ককারাদি কালীসহস্রনামস্তোত্রম্
{॥ ককারাদি কালীসহস্রনামস্তোত্রম্ ॥}
শ্রী গণেশায নমঃ ।
কৈলাসশিখরে রম্যে নানাদেবগণাবৃতে ।
নানাবৃক্ষলতাকীর্ণে নানাপুষ্পৈরলঙ্কৃতে ॥ ১॥
চতুর্মণ্ডলসংযুক্তে শ্রৃঙ্গারমণ্ডপে স্থিতে ।
সমাধৌ সংস্থিতং শান্তং ক্রীডন্তং যোগিনীপ্রিযম্ ॥ ২॥
তত্র মৌনধরং দৃষ্ট্বা দেবী পৃচ্ছতি শঙ্করম্ ।
দেব্যুবাচ ।
কিং ত্বযা জপ্যতে দেব কিং ত্বযা স্মর্য্যতে সদা ॥ ৩॥
সৃষ্টিঃ কুত্র বিলীনাস্তি পুনঃ কুত্র প্রজাযতে ।
ব্রহ্মাণ্ডকারণং যত্তত্ কিমাদ্যং কারণং মহত্ ॥ ৪॥
মনোরথমযী সিদ্ধিস্তথা বাঞ্ছামযী শিব ।
তৃতীযা কল্পনাসিদ্ধিঃ কোটিসিদ্ধীশ্বরাত্মকম্ ॥ ৫॥
শক্তিপাতাষ্টদশকং চরাচরপুরীগতিঃ ।
মহেন্দ্রজালমিন্দ্রাদিজালানাং রচনা তথা ॥ ৬॥
অণিমাদ্যষ্টকং দেব পরকাযপ্রবেশনম্ ।
নবীনসৃষ্টিকরণং সমুদ্রশোষণং তথা ॥ ৭॥
অমাযাং চন্দ্রসন্দর্শো দিবা চন্দ্রপ্রকাশনম্ ।
চন্দ্রাষ্টকং চাষ্টদিক্ষু তথা সূর্যাষ্টকং শিব ॥ ৮॥
জলে জলমযত্বং চ বহ্নৌ বহ্নিমযত্বকম্ ।
ব্রহ্ম-বিষ্ণ্বাদি-নির্মাণমিন্দ্রাণাং কারণং করে ॥ ৯॥
পাতালগুটিকা-যক্ষ-বেতালপঞ্চকং তথা ।
রসাযনং তথা গুপ্তিস্তথৈব চাখিলাঞ্জনম্ ॥ ১০॥
মহামধুমতী সিদ্ধিস্তথা পদ্মাবতী শিব ।
তথা ভোগবতী সিদ্ধির্যাবত্যঃ সন্তি সিদ্ধযঃ ॥ ১১॥
কেন মন্ত্রেণ তপসা কলৌ পাপসমাকুলে ।
আযুষ্যং পুণ্যরহিতে কথং ভবতি তদ্বদ ॥ ১২॥
শ্রীশিব উবাচ ।
বিনা মন্ত্রং বিনা স্তোত্রং বিনৈব তপসা প্রিযে ।
বিনা বলিং বিনা ন্যাসং ভূতশুদ্ধিং বিনা প্রিযে ॥ ১৩॥
বিনা ধ্যানং বিনা যন্ত্রং বিনা পূজাদিনা প্রিযে ।
বিনা ক্লেশাদিভির্দেবি দেহদুঃখাদিভির্বিনা ॥ ১৪॥
সিদ্ধিরাশু ভবেদ্যেন তদেবং কথ্যতে মযা ।
শূন্যে ব্রহ্মণ্ডগোলে তু পঞ্চাশচ্ছূন্যমধ্যকে ॥ ১৫॥
পঞ্চশূন্যস্থিতা তারা সর্বান্তে কালিকা স্থিতা ।
অনন্ত-কোটি ব্রহ্মাণ্ড রাজদণ্ডাগ্রকে শিবে ॥ ১৬॥
স্থাপ্য শূন্যালযং কৃত্বা কৃষ্ণবর্ণং বিধায চ ।
মহানির্গুণরূপা চ বাচাতীতা পরা কলা ॥ ১৭॥
ক্রীডাযাং সংস্থিতা দেবী শূন্যরূপা প্রকল্পযেত্ ।
সৃষ্টেরারম্ভকার্যার্থং দৃষ্টা ছাযা তযা যদা ॥ ১৮॥
ইচ্ছাশক্তিস্তু সা জাতা তথা কালো বিনির্মিতঃ ।
প্রতিবিম্বং তত্র দৃষ্টং জাতা জ্ঞানাভিধা তু সা ॥ ১৯॥
ইদমেতত্কিংবিশিষ্টং জাতং বিজ্ঞানকং মুদা ।
তদা ক্রিযাঽভিধা জাতা তদীচ্ছাতো মহেশ্বরি ॥ ২০॥
ব্রহ্মাণ্ডগোলে দেবেশি রাজদণ্ডস্থিতং চ যত্ ।
সা ক্রিযা স্থাপযামাস স্ব-স্বস্থানক্রমেণ চ ॥ ২১॥
তত্রৈব স্বেচ্ছযা দেবি সামরস্যপরাযণা ।
তদিচ্ছা কথ্যতে দেবি যথাবদবধারয ॥ ২২॥
যুগাদিসমযে দেবি শিবং পরগুণোত্তমম্ ।
তদিচ্ছা নির্গুণং শান্তং সচ্চিদানন্দবিগ্রহম্ ॥ ২৩॥
শাশ্বতং সুন্দরং শুদ্ধং সর্বদেবযুতং বরম্ ।
আদিনাথং গুণাতীতং কাল্যা সংযুতমীশ্বরম্ ॥ ২৪॥
বিপরীতরতং দেবং সামরস্যপরাযণম্ ।
পূজার্থমাগতং দেব-গন্ধর্বাঽপ্সরসাং গণম্ ॥ ২৫॥
যক্ষিণীং কিন্নরীকন্যামুর্বশ্যাদ্যাং তিলোত্তমাম্ ।
বীক্ষ্য তন্মাযযা প্রাহ সুন্দরী প্রাণবল্লভা ॥ ২৬॥
ত্রৈলোক্যসুন্দরী প্রাণস্বামিনী প্রাণরঞ্জিনী ।
কিমাগতং ভবত্যাঽদ্য মম ভাগ্যার্ণবো মহান্ ॥ ২৭॥
উক্ত্বা মৌনধরং শম্ভুং পূজযন্ত্যপ্সরোগণাঃ ।
অপ্সরস ঊচুঃ ।
সংসারাত্তারিতং দেব ত্বযা বিশ্বজনপ্রিয ॥ ২৮॥
সৃষ্টেরারম্ভকার্য্যার্থমুদ্যুক্তোঽসি মহাপ্রভো ।
বেশ্যাকৃত্যমিদং দেব মঙ্গলার্থপ্রগাযনম্ ॥ ২৯॥
প্রযাণোত্সবকালে তু সমারম্ভে প্রগাযনম্ ।
গুণাদ্যারম্ভকালে হি বর্ত্ততে শিবশঙ্কর ॥ ৩০॥
ইন্দ্রাণীকোটযঃ সন্তি তস্যাঃ প্রসববিন্দুতঃ ।
ব্রহ্মাণী বৈষ্ণবী চৈব মাহেশী কোটিকোটযঃ ॥ ৩১॥
তব সামরসানন্দ দর্শনার্থং সমুদ্ভবাঃ ।
সঞ্জাতাশ্চাগ্রতো দেব চাস্মাকং সৌখ্যসাগর ॥ ৩২॥
রতিং হিত্বা কামিনীনাং নাঽন্যত্ সৌখ্যং মহেশ্বর ।
সা রতির্দৃশ্যতেঽস্মাভির্মহত্সৌখ্যার্থকারিকা ॥ ৩৩॥
এবমেতত্তু চাস্মাভিঃ কর্তব্যং ভর্তৃণা সহ ।
এবং শ্রুত্বা মহাদেবো ধ্যানাবস্থিতমানসঃ ॥ ৩৪॥
ধ্যানং হিত্বা মাযযা তু প্রোবাচ কালিকাং প্রতি ।
কালি কালি রুণ্ডমালে প্রিযে ভৈরববাদিনী ॥ ৩৫॥
শিবারূপধরে ক্রূরে ঘোরদ্রংষ্টে ভযানকে ।
ত্রৈলোক্যসুন্দরকরী সুন্দর্য্যঃ সন্তি মেঽগ্রতঃ ॥ ৩৬॥
সুন্দরীবীক্ষণং কর্ম কুরু কালি প্রিযে শিবে ।
ধ্যানং মুঞ্চ মহাদেবি তা গচ্ছন্তি গৃহং প্রতি ॥ ৩৭॥
তব রূপং মহাকালি মহাকালপ্রিযঙ্করম্ ।
এতাসাং সুন্দরং রূপং ত্রৈলোক্যপ্রিযকারকম্ ॥ ৩৮॥
এবং মাযাভ্রমাবিষ্টো মহাকালো বদন্নিতি ।
ইতি কালবচঃ শ্রুত্বা কালং প্রাহ চ কালিকা ॥ ৩৯॥
মাযযাঽঽচ্ছাদ্য চাত্মানং নিজস্ত্রীরূপধারিণী ।
ইতঃ প্রভৃতি স্ত্রীমাত্রং ভবিষ্যতি যুগে যুগে ॥ ৪০॥
বল্ল্যাদ্যৌষধযো দেবি দিবা বল্লীস্বরূপতাম্ ।
রাত্রৌ স্ত্রীরূপমাসাদ্য রতিকেলিঃ পরস্পরম্ ॥ ৪১॥
অজ্ঞানং চৈব সর্বেষাং ভবিষ্যতি যুগে যুগে ।
এবং শাপং চ দত্বা তু পুনঃ প্রোবাচ কালিকা ॥ ৪২॥
বিপরীতরতিং কৃত্বা চিন্তযন্তি মনন্তি যে ।
তেষাং বরং প্রদাস্যামি নিত্যং তত্র বসাম্যহম্ ॥ ৪৩॥
ইত্যুক্ত্বা কালিকা বিদ্যা তত্রৈবান্তরধীযত ।
ত্রিংশত্-ত্রিখর্ব-ষড্বৃন্দ-নবত্যর্বুদকোটযঃ ॥ ৪৪॥
দর্শনার্থং তপস্তেপে সা বৈ কুত্র গতা প্রিযা ।
মম প্রাণপ্রিযা দেবী হাহা প্রাণপ্রিযে শিবে ॥ ৪৫॥
কিং করোমি ক্ব গচ্ছামি ইত্যেবং ভ্রমসঙ্কুলঃ ।
তস্যাঃ কাল্যা দযা জাতা মম চিন্তাপরঃ শিবঃ ॥ ৪৬॥
যন্ত্রপ্রস্তারবুদ্ধিস্তু কাল্যা দত্তাতিসত্বরম্ ।
যন্ত্রযাগং তদারভ্য পূর্বং চিদ্ঘনগোচরা ॥ ৪৭॥
শ্রীচক্রং যন্ত্রপ্রস্তাররচনাভ্যাসতত্পরঃ ।
ইতস্ততো ভ্রম্যমাণস্ত্রৈলোক্যং চক্রমধ্যকম্ ॥ ৪৮॥
চক্রপারদর্শনার্থং কোট্যর্বুদযুগং গতম্ ।
ভক্তপ্রাণপ্রিযা দেবী মহাশ্রীচক্রনাযিকা ॥ ৪৯॥
তত্র বিন্দৌ পরং রূপং সুন্দরং সুমনোহরম্ ।
রূপং জাতং মহেশানি জাগ্রত্ত্রিপুরসুন্দরি ॥ ৫০॥
রূপং দৃষ্ট্বা মহাদেবো রাজরাজেশ্বরোঽভবত্ ।
তস্যাঃ কটাক্ষমাত্রেণ তস্যা রূপধরঃ শিবঃ ॥ ৫১॥
বিনা শ্রৃঙ্গারসংযুক্তা তদা জাতা মহেশ্বরী ।
বিনা কাল্যংশতো দেবি জগত্স্থাবরজঙ্গমম্ ॥ ৫২॥
ন শ্রৃঙ্গারো ন শক্তিত্বং ক্বাপি নাস্তি মহেশ্বরী ।
সুন্দর্য্যা প্রার্থিতা কালী তুষ্টা প্রোবাচ কালিকা ॥ ৫৩॥
সর্বাসাং নেত্রকেশেষু মমাংশোঽত্র ভবিষ্যতি ।
পূর্বাবস্থাসু দেবেশি মমাংশস্তিষ্ঠতি প্রিযে ॥ ৫৪॥
সাবস্থা তরুণাখ্যা তু তদন্তে নৈব তিষ্ঠতি ।
মদ্ভক্তানাং মহেশানি সদা তিষ্ঠতি নিশ্চিতম্ ॥ ৫৫॥
শক্তিস্তু কুণ্ঠিতা জাতা তথা রূপং ন সুন্দরম্ ।
চিন্তাবিষ্টা তু মলিনা জাতা তত্র চ সুন্দরী ॥ ৫৬॥
ক্ষণং স্থিত্বা ধ্যানপরা কালী চিন্তনতত্পরা ।
তদা কালী প্রসন্নাঽভূত্ ক্ষণার্দ্ধেন মহেশ্বরী ॥ ৫৭॥
বরং ব্রূহি বরং ব্রূহি বরং ব্রূহীতি সাদরম্ ।
সুন্দর্যুবাচ ।
মম সিদ্ধিবরং দেহি বরোঽযং প্রার্থ্যতে মযা ॥ ৫৮॥
তাদৃগুপাযং কথয যেন শক্তির্ভবিষ্যতি ।
শ্রীকাল্যুবাচ ।
মম নামসাহস্রং চ মযা পূর্বং বিনির্মিতম্ ॥ ৫৯॥
মত্স্বরূপং ককারাখ্যং মেধাসাম্রাজ্যনামকম্ ।
বরদানাভিধং নাম ক্ষণার্দ্ধাদ্বরদাযকম্ ॥ ৬০॥
তত্পঠস্ব মহামাযে তব শক্তির্ভবিষ্যতি ।
ততঃ প্রভৃতি শ্রীবিদ্যা তন্নামপাঠতত্পরা ॥ ৬১॥
তদেব নামসাহস্রং সুন্দরীশক্তিদাযকম্ ।
কথ্যতে পরযা ভক্ত্যা সাধযে সুমহেশ্বরি ॥ ৬২॥
মদ্যের্মাংসৈস্তথা শুক্রৈর্বহুরক্তৈরপি প্রিযে ।
তর্পযেত্ পূজযেত্ কালীং বিপরীতরতিং চরেত্ ॥ ৬৩॥
বিপরীতরতৌ দেবি কালী তিষ্ঠতি নিত্যশঃ ।
মাধ্বীকপুষ্পশুক্রান্নমৈথুনাদ্যা বিরাগিণী ॥ ৬৪॥
বৈষ্ণবী ব্যাপিকা বিদ্যা শ্মশানবাসিনী পরা ।
বীরসাধনসন্তুষ্টা বীরাস্ফালননাদিনী ॥ ৬৫॥
শিবাবলিপ্রহৃষ্টাত্মা শিবারূপাদ্যচণ্ডিকা ।
কামস্তোত্রপ্রিযাত্যুগ্রমানসা কামরূপিণী ॥ ৬৬॥
ব্রহ্মানন্দপরা শম্ভু মৈথুনানন্দতোষিতা ।
যোগীন্দ্রহৃদযাগারা দিবা নিশি বিপর্যযা ॥ ৬৭॥
ক্ষণং তুষ্টা চ প্রত্যক্ষা দন্তমালাজপপ্রিযা ।
শয্যাযাং চুম্বনাঙ্গঃ সন্ বেশ্যাসঙ্গপরাযণঃ ॥ ৬৮॥
খড্গহস্তো মুক্তকেশো দিগম্বরবিভূষিতঃ ।
পঠেন্নামসহস্রাখ্যং মেধাসাম্রাজ্যনামকম্ ॥ ৬৯॥
যথা দিব্যামৃতৈর্দেবাঃ প্রসন্না ক্ষণমাত্রতঃ ।
তথাঽনেন মহাকালী প্রসন্না পাঠমাত্রতঃ ॥ ৭০॥
কথ্যতে নামসাহস্রং সাবধানমনাঃ শ্রৃণু ।
সর্বসাম্রাজ্যমেধাখ্যনামসাহস্ত্রকস্য চ ॥ ৭১॥
মহাকাল ঋষিঃ প্রোক্ত উষ্ণিক্ছন্দঃ প্রকীর্তিতম্ ।
দেবতা দক্ষিণা কালী মাযাবীজং প্রকীর্তিতম্ ॥ ৭২॥
হ্রূঁ শক্তিঃ কালিকাবীজং কীলকং পরিকীর্তিতম্ ।
কালিকা বরদানাদি-স্বেষ্টার্থে বিনিযোগতঃ ॥ ৭৩॥
কীলকেন ষডঙ্গানি ষড্দীর্ঘাবীজেন কারযেত্ ।
ধ্যানং চ পূর্ববত্কৃত্বা সাধযেদিষ্টসাধনম্ ॥ ৭৪॥
ॐ অস্য শ্রীসর্বসাম্রাজ্যমেধাকালীস্বরূপ-
ককারাত্মকসহস্রনামস্তোত্রমন্ত্রস্য মহাকাল-
ঋষিরুষ্ণিক্ছন্দঃ, শ্রীদক্ষিণকালী দেবতা, হ্রীং বীজম্,
হ্রূঁ শক্তিঃ, ক্রীং কীলকং, কালীবরদানাদিস্বেষ্টার্থে জপে বিনিযোগঃ ।
ॐ মহাকাল ঋষযে নমঃ শিরসি ।
উষ্ণিক্ছন্দসে নমঃ মুখে ।
শ্রী দক্ষিণকালীদেবতাযৈ নমঃ হৃদযে ।
হ্রীং বীজায নমঃ গুহ্যে ।
হ্রূঁ শক্তযে নমঃ পাদযোঃ ।
ক্রীং কীলকায নমঃ নাভৌ ।
বিনিযোগাযনমঃ সর্বাঙ্গে । ইতি ঋষ্যাদিন্যাসঃ ।
ॐ ক্রাং অঙ্গুষ্ঠাভ্যাং নমঃ ।
ॐ ক্রীং তর্জনীভ্যাং নমঃ ।
ॐ ক্রূং মধ্যমাভ্যাং নমঃ ।
ॐ ক্রৈং অনামিকাভ্যাং নমঃ ।
ॐ ক্রৌং কনিষ্ঠিকাভ্যাং নমঃ ।
ॐ ক্রঃ করতলকরপৃষ্ঠাভ্যাং নমঃ । ইতি করাঙ্গন্যাসঃ ।
ॐ ক্রাং হৃদযায নমঃ ।
ॐ ক্রীং শিরসে স্বাহা ।
ॐ ক্রূং শিখাযৈ বষট্ ।
ॐ ক্রৈং কবচায হুং ।
ॐ ক্রৌং নেত্রত্রযায বৌষট্ ।
ॐ ক্রঃ অস্ত্রায ফট্ । ইতি হৃদযাদি ষডঙ্গন্যাসঃ ।
অথ ধ্যানম্ ।
ॐ করালবদনাং ঘোরাং মুক্তকেশীং চতুর্ভুজাম্ ।
কালিকাং দক্ষিণাং দিব্যাং মুণ্ডমালাবিভূষিতাম্ ॥
সদ্যশ্ছিন্নশিরঃখড্গবামোর্ধ্বাধঃকরাম্বুজাম্ ।
অভযং বরদং চৈব দক্ষিণাধোর্ধ্বপাণিকাম্ ॥
মহামেঘপ্রভাং শ্যামাং তথা চৈব দিগম্বরাম্ ।
কণ্ঠাবসক্তমুণ্ডালীগলদ্রুধিরচর্চিতাম্ ॥
কর্ণাবতংসতানীতশবযুগ্মভযানকাম্ ।
ঘোরদংষ্ট্রাকরালাস্যাং পীনোন্নতপযোধরাম্ ॥
শবানাং করসঙ্ঘাতৈঃ কৃতকাঞ্চীং হসন্মুখীম্ ।
সৃক্কদ্বযগলদ্রক্তধারাবিস্ফুরিতাননাম্ ॥
ঘোররূপাং মহারৌদ্রীং শ্মশানালযবাসিনীম্ ।
দন্তুরাং দক্ষিণব্যাপিমুক্তলম্বকচোচ্চযাম্ ॥
শবরূপমহাদেবহৃদযোপরি সংস্থিতাম্ ।
শিবাভির্ঘোররূপাভিশ্চতুর্দ্দিক্ষু সমন্বিতাম্ ॥
মহাকালেন সার্দ্ধোর্দ্ধমুপবিষ্টরতাতুরাম্ ।
সুখপ্রসন্নবদনাং স্মেরাননসরোরুহাম্ ॥
এবং সঙ্চিন্তযেদ্দেবীং শ্মশানালযবাসিনীম্ ॥
ॐ ক্রীং কালী ক্রূঁ করালী চ কল্যাণী কমলা কলা ।
কলাবতী কলাঢ্যা চ কলাপূজ্যা কলাত্মিকা ॥ ১॥
কলাদৃষ্টা কলাপুষ্টা কলামস্তা কলাধরা ।
কলাকোটি কলাভাসা কলাকোটিপ্রপূজিতা ॥ ২॥
কলাকর্মকলাধারা কলাপারা কলাগমা ।
কলাধারা কমলিনী ককারা করুণা কবিঃ ॥ ৩॥
ককারবর্ণসর্বাঙ্গী কলাকোটিবিভূষিতা ।
ককারকোটিগুণিতা কলাকোটিবিভূষণা ॥ ৪॥
ককারবর্ণহৃদযা ককারমনুমণ্ডিতা ।
ককারবর্ণনিলযা কাকশব্দপরাযণা ॥ ৫॥
ককারবর্ণমুকুটা ককারবর্ণভূষণা ।
ককারবর্ণরূপা চ ককশব্দপরাযণা ॥ ৬॥
ককবীরাস্ফালরতা কমলাকরপূজিতা ।
কমলাকরনাথা চ কমলাকররূপধৃক্ ॥ ৭॥
কমলাকরসিদ্ধিস্থা কমলাকরপারদা ।
কমলাকরমধ্যস্থা কমলাকরতোষিতা ॥ ৮॥
কথঙ্কারপরালাপা কথঙ্কারপরাযণা ।
কথঙ্কারপদান্তস্থা কথঙ্কারপদার্থভূঃ ॥ ৯॥
কমলাক্ষী কমলজা কমলাক্ষপ্রপূজিতা ।
কমলাক্ষবরোদ্যুক্তা ককারা কর্বুরাক্ষরা ॥ ১০॥
করতারা করচ্ছিন্না করশ্যামা করার্ণবা ।
করপূজ্যা কররতা করদা করপূজিতা ॥ ১১॥
করতোযা করামর্ষা কর্মনাশা করপ্রিযা ।
করপ্রাণা করকজা করকা করকান্তরা ॥ ১২॥
করকাচলরূপা চ করকাচলশোভিনী ।
করকাচলপুত্রী চ করকাচলতোষিতা ॥ ১৩॥
করকাচলগেহস্থা করকাচলরক্ষিণী ।
করকাচলসম্মান্যা করকাচলকারিণী ॥ ১৪॥
করকাচলবর্ষাঢ্যা করকাচলরঞ্জিতা ।
করকাচলকান্তারা করকাচলমালিনী ॥ ১৫॥
করকাচলভোজ্যা চ করকাচলরূপিণী ।
করামলকসংস্থা চ করামলকসিদ্ধিদা ॥ ১৬॥
করামলকসম্পূজ্যা করামলকতারিণী ।
করামলককালী চ করামলকরোচিনী ॥ ১৭॥
করামলকমাতা চ করামলকসেবিনী ।
করামলকবদ্ধ্যেযা করামলকদাযিনী ॥ ১৮॥
কঞ্জনেত্রা কঞ্জগতিঃ কঞ্জস্থা কঞ্জধারিণী ।
কঞ্জমালাপ্রিযকরী কঞ্জরূপা চ কঞ্জনা ॥ ১৯॥
কঞ্জজাতিঃ কঞ্জগতিঃ কঞ্জহোমপরাযণা ।
কঞ্জমণ্ডলমধ্যস্থা কঞ্জাভরণভূষিতা ॥ ২০॥
কঞ্জসম্মাননিরতা কঞ্জোত্পত্তিপরাযণা ।
কঞ্জরাশিসমাকারা কঞ্জারণ্যনিবাসিনী ॥ ২১॥
করঞ্জবৃক্ষমধ্যস্থা করঞ্জবৃক্ষবাসিনী ।
করঞ্জফলভূষাঢ্যা করঞ্জারণ্যবাসিনী ॥ ২২॥
করঞ্জমালাভরণা করবালপরাযণা ।
করবালপ্রহৃষ্টাত্মা করবালপ্রিযা গতিঃ ॥ ২৩॥
করবালপ্রিযা কন্যা করবালবিহারিণী ।
করবালমযী কর্ম্মা করবালপ্রিযঙ্করী ॥ ২৪॥
কবন্ধমালাভরণা কবন্ধরাশিমধ্যগা ।
কবন্ধকূটসংস্থানা কবন্ধানন্তভূষণা ॥ ২৫॥
কবন্ধনাদসন্তুষ্টা কবন্ধাসনধারিণী ।
কবন্ধগৃহমধ্যস্থা কবন্ধবনবাসিনী ॥ ২৬॥
কবন্ধকাঞ্চীকরণী কবন্ধরাশিভূষণা ।
কবন্ধমালাজযদা কবন্ধদেহবাসিনী ॥ ২৭॥
কবন্ধাসনমান্যা চ কপালাকল্পধারিণী ।
কপালমালামধ্যস্থা কপালব্রততোষিতা ॥ ২৮॥
কপালদীপসন্তুষ্টা কপালদীপরূপিণী ।
কপালদীপবরদা কপালকজ্জলস্থিতা ॥ ২৯॥
কপালমালাজযদা কপালজপতোষিণী ।
কপালসিদ্ধিসংহৃষ্টা কপালভোজনোদ্যতা ॥ ৩০॥
কপালব্রতসংস্থানা কপালকমলালযা ।
কবিত্বামৃতসারা চ কবিত্বামৃতসাগরা ॥ ৩১॥
কবিত্বসিদ্ধিসংহৃষ্টা কবিত্বাদানকারিণী ।
কবিপৃজ্যা কবিগতিঃ কবিরূপা কবিপ্রিযা ॥ ৩২॥
কবিব্রহ্মানন্দরূপা কবিত্বব্রততোষিতা ।
কবিমানসসংস্থানা কবিবাঞ্চ্ছাপ্রপূরিণী ॥ ৩৩॥
কবিকণ্ঠস্থিতা কং হ্রীং কংকংকং কবিপূর্তিদা ।
কজ্জলা কজ্জলাদানমানসা কজ্জলপ্রিযা ॥ ৩৪॥
কপালকজ্জলসমা কজ্জলেশপ্রপূজিতা ।
কজ্জলার্ণবমধ্যস্থা কজ্জলানন্দরূপিণী ॥ ৩৫॥
কজ্জলপ্রিযসন্তুষ্টা কজ্জলপ্রিযতোষিণী ।
কপালমালাভরণা কপালকরভূষণা ॥ ৩৬॥
কপালকরভূষাঢ্যা কপালচক্রমণ্ডিতা ।
কপালকোটিনিলযা কপালদুর্গকারিণী ॥ ৩৭॥
কপালগিরিসংস্থানা কপালচক্রবাসিনী ।
কপালপাত্রসন্তুষ্টা কপালার্ঘ্যপরাযণা ॥ ৩৮॥
কপালার্ঘ্যপ্রিযপ্রাণা কপালার্ঘ্যবরপ্রদা ।
কপালচক্ররূপা চ কপালরূপমাত্রগা ॥ ৩৯॥
কদলী কদলীরূপা কদলীবনবাসিনী ।
কদলীপুষ্পসম্প্রীতা কদলীফলমানসা ॥ ৪০॥
কদলীহোমসন্তুষ্টা কদলীদর্শনোদ্যতা ।
কদলীগর্ভমধ্যস্থা কদলীবনসুন্দরী ॥ ৪১॥
কদম্বপুষ্পনিলযা কদম্ববনমধ্যগা ।
কদম্বকুসুমামোদা কদম্ববনতোষিণী ॥ ৪২॥
কদম্বপুষ্পসম্পূজ্যা কদম্বপুষ্পহোমদা ।
কদম্পুষ্পমধ্যস্থা কদম্বফলভোজিনী ॥ ৪৩॥
কদম্বকাননান্তঃস্থা কদম্বাচলবাসিনী ।
কচ্ছপা কচ্ছপারাধ্যা কচ্ছপাসনসংস্থিতা ॥ ৪৪॥
কর্ণপূরা কর্ণনাসা কর্ণাঢ্যা কালভৈরবী ।
কলপ্রীতা কলহদা কলহা কলহাতুরা ॥ ৪৫॥
কর্ণযক্ষী কর্ণবার্তা কথিনী কর্ণসুন্দরী ।
কর্ণপিশাচিনী কর্ণমঞ্জরী কবিকক্ষদা ॥ ৪৬॥
কবিকক্ষাবিরূপাঢ্যা কবিকক্ষস্বরূপিণী ।
কস্তূরীমৃগসংস্থানা কস্তূরীমৃগরূপিণী ॥ ৪৭॥
কস্তূরীমৃগসন্তোষা কস্তূরীমৃগমধ্যগা ।
কস্তূরীরসনীলাঙ্গী কস্তূরীগন্ধতোষিতা ॥ ৪৮॥
কস্তূরীপূজকপ্রাণা কস্তূরীপূজকপ্রিযা ।
কস্তূরীপ্রেমসন্তুষ্টা কস্তূরীপ্রাণধারিণী ॥ ৪৯॥
কস্তূরীপূজকানন্দা কস্তূরীগন্ধরূপিণী ।
কস্তূরীমালিকারূপা কস্তূরীভোজনপ্রিযা ॥ ৫০॥
কস্তূরীতিলকানন্দা কস্তূরীতিলকপ্রিযা ।
কস্তূরীহোমসন্তুষ্টা কস্তূরীতর্পণোদ্যতা ॥ ৫১॥
কস্তূরীমার্জনোদ্যুক্তা কস্তূরীচক্রপূজিতা ।
কস্তূরীপুষ্পসম্পূজ্যা কস্তূরীচর্বণোদ্যতা ॥ ৫২॥
কস্তূরীগর্ভমধ্যস্থা কস্তূরীবস্ত্রধারিণী ।
কস্তূরীকামোদরতা কস্তূরীবনবাসিনী ॥ ৫৩॥
কস্তূরীবনসংরক্ষা কস্তূরীপ্রেমধারিণী ।
কস্তূরীশক্তিনিলযা কস্তূরীশক্তিকুণ্ডগা ॥ ৫৪॥
কস্তূরীকুণ্ডসংস্নাতা কস্তূরীকুণ্ডমজ্জনা ।
কস্তূরীজীবসন্তুষ্টা কস্তূরীজীবধারিণী ॥ ৫৫॥
কস্তূরীপরমামোদা কস্তূরীজীবনক্ষমা ।
কস্তূরীজাতিভাবস্থা কস্তূরীগন্ধচুম্বনা ॥ ৫৬॥
কসতূরীগন্ধসংশোভাবিরাজিতকপালভূঃ ।
কস্তূরীমদনান্তঃস্থা কস্তূরীমদহর্ষদা ॥ ৫৭॥
কস্তূরীকবিতানাঢ্যা কস্তূরীগৃহমধ্যগা ।
কস্তূরীস্পর্শকপ্রাণা কস্তূরীবিন্দকান্তকা ॥ ৫৮॥
কস্তূর্য্যামোদরসিকা কস্তূরীক্রীডনোদ্যতা ।
কস্তূরীদাননিরতা কস্তূরীবরদাযিনী ॥ ৫৯॥
কস্তূরীস্থাপনাসক্তা কস্তূরীস্থানরঞ্জিনী ।
কস্তূরীকুশলপ্রশ্না কস্তূরীস্তুতিবন্দিতা ॥ ৬০॥
কস্তূরীবন্দকারাধ্যা কস্তূরীস্থানবাসিনী ।
কহরূপা কহাঢ্যা চ কহানন্দা কহাত্মভূঃ ॥ ৬১॥
কহপূজ্যা কহাখ্যা চ কহহেযা কহাত্মিকা ।
কহমালাকণ্ঠভূষা কহমন্ত্রজপোদ্যতা ॥ ৬২॥
কহনামস্মৃতিপরা কহনামপরাযণা ।
কহপরাযণরতা কহদেবী কহেশ্বরী ॥ ৬৩॥
কহহেতু কহানন্দা কহনাদপরাযণা ।
কহমাতা কহান্তঃস্থা কহমন্ত্রা কহেশ্বরী ॥ ৬৪॥
কহজ্ঞেযা কহারাধ্যা কহধ্যানপরাযণা ।
কহতন্ত্রা কহকহা কহচর্য্যাপরাযণা ॥ ৬৫॥
কহাচারা কহগতিঃ কহতাণ্ডবকারিণী ।
কহারণ্যা কহরতিঃ কহশক্তিপরাযণা ॥ ৬৬॥
কহরাজ্যনতা কর্ম্মসাক্ষিণী কর্মসুন্দরী ।
কর্মবিদ্যা কর্মগতিঃ কর্মতন্ত্রপরাযণা ॥ ৬৭॥
কর্মমাত্রা কর্মগাত্রা কর্মধর্মপরাযণা ।
কর্মরেখানাশকর্ত্রী কর্মরেখাবিনোদিনী ॥ ৬৮॥
কর্মরেখামোহকরী কর্মকীর্তিপরাযণা ।
কর্মবিদ্যা কর্মসারা কর্ম্মাধারা চ কর্মভূঃ ॥ ৬৯॥
কর্মকারী কর্মহারী কর্মকৌতুকসুন্দরী ।
কর্মকালী কর্মতারা কর্মচ্ছিন্না চ কর্মদা ॥ ৭০॥
কর্মচাণ্ডালিনী কর্মবেদমাতা চ কর্মভূঃ ।
কর্মকাণ্ডরতানন্তা কর্মকাণ্ডানুমানিতা ॥ ৭১॥
কর্মকাণ্ডপরীণাহা কমঠী কমঠাকৃতিঃ ।
কমঠারাধ্যহৃদযা কমঠাকণ্ঠসুন্দরী ॥ ৭২॥
কমঠাসনসংসেব্যা কমঠী কর্মতত্পরা ।
করুণাকরকান্তা চ করুণাকরবন্দিতা ॥ ৭৩॥
কঠোরা করমালা চ কঠোরকুচধারিণী ।
কপর্দিনী কপটিনী কঠিনা কঙ্কভূষণা ॥ ৭৪॥
করভোরূঃ কঠিনদা করভা করভালযা ।
কলভাষামযী কল্পা কল্পনা কল্পদাযিনী ॥ ৭৫॥
কমলস্থা কলামালা কমলাস্যা ক্কণত্প্রভা ।
ককুদ্মিনী কষ্টবতী করণীযকথার্চিতা ॥ ৭৬॥
কচার্চিতা কচতনুঃ কচসুন্দরধারিণী ।
কঠোরকুচসংলগ্না কটিসূত্রবিরাজিতা ॥ ৭৭॥
কর্ণমক্ষপ্রিযা কন্দা কথাকন্দগতিঃ কলিঃ ।
কলিঘ্নী কলিদূতী চ কবিনাযক-পূজিতা ॥ ৭৮॥
কণকক্ষানিযন্ত্রী চ কশ্চিত্কবিবরার্চিতা ।
কর্ত্রী চ কর্তৃকা ভূষাকারিণী কর্ণশত্রুপা ॥ ৭৯॥
করণেশী করণপা কলবাচা কলানিধিঃ ।
কলনা কলনাধারা কলনা কারিকা করা ॥ ৮০॥
কলগেযা কর্করাশিঃ কর্করাশি-প্রপূজিতা ।
কন্যারাশিঃ কন্যকা চ কন্যকাপ্রিযভাষিণী ॥ ৮১॥
কন্যকাদানসন্তুষ্টা কন্যকাদানতোষিণী ।
কন্যাদানকরানন্দা কন্যাদানগ্রহেষ্টদা ॥ ৮২॥
কর্ষণা কক্ষদহনা কামিতা কমলাসনা ।
করমালানন্দকর্ত্রী করমালাপ্রপোষিতা ॥ ৮৩॥
করমালাশযানন্দা করমালাসমাগমা ।
করমালাসিদ্ধিদাত্রী করমালাকরপ্রিযা ॥ ৮৪॥
করপ্রিযা কররতা করদানপরাযণা ।
কলানন্দা কলিগতিঃ কলিপূজ্যা কলিপ্রসূঃ ॥ ৮৫॥
কলনাদনিনাদস্থা কলনাদবরপ্রদা ।
কলনাদসমাজস্থা কহোলা চ কহোলদা ॥ ৮৬॥
কহোলগেহমধ্যস্থা কহোলবরদাযিনী ।
কহোলকবিতাধারা কহোলঋষিমানিতা ॥ ৮৭॥
কহোলমানসারাধ্যা কহোলবাক্যকারিণী ।
কর্তৃরূপা কর্তৃমযী কর্তৃমাতা চ কর্তরী ॥ ৮৮॥
কনীযা কনকারাধ্যা কনীনকমযী তথা ।
কনীযানন্দনিলযা কনকানন্দতোষিতা ॥ ৮৯॥
কনীযককরাকাষ্ঠা কথার্ণবকরী করী ।
করিগম্যা করিগতিঃ করিধ্বজপরাযণা ॥ ৯০॥
করিনাথপ্রিযাকণ্ঠা কথানকপ্রতোষিতা ।
কমনীযা কমনকা কমনীযবিভূষণা ॥ ৯১॥
কমনীযসমাজস্থা কমনীযব্রতপ্রিযা ।
কমনীযগুণারাধ্যা কপিলা কপিলেশ্বরী ॥ ৯২॥
কপিলারাধ্যহৃদযা কপিলাপ্রিযবাদিনী ।
কহচক্রমন্ত্রবর্ণা কহচক্রপ্রসূনকা ॥ ৯৩॥
কএঈলহ্রীংস্বরূপা চ কএঈলহ্রীংবরপ্রদা ।
কএঈলহ্রীংসিদ্ধিদাত্রী কএঈলহ্রীংস্বরূপিণী ॥ ৯৪॥
কএঈলহ্রীংমন্ত্রবর্ণা কএঈলহ্রীংপ্রসূকলা ।
কবর্গা চ কপাটস্থা কপাটোদ্ঘাটনক্ষমা ॥ ৯৫॥
কঙ্কালী চ কপালী চ কঙ্কালপ্রিযভাষিণী ।
কঙ্কালভৈরবারাধ্যা কঙ্কালমানসংস্থিতা ॥ ৯৬॥
কঙ্কালমোহনিরতা কঙ্কালমোহদাযিনী ।
কলুষঘ্নী কলুষহা কলুষার্তিবিনাশিনী ॥ ৯৭॥
কলিপুষ্পা কলাদানা কশিপুঃ কশ্যপার্চিতা ।
কশ্যপা কশ্যপারাধ্যা কলিপূর্ণকলেবরা ॥ ৯৮॥
কলেশ্বরকরী কাঞ্চী কবর্গা চ করালকা ।
করালভৈরবারাধ্যা করালভৈরবেশ্বরী ॥ ৯৯॥
করালা কলনাধারা কপর্দ্দীশবরপ্রদা ।
কপর্দ্দীশপ্রেমলতা কপর্দ্দিমালিকাযুতা ॥ ১০০॥
কপর্দ্দিজপমালাঢ্যা করবীরপ্রসূনদা ।
করবীরপ্রিযপ্রাণা করবীরপ্রপূজিতা ॥ ১০১॥
কর্ণিকারসমাকারা কর্ণিকারপ্রপূজিতা ।
করিষাগ্নিস্থিতা কর্ষা কর্ষমাত্রসুবর্ণদা ॥ ১০২॥
কলশা কলশারাধ্যা কষাযা করিগানদা ।
কপিলা কলকণ্ঠী চ কলিকল্পলতা মতা ॥ ১০৩॥
কল্পলতা কল্পমাতা কল্পকারী চ কল্পভূঃ ।
কর্পূরামোদরুচিরা কর্পূরামোদধারিণী ॥ ১০৪॥
কর্পূরমালাভরণা কর্পূরবাসপূর্তিদা ।
কর্পূরমালাজযদা কর্পূরার্ণবমধ্যগা ॥ ১০৫॥
কর্পূরতর্পণরতা কটকাম্বরধারিণী ।
কপটেশ্ববরসম্পূজ্যা কপটেশ্বররূপিণী ॥ ১০৬॥
কটুঃ কপিধ্বজারাধ্যা কলাপপুষ্পধারিণী ।
কলাপপুষ্পরুচিরা কলাপপুষ্পপূজিতা ॥ ১০৭॥
ক্রকচা ক্রকচারাধ্যা কথম্ব্রূমা করালতা ।
কথঙ্কারবিনির্মুক্তা কালী কালক্রিযা ক্রতুঃ ॥ ১০৮॥
কামিনী কামিনীপূজ্যা কামিনীপুষ্পধারিণী ।
কামিনীপুষ্পনিলযা কামিনীপুষ্পপূর্ণিমা ॥ ১০৯॥
কামিনীপুষ্পপূজার্হা কামিনীপুষ্পভূষণা ।
কামিনীপুষ্পতিলকা কামিনীকুণ্ডচুম্বনা ॥ ১১০॥
কামিনীযোগসন্তুষ্টা কামিনীযোগভোগদা ।
কামিনীকুণ্ডসম্মগ্না কামিনীকুণ্ডমধ্যগা ॥ ১১১॥
কামিনীমানসারাধ্যা কামিনীমানতোষিতা ।
কামিনীমানসঞ্চারা কালিকা কালকালিকা ॥ ১১২॥
কামা চ কামদেবী চ কামেশী কামসম্ভবা ।
কামভাবা কামরতা কামার্তা কামমঞ্জরী ॥ ১১৩॥
কামমঞ্জীররণিতা কামদেবপ্রিযান্তরা ।
কামকালী কামকলা কালিকা কমলার্চিতা ॥ ১১৪॥
কাদিকা কমলা কালী কালানলসমপ্রভা ।
কল্পান্তদহনা কান্তা কান্তারপ্রিযবাসিনী ॥ ১১৫॥
কালপূজ্যা কালরতা কালমাতা চ কালিনী ।
কালবীরা কালঘোরা কালসিদ্ধা চ কালদা ॥ ১১৬॥
কালঞ্জনসমাকারা কালঞ্জরনিবাসিনী ।
কালঋদ্ধিঃ কালবৃদ্ধিঃ কারাগৃহবিমোচিনী ॥ ১১৭॥
কাদিবিদ্যা কাদিমাতা কাদিস্থা কাদিসুন্দরী ।
কাশী কাঞ্চী চ কাঞ্চীশা কাশীশবরদাযিনী ॥ ১১৮॥
ক্রাং বীজা চৈব ক্রীং বীজা হৃদযায নমস্স্মৃতা ।
কাম্যা কাম্যগতিঃ কাম্যসিদ্ধিদাত্রী চ কামভূঃ ॥ ১১৯॥
কামাখ্যা কামরূপা চ কামচাপবিমোচিনী ।
কামদেবকলারামা কামদেবকলালযা ॥ ১২০॥
কামরাত্রিঃ কামদাত্রী কান্তারাচলবাসিনী ।
কামরূপা কালগতিঃ কামযোগপরাযণা ॥ ১২১॥
কামসম্মর্দ্দনরতা কামগেহবিকাসিনী ।
কালভৈরবভার্যা চ কালভৈরবকামিনী ॥ ১২২॥
কালভৈরবযোগস্থা কালভৈরবভোগদা ।
কামধেনুঃ কামদোগ্ধ্রী কামমাতা চ কান্তিদা ॥ ১২৩॥
কামুকা কামুকারাধ্যা কামুকানন্দবর্দ্ধিনী ।
কার্ত্তবীর্য্যা কার্ত্তিকেযা কার্ত্তিকেযপ্রপূজিতা ॥ ১২৪॥
কার্য্যা কারণদা কার্য্যকারিণী কারণান্তরা ।
কান্তিগম্যা কান্তিমযী কাত্যা কাত্যাযনী চ কা ॥ ১২৫॥
কামসারা চ কাশ্মীরা কাশ্মীরাচারতত্পরা ।
কামরূপাচাররতা কামরূপপ্রিযংবদা ॥ ১২৬॥
কামরূপাচারসিদ্ধিঃ কামরূপমনোমযী ।
কার্ত্তিকী কার্ত্তিকারাধ্যা কাঞ্চনারপ্রসূনভূঃ ॥ ১২৭॥
কাঞ্চনারপ্রসূনাভা কাঞ্চনারপ্রপূজিতা ।
কাঞ্চরূপা কাঞ্চভূমিঃ কাংস্যপাত্রপ্রভোজিনী ॥ ১২৮॥
কাংস্যধ্বনিমযী কামসুন্দরী কামচুম্বনা ।
কাশপুষ্পপ্রতীকাশা কামদ্রুমসমাগমা ॥ ১২৯॥
কামপুষ্পা কামভূমিঃ কামপূজ্যা চ কামদা ।
কামদেহা কামগেহা কামবীজপরাযণা ॥ ১৩০॥
কামধ্বজসমারূঢা কামধ্বজসমাস্থিতা ।
কাশ্যপী কাশ্যপারাধ্যা কাশ্যপানন্দদাযিনী ॥ ১৩১॥
কালিন্দীজলসঙ্কাশা কালিন্দীজলপূজিতা ।
কাদেবপূজানিরতা কাদেবপরমার্থদা ॥ ১৩২॥
কর্ম্মণা কর্ম্মণাকারা কামকর্মণকারিণী ।
কার্ম্মণত্রোটনকরী কাকিনী কারণাহ্বযা ॥ ১৩৩॥
কাব্যামৃতা চ কালিঙ্গা কালিঙ্গমর্দ্দনোদ্যতা ।
কালাগরুবিভূষাঢ্যা কালাগরুবিভূতিদা ॥ ১৩৪॥
কালাগরুসুগন্ধা চ কালাগরুপ্রতর্পণা ।
কাবেরীনীরসম্প্রীতা কাবেরীতীরবাসিনী ॥ ১৩৫॥
কালচক্রভ্রমাকারা কালচক্রনিবাসিনী ।
কাননা কাননাধারা কারুঃ কারুণিকামযী ॥ ১৩৬॥
কাম্পিল্যবাসিনী কাষ্ঠা কামপত্নী চ কামভূঃ ।
কাদম্বরীপানরতা তথা কাদম্বরীকলা ॥ ১৩৭॥
কামবন্দ্যা চ কামেশী কামরাজপ্রপূজিতা ।
কামরাজেশ্বরীবিদ্যা কামকৌতুকসুন্দরী ॥ ১৩৮॥
কাম্বোজজা কাঞ্ছিনদা কাংস্যকাঞ্চনকারিণী ।
কাঞ্চনাদ্রিসমাকারা কাঞ্চনাদ্রিপ্রদানদা ॥ ১৩৯॥
কামকীর্তিঃ কামকেশী কারিকা কান্তরাশ্রযা ।
কামভেদী চ কামার্তিনাশিনী কামভূমিকা ॥ ১৪০॥
কালানলাশিনী কাব্যবনিতা কামরূপিণী ।
কাযস্থা কামসন্দীপ্তিঃ কাব্যদা কালসুন্দরী ॥ ১৪১॥
কামেশী কারণবরা কামেশীপূজনোদ্যতা ।
কাঞ্চী-নূপুরভূষাঢ্যা-কুঙ্কুমাভরণান্বিতা ॥ ১৪২॥
কালচক্রা কালগতিঃ কালচক্রামনোভবা ।
কুন্দমধ্যা কুন্দপুষ্পা কুন্দপুষ্পপ্রিযা কুজা ॥ ১৪৩॥
কুজমাতা কুজারাধ্যা কুঠারবরধারিণী ।
কুঞ্চরস্থা কুশরতা কুশেশযবিলোচনা ॥ ১৪৪॥
কুমঠী কুররী কুদ্রা কুরঙ্গী কুটজাশ্রযা ।
কুম্ভীনসবিভূষা চ কুম্ভীনসবধোদ্যতা ॥ ১৪৫॥
কুম্ভকর্ণমনোল্লাসা কুলচূডামণিঃ কুলা ।
কুলালগৃহকন্যা চ কুলচূডামণিপ্রিযা ॥ ১৪৬॥
কুলপূজ্যা কুলারাধ্যা কুলপূজাপরাযণা ।
কুলভূষা তথা কুক্ষিঃ কুররীগণসেবিতা ॥ ১৪৭॥
কুলপুষ্পা কুলরতা কুলপুষ্পপরাযণা ।
কুলবস্ত্রা কুলারাধ্যা কুলকুণ্ডসমপ্রভা ॥ ১৪৮॥
কুলকুণ্ডসমোল্লাসা কুণ্ডপুষ্পপরাযণা ।
কুণ্ডপুষ্পপ্রসন্নাস্যা কুণ্ডগোলোদ্ভবাত্মিকা ॥ ১৪৯॥
কুণ্ডগোলোদ্ভবাধারা কুণ্ডগোলমযী কুহূঃ ।
কুণ্ডগোলপ্রিযপ্রাণা কুণ্ডগোলপ্রপূজিতা ॥ ১৫০॥
কুণ্ডগোলমনোল্লাসা কুণ্ডগোলবলপ্রদা ।
কুণ্ডদেবরতা ক্রুদ্ধা কুলসিদ্ধিকরা পরা ॥ ১৫১॥
কুলকুণ্ডসমাকারা কুলকুণ্ডসমানভূঃ ।
কুণ্ডসিদ্ধিঃ কুণ্ডঋদ্ধিঃ কুমারীপূজনোদ্যতা ॥ ১৫২॥
কুমারীপূজকপ্রাণা কুমারীপূজকালযা ।
কুমারীকামসন্তুষ্টা কুমারীপূজনোত্সুকা ॥ ১৫৩॥
কুমারীব্রতসন্তুষ্টা কুমারীরূপধারিণী ।
কুমারীভোজনপ্রীতা কুমারী চ কুমারদা ॥ ১৫৪॥
কুমারমাতা কুলদা কুলযোনিঃ কুলেশ্বরী ।
কুললিঙ্গা কুলানন্দা কুলরম্যা কুতর্কধৃক্ ॥ ১৫৫॥
কুন্তী চ কুলকান্তা চ কুলমার্গপরাযণা ।
কুল্লা চ কুরুকুল্লা চ কুল্লুকা কুলকামদা ॥ ১৫৬॥
কুলিশাঙ্গী কুব্জিকা চ কুব্জিকানন্দবর্দ্ধিনী ।
কুলীনা কুঞ্জরগতিঃ কুঞ্জরেশ্বরগামিনী ॥ ১৫৭॥
কুলপালী কুলবতী তথৈব কুলদীপিকা ।
কুলযোগেশ্বরী কুণ্ডা কুঙ্কুমারুণবিগ্রহা ॥ ১৫৮॥
কুঙ্কুমানন্দসন্তোষা কুঙ্কুমার্ণববাসিনী ।
কুসুমা কুসুমপ্রীতা কুলভূঃ কুলসুন্দরী ॥ ১৫৯॥
কুমুদ্বতী কুমুদিনী কুশলা কুলটালযা ।
কুলটালযমধ্যস্থা কুলটাসঙ্গতোষিতা ॥ ১৬০॥
কুলটাভবনোদ্যুক্তা কুশাবর্তা কুলার্ণবা ।
কুলার্ণবাচাররতা কুণ্ডলী কুণ্ডলাকৃতিঃ ॥ ১৬১॥
কুমতিশ্চ কুলশ্রেষ্ঠা কুলচক্রপরাযণা ।
কূটস্থা কূটদৃষ্টিশ্চ কুন্তলা কুন্তলাকৃতিঃ ॥ ১৬২॥
কুশলাকৃতিরূপা চ কূর্চবীজধরা চ কূঃ ।
কুং কুং কুং কুং শব্দরতা ক্রূং ক্রূং ক্রূং ক্রূং পরাযণা ॥ ১৬৩॥
কুং কুং কুং শব্দনিলযা কুক্কুরালযবাসিনী ।
কুক্কুরাসঙ্গসংযুক্তা কুক্কুরানন্তবিগ্রহা ॥ ১৬৪॥
কূর্চারম্ভা কূর্চবীজা কূর্চজাপপরাযণা ।
কুচস্পর্শনসন্তুষ্টা কুচালিঙ্গনহর্ষদা ॥ ১৬৫॥
কুমতিঘ্নী কুবেরার্চ্যা কুচভূঃ কুলনাযিকা ।
কুগাযনা কুচধরা কুমাতা কুন্দদন্তিনী ॥ ১৬৬॥
কুগেযা কুহরাভাসা কুগেযা কুঘ্নদারিভা ।
কীর্তিঃ কিরাতিনী ক্লিন্না কিন্নরা কিন্নরীক্রিযা ॥ ১৬৭॥
ক্রীঙ্কারা ক্রীঞ্জপাসক্তা ক্রীং হূঁ স্ত্রীং মন্ত্ররূপিণী ।
কির্মীরিতদৃশাপাঙ্গী কিশোরী চ কিরীটিনী ॥ ১৬৮॥
কীটভাষা কীটযোনিঃ কীটমাতা চ কীটদা ।
কিংশুকা কীরভাষা চ ক্রিযাসারা ক্রিযাবতী ॥ ১৬৯॥
কীংকীংশব্দপরা ক্লাং ক্লীং ক্লূঁ ক্লৈং ক্লৌং মন্ত্ররূপিণী ।
কাঁ কীং কূঁ কৈং স্বরূপা চ কঃ ফট্ মন্ত্রস্বরূপিণী ॥ ১৭০॥
কেতকীভূষণানন্দা কেতকীভরণান্বিতা ।
কৈকদা কেশিনী কেশী কেশীসূদনতত্পরা ॥ ১৭১॥
কেশরূপা কেশমুক্তা কৈকেযী কৌশিকী তথা ।
কৈরবা কৈরবাহ্লাদা কেশরা কেতুরূপিণী ॥ ১৭২॥
কেশবারাধ্যহৃদযা কেশবাসক্তমানসা ।
ক্লৈব্যবিনাশিনী ক্লৈং চ ক্লৈং বীজজপতোষিতা ॥ ১৭৩॥
কৌশল্যা কোশলাক্ষী চ কোশা চ কোমলা তথা ।
কোলাপুরনিবাসা চ কোলাসুরবিনাশিনী ॥ ১৭৪॥
কোটিরূপা কোটিরতা ক্রোধিনী ক্রোধরূপিণী ।
কেকা চ কোকিলা কোটিঃ কোটিমন্ত্রপরাযণা ॥ ১৭৫॥
কোট্যানন্তমন্ত্রযুক্তা কৈরূপা কেরলাশ্রযা ।
কেরলাচারনিপুণা কেরলেন্দ্রগৃহস্থিতা ॥ ১৭৬॥
কেদারাশ্রমসংস্থা চ কেদারেশ্বরপূজিতা ।
ক্রোধরূপা ক্রোধপদা ক্রোধমাতা চ কৌশিকী ॥ ১৭৭॥
কোদণ্ডধারিণী ক্রৌঞ্চা কৌশল্যা কৌলমার্গগা ।
কৌলিনী কৌলিকারাধ্যা কৌলিকাগারবাসিনী ॥ ১৭৮॥
কৌতুকী কৌমুদী কৌলা কুমারী কৌরবার্চিতা ।
কৌণ্ডিন্যা কৌশিকী ক্রোধা জ্বালাভাসুররূপিণী ॥ ১৭৯॥
কোটিকালানলজ্বালা কোটিমার্ত্তণ্ডবিগ্রহা ।
কৃত্তিকা কৃষ্ণবর্ণা চ কৃষ্ণা কৃত্যা ক্রিযাতুরা ॥ ১৮০॥
কৃশাঙ্গী কৃতকৃত্যা চ ক্রঃ ফট্স্বাহাস্বরূপিণী ।
ক্রৌং ক্রৌং হূঁ ফট্মন্ত্রবর্ণা
ক্রাং হ্রীং হ্রূঁ ফট্ স্বরূপিণী ॥ ১৮১॥
ক্রীংক্রীংহ্রীংহ্রীং তথা হ্রূঁ হূঁফট্স্বাহামন্ত্ররূপিণী ।
ইতি শ্রীসর্বসাম্রাজ্যমেধা নামসহস্রকম্ ॥ ১৮২॥
সুন্দরীশক্তিদানাখ্যং স্বরূপার্ভিধমেব চ ।
কথিতং দক্ষিণাকাল্যাঃ সুন্দর্যৈ প্রীতিযোগতঃ ॥ ১॥
বরদানপ্রসঙ্গেন রহস্যমপি দর্শিতম্ ।
গোপনীযং সদা ভক্ত্যা পঠনীযং পরাত্পরম্ ॥ ২॥
প্রাতর্মধ্যাহ্নকালে চ মধ্যার্দ্ধরাত্রযোরপি ।
যজ্ঞকালে জপান্তে চ পঠনীযং বিশেষতঃ ॥ ৩॥
যঃ পঠেত্ সাধকো ধীরঃ কালীরূপো হি বর্ষতঃ ।
পঠেদ্বা পাঠযেদ্বাপি শ্রৃণোতি শ্রাবযেদপি ॥ ৪॥
বাচকং তোষযেদ্বাপি স ভবেত্ কালিকাতনুঃ ।
সহেলং বা সলীলং বা যশ্চৈনং মানবঃ পঠেত্ ॥ ৫॥
সর্বদুঃখবিনির্মুক্তস্ত্রৈলোক্যবিজযী কবিঃ ।
মৃতবন্ধ্যা কাকবন্ধ্যা কন্যাবন্ধ্যা চ বন্ধ্যকা ॥ ৬॥
পুষ্পবন্ধ্যা শূলবন্ধ্যা শ্রৃণুযাত্ স্তোত্রমুত্তমম্ ।
সর্বসিদ্ধিপ্রদাতারং সত্কবিং চিরজীবিনম্ ॥ ৭॥
পাণ্ডিত্যকীর্তিসংযুক্তং লভতে নাত্র সংশযঃ ।
যং যং কামমুপস্কৃত্য কালীং ধ্যাত্বা জপেত্স্তবম্ ॥ ৮॥
তং তং কামং করে কৃত্বা মন্ত্রী ভবতি নাঽন্যথা ।
যোনিপুষ্পৈর্লিঙ্গপুষ্পৈঃ কুণ্ডগোলোদ্ভবৈরপি ॥ ৯॥
সংযোগামৃতপুষ্পৈশ্চ বস্ত্রদেবীপ্রসূনকৈঃ ।
কালিপুষ্পৈঃ পীঠতোযৈর্যোনিক্ষালনতোযকৈঃ ॥ ১০॥
কস্তূরীকুঙ্কুমৈর্দেবীং নখকালাগরুক্রমাত্ ।
অষ্টগন্ধৈর্ধূপদীপর্যবযাবকসংযুতৈঃ ॥ ১১॥
রক্তচন্দনসিন্দূরৈর্মত্স্যমাংসাদিভূষণৈঃ ।
মধুভিঃ পাযসৈঃ ক্ষীরৈঃ শোধিতৈঃ শোণিতৈরপি ॥ ১২॥
মহোপচারৈ রক্তৈশ্চ নৈবেদ্যৈঃ সুরসান্বিতৈঃ ।
পূজযিত্বা মহাকালীং মহাকালেন লালিতাম্ ॥ ১৩॥
বিদ্যারাজ্ঞীং কুল্লুকাঞ্চ জপ্ত্বা স্তোত্রং জপেচ্ছিবে ।
কালীভক্তস্ত্বেকচিত্তঃ সিন্দূরতিলকান্বিতঃ ॥ ১৪॥
তাম্বূলপূরিতমুখো মুক্তকেশো দিগম্বরঃ ।
শবযোনিস্থিতো বীরঃ শ্মশানসুরতান্বিতঃ ॥ ১৫॥
শূন্যালযে বিন্দুপীঠে পুষ্পাকীর্ণে শিবাননে ।
শযনোত্থপ্রভুঞ্জানঃ কালীদর্শনমাপ্নুযাত্ ॥ ১৬॥
তত্র যদ্যত্কৃতং কর্ম তদনন্তফলং ভবেত্ ।
ঐশ্বর্যে কমলা সাক্ষাত্ সিদ্ধৌ শ্রীকালিকাম্বিকা ॥ ১৭॥
কবিত্বে তারিণীতুল্যঃ সৌন্দর্যে সুন্দরীসমঃ ।
সিন্ধোর্দ্ধারাসমঃ কার্যে শ্রুতৌ শ্রুতিধরস্তথা ॥ ১৮॥
বজ্রাস্ত্রমিব দুর্দ্ধর্ষস্ত্রৈলোক্যবিজযাস্ত্রভৃত্ ।
শত্রুহন্তা কাব্যকর্তা ভবেচ্ছিবসমঃ কলৌ ॥ ১৯॥
দিগ্বিদিক্চন্দ্রকর্তা চ দিবারাত্রিবিপর্য্যযী ।
মহাদেবসমো যোগী ত্রৈলোক্যস্তম্ভকঃ ক্ষণাত্ ॥ ২০॥
গানেন তুম্বুরুঃ সাক্ষাদ্দানে কর্ণসমো ভবেত্ ।
গজাঽশ্বরথপত্তীনামস্ত্রাণামধিপঃ কৃতী ॥ ২১॥
আযুষ্যেষু ভুশুণ্ডী চ জরাপলিতনাশকঃ ।
বর্ষষোডশবান্ ভূযাত্ সর্বকালে মহেশ্বরী ॥ ২২॥
ব্রহ্মাণ্ডগোলে দেবেশি ন তস্য দুর্লভং ক্বচিত্ ।
সর্বং হস্তগতং ভূযান্নাত্র কার্য্যা বিচারণা ॥ ২৩॥
কুলপুষ্পযুতং দৃষ্ট্বা তত্র কালীং বিচিন্ত্য চ ।
বিদ্যারাজ্ঞীং তু সম্পূজ্য পঠেন্নামসহস্রকম্ ॥ ২৪॥
মনোরথমযী সিদ্ধিস্তস্য হস্তে সদা ভবেত্ ।
পরদারান্ সমালিঙ্গয সম্পূজ্য পরমেশ্বরীম্ ॥ ২৫॥
হস্তাহস্তিকযা যোগং কৃত্বা জপ্ত্বা স্তবং পঠেত্ ।
যোনিং বীক্ষ্য জপেত্ স্তোত্রং কুবেরাদধিকো ভবেত্ ॥ ২৬॥
কুণ্ডগোলোদ্ভবং গৃহ্যবর্ণাক্তং হোমযেন্নিশি ।
পিতৃভূমৌ মহেশানি বিধিরেখাং প্রমার্জযেত্ ॥ ২৭॥
তরুণীং সুন্দরীং রম্যাং চঞ্চলাং কামগর্বিতাম্ ।
সমানীয প্রযত্নেন সংশোধ্য ন্যাসযোগতঃ ॥ ২৮॥
প্রসূনমঞ্চে সংস্থাপ্য পৃথিবীং বশমানযেত্ ।
মূলচক্রং তু সম্ভাব্য দেব্যাশ্চরণসংযুতম্ ॥ ২৯॥
সম্মূজ্য পরমেশানীং সঙ্কল্প্য তু মহেশ্বরি ।
জপ্ত্বা স্তুত্বা মহেশানীং প্রণবং সংস্মরেচ্ছিবে ॥ ৩০॥
অষ্টোত্তরশতৈর্যোনিং প্রমন্ত্র্যাচুম্ব্য যত্নতঃ ।
সংযোগীভূয জপ্তব্যং সর্ববিদ্যাধিপো ভবেত্ ॥ ৩১॥
শূন্যাগারে শিবারণ্যে শিবদেবালযে তথা ।
শূন্যদেশে তডাগে চ গঙ্গাগর্ভে চতুষ্পথে ॥ ৩২॥
শ্মশানে পর্বতপ্রান্তে একলিঙ্গে শিবামুখে ।
মুণ্ডযোনৌ ঋতৌ স্নাত্বা গেহে বেশ্যাগৃহে তথা ॥ ৩৩॥
কুট্টিনীগৃহমধ্যে চ কদলীমণ্ডপে তথা ।
পঠেত্সহস্রনামাখ্যং স্তোত্রং সর্বার্থসিদ্ধযে ॥ ৩৪॥
অরণ্যে শূন্যগর্তে চ রণে শত্রুসমাগমে ।
প্রজপেচ্চ ততো নাম কাল্যাশ্চৈব সহস্রকম্ ॥ ৩৫॥
বালানন্দপরো ভূত্বা পঠিত্বা কালিকাস্তবম্ ।
কালীং সঞ্চিন্ত্য প্রজপেত্ পঠেন্নামসহস্রকম্ ॥ ৩৬॥
সর্বসিদ্ধীশ্বরো ভূযাদ্বাঞ্ছাসিদ্ধীশ্বরো ভবেত্ ।
মুণ্ডচূডকযোর্যোনি ত্বচি বা কোমলে শিবে ॥ ৩৭॥
বিষ্টরে শববস্ত্রে বা পুষ্পবস্ত্রাসনেঽপি বা ।
মুক্তকেশো দিশাবাসো মৈথুনী শযনে স্থিতঃ ॥ ৩৮॥
জপ্ত্বাকালীং পঠেত্ স্তোত্রং খেচরীসিদ্ধিভাগ্ ভবেত্ ।
চিকুরং যোগমাসাদ্য শুক্রোত্সারণমেব চ ॥ ৩৯॥
জপ্ত্বা শ্রীদক্ষিণাং কালীং শক্তিপাতশতং ভবেত্ ।
লতাং স্পৃশন্ জপিত্বা চ রমিত্বা ত্বর্চযন্নপি ॥ ৪০॥
আহ্লাদযন্দিগাবাসঃ পরশক্তিং বিশেষতঃ ।
স্তুত্বা শ্রীদক্ষিণাং কালীং যোনিং স্বকরগাঞ্চরেত্ ॥ ৪১॥
পঠেন্নামসহস্রং যঃ স শিবাদধিকো ভবেত্ ।
লতান্তরেষু জপ্তব্যং স্তুত্বা কালীং নিরাকুলঃ ॥ ৪২॥
দশাবধানো ভবতি মাসমাত্রেণ সাধকঃ ।
কালরাত্র্যাং মহারাত্র্যাং বীররাত্র্যামপি প্রিযে ॥ ৪৩॥
মহারাত্র্যাং চতুর্দশ্যামষ্টম্যাং সংক্রমেঽপি বা ।
কুহূপূর্ণেন্দুশুক্রেষু ভৌমামাযাং নিশামুখে ॥ ৪৪॥
নবম্যাং মঙ্গলদিনে তথা কুলতিথৌ শিবৈ ।
কুলক্ষেত্রে প্রযত্নেন পঠেন্নামসহস্রকম্ ॥ ৪৫॥
সুদর্শনো ভবেদাশু কিন্নরীসিদ্ধিভাগ্ভবেত্ ।
পশ্মিমাভিমুখং লিঙ্গং বৃষশূন্যং পুরাতনম্ ॥ ৪৬॥
তত্র স্থিত্বা জপেত্ স্তোত্রং সর্বকামাপ্তযে শিবে ।
ভৌমবারে নিশীথে বা অমাবস্যাদিনে শুভে ॥ ৪৭॥
মাষভক্তবলিং ছাগং কৃসরান্নং চ পাযসম্ ।
দগ্ধমীনং শোণিতঞ্চ দধি দুগ্ধ গুডার্দ্রকম্ ॥ ৪৮॥
বলিং দত্বা জপেত্ তত্র ত্বষ্টোত্তরসহস্রকম্ ।
দেব-গন্ধর্ব-সিদ্ধৌধৈঃ সেবিতাং সুরসুন্দরীম্ ॥ ৪৯॥
লভেদ্দেবেশি মাসেন তস্য চাসন সংহতিঃ ।
হস্তত্রযং ভবেদূর্ধ্বং নাত্র কার্যা বিচারণা ॥ ৫০॥
হেলযা লীলযা ভক্ত্যা কালীং স্তৌতি নরস্তু যঃ ।
ব্রহ্মাদীংস্সতম্ভযেদ্দেবি মাহেশীং মোহযেত্ক্ষণাত্ ॥ ৫১॥
আকর্ষযেন্মহাবিদ্যাং দশপূর্বান্ ত্রিযামতঃ ।
কুর্বীত বিষ্ণুনির্ম্মাণং যমাদীনাং তু মারণম্ ॥ ৫২॥
ধ্রুবমুচ্চাটযেন্নূনং সৃষ্টিনূতনতাং নরঃ ।
মেষমাহিষমার্জারখরচ্ছাগনরাদিকৈঃ ॥ ৫৩॥
খঙ্গিশূকরকাপোতৈষ্টিট্টিভৈঃ শশকৈঃ পলৈঃ ।
শোণিতৈঃ সাস্থিমাংসৈশ্চ কারণ্ডৈর্দুগ্ধপাযসৈঃ ॥ ৫৪॥
কাদম্বরীসিন্ধুমদ্যৈঃ সুরারিষ্টৈশ্চ সাসবৈঃ ।
যোনিক্ষালিততোযৈশ্চ যোনিলিঙ্গামৃতৈরপি ॥ ৫৫॥
স্বজাতকুসুমৈঃ পূজ্যা জপান্তে তর্পযেচ্ছিবাম্ ।
সর্বসাম্রাজ্যনাম্না তু স্তুত্বা নত্বা স্বশক্তিতঃ ॥ ৫৬॥
শক্ত্যা লভন্ পঠেত্ স্তোত্রং কালীরূপো দিনত্রযাত্ ।
দক্ষিণাকালিকা তস্য গেহে তিষ্ঠতি নান্যথা ॥ ৫৭॥
বেশ্যালতাগৃহে গত্বা তস্যাশ্চুম্বনতত্পরঃ ।
তস্যা যোনৌ মুখং দত্বা তদ্রসং বিলিহঞ্জপেত্ ॥ ৫৮॥
তদন্তে নাম সাহস্রং পঠেদ্ভক্তিপরাযণঃ ।
কালিকাদর্শনং তস্য ভবেদ্দেবি ত্রিযামতঃ ॥ ৫৯॥
নৃত্যপাত্রগৃহে গত্বা মকারপঞ্চকান্বিতঃ ।
প্রসূনমঞ্চে সংস্থাপ্য শক্তিন্যাসপরাযণঃ ॥ ৬০॥
পাত্রাণাং সাধনং কৃত্বা দিগ্বস্ত্রাং তাং সমাচরেত্ ।
সম্ভাব্য চক্রং তন্মূলে তত্র সাবরণাং জপেত্ ॥ ৬১॥
শতং ভালে শতং কেশে শতং সিন্দূরমণ্ডলে ।
শতত্রযং কুচদ্বন্দ্বে শতং নাভৌ মহেশ্বরি ॥ ৬২॥
শতং যোনৌ মহেশানি সংযোগে চ শতত্রযম্ ।
জপেত্তত্র মহেশানি তদন্তে প্রপঠেত্স্তবম্ ॥ ৬৩॥
শতাবধানো ভবতি মাসমাত্রেণ সাধকঃ ।
মাতঙ্গিনীং সমানীয কিং বা কাপালিনীং শিবে ॥ ৬৪॥
দন্তমালা জপে কার্যা গলে ধার্যা নৃমুণ্ডজা ।
নেত্রপদ্মে যোনিচক্রং শক্তিচক্রং স্ববক্ত্রকে ॥ ৬৫॥
কৃত্বা জপেন্মহেশানি মুণ্ডযন্ত্রং প্রপূজযেত্ ।
মুণ্ডাসনস্থিতো বীরো মকারপঞ্চকান্বিতঃ ॥ ৬৬॥
অন্যামালিঙ্গয প্রজপেদন্যাং সঞ্চুম্ব্য বৈ পঠেত্ ।
অন্যাং সম্পূজযেত্তত্র ত্বন্যাং সম্মর্দ্দযন্ জপেত্ ॥ ৬৭॥
অন্যযোনৌ শিবং দত্বা পুনঃ পূর্ববদাচরেত্ ।
অবধানসহস্রেষু শক্তিপাতশতেষু চ ॥ ৬৮॥
রাজা ভবতি দেবেশি মাসপঞ্চকযোগতঃ ।
যবনীশক্তিমানীয গানশক্তিপরাযণম্ ॥ ৬৯॥
কুলাচারমতেনৈব তস্যা যোনিং বিকাসযেত্ ।
তত্র প্রদায জিহ্বাং তু জপেন্নামসহস্রকম্ ॥ ৭০॥
নৃকপালে তত্র দীপং জপেত্প্রজ্বাল্য যত্নতঃ ।
মহাকবিবরো ভূযান্নাত্র কার্যা বিচারণা ॥ ৭১॥
কামার্তাং শক্তিমানীয যোনৌ তু মূলচক্রকম্ ।
বিলিখ্য পরমেশানি তত্র মন্ত্রং লিখেচ্ছিবে ॥ ৭২॥
তল্লিহন্ প্রজপেদ্দেবি সর্বশাস্ত্রার্থতত্ববিত্ ।
অশ্রুতানি চ শাস্ত্রাণি বেদাদীন্ পাঠযেদ্ ধ্রুবম্ ॥ ৭৩॥
বিনা ন্যাসৈর্বিনা পাঠৈর্বিনাধ্যানাদিভিঃ প্রিযে ।
চতুর্বেদাধিপো ভূত্বা ত্রিকালজ্ঞস্ত্রিবর্ষতঃ ॥ ৭৪॥
চতুর্বিধং চ পাণ্ডিত্যং তস্য হস্তগতং ক্ষণাত্ ।
শিবাবলিঃ প্রদাতব্যঃ সর্বদা শূন্যমণ্ডলে ॥ ৭৫॥
কালীধ্যানং মন্ত্রর্চিতা নীলসাধনমেব চ ।
সহস্রনামপাঠশ্চ কালীনামপ্রকীর্তনম্ ॥ ৭৬॥
ভক্তস্য কার্যমেতাবদন্যদভ্যুদযং বিদুঃ ।
বীরসাধনকং কর্ম শিবাপূজা বলিস্তথা ॥ ৭৭॥
সিন্দূরতিলকো দেবি বেশ্যালাপো নিরন্তরম্ ।
বেশ্যাগৃহে নিশাচারো রাত্রৌ পর্যটনং তথা ॥ ৭৮॥
শক্তিপূজা যোনিদৃষ্টিঃ খঙ্গহস্তো দিগম্বরঃ ।
মুক্তকেশো বীরবেষঃ কুলমূর্তিধরো নরঃ ॥ ৭৯॥
কালীভক্তো ভবেদ্দেবি নান্যথা ক্ষেমমাপ্নুযাত্ ।
দুগ্ধাস্বাদী যোনিলেহী সংবিদাসবঘূর্ণিতঃ ॥ ৮০॥
বেশ্যালতাসমাযোগান্মাসাত্কল্পলতা স্বযম্ ।
বেশ্যাচক্রসমাযোগাত্কালীচক্রসমঃ স্বযম্ ॥ ৮১॥
বেশ্যাদেহসমাযোগাত্ কালীদেহসমঃ স্বযম্ ।
বেশ্যামধ্যগতং বীরং কদা পশ্যামি সাধকম্ ॥ ৮২॥
এবং বদতি সা কালী তস্মাদ্বেশ্যা বরা মতা ।
বেশ্যা কন্যা তথা পীঠজাতিভেদকুলক্রমাত্ ॥ ৮৩॥
অকুলক্রমভেদেন জ্ঞাত্বা চাপি কুমারিকাম্ ।
কুমারীং পূজযেদ্ভক্ত্যা জপান্তে ভবনে প্রিযে ॥ ৮৪॥
পঠেন্নামসহস্রং যঃ কালীদর্শনভাগ্ ভবেত্ ।
ভক্ত্যা কুমারীং সম্পূজ্য বৈশ্যাকুল সমুদ্ভবাম্ ॥ ৮৫॥
বস্ত্র হেমাদিভিস্তোষ্যা যত্নাত্স্তোত্রং পঠেচ্ছিবে ।
ত্রৈলোক্য বিজযী ভূযাদ্দিবা চন্দ্রপ্রকাশকঃ ॥ ৮৬॥
যদ্যদ্দত্তং কুমার্যৈ তু তদনন্তফলং ভবেত্ ।
কুমারীপূজনফলং মযা বক্তুং ন শক্যতে ॥ ৮৭॥
চাঞ্চল্যাদ্দুরিতং কিঞ্চিত্ক্ষম্যতামযমঞ্জলিঃ ।
একা চেত্পূজিতা বালা দ্বিতীযা পূজিতা ভবেত্ ॥ ৮৮॥
কুমার্যঃ শক্তযশ্চৈব সর্বমেতচরাচরম্ ।
শক্তিমানীয তদ্গাত্রে ন্যাসজালং প্রবিন্যসেত্ ॥ ৮৯॥
বামভাগে চ সংস্থাপ্য জপেন্নামসহস্রকম্ ।
সর্বসিদ্ধীশ্বরো ভূযান্নাত্র কার্য্যা বিচারণা ॥ ৯০॥
শ্মশানস্থো ভবেত্স্বস্থো গলিতং চিকুরং চরেত্ ।
দিগম্বরঃ সহস্রং চ সূর্যপুষ্পং সমানযেত্ ॥ ৯১॥
স্ববীর্যেণ প্লুতং কৃত্বা প্রত্যেকং প্রজপন্ হুনেত্ ।
পূজ্য ধ্যাত্বা মহাভক্ত্যা ক্ষমাপালো নরঃ পঠেত্ ॥ ৯২॥
নখং কেশং স্ববীর্যং চ যদ্যত্সম্মার্জনীগতম্ ।
মুক্তকেশো দিশাবাসো মূলমন্ত্রপুরঃসরঃ ॥ ৯৩॥
কুজবারে মধ্যরাত্রে হোমং কৃত্বা শ্মশানকে ।
পঠেন্নামসহস্রং যঃ পৃথ্বীশাকর্ষকো ভবেত্ ॥ ৯৪॥
পুষ্পযুক্তে ভগে দেবি সংযোগানন্দতত্পরঃ ।
পুনশ্চিকুরমাসাদ্য মূলমন্ত্রং জপন্ শিবে ॥ ৯৫॥
চিতাবহ্নৌ মধ্যরাত্রে বীর্যমুত্সার্য যত্নতঃ ।
কালিকাং পূজযেত্তত্র পঠেন্নাম সহস্রকম্ ॥ ৯৬॥
পৃথ্বীশাকর্ষণং কুর্যান্নাত্র কার্যা বিচারণা ।
কদলী বনমাসাদ্য লক্ষমন্ত্রং জপেন্নরঃ ॥ ৯৭॥
মধুমত্যা স্বযং দেব্যা সেব্যমানঃ স্মরোপমঃ ।
শ্রীমধুমতীত্যুক্ত্বা তথা স্থাবরজঙ্গমান্ ॥ ৯৮॥
আকর্ষিণীং সমুচ্চার্য ঠংঠং স্বাহা সমুচ্চরেত্ ।
ত্রৈলোক্যাকর্ষিণী বিদ্যা তস্য হস্তে সদা ভবেত্ ॥ ৯৯॥
নদীং পুরীং চ রত্নানি হেমস্ত্রীশৈলভূরুহান্ ।
আকর্ষযত্যম্বুনিধিং সুমেরুং চ দিগন্ততঃ ॥ ১০০॥
অলভ্যানি চ বস্তূনি দূরাদ্ভূমিতলাদপি ।
বৃত্তান্তং চ সুরস্থানাদ্রহস্যে বিদুষামপি ॥ ১০১॥
রাজ্ঞাং চ কথযত্যেষা সত্যং সত্বরমাদিশেত্ ।
দ্বিতীযবর্ষপাঠেন ভবেত্পদ্মাবতী শুভা ॥ ১০২॥
ॐ হ্রীংপদ্মাবতি পদং ততস্ত্রৈলোক্যনাম চ ।
বার্তাং চ কথয দ্বন্দ্বং স্বাহান্তো মন্ত্র ঈরিতঃ ॥ ১০৩॥
ব্রহ্মবিষ্ণ্বাদিকানাং চ ত্রৈলোক্যে যাদৃশী ভবেত্ ।
সর্ব বদতি দেবেশী ত্রিকালজ্ঞঃ কবিশ্শুভঃ ॥ ১০৪॥
ত্রিবর্ষং সম্পঠন্দেবি লভেদ্ভোগবতীং কলাম্ ।
মহাকালেন দৃষ্টোঽপি চিতামধ্যগতোঽপি বা ॥ ১০৫॥
তস্যা দর্শনমাত্রেণ চিরঞ্জীবী নরো ভবেত্ ।
মৃতসঞ্জীবিনীত্যুক্ত্বা মৃতমুত্থাপয দ্বযম্ ॥ ১০৬॥
স্বাহান্তো মনুরাখ্যাতো মৃতসঞ্জীবনাত্মকঃ ।
চতুর্বর্ষং পঠেদ্যস্তু স্বপ্নসিদ্ধিস্ততো ভবেত্ ॥ ১০৭॥
ॐ হ্রীং স্বপ্নবারাহি কালিস্বপ্নে কথযোচ্চরেত্ ।
অমুকস্যাঽমুকং দেহি ক্লীং স্বাহান্তো মনুর্মতঃ ॥ ১০৮॥
স্বপ্নসিদ্ধা চতুর্বর্ষাত্তস্য স্বপ্নে সদা স্থিতা ।
চতুর্বর্ষস্য পাঠেন চতুর্বেদাধিপো ভবেত্ ॥ ১০৯॥
তদ্ধস্তজলসংযোগান্মূর্খঃ কাব্যং করোতি চ ।
তস্য বাক্যপরিচযান্মূর্তির্বিন্দতি কাব্যতাম্ ॥ ১১০॥
মস্তকে তু করং কৃত্বা বদ বাণীমিতি ব্রুবন্ ।
সাধকো বাঞ্ছযা কুর্যাত্তত্তথৈব ভবিষ্যতি ॥ ১১১॥
ব্রহ্মাণ্ডগোলকে যাশ্চ যাঃ কাশ্চিজ্জগতীতলে ।
সমস্তাঃ সিদ্ধযো দেবি করামলকবত্সদা ॥ ১১২॥
সাধকস্মৃতিমাত্রেণ যাবন্ত্যঃ সন্তি সিদ্ধযঃ ।
স্বযমাযান্তি পুরতো জপাদীনাং তু কা কথা ॥ ১১৩॥
বিদেশবর্তিনো ভূত্বা বর্তন্তে চেটকা ইব ।
অমাযাং চন্দ্রসন্দর্শশ্চন্দ্রগ্রহণমেব চ ॥ ১১৪॥
অষ্টম্যাং পূর্ণচন্দ্রত্বং চন্দ্রসূর্যাষ্টকং তথা ।
অষ্টদিক্ষু তথাষ্টৌ চ করোত্যেব মহেশ্বরি ॥ ১১৫॥
অণিমা খেচরত্বং চ চরাচরপুরীগতম্ ।
পাদুকাখঙ্গবেতালযক্ষিণীগুহ্যকাদযঃ ॥ ১১৬॥
তিলকোগুপ্ততাদৃশ্যং চরাচরকথানকম্ ।
মৃতসঞ্জীবিনীসিদ্ধির্গুটিকা চ রসাযনম্ ॥ ১১৭॥
উড্ডীনসিদ্ধির্দেবেশি ষষ্টিসিদ্ধীশ্বরত্বকম্ ।
তস্য হস্তে বসেদ্দেবি নাত্র কার্যা বিচারণা ॥ ১১৮॥
কেতৌ বা দুন্দুভৌ বস্ত্রে বিতানে বেষ্টনেগৃহে ।
ভিত্তৌ চ ফলকে দেবি লেখ্যং পূজ্যং চ যত্নতঃ ॥ ১১৯॥
মধ্যে চক্রং দশাঙ্গোক্তং পরিতো নামলেখনম্ ।
তদ্ধারণান্মহেশানি ত্রৈলোক্যবিজযী ভবেত্ ॥ ১২০॥
একো হি শতসাহস্রং নির্জিত্য চ রণাঙ্গণে ।
পুনরাযাতি চ সুখং স্বগৃহং প্রতি পার্বতী ॥ ১২১॥
একো হি শতসন্দর্শী লোকানাং ভবতি ধ্রুবম্ ।
কলশং স্থাপ্য যত্নেন নামসাহস্রকং পঠেত্ ॥ ১২২॥
সেকঃ কার্যো মহেশানি সর্বাপত্তিনিবারণে ।
ভূতপ্রেতগ্রহাদীনাং রাক্ষসাং ব্রহ্মরাক্ষসাম্ ॥ ১২৩॥
বেতালানাং ভৈরবাণাং স্কন্দবৈনাযকাদিকান্ ।
নাশযেত্ ক্ষণমাত্রেণ নাত্র কার্যা বিচারণা ॥ ১২৪॥
ভস্মভির্মন্ত্রিতং কৃত্বা গ্রহগ্রস্তং বিলেপযেত্ ।
ভস্মসংক্ষেপণাদেব সর্বগ্রহবিনাশনম্ ॥ ১২৫॥
নবনীতং চাভিমন্ত্র্য স্ত্রীভ্যো দদ্যান্মহেশ্বরি ।
বন্ধ্যা পুত্রপ্রদাং দেবি নাত্র কার্যা বিচারণা ॥ ১২৬॥
কণ্ঠে বা বামবাহৌ বা যোনৌ বা ধারণাচ্ছিবে ।
বহুপুত্রবতী নারী সুভগা জাযতে ধ্রুবম্ ॥ ১২৭॥
পুরুষো দক্ষিণাঙ্গে তু ধারযেত্সর্বসিদ্ধযে ।
বলবান্কীর্তিমান ধন্যোধার্মিকঃ সাধকঃ কৃতী ॥ ১২৮॥
বহুপুত্রী রথানাং চ গজানামধিপঃ সুধীঃ ।
কামিনীকর্ষণোদ্যুক্তঃ ক্রীং চ দক্ষিণকালিকে ॥ ১২৯॥
ক্রীং স্বাহা প্রজপেন্মন্ত্রমযুতং নামপাঠকঃ ।
আকর্ষণং চরেদ্দেবি জলখেচরভূগতান্ ॥ ১৩০॥
বশীকরণকামো হি হূঁ হূঁ হ্রীং হ্রীং চ দক্ষিণে ।
কালিকে পূর্ববীজানি পূর্ববত্প্রজপন্ পঠেত্ ॥ ১৩১॥
উর্বশীমপি বসযেন্নাত্র কার্যা বিচারণা ।
ক্রীং চ দক্ষিণকালিকে স্বাহা যুক্তং জপেন্নরঃ ॥ ১৩২॥
পঠেন্নামসহস্রং তু ত্রৈলোক্যং মারযেদ্ধ্রুবম্ ।
সদ্ভক্তায প্রদাতব্যা বিদ্যা রাজ্ঞি শুভে দিনে ॥ ১৩৩॥
সদ্বিনীতায শান্তায দান্তাযাতিগুণায চ ।
ভক্তায জ্যেষ্ঠপুত্রায গুরুভক্তিপরায চ ॥ ১৩৪॥
বৈষ্ণবায প্রশুদ্ধায শিবাবলিরতায চ ।
বেশ্যাপূজনযুক্তায কুমারীপূজকায চ ॥ ১৩৫॥
দুর্গাভক্তায রৌদ্রায মহাকালপ্রজাপিনে ।
অদ্বৈতভাবযুক্তায কালীভক্তিপরায চ ॥ ১৩৬॥
দেযং সহস্রনামাখ্যং স্বযং কাল্যা প্রকাশিতম্ ।
গুরুদৈবতমন্ত্রাণাং মহেশস্যাপি পার্বতি ॥ ১৩৭॥
অভেদেন স্মরেন্মন্ত্রং স শিবঃ স গণাধিপঃ ।
যো মন্ত্রং ভাবযেন্মন্ত্রী স শিবো নাত্র সংশযঃ ॥ ১৩৮॥
স শাক্তো বৈষ্ণবস্সৌরঃ স এবং পূর্ণদীক্ষিতঃ ।
অযোগ্যায ন দাতব্যং সিদ্ধিরোধঃ প্রজাযতে ॥ ১৩৯॥
বেশ্যাস্ত্রীনিন্দকাযাথ সুরাসংবিত্প্রনিন্দকে ।
সুরামুখো মনুং স্মৃত্বা সুরাচার্যো ভবিষ্যতি ॥ ১৪০॥
বাগ্দেবতা ঘোরে আসাপরঘারে চ হূঁ বদেত্ ।
ঘোররূপে মহাঘোরে মুখীভীমপদং বদেত্ ॥ ১৪১॥
ভীষণ্যমুষ্যষষ্ঠ্যন্তং হেতুর্বামযুগে শিবে ।
শিববহ্নিযুগাস্ত্রং হূঁ হূঁ কবচমনুর্ভবেত্ ॥ ১৪২॥
এতস্য স্মরণাদেব দুষ্টানাং চ মুখে সুরা ।
অবতীর্ণা ভবদ্দেবি দুষ্টানাং ভদ্রনাশিনী ॥ ১৪৩॥
খলায পরতন্ত্রায পরনিন্দাপরায চ ।
ভ্রষ্টায দুষ্টসত্বায পরবাদরতায চ ॥ ১৪৪॥
শিবাভক্তায দুষ্টায পরদাররতায চ ।
ন স্তোত্রং দর্শযেদ্দেবি শিবহত্যাকরো ভবেত্ ॥ ১৪৫॥
কালিকানন্দহৃদযঃ কালিকাভক্তিমানসঃ ।
কালীভক্তো ভবেত্সোঽযং ধন্যরূপঃ স এব তু ॥ ১৪৬॥
কলৌ কালী কলৌ কালী কলৌ কালী বরপ্রদা ।
কলৌ কালী কলৌ কালী কলৌ কালী তু কেবলা ॥ ১৪৭॥
বিল্বপত্রসহস্রাণি করবীরাণি বৈ তথা ।
প্রতিনাম্না পূজযেদ্ধি তেন কালী বরপ্রদা ॥ ১৪৮॥
কমলানাং সহস্রং তু প্রতিনাম্না সমর্পযেত্ ।
চক্রং সম্পূজ্য দেবেশি কালিকাবরমাপ্নুযাত্ ॥ ১৪৯॥
মন্ত্রক্ষোভযুতো নৈব কলশস্থজলেন চ ।
নাম্না প্রসেচযেদ্দেবি সর্বক্ষোভবিনাশকৃত্ ॥ ১৫০॥
তথা দমনকং দেবি সহস্রমাহরেদ্ব্রতী ।
সহস্রনাম্না সম্পূজ্য কালীবরমবাপ্নুযাত্ ॥ ১৫১॥
চক্রং বিলিখ্য দেহস্থং ধারযেত্কালিকাতনুঃ ।
কাল্যৈ নিবেদিতং যদ্যত্তদংশং ভক্ষযেচ্ছিবে ॥ ১৫২॥
দিব্যদেহধরো ভূত্বা কালীদেহে স্থিতো ভবেত্ ।
নৈবেদ্যনিন্দকান্ দুষ্টান্ দৃষ্ট্বা নৃত্যন্তি ভৈরবা ॥ ১৫৩॥
যোগিন্যশ্চ মহাবীরা রক্তপানোদ্যতাঃ প্রিযে ।
মাংসাস্থিচর্মণোদ্যুক্তা ভক্ষযন্তি ন সংশযঃ ॥ ১৫৪॥
তস্মান্ন নিন্দযেদ্দেবি মনসা কর্মণা গিরা ।
অন্যথা কুরুতে যস্তু তস্য নাশো ভবিষ্যতি ॥ ১৫৫॥
ক্রমদীক্ষাযুতানাং চ সিদ্ধির্ভবতি নান্যথা ।
মন্ত্রক্ষোভশ্চ বা ভূযাত্ ক্ষীণাযুর্বা ভবেদ্ধ্রুবম্ ॥ ১৫৬॥
পুত্রহারী স্ত্রিযোহারী রাজ্যহারী ভবেদ্ধ্রুবম্ ।
ক্রমদীক্ষাযুতো দেবি ক্রমাদ্রাজ্যমবাপ্নুযাত্ ॥ ১৫৭॥
একবারং পঠেদ্দেবি সর্বপাপবিনাশনম্ ।
দ্বিবারং চ পঠেদ্যো হি বাঞ্ছাং বিন্দতি নিত্যশঃ ॥ ১৫৮॥
ত্রিবারং চ পঠেদ্যস্তু বাগীশসমতাং ব্রজেত্ ।
চতুর্বারং পঠেদ্দেবি চতুর্বর্ণাধিপো ভবেত্ ॥ ১৫৯॥
পঞ্চবারং পঠেদ্দেবি পঞ্চকামাধিপো ভবেত্ ।
ষড্বারং চ পঠেদ্দেবি ষডৈশ্বর্যাধিপো ভবেত্ ॥ ১৬০॥
সপ্তবারং পঠেত্সপ্তকামনাং চিন্তিতং লভেত্ ।
বসুবারং পঠেদ্দেবি দিগীশো ভবতি ধ্রুবম্ ॥ ১৬১॥
নববারং পঠেদ্দেবি নবনাথসমো ভবেত্ ।
দশবারং কীর্ত্তযেদ্যো দশার্হঃ খেচরেশ্বরঃ ॥ ১৬২॥
বিংশতিবারং কীর্তযেদ্যঃ সর্বৈশ্বর্যমযো ভবেত্ ।
পঞ্চবিংশতিবারৈস্তু সর্বচিন্তাবিনাশকঃ ॥ ১৬৩॥
পঞ্চাশদ্বারমাবর্ত্য পঞ্চভূতেশ্বরো ভবেত্ ।
শতবারং কীর্ত্তযেদ্যঃ শতাননসমানধীঃ ॥ ১৬৪॥
শতপঞ্চকমাবর্ত্য রাজরাজেশ্বরো ভবেত্ ।
সহস্রাবর্তনাদ্দেবি লক্ষ্মীরাবৃণুতে স্বযম্ ॥ ১৬৫॥
ত্রিসহস্রং সমাবর্ত্য ত্রিনেত্রসদৃশো ভবেত্ ।
পঞ্চ সাহস্রমাবর্ত্য কামকোটি বিমোহনঃ ॥ ১৬৬॥
দশসাহস্রমাবর্ত্য ভবেদ্দশমুখেশ্বরঃ ।
পঞ্চবিংশতিসাহস্রৈ চ চতুর্বিংশতিসিদ্ধিধৃক্ ॥ ১৬৭॥
লক্ষাবর্তনমাত্রেণ লক্ষ্মীপতিসমো ভবেত্ ।
লক্ষত্রযাবর্ত্তনাত্তু মহাদেবং বিজেষ্যতি ॥ ১৬৮॥
লক্ষপঞ্চকমাবর্ত্য কলাপঞ্চকসংযুতঃ ।
দশলক্ষাবর্ত্তনাত্তু দশবিদ্যাপ্তিরুত্তমা ॥ ১৬৯॥
পঞ্চবিংশতিলক্ষৈস্তু দশবিদ্যেশ্বরো ভবেত্ ।
পঞ্চাশল্লক্ষমাবৃত্য মহাকালসমো ভবেত্ ॥ ১৭০॥
কোটিমাবর্ত্তযেদ্যস্তু কালীং পশ্যতি চক্ষুষা ।
বরদানোদ্যুক্তকরাং মহাকালসমন্বিতাম্ ॥ ১৭১॥
প্রত্যক্ষং পশ্যতি শিবে তস্যা দেহো ভবেদ্ধ্রুবম্ ।
শ্রীবিদ্যাকালিকাতারাত্রিশক্তিবিজযী ভবেত্ ॥ ১৭২॥
বিধের্লিপিং চ সম্মার্জ্য কিঙ্করত্বং বিসৃজ্য চ ।
মহারাজ্যমবাপ্নোতি নাত্র কার্যা বিচারণা ॥ ১৭৩॥
ত্রিশক্তিবিষযে দেবিক্রমদীক্ষা প্রকীর্তিতা ।
ক্রমদীক্ষাযুতো দেবি রাজা ভবতি নিশ্চিতম্ ॥ ১৭৪॥
ক্রমদীক্ষাবিহীনস্য ফলং পূর্বমিহেরিতম্ ।
ক্রমদীক্ষাযুতো দেবি শিব এব ন চাপরঃ ॥ ১৭৫॥
ক্রমদীক্ষাসমাযুক্তঃ কাল্যুক্তসিদ্ধিভাগ্ভবেত্ ।
ক্রমদীক্ষাবিহীনস্য সিদ্ধিহানিঃ পদে পদে ॥ ১৭৬॥
অহো জন্মবতাং মধ্যে ধন্যঃ ক্রমযুতঃ কলৌ ।
তত্রাপি ধন্যো দেবেশি নামসাহস্রপাঠকঃ ॥ ১৭৭॥
দশকালীবিদ্যৌ দেবি স্তোত্রমেতত্সদা পঠেত্ ।
সিদ্ধিং বিন্দতি দেবেশি নাত্র কার্যা বিচারণা ॥ ১৭৮॥
কাকী কালী মহাবিদ্যা কলৌ কালী চ সিদ্ধিদা ।
কলৌ কালী চ সিদ্ধা চ কলৌ কালী বরপ্রদা ॥ ১৭৯॥
কলৌ কালী সাধকস্য দর্শনার্থং সমুদ্যতা ।
কলৌ কালী কেবলা স্যান্নাত্র কার্যা বিচারণা ॥ ১৮০॥
নান্যবিদ্যা নান্যবিদ্যা নান্যবিদ্যা কলৌ ভবেত্ ।
কলৌ কালীং বিহাযাথ যঃ কশ্চিত্সিদ্ধিকামুকঃ ॥ ১৮১॥
স তু শক্তিং বিনা দেবি রতিসম্ভোগমিচ্ছতি ।
কলৌ কালীং বিনা দেবি যঃ কশ্চিত্সিদ্ধিমিচ্ছতি ॥ ১৮২॥
স নীলসাধনং ত্যক্ত্বা পরিভ্রমতি সর্বতঃ ।
কলৌ কালী বিহাযাথ যঃ কশ্চিন্মোক্ষমিচ্ছতি ॥ ১৮৩॥
গুরুধ্যানং পরিত্যজ্য সিদ্ধিমিচ্ছতি সাধকঃ ।
কলৌ কালী বিহাযাথ যঃ কশ্চিদ্রাজ্যমিচ্ছতি ॥ ১৮৪॥
স ভোজন পরিত্যজ্য ভিক্ষুবৃত্তিমভীপ্সতি ।
স ধন্যঃ স চ বিজ্ঞানী স এব সুরপূজিতঃ ॥ ১৮৫॥
স দীক্ষিতঃ সুখী সাধুঃ সত্যবাদী জিতেন্দ্রিযঃ ।
স বেদবক্তা স্বাধ্যাযী নাত্র কার্যা বিচারণা ॥ ১৮৬॥
শিবরূপং গুরুং ধ্যাত্বা শিবরূপং গুরুং স্মরেত্ ।
সদাশিবঃ স এব স্যানাত্র কার্যা বিচারণা ॥ ১৮৭॥
স্বস্মিন্ কালীং তু সম্ভাব্য পূজযেজ্জগদম্বিকাম্ ।
ত্রৈলোক্যবিজযী ভূযান্নাত্র কার্য্যা বিচারণা ॥ ১৮৮॥
গোপনীযং গোপনীযং গোপনীযং প্রযত্নতঃ ।
রহস্যাতিরহস্যং চ রহস্যাতিরহস্যকম্ ॥ ১৮৯॥
শ্লোকার্দ্ধং পাদমাত্রং বা পাদাদর্ধং চ তদর্ধকম্ ।
নামার্ধং যঃ পঠেদ্দেবি ন বন্ধ্যদিবসং ন্যসেত্ ॥ ১৯০॥
পুস্তকং পূজযেদ্ভক্ত্যা ত্বরিতং ফলসিদ্ধযে ।
ন চ মারীভযং তত্র ন চাগ্নির্বাযুসম্ভবম্ ॥ ১৯১॥
ন ভূতাদিভযং তত্র সর্বত্র সুখমেধতে ।
কুঙ্কুমাঽলক্তকেনৈব রোচনাঽগরুযোগতঃ ॥ ১৯২॥
ভূর্জপত্রে লিখেত্ পুস্তং সর্বকামার্থসিদ্ধযে ।
ইতি সংক্ষেপতঃ প্রোক্তং কিমন্যচ্ছ্রোতুমিচ্ছসি ॥ ১৯৩॥
ইতি গদিতমশেষং কালিকাবর্ণরূপং ।
প্রপঠতি যদি ভক্ত্যা সর্বসিদ্ধীশ্বরঃ স্যাত্ ॥ ১৯৪॥
অভিনবসুখকামঃ সর্ববিদ্যাভিরামো
ভবতি সকলসিদ্ধিধঃ সর্ববীরাসমৃদ্ধিঃ ॥ ১৯৫॥
॥ ইতি শ্রীমদাদিনাথমহাকালবিরচিতাযাং মহাকালসংহিতাযাং
কালকালীসংবাদে সুন্দরীশক্তিদানাখ্যং কালীস্বরূপ
মেধাসাম্রাজ্যপ্রদং সহস্রনামস্তোত্রং সম্পূর্ণম্ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ত্oday
http://sanskritdocuments.org
শ্রী গণেশায নমঃ ।
কৈলাসশিখরে রম্যে নানাদেবগণাবৃতে ।
নানাবৃক্ষলতাকীর্ণে নানাপুষ্পৈরলঙ্কৃতে ॥ ১॥
চতুর্মণ্ডলসংযুক্তে শ্রৃঙ্গারমণ্ডপে স্থিতে ।
সমাধৌ সংস্থিতং শান্তং ক্রীডন্তং যোগিনীপ্রিযম্ ॥ ২॥
তত্র মৌনধরং দৃষ্ট্বা দেবী পৃচ্ছতি শঙ্করম্ ।
দেব্যুবাচ ।
কিং ত্বযা জপ্যতে দেব কিং ত্বযা স্মর্য্যতে সদা ॥ ৩॥
সৃষ্টিঃ কুত্র বিলীনাস্তি পুনঃ কুত্র প্রজাযতে ।
ব্রহ্মাণ্ডকারণং যত্তত্ কিমাদ্যং কারণং মহত্ ॥ ৪॥
মনোরথমযী সিদ্ধিস্তথা বাঞ্ছামযী শিব ।
তৃতীযা কল্পনাসিদ্ধিঃ কোটিসিদ্ধীশ্বরাত্মকম্ ॥ ৫॥
শক্তিপাতাষ্টদশকং চরাচরপুরীগতিঃ ।
মহেন্দ্রজালমিন্দ্রাদিজালানাং রচনা তথা ॥ ৬॥
অণিমাদ্যষ্টকং দেব পরকাযপ্রবেশনম্ ।
নবীনসৃষ্টিকরণং সমুদ্রশোষণং তথা ॥ ৭॥
অমাযাং চন্দ্রসন্দর্শো দিবা চন্দ্রপ্রকাশনম্ ।
চন্দ্রাষ্টকং চাষ্টদিক্ষু তথা সূর্যাষ্টকং শিব ॥ ৮॥
জলে জলমযত্বং চ বহ্নৌ বহ্নিমযত্বকম্ ।
ব্রহ্ম-বিষ্ণ্বাদি-নির্মাণমিন্দ্রাণাং কারণং করে ॥ ৯॥
পাতালগুটিকা-যক্ষ-বেতালপঞ্চকং তথা ।
রসাযনং তথা গুপ্তিস্তথৈব চাখিলাঞ্জনম্ ॥ ১০॥
মহামধুমতী সিদ্ধিস্তথা পদ্মাবতী শিব ।
তথা ভোগবতী সিদ্ধির্যাবত্যঃ সন্তি সিদ্ধযঃ ॥ ১১॥
কেন মন্ত্রেণ তপসা কলৌ পাপসমাকুলে ।
আযুষ্যং পুণ্যরহিতে কথং ভবতি তদ্বদ ॥ ১২॥
শ্রীশিব উবাচ ।
বিনা মন্ত্রং বিনা স্তোত্রং বিনৈব তপসা প্রিযে ।
বিনা বলিং বিনা ন্যাসং ভূতশুদ্ধিং বিনা প্রিযে ॥ ১৩॥
বিনা ধ্যানং বিনা যন্ত্রং বিনা পূজাদিনা প্রিযে ।
বিনা ক্লেশাদিভির্দেবি দেহদুঃখাদিভির্বিনা ॥ ১৪॥
সিদ্ধিরাশু ভবেদ্যেন তদেবং কথ্যতে মযা ।
শূন্যে ব্রহ্মণ্ডগোলে তু পঞ্চাশচ্ছূন্যমধ্যকে ॥ ১৫॥
পঞ্চশূন্যস্থিতা তারা সর্বান্তে কালিকা স্থিতা ।
অনন্ত-কোটি ব্রহ্মাণ্ড রাজদণ্ডাগ্রকে শিবে ॥ ১৬॥
স্থাপ্য শূন্যালযং কৃত্বা কৃষ্ণবর্ণং বিধায চ ।
মহানির্গুণরূপা চ বাচাতীতা পরা কলা ॥ ১৭॥
ক্রীডাযাং সংস্থিতা দেবী শূন্যরূপা প্রকল্পযেত্ ।
সৃষ্টেরারম্ভকার্যার্থং দৃষ্টা ছাযা তযা যদা ॥ ১৮॥
ইচ্ছাশক্তিস্তু সা জাতা তথা কালো বিনির্মিতঃ ।
প্রতিবিম্বং তত্র দৃষ্টং জাতা জ্ঞানাভিধা তু সা ॥ ১৯॥
ইদমেতত্কিংবিশিষ্টং জাতং বিজ্ঞানকং মুদা ।
তদা ক্রিযাঽভিধা জাতা তদীচ্ছাতো মহেশ্বরি ॥ ২০॥
ব্রহ্মাণ্ডগোলে দেবেশি রাজদণ্ডস্থিতং চ যত্ ।
সা ক্রিযা স্থাপযামাস স্ব-স্বস্থানক্রমেণ চ ॥ ২১॥
তত্রৈব স্বেচ্ছযা দেবি সামরস্যপরাযণা ।
তদিচ্ছা কথ্যতে দেবি যথাবদবধারয ॥ ২২॥
যুগাদিসমযে দেবি শিবং পরগুণোত্তমম্ ।
তদিচ্ছা নির্গুণং শান্তং সচ্চিদানন্দবিগ্রহম্ ॥ ২৩॥
শাশ্বতং সুন্দরং শুদ্ধং সর্বদেবযুতং বরম্ ।
আদিনাথং গুণাতীতং কাল্যা সংযুতমীশ্বরম্ ॥ ২৪॥
বিপরীতরতং দেবং সামরস্যপরাযণম্ ।
পূজার্থমাগতং দেব-গন্ধর্বাঽপ্সরসাং গণম্ ॥ ২৫॥
যক্ষিণীং কিন্নরীকন্যামুর্বশ্যাদ্যাং তিলোত্তমাম্ ।
বীক্ষ্য তন্মাযযা প্রাহ সুন্দরী প্রাণবল্লভা ॥ ২৬॥
ত্রৈলোক্যসুন্দরী প্রাণস্বামিনী প্রাণরঞ্জিনী ।
কিমাগতং ভবত্যাঽদ্য মম ভাগ্যার্ণবো মহান্ ॥ ২৭॥
উক্ত্বা মৌনধরং শম্ভুং পূজযন্ত্যপ্সরোগণাঃ ।
অপ্সরস ঊচুঃ ।
সংসারাত্তারিতং দেব ত্বযা বিশ্বজনপ্রিয ॥ ২৮॥
সৃষ্টেরারম্ভকার্য্যার্থমুদ্যুক্তোঽসি মহাপ্রভো ।
বেশ্যাকৃত্যমিদং দেব মঙ্গলার্থপ্রগাযনম্ ॥ ২৯॥
প্রযাণোত্সবকালে তু সমারম্ভে প্রগাযনম্ ।
গুণাদ্যারম্ভকালে হি বর্ত্ততে শিবশঙ্কর ॥ ৩০॥
ইন্দ্রাণীকোটযঃ সন্তি তস্যাঃ প্রসববিন্দুতঃ ।
ব্রহ্মাণী বৈষ্ণবী চৈব মাহেশী কোটিকোটযঃ ॥ ৩১॥
তব সামরসানন্দ দর্শনার্থং সমুদ্ভবাঃ ।
সঞ্জাতাশ্চাগ্রতো দেব চাস্মাকং সৌখ্যসাগর ॥ ৩২॥
রতিং হিত্বা কামিনীনাং নাঽন্যত্ সৌখ্যং মহেশ্বর ।
সা রতির্দৃশ্যতেঽস্মাভির্মহত্সৌখ্যার্থকারিকা ॥ ৩৩॥
এবমেতত্তু চাস্মাভিঃ কর্তব্যং ভর্তৃণা সহ ।
এবং শ্রুত্বা মহাদেবো ধ্যানাবস্থিতমানসঃ ॥ ৩৪॥
ধ্যানং হিত্বা মাযযা তু প্রোবাচ কালিকাং প্রতি ।
কালি কালি রুণ্ডমালে প্রিযে ভৈরববাদিনী ॥ ৩৫॥
শিবারূপধরে ক্রূরে ঘোরদ্রংষ্টে ভযানকে ।
ত্রৈলোক্যসুন্দরকরী সুন্দর্য্যঃ সন্তি মেঽগ্রতঃ ॥ ৩৬॥
সুন্দরীবীক্ষণং কর্ম কুরু কালি প্রিযে শিবে ।
ধ্যানং মুঞ্চ মহাদেবি তা গচ্ছন্তি গৃহং প্রতি ॥ ৩৭॥
তব রূপং মহাকালি মহাকালপ্রিযঙ্করম্ ।
এতাসাং সুন্দরং রূপং ত্রৈলোক্যপ্রিযকারকম্ ॥ ৩৮॥
এবং মাযাভ্রমাবিষ্টো মহাকালো বদন্নিতি ।
ইতি কালবচঃ শ্রুত্বা কালং প্রাহ চ কালিকা ॥ ৩৯॥
মাযযাঽঽচ্ছাদ্য চাত্মানং নিজস্ত্রীরূপধারিণী ।
ইতঃ প্রভৃতি স্ত্রীমাত্রং ভবিষ্যতি যুগে যুগে ॥ ৪০॥
বল্ল্যাদ্যৌষধযো দেবি দিবা বল্লীস্বরূপতাম্ ।
রাত্রৌ স্ত্রীরূপমাসাদ্য রতিকেলিঃ পরস্পরম্ ॥ ৪১॥
অজ্ঞানং চৈব সর্বেষাং ভবিষ্যতি যুগে যুগে ।
এবং শাপং চ দত্বা তু পুনঃ প্রোবাচ কালিকা ॥ ৪২॥
বিপরীতরতিং কৃত্বা চিন্তযন্তি মনন্তি যে ।
তেষাং বরং প্রদাস্যামি নিত্যং তত্র বসাম্যহম্ ॥ ৪৩॥
ইত্যুক্ত্বা কালিকা বিদ্যা তত্রৈবান্তরধীযত ।
ত্রিংশত্-ত্রিখর্ব-ষড্বৃন্দ-নবত্যর্বুদকোটযঃ ॥ ৪৪॥
দর্শনার্থং তপস্তেপে সা বৈ কুত্র গতা প্রিযা ।
মম প্রাণপ্রিযা দেবী হাহা প্রাণপ্রিযে শিবে ॥ ৪৫॥
কিং করোমি ক্ব গচ্ছামি ইত্যেবং ভ্রমসঙ্কুলঃ ।
তস্যাঃ কাল্যা দযা জাতা মম চিন্তাপরঃ শিবঃ ॥ ৪৬॥
যন্ত্রপ্রস্তারবুদ্ধিস্তু কাল্যা দত্তাতিসত্বরম্ ।
যন্ত্রযাগং তদারভ্য পূর্বং চিদ্ঘনগোচরা ॥ ৪৭॥
শ্রীচক্রং যন্ত্রপ্রস্তাররচনাভ্যাসতত্পরঃ ।
ইতস্ততো ভ্রম্যমাণস্ত্রৈলোক্যং চক্রমধ্যকম্ ॥ ৪৮॥
চক্রপারদর্শনার্থং কোট্যর্বুদযুগং গতম্ ।
ভক্তপ্রাণপ্রিযা দেবী মহাশ্রীচক্রনাযিকা ॥ ৪৯॥
তত্র বিন্দৌ পরং রূপং সুন্দরং সুমনোহরম্ ।
রূপং জাতং মহেশানি জাগ্রত্ত্রিপুরসুন্দরি ॥ ৫০॥
রূপং দৃষ্ট্বা মহাদেবো রাজরাজেশ্বরোঽভবত্ ।
তস্যাঃ কটাক্ষমাত্রেণ তস্যা রূপধরঃ শিবঃ ॥ ৫১॥
বিনা শ্রৃঙ্গারসংযুক্তা তদা জাতা মহেশ্বরী ।
বিনা কাল্যংশতো দেবি জগত্স্থাবরজঙ্গমম্ ॥ ৫২॥
ন শ্রৃঙ্গারো ন শক্তিত্বং ক্বাপি নাস্তি মহেশ্বরী ।
সুন্দর্য্যা প্রার্থিতা কালী তুষ্টা প্রোবাচ কালিকা ॥ ৫৩॥
সর্বাসাং নেত্রকেশেষু মমাংশোঽত্র ভবিষ্যতি ।
পূর্বাবস্থাসু দেবেশি মমাংশস্তিষ্ঠতি প্রিযে ॥ ৫৪॥
সাবস্থা তরুণাখ্যা তু তদন্তে নৈব তিষ্ঠতি ।
মদ্ভক্তানাং মহেশানি সদা তিষ্ঠতি নিশ্চিতম্ ॥ ৫৫॥
শক্তিস্তু কুণ্ঠিতা জাতা তথা রূপং ন সুন্দরম্ ।
চিন্তাবিষ্টা তু মলিনা জাতা তত্র চ সুন্দরী ॥ ৫৬॥
ক্ষণং স্থিত্বা ধ্যানপরা কালী চিন্তনতত্পরা ।
তদা কালী প্রসন্নাঽভূত্ ক্ষণার্দ্ধেন মহেশ্বরী ॥ ৫৭॥
বরং ব্রূহি বরং ব্রূহি বরং ব্রূহীতি সাদরম্ ।
সুন্দর্যুবাচ ।
মম সিদ্ধিবরং দেহি বরোঽযং প্রার্থ্যতে মযা ॥ ৫৮॥
তাদৃগুপাযং কথয যেন শক্তির্ভবিষ্যতি ।
শ্রীকাল্যুবাচ ।
মম নামসাহস্রং চ মযা পূর্বং বিনির্মিতম্ ॥ ৫৯॥
মত্স্বরূপং ককারাখ্যং মেধাসাম্রাজ্যনামকম্ ।
বরদানাভিধং নাম ক্ষণার্দ্ধাদ্বরদাযকম্ ॥ ৬০॥
তত্পঠস্ব মহামাযে তব শক্তির্ভবিষ্যতি ।
ততঃ প্রভৃতি শ্রীবিদ্যা তন্নামপাঠতত্পরা ॥ ৬১॥
তদেব নামসাহস্রং সুন্দরীশক্তিদাযকম্ ।
কথ্যতে পরযা ভক্ত্যা সাধযে সুমহেশ্বরি ॥ ৬২॥
মদ্যের্মাংসৈস্তথা শুক্রৈর্বহুরক্তৈরপি প্রিযে ।
তর্পযেত্ পূজযেত্ কালীং বিপরীতরতিং চরেত্ ॥ ৬৩॥
বিপরীতরতৌ দেবি কালী তিষ্ঠতি নিত্যশঃ ।
মাধ্বীকপুষ্পশুক্রান্নমৈথুনাদ্যা বিরাগিণী ॥ ৬৪॥
বৈষ্ণবী ব্যাপিকা বিদ্যা শ্মশানবাসিনী পরা ।
বীরসাধনসন্তুষ্টা বীরাস্ফালননাদিনী ॥ ৬৫॥
শিবাবলিপ্রহৃষ্টাত্মা শিবারূপাদ্যচণ্ডিকা ।
কামস্তোত্রপ্রিযাত্যুগ্রমানসা কামরূপিণী ॥ ৬৬॥
ব্রহ্মানন্দপরা শম্ভু মৈথুনানন্দতোষিতা ।
যোগীন্দ্রহৃদযাগারা দিবা নিশি বিপর্যযা ॥ ৬৭॥
ক্ষণং তুষ্টা চ প্রত্যক্ষা দন্তমালাজপপ্রিযা ।
শয্যাযাং চুম্বনাঙ্গঃ সন্ বেশ্যাসঙ্গপরাযণঃ ॥ ৬৮॥
খড্গহস্তো মুক্তকেশো দিগম্বরবিভূষিতঃ ।
পঠেন্নামসহস্রাখ্যং মেধাসাম্রাজ্যনামকম্ ॥ ৬৯॥
যথা দিব্যামৃতৈর্দেবাঃ প্রসন্না ক্ষণমাত্রতঃ ।
তথাঽনেন মহাকালী প্রসন্না পাঠমাত্রতঃ ॥ ৭০॥
কথ্যতে নামসাহস্রং সাবধানমনাঃ শ্রৃণু ।
সর্বসাম্রাজ্যমেধাখ্যনামসাহস্ত্রকস্য চ ॥ ৭১॥
মহাকাল ঋষিঃ প্রোক্ত উষ্ণিক্ছন্দঃ প্রকীর্তিতম্ ।
দেবতা দক্ষিণা কালী মাযাবীজং প্রকীর্তিতম্ ॥ ৭২॥
হ্রূঁ শক্তিঃ কালিকাবীজং কীলকং পরিকীর্তিতম্ ।
কালিকা বরদানাদি-স্বেষ্টার্থে বিনিযোগতঃ ॥ ৭৩॥
কীলকেন ষডঙ্গানি ষড্দীর্ঘাবীজেন কারযেত্ ।
ধ্যানং চ পূর্ববত্কৃত্বা সাধযেদিষ্টসাধনম্ ॥ ৭৪॥
ॐ অস্য শ্রীসর্বসাম্রাজ্যমেধাকালীস্বরূপ-
ককারাত্মকসহস্রনামস্তোত্রমন্ত্রস্য মহাকাল-
ঋষিরুষ্ণিক্ছন্দঃ, শ্রীদক্ষিণকালী দেবতা, হ্রীং বীজম্,
হ্রূঁ শক্তিঃ, ক্রীং কীলকং, কালীবরদানাদিস্বেষ্টার্থে জপে বিনিযোগঃ ।
ॐ মহাকাল ঋষযে নমঃ শিরসি ।
উষ্ণিক্ছন্দসে নমঃ মুখে ।
শ্রী দক্ষিণকালীদেবতাযৈ নমঃ হৃদযে ।
হ্রীং বীজায নমঃ গুহ্যে ।
হ্রূঁ শক্তযে নমঃ পাদযোঃ ।
ক্রীং কীলকায নমঃ নাভৌ ।
বিনিযোগাযনমঃ সর্বাঙ্গে । ইতি ঋষ্যাদিন্যাসঃ ।
ॐ ক্রাং অঙ্গুষ্ঠাভ্যাং নমঃ ।
ॐ ক্রীং তর্জনীভ্যাং নমঃ ।
ॐ ক্রূং মধ্যমাভ্যাং নমঃ ।
ॐ ক্রৈং অনামিকাভ্যাং নমঃ ।
ॐ ক্রৌং কনিষ্ঠিকাভ্যাং নমঃ ।
ॐ ক্রঃ করতলকরপৃষ্ঠাভ্যাং নমঃ । ইতি করাঙ্গন্যাসঃ ।
ॐ ক্রাং হৃদযায নমঃ ।
ॐ ক্রীং শিরসে স্বাহা ।
ॐ ক্রূং শিখাযৈ বষট্ ।
ॐ ক্রৈং কবচায হুং ।
ॐ ক্রৌং নেত্রত্রযায বৌষট্ ।
ॐ ক্রঃ অস্ত্রায ফট্ । ইতি হৃদযাদি ষডঙ্গন্যাসঃ ।
অথ ধ্যানম্ ।
ॐ করালবদনাং ঘোরাং মুক্তকেশীং চতুর্ভুজাম্ ।
কালিকাং দক্ষিণাং দিব্যাং মুণ্ডমালাবিভূষিতাম্ ॥
সদ্যশ্ছিন্নশিরঃখড্গবামোর্ধ্বাধঃকরাম্বুজাম্ ।
অভযং বরদং চৈব দক্ষিণাধোর্ধ্বপাণিকাম্ ॥
মহামেঘপ্রভাং শ্যামাং তথা চৈব দিগম্বরাম্ ।
কণ্ঠাবসক্তমুণ্ডালীগলদ্রুধিরচর্চিতাম্ ॥
কর্ণাবতংসতানীতশবযুগ্মভযানকাম্ ।
ঘোরদংষ্ট্রাকরালাস্যাং পীনোন্নতপযোধরাম্ ॥
শবানাং করসঙ্ঘাতৈঃ কৃতকাঞ্চীং হসন্মুখীম্ ।
সৃক্কদ্বযগলদ্রক্তধারাবিস্ফুরিতাননাম্ ॥
ঘোররূপাং মহারৌদ্রীং শ্মশানালযবাসিনীম্ ।
দন্তুরাং দক্ষিণব্যাপিমুক্তলম্বকচোচ্চযাম্ ॥
শবরূপমহাদেবহৃদযোপরি সংস্থিতাম্ ।
শিবাভির্ঘোররূপাভিশ্চতুর্দ্দিক্ষু সমন্বিতাম্ ॥
মহাকালেন সার্দ্ধোর্দ্ধমুপবিষ্টরতাতুরাম্ ।
সুখপ্রসন্নবদনাং স্মেরাননসরোরুহাম্ ॥
এবং সঙ্চিন্তযেদ্দেবীং শ্মশানালযবাসিনীম্ ॥
ॐ ক্রীং কালী ক্রূঁ করালী চ কল্যাণী কমলা কলা ।
কলাবতী কলাঢ্যা চ কলাপূজ্যা কলাত্মিকা ॥ ১॥
কলাদৃষ্টা কলাপুষ্টা কলামস্তা কলাধরা ।
কলাকোটি কলাভাসা কলাকোটিপ্রপূজিতা ॥ ২॥
কলাকর্মকলাধারা কলাপারা কলাগমা ।
কলাধারা কমলিনী ককারা করুণা কবিঃ ॥ ৩॥
ককারবর্ণসর্বাঙ্গী কলাকোটিবিভূষিতা ।
ককারকোটিগুণিতা কলাকোটিবিভূষণা ॥ ৪॥
ককারবর্ণহৃদযা ককারমনুমণ্ডিতা ।
ককারবর্ণনিলযা কাকশব্দপরাযণা ॥ ৫॥
ককারবর্ণমুকুটা ককারবর্ণভূষণা ।
ককারবর্ণরূপা চ ককশব্দপরাযণা ॥ ৬॥
ককবীরাস্ফালরতা কমলাকরপূজিতা ।
কমলাকরনাথা চ কমলাকররূপধৃক্ ॥ ৭॥
কমলাকরসিদ্ধিস্থা কমলাকরপারদা ।
কমলাকরমধ্যস্থা কমলাকরতোষিতা ॥ ৮॥
কথঙ্কারপরালাপা কথঙ্কারপরাযণা ।
কথঙ্কারপদান্তস্থা কথঙ্কারপদার্থভূঃ ॥ ৯॥
কমলাক্ষী কমলজা কমলাক্ষপ্রপূজিতা ।
কমলাক্ষবরোদ্যুক্তা ককারা কর্বুরাক্ষরা ॥ ১০॥
করতারা করচ্ছিন্না করশ্যামা করার্ণবা ।
করপূজ্যা কররতা করদা করপূজিতা ॥ ১১॥
করতোযা করামর্ষা কর্মনাশা করপ্রিযা ।
করপ্রাণা করকজা করকা করকান্তরা ॥ ১২॥
করকাচলরূপা চ করকাচলশোভিনী ।
করকাচলপুত্রী চ করকাচলতোষিতা ॥ ১৩॥
করকাচলগেহস্থা করকাচলরক্ষিণী ।
করকাচলসম্মান্যা করকাচলকারিণী ॥ ১৪॥
করকাচলবর্ষাঢ্যা করকাচলরঞ্জিতা ।
করকাচলকান্তারা করকাচলমালিনী ॥ ১৫॥
করকাচলভোজ্যা চ করকাচলরূপিণী ।
করামলকসংস্থা চ করামলকসিদ্ধিদা ॥ ১৬॥
করামলকসম্পূজ্যা করামলকতারিণী ।
করামলককালী চ করামলকরোচিনী ॥ ১৭॥
করামলকমাতা চ করামলকসেবিনী ।
করামলকবদ্ধ্যেযা করামলকদাযিনী ॥ ১৮॥
কঞ্জনেত্রা কঞ্জগতিঃ কঞ্জস্থা কঞ্জধারিণী ।
কঞ্জমালাপ্রিযকরী কঞ্জরূপা চ কঞ্জনা ॥ ১৯॥
কঞ্জজাতিঃ কঞ্জগতিঃ কঞ্জহোমপরাযণা ।
কঞ্জমণ্ডলমধ্যস্থা কঞ্জাভরণভূষিতা ॥ ২০॥
কঞ্জসম্মাননিরতা কঞ্জোত্পত্তিপরাযণা ।
কঞ্জরাশিসমাকারা কঞ্জারণ্যনিবাসিনী ॥ ২১॥
করঞ্জবৃক্ষমধ্যস্থা করঞ্জবৃক্ষবাসিনী ।
করঞ্জফলভূষাঢ্যা করঞ্জারণ্যবাসিনী ॥ ২২॥
করঞ্জমালাভরণা করবালপরাযণা ।
করবালপ্রহৃষ্টাত্মা করবালপ্রিযা গতিঃ ॥ ২৩॥
করবালপ্রিযা কন্যা করবালবিহারিণী ।
করবালমযী কর্ম্মা করবালপ্রিযঙ্করী ॥ ২৪॥
কবন্ধমালাভরণা কবন্ধরাশিমধ্যগা ।
কবন্ধকূটসংস্থানা কবন্ধানন্তভূষণা ॥ ২৫॥
কবন্ধনাদসন্তুষ্টা কবন্ধাসনধারিণী ।
কবন্ধগৃহমধ্যস্থা কবন্ধবনবাসিনী ॥ ২৬॥
কবন্ধকাঞ্চীকরণী কবন্ধরাশিভূষণা ।
কবন্ধমালাজযদা কবন্ধদেহবাসিনী ॥ ২৭॥
কবন্ধাসনমান্যা চ কপালাকল্পধারিণী ।
কপালমালামধ্যস্থা কপালব্রততোষিতা ॥ ২৮॥
কপালদীপসন্তুষ্টা কপালদীপরূপিণী ।
কপালদীপবরদা কপালকজ্জলস্থিতা ॥ ২৯॥
কপালমালাজযদা কপালজপতোষিণী ।
কপালসিদ্ধিসংহৃষ্টা কপালভোজনোদ্যতা ॥ ৩০॥
কপালব্রতসংস্থানা কপালকমলালযা ।
কবিত্বামৃতসারা চ কবিত্বামৃতসাগরা ॥ ৩১॥
কবিত্বসিদ্ধিসংহৃষ্টা কবিত্বাদানকারিণী ।
কবিপৃজ্যা কবিগতিঃ কবিরূপা কবিপ্রিযা ॥ ৩২॥
কবিব্রহ্মানন্দরূপা কবিত্বব্রততোষিতা ।
কবিমানসসংস্থানা কবিবাঞ্চ্ছাপ্রপূরিণী ॥ ৩৩॥
কবিকণ্ঠস্থিতা কং হ্রীং কংকংকং কবিপূর্তিদা ।
কজ্জলা কজ্জলাদানমানসা কজ্জলপ্রিযা ॥ ৩৪॥
কপালকজ্জলসমা কজ্জলেশপ্রপূজিতা ।
কজ্জলার্ণবমধ্যস্থা কজ্জলানন্দরূপিণী ॥ ৩৫॥
কজ্জলপ্রিযসন্তুষ্টা কজ্জলপ্রিযতোষিণী ।
কপালমালাভরণা কপালকরভূষণা ॥ ৩৬॥
কপালকরভূষাঢ্যা কপালচক্রমণ্ডিতা ।
কপালকোটিনিলযা কপালদুর্গকারিণী ॥ ৩৭॥
কপালগিরিসংস্থানা কপালচক্রবাসিনী ।
কপালপাত্রসন্তুষ্টা কপালার্ঘ্যপরাযণা ॥ ৩৮॥
কপালার্ঘ্যপ্রিযপ্রাণা কপালার্ঘ্যবরপ্রদা ।
কপালচক্ররূপা চ কপালরূপমাত্রগা ॥ ৩৯॥
কদলী কদলীরূপা কদলীবনবাসিনী ।
কদলীপুষ্পসম্প্রীতা কদলীফলমানসা ॥ ৪০॥
কদলীহোমসন্তুষ্টা কদলীদর্শনোদ্যতা ।
কদলীগর্ভমধ্যস্থা কদলীবনসুন্দরী ॥ ৪১॥
কদম্বপুষ্পনিলযা কদম্ববনমধ্যগা ।
কদম্বকুসুমামোদা কদম্ববনতোষিণী ॥ ৪২॥
কদম্বপুষ্পসম্পূজ্যা কদম্বপুষ্পহোমদা ।
কদম্পুষ্পমধ্যস্থা কদম্বফলভোজিনী ॥ ৪৩॥
কদম্বকাননান্তঃস্থা কদম্বাচলবাসিনী ।
কচ্ছপা কচ্ছপারাধ্যা কচ্ছপাসনসংস্থিতা ॥ ৪৪॥
কর্ণপূরা কর্ণনাসা কর্ণাঢ্যা কালভৈরবী ।
কলপ্রীতা কলহদা কলহা কলহাতুরা ॥ ৪৫॥
কর্ণযক্ষী কর্ণবার্তা কথিনী কর্ণসুন্দরী ।
কর্ণপিশাচিনী কর্ণমঞ্জরী কবিকক্ষদা ॥ ৪৬॥
কবিকক্ষাবিরূপাঢ্যা কবিকক্ষস্বরূপিণী ।
কস্তূরীমৃগসংস্থানা কস্তূরীমৃগরূপিণী ॥ ৪৭॥
কস্তূরীমৃগসন্তোষা কস্তূরীমৃগমধ্যগা ।
কস্তূরীরসনীলাঙ্গী কস্তূরীগন্ধতোষিতা ॥ ৪৮॥
কস্তূরীপূজকপ্রাণা কস্তূরীপূজকপ্রিযা ।
কস্তূরীপ্রেমসন্তুষ্টা কস্তূরীপ্রাণধারিণী ॥ ৪৯॥
কস্তূরীপূজকানন্দা কস্তূরীগন্ধরূপিণী ।
কস্তূরীমালিকারূপা কস্তূরীভোজনপ্রিযা ॥ ৫০॥
কস্তূরীতিলকানন্দা কস্তূরীতিলকপ্রিযা ।
কস্তূরীহোমসন্তুষ্টা কস্তূরীতর্পণোদ্যতা ॥ ৫১॥
কস্তূরীমার্জনোদ্যুক্তা কস্তূরীচক্রপূজিতা ।
কস্তূরীপুষ্পসম্পূজ্যা কস্তূরীচর্বণোদ্যতা ॥ ৫২॥
কস্তূরীগর্ভমধ্যস্থা কস্তূরীবস্ত্রধারিণী ।
কস্তূরীকামোদরতা কস্তূরীবনবাসিনী ॥ ৫৩॥
কস্তূরীবনসংরক্ষা কস্তূরীপ্রেমধারিণী ।
কস্তূরীশক্তিনিলযা কস্তূরীশক্তিকুণ্ডগা ॥ ৫৪॥
কস্তূরীকুণ্ডসংস্নাতা কস্তূরীকুণ্ডমজ্জনা ।
কস্তূরীজীবসন্তুষ্টা কস্তূরীজীবধারিণী ॥ ৫৫॥
কস্তূরীপরমামোদা কস্তূরীজীবনক্ষমা ।
কস্তূরীজাতিভাবস্থা কস্তূরীগন্ধচুম্বনা ॥ ৫৬॥
কসতূরীগন্ধসংশোভাবিরাজিতকপালভূঃ ।
কস্তূরীমদনান্তঃস্থা কস্তূরীমদহর্ষদা ॥ ৫৭॥
কস্তূরীকবিতানাঢ্যা কস্তূরীগৃহমধ্যগা ।
কস্তূরীস্পর্শকপ্রাণা কস্তূরীবিন্দকান্তকা ॥ ৫৮॥
কস্তূর্য্যামোদরসিকা কস্তূরীক্রীডনোদ্যতা ।
কস্তূরীদাননিরতা কস্তূরীবরদাযিনী ॥ ৫৯॥
কস্তূরীস্থাপনাসক্তা কস্তূরীস্থানরঞ্জিনী ।
কস্তূরীকুশলপ্রশ্না কস্তূরীস্তুতিবন্দিতা ॥ ৬০॥
কস্তূরীবন্দকারাধ্যা কস্তূরীস্থানবাসিনী ।
কহরূপা কহাঢ্যা চ কহানন্দা কহাত্মভূঃ ॥ ৬১॥
কহপূজ্যা কহাখ্যা চ কহহেযা কহাত্মিকা ।
কহমালাকণ্ঠভূষা কহমন্ত্রজপোদ্যতা ॥ ৬২॥
কহনামস্মৃতিপরা কহনামপরাযণা ।
কহপরাযণরতা কহদেবী কহেশ্বরী ॥ ৬৩॥
কহহেতু কহানন্দা কহনাদপরাযণা ।
কহমাতা কহান্তঃস্থা কহমন্ত্রা কহেশ্বরী ॥ ৬৪॥
কহজ্ঞেযা কহারাধ্যা কহধ্যানপরাযণা ।
কহতন্ত্রা কহকহা কহচর্য্যাপরাযণা ॥ ৬৫॥
কহাচারা কহগতিঃ কহতাণ্ডবকারিণী ।
কহারণ্যা কহরতিঃ কহশক্তিপরাযণা ॥ ৬৬॥
কহরাজ্যনতা কর্ম্মসাক্ষিণী কর্মসুন্দরী ।
কর্মবিদ্যা কর্মগতিঃ কর্মতন্ত্রপরাযণা ॥ ৬৭॥
কর্মমাত্রা কর্মগাত্রা কর্মধর্মপরাযণা ।
কর্মরেখানাশকর্ত্রী কর্মরেখাবিনোদিনী ॥ ৬৮॥
কর্মরেখামোহকরী কর্মকীর্তিপরাযণা ।
কর্মবিদ্যা কর্মসারা কর্ম্মাধারা চ কর্মভূঃ ॥ ৬৯॥
কর্মকারী কর্মহারী কর্মকৌতুকসুন্দরী ।
কর্মকালী কর্মতারা কর্মচ্ছিন্না চ কর্মদা ॥ ৭০॥
কর্মচাণ্ডালিনী কর্মবেদমাতা চ কর্মভূঃ ।
কর্মকাণ্ডরতানন্তা কর্মকাণ্ডানুমানিতা ॥ ৭১॥
কর্মকাণ্ডপরীণাহা কমঠী কমঠাকৃতিঃ ।
কমঠারাধ্যহৃদযা কমঠাকণ্ঠসুন্দরী ॥ ৭২॥
কমঠাসনসংসেব্যা কমঠী কর্মতত্পরা ।
করুণাকরকান্তা চ করুণাকরবন্দিতা ॥ ৭৩॥
কঠোরা করমালা চ কঠোরকুচধারিণী ।
কপর্দিনী কপটিনী কঠিনা কঙ্কভূষণা ॥ ৭৪॥
করভোরূঃ কঠিনদা করভা করভালযা ।
কলভাষামযী কল্পা কল্পনা কল্পদাযিনী ॥ ৭৫॥
কমলস্থা কলামালা কমলাস্যা ক্কণত্প্রভা ।
ককুদ্মিনী কষ্টবতী করণীযকথার্চিতা ॥ ৭৬॥
কচার্চিতা কচতনুঃ কচসুন্দরধারিণী ।
কঠোরকুচসংলগ্না কটিসূত্রবিরাজিতা ॥ ৭৭॥
কর্ণমক্ষপ্রিযা কন্দা কথাকন্দগতিঃ কলিঃ ।
কলিঘ্নী কলিদূতী চ কবিনাযক-পূজিতা ॥ ৭৮॥
কণকক্ষানিযন্ত্রী চ কশ্চিত্কবিবরার্চিতা ।
কর্ত্রী চ কর্তৃকা ভূষাকারিণী কর্ণশত্রুপা ॥ ৭৯॥
করণেশী করণপা কলবাচা কলানিধিঃ ।
কলনা কলনাধারা কলনা কারিকা করা ॥ ৮০॥
কলগেযা কর্করাশিঃ কর্করাশি-প্রপূজিতা ।
কন্যারাশিঃ কন্যকা চ কন্যকাপ্রিযভাষিণী ॥ ৮১॥
কন্যকাদানসন্তুষ্টা কন্যকাদানতোষিণী ।
কন্যাদানকরানন্দা কন্যাদানগ্রহেষ্টদা ॥ ৮২॥
কর্ষণা কক্ষদহনা কামিতা কমলাসনা ।
করমালানন্দকর্ত্রী করমালাপ্রপোষিতা ॥ ৮৩॥
করমালাশযানন্দা করমালাসমাগমা ।
করমালাসিদ্ধিদাত্রী করমালাকরপ্রিযা ॥ ৮৪॥
করপ্রিযা কররতা করদানপরাযণা ।
কলানন্দা কলিগতিঃ কলিপূজ্যা কলিপ্রসূঃ ॥ ৮৫॥
কলনাদনিনাদস্থা কলনাদবরপ্রদা ।
কলনাদসমাজস্থা কহোলা চ কহোলদা ॥ ৮৬॥
কহোলগেহমধ্যস্থা কহোলবরদাযিনী ।
কহোলকবিতাধারা কহোলঋষিমানিতা ॥ ৮৭॥
কহোলমানসারাধ্যা কহোলবাক্যকারিণী ।
কর্তৃরূপা কর্তৃমযী কর্তৃমাতা চ কর্তরী ॥ ৮৮॥
কনীযা কনকারাধ্যা কনীনকমযী তথা ।
কনীযানন্দনিলযা কনকানন্দতোষিতা ॥ ৮৯॥
কনীযককরাকাষ্ঠা কথার্ণবকরী করী ।
করিগম্যা করিগতিঃ করিধ্বজপরাযণা ॥ ৯০॥
করিনাথপ্রিযাকণ্ঠা কথানকপ্রতোষিতা ।
কমনীযা কমনকা কমনীযবিভূষণা ॥ ৯১॥
কমনীযসমাজস্থা কমনীযব্রতপ্রিযা ।
কমনীযগুণারাধ্যা কপিলা কপিলেশ্বরী ॥ ৯২॥
কপিলারাধ্যহৃদযা কপিলাপ্রিযবাদিনী ।
কহচক্রমন্ত্রবর্ণা কহচক্রপ্রসূনকা ॥ ৯৩॥
কএঈলহ্রীংস্বরূপা চ কএঈলহ্রীংবরপ্রদা ।
কএঈলহ্রীংসিদ্ধিদাত্রী কএঈলহ্রীংস্বরূপিণী ॥ ৯৪॥
কএঈলহ্রীংমন্ত্রবর্ণা কএঈলহ্রীংপ্রসূকলা ।
কবর্গা চ কপাটস্থা কপাটোদ্ঘাটনক্ষমা ॥ ৯৫॥
কঙ্কালী চ কপালী চ কঙ্কালপ্রিযভাষিণী ।
কঙ্কালভৈরবারাধ্যা কঙ্কালমানসংস্থিতা ॥ ৯৬॥
কঙ্কালমোহনিরতা কঙ্কালমোহদাযিনী ।
কলুষঘ্নী কলুষহা কলুষার্তিবিনাশিনী ॥ ৯৭॥
কলিপুষ্পা কলাদানা কশিপুঃ কশ্যপার্চিতা ।
কশ্যপা কশ্যপারাধ্যা কলিপূর্ণকলেবরা ॥ ৯৮॥
কলেশ্বরকরী কাঞ্চী কবর্গা চ করালকা ।
করালভৈরবারাধ্যা করালভৈরবেশ্বরী ॥ ৯৯॥
করালা কলনাধারা কপর্দ্দীশবরপ্রদা ।
কপর্দ্দীশপ্রেমলতা কপর্দ্দিমালিকাযুতা ॥ ১০০॥
কপর্দ্দিজপমালাঢ্যা করবীরপ্রসূনদা ।
করবীরপ্রিযপ্রাণা করবীরপ্রপূজিতা ॥ ১০১॥
কর্ণিকারসমাকারা কর্ণিকারপ্রপূজিতা ।
করিষাগ্নিস্থিতা কর্ষা কর্ষমাত্রসুবর্ণদা ॥ ১০২॥
কলশা কলশারাধ্যা কষাযা করিগানদা ।
কপিলা কলকণ্ঠী চ কলিকল্পলতা মতা ॥ ১০৩॥
কল্পলতা কল্পমাতা কল্পকারী চ কল্পভূঃ ।
কর্পূরামোদরুচিরা কর্পূরামোদধারিণী ॥ ১০৪॥
কর্পূরমালাভরণা কর্পূরবাসপূর্তিদা ।
কর্পূরমালাজযদা কর্পূরার্ণবমধ্যগা ॥ ১০৫॥
কর্পূরতর্পণরতা কটকাম্বরধারিণী ।
কপটেশ্ববরসম্পূজ্যা কপটেশ্বররূপিণী ॥ ১০৬॥
কটুঃ কপিধ্বজারাধ্যা কলাপপুষ্পধারিণী ।
কলাপপুষ্পরুচিরা কলাপপুষ্পপূজিতা ॥ ১০৭॥
ক্রকচা ক্রকচারাধ্যা কথম্ব্রূমা করালতা ।
কথঙ্কারবিনির্মুক্তা কালী কালক্রিযা ক্রতুঃ ॥ ১০৮॥
কামিনী কামিনীপূজ্যা কামিনীপুষ্পধারিণী ।
কামিনীপুষ্পনিলযা কামিনীপুষ্পপূর্ণিমা ॥ ১০৯॥
কামিনীপুষ্পপূজার্হা কামিনীপুষ্পভূষণা ।
কামিনীপুষ্পতিলকা কামিনীকুণ্ডচুম্বনা ॥ ১১০॥
কামিনীযোগসন্তুষ্টা কামিনীযোগভোগদা ।
কামিনীকুণ্ডসম্মগ্না কামিনীকুণ্ডমধ্যগা ॥ ১১১॥
কামিনীমানসারাধ্যা কামিনীমানতোষিতা ।
কামিনীমানসঞ্চারা কালিকা কালকালিকা ॥ ১১২॥
কামা চ কামদেবী চ কামেশী কামসম্ভবা ।
কামভাবা কামরতা কামার্তা কামমঞ্জরী ॥ ১১৩॥
কামমঞ্জীররণিতা কামদেবপ্রিযান্তরা ।
কামকালী কামকলা কালিকা কমলার্চিতা ॥ ১১৪॥
কাদিকা কমলা কালী কালানলসমপ্রভা ।
কল্পান্তদহনা কান্তা কান্তারপ্রিযবাসিনী ॥ ১১৫॥
কালপূজ্যা কালরতা কালমাতা চ কালিনী ।
কালবীরা কালঘোরা কালসিদ্ধা চ কালদা ॥ ১১৬॥
কালঞ্জনসমাকারা কালঞ্জরনিবাসিনী ।
কালঋদ্ধিঃ কালবৃদ্ধিঃ কারাগৃহবিমোচিনী ॥ ১১৭॥
কাদিবিদ্যা কাদিমাতা কাদিস্থা কাদিসুন্দরী ।
কাশী কাঞ্চী চ কাঞ্চীশা কাশীশবরদাযিনী ॥ ১১৮॥
ক্রাং বীজা চৈব ক্রীং বীজা হৃদযায নমস্স্মৃতা ।
কাম্যা কাম্যগতিঃ কাম্যসিদ্ধিদাত্রী চ কামভূঃ ॥ ১১৯॥
কামাখ্যা কামরূপা চ কামচাপবিমোচিনী ।
কামদেবকলারামা কামদেবকলালযা ॥ ১২০॥
কামরাত্রিঃ কামদাত্রী কান্তারাচলবাসিনী ।
কামরূপা কালগতিঃ কামযোগপরাযণা ॥ ১২১॥
কামসম্মর্দ্দনরতা কামগেহবিকাসিনী ।
কালভৈরবভার্যা চ কালভৈরবকামিনী ॥ ১২২॥
কালভৈরবযোগস্থা কালভৈরবভোগদা ।
কামধেনুঃ কামদোগ্ধ্রী কামমাতা চ কান্তিদা ॥ ১২৩॥
কামুকা কামুকারাধ্যা কামুকানন্দবর্দ্ধিনী ।
কার্ত্তবীর্য্যা কার্ত্তিকেযা কার্ত্তিকেযপ্রপূজিতা ॥ ১২৪॥
কার্য্যা কারণদা কার্য্যকারিণী কারণান্তরা ।
কান্তিগম্যা কান্তিমযী কাত্যা কাত্যাযনী চ কা ॥ ১২৫॥
কামসারা চ কাশ্মীরা কাশ্মীরাচারতত্পরা ।
কামরূপাচাররতা কামরূপপ্রিযংবদা ॥ ১২৬॥
কামরূপাচারসিদ্ধিঃ কামরূপমনোমযী ।
কার্ত্তিকী কার্ত্তিকারাধ্যা কাঞ্চনারপ্রসূনভূঃ ॥ ১২৭॥
কাঞ্চনারপ্রসূনাভা কাঞ্চনারপ্রপূজিতা ।
কাঞ্চরূপা কাঞ্চভূমিঃ কাংস্যপাত্রপ্রভোজিনী ॥ ১২৮॥
কাংস্যধ্বনিমযী কামসুন্দরী কামচুম্বনা ।
কাশপুষ্পপ্রতীকাশা কামদ্রুমসমাগমা ॥ ১২৯॥
কামপুষ্পা কামভূমিঃ কামপূজ্যা চ কামদা ।
কামদেহা কামগেহা কামবীজপরাযণা ॥ ১৩০॥
কামধ্বজসমারূঢা কামধ্বজসমাস্থিতা ।
কাশ্যপী কাশ্যপারাধ্যা কাশ্যপানন্দদাযিনী ॥ ১৩১॥
কালিন্দীজলসঙ্কাশা কালিন্দীজলপূজিতা ।
কাদেবপূজানিরতা কাদেবপরমার্থদা ॥ ১৩২॥
কর্ম্মণা কর্ম্মণাকারা কামকর্মণকারিণী ।
কার্ম্মণত্রোটনকরী কাকিনী কারণাহ্বযা ॥ ১৩৩॥
কাব্যামৃতা চ কালিঙ্গা কালিঙ্গমর্দ্দনোদ্যতা ।
কালাগরুবিভূষাঢ্যা কালাগরুবিভূতিদা ॥ ১৩৪॥
কালাগরুসুগন্ধা চ কালাগরুপ্রতর্পণা ।
কাবেরীনীরসম্প্রীতা কাবেরীতীরবাসিনী ॥ ১৩৫॥
কালচক্রভ্রমাকারা কালচক্রনিবাসিনী ।
কাননা কাননাধারা কারুঃ কারুণিকামযী ॥ ১৩৬॥
কাম্পিল্যবাসিনী কাষ্ঠা কামপত্নী চ কামভূঃ ।
কাদম্বরীপানরতা তথা কাদম্বরীকলা ॥ ১৩৭॥
কামবন্দ্যা চ কামেশী কামরাজপ্রপূজিতা ।
কামরাজেশ্বরীবিদ্যা কামকৌতুকসুন্দরী ॥ ১৩৮॥
কাম্বোজজা কাঞ্ছিনদা কাংস্যকাঞ্চনকারিণী ।
কাঞ্চনাদ্রিসমাকারা কাঞ্চনাদ্রিপ্রদানদা ॥ ১৩৯॥
কামকীর্তিঃ কামকেশী কারিকা কান্তরাশ্রযা ।
কামভেদী চ কামার্তিনাশিনী কামভূমিকা ॥ ১৪০॥
কালানলাশিনী কাব্যবনিতা কামরূপিণী ।
কাযস্থা কামসন্দীপ্তিঃ কাব্যদা কালসুন্দরী ॥ ১৪১॥
কামেশী কারণবরা কামেশীপূজনোদ্যতা ।
কাঞ্চী-নূপুরভূষাঢ্যা-কুঙ্কুমাভরণান্বিতা ॥ ১৪২॥
কালচক্রা কালগতিঃ কালচক্রামনোভবা ।
কুন্দমধ্যা কুন্দপুষ্পা কুন্দপুষ্পপ্রিযা কুজা ॥ ১৪৩॥
কুজমাতা কুজারাধ্যা কুঠারবরধারিণী ।
কুঞ্চরস্থা কুশরতা কুশেশযবিলোচনা ॥ ১৪৪॥
কুমঠী কুররী কুদ্রা কুরঙ্গী কুটজাশ্রযা ।
কুম্ভীনসবিভূষা চ কুম্ভীনসবধোদ্যতা ॥ ১৪৫॥
কুম্ভকর্ণমনোল্লাসা কুলচূডামণিঃ কুলা ।
কুলালগৃহকন্যা চ কুলচূডামণিপ্রিযা ॥ ১৪৬॥
কুলপূজ্যা কুলারাধ্যা কুলপূজাপরাযণা ।
কুলভূষা তথা কুক্ষিঃ কুররীগণসেবিতা ॥ ১৪৭॥
কুলপুষ্পা কুলরতা কুলপুষ্পপরাযণা ।
কুলবস্ত্রা কুলারাধ্যা কুলকুণ্ডসমপ্রভা ॥ ১৪৮॥
কুলকুণ্ডসমোল্লাসা কুণ্ডপুষ্পপরাযণা ।
কুণ্ডপুষ্পপ্রসন্নাস্যা কুণ্ডগোলোদ্ভবাত্মিকা ॥ ১৪৯॥
কুণ্ডগোলোদ্ভবাধারা কুণ্ডগোলমযী কুহূঃ ।
কুণ্ডগোলপ্রিযপ্রাণা কুণ্ডগোলপ্রপূজিতা ॥ ১৫০॥
কুণ্ডগোলমনোল্লাসা কুণ্ডগোলবলপ্রদা ।
কুণ্ডদেবরতা ক্রুদ্ধা কুলসিদ্ধিকরা পরা ॥ ১৫১॥
কুলকুণ্ডসমাকারা কুলকুণ্ডসমানভূঃ ।
কুণ্ডসিদ্ধিঃ কুণ্ডঋদ্ধিঃ কুমারীপূজনোদ্যতা ॥ ১৫২॥
কুমারীপূজকপ্রাণা কুমারীপূজকালযা ।
কুমারীকামসন্তুষ্টা কুমারীপূজনোত্সুকা ॥ ১৫৩॥
কুমারীব্রতসন্তুষ্টা কুমারীরূপধারিণী ।
কুমারীভোজনপ্রীতা কুমারী চ কুমারদা ॥ ১৫৪॥
কুমারমাতা কুলদা কুলযোনিঃ কুলেশ্বরী ।
কুললিঙ্গা কুলানন্দা কুলরম্যা কুতর্কধৃক্ ॥ ১৫৫॥
কুন্তী চ কুলকান্তা চ কুলমার্গপরাযণা ।
কুল্লা চ কুরুকুল্লা চ কুল্লুকা কুলকামদা ॥ ১৫৬॥
কুলিশাঙ্গী কুব্জিকা চ কুব্জিকানন্দবর্দ্ধিনী ।
কুলীনা কুঞ্জরগতিঃ কুঞ্জরেশ্বরগামিনী ॥ ১৫৭॥
কুলপালী কুলবতী তথৈব কুলদীপিকা ।
কুলযোগেশ্বরী কুণ্ডা কুঙ্কুমারুণবিগ্রহা ॥ ১৫৮॥
কুঙ্কুমানন্দসন্তোষা কুঙ্কুমার্ণববাসিনী ।
কুসুমা কুসুমপ্রীতা কুলভূঃ কুলসুন্দরী ॥ ১৫৯॥
কুমুদ্বতী কুমুদিনী কুশলা কুলটালযা ।
কুলটালযমধ্যস্থা কুলটাসঙ্গতোষিতা ॥ ১৬০॥
কুলটাভবনোদ্যুক্তা কুশাবর্তা কুলার্ণবা ।
কুলার্ণবাচাররতা কুণ্ডলী কুণ্ডলাকৃতিঃ ॥ ১৬১॥
কুমতিশ্চ কুলশ্রেষ্ঠা কুলচক্রপরাযণা ।
কূটস্থা কূটদৃষ্টিশ্চ কুন্তলা কুন্তলাকৃতিঃ ॥ ১৬২॥
কুশলাকৃতিরূপা চ কূর্চবীজধরা চ কূঃ ।
কুং কুং কুং কুং শব্দরতা ক্রূং ক্রূং ক্রূং ক্রূং পরাযণা ॥ ১৬৩॥
কুং কুং কুং শব্দনিলযা কুক্কুরালযবাসিনী ।
কুক্কুরাসঙ্গসংযুক্তা কুক্কুরানন্তবিগ্রহা ॥ ১৬৪॥
কূর্চারম্ভা কূর্চবীজা কূর্চজাপপরাযণা ।
কুচস্পর্শনসন্তুষ্টা কুচালিঙ্গনহর্ষদা ॥ ১৬৫॥
কুমতিঘ্নী কুবেরার্চ্যা কুচভূঃ কুলনাযিকা ।
কুগাযনা কুচধরা কুমাতা কুন্দদন্তিনী ॥ ১৬৬॥
কুগেযা কুহরাভাসা কুগেযা কুঘ্নদারিভা ।
কীর্তিঃ কিরাতিনী ক্লিন্না কিন্নরা কিন্নরীক্রিযা ॥ ১৬৭॥
ক্রীঙ্কারা ক্রীঞ্জপাসক্তা ক্রীং হূঁ স্ত্রীং মন্ত্ররূপিণী ।
কির্মীরিতদৃশাপাঙ্গী কিশোরী চ কিরীটিনী ॥ ১৬৮॥
কীটভাষা কীটযোনিঃ কীটমাতা চ কীটদা ।
কিংশুকা কীরভাষা চ ক্রিযাসারা ক্রিযাবতী ॥ ১৬৯॥
কীংকীংশব্দপরা ক্লাং ক্লীং ক্লূঁ ক্লৈং ক্লৌং মন্ত্ররূপিণী ।
কাঁ কীং কূঁ কৈং স্বরূপা চ কঃ ফট্ মন্ত্রস্বরূপিণী ॥ ১৭০॥
কেতকীভূষণানন্দা কেতকীভরণান্বিতা ।
কৈকদা কেশিনী কেশী কেশীসূদনতত্পরা ॥ ১৭১॥
কেশরূপা কেশমুক্তা কৈকেযী কৌশিকী তথা ।
কৈরবা কৈরবাহ্লাদা কেশরা কেতুরূপিণী ॥ ১৭২॥
কেশবারাধ্যহৃদযা কেশবাসক্তমানসা ।
ক্লৈব্যবিনাশিনী ক্লৈং চ ক্লৈং বীজজপতোষিতা ॥ ১৭৩॥
কৌশল্যা কোশলাক্ষী চ কোশা চ কোমলা তথা ।
কোলাপুরনিবাসা চ কোলাসুরবিনাশিনী ॥ ১৭৪॥
কোটিরূপা কোটিরতা ক্রোধিনী ক্রোধরূপিণী ।
কেকা চ কোকিলা কোটিঃ কোটিমন্ত্রপরাযণা ॥ ১৭৫॥
কোট্যানন্তমন্ত্রযুক্তা কৈরূপা কেরলাশ্রযা ।
কেরলাচারনিপুণা কেরলেন্দ্রগৃহস্থিতা ॥ ১৭৬॥
কেদারাশ্রমসংস্থা চ কেদারেশ্বরপূজিতা ।
ক্রোধরূপা ক্রোধপদা ক্রোধমাতা চ কৌশিকী ॥ ১৭৭॥
কোদণ্ডধারিণী ক্রৌঞ্চা কৌশল্যা কৌলমার্গগা ।
কৌলিনী কৌলিকারাধ্যা কৌলিকাগারবাসিনী ॥ ১৭৮॥
কৌতুকী কৌমুদী কৌলা কুমারী কৌরবার্চিতা ।
কৌণ্ডিন্যা কৌশিকী ক্রোধা জ্বালাভাসুররূপিণী ॥ ১৭৯॥
কোটিকালানলজ্বালা কোটিমার্ত্তণ্ডবিগ্রহা ।
কৃত্তিকা কৃষ্ণবর্ণা চ কৃষ্ণা কৃত্যা ক্রিযাতুরা ॥ ১৮০॥
কৃশাঙ্গী কৃতকৃত্যা চ ক্রঃ ফট্স্বাহাস্বরূপিণী ।
ক্রৌং ক্রৌং হূঁ ফট্মন্ত্রবর্ণা
ক্রাং হ্রীং হ্রূঁ ফট্ স্বরূপিণী ॥ ১৮১॥
ক্রীংক্রীংহ্রীংহ্রীং তথা হ্রূঁ হূঁফট্স্বাহামন্ত্ররূপিণী ।
ইতি শ্রীসর্বসাম্রাজ্যমেধা নামসহস্রকম্ ॥ ১৮২॥
সুন্দরীশক্তিদানাখ্যং স্বরূপার্ভিধমেব চ ।
কথিতং দক্ষিণাকাল্যাঃ সুন্দর্যৈ প্রীতিযোগতঃ ॥ ১॥
বরদানপ্রসঙ্গেন রহস্যমপি দর্শিতম্ ।
গোপনীযং সদা ভক্ত্যা পঠনীযং পরাত্পরম্ ॥ ২॥
প্রাতর্মধ্যাহ্নকালে চ মধ্যার্দ্ধরাত্রযোরপি ।
যজ্ঞকালে জপান্তে চ পঠনীযং বিশেষতঃ ॥ ৩॥
যঃ পঠেত্ সাধকো ধীরঃ কালীরূপো হি বর্ষতঃ ।
পঠেদ্বা পাঠযেদ্বাপি শ্রৃণোতি শ্রাবযেদপি ॥ ৪॥
বাচকং তোষযেদ্বাপি স ভবেত্ কালিকাতনুঃ ।
সহেলং বা সলীলং বা যশ্চৈনং মানবঃ পঠেত্ ॥ ৫॥
সর্বদুঃখবিনির্মুক্তস্ত্রৈলোক্যবিজযী কবিঃ ।
মৃতবন্ধ্যা কাকবন্ধ্যা কন্যাবন্ধ্যা চ বন্ধ্যকা ॥ ৬॥
পুষ্পবন্ধ্যা শূলবন্ধ্যা শ্রৃণুযাত্ স্তোত্রমুত্তমম্ ।
সর্বসিদ্ধিপ্রদাতারং সত্কবিং চিরজীবিনম্ ॥ ৭॥
পাণ্ডিত্যকীর্তিসংযুক্তং লভতে নাত্র সংশযঃ ।
যং যং কামমুপস্কৃত্য কালীং ধ্যাত্বা জপেত্স্তবম্ ॥ ৮॥
তং তং কামং করে কৃত্বা মন্ত্রী ভবতি নাঽন্যথা ।
যোনিপুষ্পৈর্লিঙ্গপুষ্পৈঃ কুণ্ডগোলোদ্ভবৈরপি ॥ ৯॥
সংযোগামৃতপুষ্পৈশ্চ বস্ত্রদেবীপ্রসূনকৈঃ ।
কালিপুষ্পৈঃ পীঠতোযৈর্যোনিক্ষালনতোযকৈঃ ॥ ১০॥
কস্তূরীকুঙ্কুমৈর্দেবীং নখকালাগরুক্রমাত্ ।
অষ্টগন্ধৈর্ধূপদীপর্যবযাবকসংযুতৈঃ ॥ ১১॥
রক্তচন্দনসিন্দূরৈর্মত্স্যমাংসাদিভূষণৈঃ ।
মধুভিঃ পাযসৈঃ ক্ষীরৈঃ শোধিতৈঃ শোণিতৈরপি ॥ ১২॥
মহোপচারৈ রক্তৈশ্চ নৈবেদ্যৈঃ সুরসান্বিতৈঃ ।
পূজযিত্বা মহাকালীং মহাকালেন লালিতাম্ ॥ ১৩॥
বিদ্যারাজ্ঞীং কুল্লুকাঞ্চ জপ্ত্বা স্তোত্রং জপেচ্ছিবে ।
কালীভক্তস্ত্বেকচিত্তঃ সিন্দূরতিলকান্বিতঃ ॥ ১৪॥
তাম্বূলপূরিতমুখো মুক্তকেশো দিগম্বরঃ ।
শবযোনিস্থিতো বীরঃ শ্মশানসুরতান্বিতঃ ॥ ১৫॥
শূন্যালযে বিন্দুপীঠে পুষ্পাকীর্ণে শিবাননে ।
শযনোত্থপ্রভুঞ্জানঃ কালীদর্শনমাপ্নুযাত্ ॥ ১৬॥
তত্র যদ্যত্কৃতং কর্ম তদনন্তফলং ভবেত্ ।
ঐশ্বর্যে কমলা সাক্ষাত্ সিদ্ধৌ শ্রীকালিকাম্বিকা ॥ ১৭॥
কবিত্বে তারিণীতুল্যঃ সৌন্দর্যে সুন্দরীসমঃ ।
সিন্ধোর্দ্ধারাসমঃ কার্যে শ্রুতৌ শ্রুতিধরস্তথা ॥ ১৮॥
বজ্রাস্ত্রমিব দুর্দ্ধর্ষস্ত্রৈলোক্যবিজযাস্ত্রভৃত্ ।
শত্রুহন্তা কাব্যকর্তা ভবেচ্ছিবসমঃ কলৌ ॥ ১৯॥
দিগ্বিদিক্চন্দ্রকর্তা চ দিবারাত্রিবিপর্য্যযী ।
মহাদেবসমো যোগী ত্রৈলোক্যস্তম্ভকঃ ক্ষণাত্ ॥ ২০॥
গানেন তুম্বুরুঃ সাক্ষাদ্দানে কর্ণসমো ভবেত্ ।
গজাঽশ্বরথপত্তীনামস্ত্রাণামধিপঃ কৃতী ॥ ২১॥
আযুষ্যেষু ভুশুণ্ডী চ জরাপলিতনাশকঃ ।
বর্ষষোডশবান্ ভূযাত্ সর্বকালে মহেশ্বরী ॥ ২২॥
ব্রহ্মাণ্ডগোলে দেবেশি ন তস্য দুর্লভং ক্বচিত্ ।
সর্বং হস্তগতং ভূযান্নাত্র কার্য্যা বিচারণা ॥ ২৩॥
কুলপুষ্পযুতং দৃষ্ট্বা তত্র কালীং বিচিন্ত্য চ ।
বিদ্যারাজ্ঞীং তু সম্পূজ্য পঠেন্নামসহস্রকম্ ॥ ২৪॥
মনোরথমযী সিদ্ধিস্তস্য হস্তে সদা ভবেত্ ।
পরদারান্ সমালিঙ্গয সম্পূজ্য পরমেশ্বরীম্ ॥ ২৫॥
হস্তাহস্তিকযা যোগং কৃত্বা জপ্ত্বা স্তবং পঠেত্ ।
যোনিং বীক্ষ্য জপেত্ স্তোত্রং কুবেরাদধিকো ভবেত্ ॥ ২৬॥
কুণ্ডগোলোদ্ভবং গৃহ্যবর্ণাক্তং হোমযেন্নিশি ।
পিতৃভূমৌ মহেশানি বিধিরেখাং প্রমার্জযেত্ ॥ ২৭॥
তরুণীং সুন্দরীং রম্যাং চঞ্চলাং কামগর্বিতাম্ ।
সমানীয প্রযত্নেন সংশোধ্য ন্যাসযোগতঃ ॥ ২৮॥
প্রসূনমঞ্চে সংস্থাপ্য পৃথিবীং বশমানযেত্ ।
মূলচক্রং তু সম্ভাব্য দেব্যাশ্চরণসংযুতম্ ॥ ২৯॥
সম্মূজ্য পরমেশানীং সঙ্কল্প্য তু মহেশ্বরি ।
জপ্ত্বা স্তুত্বা মহেশানীং প্রণবং সংস্মরেচ্ছিবে ॥ ৩০॥
অষ্টোত্তরশতৈর্যোনিং প্রমন্ত্র্যাচুম্ব্য যত্নতঃ ।
সংযোগীভূয জপ্তব্যং সর্ববিদ্যাধিপো ভবেত্ ॥ ৩১॥
শূন্যাগারে শিবারণ্যে শিবদেবালযে তথা ।
শূন্যদেশে তডাগে চ গঙ্গাগর্ভে চতুষ্পথে ॥ ৩২॥
শ্মশানে পর্বতপ্রান্তে একলিঙ্গে শিবামুখে ।
মুণ্ডযোনৌ ঋতৌ স্নাত্বা গেহে বেশ্যাগৃহে তথা ॥ ৩৩॥
কুট্টিনীগৃহমধ্যে চ কদলীমণ্ডপে তথা ।
পঠেত্সহস্রনামাখ্যং স্তোত্রং সর্বার্থসিদ্ধযে ॥ ৩৪॥
অরণ্যে শূন্যগর্তে চ রণে শত্রুসমাগমে ।
প্রজপেচ্চ ততো নাম কাল্যাশ্চৈব সহস্রকম্ ॥ ৩৫॥
বালানন্দপরো ভূত্বা পঠিত্বা কালিকাস্তবম্ ।
কালীং সঞ্চিন্ত্য প্রজপেত্ পঠেন্নামসহস্রকম্ ॥ ৩৬॥
সর্বসিদ্ধীশ্বরো ভূযাদ্বাঞ্ছাসিদ্ধীশ্বরো ভবেত্ ।
মুণ্ডচূডকযোর্যোনি ত্বচি বা কোমলে শিবে ॥ ৩৭॥
বিষ্টরে শববস্ত্রে বা পুষ্পবস্ত্রাসনেঽপি বা ।
মুক্তকেশো দিশাবাসো মৈথুনী শযনে স্থিতঃ ॥ ৩৮॥
জপ্ত্বাকালীং পঠেত্ স্তোত্রং খেচরীসিদ্ধিভাগ্ ভবেত্ ।
চিকুরং যোগমাসাদ্য শুক্রোত্সারণমেব চ ॥ ৩৯॥
জপ্ত্বা শ্রীদক্ষিণাং কালীং শক্তিপাতশতং ভবেত্ ।
লতাং স্পৃশন্ জপিত্বা চ রমিত্বা ত্বর্চযন্নপি ॥ ৪০॥
আহ্লাদযন্দিগাবাসঃ পরশক্তিং বিশেষতঃ ।
স্তুত্বা শ্রীদক্ষিণাং কালীং যোনিং স্বকরগাঞ্চরেত্ ॥ ৪১॥
পঠেন্নামসহস্রং যঃ স শিবাদধিকো ভবেত্ ।
লতান্তরেষু জপ্তব্যং স্তুত্বা কালীং নিরাকুলঃ ॥ ৪২॥
দশাবধানো ভবতি মাসমাত্রেণ সাধকঃ ।
কালরাত্র্যাং মহারাত্র্যাং বীররাত্র্যামপি প্রিযে ॥ ৪৩॥
মহারাত্র্যাং চতুর্দশ্যামষ্টম্যাং সংক্রমেঽপি বা ।
কুহূপূর্ণেন্দুশুক্রেষু ভৌমামাযাং নিশামুখে ॥ ৪৪॥
নবম্যাং মঙ্গলদিনে তথা কুলতিথৌ শিবৈ ।
কুলক্ষেত্রে প্রযত্নেন পঠেন্নামসহস্রকম্ ॥ ৪৫॥
সুদর্শনো ভবেদাশু কিন্নরীসিদ্ধিভাগ্ভবেত্ ।
পশ্মিমাভিমুখং লিঙ্গং বৃষশূন্যং পুরাতনম্ ॥ ৪৬॥
তত্র স্থিত্বা জপেত্ স্তোত্রং সর্বকামাপ্তযে শিবে ।
ভৌমবারে নিশীথে বা অমাবস্যাদিনে শুভে ॥ ৪৭॥
মাষভক্তবলিং ছাগং কৃসরান্নং চ পাযসম্ ।
দগ্ধমীনং শোণিতঞ্চ দধি দুগ্ধ গুডার্দ্রকম্ ॥ ৪৮॥
বলিং দত্বা জপেত্ তত্র ত্বষ্টোত্তরসহস্রকম্ ।
দেব-গন্ধর্ব-সিদ্ধৌধৈঃ সেবিতাং সুরসুন্দরীম্ ॥ ৪৯॥
লভেদ্দেবেশি মাসেন তস্য চাসন সংহতিঃ ।
হস্তত্রযং ভবেদূর্ধ্বং নাত্র কার্যা বিচারণা ॥ ৫০॥
হেলযা লীলযা ভক্ত্যা কালীং স্তৌতি নরস্তু যঃ ।
ব্রহ্মাদীংস্সতম্ভযেদ্দেবি মাহেশীং মোহযেত্ক্ষণাত্ ॥ ৫১॥
আকর্ষযেন্মহাবিদ্যাং দশপূর্বান্ ত্রিযামতঃ ।
কুর্বীত বিষ্ণুনির্ম্মাণং যমাদীনাং তু মারণম্ ॥ ৫২॥
ধ্রুবমুচ্চাটযেন্নূনং সৃষ্টিনূতনতাং নরঃ ।
মেষমাহিষমার্জারখরচ্ছাগনরাদিকৈঃ ॥ ৫৩॥
খঙ্গিশূকরকাপোতৈষ্টিট্টিভৈঃ শশকৈঃ পলৈঃ ।
শোণিতৈঃ সাস্থিমাংসৈশ্চ কারণ্ডৈর্দুগ্ধপাযসৈঃ ॥ ৫৪॥
কাদম্বরীসিন্ধুমদ্যৈঃ সুরারিষ্টৈশ্চ সাসবৈঃ ।
যোনিক্ষালিততোযৈশ্চ যোনিলিঙ্গামৃতৈরপি ॥ ৫৫॥
স্বজাতকুসুমৈঃ পূজ্যা জপান্তে তর্পযেচ্ছিবাম্ ।
সর্বসাম্রাজ্যনাম্না তু স্তুত্বা নত্বা স্বশক্তিতঃ ॥ ৫৬॥
শক্ত্যা লভন্ পঠেত্ স্তোত্রং কালীরূপো দিনত্রযাত্ ।
দক্ষিণাকালিকা তস্য গেহে তিষ্ঠতি নান্যথা ॥ ৫৭॥
বেশ্যালতাগৃহে গত্বা তস্যাশ্চুম্বনতত্পরঃ ।
তস্যা যোনৌ মুখং দত্বা তদ্রসং বিলিহঞ্জপেত্ ॥ ৫৮॥
তদন্তে নাম সাহস্রং পঠেদ্ভক্তিপরাযণঃ ।
কালিকাদর্শনং তস্য ভবেদ্দেবি ত্রিযামতঃ ॥ ৫৯॥
নৃত্যপাত্রগৃহে গত্বা মকারপঞ্চকান্বিতঃ ।
প্রসূনমঞ্চে সংস্থাপ্য শক্তিন্যাসপরাযণঃ ॥ ৬০॥
পাত্রাণাং সাধনং কৃত্বা দিগ্বস্ত্রাং তাং সমাচরেত্ ।
সম্ভাব্য চক্রং তন্মূলে তত্র সাবরণাং জপেত্ ॥ ৬১॥
শতং ভালে শতং কেশে শতং সিন্দূরমণ্ডলে ।
শতত্রযং কুচদ্বন্দ্বে শতং নাভৌ মহেশ্বরি ॥ ৬২॥
শতং যোনৌ মহেশানি সংযোগে চ শতত্রযম্ ।
জপেত্তত্র মহেশানি তদন্তে প্রপঠেত্স্তবম্ ॥ ৬৩॥
শতাবধানো ভবতি মাসমাত্রেণ সাধকঃ ।
মাতঙ্গিনীং সমানীয কিং বা কাপালিনীং শিবে ॥ ৬৪॥
দন্তমালা জপে কার্যা গলে ধার্যা নৃমুণ্ডজা ।
নেত্রপদ্মে যোনিচক্রং শক্তিচক্রং স্ববক্ত্রকে ॥ ৬৫॥
কৃত্বা জপেন্মহেশানি মুণ্ডযন্ত্রং প্রপূজযেত্ ।
মুণ্ডাসনস্থিতো বীরো মকারপঞ্চকান্বিতঃ ॥ ৬৬॥
অন্যামালিঙ্গয প্রজপেদন্যাং সঞ্চুম্ব্য বৈ পঠেত্ ।
অন্যাং সম্পূজযেত্তত্র ত্বন্যাং সম্মর্দ্দযন্ জপেত্ ॥ ৬৭॥
অন্যযোনৌ শিবং দত্বা পুনঃ পূর্ববদাচরেত্ ।
অবধানসহস্রেষু শক্তিপাতশতেষু চ ॥ ৬৮॥
রাজা ভবতি দেবেশি মাসপঞ্চকযোগতঃ ।
যবনীশক্তিমানীয গানশক্তিপরাযণম্ ॥ ৬৯॥
কুলাচারমতেনৈব তস্যা যোনিং বিকাসযেত্ ।
তত্র প্রদায জিহ্বাং তু জপেন্নামসহস্রকম্ ॥ ৭০॥
নৃকপালে তত্র দীপং জপেত্প্রজ্বাল্য যত্নতঃ ।
মহাকবিবরো ভূযান্নাত্র কার্যা বিচারণা ॥ ৭১॥
কামার্তাং শক্তিমানীয যোনৌ তু মূলচক্রকম্ ।
বিলিখ্য পরমেশানি তত্র মন্ত্রং লিখেচ্ছিবে ॥ ৭২॥
তল্লিহন্ প্রজপেদ্দেবি সর্বশাস্ত্রার্থতত্ববিত্ ।
অশ্রুতানি চ শাস্ত্রাণি বেদাদীন্ পাঠযেদ্ ধ্রুবম্ ॥ ৭৩॥
বিনা ন্যাসৈর্বিনা পাঠৈর্বিনাধ্যানাদিভিঃ প্রিযে ।
চতুর্বেদাধিপো ভূত্বা ত্রিকালজ্ঞস্ত্রিবর্ষতঃ ॥ ৭৪॥
চতুর্বিধং চ পাণ্ডিত্যং তস্য হস্তগতং ক্ষণাত্ ।
শিবাবলিঃ প্রদাতব্যঃ সর্বদা শূন্যমণ্ডলে ॥ ৭৫॥
কালীধ্যানং মন্ত্রর্চিতা নীলসাধনমেব চ ।
সহস্রনামপাঠশ্চ কালীনামপ্রকীর্তনম্ ॥ ৭৬॥
ভক্তস্য কার্যমেতাবদন্যদভ্যুদযং বিদুঃ ।
বীরসাধনকং কর্ম শিবাপূজা বলিস্তথা ॥ ৭৭॥
সিন্দূরতিলকো দেবি বেশ্যালাপো নিরন্তরম্ ।
বেশ্যাগৃহে নিশাচারো রাত্রৌ পর্যটনং তথা ॥ ৭৮॥
শক্তিপূজা যোনিদৃষ্টিঃ খঙ্গহস্তো দিগম্বরঃ ।
মুক্তকেশো বীরবেষঃ কুলমূর্তিধরো নরঃ ॥ ৭৯॥
কালীভক্তো ভবেদ্দেবি নান্যথা ক্ষেমমাপ্নুযাত্ ।
দুগ্ধাস্বাদী যোনিলেহী সংবিদাসবঘূর্ণিতঃ ॥ ৮০॥
বেশ্যালতাসমাযোগান্মাসাত্কল্পলতা স্বযম্ ।
বেশ্যাচক্রসমাযোগাত্কালীচক্রসমঃ স্বযম্ ॥ ৮১॥
বেশ্যাদেহসমাযোগাত্ কালীদেহসমঃ স্বযম্ ।
বেশ্যামধ্যগতং বীরং কদা পশ্যামি সাধকম্ ॥ ৮২॥
এবং বদতি সা কালী তস্মাদ্বেশ্যা বরা মতা ।
বেশ্যা কন্যা তথা পীঠজাতিভেদকুলক্রমাত্ ॥ ৮৩॥
অকুলক্রমভেদেন জ্ঞাত্বা চাপি কুমারিকাম্ ।
কুমারীং পূজযেদ্ভক্ত্যা জপান্তে ভবনে প্রিযে ॥ ৮৪॥
পঠেন্নামসহস্রং যঃ কালীদর্শনভাগ্ ভবেত্ ।
ভক্ত্যা কুমারীং সম্পূজ্য বৈশ্যাকুল সমুদ্ভবাম্ ॥ ৮৫॥
বস্ত্র হেমাদিভিস্তোষ্যা যত্নাত্স্তোত্রং পঠেচ্ছিবে ।
ত্রৈলোক্য বিজযী ভূযাদ্দিবা চন্দ্রপ্রকাশকঃ ॥ ৮৬॥
যদ্যদ্দত্তং কুমার্যৈ তু তদনন্তফলং ভবেত্ ।
কুমারীপূজনফলং মযা বক্তুং ন শক্যতে ॥ ৮৭॥
চাঞ্চল্যাদ্দুরিতং কিঞ্চিত্ক্ষম্যতামযমঞ্জলিঃ ।
একা চেত্পূজিতা বালা দ্বিতীযা পূজিতা ভবেত্ ॥ ৮৮॥
কুমার্যঃ শক্তযশ্চৈব সর্বমেতচরাচরম্ ।
শক্তিমানীয তদ্গাত্রে ন্যাসজালং প্রবিন্যসেত্ ॥ ৮৯॥
বামভাগে চ সংস্থাপ্য জপেন্নামসহস্রকম্ ।
সর্বসিদ্ধীশ্বরো ভূযান্নাত্র কার্য্যা বিচারণা ॥ ৯০॥
শ্মশানস্থো ভবেত্স্বস্থো গলিতং চিকুরং চরেত্ ।
দিগম্বরঃ সহস্রং চ সূর্যপুষ্পং সমানযেত্ ॥ ৯১॥
স্ববীর্যেণ প্লুতং কৃত্বা প্রত্যেকং প্রজপন্ হুনেত্ ।
পূজ্য ধ্যাত্বা মহাভক্ত্যা ক্ষমাপালো নরঃ পঠেত্ ॥ ৯২॥
নখং কেশং স্ববীর্যং চ যদ্যত্সম্মার্জনীগতম্ ।
মুক্তকেশো দিশাবাসো মূলমন্ত্রপুরঃসরঃ ॥ ৯৩॥
কুজবারে মধ্যরাত্রে হোমং কৃত্বা শ্মশানকে ।
পঠেন্নামসহস্রং যঃ পৃথ্বীশাকর্ষকো ভবেত্ ॥ ৯৪॥
পুষ্পযুক্তে ভগে দেবি সংযোগানন্দতত্পরঃ ।
পুনশ্চিকুরমাসাদ্য মূলমন্ত্রং জপন্ শিবে ॥ ৯৫॥
চিতাবহ্নৌ মধ্যরাত্রে বীর্যমুত্সার্য যত্নতঃ ।
কালিকাং পূজযেত্তত্র পঠেন্নাম সহস্রকম্ ॥ ৯৬॥
পৃথ্বীশাকর্ষণং কুর্যান্নাত্র কার্যা বিচারণা ।
কদলী বনমাসাদ্য লক্ষমন্ত্রং জপেন্নরঃ ॥ ৯৭॥
মধুমত্যা স্বযং দেব্যা সেব্যমানঃ স্মরোপমঃ ।
শ্রীমধুমতীত্যুক্ত্বা তথা স্থাবরজঙ্গমান্ ॥ ৯৮॥
আকর্ষিণীং সমুচ্চার্য ঠংঠং স্বাহা সমুচ্চরেত্ ।
ত্রৈলোক্যাকর্ষিণী বিদ্যা তস্য হস্তে সদা ভবেত্ ॥ ৯৯॥
নদীং পুরীং চ রত্নানি হেমস্ত্রীশৈলভূরুহান্ ।
আকর্ষযত্যম্বুনিধিং সুমেরুং চ দিগন্ততঃ ॥ ১০০॥
অলভ্যানি চ বস্তূনি দূরাদ্ভূমিতলাদপি ।
বৃত্তান্তং চ সুরস্থানাদ্রহস্যে বিদুষামপি ॥ ১০১॥
রাজ্ঞাং চ কথযত্যেষা সত্যং সত্বরমাদিশেত্ ।
দ্বিতীযবর্ষপাঠেন ভবেত্পদ্মাবতী শুভা ॥ ১০২॥
ॐ হ্রীংপদ্মাবতি পদং ততস্ত্রৈলোক্যনাম চ ।
বার্তাং চ কথয দ্বন্দ্বং স্বাহান্তো মন্ত্র ঈরিতঃ ॥ ১০৩॥
ব্রহ্মবিষ্ণ্বাদিকানাং চ ত্রৈলোক্যে যাদৃশী ভবেত্ ।
সর্ব বদতি দেবেশী ত্রিকালজ্ঞঃ কবিশ্শুভঃ ॥ ১০৪॥
ত্রিবর্ষং সম্পঠন্দেবি লভেদ্ভোগবতীং কলাম্ ।
মহাকালেন দৃষ্টোঽপি চিতামধ্যগতোঽপি বা ॥ ১০৫॥
তস্যা দর্শনমাত্রেণ চিরঞ্জীবী নরো ভবেত্ ।
মৃতসঞ্জীবিনীত্যুক্ত্বা মৃতমুত্থাপয দ্বযম্ ॥ ১০৬॥
স্বাহান্তো মনুরাখ্যাতো মৃতসঞ্জীবনাত্মকঃ ।
চতুর্বর্ষং পঠেদ্যস্তু স্বপ্নসিদ্ধিস্ততো ভবেত্ ॥ ১০৭॥
ॐ হ্রীং স্বপ্নবারাহি কালিস্বপ্নে কথযোচ্চরেত্ ।
অমুকস্যাঽমুকং দেহি ক্লীং স্বাহান্তো মনুর্মতঃ ॥ ১০৮॥
স্বপ্নসিদ্ধা চতুর্বর্ষাত্তস্য স্বপ্নে সদা স্থিতা ।
চতুর্বর্ষস্য পাঠেন চতুর্বেদাধিপো ভবেত্ ॥ ১০৯॥
তদ্ধস্তজলসংযোগান্মূর্খঃ কাব্যং করোতি চ ।
তস্য বাক্যপরিচযান্মূর্তির্বিন্দতি কাব্যতাম্ ॥ ১১০॥
মস্তকে তু করং কৃত্বা বদ বাণীমিতি ব্রুবন্ ।
সাধকো বাঞ্ছযা কুর্যাত্তত্তথৈব ভবিষ্যতি ॥ ১১১॥
ব্রহ্মাণ্ডগোলকে যাশ্চ যাঃ কাশ্চিজ্জগতীতলে ।
সমস্তাঃ সিদ্ধযো দেবি করামলকবত্সদা ॥ ১১২॥
সাধকস্মৃতিমাত্রেণ যাবন্ত্যঃ সন্তি সিদ্ধযঃ ।
স্বযমাযান্তি পুরতো জপাদীনাং তু কা কথা ॥ ১১৩॥
বিদেশবর্তিনো ভূত্বা বর্তন্তে চেটকা ইব ।
অমাযাং চন্দ্রসন্দর্শশ্চন্দ্রগ্রহণমেব চ ॥ ১১৪॥
অষ্টম্যাং পূর্ণচন্দ্রত্বং চন্দ্রসূর্যাষ্টকং তথা ।
অষ্টদিক্ষু তথাষ্টৌ চ করোত্যেব মহেশ্বরি ॥ ১১৫॥
অণিমা খেচরত্বং চ চরাচরপুরীগতম্ ।
পাদুকাখঙ্গবেতালযক্ষিণীগুহ্যকাদযঃ ॥ ১১৬॥
তিলকোগুপ্ততাদৃশ্যং চরাচরকথানকম্ ।
মৃতসঞ্জীবিনীসিদ্ধির্গুটিকা চ রসাযনম্ ॥ ১১৭॥
উড্ডীনসিদ্ধির্দেবেশি ষষ্টিসিদ্ধীশ্বরত্বকম্ ।
তস্য হস্তে বসেদ্দেবি নাত্র কার্যা বিচারণা ॥ ১১৮॥
কেতৌ বা দুন্দুভৌ বস্ত্রে বিতানে বেষ্টনেগৃহে ।
ভিত্তৌ চ ফলকে দেবি লেখ্যং পূজ্যং চ যত্নতঃ ॥ ১১৯॥
মধ্যে চক্রং দশাঙ্গোক্তং পরিতো নামলেখনম্ ।
তদ্ধারণান্মহেশানি ত্রৈলোক্যবিজযী ভবেত্ ॥ ১২০॥
একো হি শতসাহস্রং নির্জিত্য চ রণাঙ্গণে ।
পুনরাযাতি চ সুখং স্বগৃহং প্রতি পার্বতী ॥ ১২১॥
একো হি শতসন্দর্শী লোকানাং ভবতি ধ্রুবম্ ।
কলশং স্থাপ্য যত্নেন নামসাহস্রকং পঠেত্ ॥ ১২২॥
সেকঃ কার্যো মহেশানি সর্বাপত্তিনিবারণে ।
ভূতপ্রেতগ্রহাদীনাং রাক্ষসাং ব্রহ্মরাক্ষসাম্ ॥ ১২৩॥
বেতালানাং ভৈরবাণাং স্কন্দবৈনাযকাদিকান্ ।
নাশযেত্ ক্ষণমাত্রেণ নাত্র কার্যা বিচারণা ॥ ১২৪॥
ভস্মভির্মন্ত্রিতং কৃত্বা গ্রহগ্রস্তং বিলেপযেত্ ।
ভস্মসংক্ষেপণাদেব সর্বগ্রহবিনাশনম্ ॥ ১২৫॥
নবনীতং চাভিমন্ত্র্য স্ত্রীভ্যো দদ্যান্মহেশ্বরি ।
বন্ধ্যা পুত্রপ্রদাং দেবি নাত্র কার্যা বিচারণা ॥ ১২৬॥
কণ্ঠে বা বামবাহৌ বা যোনৌ বা ধারণাচ্ছিবে ।
বহুপুত্রবতী নারী সুভগা জাযতে ধ্রুবম্ ॥ ১২৭॥
পুরুষো দক্ষিণাঙ্গে তু ধারযেত্সর্বসিদ্ধযে ।
বলবান্কীর্তিমান ধন্যোধার্মিকঃ সাধকঃ কৃতী ॥ ১২৮॥
বহুপুত্রী রথানাং চ গজানামধিপঃ সুধীঃ ।
কামিনীকর্ষণোদ্যুক্তঃ ক্রীং চ দক্ষিণকালিকে ॥ ১২৯॥
ক্রীং স্বাহা প্রজপেন্মন্ত্রমযুতং নামপাঠকঃ ।
আকর্ষণং চরেদ্দেবি জলখেচরভূগতান্ ॥ ১৩০॥
বশীকরণকামো হি হূঁ হূঁ হ্রীং হ্রীং চ দক্ষিণে ।
কালিকে পূর্ববীজানি পূর্ববত্প্রজপন্ পঠেত্ ॥ ১৩১॥
উর্বশীমপি বসযেন্নাত্র কার্যা বিচারণা ।
ক্রীং চ দক্ষিণকালিকে স্বাহা যুক্তং জপেন্নরঃ ॥ ১৩২॥
পঠেন্নামসহস্রং তু ত্রৈলোক্যং মারযেদ্ধ্রুবম্ ।
সদ্ভক্তায প্রদাতব্যা বিদ্যা রাজ্ঞি শুভে দিনে ॥ ১৩৩॥
সদ্বিনীতায শান্তায দান্তাযাতিগুণায চ ।
ভক্তায জ্যেষ্ঠপুত্রায গুরুভক্তিপরায চ ॥ ১৩৪॥
বৈষ্ণবায প্রশুদ্ধায শিবাবলিরতায চ ।
বেশ্যাপূজনযুক্তায কুমারীপূজকায চ ॥ ১৩৫॥
দুর্গাভক্তায রৌদ্রায মহাকালপ্রজাপিনে ।
অদ্বৈতভাবযুক্তায কালীভক্তিপরায চ ॥ ১৩৬॥
দেযং সহস্রনামাখ্যং স্বযং কাল্যা প্রকাশিতম্ ।
গুরুদৈবতমন্ত্রাণাং মহেশস্যাপি পার্বতি ॥ ১৩৭॥
অভেদেন স্মরেন্মন্ত্রং স শিবঃ স গণাধিপঃ ।
যো মন্ত্রং ভাবযেন্মন্ত্রী স শিবো নাত্র সংশযঃ ॥ ১৩৮॥
স শাক্তো বৈষ্ণবস্সৌরঃ স এবং পূর্ণদীক্ষিতঃ ।
অযোগ্যায ন দাতব্যং সিদ্ধিরোধঃ প্রজাযতে ॥ ১৩৯॥
বেশ্যাস্ত্রীনিন্দকাযাথ সুরাসংবিত্প্রনিন্দকে ।
সুরামুখো মনুং স্মৃত্বা সুরাচার্যো ভবিষ্যতি ॥ ১৪০॥
বাগ্দেবতা ঘোরে আসাপরঘারে চ হূঁ বদেত্ ।
ঘোররূপে মহাঘোরে মুখীভীমপদং বদেত্ ॥ ১৪১॥
ভীষণ্যমুষ্যষষ্ঠ্যন্তং হেতুর্বামযুগে শিবে ।
শিববহ্নিযুগাস্ত্রং হূঁ হূঁ কবচমনুর্ভবেত্ ॥ ১৪২॥
এতস্য স্মরণাদেব দুষ্টানাং চ মুখে সুরা ।
অবতীর্ণা ভবদ্দেবি দুষ্টানাং ভদ্রনাশিনী ॥ ১৪৩॥
খলায পরতন্ত্রায পরনিন্দাপরায চ ।
ভ্রষ্টায দুষ্টসত্বায পরবাদরতায চ ॥ ১৪৪॥
শিবাভক্তায দুষ্টায পরদাররতায চ ।
ন স্তোত্রং দর্শযেদ্দেবি শিবহত্যাকরো ভবেত্ ॥ ১৪৫॥
কালিকানন্দহৃদযঃ কালিকাভক্তিমানসঃ ।
কালীভক্তো ভবেত্সোঽযং ধন্যরূপঃ স এব তু ॥ ১৪৬॥
কলৌ কালী কলৌ কালী কলৌ কালী বরপ্রদা ।
কলৌ কালী কলৌ কালী কলৌ কালী তু কেবলা ॥ ১৪৭॥
বিল্বপত্রসহস্রাণি করবীরাণি বৈ তথা ।
প্রতিনাম্না পূজযেদ্ধি তেন কালী বরপ্রদা ॥ ১৪৮॥
কমলানাং সহস্রং তু প্রতিনাম্না সমর্পযেত্ ।
চক্রং সম্পূজ্য দেবেশি কালিকাবরমাপ্নুযাত্ ॥ ১৪৯॥
মন্ত্রক্ষোভযুতো নৈব কলশস্থজলেন চ ।
নাম্না প্রসেচযেদ্দেবি সর্বক্ষোভবিনাশকৃত্ ॥ ১৫০॥
তথা দমনকং দেবি সহস্রমাহরেদ্ব্রতী ।
সহস্রনাম্না সম্পূজ্য কালীবরমবাপ্নুযাত্ ॥ ১৫১॥
চক্রং বিলিখ্য দেহস্থং ধারযেত্কালিকাতনুঃ ।
কাল্যৈ নিবেদিতং যদ্যত্তদংশং ভক্ষযেচ্ছিবে ॥ ১৫২॥
দিব্যদেহধরো ভূত্বা কালীদেহে স্থিতো ভবেত্ ।
নৈবেদ্যনিন্দকান্ দুষ্টান্ দৃষ্ট্বা নৃত্যন্তি ভৈরবা ॥ ১৫৩॥
যোগিন্যশ্চ মহাবীরা রক্তপানোদ্যতাঃ প্রিযে ।
মাংসাস্থিচর্মণোদ্যুক্তা ভক্ষযন্তি ন সংশযঃ ॥ ১৫৪॥
তস্মান্ন নিন্দযেদ্দেবি মনসা কর্মণা গিরা ।
অন্যথা কুরুতে যস্তু তস্য নাশো ভবিষ্যতি ॥ ১৫৫॥
ক্রমদীক্ষাযুতানাং চ সিদ্ধির্ভবতি নান্যথা ।
মন্ত্রক্ষোভশ্চ বা ভূযাত্ ক্ষীণাযুর্বা ভবেদ্ধ্রুবম্ ॥ ১৫৬॥
পুত্রহারী স্ত্রিযোহারী রাজ্যহারী ভবেদ্ধ্রুবম্ ।
ক্রমদীক্ষাযুতো দেবি ক্রমাদ্রাজ্যমবাপ্নুযাত্ ॥ ১৫৭॥
একবারং পঠেদ্দেবি সর্বপাপবিনাশনম্ ।
দ্বিবারং চ পঠেদ্যো হি বাঞ্ছাং বিন্দতি নিত্যশঃ ॥ ১৫৮॥
ত্রিবারং চ পঠেদ্যস্তু বাগীশসমতাং ব্রজেত্ ।
চতুর্বারং পঠেদ্দেবি চতুর্বর্ণাধিপো ভবেত্ ॥ ১৫৯॥
পঞ্চবারং পঠেদ্দেবি পঞ্চকামাধিপো ভবেত্ ।
ষড্বারং চ পঠেদ্দেবি ষডৈশ্বর্যাধিপো ভবেত্ ॥ ১৬০॥
সপ্তবারং পঠেত্সপ্তকামনাং চিন্তিতং লভেত্ ।
বসুবারং পঠেদ্দেবি দিগীশো ভবতি ধ্রুবম্ ॥ ১৬১॥
নববারং পঠেদ্দেবি নবনাথসমো ভবেত্ ।
দশবারং কীর্ত্তযেদ্যো দশার্হঃ খেচরেশ্বরঃ ॥ ১৬২॥
বিংশতিবারং কীর্তযেদ্যঃ সর্বৈশ্বর্যমযো ভবেত্ ।
পঞ্চবিংশতিবারৈস্তু সর্বচিন্তাবিনাশকঃ ॥ ১৬৩॥
পঞ্চাশদ্বারমাবর্ত্য পঞ্চভূতেশ্বরো ভবেত্ ।
শতবারং কীর্ত্তযেদ্যঃ শতাননসমানধীঃ ॥ ১৬৪॥
শতপঞ্চকমাবর্ত্য রাজরাজেশ্বরো ভবেত্ ।
সহস্রাবর্তনাদ্দেবি লক্ষ্মীরাবৃণুতে স্বযম্ ॥ ১৬৫॥
ত্রিসহস্রং সমাবর্ত্য ত্রিনেত্রসদৃশো ভবেত্ ।
পঞ্চ সাহস্রমাবর্ত্য কামকোটি বিমোহনঃ ॥ ১৬৬॥
দশসাহস্রমাবর্ত্য ভবেদ্দশমুখেশ্বরঃ ।
পঞ্চবিংশতিসাহস্রৈ চ চতুর্বিংশতিসিদ্ধিধৃক্ ॥ ১৬৭॥
লক্ষাবর্তনমাত্রেণ লক্ষ্মীপতিসমো ভবেত্ ।
লক্ষত্রযাবর্ত্তনাত্তু মহাদেবং বিজেষ্যতি ॥ ১৬৮॥
লক্ষপঞ্চকমাবর্ত্য কলাপঞ্চকসংযুতঃ ।
দশলক্ষাবর্ত্তনাত্তু দশবিদ্যাপ্তিরুত্তমা ॥ ১৬৯॥
পঞ্চবিংশতিলক্ষৈস্তু দশবিদ্যেশ্বরো ভবেত্ ।
পঞ্চাশল্লক্ষমাবৃত্য মহাকালসমো ভবেত্ ॥ ১৭০॥
কোটিমাবর্ত্তযেদ্যস্তু কালীং পশ্যতি চক্ষুষা ।
বরদানোদ্যুক্তকরাং মহাকালসমন্বিতাম্ ॥ ১৭১॥
প্রত্যক্ষং পশ্যতি শিবে তস্যা দেহো ভবেদ্ধ্রুবম্ ।
শ্রীবিদ্যাকালিকাতারাত্রিশক্তিবিজযী ভবেত্ ॥ ১৭২॥
বিধের্লিপিং চ সম্মার্জ্য কিঙ্করত্বং বিসৃজ্য চ ।
মহারাজ্যমবাপ্নোতি নাত্র কার্যা বিচারণা ॥ ১৭৩॥
ত্রিশক্তিবিষযে দেবিক্রমদীক্ষা প্রকীর্তিতা ।
ক্রমদীক্ষাযুতো দেবি রাজা ভবতি নিশ্চিতম্ ॥ ১৭৪॥
ক্রমদীক্ষাবিহীনস্য ফলং পূর্বমিহেরিতম্ ।
ক্রমদীক্ষাযুতো দেবি শিব এব ন চাপরঃ ॥ ১৭৫॥
ক্রমদীক্ষাসমাযুক্তঃ কাল্যুক্তসিদ্ধিভাগ্ভবেত্ ।
ক্রমদীক্ষাবিহীনস্য সিদ্ধিহানিঃ পদে পদে ॥ ১৭৬॥
অহো জন্মবতাং মধ্যে ধন্যঃ ক্রমযুতঃ কলৌ ।
তত্রাপি ধন্যো দেবেশি নামসাহস্রপাঠকঃ ॥ ১৭৭॥
দশকালীবিদ্যৌ দেবি স্তোত্রমেতত্সদা পঠেত্ ।
সিদ্ধিং বিন্দতি দেবেশি নাত্র কার্যা বিচারণা ॥ ১৭৮॥
কাকী কালী মহাবিদ্যা কলৌ কালী চ সিদ্ধিদা ।
কলৌ কালী চ সিদ্ধা চ কলৌ কালী বরপ্রদা ॥ ১৭৯॥
কলৌ কালী সাধকস্য দর্শনার্থং সমুদ্যতা ।
কলৌ কালী কেবলা স্যান্নাত্র কার্যা বিচারণা ॥ ১৮০॥
নান্যবিদ্যা নান্যবিদ্যা নান্যবিদ্যা কলৌ ভবেত্ ।
কলৌ কালীং বিহাযাথ যঃ কশ্চিত্সিদ্ধিকামুকঃ ॥ ১৮১॥
স তু শক্তিং বিনা দেবি রতিসম্ভোগমিচ্ছতি ।
কলৌ কালীং বিনা দেবি যঃ কশ্চিত্সিদ্ধিমিচ্ছতি ॥ ১৮২॥
স নীলসাধনং ত্যক্ত্বা পরিভ্রমতি সর্বতঃ ।
কলৌ কালী বিহাযাথ যঃ কশ্চিন্মোক্ষমিচ্ছতি ॥ ১৮৩॥
গুরুধ্যানং পরিত্যজ্য সিদ্ধিমিচ্ছতি সাধকঃ ।
কলৌ কালী বিহাযাথ যঃ কশ্চিদ্রাজ্যমিচ্ছতি ॥ ১৮৪॥
স ভোজন পরিত্যজ্য ভিক্ষুবৃত্তিমভীপ্সতি ।
স ধন্যঃ স চ বিজ্ঞানী স এব সুরপূজিতঃ ॥ ১৮৫॥
স দীক্ষিতঃ সুখী সাধুঃ সত্যবাদী জিতেন্দ্রিযঃ ।
স বেদবক্তা স্বাধ্যাযী নাত্র কার্যা বিচারণা ॥ ১৮৬॥
শিবরূপং গুরুং ধ্যাত্বা শিবরূপং গুরুং স্মরেত্ ।
সদাশিবঃ স এব স্যানাত্র কার্যা বিচারণা ॥ ১৮৭॥
স্বস্মিন্ কালীং তু সম্ভাব্য পূজযেজ্জগদম্বিকাম্ ।
ত্রৈলোক্যবিজযী ভূযান্নাত্র কার্য্যা বিচারণা ॥ ১৮৮॥
গোপনীযং গোপনীযং গোপনীযং প্রযত্নতঃ ।
রহস্যাতিরহস্যং চ রহস্যাতিরহস্যকম্ ॥ ১৮৯॥
শ্লোকার্দ্ধং পাদমাত্রং বা পাদাদর্ধং চ তদর্ধকম্ ।
নামার্ধং যঃ পঠেদ্দেবি ন বন্ধ্যদিবসং ন্যসেত্ ॥ ১৯০॥
পুস্তকং পূজযেদ্ভক্ত্যা ত্বরিতং ফলসিদ্ধযে ।
ন চ মারীভযং তত্র ন চাগ্নির্বাযুসম্ভবম্ ॥ ১৯১॥
ন ভূতাদিভযং তত্র সর্বত্র সুখমেধতে ।
কুঙ্কুমাঽলক্তকেনৈব রোচনাঽগরুযোগতঃ ॥ ১৯২॥
ভূর্জপত্রে লিখেত্ পুস্তং সর্বকামার্থসিদ্ধযে ।
ইতি সংক্ষেপতঃ প্রোক্তং কিমন্যচ্ছ্রোতুমিচ্ছসি ॥ ১৯৩॥
ইতি গদিতমশেষং কালিকাবর্ণরূপং ।
প্রপঠতি যদি ভক্ত্যা সর্বসিদ্ধীশ্বরঃ স্যাত্ ॥ ১৯৪॥
অভিনবসুখকামঃ সর্ববিদ্যাভিরামো
ভবতি সকলসিদ্ধিধঃ সর্ববীরাসমৃদ্ধিঃ ॥ ১৯৫॥
॥ ইতি শ্রীমদাদিনাথমহাকালবিরচিতাযাং মহাকালসংহিতাযাং
কালকালীসংবাদে সুন্দরীশক্তিদানাখ্যং কালীস্বরূপ
মেধাসাম্রাজ্যপ্রদং সহস্রনামস্তোত্রং সম্পূর্ণম্ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ত্oday
http://sanskritdocuments.org
Kakaradi Kali Sahasranama Stotram Lyrics in Bengali PDF
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website