കകാരാദി കാലീസഹസ്രനാമസ്തോത്രമ്
{॥ കകാരാദി കാലീസഹസ്രനാമസ്തോത്രമ് ॥}
ശ്രീ ഗണേശായ നമഃ ।
കൈലാസശിഖരേ രമ്യേ നാനാദേവഗണാവൃതേ ।
നാനാവൃക്ഷലതാകീര്ണേ നാനാപുഷ്പൈരലങ്കൃതേ ॥ ൧॥
ചതുര്മണ്ഡലസംയുക്തേ ശ്രൃങ്ഗാരമണ്ഡപേ സ്ഥിതേ ।
സമാധൌ സംസ്ഥിതം ശാന്തം ക്രീഡന്തം യോഗിനീപ്രിയമ് ॥ ൨॥
തത്ര മൌനധരം ദൃഷ്ട്വാ ദേവീ പൃച്ഛതി ശങ്കരമ് ।
ദേവ്യുവാച ।
കിം ത്വയാ ജപ്യതേ ദേവ കിം ത്വയാ സ്മര്യ്യതേ സദാ ॥ ൩॥
സൃഷ്ടിഃ കുത്ര വിലീനാസ്തി പുനഃ കുത്ര പ്രജായതേ ।
ബ്രഹ്മാണ്ഡകാരണം യത്തത് കിമാദ്യം കാരണം മഹത് ॥ ൪॥
മനോരഥമയീ സിദ്ധിസ്തഥാ വാഞ്ഛാമയീ ശിവ ।
തൃതീയാ കല്പനാസിദ്ധിഃ കോടിസിദ്ധീശ്വരാത്മകമ് ॥ ൫॥
ശക്തിപാതാഷ്ടദശകം ചരാചരപുരീഗതിഃ ।
മഹേന്ദ്രജാലമിന്ദ്രാദിജാലാനാം രചനാ തഥാ ॥ ൬॥
അണിമാദ്യഷ്ടകം ദേവ പരകായപ്രവേശനമ് ।
നവീനസൃഷ്ടികരണം സമുദ്രശോഷണം തഥാ ॥ ൭॥
അമായാം ചന്ദ്രസന്ദര്ശോ ദിവാ ചന്ദ്രപ്രകാശനമ് ।
ചന്ദ്രാഷ്ടകം ചാഷ്ടദിക്ഷു തഥാ സൂര്യാഷ്ടകം ശിവ ॥ ൮॥
ജലേ ജലമയത്വം ച വഹ്നൌ വഹ്നിമയത്വകമ് ।
ബ്രഹ്മ-വിഷ്ണ്വാദി-നിര്മാണമിന്ദ്രാണാം കാരണം കരേ ॥ ൯॥
പാതാലഗുടികാ-യക്ഷ-വേതാലപഞ്ചകം തഥാ ।
രസായനം തഥാ ഗുപ്തിസ്തഥൈവ ചാഖിലാഞ്ജനമ് ॥ ൧൦॥
മഹാമധുമതീ സിദ്ധിസ്തഥാ പദ്മാവതീ ശിവ ।
തഥാ ഭോഗവതീ സിദ്ധിര്യാവത്യഃ സന്തി സിദ്ധയഃ ॥ ൧൧॥
കേന മന്ത്രേണ തപസാ കലൌ പാപസമാകുലേ ।
ആയുഷ്യം പുണ്യരഹിതേ കഥം ഭവതി തദ്വദ ॥ ൧൨॥
ശ്രീശിവ ഉവാച ।
വിനാ മന്ത്രം വിനാ സ്തോത്രം വിനൈവ തപസാ പ്രിയേ ।
വിനാ ബലിം വിനാ ന്യാസം ഭൂതശുദ്ധിം വിനാ പ്രിയേ ॥ ൧൩॥
വിനാ ധ്യാനം വിനാ യന്ത്രം വിനാ പൂജാദിനാ പ്രിയേ ।
വിനാ ക്ലേശാദിഭിര്ദേവി ദേഹദുഃഖാദിഭിര്വിനാ ॥ ൧൪॥
സിദ്ധിരാശു ഭവേദ്യേന തദേവം കഥ്യതേ മയാ ।
ശൂന്യേ ബ്രഹ്മണ്ഡഗോലേ തു പഞ്ചാശച്ഛൂന്യമധ്യകേ ॥ ൧൫॥
പഞ്ചശൂന്യസ്ഥിതാ താരാ സര്വാന്തേ കാലികാ സ്ഥിതാ ।
അനന്ത-കോടി ബ്രഹ്മാണ്ഡ രാജദണ്ഡാഗ്രകേ ശിവേ ॥ ൧൬॥
സ്ഥാപ്യ ശൂന്യാലയം കൃത്വാ കൃഷ്ണവര്ണം വിധായ ച ।
മഹാനിര്ഗുണരൂപാ ച വാചാതീതാ പരാ കലാ ॥ ൧൭॥
ക്രീഡായാം സംസ്ഥിതാ ദേവീ ശൂന്യരൂപാ പ്രകല്പയേത് ।
സൃഷ്ടേരാരമ്ഭകാര്യാര്ഥം ദൃഷ്ടാ ഛായാ തയാ യദാ ॥ ൧൮॥
ഇച്ഛാശക്തിസ്തു സാ ജാതാ തഥാ കാലോ വിനിര്മിതഃ ।
പ്രതിബിമ്ബം തത്ര ദൃഷ്ടം ജാതാ ജ്ഞാനാഭിധാ തു സാ ॥ ൧൯॥
ഇദമേതത്കിംവിശിഷ്ടം ജാതം വിജ്ഞാനകം മുദാ ।
തദാ ക്രിയാഽഭിധാ ജാതാ തദീച്ഛാതോ മഹേശ്വരി ॥ ൨൦॥
ബ്രഹ്മാണ്ഡഗോലേ ദേവേശി രാജദണ്ഡസ്ഥിതം ച യത് ।
സാ ക്രിയാ സ്ഥാപയാമാസ സ്വ-സ്വസ്ഥാനക്രമേണ ച ॥ ൨൧॥
തത്രൈവ സ്വേച്ഛയാ ദേവി സാമരസ്യപരായണാ ।
തദിച്ഛാ കഥ്യതേ ദേവി യഥാവദവധാരയ ॥ ൨൨॥
യുഗാദിസമയേ ദേവി ശിവം പരഗുണോത്തമമ് ।
തദിച്ഛാ നിര്ഗുണം ശാന്തം സച്ചിദാനന്ദവിഗ്രഹമ് ॥ ൨൩॥
ശാശ്വതം സുന്ദരം ശുദ്ധം സര്വദേവയുതം വരമ് ।
ആദിനാഥം ഗുണാതീതം കാല്യാ സംയുതമീശ്വരമ് ॥ ൨൪॥
വിപരീതരതം ദേവം സാമരസ്യപരായണമ് ।
പൂജാര്ഥമാഗതം ദേവ-ഗന്ധര്വാഽപ്സരസാം ഗണമ് ॥ ൨൫॥
യക്ഷിണീം കിന്നരീകന്യാമുര്വശ്യാദ്യാം തിലോത്തമാമ് ।
വീക്ഷ്യ തന്മായയാ പ്രാഹ സുന്ദരീ പ്രാണവല്ലഭാ ॥ ൨൬॥
ത്രൈലോക്യസുന്ദരീ പ്രാണസ്വാമിനീ പ്രാണരഞ്ജിനീ ।
കിമാഗതം ഭവത്യാഽദ്യ മമ ഭാഗ്യാര്ണവോ മഹാന് ॥ ൨൭॥
ഉക്ത്വാ മൌനധരം ശമ്ഭും പൂജയന്ത്യപ്സരോഗണാഃ ।
അപ്സരസ ഊചുഃ ।
സംസാരാത്താരിതം ദേവ ത്വയാ വിശ്വജനപ്രിയ ॥ ൨൮॥
സൃഷ്ടേരാരമ്ഭകാര്യ്യാര്ഥമുദ്യുക്തോഽസി മഹാപ്രഭോ ।
വേശ്യാകൃത്യമിദം ദേവ മങ്ഗലാര്ഥപ്രഗായനമ് ॥ ൨൯॥
പ്രയാണോത്സവകാലേ തു സമാരമ്ഭേ പ്രഗായനമ് ।
ഗുണാദ്യാരമ്ഭകാലേ ഹി വര്ത്തതേ ശിവശങ്കര ॥ ൩൦॥
ഇന്ദ്രാണീകോടയഃ സന്തി തസ്യാഃ പ്രസവബിന്ദുതഃ ।
ബ്രഹ്മാണീ വൈഷ്ണവീ ചൈവ മാഹേശീ കോടികോടയഃ ॥ ൩൧॥
തവ സാമരസാനന്ദ ദര്ശനാര്ഥം സമുദ്ഭവാഃ ।
സഞ്ജാതാശ്ചാഗ്രതോ ദേവ ചാസ്മാകം സൌഖ്യസാഗര ॥ ൩൨॥
രതിം ഹിത്വാ കാമിനീനാം നാഽന്യത് സൌഖ്യം മഹേശ്വര ।
സാ രതിര്ദൃശ്യതേഽസ്മാഭിര്മഹത്സൌഖ്യാര്ഥകാരികാ ॥ ൩൩॥
ഏവമേതത്തു ചാസ്മാഭിഃ കര്തവ്യം ഭര്തൃണാ സഹ ।
ഏവം ശ്രുത്വാ മഹാദേവോ ധ്യാനാവസ്ഥിതമാനസഃ ॥ ൩൪॥
ധ്യാനം ഹിത്വാ മായയാ തു പ്രോവാച കാലികാം പ്രതി ।
കാലി കാലി രുണ്ഡമാലേ പ്രിയേ ഭൈരവവാദിനീ ॥ ൩൫॥
ശിവാരൂപധരേ ക്രൂരേ ഘോരദ്രംഷ്ടേ ഭയാനകേ ।
ത്രൈലോക്യസുന്ദരകരീ സുന്ദര്യ്യഃ സന്തി മേഽഗ്രതഃ ॥ ൩൬॥
സുന്ദരീവീക്ഷണം കര്മ കുരു കാലി പ്രിയേ ശിവേ ।
ധ്യാനം മുഞ്ച മഹാദേവി താ ഗച്ഛന്തി ഗൃഹം പ്രതി ॥ ൩൭॥
തവ രൂപം മഹാകാലി മഹാകാലപ്രിയങ്കരമ് ।
ഏതാസാം സുന്ദരം രൂപം ത്രൈലോക്യപ്രിയകാരകമ് ॥ ൩൮॥
ഏവം മായാഭ്രമാവിഷ്ടോ മഹാകാലോ വദന്നിതി ।
ഇതി കാലവചഃ ശ്രുത്വാ കാലം പ്രാഹ ച കാലികാ ॥ ൩൯॥
മായയാഽഽച്ഛാദ്യ ചാത്മാനം നിജസ്ത്രീരൂപധാരിണീ ।
ഇതഃ പ്രഭൃതി സ്ത്രീമാത്രം ഭവിഷ്യതി യുഗേ യുഗേ ॥ ൪൦॥
വല്ല്യാദ്യൌഷധയോ ദേവി ദിവാ വല്ലീസ്വരൂപതാമ് ।
രാത്രൌ സ്ത്രീരൂപമാസാദ്യ രതികേലിഃ പരസ്പരമ് ॥ ൪൧॥
അജ്ഞാനം ചൈവ സര്വേഷാം ഭവിഷ്യതി യുഗേ യുഗേ ।
ഏവം ശാപം ച ദത്വാ തു പുനഃ പ്രോവാച കാലികാ ॥ ൪൨॥
വിപരീതരതിം കൃത്വാ ചിന്തയന്തി മനന്തി യേ ।
തേഷാം വരം പ്രദാസ്യാമി നിത്യം തത്ര വസാമ്യഹമ് ॥ ൪൩॥
ഇത്യുക്ത്വാ കാലികാ വിദ്യാ തത്രൈവാന്തരധീയത ।
ത്രിംശത്-ത്രിഖര്വ-ഷഡ്വൃന്ദ-നവത്യര്ബുദകോടയഃ ॥ ൪൪॥
ദര്ശനാര്ഥം തപസ്തേപേ സാ വൈ കുത്ര ഗതാ പ്രിയാ ।
മമ പ്രാണപ്രിയാ ദേവീ ഹാഹാ പ്രാണപ്രിയേ ശിവേ ॥ ൪൫॥
കിം കരോമി ക്വ ഗച്ഛാമി ഇത്യേവം ഭ്രമസങ്കുലഃ ।
തസ്യാഃ കാല്യാ ദയാ ജാതാ മമ ചിന്താപരഃ ശിവഃ ॥ ൪൬॥
യന്ത്രപ്രസ്താരബുദ്ധിസ്തു കാല്യാ ദത്താതിസത്വരമ് ।
യന്ത്രയാഗം തദാരഭ്യ പൂര്വം ചിദ്ഘനഗോചരാ ॥ ൪൭॥
ശ്രീചക്രം യന്ത്രപ്രസ്താരരചനാഭ്യാസതത്പരഃ ।
ഇതസ്തതോ ഭ്രമ്യമാണസ്ത്രൈലോക്യം ചക്രമധ്യകമ് ॥ ൪൮॥
ചക്രപാരദര്ശനാര്ഥം കോട്യര്ബുദയുഗം ഗതമ് ।
ഭക്തപ്രാണപ്രിയാ ദേവീ മഹാശ്രീചക്രനായികാ ॥ ൪൯॥
തത്ര ബിന്ദൌ പരം രൂപം സുന്ദരം സുമനോഹരമ് ।
രൂപം ജാതം മഹേശാനി ജാഗ്രത്ത്രിപുരസുന്ദരി ॥ ൫൦॥
രൂപം ദൃഷ്ട്വാ മഹാദേവോ രാജരാജേശ്വരോഽഭവത് ।
തസ്യാഃ കടാക്ഷമാത്രേണ തസ്യാ രൂപധരഃ ശിവഃ ॥ ൫൧॥
വിനാ ശ്രൃങ്ഗാരസംയുക്താ തദാ ജാതാ മഹേശ്വരീ ।
വിനാ കാല്യംശതോ ദേവി ജഗത്സ്ഥാവരജങ്ഗമമ് ॥ ൫൨॥
ന ശ്രൃങ്ഗാരോ ന ശക്തിത്വം ക്വാപി നാസ്തി മഹേശ്വരീ ।
സുന്ദര്യ്യാ പ്രാര്ഥിതാ കാലീ തുഷ്ടാ പ്രോവാച കാലികാ ॥ ൫൩॥
സര്വാസാം നേത്രകേശേഷു മമാംശോഽത്ര ഭവിഷ്യതി ।
പൂര്വാവസ്ഥാസു ദേവേശി മമാംശസ്തിഷ്ഠതി പ്രിയേ ॥ ൫൪॥
സാവസ്ഥാ തരുണാഖ്യാ തു തദന്തേ നൈവ തിഷ്ഠതി ।
മദ്ഭക്താനാം മഹേശാനി സദാ തിഷ്ഠതി നിശ്ചിതമ് ॥ ൫൫॥
ശക്തിസ്തു കുണ്ഠിതാ ജാതാ തഥാ രൂപം ന സുന്ദരമ് ।
ചിന്താവിഷ്ടാ തു മലിനാ ജാതാ തത്ര ച സുന്ദരീ ॥ ൫൬॥
ക്ഷണം സ്ഥിത്വാ ധ്യാനപരാ കാലീ ചിന്തനതത്പരാ ।
തദാ കാലീ പ്രസന്നാഽഭൂത് ക്ഷണാര്ദ്ധേന മഹേശ്വരീ ॥ ൫൭॥
വരം ബ്രൂഹി വരം ബ്രൂഹി വരം ബ്രൂഹീതി സാദരമ് ।
സുന്ദര്യുവാച ।
മമ സിദ്ധിവരം ദേഹി വരോഽയം പ്രാര്ഥ്യതേ മയാ ॥ ൫൮॥
താദൃഗുപായം കഥയ യേന ശക്തിര്ഭവിഷ്യതി ।
ശ്രീകാല്യുവാച ।
മമ നാമസാഹസ്രം ച മയാ പൂര്വം വിനിര്മിതമ് ॥ ൫൯॥
മത്സ്വരൂപം കകാരാഖ്യം മേധാസാമ്രാജ്യനാമകമ് ।
വരദാനാഭിധം നാമ ക്ഷണാര്ദ്ധാദ്വരദായകമ് ॥ ൬൦॥
തത്പഠസ്വ മഹാമായേ തവ ശക്തിര്ഭവിഷ്യതി ।
തതഃ പ്രഭൃതി ശ്രീവിദ്യാ തന്നാമപാഠതത്പരാ ॥ ൬൧॥
തദേവ നാമസാഹസ്രം സുന്ദരീശക്തിദായകമ് ।
കഥ്യതേ പരയാ ഭക്ത്യാ സാധയേ സുമഹേശ്വരി ॥ ൬൨॥
മദ്യേര്മാംസൈസ്തഥാ ശുക്രൈര്ബഹുരക്തൈരപി പ്രിയേ ।
തര്പയേത് പൂജയേത് കാലീം വിപരീതരതിം ചരേത് ॥ ൬൩॥
വിപരീതരതൌ ദേവി കാലീ തിഷ്ഠതി നിത്യശഃ ।
മാധ്വീകപുഷ്പശുക്രാന്നമൈഥുനാദ്യാ വിരാഗിണീ ॥ ൬൪॥
വൈഷ്ണവീ വ്യാപികാ വിദ്യാ ശ്മശാനവാസിനീ പരാ ।
വീരസാധനസന്തുഷ്ടാ വീരാസ്ഫാലനനാദിനീ ॥ ൬൫॥
ശിവാബലിപ്രഹൃഷ്ടാത്മാ ശിവാരൂപാദ്യചണ്ഡികാ ।
കാമസ്തോത്രപ്രിയാത്യുഗ്രമാനസാ കാമരൂപിണീ ॥ ൬൬॥
ബ്രഹ്മാനന്ദപരാ ശമ്ഭു മൈഥുനാനന്ദതോഷിതാ ।
യോഗീന്ദ്രഹൃദയാഗാരാ ദിവാ നിശി വിപര്യയാ ॥ ൬൭॥
ക്ഷണം തുഷ്ടാ ച പ്രത്യക്ഷാ ദന്തമാലാജപപ്രിയാ ।
ശയ്യായാം ചുമ്ബനാങ്ഗഃ സന് വേശ്യാസങ്ഗപരായണഃ ॥ ൬൮॥
ഖഡ്ഗഹസ്തോ മുക്തകേശോ ദിഗമ്ബരവിഭൂഷിതഃ ।
പഠേന്നാമസഹസ്രാഖ്യം മേധാസാമ്രാജ്യനാമകമ് ॥ ൬൯॥
യഥാ ദിവ്യാമൃതൈര്ദേവാഃ പ്രസന്നാ ക്ഷണമാത്രതഃ ।
തഥാഽനേന മഹാകാലീ പ്രസന്നാ പാഠമാത്രതഃ ॥ ൭൦॥
കഥ്യതേ നാമസാഹസ്രം സാവധാനമനാഃ ശ്രൃണു ।
സര്വസാമ്രാജ്യമേധാഖ്യനാമസാഹസ്ത്രകസ്യ ച ॥ ൭൧॥
മഹാകാല ഋഷിഃ പ്രോക്ത ഉഷ്ണിക്ഛന്ദഃ പ്രകീര്തിതമ് ।
ദേവതാ ദക്ഷിണാ കാലീ മായാബീജം പ്രകീര്തിതമ് ॥ ൭൨॥
ഹ്രൂँ ശക്തിഃ കാലികാബീജം കീലകം പരികീര്തിതമ് ।
കാലികാ വരദാനാദി-സ്വേഷ്ടാര്ഥേ വിനിയോഗതഃ ॥ ൭൩॥
കീലകേന ഷഡങ്ഗാനി ഷഡ്ദീര്ഘാബീജേന കാരയേത് ।
ധ്യാനം ച പൂര്വവത്കൃത്വാ സാധയേദിഷ്ടസാധനമ് ॥ ൭൪॥
ഓം അസ്യ ശ്രീസര്വസാമ്രാജ്യമേധാകാലീസ്വരൂപ-
കകാരാത്മകസഹസ്രനാമസ്തോത്രമന്ത്രസ്യ മഹാകാല-
ഋഷിരുഷ്ണിക്ഛന്ദഃ, ശ്രീദക്ഷിണകാലീ ദേവതാ, ഹ്രീം ബീജമ്,
ഹ്രൂँ ശക്തിഃ, ക്രീം കീലകം, കാലീവരദാനാദിസ്വേഷ്ടാര്ഥേ ജപേ വിനിയോഗഃ ।
ഓം മഹാകാല ഋഷയേ നമഃ ശിരസി ।
ഉഷ്ണിക്ഛന്ദസേ നമഃ മുഖേ ।
ശ്രീ ദക്ഷിണകാലീദേവതായൈ നമഃ ഹൃദയേ ।
ഹ്രീം ബീജായ നമഃ ഗുഹ്യേ ।
ഹ്രൂँ ശക്തയേ നമഃ പാദയോഃ ।
ക്രീം കീലകായ നമഃ നാഭൌ ।
വിനിയോഗായനമഃ സര്വാങ്ഗേ । ഇതി ഋഷ്യാദിന്യാസഃ ।
ഓം ക്രാം അങ്ഗുഷ്ഠാഭ്യാം നമഃ ।
ഓം ക്രീം തര്ജനീഭ്യാം നമഃ ।
ഓം ക്രൂം മധ്യമാഭ്യാം നമഃ ।
ഓം ക്രൈം അനാമികാഭ്യാം നമഃ ।
ഓം ക്രൌം കനിഷ്ഠികാഭ്യാം നമഃ ।
ഓം ക്രഃ കരതലകരപൃഷ്ഠാഭ്യാം നമഃ । ഇതി കരാങ്ഗന്യാസഃ ।
ഓം ക്രാം ഹൃദയായ നമഃ ।
ഓം ക്രീം ശിരസേ സ്വാഹാ ।
ഓം ക്രൂം ശിഖായൈ വഷട് ।
ഓം ക്രൈം കവചായ ഹും ।
ഓം ക്രൌം നേത്രത്രയായ വൌഷട് ।
ഓം ക്രഃ അസ്ത്രായ ഫട് । ഇതി ഹൃദയാദി ഷഡങ്ഗന്യാസഃ ।
അഥ ധ്യാനമ് ।
ഓം കരാലവദനാം ഘോരാം മുക്തകേശീം ചതുര്ഭുജാമ് ।
കാലികാം ദക്ഷിണാം ദിവ്യാം മുണ്ഡമാലാവിഭൂഷിതാമ് ॥
സദ്യശ്ഛിന്നശിരഃഖഡ്ഗവാമോര്ധ്വാധഃകരാമ്ബുജാമ് ।
അഭയം വരദം ചൈവ ദക്ഷിണാധോര്ധ്വപാണികാമ് ॥
മഹാമേഘപ്രഭാം ശ്യാമാം തഥാ ചൈവ ദിഗമ്ബരാമ് ।
കണ്ഠാവസക്തമുണ്ഡാലീഗലദ്രുധിരചര്ചിതാമ് ॥
കര്ണാവതംസതാനീതശവയുഗ്മഭയാനകാമ് ।
ഘോരദംഷ്ട്രാകരാലാസ്യാം പീനോന്നതപയോധരാമ് ॥
ശവാനാം കരസങ്ഘാതൈഃ കൃതകാഞ്ചീം ഹസന്മുഖീമ് ।
സൃക്കദ്വയഗലദ്രക്തധാരാവിസ്ഫുരിതാനനാമ് ॥
ഘോരരൂപാം മഹാരൌദ്രീം ശ്മശാനാലയവാസിനീമ് ।
ദന്തുരാം ദക്ഷിണവ്യാപിമുക്തലമ്ബകചോച്ചയാമ് ॥
ശവരൂപമഹാദേവഹൃദയോപരി സംസ്ഥിതാമ് ।
ശിവാഭിര്ഘോരരൂപാഭിശ്ചതുര്ദ്ദിക്ഷു സമന്വിതാമ് ॥
മഹാകാലേന സാര്ദ്ധോര്ദ്ധമുപവിഷ്ടരതാതുരാമ് ।
സുഖപ്രസന്നവദനാം സ്മേരാനനസരോരുഹാമ് ॥
ഏവം സങ്ചിന്തയേദ്ദേവീം ശ്മശാനാലയവാസിനീമ് ॥
ഓം ക്രീം കാലീ ക്രൂँ കരാലീ ച കല്യാണീ കമലാ കലാ ।
കലാവതീ കലാഢ്യാ ച കലാപൂജ്യാ കലാത്മികാ ॥ ൧॥
കലാദൃഷ്ടാ കലാപുഷ്ടാ കലാമസ്താ കലാധരാ ।
കലാകോടി കലാഭാസാ കലാകോടിപ്രപൂജിതാ ॥ ൨॥
കലാകര്മകലാധാരാ കലാപാരാ കലാഗമാ ।
കലാധാരാ കമലിനീ കകാരാ കരുണാ കവിഃ ॥ ൩॥
കകാരവര്ണസര്വാങ്ഗീ കലാകോടിവിഭൂഷിതാ ।
കകാരകോടിഗുണിതാ കലാകോടിവിഭൂഷണാ ॥ ൪॥
കകാരവര്ണഹൃദയാ കകാരമനുമണ്ഡിതാ ।
കകാരവര്ണനിലയാ കാകശബ്ദപരായണാ ॥ ൫॥
കകാരവര്ണമുകുടാ കകാരവര്ണഭൂഷണാ ।
കകാരവര്ണരൂപാ ച കകശബ്ദപരായണാ ॥ ൬॥
കകവീരാസ്ഫാലരതാ കമലാകരപൂജിതാ ।
കമലാകരനാഥാ ച കമലാകരരൂപധൃക് ॥ ൭॥
കമലാകരസിദ്ധിസ്ഥാ കമലാകരപാരദാ ।
കമലാകരമധ്യസ്ഥാ കമലാകരതോഷിതാ ॥ ൮॥
കഥങ്കാരപരാലാപാ കഥങ്കാരപരായണാ ।
കഥങ്കാരപദാന്തസ്ഥാ കഥങ്കാരപദാര്ഥഭൂഃ ॥ ൯॥
കമലാക്ഷീ കമലജാ കമലാക്ഷപ്രപൂജിതാ ।
കമലാക്ഷവരോദ്യുക്താ കകാരാ കര്ബുരാക്ഷരാ ॥ ൧൦॥
കരതാരാ കരച്ഛിന്നാ കരശ്യാമാ കരാര്ണവാ ।
കരപൂജ്യാ കരരതാ കരദാ കരപൂജിതാ ॥ ൧൧॥
കരതോയാ കരാമര്ഷാ കര്മനാശാ കരപ്രിയാ ।
കരപ്രാണാ കരകജാ കരകാ കരകാന്തരാ ॥ ൧൨॥
കരകാചലരൂപാ ച കരകാചലശോഭിനീ ।
കരകാചലപുത്രീ ച കരകാചലതോഷിതാ ॥ ൧൩॥
കരകാചലഗേഹസ്ഥാ കരകാചലരക്ഷിണീ ।
കരകാചലസമ്മാന്യാ കരകാചലകാരിണീ ॥ ൧൪॥
കരകാചലവര്ഷാഢ്യാ കരകാചലരഞ്ജിതാ ।
കരകാചലകാന്താരാ കരകാചലമാലിനീ ॥ ൧൫॥
കരകാചലഭോജ്യാ ച കരകാചലരൂപിണീ ।
കരാമലകസംസ്ഥാ ച കരാമലകസിദ്ധിദാ ॥ ൧൬॥
കരാമലകസമ്പൂജ്യാ കരാമലകതാരിണീ ।
കരാമലകകാലീ ച കരാമലകരോചിനീ ॥ ൧൭॥
കരാമലകമാതാ ച കരാമലകസേവിനീ ।
കരാമലകബദ്ധ്യേയാ കരാമലകദായിനീ ॥ ൧൮॥
കഞ്ജനേത്രാ കഞ്ജഗതിഃ കഞ്ജസ്ഥാ കഞ്ജധാരിണീ ।
കഞ്ജമാലാപ്രിയകരീ കഞ്ജരൂപാ ച കഞ്ജനാ ॥ ൧൯॥
കഞ്ജജാതിഃ കഞ്ജഗതിഃ കഞ്ജഹോമപരായണാ ।
കഞ്ജമണ്ഡലമധ്യസ്ഥാ കഞ്ജാഭരണഭൂഷിതാ ॥ ൨൦॥
കഞ്ജസമ്മാനനിരതാ കഞ്ജോത്പത്തിപരായണാ ।
കഞ്ജരാശിസമാകാരാ കഞ്ജാരണ്യനിവാസിനീ ॥ ൨൧॥
കരഞ്ജവൃക്ഷമധ്യസ്ഥാ കരഞ്ജവൃക്ഷവാസിനീ ।
കരഞ്ജഫലഭൂഷാഢ്യാ കരഞ്ജാരണ്യവാസിനീ ॥ ൨൨॥
കരഞ്ജമാലാഭരണാ കരവാലപരായണാ ।
കരവാലപ്രഹൃഷ്ടാത്മാ കരവാലപ്രിയാ ഗതിഃ ॥ ൨൩॥
കരവാലപ്രിയാ കന്യാ കരവാലവിഹാരിണീ ।
കരവാലമയീ കര്മ്മാ കരവാലപ്രിയങ്കരീ ॥ ൨൪॥
കബന്ധമാലാഭരണാ കബന്ധരാശിമധ്യഗാ ।
കബന്ധകൂടസംസ്ഥാനാ കബന്ധാനന്തഭൂഷണാ ॥ ൨൫॥
കബന്ധനാദസന്തുഷ്ടാ കബന്ധാസനധാരിണീ ।
കബന്ധഗൃഹമധ്യസ്ഥാ കബന്ധവനവാസിനീ ॥ ൨൬॥
കബന്ധകാഞ്ചീകരണീ കബന്ധരാശിഭൂഷണാ ।
കബന്ധമാലാജയദാ കബന്ധദേഹവാസിനീ ॥ ൨൭॥
കബന്ധാസനമാന്യാ ച കപാലാകല്പധാരിണീ ।
കപാലമാലാമധ്യസ്ഥാ കപാലവ്രതതോഷിതാ ॥ ൨൮॥
കപാലദീപസന്തുഷ്ടാ കപാലദീപരൂപിണീ ।
കപാലദീപവരദാ കപാലകജ്ജലസ്ഥിതാ ॥ ൨൯॥
കപാലമാലാജയദാ കപാലജപതോഷിണീ ।
കപാലസിദ്ധിസംഹൃഷ്ടാ കപാലഭോജനോദ്യതാ ॥ ൩൦॥
കപാലവ്രതസംസ്ഥാനാ കപാലകമലാലയാ ।
കവിത്വാമൃതസാരാ ച കവിത്വാമൃതസാഗരാ ॥ ൩൧॥
കവിത്വസിദ്ധിസംഹൃഷ്ടാ കവിത്വാദാനകാരിണീ ।
കവിപൃജ്യാ കവിഗതിഃ കവിരൂപാ കവിപ്രിയാ ॥ ൩൨॥
കവിബ്രഹ്മാനന്ദരൂപാ കവിത്വവ്രതതോഷിതാ ।
കവിമാനസസംസ്ഥാനാ കവിവാഞ്ച്ഛാപ്രപൂരിണീ ॥ ൩൩॥
കവികണ്ഠസ്ഥിതാ കം ഹ്രീം കംകംകം കവിപൂര്തിദാ ।
കജ്ജലാ കജ്ജലാദാനമാനസാ കജ്ജലപ്രിയാ ॥ ൩൪॥
കപാലകജ്ജലസമാ കജ്ജലേശപ്രപൂജിതാ ।
കജ്ജലാര്ണവമധ്യസ്ഥാ കജ്ജലാനന്ദരൂപിണീ ॥ ൩൫॥
കജ്ജലപ്രിയസന്തുഷ്ടാ കജ്ജലപ്രിയതോഷിണീ ।
കപാലമാലാഭരണാ കപാലകരഭൂഷണാ ॥ ൩൬॥
കപാലകരഭൂഷാഢ്യാ കപാലചക്രമണ്ഡിതാ ।
കപാലകോടിനിലയാ കപാലദുര്ഗകാരിണീ ॥ ൩൭॥
കപാലഗിരിസംസ്ഥാനാ കപാലചക്രവാസിനീ ।
കപാലപാത്രസന്തുഷ്ടാ കപാലാര്ഘ്യപരായണാ ॥ ൩൮॥
കപാലാര്ഘ്യപ്രിയപ്രാണാ കപാലാര്ഘ്യവരപ്രദാ ।
കപാലചക്രരൂപാ ച കപാലരൂപമാത്രഗാ ॥ ൩൯॥
കദലീ കദലീരൂപാ കദലീവനവാസിനീ ।
കദലീപുഷ്പസമ്പ്രീതാ കദലീഫലമാനസാ ॥ ൪൦॥
കദലീഹോമസന്തുഷ്ടാ കദലീദര്ശനോദ്യതാ ।
കദലീഗര്ഭമധ്യസ്ഥാ കദലീവനസുന്ദരീ ॥ ൪൧॥
കദമ്ബപുഷ്പനിലയാ കദമ്ബവനമധ്യഗാ ।
കദമ്ബകുസുമാമോദാ കദമ്ബവനതോഷിണീ ॥ ൪൨॥
കദമ്ബപുഷ്പസമ്പൂജ്യാ കദമ്ബപുഷ്പഹോമദാ ।
കദമ്പുഷ്പമധ്യസ്ഥാ കദമ്ബഫലഭോജിനീ ॥ ൪൩॥
കദമ്ബകാനനാന്തഃസ്ഥാ കദമ്ബാചലവാസിനീ ।
കച്ഛപാ കച്ഛപാരാധ്യാ കച്ഛപാസനസംസ്ഥിതാ ॥ ൪൪॥
കര്ണപൂരാ കര്ണനാസാ കര്ണാഢ്യാ കാലഭൈരവീ ।
കലപ്രീതാ കലഹദാ കലഹാ കലഹാതുരാ ॥ ൪൫॥
കര്ണയക്ഷീ കര്ണവാര്താ കഥിനീ കര്ണസുന്ദരീ ।
കര്ണപിശാചിനീ കര്ണമഞ്ജരീ കവികക്ഷദാ ॥ ൪൬॥
കവികക്ഷാവിരൂപാഢ്യാ കവികക്ഷസ്വരൂപിണീ ।
കസ്തൂരീമൃഗസംസ്ഥാനാ കസ്തൂരീമൃഗരൂപിണീ ॥ ൪൭॥
കസ്തൂരീമൃഗസന്തോഷാ കസ്തൂരീമൃഗമധ്യഗാ ।
കസ്തൂരീരസനീലാങ്ഗീ കസ്തൂരീഗന്ധതോഷിതാ ॥ ൪൮॥
കസ്തൂരീപൂജകപ്രാണാ കസ്തൂരീപൂജകപ്രിയാ ।
കസ്തൂരീപ്രേമസന്തുഷ്ടാ കസ്തൂരീപ്രാണധാരിണീ ॥ ൪൯॥
കസ്തൂരീപൂജകാനന്ദാ കസ്തൂരീഗന്ധരൂപിണീ ।
കസ്തൂരീമാലികാരൂപാ കസ്തൂരീഭോജനപ്രിയാ ॥ ൫൦॥
കസ്തൂരീതിലകാനന്ദാ കസ്തൂരീതിലകപ്രിയാ ।
കസ്തൂരീഹോമസന്തുഷ്ടാ കസ്തൂരീതര്പണോദ്യതാ ॥ ൫൧॥
കസ്തൂരീമാര്ജനോദ്യുക്താ കസ്തൂരീചക്രപൂജിതാ ।
കസ്തൂരീപുഷ്പസമ്പൂജ്യാ കസ്തൂരീചര്വണോദ്യതാ ॥ ൫൨॥
കസ്തൂരീഗര്ഭമധ്യസ്ഥാ കസ്തൂരീവസ്ത്രധാരിണീ ।
കസ്തൂരീകാമോദരതാ കസ്തൂരീവനവാസിനീ ॥ ൫൩॥
കസ്തൂരീവനസംരക്ഷാ കസ്തൂരീപ്രേമധാരിണീ ।
കസ്തൂരീശക്തിനിലയാ കസ്തൂരീശക്തികുണ്ഡഗാ ॥ ൫൪॥
കസ്തൂരീകുണ്ഡസംസ്നാതാ കസ്തൂരീകുണ്ഡമജ്ജനാ ।
കസ്തൂരീജീവസന്തുഷ്ടാ കസ്തൂരീജീവധാരിണീ ॥ ൫൫॥
കസ്തൂരീപരമാമോദാ കസ്തൂരീജീവനക്ഷമാ ।
കസ്തൂരീജാതിഭാവസ്ഥാ കസ്തൂരീഗന്ധചുമ്ബനാ ॥ ൫൬॥
കസതൂരീഗന്ധസംശോഭാവിരാജിതകപാലഭൂഃ ।
കസ്തൂരീമദനാന്തഃസ്ഥാ കസ്തൂരീമദഹര്ഷദാ ॥ ൫൭॥
കസ്തൂരീകവിതാനാഢ്യാ കസ്തൂരീഗൃഹമധ്യഗാ ।
കസ്തൂരീസ്പര്ശകപ്രാണാ കസ്തൂരീവിന്ദകാന്തകാ ॥ ൫൮॥
കസ്തൂര്യ്യാമോദരസികാ കസ്തൂരീക്രീഡനോദ്യതാ ।
കസ്തൂരീദാനനിരതാ കസ്തൂരീവരദായിനീ ॥ ൫൯॥
കസ്തൂരീസ്ഥാപനാസക്താ കസ്തൂരീസ്ഥാനരഞ്ജിനീ ।
കസ്തൂരീകുശലപ്രശ്നാ കസ്തൂരീസ്തുതിവന്ദിതാ ॥ ൬൦॥
കസ്തൂരീവന്ദകാരാധ്യാ കസ്തൂരീസ്ഥാനവാസിനീ ।
കഹരൂപാ കഹാഢ്യാ ച കഹാനന്ദാ കഹാത്മഭൂഃ ॥ ൬൧॥
കഹപൂജ്യാ കഹാഖ്യാ ച കഹഹേയാ കഹാത്മികാ ।
കഹമാലാകണ്ഠഭൂഷാ കഹമന്ത്രജപോദ്യതാ ॥ ൬൨॥
കഹനാമസ്മൃതിപരാ കഹനാമപരായണാ ।
കഹപരായണരതാ കഹദേവീ കഹേശ്വരീ ॥ ൬൩॥
കഹഹേതു കഹാനന്ദാ കഹനാദപരായണാ ।
കഹമാതാ കഹാന്തഃസ്ഥാ കഹമന്ത്രാ കഹേശ്വരീ ॥ ൬൪॥
കഹജ്ഞേയാ കഹാരാധ്യാ കഹധ്യാനപരായണാ ।
കഹതന്ത്രാ കഹകഹാ കഹചര്യ്യാപരായണാ ॥ ൬൫॥
കഹാചാരാ കഹഗതിഃ കഹതാണ്ഡവകാരിണീ ।
കഹാരണ്യാ കഹരതിഃ കഹശക്തിപരായണാ ॥ ൬൬॥
കഹരാജ്യനതാ കര്മ്മസാക്ഷിണീ കര്മസുന്ദരീ ।
കര്മവിദ്യാ കര്മഗതിഃ കര്മതന്ത്രപരായണാ ॥ ൬൭॥
കര്മമാത്രാ കര്മഗാത്രാ കര്മധര്മപരായണാ ।
കര്മരേഖാനാശകര്ത്രീ കര്മരേഖാവിനോദിനീ ॥ ൬൮॥
കര്മരേഖാമോഹകരീ കര്മകീര്തിപരായണാ ।
കര്മവിദ്യാ കര്മസാരാ കര്മ്മാധാരാ ച കര്മഭൂഃ ॥ ൬൯॥
കര്മകാരീ കര്മഹാരീ കര്മകൌതുകസുന്ദരീ ।
കര്മകാലീ കര്മതാരാ കര്മച്ഛിന്നാ ച കര്മദാ ॥ ൭൦॥
കര്മചാണ്ഡാലിനീ കര്മവേദമാതാ ച കര്മഭൂഃ ।
കര്മകാണ്ഡരതാനന്താ കര്മകാണ്ഡാനുമാനിതാ ॥ ൭൧॥
കര്മകാണ്ഡപരീണാഹാ കമഠീ കമഠാകൃതിഃ ।
കമഠാരാധ്യഹൃദയാ കമഠാകണ്ഠസുന്ദരീ ॥ ൭൨॥
കമഠാസനസംസേവ്യാ കമഠീ കര്മതത്പരാ ।
കരുണാകരകാന്താ ച കരുണാകരവന്ദിതാ ॥ ൭൩॥
കഠോരാ കരമാലാ ച കഠോരകുചധാരിണീ ।
കപര്ദിനീ കപടിനീ കഠിനാ കങ്കഭൂഷണാ ॥ ൭൪॥
കരഭോരൂഃ കഠിനദാ കരഭാ കരഭാലയാ ।
കലഭാഷാമയീ കല്പാ കല്പനാ കല്പദായിനീ ॥ ൭൫॥
കമലസ്ഥാ കലാമാലാ കമലാസ്യാ ക്കണത്പ്രഭാ ।
കകുദ്മിനീ കഷ്ടവതീ കരണീയകഥാര്ചിതാ ॥ ൭൬॥
കചാര്ചിതാ കചതനുഃ കചസുന്ദരധാരിണീ ।
കഠോരകുചസംലഗ്നാ കടിസൂത്രവിരാജിതാ ॥ ൭൭॥
കര്ണമക്ഷപ്രിയാ കന്ദാ കഥാകന്ദഗതിഃ കലിഃ ।
കലിഘ്നീ കലിദൂതീ ച കവിനായക-പൂജിതാ ॥ ൭൮॥
കണകക്ഷാനിയന്ത്രീ ച കശ്ചിത്കവിവരാര്ചിതാ ।
കര്ത്രീ ച കര്തൃകാ ഭൂഷാകാരിണീ കര്ണശത്രുപാ ॥ ൭൯॥
കരണേശീ കരണപാ കലവാചാ കലാനിധിഃ ।
കലനാ കലനാധാരാ കലനാ കാരികാ കരാ ॥ ൮൦॥
കലഗേയാ കര്കരാശിഃ കര്കരാശി-പ്രപൂജിതാ ।
കന്യാരാശിഃ കന്യകാ ച കന്യകാപ്രിയഭാഷിണീ ॥ ൮൧॥
കന്യകാദാനസന്തുഷ്ടാ കന്യകാദാനതോഷിണീ ।
കന്യാദാനകരാനന്ദാ കന്യാദാനഗ്രഹേഷ്ടദാ ॥ ൮൨॥
കര്ഷണാ കക്ഷദഹനാ കാമിതാ കമലാസനാ ।
കരമാലാനന്ദകര്ത്രീ കരമാലാപ്രപോഷിതാ ॥ ൮൩॥
കരമാലാശയാനന്ദാ കരമാലാസമാഗമാ ।
കരമാലാസിദ്ധിദാത്രീ കരമാലാകരപ്രിയാ ॥ ൮൪॥
കരപ്രിയാ കരരതാ കരദാനപരായണാ ।
കലാനന്ദാ കലിഗതിഃ കലിപൂജ്യാ കലിപ്രസൂഃ ॥ ൮൫॥
കലനാദനിനാദസ്ഥാ കലനാദവരപ്രദാ ।
കലനാദസമാജസ്ഥാ കഹോലാ ച കഹോലദാ ॥ ൮൬॥
കഹോലഗേഹമധ്യസ്ഥാ കഹോലവരദായിനീ ।
കഹോലകവിതാധാരാ കഹോലഋഷിമാനിതാ ॥ ൮൭॥
കഹോലമാനസാരാധ്യാ കഹോലവാക്യകാരിണീ ।
കര്തൃരൂപാ കര്തൃമയീ കര്തൃമാതാ ച കര്തരീ ॥ ൮൮॥
കനീയാ കനകാരാധ്യാ കനീനകമയീ തഥാ ।
കനീയാനന്ദനിലയാ കനകാനന്ദതോഷിതാ ॥ ൮൯॥
കനീയകകരാകാഷ്ഠാ കഥാര്ണവകരീ കരീ ।
കരിഗമ്യാ കരിഗതിഃ കരിധ്വജപരായണാ ॥ ൯൦॥
കരിനാഥപ്രിയാകണ്ഠാ കഥാനകപ്രതോഷിതാ ।
കമനീയാ കമനകാ കമനീയവിഭൂഷണാ ॥ ൯൧॥
കമനീയസമാജസ്ഥാ കമനീയവ്രതപ്രിയാ ।
കമനീയഗുണാരാധ്യാ കപിലാ കപിലേശ്വരീ ॥ ൯൨॥
കപിലാരാധ്യഹൃദയാ കപിലാപ്രിയവാദിനീ ।
കഹചക്രമന്ത്രവര്ണാ കഹചക്രപ്രസൂനകാ ॥ ൯൩॥
കഏഈലഹ്രീംസ്വരൂപാ ച കഏഈലഹ്രീംവരപ്രദാ ।
കഏഈലഹ്രീംസിദ്ധിദാത്രീ കഏഈലഹ്രീംസ്വരൂപിണീ ॥ ൯൪॥
കഏഈലഹ്രീംമന്ത്രവര്ണാ കഏഈലഹ്രീംപ്രസൂകലാ ।
കവര്ഗാ ച കപാടസ്ഥാ കപാടോദ്ഘാടനക്ഷമാ ॥ ൯൫॥
കങ്കാലീ ച കപാലീ ച കങ്കാലപ്രിയഭാഷിണീ ।
കങ്കാലഭൈരവാരാധ്യാ കങ്കാലമാനസംസ്ഥിതാ ॥ ൯൬॥
കങ്കാലമോഹനിരതാ കങ്കാലമോഹദായിനീ ।
കലുഷഘ്നീ കലുഷഹാ കലുഷാര്തിവിനാശിനീ ॥ ൯൭॥
കലിപുഷ്പാ കലാദാനാ കശിപുഃ കശ്യപാര്ചിതാ ।
കശ്യപാ കശ്യപാരാധ്യാ കലിപൂര്ണകലേവരാ ॥ ൯൮॥
കലേശ്വരകരീ കാഞ്ചീ കവര്ഗാ ച കരാലകാ ।
കരാലഭൈരവാരാധ്യാ കരാലഭൈരവേശ്വരീ ॥ ൯൯॥
കരാലാ കലനാധാരാ കപര്ദ്ദീശവരപ്രദാ ।
കപര്ദ്ദീശപ്രേമലതാ കപര്ദ്ദിമാലികായുതാ ॥ ൧൦൦॥
കപര്ദ്ദിജപമാലാഢ്യാ കരവീരപ്രസൂനദാ ।
കരവീരപ്രിയപ്രാണാ കരവീരപ്രപൂജിതാ ॥ ൧൦൧॥
കര്ണികാരസമാകാരാ കര്ണികാരപ്രപൂജിതാ ।
കരിഷാഗ്നിസ്ഥിതാ കര്ഷാ കര്ഷമാത്രസുവര്ണദാ ॥ ൧൦൨॥
കലശാ കലശാരാധ്യാ കഷായാ കരിഗാനദാ ।
കപിലാ കലകണ്ഠീ ച കലികല്പലതാ മതാ ॥ ൧൦൩॥
കല്പലതാ കല്പമാതാ കല്പകാരീ ച കല്പഭൂഃ ।
കര്പൂരാമോദരുചിരാ കര്പൂരാമോദധാരിണീ ॥ ൧൦൪॥
കര്പൂരമാലാഭരണാ കര്പൂരവാസപൂര്തിദാ ।
കര്പൂരമാലാജയദാ കര്പൂരാര്ണവമധ്യഗാ ॥ ൧൦൫॥
കര്പൂരതര്പണരതാ കടകാമ്ബരധാരിണീ ।
കപടേശ്വവരസമ്പൂജ്യാ കപടേശ്വരരൂപിണീ ॥ ൧൦൬॥
കടുഃ കപിധ്വജാരാധ്യാ കലാപപുഷ്പധാരിണീ ।
കലാപപുഷ്പരുചിരാ കലാപപുഷ്പപൂജിതാ ॥ ൧൦൭॥
ക്രകചാ ക്രകചാരാധ്യാ കഥമ്ബ്രൂമാ കരാലതാ ।
കഥങ്കാരവിനിര്മുക്താ കാലീ കാലക്രിയാ ക്രതുഃ ॥ ൧൦൮॥
കാമിനീ കാമിനീപൂജ്യാ കാമിനീപുഷ്പധാരിണീ ।
കാമിനീപുഷ്പനിലയാ കാമിനീപുഷ്പപൂര്ണിമാ ॥ ൧൦൯॥
കാമിനീപുഷ്പപൂജാര്ഹാ കാമിനീപുഷ്പഭൂഷണാ ।
കാമിനീപുഷ്പതിലകാ കാമിനീകുണ്ഡചുമ്ബനാ ॥ ൧൧൦॥
കാമിനീയോഗസന്തുഷ്ടാ കാമിനീയോഗഭോഗദാ ।
കാമിനീകുണ്ഡസമ്മഗ്നാ കാമിനീകുണ്ഡമധ്യഗാ ॥ ൧൧൧॥
കാമിനീമാനസാരാധ്യാ കാമിനീമാനതോഷിതാ ।
കാമിനീമാനസഞ്ചാരാ കാലികാ കാലകാലികാ ॥ ൧൧൨॥
കാമാ ച കാമദേവീ ച കാമേശീ കാമസമ്ഭവാ ।
കാമഭാവാ കാമരതാ കാമാര്താ കാമമഞ്ജരീ ॥ ൧൧൩॥
കാമമഞ്ജീരരണിതാ കാമദേവപ്രിയാന്തരാ ।
കാമകാലീ കാമകലാ കാലികാ കമലാര്ചിതാ ॥ ൧൧൪॥
കാദികാ കമലാ കാലീ കാലാനലസമപ്രഭാ ।
കല്പാന്തദഹനാ കാന്താ കാന്താരപ്രിയവാസിനീ ॥ ൧൧൫॥
കാലപൂജ്യാ കാലരതാ കാലമാതാ ച കാലിനീ ।
കാലവീരാ കാലഘോരാ കാലസിദ്ധാ ച കാലദാ ॥ ൧൧൬॥
കാലഞ്ജനസമാകാരാ കാലഞ്ജരനിവാസിനീ ।
കാലഋദ്ധിഃ കാലവൃദ്ധിഃ കാരാഗൃഹവിമോചിനീ ॥ ൧൧൭॥
കാദിവിദ്യാ കാദിമാതാ കാദിസ്ഥാ കാദിസുന്ദരീ ।
കാശീ കാഞ്ചീ ച കാഞ്ചീശാ കാശീശവരദായിനീ ॥ ൧൧൮॥
ക്രാം ബീജാ ചൈവ ക്രീം ബീജാ ഹൃദയായ നമസ്സ്മൃതാ ।
കാമ്യാ കാമ്യഗതിഃ കാമ്യസിദ്ധിദാത്രീ ച കാമഭൂഃ ॥ ൧൧൯॥
കാമാഖ്യാ കാമരൂപാ ച കാമചാപവിമോചിനീ ।
കാമദേവകലാരാമാ കാമദേവകലാലയാ ॥ ൧൨൦॥
കാമരാത്രിഃ കാമദാത്രീ കാന്താരാചലവാസിനീ ।
കാമരൂപാ കാലഗതിഃ കാമയോഗപരായണാ ॥ ൧൨൧॥
കാമസമ്മര്ദ്ദനരതാ കാമഗേഹവികാസിനീ ।
കാലഭൈരവഭാര്യാ ച കാലഭൈരവകാമിനീ ॥ ൧൨൨॥
കാലഭൈരവയോഗസ്ഥാ കാലഭൈരവഭോഗദാ ।
കാമധേനുഃ കാമദോഗ്ധ്രീ കാമമാതാ ച കാന്തിദാ ॥ ൧൨൩॥
കാമുകാ കാമുകാരാധ്യാ കാമുകാനന്ദവര്ദ്ധിനീ ।
കാര്ത്തവീര്യ്യാ കാര്ത്തികേയാ കാര്ത്തികേയപ്രപൂജിതാ ॥ ൧൨൪॥
കാര്യ്യാ കാരണദാ കാര്യ്യകാരിണീ കാരണാന്തരാ ।
കാന്തിഗമ്യാ കാന്തിമയീ കാത്യാ കാത്യായനീ ച കാ ॥ ൧൨൫॥
കാമസാരാ ച കാശ്മീരാ കാശ്മീരാചാരതത്പരാ ।
കാമരൂപാചാരരതാ കാമരൂപപ്രിയംവദാ ॥ ൧൨൬॥
കാമരൂപാചാരസിദ്ധിഃ കാമരൂപമനോമയീ ।
കാര്ത്തികീ കാര്ത്തികാരാധ്യാ കാഞ്ചനാരപ്രസൂനഭൂഃ ॥ ൧൨൭॥
കാഞ്ചനാരപ്രസൂനാഭാ കാഞ്ചനാരപ്രപൂജിതാ ।
കാഞ്ചരൂപാ കാഞ്ചഭൂമിഃ കാംസ്യപാത്രപ്രഭോജിനീ ॥ ൧൨൮॥
കാംസ്യധ്വനിമയീ കാമസുന്ദരീ കാമചുമ്ബനാ ।
കാശപുഷ്പപ്രതീകാശാ കാമദ്രുമസമാഗമാ ॥ ൧൨൯॥
കാമപുഷ്പാ കാമഭൂമിഃ കാമപൂജ്യാ ച കാമദാ ।
കാമദേഹാ കാമഗേഹാ കാമബീജപരായണാ ॥ ൧൩൦॥
കാമധ്വജസമാരൂഢാ കാമധ്വജസമാസ്ഥിതാ ।
കാശ്യപീ കാശ്യപാരാധ്യാ കാശ്യപാനന്ദദായിനീ ॥ ൧൩൧॥
കാലിന്ദീജലസങ്കാശാ കാലിന്ദീജലപൂജിതാ ।
കാദേവപൂജാനിരതാ കാദേവപരമാര്ഥദാ ॥ ൧൩൨॥
കര്മ്മണാ കര്മ്മണാകാരാ കാമകര്മണകാരിണീ ।
കാര്മ്മണത്രോടനകരീ കാകിനീ കാരണാഹ്വയാ ॥ ൧൩൩॥
കാവ്യാമൃതാ ച കാലിങ്ഗാ കാലിങ്ഗമര്ദ്ദനോദ്യതാ ।
കാലാഗരുവിഭൂഷാഢ്യാ കാലാഗരുവിഭൂതിദാ ॥ ൧൩൪॥
കാലാഗരുസുഗന്ധാ ച കാലാഗരുപ്രതര്പണാ ।
കാവേരീനീരസമ്പ്രീതാ കാവേരീതീരവാസിനീ ॥ ൧൩൫॥
കാലചക്രഭ്രമാകാരാ കാലചക്രനിവാസിനീ ।
കാനനാ കാനനാധാരാ കാരുഃ കാരുണികാമയീ ॥ ൧൩൬॥
കാമ്പില്യവാസിനീ കാഷ്ഠാ കാമപത്നീ ച കാമഭൂഃ ।
കാദമ്ബരീപാനരതാ തഥാ കാദമ്ബരീകലാ ॥ ൧൩൭॥
കാമവന്ദ്യാ ച കാമേശീ കാമരാജപ്രപൂജിതാ ।
കാമരാജേശ്വരീവിദ്യാ കാമകൌതുകസുന്ദരീ ॥ ൧൩൮॥
കാമ്ബോജജാ കാഞ്ഛിനദാ കാംസ്യകാഞ്ചനകാരിണീ ।
കാഞ്ചനാദ്രിസമാകാരാ കാഞ്ചനാദ്രിപ്രദാനദാ ॥ ൧൩൯॥
കാമകീര്തിഃ കാമകേശീ കാരികാ കാന്തരാശ്രയാ ।
കാമഭേദീ ച കാമാര്തിനാശിനീ കാമഭൂമികാ ॥ ൧൪൦॥
കാലാനലാശിനീ കാവ്യവനിതാ കാമരൂപിണീ ।
കായസ്ഥാ കാമസന്ദീപ്തിഃ കാവ്യദാ കാലസുന്ദരീ ॥ ൧൪൧॥
കാമേശീ കാരണവരാ കാമേശീപൂജനോദ്യതാ ।
കാഞ്ചീ-നൂപുരഭൂഷാഢ്യാ-കുങ്കുമാഭരണാന്വിതാ ॥ ൧൪൨॥
കാലചക്രാ കാലഗതിഃ കാലചക്രാമനോഭവാ ।
കുന്ദമധ്യാ കുന്ദപുഷ്പാ കുന്ദപുഷ്പപ്രിയാ കുജാ ॥ ൧൪൩॥
കുജമാതാ കുജാരാധ്യാ കുഠാരവരധാരിണീ ।
കുഞ്ചരസ്ഥാ കുശരതാ കുശേശയവിലോചനാ ॥ ൧൪൪॥
കുമഠീ കുരരീ കുദ്രാ കുരങ്ഗീ കുടജാശ്രയാ ।
കുമ്ഭീനസവിഭൂഷാ ച കുമ്ഭീനസവധോദ്യതാ ॥ ൧൪൫॥
കുമ്ഭകര്ണമനോല്ലാസാ കുലചൂഡാമണിഃ കുലാ ।
കുലാലഗൃഹകന്യാ ച കുലചൂഡാമണിപ്രിയാ ॥ ൧൪൬॥
കുലപൂജ്യാ കുലാരാധ്യാ കുലപൂജാപരായണാ ।
കുലഭൂഷാ തഥാ കുക്ഷിഃ കുരരീഗണസേവിതാ ॥ ൧൪൭॥
കുലപുഷ്പാ കുലരതാ കുലപുഷ്പപരായണാ ।
കുലവസ്ത്രാ കുലാരാധ്യാ കുലകുണ്ഡസമപ്രഭാ ॥ ൧൪൮॥
കുലകുണ്ഡസമോല്ലാസാ കുണ്ഡപുഷ്പപരായണാ ।
കുണ്ഡപുഷ്പപ്രസന്നാസ്യാ കുണ്ഡഗോലോദ്ഭവാത്മികാ ॥ ൧൪൯॥
കുണ്ഡഗോലോദ്ഭവാധാരാ കുണ്ഡഗോലമയീ കുഹൂഃ ।
കുണ്ഡഗോലപ്രിയപ്രാണാ കുണ്ഡഗോലപ്രപൂജിതാ ॥ ൧൫൦॥
കുണ്ഡഗോലമനോല്ലാസാ കുണ്ഡഗോലബലപ്രദാ ।
കുണ്ഡദേവരതാ ക്രുദ്ധാ കുലസിദ്ധികരാ പരാ ॥ ൧൫൧॥
കുലകുണ്ഡസമാകാരാ കുലകുണ്ഡസമാനഭൂഃ ।
കുണ്ഡസിദ്ധിഃ കുണ്ഡഋദ്ധിഃ കുമാരീപൂജനോദ്യതാ ॥ ൧൫൨॥
കുമാരീപൂജകപ്രാണാ കുമാരീപൂജകാലയാ ।
കുമാരീകാമസന്തുഷ്ടാ കുമാരീപൂജനോത്സുകാ ॥ ൧൫൩॥
കുമാരീവ്രതസന്തുഷ്ടാ കുമാരീരൂപധാരിണീ ।
കുമാരീഭോജനപ്രീതാ കുമാരീ ച കുമാരദാ ॥ ൧൫൪॥
കുമാരമാതാ കുലദാ കുലയോനിഃ കുലേശ്വരീ ।
കുലലിങ്ഗാ കുലാനന്ദാ കുലരമ്യാ കുതര്കധൃക് ॥ ൧൫൫॥
കുന്തീ ച കുലകാന്താ ച കുലമാര്ഗപരായണാ ।
കുല്ലാ ച കുരുകുല്ലാ ച കുല്ലുകാ കുലകാമദാ ॥ ൧൫൬॥
കുലിശാങ്ഗീ കുബ്ജികാ ച കുബ്ജികാനന്ദവര്ദ്ധിനീ ।
കുലീനാ കുഞ്ജരഗതിഃ കുഞ്ജരേശ്വരഗാമിനീ ॥ ൧൫൭॥
കുലപാലീ കുലവതീ തഥൈവ കുലദീപികാ ।
കുലയോഗേശ്വരീ കുണ്ഡാ കുങ്കുമാരുണവിഗ്രഹാ ॥ ൧൫൮॥
കുങ്കുമാനന്ദസന്തോഷാ കുങ്കുമാര്ണവവാസിനീ ।
കുസുമാ കുസുമപ്രീതാ കുലഭൂഃ കുലസുന്ദരീ ॥ ൧൫൯॥
കുമുദ്വതീ കുമുദിനീ കുശലാ കുലടാലയാ ।
കുലടാലയമധ്യസ്ഥാ കുലടാസങ്ഗതോഷിതാ ॥ ൧൬൦॥
കുലടാഭവനോദ്യുക്താ കുശാവര്താ കുലാര്ണവാ ।
കുലാര്ണവാചാരരതാ കുണ്ഡലീ കുണ്ഡലാകൃതിഃ ॥ ൧൬൧॥
കുമതിശ്ച കുലശ്രേഷ്ഠാ കുലചക്രപരായണാ ।
കൂടസ്ഥാ കൂടദൃഷ്ടിശ്ച കുന്തലാ കുന്തലാകൃതിഃ ॥ ൧൬൨॥
കുശലാകൃതിരൂപാ ച കൂര്ചബീജധരാ ച കൂഃ ।
കും കും കും കും ശബ്ദരതാ ക്രൂം ക്രൂം ക്രൂം ക്രൂം പരായണാ ॥ ൧൬൩॥
കും കും കും ശബ്ദനിലയാ കുക്കുരാലയവാസിനീ ।
കുക്കുരാസങ്ഗസംയുക്താ കുക്കുരാനന്തവിഗ്രഹാ ॥ ൧൬൪॥
കൂര്ചാരമ്ഭാ കൂര്ചബീജാ കൂര്ചജാപപരായണാ ।
കുചസ്പര്ശനസന്തുഷ്ടാ കുചാലിങ്ഗനഹര്ഷദാ ॥ ൧൬൫॥
കുമതിഘ്നീ കുബേരാര്ച്യാ കുചഭൂഃ കുലനായികാ ।
കുഗായനാ കുചധരാ കുമാതാ കുന്ദദന്തിനീ ॥ ൧൬൬॥
കുഗേയാ കുഹരാഭാസാ കുഗേയാ കുഘ്നദാരിഭാ ।
കീര്തിഃ കിരാതിനീ ക്ലിന്നാ കിന്നരാ കിന്നരീക്രിയാ ॥ ൧൬൭॥
ക്രീങ്കാരാ ക്രീഞ്ജപാസക്താ ക്രീം ഹൂँ സ്ത്രീം മന്ത്രരൂപിണീ ।
കിര്മീരിതദൃശാപാങ്ഗീ കിശോരീ ച കിരീടിനീ ॥ ൧൬൮॥
കീടഭാഷാ കീടയോനിഃ കീടമാതാ ച കീടദാ ।
കിംശുകാ കീരഭാഷാ ച ക്രിയാസാരാ ക്രിയാവതീ ॥ ൧൬൯॥
കീംകീംശബ്ദപരാ ക്ലാം ക്ലീം ക്ലൂँ ക്ലൈം ക്ലൌം മന്ത്രരൂപിണീ ।
കാँ കീം കൂँ കൈം സ്വരൂപാ ച കഃ ഫട് മന്ത്രസ്വരൂപിണീ ॥ ൧൭൦॥
കേതകീഭൂഷണാനന്ദാ കേതകീഭരണാന്വിതാ ।
കൈകദാ കേശിനീ കേശീ കേശീസൂദനതത്പരാ ॥ ൧൭൧॥
കേശരൂപാ കേശമുക്താ കൈകേയീ കൌശികീ തഥാ ।
കൈരവാ കൈരവാഹ്ലാദാ കേശരാ കേതുരൂപിണീ ॥ ൧൭൨॥
കേശവാരാധ്യഹൃദയാ കേശവാസക്തമാനസാ ।
ക്ലൈബ്യവിനാശിനീ ക്ലൈം ച ക്ലൈം ബീജജപതോഷിതാ ॥ ൧൭൩॥
കൌശല്യാ കോശലാക്ഷീ ച കോശാ ച കോമലാ തഥാ ।
കോലാപുരനിവാസാ ച കോലാസുരവിനാശിനീ ॥ ൧൭൪॥
കോടിരൂപാ കോടിരതാ ക്രോധിനീ ക്രോധരൂപിണീ ।
കേകാ ച കോകിലാ കോടിഃ കോടിമന്ത്രപരായണാ ॥ ൧൭൫॥
കോട്യാനന്തമന്ത്രയുക്താ കൈരൂപാ കേരലാശ്രയാ ।
കേരലാചാരനിപുണാ കേരലേന്ദ്രഗൃഹസ്ഥിതാ ॥ ൧൭൬॥
കേദാരാശ്രമസംസ്ഥാ ച കേദാരേശ്വരപൂജിതാ ।
ക്രോധരൂപാ ക്രോധപദാ ക്രോധമാതാ ച കൌശികീ ॥ ൧൭൭॥
കോദണ്ഡധാരിണീ ക്രൌഞ്ചാ കൌശല്യാ കൌലമാര്ഗഗാ ।
കൌലിനീ കൌലികാരാധ്യാ കൌലികാഗാരവാസിനീ ॥ ൧൭൮॥
കൌതുകീ കൌമുദീ കൌലാ കുമാരീ കൌരവാര്ചിതാ ।
കൌണ്ഡിന്യാ കൌശികീ ക്രോധാ ജ്വാലാഭാസുരരൂപിണീ ॥ ൧൭൯॥
കോടികാലാനലജ്വാലാ കോടിമാര്ത്തണ്ഡവിഗ്രഹാ ।
കൃത്തികാ കൃഷ്ണവര്ണാ ച കൃഷ്ണാ കൃത്യാ ക്രിയാതുരാ ॥ ൧൮൦॥
കൃശാങ്ഗീ കൃതകൃത്യാ ച ക്രഃ ഫട്സ്വാഹാസ്വരൂപിണീ ।
ക്രൌം ക്രൌം ഹൂँ ഫട്മന്ത്രവര്ണാ
ക്രാം ഹ്രീം ഹ്രൂँ ഫട് സ്വരൂപിണീ ॥ ൧൮൧॥
ക്രീംക്രീംഹ്രീംഹ്രീം തഥാ ഹ്രൂँ ഹൂँഫട്സ്വാഹാമന്ത്രരൂപിണീ ।
ഇതി ശ്രീസര്വസാമ്രാജ്യമേധാ നാമസഹസ്രകമ് ॥ ൧൮൨॥
സുന്ദരീശക്തിദാനാഖ്യം സ്വരൂപാര്ഭിധമേവ ച ।
കഥിതം ദക്ഷിണാകാല്യാഃ സുന്ദര്യൈ പ്രീതിയോഗതഃ ॥ ൧॥
വരദാനപ്രസങ്ഗേന രഹസ്യമപി ദര്ശിതമ് ।
ഗോപനീയം സദാ ഭക്ത്യാ പഠനീയം പരാത്പരമ് ॥ ൨॥
പ്രാതര്മധ്യാഹ്നകാലേ ച മധ്യാര്ദ്ധരാത്രയോരപി ।
യജ്ഞകാലേ ജപാന്തേ ച പഠനീയം വിശേഷതഃ ॥ ൩॥
യഃ പഠേത് സാധകോ ധീരഃ കാലീരൂപോ ഹി വര്ഷതഃ ।
പഠേദ്വാ പാഠയേദ്വാപി ശ്രൃണോതി ശ്രാവയേദപി ॥ ൪॥
വാചകം തോഷയേദ്വാപി സ ഭവേത് കാലികാതനുഃ ।
സഹേലം വാ സലീലം വാ യശ്ചൈനം മാനവഃ പഠേത് ॥ ൫॥
സര്വദുഃഖവിനിര്മുക്തസ്ത്രൈലോക്യവിജയീ കവിഃ ।
മൃതവന്ധ്യാ കാകവന്ധ്യാ കന്യാവന്ധ്യാ ച വന്ധ്യകാ ॥ ൬॥
പുഷ്പവന്ധ്യാ ശൂലവന്ധ്യാ ശ്രൃണുയാത് സ്തോത്രമുത്തമമ് ।
സര്വസിദ്ധിപ്രദാതാരം സത്കവിം ചിരജീവിനമ് ॥ ൭॥
പാണ്ഡിത്യകീര്തിസംയുക്തം ലഭതേ നാത്ര സംശയഃ ।
യം യം കാമമുപസ്കൃത്യ കാലീം ധ്യാത്വാ ജപേത്സ്തവമ് ॥ ൮॥
തം തം കാമം കരേ കൃത്വാ മന്ത്രീ ഭവതി നാഽന്യഥാ ।
യോനിപുഷ്പൈര്ലിങ്ഗപുഷ്പൈഃ കുണ്ഡഗോലോദ്ഭവൈരപി ॥ ൯॥
സംയോഗാമൃതപുഷ്പൈശ്ച വസ്ത്രദേവീപ്രസൂനകൈഃ ।
കാലിപുഷ്പൈഃ പീഠതോയൈര്യോനിക്ഷാലനതോയകൈഃ ॥ ൧൦॥
കസ്തൂരീകുങ്കുമൈര്ദേവീം നഖകാലാഗരുക്രമാത് ।
അഷ്ടഗന്ധൈര്ധൂപദീപര്യവയാവകസംയുതൈഃ ॥ ൧൧॥
രക്തചന്ദനസിന്ദൂരൈര്മത്സ്യമാംസാദിഭൂഷണൈഃ ।
മധുഭിഃ പായസൈഃ ക്ഷീരൈഃ ശോധിതൈഃ ശോണിതൈരപി ॥ ൧൨॥
മഹോപചാരൈ രക്തൈശ്ച നൈവേദ്യൈഃ സുരസാന്വിതൈഃ ।
പൂജയിത്വാ മഹാകാലീം മഹാകാലേന ലാലിതാമ് ॥ ൧൩॥
വിദ്യാരാജ്ഞീം കുല്ലുകാഞ്ച ജപ്ത്വാ സ്തോത്രം ജപേച്ഛിവേ ।
കാലീഭക്തസ്ത്വേകചിത്തഃ സിന്ദൂരതിലകാന്വിതഃ ॥ ൧൪॥
താമ്ബൂലപൂരിതമുഖോ മുക്തകേശോ ദിഗമ്ബരഃ ।
ശവയോനിസ്ഥിതോ വീരഃ ശ്മശാനസുരതാന്വിതഃ ॥ ൧൫॥
ശൂന്യാലയേ ബിന്ദുപീഠേ പുഷ്പാകീര്ണേ ശിവാനനേ ।
ശയനോത്ഥപ്രഭുഞ്ജാനഃ കാലീദര്ശനമാപ്നുയാത് ॥ ൧൬॥
തത്ര യദ്യത്കൃതം കര്മ തദനന്തഫലം ഭവേത് ।
ഐശ്വര്യേ കമലാ സാക്ഷാത് സിദ്ധൌ ശ്രീകാലികാമ്ബികാ ॥ ൧൭॥
കവിത്വേ താരിണീതുല്യഃ സൌന്ദര്യേ സുന്ദരീസമഃ ।
സിന്ധോര്ദ്ധാരാസമഃ കാര്യേ ശ്രുതൌ ശ്രുതിധരസ്തഥാ ॥ ൧൮॥
വജ്രാസ്ത്രമിവ ദുര്ദ്ധര്ഷസ്ത്രൈലോക്യവിജയാസ്ത്രഭൃത് ।
ശത്രുഹന്താ കാവ്യകര്താ ഭവേച്ഛിവസമഃ കലൌ ॥ ൧൯॥
ദിഗ്വിദിക്ചന്ദ്രകര്താ ച ദിവാരാത്രിവിപര്യ്യയീ ।
മഹാദേവസമോ യോഗീ ത്രൈലോക്യസ്തമ്ഭകഃ ക്ഷണാത് ॥ ൨൦॥
ഗാനേന തുമ്ബുരുഃ സാക്ഷാദ്ദാനേ കര്ണസമോ ഭവേത് ।
ഗജാഽശ്വരഥപത്തീനാമസ്ത്രാണാമധിപഃ കൃതീ ॥ ൨൧॥
ആയുഷ്യേഷു ഭുശുണ്ഡീ ച ജരാപലിതനാശകഃ ।
വര്ഷഷോഡശവാന് ഭൂയാത് സര്വകാലേ മഹേശ്വരീ ॥ ൨൨॥
ബ്രഹ്മാണ്ഡഗോലേ ദേവേശി ന തസ്യ ദുര്ലഭം ക്വചിത് ।
സര്വം ഹസ്തഗതം ഭൂയാന്നാത്ര കാര്യ്യാ വിചാരണാ ॥ ൨൩॥
കുലപുഷ്പയുതം ദൃഷ്ട്വാ തത്ര കാലീം വിചിന്ത്യ ച ।
വിദ്യാരാജ്ഞീം തു സമ്പൂജ്യ പഠേന്നാമസഹസ്രകമ് ॥ ൨൪॥
മനോരഥമയീ സിദ്ധിസ്തസ്യ ഹസ്തേ സദാ ഭവേത് ।
പരദാരാന് സമാലിങ്ഗയ സമ്പൂജ്യ പരമേശ്വരീമ് ॥ ൨൫॥
ഹസ്താഹസ്തികയാ യോഗം കൃത്വാ ജപ്ത്വാ സ്തവം പഠേത് ।
യോനിം വീക്ഷ്യ ജപേത് സ്തോത്രം കുബേരാദധികോ ഭവേത് ॥ ൨൬॥
കുണ്ഡഗോലോദ്ഭവം ഗൃഹ്യവര്ണാക്തം ഹോമയേന്നിശി ।
പിതൃഭൂമൌ മഹേശാനി വിധിരേഖാം പ്രമാര്ജയേത് ॥ ൨൭॥
തരുണീം സുന്ദരീം രമ്യാം ചഞ്ചലാം കാമഗര്വിതാമ് ।
സമാനീയ പ്രയത്നേന സംശോധ്യ ന്യാസയോഗതഃ ॥ ൨൮॥
പ്രസൂനമഞ്ചേ സംസ്ഥാപ്യ പൃഥിവീം വശമാനയേത് ।
മൂലചക്രം തു സമ്ഭാവ്യ ദേവ്യാശ്ചരണസംയുതമ് ॥ ൨൯॥
സമ്മൂജ്യ പരമേശാനീം സങ്കല്പ്യ തു മഹേശ്വരി ।
ജപ്ത്വാ സ്തുത്വാ മഹേശാനീം പ്രണവം സംസ്മരേച്ഛിവേ ॥ ൩൦॥
അഷ്ടോത്തരശതൈര്യോനിം പ്രമന്ത്ര്യാചുമ്ബ്യ യത്നതഃ ।
സംയോഗീഭൂയ ജപ്തവ്യം സര്വവിദ്യാധിപോ ഭവേത് ॥ ൩൧॥
ശൂന്യാഗാരേ ശിവാരണ്യേ ശിവദേവാലയേ തഥാ ।
ശൂന്യദേശേ തഡാഗേ ച ഗങ്ഗാഗര്ഭേ ചതുഷ്പഥേ ॥ ൩൨॥
ശ്മശാനേ പര്വതപ്രാന്തേ ഏകലിങ്ഗേ ശിവാമുഖേ ।
മുണ്ഡയോനൌ ഋതൌ സ്നാത്വാ ഗേഹേ വേശ്യാഗൃഹേ തഥാ ॥ ൩൩॥
കുട്ടിനീഗൃഹമധ്യേ ച കദലീമണ്ഡപേ തഥാ ।
പഠേത്സഹസ്രനാമാഖ്യം സ്തോത്രം സര്വാര്ഥസിദ്ധയേ ॥ ൩൪॥
അരണ്യേ ശൂന്യഗര്തേ ച രണേ ശത്രുസമാഗമേ ।
പ്രജപേച്ച തതോ നാമ കാല്യാശ്ചൈവ സഹസ്രകമ് ॥ ൩൫॥
ബാലാനന്ദപരോ ഭൂത്വാ പഠിത്വാ കാലികാസ്തവമ് ।
കാലീം സഞ്ചിന്ത്യ പ്രജപേത് പഠേന്നാമസഹസ്രകമ് ॥ ൩൬॥
സര്വസിദ്ധീശ്വരോ ഭൂയാദ്വാഞ്ഛാസിദ്ധീശ്വരോ ഭവേത് ।
മുണ്ഡചൂഡകയോര്യോനി ത്വചി വാ കോമലേ ശിവേ ॥ ൩൭॥
വിഷ്ടരേ ശവവസ്ത്രേ വാ പുഷ്പവസ്ത്രാസനേഽപി വാ ।
മുക്തകേശോ ദിശാവാസോ മൈഥുനീ ശയനേ സ്ഥിതഃ ॥ ൩൮॥
ജപ്ത്വാകാലീം പഠേത് സ്തോത്രം ഖേചരീസിദ്ധിഭാഗ് ഭവേത് ।
ചികുരം യോഗമാസാദ്യ ശുക്രോത്സാരണമേവ ച ॥ ൩൯॥
ജപ്ത്വാ ശ്രീദക്ഷിണാം കാലീം ശക്തിപാതശതം ഭവേത് ।
ലതാം സ്പൃശന് ജപിത്വാ ച രമിത്വാ ത്വര്ചയന്നപി ॥ ൪൦॥
ആഹ്ലാദയന്ദിഗാവാസഃ പരശക്തിം വിശേഷതഃ ।
സ്തുത്വാ ശ്രീദക്ഷിണാം കാലീം യോനിം സ്വകരഗാഞ്ചരേത് ॥ ൪൧॥
പഠേന്നാമസഹസ്രം യഃ സ ശിവാദധികോ ഭവേത് ।
ലതാന്തരേഷു ജപ്തവ്യം സ്തുത്വാ കാലീം നിരാകുലഃ ॥ ൪൨॥
ദശാവധാനോ ഭവതി മാസമാത്രേണ സാധകഃ ।
കാലരാത്ര്യാം മഹാരാത്ര്യാം വീരരാത്ര്യാമപി പ്രിയേ ॥ ൪൩॥
മഹാരാത്ര്യാം ചതുര്ദശ്യാമഷ്ടമ്യാം സംക്രമേഽപി വാ ।
കുഹൂപൂര്ണേന്ദുശുക്രേഷു ഭൌമാമായാം നിശാമുഖേ ॥ ൪൪॥
നവമ്യാം മങ്ഗലദിനേ തഥാ കുലതിഥൌ ശിവൈ ।
കുലക്ഷേത്രേ പ്രയത്നേന പഠേന്നാമസഹസ്രകമ് ॥ ൪൫॥
സുദര്ശനോ ഭവേദാശു കിന്നരീസിദ്ധിഭാഗ്ഭവേത് ।
പശ്മിമാഭിമുഖം ലിങ്ഗം വൃഷശൂന്യം പുരാതനമ് ॥ ൪൬॥
തത്ര സ്ഥിത്വാ ജപേത് സ്തോത്രം സര്വകാമാപ്തയേ ശിവേ ।
ഭൌമവാരേ നിശീഥേ വാ അമാവസ്യാദിനേ ശുഭേ ॥ ൪൭॥
മാഷഭക്തബലിം ഛാഗം കൃസരാന്നം ച പായസമ് ।
ദഗ്ധമീനം ശോണിതഞ്ച ദധി ദുഗ്ധ ഗുഡാര്ദ്രകമ് ॥ ൪൮॥
ബലിം ദത്വാ ജപേത് തത്ര ത്വഷ്ടോത്തരസഹസ്രകമ് ।
ദേവ-ഗന്ധര്വ-സിദ്ധൌധൈഃ സേവിതാം സുരസുന്ദരീമ് ॥ ൪൯॥
ലഭേദ്ദേവേശി മാസേന തസ്യ ചാസന സംഹതിഃ ।
ഹസ്തത്രയം ഭവേദൂര്ധ്വം നാത്ര കാര്യാ വിചാരണാ ॥ ൫൦॥
ഹേലയാ ലീലയാ ഭക്ത്യാ കാലീം സ്തൌതി നരസ്തു യഃ ।
ബ്രഹ്മാദീംസ്സതമ്ഭയേദ്ദേവി മാഹേശീം മോഹയേത്ക്ഷണാത് ॥ ൫൧॥
ആകര്ഷയേന്മഹാവിദ്യാം ദശപൂര്വാന് ത്രിയാമതഃ ।
കുര്വീത വിഷ്ണുനിര്മ്മാണം യമാദീനാം തു മാരണമ് ॥ ൫൨॥
ധ്രുവമുച്ചാടയേന്നൂനം സൃഷ്ടിനൂതനതാം നരഃ ।
മേഷമാഹിഷമാര്ജാരഖരച്ഛാഗനരാദികൈഃ ॥ ൫൩॥
ഖങ്ഗിശൂകരകാപോതൈഷ്ടിട്ടിഭൈഃ ശശകൈഃ പലൈഃ ।
ശോണിതൈഃ സാസ്ഥിമാംസൈശ്ച കാരണ്ഡൈര്ദുഗ്ധപായസൈഃ ॥ ൫൪॥
കാദമ്ബരീസിന്ധുമദ്യൈഃ സുരാരിഷ്ടൈശ്ച സാസവൈഃ ।
യോനിക്ഷാലിതതോയൈശ്ച യോനിലിങ്ഗാമൃതൈരപി ॥ ൫൫॥
സ്വജാതകുസുമൈഃ പൂജ്യാ ജപാന്തേ തര്പയേച്ഛിവാമ് ।
സര്വസാമ്രാജ്യനാമ്നാ തു സ്തുത്വാ നത്വാ സ്വശക്തിതഃ ॥ ൫൬॥
ശക്ത്യാ ലഭന് പഠേത് സ്തോത്രം കാലീരൂപോ ദിനത്രയാത് ।
ദക്ഷിണാകാലികാ തസ്യ ഗേഹേ തിഷ്ഠതി നാന്യഥാ ॥ ൫൭॥
വേശ്യാലതാഗൃഹേ ഗത്വാ തസ്യാശ്ചുമ്ബനതത്പരഃ ।
തസ്യാ യോനൌ മുഖം ദത്വാ തദ്രസം വിലിഹഞ്ജപേത് ॥ ൫൮॥
തദന്തേ നാമ സാഹസ്രം പഠേദ്ഭക്തിപരായണഃ ।
കാലികാദര്ശനം തസ്യ ഭവേദ്ദേവി ത്രിയാമതഃ ॥ ൫൯॥
നൃത്യപാത്രഗൃഹേ ഗത്വാ മകാരപഞ്ചകാന്വിതഃ ।
പ്രസൂനമഞ്ചേ സംസ്ഥാപ്യ ശക്തിന്യാസപരായണഃ ॥ ൬൦॥
പാത്രാണാം സാധനം കൃത്വാ ദിഗ്വസ്ത്രാം താം സമാചരേത് ।
സമ്ഭാവ്യ ചക്രം തന്മൂലേ തത്ര സാവരണാം ജപേത് ॥ ൬൧॥
ശതം ഭാലേ ശതം കേശേ ശതം സിന്ദൂരമണ്ഡലേ ।
ശതത്രയം കുചദ്വന്ദ്വേ ശതം നാഭൌ മഹേശ്വരി ॥ ൬൨॥
ശതം യോനൌ മഹേശാനി സംയോഗേ ച ശതത്രയമ് ।
ജപേത്തത്ര മഹേശാനി തദന്തേ പ്രപഠേത്സ്തവമ് ॥ ൬൩॥
ശതാവധാനോ ഭവതി മാസമാത്രേണ സാധകഃ ।
മാതങ്ഗിനീം സമാനീയ കിം വാ കാപാലിനീം ശിവേ ॥ ൬൪॥
ദന്തമാലാ ജപേ കാര്യാ ഗലേ ധാര്യാ നൃമുണ്ഡജാ ।
നേത്രപദ്മേ യോനിചക്രം ശക്തിചക്രം സ്വവക്ത്രകേ ॥ ൬൫॥
കൃത്വാ ജപേന്മഹേശാനി മുണ്ഡയന്ത്രം പ്രപൂജയേത് ।
മുണ്ഡാസനസ്ഥിതോ വീരോ മകാരപഞ്ചകാന്വിതഃ ॥ ൬൬॥
അന്യാമാലിങ്ഗയ പ്രജപേദന്യാം സഞ്ചുമ്ബ്യ വൈ പഠേത് ।
അന്യാം സമ്പൂജയേത്തത്ര ത്വന്യാം സമ്മര്ദ്ദയന് ജപേത് ॥ ൬൭॥
അന്യയോനൌ ശിവം ദത്വാ പുനഃ പൂര്വവദാചരേത് ।
അവധാനസഹസ്രേഷു ശക്തിപാതശതേഷു ച ॥ ൬൮॥
രാജാ ഭവതി ദേവേശി മാസപഞ്ചകയോഗതഃ ।
യവനീശക്തിമാനീയ ഗാനശക്തിപരായണമ് ॥ ൬൯॥
കുലാചാരമതേനൈവ തസ്യാ യോനിം വികാസയേത് ।
തത്ര പ്രദായ ജിഹ്വാം തു ജപേന്നാമസഹസ്രകമ് ॥ ൭൦॥
നൃകപാലേ തത്ര ദീപം ജപേത്പ്രജ്വാല്യ യത്നതഃ ।
മഹാകവിവരോ ഭൂയാന്നാത്ര കാര്യാ വിചാരണാ ॥ ൭൧॥
കാമാര്താം ശക്തിമാനീയ യോനൌ തു മൂലചക്രകമ് ।
വിലിഖ്യ പരമേശാനി തത്ര മന്ത്രം ലിഖേച്ഛിവേ ॥ ൭൨॥
തല്ലിഹന് പ്രജപേദ്ദേവി സര്വശാസ്ത്രാര്ഥതത്വവിത് ।
അശ്രുതാനി ച ശാസ്ത്രാണി വേദാദീന് പാഠയേദ് ധ്രുവമ് ॥ ൭൩॥
വിനാ ന്യാസൈര്വിനാ പാഠൈര്വിനാധ്യാനാദിഭിഃ പ്രിയേ ।
ചതുര്വേദാധിപോ ഭൂത്വാ ത്രികാലജ്ഞസ്ത്രിവര്ഷതഃ ॥ ൭൪॥
ചതുര്വിധം ച പാണ്ഡിത്യം തസ്യ ഹസ്തഗതം ക്ഷണാത് ।
ശിവാബലിഃ പ്രദാതവ്യഃ സര്വദാ ശൂന്യമണ്ഡലേ ॥ ൭൫॥
കാലീധ്യാനം മന്ത്രര്ചിതാ നീലസാധനമേവ ച ।
സഹസ്രനാമപാഠശ്ച കാലീനാമപ്രകീര്തനമ് ॥ ൭൬॥
ഭക്തസ്യ കാര്യമേതാവദന്യദഭ്യുദയം വിദുഃ ।
വീരസാധനകം കര്മ ശിവാപൂജാ ബലിസ്തഥാ ॥ ൭൭॥
സിന്ദൂരതിലകോ ദേവി വേശ്യാലാപോ നിരന്തരമ് ।
വേശ്യാഗൃഹേ നിശാചാരോ രാത്രൌ പര്യടനം തഥാ ॥ ൭൮॥
ശക്തിപൂജാ യോനിദൃഷ്ടിഃ ഖങ്ഗഹസ്തോ ദിഗമ്ബരഃ ।
മുക്തകേശോ വീരവേഷഃ കുലമൂര്തിധരോ നരഃ ॥ ൭൯॥
കാലീഭക്തോ ഭവേദ്ദേവി നാന്യഥാ ക്ഷേമമാപ്നുയാത് ।
ദുഗ്ധാസ്വാദീ യോനിലേഹീ സംവിദാസവഘൂര്ണിതഃ ॥ ൮൦॥
വേശ്യാലതാസമായോഗാന്മാസാത്കല്പലതാ സ്വയമ് ।
വേശ്യാചക്രസമായോഗാത്കാലീചക്രസമഃ സ്വയമ് ॥ ൮൧॥
വേശ്യാദേഹസമായോഗാത് കാലീദേഹസമഃ സ്വയമ് ।
വേശ്യാമധ്യഗതം വീരം കദാ പശ്യാമി സാധകമ് ॥ ൮൨॥
ഏവം വദതി സാ കാലീ തസ്മാദ്വേശ്യാ വരാ മതാ ।
വേശ്യാ കന്യാ തഥാ പീഠജാതിഭേദകുലക്രമാത് ॥ ൮൩॥
അകുലക്രമഭേദേന ജ്ഞാത്വാ ചാപി കുമാരികാമ് ।
കുമാരീം പൂജയേദ്ഭക്ത്യാ ജപാന്തേ ഭവനേ പ്രിയേ ॥ ൮൪॥
പഠേന്നാമസഹസ്രം യഃ കാലീദര്ശനഭാഗ് ഭവേത് ।
ഭക്ത്യാ കുമാരീം സമ്പൂജ്യ വൈശ്യാകുല സമുദ്ഭവാമ് ॥ ൮൫॥
വസ്ത്ര ഹേമാദിഭിസ്തോഷ്യാ യത്നാത്സ്തോത്രം പഠേച്ഛിവേ ।
ത്രൈലോക്യ വിജയീ ഭൂയാദ്ദിവാ ചന്ദ്രപ്രകാശകഃ ॥ ൮൬॥
യദ്യദ്ദത്തം കുമാര്യൈ തു തദനന്തഫലം ഭവേത് ।
കുമാരീപൂജനഫലം മയാ വക്തും ന ശക്യതേ ॥ ൮൭॥
ചാഞ്ചല്യാദ്ദുരിതം കിഞ്ചിത്ക്ഷമ്യതാമയമഞ്ജലിഃ ।
ഏകാ ചേത്പൂജിതാ ബാലാ ദ്വിതീയാ പൂജിതാ ഭവേത് ॥ ൮൮॥
കുമാര്യഃ ശക്തയശ്ചൈവ സര്വമേതചരാചരമ് ।
ശക്തിമാനീയ തദ്ഗാത്രേ ന്യാസജാലം പ്രവിന്യസേത് ॥ ൮൯॥
വാമഭാഗേ ച സംസ്ഥാപ്യ ജപേന്നാമസഹസ്രകമ് ।
സര്വസിദ്ധീശ്വരോ ഭൂയാന്നാത്ര കാര്യ്യാ വിചാരണാ ॥ ൯൦॥
ശ്മശാനസ്ഥോ ഭവേത്സ്വസ്ഥോ ഗലിതം ചികുരം ചരേത് ।
ദിഗമ്ബരഃ സഹസ്രം ച സൂര്യപുഷ്പം സമാനയേത് ॥ ൯൧॥
സ്വവീര്യേണ പ്ലുതം കൃത്വാ പ്രത്യേകം പ്രജപന് ഹുനേത് ।
പൂജ്യ ധ്യാത്വാ മഹാഭക്ത്യാ ക്ഷമാപാലോ നരഃ പഠേത് ॥ ൯൨॥
നഖം കേശം സ്വവീര്യം ച യദ്യത്സമ്മാര്ജനീഗതമ് ।
മുക്തകേശോ ദിശാവാസോ മൂലമന്ത്രപുരഃസരഃ ॥ ൯൩॥
കുജവാരേ മധ്യരാത്രേ ഹോമം കൃത്വാ ശ്മശാനകേ ।
പഠേന്നാമസഹസ്രം യഃ പൃഥ്വീശാകര്ഷകോ ഭവേത് ॥ ൯൪॥
പുഷ്പയുക്തേ ഭഗേ ദേവി സംയോഗാനന്ദതത്പരഃ ।
പുനശ്ചികുരമാസാദ്യ മൂലമന്ത്രം ജപന് ശിവേ ॥ ൯൫॥
ചിതാവഹ്നൌ മധ്യരാത്രേ വീര്യമുത്സാര്യ യത്നതഃ ।
കാലികാം പൂജയേത്തത്ര പഠേന്നാമ സഹസ്രകമ് ॥ ൯൬॥
പൃഥ്വീശാകര്ഷണം കുര്യാന്നാത്ര കാര്യാ വിചാരണാ ।
കദലീ വനമാസാദ്യ ലക്ഷമന്ത്രം ജപേന്നരഃ ॥ ൯൭॥
മധുമത്യാ സ്വയം ദേവ്യാ സേവ്യമാനഃ സ്മരോപമഃ ।
ശ്രീമധുമതീത്യുക്ത്വാ തഥാ സ്ഥാവരജങ്ഗമാന് ॥ ൯൮॥
ആകര്ഷിണീം സമുച്ചാര്യ ഠംഠം സ്വാഹാ സമുച്ചരേത് ।
ത്രൈലോക്യാകര്ഷിണീ വിദ്യാ തസ്യ ഹസ്തേ സദാ ഭവേത് ॥ ൯൯॥
നദീം പുരീം ച രത്നാനി ഹേമസ്ത്രീശൈലഭൂരുഹാന് ।
ആകര്ഷയത്യമ്ബുനിധിം സുമേരും ച ദിഗന്തതഃ ॥ ൧൦൦॥
അലഭ്യാനി ച വസ്തൂനി ദൂരാദ്ഭൂമിതലാദപി ।
വൃത്താന്തം ച സുരസ്ഥാനാദ്രഹസ്യേ വിദുഷാമപി ॥ ൧൦൧॥
രാജ്ഞാം ച കഥയത്യേഷാ സത്യം സത്വരമാദിശേത് ।
ദ്വിതീയവര്ഷപാഠേന ഭവേത്പദ്മാവതീ ശുഭാ ॥ ൧൦൨॥
ഓം ഹ്രീംപദ്മാവതി പദം തതസ്ത്രൈലോക്യനാമ ച ।
വാര്താം ച കഥയ ദ്വന്ദ്വം സ്വാഹാന്തോ മന്ത്ര ഈരിതഃ ॥ ൧൦൩॥
ബ്രഹ്മവിഷ്ണ്വാദികാനാം ച ത്രൈലോക്യേ യാദൃശീ ഭവേത് ।
സര്വ വദതി ദേവേശീ ത്രികാലജ്ഞഃ കവിശ്ശുഭഃ ॥ ൧൦൪॥
ത്രിവര്ഷം സമ്പഠന്ദേവി ലഭേദ്ഭോഗവതീം കലാമ് ।
മഹാകാലേന ദൃഷ്ടോഽപി ചിതാമധ്യഗതോഽപി വാ ॥ ൧൦൫॥
തസ്യാ ദര്ശനമാത്രേണ ചിരഞ്ജീവീ നരോ ഭവേത് ।
മൃതസഞ്ജീവിനീത്യുക്ത്വാ മൃതമുത്ഥാപയ ദ്വയമ് ॥ ൧൦൬॥
സ്വാഹാന്തോ മനുരാഖ്യാതോ മൃതസഞ്ജീവനാത്മകഃ ।
ചതുര്വര്ഷം പഠേദ്യസ്തു സ്വപ്നസിദ്ധിസ്തതോ ഭവേത് ॥ ൧൦൭॥
ഓം ഹ്രീം സ്വപ്നവാരാഹി കാലിസ്വപ്നേ കഥയോച്ചരേത് ।
അമുകസ്യാഽമുകം ദേഹി ക്ലീം സ്വാഹാന്തോ മനുര്മതഃ ॥ ൧൦൮॥
സ്വപ്നസിദ്ധാ ചതുര്വര്ഷാത്തസ്യ സ്വപ്നേ സദാ സ്ഥിതാ ।
ചതുര്വര്ഷസ്യ പാഠേന ചതുര്വേദാധിപോ ഭവേത് ॥ ൧൦൯॥
തദ്ധസ്തജലസംയോഗാന്മൂര്ഖഃ കാവ്യം കരോതി ച ।
തസ്യ വാക്യപരിചയാന്മൂര്തിര്വിന്ദതി കാവ്യതാമ് ॥ ൧൧൦॥
മസ്തകേ തു കരം കൃത്വാ വദ വാണീമിതി ബ്രുവന് ।
സാധകോ വാഞ്ഛയാ കുര്യാത്തത്തഥൈവ ഭവിഷ്യതി ॥ ൧൧൧॥
ബ്രഹ്മാണ്ഡഗോലകേ യാശ്ച യാഃ കാശ്ചിജ്ജഗതീതലേ ।
സമസ്താഃ സിദ്ധയോ ദേവി കരാമലകവത്സദാ ॥ ൧൧൨॥
സാധകസ്മൃതിമാത്രേണ യാവന്ത്യഃ സന്തി സിദ്ധയഃ ।
സ്വയമായാന്തി പുരതോ ജപാദീനാം തു കാ കഥാ ॥ ൧൧൩॥
വിദേശവര്തിനോ ഭൂത്വാ വര്തന്തേ ചേടകാ ഇവ ।
അമായാം ചന്ദ്രസന്ദര്ശശ്ചന്ദ്രഗ്രഹണമേവ ച ॥ ൧൧൪॥
അഷ്ടമ്യാം പൂര്ണചന്ദ്രത്വം ചന്ദ്രസൂര്യാഷ്ടകം തഥാ ।
അഷ്ടദിക്ഷു തഥാഷ്ടൌ ച കരോത്യേവ മഹേശ്വരി ॥ ൧൧൫॥
അണിമാ ഖേചരത്വം ച ചരാചരപുരീഗതമ് ।
പാദുകാഖങ്ഗവേതാലയക്ഷിണീഗുഹ്യകാദയഃ ॥ ൧൧൬॥
തിലകോഗുപ്തതാദൃശ്യം ചരാചരകഥാനകമ് ।
മൃതസഞ്ജീവിനീസിദ്ധിര്ഗുടികാ ച രസായനമ് ॥ ൧൧൭॥
ഉഡ്ഡീനസിദ്ധിര്ദേവേശി ഷഷ്ടിസിദ്ധീശ്വരത്വകമ് ।
തസ്യ ഹസ്തേ വസേദ്ദേവി നാത്ര കാര്യാ വിചാരണാ ॥ ൧൧൮॥
കേതൌ വാ ദുന്ദുഭൌ വസ്ത്രേ വിതാനേ വേഷ്ടനേഗൃഹേ ।
ഭിത്തൌ ച ഫലകേ ദേവി ലേഖ്യം പൂജ്യം ച യത്നതഃ ॥ ൧൧൯॥
മധ്യേ ചക്രം ദശാങ്ഗോക്തം പരിതോ നാമലേഖനമ് ।
തദ്ധാരണാന്മഹേശാനി ത്രൈലോക്യവിജയീ ഭവേത് ॥ ൧൨൦॥
ഏകോ ഹി ശതസാഹസ്രം നിര്ജിത്യ ച രണാങ്ഗണേ ।
പുനരായാതി ച സുഖം സ്വഗൃഹം പ്രതി പാര്വതീ ॥ ൧൨൧॥
ഏകോ ഹി ശതസന്ദര്ശീ ലോകാനാം ഭവതി ധ്രുവമ് ।
കലശം സ്ഥാപ്യ യത്നേന നാമസാഹസ്രകം പഠേത് ॥ ൧൨൨॥
സേകഃ കാര്യോ മഹേശാനി സര്വാപത്തിനിവാരണേ ।
ഭൂതപ്രേതഗ്രഹാദീനാം രാക്ഷസാം ബ്രഹ്മരാക്ഷസാമ് ॥ ൧൨൩॥
വേതാലാനാം ഭൈരവാണാം സ്കന്ദവൈനായകാദികാന് ।
നാശയേത് ക്ഷണമാത്രേണ നാത്ര കാര്യാ വിചാരണാ ॥ ൧൨൪॥
ഭസ്മഭിര്മന്ത്രിതം കൃത്വാ ഗ്രഹഗ്രസ്തം വിലേപയേത് ।
ഭസ്മസംക്ഷേപണാദേവ സര്വഗ്രഹവിനാശനമ് ॥ ൧൨൫॥
നവനീതം ചാഭിമന്ത്ര്യ സ്ത്രീഭ്യോ ദദ്യാന്മഹേശ്വരി ।
വന്ധ്യാ പുത്രപ്രദാം ദേവി നാത്ര കാര്യാ വിചാരണാ ॥ ൧൨൬॥
കണ്ഠേ വാ വാമബാഹൌ വാ യോനൌ വാ ധാരണാച്ഛിവേ ।
ബഹുപുത്രവതീ നാരീ സുഭഗാ ജായതേ ധ്രുവമ് ॥ ൧൨൭॥
പുരുഷോ ദക്ഷിണാങ്ഗേ തു ധാരയേത്സര്വസിദ്ധയേ ।
ബലവാന്കീര്തിമാന ധന്യോധാര്മികഃ സാധകഃ കൃതീ ॥ ൧൨൮॥
ബഹുപുത്രീ രഥാനാം ച ഗജാനാമധിപഃ സുധീഃ ।
കാമിനീകര്ഷണോദ്യുക്തഃ ക്രീം ച ദക്ഷിണകാലികേ ॥ ൧൨൯॥
ക്രീം സ്വാഹാ പ്രജപേന്മന്ത്രമയുതം നാമപാഠകഃ ।
ആകര്ഷണം ചരേദ്ദേവി ജലഖേചരഭൂഗതാന് ॥ ൧൩൦॥
വശീകരണകാമോ ഹി ഹൂँ ഹൂँ ഹ്രീം ഹ്രീം ച ദക്ഷിണേ ।
കാലികേ പൂര്വബീജാനി പൂര്വവത്പ്രജപന് പഠേത് ॥ ൧൩൧॥
ഉര്വശീമപി വസയേന്നാത്ര കാര്യാ വിചാരണാ ।
ക്രീം ച ദക്ഷിണകാലികേ സ്വാഹാ യുക്തം ജപേന്നരഃ ॥ ൧൩൨॥
പഠേന്നാമസഹസ്രം തു ത്രൈലോക്യം മാരയേദ്ധ്രുവമ് ।
സദ്ഭക്തായ പ്രദാതവ്യാ വിദ്യാ രാജ്ഞി ശുഭേ ദിനേ ॥ ൧൩൩॥
സദ്വിനീതായ ശാന്തായ ദാന്തായാതിഗുണായ ച ।
ഭക്തായ ജ്യേഷ്ഠപുത്രായ ഗുരുഭക്തിപരായ ച ॥ ൧൩൪॥
വൈഷ്ണവായ പ്രശുദ്ധായ ശിവാബലിരതായ ച ।
വേശ്യാപൂജനയുക്തായ കുമാരീപൂജകായ ച ॥ ൧൩൫॥
ദുര്ഗാഭക്തായ രൌദ്രായ മഹാകാലപ്രജാപിനേ ।
അദ്വൈതഭാവയുക്തായ കാലീഭക്തിപരായ ച ॥ ൧൩൬॥
ദേയം സഹസ്രനാമാഖ്യം സ്വയം കാല്യാ പ്രകാശിതമ് ।
ഗുരുദൈവതമന്ത്രാണാം മഹേശസ്യാപി പാര്വതി ॥ ൧൩൭॥
അഭേദേന സ്മരേന്മന്ത്രം സ ശിവഃ സ ഗണാധിപഃ ।
യോ മന്ത്രം ഭാവയേന്മന്ത്രീ സ ശിവോ നാത്ര സംശയഃ ॥ ൧൩൮॥
സ ശാക്തോ വൈഷ്ണവസ്സൌരഃ സ ഏവം പൂര്ണദീക്ഷിതഃ ।
അയോഗ്യായ ന ദാതവ്യം സിദ്ധിരോധഃ പ്രജായതേ ॥ ൧൩൯॥
വേശ്യാസ്ത്രീനിന്ദകായാഥ സുരാസംവിത്പ്രനിന്ദകേ ।
സുരാമുഖോ മനും സ്മൃത്വാ സുരാചാര്യോ ഭവിഷ്യതി ॥ ൧൪൦॥
വാഗ്ദേവതാ ഘോരേ ആസാപരഘാരേ ച ഹൂँ വദേത് ।
ഘോരരൂപേ മഹാഘോരേ മുഖീഭീമപദം വദേത് ॥ ൧൪൧॥
ഭീഷണ്യമുഷ്യഷഷ്ഠ്യന്തം ഹേതുര്വാമയുഗേ ശിവേ ।
ശിവവഹ്നിയുഗാസ്ത്രം ഹൂँ ഹൂँ കവചമനുര്ഭവേത് ॥ ൧൪൨॥
ഏതസ്യ സ്മരണാദേവ ദുഷ്ടാനാം ച മുഖേ സുരാ ।
അവതീര്ണാ ഭവദ്ദേവി ദുഷ്ടാനാം ഭദ്രനാശിനീ ॥ ൧൪൩॥
ഖലായ പരതന്ത്രായ പരനിന്ദാപരായ ച ।
ഭ്രഷ്ടായ ദുഷ്ടസത്വായ പരവാദരതായ ച ॥ ൧൪൪॥
ശിവാഭക്തായ ദുഷ്ടായ പരദാരരതായ ച ।
ന സ്തോത്രം ദര്ശയേദ്ദേവി ശിവഹത്യാകരോ ഭവേത് ॥ ൧൪൫॥
കാലികാനന്ദഹൃദയഃ കാലികാഭക്തിമാനസഃ ।
കാലീഭക്തോ ഭവേത്സോഽയം ധന്യരൂപഃ സ ഏവ തു ॥ ൧൪൬॥
കലൌ കാലീ കലൌ കാലീ കലൌ കാലീ വരപ്രദാ ।
കലൌ കാലീ കലൌ കാലീ കലൌ കാലീ തു കേവലാ ॥ ൧൪൭॥
ബില്വപത്രസഹസ്രാണി കരവീരാണി വൈ തഥാ ।
പ്രതിനാമ്നാ പൂജയേദ്ധി തേന കാലീ വരപ്രദാ ॥ ൧൪൮॥
കമലാനാം സഹസ്രം തു പ്രതിനാമ്നാ സമര്പയേത് ।
ചക്രം സമ്പൂജ്യ ദേവേശി കാലികാവരമാപ്നുയാത് ॥ ൧൪൯॥
മന്ത്രക്ഷോഭയുതോ നൈവ കലശസ്ഥജലേന ച ।
നാമ്നാ പ്രസേചയേദ്ദേവി സര്വക്ഷോഭവിനാശകൃത് ॥ ൧൫൦॥
തഥാ ദമനകം ദേവി സഹസ്രമാഹരേദ്വ്രതീ ।
സഹസ്രനാമ്നാ സമ്പൂജ്യ കാലീവരമവാപ്നുയാത് ॥ ൧൫൧॥
ചക്രം വിലിഖ്യ ദേഹസ്ഥം ധാരയേത്കാലികാതനുഃ ।
കാല്യൈ നിവേദിതം യദ്യത്തദംശം ഭക്ഷയേച്ഛിവേ ॥ ൧൫൨॥
ദിവ്യദേഹധരോ ഭൂത്വാ കാലീദേഹേ സ്ഥിതോ ഭവേത് ।
നൈവേദ്യനിന്ദകാന് ദുഷ്ടാന് ദൃഷ്ട്വാ നൃത്യന്തി ഭൈരവാ ॥ ൧൫൩॥
യോഗിന്യശ്ച മഹാവീരാ രക്തപാനോദ്യതാഃ പ്രിയേ ।
മാംസാസ്ഥിചര്മണോദ്യുക്താ ഭക്ഷയന്തി ന സംശയഃ ॥ ൧൫൪॥
തസ്മാന്ന നിന്ദയേദ്ദേവി മനസാ കര്മണാ ഗിരാ ।
അന്യഥാ കുരുതേ യസ്തു തസ്യ നാശോ ഭവിഷ്യതി ॥ ൧൫൫॥
ക്രമദീക്ഷായുതാനാം ച സിദ്ധിര്ഭവതി നാന്യഥാ ।
മന്ത്രക്ഷോഭശ്ച വാ ഭൂയാത് ക്ഷീണായുര്വാ ഭവേദ്ധ്രുവമ് ॥ ൧൫൬॥
പുത്രഹാരീ സ്ത്രിയോഹാരീ രാജ്യഹാരീ ഭവേദ്ധ്രുവമ് ।
ക്രമദീക്ഷായുതോ ദേവി ക്രമാദ്രാജ്യമവാപ്നുയാത് ॥ ൧൫൭॥
ഏകവാരം പഠേദ്ദേവി സര്വപാപവിനാശനമ് ।
ദ്വിവാരം ച പഠേദ്യോ ഹി വാഞ്ഛാം വിന്ദതി നിത്യശഃ ॥ ൧൫൮॥
ത്രിവാരം ച പഠേദ്യസ്തു വാഗീശസമതാം വ്രജേത് ।
ചതുര്വാരം പഠേദ്ദേവി ചതുര്വര്ണാധിപോ ഭവേത് ॥ ൧൫൯॥
പഞ്ചവാരം പഠേദ്ദേവി പഞ്ചകാമാധിപോ ഭവേത് ।
ഷഡ്വാരം ച പഠേദ്ദേവി ഷഡൈശ്വര്യാധിപോ ഭവേത് ॥ ൧൬൦॥
സപ്തവാരം പഠേത്സപ്തകാമനാം ചിന്തിതം ലഭേത് ।
വസുവാരം പഠേദ്ദേവി ദിഗീശോ ഭവതി ധ്രുവമ് ॥ ൧൬൧॥
നവവാരം പഠേദ്ദേവി നവനാഥസമോ ഭവേത് ।
ദശവാരം കീര്ത്തയേദ്യോ ദശാര്ഹഃ ഖേചരേശ്വരഃ ॥ ൧൬൨॥
വിംശതിവാരം കീര്തയേദ്യഃ സര്വൈശ്വര്യമയോ ഭവേത് ।
പഞ്ചവിംശതിവാരൈസ്തു സര്വചിന്താവിനാശകഃ ॥ ൧൬൩॥
പഞ്ചാശദ്വാരമാവര്ത്യ പഞ്ചഭൂതേശ്വരോ ഭവേത് ।
ശതവാരം കീര്ത്തയേദ്യഃ ശതാനനസമാനധീഃ ॥ ൧൬൪॥
ശതപഞ്ചകമാവര്ത്യ രാജരാജേശ്വരോ ഭവേത് ।
സഹസ്രാവര്തനാദ്ദേവി ലക്ഷ്മീരാവൃണുതേ സ്വയമ് ॥ ൧൬൫॥
ത്രിസഹസ്രം സമാവര്ത്യ ത്രിനേത്രസദൃശോ ഭവേത് ।
പഞ്ച സാഹസ്രമാവര്ത്യ കാമകോടി വിമോഹനഃ ॥ ൧൬൬॥
ദശസാഹസ്രമാവര്ത്യ ഭവേദ്ദശമുഖേശ്വരഃ ।
പഞ്ചവിംശതിസാഹസ്രൈ ച ചതുര്വിംശതിസിദ്ധിധൃക് ॥ ൧൬൭॥
ലക്ഷാവര്തനമാത്രേണ ലക്ഷ്മീപതിസമോ ഭവേത് ।
ലക്ഷത്രയാവര്ത്തനാത്തു മഹാദേവം വിജേഷ്യതി ॥ ൧൬൮॥
ലക്ഷപഞ്ചകമാവര്ത്യ കലാപഞ്ചകസംയുതഃ ।
ദശലക്ഷാവര്ത്തനാത്തു ദശവിദ്യാപ്തിരുത്തമാ ॥ ൧൬൯॥
പഞ്ചവിംശതിലക്ഷൈസ്തു ദശവിദ്യേശ്വരോ ഭവേത് ।
പഞ്ചാശല്ലക്ഷമാവൃത്യ മഹാകാലസമോ ഭവേത് ॥ ൧൭൦॥
കോടിമാവര്ത്തയേദ്യസ്തു കാലീം പശ്യതി ചക്ഷുഷാ ।
വരദാനോദ്യുക്തകരാം മഹാകാലസമന്വിതാമ് ॥ ൧൭൧॥
പ്രത്യക്ഷം പശ്യതി ശിവേ തസ്യാ ദേഹോ ഭവേദ്ധ്രുവമ് ।
ശ്രീവിദ്യാകാലികാതാരാത്രിശക്തിവിജയീ ഭവേത് ॥ ൧൭൨॥
വിധേര്ലിപിം ച സമ്മാര്ജ്യ കിങ്കരത്വം വിസൃജ്യ ച ।
മഹാരാജ്യമവാപ്നോതി നാത്ര കാര്യാ വിചാരണാ ॥ ൧൭൩॥
ത്രിശക്തിവിഷയേ ദേവിക്രമദീക്ഷാ പ്രകീര്തിതാ ।
ക്രമദീക്ഷായുതോ ദേവി രാജാ ഭവതി നിശ്ചിതമ് ॥ ൧൭൪॥
ക്രമദീക്ഷാവിഹീനസ്യ ഫലം പൂര്വമിഹേരിതമ് ।
ക്രമദീക്ഷായുതോ ദേവി ശിവ ഏവ ന ചാപരഃ ॥ ൧൭൫॥
ക്രമദീക്ഷാസമായുക്തഃ കാല്യുക്തസിദ്ധിഭാഗ്ഭവേത് ।
ക്രമദീക്ഷാവിഹീനസ്യ സിദ്ധിഹാനിഃ പദേ പദേ ॥ ൧൭൬॥
അഹോ ജന്മവതാം മധ്യേ ധന്യഃ ക്രമയുതഃ കലൌ ।
തത്രാപി ധന്യോ ദേവേശി നാമസാഹസ്രപാഠകഃ ॥ ൧൭൭॥
ദശകാലീവിദ്യൌ ദേവി സ്തോത്രമേതത്സദാ പഠേത് ।
സിദ്ധിം വിന്ദതി ദേവേശി നാത്ര കാര്യാ വിചാരണാ ॥ ൧൭൮॥
കാകീ കാലീ മഹാവിദ്യാ കലൌ കാലീ ച സിദ്ധിദാ ।
കലൌ കാലീ ച സിദ്ധാ ച കലൌ കാലീ വരപ്രദാ ॥ ൧൭൯॥
കലൌ കാലീ സാധകസ്യ ദര്ശനാര്ഥം സമുദ്യതാ ।
കലൌ കാലീ കേവലാ സ്യാന്നാത്ര കാര്യാ വിചാരണാ ॥ ൧൮൦॥
നാന്യവിദ്യാ നാന്യവിദ്യാ നാന്യവിദ്യാ കലൌ ഭവേത് ।
കലൌ കാലീം വിഹായാഥ യഃ കശ്ചിത്സിദ്ധികാമുകഃ ॥ ൧൮൧॥
സ തു ശക്തിം വിനാ ദേവി രതിസമ്ഭോഗമിച്ഛതി ।
കലൌ കാലീം വിനാ ദേവി യഃ കശ്ചിത്സിദ്ധിമിച്ഛതി ॥ ൧൮൨॥
സ നീലസാധനം ത്യക്ത്വാ പരിഭ്രമതി സര്വതഃ ।
കലൌ കാലീ വിഹായാഥ യഃ കശ്ചിന്മോക്ഷമിച്ഛതി ॥ ൧൮൩॥
ഗുരുധ്യാനം പരിത്യജ്യ സിദ്ധിമിച്ഛതി സാധകഃ ।
കലൌ കാലീ വിഹായാഥ യഃ കശ്ചിദ്രാജ്യമിച്ഛതി ॥ ൧൮൪॥
സ ഭോജന പരിത്യജ്യ ഭിക്ഷുവൃത്തിമഭീപ്സതി ।
സ ധന്യഃ സ ച വിജ്ഞാനീ സ ഏവ സുരപൂജിതഃ ॥ ൧൮൫॥
സ ദീക്ഷിതഃ സുഖീ സാധുഃ സത്യവാദീ ജിതേന്ദ്രിയഃ ।
സ വേദവക്താ സ്വാധ്യായീ നാത്ര കാര്യാ വിചാരണാ ॥ ൧൮൬॥
ശിവരൂപം ഗുരും ധ്യാത്വാ ശിവരൂപം ഗുരും സ്മരേത് ।
സദാശിവഃ സ ഏവ സ്യാനാത്ര കാര്യാ വിചാരണാ ॥ ൧൮൭॥
സ്വസ്മിന് കാലീം തു സമ്ഭാവ്യ പൂജയേജ്ജഗദമ്ബികാമ് ।
ത്രൈലോക്യവിജയീ ഭൂയാന്നാത്ര കാര്യ്യാ വിചാരണാ ॥ ൧൮൮॥
ഗോപനീയം ഗോപനീയം ഗോപനീയം പ്രയത്നതഃ ।
രഹസ്യാതിരഹസ്യം ച രഹസ്യാതിരഹസ്യകമ് ॥ ൧൮൯॥
ശ്ലോകാര്ദ്ധം പാദമാത്രം വാ പാദാദര്ധം ച തദര്ധകമ് ।
നാമാര്ധം യഃ പഠേദ്ദേവി ന വന്ധ്യദിവസം ന്യസേത് ॥ ൧൯൦॥
പുസ്തകം പൂജയേദ്ഭക്ത്യാ ത്വരിതം ഫലസിദ്ധയേ ।
ന ച മാരീഭയം തത്ര ന ചാഗ്നിര്വായുസമ്ഭവമ് ॥ ൧൯൧॥
ന ഭൂതാദിഭയം തത്ര സര്വത്ര സുഖമേധതേ ।
കുങ്കുമാഽലക്തകേനൈവ രോചനാഽഗരുയോഗതഃ ॥ ൧൯൨॥
ഭൂര്ജപത്രേ ലിഖേത് പുസ്തം സര്വകാമാര്ഥസിദ്ധയേ ।
ഇതി സംക്ഷേപതഃ പ്രോക്തം കിമന്യച്ഛ്രോതുമിച്ഛസി ॥ ൧൯൩॥
ഇതി ഗദിതമശേഷം കാലികാവര്ണരൂപം ।
പ്രപഠതി യദി ഭക്ത്യാ സര്വസിദ്ധീശ്വരഃ സ്യാത് ॥ ൧൯൪॥
അഭിനവസുഖകാമഃ സര്വവിദ്യാഭിരാമോ
ഭവതി സകലസിദ്ധിധഃ സര്വവീരാസമൃദ്ധിഃ ॥ ൧൯൫॥
॥ ഇതി ശ്രീമദാദിനാഥമഹാകാലവിരചിതായാം മഹാകാലസംഹിതായാം
കാലകാലീസംവാദേ സുന്ദരീശക്തിദാനാഖ്യം കാലീസ്വരൂപ
മേധാസാമ്രാജ്യപ്രദം സഹസ്രനാമസ്തോത്രം സമ്പൂര്ണമ് ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
ശ്രീ ഗണേശായ നമഃ ।
കൈലാസശിഖരേ രമ്യേ നാനാദേവഗണാവൃതേ ।
നാനാവൃക്ഷലതാകീര്ണേ നാനാപുഷ്പൈരലങ്കൃതേ ॥ ൧॥
ചതുര്മണ്ഡലസംയുക്തേ ശ്രൃങ്ഗാരമണ്ഡപേ സ്ഥിതേ ।
സമാധൌ സംസ്ഥിതം ശാന്തം ക്രീഡന്തം യോഗിനീപ്രിയമ് ॥ ൨॥
തത്ര മൌനധരം ദൃഷ്ട്വാ ദേവീ പൃച്ഛതി ശങ്കരമ് ।
ദേവ്യുവാച ।
കിം ത്വയാ ജപ്യതേ ദേവ കിം ത്വയാ സ്മര്യ്യതേ സദാ ॥ ൩॥
സൃഷ്ടിഃ കുത്ര വിലീനാസ്തി പുനഃ കുത്ര പ്രജായതേ ।
ബ്രഹ്മാണ്ഡകാരണം യത്തത് കിമാദ്യം കാരണം മഹത് ॥ ൪॥
മനോരഥമയീ സിദ്ധിസ്തഥാ വാഞ്ഛാമയീ ശിവ ।
തൃതീയാ കല്പനാസിദ്ധിഃ കോടിസിദ്ധീശ്വരാത്മകമ് ॥ ൫॥
ശക്തിപാതാഷ്ടദശകം ചരാചരപുരീഗതിഃ ।
മഹേന്ദ്രജാലമിന്ദ്രാദിജാലാനാം രചനാ തഥാ ॥ ൬॥
അണിമാദ്യഷ്ടകം ദേവ പരകായപ്രവേശനമ് ।
നവീനസൃഷ്ടികരണം സമുദ്രശോഷണം തഥാ ॥ ൭॥
അമായാം ചന്ദ്രസന്ദര്ശോ ദിവാ ചന്ദ്രപ്രകാശനമ് ।
ചന്ദ്രാഷ്ടകം ചാഷ്ടദിക്ഷു തഥാ സൂര്യാഷ്ടകം ശിവ ॥ ൮॥
ജലേ ജലമയത്വം ച വഹ്നൌ വഹ്നിമയത്വകമ് ।
ബ്രഹ്മ-വിഷ്ണ്വാദി-നിര്മാണമിന്ദ്രാണാം കാരണം കരേ ॥ ൯॥
പാതാലഗുടികാ-യക്ഷ-വേതാലപഞ്ചകം തഥാ ।
രസായനം തഥാ ഗുപ്തിസ്തഥൈവ ചാഖിലാഞ്ജനമ് ॥ ൧൦॥
മഹാമധുമതീ സിദ്ധിസ്തഥാ പദ്മാവതീ ശിവ ।
തഥാ ഭോഗവതീ സിദ്ധിര്യാവത്യഃ സന്തി സിദ്ധയഃ ॥ ൧൧॥
കേന മന്ത്രേണ തപസാ കലൌ പാപസമാകുലേ ।
ആയുഷ്യം പുണ്യരഹിതേ കഥം ഭവതി തദ്വദ ॥ ൧൨॥
ശ്രീശിവ ഉവാച ।
വിനാ മന്ത്രം വിനാ സ്തോത്രം വിനൈവ തപസാ പ്രിയേ ।
വിനാ ബലിം വിനാ ന്യാസം ഭൂതശുദ്ധിം വിനാ പ്രിയേ ॥ ൧൩॥
വിനാ ധ്യാനം വിനാ യന്ത്രം വിനാ പൂജാദിനാ പ്രിയേ ।
വിനാ ക്ലേശാദിഭിര്ദേവി ദേഹദുഃഖാദിഭിര്വിനാ ॥ ൧൪॥
സിദ്ധിരാശു ഭവേദ്യേന തദേവം കഥ്യതേ മയാ ।
ശൂന്യേ ബ്രഹ്മണ്ഡഗോലേ തു പഞ്ചാശച്ഛൂന്യമധ്യകേ ॥ ൧൫॥
പഞ്ചശൂന്യസ്ഥിതാ താരാ സര്വാന്തേ കാലികാ സ്ഥിതാ ।
അനന്ത-കോടി ബ്രഹ്മാണ്ഡ രാജദണ്ഡാഗ്രകേ ശിവേ ॥ ൧൬॥
സ്ഥാപ്യ ശൂന്യാലയം കൃത്വാ കൃഷ്ണവര്ണം വിധായ ച ।
മഹാനിര്ഗുണരൂപാ ച വാചാതീതാ പരാ കലാ ॥ ൧൭॥
ക്രീഡായാം സംസ്ഥിതാ ദേവീ ശൂന്യരൂപാ പ്രകല്പയേത് ।
സൃഷ്ടേരാരമ്ഭകാര്യാര്ഥം ദൃഷ്ടാ ഛായാ തയാ യദാ ॥ ൧൮॥
ഇച്ഛാശക്തിസ്തു സാ ജാതാ തഥാ കാലോ വിനിര്മിതഃ ।
പ്രതിബിമ്ബം തത്ര ദൃഷ്ടം ജാതാ ജ്ഞാനാഭിധാ തു സാ ॥ ൧൯॥
ഇദമേതത്കിംവിശിഷ്ടം ജാതം വിജ്ഞാനകം മുദാ ।
തദാ ക്രിയാഽഭിധാ ജാതാ തദീച്ഛാതോ മഹേശ്വരി ॥ ൨൦॥
ബ്രഹ്മാണ്ഡഗോലേ ദേവേശി രാജദണ്ഡസ്ഥിതം ച യത് ।
സാ ക്രിയാ സ്ഥാപയാമാസ സ്വ-സ്വസ്ഥാനക്രമേണ ച ॥ ൨൧॥
തത്രൈവ സ്വേച്ഛയാ ദേവി സാമരസ്യപരായണാ ।
തദിച്ഛാ കഥ്യതേ ദേവി യഥാവദവധാരയ ॥ ൨൨॥
യുഗാദിസമയേ ദേവി ശിവം പരഗുണോത്തമമ് ।
തദിച്ഛാ നിര്ഗുണം ശാന്തം സച്ചിദാനന്ദവിഗ്രഹമ് ॥ ൨൩॥
ശാശ്വതം സുന്ദരം ശുദ്ധം സര്വദേവയുതം വരമ് ।
ആദിനാഥം ഗുണാതീതം കാല്യാ സംയുതമീശ്വരമ് ॥ ൨൪॥
വിപരീതരതം ദേവം സാമരസ്യപരായണമ് ।
പൂജാര്ഥമാഗതം ദേവ-ഗന്ധര്വാഽപ്സരസാം ഗണമ് ॥ ൨൫॥
യക്ഷിണീം കിന്നരീകന്യാമുര്വശ്യാദ്യാം തിലോത്തമാമ് ।
വീക്ഷ്യ തന്മായയാ പ്രാഹ സുന്ദരീ പ്രാണവല്ലഭാ ॥ ൨൬॥
ത്രൈലോക്യസുന്ദരീ പ്രാണസ്വാമിനീ പ്രാണരഞ്ജിനീ ।
കിമാഗതം ഭവത്യാഽദ്യ മമ ഭാഗ്യാര്ണവോ മഹാന് ॥ ൨൭॥
ഉക്ത്വാ മൌനധരം ശമ്ഭും പൂജയന്ത്യപ്സരോഗണാഃ ।
അപ്സരസ ഊചുഃ ।
സംസാരാത്താരിതം ദേവ ത്വയാ വിശ്വജനപ്രിയ ॥ ൨൮॥
സൃഷ്ടേരാരമ്ഭകാര്യ്യാര്ഥമുദ്യുക്തോഽസി മഹാപ്രഭോ ।
വേശ്യാകൃത്യമിദം ദേവ മങ്ഗലാര്ഥപ്രഗായനമ് ॥ ൨൯॥
പ്രയാണോത്സവകാലേ തു സമാരമ്ഭേ പ്രഗായനമ് ।
ഗുണാദ്യാരമ്ഭകാലേ ഹി വര്ത്തതേ ശിവശങ്കര ॥ ൩൦॥
ഇന്ദ്രാണീകോടയഃ സന്തി തസ്യാഃ പ്രസവബിന്ദുതഃ ।
ബ്രഹ്മാണീ വൈഷ്ണവീ ചൈവ മാഹേശീ കോടികോടയഃ ॥ ൩൧॥
തവ സാമരസാനന്ദ ദര്ശനാര്ഥം സമുദ്ഭവാഃ ।
സഞ്ജാതാശ്ചാഗ്രതോ ദേവ ചാസ്മാകം സൌഖ്യസാഗര ॥ ൩൨॥
രതിം ഹിത്വാ കാമിനീനാം നാഽന്യത് സൌഖ്യം മഹേശ്വര ।
സാ രതിര്ദൃശ്യതേഽസ്മാഭിര്മഹത്സൌഖ്യാര്ഥകാരികാ ॥ ൩൩॥
ഏവമേതത്തു ചാസ്മാഭിഃ കര്തവ്യം ഭര്തൃണാ സഹ ।
ഏവം ശ്രുത്വാ മഹാദേവോ ധ്യാനാവസ്ഥിതമാനസഃ ॥ ൩൪॥
ധ്യാനം ഹിത്വാ മായയാ തു പ്രോവാച കാലികാം പ്രതി ।
കാലി കാലി രുണ്ഡമാലേ പ്രിയേ ഭൈരവവാദിനീ ॥ ൩൫॥
ശിവാരൂപധരേ ക്രൂരേ ഘോരദ്രംഷ്ടേ ഭയാനകേ ।
ത്രൈലോക്യസുന്ദരകരീ സുന്ദര്യ്യഃ സന്തി മേഽഗ്രതഃ ॥ ൩൬॥
സുന്ദരീവീക്ഷണം കര്മ കുരു കാലി പ്രിയേ ശിവേ ।
ധ്യാനം മുഞ്ച മഹാദേവി താ ഗച്ഛന്തി ഗൃഹം പ്രതി ॥ ൩൭॥
തവ രൂപം മഹാകാലി മഹാകാലപ്രിയങ്കരമ് ।
ഏതാസാം സുന്ദരം രൂപം ത്രൈലോക്യപ്രിയകാരകമ് ॥ ൩൮॥
ഏവം മായാഭ്രമാവിഷ്ടോ മഹാകാലോ വദന്നിതി ।
ഇതി കാലവചഃ ശ്രുത്വാ കാലം പ്രാഹ ച കാലികാ ॥ ൩൯॥
മായയാഽഽച്ഛാദ്യ ചാത്മാനം നിജസ്ത്രീരൂപധാരിണീ ।
ഇതഃ പ്രഭൃതി സ്ത്രീമാത്രം ഭവിഷ്യതി യുഗേ യുഗേ ॥ ൪൦॥
വല്ല്യാദ്യൌഷധയോ ദേവി ദിവാ വല്ലീസ്വരൂപതാമ് ।
രാത്രൌ സ്ത്രീരൂപമാസാദ്യ രതികേലിഃ പരസ്പരമ് ॥ ൪൧॥
അജ്ഞാനം ചൈവ സര്വേഷാം ഭവിഷ്യതി യുഗേ യുഗേ ।
ഏവം ശാപം ച ദത്വാ തു പുനഃ പ്രോവാച കാലികാ ॥ ൪൨॥
വിപരീതരതിം കൃത്വാ ചിന്തയന്തി മനന്തി യേ ।
തേഷാം വരം പ്രദാസ്യാമി നിത്യം തത്ര വസാമ്യഹമ് ॥ ൪൩॥
ഇത്യുക്ത്വാ കാലികാ വിദ്യാ തത്രൈവാന്തരധീയത ।
ത്രിംശത്-ത്രിഖര്വ-ഷഡ്വൃന്ദ-നവത്യര്ബുദകോടയഃ ॥ ൪൪॥
ദര്ശനാര്ഥം തപസ്തേപേ സാ വൈ കുത്ര ഗതാ പ്രിയാ ।
മമ പ്രാണപ്രിയാ ദേവീ ഹാഹാ പ്രാണപ്രിയേ ശിവേ ॥ ൪൫॥
കിം കരോമി ക്വ ഗച്ഛാമി ഇത്യേവം ഭ്രമസങ്കുലഃ ।
തസ്യാഃ കാല്യാ ദയാ ജാതാ മമ ചിന്താപരഃ ശിവഃ ॥ ൪൬॥
യന്ത്രപ്രസ്താരബുദ്ധിസ്തു കാല്യാ ദത്താതിസത്വരമ് ।
യന്ത്രയാഗം തദാരഭ്യ പൂര്വം ചിദ്ഘനഗോചരാ ॥ ൪൭॥
ശ്രീചക്രം യന്ത്രപ്രസ്താരരചനാഭ്യാസതത്പരഃ ।
ഇതസ്തതോ ഭ്രമ്യമാണസ്ത്രൈലോക്യം ചക്രമധ്യകമ് ॥ ൪൮॥
ചക്രപാരദര്ശനാര്ഥം കോട്യര്ബുദയുഗം ഗതമ് ।
ഭക്തപ്രാണപ്രിയാ ദേവീ മഹാശ്രീചക്രനായികാ ॥ ൪൯॥
തത്ര ബിന്ദൌ പരം രൂപം സുന്ദരം സുമനോഹരമ് ।
രൂപം ജാതം മഹേശാനി ജാഗ്രത്ത്രിപുരസുന്ദരി ॥ ൫൦॥
രൂപം ദൃഷ്ട്വാ മഹാദേവോ രാജരാജേശ്വരോഽഭവത് ।
തസ്യാഃ കടാക്ഷമാത്രേണ തസ്യാ രൂപധരഃ ശിവഃ ॥ ൫൧॥
വിനാ ശ്രൃങ്ഗാരസംയുക്താ തദാ ജാതാ മഹേശ്വരീ ।
വിനാ കാല്യംശതോ ദേവി ജഗത്സ്ഥാവരജങ്ഗമമ് ॥ ൫൨॥
ന ശ്രൃങ്ഗാരോ ന ശക്തിത്വം ക്വാപി നാസ്തി മഹേശ്വരീ ।
സുന്ദര്യ്യാ പ്രാര്ഥിതാ കാലീ തുഷ്ടാ പ്രോവാച കാലികാ ॥ ൫൩॥
സര്വാസാം നേത്രകേശേഷു മമാംശോഽത്ര ഭവിഷ്യതി ।
പൂര്വാവസ്ഥാസു ദേവേശി മമാംശസ്തിഷ്ഠതി പ്രിയേ ॥ ൫൪॥
സാവസ്ഥാ തരുണാഖ്യാ തു തദന്തേ നൈവ തിഷ്ഠതി ।
മദ്ഭക്താനാം മഹേശാനി സദാ തിഷ്ഠതി നിശ്ചിതമ് ॥ ൫൫॥
ശക്തിസ്തു കുണ്ഠിതാ ജാതാ തഥാ രൂപം ന സുന്ദരമ് ।
ചിന്താവിഷ്ടാ തു മലിനാ ജാതാ തത്ര ച സുന്ദരീ ॥ ൫൬॥
ക്ഷണം സ്ഥിത്വാ ധ്യാനപരാ കാലീ ചിന്തനതത്പരാ ।
തദാ കാലീ പ്രസന്നാഽഭൂത് ക്ഷണാര്ദ്ധേന മഹേശ്വരീ ॥ ൫൭॥
വരം ബ്രൂഹി വരം ബ്രൂഹി വരം ബ്രൂഹീതി സാദരമ് ।
സുന്ദര്യുവാച ।
മമ സിദ്ധിവരം ദേഹി വരോഽയം പ്രാര്ഥ്യതേ മയാ ॥ ൫൮॥
താദൃഗുപായം കഥയ യേന ശക്തിര്ഭവിഷ്യതി ।
ശ്രീകാല്യുവാച ।
മമ നാമസാഹസ്രം ച മയാ പൂര്വം വിനിര്മിതമ് ॥ ൫൯॥
മത്സ്വരൂപം കകാരാഖ്യം മേധാസാമ്രാജ്യനാമകമ് ।
വരദാനാഭിധം നാമ ക്ഷണാര്ദ്ധാദ്വരദായകമ് ॥ ൬൦॥
തത്പഠസ്വ മഹാമായേ തവ ശക്തിര്ഭവിഷ്യതി ।
തതഃ പ്രഭൃതി ശ്രീവിദ്യാ തന്നാമപാഠതത്പരാ ॥ ൬൧॥
തദേവ നാമസാഹസ്രം സുന്ദരീശക്തിദായകമ് ।
കഥ്യതേ പരയാ ഭക്ത്യാ സാധയേ സുമഹേശ്വരി ॥ ൬൨॥
മദ്യേര്മാംസൈസ്തഥാ ശുക്രൈര്ബഹുരക്തൈരപി പ്രിയേ ।
തര്പയേത് പൂജയേത് കാലീം വിപരീതരതിം ചരേത് ॥ ൬൩॥
വിപരീതരതൌ ദേവി കാലീ തിഷ്ഠതി നിത്യശഃ ।
മാധ്വീകപുഷ്പശുക്രാന്നമൈഥുനാദ്യാ വിരാഗിണീ ॥ ൬൪॥
വൈഷ്ണവീ വ്യാപികാ വിദ്യാ ശ്മശാനവാസിനീ പരാ ।
വീരസാധനസന്തുഷ്ടാ വീരാസ്ഫാലനനാദിനീ ॥ ൬൫॥
ശിവാബലിപ്രഹൃഷ്ടാത്മാ ശിവാരൂപാദ്യചണ്ഡികാ ।
കാമസ്തോത്രപ്രിയാത്യുഗ്രമാനസാ കാമരൂപിണീ ॥ ൬൬॥
ബ്രഹ്മാനന്ദപരാ ശമ്ഭു മൈഥുനാനന്ദതോഷിതാ ।
യോഗീന്ദ്രഹൃദയാഗാരാ ദിവാ നിശി വിപര്യയാ ॥ ൬൭॥
ക്ഷണം തുഷ്ടാ ച പ്രത്യക്ഷാ ദന്തമാലാജപപ്രിയാ ।
ശയ്യായാം ചുമ്ബനാങ്ഗഃ സന് വേശ്യാസങ്ഗപരായണഃ ॥ ൬൮॥
ഖഡ്ഗഹസ്തോ മുക്തകേശോ ദിഗമ്ബരവിഭൂഷിതഃ ।
പഠേന്നാമസഹസ്രാഖ്യം മേധാസാമ്രാജ്യനാമകമ് ॥ ൬൯॥
യഥാ ദിവ്യാമൃതൈര്ദേവാഃ പ്രസന്നാ ക്ഷണമാത്രതഃ ।
തഥാഽനേന മഹാകാലീ പ്രസന്നാ പാഠമാത്രതഃ ॥ ൭൦॥
കഥ്യതേ നാമസാഹസ്രം സാവധാനമനാഃ ശ്രൃണു ।
സര്വസാമ്രാജ്യമേധാഖ്യനാമസാഹസ്ത്രകസ്യ ച ॥ ൭൧॥
മഹാകാല ഋഷിഃ പ്രോക്ത ഉഷ്ണിക്ഛന്ദഃ പ്രകീര്തിതമ് ।
ദേവതാ ദക്ഷിണാ കാലീ മായാബീജം പ്രകീര്തിതമ് ॥ ൭൨॥
ഹ്രൂँ ശക്തിഃ കാലികാബീജം കീലകം പരികീര്തിതമ് ।
കാലികാ വരദാനാദി-സ്വേഷ്ടാര്ഥേ വിനിയോഗതഃ ॥ ൭൩॥
കീലകേന ഷഡങ്ഗാനി ഷഡ്ദീര്ഘാബീജേന കാരയേത് ।
ധ്യാനം ച പൂര്വവത്കൃത്വാ സാധയേദിഷ്ടസാധനമ് ॥ ൭൪॥
ഓം അസ്യ ശ്രീസര്വസാമ്രാജ്യമേധാകാലീസ്വരൂപ-
കകാരാത്മകസഹസ്രനാമസ്തോത്രമന്ത്രസ്യ മഹാകാല-
ഋഷിരുഷ്ണിക്ഛന്ദഃ, ശ്രീദക്ഷിണകാലീ ദേവതാ, ഹ്രീം ബീജമ്,
ഹ്രൂँ ശക്തിഃ, ക്രീം കീലകം, കാലീവരദാനാദിസ്വേഷ്ടാര്ഥേ ജപേ വിനിയോഗഃ ।
ഓം മഹാകാല ഋഷയേ നമഃ ശിരസി ।
ഉഷ്ണിക്ഛന്ദസേ നമഃ മുഖേ ।
ശ്രീ ദക്ഷിണകാലീദേവതായൈ നമഃ ഹൃദയേ ।
ഹ്രീം ബീജായ നമഃ ഗുഹ്യേ ।
ഹ്രൂँ ശക്തയേ നമഃ പാദയോഃ ।
ക്രീം കീലകായ നമഃ നാഭൌ ।
വിനിയോഗായനമഃ സര്വാങ്ഗേ । ഇതി ഋഷ്യാദിന്യാസഃ ।
ഓം ക്രാം അങ്ഗുഷ്ഠാഭ്യാം നമഃ ।
ഓം ക്രീം തര്ജനീഭ്യാം നമഃ ।
ഓം ക്രൂം മധ്യമാഭ്യാം നമഃ ।
ഓം ക്രൈം അനാമികാഭ്യാം നമഃ ।
ഓം ക്രൌം കനിഷ്ഠികാഭ്യാം നമഃ ।
ഓം ക്രഃ കരതലകരപൃഷ്ഠാഭ്യാം നമഃ । ഇതി കരാങ്ഗന്യാസഃ ।
ഓം ക്രാം ഹൃദയായ നമഃ ।
ഓം ക്രീം ശിരസേ സ്വാഹാ ।
ഓം ക്രൂം ശിഖായൈ വഷട് ।
ഓം ക്രൈം കവചായ ഹും ।
ഓം ക്രൌം നേത്രത്രയായ വൌഷട് ।
ഓം ക്രഃ അസ്ത്രായ ഫട് । ഇതി ഹൃദയാദി ഷഡങ്ഗന്യാസഃ ।
അഥ ധ്യാനമ് ।
ഓം കരാലവദനാം ഘോരാം മുക്തകേശീം ചതുര്ഭുജാമ് ।
കാലികാം ദക്ഷിണാം ദിവ്യാം മുണ്ഡമാലാവിഭൂഷിതാമ് ॥
സദ്യശ്ഛിന്നശിരഃഖഡ്ഗവാമോര്ധ്വാധഃകരാമ്ബുജാമ് ।
അഭയം വരദം ചൈവ ദക്ഷിണാധോര്ധ്വപാണികാമ് ॥
മഹാമേഘപ്രഭാം ശ്യാമാം തഥാ ചൈവ ദിഗമ്ബരാമ് ।
കണ്ഠാവസക്തമുണ്ഡാലീഗലദ്രുധിരചര്ചിതാമ് ॥
കര്ണാവതംസതാനീതശവയുഗ്മഭയാനകാമ് ।
ഘോരദംഷ്ട്രാകരാലാസ്യാം പീനോന്നതപയോധരാമ് ॥
ശവാനാം കരസങ്ഘാതൈഃ കൃതകാഞ്ചീം ഹസന്മുഖീമ് ।
സൃക്കദ്വയഗലദ്രക്തധാരാവിസ്ഫുരിതാനനാമ് ॥
ഘോരരൂപാം മഹാരൌദ്രീം ശ്മശാനാലയവാസിനീമ് ।
ദന്തുരാം ദക്ഷിണവ്യാപിമുക്തലമ്ബകചോച്ചയാമ് ॥
ശവരൂപമഹാദേവഹൃദയോപരി സംസ്ഥിതാമ് ।
ശിവാഭിര്ഘോരരൂപാഭിശ്ചതുര്ദ്ദിക്ഷു സമന്വിതാമ് ॥
മഹാകാലേന സാര്ദ്ധോര്ദ്ധമുപവിഷ്ടരതാതുരാമ് ।
സുഖപ്രസന്നവദനാം സ്മേരാനനസരോരുഹാമ് ॥
ഏവം സങ്ചിന്തയേദ്ദേവീം ശ്മശാനാലയവാസിനീമ് ॥
ഓം ക്രീം കാലീ ക്രൂँ കരാലീ ച കല്യാണീ കമലാ കലാ ।
കലാവതീ കലാഢ്യാ ച കലാപൂജ്യാ കലാത്മികാ ॥ ൧॥
കലാദൃഷ്ടാ കലാപുഷ്ടാ കലാമസ്താ കലാധരാ ।
കലാകോടി കലാഭാസാ കലാകോടിപ്രപൂജിതാ ॥ ൨॥
കലാകര്മകലാധാരാ കലാപാരാ കലാഗമാ ।
കലാധാരാ കമലിനീ കകാരാ കരുണാ കവിഃ ॥ ൩॥
കകാരവര്ണസര്വാങ്ഗീ കലാകോടിവിഭൂഷിതാ ।
കകാരകോടിഗുണിതാ കലാകോടിവിഭൂഷണാ ॥ ൪॥
കകാരവര്ണഹൃദയാ കകാരമനുമണ്ഡിതാ ।
കകാരവര്ണനിലയാ കാകശബ്ദപരായണാ ॥ ൫॥
കകാരവര്ണമുകുടാ കകാരവര്ണഭൂഷണാ ।
കകാരവര്ണരൂപാ ച കകശബ്ദപരായണാ ॥ ൬॥
കകവീരാസ്ഫാലരതാ കമലാകരപൂജിതാ ।
കമലാകരനാഥാ ച കമലാകരരൂപധൃക് ॥ ൭॥
കമലാകരസിദ്ധിസ്ഥാ കമലാകരപാരദാ ।
കമലാകരമധ്യസ്ഥാ കമലാകരതോഷിതാ ॥ ൮॥
കഥങ്കാരപരാലാപാ കഥങ്കാരപരായണാ ।
കഥങ്കാരപദാന്തസ്ഥാ കഥങ്കാരപദാര്ഥഭൂഃ ॥ ൯॥
കമലാക്ഷീ കമലജാ കമലാക്ഷപ്രപൂജിതാ ।
കമലാക്ഷവരോദ്യുക്താ കകാരാ കര്ബുരാക്ഷരാ ॥ ൧൦॥
കരതാരാ കരച്ഛിന്നാ കരശ്യാമാ കരാര്ണവാ ।
കരപൂജ്യാ കരരതാ കരദാ കരപൂജിതാ ॥ ൧൧॥
കരതോയാ കരാമര്ഷാ കര്മനാശാ കരപ്രിയാ ।
കരപ്രാണാ കരകജാ കരകാ കരകാന്തരാ ॥ ൧൨॥
കരകാചലരൂപാ ച കരകാചലശോഭിനീ ।
കരകാചലപുത്രീ ച കരകാചലതോഷിതാ ॥ ൧൩॥
കരകാചലഗേഹസ്ഥാ കരകാചലരക്ഷിണീ ।
കരകാചലസമ്മാന്യാ കരകാചലകാരിണീ ॥ ൧൪॥
കരകാചലവര്ഷാഢ്യാ കരകാചലരഞ്ജിതാ ।
കരകാചലകാന്താരാ കരകാചലമാലിനീ ॥ ൧൫॥
കരകാചലഭോജ്യാ ച കരകാചലരൂപിണീ ।
കരാമലകസംസ്ഥാ ച കരാമലകസിദ്ധിദാ ॥ ൧൬॥
കരാമലകസമ്പൂജ്യാ കരാമലകതാരിണീ ।
കരാമലകകാലീ ച കരാമലകരോചിനീ ॥ ൧൭॥
കരാമലകമാതാ ച കരാമലകസേവിനീ ।
കരാമലകബദ്ധ്യേയാ കരാമലകദായിനീ ॥ ൧൮॥
കഞ്ജനേത്രാ കഞ്ജഗതിഃ കഞ്ജസ്ഥാ കഞ്ജധാരിണീ ।
കഞ്ജമാലാപ്രിയകരീ കഞ്ജരൂപാ ച കഞ്ജനാ ॥ ൧൯॥
കഞ്ജജാതിഃ കഞ്ജഗതിഃ കഞ്ജഹോമപരായണാ ।
കഞ്ജമണ്ഡലമധ്യസ്ഥാ കഞ്ജാഭരണഭൂഷിതാ ॥ ൨൦॥
കഞ്ജസമ്മാനനിരതാ കഞ്ജോത്പത്തിപരായണാ ।
കഞ്ജരാശിസമാകാരാ കഞ്ജാരണ്യനിവാസിനീ ॥ ൨൧॥
കരഞ്ജവൃക്ഷമധ്യസ്ഥാ കരഞ്ജവൃക്ഷവാസിനീ ।
കരഞ്ജഫലഭൂഷാഢ്യാ കരഞ്ജാരണ്യവാസിനീ ॥ ൨൨॥
കരഞ്ജമാലാഭരണാ കരവാലപരായണാ ।
കരവാലപ്രഹൃഷ്ടാത്മാ കരവാലപ്രിയാ ഗതിഃ ॥ ൨൩॥
കരവാലപ്രിയാ കന്യാ കരവാലവിഹാരിണീ ।
കരവാലമയീ കര്മ്മാ കരവാലപ്രിയങ്കരീ ॥ ൨൪॥
കബന്ധമാലാഭരണാ കബന്ധരാശിമധ്യഗാ ।
കബന്ധകൂടസംസ്ഥാനാ കബന്ധാനന്തഭൂഷണാ ॥ ൨൫॥
കബന്ധനാദസന്തുഷ്ടാ കബന്ധാസനധാരിണീ ।
കബന്ധഗൃഹമധ്യസ്ഥാ കബന്ധവനവാസിനീ ॥ ൨൬॥
കബന്ധകാഞ്ചീകരണീ കബന്ധരാശിഭൂഷണാ ।
കബന്ധമാലാജയദാ കബന്ധദേഹവാസിനീ ॥ ൨൭॥
കബന്ധാസനമാന്യാ ച കപാലാകല്പധാരിണീ ।
കപാലമാലാമധ്യസ്ഥാ കപാലവ്രതതോഷിതാ ॥ ൨൮॥
കപാലദീപസന്തുഷ്ടാ കപാലദീപരൂപിണീ ।
കപാലദീപവരദാ കപാലകജ്ജലസ്ഥിതാ ॥ ൨൯॥
കപാലമാലാജയദാ കപാലജപതോഷിണീ ।
കപാലസിദ്ധിസംഹൃഷ്ടാ കപാലഭോജനോദ്യതാ ॥ ൩൦॥
കപാലവ്രതസംസ്ഥാനാ കപാലകമലാലയാ ।
കവിത്വാമൃതസാരാ ച കവിത്വാമൃതസാഗരാ ॥ ൩൧॥
കവിത്വസിദ്ധിസംഹൃഷ്ടാ കവിത്വാദാനകാരിണീ ।
കവിപൃജ്യാ കവിഗതിഃ കവിരൂപാ കവിപ്രിയാ ॥ ൩൨॥
കവിബ്രഹ്മാനന്ദരൂപാ കവിത്വവ്രതതോഷിതാ ।
കവിമാനസസംസ്ഥാനാ കവിവാഞ്ച്ഛാപ്രപൂരിണീ ॥ ൩൩॥
കവികണ്ഠസ്ഥിതാ കം ഹ്രീം കംകംകം കവിപൂര്തിദാ ।
കജ്ജലാ കജ്ജലാദാനമാനസാ കജ്ജലപ്രിയാ ॥ ൩൪॥
കപാലകജ്ജലസമാ കജ്ജലേശപ്രപൂജിതാ ।
കജ്ജലാര്ണവമധ്യസ്ഥാ കജ്ജലാനന്ദരൂപിണീ ॥ ൩൫॥
കജ്ജലപ്രിയസന്തുഷ്ടാ കജ്ജലപ്രിയതോഷിണീ ।
കപാലമാലാഭരണാ കപാലകരഭൂഷണാ ॥ ൩൬॥
കപാലകരഭൂഷാഢ്യാ കപാലചക്രമണ്ഡിതാ ।
കപാലകോടിനിലയാ കപാലദുര്ഗകാരിണീ ॥ ൩൭॥
കപാലഗിരിസംസ്ഥാനാ കപാലചക്രവാസിനീ ।
കപാലപാത്രസന്തുഷ്ടാ കപാലാര്ഘ്യപരായണാ ॥ ൩൮॥
കപാലാര്ഘ്യപ്രിയപ്രാണാ കപാലാര്ഘ്യവരപ്രദാ ।
കപാലചക്രരൂപാ ച കപാലരൂപമാത്രഗാ ॥ ൩൯॥
കദലീ കദലീരൂപാ കദലീവനവാസിനീ ।
കദലീപുഷ്പസമ്പ്രീതാ കദലീഫലമാനസാ ॥ ൪൦॥
കദലീഹോമസന്തുഷ്ടാ കദലീദര്ശനോദ്യതാ ।
കദലീഗര്ഭമധ്യസ്ഥാ കദലീവനസുന്ദരീ ॥ ൪൧॥
കദമ്ബപുഷ്പനിലയാ കദമ്ബവനമധ്യഗാ ।
കദമ്ബകുസുമാമോദാ കദമ്ബവനതോഷിണീ ॥ ൪൨॥
കദമ്ബപുഷ്പസമ്പൂജ്യാ കദമ്ബപുഷ്പഹോമദാ ।
കദമ്പുഷ്പമധ്യസ്ഥാ കദമ്ബഫലഭോജിനീ ॥ ൪൩॥
കദമ്ബകാനനാന്തഃസ്ഥാ കദമ്ബാചലവാസിനീ ।
കച്ഛപാ കച്ഛപാരാധ്യാ കച്ഛപാസനസംസ്ഥിതാ ॥ ൪൪॥
കര്ണപൂരാ കര്ണനാസാ കര്ണാഢ്യാ കാലഭൈരവീ ।
കലപ്രീതാ കലഹദാ കലഹാ കലഹാതുരാ ॥ ൪൫॥
കര്ണയക്ഷീ കര്ണവാര്താ കഥിനീ കര്ണസുന്ദരീ ।
കര്ണപിശാചിനീ കര്ണമഞ്ജരീ കവികക്ഷദാ ॥ ൪൬॥
കവികക്ഷാവിരൂപാഢ്യാ കവികക്ഷസ്വരൂപിണീ ।
കസ്തൂരീമൃഗസംസ്ഥാനാ കസ്തൂരീമൃഗരൂപിണീ ॥ ൪൭॥
കസ്തൂരീമൃഗസന്തോഷാ കസ്തൂരീമൃഗമധ്യഗാ ।
കസ്തൂരീരസനീലാങ്ഗീ കസ്തൂരീഗന്ധതോഷിതാ ॥ ൪൮॥
കസ്തൂരീപൂജകപ്രാണാ കസ്തൂരീപൂജകപ്രിയാ ।
കസ്തൂരീപ്രേമസന്തുഷ്ടാ കസ്തൂരീപ്രാണധാരിണീ ॥ ൪൯॥
കസ്തൂരീപൂജകാനന്ദാ കസ്തൂരീഗന്ധരൂപിണീ ।
കസ്തൂരീമാലികാരൂപാ കസ്തൂരീഭോജനപ്രിയാ ॥ ൫൦॥
കസ്തൂരീതിലകാനന്ദാ കസ്തൂരീതിലകപ്രിയാ ।
കസ്തൂരീഹോമസന്തുഷ്ടാ കസ്തൂരീതര്പണോദ്യതാ ॥ ൫൧॥
കസ്തൂരീമാര്ജനോദ്യുക്താ കസ്തൂരീചക്രപൂജിതാ ।
കസ്തൂരീപുഷ്പസമ്പൂജ്യാ കസ്തൂരീചര്വണോദ്യതാ ॥ ൫൨॥
കസ്തൂരീഗര്ഭമധ്യസ്ഥാ കസ്തൂരീവസ്ത്രധാരിണീ ।
കസ്തൂരീകാമോദരതാ കസ്തൂരീവനവാസിനീ ॥ ൫൩॥
കസ്തൂരീവനസംരക്ഷാ കസ്തൂരീപ്രേമധാരിണീ ।
കസ്തൂരീശക്തിനിലയാ കസ്തൂരീശക്തികുണ്ഡഗാ ॥ ൫൪॥
കസ്തൂരീകുണ്ഡസംസ്നാതാ കസ്തൂരീകുണ്ഡമജ്ജനാ ।
കസ്തൂരീജീവസന്തുഷ്ടാ കസ്തൂരീജീവധാരിണീ ॥ ൫൫॥
കസ്തൂരീപരമാമോദാ കസ്തൂരീജീവനക്ഷമാ ।
കസ്തൂരീജാതിഭാവസ്ഥാ കസ്തൂരീഗന്ധചുമ്ബനാ ॥ ൫൬॥
കസതൂരീഗന്ധസംശോഭാവിരാജിതകപാലഭൂഃ ।
കസ്തൂരീമദനാന്തഃസ്ഥാ കസ്തൂരീമദഹര്ഷദാ ॥ ൫൭॥
കസ്തൂരീകവിതാനാഢ്യാ കസ്തൂരീഗൃഹമധ്യഗാ ।
കസ്തൂരീസ്പര്ശകപ്രാണാ കസ്തൂരീവിന്ദകാന്തകാ ॥ ൫൮॥
കസ്തൂര്യ്യാമോദരസികാ കസ്തൂരീക്രീഡനോദ്യതാ ।
കസ്തൂരീദാനനിരതാ കസ്തൂരീവരദായിനീ ॥ ൫൯॥
കസ്തൂരീസ്ഥാപനാസക്താ കസ്തൂരീസ്ഥാനരഞ്ജിനീ ।
കസ്തൂരീകുശലപ്രശ്നാ കസ്തൂരീസ്തുതിവന്ദിതാ ॥ ൬൦॥
കസ്തൂരീവന്ദകാരാധ്യാ കസ്തൂരീസ്ഥാനവാസിനീ ।
കഹരൂപാ കഹാഢ്യാ ച കഹാനന്ദാ കഹാത്മഭൂഃ ॥ ൬൧॥
കഹപൂജ്യാ കഹാഖ്യാ ച കഹഹേയാ കഹാത്മികാ ।
കഹമാലാകണ്ഠഭൂഷാ കഹമന്ത്രജപോദ്യതാ ॥ ൬൨॥
കഹനാമസ്മൃതിപരാ കഹനാമപരായണാ ।
കഹപരായണരതാ കഹദേവീ കഹേശ്വരീ ॥ ൬൩॥
കഹഹേതു കഹാനന്ദാ കഹനാദപരായണാ ।
കഹമാതാ കഹാന്തഃസ്ഥാ കഹമന്ത്രാ കഹേശ്വരീ ॥ ൬൪॥
കഹജ്ഞേയാ കഹാരാധ്യാ കഹധ്യാനപരായണാ ।
കഹതന്ത്രാ കഹകഹാ കഹചര്യ്യാപരായണാ ॥ ൬൫॥
കഹാചാരാ കഹഗതിഃ കഹതാണ്ഡവകാരിണീ ।
കഹാരണ്യാ കഹരതിഃ കഹശക്തിപരായണാ ॥ ൬൬॥
കഹരാജ്യനതാ കര്മ്മസാക്ഷിണീ കര്മസുന്ദരീ ।
കര്മവിദ്യാ കര്മഗതിഃ കര്മതന്ത്രപരായണാ ॥ ൬൭॥
കര്മമാത്രാ കര്മഗാത്രാ കര്മധര്മപരായണാ ।
കര്മരേഖാനാശകര്ത്രീ കര്മരേഖാവിനോദിനീ ॥ ൬൮॥
കര്മരേഖാമോഹകരീ കര്മകീര്തിപരായണാ ।
കര്മവിദ്യാ കര്മസാരാ കര്മ്മാധാരാ ച കര്മഭൂഃ ॥ ൬൯॥
കര്മകാരീ കര്മഹാരീ കര്മകൌതുകസുന്ദരീ ।
കര്മകാലീ കര്മതാരാ കര്മച്ഛിന്നാ ച കര്മദാ ॥ ൭൦॥
കര്മചാണ്ഡാലിനീ കര്മവേദമാതാ ച കര്മഭൂഃ ।
കര്മകാണ്ഡരതാനന്താ കര്മകാണ്ഡാനുമാനിതാ ॥ ൭൧॥
കര്മകാണ്ഡപരീണാഹാ കമഠീ കമഠാകൃതിഃ ।
കമഠാരാധ്യഹൃദയാ കമഠാകണ്ഠസുന്ദരീ ॥ ൭൨॥
കമഠാസനസംസേവ്യാ കമഠീ കര്മതത്പരാ ।
കരുണാകരകാന്താ ച കരുണാകരവന്ദിതാ ॥ ൭൩॥
കഠോരാ കരമാലാ ച കഠോരകുചധാരിണീ ।
കപര്ദിനീ കപടിനീ കഠിനാ കങ്കഭൂഷണാ ॥ ൭൪॥
കരഭോരൂഃ കഠിനദാ കരഭാ കരഭാലയാ ।
കലഭാഷാമയീ കല്പാ കല്പനാ കല്പദായിനീ ॥ ൭൫॥
കമലസ്ഥാ കലാമാലാ കമലാസ്യാ ക്കണത്പ്രഭാ ।
കകുദ്മിനീ കഷ്ടവതീ കരണീയകഥാര്ചിതാ ॥ ൭൬॥
കചാര്ചിതാ കചതനുഃ കചസുന്ദരധാരിണീ ।
കഠോരകുചസംലഗ്നാ കടിസൂത്രവിരാജിതാ ॥ ൭൭॥
കര്ണമക്ഷപ്രിയാ കന്ദാ കഥാകന്ദഗതിഃ കലിഃ ।
കലിഘ്നീ കലിദൂതീ ച കവിനായക-പൂജിതാ ॥ ൭൮॥
കണകക്ഷാനിയന്ത്രീ ച കശ്ചിത്കവിവരാര്ചിതാ ।
കര്ത്രീ ച കര്തൃകാ ഭൂഷാകാരിണീ കര്ണശത്രുപാ ॥ ൭൯॥
കരണേശീ കരണപാ കലവാചാ കലാനിധിഃ ।
കലനാ കലനാധാരാ കലനാ കാരികാ കരാ ॥ ൮൦॥
കലഗേയാ കര്കരാശിഃ കര്കരാശി-പ്രപൂജിതാ ।
കന്യാരാശിഃ കന്യകാ ച കന്യകാപ്രിയഭാഷിണീ ॥ ൮൧॥
കന്യകാദാനസന്തുഷ്ടാ കന്യകാദാനതോഷിണീ ।
കന്യാദാനകരാനന്ദാ കന്യാദാനഗ്രഹേഷ്ടദാ ॥ ൮൨॥
കര്ഷണാ കക്ഷദഹനാ കാമിതാ കമലാസനാ ।
കരമാലാനന്ദകര്ത്രീ കരമാലാപ്രപോഷിതാ ॥ ൮൩॥
കരമാലാശയാനന്ദാ കരമാലാസമാഗമാ ।
കരമാലാസിദ്ധിദാത്രീ കരമാലാകരപ്രിയാ ॥ ൮൪॥
കരപ്രിയാ കരരതാ കരദാനപരായണാ ।
കലാനന്ദാ കലിഗതിഃ കലിപൂജ്യാ കലിപ്രസൂഃ ॥ ൮൫॥
കലനാദനിനാദസ്ഥാ കലനാദവരപ്രദാ ।
കലനാദസമാജസ്ഥാ കഹോലാ ച കഹോലദാ ॥ ൮൬॥
കഹോലഗേഹമധ്യസ്ഥാ കഹോലവരദായിനീ ।
കഹോലകവിതാധാരാ കഹോലഋഷിമാനിതാ ॥ ൮൭॥
കഹോലമാനസാരാധ്യാ കഹോലവാക്യകാരിണീ ।
കര്തൃരൂപാ കര്തൃമയീ കര്തൃമാതാ ച കര്തരീ ॥ ൮൮॥
കനീയാ കനകാരാധ്യാ കനീനകമയീ തഥാ ।
കനീയാനന്ദനിലയാ കനകാനന്ദതോഷിതാ ॥ ൮൯॥
കനീയകകരാകാഷ്ഠാ കഥാര്ണവകരീ കരീ ।
കരിഗമ്യാ കരിഗതിഃ കരിധ്വജപരായണാ ॥ ൯൦॥
കരിനാഥപ്രിയാകണ്ഠാ കഥാനകപ്രതോഷിതാ ।
കമനീയാ കമനകാ കമനീയവിഭൂഷണാ ॥ ൯൧॥
കമനീയസമാജസ്ഥാ കമനീയവ്രതപ്രിയാ ।
കമനീയഗുണാരാധ്യാ കപിലാ കപിലേശ്വരീ ॥ ൯൨॥
കപിലാരാധ്യഹൃദയാ കപിലാപ്രിയവാദിനീ ।
കഹചക്രമന്ത്രവര്ണാ കഹചക്രപ്രസൂനകാ ॥ ൯൩॥
കഏഈലഹ്രീംസ്വരൂപാ ച കഏഈലഹ്രീംവരപ്രദാ ।
കഏഈലഹ്രീംസിദ്ധിദാത്രീ കഏഈലഹ്രീംസ്വരൂപിണീ ॥ ൯൪॥
കഏഈലഹ്രീംമന്ത്രവര്ണാ കഏഈലഹ്രീംപ്രസൂകലാ ।
കവര്ഗാ ച കപാടസ്ഥാ കപാടോദ്ഘാടനക്ഷമാ ॥ ൯൫॥
കങ്കാലീ ച കപാലീ ച കങ്കാലപ്രിയഭാഷിണീ ।
കങ്കാലഭൈരവാരാധ്യാ കങ്കാലമാനസംസ്ഥിതാ ॥ ൯൬॥
കങ്കാലമോഹനിരതാ കങ്കാലമോഹദായിനീ ।
കലുഷഘ്നീ കലുഷഹാ കലുഷാര്തിവിനാശിനീ ॥ ൯൭॥
കലിപുഷ്പാ കലാദാനാ കശിപുഃ കശ്യപാര്ചിതാ ।
കശ്യപാ കശ്യപാരാധ്യാ കലിപൂര്ണകലേവരാ ॥ ൯൮॥
കലേശ്വരകരീ കാഞ്ചീ കവര്ഗാ ച കരാലകാ ।
കരാലഭൈരവാരാധ്യാ കരാലഭൈരവേശ്വരീ ॥ ൯൯॥
കരാലാ കലനാധാരാ കപര്ദ്ദീശവരപ്രദാ ।
കപര്ദ്ദീശപ്രേമലതാ കപര്ദ്ദിമാലികായുതാ ॥ ൧൦൦॥
കപര്ദ്ദിജപമാലാഢ്യാ കരവീരപ്രസൂനദാ ।
കരവീരപ്രിയപ്രാണാ കരവീരപ്രപൂജിതാ ॥ ൧൦൧॥
കര്ണികാരസമാകാരാ കര്ണികാരപ്രപൂജിതാ ।
കരിഷാഗ്നിസ്ഥിതാ കര്ഷാ കര്ഷമാത്രസുവര്ണദാ ॥ ൧൦൨॥
കലശാ കലശാരാധ്യാ കഷായാ കരിഗാനദാ ।
കപിലാ കലകണ്ഠീ ച കലികല്പലതാ മതാ ॥ ൧൦൩॥
കല്പലതാ കല്പമാതാ കല്പകാരീ ച കല്പഭൂഃ ।
കര്പൂരാമോദരുചിരാ കര്പൂരാമോദധാരിണീ ॥ ൧൦൪॥
കര്പൂരമാലാഭരണാ കര്പൂരവാസപൂര്തിദാ ।
കര്പൂരമാലാജയദാ കര്പൂരാര്ണവമധ്യഗാ ॥ ൧൦൫॥
കര്പൂരതര്പണരതാ കടകാമ്ബരധാരിണീ ।
കപടേശ്വവരസമ്പൂജ്യാ കപടേശ്വരരൂപിണീ ॥ ൧൦൬॥
കടുഃ കപിധ്വജാരാധ്യാ കലാപപുഷ്പധാരിണീ ।
കലാപപുഷ്പരുചിരാ കലാപപുഷ്പപൂജിതാ ॥ ൧൦൭॥
ക്രകചാ ക്രകചാരാധ്യാ കഥമ്ബ്രൂമാ കരാലതാ ।
കഥങ്കാരവിനിര്മുക്താ കാലീ കാലക്രിയാ ക്രതുഃ ॥ ൧൦൮॥
കാമിനീ കാമിനീപൂജ്യാ കാമിനീപുഷ്പധാരിണീ ।
കാമിനീപുഷ്പനിലയാ കാമിനീപുഷ്പപൂര്ണിമാ ॥ ൧൦൯॥
കാമിനീപുഷ്പപൂജാര്ഹാ കാമിനീപുഷ്പഭൂഷണാ ।
കാമിനീപുഷ്പതിലകാ കാമിനീകുണ്ഡചുമ്ബനാ ॥ ൧൧൦॥
കാമിനീയോഗസന്തുഷ്ടാ കാമിനീയോഗഭോഗദാ ।
കാമിനീകുണ്ഡസമ്മഗ്നാ കാമിനീകുണ്ഡമധ്യഗാ ॥ ൧൧൧॥
കാമിനീമാനസാരാധ്യാ കാമിനീമാനതോഷിതാ ।
കാമിനീമാനസഞ്ചാരാ കാലികാ കാലകാലികാ ॥ ൧൧൨॥
കാമാ ച കാമദേവീ ച കാമേശീ കാമസമ്ഭവാ ।
കാമഭാവാ കാമരതാ കാമാര്താ കാമമഞ്ജരീ ॥ ൧൧൩॥
കാമമഞ്ജീരരണിതാ കാമദേവപ്രിയാന്തരാ ।
കാമകാലീ കാമകലാ കാലികാ കമലാര്ചിതാ ॥ ൧൧൪॥
കാദികാ കമലാ കാലീ കാലാനലസമപ്രഭാ ।
കല്പാന്തദഹനാ കാന്താ കാന്താരപ്രിയവാസിനീ ॥ ൧൧൫॥
കാലപൂജ്യാ കാലരതാ കാലമാതാ ച കാലിനീ ।
കാലവീരാ കാലഘോരാ കാലസിദ്ധാ ച കാലദാ ॥ ൧൧൬॥
കാലഞ്ജനസമാകാരാ കാലഞ്ജരനിവാസിനീ ।
കാലഋദ്ധിഃ കാലവൃദ്ധിഃ കാരാഗൃഹവിമോചിനീ ॥ ൧൧൭॥
കാദിവിദ്യാ കാദിമാതാ കാദിസ്ഥാ കാദിസുന്ദരീ ।
കാശീ കാഞ്ചീ ച കാഞ്ചീശാ കാശീശവരദായിനീ ॥ ൧൧൮॥
ക്രാം ബീജാ ചൈവ ക്രീം ബീജാ ഹൃദയായ നമസ്സ്മൃതാ ।
കാമ്യാ കാമ്യഗതിഃ കാമ്യസിദ്ധിദാത്രീ ച കാമഭൂഃ ॥ ൧൧൯॥
കാമാഖ്യാ കാമരൂപാ ച കാമചാപവിമോചിനീ ।
കാമദേവകലാരാമാ കാമദേവകലാലയാ ॥ ൧൨൦॥
കാമരാത്രിഃ കാമദാത്രീ കാന്താരാചലവാസിനീ ।
കാമരൂപാ കാലഗതിഃ കാമയോഗപരായണാ ॥ ൧൨൧॥
കാമസമ്മര്ദ്ദനരതാ കാമഗേഹവികാസിനീ ।
കാലഭൈരവഭാര്യാ ച കാലഭൈരവകാമിനീ ॥ ൧൨൨॥
കാലഭൈരവയോഗസ്ഥാ കാലഭൈരവഭോഗദാ ।
കാമധേനുഃ കാമദോഗ്ധ്രീ കാമമാതാ ച കാന്തിദാ ॥ ൧൨൩॥
കാമുകാ കാമുകാരാധ്യാ കാമുകാനന്ദവര്ദ്ധിനീ ।
കാര്ത്തവീര്യ്യാ കാര്ത്തികേയാ കാര്ത്തികേയപ്രപൂജിതാ ॥ ൧൨൪॥
കാര്യ്യാ കാരണദാ കാര്യ്യകാരിണീ കാരണാന്തരാ ।
കാന്തിഗമ്യാ കാന്തിമയീ കാത്യാ കാത്യായനീ ച കാ ॥ ൧൨൫॥
കാമസാരാ ച കാശ്മീരാ കാശ്മീരാചാരതത്പരാ ।
കാമരൂപാചാരരതാ കാമരൂപപ്രിയംവദാ ॥ ൧൨൬॥
കാമരൂപാചാരസിദ്ധിഃ കാമരൂപമനോമയീ ।
കാര്ത്തികീ കാര്ത്തികാരാധ്യാ കാഞ്ചനാരപ്രസൂനഭൂഃ ॥ ൧൨൭॥
കാഞ്ചനാരപ്രസൂനാഭാ കാഞ്ചനാരപ്രപൂജിതാ ।
കാഞ്ചരൂപാ കാഞ്ചഭൂമിഃ കാംസ്യപാത്രപ്രഭോജിനീ ॥ ൧൨൮॥
കാംസ്യധ്വനിമയീ കാമസുന്ദരീ കാമചുമ്ബനാ ।
കാശപുഷ്പപ്രതീകാശാ കാമദ്രുമസമാഗമാ ॥ ൧൨൯॥
കാമപുഷ്പാ കാമഭൂമിഃ കാമപൂജ്യാ ച കാമദാ ।
കാമദേഹാ കാമഗേഹാ കാമബീജപരായണാ ॥ ൧൩൦॥
കാമധ്വജസമാരൂഢാ കാമധ്വജസമാസ്ഥിതാ ।
കാശ്യപീ കാശ്യപാരാധ്യാ കാശ്യപാനന്ദദായിനീ ॥ ൧൩൧॥
കാലിന്ദീജലസങ്കാശാ കാലിന്ദീജലപൂജിതാ ।
കാദേവപൂജാനിരതാ കാദേവപരമാര്ഥദാ ॥ ൧൩൨॥
കര്മ്മണാ കര്മ്മണാകാരാ കാമകര്മണകാരിണീ ।
കാര്മ്മണത്രോടനകരീ കാകിനീ കാരണാഹ്വയാ ॥ ൧൩൩॥
കാവ്യാമൃതാ ച കാലിങ്ഗാ കാലിങ്ഗമര്ദ്ദനോദ്യതാ ।
കാലാഗരുവിഭൂഷാഢ്യാ കാലാഗരുവിഭൂതിദാ ॥ ൧൩൪॥
കാലാഗരുസുഗന്ധാ ച കാലാഗരുപ്രതര്പണാ ।
കാവേരീനീരസമ്പ്രീതാ കാവേരീതീരവാസിനീ ॥ ൧൩൫॥
കാലചക്രഭ്രമാകാരാ കാലചക്രനിവാസിനീ ।
കാനനാ കാനനാധാരാ കാരുഃ കാരുണികാമയീ ॥ ൧൩൬॥
കാമ്പില്യവാസിനീ കാഷ്ഠാ കാമപത്നീ ച കാമഭൂഃ ।
കാദമ്ബരീപാനരതാ തഥാ കാദമ്ബരീകലാ ॥ ൧൩൭॥
കാമവന്ദ്യാ ച കാമേശീ കാമരാജപ്രപൂജിതാ ।
കാമരാജേശ്വരീവിദ്യാ കാമകൌതുകസുന്ദരീ ॥ ൧൩൮॥
കാമ്ബോജജാ കാഞ്ഛിനദാ കാംസ്യകാഞ്ചനകാരിണീ ।
കാഞ്ചനാദ്രിസമാകാരാ കാഞ്ചനാദ്രിപ്രദാനദാ ॥ ൧൩൯॥
കാമകീര്തിഃ കാമകേശീ കാരികാ കാന്തരാശ്രയാ ।
കാമഭേദീ ച കാമാര്തിനാശിനീ കാമഭൂമികാ ॥ ൧൪൦॥
കാലാനലാശിനീ കാവ്യവനിതാ കാമരൂപിണീ ।
കായസ്ഥാ കാമസന്ദീപ്തിഃ കാവ്യദാ കാലസുന്ദരീ ॥ ൧൪൧॥
കാമേശീ കാരണവരാ കാമേശീപൂജനോദ്യതാ ।
കാഞ്ചീ-നൂപുരഭൂഷാഢ്യാ-കുങ്കുമാഭരണാന്വിതാ ॥ ൧൪൨॥
കാലചക്രാ കാലഗതിഃ കാലചക്രാമനോഭവാ ।
കുന്ദമധ്യാ കുന്ദപുഷ്പാ കുന്ദപുഷ്പപ്രിയാ കുജാ ॥ ൧൪൩॥
കുജമാതാ കുജാരാധ്യാ കുഠാരവരധാരിണീ ।
കുഞ്ചരസ്ഥാ കുശരതാ കുശേശയവിലോചനാ ॥ ൧൪൪॥
കുമഠീ കുരരീ കുദ്രാ കുരങ്ഗീ കുടജാശ്രയാ ।
കുമ്ഭീനസവിഭൂഷാ ച കുമ്ഭീനസവധോദ്യതാ ॥ ൧൪൫॥
കുമ്ഭകര്ണമനോല്ലാസാ കുലചൂഡാമണിഃ കുലാ ।
കുലാലഗൃഹകന്യാ ച കുലചൂഡാമണിപ്രിയാ ॥ ൧൪൬॥
കുലപൂജ്യാ കുലാരാധ്യാ കുലപൂജാപരായണാ ।
കുലഭൂഷാ തഥാ കുക്ഷിഃ കുരരീഗണസേവിതാ ॥ ൧൪൭॥
കുലപുഷ്പാ കുലരതാ കുലപുഷ്പപരായണാ ।
കുലവസ്ത്രാ കുലാരാധ്യാ കുലകുണ്ഡസമപ്രഭാ ॥ ൧൪൮॥
കുലകുണ്ഡസമോല്ലാസാ കുണ്ഡപുഷ്പപരായണാ ।
കുണ്ഡപുഷ്പപ്രസന്നാസ്യാ കുണ്ഡഗോലോദ്ഭവാത്മികാ ॥ ൧൪൯॥
കുണ്ഡഗോലോദ്ഭവാധാരാ കുണ്ഡഗോലമയീ കുഹൂഃ ।
കുണ്ഡഗോലപ്രിയപ്രാണാ കുണ്ഡഗോലപ്രപൂജിതാ ॥ ൧൫൦॥
കുണ്ഡഗോലമനോല്ലാസാ കുണ്ഡഗോലബലപ്രദാ ।
കുണ്ഡദേവരതാ ക്രുദ്ധാ കുലസിദ്ധികരാ പരാ ॥ ൧൫൧॥
കുലകുണ്ഡസമാകാരാ കുലകുണ്ഡസമാനഭൂഃ ।
കുണ്ഡസിദ്ധിഃ കുണ്ഡഋദ്ധിഃ കുമാരീപൂജനോദ്യതാ ॥ ൧൫൨॥
കുമാരീപൂജകപ്രാണാ കുമാരീപൂജകാലയാ ।
കുമാരീകാമസന്തുഷ്ടാ കുമാരീപൂജനോത്സുകാ ॥ ൧൫൩॥
കുമാരീവ്രതസന്തുഷ്ടാ കുമാരീരൂപധാരിണീ ।
കുമാരീഭോജനപ്രീതാ കുമാരീ ച കുമാരദാ ॥ ൧൫൪॥
കുമാരമാതാ കുലദാ കുലയോനിഃ കുലേശ്വരീ ।
കുലലിങ്ഗാ കുലാനന്ദാ കുലരമ്യാ കുതര്കധൃക് ॥ ൧൫൫॥
കുന്തീ ച കുലകാന്താ ച കുലമാര്ഗപരായണാ ।
കുല്ലാ ച കുരുകുല്ലാ ച കുല്ലുകാ കുലകാമദാ ॥ ൧൫൬॥
കുലിശാങ്ഗീ കുബ്ജികാ ച കുബ്ജികാനന്ദവര്ദ്ധിനീ ।
കുലീനാ കുഞ്ജരഗതിഃ കുഞ്ജരേശ്വരഗാമിനീ ॥ ൧൫൭॥
കുലപാലീ കുലവതീ തഥൈവ കുലദീപികാ ।
കുലയോഗേശ്വരീ കുണ്ഡാ കുങ്കുമാരുണവിഗ്രഹാ ॥ ൧൫൮॥
കുങ്കുമാനന്ദസന്തോഷാ കുങ്കുമാര്ണവവാസിനീ ।
കുസുമാ കുസുമപ്രീതാ കുലഭൂഃ കുലസുന്ദരീ ॥ ൧൫൯॥
കുമുദ്വതീ കുമുദിനീ കുശലാ കുലടാലയാ ।
കുലടാലയമധ്യസ്ഥാ കുലടാസങ്ഗതോഷിതാ ॥ ൧൬൦॥
കുലടാഭവനോദ്യുക്താ കുശാവര്താ കുലാര്ണവാ ।
കുലാര്ണവാചാരരതാ കുണ്ഡലീ കുണ്ഡലാകൃതിഃ ॥ ൧൬൧॥
കുമതിശ്ച കുലശ്രേഷ്ഠാ കുലചക്രപരായണാ ।
കൂടസ്ഥാ കൂടദൃഷ്ടിശ്ച കുന്തലാ കുന്തലാകൃതിഃ ॥ ൧൬൨॥
കുശലാകൃതിരൂപാ ച കൂര്ചബീജധരാ ച കൂഃ ।
കും കും കും കും ശബ്ദരതാ ക്രൂം ക്രൂം ക്രൂം ക്രൂം പരായണാ ॥ ൧൬൩॥
കും കും കും ശബ്ദനിലയാ കുക്കുരാലയവാസിനീ ।
കുക്കുരാസങ്ഗസംയുക്താ കുക്കുരാനന്തവിഗ്രഹാ ॥ ൧൬൪॥
കൂര്ചാരമ്ഭാ കൂര്ചബീജാ കൂര്ചജാപപരായണാ ।
കുചസ്പര്ശനസന്തുഷ്ടാ കുചാലിങ്ഗനഹര്ഷദാ ॥ ൧൬൫॥
കുമതിഘ്നീ കുബേരാര്ച്യാ കുചഭൂഃ കുലനായികാ ।
കുഗായനാ കുചധരാ കുമാതാ കുന്ദദന്തിനീ ॥ ൧൬൬॥
കുഗേയാ കുഹരാഭാസാ കുഗേയാ കുഘ്നദാരിഭാ ।
കീര്തിഃ കിരാതിനീ ക്ലിന്നാ കിന്നരാ കിന്നരീക്രിയാ ॥ ൧൬൭॥
ക്രീങ്കാരാ ക്രീഞ്ജപാസക്താ ക്രീം ഹൂँ സ്ത്രീം മന്ത്രരൂപിണീ ।
കിര്മീരിതദൃശാപാങ്ഗീ കിശോരീ ച കിരീടിനീ ॥ ൧൬൮॥
കീടഭാഷാ കീടയോനിഃ കീടമാതാ ച കീടദാ ।
കിംശുകാ കീരഭാഷാ ച ക്രിയാസാരാ ക്രിയാവതീ ॥ ൧൬൯॥
കീംകീംശബ്ദപരാ ക്ലാം ക്ലീം ക്ലൂँ ക്ലൈം ക്ലൌം മന്ത്രരൂപിണീ ।
കാँ കീം കൂँ കൈം സ്വരൂപാ ച കഃ ഫട് മന്ത്രസ്വരൂപിണീ ॥ ൧൭൦॥
കേതകീഭൂഷണാനന്ദാ കേതകീഭരണാന്വിതാ ।
കൈകദാ കേശിനീ കേശീ കേശീസൂദനതത്പരാ ॥ ൧൭൧॥
കേശരൂപാ കേശമുക്താ കൈകേയീ കൌശികീ തഥാ ।
കൈരവാ കൈരവാഹ്ലാദാ കേശരാ കേതുരൂപിണീ ॥ ൧൭൨॥
കേശവാരാധ്യഹൃദയാ കേശവാസക്തമാനസാ ।
ക്ലൈബ്യവിനാശിനീ ക്ലൈം ച ക്ലൈം ബീജജപതോഷിതാ ॥ ൧൭൩॥
കൌശല്യാ കോശലാക്ഷീ ച കോശാ ച കോമലാ തഥാ ।
കോലാപുരനിവാസാ ച കോലാസുരവിനാശിനീ ॥ ൧൭൪॥
കോടിരൂപാ കോടിരതാ ക്രോധിനീ ക്രോധരൂപിണീ ।
കേകാ ച കോകിലാ കോടിഃ കോടിമന്ത്രപരായണാ ॥ ൧൭൫॥
കോട്യാനന്തമന്ത്രയുക്താ കൈരൂപാ കേരലാശ്രയാ ।
കേരലാചാരനിപുണാ കേരലേന്ദ്രഗൃഹസ്ഥിതാ ॥ ൧൭൬॥
കേദാരാശ്രമസംസ്ഥാ ച കേദാരേശ്വരപൂജിതാ ।
ക്രോധരൂപാ ക്രോധപദാ ക്രോധമാതാ ച കൌശികീ ॥ ൧൭൭॥
കോദണ്ഡധാരിണീ ക്രൌഞ്ചാ കൌശല്യാ കൌലമാര്ഗഗാ ।
കൌലിനീ കൌലികാരാധ്യാ കൌലികാഗാരവാസിനീ ॥ ൧൭൮॥
കൌതുകീ കൌമുദീ കൌലാ കുമാരീ കൌരവാര്ചിതാ ।
കൌണ്ഡിന്യാ കൌശികീ ക്രോധാ ജ്വാലാഭാസുരരൂപിണീ ॥ ൧൭൯॥
കോടികാലാനലജ്വാലാ കോടിമാര്ത്തണ്ഡവിഗ്രഹാ ।
കൃത്തികാ കൃഷ്ണവര്ണാ ച കൃഷ്ണാ കൃത്യാ ക്രിയാതുരാ ॥ ൧൮൦॥
കൃശാങ്ഗീ കൃതകൃത്യാ ച ക്രഃ ഫട്സ്വാഹാസ്വരൂപിണീ ।
ക്രൌം ക്രൌം ഹൂँ ഫട്മന്ത്രവര്ണാ
ക്രാം ഹ്രീം ഹ്രൂँ ഫട് സ്വരൂപിണീ ॥ ൧൮൧॥
ക്രീംക്രീംഹ്രീംഹ്രീം തഥാ ഹ്രൂँ ഹൂँഫട്സ്വാഹാമന്ത്രരൂപിണീ ।
ഇതി ശ്രീസര്വസാമ്രാജ്യമേധാ നാമസഹസ്രകമ് ॥ ൧൮൨॥
സുന്ദരീശക്തിദാനാഖ്യം സ്വരൂപാര്ഭിധമേവ ച ।
കഥിതം ദക്ഷിണാകാല്യാഃ സുന്ദര്യൈ പ്രീതിയോഗതഃ ॥ ൧॥
വരദാനപ്രസങ്ഗേന രഹസ്യമപി ദര്ശിതമ് ।
ഗോപനീയം സദാ ഭക്ത്യാ പഠനീയം പരാത്പരമ് ॥ ൨॥
പ്രാതര്മധ്യാഹ്നകാലേ ച മധ്യാര്ദ്ധരാത്രയോരപി ।
യജ്ഞകാലേ ജപാന്തേ ച പഠനീയം വിശേഷതഃ ॥ ൩॥
യഃ പഠേത് സാധകോ ധീരഃ കാലീരൂപോ ഹി വര്ഷതഃ ।
പഠേദ്വാ പാഠയേദ്വാപി ശ്രൃണോതി ശ്രാവയേദപി ॥ ൪॥
വാചകം തോഷയേദ്വാപി സ ഭവേത് കാലികാതനുഃ ।
സഹേലം വാ സലീലം വാ യശ്ചൈനം മാനവഃ പഠേത് ॥ ൫॥
സര്വദുഃഖവിനിര്മുക്തസ്ത്രൈലോക്യവിജയീ കവിഃ ।
മൃതവന്ധ്യാ കാകവന്ധ്യാ കന്യാവന്ധ്യാ ച വന്ധ്യകാ ॥ ൬॥
പുഷ്പവന്ധ്യാ ശൂലവന്ധ്യാ ശ്രൃണുയാത് സ്തോത്രമുത്തമമ് ।
സര്വസിദ്ധിപ്രദാതാരം സത്കവിം ചിരജീവിനമ് ॥ ൭॥
പാണ്ഡിത്യകീര്തിസംയുക്തം ലഭതേ നാത്ര സംശയഃ ।
യം യം കാമമുപസ്കൃത്യ കാലീം ധ്യാത്വാ ജപേത്സ്തവമ് ॥ ൮॥
തം തം കാമം കരേ കൃത്വാ മന്ത്രീ ഭവതി നാഽന്യഥാ ।
യോനിപുഷ്പൈര്ലിങ്ഗപുഷ്പൈഃ കുണ്ഡഗോലോദ്ഭവൈരപി ॥ ൯॥
സംയോഗാമൃതപുഷ്പൈശ്ച വസ്ത്രദേവീപ്രസൂനകൈഃ ।
കാലിപുഷ്പൈഃ പീഠതോയൈര്യോനിക്ഷാലനതോയകൈഃ ॥ ൧൦॥
കസ്തൂരീകുങ്കുമൈര്ദേവീം നഖകാലാഗരുക്രമാത് ।
അഷ്ടഗന്ധൈര്ധൂപദീപര്യവയാവകസംയുതൈഃ ॥ ൧൧॥
രക്തചന്ദനസിന്ദൂരൈര്മത്സ്യമാംസാദിഭൂഷണൈഃ ।
മധുഭിഃ പായസൈഃ ക്ഷീരൈഃ ശോധിതൈഃ ശോണിതൈരപി ॥ ൧൨॥
മഹോപചാരൈ രക്തൈശ്ച നൈവേദ്യൈഃ സുരസാന്വിതൈഃ ।
പൂജയിത്വാ മഹാകാലീം മഹാകാലേന ലാലിതാമ് ॥ ൧൩॥
വിദ്യാരാജ്ഞീം കുല്ലുകാഞ്ച ജപ്ത്വാ സ്തോത്രം ജപേച്ഛിവേ ।
കാലീഭക്തസ്ത്വേകചിത്തഃ സിന്ദൂരതിലകാന്വിതഃ ॥ ൧൪॥
താമ്ബൂലപൂരിതമുഖോ മുക്തകേശോ ദിഗമ്ബരഃ ।
ശവയോനിസ്ഥിതോ വീരഃ ശ്മശാനസുരതാന്വിതഃ ॥ ൧൫॥
ശൂന്യാലയേ ബിന്ദുപീഠേ പുഷ്പാകീര്ണേ ശിവാനനേ ।
ശയനോത്ഥപ്രഭുഞ്ജാനഃ കാലീദര്ശനമാപ്നുയാത് ॥ ൧൬॥
തത്ര യദ്യത്കൃതം കര്മ തദനന്തഫലം ഭവേത് ।
ഐശ്വര്യേ കമലാ സാക്ഷാത് സിദ്ധൌ ശ്രീകാലികാമ്ബികാ ॥ ൧൭॥
കവിത്വേ താരിണീതുല്യഃ സൌന്ദര്യേ സുന്ദരീസമഃ ।
സിന്ധോര്ദ്ധാരാസമഃ കാര്യേ ശ്രുതൌ ശ്രുതിധരസ്തഥാ ॥ ൧൮॥
വജ്രാസ്ത്രമിവ ദുര്ദ്ധര്ഷസ്ത്രൈലോക്യവിജയാസ്ത്രഭൃത് ।
ശത്രുഹന്താ കാവ്യകര്താ ഭവേച്ഛിവസമഃ കലൌ ॥ ൧൯॥
ദിഗ്വിദിക്ചന്ദ്രകര്താ ച ദിവാരാത്രിവിപര്യ്യയീ ।
മഹാദേവസമോ യോഗീ ത്രൈലോക്യസ്തമ്ഭകഃ ക്ഷണാത് ॥ ൨൦॥
ഗാനേന തുമ്ബുരുഃ സാക്ഷാദ്ദാനേ കര്ണസമോ ഭവേത് ।
ഗജാഽശ്വരഥപത്തീനാമസ്ത്രാണാമധിപഃ കൃതീ ॥ ൨൧॥
ആയുഷ്യേഷു ഭുശുണ്ഡീ ച ജരാപലിതനാശകഃ ।
വര്ഷഷോഡശവാന് ഭൂയാത് സര്വകാലേ മഹേശ്വരീ ॥ ൨൨॥
ബ്രഹ്മാണ്ഡഗോലേ ദേവേശി ന തസ്യ ദുര്ലഭം ക്വചിത് ।
സര്വം ഹസ്തഗതം ഭൂയാന്നാത്ര കാര്യ്യാ വിചാരണാ ॥ ൨൩॥
കുലപുഷ്പയുതം ദൃഷ്ട്വാ തത്ര കാലീം വിചിന്ത്യ ച ।
വിദ്യാരാജ്ഞീം തു സമ്പൂജ്യ പഠേന്നാമസഹസ്രകമ് ॥ ൨൪॥
മനോരഥമയീ സിദ്ധിസ്തസ്യ ഹസ്തേ സദാ ഭവേത് ।
പരദാരാന് സമാലിങ്ഗയ സമ്പൂജ്യ പരമേശ്വരീമ് ॥ ൨൫॥
ഹസ്താഹസ്തികയാ യോഗം കൃത്വാ ജപ്ത്വാ സ്തവം പഠേത് ।
യോനിം വീക്ഷ്യ ജപേത് സ്തോത്രം കുബേരാദധികോ ഭവേത് ॥ ൨൬॥
കുണ്ഡഗോലോദ്ഭവം ഗൃഹ്യവര്ണാക്തം ഹോമയേന്നിശി ।
പിതൃഭൂമൌ മഹേശാനി വിധിരേഖാം പ്രമാര്ജയേത് ॥ ൨൭॥
തരുണീം സുന്ദരീം രമ്യാം ചഞ്ചലാം കാമഗര്വിതാമ് ।
സമാനീയ പ്രയത്നേന സംശോധ്യ ന്യാസയോഗതഃ ॥ ൨൮॥
പ്രസൂനമഞ്ചേ സംസ്ഥാപ്യ പൃഥിവീം വശമാനയേത് ।
മൂലചക്രം തു സമ്ഭാവ്യ ദേവ്യാശ്ചരണസംയുതമ് ॥ ൨൯॥
സമ്മൂജ്യ പരമേശാനീം സങ്കല്പ്യ തു മഹേശ്വരി ।
ജപ്ത്വാ സ്തുത്വാ മഹേശാനീം പ്രണവം സംസ്മരേച്ഛിവേ ॥ ൩൦॥
അഷ്ടോത്തരശതൈര്യോനിം പ്രമന്ത്ര്യാചുമ്ബ്യ യത്നതഃ ।
സംയോഗീഭൂയ ജപ്തവ്യം സര്വവിദ്യാധിപോ ഭവേത് ॥ ൩൧॥
ശൂന്യാഗാരേ ശിവാരണ്യേ ശിവദേവാലയേ തഥാ ।
ശൂന്യദേശേ തഡാഗേ ച ഗങ്ഗാഗര്ഭേ ചതുഷ്പഥേ ॥ ൩൨॥
ശ്മശാനേ പര്വതപ്രാന്തേ ഏകലിങ്ഗേ ശിവാമുഖേ ।
മുണ്ഡയോനൌ ഋതൌ സ്നാത്വാ ഗേഹേ വേശ്യാഗൃഹേ തഥാ ॥ ൩൩॥
കുട്ടിനീഗൃഹമധ്യേ ച കദലീമണ്ഡപേ തഥാ ।
പഠേത്സഹസ്രനാമാഖ്യം സ്തോത്രം സര്വാര്ഥസിദ്ധയേ ॥ ൩൪॥
അരണ്യേ ശൂന്യഗര്തേ ച രണേ ശത്രുസമാഗമേ ।
പ്രജപേച്ച തതോ നാമ കാല്യാശ്ചൈവ സഹസ്രകമ് ॥ ൩൫॥
ബാലാനന്ദപരോ ഭൂത്വാ പഠിത്വാ കാലികാസ്തവമ് ।
കാലീം സഞ്ചിന്ത്യ പ്രജപേത് പഠേന്നാമസഹസ്രകമ് ॥ ൩൬॥
സര്വസിദ്ധീശ്വരോ ഭൂയാദ്വാഞ്ഛാസിദ്ധീശ്വരോ ഭവേത് ।
മുണ്ഡചൂഡകയോര്യോനി ത്വചി വാ കോമലേ ശിവേ ॥ ൩൭॥
വിഷ്ടരേ ശവവസ്ത്രേ വാ പുഷ്പവസ്ത്രാസനേഽപി വാ ।
മുക്തകേശോ ദിശാവാസോ മൈഥുനീ ശയനേ സ്ഥിതഃ ॥ ൩൮॥
ജപ്ത്വാകാലീം പഠേത് സ്തോത്രം ഖേചരീസിദ്ധിഭാഗ് ഭവേത് ।
ചികുരം യോഗമാസാദ്യ ശുക്രോത്സാരണമേവ ച ॥ ൩൯॥
ജപ്ത്വാ ശ്രീദക്ഷിണാം കാലീം ശക്തിപാതശതം ഭവേത് ।
ലതാം സ്പൃശന് ജപിത്വാ ച രമിത്വാ ത്വര്ചയന്നപി ॥ ൪൦॥
ആഹ്ലാദയന്ദിഗാവാസഃ പരശക്തിം വിശേഷതഃ ।
സ്തുത്വാ ശ്രീദക്ഷിണാം കാലീം യോനിം സ്വകരഗാഞ്ചരേത് ॥ ൪൧॥
പഠേന്നാമസഹസ്രം യഃ സ ശിവാദധികോ ഭവേത് ।
ലതാന്തരേഷു ജപ്തവ്യം സ്തുത്വാ കാലീം നിരാകുലഃ ॥ ൪൨॥
ദശാവധാനോ ഭവതി മാസമാത്രേണ സാധകഃ ।
കാലരാത്ര്യാം മഹാരാത്ര്യാം വീരരാത്ര്യാമപി പ്രിയേ ॥ ൪൩॥
മഹാരാത്ര്യാം ചതുര്ദശ്യാമഷ്ടമ്യാം സംക്രമേഽപി വാ ।
കുഹൂപൂര്ണേന്ദുശുക്രേഷു ഭൌമാമായാം നിശാമുഖേ ॥ ൪൪॥
നവമ്യാം മങ്ഗലദിനേ തഥാ കുലതിഥൌ ശിവൈ ।
കുലക്ഷേത്രേ പ്രയത്നേന പഠേന്നാമസഹസ്രകമ് ॥ ൪൫॥
സുദര്ശനോ ഭവേദാശു കിന്നരീസിദ്ധിഭാഗ്ഭവേത് ।
പശ്മിമാഭിമുഖം ലിങ്ഗം വൃഷശൂന്യം പുരാതനമ് ॥ ൪൬॥
തത്ര സ്ഥിത്വാ ജപേത് സ്തോത്രം സര്വകാമാപ്തയേ ശിവേ ।
ഭൌമവാരേ നിശീഥേ വാ അമാവസ്യാദിനേ ശുഭേ ॥ ൪൭॥
മാഷഭക്തബലിം ഛാഗം കൃസരാന്നം ച പായസമ് ।
ദഗ്ധമീനം ശോണിതഞ്ച ദധി ദുഗ്ധ ഗുഡാര്ദ്രകമ് ॥ ൪൮॥
ബലിം ദത്വാ ജപേത് തത്ര ത്വഷ്ടോത്തരസഹസ്രകമ് ।
ദേവ-ഗന്ധര്വ-സിദ്ധൌധൈഃ സേവിതാം സുരസുന്ദരീമ് ॥ ൪൯॥
ലഭേദ്ദേവേശി മാസേന തസ്യ ചാസന സംഹതിഃ ।
ഹസ്തത്രയം ഭവേദൂര്ധ്വം നാത്ര കാര്യാ വിചാരണാ ॥ ൫൦॥
ഹേലയാ ലീലയാ ഭക്ത്യാ കാലീം സ്തൌതി നരസ്തു യഃ ।
ബ്രഹ്മാദീംസ്സതമ്ഭയേദ്ദേവി മാഹേശീം മോഹയേത്ക്ഷണാത് ॥ ൫൧॥
ആകര്ഷയേന്മഹാവിദ്യാം ദശപൂര്വാന് ത്രിയാമതഃ ।
കുര്വീത വിഷ്ണുനിര്മ്മാണം യമാദീനാം തു മാരണമ് ॥ ൫൨॥
ധ്രുവമുച്ചാടയേന്നൂനം സൃഷ്ടിനൂതനതാം നരഃ ।
മേഷമാഹിഷമാര്ജാരഖരച്ഛാഗനരാദികൈഃ ॥ ൫൩॥
ഖങ്ഗിശൂകരകാപോതൈഷ്ടിട്ടിഭൈഃ ശശകൈഃ പലൈഃ ।
ശോണിതൈഃ സാസ്ഥിമാംസൈശ്ച കാരണ്ഡൈര്ദുഗ്ധപായസൈഃ ॥ ൫൪॥
കാദമ്ബരീസിന്ധുമദ്യൈഃ സുരാരിഷ്ടൈശ്ച സാസവൈഃ ।
യോനിക്ഷാലിതതോയൈശ്ച യോനിലിങ്ഗാമൃതൈരപി ॥ ൫൫॥
സ്വജാതകുസുമൈഃ പൂജ്യാ ജപാന്തേ തര്പയേച്ഛിവാമ് ।
സര്വസാമ്രാജ്യനാമ്നാ തു സ്തുത്വാ നത്വാ സ്വശക്തിതഃ ॥ ൫൬॥
ശക്ത്യാ ലഭന് പഠേത് സ്തോത്രം കാലീരൂപോ ദിനത്രയാത് ।
ദക്ഷിണാകാലികാ തസ്യ ഗേഹേ തിഷ്ഠതി നാന്യഥാ ॥ ൫൭॥
വേശ്യാലതാഗൃഹേ ഗത്വാ തസ്യാശ്ചുമ്ബനതത്പരഃ ।
തസ്യാ യോനൌ മുഖം ദത്വാ തദ്രസം വിലിഹഞ്ജപേത് ॥ ൫൮॥
തദന്തേ നാമ സാഹസ്രം പഠേദ്ഭക്തിപരായണഃ ।
കാലികാദര്ശനം തസ്യ ഭവേദ്ദേവി ത്രിയാമതഃ ॥ ൫൯॥
നൃത്യപാത്രഗൃഹേ ഗത്വാ മകാരപഞ്ചകാന്വിതഃ ।
പ്രസൂനമഞ്ചേ സംസ്ഥാപ്യ ശക്തിന്യാസപരായണഃ ॥ ൬൦॥
പാത്രാണാം സാധനം കൃത്വാ ദിഗ്വസ്ത്രാം താം സമാചരേത് ।
സമ്ഭാവ്യ ചക്രം തന്മൂലേ തത്ര സാവരണാം ജപേത് ॥ ൬൧॥
ശതം ഭാലേ ശതം കേശേ ശതം സിന്ദൂരമണ്ഡലേ ।
ശതത്രയം കുചദ്വന്ദ്വേ ശതം നാഭൌ മഹേശ്വരി ॥ ൬൨॥
ശതം യോനൌ മഹേശാനി സംയോഗേ ച ശതത്രയമ് ।
ജപേത്തത്ര മഹേശാനി തദന്തേ പ്രപഠേത്സ്തവമ് ॥ ൬൩॥
ശതാവധാനോ ഭവതി മാസമാത്രേണ സാധകഃ ।
മാതങ്ഗിനീം സമാനീയ കിം വാ കാപാലിനീം ശിവേ ॥ ൬൪॥
ദന്തമാലാ ജപേ കാര്യാ ഗലേ ധാര്യാ നൃമുണ്ഡജാ ।
നേത്രപദ്മേ യോനിചക്രം ശക്തിചക്രം സ്വവക്ത്രകേ ॥ ൬൫॥
കൃത്വാ ജപേന്മഹേശാനി മുണ്ഡയന്ത്രം പ്രപൂജയേത് ।
മുണ്ഡാസനസ്ഥിതോ വീരോ മകാരപഞ്ചകാന്വിതഃ ॥ ൬൬॥
അന്യാമാലിങ്ഗയ പ്രജപേദന്യാം സഞ്ചുമ്ബ്യ വൈ പഠേത് ।
അന്യാം സമ്പൂജയേത്തത്ര ത്വന്യാം സമ്മര്ദ്ദയന് ജപേത് ॥ ൬൭॥
അന്യയോനൌ ശിവം ദത്വാ പുനഃ പൂര്വവദാചരേത് ।
അവധാനസഹസ്രേഷു ശക്തിപാതശതേഷു ച ॥ ൬൮॥
രാജാ ഭവതി ദേവേശി മാസപഞ്ചകയോഗതഃ ।
യവനീശക്തിമാനീയ ഗാനശക്തിപരായണമ് ॥ ൬൯॥
കുലാചാരമതേനൈവ തസ്യാ യോനിം വികാസയേത് ।
തത്ര പ്രദായ ജിഹ്വാം തു ജപേന്നാമസഹസ്രകമ് ॥ ൭൦॥
നൃകപാലേ തത്ര ദീപം ജപേത്പ്രജ്വാല്യ യത്നതഃ ।
മഹാകവിവരോ ഭൂയാന്നാത്ര കാര്യാ വിചാരണാ ॥ ൭൧॥
കാമാര്താം ശക്തിമാനീയ യോനൌ തു മൂലചക്രകമ് ।
വിലിഖ്യ പരമേശാനി തത്ര മന്ത്രം ലിഖേച്ഛിവേ ॥ ൭൨॥
തല്ലിഹന് പ്രജപേദ്ദേവി സര്വശാസ്ത്രാര്ഥതത്വവിത് ।
അശ്രുതാനി ച ശാസ്ത്രാണി വേദാദീന് പാഠയേദ് ധ്രുവമ് ॥ ൭൩॥
വിനാ ന്യാസൈര്വിനാ പാഠൈര്വിനാധ്യാനാദിഭിഃ പ്രിയേ ।
ചതുര്വേദാധിപോ ഭൂത്വാ ത്രികാലജ്ഞസ്ത്രിവര്ഷതഃ ॥ ൭൪॥
ചതുര്വിധം ച പാണ്ഡിത്യം തസ്യ ഹസ്തഗതം ക്ഷണാത് ।
ശിവാബലിഃ പ്രദാതവ്യഃ സര്വദാ ശൂന്യമണ്ഡലേ ॥ ൭൫॥
കാലീധ്യാനം മന്ത്രര്ചിതാ നീലസാധനമേവ ച ।
സഹസ്രനാമപാഠശ്ച കാലീനാമപ്രകീര്തനമ് ॥ ൭൬॥
ഭക്തസ്യ കാര്യമേതാവദന്യദഭ്യുദയം വിദുഃ ।
വീരസാധനകം കര്മ ശിവാപൂജാ ബലിസ്തഥാ ॥ ൭൭॥
സിന്ദൂരതിലകോ ദേവി വേശ്യാലാപോ നിരന്തരമ് ।
വേശ്യാഗൃഹേ നിശാചാരോ രാത്രൌ പര്യടനം തഥാ ॥ ൭൮॥
ശക്തിപൂജാ യോനിദൃഷ്ടിഃ ഖങ്ഗഹസ്തോ ദിഗമ്ബരഃ ।
മുക്തകേശോ വീരവേഷഃ കുലമൂര്തിധരോ നരഃ ॥ ൭൯॥
കാലീഭക്തോ ഭവേദ്ദേവി നാന്യഥാ ക്ഷേമമാപ്നുയാത് ।
ദുഗ്ധാസ്വാദീ യോനിലേഹീ സംവിദാസവഘൂര്ണിതഃ ॥ ൮൦॥
വേശ്യാലതാസമായോഗാന്മാസാത്കല്പലതാ സ്വയമ് ।
വേശ്യാചക്രസമായോഗാത്കാലീചക്രസമഃ സ്വയമ് ॥ ൮൧॥
വേശ്യാദേഹസമായോഗാത് കാലീദേഹസമഃ സ്വയമ് ।
വേശ്യാമധ്യഗതം വീരം കദാ പശ്യാമി സാധകമ് ॥ ൮൨॥
ഏവം വദതി സാ കാലീ തസ്മാദ്വേശ്യാ വരാ മതാ ।
വേശ്യാ കന്യാ തഥാ പീഠജാതിഭേദകുലക്രമാത് ॥ ൮൩॥
അകുലക്രമഭേദേന ജ്ഞാത്വാ ചാപി കുമാരികാമ് ।
കുമാരീം പൂജയേദ്ഭക്ത്യാ ജപാന്തേ ഭവനേ പ്രിയേ ॥ ൮൪॥
പഠേന്നാമസഹസ്രം യഃ കാലീദര്ശനഭാഗ് ഭവേത് ।
ഭക്ത്യാ കുമാരീം സമ്പൂജ്യ വൈശ്യാകുല സമുദ്ഭവാമ് ॥ ൮൫॥
വസ്ത്ര ഹേമാദിഭിസ്തോഷ്യാ യത്നാത്സ്തോത്രം പഠേച്ഛിവേ ।
ത്രൈലോക്യ വിജയീ ഭൂയാദ്ദിവാ ചന്ദ്രപ്രകാശകഃ ॥ ൮൬॥
യദ്യദ്ദത്തം കുമാര്യൈ തു തദനന്തഫലം ഭവേത് ।
കുമാരീപൂജനഫലം മയാ വക്തും ന ശക്യതേ ॥ ൮൭॥
ചാഞ്ചല്യാദ്ദുരിതം കിഞ്ചിത്ക്ഷമ്യതാമയമഞ്ജലിഃ ।
ഏകാ ചേത്പൂജിതാ ബാലാ ദ്വിതീയാ പൂജിതാ ഭവേത് ॥ ൮൮॥
കുമാര്യഃ ശക്തയശ്ചൈവ സര്വമേതചരാചരമ് ।
ശക്തിമാനീയ തദ്ഗാത്രേ ന്യാസജാലം പ്രവിന്യസേത് ॥ ൮൯॥
വാമഭാഗേ ച സംസ്ഥാപ്യ ജപേന്നാമസഹസ്രകമ് ।
സര്വസിദ്ധീശ്വരോ ഭൂയാന്നാത്ര കാര്യ്യാ വിചാരണാ ॥ ൯൦॥
ശ്മശാനസ്ഥോ ഭവേത്സ്വസ്ഥോ ഗലിതം ചികുരം ചരേത് ।
ദിഗമ്ബരഃ സഹസ്രം ച സൂര്യപുഷ്പം സമാനയേത് ॥ ൯൧॥
സ്വവീര്യേണ പ്ലുതം കൃത്വാ പ്രത്യേകം പ്രജപന് ഹുനേത് ।
പൂജ്യ ധ്യാത്വാ മഹാഭക്ത്യാ ക്ഷമാപാലോ നരഃ പഠേത് ॥ ൯൨॥
നഖം കേശം സ്വവീര്യം ച യദ്യത്സമ്മാര്ജനീഗതമ് ।
മുക്തകേശോ ദിശാവാസോ മൂലമന്ത്രപുരഃസരഃ ॥ ൯൩॥
കുജവാരേ മധ്യരാത്രേ ഹോമം കൃത്വാ ശ്മശാനകേ ।
പഠേന്നാമസഹസ്രം യഃ പൃഥ്വീശാകര്ഷകോ ഭവേത് ॥ ൯൪॥
പുഷ്പയുക്തേ ഭഗേ ദേവി സംയോഗാനന്ദതത്പരഃ ।
പുനശ്ചികുരമാസാദ്യ മൂലമന്ത്രം ജപന് ശിവേ ॥ ൯൫॥
ചിതാവഹ്നൌ മധ്യരാത്രേ വീര്യമുത്സാര്യ യത്നതഃ ।
കാലികാം പൂജയേത്തത്ര പഠേന്നാമ സഹസ്രകമ് ॥ ൯൬॥
പൃഥ്വീശാകര്ഷണം കുര്യാന്നാത്ര കാര്യാ വിചാരണാ ।
കദലീ വനമാസാദ്യ ലക്ഷമന്ത്രം ജപേന്നരഃ ॥ ൯൭॥
മധുമത്യാ സ്വയം ദേവ്യാ സേവ്യമാനഃ സ്മരോപമഃ ।
ശ്രീമധുമതീത്യുക്ത്വാ തഥാ സ്ഥാവരജങ്ഗമാന് ॥ ൯൮॥
ആകര്ഷിണീം സമുച്ചാര്യ ഠംഠം സ്വാഹാ സമുച്ചരേത് ।
ത്രൈലോക്യാകര്ഷിണീ വിദ്യാ തസ്യ ഹസ്തേ സദാ ഭവേത് ॥ ൯൯॥
നദീം പുരീം ച രത്നാനി ഹേമസ്ത്രീശൈലഭൂരുഹാന് ।
ആകര്ഷയത്യമ്ബുനിധിം സുമേരും ച ദിഗന്തതഃ ॥ ൧൦൦॥
അലഭ്യാനി ച വസ്തൂനി ദൂരാദ്ഭൂമിതലാദപി ।
വൃത്താന്തം ച സുരസ്ഥാനാദ്രഹസ്യേ വിദുഷാമപി ॥ ൧൦൧॥
രാജ്ഞാം ച കഥയത്യേഷാ സത്യം സത്വരമാദിശേത് ।
ദ്വിതീയവര്ഷപാഠേന ഭവേത്പദ്മാവതീ ശുഭാ ॥ ൧൦൨॥
ഓം ഹ്രീംപദ്മാവതി പദം തതസ്ത്രൈലോക്യനാമ ച ।
വാര്താം ച കഥയ ദ്വന്ദ്വം സ്വാഹാന്തോ മന്ത്ര ഈരിതഃ ॥ ൧൦൩॥
ബ്രഹ്മവിഷ്ണ്വാദികാനാം ച ത്രൈലോക്യേ യാദൃശീ ഭവേത് ।
സര്വ വദതി ദേവേശീ ത്രികാലജ്ഞഃ കവിശ്ശുഭഃ ॥ ൧൦൪॥
ത്രിവര്ഷം സമ്പഠന്ദേവി ലഭേദ്ഭോഗവതീം കലാമ് ।
മഹാകാലേന ദൃഷ്ടോഽപി ചിതാമധ്യഗതോഽപി വാ ॥ ൧൦൫॥
തസ്യാ ദര്ശനമാത്രേണ ചിരഞ്ജീവീ നരോ ഭവേത് ।
മൃതസഞ്ജീവിനീത്യുക്ത്വാ മൃതമുത്ഥാപയ ദ്വയമ് ॥ ൧൦൬॥
സ്വാഹാന്തോ മനുരാഖ്യാതോ മൃതസഞ്ജീവനാത്മകഃ ।
ചതുര്വര്ഷം പഠേദ്യസ്തു സ്വപ്നസിദ്ധിസ്തതോ ഭവേത് ॥ ൧൦൭॥
ഓം ഹ്രീം സ്വപ്നവാരാഹി കാലിസ്വപ്നേ കഥയോച്ചരേത് ।
അമുകസ്യാഽമുകം ദേഹി ക്ലീം സ്വാഹാന്തോ മനുര്മതഃ ॥ ൧൦൮॥
സ്വപ്നസിദ്ധാ ചതുര്വര്ഷാത്തസ്യ സ്വപ്നേ സദാ സ്ഥിതാ ।
ചതുര്വര്ഷസ്യ പാഠേന ചതുര്വേദാധിപോ ഭവേത് ॥ ൧൦൯॥
തദ്ധസ്തജലസംയോഗാന്മൂര്ഖഃ കാവ്യം കരോതി ച ।
തസ്യ വാക്യപരിചയാന്മൂര്തിര്വിന്ദതി കാവ്യതാമ് ॥ ൧൧൦॥
മസ്തകേ തു കരം കൃത്വാ വദ വാണീമിതി ബ്രുവന് ।
സാധകോ വാഞ്ഛയാ കുര്യാത്തത്തഥൈവ ഭവിഷ്യതി ॥ ൧൧൧॥
ബ്രഹ്മാണ്ഡഗോലകേ യാശ്ച യാഃ കാശ്ചിജ്ജഗതീതലേ ।
സമസ്താഃ സിദ്ധയോ ദേവി കരാമലകവത്സദാ ॥ ൧൧൨॥
സാധകസ്മൃതിമാത്രേണ യാവന്ത്യഃ സന്തി സിദ്ധയഃ ।
സ്വയമായാന്തി പുരതോ ജപാദീനാം തു കാ കഥാ ॥ ൧൧൩॥
വിദേശവര്തിനോ ഭൂത്വാ വര്തന്തേ ചേടകാ ഇവ ।
അമായാം ചന്ദ്രസന്ദര്ശശ്ചന്ദ്രഗ്രഹണമേവ ച ॥ ൧൧൪॥
അഷ്ടമ്യാം പൂര്ണചന്ദ്രത്വം ചന്ദ്രസൂര്യാഷ്ടകം തഥാ ।
അഷ്ടദിക്ഷു തഥാഷ്ടൌ ച കരോത്യേവ മഹേശ്വരി ॥ ൧൧൫॥
അണിമാ ഖേചരത്വം ച ചരാചരപുരീഗതമ് ।
പാദുകാഖങ്ഗവേതാലയക്ഷിണീഗുഹ്യകാദയഃ ॥ ൧൧൬॥
തിലകോഗുപ്തതാദൃശ്യം ചരാചരകഥാനകമ് ।
മൃതസഞ്ജീവിനീസിദ്ധിര്ഗുടികാ ച രസായനമ് ॥ ൧൧൭॥
ഉഡ്ഡീനസിദ്ധിര്ദേവേശി ഷഷ്ടിസിദ്ധീശ്വരത്വകമ് ।
തസ്യ ഹസ്തേ വസേദ്ദേവി നാത്ര കാര്യാ വിചാരണാ ॥ ൧൧൮॥
കേതൌ വാ ദുന്ദുഭൌ വസ്ത്രേ വിതാനേ വേഷ്ടനേഗൃഹേ ।
ഭിത്തൌ ച ഫലകേ ദേവി ലേഖ്യം പൂജ്യം ച യത്നതഃ ॥ ൧൧൯॥
മധ്യേ ചക്രം ദശാങ്ഗോക്തം പരിതോ നാമലേഖനമ് ।
തദ്ധാരണാന്മഹേശാനി ത്രൈലോക്യവിജയീ ഭവേത് ॥ ൧൨൦॥
ഏകോ ഹി ശതസാഹസ്രം നിര്ജിത്യ ച രണാങ്ഗണേ ।
പുനരായാതി ച സുഖം സ്വഗൃഹം പ്രതി പാര്വതീ ॥ ൧൨൧॥
ഏകോ ഹി ശതസന്ദര്ശീ ലോകാനാം ഭവതി ധ്രുവമ് ।
കലശം സ്ഥാപ്യ യത്നേന നാമസാഹസ്രകം പഠേത് ॥ ൧൨൨॥
സേകഃ കാര്യോ മഹേശാനി സര്വാപത്തിനിവാരണേ ।
ഭൂതപ്രേതഗ്രഹാദീനാം രാക്ഷസാം ബ്രഹ്മരാക്ഷസാമ് ॥ ൧൨൩॥
വേതാലാനാം ഭൈരവാണാം സ്കന്ദവൈനായകാദികാന് ।
നാശയേത് ക്ഷണമാത്രേണ നാത്ര കാര്യാ വിചാരണാ ॥ ൧൨൪॥
ഭസ്മഭിര്മന്ത്രിതം കൃത്വാ ഗ്രഹഗ്രസ്തം വിലേപയേത് ।
ഭസ്മസംക്ഷേപണാദേവ സര്വഗ്രഹവിനാശനമ് ॥ ൧൨൫॥
നവനീതം ചാഭിമന്ത്ര്യ സ്ത്രീഭ്യോ ദദ്യാന്മഹേശ്വരി ।
വന്ധ്യാ പുത്രപ്രദാം ദേവി നാത്ര കാര്യാ വിചാരണാ ॥ ൧൨൬॥
കണ്ഠേ വാ വാമബാഹൌ വാ യോനൌ വാ ധാരണാച്ഛിവേ ।
ബഹുപുത്രവതീ നാരീ സുഭഗാ ജായതേ ധ്രുവമ് ॥ ൧൨൭॥
പുരുഷോ ദക്ഷിണാങ്ഗേ തു ധാരയേത്സര്വസിദ്ധയേ ।
ബലവാന്കീര്തിമാന ധന്യോധാര്മികഃ സാധകഃ കൃതീ ॥ ൧൨൮॥
ബഹുപുത്രീ രഥാനാം ച ഗജാനാമധിപഃ സുധീഃ ।
കാമിനീകര്ഷണോദ്യുക്തഃ ക്രീം ച ദക്ഷിണകാലികേ ॥ ൧൨൯॥
ക്രീം സ്വാഹാ പ്രജപേന്മന്ത്രമയുതം നാമപാഠകഃ ।
ആകര്ഷണം ചരേദ്ദേവി ജലഖേചരഭൂഗതാന് ॥ ൧൩൦॥
വശീകരണകാമോ ഹി ഹൂँ ഹൂँ ഹ്രീം ഹ്രീം ച ദക്ഷിണേ ।
കാലികേ പൂര്വബീജാനി പൂര്വവത്പ്രജപന് പഠേത് ॥ ൧൩൧॥
ഉര്വശീമപി വസയേന്നാത്ര കാര്യാ വിചാരണാ ।
ക്രീം ച ദക്ഷിണകാലികേ സ്വാഹാ യുക്തം ജപേന്നരഃ ॥ ൧൩൨॥
പഠേന്നാമസഹസ്രം തു ത്രൈലോക്യം മാരയേദ്ധ്രുവമ് ।
സദ്ഭക്തായ പ്രദാതവ്യാ വിദ്യാ രാജ്ഞി ശുഭേ ദിനേ ॥ ൧൩൩॥
സദ്വിനീതായ ശാന്തായ ദാന്തായാതിഗുണായ ച ।
ഭക്തായ ജ്യേഷ്ഠപുത്രായ ഗുരുഭക്തിപരായ ച ॥ ൧൩൪॥
വൈഷ്ണവായ പ്രശുദ്ധായ ശിവാബലിരതായ ച ।
വേശ്യാപൂജനയുക്തായ കുമാരീപൂജകായ ച ॥ ൧൩൫॥
ദുര്ഗാഭക്തായ രൌദ്രായ മഹാകാലപ്രജാപിനേ ।
അദ്വൈതഭാവയുക്തായ കാലീഭക്തിപരായ ച ॥ ൧൩൬॥
ദേയം സഹസ്രനാമാഖ്യം സ്വയം കാല്യാ പ്രകാശിതമ് ।
ഗുരുദൈവതമന്ത്രാണാം മഹേശസ്യാപി പാര്വതി ॥ ൧൩൭॥
അഭേദേന സ്മരേന്മന്ത്രം സ ശിവഃ സ ഗണാധിപഃ ।
യോ മന്ത്രം ഭാവയേന്മന്ത്രീ സ ശിവോ നാത്ര സംശയഃ ॥ ൧൩൮॥
സ ശാക്തോ വൈഷ്ണവസ്സൌരഃ സ ഏവം പൂര്ണദീക്ഷിതഃ ।
അയോഗ്യായ ന ദാതവ്യം സിദ്ധിരോധഃ പ്രജായതേ ॥ ൧൩൯॥
വേശ്യാസ്ത്രീനിന്ദകായാഥ സുരാസംവിത്പ്രനിന്ദകേ ।
സുരാമുഖോ മനും സ്മൃത്വാ സുരാചാര്യോ ഭവിഷ്യതി ॥ ൧൪൦॥
വാഗ്ദേവതാ ഘോരേ ആസാപരഘാരേ ച ഹൂँ വദേത് ।
ഘോരരൂപേ മഹാഘോരേ മുഖീഭീമപദം വദേത് ॥ ൧൪൧॥
ഭീഷണ്യമുഷ്യഷഷ്ഠ്യന്തം ഹേതുര്വാമയുഗേ ശിവേ ।
ശിവവഹ്നിയുഗാസ്ത്രം ഹൂँ ഹൂँ കവചമനുര്ഭവേത് ॥ ൧൪൨॥
ഏതസ്യ സ്മരണാദേവ ദുഷ്ടാനാം ച മുഖേ സുരാ ।
അവതീര്ണാ ഭവദ്ദേവി ദുഷ്ടാനാം ഭദ്രനാശിനീ ॥ ൧൪൩॥
ഖലായ പരതന്ത്രായ പരനിന്ദാപരായ ച ।
ഭ്രഷ്ടായ ദുഷ്ടസത്വായ പരവാദരതായ ച ॥ ൧൪൪॥
ശിവാഭക്തായ ദുഷ്ടായ പരദാരരതായ ച ।
ന സ്തോത്രം ദര്ശയേദ്ദേവി ശിവഹത്യാകരോ ഭവേത് ॥ ൧൪൫॥
കാലികാനന്ദഹൃദയഃ കാലികാഭക്തിമാനസഃ ।
കാലീഭക്തോ ഭവേത്സോഽയം ധന്യരൂപഃ സ ഏവ തു ॥ ൧൪൬॥
കലൌ കാലീ കലൌ കാലീ കലൌ കാലീ വരപ്രദാ ।
കലൌ കാലീ കലൌ കാലീ കലൌ കാലീ തു കേവലാ ॥ ൧൪൭॥
ബില്വപത്രസഹസ്രാണി കരവീരാണി വൈ തഥാ ।
പ്രതിനാമ്നാ പൂജയേദ്ധി തേന കാലീ വരപ്രദാ ॥ ൧൪൮॥
കമലാനാം സഹസ്രം തു പ്രതിനാമ്നാ സമര്പയേത് ।
ചക്രം സമ്പൂജ്യ ദേവേശി കാലികാവരമാപ്നുയാത് ॥ ൧൪൯॥
മന്ത്രക്ഷോഭയുതോ നൈവ കലശസ്ഥജലേന ച ।
നാമ്നാ പ്രസേചയേദ്ദേവി സര്വക്ഷോഭവിനാശകൃത് ॥ ൧൫൦॥
തഥാ ദമനകം ദേവി സഹസ്രമാഹരേദ്വ്രതീ ।
സഹസ്രനാമ്നാ സമ്പൂജ്യ കാലീവരമവാപ്നുയാത് ॥ ൧൫൧॥
ചക്രം വിലിഖ്യ ദേഹസ്ഥം ധാരയേത്കാലികാതനുഃ ।
കാല്യൈ നിവേദിതം യദ്യത്തദംശം ഭക്ഷയേച്ഛിവേ ॥ ൧൫൨॥
ദിവ്യദേഹധരോ ഭൂത്വാ കാലീദേഹേ സ്ഥിതോ ഭവേത് ।
നൈവേദ്യനിന്ദകാന് ദുഷ്ടാന് ദൃഷ്ട്വാ നൃത്യന്തി ഭൈരവാ ॥ ൧൫൩॥
യോഗിന്യശ്ച മഹാവീരാ രക്തപാനോദ്യതാഃ പ്രിയേ ।
മാംസാസ്ഥിചര്മണോദ്യുക്താ ഭക്ഷയന്തി ന സംശയഃ ॥ ൧൫൪॥
തസ്മാന്ന നിന്ദയേദ്ദേവി മനസാ കര്മണാ ഗിരാ ।
അന്യഥാ കുരുതേ യസ്തു തസ്യ നാശോ ഭവിഷ്യതി ॥ ൧൫൫॥
ക്രമദീക്ഷായുതാനാം ച സിദ്ധിര്ഭവതി നാന്യഥാ ।
മന്ത്രക്ഷോഭശ്ച വാ ഭൂയാത് ക്ഷീണായുര്വാ ഭവേദ്ധ്രുവമ് ॥ ൧൫൬॥
പുത്രഹാരീ സ്ത്രിയോഹാരീ രാജ്യഹാരീ ഭവേദ്ധ്രുവമ് ।
ക്രമദീക്ഷായുതോ ദേവി ക്രമാദ്രാജ്യമവാപ്നുയാത് ॥ ൧൫൭॥
ഏകവാരം പഠേദ്ദേവി സര്വപാപവിനാശനമ് ।
ദ്വിവാരം ച പഠേദ്യോ ഹി വാഞ്ഛാം വിന്ദതി നിത്യശഃ ॥ ൧൫൮॥
ത്രിവാരം ച പഠേദ്യസ്തു വാഗീശസമതാം വ്രജേത് ।
ചതുര്വാരം പഠേദ്ദേവി ചതുര്വര്ണാധിപോ ഭവേത് ॥ ൧൫൯॥
പഞ്ചവാരം പഠേദ്ദേവി പഞ്ചകാമാധിപോ ഭവേത് ।
ഷഡ്വാരം ച പഠേദ്ദേവി ഷഡൈശ്വര്യാധിപോ ഭവേത് ॥ ൧൬൦॥
സപ്തവാരം പഠേത്സപ്തകാമനാം ചിന്തിതം ലഭേത് ।
വസുവാരം പഠേദ്ദേവി ദിഗീശോ ഭവതി ധ്രുവമ് ॥ ൧൬൧॥
നവവാരം പഠേദ്ദേവി നവനാഥസമോ ഭവേത് ।
ദശവാരം കീര്ത്തയേദ്യോ ദശാര്ഹഃ ഖേചരേശ്വരഃ ॥ ൧൬൨॥
വിംശതിവാരം കീര്തയേദ്യഃ സര്വൈശ്വര്യമയോ ഭവേത് ।
പഞ്ചവിംശതിവാരൈസ്തു സര്വചിന്താവിനാശകഃ ॥ ൧൬൩॥
പഞ്ചാശദ്വാരമാവര്ത്യ പഞ്ചഭൂതേശ്വരോ ഭവേത് ।
ശതവാരം കീര്ത്തയേദ്യഃ ശതാനനസമാനധീഃ ॥ ൧൬൪॥
ശതപഞ്ചകമാവര്ത്യ രാജരാജേശ്വരോ ഭവേത് ।
സഹസ്രാവര്തനാദ്ദേവി ലക്ഷ്മീരാവൃണുതേ സ്വയമ് ॥ ൧൬൫॥
ത്രിസഹസ്രം സമാവര്ത്യ ത്രിനേത്രസദൃശോ ഭവേത് ।
പഞ്ച സാഹസ്രമാവര്ത്യ കാമകോടി വിമോഹനഃ ॥ ൧൬൬॥
ദശസാഹസ്രമാവര്ത്യ ഭവേദ്ദശമുഖേശ്വരഃ ।
പഞ്ചവിംശതിസാഹസ്രൈ ച ചതുര്വിംശതിസിദ്ധിധൃക് ॥ ൧൬൭॥
ലക്ഷാവര്തനമാത്രേണ ലക്ഷ്മീപതിസമോ ഭവേത് ।
ലക്ഷത്രയാവര്ത്തനാത്തു മഹാദേവം വിജേഷ്യതി ॥ ൧൬൮॥
ലക്ഷപഞ്ചകമാവര്ത്യ കലാപഞ്ചകസംയുതഃ ।
ദശലക്ഷാവര്ത്തനാത്തു ദശവിദ്യാപ്തിരുത്തമാ ॥ ൧൬൯॥
പഞ്ചവിംശതിലക്ഷൈസ്തു ദശവിദ്യേശ്വരോ ഭവേത് ।
പഞ്ചാശല്ലക്ഷമാവൃത്യ മഹാകാലസമോ ഭവേത് ॥ ൧൭൦॥
കോടിമാവര്ത്തയേദ്യസ്തു കാലീം പശ്യതി ചക്ഷുഷാ ।
വരദാനോദ്യുക്തകരാം മഹാകാലസമന്വിതാമ് ॥ ൧൭൧॥
പ്രത്യക്ഷം പശ്യതി ശിവേ തസ്യാ ദേഹോ ഭവേദ്ധ്രുവമ് ।
ശ്രീവിദ്യാകാലികാതാരാത്രിശക്തിവിജയീ ഭവേത് ॥ ൧൭൨॥
വിധേര്ലിപിം ച സമ്മാര്ജ്യ കിങ്കരത്വം വിസൃജ്യ ച ।
മഹാരാജ്യമവാപ്നോതി നാത്ര കാര്യാ വിചാരണാ ॥ ൧൭൩॥
ത്രിശക്തിവിഷയേ ദേവിക്രമദീക്ഷാ പ്രകീര്തിതാ ।
ക്രമദീക്ഷായുതോ ദേവി രാജാ ഭവതി നിശ്ചിതമ് ॥ ൧൭൪॥
ക്രമദീക്ഷാവിഹീനസ്യ ഫലം പൂര്വമിഹേരിതമ് ।
ക്രമദീക്ഷായുതോ ദേവി ശിവ ഏവ ന ചാപരഃ ॥ ൧൭൫॥
ക്രമദീക്ഷാസമായുക്തഃ കാല്യുക്തസിദ്ധിഭാഗ്ഭവേത് ।
ക്രമദീക്ഷാവിഹീനസ്യ സിദ്ധിഹാനിഃ പദേ പദേ ॥ ൧൭൬॥
അഹോ ജന്മവതാം മധ്യേ ധന്യഃ ക്രമയുതഃ കലൌ ।
തത്രാപി ധന്യോ ദേവേശി നാമസാഹസ്രപാഠകഃ ॥ ൧൭൭॥
ദശകാലീവിദ്യൌ ദേവി സ്തോത്രമേതത്സദാ പഠേത് ।
സിദ്ധിം വിന്ദതി ദേവേശി നാത്ര കാര്യാ വിചാരണാ ॥ ൧൭൮॥
കാകീ കാലീ മഹാവിദ്യാ കലൌ കാലീ ച സിദ്ധിദാ ।
കലൌ കാലീ ച സിദ്ധാ ച കലൌ കാലീ വരപ്രദാ ॥ ൧൭൯॥
കലൌ കാലീ സാധകസ്യ ദര്ശനാര്ഥം സമുദ്യതാ ।
കലൌ കാലീ കേവലാ സ്യാന്നാത്ര കാര്യാ വിചാരണാ ॥ ൧൮൦॥
നാന്യവിദ്യാ നാന്യവിദ്യാ നാന്യവിദ്യാ കലൌ ഭവേത് ।
കലൌ കാലീം വിഹായാഥ യഃ കശ്ചിത്സിദ്ധികാമുകഃ ॥ ൧൮൧॥
സ തു ശക്തിം വിനാ ദേവി രതിസമ്ഭോഗമിച്ഛതി ।
കലൌ കാലീം വിനാ ദേവി യഃ കശ്ചിത്സിദ്ധിമിച്ഛതി ॥ ൧൮൨॥
സ നീലസാധനം ത്യക്ത്വാ പരിഭ്രമതി സര്വതഃ ।
കലൌ കാലീ വിഹായാഥ യഃ കശ്ചിന്മോക്ഷമിച്ഛതി ॥ ൧൮൩॥
ഗുരുധ്യാനം പരിത്യജ്യ സിദ്ധിമിച്ഛതി സാധകഃ ।
കലൌ കാലീ വിഹായാഥ യഃ കശ്ചിദ്രാജ്യമിച്ഛതി ॥ ൧൮൪॥
സ ഭോജന പരിത്യജ്യ ഭിക്ഷുവൃത്തിമഭീപ്സതി ।
സ ധന്യഃ സ ച വിജ്ഞാനീ സ ഏവ സുരപൂജിതഃ ॥ ൧൮൫॥
സ ദീക്ഷിതഃ സുഖീ സാധുഃ സത്യവാദീ ജിതേന്ദ്രിയഃ ।
സ വേദവക്താ സ്വാധ്യായീ നാത്ര കാര്യാ വിചാരണാ ॥ ൧൮൬॥
ശിവരൂപം ഗുരും ധ്യാത്വാ ശിവരൂപം ഗുരും സ്മരേത് ।
സദാശിവഃ സ ഏവ സ്യാനാത്ര കാര്യാ വിചാരണാ ॥ ൧൮൭॥
സ്വസ്മിന് കാലീം തു സമ്ഭാവ്യ പൂജയേജ്ജഗദമ്ബികാമ് ।
ത്രൈലോക്യവിജയീ ഭൂയാന്നാത്ര കാര്യ്യാ വിചാരണാ ॥ ൧൮൮॥
ഗോപനീയം ഗോപനീയം ഗോപനീയം പ്രയത്നതഃ ।
രഹസ്യാതിരഹസ്യം ച രഹസ്യാതിരഹസ്യകമ് ॥ ൧൮൯॥
ശ്ലോകാര്ദ്ധം പാദമാത്രം വാ പാദാദര്ധം ച തദര്ധകമ് ।
നാമാര്ധം യഃ പഠേദ്ദേവി ന വന്ധ്യദിവസം ന്യസേത് ॥ ൧൯൦॥
പുസ്തകം പൂജയേദ്ഭക്ത്യാ ത്വരിതം ഫലസിദ്ധയേ ।
ന ച മാരീഭയം തത്ര ന ചാഗ്നിര്വായുസമ്ഭവമ് ॥ ൧൯൧॥
ന ഭൂതാദിഭയം തത്ര സര്വത്ര സുഖമേധതേ ।
കുങ്കുമാഽലക്തകേനൈവ രോചനാഽഗരുയോഗതഃ ॥ ൧൯൨॥
ഭൂര്ജപത്രേ ലിഖേത് പുസ്തം സര്വകാമാര്ഥസിദ്ധയേ ।
ഇതി സംക്ഷേപതഃ പ്രോക്തം കിമന്യച്ഛ്രോതുമിച്ഛസി ॥ ൧൯൩॥
ഇതി ഗദിതമശേഷം കാലികാവര്ണരൂപം ।
പ്രപഠതി യദി ഭക്ത്യാ സര്വസിദ്ധീശ്വരഃ സ്യാത് ॥ ൧൯൪॥
അഭിനവസുഖകാമഃ സര്വവിദ്യാഭിരാമോ
ഭവതി സകലസിദ്ധിധഃ സര്വവീരാസമൃദ്ധിഃ ॥ ൧൯൫॥
॥ ഇതി ശ്രീമദാദിനാഥമഹാകാലവിരചിതായാം മഹാകാലസംഹിതായാം
കാലകാലീസംവാദേ സുന്ദരീശക്തിദാനാഖ്യം കാലീസ്വരൂപ
മേധാസാമ്രാജ്യപ്രദം സഹസ്രനാമസ്തോത്രം സമ്പൂര്ണമ് ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ത്oday
http://sanskritdocuments.org
Kakaradi Kali Sahasranama Stotram Lyrics in Malayalam PDF
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website