ಕಕಾರಾದಿ ಕಾಲೀಸಹಸ್ರನಾಮಸ್ತೋತ್ರಮ್
{॥ ಕಕಾರಾದಿ ಕಾಲೀಸಹಸ್ರನಾಮಸ್ತೋತ್ರಮ್ ॥}
ಶ್ರೀ ಗಣೇಶಾಯ ನಮಃ ।
ಕೈಲಾಸಶಿಖರೇ ರಮ್ಯೇ ನಾನಾದೇವಗಣಾವೃತೇ ।
ನಾನಾವೃಕ್ಷಲತಾಕೀರ್ಣೇ ನಾನಾಪುಷ್ಪೈರಲಙ್ಕೃತೇ ॥ ೧॥
ಚತುರ್ಮಣ್ಡಲಸಂಯುಕ್ತೇ ಶ್ರೃಙ್ಗಾರಮಣ್ಡಪೇ ಸ್ಥಿತೇ ।
ಸಮಾಧೌ ಸಂಸ್ಥಿತಂ ಶಾನ್ತಂ ಕ್ರೀಡನ್ತಂ ಯೋಗಿನೀಪ್ರಿಯಮ್ ॥ ೨॥
ತತ್ರ ಮೌನಧರಂ ದೃಷ್ಟ್ವಾ ದೇವೀ ಪೃಚ್ಛತಿ ಶಙ್ಕರಮ್ ।
ದೇವ್ಯುವಾಚ ।
ಕಿಂ ತ್ವಯಾ ಜಪ್ಯತೇ ದೇವ ಕಿಂ ತ್ವಯಾ ಸ್ಮರ್ಯ್ಯತೇ ಸದಾ ॥ ೩॥
ಸೃಷ್ಟಿಃ ಕುತ್ರ ವಿಲೀನಾಸ್ತಿ ಪುನಃ ಕುತ್ರ ಪ್ರಜಾಯತೇ ।
ಬ್ರಹ್ಮಾಣ್ಡಕಾರಣಂ ಯತ್ತತ್ ಕಿಮಾದ್ಯಂ ಕಾರಣಂ ಮಹತ್ ॥ ೪॥
ಮನೋರಥಮಯೀ ಸಿದ್ಧಿಸ್ತಥಾ ವಾಞ್ಛಾಮಯೀ ಶಿವ ।
ತೃತೀಯಾ ಕಲ್ಪನಾಸಿದ್ಧಿಃ ಕೋಟಿಸಿದ್ಧೀಶ್ವರಾತ್ಮಕಮ್ ॥ ೫॥
ಶಕ್ತಿಪಾತಾಷ್ಟದಶಕಂ ಚರಾಚರಪುರೀಗತಿಃ ।
ಮಹೇನ್ದ್ರಜಾಲಮಿನ್ದ್ರಾದಿಜಾಲಾನಾಂ ರಚನಾ ತಥಾ ॥ ೬॥
ಅಣಿಮಾದ್ಯಷ್ಟಕಂ ದೇವ ಪರಕಾಯಪ್ರವೇಶನಮ್ ।
ನವೀನಸೃಷ್ಟಿಕರಣಂ ಸಮುದ್ರಶೋಷಣಂ ತಥಾ ॥ ೭॥
ಅಮಾಯಾಂ ಚನ್ದ್ರಸನ್ದರ್ಶೋ ದಿವಾ ಚನ್ದ್ರಪ್ರಕಾಶನಮ್ ।
ಚನ್ದ್ರಾಷ್ಟಕಂ ಚಾಷ್ಟದಿಕ್ಷು ತಥಾ ಸೂರ್ಯಾಷ್ಟಕಂ ಶಿವ ॥ ೮॥
ಜಲೇ ಜಲಮಯತ್ವಂ ಚ ವಹ್ನೌ ವಹ್ನಿಮಯತ್ವಕಮ್ ।
ಬ್ರಹ್ಮ-ವಿಷ್ಣ್ವಾದಿ-ನಿರ್ಮಾಣಮಿನ್ದ್ರಾಣಾಂ ಕಾರಣಂ ಕರೇ ॥ ೯॥
ಪಾತಾಲಗುಟಿಕಾ-ಯಕ್ಷ-ವೇತಾಲಪಞ್ಚಕಂ ತಥಾ ।
ರಸಾಯನಂ ತಥಾ ಗುಪ್ತಿಸ್ತಥೈವ ಚಾಖಿಲಾಞ್ಜನಮ್ ॥ ೧೦॥
ಮಹಾಮಧುಮತೀ ಸಿದ್ಧಿಸ್ತಥಾ ಪದ್ಮಾವತೀ ಶಿವ ।
ತಥಾ ಭೋಗವತೀ ಸಿದ್ಧಿರ್ಯಾವತ್ಯಃ ಸನ್ತಿ ಸಿದ್ಧಯಃ ॥ ೧೧॥
ಕೇನ ಮನ್ತ್ರೇಣ ತಪಸಾ ಕಲೌ ಪಾಪಸಮಾಕುಲೇ ।
ಆಯುಷ್ಯಂ ಪುಣ್ಯರಹಿತೇ ಕಥಂ ಭವತಿ ತದ್ವದ ॥ ೧೨॥
ಶ್ರೀಶಿವ ಉವಾಚ ।
ವಿನಾ ಮನ್ತ್ರಂ ವಿನಾ ಸ್ತೋತ್ರಂ ವಿನೈವ ತಪಸಾ ಪ್ರಿಯೇ ।
ವಿನಾ ಬಲಿಂ ವಿನಾ ನ್ಯಾಸಂ ಭೂತಶುದ್ಧಿಂ ವಿನಾ ಪ್ರಿಯೇ ॥ ೧೩॥
ವಿನಾ ಧ್ಯಾನಂ ವಿನಾ ಯನ್ತ್ರಂ ವಿನಾ ಪೂಜಾದಿನಾ ಪ್ರಿಯೇ ।
ವಿನಾ ಕ್ಲೇಶಾದಿಭಿರ್ದೇವಿ ದೇಹದುಃಖಾದಿಭಿರ್ವಿನಾ ॥ ೧೪॥
ಸಿದ್ಧಿರಾಶು ಭವೇದ್ಯೇನ ತದೇವಂ ಕಥ್ಯತೇ ಮಯಾ ।
ಶೂನ್ಯೇ ಬ್ರಹ್ಮಣ್ಡಗೋಲೇ ತು ಪಞ್ಚಾಶಚ್ಛೂನ್ಯಮಧ್ಯಕೇ ॥ ೧೫॥
ಪಞ್ಚಶೂನ್ಯಸ್ಥಿತಾ ತಾರಾ ಸರ್ವಾನ್ತೇ ಕಾಲಿಕಾ ಸ್ಥಿತಾ ।
ಅನನ್ತ-ಕೋಟಿ ಬ್ರಹ್ಮಾಣ್ಡ ರಾಜದಣ್ಡಾಗ್ರಕೇ ಶಿವೇ ॥ ೧೬॥
ಸ್ಥಾಪ್ಯ ಶೂನ್ಯಾಲಯಂ ಕೃತ್ವಾ ಕೃಷ್ಣವರ್ಣಂ ವಿಧಾಯ ಚ ।
ಮಹಾನಿರ್ಗುಣರೂಪಾ ಚ ವಾಚಾತೀತಾ ಪರಾ ಕಲಾ ॥ ೧೭॥
ಕ್ರೀಡಾಯಾಂ ಸಂಸ್ಥಿತಾ ದೇವೀ ಶೂನ್ಯರೂಪಾ ಪ್ರಕಲ್ಪಯೇತ್ ।
ಸೃಷ್ಟೇರಾರಮ್ಭಕಾರ್ಯಾರ್ಥಂ ದೃಷ್ಟಾ ಛಾಯಾ ತಯಾ ಯದಾ ॥ ೧೮॥
ಇಚ್ಛಾಶಕ್ತಿಸ್ತು ಸಾ ಜಾತಾ ತಥಾ ಕಾಲೋ ವಿನಿರ್ಮಿತಃ ।
ಪ್ರತಿಬಿಮ್ಬಂ ತತ್ರ ದೃಷ್ಟಂ ಜಾತಾ ಜ್ಞಾನಾಭಿಧಾ ತು ಸಾ ॥ ೧೯॥
ಇದಮೇತತ್ಕಿಂವಿಶಿಷ್ಟಂ ಜಾತಂ ವಿಜ್ಞಾನಕಂ ಮುದಾ ।
ತದಾ ಕ್ರಿಯಾಽಭಿಧಾ ಜಾತಾ ತದೀಚ್ಛಾತೋ ಮಹೇಶ್ವರಿ ॥ ೨೦॥
ಬ್ರಹ್ಮಾಣ್ಡಗೋಲೇ ದೇವೇಶಿ ರಾಜದಣ್ಡಸ್ಥಿತಂ ಚ ಯತ್ ।
ಸಾ ಕ್ರಿಯಾ ಸ್ಥಾಪಯಾಮಾಸ ಸ್ವ-ಸ್ವಸ್ಥಾನಕ್ರಮೇಣ ಚ ॥ ೨೧॥
ತತ್ರೈವ ಸ್ವೇಚ್ಛಯಾ ದೇವಿ ಸಾಮರಸ್ಯಪರಾಯಣಾ ।
ತದಿಚ್ಛಾ ಕಥ್ಯತೇ ದೇವಿ ಯಥಾವದವಧಾರಯ ॥ ೨೨॥
ಯುಗಾದಿಸಮಯೇ ದೇವಿ ಶಿವಂ ಪರಗುಣೋತ್ತಮಮ್ ।
ತದಿಚ್ಛಾ ನಿರ್ಗುಣಂ ಶಾನ್ತಂ ಸಚ್ಚಿದಾನನ್ದವಿಗ್ರಹಮ್ ॥ ೨೩॥
ಶಾಶ್ವತಂ ಸುನ್ದರಂ ಶುದ್ಧಂ ಸರ್ವದೇವಯುತಂ ವರಮ್ ।
ಆದಿನಾಥಂ ಗುಣಾತೀತಂ ಕಾಲ್ಯಾ ಸಂಯುತಮೀಶ್ವರಮ್ ॥ ೨೪॥
ವಿಪರೀತರತಂ ದೇವಂ ಸಾಮರಸ್ಯಪರಾಯಣಮ್ ।
ಪೂಜಾರ್ಥಮಾಗತಂ ದೇವ-ಗನ್ಧರ್ವಾಽಪ್ಸರಸಾಂ ಗಣಮ್ ॥ ೨೫॥
ಯಕ್ಷಿಣೀಂ ಕಿನ್ನರೀಕನ್ಯಾಮುರ್ವಶ್ಯಾದ್ಯಾಂ ತಿಲೋತ್ತಮಾಮ್ ।
ವೀಕ್ಷ್ಯ ತನ್ಮಾಯಯಾ ಪ್ರಾಹ ಸುನ್ದರೀ ಪ್ರಾಣವಲ್ಲಭಾ ॥ ೨೬॥
ತ್ರೈಲೋಕ್ಯಸುನ್ದರೀ ಪ್ರಾಣಸ್ವಾಮಿನೀ ಪ್ರಾಣರಞ್ಜಿನೀ ।
ಕಿಮಾಗತಂ ಭವತ್ಯಾಽದ್ಯ ಮಮ ಭಾಗ್ಯಾರ್ಣವೋ ಮಹಾನ್ ॥ ೨೭॥
ಉಕ್ತ್ವಾ ಮೌನಧರಂ ಶಮ್ಭುಂ ಪೂಜಯನ್ತ್ಯಪ್ಸರೋಗಣಾಃ ।
ಅಪ್ಸರಸ ಊಚುಃ ।
ಸಂಸಾರಾತ್ತಾರಿತಂ ದೇವ ತ್ವಯಾ ವಿಶ್ವಜನಪ್ರಿಯ ॥ ೨೮॥
ಸೃಷ್ಟೇರಾರಮ್ಭಕಾರ್ಯ್ಯಾರ್ಥಮುದ್ಯುಕ್ತೋಽಸಿ ಮಹಾಪ್ರಭೋ ।
ವೇಶ್ಯಾಕೃತ್ಯಮಿದಂ ದೇವ ಮಙ್ಗಲಾರ್ಥಪ್ರಗಾಯನಮ್ ॥ ೨೯॥
ಪ್ರಯಾಣೋತ್ಸವಕಾಲೇ ತು ಸಮಾರಮ್ಭೇ ಪ್ರಗಾಯನಮ್ ।
ಗುಣಾದ್ಯಾರಮ್ಭಕಾಲೇ ಹಿ ವರ್ತ್ತತೇ ಶಿವಶಙ್ಕರ ॥ ೩೦॥
ಇನ್ದ್ರಾಣೀಕೋಟಯಃ ಸನ್ತಿ ತಸ್ಯಾಃ ಪ್ರಸವಬಿನ್ದುತಃ ।
ಬ್ರಹ್ಮಾಣೀ ವೈಷ್ಣವೀ ಚೈವ ಮಾಹೇಶೀ ಕೋಟಿಕೋಟಯಃ ॥ ೩೧॥
ತವ ಸಾಮರಸಾನನ್ದ ದರ್ಶನಾರ್ಥಂ ಸಮುದ್ಭವಾಃ ।
ಸಞ್ಜಾತಾಶ್ಚಾಗ್ರತೋ ದೇವ ಚಾಸ್ಮಾಕಂ ಸೌಖ್ಯಸಾಗರ ॥ ೩೨॥
ರತಿಂ ಹಿತ್ವಾ ಕಾಮಿನೀನಾಂ ನಾಽನ್ಯತ್ ಸೌಖ್ಯಂ ಮಹೇಶ್ವರ ।
ಸಾ ರತಿರ್ದೃಶ್ಯತೇಽಸ್ಮಾಭಿರ್ಮಹತ್ಸೌಖ್ಯಾರ್ಥಕಾರಿಕಾ ॥ ೩೩॥
ಏವಮೇತತ್ತು ಚಾಸ್ಮಾಭಿಃ ಕರ್ತವ್ಯಂ ಭರ್ತೃಣಾ ಸಹ ।
ಏವಂ ಶ್ರುತ್ವಾ ಮಹಾದೇವೋ ಧ್ಯಾನಾವಸ್ಥಿತಮಾನಸಃ ॥ ೩೪॥
ಧ್ಯಾನಂ ಹಿತ್ವಾ ಮಾಯಯಾ ತು ಪ್ರೋವಾಚ ಕಾಲಿಕಾಂ ಪ್ರತಿ ।
ಕಾಲಿ ಕಾಲಿ ರುಣ್ಡಮಾಲೇ ಪ್ರಿಯೇ ಭೈರವವಾದಿನೀ ॥ ೩೫॥
ಶಿವಾರೂಪಧರೇ ಕ್ರೂರೇ ಘೋರದ್ರಂಷ್ಟೇ ಭಯಾನಕೇ ।
ತ್ರೈಲೋಕ್ಯಸುನ್ದರಕರೀ ಸುನ್ದರ್ಯ್ಯಃ ಸನ್ತಿ ಮೇಽಗ್ರತಃ ॥ ೩೬॥
ಸುನ್ದರೀವೀಕ್ಷಣಂ ಕರ್ಮ ಕುರು ಕಾಲಿ ಪ್ರಿಯೇ ಶಿವೇ ।
ಧ್ಯಾನಂ ಮುಞ್ಚ ಮಹಾದೇವಿ ತಾ ಗಚ್ಛನ್ತಿ ಗೃಹಂ ಪ್ರತಿ ॥ ೩೭॥
ತವ ರೂಪಂ ಮಹಾಕಾಲಿ ಮಹಾಕಾಲಪ್ರಿಯಙ್ಕರಮ್ ।
ಏತಾಸಾಂ ಸುನ್ದರಂ ರೂಪಂ ತ್ರೈಲೋಕ್ಯಪ್ರಿಯಕಾರಕಮ್ ॥ ೩೮॥
ಏವಂ ಮಾಯಾಭ್ರಮಾವಿಷ್ಟೋ ಮಹಾಕಾಲೋ ವದನ್ನಿತಿ ।
ಇತಿ ಕಾಲವಚಃ ಶ್ರುತ್ವಾ ಕಾಲಂ ಪ್ರಾಹ ಚ ಕಾಲಿಕಾ ॥ ೩೯॥
ಮಾಯಯಾಽಽಚ್ಛಾದ್ಯ ಚಾತ್ಮಾನಂ ನಿಜಸ್ತ್ರೀರೂಪಧಾರಿಣೀ ।
ಇತಃ ಪ್ರಭೃತಿ ಸ್ತ್ರೀಮಾತ್ರಂ ಭವಿಷ್ಯತಿ ಯುಗೇ ಯುಗೇ ॥ ೪೦॥
ವಲ್ಲ್ಯಾದ್ಯೌಷಧಯೋ ದೇವಿ ದಿವಾ ವಲ್ಲೀಸ್ವರೂಪತಾಮ್ ।
ರಾತ್ರೌ ಸ್ತ್ರೀರೂಪಮಾಸಾದ್ಯ ರತಿಕೇಲಿಃ ಪರಸ್ಪರಮ್ ॥ ೪೧॥
ಅಜ್ಞಾನಂ ಚೈವ ಸರ್ವೇಷಾಂ ಭವಿಷ್ಯತಿ ಯುಗೇ ಯುಗೇ ।
ಏವಂ ಶಾಪಂ ಚ ದತ್ವಾ ತು ಪುನಃ ಪ್ರೋವಾಚ ಕಾಲಿಕಾ ॥ ೪೨॥
ವಿಪರೀತರತಿಂ ಕೃತ್ವಾ ಚಿನ್ತಯನ್ತಿ ಮನನ್ತಿ ಯೇ ।
ತೇಷಾಂ ವರಂ ಪ್ರದಾಸ್ಯಾಮಿ ನಿತ್ಯಂ ತತ್ರ ವಸಾಮ್ಯಹಮ್ ॥ ೪೩॥
ಇತ್ಯುಕ್ತ್ವಾ ಕಾಲಿಕಾ ವಿದ್ಯಾ ತತ್ರೈವಾನ್ತರಧೀಯತ ।
ತ್ರಿಂಶತ್-ತ್ರಿಖರ್ವ-ಷಡ್ವೃನ್ದ-ನವತ್ಯರ್ಬುದಕೋಟಯಃ ॥ ೪೪॥
ದರ್ಶನಾರ್ಥಂ ತಪಸ್ತೇಪೇ ಸಾ ವೈ ಕುತ್ರ ಗತಾ ಪ್ರಿಯಾ ।
ಮಮ ಪ್ರಾಣಪ್ರಿಯಾ ದೇವೀ ಹಾಹಾ ಪ್ರಾಣಪ್ರಿಯೇ ಶಿವೇ ॥ ೪೫॥
ಕಿಂ ಕರೋಮಿ ಕ್ವ ಗಚ್ಛಾಮಿ ಇತ್ಯೇವಂ ಭ್ರಮಸಙ್ಕುಲಃ ।
ತಸ್ಯಾಃ ಕಾಲ್ಯಾ ದಯಾ ಜಾತಾ ಮಮ ಚಿನ್ತಾಪರಃ ಶಿವಃ ॥ ೪೬॥
ಯನ್ತ್ರಪ್ರಸ್ತಾರಬುದ್ಧಿಸ್ತು ಕಾಲ್ಯಾ ದತ್ತಾತಿಸತ್ವರಮ್ ।
ಯನ್ತ್ರಯಾಗಂ ತದಾರಭ್ಯ ಪೂರ್ವಂ ಚಿದ್ಘನಗೋಚರಾ ॥ ೪೭॥
ಶ್ರೀಚಕ್ರಂ ಯನ್ತ್ರಪ್ರಸ್ತಾರರಚನಾಭ್ಯಾಸತತ್ಪರಃ ।
ಇತಸ್ತತೋ ಭ್ರಮ್ಯಮಾಣಸ್ತ್ರೈಲೋಕ್ಯಂ ಚಕ್ರಮಧ್ಯಕಮ್ ॥ ೪೮॥
ಚಕ್ರಪಾರದರ್ಶನಾರ್ಥಂ ಕೋಟ್ಯರ್ಬುದಯುಗಂ ಗತಮ್ ।
ಭಕ್ತಪ್ರಾಣಪ್ರಿಯಾ ದೇವೀ ಮಹಾಶ್ರೀಚಕ್ರನಾಯಿಕಾ ॥ ೪೯॥
ತತ್ರ ಬಿನ್ದೌ ಪರಂ ರೂಪಂ ಸುನ್ದರಂ ಸುಮನೋಹರಮ್ ।
ರೂಪಂ ಜಾತಂ ಮಹೇಶಾನಿ ಜಾಗ್ರತ್ತ್ರಿಪುರಸುನ್ದರಿ ॥ ೫೦॥
ರೂಪಂ ದೃಷ್ಟ್ವಾ ಮಹಾದೇವೋ ರಾಜರಾಜೇಶ್ವರೋಽಭವತ್ ।
ತಸ್ಯಾಃ ಕಟಾಕ್ಷಮಾತ್ರೇಣ ತಸ್ಯಾ ರೂಪಧರಃ ಶಿವಃ ॥ ೫೧॥
ವಿನಾ ಶ್ರೃಙ್ಗಾರಸಂಯುಕ್ತಾ ತದಾ ಜಾತಾ ಮಹೇಶ್ವರೀ ।
ವಿನಾ ಕಾಲ್ಯಂಶತೋ ದೇವಿ ಜಗತ್ಸ್ಥಾವರಜಙ್ಗಮಮ್ ॥ ೫೨॥
ನ ಶ್ರೃಙ್ಗಾರೋ ನ ಶಕ್ತಿತ್ವಂ ಕ್ವಾಪಿ ನಾಸ್ತಿ ಮಹೇಶ್ವರೀ ।
ಸುನ್ದರ್ಯ್ಯಾ ಪ್ರಾರ್ಥಿತಾ ಕಾಲೀ ತುಷ್ಟಾ ಪ್ರೋವಾಚ ಕಾಲಿಕಾ ॥ ೫೩॥
ಸರ್ವಾಸಾಂ ನೇತ್ರಕೇಶೇಷು ಮಮಾಂಶೋಽತ್ರ ಭವಿಷ್ಯತಿ ।
ಪೂರ್ವಾವಸ್ಥಾಸು ದೇವೇಶಿ ಮಮಾಂಶಸ್ತಿಷ್ಠತಿ ಪ್ರಿಯೇ ॥ ೫೪॥
ಸಾವಸ್ಥಾ ತರುಣಾಖ್ಯಾ ತು ತದನ್ತೇ ನೈವ ತಿಷ್ಠತಿ ।
ಮದ್ಭಕ್ತಾನಾಂ ಮಹೇಶಾನಿ ಸದಾ ತಿಷ್ಠತಿ ನಿಶ್ಚಿತಮ್ ॥ ೫೫॥
ಶಕ್ತಿಸ್ತು ಕುಣ್ಠಿತಾ ಜಾತಾ ತಥಾ ರೂಪಂ ನ ಸುನ್ದರಮ್ ।
ಚಿನ್ತಾವಿಷ್ಟಾ ತು ಮಲಿನಾ ಜಾತಾ ತತ್ರ ಚ ಸುನ್ದರೀ ॥ ೫೬॥
ಕ್ಷಣಂ ಸ್ಥಿತ್ವಾ ಧ್ಯಾನಪರಾ ಕಾಲೀ ಚಿನ್ತನತತ್ಪರಾ ।
ತದಾ ಕಾಲೀ ಪ್ರಸನ್ನಾಽಭೂತ್ ಕ್ಷಣಾರ್ದ್ಧೇನ ಮಹೇಶ್ವರೀ ॥ ೫೭॥
ವರಂ ಬ್ರೂಹಿ ವರಂ ಬ್ರೂಹಿ ವರಂ ಬ್ರೂಹೀತಿ ಸಾದರಮ್ ।
ಸುನ್ದರ್ಯುವಾಚ ।
ಮಮ ಸಿದ್ಧಿವರಂ ದೇಹಿ ವರೋಽಯಂ ಪ್ರಾರ್ಥ್ಯತೇ ಮಯಾ ॥ ೫೮॥
ತಾದೃಗುಪಾಯಂ ಕಥಯ ಯೇನ ಶಕ್ತಿರ್ಭವಿಷ್ಯತಿ ।
ಶ್ರೀಕಾಲ್ಯುವಾಚ ।
ಮಮ ನಾಮಸಾಹಸ್ರಂ ಚ ಮಯಾ ಪೂರ್ವಂ ವಿನಿರ್ಮಿತಮ್ ॥ ೫೯॥
ಮತ್ಸ್ವರೂಪಂ ಕಕಾರಾಖ್ಯಂ ಮೇಧಾಸಾಮ್ರಾಜ್ಯನಾಮಕಮ್ ।
ವರದಾನಾಭಿಧಂ ನಾಮ ಕ್ಷಣಾರ್ದ್ಧಾದ್ವರದಾಯಕಮ್ ॥ ೬೦॥
ತತ್ಪಠಸ್ವ ಮಹಾಮಾಯೇ ತವ ಶಕ್ತಿರ್ಭವಿಷ್ಯತಿ ।
ತತಃ ಪ್ರಭೃತಿ ಶ್ರೀವಿದ್ಯಾ ತನ್ನಾಮಪಾಠತತ್ಪರಾ ॥ ೬೧॥
ತದೇವ ನಾಮಸಾಹಸ್ರಂ ಸುನ್ದರೀಶಕ್ತಿದಾಯಕಮ್ ।
ಕಥ್ಯತೇ ಪರಯಾ ಭಕ್ತ್ಯಾ ಸಾಧಯೇ ಸುಮಹೇಶ್ವರಿ ॥ ೬೨॥
ಮದ್ಯೇರ್ಮಾಂಸೈಸ್ತಥಾ ಶುಕ್ರೈರ್ಬಹುರಕ್ತೈರಪಿ ಪ್ರಿಯೇ ।
ತರ್ಪಯೇತ್ ಪೂಜಯೇತ್ ಕಾಲೀಂ ವಿಪರೀತರತಿಂ ಚರೇತ್ ॥ ೬೩॥
ವಿಪರೀತರತೌ ದೇವಿ ಕಾಲೀ ತಿಷ್ಠತಿ ನಿತ್ಯಶಃ ।
ಮಾಧ್ವೀಕಪುಷ್ಪಶುಕ್ರಾನ್ನಮೈಥುನಾದ್ಯಾ ವಿರಾಗಿಣೀ ॥ ೬೪॥
ವೈಷ್ಣವೀ ವ್ಯಾಪಿಕಾ ವಿದ್ಯಾ ಶ್ಮಶಾನವಾಸಿನೀ ಪರಾ ।
ವೀರಸಾಧನಸನ್ತುಷ್ಟಾ ವೀರಾಸ್ಫಾಲನನಾದಿನೀ ॥ ೬೫॥
ಶಿವಾಬಲಿಪ್ರಹೃಷ್ಟಾತ್ಮಾ ಶಿವಾರೂಪಾದ್ಯಚಣ್ಡಿಕಾ ।
ಕಾಮಸ್ತೋತ್ರಪ್ರಿಯಾತ್ಯುಗ್ರಮಾನಸಾ ಕಾಮರೂಪಿಣೀ ॥ ೬೬॥
ಬ್ರಹ್ಮಾನನ್ದಪರಾ ಶಮ್ಭು ಮೈಥುನಾನನ್ದತೋಷಿತಾ ।
ಯೋಗೀನ್ದ್ರಹೃದಯಾಗಾರಾ ದಿವಾ ನಿಶಿ ವಿಪರ್ಯಯಾ ॥ ೬೭॥
ಕ್ಷಣಂ ತುಷ್ಟಾ ಚ ಪ್ರತ್ಯಕ್ಷಾ ದನ್ತಮಾಲಾಜಪಪ್ರಿಯಾ ।
ಶಯ್ಯಾಯಾಂ ಚುಮ್ಬನಾಙ್ಗಃ ಸನ್ ವೇಶ್ಯಾಸಙ್ಗಪರಾಯಣಃ ॥ ೬೮॥
ಖಡ್ಗಹಸ್ತೋ ಮುಕ್ತಕೇಶೋ ದಿಗಮ್ಬರವಿಭೂಷಿತಃ ।
ಪಠೇನ್ನಾಮಸಹಸ್ರಾಖ್ಯಂ ಮೇಧಾಸಾಮ್ರಾಜ್ಯನಾಮಕಮ್ ॥ ೬೯॥
ಯಥಾ ದಿವ್ಯಾಮೃತೈರ್ದೇವಾಃ ಪ್ರಸನ್ನಾ ಕ್ಷಣಮಾತ್ರತಃ ।
ತಥಾಽನೇನ ಮಹಾಕಾಲೀ ಪ್ರಸನ್ನಾ ಪಾಠಮಾತ್ರತಃ ॥ ೭೦॥
ಕಥ್ಯತೇ ನಾಮಸಾಹಸ್ರಂ ಸಾವಧಾನಮನಾಃ ಶ್ರೃಣು ।
ಸರ್ವಸಾಮ್ರಾಜ್ಯಮೇಧಾಖ್ಯನಾಮಸಾಹಸ್ತ್ರಕಸ್ಯ ಚ ॥ ೭೧॥
ಮಹಾಕಾಲ ಋಷಿಃ ಪ್ರೋಕ್ತ ಉಷ್ಣಿಕ್ಛನ್ದಃ ಪ್ರಕೀರ್ತಿತಮ್ ।
ದೇವತಾ ದಕ್ಷಿಣಾ ಕಾಲೀ ಮಾಯಾಬೀಜಂ ಪ್ರಕೀರ್ತಿತಮ್ ॥ ೭೨॥
ಹ್ರೂँ ಶಕ್ತಿಃ ಕಾಲಿಕಾಬೀಜಂ ಕೀಲಕಂ ಪರಿಕೀರ್ತಿತಮ್ ।
ಕಾಲಿಕಾ ವರದಾನಾದಿ-ಸ್ವೇಷ್ಟಾರ್ಥೇ ವಿನಿಯೋಗತಃ ॥ ೭೩॥
ಕೀಲಕೇನ ಷಡಙ್ಗಾನಿ ಷಡ್ದೀರ್ಘಾಬೀಜೇನ ಕಾರಯೇತ್ ।
ಧ್ಯಾನಂ ಚ ಪೂರ್ವವತ್ಕೃತ್ವಾ ಸಾಧಯೇದಿಷ್ಟಸಾಧನಮ್ ॥ ೭೪॥
ಓಂ ಅಸ್ಯ ಶ್ರೀಸರ್ವಸಾಮ್ರಾಜ್ಯಮೇಧಾಕಾಲೀಸ್ವರೂಪ-
ಕಕಾರಾತ್ಮಕಸಹಸ್ರನಾಮಸ್ತೋತ್ರಮನ್ತ್ರಸ್ಯ ಮಹಾಕಾಲ-
ಋಷಿರುಷ್ಣಿಕ್ಛನ್ದಃ, ಶ್ರೀದಕ್ಷಿಣಕಾಲೀ ದೇವತಾ, ಹ್ರೀಂ ಬೀಜಮ್,
ಹ್ರೂँ ಶಕ್ತಿಃ, ಕ್ರೀಂ ಕೀಲಕಂ, ಕಾಲೀವರದಾನಾದಿಸ್ವೇಷ್ಟಾರ್ಥೇ ಜಪೇ ವಿನಿಯೋಗಃ ।
ಓಂ ಮಹಾಕಾಲ ಋಷಯೇ ನಮಃ ಶಿರಸಿ ।
ಉಷ್ಣಿಕ್ಛನ್ದಸೇ ನಮಃ ಮುಖೇ ।
ಶ್ರೀ ದಕ್ಷಿಣಕಾಲೀದೇವತಾಯೈ ನಮಃ ಹೃದಯೇ ।
ಹ್ರೀಂ ಬೀಜಾಯ ನಮಃ ಗುಹ್ಯೇ ।
ಹ್ರೂँ ಶಕ್ತಯೇ ನಮಃ ಪಾದಯೋಃ ।
ಕ್ರೀಂ ಕೀಲಕಾಯ ನಮಃ ನಾಭೌ ।
ವಿನಿಯೋಗಾಯನಮಃ ಸರ್ವಾಙ್ಗೇ । ಇತಿ ಋಷ್ಯಾದಿನ್ಯಾಸಃ ।
ಓಂ ಕ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಕ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಕ್ರೂಂ ಮಧ್ಯಮಾಭ್ಯಾಂ ನಮಃ ।
ಓಂ ಕ್ರೈಂ ಅನಾಮಿಕಾಭ್ಯಾಂ ನಮಃ ।
ಓಂ ಕ್ರೌಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಕ್ರಃ ಕರತಲಕರಪೃಷ್ಠಾಭ್ಯಾಂ ನಮಃ । ಇತಿ ಕರಾಙ್ಗನ್ಯಾಸಃ ।
ಓಂ ಕ್ರಾಂ ಹೃದಯಾಯ ನಮಃ ।
ಓಂ ಕ್ರೀಂ ಶಿರಸೇ ಸ್ವಾಹಾ ।
ಓಂ ಕ್ರೂಂ ಶಿಖಾಯೈ ವಷಟ್ ।
ಓಂ ಕ್ರೈಂ ಕವಚಾಯ ಹುಂ ।
ಓಂ ಕ್ರೌಂ ನೇತ್ರತ್ರಯಾಯ ವೌಷಟ್ ।
ಓಂ ಕ್ರಃ ಅಸ್ತ್ರಾಯ ಫಟ್ । ಇತಿ ಹೃದಯಾದಿ ಷಡಙ್ಗನ್ಯಾಸಃ ।
ಅಥ ಧ್ಯಾನಮ್ ।
ಓಂ ಕರಾಲವದನಾಂ ಘೋರಾಂ ಮುಕ್ತಕೇಶೀಂ ಚತುರ್ಭುಜಾಮ್ ।
ಕಾಲಿಕಾಂ ದಕ್ಷಿಣಾಂ ದಿವ್ಯಾಂ ಮುಣ್ಡಮಾಲಾವಿಭೂಷಿತಾಮ್ ॥
ಸದ್ಯಶ್ಛಿನ್ನಶಿರಃಖಡ್ಗವಾಮೋರ್ಧ್ವಾಧಃಕರಾಮ್ಬುಜಾಮ್ ।
ಅಭಯಂ ವರದಂ ಚೈವ ದಕ್ಷಿಣಾಧೋರ್ಧ್ವಪಾಣಿಕಾಮ್ ॥
ಮಹಾಮೇಘಪ್ರಭಾಂ ಶ್ಯಾಮಾಂ ತಥಾ ಚೈವ ದಿಗಮ್ಬರಾಮ್ ।
ಕಣ್ಠಾವಸಕ್ತಮುಣ್ಡಾಲೀಗಲದ್ರುಧಿರಚರ್ಚಿತಾಮ್ ॥
ಕರ್ಣಾವತಂಸತಾನೀತಶವಯುಗ್ಮಭಯಾನಕಾಮ್ ।
ಘೋರದಂಷ್ಟ್ರಾಕರಾಲಾಸ್ಯಾಂ ಪೀನೋನ್ನತಪಯೋಧರಾಮ್ ॥
ಶವಾನಾಂ ಕರಸಙ್ಘಾತೈಃ ಕೃತಕಾಞ್ಚೀಂ ಹಸನ್ಮುಖೀಮ್ ।
ಸೃಕ್ಕದ್ವಯಗಲದ್ರಕ್ತಧಾರಾವಿಸ್ಫುರಿತಾನನಾಮ್ ॥
ಘೋರರೂಪಾಂ ಮಹಾರೌದ್ರೀಂ ಶ್ಮಶಾನಾಲಯವಾಸಿನೀಮ್ ।
ದನ್ತುರಾಂ ದಕ್ಷಿಣವ್ಯಾಪಿಮುಕ್ತಲಮ್ಬಕಚೋಚ್ಚಯಾಮ್ ॥
ಶವರೂಪಮಹಾದೇವಹೃದಯೋಪರಿ ಸಂಸ್ಥಿತಾಮ್ ।
ಶಿವಾಭಿರ್ಘೋರರೂಪಾಭಿಶ್ಚತುರ್ದ್ದಿಕ್ಷು ಸಮನ್ವಿತಾಮ್ ॥
ಮಹಾಕಾಲೇನ ಸಾರ್ದ್ಧೋರ್ದ್ಧಮುಪವಿಷ್ಟರತಾತುರಾಮ್ ।
ಸುಖಪ್ರಸನ್ನವದನಾಂ ಸ್ಮೇರಾನನಸರೋರುಹಾಮ್ ॥
ಏವಂ ಸಙ್ಚಿನ್ತಯೇದ್ದೇವೀಂ ಶ್ಮಶಾನಾಲಯವಾಸಿನೀಮ್ ॥
ಓಂ ಕ್ರೀಂ ಕಾಲೀ ಕ್ರೂँ ಕರಾಲೀ ಚ ಕಲ್ಯಾಣೀ ಕಮಲಾ ಕಲಾ ।
ಕಲಾವತೀ ಕಲಾಢ್ಯಾ ಚ ಕಲಾಪೂಜ್ಯಾ ಕಲಾತ್ಮಿಕಾ ॥ ೧॥
ಕಲಾದೃಷ್ಟಾ ಕಲಾಪುಷ್ಟಾ ಕಲಾಮಸ್ತಾ ಕಲಾಧರಾ ।
ಕಲಾಕೋಟಿ ಕಲಾಭಾಸಾ ಕಲಾಕೋಟಿಪ್ರಪೂಜಿತಾ ॥ ೨॥
ಕಲಾಕರ್ಮಕಲಾಧಾರಾ ಕಲಾಪಾರಾ ಕಲಾಗಮಾ ।
ಕಲಾಧಾರಾ ಕಮಲಿನೀ ಕಕಾರಾ ಕರುಣಾ ಕವಿಃ ॥ ೩॥
ಕಕಾರವರ್ಣಸರ್ವಾಙ್ಗೀ ಕಲಾಕೋಟಿವಿಭೂಷಿತಾ ।
ಕಕಾರಕೋಟಿಗುಣಿತಾ ಕಲಾಕೋಟಿವಿಭೂಷಣಾ ॥ ೪॥
ಕಕಾರವರ್ಣಹೃದಯಾ ಕಕಾರಮನುಮಣ್ಡಿತಾ ।
ಕಕಾರವರ್ಣನಿಲಯಾ ಕಾಕಶಬ್ದಪರಾಯಣಾ ॥ ೫॥
ಕಕಾರವರ್ಣಮುಕುಟಾ ಕಕಾರವರ್ಣಭೂಷಣಾ ।
ಕಕಾರವರ್ಣರೂಪಾ ಚ ಕಕಶಬ್ದಪರಾಯಣಾ ॥ ೬॥
ಕಕವೀರಾಸ್ಫಾಲರತಾ ಕಮಲಾಕರಪೂಜಿತಾ ।
ಕಮಲಾಕರನಾಥಾ ಚ ಕಮಲಾಕರರೂಪಧೃಕ್ ॥ ೭॥
ಕಮಲಾಕರಸಿದ್ಧಿಸ್ಥಾ ಕಮಲಾಕರಪಾರದಾ ।
ಕಮಲಾಕರಮಧ್ಯಸ್ಥಾ ಕಮಲಾಕರತೋಷಿತಾ ॥ ೮॥
ಕಥಙ್ಕಾರಪರಾಲಾಪಾ ಕಥಙ್ಕಾರಪರಾಯಣಾ ।
ಕಥಙ್ಕಾರಪದಾನ್ತಸ್ಥಾ ಕಥಙ್ಕಾರಪದಾರ್ಥಭೂಃ ॥ ೯॥
ಕಮಲಾಕ್ಷೀ ಕಮಲಜಾ ಕಮಲಾಕ್ಷಪ್ರಪೂಜಿತಾ ।
ಕಮಲಾಕ್ಷವರೋದ್ಯುಕ್ತಾ ಕಕಾರಾ ಕರ್ಬುರಾಕ್ಷರಾ ॥ ೧೦॥
ಕರತಾರಾ ಕರಚ್ಛಿನ್ನಾ ಕರಶ್ಯಾಮಾ ಕರಾರ್ಣವಾ ।
ಕರಪೂಜ್ಯಾ ಕರರತಾ ಕರದಾ ಕರಪೂಜಿತಾ ॥ ೧೧॥
ಕರತೋಯಾ ಕರಾಮರ್ಷಾ ಕರ್ಮನಾಶಾ ಕರಪ್ರಿಯಾ ।
ಕರಪ್ರಾಣಾ ಕರಕಜಾ ಕರಕಾ ಕರಕಾನ್ತರಾ ॥ ೧೨॥
ಕರಕಾಚಲರೂಪಾ ಚ ಕರಕಾಚಲಶೋಭಿನೀ ।
ಕರಕಾಚಲಪುತ್ರೀ ಚ ಕರಕಾಚಲತೋಷಿತಾ ॥ ೧೩॥
ಕರಕಾಚಲಗೇಹಸ್ಥಾ ಕರಕಾಚಲರಕ್ಷಿಣೀ ।
ಕರಕಾಚಲಸಮ್ಮಾನ್ಯಾ ಕರಕಾಚಲಕಾರಿಣೀ ॥ ೧೪॥
ಕರಕಾಚಲವರ್ಷಾಢ್ಯಾ ಕರಕಾಚಲರಞ್ಜಿತಾ ।
ಕರಕಾಚಲಕಾನ್ತಾರಾ ಕರಕಾಚಲಮಾಲಿನೀ ॥ ೧೫॥
ಕರಕಾಚಲಭೋಜ್ಯಾ ಚ ಕರಕಾಚಲರೂಪಿಣೀ ।
ಕರಾಮಲಕಸಂಸ್ಥಾ ಚ ಕರಾಮಲಕಸಿದ್ಧಿದಾ ॥ ೧೬॥
ಕರಾಮಲಕಸಮ್ಪೂಜ್ಯಾ ಕರಾಮಲಕತಾರಿಣೀ ।
ಕರಾಮಲಕಕಾಲೀ ಚ ಕರಾಮಲಕರೋಚಿನೀ ॥ ೧೭॥
ಕರಾಮಲಕಮಾತಾ ಚ ಕರಾಮಲಕಸೇವಿನೀ ।
ಕರಾಮಲಕಬದ್ಧ್ಯೇಯಾ ಕರಾಮಲಕದಾಯಿನೀ ॥ ೧೮॥
ಕಞ್ಜನೇತ್ರಾ ಕಞ್ಜಗತಿಃ ಕಞ್ಜಸ್ಥಾ ಕಞ್ಜಧಾರಿಣೀ ।
ಕಞ್ಜಮಾಲಾಪ್ರಿಯಕರೀ ಕಞ್ಜರೂಪಾ ಚ ಕಞ್ಜನಾ ॥ ೧೯॥
ಕಞ್ಜಜಾತಿಃ ಕಞ್ಜಗತಿಃ ಕಞ್ಜಹೋಮಪರಾಯಣಾ ।
ಕಞ್ಜಮಣ್ಡಲಮಧ್ಯಸ್ಥಾ ಕಞ್ಜಾಭರಣಭೂಷಿತಾ ॥ ೨೦॥
ಕಞ್ಜಸಮ್ಮಾನನಿರತಾ ಕಞ್ಜೋತ್ಪತ್ತಿಪರಾಯಣಾ ।
ಕಞ್ಜರಾಶಿಸಮಾಕಾರಾ ಕಞ್ಜಾರಣ್ಯನಿವಾಸಿನೀ ॥ ೨೧॥
ಕರಞ್ಜವೃಕ್ಷಮಧ್ಯಸ್ಥಾ ಕರಞ್ಜವೃಕ್ಷವಾಸಿನೀ ।
ಕರಞ್ಜಫಲಭೂಷಾಢ್ಯಾ ಕರಞ್ಜಾರಣ್ಯವಾಸಿನೀ ॥ ೨೨॥
ಕರಞ್ಜಮಾಲಾಭರಣಾ ಕರವಾಲಪರಾಯಣಾ ।
ಕರವಾಲಪ್ರಹೃಷ್ಟಾತ್ಮಾ ಕರವಾಲಪ್ರಿಯಾ ಗತಿಃ ॥ ೨೩॥
ಕರವಾಲಪ್ರಿಯಾ ಕನ್ಯಾ ಕರವಾಲವಿಹಾರಿಣೀ ।
ಕರವಾಲಮಯೀ ಕರ್ಮ್ಮಾ ಕರವಾಲಪ್ರಿಯಙ್ಕರೀ ॥ ೨೪॥
ಕಬನ್ಧಮಾಲಾಭರಣಾ ಕಬನ್ಧರಾಶಿಮಧ್ಯಗಾ ।
ಕಬನ್ಧಕೂಟಸಂಸ್ಥಾನಾ ಕಬನ್ಧಾನನ್ತಭೂಷಣಾ ॥ ೨೫॥
ಕಬನ್ಧನಾದಸನ್ತುಷ್ಟಾ ಕಬನ್ಧಾಸನಧಾರಿಣೀ ।
ಕಬನ್ಧಗೃಹಮಧ್ಯಸ್ಥಾ ಕಬನ್ಧವನವಾಸಿನೀ ॥ ೨೬॥
ಕಬನ್ಧಕಾಞ್ಚೀಕರಣೀ ಕಬನ್ಧರಾಶಿಭೂಷಣಾ ।
ಕಬನ್ಧಮಾಲಾಜಯದಾ ಕಬನ್ಧದೇಹವಾಸಿನೀ ॥ ೨೭॥
ಕಬನ್ಧಾಸನಮಾನ್ಯಾ ಚ ಕಪಾಲಾಕಲ್ಪಧಾರಿಣೀ ।
ಕಪಾಲಮಾಲಾಮಧ್ಯಸ್ಥಾ ಕಪಾಲವ್ರತತೋಷಿತಾ ॥ ೨೮॥
ಕಪಾಲದೀಪಸನ್ತುಷ್ಟಾ ಕಪಾಲದೀಪರೂಪಿಣೀ ।
ಕಪಾಲದೀಪವರದಾ ಕಪಾಲಕಜ್ಜಲಸ್ಥಿತಾ ॥ ೨೯॥
ಕಪಾಲಮಾಲಾಜಯದಾ ಕಪಾಲಜಪತೋಷಿಣೀ ।
ಕಪಾಲಸಿದ್ಧಿಸಂಹೃಷ್ಟಾ ಕಪಾಲಭೋಜನೋದ್ಯತಾ ॥ ೩೦॥
ಕಪಾಲವ್ರತಸಂಸ್ಥಾನಾ ಕಪಾಲಕಮಲಾಲಯಾ ।
ಕವಿತ್ವಾಮೃತಸಾರಾ ಚ ಕವಿತ್ವಾಮೃತಸಾಗರಾ ॥ ೩೧॥
ಕವಿತ್ವಸಿದ್ಧಿಸಂಹೃಷ್ಟಾ ಕವಿತ್ವಾದಾನಕಾರಿಣೀ ।
ಕವಿಪೃಜ್ಯಾ ಕವಿಗತಿಃ ಕವಿರೂಪಾ ಕವಿಪ್ರಿಯಾ ॥ ೩೨॥
ಕವಿಬ್ರಹ್ಮಾನನ್ದರೂಪಾ ಕವಿತ್ವವ್ರತತೋಷಿತಾ ।
ಕವಿಮಾನಸಸಂಸ್ಥಾನಾ ಕವಿವಾಞ್ಚ್ಛಾಪ್ರಪೂರಿಣೀ ॥ ೩೩॥
ಕವಿಕಣ್ಠಸ್ಥಿತಾ ಕಂ ಹ್ರೀಂ ಕಂಕಂಕಂ ಕವಿಪೂರ್ತಿದಾ ।
ಕಜ್ಜಲಾ ಕಜ್ಜಲಾದಾನಮಾನಸಾ ಕಜ್ಜಲಪ್ರಿಯಾ ॥ ೩೪॥
ಕಪಾಲಕಜ್ಜಲಸಮಾ ಕಜ್ಜಲೇಶಪ್ರಪೂಜಿತಾ ।
ಕಜ್ಜಲಾರ್ಣವಮಧ್ಯಸ್ಥಾ ಕಜ್ಜಲಾನನ್ದರೂಪಿಣೀ ॥ ೩೫॥
ಕಜ್ಜಲಪ್ರಿಯಸನ್ತುಷ್ಟಾ ಕಜ್ಜಲಪ್ರಿಯತೋಷಿಣೀ ।
ಕಪಾಲಮಾಲಾಭರಣಾ ಕಪಾಲಕರಭೂಷಣಾ ॥ ೩೬॥
ಕಪಾಲಕರಭೂಷಾಢ್ಯಾ ಕಪಾಲಚಕ್ರಮಣ್ಡಿತಾ ।
ಕಪಾಲಕೋಟಿನಿಲಯಾ ಕಪಾಲದುರ್ಗಕಾರಿಣೀ ॥ ೩೭॥
ಕಪಾಲಗಿರಿಸಂಸ್ಥಾನಾ ಕಪಾಲಚಕ್ರವಾಸಿನೀ ।
ಕಪಾಲಪಾತ್ರಸನ್ತುಷ್ಟಾ ಕಪಾಲಾರ್ಘ್ಯಪರಾಯಣಾ ॥ ೩೮॥
ಕಪಾಲಾರ್ಘ್ಯಪ್ರಿಯಪ್ರಾಣಾ ಕಪಾಲಾರ್ಘ್ಯವರಪ್ರದಾ ।
ಕಪಾಲಚಕ್ರರೂಪಾ ಚ ಕಪಾಲರೂಪಮಾತ್ರಗಾ ॥ ೩೯॥
ಕದಲೀ ಕದಲೀರೂಪಾ ಕದಲೀವನವಾಸಿನೀ ।
ಕದಲೀಪುಷ್ಪಸಮ್ಪ್ರೀತಾ ಕದಲೀಫಲಮಾನಸಾ ॥ ೪೦॥
ಕದಲೀಹೋಮಸನ್ತುಷ್ಟಾ ಕದಲೀದರ್ಶನೋದ್ಯತಾ ।
ಕದಲೀಗರ್ಭಮಧ್ಯಸ್ಥಾ ಕದಲೀವನಸುನ್ದರೀ ॥ ೪೧॥
ಕದಮ್ಬಪುಷ್ಪನಿಲಯಾ ಕದಮ್ಬವನಮಧ್ಯಗಾ ।
ಕದಮ್ಬಕುಸುಮಾಮೋದಾ ಕದಮ್ಬವನತೋಷಿಣೀ ॥ ೪೨॥
ಕದಮ್ಬಪುಷ್ಪಸಮ್ಪೂಜ್ಯಾ ಕದಮ್ಬಪುಷ್ಪಹೋಮದಾ ।
ಕದಮ್ಪುಷ್ಪಮಧ್ಯಸ್ಥಾ ಕದಮ್ಬಫಲಭೋಜಿನೀ ॥ ೪೩॥
ಕದಮ್ಬಕಾನನಾನ್ತಃಸ್ಥಾ ಕದಮ್ಬಾಚಲವಾಸಿನೀ ।
ಕಚ್ಛಪಾ ಕಚ್ಛಪಾರಾಧ್ಯಾ ಕಚ್ಛಪಾಸನಸಂಸ್ಥಿತಾ ॥ ೪೪॥
ಕರ್ಣಪೂರಾ ಕರ್ಣನಾಸಾ ಕರ್ಣಾಢ್ಯಾ ಕಾಲಭೈರವೀ ।
ಕಲಪ್ರೀತಾ ಕಲಹದಾ ಕಲಹಾ ಕಲಹಾತುರಾ ॥ ೪೫॥
ಕರ್ಣಯಕ್ಷೀ ಕರ್ಣವಾರ್ತಾ ಕಥಿನೀ ಕರ್ಣಸುನ್ದರೀ ।
ಕರ್ಣಪಿಶಾಚಿನೀ ಕರ್ಣಮಞ್ಜರೀ ಕವಿಕಕ್ಷದಾ ॥ ೪೬॥
ಕವಿಕಕ್ಷಾವಿರೂಪಾಢ್ಯಾ ಕವಿಕಕ್ಷಸ್ವರೂಪಿಣೀ ।
ಕಸ್ತೂರೀಮೃಗಸಂಸ್ಥಾನಾ ಕಸ್ತೂರೀಮೃಗರೂಪಿಣೀ ॥ ೪೭॥
ಕಸ್ತೂರೀಮೃಗಸನ್ತೋಷಾ ಕಸ್ತೂರೀಮೃಗಮಧ್ಯಗಾ ।
ಕಸ್ತೂರೀರಸನೀಲಾಙ್ಗೀ ಕಸ್ತೂರೀಗನ್ಧತೋಷಿತಾ ॥ ೪೮॥
ಕಸ್ತೂರೀಪೂಜಕಪ್ರಾಣಾ ಕಸ್ತೂರೀಪೂಜಕಪ್ರಿಯಾ ।
ಕಸ್ತೂರೀಪ್ರೇಮಸನ್ತುಷ್ಟಾ ಕಸ್ತೂರೀಪ್ರಾಣಧಾರಿಣೀ ॥ ೪೯॥
ಕಸ್ತೂರೀಪೂಜಕಾನನ್ದಾ ಕಸ್ತೂರೀಗನ್ಧರೂಪಿಣೀ ।
ಕಸ್ತೂರೀಮಾಲಿಕಾರೂಪಾ ಕಸ್ತೂರೀಭೋಜನಪ್ರಿಯಾ ॥ ೫೦॥
ಕಸ್ತೂರೀತಿಲಕಾನನ್ದಾ ಕಸ್ತೂರೀತಿಲಕಪ್ರಿಯಾ ।
ಕಸ್ತೂರೀಹೋಮಸನ್ತುಷ್ಟಾ ಕಸ್ತೂರೀತರ್ಪಣೋದ್ಯತಾ ॥ ೫೧॥
ಕಸ್ತೂರೀಮಾರ್ಜನೋದ್ಯುಕ್ತಾ ಕಸ್ತೂರೀಚಕ್ರಪೂಜಿತಾ ।
ಕಸ್ತೂರೀಪುಷ್ಪಸಮ್ಪೂಜ್ಯಾ ಕಸ್ತೂರೀಚರ್ವಣೋದ್ಯತಾ ॥ ೫೨॥
ಕಸ್ತೂರೀಗರ್ಭಮಧ್ಯಸ್ಥಾ ಕಸ್ತೂರೀವಸ್ತ್ರಧಾರಿಣೀ ।
ಕಸ್ತೂರೀಕಾಮೋದರತಾ ಕಸ್ತೂರೀವನವಾಸಿನೀ ॥ ೫೩॥
ಕಸ್ತೂರೀವನಸಂರಕ್ಷಾ ಕಸ್ತೂರೀಪ್ರೇಮಧಾರಿಣೀ ।
ಕಸ್ತೂರೀಶಕ್ತಿನಿಲಯಾ ಕಸ್ತೂರೀಶಕ್ತಿಕುಣ್ಡಗಾ ॥ ೫೪॥
ಕಸ್ತೂರೀಕುಣ್ಡಸಂಸ್ನಾತಾ ಕಸ್ತೂರೀಕುಣ್ಡಮಜ್ಜನಾ ।
ಕಸ್ತೂರೀಜೀವಸನ್ತುಷ್ಟಾ ಕಸ್ತೂರೀಜೀವಧಾರಿಣೀ ॥ ೫೫॥
ಕಸ್ತೂರೀಪರಮಾಮೋದಾ ಕಸ್ತೂರೀಜೀವನಕ್ಷಮಾ ।
ಕಸ್ತೂರೀಜಾತಿಭಾವಸ್ಥಾ ಕಸ್ತೂರೀಗನ್ಧಚುಮ್ಬನಾ ॥ ೫೬॥
ಕಸತೂರೀಗನ್ಧಸಂಶೋಭಾವಿರಾಜಿತಕಪಾಲಭೂಃ ।
ಕಸ್ತೂರೀಮದನಾನ್ತಃಸ್ಥಾ ಕಸ್ತೂರೀಮದಹರ್ಷದಾ ॥ ೫೭॥
ಕಸ್ತೂರೀಕವಿತಾನಾಢ್ಯಾ ಕಸ್ತೂರೀಗೃಹಮಧ್ಯಗಾ ।
ಕಸ್ತೂರೀಸ್ಪರ್ಶಕಪ್ರಾಣಾ ಕಸ್ತೂರೀವಿನ್ದಕಾನ್ತಕಾ ॥ ೫೮॥
ಕಸ್ತೂರ್ಯ್ಯಾಮೋದರಸಿಕಾ ಕಸ್ತೂರೀಕ್ರೀಡನೋದ್ಯತಾ ।
ಕಸ್ತೂರೀದಾನನಿರತಾ ಕಸ್ತೂರೀವರದಾಯಿನೀ ॥ ೫೯॥
ಕಸ್ತೂರೀಸ್ಥಾಪನಾಸಕ್ತಾ ಕಸ್ತೂರೀಸ್ಥಾನರಞ್ಜಿನೀ ।
ಕಸ್ತೂರೀಕುಶಲಪ್ರಶ್ನಾ ಕಸ್ತೂರೀಸ್ತುತಿವನ್ದಿತಾ ॥ ೬೦॥
ಕಸ್ತೂರೀವನ್ದಕಾರಾಧ್ಯಾ ಕಸ್ತೂರೀಸ್ಥಾನವಾಸಿನೀ ।
ಕಹರೂಪಾ ಕಹಾಢ್ಯಾ ಚ ಕಹಾನನ್ದಾ ಕಹಾತ್ಮಭೂಃ ॥ ೬೧॥
ಕಹಪೂಜ್ಯಾ ಕಹಾಖ್ಯಾ ಚ ಕಹಹೇಯಾ ಕಹಾತ್ಮಿಕಾ ।
ಕಹಮಾಲಾಕಣ್ಠಭೂಷಾ ಕಹಮನ್ತ್ರಜಪೋದ್ಯತಾ ॥ ೬೨॥
ಕಹನಾಮಸ್ಮೃತಿಪರಾ ಕಹನಾಮಪರಾಯಣಾ ।
ಕಹಪರಾಯಣರತಾ ಕಹದೇವೀ ಕಹೇಶ್ವರೀ ॥ ೬೩॥
ಕಹಹೇತು ಕಹಾನನ್ದಾ ಕಹನಾದಪರಾಯಣಾ ।
ಕಹಮಾತಾ ಕಹಾನ್ತಃಸ್ಥಾ ಕಹಮನ್ತ್ರಾ ಕಹೇಶ್ವರೀ ॥ ೬೪॥
ಕಹಜ್ಞೇಯಾ ಕಹಾರಾಧ್ಯಾ ಕಹಧ್ಯಾನಪರಾಯಣಾ ।
ಕಹತನ್ತ್ರಾ ಕಹಕಹಾ ಕಹಚರ್ಯ್ಯಾಪರಾಯಣಾ ॥ ೬೫॥
ಕಹಾಚಾರಾ ಕಹಗತಿಃ ಕಹತಾಣ್ಡವಕಾರಿಣೀ ।
ಕಹಾರಣ್ಯಾ ಕಹರತಿಃ ಕಹಶಕ್ತಿಪರಾಯಣಾ ॥ ೬೬॥
ಕಹರಾಜ್ಯನತಾ ಕರ್ಮ್ಮಸಾಕ್ಷಿಣೀ ಕರ್ಮಸುನ್ದರೀ ।
ಕರ್ಮವಿದ್ಯಾ ಕರ್ಮಗತಿಃ ಕರ್ಮತನ್ತ್ರಪರಾಯಣಾ ॥ ೬೭॥
ಕರ್ಮಮಾತ್ರಾ ಕರ್ಮಗಾತ್ರಾ ಕರ್ಮಧರ್ಮಪರಾಯಣಾ ।
ಕರ್ಮರೇಖಾನಾಶಕರ್ತ್ರೀ ಕರ್ಮರೇಖಾವಿನೋದಿನೀ ॥ ೬೮॥
ಕರ್ಮರೇಖಾಮೋಹಕರೀ ಕರ್ಮಕೀರ್ತಿಪರಾಯಣಾ ।
ಕರ್ಮವಿದ್ಯಾ ಕರ್ಮಸಾರಾ ಕರ್ಮ್ಮಾಧಾರಾ ಚ ಕರ್ಮಭೂಃ ॥ ೬೯॥
ಕರ್ಮಕಾರೀ ಕರ್ಮಹಾರೀ ಕರ್ಮಕೌತುಕಸುನ್ದರೀ ।
ಕರ್ಮಕಾಲೀ ಕರ್ಮತಾರಾ ಕರ್ಮಚ್ಛಿನ್ನಾ ಚ ಕರ್ಮದಾ ॥ ೭೦॥
ಕರ್ಮಚಾಣ್ಡಾಲಿನೀ ಕರ್ಮವೇದಮಾತಾ ಚ ಕರ್ಮಭೂಃ ।
ಕರ್ಮಕಾಣ್ಡರತಾನನ್ತಾ ಕರ್ಮಕಾಣ್ಡಾನುಮಾನಿತಾ ॥ ೭೧॥
ಕರ್ಮಕಾಣ್ಡಪರೀಣಾಹಾ ಕಮಠೀ ಕಮಠಾಕೃತಿಃ ।
ಕಮಠಾರಾಧ್ಯಹೃದಯಾ ಕಮಠಾಕಣ್ಠಸುನ್ದರೀ ॥ ೭೨॥
ಕಮಠಾಸನಸಂಸೇವ್ಯಾ ಕಮಠೀ ಕರ್ಮತತ್ಪರಾ ।
ಕರುಣಾಕರಕಾನ್ತಾ ಚ ಕರುಣಾಕರವನ್ದಿತಾ ॥ ೭೩॥
ಕಠೋರಾ ಕರಮಾಲಾ ಚ ಕಠೋರಕುಚಧಾರಿಣೀ ।
ಕಪರ್ದಿನೀ ಕಪಟಿನೀ ಕಠಿನಾ ಕಙ್ಕಭೂಷಣಾ ॥ ೭೪॥
ಕರಭೋರೂಃ ಕಠಿನದಾ ಕರಭಾ ಕರಭಾಲಯಾ ।
ಕಲಭಾಷಾಮಯೀ ಕಲ್ಪಾ ಕಲ್ಪನಾ ಕಲ್ಪದಾಯಿನೀ ॥ ೭೫॥
ಕಮಲಸ್ಥಾ ಕಲಾಮಾಲಾ ಕಮಲಾಸ್ಯಾ ಕ್ಕಣತ್ಪ್ರಭಾ ।
ಕಕುದ್ಮಿನೀ ಕಷ್ಟವತೀ ಕರಣೀಯಕಥಾರ್ಚಿತಾ ॥ ೭೬॥
ಕಚಾರ್ಚಿತಾ ಕಚತನುಃ ಕಚಸುನ್ದರಧಾರಿಣೀ ।
ಕಠೋರಕುಚಸಂಲಗ್ನಾ ಕಟಿಸೂತ್ರವಿರಾಜಿತಾ ॥ ೭೭॥
ಕರ್ಣಮಕ್ಷಪ್ರಿಯಾ ಕನ್ದಾ ಕಥಾಕನ್ದಗತಿಃ ಕಲಿಃ ।
ಕಲಿಘ್ನೀ ಕಲಿದೂತೀ ಚ ಕವಿನಾಯಕ-ಪೂಜಿತಾ ॥ ೭೮॥
ಕಣಕಕ್ಷಾನಿಯನ್ತ್ರೀ ಚ ಕಶ್ಚಿತ್ಕವಿವರಾರ್ಚಿತಾ ।
ಕರ್ತ್ರೀ ಚ ಕರ್ತೃಕಾ ಭೂಷಾಕಾರಿಣೀ ಕರ್ಣಶತ್ರುಪಾ ॥ ೭೯॥
ಕರಣೇಶೀ ಕರಣಪಾ ಕಲವಾಚಾ ಕಲಾನಿಧಿಃ ।
ಕಲನಾ ಕಲನಾಧಾರಾ ಕಲನಾ ಕಾರಿಕಾ ಕರಾ ॥ ೮೦॥
ಕಲಗೇಯಾ ಕರ್ಕರಾಶಿಃ ಕರ್ಕರಾಶಿ-ಪ್ರಪೂಜಿತಾ ।
ಕನ್ಯಾರಾಶಿಃ ಕನ್ಯಕಾ ಚ ಕನ್ಯಕಾಪ್ರಿಯಭಾಷಿಣೀ ॥ ೮೧॥
ಕನ್ಯಕಾದಾನಸನ್ತುಷ್ಟಾ ಕನ್ಯಕಾದಾನತೋಷಿಣೀ ।
ಕನ್ಯಾದಾನಕರಾನನ್ದಾ ಕನ್ಯಾದಾನಗ್ರಹೇಷ್ಟದಾ ॥ ೮೨॥
ಕರ್ಷಣಾ ಕಕ್ಷದಹನಾ ಕಾಮಿತಾ ಕಮಲಾಸನಾ ।
ಕರಮಾಲಾನನ್ದಕರ್ತ್ರೀ ಕರಮಾಲಾಪ್ರಪೋಷಿತಾ ॥ ೮೩॥
ಕರಮಾಲಾಶಯಾನನ್ದಾ ಕರಮಾಲಾಸಮಾಗಮಾ ।
ಕರಮಾಲಾಸಿದ್ಧಿದಾತ್ರೀ ಕರಮಾಲಾಕರಪ್ರಿಯಾ ॥ ೮೪॥
ಕರಪ್ರಿಯಾ ಕರರತಾ ಕರದಾನಪರಾಯಣಾ ।
ಕಲಾನನ್ದಾ ಕಲಿಗತಿಃ ಕಲಿಪೂಜ್ಯಾ ಕಲಿಪ್ರಸೂಃ ॥ ೮೫॥
ಕಲನಾದನಿನಾದಸ್ಥಾ ಕಲನಾದವರಪ್ರದಾ ।
ಕಲನಾದಸಮಾಜಸ್ಥಾ ಕಹೋಲಾ ಚ ಕಹೋಲದಾ ॥ ೮೬॥
ಕಹೋಲಗೇಹಮಧ್ಯಸ್ಥಾ ಕಹೋಲವರದಾಯಿನೀ ।
ಕಹೋಲಕವಿತಾಧಾರಾ ಕಹೋಲಋಷಿಮಾನಿತಾ ॥ ೮೭॥
ಕಹೋಲಮಾನಸಾರಾಧ್ಯಾ ಕಹೋಲವಾಕ್ಯಕಾರಿಣೀ ।
ಕರ್ತೃರೂಪಾ ಕರ್ತೃಮಯೀ ಕರ್ತೃಮಾತಾ ಚ ಕರ್ತರೀ ॥ ೮೮॥
ಕನೀಯಾ ಕನಕಾರಾಧ್ಯಾ ಕನೀನಕಮಯೀ ತಥಾ ।
ಕನೀಯಾನನ್ದನಿಲಯಾ ಕನಕಾನನ್ದತೋಷಿತಾ ॥ ೮೯॥
ಕನೀಯಕಕರಾಕಾಷ್ಠಾ ಕಥಾರ್ಣವಕರೀ ಕರೀ ।
ಕರಿಗಮ್ಯಾ ಕರಿಗತಿಃ ಕರಿಧ್ವಜಪರಾಯಣಾ ॥ ೯೦॥
ಕರಿನಾಥಪ್ರಿಯಾಕಣ್ಠಾ ಕಥಾನಕಪ್ರತೋಷಿತಾ ।
ಕಮನೀಯಾ ಕಮನಕಾ ಕಮನೀಯವಿಭೂಷಣಾ ॥ ೯೧॥
ಕಮನೀಯಸಮಾಜಸ್ಥಾ ಕಮನೀಯವ್ರತಪ್ರಿಯಾ ।
ಕಮನೀಯಗುಣಾರಾಧ್ಯಾ ಕಪಿಲಾ ಕಪಿಲೇಶ್ವರೀ ॥ ೯೨॥
ಕಪಿಲಾರಾಧ್ಯಹೃದಯಾ ಕಪಿಲಾಪ್ರಿಯವಾದಿನೀ ।
ಕಹಚಕ್ರಮನ್ತ್ರವರ್ಣಾ ಕಹಚಕ್ರಪ್ರಸೂನಕಾ ॥ ೯೩॥
ಕಏಈಲಹ್ರೀಂಸ್ವರೂಪಾ ಚ ಕಏಈಲಹ್ರೀಂವರಪ್ರದಾ ।
ಕಏಈಲಹ್ರೀಂಸಿದ್ಧಿದಾತ್ರೀ ಕಏಈಲಹ್ರೀಂಸ್ವರೂಪಿಣೀ ॥ ೯೪॥
ಕಏಈಲಹ್ರೀಂಮನ್ತ್ರವರ್ಣಾ ಕಏಈಲಹ್ರೀಂಪ್ರಸೂಕಲಾ ।
ಕವರ್ಗಾ ಚ ಕಪಾಟಸ್ಥಾ ಕಪಾಟೋದ್ಘಾಟನಕ್ಷಮಾ ॥ ೯೫॥
ಕಙ್ಕಾಲೀ ಚ ಕಪಾಲೀ ಚ ಕಙ್ಕಾಲಪ್ರಿಯಭಾಷಿಣೀ ।
ಕಙ್ಕಾಲಭೈರವಾರಾಧ್ಯಾ ಕಙ್ಕಾಲಮಾನಸಂಸ್ಥಿತಾ ॥ ೯೬॥
ಕಙ್ಕಾಲಮೋಹನಿರತಾ ಕಙ್ಕಾಲಮೋಹದಾಯಿನೀ ।
ಕಲುಷಘ್ನೀ ಕಲುಷಹಾ ಕಲುಷಾರ್ತಿವಿನಾಶಿನೀ ॥ ೯೭॥
ಕಲಿಪುಷ್ಪಾ ಕಲಾದಾನಾ ಕಶಿಪುಃ ಕಶ್ಯಪಾರ್ಚಿತಾ ।
ಕಶ್ಯಪಾ ಕಶ್ಯಪಾರಾಧ್ಯಾ ಕಲಿಪೂರ್ಣಕಲೇವರಾ ॥ ೯೮॥
ಕಲೇಶ್ವರಕರೀ ಕಾಞ್ಚೀ ಕವರ್ಗಾ ಚ ಕರಾಲಕಾ ।
ಕರಾಲಭೈರವಾರಾಧ್ಯಾ ಕರಾಲಭೈರವೇಶ್ವರೀ ॥ ೯೯॥
ಕರಾಲಾ ಕಲನಾಧಾರಾ ಕಪರ್ದ್ದೀಶವರಪ್ರದಾ ।
ಕಪರ್ದ್ದೀಶಪ್ರೇಮಲತಾ ಕಪರ್ದ್ದಿಮಾಲಿಕಾಯುತಾ ॥ ೧೦೦॥
ಕಪರ್ದ್ದಿಜಪಮಾಲಾಢ್ಯಾ ಕರವೀರಪ್ರಸೂನದಾ ।
ಕರವೀರಪ್ರಿಯಪ್ರಾಣಾ ಕರವೀರಪ್ರಪೂಜಿತಾ ॥ ೧೦೧॥
ಕರ್ಣಿಕಾರಸಮಾಕಾರಾ ಕರ್ಣಿಕಾರಪ್ರಪೂಜಿತಾ ।
ಕರಿಷಾಗ್ನಿಸ್ಥಿತಾ ಕರ್ಷಾ ಕರ್ಷಮಾತ್ರಸುವರ್ಣದಾ ॥ ೧೦೨॥
ಕಲಶಾ ಕಲಶಾರಾಧ್ಯಾ ಕಷಾಯಾ ಕರಿಗಾನದಾ ।
ಕಪಿಲಾ ಕಲಕಣ್ಠೀ ಚ ಕಲಿಕಲ್ಪಲತಾ ಮತಾ ॥ ೧೦೩॥
ಕಲ್ಪಲತಾ ಕಲ್ಪಮಾತಾ ಕಲ್ಪಕಾರೀ ಚ ಕಲ್ಪಭೂಃ ।
ಕರ್ಪೂರಾಮೋದರುಚಿರಾ ಕರ್ಪೂರಾಮೋದಧಾರಿಣೀ ॥ ೧೦೪॥
ಕರ್ಪೂರಮಾಲಾಭರಣಾ ಕರ್ಪೂರವಾಸಪೂರ್ತಿದಾ ।
ಕರ್ಪೂರಮಾಲಾಜಯದಾ ಕರ್ಪೂರಾರ್ಣವಮಧ್ಯಗಾ ॥ ೧೦೫॥
ಕರ್ಪೂರತರ್ಪಣರತಾ ಕಟಕಾಮ್ಬರಧಾರಿಣೀ ।
ಕಪಟೇಶ್ವವರಸಮ್ಪೂಜ್ಯಾ ಕಪಟೇಶ್ವರರೂಪಿಣೀ ॥ ೧೦೬॥
ಕಟುಃ ಕಪಿಧ್ವಜಾರಾಧ್ಯಾ ಕಲಾಪಪುಷ್ಪಧಾರಿಣೀ ।
ಕಲಾಪಪುಷ್ಪರುಚಿರಾ ಕಲಾಪಪುಷ್ಪಪೂಜಿತಾ ॥ ೧೦೭॥
ಕ್ರಕಚಾ ಕ್ರಕಚಾರಾಧ್ಯಾ ಕಥಮ್ಬ್ರೂಮಾ ಕರಾಲತಾ ।
ಕಥಙ್ಕಾರವಿನಿರ್ಮುಕ್ತಾ ಕಾಲೀ ಕಾಲಕ್ರಿಯಾ ಕ್ರತುಃ ॥ ೧೦೮॥
ಕಾಮಿನೀ ಕಾಮಿನೀಪೂಜ್ಯಾ ಕಾಮಿನೀಪುಷ್ಪಧಾರಿಣೀ ।
ಕಾಮಿನೀಪುಷ್ಪನಿಲಯಾ ಕಾಮಿನೀಪುಷ್ಪಪೂರ್ಣಿಮಾ ॥ ೧೦೯॥
ಕಾಮಿನೀಪುಷ್ಪಪೂಜಾರ್ಹಾ ಕಾಮಿನೀಪುಷ್ಪಭೂಷಣಾ ।
ಕಾಮಿನೀಪುಷ್ಪತಿಲಕಾ ಕಾಮಿನೀಕುಣ್ಡಚುಮ್ಬನಾ ॥ ೧೧೦॥
ಕಾಮಿನೀಯೋಗಸನ್ತುಷ್ಟಾ ಕಾಮಿನೀಯೋಗಭೋಗದಾ ।
ಕಾಮಿನೀಕುಣ್ಡಸಮ್ಮಗ್ನಾ ಕಾಮಿನೀಕುಣ್ಡಮಧ್ಯಗಾ ॥ ೧೧೧॥
ಕಾಮಿನೀಮಾನಸಾರಾಧ್ಯಾ ಕಾಮಿನೀಮಾನತೋಷಿತಾ ।
ಕಾಮಿನೀಮಾನಸಞ್ಚಾರಾ ಕಾಲಿಕಾ ಕಾಲಕಾಲಿಕಾ ॥ ೧೧೨॥
ಕಾಮಾ ಚ ಕಾಮದೇವೀ ಚ ಕಾಮೇಶೀ ಕಾಮಸಮ್ಭವಾ ।
ಕಾಮಭಾವಾ ಕಾಮರತಾ ಕಾಮಾರ್ತಾ ಕಾಮಮಞ್ಜರೀ ॥ ೧೧೩॥
ಕಾಮಮಞ್ಜೀರರಣಿತಾ ಕಾಮದೇವಪ್ರಿಯಾನ್ತರಾ ।
ಕಾಮಕಾಲೀ ಕಾಮಕಲಾ ಕಾಲಿಕಾ ಕಮಲಾರ್ಚಿತಾ ॥ ೧೧೪॥
ಕಾದಿಕಾ ಕಮಲಾ ಕಾಲೀ ಕಾಲಾನಲಸಮಪ್ರಭಾ ।
ಕಲ್ಪಾನ್ತದಹನಾ ಕಾನ್ತಾ ಕಾನ್ತಾರಪ್ರಿಯವಾಸಿನೀ ॥ ೧೧೫॥
ಕಾಲಪೂಜ್ಯಾ ಕಾಲರತಾ ಕಾಲಮಾತಾ ಚ ಕಾಲಿನೀ ।
ಕಾಲವೀರಾ ಕಾಲಘೋರಾ ಕಾಲಸಿದ್ಧಾ ಚ ಕಾಲದಾ ॥ ೧೧೬॥
ಕಾಲಞ್ಜನಸಮಾಕಾರಾ ಕಾಲಞ್ಜರನಿವಾಸಿನೀ ।
ಕಾಲಋದ್ಧಿಃ ಕಾಲವೃದ್ಧಿಃ ಕಾರಾಗೃಹವಿಮೋಚಿನೀ ॥ ೧೧೭॥
ಕಾದಿವಿದ್ಯಾ ಕಾದಿಮಾತಾ ಕಾದಿಸ್ಥಾ ಕಾದಿಸುನ್ದರೀ ।
ಕಾಶೀ ಕಾಞ್ಚೀ ಚ ಕಾಞ್ಚೀಶಾ ಕಾಶೀಶವರದಾಯಿನೀ ॥ ೧೧೮॥
ಕ್ರಾಂ ಬೀಜಾ ಚೈವ ಕ್ರೀಂ ಬೀಜಾ ಹೃದಯಾಯ ನಮಸ್ಸ್ಮೃತಾ ।
ಕಾಮ್ಯಾ ಕಾಮ್ಯಗತಿಃ ಕಾಮ್ಯಸಿದ್ಧಿದಾತ್ರೀ ಚ ಕಾಮಭೂಃ ॥ ೧೧೯॥
ಕಾಮಾಖ್ಯಾ ಕಾಮರೂಪಾ ಚ ಕಾಮಚಾಪವಿಮೋಚಿನೀ ।
ಕಾಮದೇವಕಲಾರಾಮಾ ಕಾಮದೇವಕಲಾಲಯಾ ॥ ೧೨೦॥
ಕಾಮರಾತ್ರಿಃ ಕಾಮದಾತ್ರೀ ಕಾನ್ತಾರಾಚಲವಾಸಿನೀ ।
ಕಾಮರೂಪಾ ಕಾಲಗತಿಃ ಕಾಮಯೋಗಪರಾಯಣಾ ॥ ೧೨೧॥
ಕಾಮಸಮ್ಮರ್ದ್ದನರತಾ ಕಾಮಗೇಹವಿಕಾಸಿನೀ ।
ಕಾಲಭೈರವಭಾರ್ಯಾ ಚ ಕಾಲಭೈರವಕಾಮಿನೀ ॥ ೧೨೨॥
ಕಾಲಭೈರವಯೋಗಸ್ಥಾ ಕಾಲಭೈರವಭೋಗದಾ ।
ಕಾಮಧೇನುಃ ಕಾಮದೋಗ್ಧ್ರೀ ಕಾಮಮಾತಾ ಚ ಕಾನ್ತಿದಾ ॥ ೧೨೩॥
ಕಾಮುಕಾ ಕಾಮುಕಾರಾಧ್ಯಾ ಕಾಮುಕಾನನ್ದವರ್ದ್ಧಿನೀ ।
ಕಾರ್ತ್ತವೀರ್ಯ್ಯಾ ಕಾರ್ತ್ತಿಕೇಯಾ ಕಾರ್ತ್ತಿಕೇಯಪ್ರಪೂಜಿತಾ ॥ ೧೨೪॥
ಕಾರ್ಯ್ಯಾ ಕಾರಣದಾ ಕಾರ್ಯ್ಯಕಾರಿಣೀ ಕಾರಣಾನ್ತರಾ ।
ಕಾನ್ತಿಗಮ್ಯಾ ಕಾನ್ತಿಮಯೀ ಕಾತ್ಯಾ ಕಾತ್ಯಾಯನೀ ಚ ಕಾ ॥ ೧೨೫॥
ಕಾಮಸಾರಾ ಚ ಕಾಶ್ಮೀರಾ ಕಾಶ್ಮೀರಾಚಾರತತ್ಪರಾ ।
ಕಾಮರೂಪಾಚಾರರತಾ ಕಾಮರೂಪಪ್ರಿಯಂವದಾ ॥ ೧೨೬॥
ಕಾಮರೂಪಾಚಾರಸಿದ್ಧಿಃ ಕಾಮರೂಪಮನೋಮಯೀ ।
ಕಾರ್ತ್ತಿಕೀ ಕಾರ್ತ್ತಿಕಾರಾಧ್ಯಾ ಕಾಞ್ಚನಾರಪ್ರಸೂನಭೂಃ ॥ ೧೨೭॥
ಕಾಞ್ಚನಾರಪ್ರಸೂನಾಭಾ ಕಾಞ್ಚನಾರಪ್ರಪೂಜಿತಾ ।
ಕಾಞ್ಚರೂಪಾ ಕಾಞ್ಚಭೂಮಿಃ ಕಾಂಸ್ಯಪಾತ್ರಪ್ರಭೋಜಿನೀ ॥ ೧೨೮॥
ಕಾಂಸ್ಯಧ್ವನಿಮಯೀ ಕಾಮಸುನ್ದರೀ ಕಾಮಚುಮ್ಬನಾ ।
ಕಾಶಪುಷ್ಪಪ್ರತೀಕಾಶಾ ಕಾಮದ್ರುಮಸಮಾಗಮಾ ॥ ೧೨೯॥
ಕಾಮಪುಷ್ಪಾ ಕಾಮಭೂಮಿಃ ಕಾಮಪೂಜ್ಯಾ ಚ ಕಾಮದಾ ।
ಕಾಮದೇಹಾ ಕಾಮಗೇಹಾ ಕಾಮಬೀಜಪರಾಯಣಾ ॥ ೧೩೦॥
ಕಾಮಧ್ವಜಸಮಾರೂಢಾ ಕಾಮಧ್ವಜಸಮಾಸ್ಥಿತಾ ।
ಕಾಶ್ಯಪೀ ಕಾಶ್ಯಪಾರಾಧ್ಯಾ ಕಾಶ್ಯಪಾನನ್ದದಾಯಿನೀ ॥ ೧೩೧॥
ಕಾಲಿನ್ದೀಜಲಸಙ್ಕಾಶಾ ಕಾಲಿನ್ದೀಜಲಪೂಜಿತಾ ।
ಕಾದೇವಪೂಜಾನಿರತಾ ಕಾದೇವಪರಮಾರ್ಥದಾ ॥ ೧೩೨॥
ಕರ್ಮ್ಮಣಾ ಕರ್ಮ್ಮಣಾಕಾರಾ ಕಾಮಕರ್ಮಣಕಾರಿಣೀ ।
ಕಾರ್ಮ್ಮಣತ್ರೋಟನಕರೀ ಕಾಕಿನೀ ಕಾರಣಾಹ್ವಯಾ ॥ ೧೩೩॥
ಕಾವ್ಯಾಮೃತಾ ಚ ಕಾಲಿಙ್ಗಾ ಕಾಲಿಙ್ಗಮರ್ದ್ದನೋದ್ಯತಾ ।
ಕಾಲಾಗರುವಿಭೂಷಾಢ್ಯಾ ಕಾಲಾಗರುವಿಭೂತಿದಾ ॥ ೧೩೪॥
ಕಾಲಾಗರುಸುಗನ್ಧಾ ಚ ಕಾಲಾಗರುಪ್ರತರ್ಪಣಾ ।
ಕಾವೇರೀನೀರಸಮ್ಪ್ರೀತಾ ಕಾವೇರೀತೀರವಾಸಿನೀ ॥ ೧೩೫॥
ಕಾಲಚಕ್ರಭ್ರಮಾಕಾರಾ ಕಾಲಚಕ್ರನಿವಾಸಿನೀ ।
ಕಾನನಾ ಕಾನನಾಧಾರಾ ಕಾರುಃ ಕಾರುಣಿಕಾಮಯೀ ॥ ೧೩೬॥
ಕಾಮ್ಪಿಲ್ಯವಾಸಿನೀ ಕಾಷ್ಠಾ ಕಾಮಪತ್ನೀ ಚ ಕಾಮಭೂಃ ।
ಕಾದಮ್ಬರೀಪಾನರತಾ ತಥಾ ಕಾದಮ್ಬರೀಕಲಾ ॥ ೧೩೭॥
ಕಾಮವನ್ದ್ಯಾ ಚ ಕಾಮೇಶೀ ಕಾಮರಾಜಪ್ರಪೂಜಿತಾ ।
ಕಾಮರಾಜೇಶ್ವರೀವಿದ್ಯಾ ಕಾಮಕೌತುಕಸುನ್ದರೀ ॥ ೧೩೮॥
ಕಾಮ್ಬೋಜಜಾ ಕಾಞ್ಛಿನದಾ ಕಾಂಸ್ಯಕಾಞ್ಚನಕಾರಿಣೀ ।
ಕಾಞ್ಚನಾದ್ರಿಸಮಾಕಾರಾ ಕಾಞ್ಚನಾದ್ರಿಪ್ರದಾನದಾ ॥ ೧೩೯॥
ಕಾಮಕೀರ್ತಿಃ ಕಾಮಕೇಶೀ ಕಾರಿಕಾ ಕಾನ್ತರಾಶ್ರಯಾ ।
ಕಾಮಭೇದೀ ಚ ಕಾಮಾರ್ತಿನಾಶಿನೀ ಕಾಮಭೂಮಿಕಾ ॥ ೧೪೦॥
ಕಾಲಾನಲಾಶಿನೀ ಕಾವ್ಯವನಿತಾ ಕಾಮರೂಪಿಣೀ ।
ಕಾಯಸ್ಥಾ ಕಾಮಸನ್ದೀಪ್ತಿಃ ಕಾವ್ಯದಾ ಕಾಲಸುನ್ದರೀ ॥ ೧೪೧॥
ಕಾಮೇಶೀ ಕಾರಣವರಾ ಕಾಮೇಶೀಪೂಜನೋದ್ಯತಾ ।
ಕಾಞ್ಚೀ-ನೂಪುರಭೂಷಾಢ್ಯಾ-ಕುಙ್ಕುಮಾಭರಣಾನ್ವಿತಾ ॥ ೧೪೨॥
ಕಾಲಚಕ್ರಾ ಕಾಲಗತಿಃ ಕಾಲಚಕ್ರಾಮನೋಭವಾ ।
ಕುನ್ದಮಧ್ಯಾ ಕುನ್ದಪುಷ್ಪಾ ಕುನ್ದಪುಷ್ಪಪ್ರಿಯಾ ಕುಜಾ ॥ ೧೪೩॥
ಕುಜಮಾತಾ ಕುಜಾರಾಧ್ಯಾ ಕುಠಾರವರಧಾರಿಣೀ ।
ಕುಞ್ಚರಸ್ಥಾ ಕುಶರತಾ ಕುಶೇಶಯವಿಲೋಚನಾ ॥ ೧೪೪॥
ಕುಮಠೀ ಕುರರೀ ಕುದ್ರಾ ಕುರಙ್ಗೀ ಕುಟಜಾಶ್ರಯಾ ।
ಕುಮ್ಭೀನಸವಿಭೂಷಾ ಚ ಕುಮ್ಭೀನಸವಧೋದ್ಯತಾ ॥ ೧೪೫॥
ಕುಮ್ಭಕರ್ಣಮನೋಲ್ಲಾಸಾ ಕುಲಚೂಡಾಮಣಿಃ ಕುಲಾ ।
ಕುಲಾಲಗೃಹಕನ್ಯಾ ಚ ಕುಲಚೂಡಾಮಣಿಪ್ರಿಯಾ ॥ ೧೪೬॥
ಕುಲಪೂಜ್ಯಾ ಕುಲಾರಾಧ್ಯಾ ಕುಲಪೂಜಾಪರಾಯಣಾ ।
ಕುಲಭೂಷಾ ತಥಾ ಕುಕ್ಷಿಃ ಕುರರೀಗಣಸೇವಿತಾ ॥ ೧೪೭॥
ಕುಲಪುಷ್ಪಾ ಕುಲರತಾ ಕುಲಪುಷ್ಪಪರಾಯಣಾ ।
ಕುಲವಸ್ತ್ರಾ ಕುಲಾರಾಧ್ಯಾ ಕುಲಕುಣ್ಡಸಮಪ್ರಭಾ ॥ ೧೪೮॥
ಕುಲಕುಣ್ಡಸಮೋಲ್ಲಾಸಾ ಕುಣ್ಡಪುಷ್ಪಪರಾಯಣಾ ।
ಕುಣ್ಡಪುಷ್ಪಪ್ರಸನ್ನಾಸ್ಯಾ ಕುಣ್ಡಗೋಲೋದ್ಭವಾತ್ಮಿಕಾ ॥ ೧೪೯॥
ಕುಣ್ಡಗೋಲೋದ್ಭವಾಧಾರಾ ಕುಣ್ಡಗೋಲಮಯೀ ಕುಹೂಃ ।
ಕುಣ್ಡಗೋಲಪ್ರಿಯಪ್ರಾಣಾ ಕುಣ್ಡಗೋಲಪ್ರಪೂಜಿತಾ ॥ ೧೫೦॥
ಕುಣ್ಡಗೋಲಮನೋಲ್ಲಾಸಾ ಕುಣ್ಡಗೋಲಬಲಪ್ರದಾ ।
ಕುಣ್ಡದೇವರತಾ ಕ್ರುದ್ಧಾ ಕುಲಸಿದ್ಧಿಕರಾ ಪರಾ ॥ ೧೫೧॥
ಕುಲಕುಣ್ಡಸಮಾಕಾರಾ ಕುಲಕುಣ್ಡಸಮಾನಭೂಃ ।
ಕುಣ್ಡಸಿದ್ಧಿಃ ಕುಣ್ಡಋದ್ಧಿಃ ಕುಮಾರೀಪೂಜನೋದ್ಯತಾ ॥ ೧೫೨॥
ಕುಮಾರೀಪೂಜಕಪ್ರಾಣಾ ಕುಮಾರೀಪೂಜಕಾಲಯಾ ।
ಕುಮಾರೀಕಾಮಸನ್ತುಷ್ಟಾ ಕುಮಾರೀಪೂಜನೋತ್ಸುಕಾ ॥ ೧೫೩॥
ಕುಮಾರೀವ್ರತಸನ್ತುಷ್ಟಾ ಕುಮಾರೀರೂಪಧಾರಿಣೀ ।
ಕುಮಾರೀಭೋಜನಪ್ರೀತಾ ಕುಮಾರೀ ಚ ಕುಮಾರದಾ ॥ ೧೫೪॥
ಕುಮಾರಮಾತಾ ಕುಲದಾ ಕುಲಯೋನಿಃ ಕುಲೇಶ್ವರೀ ।
ಕುಲಲಿಙ್ಗಾ ಕುಲಾನನ್ದಾ ಕುಲರಮ್ಯಾ ಕುತರ್ಕಧೃಕ್ ॥ ೧೫೫॥
ಕುನ್ತೀ ಚ ಕುಲಕಾನ್ತಾ ಚ ಕುಲಮಾರ್ಗಪರಾಯಣಾ ।
ಕುಲ್ಲಾ ಚ ಕುರುಕುಲ್ಲಾ ಚ ಕುಲ್ಲುಕಾ ಕುಲಕಾಮದಾ ॥ ೧೫೬॥
ಕುಲಿಶಾಙ್ಗೀ ಕುಬ್ಜಿಕಾ ಚ ಕುಬ್ಜಿಕಾನನ್ದವರ್ದ್ಧಿನೀ ।
ಕುಲೀನಾ ಕುಞ್ಜರಗತಿಃ ಕುಞ್ಜರೇಶ್ವರಗಾಮಿನೀ ॥ ೧೫೭॥
ಕುಲಪಾಲೀ ಕುಲವತೀ ತಥೈವ ಕುಲದೀಪಿಕಾ ।
ಕುಲಯೋಗೇಶ್ವರೀ ಕುಣ್ಡಾ ಕುಙ್ಕುಮಾರುಣವಿಗ್ರಹಾ ॥ ೧೫೮॥
ಕುಙ್ಕುಮಾನನ್ದಸನ್ತೋಷಾ ಕುಙ್ಕುಮಾರ್ಣವವಾಸಿನೀ ।
ಕುಸುಮಾ ಕುಸುಮಪ್ರೀತಾ ಕುಲಭೂಃ ಕುಲಸುನ್ದರೀ ॥ ೧೫೯॥
ಕುಮುದ್ವತೀ ಕುಮುದಿನೀ ಕುಶಲಾ ಕುಲಟಾಲಯಾ ।
ಕುಲಟಾಲಯಮಧ್ಯಸ್ಥಾ ಕುಲಟಾಸಙ್ಗತೋಷಿತಾ ॥ ೧೬೦॥
ಕುಲಟಾಭವನೋದ್ಯುಕ್ತಾ ಕುಶಾವರ್ತಾ ಕುಲಾರ್ಣವಾ ।
ಕುಲಾರ್ಣವಾಚಾರರತಾ ಕುಣ್ಡಲೀ ಕುಣ್ಡಲಾಕೃತಿಃ ॥ ೧೬೧॥
ಕುಮತಿಶ್ಚ ಕುಲಶ್ರೇಷ್ಠಾ ಕುಲಚಕ್ರಪರಾಯಣಾ ।
ಕೂಟಸ್ಥಾ ಕೂಟದೃಷ್ಟಿಶ್ಚ ಕುನ್ತಲಾ ಕುನ್ತಲಾಕೃತಿಃ ॥ ೧೬೨॥
ಕುಶಲಾಕೃತಿರೂಪಾ ಚ ಕೂರ್ಚಬೀಜಧರಾ ಚ ಕೂಃ ।
ಕುಂ ಕುಂ ಕುಂ ಕುಂ ಶಬ್ದರತಾ ಕ್ರೂಂ ಕ್ರೂಂ ಕ್ರೂಂ ಕ್ರೂಂ ಪರಾಯಣಾ ॥ ೧೬೩॥
ಕುಂ ಕುಂ ಕುಂ ಶಬ್ದನಿಲಯಾ ಕುಕ್ಕುರಾಲಯವಾಸಿನೀ ।
ಕುಕ್ಕುರಾಸಙ್ಗಸಂಯುಕ್ತಾ ಕುಕ್ಕುರಾನನ್ತವಿಗ್ರಹಾ ॥ ೧೬೪॥
ಕೂರ್ಚಾರಮ್ಭಾ ಕೂರ್ಚಬೀಜಾ ಕೂರ್ಚಜಾಪಪರಾಯಣಾ ।
ಕುಚಸ್ಪರ್ಶನಸನ್ತುಷ್ಟಾ ಕುಚಾಲಿಙ್ಗನಹರ್ಷದಾ ॥ ೧೬೫॥
ಕುಮತಿಘ್ನೀ ಕುಬೇರಾರ್ಚ್ಯಾ ಕುಚಭೂಃ ಕುಲನಾಯಿಕಾ ।
ಕುಗಾಯನಾ ಕುಚಧರಾ ಕುಮಾತಾ ಕುನ್ದದನ್ತಿನೀ ॥ ೧೬೬॥
ಕುಗೇಯಾ ಕುಹರಾಭಾಸಾ ಕುಗೇಯಾ ಕುಘ್ನದಾರಿಭಾ ।
ಕೀರ್ತಿಃ ಕಿರಾತಿನೀ ಕ್ಲಿನ್ನಾ ಕಿನ್ನರಾ ಕಿನ್ನರೀಕ್ರಿಯಾ ॥ ೧೬೭॥
ಕ್ರೀಙ್ಕಾರಾ ಕ್ರೀಞ್ಜಪಾಸಕ್ತಾ ಕ್ರೀಂ ಹೂँ ಸ್ತ್ರೀಂ ಮನ್ತ್ರರೂಪಿಣೀ ।
ಕಿರ್ಮೀರಿತದೃಶಾಪಾಙ್ಗೀ ಕಿಶೋರೀ ಚ ಕಿರೀಟಿನೀ ॥ ೧೬೮॥
ಕೀಟಭಾಷಾ ಕೀಟಯೋನಿಃ ಕೀಟಮಾತಾ ಚ ಕೀಟದಾ ।
ಕಿಂಶುಕಾ ಕೀರಭಾಷಾ ಚ ಕ್ರಿಯಾಸಾರಾ ಕ್ರಿಯಾವತೀ ॥ ೧೬೯॥
ಕೀಂಕೀಂಶಬ್ದಪರಾ ಕ್ಲಾಂ ಕ್ಲೀಂ ಕ್ಲೂँ ಕ್ಲೈಂ ಕ್ಲೌಂ ಮನ್ತ್ರರೂಪಿಣೀ ।
ಕಾँ ಕೀಂ ಕೂँ ಕೈಂ ಸ್ವರೂಪಾ ಚ ಕಃ ಫಟ್ ಮನ್ತ್ರಸ್ವರೂಪಿಣೀ ॥ ೧೭೦॥
ಕೇತಕೀಭೂಷಣಾನನ್ದಾ ಕೇತಕೀಭರಣಾನ್ವಿತಾ ।
ಕೈಕದಾ ಕೇಶಿನೀ ಕೇಶೀ ಕೇಶೀಸೂದನತತ್ಪರಾ ॥ ೧೭೧॥
ಕೇಶರೂಪಾ ಕೇಶಮುಕ್ತಾ ಕೈಕೇಯೀ ಕೌಶಿಕೀ ತಥಾ ।
ಕೈರವಾ ಕೈರವಾಹ್ಲಾದಾ ಕೇಶರಾ ಕೇತುರೂಪಿಣೀ ॥ ೧೭೨॥
ಕೇಶವಾರಾಧ್ಯಹೃದಯಾ ಕೇಶವಾಸಕ್ತಮಾನಸಾ ।
ಕ್ಲೈಬ್ಯವಿನಾಶಿನೀ ಕ್ಲೈಂ ಚ ಕ್ಲೈಂ ಬೀಜಜಪತೋಷಿತಾ ॥ ೧೭೩॥
ಕೌಶಲ್ಯಾ ಕೋಶಲಾಕ್ಷೀ ಚ ಕೋಶಾ ಚ ಕೋಮಲಾ ತಥಾ ।
ಕೋಲಾಪುರನಿವಾಸಾ ಚ ಕೋಲಾಸುರವಿನಾಶಿನೀ ॥ ೧೭೪॥
ಕೋಟಿರೂಪಾ ಕೋಟಿರತಾ ಕ್ರೋಧಿನೀ ಕ್ರೋಧರೂಪಿಣೀ ।
ಕೇಕಾ ಚ ಕೋಕಿಲಾ ಕೋಟಿಃ ಕೋಟಿಮನ್ತ್ರಪರಾಯಣಾ ॥ ೧೭೫॥
ಕೋಟ್ಯಾನನ್ತಮನ್ತ್ರಯುಕ್ತಾ ಕೈರೂಪಾ ಕೇರಲಾಶ್ರಯಾ ।
ಕೇರಲಾಚಾರನಿಪುಣಾ ಕೇರಲೇನ್ದ್ರಗೃಹಸ್ಥಿತಾ ॥ ೧೭೬॥
ಕೇದಾರಾಶ್ರಮಸಂಸ್ಥಾ ಚ ಕೇದಾರೇಶ್ವರಪೂಜಿತಾ ।
ಕ್ರೋಧರೂಪಾ ಕ್ರೋಧಪದಾ ಕ್ರೋಧಮಾತಾ ಚ ಕೌಶಿಕೀ ॥ ೧೭೭॥
ಕೋದಣ್ಡಧಾರಿಣೀ ಕ್ರೌಞ್ಚಾ ಕೌಶಲ್ಯಾ ಕೌಲಮಾರ್ಗಗಾ ।
ಕೌಲಿನೀ ಕೌಲಿಕಾರಾಧ್ಯಾ ಕೌಲಿಕಾಗಾರವಾಸಿನೀ ॥ ೧೭೮॥
ಕೌತುಕೀ ಕೌಮುದೀ ಕೌಲಾ ಕುಮಾರೀ ಕೌರವಾರ್ಚಿತಾ ।
ಕೌಣ್ಡಿನ್ಯಾ ಕೌಶಿಕೀ ಕ್ರೋಧಾ ಜ್ವಾಲಾಭಾಸುರರೂಪಿಣೀ ॥ ೧೭೯॥
ಕೋಟಿಕಾಲಾನಲಜ್ವಾಲಾ ಕೋಟಿಮಾರ್ತ್ತಣ್ಡವಿಗ್ರಹಾ ।
ಕೃತ್ತಿಕಾ ಕೃಷ್ಣವರ್ಣಾ ಚ ಕೃಷ್ಣಾ ಕೃತ್ಯಾ ಕ್ರಿಯಾತುರಾ ॥ ೧೮೦॥
ಕೃಶಾಙ್ಗೀ ಕೃತಕೃತ್ಯಾ ಚ ಕ್ರಃ ಫಟ್ಸ್ವಾಹಾಸ್ವರೂಪಿಣೀ ।
ಕ್ರೌಂ ಕ್ರೌಂ ಹೂँ ಫಟ್ಮನ್ತ್ರವರ್ಣಾ
ಕ್ರಾಂ ಹ್ರೀಂ ಹ್ರೂँ ಫಟ್ ಸ್ವರೂಪಿಣೀ ॥ ೧೮೧॥
ಕ್ರೀಂಕ್ರೀಂಹ್ರೀಂಹ್ರೀಂ ತಥಾ ಹ್ರೂँ ಹೂँಫಟ್ಸ್ವಾಹಾಮನ್ತ್ರರೂಪಿಣೀ ।
ಇತಿ ಶ್ರೀಸರ್ವಸಾಮ್ರಾಜ್ಯಮೇಧಾ ನಾಮಸಹಸ್ರಕಮ್ ॥ ೧೮೨॥
ಸುನ್ದರೀಶಕ್ತಿದಾನಾಖ್ಯಂ ಸ್ವರೂಪಾರ್ಭಿಧಮೇವ ಚ ।
ಕಥಿತಂ ದಕ್ಷಿಣಾಕಾಲ್ಯಾಃ ಸುನ್ದರ್ಯೈ ಪ್ರೀತಿಯೋಗತಃ ॥ ೧॥
ವರದಾನಪ್ರಸಙ್ಗೇನ ರಹಸ್ಯಮಪಿ ದರ್ಶಿತಮ್ ।
ಗೋಪನೀಯಂ ಸದಾ ಭಕ್ತ್ಯಾ ಪಠನೀಯಂ ಪರಾತ್ಪರಮ್ ॥ ೨॥
ಪ್ರಾತರ್ಮಧ್ಯಾಹ್ನಕಾಲೇ ಚ ಮಧ್ಯಾರ್ದ್ಧರಾತ್ರಯೋರಪಿ ।
ಯಜ್ಞಕಾಲೇ ಜಪಾನ್ತೇ ಚ ಪಠನೀಯಂ ವಿಶೇಷತಃ ॥ ೩॥
ಯಃ ಪಠೇತ್ ಸಾಧಕೋ ಧೀರಃ ಕಾಲೀರೂಪೋ ಹಿ ವರ್ಷತಃ ।
ಪಠೇದ್ವಾ ಪಾಠಯೇದ್ವಾಪಿ ಶ್ರೃಣೋತಿ ಶ್ರಾವಯೇದಪಿ ॥ ೪॥
ವಾಚಕಂ ತೋಷಯೇದ್ವಾಪಿ ಸ ಭವೇತ್ ಕಾಲಿಕಾತನುಃ ।
ಸಹೇಲಂ ವಾ ಸಲೀಲಂ ವಾ ಯಶ್ಚೈನಂ ಮಾನವಃ ಪಠೇತ್ ॥ ೫॥
ಸರ್ವದುಃಖವಿನಿರ್ಮುಕ್ತಸ್ತ್ರೈಲೋಕ್ಯವಿಜಯೀ ಕವಿಃ ।
ಮೃತವನ್ಧ್ಯಾ ಕಾಕವನ್ಧ್ಯಾ ಕನ್ಯಾವನ್ಧ್ಯಾ ಚ ವನ್ಧ್ಯಕಾ ॥ ೬॥
ಪುಷ್ಪವನ್ಧ್ಯಾ ಶೂಲವನ್ಧ್ಯಾ ಶ್ರೃಣುಯಾತ್ ಸ್ತೋತ್ರಮುತ್ತಮಮ್ ।
ಸರ್ವಸಿದ್ಧಿಪ್ರದಾತಾರಂ ಸತ್ಕವಿಂ ಚಿರಜೀವಿನಮ್ ॥ ೭॥
ಪಾಣ್ಡಿತ್ಯಕೀರ್ತಿಸಂಯುಕ್ತಂ ಲಭತೇ ನಾತ್ರ ಸಂಶಯಃ ।
ಯಂ ಯಂ ಕಾಮಮುಪಸ್ಕೃತ್ಯ ಕಾಲೀಂ ಧ್ಯಾತ್ವಾ ಜಪೇತ್ಸ್ತವಮ್ ॥ ೮॥
ತಂ ತಂ ಕಾಮಂ ಕರೇ ಕೃತ್ವಾ ಮನ್ತ್ರೀ ಭವತಿ ನಾಽನ್ಯಥಾ ।
ಯೋನಿಪುಷ್ಪೈರ್ಲಿಙ್ಗಪುಷ್ಪೈಃ ಕುಣ್ಡಗೋಲೋದ್ಭವೈರಪಿ ॥ ೯॥
ಸಂಯೋಗಾಮೃತಪುಷ್ಪೈಶ್ಚ ವಸ್ತ್ರದೇವೀಪ್ರಸೂನಕೈಃ ।
ಕಾಲಿಪುಷ್ಪೈಃ ಪೀಠತೋಯೈರ್ಯೋನಿಕ್ಷಾಲನತೋಯಕೈಃ ॥ ೧೦॥
ಕಸ್ತೂರೀಕುಙ್ಕುಮೈರ್ದೇವೀಂ ನಖಕಾಲಾಗರುಕ್ರಮಾತ್ ।
ಅಷ್ಟಗನ್ಧೈರ್ಧೂಪದೀಪರ್ಯವಯಾವಕಸಂಯುತೈಃ ॥ ೧೧॥
ರಕ್ತಚನ್ದನಸಿನ್ದೂರೈರ್ಮತ್ಸ್ಯಮಾಂಸಾದಿಭೂಷಣೈಃ ।
ಮಧುಭಿಃ ಪಾಯಸೈಃ ಕ್ಷೀರೈಃ ಶೋಧಿತೈಃ ಶೋಣಿತೈರಪಿ ॥ ೧೨॥
ಮಹೋಪಚಾರೈ ರಕ್ತೈಶ್ಚ ನೈವೇದ್ಯೈಃ ಸುರಸಾನ್ವಿತೈಃ ।
ಪೂಜಯಿತ್ವಾ ಮಹಾಕಾಲೀಂ ಮಹಾಕಾಲೇನ ಲಾಲಿತಾಮ್ ॥ ೧೩॥
ವಿದ್ಯಾರಾಜ್ಞೀಂ ಕುಲ್ಲುಕಾಞ್ಚ ಜಪ್ತ್ವಾ ಸ್ತೋತ್ರಂ ಜಪೇಚ್ಛಿವೇ ।
ಕಾಲೀಭಕ್ತಸ್ತ್ವೇಕಚಿತ್ತಃ ಸಿನ್ದೂರತಿಲಕಾನ್ವಿತಃ ॥ ೧೪॥
ತಾಮ್ಬೂಲಪೂರಿತಮುಖೋ ಮುಕ್ತಕೇಶೋ ದಿಗಮ್ಬರಃ ।
ಶವಯೋನಿಸ್ಥಿತೋ ವೀರಃ ಶ್ಮಶಾನಸುರತಾನ್ವಿತಃ ॥ ೧೫॥
ಶೂನ್ಯಾಲಯೇ ಬಿನ್ದುಪೀಠೇ ಪುಷ್ಪಾಕೀರ್ಣೇ ಶಿವಾನನೇ ।
ಶಯನೋತ್ಥಪ್ರಭುಞ್ಜಾನಃ ಕಾಲೀದರ್ಶನಮಾಪ್ನುಯಾತ್ ॥ ೧೬॥
ತತ್ರ ಯದ್ಯತ್ಕೃತಂ ಕರ್ಮ ತದನನ್ತಫಲಂ ಭವೇತ್ ।
ಐಶ್ವರ್ಯೇ ಕಮಲಾ ಸಾಕ್ಷಾತ್ ಸಿದ್ಧೌ ಶ್ರೀಕಾಲಿಕಾಮ್ಬಿಕಾ ॥ ೧೭॥
ಕವಿತ್ವೇ ತಾರಿಣೀತುಲ್ಯಃ ಸೌನ್ದರ್ಯೇ ಸುನ್ದರೀಸಮಃ ।
ಸಿನ್ಧೋರ್ದ್ಧಾರಾಸಮಃ ಕಾರ್ಯೇ ಶ್ರುತೌ ಶ್ರುತಿಧರಸ್ತಥಾ ॥ ೧೮॥
ವಜ್ರಾಸ್ತ್ರಮಿವ ದುರ್ದ್ಧರ್ಷಸ್ತ್ರೈಲೋಕ್ಯವಿಜಯಾಸ್ತ್ರಭೃತ್ ।
ಶತ್ರುಹನ್ತಾ ಕಾವ್ಯಕರ್ತಾ ಭವೇಚ್ಛಿವಸಮಃ ಕಲೌ ॥ ೧೯॥
ದಿಗ್ವಿದಿಕ್ಚನ್ದ್ರಕರ್ತಾ ಚ ದಿವಾರಾತ್ರಿವಿಪರ್ಯ್ಯಯೀ ।
ಮಹಾದೇವಸಮೋ ಯೋಗೀ ತ್ರೈಲೋಕ್ಯಸ್ತಮ್ಭಕಃ ಕ್ಷಣಾತ್ ॥ ೨೦॥
ಗಾನೇನ ತುಮ್ಬುರುಃ ಸಾಕ್ಷಾದ್ದಾನೇ ಕರ್ಣಸಮೋ ಭವೇತ್ ।
ಗಜಾಽಶ್ವರಥಪತ್ತೀನಾಮಸ್ತ್ರಾಣಾಮಧಿಪಃ ಕೃತೀ ॥ ೨೧॥
ಆಯುಷ್ಯೇಷು ಭುಶುಣ್ಡೀ ಚ ಜರಾಪಲಿತನಾಶಕಃ ।
ವರ್ಷಷೋಡಶವಾನ್ ಭೂಯಾತ್ ಸರ್ವಕಾಲೇ ಮಹೇಶ್ವರೀ ॥ ೨೨॥
ಬ್ರಹ್ಮಾಣ್ಡಗೋಲೇ ದೇವೇಶಿ ನ ತಸ್ಯ ದುರ್ಲಭಂ ಕ್ವಚಿತ್ ।
ಸರ್ವಂ ಹಸ್ತಗತಂ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೨೩॥
ಕುಲಪುಷ್ಪಯುತಂ ದೃಷ್ಟ್ವಾ ತತ್ರ ಕಾಲೀಂ ವಿಚಿನ್ತ್ಯ ಚ ।
ವಿದ್ಯಾರಾಜ್ಞೀಂ ತು ಸಮ್ಪೂಜ್ಯ ಪಠೇನ್ನಾಮಸಹಸ್ರಕಮ್ ॥ ೨೪॥
ಮನೋರಥಮಯೀ ಸಿದ್ಧಿಸ್ತಸ್ಯ ಹಸ್ತೇ ಸದಾ ಭವೇತ್ ।
ಪರದಾರಾನ್ ಸಮಾಲಿಙ್ಗಯ ಸಮ್ಪೂಜ್ಯ ಪರಮೇಶ್ವರೀಮ್ ॥ ೨೫॥
ಹಸ್ತಾಹಸ್ತಿಕಯಾ ಯೋಗಂ ಕೃತ್ವಾ ಜಪ್ತ್ವಾ ಸ್ತವಂ ಪಠೇತ್ ।
ಯೋನಿಂ ವೀಕ್ಷ್ಯ ಜಪೇತ್ ಸ್ತೋತ್ರಂ ಕುಬೇರಾದಧಿಕೋ ಭವೇತ್ ॥ ೨೬॥
ಕುಣ್ಡಗೋಲೋದ್ಭವಂ ಗೃಹ್ಯವರ್ಣಾಕ್ತಂ ಹೋಮಯೇನ್ನಿಶಿ ।
ಪಿತೃಭೂಮೌ ಮಹೇಶಾನಿ ವಿಧಿರೇಖಾಂ ಪ್ರಮಾರ್ಜಯೇತ್ ॥ ೨೭॥
ತರುಣೀಂ ಸುನ್ದರೀಂ ರಮ್ಯಾಂ ಚಞ್ಚಲಾಂ ಕಾಮಗರ್ವಿತಾಮ್ ।
ಸಮಾನೀಯ ಪ್ರಯತ್ನೇನ ಸಂಶೋಧ್ಯ ನ್ಯಾಸಯೋಗತಃ ॥ ೨೮॥
ಪ್ರಸೂನಮಞ್ಚೇ ಸಂಸ್ಥಾಪ್ಯ ಪೃಥಿವೀಂ ವಶಮಾನಯೇತ್ ।
ಮೂಲಚಕ್ರಂ ತು ಸಮ್ಭಾವ್ಯ ದೇವ್ಯಾಶ್ಚರಣಸಂಯುತಮ್ ॥ ೨೯॥
ಸಮ್ಮೂಜ್ಯ ಪರಮೇಶಾನೀಂ ಸಙ್ಕಲ್ಪ್ಯ ತು ಮಹೇಶ್ವರಿ ।
ಜಪ್ತ್ವಾ ಸ್ತುತ್ವಾ ಮಹೇಶಾನೀಂ ಪ್ರಣವಂ ಸಂಸ್ಮರೇಚ್ಛಿವೇ ॥ ೩೦॥
ಅಷ್ಟೋತ್ತರಶತೈರ್ಯೋನಿಂ ಪ್ರಮನ್ತ್ರ್ಯಾಚುಮ್ಬ್ಯ ಯತ್ನತಃ ।
ಸಂಯೋಗೀಭೂಯ ಜಪ್ತವ್ಯಂ ಸರ್ವವಿದ್ಯಾಧಿಪೋ ಭವೇತ್ ॥ ೩೧॥
ಶೂನ್ಯಾಗಾರೇ ಶಿವಾರಣ್ಯೇ ಶಿವದೇವಾಲಯೇ ತಥಾ ।
ಶೂನ್ಯದೇಶೇ ತಡಾಗೇ ಚ ಗಙ್ಗಾಗರ್ಭೇ ಚತುಷ್ಪಥೇ ॥ ೩೨॥
ಶ್ಮಶಾನೇ ಪರ್ವತಪ್ರಾನ್ತೇ ಏಕಲಿಙ್ಗೇ ಶಿವಾಮುಖೇ ।
ಮುಣ್ಡಯೋನೌ ಋತೌ ಸ್ನಾತ್ವಾ ಗೇಹೇ ವೇಶ್ಯಾಗೃಹೇ ತಥಾ ॥ ೩೩॥
ಕುಟ್ಟಿನೀಗೃಹಮಧ್ಯೇ ಚ ಕದಲೀಮಣ್ಡಪೇ ತಥಾ ।
ಪಠೇತ್ಸಹಸ್ರನಾಮಾಖ್ಯಂ ಸ್ತೋತ್ರಂ ಸರ್ವಾರ್ಥಸಿದ್ಧಯೇ ॥ ೩೪॥
ಅರಣ್ಯೇ ಶೂನ್ಯಗರ್ತೇ ಚ ರಣೇ ಶತ್ರುಸಮಾಗಮೇ ।
ಪ್ರಜಪೇಚ್ಚ ತತೋ ನಾಮ ಕಾಲ್ಯಾಶ್ಚೈವ ಸಹಸ್ರಕಮ್ ॥ ೩೫॥
ಬಾಲಾನನ್ದಪರೋ ಭೂತ್ವಾ ಪಠಿತ್ವಾ ಕಾಲಿಕಾಸ್ತವಮ್ ।
ಕಾಲೀಂ ಸಞ್ಚಿನ್ತ್ಯ ಪ್ರಜಪೇತ್ ಪಠೇನ್ನಾಮಸಹಸ್ರಕಮ್ ॥ ೩೬॥
ಸರ್ವಸಿದ್ಧೀಶ್ವರೋ ಭೂಯಾದ್ವಾಞ್ಛಾಸಿದ್ಧೀಶ್ವರೋ ಭವೇತ್ ।
ಮುಣ್ಡಚೂಡಕಯೋರ್ಯೋನಿ ತ್ವಚಿ ವಾ ಕೋಮಲೇ ಶಿವೇ ॥ ೩೭॥
ವಿಷ್ಟರೇ ಶವವಸ್ತ್ರೇ ವಾ ಪುಷ್ಪವಸ್ತ್ರಾಸನೇಽಪಿ ವಾ ।
ಮುಕ್ತಕೇಶೋ ದಿಶಾವಾಸೋ ಮೈಥುನೀ ಶಯನೇ ಸ್ಥಿತಃ ॥ ೩೮॥
ಜಪ್ತ್ವಾಕಾಲೀಂ ಪಠೇತ್ ಸ್ತೋತ್ರಂ ಖೇಚರೀಸಿದ್ಧಿಭಾಗ್ ಭವೇತ್ ।
ಚಿಕುರಂ ಯೋಗಮಾಸಾದ್ಯ ಶುಕ್ರೋತ್ಸಾರಣಮೇವ ಚ ॥ ೩೯॥
ಜಪ್ತ್ವಾ ಶ್ರೀದಕ್ಷಿಣಾಂ ಕಾಲೀಂ ಶಕ್ತಿಪಾತಶತಂ ಭವೇತ್ ।
ಲತಾಂ ಸ್ಪೃಶನ್ ಜಪಿತ್ವಾ ಚ ರಮಿತ್ವಾ ತ್ವರ್ಚಯನ್ನಪಿ ॥ ೪೦॥
ಆಹ್ಲಾದಯನ್ದಿಗಾವಾಸಃ ಪರಶಕ್ತಿಂ ವಿಶೇಷತಃ ।
ಸ್ತುತ್ವಾ ಶ್ರೀದಕ್ಷಿಣಾಂ ಕಾಲೀಂ ಯೋನಿಂ ಸ್ವಕರಗಾಞ್ಚರೇತ್ ॥ ೪೧॥
ಪಠೇನ್ನಾಮಸಹಸ್ರಂ ಯಃ ಸ ಶಿವಾದಧಿಕೋ ಭವೇತ್ ।
ಲತಾನ್ತರೇಷು ಜಪ್ತವ್ಯಂ ಸ್ತುತ್ವಾ ಕಾಲೀಂ ನಿರಾಕುಲಃ ॥ ೪೨॥
ದಶಾವಧಾನೋ ಭವತಿ ಮಾಸಮಾತ್ರೇಣ ಸಾಧಕಃ ।
ಕಾಲರಾತ್ರ್ಯಾಂ ಮಹಾರಾತ್ರ್ಯಾಂ ವೀರರಾತ್ರ್ಯಾಮಪಿ ಪ್ರಿಯೇ ॥ ೪೩॥
ಮಹಾರಾತ್ರ್ಯಾಂ ಚತುರ್ದಶ್ಯಾಮಷ್ಟಮ್ಯಾಂ ಸಂಕ್ರಮೇಽಪಿ ವಾ ।
ಕುಹೂಪೂರ್ಣೇನ್ದುಶುಕ್ರೇಷು ಭೌಮಾಮಾಯಾಂ ನಿಶಾಮುಖೇ ॥ ೪೪॥
ನವಮ್ಯಾಂ ಮಙ್ಗಲದಿನೇ ತಥಾ ಕುಲತಿಥೌ ಶಿವೈ ।
ಕುಲಕ್ಷೇತ್ರೇ ಪ್ರಯತ್ನೇನ ಪಠೇನ್ನಾಮಸಹಸ್ರಕಮ್ ॥ ೪೫॥
ಸುದರ್ಶನೋ ಭವೇದಾಶು ಕಿನ್ನರೀಸಿದ್ಧಿಭಾಗ್ಭವೇತ್ ।
ಪಶ್ಮಿಮಾಭಿಮುಖಂ ಲಿಙ್ಗಂ ವೃಷಶೂನ್ಯಂ ಪುರಾತನಮ್ ॥ ೪೬॥
ತತ್ರ ಸ್ಥಿತ್ವಾ ಜಪೇತ್ ಸ್ತೋತ್ರಂ ಸರ್ವಕಾಮಾಪ್ತಯೇ ಶಿವೇ ।
ಭೌಮವಾರೇ ನಿಶೀಥೇ ವಾ ಅಮಾವಸ್ಯಾದಿನೇ ಶುಭೇ ॥ ೪೭॥
ಮಾಷಭಕ್ತಬಲಿಂ ಛಾಗಂ ಕೃಸರಾನ್ನಂ ಚ ಪಾಯಸಮ್ ।
ದಗ್ಧಮೀನಂ ಶೋಣಿತಞ್ಚ ದಧಿ ದುಗ್ಧ ಗುಡಾರ್ದ್ರಕಮ್ ॥ ೪೮॥
ಬಲಿಂ ದತ್ವಾ ಜಪೇತ್ ತತ್ರ ತ್ವಷ್ಟೋತ್ತರಸಹಸ್ರಕಮ್ ।
ದೇವ-ಗನ್ಧರ್ವ-ಸಿದ್ಧೌಧೈಃ ಸೇವಿತಾಂ ಸುರಸುನ್ದರೀಮ್ ॥ ೪೯॥
ಲಭೇದ್ದೇವೇಶಿ ಮಾಸೇನ ತಸ್ಯ ಚಾಸನ ಸಂಹತಿಃ ।
ಹಸ್ತತ್ರಯಂ ಭವೇದೂರ್ಧ್ವಂ ನಾತ್ರ ಕಾರ್ಯಾ ವಿಚಾರಣಾ ॥ ೫೦॥
ಹೇಲಯಾ ಲೀಲಯಾ ಭಕ್ತ್ಯಾ ಕಾಲೀಂ ಸ್ತೌತಿ ನರಸ್ತು ಯಃ ।
ಬ್ರಹ್ಮಾದೀಂಸ್ಸತಮ್ಭಯೇದ್ದೇವಿ ಮಾಹೇಶೀಂ ಮೋಹಯೇತ್ಕ್ಷಣಾತ್ ॥ ೫೧॥
ಆಕರ್ಷಯೇನ್ಮಹಾವಿದ್ಯಾಂ ದಶಪೂರ್ವಾನ್ ತ್ರಿಯಾಮತಃ ।
ಕುರ್ವೀತ ವಿಷ್ಣುನಿರ್ಮ್ಮಾಣಂ ಯಮಾದೀನಾಂ ತು ಮಾರಣಮ್ ॥ ೫೨॥
ಧ್ರುವಮುಚ್ಚಾಟಯೇನ್ನೂನಂ ಸೃಷ್ಟಿನೂತನತಾಂ ನರಃ ।
ಮೇಷಮಾಹಿಷಮಾರ್ಜಾರಖರಚ್ಛಾಗನರಾದಿಕೈಃ ॥ ೫೩॥
ಖಙ್ಗಿಶೂಕರಕಾಪೋತೈಷ್ಟಿಟ್ಟಿಭೈಃ ಶಶಕೈಃ ಪಲೈಃ ।
ಶೋಣಿತೈಃ ಸಾಸ್ಥಿಮಾಂಸೈಶ್ಚ ಕಾರಣ್ಡೈರ್ದುಗ್ಧಪಾಯಸೈಃ ॥ ೫೪॥
ಕಾದಮ್ಬರೀಸಿನ್ಧುಮದ್ಯೈಃ ಸುರಾರಿಷ್ಟೈಶ್ಚ ಸಾಸವೈಃ ।
ಯೋನಿಕ್ಷಾಲಿತತೋಯೈಶ್ಚ ಯೋನಿಲಿಙ್ಗಾಮೃತೈರಪಿ ॥ ೫೫॥
ಸ್ವಜಾತಕುಸುಮೈಃ ಪೂಜ್ಯಾ ಜಪಾನ್ತೇ ತರ್ಪಯೇಚ್ಛಿವಾಮ್ ।
ಸರ್ವಸಾಮ್ರಾಜ್ಯನಾಮ್ನಾ ತು ಸ್ತುತ್ವಾ ನತ್ವಾ ಸ್ವಶಕ್ತಿತಃ ॥ ೫೬॥
ಶಕ್ತ್ಯಾ ಲಭನ್ ಪಠೇತ್ ಸ್ತೋತ್ರಂ ಕಾಲೀರೂಪೋ ದಿನತ್ರಯಾತ್ ।
ದಕ್ಷಿಣಾಕಾಲಿಕಾ ತಸ್ಯ ಗೇಹೇ ತಿಷ್ಠತಿ ನಾನ್ಯಥಾ ॥ ೫೭॥
ವೇಶ್ಯಾಲತಾಗೃಹೇ ಗತ್ವಾ ತಸ್ಯಾಶ್ಚುಮ್ಬನತತ್ಪರಃ ।
ತಸ್ಯಾ ಯೋನೌ ಮುಖಂ ದತ್ವಾ ತದ್ರಸಂ ವಿಲಿಹಞ್ಜಪೇತ್ ॥ ೫೮॥
ತದನ್ತೇ ನಾಮ ಸಾಹಸ್ರಂ ಪಠೇದ್ಭಕ್ತಿಪರಾಯಣಃ ।
ಕಾಲಿಕಾದರ್ಶನಂ ತಸ್ಯ ಭವೇದ್ದೇವಿ ತ್ರಿಯಾಮತಃ ॥ ೫೯॥
ನೃತ್ಯಪಾತ್ರಗೃಹೇ ಗತ್ವಾ ಮಕಾರಪಞ್ಚಕಾನ್ವಿತಃ ।
ಪ್ರಸೂನಮಞ್ಚೇ ಸಂಸ್ಥಾಪ್ಯ ಶಕ್ತಿನ್ಯಾಸಪರಾಯಣಃ ॥ ೬೦॥
ಪಾತ್ರಾಣಾಂ ಸಾಧನಂ ಕೃತ್ವಾ ದಿಗ್ವಸ್ತ್ರಾಂ ತಾಂ ಸಮಾಚರೇತ್ ।
ಸಮ್ಭಾವ್ಯ ಚಕ್ರಂ ತನ್ಮೂಲೇ ತತ್ರ ಸಾವರಣಾಂ ಜಪೇತ್ ॥ ೬೧॥
ಶತಂ ಭಾಲೇ ಶತಂ ಕೇಶೇ ಶತಂ ಸಿನ್ದೂರಮಣ್ಡಲೇ ।
ಶತತ್ರಯಂ ಕುಚದ್ವನ್ದ್ವೇ ಶತಂ ನಾಭೌ ಮಹೇಶ್ವರಿ ॥ ೬೨॥
ಶತಂ ಯೋನೌ ಮಹೇಶಾನಿ ಸಂಯೋಗೇ ಚ ಶತತ್ರಯಮ್ ।
ಜಪೇತ್ತತ್ರ ಮಹೇಶಾನಿ ತದನ್ತೇ ಪ್ರಪಠೇತ್ಸ್ತವಮ್ ॥ ೬೩॥
ಶತಾವಧಾನೋ ಭವತಿ ಮಾಸಮಾತ್ರೇಣ ಸಾಧಕಃ ।
ಮಾತಙ್ಗಿನೀಂ ಸಮಾನೀಯ ಕಿಂ ವಾ ಕಾಪಾಲಿನೀಂ ಶಿವೇ ॥ ೬೪॥
ದನ್ತಮಾಲಾ ಜಪೇ ಕಾರ್ಯಾ ಗಲೇ ಧಾರ್ಯಾ ನೃಮುಣ್ಡಜಾ ।
ನೇತ್ರಪದ್ಮೇ ಯೋನಿಚಕ್ರಂ ಶಕ್ತಿಚಕ್ರಂ ಸ್ವವಕ್ತ್ರಕೇ ॥ ೬೫॥
ಕೃತ್ವಾ ಜಪೇನ್ಮಹೇಶಾನಿ ಮುಣ್ಡಯನ್ತ್ರಂ ಪ್ರಪೂಜಯೇತ್ ।
ಮುಣ್ಡಾಸನಸ್ಥಿತೋ ವೀರೋ ಮಕಾರಪಞ್ಚಕಾನ್ವಿತಃ ॥ ೬೬॥
ಅನ್ಯಾಮಾಲಿಙ್ಗಯ ಪ್ರಜಪೇದನ್ಯಾಂ ಸಞ್ಚುಮ್ಬ್ಯ ವೈ ಪಠೇತ್ ।
ಅನ್ಯಾಂ ಸಮ್ಪೂಜಯೇತ್ತತ್ರ ತ್ವನ್ಯಾಂ ಸಮ್ಮರ್ದ್ದಯನ್ ಜಪೇತ್ ॥ ೬೭॥
ಅನ್ಯಯೋನೌ ಶಿವಂ ದತ್ವಾ ಪುನಃ ಪೂರ್ವವದಾಚರೇತ್ ।
ಅವಧಾನಸಹಸ್ರೇಷು ಶಕ್ತಿಪಾತಶತೇಷು ಚ ॥ ೬೮॥
ರಾಜಾ ಭವತಿ ದೇವೇಶಿ ಮಾಸಪಞ್ಚಕಯೋಗತಃ ।
ಯವನೀಶಕ್ತಿಮಾನೀಯ ಗಾನಶಕ್ತಿಪರಾಯಣಮ್ ॥ ೬೯॥
ಕುಲಾಚಾರಮತೇನೈವ ತಸ್ಯಾ ಯೋನಿಂ ವಿಕಾಸಯೇತ್ ।
ತತ್ರ ಪ್ರದಾಯ ಜಿಹ್ವಾಂ ತು ಜಪೇನ್ನಾಮಸಹಸ್ರಕಮ್ ॥ ೭೦॥
ನೃಕಪಾಲೇ ತತ್ರ ದೀಪಂ ಜಪೇತ್ಪ್ರಜ್ವಾಲ್ಯ ಯತ್ನತಃ ।
ಮಹಾಕವಿವರೋ ಭೂಯಾನ್ನಾತ್ರ ಕಾರ್ಯಾ ವಿಚಾರಣಾ ॥ ೭೧॥
ಕಾಮಾರ್ತಾಂ ಶಕ್ತಿಮಾನೀಯ ಯೋನೌ ತು ಮೂಲಚಕ್ರಕಮ್ ।
ವಿಲಿಖ್ಯ ಪರಮೇಶಾನಿ ತತ್ರ ಮನ್ತ್ರಂ ಲಿಖೇಚ್ಛಿವೇ ॥ ೭೨॥
ತಲ್ಲಿಹನ್ ಪ್ರಜಪೇದ್ದೇವಿ ಸರ್ವಶಾಸ್ತ್ರಾರ್ಥತತ್ವವಿತ್ ।
ಅಶ್ರುತಾನಿ ಚ ಶಾಸ್ತ್ರಾಣಿ ವೇದಾದೀನ್ ಪಾಠಯೇದ್ ಧ್ರುವಮ್ ॥ ೭೩॥
ವಿನಾ ನ್ಯಾಸೈರ್ವಿನಾ ಪಾಠೈರ್ವಿನಾಧ್ಯಾನಾದಿಭಿಃ ಪ್ರಿಯೇ ।
ಚತುರ್ವೇದಾಧಿಪೋ ಭೂತ್ವಾ ತ್ರಿಕಾಲಜ್ಞಸ್ತ್ರಿವರ್ಷತಃ ॥ ೭೪॥
ಚತುರ್ವಿಧಂ ಚ ಪಾಣ್ಡಿತ್ಯಂ ತಸ್ಯ ಹಸ್ತಗತಂ ಕ್ಷಣಾತ್ ।
ಶಿವಾಬಲಿಃ ಪ್ರದಾತವ್ಯಃ ಸರ್ವದಾ ಶೂನ್ಯಮಣ್ಡಲೇ ॥ ೭೫॥
ಕಾಲೀಧ್ಯಾನಂ ಮನ್ತ್ರರ್ಚಿತಾ ನೀಲಸಾಧನಮೇವ ಚ ।
ಸಹಸ್ರನಾಮಪಾಠಶ್ಚ ಕಾಲೀನಾಮಪ್ರಕೀರ್ತನಮ್ ॥ ೭೬॥
ಭಕ್ತಸ್ಯ ಕಾರ್ಯಮೇತಾವದನ್ಯದಭ್ಯುದಯಂ ವಿದುಃ ।
ವೀರಸಾಧನಕಂ ಕರ್ಮ ಶಿವಾಪೂಜಾ ಬಲಿಸ್ತಥಾ ॥ ೭೭॥
ಸಿನ್ದೂರತಿಲಕೋ ದೇವಿ ವೇಶ್ಯಾಲಾಪೋ ನಿರನ್ತರಮ್ ।
ವೇಶ್ಯಾಗೃಹೇ ನಿಶಾಚಾರೋ ರಾತ್ರೌ ಪರ್ಯಟನಂ ತಥಾ ॥ ೭೮॥
ಶಕ್ತಿಪೂಜಾ ಯೋನಿದೃಷ್ಟಿಃ ಖಙ್ಗಹಸ್ತೋ ದಿಗಮ್ಬರಃ ।
ಮುಕ್ತಕೇಶೋ ವೀರವೇಷಃ ಕುಲಮೂರ್ತಿಧರೋ ನರಃ ॥ ೭೯॥
ಕಾಲೀಭಕ್ತೋ ಭವೇದ್ದೇವಿ ನಾನ್ಯಥಾ ಕ್ಷೇಮಮಾಪ್ನುಯಾತ್ ।
ದುಗ್ಧಾಸ್ವಾದೀ ಯೋನಿಲೇಹೀ ಸಂವಿದಾಸವಘೂರ್ಣಿತಃ ॥ ೮೦॥
ವೇಶ್ಯಾಲತಾಸಮಾಯೋಗಾನ್ಮಾಸಾತ್ಕಲ್ಪಲತಾ ಸ್ವಯಮ್ ।
ವೇಶ್ಯಾಚಕ್ರಸಮಾಯೋಗಾತ್ಕಾಲೀಚಕ್ರಸಮಃ ಸ್ವಯಮ್ ॥ ೮೧॥
ವೇಶ್ಯಾದೇಹಸಮಾಯೋಗಾತ್ ಕಾಲೀದೇಹಸಮಃ ಸ್ವಯಮ್ ।
ವೇಶ್ಯಾಮಧ್ಯಗತಂ ವೀರಂ ಕದಾ ಪಶ್ಯಾಮಿ ಸಾಧಕಮ್ ॥ ೮೨॥
ಏವಂ ವದತಿ ಸಾ ಕಾಲೀ ತಸ್ಮಾದ್ವೇಶ್ಯಾ ವರಾ ಮತಾ ।
ವೇಶ್ಯಾ ಕನ್ಯಾ ತಥಾ ಪೀಠಜಾತಿಭೇದಕುಲಕ್ರಮಾತ್ ॥ ೮೩॥
ಅಕುಲಕ್ರಮಭೇದೇನ ಜ್ಞಾತ್ವಾ ಚಾಪಿ ಕುಮಾರಿಕಾಮ್ ।
ಕುಮಾರೀಂ ಪೂಜಯೇದ್ಭಕ್ತ್ಯಾ ಜಪಾನ್ತೇ ಭವನೇ ಪ್ರಿಯೇ ॥ ೮೪॥
ಪಠೇನ್ನಾಮಸಹಸ್ರಂ ಯಃ ಕಾಲೀದರ್ಶನಭಾಗ್ ಭವೇತ್ ।
ಭಕ್ತ್ಯಾ ಕುಮಾರೀಂ ಸಮ್ಪೂಜ್ಯ ವೈಶ್ಯಾಕುಲ ಸಮುದ್ಭವಾಮ್ ॥ ೮೫॥
ವಸ್ತ್ರ ಹೇಮಾದಿಭಿಸ್ತೋಷ್ಯಾ ಯತ್ನಾತ್ಸ್ತೋತ್ರಂ ಪಠೇಚ್ಛಿವೇ ।
ತ್ರೈಲೋಕ್ಯ ವಿಜಯೀ ಭೂಯಾದ್ದಿವಾ ಚನ್ದ್ರಪ್ರಕಾಶಕಃ ॥ ೮೬॥
ಯದ್ಯದ್ದತ್ತಂ ಕುಮಾರ್ಯೈ ತು ತದನನ್ತಫಲಂ ಭವೇತ್ ।
ಕುಮಾರೀಪೂಜನಫಲಂ ಮಯಾ ವಕ್ತುಂ ನ ಶಕ್ಯತೇ ॥ ೮೭॥
ಚಾಞ್ಚಲ್ಯಾದ್ದುರಿತಂ ಕಿಞ್ಚಿತ್ಕ್ಷಮ್ಯತಾಮಯಮಞ್ಜಲಿಃ ।
ಏಕಾ ಚೇತ್ಪೂಜಿತಾ ಬಾಲಾ ದ್ವಿತೀಯಾ ಪೂಜಿತಾ ಭವೇತ್ ॥ ೮೮॥
ಕುಮಾರ್ಯಃ ಶಕ್ತಯಶ್ಚೈವ ಸರ್ವಮೇತಚರಾಚರಮ್ ।
ಶಕ್ತಿಮಾನೀಯ ತದ್ಗಾತ್ರೇ ನ್ಯಾಸಜಾಲಂ ಪ್ರವಿನ್ಯಸೇತ್ ॥ ೮೯॥
ವಾಮಭಾಗೇ ಚ ಸಂಸ್ಥಾಪ್ಯ ಜಪೇನ್ನಾಮಸಹಸ್ರಕಮ್ ।
ಸರ್ವಸಿದ್ಧೀಶ್ವರೋ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೯೦॥
ಶ್ಮಶಾನಸ್ಥೋ ಭವೇತ್ಸ್ವಸ್ಥೋ ಗಲಿತಂ ಚಿಕುರಂ ಚರೇತ್ ।
ದಿಗಮ್ಬರಃ ಸಹಸ್ರಂ ಚ ಸೂರ್ಯಪುಷ್ಪಂ ಸಮಾನಯೇತ್ ॥ ೯೧॥
ಸ್ವವೀರ್ಯೇಣ ಪ್ಲುತಂ ಕೃತ್ವಾ ಪ್ರತ್ಯೇಕಂ ಪ್ರಜಪನ್ ಹುನೇತ್ ।
ಪೂಜ್ಯ ಧ್ಯಾತ್ವಾ ಮಹಾಭಕ್ತ್ಯಾ ಕ್ಷಮಾಪಾಲೋ ನರಃ ಪಠೇತ್ ॥ ೯೨॥
ನಖಂ ಕೇಶಂ ಸ್ವವೀರ್ಯಂ ಚ ಯದ್ಯತ್ಸಮ್ಮಾರ್ಜನೀಗತಮ್ ।
ಮುಕ್ತಕೇಶೋ ದಿಶಾವಾಸೋ ಮೂಲಮನ್ತ್ರಪುರಃಸರಃ ॥ ೯೩॥
ಕುಜವಾರೇ ಮಧ್ಯರಾತ್ರೇ ಹೋಮಂ ಕೃತ್ವಾ ಶ್ಮಶಾನಕೇ ।
ಪಠೇನ್ನಾಮಸಹಸ್ರಂ ಯಃ ಪೃಥ್ವೀಶಾಕರ್ಷಕೋ ಭವೇತ್ ॥ ೯೪॥
ಪುಷ್ಪಯುಕ್ತೇ ಭಗೇ ದೇವಿ ಸಂಯೋಗಾನನ್ದತತ್ಪರಃ ।
ಪುನಶ್ಚಿಕುರಮಾಸಾದ್ಯ ಮೂಲಮನ್ತ್ರಂ ಜಪನ್ ಶಿವೇ ॥ ೯೫॥
ಚಿತಾವಹ್ನೌ ಮಧ್ಯರಾತ್ರೇ ವೀರ್ಯಮುತ್ಸಾರ್ಯ ಯತ್ನತಃ ।
ಕಾಲಿಕಾಂ ಪೂಜಯೇತ್ತತ್ರ ಪಠೇನ್ನಾಮ ಸಹಸ್ರಕಮ್ ॥ ೯೬॥
ಪೃಥ್ವೀಶಾಕರ್ಷಣಂ ಕುರ್ಯಾನ್ನಾತ್ರ ಕಾರ್ಯಾ ವಿಚಾರಣಾ ।
ಕದಲೀ ವನಮಾಸಾದ್ಯ ಲಕ್ಷಮನ್ತ್ರಂ ಜಪೇನ್ನರಃ ॥ ೯೭॥
ಮಧುಮತ್ಯಾ ಸ್ವಯಂ ದೇವ್ಯಾ ಸೇವ್ಯಮಾನಃ ಸ್ಮರೋಪಮಃ ।
ಶ್ರೀಮಧುಮತೀತ್ಯುಕ್ತ್ವಾ ತಥಾ ಸ್ಥಾವರಜಙ್ಗಮಾನ್ ॥ ೯೮॥
ಆಕರ್ಷಿಣೀಂ ಸಮುಚ್ಚಾರ್ಯ ಠಂಠಂ ಸ್ವಾಹಾ ಸಮುಚ್ಚರೇತ್ ।
ತ್ರೈಲೋಕ್ಯಾಕರ್ಷಿಣೀ ವಿದ್ಯಾ ತಸ್ಯ ಹಸ್ತೇ ಸದಾ ಭವೇತ್ ॥ ೯೯॥
ನದೀಂ ಪುರೀಂ ಚ ರತ್ನಾನಿ ಹೇಮಸ್ತ್ರೀಶೈಲಭೂರುಹಾನ್ ।
ಆಕರ್ಷಯತ್ಯಮ್ಬುನಿಧಿಂ ಸುಮೇರುಂ ಚ ದಿಗನ್ತತಃ ॥ ೧೦೦॥
ಅಲಭ್ಯಾನಿ ಚ ವಸ್ತೂನಿ ದೂರಾದ್ಭೂಮಿತಲಾದಪಿ ।
ವೃತ್ತಾನ್ತಂ ಚ ಸುರಸ್ಥಾನಾದ್ರಹಸ್ಯೇ ವಿದುಷಾಮಪಿ ॥ ೧೦೧॥
ರಾಜ್ಞಾಂ ಚ ಕಥಯತ್ಯೇಷಾ ಸತ್ಯಂ ಸತ್ವರಮಾದಿಶೇತ್ ।
ದ್ವಿತೀಯವರ್ಷಪಾಠೇನ ಭವೇತ್ಪದ್ಮಾವತೀ ಶುಭಾ ॥ ೧೦೨॥
ಓಂ ಹ್ರೀಂಪದ್ಮಾವತಿ ಪದಂ ತತಸ್ತ್ರೈಲೋಕ್ಯನಾಮ ಚ ।
ವಾರ್ತಾಂ ಚ ಕಥಯ ದ್ವನ್ದ್ವಂ ಸ್ವಾಹಾನ್ತೋ ಮನ್ತ್ರ ಈರಿತಃ ॥ ೧೦೩॥
ಬ್ರಹ್ಮವಿಷ್ಣ್ವಾದಿಕಾನಾಂ ಚ ತ್ರೈಲೋಕ್ಯೇ ಯಾದೃಶೀ ಭವೇತ್ ।
ಸರ್ವ ವದತಿ ದೇವೇಶೀ ತ್ರಿಕಾಲಜ್ಞಃ ಕವಿಶ್ಶುಭಃ ॥ ೧೦೪॥
ತ್ರಿವರ್ಷಂ ಸಮ್ಪಠನ್ದೇವಿ ಲಭೇದ್ಭೋಗವತೀಂ ಕಲಾಮ್ ।
ಮಹಾಕಾಲೇನ ದೃಷ್ಟೋಽಪಿ ಚಿತಾಮಧ್ಯಗತೋಽಪಿ ವಾ ॥ ೧೦೫॥
ತಸ್ಯಾ ದರ್ಶನಮಾತ್ರೇಣ ಚಿರಞ್ಜೀವೀ ನರೋ ಭವೇತ್ ।
ಮೃತಸಞ್ಜೀವಿನೀತ್ಯುಕ್ತ್ವಾ ಮೃತಮುತ್ಥಾಪಯ ದ್ವಯಮ್ ॥ ೧೦೬॥
ಸ್ವಾಹಾನ್ತೋ ಮನುರಾಖ್ಯಾತೋ ಮೃತಸಞ್ಜೀವನಾತ್ಮಕಃ ।
ಚತುರ್ವರ್ಷಂ ಪಠೇದ್ಯಸ್ತು ಸ್ವಪ್ನಸಿದ್ಧಿಸ್ತತೋ ಭವೇತ್ ॥ ೧೦೭॥
ಓಂ ಹ್ರೀಂ ಸ್ವಪ್ನವಾರಾಹಿ ಕಾಲಿಸ್ವಪ್ನೇ ಕಥಯೋಚ್ಚರೇತ್ ।
ಅಮುಕಸ್ಯಾಽಮುಕಂ ದೇಹಿ ಕ್ಲೀಂ ಸ್ವಾಹಾನ್ತೋ ಮನುರ್ಮತಃ ॥ ೧೦೮॥
ಸ್ವಪ್ನಸಿದ್ಧಾ ಚತುರ್ವರ್ಷಾತ್ತಸ್ಯ ಸ್ವಪ್ನೇ ಸದಾ ಸ್ಥಿತಾ ।
ಚತುರ್ವರ್ಷಸ್ಯ ಪಾಠೇನ ಚತುರ್ವೇದಾಧಿಪೋ ಭವೇತ್ ॥ ೧೦೯॥
ತದ್ಧಸ್ತಜಲಸಂಯೋಗಾನ್ಮೂರ್ಖಃ ಕಾವ್ಯಂ ಕರೋತಿ ಚ ।
ತಸ್ಯ ವಾಕ್ಯಪರಿಚಯಾನ್ಮೂರ್ತಿರ್ವಿನ್ದತಿ ಕಾವ್ಯತಾಮ್ ॥ ೧೧೦॥
ಮಸ್ತಕೇ ತು ಕರಂ ಕೃತ್ವಾ ವದ ವಾಣೀಮಿತಿ ಬ್ರುವನ್ ।
ಸಾಧಕೋ ವಾಞ್ಛಯಾ ಕುರ್ಯಾತ್ತತ್ತಥೈವ ಭವಿಷ್ಯತಿ ॥ ೧೧೧॥
ಬ್ರಹ್ಮಾಣ್ಡಗೋಲಕೇ ಯಾಶ್ಚ ಯಾಃ ಕಾಶ್ಚಿಜ್ಜಗತೀತಲೇ ।
ಸಮಸ್ತಾಃ ಸಿದ್ಧಯೋ ದೇವಿ ಕರಾಮಲಕವತ್ಸದಾ ॥ ೧೧೨॥
ಸಾಧಕಸ್ಮೃತಿಮಾತ್ರೇಣ ಯಾವನ್ತ್ಯಃ ಸನ್ತಿ ಸಿದ್ಧಯಃ ।
ಸ್ವಯಮಾಯಾನ್ತಿ ಪುರತೋ ಜಪಾದೀನಾಂ ತು ಕಾ ಕಥಾ ॥ ೧೧೩॥
ವಿದೇಶವರ್ತಿನೋ ಭೂತ್ವಾ ವರ್ತನ್ತೇ ಚೇಟಕಾ ಇವ ।
ಅಮಾಯಾಂ ಚನ್ದ್ರಸನ್ದರ್ಶಶ್ಚನ್ದ್ರಗ್ರಹಣಮೇವ ಚ ॥ ೧೧೪॥
ಅಷ್ಟಮ್ಯಾಂ ಪೂರ್ಣಚನ್ದ್ರತ್ವಂ ಚನ್ದ್ರಸೂರ್ಯಾಷ್ಟಕಂ ತಥಾ ।
ಅಷ್ಟದಿಕ್ಷು ತಥಾಷ್ಟೌ ಚ ಕರೋತ್ಯೇವ ಮಹೇಶ್ವರಿ ॥ ೧೧೫॥
ಅಣಿಮಾ ಖೇಚರತ್ವಂ ಚ ಚರಾಚರಪುರೀಗತಮ್ ।
ಪಾದುಕಾಖಙ್ಗವೇತಾಲಯಕ್ಷಿಣೀಗುಹ್ಯಕಾದಯಃ ॥ ೧೧೬॥
ತಿಲಕೋಗುಪ್ತತಾದೃಶ್ಯಂ ಚರಾಚರಕಥಾನಕಮ್ ।
ಮೃತಸಞ್ಜೀವಿನೀಸಿದ್ಧಿರ್ಗುಟಿಕಾ ಚ ರಸಾಯನಮ್ ॥ ೧೧೭॥
ಉಡ್ಡೀನಸಿದ್ಧಿರ್ದೇವೇಶಿ ಷಷ್ಟಿಸಿದ್ಧೀಶ್ವರತ್ವಕಮ್ ।
ತಸ್ಯ ಹಸ್ತೇ ವಸೇದ್ದೇವಿ ನಾತ್ರ ಕಾರ್ಯಾ ವಿಚಾರಣಾ ॥ ೧೧೮॥
ಕೇತೌ ವಾ ದುನ್ದುಭೌ ವಸ್ತ್ರೇ ವಿತಾನೇ ವೇಷ್ಟನೇಗೃಹೇ ।
ಭಿತ್ತೌ ಚ ಫಲಕೇ ದೇವಿ ಲೇಖ್ಯಂ ಪೂಜ್ಯಂ ಚ ಯತ್ನತಃ ॥ ೧೧೯॥
ಮಧ್ಯೇ ಚಕ್ರಂ ದಶಾಙ್ಗೋಕ್ತಂ ಪರಿತೋ ನಾಮಲೇಖನಮ್ ।
ತದ್ಧಾರಣಾನ್ಮಹೇಶಾನಿ ತ್ರೈಲೋಕ್ಯವಿಜಯೀ ಭವೇತ್ ॥ ೧೨೦॥
ಏಕೋ ಹಿ ಶತಸಾಹಸ್ರಂ ನಿರ್ಜಿತ್ಯ ಚ ರಣಾಙ್ಗಣೇ ।
ಪುನರಾಯಾತಿ ಚ ಸುಖಂ ಸ್ವಗೃಹಂ ಪ್ರತಿ ಪಾರ್ವತೀ ॥ ೧೨೧॥
ಏಕೋ ಹಿ ಶತಸನ್ದರ್ಶೀ ಲೋಕಾನಾಂ ಭವತಿ ಧ್ರುವಮ್ ।
ಕಲಶಂ ಸ್ಥಾಪ್ಯ ಯತ್ನೇನ ನಾಮಸಾಹಸ್ರಕಂ ಪಠೇತ್ ॥ ೧೨೨॥
ಸೇಕಃ ಕಾರ್ಯೋ ಮಹೇಶಾನಿ ಸರ್ವಾಪತ್ತಿನಿವಾರಣೇ ।
ಭೂತಪ್ರೇತಗ್ರಹಾದೀನಾಂ ರಾಕ್ಷಸಾಂ ಬ್ರಹ್ಮರಾಕ್ಷಸಾಮ್ ॥ ೧೨೩॥
ವೇತಾಲಾನಾಂ ಭೈರವಾಣಾಂ ಸ್ಕನ್ದವೈನಾಯಕಾದಿಕಾನ್ ।
ನಾಶಯೇತ್ ಕ್ಷಣಮಾತ್ರೇಣ ನಾತ್ರ ಕಾರ್ಯಾ ವಿಚಾರಣಾ ॥ ೧೨೪॥
ಭಸ್ಮಭಿರ್ಮನ್ತ್ರಿತಂ ಕೃತ್ವಾ ಗ್ರಹಗ್ರಸ್ತಂ ವಿಲೇಪಯೇತ್ ।
ಭಸ್ಮಸಂಕ್ಷೇಪಣಾದೇವ ಸರ್ವಗ್ರಹವಿನಾಶನಮ್ ॥ ೧೨೫॥
ನವನೀತಂ ಚಾಭಿಮನ್ತ್ರ್ಯ ಸ್ತ್ರೀಭ್ಯೋ ದದ್ಯಾನ್ಮಹೇಶ್ವರಿ ।
ವನ್ಧ್ಯಾ ಪುತ್ರಪ್ರದಾಂ ದೇವಿ ನಾತ್ರ ಕಾರ್ಯಾ ವಿಚಾರಣಾ ॥ ೧೨೬॥
ಕಣ್ಠೇ ವಾ ವಾಮಬಾಹೌ ವಾ ಯೋನೌ ವಾ ಧಾರಣಾಚ್ಛಿವೇ ।
ಬಹುಪುತ್ರವತೀ ನಾರೀ ಸುಭಗಾ ಜಾಯತೇ ಧ್ರುವಮ್ ॥ ೧೨೭॥
ಪುರುಷೋ ದಕ್ಷಿಣಾಙ್ಗೇ ತು ಧಾರಯೇತ್ಸರ್ವಸಿದ್ಧಯೇ ।
ಬಲವಾನ್ಕೀರ್ತಿಮಾನ ಧನ್ಯೋಧಾರ್ಮಿಕಃ ಸಾಧಕಃ ಕೃತೀ ॥ ೧೨೮॥
ಬಹುಪುತ್ರೀ ರಥಾನಾಂ ಚ ಗಜಾನಾಮಧಿಪಃ ಸುಧೀಃ ।
ಕಾಮಿನೀಕರ್ಷಣೋದ್ಯುಕ್ತಃ ಕ್ರೀಂ ಚ ದಕ್ಷಿಣಕಾಲಿಕೇ ॥ ೧೨೯॥
ಕ್ರೀಂ ಸ್ವಾಹಾ ಪ್ರಜಪೇನ್ಮನ್ತ್ರಮಯುತಂ ನಾಮಪಾಠಕಃ ।
ಆಕರ್ಷಣಂ ಚರೇದ್ದೇವಿ ಜಲಖೇಚರಭೂಗತಾನ್ ॥ ೧೩೦॥
ವಶೀಕರಣಕಾಮೋ ಹಿ ಹೂँ ಹೂँ ಹ್ರೀಂ ಹ್ರೀಂ ಚ ದಕ್ಷಿಣೇ ।
ಕಾಲಿಕೇ ಪೂರ್ವಬೀಜಾನಿ ಪೂರ್ವವತ್ಪ್ರಜಪನ್ ಪಠೇತ್ ॥ ೧೩೧॥
ಉರ್ವಶೀಮಪಿ ವಸಯೇನ್ನಾತ್ರ ಕಾರ್ಯಾ ವಿಚಾರಣಾ ।
ಕ್ರೀಂ ಚ ದಕ್ಷಿಣಕಾಲಿಕೇ ಸ್ವಾಹಾ ಯುಕ್ತಂ ಜಪೇನ್ನರಃ ॥ ೧೩೨॥
ಪಠೇನ್ನಾಮಸಹಸ್ರಂ ತು ತ್ರೈಲೋಕ್ಯಂ ಮಾರಯೇದ್ಧ್ರುವಮ್ ।
ಸದ್ಭಕ್ತಾಯ ಪ್ರದಾತವ್ಯಾ ವಿದ್ಯಾ ರಾಜ್ಞಿ ಶುಭೇ ದಿನೇ ॥ ೧೩೩॥
ಸದ್ವಿನೀತಾಯ ಶಾನ್ತಾಯ ದಾನ್ತಾಯಾತಿಗುಣಾಯ ಚ ।
ಭಕ್ತಾಯ ಜ್ಯೇಷ್ಠಪುತ್ರಾಯ ಗುರುಭಕ್ತಿಪರಾಯ ಚ ॥ ೧೩೪॥
ವೈಷ್ಣವಾಯ ಪ್ರಶುದ್ಧಾಯ ಶಿವಾಬಲಿರತಾಯ ಚ ।
ವೇಶ್ಯಾಪೂಜನಯುಕ್ತಾಯ ಕುಮಾರೀಪೂಜಕಾಯ ಚ ॥ ೧೩೫॥
ದುರ್ಗಾಭಕ್ತಾಯ ರೌದ್ರಾಯ ಮಹಾಕಾಲಪ್ರಜಾಪಿನೇ ।
ಅದ್ವೈತಭಾವಯುಕ್ತಾಯ ಕಾಲೀಭಕ್ತಿಪರಾಯ ಚ ॥ ೧೩೬॥
ದೇಯಂ ಸಹಸ್ರನಾಮಾಖ್ಯಂ ಸ್ವಯಂ ಕಾಲ್ಯಾ ಪ್ರಕಾಶಿತಮ್ ।
ಗುರುದೈವತಮನ್ತ್ರಾಣಾಂ ಮಹೇಶಸ್ಯಾಪಿ ಪಾರ್ವತಿ ॥ ೧೩೭॥
ಅಭೇದೇನ ಸ್ಮರೇನ್ಮನ್ತ್ರಂ ಸ ಶಿವಃ ಸ ಗಣಾಧಿಪಃ ।
ಯೋ ಮನ್ತ್ರಂ ಭಾವಯೇನ್ಮನ್ತ್ರೀ ಸ ಶಿವೋ ನಾತ್ರ ಸಂಶಯಃ ॥ ೧೩೮॥
ಸ ಶಾಕ್ತೋ ವೈಷ್ಣವಸ್ಸೌರಃ ಸ ಏವಂ ಪೂರ್ಣದೀಕ್ಷಿತಃ ।
ಅಯೋಗ್ಯಾಯ ನ ದಾತವ್ಯಂ ಸಿದ್ಧಿರೋಧಃ ಪ್ರಜಾಯತೇ ॥ ೧೩೯॥
ವೇಶ್ಯಾಸ್ತ್ರೀನಿನ್ದಕಾಯಾಥ ಸುರಾಸಂವಿತ್ಪ್ರನಿನ್ದಕೇ ।
ಸುರಾಮುಖೋ ಮನುಂ ಸ್ಮೃತ್ವಾ ಸುರಾಚಾರ್ಯೋ ಭವಿಷ್ಯತಿ ॥ ೧೪೦॥
ವಾಗ್ದೇವತಾ ಘೋರೇ ಆಸಾಪರಘಾರೇ ಚ ಹೂँ ವದೇತ್ ।
ಘೋರರೂಪೇ ಮಹಾಘೋರೇ ಮುಖೀಭೀಮಪದಂ ವದೇತ್ ॥ ೧೪೧॥
ಭೀಷಣ್ಯಮುಷ್ಯಷಷ್ಠ್ಯನ್ತಂ ಹೇತುರ್ವಾಮಯುಗೇ ಶಿವೇ ।
ಶಿವವಹ್ನಿಯುಗಾಸ್ತ್ರಂ ಹೂँ ಹೂँ ಕವಚಮನುರ್ಭವೇತ್ ॥ ೧೪೨॥
ಏತಸ್ಯ ಸ್ಮರಣಾದೇವ ದುಷ್ಟಾನಾಂ ಚ ಮುಖೇ ಸುರಾ ।
ಅವತೀರ್ಣಾ ಭವದ್ದೇವಿ ದುಷ್ಟಾನಾಂ ಭದ್ರನಾಶಿನೀ ॥ ೧೪೩॥
ಖಲಾಯ ಪರತನ್ತ್ರಾಯ ಪರನಿನ್ದಾಪರಾಯ ಚ ।
ಭ್ರಷ್ಟಾಯ ದುಷ್ಟಸತ್ವಾಯ ಪರವಾದರತಾಯ ಚ ॥ ೧೪೪॥
ಶಿವಾಭಕ್ತಾಯ ದುಷ್ಟಾಯ ಪರದಾರರತಾಯ ಚ ।
ನ ಸ್ತೋತ್ರಂ ದರ್ಶಯೇದ್ದೇವಿ ಶಿವಹತ್ಯಾಕರೋ ಭವೇತ್ ॥ ೧೪೫॥
ಕಾಲಿಕಾನನ್ದಹೃದಯಃ ಕಾಲಿಕಾಭಕ್ತಿಮಾನಸಃ ।
ಕಾಲೀಭಕ್ತೋ ಭವೇತ್ಸೋಽಯಂ ಧನ್ಯರೂಪಃ ಸ ಏವ ತು ॥ ೧೪೬॥
ಕಲೌ ಕಾಲೀ ಕಲೌ ಕಾಲೀ ಕಲೌ ಕಾಲೀ ವರಪ್ರದಾ ।
ಕಲೌ ಕಾಲೀ ಕಲೌ ಕಾಲೀ ಕಲೌ ಕಾಲೀ ತು ಕೇವಲಾ ॥ ೧೪೭॥
ಬಿಲ್ವಪತ್ರಸಹಸ್ರಾಣಿ ಕರವೀರಾಣಿ ವೈ ತಥಾ ।
ಪ್ರತಿನಾಮ್ನಾ ಪೂಜಯೇದ್ಧಿ ತೇನ ಕಾಲೀ ವರಪ್ರದಾ ॥ ೧೪೮॥
ಕಮಲಾನಾಂ ಸಹಸ್ರಂ ತು ಪ್ರತಿನಾಮ್ನಾ ಸಮರ್ಪಯೇತ್ ।
ಚಕ್ರಂ ಸಮ್ಪೂಜ್ಯ ದೇವೇಶಿ ಕಾಲಿಕಾವರಮಾಪ್ನುಯಾತ್ ॥ ೧೪೯॥
ಮನ್ತ್ರಕ್ಷೋಭಯುತೋ ನೈವ ಕಲಶಸ್ಥಜಲೇನ ಚ ।
ನಾಮ್ನಾ ಪ್ರಸೇಚಯೇದ್ದೇವಿ ಸರ್ವಕ್ಷೋಭವಿನಾಶಕೃತ್ ॥ ೧೫೦॥
ತಥಾ ದಮನಕಂ ದೇವಿ ಸಹಸ್ರಮಾಹರೇದ್ವ್ರತೀ ।
ಸಹಸ್ರನಾಮ್ನಾ ಸಮ್ಪೂಜ್ಯ ಕಾಲೀವರಮವಾಪ್ನುಯಾತ್ ॥ ೧೫೧॥
ಚಕ್ರಂ ವಿಲಿಖ್ಯ ದೇಹಸ್ಥಂ ಧಾರಯೇತ್ಕಾಲಿಕಾತನುಃ ।
ಕಾಲ್ಯೈ ನಿವೇದಿತಂ ಯದ್ಯತ್ತದಂಶಂ ಭಕ್ಷಯೇಚ್ಛಿವೇ ॥ ೧೫೨॥
ದಿವ್ಯದೇಹಧರೋ ಭೂತ್ವಾ ಕಾಲೀದೇಹೇ ಸ್ಥಿತೋ ಭವೇತ್ ।
ನೈವೇದ್ಯನಿನ್ದಕಾನ್ ದುಷ್ಟಾನ್ ದೃಷ್ಟ್ವಾ ನೃತ್ಯನ್ತಿ ಭೈರವಾ ॥ ೧೫೩॥
ಯೋಗಿನ್ಯಶ್ಚ ಮಹಾವೀರಾ ರಕ್ತಪಾನೋದ್ಯತಾಃ ಪ್ರಿಯೇ ।
ಮಾಂಸಾಸ್ಥಿಚರ್ಮಣೋದ್ಯುಕ್ತಾ ಭಕ್ಷಯನ್ತಿ ನ ಸಂಶಯಃ ॥ ೧೫೪॥
ತಸ್ಮಾನ್ನ ನಿನ್ದಯೇದ್ದೇವಿ ಮನಸಾ ಕರ್ಮಣಾ ಗಿರಾ ।
ಅನ್ಯಥಾ ಕುರುತೇ ಯಸ್ತು ತಸ್ಯ ನಾಶೋ ಭವಿಷ್ಯತಿ ॥ ೧೫೫॥
ಕ್ರಮದೀಕ್ಷಾಯುತಾನಾಂ ಚ ಸಿದ್ಧಿರ್ಭವತಿ ನಾನ್ಯಥಾ ।
ಮನ್ತ್ರಕ್ಷೋಭಶ್ಚ ವಾ ಭೂಯಾತ್ ಕ್ಷೀಣಾಯುರ್ವಾ ಭವೇದ್ಧ್ರುವಮ್ ॥ ೧೫೬॥
ಪುತ್ರಹಾರೀ ಸ್ತ್ರಿಯೋಹಾರೀ ರಾಜ್ಯಹಾರೀ ಭವೇದ್ಧ್ರುವಮ್ ।
ಕ್ರಮದೀಕ್ಷಾಯುತೋ ದೇವಿ ಕ್ರಮಾದ್ರಾಜ್ಯಮವಾಪ್ನುಯಾತ್ ॥ ೧೫೭॥
ಏಕವಾರಂ ಪಠೇದ್ದೇವಿ ಸರ್ವಪಾಪವಿನಾಶನಮ್ ।
ದ್ವಿವಾರಂ ಚ ಪಠೇದ್ಯೋ ಹಿ ವಾಞ್ಛಾಂ ವಿನ್ದತಿ ನಿತ್ಯಶಃ ॥ ೧೫೮॥
ತ್ರಿವಾರಂ ಚ ಪಠೇದ್ಯಸ್ತು ವಾಗೀಶಸಮತಾಂ ವ್ರಜೇತ್ ।
ಚತುರ್ವಾರಂ ಪಠೇದ್ದೇವಿ ಚತುರ್ವರ್ಣಾಧಿಪೋ ಭವೇತ್ ॥ ೧೫೯॥
ಪಞ್ಚವಾರಂ ಪಠೇದ್ದೇವಿ ಪಞ್ಚಕಾಮಾಧಿಪೋ ಭವೇತ್ ।
ಷಡ್ವಾರಂ ಚ ಪಠೇದ್ದೇವಿ ಷಡೈಶ್ವರ್ಯಾಧಿಪೋ ಭವೇತ್ ॥ ೧೬೦॥
ಸಪ್ತವಾರಂ ಪಠೇತ್ಸಪ್ತಕಾಮನಾಂ ಚಿನ್ತಿತಂ ಲಭೇತ್ ।
ವಸುವಾರಂ ಪಠೇದ್ದೇವಿ ದಿಗೀಶೋ ಭವತಿ ಧ್ರುವಮ್ ॥ ೧೬೧॥
ನವವಾರಂ ಪಠೇದ್ದೇವಿ ನವನಾಥಸಮೋ ಭವೇತ್ ।
ದಶವಾರಂ ಕೀರ್ತ್ತಯೇದ್ಯೋ ದಶಾರ್ಹಃ ಖೇಚರೇಶ್ವರಃ ॥ ೧೬೨॥
ವಿಂಶತಿವಾರಂ ಕೀರ್ತಯೇದ್ಯಃ ಸರ್ವೈಶ್ವರ್ಯಮಯೋ ಭವೇತ್ ।
ಪಞ್ಚವಿಂಶತಿವಾರೈಸ್ತು ಸರ್ವಚಿನ್ತಾವಿನಾಶಕಃ ॥ ೧೬೩॥
ಪಞ್ಚಾಶದ್ವಾರಮಾವರ್ತ್ಯ ಪಞ್ಚಭೂತೇಶ್ವರೋ ಭವೇತ್ ।
ಶತವಾರಂ ಕೀರ್ತ್ತಯೇದ್ಯಃ ಶತಾನನಸಮಾನಧೀಃ ॥ ೧೬೪॥
ಶತಪಞ್ಚಕಮಾವರ್ತ್ಯ ರಾಜರಾಜೇಶ್ವರೋ ಭವೇತ್ ।
ಸಹಸ್ರಾವರ್ತನಾದ್ದೇವಿ ಲಕ್ಷ್ಮೀರಾವೃಣುತೇ ಸ್ವಯಮ್ ॥ ೧೬೫॥
ತ್ರಿಸಹಸ್ರಂ ಸಮಾವರ್ತ್ಯ ತ್ರಿನೇತ್ರಸದೃಶೋ ಭವೇತ್ ।
ಪಞ್ಚ ಸಾಹಸ್ರಮಾವರ್ತ್ಯ ಕಾಮಕೋಟಿ ವಿಮೋಹನಃ ॥ ೧೬೬॥
ದಶಸಾಹಸ್ರಮಾವರ್ತ್ಯ ಭವೇದ್ದಶಮುಖೇಶ್ವರಃ ।
ಪಞ್ಚವಿಂಶತಿಸಾಹಸ್ರೈ ಚ ಚತುರ್ವಿಂಶತಿಸಿದ್ಧಿಧೃಕ್ ॥ ೧೬೭॥
ಲಕ್ಷಾವರ್ತನಮಾತ್ರೇಣ ಲಕ್ಷ್ಮೀಪತಿಸಮೋ ಭವೇತ್ ।
ಲಕ್ಷತ್ರಯಾವರ್ತ್ತನಾತ್ತು ಮಹಾದೇವಂ ವಿಜೇಷ್ಯತಿ ॥ ೧೬೮॥
ಲಕ್ಷಪಞ್ಚಕಮಾವರ್ತ್ಯ ಕಲಾಪಞ್ಚಕಸಂಯುತಃ ।
ದಶಲಕ್ಷಾವರ್ತ್ತನಾತ್ತು ದಶವಿದ್ಯಾಪ್ತಿರುತ್ತಮಾ ॥ ೧೬೯॥
ಪಞ್ಚವಿಂಶತಿಲಕ್ಷೈಸ್ತು ದಶವಿದ್ಯೇಶ್ವರೋ ಭವೇತ್ ।
ಪಞ್ಚಾಶಲ್ಲಕ್ಷಮಾವೃತ್ಯ ಮಹಾಕಾಲಸಮೋ ಭವೇತ್ ॥ ೧೭೦॥
ಕೋಟಿಮಾವರ್ತ್ತಯೇದ್ಯಸ್ತು ಕಾಲೀಂ ಪಶ್ಯತಿ ಚಕ್ಷುಷಾ ।
ವರದಾನೋದ್ಯುಕ್ತಕರಾಂ ಮಹಾಕಾಲಸಮನ್ವಿತಾಮ್ ॥ ೧೭೧॥
ಪ್ರತ್ಯಕ್ಷಂ ಪಶ್ಯತಿ ಶಿವೇ ತಸ್ಯಾ ದೇಹೋ ಭವೇದ್ಧ್ರುವಮ್ ।
ಶ್ರೀವಿದ್ಯಾಕಾಲಿಕಾತಾರಾತ್ರಿಶಕ್ತಿವಿಜಯೀ ಭವೇತ್ ॥ ೧೭೨॥
ವಿಧೇರ್ಲಿಪಿಂ ಚ ಸಮ್ಮಾರ್ಜ್ಯ ಕಿಙ್ಕರತ್ವಂ ವಿಸೃಜ್ಯ ಚ ।
ಮಹಾರಾಜ್ಯಮವಾಪ್ನೋತಿ ನಾತ್ರ ಕಾರ್ಯಾ ವಿಚಾರಣಾ ॥ ೧೭೩॥
ತ್ರಿಶಕ್ತಿವಿಷಯೇ ದೇವಿಕ್ರಮದೀಕ್ಷಾ ಪ್ರಕೀರ್ತಿತಾ ।
ಕ್ರಮದೀಕ್ಷಾಯುತೋ ದೇವಿ ರಾಜಾ ಭವತಿ ನಿಶ್ಚಿತಮ್ ॥ ೧೭೪॥
ಕ್ರಮದೀಕ್ಷಾವಿಹೀನಸ್ಯ ಫಲಂ ಪೂರ್ವಮಿಹೇರಿತಮ್ ।
ಕ್ರಮದೀಕ್ಷಾಯುತೋ ದೇವಿ ಶಿವ ಏವ ನ ಚಾಪರಃ ॥ ೧೭೫॥
ಕ್ರಮದೀಕ್ಷಾಸಮಾಯುಕ್ತಃ ಕಾಲ್ಯುಕ್ತಸಿದ್ಧಿಭಾಗ್ಭವೇತ್ ।
ಕ್ರಮದೀಕ್ಷಾವಿಹೀನಸ್ಯ ಸಿದ್ಧಿಹಾನಿಃ ಪದೇ ಪದೇ ॥ ೧೭೬॥
ಅಹೋ ಜನ್ಮವತಾಂ ಮಧ್ಯೇ ಧನ್ಯಃ ಕ್ರಮಯುತಃ ಕಲೌ ।
ತತ್ರಾಪಿ ಧನ್ಯೋ ದೇವೇಶಿ ನಾಮಸಾಹಸ್ರಪಾಠಕಃ ॥ ೧೭೭॥
ದಶಕಾಲೀವಿದ್ಯೌ ದೇವಿ ಸ್ತೋತ್ರಮೇತತ್ಸದಾ ಪಠೇತ್ ।
ಸಿದ್ಧಿಂ ವಿನ್ದತಿ ದೇವೇಶಿ ನಾತ್ರ ಕಾರ್ಯಾ ವಿಚಾರಣಾ ॥ ೧೭೮॥
ಕಾಕೀ ಕಾಲೀ ಮಹಾವಿದ್ಯಾ ಕಲೌ ಕಾಲೀ ಚ ಸಿದ್ಧಿದಾ ।
ಕಲೌ ಕಾಲೀ ಚ ಸಿದ್ಧಾ ಚ ಕಲೌ ಕಾಲೀ ವರಪ್ರದಾ ॥ ೧೭೯॥
ಕಲೌ ಕಾಲೀ ಸಾಧಕಸ್ಯ ದರ್ಶನಾರ್ಥಂ ಸಮುದ್ಯತಾ ।
ಕಲೌ ಕಾಲೀ ಕೇವಲಾ ಸ್ಯಾನ್ನಾತ್ರ ಕಾರ್ಯಾ ವಿಚಾರಣಾ ॥ ೧೮೦॥
ನಾನ್ಯವಿದ್ಯಾ ನಾನ್ಯವಿದ್ಯಾ ನಾನ್ಯವಿದ್ಯಾ ಕಲೌ ಭವೇತ್ ।
ಕಲೌ ಕಾಲೀಂ ವಿಹಾಯಾಥ ಯಃ ಕಶ್ಚಿತ್ಸಿದ್ಧಿಕಾಮುಕಃ ॥ ೧೮೧॥
ಸ ತು ಶಕ್ತಿಂ ವಿನಾ ದೇವಿ ರತಿಸಮ್ಭೋಗಮಿಚ್ಛತಿ ।
ಕಲೌ ಕಾಲೀಂ ವಿನಾ ದೇವಿ ಯಃ ಕಶ್ಚಿತ್ಸಿದ್ಧಿಮಿಚ್ಛತಿ ॥ ೧೮೨॥
ಸ ನೀಲಸಾಧನಂ ತ್ಯಕ್ತ್ವಾ ಪರಿಭ್ರಮತಿ ಸರ್ವತಃ ।
ಕಲೌ ಕಾಲೀ ವಿಹಾಯಾಥ ಯಃ ಕಶ್ಚಿನ್ಮೋಕ್ಷಮಿಚ್ಛತಿ ॥ ೧೮೩॥
ಗುರುಧ್ಯಾನಂ ಪರಿತ್ಯಜ್ಯ ಸಿದ್ಧಿಮಿಚ್ಛತಿ ಸಾಧಕಃ ।
ಕಲೌ ಕಾಲೀ ವಿಹಾಯಾಥ ಯಃ ಕಶ್ಚಿದ್ರಾಜ್ಯಮಿಚ್ಛತಿ ॥ ೧೮೪॥
ಸ ಭೋಜನ ಪರಿತ್ಯಜ್ಯ ಭಿಕ್ಷುವೃತ್ತಿಮಭೀಪ್ಸತಿ ।
ಸ ಧನ್ಯಃ ಸ ಚ ವಿಜ್ಞಾನೀ ಸ ಏವ ಸುರಪೂಜಿತಃ ॥ ೧೮೫॥
ಸ ದೀಕ್ಷಿತಃ ಸುಖೀ ಸಾಧುಃ ಸತ್ಯವಾದೀ ಜಿತೇನ್ದ್ರಿಯಃ ।
ಸ ವೇದವಕ್ತಾ ಸ್ವಾಧ್ಯಾಯೀ ನಾತ್ರ ಕಾರ್ಯಾ ವಿಚಾರಣಾ ॥ ೧೮೬॥
ಶಿವರೂಪಂ ಗುರುಂ ಧ್ಯಾತ್ವಾ ಶಿವರೂಪಂ ಗುರುಂ ಸ್ಮರೇತ್ ।
ಸದಾಶಿವಃ ಸ ಏವ ಸ್ಯಾನಾತ್ರ ಕಾರ್ಯಾ ವಿಚಾರಣಾ ॥ ೧೮೭॥
ಸ್ವಸ್ಮಿನ್ ಕಾಲೀಂ ತು ಸಮ್ಭಾವ್ಯ ಪೂಜಯೇಜ್ಜಗದಮ್ಬಿಕಾಮ್ ।
ತ್ರೈಲೋಕ್ಯವಿಜಯೀ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೧೮೮॥
ಗೋಪನೀಯಂ ಗೋಪನೀಯಂ ಗೋಪನೀಯಂ ಪ್ರಯತ್ನತಃ ।
ರಹಸ್ಯಾತಿರಹಸ್ಯಂ ಚ ರಹಸ್ಯಾತಿರಹಸ್ಯಕಮ್ ॥ ೧೮೯॥
ಶ್ಲೋಕಾರ್ದ್ಧಂ ಪಾದಮಾತ್ರಂ ವಾ ಪಾದಾದರ್ಧಂ ಚ ತದರ್ಧಕಮ್ ।
ನಾಮಾರ್ಧಂ ಯಃ ಪಠೇದ್ದೇವಿ ನ ವನ್ಧ್ಯದಿವಸಂ ನ್ಯಸೇತ್ ॥ ೧೯೦॥
ಪುಸ್ತಕಂ ಪೂಜಯೇದ್ಭಕ್ತ್ಯಾ ತ್ವರಿತಂ ಫಲಸಿದ್ಧಯೇ ।
ನ ಚ ಮಾರೀಭಯಂ ತತ್ರ ನ ಚಾಗ್ನಿರ್ವಾಯುಸಮ್ಭವಮ್ ॥ ೧೯೧॥
ನ ಭೂತಾದಿಭಯಂ ತತ್ರ ಸರ್ವತ್ರ ಸುಖಮೇಧತೇ ।
ಕುಙ್ಕುಮಾಽಲಕ್ತಕೇನೈವ ರೋಚನಾಽಗರುಯೋಗತಃ ॥ ೧೯೨॥
ಭೂರ್ಜಪತ್ರೇ ಲಿಖೇತ್ ಪುಸ್ತಂ ಸರ್ವಕಾಮಾರ್ಥಸಿದ್ಧಯೇ ।
ಇತಿ ಸಂಕ್ಷೇಪತಃ ಪ್ರೋಕ್ತಂ ಕಿಮನ್ಯಚ್ಛ್ರೋತುಮಿಚ್ಛಸಿ ॥ ೧೯೩॥
ಇತಿ ಗದಿತಮಶೇಷಂ ಕಾಲಿಕಾವರ್ಣರೂಪಂ ।
ಪ್ರಪಠತಿ ಯದಿ ಭಕ್ತ್ಯಾ ಸರ್ವಸಿದ್ಧೀಶ್ವರಃ ಸ್ಯಾತ್ ॥ ೧೯೪॥
ಅಭಿನವಸುಖಕಾಮಃ ಸರ್ವವಿದ್ಯಾಭಿರಾಮೋ
ಭವತಿ ಸಕಲಸಿದ್ಧಿಧಃ ಸರ್ವವೀರಾಸಮೃದ್ಧಿಃ ॥ ೧೯೫॥
॥ ಇತಿ ಶ್ರೀಮದಾದಿನಾಥಮಹಾಕಾಲವಿರಚಿತಾಯಾಂ ಮಹಾಕಾಲಸಂಹಿತಾಯಾಂ
ಕಾಲಕಾಲೀಸಂವಾದೇ ಸುನ್ದರೀಶಕ್ತಿದಾನಾಖ್ಯಂ ಕಾಲೀಸ್ವರೂಪ
ಮೇಧಾಸಾಮ್ರಾಜ್ಯಪ್ರದಂ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
ಶ್ರೀ ಗಣೇಶಾಯ ನಮಃ ।
ಕೈಲಾಸಶಿಖರೇ ರಮ್ಯೇ ನಾನಾದೇವಗಣಾವೃತೇ ।
ನಾನಾವೃಕ್ಷಲತಾಕೀರ್ಣೇ ನಾನಾಪುಷ್ಪೈರಲಙ್ಕೃತೇ ॥ ೧॥
ಚತುರ್ಮಣ್ಡಲಸಂಯುಕ್ತೇ ಶ್ರೃಙ್ಗಾರಮಣ್ಡಪೇ ಸ್ಥಿತೇ ।
ಸಮಾಧೌ ಸಂಸ್ಥಿತಂ ಶಾನ್ತಂ ಕ್ರೀಡನ್ತಂ ಯೋಗಿನೀಪ್ರಿಯಮ್ ॥ ೨॥
ತತ್ರ ಮೌನಧರಂ ದೃಷ್ಟ್ವಾ ದೇವೀ ಪೃಚ್ಛತಿ ಶಙ್ಕರಮ್ ।
ದೇವ್ಯುವಾಚ ।
ಕಿಂ ತ್ವಯಾ ಜಪ್ಯತೇ ದೇವ ಕಿಂ ತ್ವಯಾ ಸ್ಮರ್ಯ್ಯತೇ ಸದಾ ॥ ೩॥
ಸೃಷ್ಟಿಃ ಕುತ್ರ ವಿಲೀನಾಸ್ತಿ ಪುನಃ ಕುತ್ರ ಪ್ರಜಾಯತೇ ।
ಬ್ರಹ್ಮಾಣ್ಡಕಾರಣಂ ಯತ್ತತ್ ಕಿಮಾದ್ಯಂ ಕಾರಣಂ ಮಹತ್ ॥ ೪॥
ಮನೋರಥಮಯೀ ಸಿದ್ಧಿಸ್ತಥಾ ವಾಞ್ಛಾಮಯೀ ಶಿವ ।
ತೃತೀಯಾ ಕಲ್ಪನಾಸಿದ್ಧಿಃ ಕೋಟಿಸಿದ್ಧೀಶ್ವರಾತ್ಮಕಮ್ ॥ ೫॥
ಶಕ್ತಿಪಾತಾಷ್ಟದಶಕಂ ಚರಾಚರಪುರೀಗತಿಃ ।
ಮಹೇನ್ದ್ರಜಾಲಮಿನ್ದ್ರಾದಿಜಾಲಾನಾಂ ರಚನಾ ತಥಾ ॥ ೬॥
ಅಣಿಮಾದ್ಯಷ್ಟಕಂ ದೇವ ಪರಕಾಯಪ್ರವೇಶನಮ್ ।
ನವೀನಸೃಷ್ಟಿಕರಣಂ ಸಮುದ್ರಶೋಷಣಂ ತಥಾ ॥ ೭॥
ಅಮಾಯಾಂ ಚನ್ದ್ರಸನ್ದರ್ಶೋ ದಿವಾ ಚನ್ದ್ರಪ್ರಕಾಶನಮ್ ।
ಚನ್ದ್ರಾಷ್ಟಕಂ ಚಾಷ್ಟದಿಕ್ಷು ತಥಾ ಸೂರ್ಯಾಷ್ಟಕಂ ಶಿವ ॥ ೮॥
ಜಲೇ ಜಲಮಯತ್ವಂ ಚ ವಹ್ನೌ ವಹ್ನಿಮಯತ್ವಕಮ್ ।
ಬ್ರಹ್ಮ-ವಿಷ್ಣ್ವಾದಿ-ನಿರ್ಮಾಣಮಿನ್ದ್ರಾಣಾಂ ಕಾರಣಂ ಕರೇ ॥ ೯॥
ಪಾತಾಲಗುಟಿಕಾ-ಯಕ್ಷ-ವೇತಾಲಪಞ್ಚಕಂ ತಥಾ ।
ರಸಾಯನಂ ತಥಾ ಗುಪ್ತಿಸ್ತಥೈವ ಚಾಖಿಲಾಞ್ಜನಮ್ ॥ ೧೦॥
ಮಹಾಮಧುಮತೀ ಸಿದ್ಧಿಸ್ತಥಾ ಪದ್ಮಾವತೀ ಶಿವ ।
ತಥಾ ಭೋಗವತೀ ಸಿದ್ಧಿರ್ಯಾವತ್ಯಃ ಸನ್ತಿ ಸಿದ್ಧಯಃ ॥ ೧೧॥
ಕೇನ ಮನ್ತ್ರೇಣ ತಪಸಾ ಕಲೌ ಪಾಪಸಮಾಕುಲೇ ।
ಆಯುಷ್ಯಂ ಪುಣ್ಯರಹಿತೇ ಕಥಂ ಭವತಿ ತದ್ವದ ॥ ೧೨॥
ಶ್ರೀಶಿವ ಉವಾಚ ।
ವಿನಾ ಮನ್ತ್ರಂ ವಿನಾ ಸ್ತೋತ್ರಂ ವಿನೈವ ತಪಸಾ ಪ್ರಿಯೇ ।
ವಿನಾ ಬಲಿಂ ವಿನಾ ನ್ಯಾಸಂ ಭೂತಶುದ್ಧಿಂ ವಿನಾ ಪ್ರಿಯೇ ॥ ೧೩॥
ವಿನಾ ಧ್ಯಾನಂ ವಿನಾ ಯನ್ತ್ರಂ ವಿನಾ ಪೂಜಾದಿನಾ ಪ್ರಿಯೇ ।
ವಿನಾ ಕ್ಲೇಶಾದಿಭಿರ್ದೇವಿ ದೇಹದುಃಖಾದಿಭಿರ್ವಿನಾ ॥ ೧೪॥
ಸಿದ್ಧಿರಾಶು ಭವೇದ್ಯೇನ ತದೇವಂ ಕಥ್ಯತೇ ಮಯಾ ।
ಶೂನ್ಯೇ ಬ್ರಹ್ಮಣ್ಡಗೋಲೇ ತು ಪಞ್ಚಾಶಚ್ಛೂನ್ಯಮಧ್ಯಕೇ ॥ ೧೫॥
ಪಞ್ಚಶೂನ್ಯಸ್ಥಿತಾ ತಾರಾ ಸರ್ವಾನ್ತೇ ಕಾಲಿಕಾ ಸ್ಥಿತಾ ।
ಅನನ್ತ-ಕೋಟಿ ಬ್ರಹ್ಮಾಣ್ಡ ರಾಜದಣ್ಡಾಗ್ರಕೇ ಶಿವೇ ॥ ೧೬॥
ಸ್ಥಾಪ್ಯ ಶೂನ್ಯಾಲಯಂ ಕೃತ್ವಾ ಕೃಷ್ಣವರ್ಣಂ ವಿಧಾಯ ಚ ।
ಮಹಾನಿರ್ಗುಣರೂಪಾ ಚ ವಾಚಾತೀತಾ ಪರಾ ಕಲಾ ॥ ೧೭॥
ಕ್ರೀಡಾಯಾಂ ಸಂಸ್ಥಿತಾ ದೇವೀ ಶೂನ್ಯರೂಪಾ ಪ್ರಕಲ್ಪಯೇತ್ ।
ಸೃಷ್ಟೇರಾರಮ್ಭಕಾರ್ಯಾರ್ಥಂ ದೃಷ್ಟಾ ಛಾಯಾ ತಯಾ ಯದಾ ॥ ೧೮॥
ಇಚ್ಛಾಶಕ್ತಿಸ್ತು ಸಾ ಜಾತಾ ತಥಾ ಕಾಲೋ ವಿನಿರ್ಮಿತಃ ।
ಪ್ರತಿಬಿಮ್ಬಂ ತತ್ರ ದೃಷ್ಟಂ ಜಾತಾ ಜ್ಞಾನಾಭಿಧಾ ತು ಸಾ ॥ ೧೯॥
ಇದಮೇತತ್ಕಿಂವಿಶಿಷ್ಟಂ ಜಾತಂ ವಿಜ್ಞಾನಕಂ ಮುದಾ ।
ತದಾ ಕ್ರಿಯಾಽಭಿಧಾ ಜಾತಾ ತದೀಚ್ಛಾತೋ ಮಹೇಶ್ವರಿ ॥ ೨೦॥
ಬ್ರಹ್ಮಾಣ್ಡಗೋಲೇ ದೇವೇಶಿ ರಾಜದಣ್ಡಸ್ಥಿತಂ ಚ ಯತ್ ।
ಸಾ ಕ್ರಿಯಾ ಸ್ಥಾಪಯಾಮಾಸ ಸ್ವ-ಸ್ವಸ್ಥಾನಕ್ರಮೇಣ ಚ ॥ ೨೧॥
ತತ್ರೈವ ಸ್ವೇಚ್ಛಯಾ ದೇವಿ ಸಾಮರಸ್ಯಪರಾಯಣಾ ।
ತದಿಚ್ಛಾ ಕಥ್ಯತೇ ದೇವಿ ಯಥಾವದವಧಾರಯ ॥ ೨೨॥
ಯುಗಾದಿಸಮಯೇ ದೇವಿ ಶಿವಂ ಪರಗುಣೋತ್ತಮಮ್ ।
ತದಿಚ್ಛಾ ನಿರ್ಗುಣಂ ಶಾನ್ತಂ ಸಚ್ಚಿದಾನನ್ದವಿಗ್ರಹಮ್ ॥ ೨೩॥
ಶಾಶ್ವತಂ ಸುನ್ದರಂ ಶುದ್ಧಂ ಸರ್ವದೇವಯುತಂ ವರಮ್ ।
ಆದಿನಾಥಂ ಗುಣಾತೀತಂ ಕಾಲ್ಯಾ ಸಂಯುತಮೀಶ್ವರಮ್ ॥ ೨೪॥
ವಿಪರೀತರತಂ ದೇವಂ ಸಾಮರಸ್ಯಪರಾಯಣಮ್ ।
ಪೂಜಾರ್ಥಮಾಗತಂ ದೇವ-ಗನ್ಧರ್ವಾಽಪ್ಸರಸಾಂ ಗಣಮ್ ॥ ೨೫॥
ಯಕ್ಷಿಣೀಂ ಕಿನ್ನರೀಕನ್ಯಾಮುರ್ವಶ್ಯಾದ್ಯಾಂ ತಿಲೋತ್ತಮಾಮ್ ।
ವೀಕ್ಷ್ಯ ತನ್ಮಾಯಯಾ ಪ್ರಾಹ ಸುನ್ದರೀ ಪ್ರಾಣವಲ್ಲಭಾ ॥ ೨೬॥
ತ್ರೈಲೋಕ್ಯಸುನ್ದರೀ ಪ್ರಾಣಸ್ವಾಮಿನೀ ಪ್ರಾಣರಞ್ಜಿನೀ ।
ಕಿಮಾಗತಂ ಭವತ್ಯಾಽದ್ಯ ಮಮ ಭಾಗ್ಯಾರ್ಣವೋ ಮಹಾನ್ ॥ ೨೭॥
ಉಕ್ತ್ವಾ ಮೌನಧರಂ ಶಮ್ಭುಂ ಪೂಜಯನ್ತ್ಯಪ್ಸರೋಗಣಾಃ ।
ಅಪ್ಸರಸ ಊಚುಃ ।
ಸಂಸಾರಾತ್ತಾರಿತಂ ದೇವ ತ್ವಯಾ ವಿಶ್ವಜನಪ್ರಿಯ ॥ ೨೮॥
ಸೃಷ್ಟೇರಾರಮ್ಭಕಾರ್ಯ್ಯಾರ್ಥಮುದ್ಯುಕ್ತೋಽಸಿ ಮಹಾಪ್ರಭೋ ।
ವೇಶ್ಯಾಕೃತ್ಯಮಿದಂ ದೇವ ಮಙ್ಗಲಾರ್ಥಪ್ರಗಾಯನಮ್ ॥ ೨೯॥
ಪ್ರಯಾಣೋತ್ಸವಕಾಲೇ ತು ಸಮಾರಮ್ಭೇ ಪ್ರಗಾಯನಮ್ ।
ಗುಣಾದ್ಯಾರಮ್ಭಕಾಲೇ ಹಿ ವರ್ತ್ತತೇ ಶಿವಶಙ್ಕರ ॥ ೩೦॥
ಇನ್ದ್ರಾಣೀಕೋಟಯಃ ಸನ್ತಿ ತಸ್ಯಾಃ ಪ್ರಸವಬಿನ್ದುತಃ ।
ಬ್ರಹ್ಮಾಣೀ ವೈಷ್ಣವೀ ಚೈವ ಮಾಹೇಶೀ ಕೋಟಿಕೋಟಯಃ ॥ ೩೧॥
ತವ ಸಾಮರಸಾನನ್ದ ದರ್ಶನಾರ್ಥಂ ಸಮುದ್ಭವಾಃ ।
ಸಞ್ಜಾತಾಶ್ಚಾಗ್ರತೋ ದೇವ ಚಾಸ್ಮಾಕಂ ಸೌಖ್ಯಸಾಗರ ॥ ೩೨॥
ರತಿಂ ಹಿತ್ವಾ ಕಾಮಿನೀನಾಂ ನಾಽನ್ಯತ್ ಸೌಖ್ಯಂ ಮಹೇಶ್ವರ ।
ಸಾ ರತಿರ್ದೃಶ್ಯತೇಽಸ್ಮಾಭಿರ್ಮಹತ್ಸೌಖ್ಯಾರ್ಥಕಾರಿಕಾ ॥ ೩೩॥
ಏವಮೇತತ್ತು ಚಾಸ್ಮಾಭಿಃ ಕರ್ತವ್ಯಂ ಭರ್ತೃಣಾ ಸಹ ।
ಏವಂ ಶ್ರುತ್ವಾ ಮಹಾದೇವೋ ಧ್ಯಾನಾವಸ್ಥಿತಮಾನಸಃ ॥ ೩೪॥
ಧ್ಯಾನಂ ಹಿತ್ವಾ ಮಾಯಯಾ ತು ಪ್ರೋವಾಚ ಕಾಲಿಕಾಂ ಪ್ರತಿ ।
ಕಾಲಿ ಕಾಲಿ ರುಣ್ಡಮಾಲೇ ಪ್ರಿಯೇ ಭೈರವವಾದಿನೀ ॥ ೩೫॥
ಶಿವಾರೂಪಧರೇ ಕ್ರೂರೇ ಘೋರದ್ರಂಷ್ಟೇ ಭಯಾನಕೇ ।
ತ್ರೈಲೋಕ್ಯಸುನ್ದರಕರೀ ಸುನ್ದರ್ಯ್ಯಃ ಸನ್ತಿ ಮೇಽಗ್ರತಃ ॥ ೩೬॥
ಸುನ್ದರೀವೀಕ್ಷಣಂ ಕರ್ಮ ಕುರು ಕಾಲಿ ಪ್ರಿಯೇ ಶಿವೇ ।
ಧ್ಯಾನಂ ಮುಞ್ಚ ಮಹಾದೇವಿ ತಾ ಗಚ್ಛನ್ತಿ ಗೃಹಂ ಪ್ರತಿ ॥ ೩೭॥
ತವ ರೂಪಂ ಮಹಾಕಾಲಿ ಮಹಾಕಾಲಪ್ರಿಯಙ್ಕರಮ್ ।
ಏತಾಸಾಂ ಸುನ್ದರಂ ರೂಪಂ ತ್ರೈಲೋಕ್ಯಪ್ರಿಯಕಾರಕಮ್ ॥ ೩೮॥
ಏವಂ ಮಾಯಾಭ್ರಮಾವಿಷ್ಟೋ ಮಹಾಕಾಲೋ ವದನ್ನಿತಿ ।
ಇತಿ ಕಾಲವಚಃ ಶ್ರುತ್ವಾ ಕಾಲಂ ಪ್ರಾಹ ಚ ಕಾಲಿಕಾ ॥ ೩೯॥
ಮಾಯಯಾಽಽಚ್ಛಾದ್ಯ ಚಾತ್ಮಾನಂ ನಿಜಸ್ತ್ರೀರೂಪಧಾರಿಣೀ ।
ಇತಃ ಪ್ರಭೃತಿ ಸ್ತ್ರೀಮಾತ್ರಂ ಭವಿಷ್ಯತಿ ಯುಗೇ ಯುಗೇ ॥ ೪೦॥
ವಲ್ಲ್ಯಾದ್ಯೌಷಧಯೋ ದೇವಿ ದಿವಾ ವಲ್ಲೀಸ್ವರೂಪತಾಮ್ ।
ರಾತ್ರೌ ಸ್ತ್ರೀರೂಪಮಾಸಾದ್ಯ ರತಿಕೇಲಿಃ ಪರಸ್ಪರಮ್ ॥ ೪೧॥
ಅಜ್ಞಾನಂ ಚೈವ ಸರ್ವೇಷಾಂ ಭವಿಷ್ಯತಿ ಯುಗೇ ಯುಗೇ ।
ಏವಂ ಶಾಪಂ ಚ ದತ್ವಾ ತು ಪುನಃ ಪ್ರೋವಾಚ ಕಾಲಿಕಾ ॥ ೪೨॥
ವಿಪರೀತರತಿಂ ಕೃತ್ವಾ ಚಿನ್ತಯನ್ತಿ ಮನನ್ತಿ ಯೇ ।
ತೇಷಾಂ ವರಂ ಪ್ರದಾಸ್ಯಾಮಿ ನಿತ್ಯಂ ತತ್ರ ವಸಾಮ್ಯಹಮ್ ॥ ೪೩॥
ಇತ್ಯುಕ್ತ್ವಾ ಕಾಲಿಕಾ ವಿದ್ಯಾ ತತ್ರೈವಾನ್ತರಧೀಯತ ।
ತ್ರಿಂಶತ್-ತ್ರಿಖರ್ವ-ಷಡ್ವೃನ್ದ-ನವತ್ಯರ್ಬುದಕೋಟಯಃ ॥ ೪೪॥
ದರ್ಶನಾರ್ಥಂ ತಪಸ್ತೇಪೇ ಸಾ ವೈ ಕುತ್ರ ಗತಾ ಪ್ರಿಯಾ ।
ಮಮ ಪ್ರಾಣಪ್ರಿಯಾ ದೇವೀ ಹಾಹಾ ಪ್ರಾಣಪ್ರಿಯೇ ಶಿವೇ ॥ ೪೫॥
ಕಿಂ ಕರೋಮಿ ಕ್ವ ಗಚ್ಛಾಮಿ ಇತ್ಯೇವಂ ಭ್ರಮಸಙ್ಕುಲಃ ।
ತಸ್ಯಾಃ ಕಾಲ್ಯಾ ದಯಾ ಜಾತಾ ಮಮ ಚಿನ್ತಾಪರಃ ಶಿವಃ ॥ ೪೬॥
ಯನ್ತ್ರಪ್ರಸ್ತಾರಬುದ್ಧಿಸ್ತು ಕಾಲ್ಯಾ ದತ್ತಾತಿಸತ್ವರಮ್ ।
ಯನ್ತ್ರಯಾಗಂ ತದಾರಭ್ಯ ಪೂರ್ವಂ ಚಿದ್ಘನಗೋಚರಾ ॥ ೪೭॥
ಶ್ರೀಚಕ್ರಂ ಯನ್ತ್ರಪ್ರಸ್ತಾರರಚನಾಭ್ಯಾಸತತ್ಪರಃ ।
ಇತಸ್ತತೋ ಭ್ರಮ್ಯಮಾಣಸ್ತ್ರೈಲೋಕ್ಯಂ ಚಕ್ರಮಧ್ಯಕಮ್ ॥ ೪೮॥
ಚಕ್ರಪಾರದರ್ಶನಾರ್ಥಂ ಕೋಟ್ಯರ್ಬುದಯುಗಂ ಗತಮ್ ।
ಭಕ್ತಪ್ರಾಣಪ್ರಿಯಾ ದೇವೀ ಮಹಾಶ್ರೀಚಕ್ರನಾಯಿಕಾ ॥ ೪೯॥
ತತ್ರ ಬಿನ್ದೌ ಪರಂ ರೂಪಂ ಸುನ್ದರಂ ಸುಮನೋಹರಮ್ ।
ರೂಪಂ ಜಾತಂ ಮಹೇಶಾನಿ ಜಾಗ್ರತ್ತ್ರಿಪುರಸುನ್ದರಿ ॥ ೫೦॥
ರೂಪಂ ದೃಷ್ಟ್ವಾ ಮಹಾದೇವೋ ರಾಜರಾಜೇಶ್ವರೋಽಭವತ್ ।
ತಸ್ಯಾಃ ಕಟಾಕ್ಷಮಾತ್ರೇಣ ತಸ್ಯಾ ರೂಪಧರಃ ಶಿವಃ ॥ ೫೧॥
ವಿನಾ ಶ್ರೃಙ್ಗಾರಸಂಯುಕ್ತಾ ತದಾ ಜಾತಾ ಮಹೇಶ್ವರೀ ।
ವಿನಾ ಕಾಲ್ಯಂಶತೋ ದೇವಿ ಜಗತ್ಸ್ಥಾವರಜಙ್ಗಮಮ್ ॥ ೫೨॥
ನ ಶ್ರೃಙ್ಗಾರೋ ನ ಶಕ್ತಿತ್ವಂ ಕ್ವಾಪಿ ನಾಸ್ತಿ ಮಹೇಶ್ವರೀ ।
ಸುನ್ದರ್ಯ್ಯಾ ಪ್ರಾರ್ಥಿತಾ ಕಾಲೀ ತುಷ್ಟಾ ಪ್ರೋವಾಚ ಕಾಲಿಕಾ ॥ ೫೩॥
ಸರ್ವಾಸಾಂ ನೇತ್ರಕೇಶೇಷು ಮಮಾಂಶೋಽತ್ರ ಭವಿಷ್ಯತಿ ।
ಪೂರ್ವಾವಸ್ಥಾಸು ದೇವೇಶಿ ಮಮಾಂಶಸ್ತಿಷ್ಠತಿ ಪ್ರಿಯೇ ॥ ೫೪॥
ಸಾವಸ್ಥಾ ತರುಣಾಖ್ಯಾ ತು ತದನ್ತೇ ನೈವ ತಿಷ್ಠತಿ ।
ಮದ್ಭಕ್ತಾನಾಂ ಮಹೇಶಾನಿ ಸದಾ ತಿಷ್ಠತಿ ನಿಶ್ಚಿತಮ್ ॥ ೫೫॥
ಶಕ್ತಿಸ್ತು ಕುಣ್ಠಿತಾ ಜಾತಾ ತಥಾ ರೂಪಂ ನ ಸುನ್ದರಮ್ ।
ಚಿನ್ತಾವಿಷ್ಟಾ ತು ಮಲಿನಾ ಜಾತಾ ತತ್ರ ಚ ಸುನ್ದರೀ ॥ ೫೬॥
ಕ್ಷಣಂ ಸ್ಥಿತ್ವಾ ಧ್ಯಾನಪರಾ ಕಾಲೀ ಚಿನ್ತನತತ್ಪರಾ ।
ತದಾ ಕಾಲೀ ಪ್ರಸನ್ನಾಽಭೂತ್ ಕ್ಷಣಾರ್ದ್ಧೇನ ಮಹೇಶ್ವರೀ ॥ ೫೭॥
ವರಂ ಬ್ರೂಹಿ ವರಂ ಬ್ರೂಹಿ ವರಂ ಬ್ರೂಹೀತಿ ಸಾದರಮ್ ।
ಸುನ್ದರ್ಯುವಾಚ ।
ಮಮ ಸಿದ್ಧಿವರಂ ದೇಹಿ ವರೋಽಯಂ ಪ್ರಾರ್ಥ್ಯತೇ ಮಯಾ ॥ ೫೮॥
ತಾದೃಗುಪಾಯಂ ಕಥಯ ಯೇನ ಶಕ್ತಿರ್ಭವಿಷ್ಯತಿ ।
ಶ್ರೀಕಾಲ್ಯುವಾಚ ।
ಮಮ ನಾಮಸಾಹಸ್ರಂ ಚ ಮಯಾ ಪೂರ್ವಂ ವಿನಿರ್ಮಿತಮ್ ॥ ೫೯॥
ಮತ್ಸ್ವರೂಪಂ ಕಕಾರಾಖ್ಯಂ ಮೇಧಾಸಾಮ್ರಾಜ್ಯನಾಮಕಮ್ ।
ವರದಾನಾಭಿಧಂ ನಾಮ ಕ್ಷಣಾರ್ದ್ಧಾದ್ವರದಾಯಕಮ್ ॥ ೬೦॥
ತತ್ಪಠಸ್ವ ಮಹಾಮಾಯೇ ತವ ಶಕ್ತಿರ್ಭವಿಷ್ಯತಿ ।
ತತಃ ಪ್ರಭೃತಿ ಶ್ರೀವಿದ್ಯಾ ತನ್ನಾಮಪಾಠತತ್ಪರಾ ॥ ೬೧॥
ತದೇವ ನಾಮಸಾಹಸ್ರಂ ಸುನ್ದರೀಶಕ್ತಿದಾಯಕಮ್ ।
ಕಥ್ಯತೇ ಪರಯಾ ಭಕ್ತ್ಯಾ ಸಾಧಯೇ ಸುಮಹೇಶ್ವರಿ ॥ ೬೨॥
ಮದ್ಯೇರ್ಮಾಂಸೈಸ್ತಥಾ ಶುಕ್ರೈರ್ಬಹುರಕ್ತೈರಪಿ ಪ್ರಿಯೇ ।
ತರ್ಪಯೇತ್ ಪೂಜಯೇತ್ ಕಾಲೀಂ ವಿಪರೀತರತಿಂ ಚರೇತ್ ॥ ೬೩॥
ವಿಪರೀತರತೌ ದೇವಿ ಕಾಲೀ ತಿಷ್ಠತಿ ನಿತ್ಯಶಃ ।
ಮಾಧ್ವೀಕಪುಷ್ಪಶುಕ್ರಾನ್ನಮೈಥುನಾದ್ಯಾ ವಿರಾಗಿಣೀ ॥ ೬೪॥
ವೈಷ್ಣವೀ ವ್ಯಾಪಿಕಾ ವಿದ್ಯಾ ಶ್ಮಶಾನವಾಸಿನೀ ಪರಾ ।
ವೀರಸಾಧನಸನ್ತುಷ್ಟಾ ವೀರಾಸ್ಫಾಲನನಾದಿನೀ ॥ ೬೫॥
ಶಿವಾಬಲಿಪ್ರಹೃಷ್ಟಾತ್ಮಾ ಶಿವಾರೂಪಾದ್ಯಚಣ್ಡಿಕಾ ।
ಕಾಮಸ್ತೋತ್ರಪ್ರಿಯಾತ್ಯುಗ್ರಮಾನಸಾ ಕಾಮರೂಪಿಣೀ ॥ ೬೬॥
ಬ್ರಹ್ಮಾನನ್ದಪರಾ ಶಮ್ಭು ಮೈಥುನಾನನ್ದತೋಷಿತಾ ।
ಯೋಗೀನ್ದ್ರಹೃದಯಾಗಾರಾ ದಿವಾ ನಿಶಿ ವಿಪರ್ಯಯಾ ॥ ೬೭॥
ಕ್ಷಣಂ ತುಷ್ಟಾ ಚ ಪ್ರತ್ಯಕ್ಷಾ ದನ್ತಮಾಲಾಜಪಪ್ರಿಯಾ ।
ಶಯ್ಯಾಯಾಂ ಚುಮ್ಬನಾಙ್ಗಃ ಸನ್ ವೇಶ್ಯಾಸಙ್ಗಪರಾಯಣಃ ॥ ೬೮॥
ಖಡ್ಗಹಸ್ತೋ ಮುಕ್ತಕೇಶೋ ದಿಗಮ್ಬರವಿಭೂಷಿತಃ ।
ಪಠೇನ್ನಾಮಸಹಸ್ರಾಖ್ಯಂ ಮೇಧಾಸಾಮ್ರಾಜ್ಯನಾಮಕಮ್ ॥ ೬೯॥
ಯಥಾ ದಿವ್ಯಾಮೃತೈರ್ದೇವಾಃ ಪ್ರಸನ್ನಾ ಕ್ಷಣಮಾತ್ರತಃ ।
ತಥಾಽನೇನ ಮಹಾಕಾಲೀ ಪ್ರಸನ್ನಾ ಪಾಠಮಾತ್ರತಃ ॥ ೭೦॥
ಕಥ್ಯತೇ ನಾಮಸಾಹಸ್ರಂ ಸಾವಧಾನಮನಾಃ ಶ್ರೃಣು ।
ಸರ್ವಸಾಮ್ರಾಜ್ಯಮೇಧಾಖ್ಯನಾಮಸಾಹಸ್ತ್ರಕಸ್ಯ ಚ ॥ ೭೧॥
ಮಹಾಕಾಲ ಋಷಿಃ ಪ್ರೋಕ್ತ ಉಷ್ಣಿಕ್ಛನ್ದಃ ಪ್ರಕೀರ್ತಿತಮ್ ।
ದೇವತಾ ದಕ್ಷಿಣಾ ಕಾಲೀ ಮಾಯಾಬೀಜಂ ಪ್ರಕೀರ್ತಿತಮ್ ॥ ೭೨॥
ಹ್ರೂँ ಶಕ್ತಿಃ ಕಾಲಿಕಾಬೀಜಂ ಕೀಲಕಂ ಪರಿಕೀರ್ತಿತಮ್ ।
ಕಾಲಿಕಾ ವರದಾನಾದಿ-ಸ್ವೇಷ್ಟಾರ್ಥೇ ವಿನಿಯೋಗತಃ ॥ ೭೩॥
ಕೀಲಕೇನ ಷಡಙ್ಗಾನಿ ಷಡ್ದೀರ್ಘಾಬೀಜೇನ ಕಾರಯೇತ್ ।
ಧ್ಯಾನಂ ಚ ಪೂರ್ವವತ್ಕೃತ್ವಾ ಸಾಧಯೇದಿಷ್ಟಸಾಧನಮ್ ॥ ೭೪॥
ಓಂ ಅಸ್ಯ ಶ್ರೀಸರ್ವಸಾಮ್ರಾಜ್ಯಮೇಧಾಕಾಲೀಸ್ವರೂಪ-
ಕಕಾರಾತ್ಮಕಸಹಸ್ರನಾಮಸ್ತೋತ್ರಮನ್ತ್ರಸ್ಯ ಮಹಾಕಾಲ-
ಋಷಿರುಷ್ಣಿಕ್ಛನ್ದಃ, ಶ್ರೀದಕ್ಷಿಣಕಾಲೀ ದೇವತಾ, ಹ್ರೀಂ ಬೀಜಮ್,
ಹ್ರೂँ ಶಕ್ತಿಃ, ಕ್ರೀಂ ಕೀಲಕಂ, ಕಾಲೀವರದಾನಾದಿಸ್ವೇಷ್ಟಾರ್ಥೇ ಜಪೇ ವಿನಿಯೋಗಃ ।
ಓಂ ಮಹಾಕಾಲ ಋಷಯೇ ನಮಃ ಶಿರಸಿ ।
ಉಷ್ಣಿಕ್ಛನ್ದಸೇ ನಮಃ ಮುಖೇ ।
ಶ್ರೀ ದಕ್ಷಿಣಕಾಲೀದೇವತಾಯೈ ನಮಃ ಹೃದಯೇ ।
ಹ್ರೀಂ ಬೀಜಾಯ ನಮಃ ಗುಹ್ಯೇ ।
ಹ್ರೂँ ಶಕ್ತಯೇ ನಮಃ ಪಾದಯೋಃ ।
ಕ್ರೀಂ ಕೀಲಕಾಯ ನಮಃ ನಾಭೌ ।
ವಿನಿಯೋಗಾಯನಮಃ ಸರ್ವಾಙ್ಗೇ । ಇತಿ ಋಷ್ಯಾದಿನ್ಯಾಸಃ ।
ಓಂ ಕ್ರಾಂ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ಕ್ರೀಂ ತರ್ಜನೀಭ್ಯಾಂ ನಮಃ ।
ಓಂ ಕ್ರೂಂ ಮಧ್ಯಮಾಭ್ಯಾಂ ನಮಃ ।
ಓಂ ಕ್ರೈಂ ಅನಾಮಿಕಾಭ್ಯಾಂ ನಮಃ ।
ಓಂ ಕ್ರೌಂ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಕ್ರಃ ಕರತಲಕರಪೃಷ್ಠಾಭ್ಯಾಂ ನಮಃ । ಇತಿ ಕರಾಙ್ಗನ್ಯಾಸಃ ।
ಓಂ ಕ್ರಾಂ ಹೃದಯಾಯ ನಮಃ ।
ಓಂ ಕ್ರೀಂ ಶಿರಸೇ ಸ್ವಾಹಾ ।
ಓಂ ಕ್ರೂಂ ಶಿಖಾಯೈ ವಷಟ್ ।
ಓಂ ಕ್ರೈಂ ಕವಚಾಯ ಹುಂ ।
ಓಂ ಕ್ರೌಂ ನೇತ್ರತ್ರಯಾಯ ವೌಷಟ್ ।
ಓಂ ಕ್ರಃ ಅಸ್ತ್ರಾಯ ಫಟ್ । ಇತಿ ಹೃದಯಾದಿ ಷಡಙ್ಗನ್ಯಾಸಃ ।
ಅಥ ಧ್ಯಾನಮ್ ।
ಓಂ ಕರಾಲವದನಾಂ ಘೋರಾಂ ಮುಕ್ತಕೇಶೀಂ ಚತುರ್ಭುಜಾಮ್ ।
ಕಾಲಿಕಾಂ ದಕ್ಷಿಣಾಂ ದಿವ್ಯಾಂ ಮುಣ್ಡಮಾಲಾವಿಭೂಷಿತಾಮ್ ॥
ಸದ್ಯಶ್ಛಿನ್ನಶಿರಃಖಡ್ಗವಾಮೋರ್ಧ್ವಾಧಃಕರಾಮ್ಬುಜಾಮ್ ।
ಅಭಯಂ ವರದಂ ಚೈವ ದಕ್ಷಿಣಾಧೋರ್ಧ್ವಪಾಣಿಕಾಮ್ ॥
ಮಹಾಮೇಘಪ್ರಭಾಂ ಶ್ಯಾಮಾಂ ತಥಾ ಚೈವ ದಿಗಮ್ಬರಾಮ್ ।
ಕಣ್ಠಾವಸಕ್ತಮುಣ್ಡಾಲೀಗಲದ್ರುಧಿರಚರ್ಚಿತಾಮ್ ॥
ಕರ್ಣಾವತಂಸತಾನೀತಶವಯುಗ್ಮಭಯಾನಕಾಮ್ ।
ಘೋರದಂಷ್ಟ್ರಾಕರಾಲಾಸ್ಯಾಂ ಪೀನೋನ್ನತಪಯೋಧರಾಮ್ ॥
ಶವಾನಾಂ ಕರಸಙ್ಘಾತೈಃ ಕೃತಕಾಞ್ಚೀಂ ಹಸನ್ಮುಖೀಮ್ ।
ಸೃಕ್ಕದ್ವಯಗಲದ್ರಕ್ತಧಾರಾವಿಸ್ಫುರಿತಾನನಾಮ್ ॥
ಘೋರರೂಪಾಂ ಮಹಾರೌದ್ರೀಂ ಶ್ಮಶಾನಾಲಯವಾಸಿನೀಮ್ ।
ದನ್ತುರಾಂ ದಕ್ಷಿಣವ್ಯಾಪಿಮುಕ್ತಲಮ್ಬಕಚೋಚ್ಚಯಾಮ್ ॥
ಶವರೂಪಮಹಾದೇವಹೃದಯೋಪರಿ ಸಂಸ್ಥಿತಾಮ್ ।
ಶಿವಾಭಿರ್ಘೋರರೂಪಾಭಿಶ್ಚತುರ್ದ್ದಿಕ್ಷು ಸಮನ್ವಿತಾಮ್ ॥
ಮಹಾಕಾಲೇನ ಸಾರ್ದ್ಧೋರ್ದ್ಧಮುಪವಿಷ್ಟರತಾತುರಾಮ್ ।
ಸುಖಪ್ರಸನ್ನವದನಾಂ ಸ್ಮೇರಾನನಸರೋರುಹಾಮ್ ॥
ಏವಂ ಸಙ್ಚಿನ್ತಯೇದ್ದೇವೀಂ ಶ್ಮಶಾನಾಲಯವಾಸಿನೀಮ್ ॥
ಓಂ ಕ್ರೀಂ ಕಾಲೀ ಕ್ರೂँ ಕರಾಲೀ ಚ ಕಲ್ಯಾಣೀ ಕಮಲಾ ಕಲಾ ।
ಕಲಾವತೀ ಕಲಾಢ್ಯಾ ಚ ಕಲಾಪೂಜ್ಯಾ ಕಲಾತ್ಮಿಕಾ ॥ ೧॥
ಕಲಾದೃಷ್ಟಾ ಕಲಾಪುಷ್ಟಾ ಕಲಾಮಸ್ತಾ ಕಲಾಧರಾ ।
ಕಲಾಕೋಟಿ ಕಲಾಭಾಸಾ ಕಲಾಕೋಟಿಪ್ರಪೂಜಿತಾ ॥ ೨॥
ಕಲಾಕರ್ಮಕಲಾಧಾರಾ ಕಲಾಪಾರಾ ಕಲಾಗಮಾ ।
ಕಲಾಧಾರಾ ಕಮಲಿನೀ ಕಕಾರಾ ಕರುಣಾ ಕವಿಃ ॥ ೩॥
ಕಕಾರವರ್ಣಸರ್ವಾಙ್ಗೀ ಕಲಾಕೋಟಿವಿಭೂಷಿತಾ ।
ಕಕಾರಕೋಟಿಗುಣಿತಾ ಕಲಾಕೋಟಿವಿಭೂಷಣಾ ॥ ೪॥
ಕಕಾರವರ್ಣಹೃದಯಾ ಕಕಾರಮನುಮಣ್ಡಿತಾ ।
ಕಕಾರವರ್ಣನಿಲಯಾ ಕಾಕಶಬ್ದಪರಾಯಣಾ ॥ ೫॥
ಕಕಾರವರ್ಣಮುಕುಟಾ ಕಕಾರವರ್ಣಭೂಷಣಾ ।
ಕಕಾರವರ್ಣರೂಪಾ ಚ ಕಕಶಬ್ದಪರಾಯಣಾ ॥ ೬॥
ಕಕವೀರಾಸ್ಫಾಲರತಾ ಕಮಲಾಕರಪೂಜಿತಾ ।
ಕಮಲಾಕರನಾಥಾ ಚ ಕಮಲಾಕರರೂಪಧೃಕ್ ॥ ೭॥
ಕಮಲಾಕರಸಿದ್ಧಿಸ್ಥಾ ಕಮಲಾಕರಪಾರದಾ ।
ಕಮಲಾಕರಮಧ್ಯಸ್ಥಾ ಕಮಲಾಕರತೋಷಿತಾ ॥ ೮॥
ಕಥಙ್ಕಾರಪರಾಲಾಪಾ ಕಥಙ್ಕಾರಪರಾಯಣಾ ।
ಕಥಙ್ಕಾರಪದಾನ್ತಸ್ಥಾ ಕಥಙ್ಕಾರಪದಾರ್ಥಭೂಃ ॥ ೯॥
ಕಮಲಾಕ್ಷೀ ಕಮಲಜಾ ಕಮಲಾಕ್ಷಪ್ರಪೂಜಿತಾ ।
ಕಮಲಾಕ್ಷವರೋದ್ಯುಕ್ತಾ ಕಕಾರಾ ಕರ್ಬುರಾಕ್ಷರಾ ॥ ೧೦॥
ಕರತಾರಾ ಕರಚ್ಛಿನ್ನಾ ಕರಶ್ಯಾಮಾ ಕರಾರ್ಣವಾ ।
ಕರಪೂಜ್ಯಾ ಕರರತಾ ಕರದಾ ಕರಪೂಜಿತಾ ॥ ೧೧॥
ಕರತೋಯಾ ಕರಾಮರ್ಷಾ ಕರ್ಮನಾಶಾ ಕರಪ್ರಿಯಾ ।
ಕರಪ್ರಾಣಾ ಕರಕಜಾ ಕರಕಾ ಕರಕಾನ್ತರಾ ॥ ೧೨॥
ಕರಕಾಚಲರೂಪಾ ಚ ಕರಕಾಚಲಶೋಭಿನೀ ।
ಕರಕಾಚಲಪುತ್ರೀ ಚ ಕರಕಾಚಲತೋಷಿತಾ ॥ ೧೩॥
ಕರಕಾಚಲಗೇಹಸ್ಥಾ ಕರಕಾಚಲರಕ್ಷಿಣೀ ।
ಕರಕಾಚಲಸಮ್ಮಾನ್ಯಾ ಕರಕಾಚಲಕಾರಿಣೀ ॥ ೧೪॥
ಕರಕಾಚಲವರ್ಷಾಢ್ಯಾ ಕರಕಾಚಲರಞ್ಜಿತಾ ।
ಕರಕಾಚಲಕಾನ್ತಾರಾ ಕರಕಾಚಲಮಾಲಿನೀ ॥ ೧೫॥
ಕರಕಾಚಲಭೋಜ್ಯಾ ಚ ಕರಕಾಚಲರೂಪಿಣೀ ।
ಕರಾಮಲಕಸಂಸ್ಥಾ ಚ ಕರಾಮಲಕಸಿದ್ಧಿದಾ ॥ ೧೬॥
ಕರಾಮಲಕಸಮ್ಪೂಜ್ಯಾ ಕರಾಮಲಕತಾರಿಣೀ ।
ಕರಾಮಲಕಕಾಲೀ ಚ ಕರಾಮಲಕರೋಚಿನೀ ॥ ೧೭॥
ಕರಾಮಲಕಮಾತಾ ಚ ಕರಾಮಲಕಸೇವಿನೀ ।
ಕರಾಮಲಕಬದ್ಧ್ಯೇಯಾ ಕರಾಮಲಕದಾಯಿನೀ ॥ ೧೮॥
ಕಞ್ಜನೇತ್ರಾ ಕಞ್ಜಗತಿಃ ಕಞ್ಜಸ್ಥಾ ಕಞ್ಜಧಾರಿಣೀ ।
ಕಞ್ಜಮಾಲಾಪ್ರಿಯಕರೀ ಕಞ್ಜರೂಪಾ ಚ ಕಞ್ಜನಾ ॥ ೧೯॥
ಕಞ್ಜಜಾತಿಃ ಕಞ್ಜಗತಿಃ ಕಞ್ಜಹೋಮಪರಾಯಣಾ ।
ಕಞ್ಜಮಣ್ಡಲಮಧ್ಯಸ್ಥಾ ಕಞ್ಜಾಭರಣಭೂಷಿತಾ ॥ ೨೦॥
ಕಞ್ಜಸಮ್ಮಾನನಿರತಾ ಕಞ್ಜೋತ್ಪತ್ತಿಪರಾಯಣಾ ।
ಕಞ್ಜರಾಶಿಸಮಾಕಾರಾ ಕಞ್ಜಾರಣ್ಯನಿವಾಸಿನೀ ॥ ೨೧॥
ಕರಞ್ಜವೃಕ್ಷಮಧ್ಯಸ್ಥಾ ಕರಞ್ಜವೃಕ್ಷವಾಸಿನೀ ।
ಕರಞ್ಜಫಲಭೂಷಾಢ್ಯಾ ಕರಞ್ಜಾರಣ್ಯವಾಸಿನೀ ॥ ೨೨॥
ಕರಞ್ಜಮಾಲಾಭರಣಾ ಕರವಾಲಪರಾಯಣಾ ।
ಕರವಾಲಪ್ರಹೃಷ್ಟಾತ್ಮಾ ಕರವಾಲಪ್ರಿಯಾ ಗತಿಃ ॥ ೨೩॥
ಕರವಾಲಪ್ರಿಯಾ ಕನ್ಯಾ ಕರವಾಲವಿಹಾರಿಣೀ ।
ಕರವಾಲಮಯೀ ಕರ್ಮ್ಮಾ ಕರವಾಲಪ್ರಿಯಙ್ಕರೀ ॥ ೨೪॥
ಕಬನ್ಧಮಾಲಾಭರಣಾ ಕಬನ್ಧರಾಶಿಮಧ್ಯಗಾ ।
ಕಬನ್ಧಕೂಟಸಂಸ್ಥಾನಾ ಕಬನ್ಧಾನನ್ತಭೂಷಣಾ ॥ ೨೫॥
ಕಬನ್ಧನಾದಸನ್ತುಷ್ಟಾ ಕಬನ್ಧಾಸನಧಾರಿಣೀ ।
ಕಬನ್ಧಗೃಹಮಧ್ಯಸ್ಥಾ ಕಬನ್ಧವನವಾಸಿನೀ ॥ ೨೬॥
ಕಬನ್ಧಕಾಞ್ಚೀಕರಣೀ ಕಬನ್ಧರಾಶಿಭೂಷಣಾ ।
ಕಬನ್ಧಮಾಲಾಜಯದಾ ಕಬನ್ಧದೇಹವಾಸಿನೀ ॥ ೨೭॥
ಕಬನ್ಧಾಸನಮಾನ್ಯಾ ಚ ಕಪಾಲಾಕಲ್ಪಧಾರಿಣೀ ।
ಕಪಾಲಮಾಲಾಮಧ್ಯಸ್ಥಾ ಕಪಾಲವ್ರತತೋಷಿತಾ ॥ ೨೮॥
ಕಪಾಲದೀಪಸನ್ತುಷ್ಟಾ ಕಪಾಲದೀಪರೂಪಿಣೀ ।
ಕಪಾಲದೀಪವರದಾ ಕಪಾಲಕಜ್ಜಲಸ್ಥಿತಾ ॥ ೨೯॥
ಕಪಾಲಮಾಲಾಜಯದಾ ಕಪಾಲಜಪತೋಷಿಣೀ ।
ಕಪಾಲಸಿದ್ಧಿಸಂಹೃಷ್ಟಾ ಕಪಾಲಭೋಜನೋದ್ಯತಾ ॥ ೩೦॥
ಕಪಾಲವ್ರತಸಂಸ್ಥಾನಾ ಕಪಾಲಕಮಲಾಲಯಾ ।
ಕವಿತ್ವಾಮೃತಸಾರಾ ಚ ಕವಿತ್ವಾಮೃತಸಾಗರಾ ॥ ೩೧॥
ಕವಿತ್ವಸಿದ್ಧಿಸಂಹೃಷ್ಟಾ ಕವಿತ್ವಾದಾನಕಾರಿಣೀ ।
ಕವಿಪೃಜ್ಯಾ ಕವಿಗತಿಃ ಕವಿರೂಪಾ ಕವಿಪ್ರಿಯಾ ॥ ೩೨॥
ಕವಿಬ್ರಹ್ಮಾನನ್ದರೂಪಾ ಕವಿತ್ವವ್ರತತೋಷಿತಾ ।
ಕವಿಮಾನಸಸಂಸ್ಥಾನಾ ಕವಿವಾಞ್ಚ್ಛಾಪ್ರಪೂರಿಣೀ ॥ ೩೩॥
ಕವಿಕಣ್ಠಸ್ಥಿತಾ ಕಂ ಹ್ರೀಂ ಕಂಕಂಕಂ ಕವಿಪೂರ್ತಿದಾ ।
ಕಜ್ಜಲಾ ಕಜ್ಜಲಾದಾನಮಾನಸಾ ಕಜ್ಜಲಪ್ರಿಯಾ ॥ ೩೪॥
ಕಪಾಲಕಜ್ಜಲಸಮಾ ಕಜ್ಜಲೇಶಪ್ರಪೂಜಿತಾ ।
ಕಜ್ಜಲಾರ್ಣವಮಧ್ಯಸ್ಥಾ ಕಜ್ಜಲಾನನ್ದರೂಪಿಣೀ ॥ ೩೫॥
ಕಜ್ಜಲಪ್ರಿಯಸನ್ತುಷ್ಟಾ ಕಜ್ಜಲಪ್ರಿಯತೋಷಿಣೀ ।
ಕಪಾಲಮಾಲಾಭರಣಾ ಕಪಾಲಕರಭೂಷಣಾ ॥ ೩೬॥
ಕಪಾಲಕರಭೂಷಾಢ್ಯಾ ಕಪಾಲಚಕ್ರಮಣ್ಡಿತಾ ।
ಕಪಾಲಕೋಟಿನಿಲಯಾ ಕಪಾಲದುರ್ಗಕಾರಿಣೀ ॥ ೩೭॥
ಕಪಾಲಗಿರಿಸಂಸ್ಥಾನಾ ಕಪಾಲಚಕ್ರವಾಸಿನೀ ।
ಕಪಾಲಪಾತ್ರಸನ್ತುಷ್ಟಾ ಕಪಾಲಾರ್ಘ್ಯಪರಾಯಣಾ ॥ ೩೮॥
ಕಪಾಲಾರ್ಘ್ಯಪ್ರಿಯಪ್ರಾಣಾ ಕಪಾಲಾರ್ಘ್ಯವರಪ್ರದಾ ।
ಕಪಾಲಚಕ್ರರೂಪಾ ಚ ಕಪಾಲರೂಪಮಾತ್ರಗಾ ॥ ೩೯॥
ಕದಲೀ ಕದಲೀರೂಪಾ ಕದಲೀವನವಾಸಿನೀ ।
ಕದಲೀಪುಷ್ಪಸಮ್ಪ್ರೀತಾ ಕದಲೀಫಲಮಾನಸಾ ॥ ೪೦॥
ಕದಲೀಹೋಮಸನ್ತುಷ್ಟಾ ಕದಲೀದರ್ಶನೋದ್ಯತಾ ।
ಕದಲೀಗರ್ಭಮಧ್ಯಸ್ಥಾ ಕದಲೀವನಸುನ್ದರೀ ॥ ೪೧॥
ಕದಮ್ಬಪುಷ್ಪನಿಲಯಾ ಕದಮ್ಬವನಮಧ್ಯಗಾ ।
ಕದಮ್ಬಕುಸುಮಾಮೋದಾ ಕದಮ್ಬವನತೋಷಿಣೀ ॥ ೪೨॥
ಕದಮ್ಬಪುಷ್ಪಸಮ್ಪೂಜ್ಯಾ ಕದಮ್ಬಪುಷ್ಪಹೋಮದಾ ।
ಕದಮ್ಪುಷ್ಪಮಧ್ಯಸ್ಥಾ ಕದಮ್ಬಫಲಭೋಜಿನೀ ॥ ೪೩॥
ಕದಮ್ಬಕಾನನಾನ್ತಃಸ್ಥಾ ಕದಮ್ಬಾಚಲವಾಸಿನೀ ।
ಕಚ್ಛಪಾ ಕಚ್ಛಪಾರಾಧ್ಯಾ ಕಚ್ಛಪಾಸನಸಂಸ್ಥಿತಾ ॥ ೪೪॥
ಕರ್ಣಪೂರಾ ಕರ್ಣನಾಸಾ ಕರ್ಣಾಢ್ಯಾ ಕಾಲಭೈರವೀ ।
ಕಲಪ್ರೀತಾ ಕಲಹದಾ ಕಲಹಾ ಕಲಹಾತುರಾ ॥ ೪೫॥
ಕರ್ಣಯಕ್ಷೀ ಕರ್ಣವಾರ್ತಾ ಕಥಿನೀ ಕರ್ಣಸುನ್ದರೀ ।
ಕರ್ಣಪಿಶಾಚಿನೀ ಕರ್ಣಮಞ್ಜರೀ ಕವಿಕಕ್ಷದಾ ॥ ೪೬॥
ಕವಿಕಕ್ಷಾವಿರೂಪಾಢ್ಯಾ ಕವಿಕಕ್ಷಸ್ವರೂಪಿಣೀ ।
ಕಸ್ತೂರೀಮೃಗಸಂಸ್ಥಾನಾ ಕಸ್ತೂರೀಮೃಗರೂಪಿಣೀ ॥ ೪೭॥
ಕಸ್ತೂರೀಮೃಗಸನ್ತೋಷಾ ಕಸ್ತೂರೀಮೃಗಮಧ್ಯಗಾ ।
ಕಸ್ತೂರೀರಸನೀಲಾಙ್ಗೀ ಕಸ್ತೂರೀಗನ್ಧತೋಷಿತಾ ॥ ೪೮॥
ಕಸ್ತೂರೀಪೂಜಕಪ್ರಾಣಾ ಕಸ್ತೂರೀಪೂಜಕಪ್ರಿಯಾ ।
ಕಸ್ತೂರೀಪ್ರೇಮಸನ್ತುಷ್ಟಾ ಕಸ್ತೂರೀಪ್ರಾಣಧಾರಿಣೀ ॥ ೪೯॥
ಕಸ್ತೂರೀಪೂಜಕಾನನ್ದಾ ಕಸ್ತೂರೀಗನ್ಧರೂಪಿಣೀ ।
ಕಸ್ತೂರೀಮಾಲಿಕಾರೂಪಾ ಕಸ್ತೂರೀಭೋಜನಪ್ರಿಯಾ ॥ ೫೦॥
ಕಸ್ತೂರೀತಿಲಕಾನನ್ದಾ ಕಸ್ತೂರೀತಿಲಕಪ್ರಿಯಾ ।
ಕಸ್ತೂರೀಹೋಮಸನ್ತುಷ್ಟಾ ಕಸ್ತೂರೀತರ್ಪಣೋದ್ಯತಾ ॥ ೫೧॥
ಕಸ್ತೂರೀಮಾರ್ಜನೋದ್ಯುಕ್ತಾ ಕಸ್ತೂರೀಚಕ್ರಪೂಜಿತಾ ।
ಕಸ್ತೂರೀಪುಷ್ಪಸಮ್ಪೂಜ್ಯಾ ಕಸ್ತೂರೀಚರ್ವಣೋದ್ಯತಾ ॥ ೫೨॥
ಕಸ್ತೂರೀಗರ್ಭಮಧ್ಯಸ್ಥಾ ಕಸ್ತೂರೀವಸ್ತ್ರಧಾರಿಣೀ ।
ಕಸ್ತೂರೀಕಾಮೋದರತಾ ಕಸ್ತೂರೀವನವಾಸಿನೀ ॥ ೫೩॥
ಕಸ್ತೂರೀವನಸಂರಕ್ಷಾ ಕಸ್ತೂರೀಪ್ರೇಮಧಾರಿಣೀ ।
ಕಸ್ತೂರೀಶಕ್ತಿನಿಲಯಾ ಕಸ್ತೂರೀಶಕ್ತಿಕುಣ್ಡಗಾ ॥ ೫೪॥
ಕಸ್ತೂರೀಕುಣ್ಡಸಂಸ್ನಾತಾ ಕಸ್ತೂರೀಕುಣ್ಡಮಜ್ಜನಾ ।
ಕಸ್ತೂರೀಜೀವಸನ್ತುಷ್ಟಾ ಕಸ್ತೂರೀಜೀವಧಾರಿಣೀ ॥ ೫೫॥
ಕಸ್ತೂರೀಪರಮಾಮೋದಾ ಕಸ್ತೂರೀಜೀವನಕ್ಷಮಾ ।
ಕಸ್ತೂರೀಜಾತಿಭಾವಸ್ಥಾ ಕಸ್ತೂರೀಗನ್ಧಚುಮ್ಬನಾ ॥ ೫೬॥
ಕಸತೂರೀಗನ್ಧಸಂಶೋಭಾವಿರಾಜಿತಕಪಾಲಭೂಃ ।
ಕಸ್ತೂರೀಮದನಾನ್ತಃಸ್ಥಾ ಕಸ್ತೂರೀಮದಹರ್ಷದಾ ॥ ೫೭॥
ಕಸ್ತೂರೀಕವಿತಾನಾಢ್ಯಾ ಕಸ್ತೂರೀಗೃಹಮಧ್ಯಗಾ ।
ಕಸ್ತೂರೀಸ್ಪರ್ಶಕಪ್ರಾಣಾ ಕಸ್ತೂರೀವಿನ್ದಕಾನ್ತಕಾ ॥ ೫೮॥
ಕಸ್ತೂರ್ಯ್ಯಾಮೋದರಸಿಕಾ ಕಸ್ತೂರೀಕ್ರೀಡನೋದ್ಯತಾ ।
ಕಸ್ತೂರೀದಾನನಿರತಾ ಕಸ್ತೂರೀವರದಾಯಿನೀ ॥ ೫೯॥
ಕಸ್ತೂರೀಸ್ಥಾಪನಾಸಕ್ತಾ ಕಸ್ತೂರೀಸ್ಥಾನರಞ್ಜಿನೀ ।
ಕಸ್ತೂರೀಕುಶಲಪ್ರಶ್ನಾ ಕಸ್ತೂರೀಸ್ತುತಿವನ್ದಿತಾ ॥ ೬೦॥
ಕಸ್ತೂರೀವನ್ದಕಾರಾಧ್ಯಾ ಕಸ್ತೂರೀಸ್ಥಾನವಾಸಿನೀ ।
ಕಹರೂಪಾ ಕಹಾಢ್ಯಾ ಚ ಕಹಾನನ್ದಾ ಕಹಾತ್ಮಭೂಃ ॥ ೬೧॥
ಕಹಪೂಜ್ಯಾ ಕಹಾಖ್ಯಾ ಚ ಕಹಹೇಯಾ ಕಹಾತ್ಮಿಕಾ ।
ಕಹಮಾಲಾಕಣ್ಠಭೂಷಾ ಕಹಮನ್ತ್ರಜಪೋದ್ಯತಾ ॥ ೬೨॥
ಕಹನಾಮಸ್ಮೃತಿಪರಾ ಕಹನಾಮಪರಾಯಣಾ ।
ಕಹಪರಾಯಣರತಾ ಕಹದೇವೀ ಕಹೇಶ್ವರೀ ॥ ೬೩॥
ಕಹಹೇತು ಕಹಾನನ್ದಾ ಕಹನಾದಪರಾಯಣಾ ।
ಕಹಮಾತಾ ಕಹಾನ್ತಃಸ್ಥಾ ಕಹಮನ್ತ್ರಾ ಕಹೇಶ್ವರೀ ॥ ೬೪॥
ಕಹಜ್ಞೇಯಾ ಕಹಾರಾಧ್ಯಾ ಕಹಧ್ಯಾನಪರಾಯಣಾ ।
ಕಹತನ್ತ್ರಾ ಕಹಕಹಾ ಕಹಚರ್ಯ್ಯಾಪರಾಯಣಾ ॥ ೬೫॥
ಕಹಾಚಾರಾ ಕಹಗತಿಃ ಕಹತಾಣ್ಡವಕಾರಿಣೀ ।
ಕಹಾರಣ್ಯಾ ಕಹರತಿಃ ಕಹಶಕ್ತಿಪರಾಯಣಾ ॥ ೬೬॥
ಕಹರಾಜ್ಯನತಾ ಕರ್ಮ್ಮಸಾಕ್ಷಿಣೀ ಕರ್ಮಸುನ್ದರೀ ।
ಕರ್ಮವಿದ್ಯಾ ಕರ್ಮಗತಿಃ ಕರ್ಮತನ್ತ್ರಪರಾಯಣಾ ॥ ೬೭॥
ಕರ್ಮಮಾತ್ರಾ ಕರ್ಮಗಾತ್ರಾ ಕರ್ಮಧರ್ಮಪರಾಯಣಾ ।
ಕರ್ಮರೇಖಾನಾಶಕರ್ತ್ರೀ ಕರ್ಮರೇಖಾವಿನೋದಿನೀ ॥ ೬೮॥
ಕರ್ಮರೇಖಾಮೋಹಕರೀ ಕರ್ಮಕೀರ್ತಿಪರಾಯಣಾ ।
ಕರ್ಮವಿದ್ಯಾ ಕರ್ಮಸಾರಾ ಕರ್ಮ್ಮಾಧಾರಾ ಚ ಕರ್ಮಭೂಃ ॥ ೬೯॥
ಕರ್ಮಕಾರೀ ಕರ್ಮಹಾರೀ ಕರ್ಮಕೌತುಕಸುನ್ದರೀ ।
ಕರ್ಮಕಾಲೀ ಕರ್ಮತಾರಾ ಕರ್ಮಚ್ಛಿನ್ನಾ ಚ ಕರ್ಮದಾ ॥ ೭೦॥
ಕರ್ಮಚಾಣ್ಡಾಲಿನೀ ಕರ್ಮವೇದಮಾತಾ ಚ ಕರ್ಮಭೂಃ ।
ಕರ್ಮಕಾಣ್ಡರತಾನನ್ತಾ ಕರ್ಮಕಾಣ್ಡಾನುಮಾನಿತಾ ॥ ೭೧॥
ಕರ್ಮಕಾಣ್ಡಪರೀಣಾಹಾ ಕಮಠೀ ಕಮಠಾಕೃತಿಃ ।
ಕಮಠಾರಾಧ್ಯಹೃದಯಾ ಕಮಠಾಕಣ್ಠಸುನ್ದರೀ ॥ ೭೨॥
ಕಮಠಾಸನಸಂಸೇವ್ಯಾ ಕಮಠೀ ಕರ್ಮತತ್ಪರಾ ।
ಕರುಣಾಕರಕಾನ್ತಾ ಚ ಕರುಣಾಕರವನ್ದಿತಾ ॥ ೭೩॥
ಕಠೋರಾ ಕರಮಾಲಾ ಚ ಕಠೋರಕುಚಧಾರಿಣೀ ।
ಕಪರ್ದಿನೀ ಕಪಟಿನೀ ಕಠಿನಾ ಕಙ್ಕಭೂಷಣಾ ॥ ೭೪॥
ಕರಭೋರೂಃ ಕಠಿನದಾ ಕರಭಾ ಕರಭಾಲಯಾ ।
ಕಲಭಾಷಾಮಯೀ ಕಲ್ಪಾ ಕಲ್ಪನಾ ಕಲ್ಪದಾಯಿನೀ ॥ ೭೫॥
ಕಮಲಸ್ಥಾ ಕಲಾಮಾಲಾ ಕಮಲಾಸ್ಯಾ ಕ್ಕಣತ್ಪ್ರಭಾ ।
ಕಕುದ್ಮಿನೀ ಕಷ್ಟವತೀ ಕರಣೀಯಕಥಾರ್ಚಿತಾ ॥ ೭೬॥
ಕಚಾರ್ಚಿತಾ ಕಚತನುಃ ಕಚಸುನ್ದರಧಾರಿಣೀ ।
ಕಠೋರಕುಚಸಂಲಗ್ನಾ ಕಟಿಸೂತ್ರವಿರಾಜಿತಾ ॥ ೭೭॥
ಕರ್ಣಮಕ್ಷಪ್ರಿಯಾ ಕನ್ದಾ ಕಥಾಕನ್ದಗತಿಃ ಕಲಿಃ ।
ಕಲಿಘ್ನೀ ಕಲಿದೂತೀ ಚ ಕವಿನಾಯಕ-ಪೂಜಿತಾ ॥ ೭೮॥
ಕಣಕಕ್ಷಾನಿಯನ್ತ್ರೀ ಚ ಕಶ್ಚಿತ್ಕವಿವರಾರ್ಚಿತಾ ।
ಕರ್ತ್ರೀ ಚ ಕರ್ತೃಕಾ ಭೂಷಾಕಾರಿಣೀ ಕರ್ಣಶತ್ರುಪಾ ॥ ೭೯॥
ಕರಣೇಶೀ ಕರಣಪಾ ಕಲವಾಚಾ ಕಲಾನಿಧಿಃ ।
ಕಲನಾ ಕಲನಾಧಾರಾ ಕಲನಾ ಕಾರಿಕಾ ಕರಾ ॥ ೮೦॥
ಕಲಗೇಯಾ ಕರ್ಕರಾಶಿಃ ಕರ್ಕರಾಶಿ-ಪ್ರಪೂಜಿತಾ ।
ಕನ್ಯಾರಾಶಿಃ ಕನ್ಯಕಾ ಚ ಕನ್ಯಕಾಪ್ರಿಯಭಾಷಿಣೀ ॥ ೮೧॥
ಕನ್ಯಕಾದಾನಸನ್ತುಷ್ಟಾ ಕನ್ಯಕಾದಾನತೋಷಿಣೀ ।
ಕನ್ಯಾದಾನಕರಾನನ್ದಾ ಕನ್ಯಾದಾನಗ್ರಹೇಷ್ಟದಾ ॥ ೮೨॥
ಕರ್ಷಣಾ ಕಕ್ಷದಹನಾ ಕಾಮಿತಾ ಕಮಲಾಸನಾ ।
ಕರಮಾಲಾನನ್ದಕರ್ತ್ರೀ ಕರಮಾಲಾಪ್ರಪೋಷಿತಾ ॥ ೮೩॥
ಕರಮಾಲಾಶಯಾನನ್ದಾ ಕರಮಾಲಾಸಮಾಗಮಾ ।
ಕರಮಾಲಾಸಿದ್ಧಿದಾತ್ರೀ ಕರಮಾಲಾಕರಪ್ರಿಯಾ ॥ ೮೪॥
ಕರಪ್ರಿಯಾ ಕರರತಾ ಕರದಾನಪರಾಯಣಾ ।
ಕಲಾನನ್ದಾ ಕಲಿಗತಿಃ ಕಲಿಪೂಜ್ಯಾ ಕಲಿಪ್ರಸೂಃ ॥ ೮೫॥
ಕಲನಾದನಿನಾದಸ್ಥಾ ಕಲನಾದವರಪ್ರದಾ ।
ಕಲನಾದಸಮಾಜಸ್ಥಾ ಕಹೋಲಾ ಚ ಕಹೋಲದಾ ॥ ೮೬॥
ಕಹೋಲಗೇಹಮಧ್ಯಸ್ಥಾ ಕಹೋಲವರದಾಯಿನೀ ।
ಕಹೋಲಕವಿತಾಧಾರಾ ಕಹೋಲಋಷಿಮಾನಿತಾ ॥ ೮೭॥
ಕಹೋಲಮಾನಸಾರಾಧ್ಯಾ ಕಹೋಲವಾಕ್ಯಕಾರಿಣೀ ।
ಕರ್ತೃರೂಪಾ ಕರ್ತೃಮಯೀ ಕರ್ತೃಮಾತಾ ಚ ಕರ್ತರೀ ॥ ೮೮॥
ಕನೀಯಾ ಕನಕಾರಾಧ್ಯಾ ಕನೀನಕಮಯೀ ತಥಾ ।
ಕನೀಯಾನನ್ದನಿಲಯಾ ಕನಕಾನನ್ದತೋಷಿತಾ ॥ ೮೯॥
ಕನೀಯಕಕರಾಕಾಷ್ಠಾ ಕಥಾರ್ಣವಕರೀ ಕರೀ ।
ಕರಿಗಮ್ಯಾ ಕರಿಗತಿಃ ಕರಿಧ್ವಜಪರಾಯಣಾ ॥ ೯೦॥
ಕರಿನಾಥಪ್ರಿಯಾಕಣ್ಠಾ ಕಥಾನಕಪ್ರತೋಷಿತಾ ।
ಕಮನೀಯಾ ಕಮನಕಾ ಕಮನೀಯವಿಭೂಷಣಾ ॥ ೯೧॥
ಕಮನೀಯಸಮಾಜಸ್ಥಾ ಕಮನೀಯವ್ರತಪ್ರಿಯಾ ।
ಕಮನೀಯಗುಣಾರಾಧ್ಯಾ ಕಪಿಲಾ ಕಪಿಲೇಶ್ವರೀ ॥ ೯೨॥
ಕಪಿಲಾರಾಧ್ಯಹೃದಯಾ ಕಪಿಲಾಪ್ರಿಯವಾದಿನೀ ।
ಕಹಚಕ್ರಮನ್ತ್ರವರ್ಣಾ ಕಹಚಕ್ರಪ್ರಸೂನಕಾ ॥ ೯೩॥
ಕಏಈಲಹ್ರೀಂಸ್ವರೂಪಾ ಚ ಕಏಈಲಹ್ರೀಂವರಪ್ರದಾ ।
ಕಏಈಲಹ್ರೀಂಸಿದ್ಧಿದಾತ್ರೀ ಕಏಈಲಹ್ರೀಂಸ್ವರೂಪಿಣೀ ॥ ೯೪॥
ಕಏಈಲಹ್ರೀಂಮನ್ತ್ರವರ್ಣಾ ಕಏಈಲಹ್ರೀಂಪ್ರಸೂಕಲಾ ।
ಕವರ್ಗಾ ಚ ಕಪಾಟಸ್ಥಾ ಕಪಾಟೋದ್ಘಾಟನಕ್ಷಮಾ ॥ ೯೫॥
ಕಙ್ಕಾಲೀ ಚ ಕಪಾಲೀ ಚ ಕಙ್ಕಾಲಪ್ರಿಯಭಾಷಿಣೀ ।
ಕಙ್ಕಾಲಭೈರವಾರಾಧ್ಯಾ ಕಙ್ಕಾಲಮಾನಸಂಸ್ಥಿತಾ ॥ ೯೬॥
ಕಙ್ಕಾಲಮೋಹನಿರತಾ ಕಙ್ಕಾಲಮೋಹದಾಯಿನೀ ।
ಕಲುಷಘ್ನೀ ಕಲುಷಹಾ ಕಲುಷಾರ್ತಿವಿನಾಶಿನೀ ॥ ೯೭॥
ಕಲಿಪುಷ್ಪಾ ಕಲಾದಾನಾ ಕಶಿಪುಃ ಕಶ್ಯಪಾರ್ಚಿತಾ ।
ಕಶ್ಯಪಾ ಕಶ್ಯಪಾರಾಧ್ಯಾ ಕಲಿಪೂರ್ಣಕಲೇವರಾ ॥ ೯೮॥
ಕಲೇಶ್ವರಕರೀ ಕಾಞ್ಚೀ ಕವರ್ಗಾ ಚ ಕರಾಲಕಾ ।
ಕರಾಲಭೈರವಾರಾಧ್ಯಾ ಕರಾಲಭೈರವೇಶ್ವರೀ ॥ ೯೯॥
ಕರಾಲಾ ಕಲನಾಧಾರಾ ಕಪರ್ದ್ದೀಶವರಪ್ರದಾ ।
ಕಪರ್ದ್ದೀಶಪ್ರೇಮಲತಾ ಕಪರ್ದ್ದಿಮಾಲಿಕಾಯುತಾ ॥ ೧೦೦॥
ಕಪರ್ದ್ದಿಜಪಮಾಲಾಢ್ಯಾ ಕರವೀರಪ್ರಸೂನದಾ ।
ಕರವೀರಪ್ರಿಯಪ್ರಾಣಾ ಕರವೀರಪ್ರಪೂಜಿತಾ ॥ ೧೦೧॥
ಕರ್ಣಿಕಾರಸಮಾಕಾರಾ ಕರ್ಣಿಕಾರಪ್ರಪೂಜಿತಾ ।
ಕರಿಷಾಗ್ನಿಸ್ಥಿತಾ ಕರ್ಷಾ ಕರ್ಷಮಾತ್ರಸುವರ್ಣದಾ ॥ ೧೦೨॥
ಕಲಶಾ ಕಲಶಾರಾಧ್ಯಾ ಕಷಾಯಾ ಕರಿಗಾನದಾ ।
ಕಪಿಲಾ ಕಲಕಣ್ಠೀ ಚ ಕಲಿಕಲ್ಪಲತಾ ಮತಾ ॥ ೧೦೩॥
ಕಲ್ಪಲತಾ ಕಲ್ಪಮಾತಾ ಕಲ್ಪಕಾರೀ ಚ ಕಲ್ಪಭೂಃ ।
ಕರ್ಪೂರಾಮೋದರುಚಿರಾ ಕರ್ಪೂರಾಮೋದಧಾರಿಣೀ ॥ ೧೦೪॥
ಕರ್ಪೂರಮಾಲಾಭರಣಾ ಕರ್ಪೂರವಾಸಪೂರ್ತಿದಾ ।
ಕರ್ಪೂರಮಾಲಾಜಯದಾ ಕರ್ಪೂರಾರ್ಣವಮಧ್ಯಗಾ ॥ ೧೦೫॥
ಕರ್ಪೂರತರ್ಪಣರತಾ ಕಟಕಾಮ್ಬರಧಾರಿಣೀ ।
ಕಪಟೇಶ್ವವರಸಮ್ಪೂಜ್ಯಾ ಕಪಟೇಶ್ವರರೂಪಿಣೀ ॥ ೧೦೬॥
ಕಟುಃ ಕಪಿಧ್ವಜಾರಾಧ್ಯಾ ಕಲಾಪಪುಷ್ಪಧಾರಿಣೀ ।
ಕಲಾಪಪುಷ್ಪರುಚಿರಾ ಕಲಾಪಪುಷ್ಪಪೂಜಿತಾ ॥ ೧೦೭॥
ಕ್ರಕಚಾ ಕ್ರಕಚಾರಾಧ್ಯಾ ಕಥಮ್ಬ್ರೂಮಾ ಕರಾಲತಾ ।
ಕಥಙ್ಕಾರವಿನಿರ್ಮುಕ್ತಾ ಕಾಲೀ ಕಾಲಕ್ರಿಯಾ ಕ್ರತುಃ ॥ ೧೦೮॥
ಕಾಮಿನೀ ಕಾಮಿನೀಪೂಜ್ಯಾ ಕಾಮಿನೀಪುಷ್ಪಧಾರಿಣೀ ।
ಕಾಮಿನೀಪುಷ್ಪನಿಲಯಾ ಕಾಮಿನೀಪುಷ್ಪಪೂರ್ಣಿಮಾ ॥ ೧೦೯॥
ಕಾಮಿನೀಪುಷ್ಪಪೂಜಾರ್ಹಾ ಕಾಮಿನೀಪುಷ್ಪಭೂಷಣಾ ।
ಕಾಮಿನೀಪುಷ್ಪತಿಲಕಾ ಕಾಮಿನೀಕುಣ್ಡಚುಮ್ಬನಾ ॥ ೧೧೦॥
ಕಾಮಿನೀಯೋಗಸನ್ತುಷ್ಟಾ ಕಾಮಿನೀಯೋಗಭೋಗದಾ ।
ಕಾಮಿನೀಕುಣ್ಡಸಮ್ಮಗ್ನಾ ಕಾಮಿನೀಕುಣ್ಡಮಧ್ಯಗಾ ॥ ೧೧೧॥
ಕಾಮಿನೀಮಾನಸಾರಾಧ್ಯಾ ಕಾಮಿನೀಮಾನತೋಷಿತಾ ।
ಕಾಮಿನೀಮಾನಸಞ್ಚಾರಾ ಕಾಲಿಕಾ ಕಾಲಕಾಲಿಕಾ ॥ ೧೧೨॥
ಕಾಮಾ ಚ ಕಾಮದೇವೀ ಚ ಕಾಮೇಶೀ ಕಾಮಸಮ್ಭವಾ ।
ಕಾಮಭಾವಾ ಕಾಮರತಾ ಕಾಮಾರ್ತಾ ಕಾಮಮಞ್ಜರೀ ॥ ೧೧೩॥
ಕಾಮಮಞ್ಜೀರರಣಿತಾ ಕಾಮದೇವಪ್ರಿಯಾನ್ತರಾ ।
ಕಾಮಕಾಲೀ ಕಾಮಕಲಾ ಕಾಲಿಕಾ ಕಮಲಾರ್ಚಿತಾ ॥ ೧೧೪॥
ಕಾದಿಕಾ ಕಮಲಾ ಕಾಲೀ ಕಾಲಾನಲಸಮಪ್ರಭಾ ।
ಕಲ್ಪಾನ್ತದಹನಾ ಕಾನ್ತಾ ಕಾನ್ತಾರಪ್ರಿಯವಾಸಿನೀ ॥ ೧೧೫॥
ಕಾಲಪೂಜ್ಯಾ ಕಾಲರತಾ ಕಾಲಮಾತಾ ಚ ಕಾಲಿನೀ ।
ಕಾಲವೀರಾ ಕಾಲಘೋರಾ ಕಾಲಸಿದ್ಧಾ ಚ ಕಾಲದಾ ॥ ೧೧೬॥
ಕಾಲಞ್ಜನಸಮಾಕಾರಾ ಕಾಲಞ್ಜರನಿವಾಸಿನೀ ।
ಕಾಲಋದ್ಧಿಃ ಕಾಲವೃದ್ಧಿಃ ಕಾರಾಗೃಹವಿಮೋಚಿನೀ ॥ ೧೧೭॥
ಕಾದಿವಿದ್ಯಾ ಕಾದಿಮಾತಾ ಕಾದಿಸ್ಥಾ ಕಾದಿಸುನ್ದರೀ ।
ಕಾಶೀ ಕಾಞ್ಚೀ ಚ ಕಾಞ್ಚೀಶಾ ಕಾಶೀಶವರದಾಯಿನೀ ॥ ೧೧೮॥
ಕ್ರಾಂ ಬೀಜಾ ಚೈವ ಕ್ರೀಂ ಬೀಜಾ ಹೃದಯಾಯ ನಮಸ್ಸ್ಮೃತಾ ।
ಕಾಮ್ಯಾ ಕಾಮ್ಯಗತಿಃ ಕಾಮ್ಯಸಿದ್ಧಿದಾತ್ರೀ ಚ ಕಾಮಭೂಃ ॥ ೧೧೯॥
ಕಾಮಾಖ್ಯಾ ಕಾಮರೂಪಾ ಚ ಕಾಮಚಾಪವಿಮೋಚಿನೀ ।
ಕಾಮದೇವಕಲಾರಾಮಾ ಕಾಮದೇವಕಲಾಲಯಾ ॥ ೧೨೦॥
ಕಾಮರಾತ್ರಿಃ ಕಾಮದಾತ್ರೀ ಕಾನ್ತಾರಾಚಲವಾಸಿನೀ ।
ಕಾಮರೂಪಾ ಕಾಲಗತಿಃ ಕಾಮಯೋಗಪರಾಯಣಾ ॥ ೧೨೧॥
ಕಾಮಸಮ್ಮರ್ದ್ದನರತಾ ಕಾಮಗೇಹವಿಕಾಸಿನೀ ।
ಕಾಲಭೈರವಭಾರ್ಯಾ ಚ ಕಾಲಭೈರವಕಾಮಿನೀ ॥ ೧೨೨॥
ಕಾಲಭೈರವಯೋಗಸ್ಥಾ ಕಾಲಭೈರವಭೋಗದಾ ।
ಕಾಮಧೇನುಃ ಕಾಮದೋಗ್ಧ್ರೀ ಕಾಮಮಾತಾ ಚ ಕಾನ್ತಿದಾ ॥ ೧೨೩॥
ಕಾಮುಕಾ ಕಾಮುಕಾರಾಧ್ಯಾ ಕಾಮುಕಾನನ್ದವರ್ದ್ಧಿನೀ ।
ಕಾರ್ತ್ತವೀರ್ಯ್ಯಾ ಕಾರ್ತ್ತಿಕೇಯಾ ಕಾರ್ತ್ತಿಕೇಯಪ್ರಪೂಜಿತಾ ॥ ೧೨೪॥
ಕಾರ್ಯ್ಯಾ ಕಾರಣದಾ ಕಾರ್ಯ್ಯಕಾರಿಣೀ ಕಾರಣಾನ್ತರಾ ।
ಕಾನ್ತಿಗಮ್ಯಾ ಕಾನ್ತಿಮಯೀ ಕಾತ್ಯಾ ಕಾತ್ಯಾಯನೀ ಚ ಕಾ ॥ ೧೨೫॥
ಕಾಮಸಾರಾ ಚ ಕಾಶ್ಮೀರಾ ಕಾಶ್ಮೀರಾಚಾರತತ್ಪರಾ ।
ಕಾಮರೂಪಾಚಾರರತಾ ಕಾಮರೂಪಪ್ರಿಯಂವದಾ ॥ ೧೨೬॥
ಕಾಮರೂಪಾಚಾರಸಿದ್ಧಿಃ ಕಾಮರೂಪಮನೋಮಯೀ ।
ಕಾರ್ತ್ತಿಕೀ ಕಾರ್ತ್ತಿಕಾರಾಧ್ಯಾ ಕಾಞ್ಚನಾರಪ್ರಸೂನಭೂಃ ॥ ೧೨೭॥
ಕಾಞ್ಚನಾರಪ್ರಸೂನಾಭಾ ಕಾಞ್ಚನಾರಪ್ರಪೂಜಿತಾ ।
ಕಾಞ್ಚರೂಪಾ ಕಾಞ್ಚಭೂಮಿಃ ಕಾಂಸ್ಯಪಾತ್ರಪ್ರಭೋಜಿನೀ ॥ ೧೨೮॥
ಕಾಂಸ್ಯಧ್ವನಿಮಯೀ ಕಾಮಸುನ್ದರೀ ಕಾಮಚುಮ್ಬನಾ ।
ಕಾಶಪುಷ್ಪಪ್ರತೀಕಾಶಾ ಕಾಮದ್ರುಮಸಮಾಗಮಾ ॥ ೧೨೯॥
ಕಾಮಪುಷ್ಪಾ ಕಾಮಭೂಮಿಃ ಕಾಮಪೂಜ್ಯಾ ಚ ಕಾಮದಾ ।
ಕಾಮದೇಹಾ ಕಾಮಗೇಹಾ ಕಾಮಬೀಜಪರಾಯಣಾ ॥ ೧೩೦॥
ಕಾಮಧ್ವಜಸಮಾರೂಢಾ ಕಾಮಧ್ವಜಸಮಾಸ್ಥಿತಾ ।
ಕಾಶ್ಯಪೀ ಕಾಶ್ಯಪಾರಾಧ್ಯಾ ಕಾಶ್ಯಪಾನನ್ದದಾಯಿನೀ ॥ ೧೩೧॥
ಕಾಲಿನ್ದೀಜಲಸಙ್ಕಾಶಾ ಕಾಲಿನ್ದೀಜಲಪೂಜಿತಾ ।
ಕಾದೇವಪೂಜಾನಿರತಾ ಕಾದೇವಪರಮಾರ್ಥದಾ ॥ ೧೩೨॥
ಕರ್ಮ್ಮಣಾ ಕರ್ಮ್ಮಣಾಕಾರಾ ಕಾಮಕರ್ಮಣಕಾರಿಣೀ ।
ಕಾರ್ಮ್ಮಣತ್ರೋಟನಕರೀ ಕಾಕಿನೀ ಕಾರಣಾಹ್ವಯಾ ॥ ೧೩೩॥
ಕಾವ್ಯಾಮೃತಾ ಚ ಕಾಲಿಙ್ಗಾ ಕಾಲಿಙ್ಗಮರ್ದ್ದನೋದ್ಯತಾ ।
ಕಾಲಾಗರುವಿಭೂಷಾಢ್ಯಾ ಕಾಲಾಗರುವಿಭೂತಿದಾ ॥ ೧೩೪॥
ಕಾಲಾಗರುಸುಗನ್ಧಾ ಚ ಕಾಲಾಗರುಪ್ರತರ್ಪಣಾ ।
ಕಾವೇರೀನೀರಸಮ್ಪ್ರೀತಾ ಕಾವೇರೀತೀರವಾಸಿನೀ ॥ ೧೩೫॥
ಕಾಲಚಕ್ರಭ್ರಮಾಕಾರಾ ಕಾಲಚಕ್ರನಿವಾಸಿನೀ ।
ಕಾನನಾ ಕಾನನಾಧಾರಾ ಕಾರುಃ ಕಾರುಣಿಕಾಮಯೀ ॥ ೧೩೬॥
ಕಾಮ್ಪಿಲ್ಯವಾಸಿನೀ ಕಾಷ್ಠಾ ಕಾಮಪತ್ನೀ ಚ ಕಾಮಭೂಃ ।
ಕಾದಮ್ಬರೀಪಾನರತಾ ತಥಾ ಕಾದಮ್ಬರೀಕಲಾ ॥ ೧೩೭॥
ಕಾಮವನ್ದ್ಯಾ ಚ ಕಾಮೇಶೀ ಕಾಮರಾಜಪ್ರಪೂಜಿತಾ ।
ಕಾಮರಾಜೇಶ್ವರೀವಿದ್ಯಾ ಕಾಮಕೌತುಕಸುನ್ದರೀ ॥ ೧೩೮॥
ಕಾಮ್ಬೋಜಜಾ ಕಾಞ್ಛಿನದಾ ಕಾಂಸ್ಯಕಾಞ್ಚನಕಾರಿಣೀ ।
ಕಾಞ್ಚನಾದ್ರಿಸಮಾಕಾರಾ ಕಾಞ್ಚನಾದ್ರಿಪ್ರದಾನದಾ ॥ ೧೩೯॥
ಕಾಮಕೀರ್ತಿಃ ಕಾಮಕೇಶೀ ಕಾರಿಕಾ ಕಾನ್ತರಾಶ್ರಯಾ ।
ಕಾಮಭೇದೀ ಚ ಕಾಮಾರ್ತಿನಾಶಿನೀ ಕಾಮಭೂಮಿಕಾ ॥ ೧೪೦॥
ಕಾಲಾನಲಾಶಿನೀ ಕಾವ್ಯವನಿತಾ ಕಾಮರೂಪಿಣೀ ।
ಕಾಯಸ್ಥಾ ಕಾಮಸನ್ದೀಪ್ತಿಃ ಕಾವ್ಯದಾ ಕಾಲಸುನ್ದರೀ ॥ ೧೪೧॥
ಕಾಮೇಶೀ ಕಾರಣವರಾ ಕಾಮೇಶೀಪೂಜನೋದ್ಯತಾ ।
ಕಾಞ್ಚೀ-ನೂಪುರಭೂಷಾಢ್ಯಾ-ಕುಙ್ಕುಮಾಭರಣಾನ್ವಿತಾ ॥ ೧೪೨॥
ಕಾಲಚಕ್ರಾ ಕಾಲಗತಿಃ ಕಾಲಚಕ್ರಾಮನೋಭವಾ ।
ಕುನ್ದಮಧ್ಯಾ ಕುನ್ದಪುಷ್ಪಾ ಕುನ್ದಪುಷ್ಪಪ್ರಿಯಾ ಕುಜಾ ॥ ೧೪೩॥
ಕುಜಮಾತಾ ಕುಜಾರಾಧ್ಯಾ ಕುಠಾರವರಧಾರಿಣೀ ।
ಕುಞ್ಚರಸ್ಥಾ ಕುಶರತಾ ಕುಶೇಶಯವಿಲೋಚನಾ ॥ ೧೪೪॥
ಕುಮಠೀ ಕುರರೀ ಕುದ್ರಾ ಕುರಙ್ಗೀ ಕುಟಜಾಶ್ರಯಾ ।
ಕುಮ್ಭೀನಸವಿಭೂಷಾ ಚ ಕುಮ್ಭೀನಸವಧೋದ್ಯತಾ ॥ ೧೪೫॥
ಕುಮ್ಭಕರ್ಣಮನೋಲ್ಲಾಸಾ ಕುಲಚೂಡಾಮಣಿಃ ಕುಲಾ ।
ಕುಲಾಲಗೃಹಕನ್ಯಾ ಚ ಕುಲಚೂಡಾಮಣಿಪ್ರಿಯಾ ॥ ೧೪೬॥
ಕುಲಪೂಜ್ಯಾ ಕುಲಾರಾಧ್ಯಾ ಕುಲಪೂಜಾಪರಾಯಣಾ ।
ಕುಲಭೂಷಾ ತಥಾ ಕುಕ್ಷಿಃ ಕುರರೀಗಣಸೇವಿತಾ ॥ ೧೪೭॥
ಕುಲಪುಷ್ಪಾ ಕುಲರತಾ ಕುಲಪುಷ್ಪಪರಾಯಣಾ ।
ಕುಲವಸ್ತ್ರಾ ಕುಲಾರಾಧ್ಯಾ ಕುಲಕುಣ್ಡಸಮಪ್ರಭಾ ॥ ೧೪೮॥
ಕುಲಕುಣ್ಡಸಮೋಲ್ಲಾಸಾ ಕುಣ್ಡಪುಷ್ಪಪರಾಯಣಾ ।
ಕುಣ್ಡಪುಷ್ಪಪ್ರಸನ್ನಾಸ್ಯಾ ಕುಣ್ಡಗೋಲೋದ್ಭವಾತ್ಮಿಕಾ ॥ ೧೪೯॥
ಕುಣ್ಡಗೋಲೋದ್ಭವಾಧಾರಾ ಕುಣ್ಡಗೋಲಮಯೀ ಕುಹೂಃ ।
ಕುಣ್ಡಗೋಲಪ್ರಿಯಪ್ರಾಣಾ ಕುಣ್ಡಗೋಲಪ್ರಪೂಜಿತಾ ॥ ೧೫೦॥
ಕುಣ್ಡಗೋಲಮನೋಲ್ಲಾಸಾ ಕುಣ್ಡಗೋಲಬಲಪ್ರದಾ ।
ಕುಣ್ಡದೇವರತಾ ಕ್ರುದ್ಧಾ ಕುಲಸಿದ್ಧಿಕರಾ ಪರಾ ॥ ೧೫೧॥
ಕುಲಕುಣ್ಡಸಮಾಕಾರಾ ಕುಲಕುಣ್ಡಸಮಾನಭೂಃ ।
ಕುಣ್ಡಸಿದ್ಧಿಃ ಕುಣ್ಡಋದ್ಧಿಃ ಕುಮಾರೀಪೂಜನೋದ್ಯತಾ ॥ ೧೫೨॥
ಕುಮಾರೀಪೂಜಕಪ್ರಾಣಾ ಕುಮಾರೀಪೂಜಕಾಲಯಾ ।
ಕುಮಾರೀಕಾಮಸನ್ತುಷ್ಟಾ ಕುಮಾರೀಪೂಜನೋತ್ಸುಕಾ ॥ ೧೫೩॥
ಕುಮಾರೀವ್ರತಸನ್ತುಷ್ಟಾ ಕುಮಾರೀರೂಪಧಾರಿಣೀ ।
ಕುಮಾರೀಭೋಜನಪ್ರೀತಾ ಕುಮಾರೀ ಚ ಕುಮಾರದಾ ॥ ೧೫೪॥
ಕುಮಾರಮಾತಾ ಕುಲದಾ ಕುಲಯೋನಿಃ ಕುಲೇಶ್ವರೀ ।
ಕುಲಲಿಙ್ಗಾ ಕುಲಾನನ್ದಾ ಕುಲರಮ್ಯಾ ಕುತರ್ಕಧೃಕ್ ॥ ೧೫೫॥
ಕುನ್ತೀ ಚ ಕುಲಕಾನ್ತಾ ಚ ಕುಲಮಾರ್ಗಪರಾಯಣಾ ।
ಕುಲ್ಲಾ ಚ ಕುರುಕುಲ್ಲಾ ಚ ಕುಲ್ಲುಕಾ ಕುಲಕಾಮದಾ ॥ ೧೫೬॥
ಕುಲಿಶಾಙ್ಗೀ ಕುಬ್ಜಿಕಾ ಚ ಕುಬ್ಜಿಕಾನನ್ದವರ್ದ್ಧಿನೀ ।
ಕುಲೀನಾ ಕುಞ್ಜರಗತಿಃ ಕುಞ್ಜರೇಶ್ವರಗಾಮಿನೀ ॥ ೧೫೭॥
ಕುಲಪಾಲೀ ಕುಲವತೀ ತಥೈವ ಕುಲದೀಪಿಕಾ ।
ಕುಲಯೋಗೇಶ್ವರೀ ಕುಣ್ಡಾ ಕುಙ್ಕುಮಾರುಣವಿಗ್ರಹಾ ॥ ೧೫೮॥
ಕುಙ್ಕುಮಾನನ್ದಸನ್ತೋಷಾ ಕುಙ್ಕುಮಾರ್ಣವವಾಸಿನೀ ।
ಕುಸುಮಾ ಕುಸುಮಪ್ರೀತಾ ಕುಲಭೂಃ ಕುಲಸುನ್ದರೀ ॥ ೧೫೯॥
ಕುಮುದ್ವತೀ ಕುಮುದಿನೀ ಕುಶಲಾ ಕುಲಟಾಲಯಾ ।
ಕುಲಟಾಲಯಮಧ್ಯಸ್ಥಾ ಕುಲಟಾಸಙ್ಗತೋಷಿತಾ ॥ ೧೬೦॥
ಕುಲಟಾಭವನೋದ್ಯುಕ್ತಾ ಕುಶಾವರ್ತಾ ಕುಲಾರ್ಣವಾ ।
ಕುಲಾರ್ಣವಾಚಾರರತಾ ಕುಣ್ಡಲೀ ಕುಣ್ಡಲಾಕೃತಿಃ ॥ ೧೬೧॥
ಕುಮತಿಶ್ಚ ಕುಲಶ್ರೇಷ್ಠಾ ಕುಲಚಕ್ರಪರಾಯಣಾ ।
ಕೂಟಸ್ಥಾ ಕೂಟದೃಷ್ಟಿಶ್ಚ ಕುನ್ತಲಾ ಕುನ್ತಲಾಕೃತಿಃ ॥ ೧೬೨॥
ಕುಶಲಾಕೃತಿರೂಪಾ ಚ ಕೂರ್ಚಬೀಜಧರಾ ಚ ಕೂಃ ।
ಕುಂ ಕುಂ ಕುಂ ಕುಂ ಶಬ್ದರತಾ ಕ್ರೂಂ ಕ್ರೂಂ ಕ್ರೂಂ ಕ್ರೂಂ ಪರಾಯಣಾ ॥ ೧೬೩॥
ಕುಂ ಕುಂ ಕುಂ ಶಬ್ದನಿಲಯಾ ಕುಕ್ಕುರಾಲಯವಾಸಿನೀ ।
ಕುಕ್ಕುರಾಸಙ್ಗಸಂಯುಕ್ತಾ ಕುಕ್ಕುರಾನನ್ತವಿಗ್ರಹಾ ॥ ೧೬೪॥
ಕೂರ್ಚಾರಮ್ಭಾ ಕೂರ್ಚಬೀಜಾ ಕೂರ್ಚಜಾಪಪರಾಯಣಾ ।
ಕುಚಸ್ಪರ್ಶನಸನ್ತುಷ್ಟಾ ಕುಚಾಲಿಙ್ಗನಹರ್ಷದಾ ॥ ೧೬೫॥
ಕುಮತಿಘ್ನೀ ಕುಬೇರಾರ್ಚ್ಯಾ ಕುಚಭೂಃ ಕುಲನಾಯಿಕಾ ।
ಕುಗಾಯನಾ ಕುಚಧರಾ ಕುಮಾತಾ ಕುನ್ದದನ್ತಿನೀ ॥ ೧೬೬॥
ಕುಗೇಯಾ ಕುಹರಾಭಾಸಾ ಕುಗೇಯಾ ಕುಘ್ನದಾರಿಭಾ ।
ಕೀರ್ತಿಃ ಕಿರಾತಿನೀ ಕ್ಲಿನ್ನಾ ಕಿನ್ನರಾ ಕಿನ್ನರೀಕ್ರಿಯಾ ॥ ೧೬೭॥
ಕ್ರೀಙ್ಕಾರಾ ಕ್ರೀಞ್ಜಪಾಸಕ್ತಾ ಕ್ರೀಂ ಹೂँ ಸ್ತ್ರೀಂ ಮನ್ತ್ರರೂಪಿಣೀ ।
ಕಿರ್ಮೀರಿತದೃಶಾಪಾಙ್ಗೀ ಕಿಶೋರೀ ಚ ಕಿರೀಟಿನೀ ॥ ೧೬೮॥
ಕೀಟಭಾಷಾ ಕೀಟಯೋನಿಃ ಕೀಟಮಾತಾ ಚ ಕೀಟದಾ ।
ಕಿಂಶುಕಾ ಕೀರಭಾಷಾ ಚ ಕ್ರಿಯಾಸಾರಾ ಕ್ರಿಯಾವತೀ ॥ ೧೬೯॥
ಕೀಂಕೀಂಶಬ್ದಪರಾ ಕ್ಲಾಂ ಕ್ಲೀಂ ಕ್ಲೂँ ಕ್ಲೈಂ ಕ್ಲೌಂ ಮನ್ತ್ರರೂಪಿಣೀ ।
ಕಾँ ಕೀಂ ಕೂँ ಕೈಂ ಸ್ವರೂಪಾ ಚ ಕಃ ಫಟ್ ಮನ್ತ್ರಸ್ವರೂಪಿಣೀ ॥ ೧೭೦॥
ಕೇತಕೀಭೂಷಣಾನನ್ದಾ ಕೇತಕೀಭರಣಾನ್ವಿತಾ ।
ಕೈಕದಾ ಕೇಶಿನೀ ಕೇಶೀ ಕೇಶೀಸೂದನತತ್ಪರಾ ॥ ೧೭೧॥
ಕೇಶರೂಪಾ ಕೇಶಮುಕ್ತಾ ಕೈಕೇಯೀ ಕೌಶಿಕೀ ತಥಾ ।
ಕೈರವಾ ಕೈರವಾಹ್ಲಾದಾ ಕೇಶರಾ ಕೇತುರೂಪಿಣೀ ॥ ೧೭೨॥
ಕೇಶವಾರಾಧ್ಯಹೃದಯಾ ಕೇಶವಾಸಕ್ತಮಾನಸಾ ।
ಕ್ಲೈಬ್ಯವಿನಾಶಿನೀ ಕ್ಲೈಂ ಚ ಕ್ಲೈಂ ಬೀಜಜಪತೋಷಿತಾ ॥ ೧೭೩॥
ಕೌಶಲ್ಯಾ ಕೋಶಲಾಕ್ಷೀ ಚ ಕೋಶಾ ಚ ಕೋಮಲಾ ತಥಾ ।
ಕೋಲಾಪುರನಿವಾಸಾ ಚ ಕೋಲಾಸುರವಿನಾಶಿನೀ ॥ ೧೭೪॥
ಕೋಟಿರೂಪಾ ಕೋಟಿರತಾ ಕ್ರೋಧಿನೀ ಕ್ರೋಧರೂಪಿಣೀ ।
ಕೇಕಾ ಚ ಕೋಕಿಲಾ ಕೋಟಿಃ ಕೋಟಿಮನ್ತ್ರಪರಾಯಣಾ ॥ ೧೭೫॥
ಕೋಟ್ಯಾನನ್ತಮನ್ತ್ರಯುಕ್ತಾ ಕೈರೂಪಾ ಕೇರಲಾಶ್ರಯಾ ।
ಕೇರಲಾಚಾರನಿಪುಣಾ ಕೇರಲೇನ್ದ್ರಗೃಹಸ್ಥಿತಾ ॥ ೧೭೬॥
ಕೇದಾರಾಶ್ರಮಸಂಸ್ಥಾ ಚ ಕೇದಾರೇಶ್ವರಪೂಜಿತಾ ।
ಕ್ರೋಧರೂಪಾ ಕ್ರೋಧಪದಾ ಕ್ರೋಧಮಾತಾ ಚ ಕೌಶಿಕೀ ॥ ೧೭೭॥
ಕೋದಣ್ಡಧಾರಿಣೀ ಕ್ರೌಞ್ಚಾ ಕೌಶಲ್ಯಾ ಕೌಲಮಾರ್ಗಗಾ ।
ಕೌಲಿನೀ ಕೌಲಿಕಾರಾಧ್ಯಾ ಕೌಲಿಕಾಗಾರವಾಸಿನೀ ॥ ೧೭೮॥
ಕೌತುಕೀ ಕೌಮುದೀ ಕೌಲಾ ಕುಮಾರೀ ಕೌರವಾರ್ಚಿತಾ ।
ಕೌಣ್ಡಿನ್ಯಾ ಕೌಶಿಕೀ ಕ್ರೋಧಾ ಜ್ವಾಲಾಭಾಸುರರೂಪಿಣೀ ॥ ೧೭೯॥
ಕೋಟಿಕಾಲಾನಲಜ್ವಾಲಾ ಕೋಟಿಮಾರ್ತ್ತಣ್ಡವಿಗ್ರಹಾ ।
ಕೃತ್ತಿಕಾ ಕೃಷ್ಣವರ್ಣಾ ಚ ಕೃಷ್ಣಾ ಕೃತ್ಯಾ ಕ್ರಿಯಾತುರಾ ॥ ೧೮೦॥
ಕೃಶಾಙ್ಗೀ ಕೃತಕೃತ್ಯಾ ಚ ಕ್ರಃ ಫಟ್ಸ್ವಾಹಾಸ್ವರೂಪಿಣೀ ।
ಕ್ರೌಂ ಕ್ರೌಂ ಹೂँ ಫಟ್ಮನ್ತ್ರವರ್ಣಾ
ಕ್ರಾಂ ಹ್ರೀಂ ಹ್ರೂँ ಫಟ್ ಸ್ವರೂಪಿಣೀ ॥ ೧೮೧॥
ಕ್ರೀಂಕ್ರೀಂಹ್ರೀಂಹ್ರೀಂ ತಥಾ ಹ್ರೂँ ಹೂँಫಟ್ಸ್ವಾಹಾಮನ್ತ್ರರೂಪಿಣೀ ।
ಇತಿ ಶ್ರೀಸರ್ವಸಾಮ್ರಾಜ್ಯಮೇಧಾ ನಾಮಸಹಸ್ರಕಮ್ ॥ ೧೮೨॥
ಸುನ್ದರೀಶಕ್ತಿದಾನಾಖ್ಯಂ ಸ್ವರೂಪಾರ್ಭಿಧಮೇವ ಚ ।
ಕಥಿತಂ ದಕ್ಷಿಣಾಕಾಲ್ಯಾಃ ಸುನ್ದರ್ಯೈ ಪ್ರೀತಿಯೋಗತಃ ॥ ೧॥
ವರದಾನಪ್ರಸಙ್ಗೇನ ರಹಸ್ಯಮಪಿ ದರ್ಶಿತಮ್ ।
ಗೋಪನೀಯಂ ಸದಾ ಭಕ್ತ್ಯಾ ಪಠನೀಯಂ ಪರಾತ್ಪರಮ್ ॥ ೨॥
ಪ್ರಾತರ್ಮಧ್ಯಾಹ್ನಕಾಲೇ ಚ ಮಧ್ಯಾರ್ದ್ಧರಾತ್ರಯೋರಪಿ ।
ಯಜ್ಞಕಾಲೇ ಜಪಾನ್ತೇ ಚ ಪಠನೀಯಂ ವಿಶೇಷತಃ ॥ ೩॥
ಯಃ ಪಠೇತ್ ಸಾಧಕೋ ಧೀರಃ ಕಾಲೀರೂಪೋ ಹಿ ವರ್ಷತಃ ।
ಪಠೇದ್ವಾ ಪಾಠಯೇದ್ವಾಪಿ ಶ್ರೃಣೋತಿ ಶ್ರಾವಯೇದಪಿ ॥ ೪॥
ವಾಚಕಂ ತೋಷಯೇದ್ವಾಪಿ ಸ ಭವೇತ್ ಕಾಲಿಕಾತನುಃ ।
ಸಹೇಲಂ ವಾ ಸಲೀಲಂ ವಾ ಯಶ್ಚೈನಂ ಮಾನವಃ ಪಠೇತ್ ॥ ೫॥
ಸರ್ವದುಃಖವಿನಿರ್ಮುಕ್ತಸ್ತ್ರೈಲೋಕ್ಯವಿಜಯೀ ಕವಿಃ ।
ಮೃತವನ್ಧ್ಯಾ ಕಾಕವನ್ಧ್ಯಾ ಕನ್ಯಾವನ್ಧ್ಯಾ ಚ ವನ್ಧ್ಯಕಾ ॥ ೬॥
ಪುಷ್ಪವನ್ಧ್ಯಾ ಶೂಲವನ್ಧ್ಯಾ ಶ್ರೃಣುಯಾತ್ ಸ್ತೋತ್ರಮುತ್ತಮಮ್ ।
ಸರ್ವಸಿದ್ಧಿಪ್ರದಾತಾರಂ ಸತ್ಕವಿಂ ಚಿರಜೀವಿನಮ್ ॥ ೭॥
ಪಾಣ್ಡಿತ್ಯಕೀರ್ತಿಸಂಯುಕ್ತಂ ಲಭತೇ ನಾತ್ರ ಸಂಶಯಃ ।
ಯಂ ಯಂ ಕಾಮಮುಪಸ್ಕೃತ್ಯ ಕಾಲೀಂ ಧ್ಯಾತ್ವಾ ಜಪೇತ್ಸ್ತವಮ್ ॥ ೮॥
ತಂ ತಂ ಕಾಮಂ ಕರೇ ಕೃತ್ವಾ ಮನ್ತ್ರೀ ಭವತಿ ನಾಽನ್ಯಥಾ ।
ಯೋನಿಪುಷ್ಪೈರ್ಲಿಙ್ಗಪುಷ್ಪೈಃ ಕುಣ್ಡಗೋಲೋದ್ಭವೈರಪಿ ॥ ೯॥
ಸಂಯೋಗಾಮೃತಪುಷ್ಪೈಶ್ಚ ವಸ್ತ್ರದೇವೀಪ್ರಸೂನಕೈಃ ।
ಕಾಲಿಪುಷ್ಪೈಃ ಪೀಠತೋಯೈರ್ಯೋನಿಕ್ಷಾಲನತೋಯಕೈಃ ॥ ೧೦॥
ಕಸ್ತೂರೀಕುಙ್ಕುಮೈರ್ದೇವೀಂ ನಖಕಾಲಾಗರುಕ್ರಮಾತ್ ।
ಅಷ್ಟಗನ್ಧೈರ್ಧೂಪದೀಪರ್ಯವಯಾವಕಸಂಯುತೈಃ ॥ ೧೧॥
ರಕ್ತಚನ್ದನಸಿನ್ದೂರೈರ್ಮತ್ಸ್ಯಮಾಂಸಾದಿಭೂಷಣೈಃ ।
ಮಧುಭಿಃ ಪಾಯಸೈಃ ಕ್ಷೀರೈಃ ಶೋಧಿತೈಃ ಶೋಣಿತೈರಪಿ ॥ ೧೨॥
ಮಹೋಪಚಾರೈ ರಕ್ತೈಶ್ಚ ನೈವೇದ್ಯೈಃ ಸುರಸಾನ್ವಿತೈಃ ।
ಪೂಜಯಿತ್ವಾ ಮಹಾಕಾಲೀಂ ಮಹಾಕಾಲೇನ ಲಾಲಿತಾಮ್ ॥ ೧೩॥
ವಿದ್ಯಾರಾಜ್ಞೀಂ ಕುಲ್ಲುಕಾಞ್ಚ ಜಪ್ತ್ವಾ ಸ್ತೋತ್ರಂ ಜಪೇಚ್ಛಿವೇ ।
ಕಾಲೀಭಕ್ತಸ್ತ್ವೇಕಚಿತ್ತಃ ಸಿನ್ದೂರತಿಲಕಾನ್ವಿತಃ ॥ ೧೪॥
ತಾಮ್ಬೂಲಪೂರಿತಮುಖೋ ಮುಕ್ತಕೇಶೋ ದಿಗಮ್ಬರಃ ।
ಶವಯೋನಿಸ್ಥಿತೋ ವೀರಃ ಶ್ಮಶಾನಸುರತಾನ್ವಿತಃ ॥ ೧೫॥
ಶೂನ್ಯಾಲಯೇ ಬಿನ್ದುಪೀಠೇ ಪುಷ್ಪಾಕೀರ್ಣೇ ಶಿವಾನನೇ ।
ಶಯನೋತ್ಥಪ್ರಭುಞ್ಜಾನಃ ಕಾಲೀದರ್ಶನಮಾಪ್ನುಯಾತ್ ॥ ೧೬॥
ತತ್ರ ಯದ್ಯತ್ಕೃತಂ ಕರ್ಮ ತದನನ್ತಫಲಂ ಭವೇತ್ ।
ಐಶ್ವರ್ಯೇ ಕಮಲಾ ಸಾಕ್ಷಾತ್ ಸಿದ್ಧೌ ಶ್ರೀಕಾಲಿಕಾಮ್ಬಿಕಾ ॥ ೧೭॥
ಕವಿತ್ವೇ ತಾರಿಣೀತುಲ್ಯಃ ಸೌನ್ದರ್ಯೇ ಸುನ್ದರೀಸಮಃ ।
ಸಿನ್ಧೋರ್ದ್ಧಾರಾಸಮಃ ಕಾರ್ಯೇ ಶ್ರುತೌ ಶ್ರುತಿಧರಸ್ತಥಾ ॥ ೧೮॥
ವಜ್ರಾಸ್ತ್ರಮಿವ ದುರ್ದ್ಧರ್ಷಸ್ತ್ರೈಲೋಕ್ಯವಿಜಯಾಸ್ತ್ರಭೃತ್ ।
ಶತ್ರುಹನ್ತಾ ಕಾವ್ಯಕರ್ತಾ ಭವೇಚ್ಛಿವಸಮಃ ಕಲೌ ॥ ೧೯॥
ದಿಗ್ವಿದಿಕ್ಚನ್ದ್ರಕರ್ತಾ ಚ ದಿವಾರಾತ್ರಿವಿಪರ್ಯ್ಯಯೀ ।
ಮಹಾದೇವಸಮೋ ಯೋಗೀ ತ್ರೈಲೋಕ್ಯಸ್ತಮ್ಭಕಃ ಕ್ಷಣಾತ್ ॥ ೨೦॥
ಗಾನೇನ ತುಮ್ಬುರುಃ ಸಾಕ್ಷಾದ್ದಾನೇ ಕರ್ಣಸಮೋ ಭವೇತ್ ।
ಗಜಾಽಶ್ವರಥಪತ್ತೀನಾಮಸ್ತ್ರಾಣಾಮಧಿಪಃ ಕೃತೀ ॥ ೨೧॥
ಆಯುಷ್ಯೇಷು ಭುಶುಣ್ಡೀ ಚ ಜರಾಪಲಿತನಾಶಕಃ ।
ವರ್ಷಷೋಡಶವಾನ್ ಭೂಯಾತ್ ಸರ್ವಕಾಲೇ ಮಹೇಶ್ವರೀ ॥ ೨೨॥
ಬ್ರಹ್ಮಾಣ್ಡಗೋಲೇ ದೇವೇಶಿ ನ ತಸ್ಯ ದುರ್ಲಭಂ ಕ್ವಚಿತ್ ।
ಸರ್ವಂ ಹಸ್ತಗತಂ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೨೩॥
ಕುಲಪುಷ್ಪಯುತಂ ದೃಷ್ಟ್ವಾ ತತ್ರ ಕಾಲೀಂ ವಿಚಿನ್ತ್ಯ ಚ ।
ವಿದ್ಯಾರಾಜ್ಞೀಂ ತು ಸಮ್ಪೂಜ್ಯ ಪಠೇನ್ನಾಮಸಹಸ್ರಕಮ್ ॥ ೨೪॥
ಮನೋರಥಮಯೀ ಸಿದ್ಧಿಸ್ತಸ್ಯ ಹಸ್ತೇ ಸದಾ ಭವೇತ್ ।
ಪರದಾರಾನ್ ಸಮಾಲಿಙ್ಗಯ ಸಮ್ಪೂಜ್ಯ ಪರಮೇಶ್ವರೀಮ್ ॥ ೨೫॥
ಹಸ್ತಾಹಸ್ತಿಕಯಾ ಯೋಗಂ ಕೃತ್ವಾ ಜಪ್ತ್ವಾ ಸ್ತವಂ ಪಠೇತ್ ।
ಯೋನಿಂ ವೀಕ್ಷ್ಯ ಜಪೇತ್ ಸ್ತೋತ್ರಂ ಕುಬೇರಾದಧಿಕೋ ಭವೇತ್ ॥ ೨೬॥
ಕುಣ್ಡಗೋಲೋದ್ಭವಂ ಗೃಹ್ಯವರ್ಣಾಕ್ತಂ ಹೋಮಯೇನ್ನಿಶಿ ।
ಪಿತೃಭೂಮೌ ಮಹೇಶಾನಿ ವಿಧಿರೇಖಾಂ ಪ್ರಮಾರ್ಜಯೇತ್ ॥ ೨೭॥
ತರುಣೀಂ ಸುನ್ದರೀಂ ರಮ್ಯಾಂ ಚಞ್ಚಲಾಂ ಕಾಮಗರ್ವಿತಾಮ್ ।
ಸಮಾನೀಯ ಪ್ರಯತ್ನೇನ ಸಂಶೋಧ್ಯ ನ್ಯಾಸಯೋಗತಃ ॥ ೨೮॥
ಪ್ರಸೂನಮಞ್ಚೇ ಸಂಸ್ಥಾಪ್ಯ ಪೃಥಿವೀಂ ವಶಮಾನಯೇತ್ ।
ಮೂಲಚಕ್ರಂ ತು ಸಮ್ಭಾವ್ಯ ದೇವ್ಯಾಶ್ಚರಣಸಂಯುತಮ್ ॥ ೨೯॥
ಸಮ್ಮೂಜ್ಯ ಪರಮೇಶಾನೀಂ ಸಙ್ಕಲ್ಪ್ಯ ತು ಮಹೇಶ್ವರಿ ।
ಜಪ್ತ್ವಾ ಸ್ತುತ್ವಾ ಮಹೇಶಾನೀಂ ಪ್ರಣವಂ ಸಂಸ್ಮರೇಚ್ಛಿವೇ ॥ ೩೦॥
ಅಷ್ಟೋತ್ತರಶತೈರ್ಯೋನಿಂ ಪ್ರಮನ್ತ್ರ್ಯಾಚುಮ್ಬ್ಯ ಯತ್ನತಃ ।
ಸಂಯೋಗೀಭೂಯ ಜಪ್ತವ್ಯಂ ಸರ್ವವಿದ್ಯಾಧಿಪೋ ಭವೇತ್ ॥ ೩೧॥
ಶೂನ್ಯಾಗಾರೇ ಶಿವಾರಣ್ಯೇ ಶಿವದೇವಾಲಯೇ ತಥಾ ।
ಶೂನ್ಯದೇಶೇ ತಡಾಗೇ ಚ ಗಙ್ಗಾಗರ್ಭೇ ಚತುಷ್ಪಥೇ ॥ ೩೨॥
ಶ್ಮಶಾನೇ ಪರ್ವತಪ್ರಾನ್ತೇ ಏಕಲಿಙ್ಗೇ ಶಿವಾಮುಖೇ ।
ಮುಣ್ಡಯೋನೌ ಋತೌ ಸ್ನಾತ್ವಾ ಗೇಹೇ ವೇಶ್ಯಾಗೃಹೇ ತಥಾ ॥ ೩೩॥
ಕುಟ್ಟಿನೀಗೃಹಮಧ್ಯೇ ಚ ಕದಲೀಮಣ್ಡಪೇ ತಥಾ ।
ಪಠೇತ್ಸಹಸ್ರನಾಮಾಖ್ಯಂ ಸ್ತೋತ್ರಂ ಸರ್ವಾರ್ಥಸಿದ್ಧಯೇ ॥ ೩೪॥
ಅರಣ್ಯೇ ಶೂನ್ಯಗರ್ತೇ ಚ ರಣೇ ಶತ್ರುಸಮಾಗಮೇ ।
ಪ್ರಜಪೇಚ್ಚ ತತೋ ನಾಮ ಕಾಲ್ಯಾಶ್ಚೈವ ಸಹಸ್ರಕಮ್ ॥ ೩೫॥
ಬಾಲಾನನ್ದಪರೋ ಭೂತ್ವಾ ಪಠಿತ್ವಾ ಕಾಲಿಕಾಸ್ತವಮ್ ।
ಕಾಲೀಂ ಸಞ್ಚಿನ್ತ್ಯ ಪ್ರಜಪೇತ್ ಪಠೇನ್ನಾಮಸಹಸ್ರಕಮ್ ॥ ೩೬॥
ಸರ್ವಸಿದ್ಧೀಶ್ವರೋ ಭೂಯಾದ್ವಾಞ್ಛಾಸಿದ್ಧೀಶ್ವರೋ ಭವೇತ್ ।
ಮುಣ್ಡಚೂಡಕಯೋರ್ಯೋನಿ ತ್ವಚಿ ವಾ ಕೋಮಲೇ ಶಿವೇ ॥ ೩೭॥
ವಿಷ್ಟರೇ ಶವವಸ್ತ್ರೇ ವಾ ಪುಷ್ಪವಸ್ತ್ರಾಸನೇಽಪಿ ವಾ ।
ಮುಕ್ತಕೇಶೋ ದಿಶಾವಾಸೋ ಮೈಥುನೀ ಶಯನೇ ಸ್ಥಿತಃ ॥ ೩೮॥
ಜಪ್ತ್ವಾಕಾಲೀಂ ಪಠೇತ್ ಸ್ತೋತ್ರಂ ಖೇಚರೀಸಿದ್ಧಿಭಾಗ್ ಭವೇತ್ ।
ಚಿಕುರಂ ಯೋಗಮಾಸಾದ್ಯ ಶುಕ್ರೋತ್ಸಾರಣಮೇವ ಚ ॥ ೩೯॥
ಜಪ್ತ್ವಾ ಶ್ರೀದಕ್ಷಿಣಾಂ ಕಾಲೀಂ ಶಕ್ತಿಪಾತಶತಂ ಭವೇತ್ ।
ಲತಾಂ ಸ್ಪೃಶನ್ ಜಪಿತ್ವಾ ಚ ರಮಿತ್ವಾ ತ್ವರ್ಚಯನ್ನಪಿ ॥ ೪೦॥
ಆಹ್ಲಾದಯನ್ದಿಗಾವಾಸಃ ಪರಶಕ್ತಿಂ ವಿಶೇಷತಃ ।
ಸ್ತುತ್ವಾ ಶ್ರೀದಕ್ಷಿಣಾಂ ಕಾಲೀಂ ಯೋನಿಂ ಸ್ವಕರಗಾಞ್ಚರೇತ್ ॥ ೪೧॥
ಪಠೇನ್ನಾಮಸಹಸ್ರಂ ಯಃ ಸ ಶಿವಾದಧಿಕೋ ಭವೇತ್ ।
ಲತಾನ್ತರೇಷು ಜಪ್ತವ್ಯಂ ಸ್ತುತ್ವಾ ಕಾಲೀಂ ನಿರಾಕುಲಃ ॥ ೪೨॥
ದಶಾವಧಾನೋ ಭವತಿ ಮಾಸಮಾತ್ರೇಣ ಸಾಧಕಃ ।
ಕಾಲರಾತ್ರ್ಯಾಂ ಮಹಾರಾತ್ರ್ಯಾಂ ವೀರರಾತ್ರ್ಯಾಮಪಿ ಪ್ರಿಯೇ ॥ ೪೩॥
ಮಹಾರಾತ್ರ್ಯಾಂ ಚತುರ್ದಶ್ಯಾಮಷ್ಟಮ್ಯಾಂ ಸಂಕ್ರಮೇಽಪಿ ವಾ ।
ಕುಹೂಪೂರ್ಣೇನ್ದುಶುಕ್ರೇಷು ಭೌಮಾಮಾಯಾಂ ನಿಶಾಮುಖೇ ॥ ೪೪॥
ನವಮ್ಯಾಂ ಮಙ್ಗಲದಿನೇ ತಥಾ ಕುಲತಿಥೌ ಶಿವೈ ।
ಕುಲಕ್ಷೇತ್ರೇ ಪ್ರಯತ್ನೇನ ಪಠೇನ್ನಾಮಸಹಸ್ರಕಮ್ ॥ ೪೫॥
ಸುದರ್ಶನೋ ಭವೇದಾಶು ಕಿನ್ನರೀಸಿದ್ಧಿಭಾಗ್ಭವೇತ್ ।
ಪಶ್ಮಿಮಾಭಿಮುಖಂ ಲಿಙ್ಗಂ ವೃಷಶೂನ್ಯಂ ಪುರಾತನಮ್ ॥ ೪೬॥
ತತ್ರ ಸ್ಥಿತ್ವಾ ಜಪೇತ್ ಸ್ತೋತ್ರಂ ಸರ್ವಕಾಮಾಪ್ತಯೇ ಶಿವೇ ।
ಭೌಮವಾರೇ ನಿಶೀಥೇ ವಾ ಅಮಾವಸ್ಯಾದಿನೇ ಶುಭೇ ॥ ೪೭॥
ಮಾಷಭಕ್ತಬಲಿಂ ಛಾಗಂ ಕೃಸರಾನ್ನಂ ಚ ಪಾಯಸಮ್ ।
ದಗ್ಧಮೀನಂ ಶೋಣಿತಞ್ಚ ದಧಿ ದುಗ್ಧ ಗುಡಾರ್ದ್ರಕಮ್ ॥ ೪೮॥
ಬಲಿಂ ದತ್ವಾ ಜಪೇತ್ ತತ್ರ ತ್ವಷ್ಟೋತ್ತರಸಹಸ್ರಕಮ್ ।
ದೇವ-ಗನ್ಧರ್ವ-ಸಿದ್ಧೌಧೈಃ ಸೇವಿತಾಂ ಸುರಸುನ್ದರೀಮ್ ॥ ೪೯॥
ಲಭೇದ್ದೇವೇಶಿ ಮಾಸೇನ ತಸ್ಯ ಚಾಸನ ಸಂಹತಿಃ ।
ಹಸ್ತತ್ರಯಂ ಭವೇದೂರ್ಧ್ವಂ ನಾತ್ರ ಕಾರ್ಯಾ ವಿಚಾರಣಾ ॥ ೫೦॥
ಹೇಲಯಾ ಲೀಲಯಾ ಭಕ್ತ್ಯಾ ಕಾಲೀಂ ಸ್ತೌತಿ ನರಸ್ತು ಯಃ ।
ಬ್ರಹ್ಮಾದೀಂಸ್ಸತಮ್ಭಯೇದ್ದೇವಿ ಮಾಹೇಶೀಂ ಮೋಹಯೇತ್ಕ್ಷಣಾತ್ ॥ ೫೧॥
ಆಕರ್ಷಯೇನ್ಮಹಾವಿದ್ಯಾಂ ದಶಪೂರ್ವಾನ್ ತ್ರಿಯಾಮತಃ ।
ಕುರ್ವೀತ ವಿಷ್ಣುನಿರ್ಮ್ಮಾಣಂ ಯಮಾದೀನಾಂ ತು ಮಾರಣಮ್ ॥ ೫೨॥
ಧ್ರುವಮುಚ್ಚಾಟಯೇನ್ನೂನಂ ಸೃಷ್ಟಿನೂತನತಾಂ ನರಃ ।
ಮೇಷಮಾಹಿಷಮಾರ್ಜಾರಖರಚ್ಛಾಗನರಾದಿಕೈಃ ॥ ೫೩॥
ಖಙ್ಗಿಶೂಕರಕಾಪೋತೈಷ್ಟಿಟ್ಟಿಭೈಃ ಶಶಕೈಃ ಪಲೈಃ ।
ಶೋಣಿತೈಃ ಸಾಸ್ಥಿಮಾಂಸೈಶ್ಚ ಕಾರಣ್ಡೈರ್ದುಗ್ಧಪಾಯಸೈಃ ॥ ೫೪॥
ಕಾದಮ್ಬರೀಸಿನ್ಧುಮದ್ಯೈಃ ಸುರಾರಿಷ್ಟೈಶ್ಚ ಸಾಸವೈಃ ।
ಯೋನಿಕ್ಷಾಲಿತತೋಯೈಶ್ಚ ಯೋನಿಲಿಙ್ಗಾಮೃತೈರಪಿ ॥ ೫೫॥
ಸ್ವಜಾತಕುಸುಮೈಃ ಪೂಜ್ಯಾ ಜಪಾನ್ತೇ ತರ್ಪಯೇಚ್ಛಿವಾಮ್ ।
ಸರ್ವಸಾಮ್ರಾಜ್ಯನಾಮ್ನಾ ತು ಸ್ತುತ್ವಾ ನತ್ವಾ ಸ್ವಶಕ್ತಿತಃ ॥ ೫೬॥
ಶಕ್ತ್ಯಾ ಲಭನ್ ಪಠೇತ್ ಸ್ತೋತ್ರಂ ಕಾಲೀರೂಪೋ ದಿನತ್ರಯಾತ್ ।
ದಕ್ಷಿಣಾಕಾಲಿಕಾ ತಸ್ಯ ಗೇಹೇ ತಿಷ್ಠತಿ ನಾನ್ಯಥಾ ॥ ೫೭॥
ವೇಶ್ಯಾಲತಾಗೃಹೇ ಗತ್ವಾ ತಸ್ಯಾಶ್ಚುಮ್ಬನತತ್ಪರಃ ।
ತಸ್ಯಾ ಯೋನೌ ಮುಖಂ ದತ್ವಾ ತದ್ರಸಂ ವಿಲಿಹಞ್ಜಪೇತ್ ॥ ೫೮॥
ತದನ್ತೇ ನಾಮ ಸಾಹಸ್ರಂ ಪಠೇದ್ಭಕ್ತಿಪರಾಯಣಃ ।
ಕಾಲಿಕಾದರ್ಶನಂ ತಸ್ಯ ಭವೇದ್ದೇವಿ ತ್ರಿಯಾಮತಃ ॥ ೫೯॥
ನೃತ್ಯಪಾತ್ರಗೃಹೇ ಗತ್ವಾ ಮಕಾರಪಞ್ಚಕಾನ್ವಿತಃ ।
ಪ್ರಸೂನಮಞ್ಚೇ ಸಂಸ್ಥಾಪ್ಯ ಶಕ್ತಿನ್ಯಾಸಪರಾಯಣಃ ॥ ೬೦॥
ಪಾತ್ರಾಣಾಂ ಸಾಧನಂ ಕೃತ್ವಾ ದಿಗ್ವಸ್ತ್ರಾಂ ತಾಂ ಸಮಾಚರೇತ್ ।
ಸಮ್ಭಾವ್ಯ ಚಕ್ರಂ ತನ್ಮೂಲೇ ತತ್ರ ಸಾವರಣಾಂ ಜಪೇತ್ ॥ ೬೧॥
ಶತಂ ಭಾಲೇ ಶತಂ ಕೇಶೇ ಶತಂ ಸಿನ್ದೂರಮಣ್ಡಲೇ ।
ಶತತ್ರಯಂ ಕುಚದ್ವನ್ದ್ವೇ ಶತಂ ನಾಭೌ ಮಹೇಶ್ವರಿ ॥ ೬೨॥
ಶತಂ ಯೋನೌ ಮಹೇಶಾನಿ ಸಂಯೋಗೇ ಚ ಶತತ್ರಯಮ್ ।
ಜಪೇತ್ತತ್ರ ಮಹೇಶಾನಿ ತದನ್ತೇ ಪ್ರಪಠೇತ್ಸ್ತವಮ್ ॥ ೬೩॥
ಶತಾವಧಾನೋ ಭವತಿ ಮಾಸಮಾತ್ರೇಣ ಸಾಧಕಃ ।
ಮಾತಙ್ಗಿನೀಂ ಸಮಾನೀಯ ಕಿಂ ವಾ ಕಾಪಾಲಿನೀಂ ಶಿವೇ ॥ ೬೪॥
ದನ್ತಮಾಲಾ ಜಪೇ ಕಾರ್ಯಾ ಗಲೇ ಧಾರ್ಯಾ ನೃಮುಣ್ಡಜಾ ।
ನೇತ್ರಪದ್ಮೇ ಯೋನಿಚಕ್ರಂ ಶಕ್ತಿಚಕ್ರಂ ಸ್ವವಕ್ತ್ರಕೇ ॥ ೬೫॥
ಕೃತ್ವಾ ಜಪೇನ್ಮಹೇಶಾನಿ ಮುಣ್ಡಯನ್ತ್ರಂ ಪ್ರಪೂಜಯೇತ್ ।
ಮುಣ್ಡಾಸನಸ್ಥಿತೋ ವೀರೋ ಮಕಾರಪಞ್ಚಕಾನ್ವಿತಃ ॥ ೬೬॥
ಅನ್ಯಾಮಾಲಿಙ್ಗಯ ಪ್ರಜಪೇದನ್ಯಾಂ ಸಞ್ಚುಮ್ಬ್ಯ ವೈ ಪಠೇತ್ ।
ಅನ್ಯಾಂ ಸಮ್ಪೂಜಯೇತ್ತತ್ರ ತ್ವನ್ಯಾಂ ಸಮ್ಮರ್ದ್ದಯನ್ ಜಪೇತ್ ॥ ೬೭॥
ಅನ್ಯಯೋನೌ ಶಿವಂ ದತ್ವಾ ಪುನಃ ಪೂರ್ವವದಾಚರೇತ್ ।
ಅವಧಾನಸಹಸ್ರೇಷು ಶಕ್ತಿಪಾತಶತೇಷು ಚ ॥ ೬೮॥
ರಾಜಾ ಭವತಿ ದೇವೇಶಿ ಮಾಸಪಞ್ಚಕಯೋಗತಃ ।
ಯವನೀಶಕ್ತಿಮಾನೀಯ ಗಾನಶಕ್ತಿಪರಾಯಣಮ್ ॥ ೬೯॥
ಕುಲಾಚಾರಮತೇನೈವ ತಸ್ಯಾ ಯೋನಿಂ ವಿಕಾಸಯೇತ್ ।
ತತ್ರ ಪ್ರದಾಯ ಜಿಹ್ವಾಂ ತು ಜಪೇನ್ನಾಮಸಹಸ್ರಕಮ್ ॥ ೭೦॥
ನೃಕಪಾಲೇ ತತ್ರ ದೀಪಂ ಜಪೇತ್ಪ್ರಜ್ವಾಲ್ಯ ಯತ್ನತಃ ।
ಮಹಾಕವಿವರೋ ಭೂಯಾನ್ನಾತ್ರ ಕಾರ್ಯಾ ವಿಚಾರಣಾ ॥ ೭೧॥
ಕಾಮಾರ್ತಾಂ ಶಕ್ತಿಮಾನೀಯ ಯೋನೌ ತು ಮೂಲಚಕ್ರಕಮ್ ।
ವಿಲಿಖ್ಯ ಪರಮೇಶಾನಿ ತತ್ರ ಮನ್ತ್ರಂ ಲಿಖೇಚ್ಛಿವೇ ॥ ೭೨॥
ತಲ್ಲಿಹನ್ ಪ್ರಜಪೇದ್ದೇವಿ ಸರ್ವಶಾಸ್ತ್ರಾರ್ಥತತ್ವವಿತ್ ।
ಅಶ್ರುತಾನಿ ಚ ಶಾಸ್ತ್ರಾಣಿ ವೇದಾದೀನ್ ಪಾಠಯೇದ್ ಧ್ರುವಮ್ ॥ ೭೩॥
ವಿನಾ ನ್ಯಾಸೈರ್ವಿನಾ ಪಾಠೈರ್ವಿನಾಧ್ಯಾನಾದಿಭಿಃ ಪ್ರಿಯೇ ।
ಚತುರ್ವೇದಾಧಿಪೋ ಭೂತ್ವಾ ತ್ರಿಕಾಲಜ್ಞಸ್ತ್ರಿವರ್ಷತಃ ॥ ೭೪॥
ಚತುರ್ವಿಧಂ ಚ ಪಾಣ್ಡಿತ್ಯಂ ತಸ್ಯ ಹಸ್ತಗತಂ ಕ್ಷಣಾತ್ ।
ಶಿವಾಬಲಿಃ ಪ್ರದಾತವ್ಯಃ ಸರ್ವದಾ ಶೂನ್ಯಮಣ್ಡಲೇ ॥ ೭೫॥
ಕಾಲೀಧ್ಯಾನಂ ಮನ್ತ್ರರ್ಚಿತಾ ನೀಲಸಾಧನಮೇವ ಚ ।
ಸಹಸ್ರನಾಮಪಾಠಶ್ಚ ಕಾಲೀನಾಮಪ್ರಕೀರ್ತನಮ್ ॥ ೭೬॥
ಭಕ್ತಸ್ಯ ಕಾರ್ಯಮೇತಾವದನ್ಯದಭ್ಯುದಯಂ ವಿದುಃ ।
ವೀರಸಾಧನಕಂ ಕರ್ಮ ಶಿವಾಪೂಜಾ ಬಲಿಸ್ತಥಾ ॥ ೭೭॥
ಸಿನ್ದೂರತಿಲಕೋ ದೇವಿ ವೇಶ್ಯಾಲಾಪೋ ನಿರನ್ತರಮ್ ।
ವೇಶ್ಯಾಗೃಹೇ ನಿಶಾಚಾರೋ ರಾತ್ರೌ ಪರ್ಯಟನಂ ತಥಾ ॥ ೭೮॥
ಶಕ್ತಿಪೂಜಾ ಯೋನಿದೃಷ್ಟಿಃ ಖಙ್ಗಹಸ್ತೋ ದಿಗಮ್ಬರಃ ।
ಮುಕ್ತಕೇಶೋ ವೀರವೇಷಃ ಕುಲಮೂರ್ತಿಧರೋ ನರಃ ॥ ೭೯॥
ಕಾಲೀಭಕ್ತೋ ಭವೇದ್ದೇವಿ ನಾನ್ಯಥಾ ಕ್ಷೇಮಮಾಪ್ನುಯಾತ್ ।
ದುಗ್ಧಾಸ್ವಾದೀ ಯೋನಿಲೇಹೀ ಸಂವಿದಾಸವಘೂರ್ಣಿತಃ ॥ ೮೦॥
ವೇಶ್ಯಾಲತಾಸಮಾಯೋಗಾನ್ಮಾಸಾತ್ಕಲ್ಪಲತಾ ಸ್ವಯಮ್ ।
ವೇಶ್ಯಾಚಕ್ರಸಮಾಯೋಗಾತ್ಕಾಲೀಚಕ್ರಸಮಃ ಸ್ವಯಮ್ ॥ ೮೧॥
ವೇಶ್ಯಾದೇಹಸಮಾಯೋಗಾತ್ ಕಾಲೀದೇಹಸಮಃ ಸ್ವಯಮ್ ।
ವೇಶ್ಯಾಮಧ್ಯಗತಂ ವೀರಂ ಕದಾ ಪಶ್ಯಾಮಿ ಸಾಧಕಮ್ ॥ ೮೨॥
ಏವಂ ವದತಿ ಸಾ ಕಾಲೀ ತಸ್ಮಾದ್ವೇಶ್ಯಾ ವರಾ ಮತಾ ।
ವೇಶ್ಯಾ ಕನ್ಯಾ ತಥಾ ಪೀಠಜಾತಿಭೇದಕುಲಕ್ರಮಾತ್ ॥ ೮೩॥
ಅಕುಲಕ್ರಮಭೇದೇನ ಜ್ಞಾತ್ವಾ ಚಾಪಿ ಕುಮಾರಿಕಾಮ್ ।
ಕುಮಾರೀಂ ಪೂಜಯೇದ್ಭಕ್ತ್ಯಾ ಜಪಾನ್ತೇ ಭವನೇ ಪ್ರಿಯೇ ॥ ೮೪॥
ಪಠೇನ್ನಾಮಸಹಸ್ರಂ ಯಃ ಕಾಲೀದರ್ಶನಭಾಗ್ ಭವೇತ್ ।
ಭಕ್ತ್ಯಾ ಕುಮಾರೀಂ ಸಮ್ಪೂಜ್ಯ ವೈಶ್ಯಾಕುಲ ಸಮುದ್ಭವಾಮ್ ॥ ೮೫॥
ವಸ್ತ್ರ ಹೇಮಾದಿಭಿಸ್ತೋಷ್ಯಾ ಯತ್ನಾತ್ಸ್ತೋತ್ರಂ ಪಠೇಚ್ಛಿವೇ ।
ತ್ರೈಲೋಕ್ಯ ವಿಜಯೀ ಭೂಯಾದ್ದಿವಾ ಚನ್ದ್ರಪ್ರಕಾಶಕಃ ॥ ೮೬॥
ಯದ್ಯದ್ದತ್ತಂ ಕುಮಾರ್ಯೈ ತು ತದನನ್ತಫಲಂ ಭವೇತ್ ।
ಕುಮಾರೀಪೂಜನಫಲಂ ಮಯಾ ವಕ್ತುಂ ನ ಶಕ್ಯತೇ ॥ ೮೭॥
ಚಾಞ್ಚಲ್ಯಾದ್ದುರಿತಂ ಕಿಞ್ಚಿತ್ಕ್ಷಮ್ಯತಾಮಯಮಞ್ಜಲಿಃ ।
ಏಕಾ ಚೇತ್ಪೂಜಿತಾ ಬಾಲಾ ದ್ವಿತೀಯಾ ಪೂಜಿತಾ ಭವೇತ್ ॥ ೮೮॥
ಕುಮಾರ್ಯಃ ಶಕ್ತಯಶ್ಚೈವ ಸರ್ವಮೇತಚರಾಚರಮ್ ।
ಶಕ್ತಿಮಾನೀಯ ತದ್ಗಾತ್ರೇ ನ್ಯಾಸಜಾಲಂ ಪ್ರವಿನ್ಯಸೇತ್ ॥ ೮೯॥
ವಾಮಭಾಗೇ ಚ ಸಂಸ್ಥಾಪ್ಯ ಜಪೇನ್ನಾಮಸಹಸ್ರಕಮ್ ।
ಸರ್ವಸಿದ್ಧೀಶ್ವರೋ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೯೦॥
ಶ್ಮಶಾನಸ್ಥೋ ಭವೇತ್ಸ್ವಸ್ಥೋ ಗಲಿತಂ ಚಿಕುರಂ ಚರೇತ್ ।
ದಿಗಮ್ಬರಃ ಸಹಸ್ರಂ ಚ ಸೂರ್ಯಪುಷ್ಪಂ ಸಮಾನಯೇತ್ ॥ ೯೧॥
ಸ್ವವೀರ್ಯೇಣ ಪ್ಲುತಂ ಕೃತ್ವಾ ಪ್ರತ್ಯೇಕಂ ಪ್ರಜಪನ್ ಹುನೇತ್ ।
ಪೂಜ್ಯ ಧ್ಯಾತ್ವಾ ಮಹಾಭಕ್ತ್ಯಾ ಕ್ಷಮಾಪಾಲೋ ನರಃ ಪಠೇತ್ ॥ ೯೨॥
ನಖಂ ಕೇಶಂ ಸ್ವವೀರ್ಯಂ ಚ ಯದ್ಯತ್ಸಮ್ಮಾರ್ಜನೀಗತಮ್ ।
ಮುಕ್ತಕೇಶೋ ದಿಶಾವಾಸೋ ಮೂಲಮನ್ತ್ರಪುರಃಸರಃ ॥ ೯೩॥
ಕುಜವಾರೇ ಮಧ್ಯರಾತ್ರೇ ಹೋಮಂ ಕೃತ್ವಾ ಶ್ಮಶಾನಕೇ ।
ಪಠೇನ್ನಾಮಸಹಸ್ರಂ ಯಃ ಪೃಥ್ವೀಶಾಕರ್ಷಕೋ ಭವೇತ್ ॥ ೯೪॥
ಪುಷ್ಪಯುಕ್ತೇ ಭಗೇ ದೇವಿ ಸಂಯೋಗಾನನ್ದತತ್ಪರಃ ।
ಪುನಶ್ಚಿಕುರಮಾಸಾದ್ಯ ಮೂಲಮನ್ತ್ರಂ ಜಪನ್ ಶಿವೇ ॥ ೯೫॥
ಚಿತಾವಹ್ನೌ ಮಧ್ಯರಾತ್ರೇ ವೀರ್ಯಮುತ್ಸಾರ್ಯ ಯತ್ನತಃ ।
ಕಾಲಿಕಾಂ ಪೂಜಯೇತ್ತತ್ರ ಪಠೇನ್ನಾಮ ಸಹಸ್ರಕಮ್ ॥ ೯೬॥
ಪೃಥ್ವೀಶಾಕರ್ಷಣಂ ಕುರ್ಯಾನ್ನಾತ್ರ ಕಾರ್ಯಾ ವಿಚಾರಣಾ ।
ಕದಲೀ ವನಮಾಸಾದ್ಯ ಲಕ್ಷಮನ್ತ್ರಂ ಜಪೇನ್ನರಃ ॥ ೯೭॥
ಮಧುಮತ್ಯಾ ಸ್ವಯಂ ದೇವ್ಯಾ ಸೇವ್ಯಮಾನಃ ಸ್ಮರೋಪಮಃ ।
ಶ್ರೀಮಧುಮತೀತ್ಯುಕ್ತ್ವಾ ತಥಾ ಸ್ಥಾವರಜಙ್ಗಮಾನ್ ॥ ೯೮॥
ಆಕರ್ಷಿಣೀಂ ಸಮುಚ್ಚಾರ್ಯ ಠಂಠಂ ಸ್ವಾಹಾ ಸಮುಚ್ಚರೇತ್ ।
ತ್ರೈಲೋಕ್ಯಾಕರ್ಷಿಣೀ ವಿದ್ಯಾ ತಸ್ಯ ಹಸ್ತೇ ಸದಾ ಭವೇತ್ ॥ ೯೯॥
ನದೀಂ ಪುರೀಂ ಚ ರತ್ನಾನಿ ಹೇಮಸ್ತ್ರೀಶೈಲಭೂರುಹಾನ್ ।
ಆಕರ್ಷಯತ್ಯಮ್ಬುನಿಧಿಂ ಸುಮೇರುಂ ಚ ದಿಗನ್ತತಃ ॥ ೧೦೦॥
ಅಲಭ್ಯಾನಿ ಚ ವಸ್ತೂನಿ ದೂರಾದ್ಭೂಮಿತಲಾದಪಿ ।
ವೃತ್ತಾನ್ತಂ ಚ ಸುರಸ್ಥಾನಾದ್ರಹಸ್ಯೇ ವಿದುಷಾಮಪಿ ॥ ೧೦೧॥
ರಾಜ್ಞಾಂ ಚ ಕಥಯತ್ಯೇಷಾ ಸತ್ಯಂ ಸತ್ವರಮಾದಿಶೇತ್ ।
ದ್ವಿತೀಯವರ್ಷಪಾಠೇನ ಭವೇತ್ಪದ್ಮಾವತೀ ಶುಭಾ ॥ ೧೦೨॥
ಓಂ ಹ್ರೀಂಪದ್ಮಾವತಿ ಪದಂ ತತಸ್ತ್ರೈಲೋಕ್ಯನಾಮ ಚ ।
ವಾರ್ತಾಂ ಚ ಕಥಯ ದ್ವನ್ದ್ವಂ ಸ್ವಾಹಾನ್ತೋ ಮನ್ತ್ರ ಈರಿತಃ ॥ ೧೦೩॥
ಬ್ರಹ್ಮವಿಷ್ಣ್ವಾದಿಕಾನಾಂ ಚ ತ್ರೈಲೋಕ್ಯೇ ಯಾದೃಶೀ ಭವೇತ್ ।
ಸರ್ವ ವದತಿ ದೇವೇಶೀ ತ್ರಿಕಾಲಜ್ಞಃ ಕವಿಶ್ಶುಭಃ ॥ ೧೦೪॥
ತ್ರಿವರ್ಷಂ ಸಮ್ಪಠನ್ದೇವಿ ಲಭೇದ್ಭೋಗವತೀಂ ಕಲಾಮ್ ।
ಮಹಾಕಾಲೇನ ದೃಷ್ಟೋಽಪಿ ಚಿತಾಮಧ್ಯಗತೋಽಪಿ ವಾ ॥ ೧೦೫॥
ತಸ್ಯಾ ದರ್ಶನಮಾತ್ರೇಣ ಚಿರಞ್ಜೀವೀ ನರೋ ಭವೇತ್ ।
ಮೃತಸಞ್ಜೀವಿನೀತ್ಯುಕ್ತ್ವಾ ಮೃತಮುತ್ಥಾಪಯ ದ್ವಯಮ್ ॥ ೧೦೬॥
ಸ್ವಾಹಾನ್ತೋ ಮನುರಾಖ್ಯಾತೋ ಮೃತಸಞ್ಜೀವನಾತ್ಮಕಃ ।
ಚತುರ್ವರ್ಷಂ ಪಠೇದ್ಯಸ್ತು ಸ್ವಪ್ನಸಿದ್ಧಿಸ್ತತೋ ಭವೇತ್ ॥ ೧೦೭॥
ಓಂ ಹ್ರೀಂ ಸ್ವಪ್ನವಾರಾಹಿ ಕಾಲಿಸ್ವಪ್ನೇ ಕಥಯೋಚ್ಚರೇತ್ ।
ಅಮುಕಸ್ಯಾಽಮುಕಂ ದೇಹಿ ಕ್ಲೀಂ ಸ್ವಾಹಾನ್ತೋ ಮನುರ್ಮತಃ ॥ ೧೦೮॥
ಸ್ವಪ್ನಸಿದ್ಧಾ ಚತುರ್ವರ್ಷಾತ್ತಸ್ಯ ಸ್ವಪ್ನೇ ಸದಾ ಸ್ಥಿತಾ ।
ಚತುರ್ವರ್ಷಸ್ಯ ಪಾಠೇನ ಚತುರ್ವೇದಾಧಿಪೋ ಭವೇತ್ ॥ ೧೦೯॥
ತದ್ಧಸ್ತಜಲಸಂಯೋಗಾನ್ಮೂರ್ಖಃ ಕಾವ್ಯಂ ಕರೋತಿ ಚ ।
ತಸ್ಯ ವಾಕ್ಯಪರಿಚಯಾನ್ಮೂರ್ತಿರ್ವಿನ್ದತಿ ಕಾವ್ಯತಾಮ್ ॥ ೧೧೦॥
ಮಸ್ತಕೇ ತು ಕರಂ ಕೃತ್ವಾ ವದ ವಾಣೀಮಿತಿ ಬ್ರುವನ್ ।
ಸಾಧಕೋ ವಾಞ್ಛಯಾ ಕುರ್ಯಾತ್ತತ್ತಥೈವ ಭವಿಷ್ಯತಿ ॥ ೧೧೧॥
ಬ್ರಹ್ಮಾಣ್ಡಗೋಲಕೇ ಯಾಶ್ಚ ಯಾಃ ಕಾಶ್ಚಿಜ್ಜಗತೀತಲೇ ।
ಸಮಸ್ತಾಃ ಸಿದ್ಧಯೋ ದೇವಿ ಕರಾಮಲಕವತ್ಸದಾ ॥ ೧೧೨॥
ಸಾಧಕಸ್ಮೃತಿಮಾತ್ರೇಣ ಯಾವನ್ತ್ಯಃ ಸನ್ತಿ ಸಿದ್ಧಯಃ ।
ಸ್ವಯಮಾಯಾನ್ತಿ ಪುರತೋ ಜಪಾದೀನಾಂ ತು ಕಾ ಕಥಾ ॥ ೧೧೩॥
ವಿದೇಶವರ್ತಿನೋ ಭೂತ್ವಾ ವರ್ತನ್ತೇ ಚೇಟಕಾ ಇವ ।
ಅಮಾಯಾಂ ಚನ್ದ್ರಸನ್ದರ್ಶಶ್ಚನ್ದ್ರಗ್ರಹಣಮೇವ ಚ ॥ ೧೧೪॥
ಅಷ್ಟಮ್ಯಾಂ ಪೂರ್ಣಚನ್ದ್ರತ್ವಂ ಚನ್ದ್ರಸೂರ್ಯಾಷ್ಟಕಂ ತಥಾ ।
ಅಷ್ಟದಿಕ್ಷು ತಥಾಷ್ಟೌ ಚ ಕರೋತ್ಯೇವ ಮಹೇಶ್ವರಿ ॥ ೧೧೫॥
ಅಣಿಮಾ ಖೇಚರತ್ವಂ ಚ ಚರಾಚರಪುರೀಗತಮ್ ।
ಪಾದುಕಾಖಙ್ಗವೇತಾಲಯಕ್ಷಿಣೀಗುಹ್ಯಕಾದಯಃ ॥ ೧೧೬॥
ತಿಲಕೋಗುಪ್ತತಾದೃಶ್ಯಂ ಚರಾಚರಕಥಾನಕಮ್ ।
ಮೃತಸಞ್ಜೀವಿನೀಸಿದ್ಧಿರ್ಗುಟಿಕಾ ಚ ರಸಾಯನಮ್ ॥ ೧೧೭॥
ಉಡ್ಡೀನಸಿದ್ಧಿರ್ದೇವೇಶಿ ಷಷ್ಟಿಸಿದ್ಧೀಶ್ವರತ್ವಕಮ್ ।
ತಸ್ಯ ಹಸ್ತೇ ವಸೇದ್ದೇವಿ ನಾತ್ರ ಕಾರ್ಯಾ ವಿಚಾರಣಾ ॥ ೧೧೮॥
ಕೇತೌ ವಾ ದುನ್ದುಭೌ ವಸ್ತ್ರೇ ವಿತಾನೇ ವೇಷ್ಟನೇಗೃಹೇ ।
ಭಿತ್ತೌ ಚ ಫಲಕೇ ದೇವಿ ಲೇಖ್ಯಂ ಪೂಜ್ಯಂ ಚ ಯತ್ನತಃ ॥ ೧೧೯॥
ಮಧ್ಯೇ ಚಕ್ರಂ ದಶಾಙ್ಗೋಕ್ತಂ ಪರಿತೋ ನಾಮಲೇಖನಮ್ ।
ತದ್ಧಾರಣಾನ್ಮಹೇಶಾನಿ ತ್ರೈಲೋಕ್ಯವಿಜಯೀ ಭವೇತ್ ॥ ೧೨೦॥
ಏಕೋ ಹಿ ಶತಸಾಹಸ್ರಂ ನಿರ್ಜಿತ್ಯ ಚ ರಣಾಙ್ಗಣೇ ।
ಪುನರಾಯಾತಿ ಚ ಸುಖಂ ಸ್ವಗೃಹಂ ಪ್ರತಿ ಪಾರ್ವತೀ ॥ ೧೨೧॥
ಏಕೋ ಹಿ ಶತಸನ್ದರ್ಶೀ ಲೋಕಾನಾಂ ಭವತಿ ಧ್ರುವಮ್ ।
ಕಲಶಂ ಸ್ಥಾಪ್ಯ ಯತ್ನೇನ ನಾಮಸಾಹಸ್ರಕಂ ಪಠೇತ್ ॥ ೧೨೨॥
ಸೇಕಃ ಕಾರ್ಯೋ ಮಹೇಶಾನಿ ಸರ್ವಾಪತ್ತಿನಿವಾರಣೇ ।
ಭೂತಪ್ರೇತಗ್ರಹಾದೀನಾಂ ರಾಕ್ಷಸಾಂ ಬ್ರಹ್ಮರಾಕ್ಷಸಾಮ್ ॥ ೧೨೩॥
ವೇತಾಲಾನಾಂ ಭೈರವಾಣಾಂ ಸ್ಕನ್ದವೈನಾಯಕಾದಿಕಾನ್ ।
ನಾಶಯೇತ್ ಕ್ಷಣಮಾತ್ರೇಣ ನಾತ್ರ ಕಾರ್ಯಾ ವಿಚಾರಣಾ ॥ ೧೨೪॥
ಭಸ್ಮಭಿರ್ಮನ್ತ್ರಿತಂ ಕೃತ್ವಾ ಗ್ರಹಗ್ರಸ್ತಂ ವಿಲೇಪಯೇತ್ ।
ಭಸ್ಮಸಂಕ್ಷೇಪಣಾದೇವ ಸರ್ವಗ್ರಹವಿನಾಶನಮ್ ॥ ೧೨೫॥
ನವನೀತಂ ಚಾಭಿಮನ್ತ್ರ್ಯ ಸ್ತ್ರೀಭ್ಯೋ ದದ್ಯಾನ್ಮಹೇಶ್ವರಿ ।
ವನ್ಧ್ಯಾ ಪುತ್ರಪ್ರದಾಂ ದೇವಿ ನಾತ್ರ ಕಾರ್ಯಾ ವಿಚಾರಣಾ ॥ ೧೨೬॥
ಕಣ್ಠೇ ವಾ ವಾಮಬಾಹೌ ವಾ ಯೋನೌ ವಾ ಧಾರಣಾಚ್ಛಿವೇ ।
ಬಹುಪುತ್ರವತೀ ನಾರೀ ಸುಭಗಾ ಜಾಯತೇ ಧ್ರುವಮ್ ॥ ೧೨೭॥
ಪುರುಷೋ ದಕ್ಷಿಣಾಙ್ಗೇ ತು ಧಾರಯೇತ್ಸರ್ವಸಿದ್ಧಯೇ ।
ಬಲವಾನ್ಕೀರ್ತಿಮಾನ ಧನ್ಯೋಧಾರ್ಮಿಕಃ ಸಾಧಕಃ ಕೃತೀ ॥ ೧೨೮॥
ಬಹುಪುತ್ರೀ ರಥಾನಾಂ ಚ ಗಜಾನಾಮಧಿಪಃ ಸುಧೀಃ ।
ಕಾಮಿನೀಕರ್ಷಣೋದ್ಯುಕ್ತಃ ಕ್ರೀಂ ಚ ದಕ್ಷಿಣಕಾಲಿಕೇ ॥ ೧೨೯॥
ಕ್ರೀಂ ಸ್ವಾಹಾ ಪ್ರಜಪೇನ್ಮನ್ತ್ರಮಯುತಂ ನಾಮಪಾಠಕಃ ।
ಆಕರ್ಷಣಂ ಚರೇದ್ದೇವಿ ಜಲಖೇಚರಭೂಗತಾನ್ ॥ ೧೩೦॥
ವಶೀಕರಣಕಾಮೋ ಹಿ ಹೂँ ಹೂँ ಹ್ರೀಂ ಹ್ರೀಂ ಚ ದಕ್ಷಿಣೇ ।
ಕಾಲಿಕೇ ಪೂರ್ವಬೀಜಾನಿ ಪೂರ್ವವತ್ಪ್ರಜಪನ್ ಪಠೇತ್ ॥ ೧೩೧॥
ಉರ್ವಶೀಮಪಿ ವಸಯೇನ್ನಾತ್ರ ಕಾರ್ಯಾ ವಿಚಾರಣಾ ।
ಕ್ರೀಂ ಚ ದಕ್ಷಿಣಕಾಲಿಕೇ ಸ್ವಾಹಾ ಯುಕ್ತಂ ಜಪೇನ್ನರಃ ॥ ೧೩೨॥
ಪಠೇನ್ನಾಮಸಹಸ್ರಂ ತು ತ್ರೈಲೋಕ್ಯಂ ಮಾರಯೇದ್ಧ್ರುವಮ್ ।
ಸದ್ಭಕ್ತಾಯ ಪ್ರದಾತವ್ಯಾ ವಿದ್ಯಾ ರಾಜ್ಞಿ ಶುಭೇ ದಿನೇ ॥ ೧೩೩॥
ಸದ್ವಿನೀತಾಯ ಶಾನ್ತಾಯ ದಾನ್ತಾಯಾತಿಗುಣಾಯ ಚ ।
ಭಕ್ತಾಯ ಜ್ಯೇಷ್ಠಪುತ್ರಾಯ ಗುರುಭಕ್ತಿಪರಾಯ ಚ ॥ ೧೩೪॥
ವೈಷ್ಣವಾಯ ಪ್ರಶುದ್ಧಾಯ ಶಿವಾಬಲಿರತಾಯ ಚ ।
ವೇಶ್ಯಾಪೂಜನಯುಕ್ತಾಯ ಕುಮಾರೀಪೂಜಕಾಯ ಚ ॥ ೧೩೫॥
ದುರ್ಗಾಭಕ್ತಾಯ ರೌದ್ರಾಯ ಮಹಾಕಾಲಪ್ರಜಾಪಿನೇ ।
ಅದ್ವೈತಭಾವಯುಕ್ತಾಯ ಕಾಲೀಭಕ್ತಿಪರಾಯ ಚ ॥ ೧೩೬॥
ದೇಯಂ ಸಹಸ್ರನಾಮಾಖ್ಯಂ ಸ್ವಯಂ ಕಾಲ್ಯಾ ಪ್ರಕಾಶಿತಮ್ ।
ಗುರುದೈವತಮನ್ತ್ರಾಣಾಂ ಮಹೇಶಸ್ಯಾಪಿ ಪಾರ್ವತಿ ॥ ೧೩೭॥
ಅಭೇದೇನ ಸ್ಮರೇನ್ಮನ್ತ್ರಂ ಸ ಶಿವಃ ಸ ಗಣಾಧಿಪಃ ।
ಯೋ ಮನ್ತ್ರಂ ಭಾವಯೇನ್ಮನ್ತ್ರೀ ಸ ಶಿವೋ ನಾತ್ರ ಸಂಶಯಃ ॥ ೧೩೮॥
ಸ ಶಾಕ್ತೋ ವೈಷ್ಣವಸ್ಸೌರಃ ಸ ಏವಂ ಪೂರ್ಣದೀಕ್ಷಿತಃ ।
ಅಯೋಗ್ಯಾಯ ನ ದಾತವ್ಯಂ ಸಿದ್ಧಿರೋಧಃ ಪ್ರಜಾಯತೇ ॥ ೧೩೯॥
ವೇಶ್ಯಾಸ್ತ್ರೀನಿನ್ದಕಾಯಾಥ ಸುರಾಸಂವಿತ್ಪ್ರನಿನ್ದಕೇ ।
ಸುರಾಮುಖೋ ಮನುಂ ಸ್ಮೃತ್ವಾ ಸುರಾಚಾರ್ಯೋ ಭವಿಷ್ಯತಿ ॥ ೧೪೦॥
ವಾಗ್ದೇವತಾ ಘೋರೇ ಆಸಾಪರಘಾರೇ ಚ ಹೂँ ವದೇತ್ ।
ಘೋರರೂಪೇ ಮಹಾಘೋರೇ ಮುಖೀಭೀಮಪದಂ ವದೇತ್ ॥ ೧೪೧॥
ಭೀಷಣ್ಯಮುಷ್ಯಷಷ್ಠ್ಯನ್ತಂ ಹೇತುರ್ವಾಮಯುಗೇ ಶಿವೇ ।
ಶಿವವಹ್ನಿಯುಗಾಸ್ತ್ರಂ ಹೂँ ಹೂँ ಕವಚಮನುರ್ಭವೇತ್ ॥ ೧೪೨॥
ಏತಸ್ಯ ಸ್ಮರಣಾದೇವ ದುಷ್ಟಾನಾಂ ಚ ಮುಖೇ ಸುರಾ ।
ಅವತೀರ್ಣಾ ಭವದ್ದೇವಿ ದುಷ್ಟಾನಾಂ ಭದ್ರನಾಶಿನೀ ॥ ೧೪೩॥
ಖಲಾಯ ಪರತನ್ತ್ರಾಯ ಪರನಿನ್ದಾಪರಾಯ ಚ ।
ಭ್ರಷ್ಟಾಯ ದುಷ್ಟಸತ್ವಾಯ ಪರವಾದರತಾಯ ಚ ॥ ೧೪೪॥
ಶಿವಾಭಕ್ತಾಯ ದುಷ್ಟಾಯ ಪರದಾರರತಾಯ ಚ ।
ನ ಸ್ತೋತ್ರಂ ದರ್ಶಯೇದ್ದೇವಿ ಶಿವಹತ್ಯಾಕರೋ ಭವೇತ್ ॥ ೧೪೫॥
ಕಾಲಿಕಾನನ್ದಹೃದಯಃ ಕಾಲಿಕಾಭಕ್ತಿಮಾನಸಃ ।
ಕಾಲೀಭಕ್ತೋ ಭವೇತ್ಸೋಽಯಂ ಧನ್ಯರೂಪಃ ಸ ಏವ ತು ॥ ೧೪೬॥
ಕಲೌ ಕಾಲೀ ಕಲೌ ಕಾಲೀ ಕಲೌ ಕಾಲೀ ವರಪ್ರದಾ ।
ಕಲೌ ಕಾಲೀ ಕಲೌ ಕಾಲೀ ಕಲೌ ಕಾಲೀ ತು ಕೇವಲಾ ॥ ೧೪೭॥
ಬಿಲ್ವಪತ್ರಸಹಸ್ರಾಣಿ ಕರವೀರಾಣಿ ವೈ ತಥಾ ।
ಪ್ರತಿನಾಮ್ನಾ ಪೂಜಯೇದ್ಧಿ ತೇನ ಕಾಲೀ ವರಪ್ರದಾ ॥ ೧೪೮॥
ಕಮಲಾನಾಂ ಸಹಸ್ರಂ ತು ಪ್ರತಿನಾಮ್ನಾ ಸಮರ್ಪಯೇತ್ ।
ಚಕ್ರಂ ಸಮ್ಪೂಜ್ಯ ದೇವೇಶಿ ಕಾಲಿಕಾವರಮಾಪ್ನುಯಾತ್ ॥ ೧೪೯॥
ಮನ್ತ್ರಕ್ಷೋಭಯುತೋ ನೈವ ಕಲಶಸ್ಥಜಲೇನ ಚ ।
ನಾಮ್ನಾ ಪ್ರಸೇಚಯೇದ್ದೇವಿ ಸರ್ವಕ್ಷೋಭವಿನಾಶಕೃತ್ ॥ ೧೫೦॥
ತಥಾ ದಮನಕಂ ದೇವಿ ಸಹಸ್ರಮಾಹರೇದ್ವ್ರತೀ ।
ಸಹಸ್ರನಾಮ್ನಾ ಸಮ್ಪೂಜ್ಯ ಕಾಲೀವರಮವಾಪ್ನುಯಾತ್ ॥ ೧೫೧॥
ಚಕ್ರಂ ವಿಲಿಖ್ಯ ದೇಹಸ್ಥಂ ಧಾರಯೇತ್ಕಾಲಿಕಾತನುಃ ।
ಕಾಲ್ಯೈ ನಿವೇದಿತಂ ಯದ್ಯತ್ತದಂಶಂ ಭಕ್ಷಯೇಚ್ಛಿವೇ ॥ ೧೫೨॥
ದಿವ್ಯದೇಹಧರೋ ಭೂತ್ವಾ ಕಾಲೀದೇಹೇ ಸ್ಥಿತೋ ಭವೇತ್ ।
ನೈವೇದ್ಯನಿನ್ದಕಾನ್ ದುಷ್ಟಾನ್ ದೃಷ್ಟ್ವಾ ನೃತ್ಯನ್ತಿ ಭೈರವಾ ॥ ೧೫೩॥
ಯೋಗಿನ್ಯಶ್ಚ ಮಹಾವೀರಾ ರಕ್ತಪಾನೋದ್ಯತಾಃ ಪ್ರಿಯೇ ।
ಮಾಂಸಾಸ್ಥಿಚರ್ಮಣೋದ್ಯುಕ್ತಾ ಭಕ್ಷಯನ್ತಿ ನ ಸಂಶಯಃ ॥ ೧೫೪॥
ತಸ್ಮಾನ್ನ ನಿನ್ದಯೇದ್ದೇವಿ ಮನಸಾ ಕರ್ಮಣಾ ಗಿರಾ ।
ಅನ್ಯಥಾ ಕುರುತೇ ಯಸ್ತು ತಸ್ಯ ನಾಶೋ ಭವಿಷ್ಯತಿ ॥ ೧೫೫॥
ಕ್ರಮದೀಕ್ಷಾಯುತಾನಾಂ ಚ ಸಿದ್ಧಿರ್ಭವತಿ ನಾನ್ಯಥಾ ।
ಮನ್ತ್ರಕ್ಷೋಭಶ್ಚ ವಾ ಭೂಯಾತ್ ಕ್ಷೀಣಾಯುರ್ವಾ ಭವೇದ್ಧ್ರುವಮ್ ॥ ೧೫೬॥
ಪುತ್ರಹಾರೀ ಸ್ತ್ರಿಯೋಹಾರೀ ರಾಜ್ಯಹಾರೀ ಭವೇದ್ಧ್ರುವಮ್ ।
ಕ್ರಮದೀಕ್ಷಾಯುತೋ ದೇವಿ ಕ್ರಮಾದ್ರಾಜ್ಯಮವಾಪ್ನುಯಾತ್ ॥ ೧೫೭॥
ಏಕವಾರಂ ಪಠೇದ್ದೇವಿ ಸರ್ವಪಾಪವಿನಾಶನಮ್ ।
ದ್ವಿವಾರಂ ಚ ಪಠೇದ್ಯೋ ಹಿ ವಾಞ್ಛಾಂ ವಿನ್ದತಿ ನಿತ್ಯಶಃ ॥ ೧೫೮॥
ತ್ರಿವಾರಂ ಚ ಪಠೇದ್ಯಸ್ತು ವಾಗೀಶಸಮತಾಂ ವ್ರಜೇತ್ ।
ಚತುರ್ವಾರಂ ಪಠೇದ್ದೇವಿ ಚತುರ್ವರ್ಣಾಧಿಪೋ ಭವೇತ್ ॥ ೧೫೯॥
ಪಞ್ಚವಾರಂ ಪಠೇದ್ದೇವಿ ಪಞ್ಚಕಾಮಾಧಿಪೋ ಭವೇತ್ ।
ಷಡ್ವಾರಂ ಚ ಪಠೇದ್ದೇವಿ ಷಡೈಶ್ವರ್ಯಾಧಿಪೋ ಭವೇತ್ ॥ ೧೬೦॥
ಸಪ್ತವಾರಂ ಪಠೇತ್ಸಪ್ತಕಾಮನಾಂ ಚಿನ್ತಿತಂ ಲಭೇತ್ ।
ವಸುವಾರಂ ಪಠೇದ್ದೇವಿ ದಿಗೀಶೋ ಭವತಿ ಧ್ರುವಮ್ ॥ ೧೬೧॥
ನವವಾರಂ ಪಠೇದ್ದೇವಿ ನವನಾಥಸಮೋ ಭವೇತ್ ।
ದಶವಾರಂ ಕೀರ್ತ್ತಯೇದ್ಯೋ ದಶಾರ್ಹಃ ಖೇಚರೇಶ್ವರಃ ॥ ೧೬೨॥
ವಿಂಶತಿವಾರಂ ಕೀರ್ತಯೇದ್ಯಃ ಸರ್ವೈಶ್ವರ್ಯಮಯೋ ಭವೇತ್ ।
ಪಞ್ಚವಿಂಶತಿವಾರೈಸ್ತು ಸರ್ವಚಿನ್ತಾವಿನಾಶಕಃ ॥ ೧೬೩॥
ಪಞ್ಚಾಶದ್ವಾರಮಾವರ್ತ್ಯ ಪಞ್ಚಭೂತೇಶ್ವರೋ ಭವೇತ್ ।
ಶತವಾರಂ ಕೀರ್ತ್ತಯೇದ್ಯಃ ಶತಾನನಸಮಾನಧೀಃ ॥ ೧೬೪॥
ಶತಪಞ್ಚಕಮಾವರ್ತ್ಯ ರಾಜರಾಜೇಶ್ವರೋ ಭವೇತ್ ।
ಸಹಸ್ರಾವರ್ತನಾದ್ದೇವಿ ಲಕ್ಷ್ಮೀರಾವೃಣುತೇ ಸ್ವಯಮ್ ॥ ೧೬೫॥
ತ್ರಿಸಹಸ್ರಂ ಸಮಾವರ್ತ್ಯ ತ್ರಿನೇತ್ರಸದೃಶೋ ಭವೇತ್ ।
ಪಞ್ಚ ಸಾಹಸ್ರಮಾವರ್ತ್ಯ ಕಾಮಕೋಟಿ ವಿಮೋಹನಃ ॥ ೧೬೬॥
ದಶಸಾಹಸ್ರಮಾವರ್ತ್ಯ ಭವೇದ್ದಶಮುಖೇಶ್ವರಃ ।
ಪಞ್ಚವಿಂಶತಿಸಾಹಸ್ರೈ ಚ ಚತುರ್ವಿಂಶತಿಸಿದ್ಧಿಧೃಕ್ ॥ ೧೬೭॥
ಲಕ್ಷಾವರ್ತನಮಾತ್ರೇಣ ಲಕ್ಷ್ಮೀಪತಿಸಮೋ ಭವೇತ್ ।
ಲಕ್ಷತ್ರಯಾವರ್ತ್ತನಾತ್ತು ಮಹಾದೇವಂ ವಿಜೇಷ್ಯತಿ ॥ ೧೬೮॥
ಲಕ್ಷಪಞ್ಚಕಮಾವರ್ತ್ಯ ಕಲಾಪಞ್ಚಕಸಂಯುತಃ ।
ದಶಲಕ್ಷಾವರ್ತ್ತನಾತ್ತು ದಶವಿದ್ಯಾಪ್ತಿರುತ್ತಮಾ ॥ ೧೬೯॥
ಪಞ್ಚವಿಂಶತಿಲಕ್ಷೈಸ್ತು ದಶವಿದ್ಯೇಶ್ವರೋ ಭವೇತ್ ।
ಪಞ್ಚಾಶಲ್ಲಕ್ಷಮಾವೃತ್ಯ ಮಹಾಕಾಲಸಮೋ ಭವೇತ್ ॥ ೧೭೦॥
ಕೋಟಿಮಾವರ್ತ್ತಯೇದ್ಯಸ್ತು ಕಾಲೀಂ ಪಶ್ಯತಿ ಚಕ್ಷುಷಾ ।
ವರದಾನೋದ್ಯುಕ್ತಕರಾಂ ಮಹಾಕಾಲಸಮನ್ವಿತಾಮ್ ॥ ೧೭೧॥
ಪ್ರತ್ಯಕ್ಷಂ ಪಶ್ಯತಿ ಶಿವೇ ತಸ್ಯಾ ದೇಹೋ ಭವೇದ್ಧ್ರುವಮ್ ।
ಶ್ರೀವಿದ್ಯಾಕಾಲಿಕಾತಾರಾತ್ರಿಶಕ್ತಿವಿಜಯೀ ಭವೇತ್ ॥ ೧೭೨॥
ವಿಧೇರ್ಲಿಪಿಂ ಚ ಸಮ್ಮಾರ್ಜ್ಯ ಕಿಙ್ಕರತ್ವಂ ವಿಸೃಜ್ಯ ಚ ।
ಮಹಾರಾಜ್ಯಮವಾಪ್ನೋತಿ ನಾತ್ರ ಕಾರ್ಯಾ ವಿಚಾರಣಾ ॥ ೧೭೩॥
ತ್ರಿಶಕ್ತಿವಿಷಯೇ ದೇವಿಕ್ರಮದೀಕ್ಷಾ ಪ್ರಕೀರ್ತಿತಾ ।
ಕ್ರಮದೀಕ್ಷಾಯುತೋ ದೇವಿ ರಾಜಾ ಭವತಿ ನಿಶ್ಚಿತಮ್ ॥ ೧೭೪॥
ಕ್ರಮದೀಕ್ಷಾವಿಹೀನಸ್ಯ ಫಲಂ ಪೂರ್ವಮಿಹೇರಿತಮ್ ।
ಕ್ರಮದೀಕ್ಷಾಯುತೋ ದೇವಿ ಶಿವ ಏವ ನ ಚಾಪರಃ ॥ ೧೭೫॥
ಕ್ರಮದೀಕ್ಷಾಸಮಾಯುಕ್ತಃ ಕಾಲ್ಯುಕ್ತಸಿದ್ಧಿಭಾಗ್ಭವೇತ್ ।
ಕ್ರಮದೀಕ್ಷಾವಿಹೀನಸ್ಯ ಸಿದ್ಧಿಹಾನಿಃ ಪದೇ ಪದೇ ॥ ೧೭೬॥
ಅಹೋ ಜನ್ಮವತಾಂ ಮಧ್ಯೇ ಧನ್ಯಃ ಕ್ರಮಯುತಃ ಕಲೌ ।
ತತ್ರಾಪಿ ಧನ್ಯೋ ದೇವೇಶಿ ನಾಮಸಾಹಸ್ರಪಾಠಕಃ ॥ ೧೭೭॥
ದಶಕಾಲೀವಿದ್ಯೌ ದೇವಿ ಸ್ತೋತ್ರಮೇತತ್ಸದಾ ಪಠೇತ್ ।
ಸಿದ್ಧಿಂ ವಿನ್ದತಿ ದೇವೇಶಿ ನಾತ್ರ ಕಾರ್ಯಾ ವಿಚಾರಣಾ ॥ ೧೭೮॥
ಕಾಕೀ ಕಾಲೀ ಮಹಾವಿದ್ಯಾ ಕಲೌ ಕಾಲೀ ಚ ಸಿದ್ಧಿದಾ ।
ಕಲೌ ಕಾಲೀ ಚ ಸಿದ್ಧಾ ಚ ಕಲೌ ಕಾಲೀ ವರಪ್ರದಾ ॥ ೧೭೯॥
ಕಲೌ ಕಾಲೀ ಸಾಧಕಸ್ಯ ದರ್ಶನಾರ್ಥಂ ಸಮುದ್ಯತಾ ।
ಕಲೌ ಕಾಲೀ ಕೇವಲಾ ಸ್ಯಾನ್ನಾತ್ರ ಕಾರ್ಯಾ ವಿಚಾರಣಾ ॥ ೧೮೦॥
ನಾನ್ಯವಿದ್ಯಾ ನಾನ್ಯವಿದ್ಯಾ ನಾನ್ಯವಿದ್ಯಾ ಕಲೌ ಭವೇತ್ ।
ಕಲೌ ಕಾಲೀಂ ವಿಹಾಯಾಥ ಯಃ ಕಶ್ಚಿತ್ಸಿದ್ಧಿಕಾಮುಕಃ ॥ ೧೮೧॥
ಸ ತು ಶಕ್ತಿಂ ವಿನಾ ದೇವಿ ರತಿಸಮ್ಭೋಗಮಿಚ್ಛತಿ ।
ಕಲೌ ಕಾಲೀಂ ವಿನಾ ದೇವಿ ಯಃ ಕಶ್ಚಿತ್ಸಿದ್ಧಿಮಿಚ್ಛತಿ ॥ ೧೮೨॥
ಸ ನೀಲಸಾಧನಂ ತ್ಯಕ್ತ್ವಾ ಪರಿಭ್ರಮತಿ ಸರ್ವತಃ ।
ಕಲೌ ಕಾಲೀ ವಿಹಾಯಾಥ ಯಃ ಕಶ್ಚಿನ್ಮೋಕ್ಷಮಿಚ್ಛತಿ ॥ ೧೮೩॥
ಗುರುಧ್ಯಾನಂ ಪರಿತ್ಯಜ್ಯ ಸಿದ್ಧಿಮಿಚ್ಛತಿ ಸಾಧಕಃ ।
ಕಲೌ ಕಾಲೀ ವಿಹಾಯಾಥ ಯಃ ಕಶ್ಚಿದ್ರಾಜ್ಯಮಿಚ್ಛತಿ ॥ ೧೮೪॥
ಸ ಭೋಜನ ಪರಿತ್ಯಜ್ಯ ಭಿಕ್ಷುವೃತ್ತಿಮಭೀಪ್ಸತಿ ।
ಸ ಧನ್ಯಃ ಸ ಚ ವಿಜ್ಞಾನೀ ಸ ಏವ ಸುರಪೂಜಿತಃ ॥ ೧೮೫॥
ಸ ದೀಕ್ಷಿತಃ ಸುಖೀ ಸಾಧುಃ ಸತ್ಯವಾದೀ ಜಿತೇನ್ದ್ರಿಯಃ ।
ಸ ವೇದವಕ್ತಾ ಸ್ವಾಧ್ಯಾಯೀ ನಾತ್ರ ಕಾರ್ಯಾ ವಿಚಾರಣಾ ॥ ೧೮೬॥
ಶಿವರೂಪಂ ಗುರುಂ ಧ್ಯಾತ್ವಾ ಶಿವರೂಪಂ ಗುರುಂ ಸ್ಮರೇತ್ ।
ಸದಾಶಿವಃ ಸ ಏವ ಸ್ಯಾನಾತ್ರ ಕಾರ್ಯಾ ವಿಚಾರಣಾ ॥ ೧೮೭॥
ಸ್ವಸ್ಮಿನ್ ಕಾಲೀಂ ತು ಸಮ್ಭಾವ್ಯ ಪೂಜಯೇಜ್ಜಗದಮ್ಬಿಕಾಮ್ ।
ತ್ರೈಲೋಕ್ಯವಿಜಯೀ ಭೂಯಾನ್ನಾತ್ರ ಕಾರ್ಯ್ಯಾ ವಿಚಾರಣಾ ॥ ೧೮೮॥
ಗೋಪನೀಯಂ ಗೋಪನೀಯಂ ಗೋಪನೀಯಂ ಪ್ರಯತ್ನತಃ ।
ರಹಸ್ಯಾತಿರಹಸ್ಯಂ ಚ ರಹಸ್ಯಾತಿರಹಸ್ಯಕಮ್ ॥ ೧೮೯॥
ಶ್ಲೋಕಾರ್ದ್ಧಂ ಪಾದಮಾತ್ರಂ ವಾ ಪಾದಾದರ್ಧಂ ಚ ತದರ್ಧಕಮ್ ।
ನಾಮಾರ್ಧಂ ಯಃ ಪಠೇದ್ದೇವಿ ನ ವನ್ಧ್ಯದಿವಸಂ ನ್ಯಸೇತ್ ॥ ೧೯೦॥
ಪುಸ್ತಕಂ ಪೂಜಯೇದ್ಭಕ್ತ್ಯಾ ತ್ವರಿತಂ ಫಲಸಿದ್ಧಯೇ ।
ನ ಚ ಮಾರೀಭಯಂ ತತ್ರ ನ ಚಾಗ್ನಿರ್ವಾಯುಸಮ್ಭವಮ್ ॥ ೧೯೧॥
ನ ಭೂತಾದಿಭಯಂ ತತ್ರ ಸರ್ವತ್ರ ಸುಖಮೇಧತೇ ।
ಕುಙ್ಕುಮಾಽಲಕ್ತಕೇನೈವ ರೋಚನಾಽಗರುಯೋಗತಃ ॥ ೧೯೨॥
ಭೂರ್ಜಪತ್ರೇ ಲಿಖೇತ್ ಪುಸ್ತಂ ಸರ್ವಕಾಮಾರ್ಥಸಿದ್ಧಯೇ ।
ಇತಿ ಸಂಕ್ಷೇಪತಃ ಪ್ರೋಕ್ತಂ ಕಿಮನ್ಯಚ್ಛ್ರೋತುಮಿಚ್ಛಸಿ ॥ ೧೯೩॥
ಇತಿ ಗದಿತಮಶೇಷಂ ಕಾಲಿಕಾವರ್ಣರೂಪಂ ।
ಪ್ರಪಠತಿ ಯದಿ ಭಕ್ತ್ಯಾ ಸರ್ವಸಿದ್ಧೀಶ್ವರಃ ಸ್ಯಾತ್ ॥ ೧೯೪॥
ಅಭಿನವಸುಖಕಾಮಃ ಸರ್ವವಿದ್ಯಾಭಿರಾಮೋ
ಭವತಿ ಸಕಲಸಿದ್ಧಿಧಃ ಸರ್ವವೀರಾಸಮೃದ್ಧಿಃ ॥ ೧೯೫॥
॥ ಇತಿ ಶ್ರೀಮದಾದಿನಾಥಮಹಾಕಾಲವಿರಚಿತಾಯಾಂ ಮಹಾಕಾಲಸಂಹಿತಾಯಾಂ
ಕಾಲಕಾಲೀಸಂವಾದೇ ಸುನ್ದರೀಶಕ್ತಿದಾನಾಖ್ಯಂ ಕಾಲೀಸ್ವರೂಪ
ಮೇಧಾಸಾಮ್ರಾಜ್ಯಪ್ರದಂ ಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ತ್oday
http://sanskritdocuments.org
Kakaradi Kali Sahasranama Stotram Lyrics in Kannada PDF
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website