{॥ କକାରାଦିକାଲୀଶତନାମସ୍ତୋତ୍ରମ୍ ॥}
ଶ୍ରୀଦେଵ୍ଯୁଵାଚ-
ନମସ୍ତେ ପାର୍ଵତୀନାଥ ଵିଶ୍ଵନାଥ ଦଯାମଯ ।
ଜ୍ଞାନାତ୍ ପରତରଂ ନାସ୍ତି ଶ୍ରୁତଂ ଵିଶ୍ଵେଶ୍ଵର ପ୍ରଭୋ ॥ ୧॥

ଦୀନଵନ୍ଧୋ ଦଯାସିନ୍ଧୋ ଵିଶ୍ଵେଶ୍ଵର ଜଗତ୍ପତେ ।
ଇଦାନୀଂ ଶ୍ରୋତୁମିଚ୍ଛାମି ଗୋପ୍ଯଂ ପରମକାରଣମ୍ ।
ରହସ୍ଯଂ କାଲିକାଯଶ୍ଚ ତାରାଯାଶ୍ଚ ସୁରୋତ୍ତମ ॥ ୨॥

ଶ୍ରୀଶିଵ ଉଵାଚ-
ରହସ୍ଯଂ କିଂ ଵଦିଷ୍ଯାମି ପଞ୍ଚଵକ୍ତ୍ରୈର୍ମହେଶ୍ଵରୀ ।
ଜିହ୍ଵାକୋଟିସହସ୍ରୈସ୍ତୁ ଵକ୍ତ୍ରକୋଟିଶତୈରପି ॥ ୩॥

ଵକ୍ତୁଂ ନ ଶକ୍ଯତେ ତସ୍ଯ ମାହାତ୍ମ୍ଯଂ ଵୈ କଥଞ୍ଚନ ।
ତସ୍ଯା ରହସ୍ଯଂ ଗୋପ୍ଯଞ୍ଚ କିଂ ନ ଜାନାସି ଶଂକରୀ ॥ ୪॥

ସ୍ଵସ୍ଯୈଵ ଚରିତଂ ଵକ୍ତୁଂ ସମର୍ଥା ସ୍ଵଯମେଵ ହି ।
ଅନ୍ଯଥା ନୈଵ ଦେଵେଶି ଜ୍ଞାଯତେ ତତ୍ କଥଞ୍ଚନ ॥ ୫॥

କାଲିକାଯାଃ ଶତଂ ନାମ ନାନା ତନ୍ତ୍ରେ ତ୍ଵଯା ଶ୍ରୁତମ୍ ।
ରହସ୍ଯଂ ଗୋପନୀଯଞ୍ଚ ତତ୍ରେଽସ୍ମିନ୍ ଜଗଦମ୍ବିକେ ॥ ୬॥

କରାଲଵଦନା କାଲୀ କାମିନୀ କମଲା କଲା ।
କ୍ରିଯାଵତୀ କୋଟରାକ୍ଷୀ କାମାକ୍ଷ୍ଯା କାମସୁନ୍ଦରୀ ॥ ୭॥

କପାଲା ଚ କରାଲା ଚ କାଲୀ କାତ୍ଯାଯନୀ କୁହୁଃ ।
କଙ୍କାଲା କାଲଦମନା କରୁଣା କମଲାର୍ଚ୍ଚିତା ॥ ୮॥

କାଦମ୍ବରୀ କାଲହରା କୌତୁକୀ କାରଣପ୍ରିଯା ।
କୃଷ୍ଣା କୃଷ୍ଣପ୍ରିଯା କୃଷ୍ଣପୂଜିତା କୃଷ୍ଣଵଲ୍ଲଭା ॥ ୯॥

କୃଷ୍ଣାପରାଜିତା କୃଷ୍ଣପ୍ରିଯା ଚ କୃଷ୍ଣରୂପିନୀ ।
କାଲିକା କାଲରାତ୍ରୀଶ୍ଚ କୁଲଜା କୁଲପଣ୍ଡିତା ॥ ୧୦॥

କୁଲଧର୍ମପ୍ରିଯା କାମା କାମ୍ଯକର୍ମଵିଭୂଷିତା ।
କୁଲପ୍ରିଯା କୁଲରତା କୁଲୀନପରିପୂଜିତା ॥ ୧୧॥

କୁଲଜ୍ଞା କମଲାପୂଜ୍ଯା କୈଲାସନଗଭୂଷିତା ।
କୂଟଜା କେଶିନୀ କାମ୍ଯା କାମଦା କାମପଣ୍ଡିତା ॥ ୧୨॥

କରାଲାସ୍ଯା ଚ କନ୍ଦର୍ପକାମିନୀ ରୂପଶୋଭିତା ।
କୋଲମ୍ବକା କୋଲରତା କେଶିନୀ କେଶଭୂଷିତା ॥ ୧୩॥

କେଶଵସ୍ଯପ୍ରିଯା କାଶା କାଶ୍ମୀରା କେଶଵାର୍ଚ୍ଚିତା ।
କାମେଶ୍ଵରୀ କାମରୁପା କାମଦାନଵିଭୂଷିତା ॥ ୧୪॥

କାଲହନ୍ତ୍ରୀ କୂର୍ମମାଂସପ୍ରିଯା କୂର୍ମାଦିପୂଜିତା ।
କୋଲିନୀ କରକାକାରା କରକର୍ମନିଷେଵିଣୀ ॥ ୧୫॥

କଟକେଶ୍ଵରମଧ୍ଯସ୍ଥା କଟକୀ କଟକାର୍ଚ୍ଚିତା ।
କଟପ୍ରିଯା କଟରତା କଟକର୍ମନିଷେଵିଣୀ ॥ ୧୬॥

କୁମାରୀପୂଜନରତା କୁମାରୀଗଣସେଵିତା ।
କୁଲାଚାରପ୍ରିଯା କୌଲପ୍ରିଯା କୌଲନିଷେଵିଣୀ ॥ ୧୭॥

କୁଲୀନା କୁଲଧର୍ମଜ୍ଞା କୁଲଭୀତିଵିମର୍ଦ୍ଦିନୀ ।
କାଲଧର୍ମପ୍ରିଯା କାମ୍ଯ-ନିତ୍ଯା କାମସ୍ଵରୂପିଣୀ ॥ ୧୮॥

କାମରୂପା କାମହରା କାମମନ୍ଦିରପୂଜିତା ।
କାମାଗାରସ୍ଵରୂପା ଚ କାଲାଖ୍ଯା କାଲଭୂଷିତା ॥ ୧୯॥

କ୍ରିଯାଭକ୍ତିରତା କାମ୍ଯାନାଞ୍ଚୈଵ କାମଦାଯିନୀ ।
କୋଲପୁଷ୍ପମ୍ବରା କୋଲା ନିକୋଲା କାଲହାନ୍ତରା ॥ ୨୦॥

କୌଷିକୀ କେତକୀ କୁନ୍ତୀ କୁନ୍ତଲାଦିଵିଭୂଷିତା ।
ଇତ୍ଯେଵଂ ଶୃଣୁ ଚାର୍ଵଞ୍ଗି ରହସ୍ଯଂ ସର୍ଵମଞ୍ଗଲମ୍ ॥ ୨୧॥

ଫଲଶ୍ରୁତି-
ଯଃ ପଠେତ୍ ପରଯା ଭକ୍ତ୍ଯା ସ ଶିଵୋ ନାତ୍ର ସଂଶଯଃ ।
ଶତନାମପ୍ରସାଦେନ କିଂ ନ ସିଦ୍ଧତି ଭୂତଲେ ॥ ୨୨॥

ବ୍ରହ୍ମା ଵିଷ୍ଣୁଶ୍ଚ ରୁଦ୍ରଶ୍ଚ ଵାସଵାଦ୍ଯା ଦିଵୌକସଃ ।
ରହସ୍ଯପଠନାଦ୍ଦେଵି ସର୍ଵେ ଚ ଵିଗତଜ୍ଵରାଃ ॥ ୨୩॥

ତ୍ରିଷୁ ଲୋକେଶୁ ଵିଶ୍ଵେଶି ସତ୍ଯଂ ଗୋପ୍ଯମତଃ ପରମ୍ ।
ନାସ୍ତି ନାସ୍ତି ମହାମାଯେ ତନ୍ତ୍ରମଧ୍ଯେ କଥଞ୍ଚନ ॥ ୨୪॥

ସତ୍ଯଂ ଵଚି ମହେଶାନି ନାତଃପରତରଂ ପ୍ରିଯେ ।
ନ ଗୋଲୋକେ ନ ଵୈକୁଣ୍ଠେ ନ ଚ କୈଲାସମନ୍ଦିରେ ॥ ୨୫॥

ରାତ୍ରିଵାପି ଦିଵାଭାଗେ ଯଦି ଦେଵି ସୁରେଶ୍ଵରୀ ।
ପ୍ରଜପେଦ୍ ଭକ୍ତିଭାଵେନ ରହସ୍ଯସ୍ତଵମୁତ୍ତମମ୍ ॥ ୨୬॥

ଶତନାମ ପ୍ରସାଦେନ ମନ୍ତ୍ରସିଦ୍ଧିଃ ପ୍ରଜାଯତେ ।
କୁଜଵାରେ ଚତୁର୍ଦ୍ଦଶ୍ଯାଂ ନିଶାଭାଗେ ଜପେତ୍ତୁ ଯଃ ॥ ୨୭॥

ସ କୃତୀ ସର୍ଵଶାସ୍ତ୍ରଜ୍ଞଃ ସ କୁଲୀନଃ ସଦା ଶୁଚିଃ ।
ସ କୁଲଜ୍ଞଃ ସ କାଲଜ୍ଞଃ ସ ଧର୍ମଜ୍ଞୋ ମହୀତଲେ ॥ ୨୮॥

ରହସ୍ଯ ପଠନାତ୍ କୋଟି-ପୁରଶ୍ଚରଣଜଂ ଫଲମ୍ ।
ପ୍ରାପ୍ନୋତି ଦେଵଦେଵେଶି ସତ୍ଯଂ ପରମସୁନ୍ଦରୀ ॥ ୨୯॥

ସ୍ତଵପାଠାଦ୍ ଵରାରୋହେ କିଂ ନ ସିଦ୍ଧତି ଭୂତଲେ ।
ଅଣିମାଦ୍ଯଷ୍ଟସିଦ୍ଧିଶ୍ଚ ଭଵେତ୍ଯେଵ ନ ସଂଶଯଃ ॥ ୩୦॥

ରାତ୍ରୌ ବିଲ୍ଵତଲେଽଶ୍ଵଥ୍ଥମୂଲେଽପରାଜିତାତଲେ ।
ପ୍ରପଠେତ୍ କାଲିକା-ସ୍ତୋତ୍ରଂ ଯଥାଶକ୍ତ୍ଯା ମହେଶ୍ଵରୀ ॥ ୩୧॥

ଶତଵାରପ୍ରପଠନାନ୍ମନ୍ତ୍ରସିଦ୍ଧିର୍ଭଵେଦ୍ଧ୍ରୂଵମ୍ ।
ନାନାତନ୍ତ୍ରଂ ଶ୍ରୁତଂ ଦେଵି ମମ ଵକ୍ତ୍ରାତ୍ ସୁରେଶ୍ଵରୀ ॥ ୩୨॥

ମୁଣ୍ଡମାଲାମହାମନ୍ତ୍ରଂ ମହାମନ୍ତ୍ରସ୍ଯ ସାଧନମ୍ ।
ଭକ୍ତ୍ଯା ଭଗଵତୀଂ ଦୁର୍ଗାଂ ଦୁଃଖଦାରିଦ୍ର୍ଯନାଶିନୀମ୍ ॥ ୩୩॥

ସଂସ୍ମରେଦ୍ ଯୋ ଜପେଦ୍ଧ୍ଯାଯେତ୍ ସ ମୁକ୍ତୋ ନାତ୍ର ସଂଶଯ ।
ଜୀଵନ୍ମୁକ୍ତଃ ସ ଵିଜ୍ଞେଯସ୍ତନ୍ତ୍ରଭକ୍ତିପରାଯଣଃ ॥ ୩୪॥

ସ ସାଧକୋ ମହାଜ୍ଞାନୀ ଯଶ୍ଚ ଦୁର୍ଗାପଦାନୁଗଃ ।
ନ ଚ ଭକ୍ତିର୍ନ ଵାହଭକ୍ତିର୍ନ ମୁକ୍ତିନଗନନ୍ଦିନି ॥ ୩୫॥

ଵିନା ଦୁର୍ଗାଂ ଜଗଦ୍ଧାତ୍ରୀ ନିଷ୍ଫଲଂ ଜୀଵନଂ ଭଭେତ୍ ।
ଶକ୍ତିମାର୍ଗରତୋ ଭୂତ୍ଵା ଯୋହନ୍ଯମାର୍ଗେ ପ୍ରଧାଵତି ॥ ୩୬॥

ନ ଚ ଶାକ୍ତାସ୍ତସ୍ଯ ଵକ୍ତ୍ରଂ ପରିପଶ୍ଯନ୍ତି ଶଂକରୀ ।
ଵିନା ତନ୍ତ୍ରାଦ୍ ଵିନା ମନ୍ତ୍ରାଦ୍ ଵିନା ଯନ୍ତ୍ରାନ୍ମହେଶ୍ଵରୀ ॥ ୩୭॥

ନ ଚ ଭୁକ୍ତିଶ୍ଚ ମୁକ୍ତିଶ୍ଚ ଜାଯତେ ଵରଵର୍ଣିନୀ ।
ଯଥା ଗୁରୁର୍ମହେଶାନି ଯଥା ଚ ପରମୋ ଗୁରୁଃ ॥ ୩୮॥

ତନ୍ତ୍ରାଵକ୍ତା ଗୁରୁଃ ସାକ୍ଷାଦ୍ ଯଥା ଚ ଜ୍ଞାନଦଃ ଶିଵଃ ।
ତନ୍ତ୍ରଞ୍ଚ ତନ୍ତ୍ରଵକ୍ତାରଂ ନିନ୍ଦନ୍ତି ତାନ୍ତ୍ରୀକୀଂ କ୍ରିଯାମ୍ ॥ ୩୯॥

ଯେ ଜନା ଭୈରଵାସ୍ତେଷାଂ ମାଂସାସ୍ଥିଚର୍ଵଣୋଦ୍ଯତାଃ ।
ଅତଏଵ ଚ ତନ୍ତ୍ରଜ୍ଞଂ ସ ନିନ୍ଦନ୍ତି କଦାଚନ ।
ନ ହସ୍ତନ୍ତି ନ ହିଂସନ୍ତି ନ ଵଦନ୍ତ୍ଯନ୍ଯଥା ବୁଧା ॥ ୪୦॥

॥ ଇତି ମୁଣ୍ଡମାଲାତନ୍ତ୍ରେଽଷ୍ଟମପଟଲେ ଦେଵୀଶ୍ଵର ସଂଵାଦେ

କାଲୀଶତନାମସ୍ତୋତ୍ରଂ ସମ୍ପୂର୍ଣମ୍ ॥


Encoded and proofread by Kunal Mukherjee kunal at neo.tamu.edu

Please send corrections to sanskrit@cheerful.com
Last updated ତ୍oday
http://sanskritdocuments.org

Kakaradi Kali Ashtottara Shatanama Stotram Lyrics in Oriya PDF
% File name : kakArAdishata.itx
% Category : aShTottarashatanAma
% Location : doc\_devii
% Language : Sanskrit
% Subject : Hinduism/religion/traditional
% Transliterated by : Kunal Mukherjee kunal at neo.tamu.edu
% Proofread by : Kunal Mukherjee kunal at neo.tamu.edu
% Description-comments : muNDamAlA tantra. It is ment for daxiNAkAlI.
% Latest update : May 9, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website