvamasi sakalAmnAyajananI
tvamarthAnAM mUlaM dhanadanamanIyAMghrikamale .
tvamAdiH kAmAnAM janani kR^itakandarpavijaye
satAM mukterbIjaM tvamasi paramabrahmamahiShI .. 8..
prabhUtA bhaktiste yadapi na mamAlolamanasaH
tvayA tu shrImatyA sadayamavalokyo.ahamadhunA  .
payodaH pAnIyaM dishati madhuraM chAtakamukhe
bhR^ishaM sha~Nke kairvA vidhibhiranunItA mama matiH .. 9..
kR^ipApA~NgAlokaM vitara tarasA sAdhucharite
na te yuktopekShA mayi sharaNadIkShAmupagate .
na chediShTaM dadyAdanupadamaho kalpalatikA
visheShaH sAmAnyaiH kathamitaravallIparikaraiH ..  10..
mahAntaM vishvAsaM tava charaNapa~Nkeruhayuge
nidhAyAnyannaivAshritamiha mayA daivatamume .
tathApi tvachcheto yadi mayi na jAyeta sadayaM
nirAlambo lambodarajanani kaM yAmi sharaNam.h .. 11..
ayaH sparshe lagnaM sapadi labhate hemapadavIM
yathA rathyApAthaH shuchi bhavati gaMgaughamilitam.h .
tathA tattatpApairatimalinamantarmama yadi
tvayi premNAsaktaM kathamiva na jAyeta vimalam.h .. 12..
tvadanyasmAdichChAviShayaphalalAbhe na niyamaH
tvamarthAnAmichChAdhikamapi samarthA vitaraNe .
iti prAhuH prA~nchaH kamalabhavanAdyAstvayi manaH
tvadAsaktaM naktaM divamuchitamIshAni kuru tat.h .. 13..
sphurannAnAratnasphaTikamayabhittipratiphala
ttvadAkAraM cha~nchachChashadharakalAsaudhashikharam.h .
mukundabrahmendraprabhR^itiparivAraM vijayate
tavAgAraM ramyaM tribhuvanamahArAjagR^ihiNi .. 14..
nivAsaH kailAse vidhishatamakhAdyAH stutikarAH
kuTumbaM trailokyaM kR^itakarapuTaH siddhinikaraH .
maheshaH prANeshastadavanidharAdhIshatanaye
na te saubhAgyasya kvachidapi manAgasti tulanA .. 15..
vR^iSho vR^iddho yAnaM viShamashanamAshA nivasanaM
shmashAnaM krIDAbhUrbhujaganivaho bhUShaNavidhiH
samagrA sAmagrI jagati viditaiva smararipoH
yadetasyaishvaryaM tava janani saubhAgyamahimA .. 16..
asheShabrahmANDapralayavidhinaisargikamatiH
shmashAneShvAsInaH kR^itabhasitalepaH pashupatiH .
dadhau kaNThe hAlAhalamakhilabhUgolakR^ipayA
bhavatyAH sa.ngatyAH phalamiti cha kalyANi kalaye .. 17..
tvadIyaM saundaryaM niratishayamAlokya parayA
bhiyaivAsId.hgaMgA jalamayatanuH shailatanaye .
tadetasyAstasmAdvadanakamalaM vIkShya kR^ipayA
pratiShThAmAtanvannijashirasivAsena girishaH .. 18..
vishAlashrIkhaNDadravamR^igamadAkIrNaghusR^iNa
prasUnavyAmishraM bhagavati tavAbhya~Ngasalilam.h .
samAdAya sraShTA chalitapadapA.nsUnnijakaraiH
samAdhatte sR^iShTiM vibudhapurapa~NkeruhadR^ishAm.h .. 19..
vasante sAnande kusumitalatAbhiH parivR^ite
sphurannAnApadme sarasi kalaha.nsAlisubhage .
sakhIbhiH khelantIM malayapavanAndolitajale
smaredyastvAM tasya jvarajanitapIDApasarati .. 20..
.. iti shrImachCha~NkarAchAryavirachitA AnandalaharI sampUrNA ..
##
Encoded by S.V.Ganesan (deepa at tiac.net) and
P. P. Narayanaswami  (swami at math.mun.ca)

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}