କକାରାଦି କାଲୀସହସ୍ରନାମସ୍ତୋତ୍ରମ୍
{॥ କକାରାଦି କାଲୀସହସ୍ରନାମସ୍ତୋତ୍ରମ୍ ॥}
ଶ୍ରୀ ଗଣେଶାଯ ନମଃ ।
କୈଲାସଶିଖରେ ରମ୍ଯେ ନାନାଦେଵଗଣାଵୃତେ ।
ନାନାଵୃକ୍ଷଲତାକୀର୍ଣେ ନାନାପୁଷ୍ପୈରଲଙ୍କୃତେ ॥ ୧॥
ଚତୁର୍ମଣ୍ଡଲସଂଯୁକ୍ତେ ଶ୍ରୃଙ୍ଗାରମଣ୍ଡପେ ସ୍ଥିତେ ।
ସମାଧୌ ସଂସ୍ଥିତଂ ଶାନ୍ତଂ କ୍ରୀଡନ୍ତଂ ଯୋଗିନୀପ୍ରିଯମ୍ ॥ ୨॥
ତତ୍ର ମୌନଧରଂ ଦୃଷ୍ଟ୍ଵା ଦେଵୀ ପୃଚ୍ଛତି ଶଙ୍କରମ୍ ।
ଦେଵ୍ଯୁଵାଚ ।
କିଂ ତ୍ଵଯା ଜପ୍ଯତେ ଦେଵ କିଂ ତ୍ଵଯା ସ୍ମର୍ଯ୍ଯତେ ସଦା ॥ ୩॥
ସୃଷ୍ଟିଃ କୁତ୍ର ଵିଲୀନାସ୍ତି ପୁନଃ କୁତ୍ର ପ୍ରଜାଯତେ ।
ବ୍ରହ୍ମାଣ୍ଡକାରଣଂ ଯତ୍ତତ୍ କିମାଦ୍ଯଂ କାରଣଂ ମହତ୍ ॥ ୪॥
ମନୋରଥମଯୀ ସିଦ୍ଧିସ୍ତଥା ଵାଞ୍ଛାମଯୀ ଶିଵ ।
ତୃତୀଯା କଲ୍ପନାସିଦ୍ଧିଃ କୋଟିସିଦ୍ଧୀଶ୍ଵରାତ୍ମକମ୍ ॥ ୫॥
ଶକ୍ତିପାତାଷ୍ଟଦଶକଂ ଚରାଚରପୁରୀଗତିଃ ।
ମହେନ୍ଦ୍ରଜାଲମିନ୍ଦ୍ରାଦିଜାଲାନାଂ ରଚନା ତଥା ॥ ୬॥
ଅଣିମାଦ୍ଯଷ୍ଟକଂ ଦେଵ ପରକାଯପ୍ରଵେଶନମ୍ ।
ନଵୀନସୃଷ୍ଟିକରଣଂ ସମୁଦ୍ରଶୋଷଣଂ ତଥା ॥ ୭॥
ଅମାଯାଂ ଚନ୍ଦ୍ରସନ୍ଦର୍ଶୋ ଦିଵା ଚନ୍ଦ୍ରପ୍ରକାଶନମ୍ ।
ଚନ୍ଦ୍ରାଷ୍ଟକଂ ଚାଷ୍ଟଦିକ୍ଷୁ ତଥା ସୂର୍ଯାଷ୍ଟକଂ ଶିଵ ॥ ୮॥
ଜଲେ ଜଲମଯତ୍ଵଂ ଚ ଵହ୍ନୌ ଵହ୍ନିମଯତ୍ଵକମ୍ ।
ବ୍ରହ୍ମ-ଵିଷ୍ଣ୍ଵାଦି-ନିର୍ମାଣମିନ୍ଦ୍ରାଣାଂ କାରଣଂ କରେ ॥ ୯॥
ପାତାଲଗୁଟିକା-ଯକ୍ଷ-ଵେତାଲପଞ୍ଚକଂ ତଥା ।
ରସାଯନଂ ତଥା ଗୁପ୍ତିସ୍ତଥୈଵ ଚାଖିଲାଞ୍ଜନମ୍ ॥ ୧୦॥
ମହାମଧୁମତୀ ସିଦ୍ଧିସ୍ତଥା ପଦ୍ମାଵତୀ ଶିଵ ।
ତଥା ଭୋଗଵତୀ ସିଦ୍ଧିର୍ଯାଵତ୍ଯଃ ସନ୍ତି ସିଦ୍ଧଯଃ ॥ ୧୧॥
କେନ ମନ୍ତ୍ରେଣ ତପସା କଲୌ ପାପସମାକୁଲେ ।
ଆଯୁଷ୍ଯଂ ପୁଣ୍ଯରହିତେ କଥଂ ଭଵତି ତଦ୍ଵଦ ॥ ୧୨॥
ଶ୍ରୀଶିଵ ଉଵାଚ ।
ଵିନା ମନ୍ତ୍ରଂ ଵିନା ସ୍ତୋତ୍ରଂ ଵିନୈଵ ତପସା ପ୍ରିଯେ ।
ଵିନା ବଲିଂ ଵିନା ନ୍ଯାସଂ ଭୂତଶୁଦ୍ଧିଂ ଵିନା ପ୍ରିଯେ ॥ ୧୩॥
ଵିନା ଧ୍ଯାନଂ ଵିନା ଯନ୍ତ୍ରଂ ଵିନା ପୂଜାଦିନା ପ୍ରିଯେ ।
ଵିନା କ୍ଲେଶାଦିଭିର୍ଦେଵି ଦେହଦୁଃଖାଦିଭିର୍ଵିନା ॥ ୧୪॥
ସିଦ୍ଧିରାଶୁ ଭଵେଦ୍ଯେନ ତଦେଵଂ କଥ୍ଯତେ ମଯା ।
ଶୂନ୍ଯେ ବ୍ରହ୍ମଣ୍ଡଗୋଲେ ତୁ ପଞ୍ଚାଶଚ୍ଛୂନ୍ଯମଧ୍ଯକେ ॥ ୧୫॥
ପଞ୍ଚଶୂନ୍ଯସ୍ଥିତା ତାରା ସର୍ଵାନ୍ତେ କାଲିକା ସ୍ଥିତା ।
ଅନନ୍ତ-କୋଟି ବ୍ରହ୍ମାଣ୍ଡ ରାଜଦଣ୍ଡାଗ୍ରକେ ଶିଵେ ॥ ୧୬॥
ସ୍ଥାପ୍ଯ ଶୂନ୍ଯାଲଯଂ କୃତ୍ଵା କୃଷ୍ଣଵର୍ଣଂ ଵିଧାଯ ଚ ।
ମହାନିର୍ଗୁଣରୂପା ଚ ଵାଚାତୀତା ପରା କଲା ॥ ୧୭॥
କ୍ରୀଡାଯାଂ ସଂସ୍ଥିତା ଦେଵୀ ଶୂନ୍ଯରୂପା ପ୍ରକଲ୍ପଯେତ୍ ।
ସୃଷ୍ଟେରାରମ୍ଭକାର୍ଯାର୍ଥଂ ଦୃଷ୍ଟା ଛାଯା ତଯା ଯଦା ॥ ୧୮॥
ଇଚ୍ଛାଶକ୍ତିସ୍ତୁ ସା ଜାତା ତଥା କାଲୋ ଵିନିର୍ମିତଃ ।
ପ୍ରତିବିମ୍ବଂ ତତ୍ର ଦୃଷ୍ଟଂ ଜାତା ଜ୍ଞାନାଭିଧା ତୁ ସା ॥ ୧୯॥
ଇଦମେତତ୍କିଂଵିଶିଷ୍ଟଂ ଜାତଂ ଵିଜ୍ଞାନକଂ ମୁଦା ।
ତଦା କ୍ରିଯାଽଭିଧା ଜାତା ତଦୀଚ୍ଛାତୋ ମହେଶ୍ଵରି ॥ ୨୦॥
ବ୍ରହ୍ମାଣ୍ଡଗୋଲେ ଦେଵେଶି ରାଜଦଣ୍ଡସ୍ଥିତଂ ଚ ଯତ୍ ।
ସା କ୍ରିଯା ସ୍ଥାପଯାମାସ ସ୍ଵ-ସ୍ଵସ୍ଥାନକ୍ରମେଣ ଚ ॥ ୨୧॥
ତତ୍ରୈଵ ସ୍ଵେଚ୍ଛଯା ଦେଵି ସାମରସ୍ଯପରାଯଣା ।
ତଦିଚ୍ଛା କଥ୍ଯତେ ଦେଵି ଯଥାଵଦଵଧାରଯ ॥ ୨୨॥
ଯୁଗାଦିସମଯେ ଦେଵି ଶିଵଂ ପରଗୁଣୋତ୍ତମମ୍ ।
ତଦିଚ୍ଛା ନିର୍ଗୁଣଂ ଶାନ୍ତଂ ସଚ୍ଚିଦାନନ୍ଦଵିଗ୍ରହମ୍ ॥ ୨୩॥
ଶାଶ୍ଵତଂ ସୁନ୍ଦରଂ ଶୁଦ୍ଧଂ ସର୍ଵଦେଵଯୁତଂ ଵରମ୍ ।
ଆଦିନାଥଂ ଗୁଣାତୀତଂ କାଲ୍ଯା ସଂଯୁତମୀଶ୍ଵରମ୍ ॥ ୨୪॥
ଵିପରୀତରତଂ ଦେଵଂ ସାମରସ୍ଯପରାଯଣମ୍ ।
ପୂଜାର୍ଥମାଗତଂ ଦେଵ-ଗନ୍ଧର୍ଵାଽପ୍ସରସାଂ ଗଣମ୍ ॥ ୨୫॥
ଯକ୍ଷିଣୀଂ କିନ୍ନରୀକନ୍ଯାମୁର୍ଵଶ୍ଯାଦ୍ଯାଂ ତିଲୋତ୍ତମାମ୍ ।
ଵୀକ୍ଷ୍ଯ ତନ୍ମାଯଯା ପ୍ରାହ ସୁନ୍ଦରୀ ପ୍ରାଣଵଲ୍ଲଭା ॥ ୨୬॥
ତ୍ରୈଲୋକ୍ଯସୁନ୍ଦରୀ ପ୍ରାଣସ୍ଵାମିନୀ ପ୍ରାଣରଞ୍ଜିନୀ ।
କିମାଗତଂ ଭଵତ୍ଯାଽଦ୍ଯ ମମ ଭାଗ୍ଯାର୍ଣଵୋ ମହାନ୍ ॥ ୨୭॥
ଉକ୍ତ୍ଵା ମୌନଧରଂ ଶମ୍ଭୁଂ ପୂଜଯନ୍ତ୍ଯପ୍ସରୋଗଣାଃ ।
ଅପ୍ସରସ ଊଚୁଃ ।
ସଂସାରାତ୍ତାରିତଂ ଦେଵ ତ୍ଵଯା ଵିଶ୍ଵଜନପ୍ରିଯ ॥ ୨୮॥
ସୃଷ୍ଟେରାରମ୍ଭକାର୍ଯ୍ଯାର୍ଥମୁଦ୍ଯୁକ୍ତୋଽସି ମହାପ୍ରଭୋ ।
ଵେଶ୍ଯାକୃତ୍ଯମିଦଂ ଦେଵ ମଙ୍ଗଲାର୍ଥପ୍ରଗାଯନମ୍ ॥ ୨୯॥
ପ୍ରଯାଣୋତ୍ସଵକାଲେ ତୁ ସମାରମ୍ଭେ ପ୍ରଗାଯନମ୍ ।
ଗୁଣାଦ୍ଯାରମ୍ଭକାଲେ ହି ଵର୍ତ୍ତତେ ଶିଵଶଙ୍କର ॥ ୩୦॥
ଇନ୍ଦ୍ରାଣୀକୋଟଯଃ ସନ୍ତି ତସ୍ଯାଃ ପ୍ରସଵବିନ୍ଦୁତଃ ।
ବ୍ରହ୍ମାଣୀ ଵୈଷ୍ଣଵୀ ଚୈଵ ମାହେଶୀ କୋଟିକୋଟଯଃ ॥ ୩୧॥
ତଵ ସାମରସାନନ୍ଦ ଦର୍ଶନାର୍ଥଂ ସମୁଦ୍ଭଵାଃ ।
ସଞ୍ଜାତାଶ୍ଚାଗ୍ରତୋ ଦେଵ ଚାସ୍ମାକଂ ସୌଖ୍ଯସାଗର ॥ ୩୨॥
ରତିଂ ହିତ୍ଵା କାମିନୀନାଂ ନାଽନ୍ଯତ୍ ସୌଖ୍ଯଂ ମହେଶ୍ଵର ।
ସା ରତିର୍ଦୃଶ୍ଯତେଽସ୍ମାଭିର୍ମହତ୍ସୌଖ୍ଯାର୍ଥକାରିକା ॥ ୩୩॥
ଏଵମେତତ୍ତୁ ଚାସ୍ମାଭିଃ କର୍ତଵ୍ଯଂ ଭର୍ତୃଣା ସହ ।
ଏଵଂ ଶ୍ରୁତ୍ଵା ମହାଦେଵୋ ଧ୍ଯାନାଵସ୍ଥିତମାନସଃ ॥ ୩୪॥
ଧ୍ଯାନଂ ହିତ୍ଵା ମାଯଯା ତୁ ପ୍ରୋଵାଚ କାଲିକାଂ ପ୍ରତି ।
କାଲି କାଲି ରୁଣ୍ଡମାଲେ ପ୍ରିଯେ ଭୈରଵଵାଦିନୀ ॥ ୩୫॥
ଶିଵାରୂପଧରେ କ୍ରୂରେ ଘୋରଦ୍ରଂଷ୍ଟେ ଭଯାନକେ ।
ତ୍ରୈଲୋକ୍ଯସୁନ୍ଦରକରୀ ସୁନ୍ଦର୍ଯ୍ଯଃ ସନ୍ତି ମେଽଗ୍ରତଃ ॥ ୩୬॥
ସୁନ୍ଦରୀଵୀକ୍ଷଣଂ କର୍ମ କୁରୁ କାଲି ପ୍ରିଯେ ଶିଵେ ।
ଧ୍ଯାନଂ ମୁଞ୍ଚ ମହାଦେଵି ତା ଗଚ୍ଛନ୍ତି ଗୃହଂ ପ୍ରତି ॥ ୩୭॥
ତଵ ରୂପଂ ମହାକାଲି ମହାକାଲପ୍ରିଯଙ୍କରମ୍ ।
ଏତାସାଂ ସୁନ୍ଦରଂ ରୂପଂ ତ୍ରୈଲୋକ୍ଯପ୍ରିଯକାରକମ୍ ॥ ୩୮॥
ଏଵଂ ମାଯାଭ୍ରମାଵିଷ୍ଟୋ ମହାକାଲୋ ଵଦନ୍ନିତି ।
ଇତି କାଲଵଚଃ ଶ୍ରୁତ୍ଵା କାଲଂ ପ୍ରାହ ଚ କାଲିକା ॥ ୩୯॥
ମାଯଯାଽଽଚ୍ଛାଦ୍ଯ ଚାତ୍ମାନଂ ନିଜସ୍ତ୍ରୀରୂପଧାରିଣୀ ।
ଇତଃ ପ୍ରଭୃତି ସ୍ତ୍ରୀମାତ୍ରଂ ଭଵିଷ୍ଯତି ଯୁଗେ ଯୁଗେ ॥ ୪୦॥
ଵଲ୍ଲ୍ଯାଦ୍ଯୌଷଧଯୋ ଦେଵି ଦିଵା ଵଲ୍ଲୀସ୍ଵରୂପତାମ୍ ।
ରାତ୍ରୌ ସ୍ତ୍ରୀରୂପମାସାଦ୍ଯ ରତିକେଲିଃ ପରସ୍ପରମ୍ ॥ ୪୧॥
ଅଜ୍ଞାନଂ ଚୈଵ ସର୍ଵେଷାଂ ଭଵିଷ୍ଯତି ଯୁଗେ ଯୁଗେ ।
ଏଵଂ ଶାପଂ ଚ ଦତ୍ଵା ତୁ ପୁନଃ ପ୍ରୋଵାଚ କାଲିକା ॥ ୪୨॥
ଵିପରୀତରତିଂ କୃତ୍ଵା ଚିନ୍ତଯନ୍ତି ମନନ୍ତି ଯେ ।
ତେଷାଂ ଵରଂ ପ୍ରଦାସ୍ଯାମି ନିତ୍ଯଂ ତତ୍ର ଵସାମ୍ଯହମ୍ ॥ ୪୩॥
ଇତ୍ଯୁକ୍ତ୍ଵା କାଲିକା ଵିଦ୍ଯା ତତ୍ରୈଵାନ୍ତରଧୀଯତ ।
ତ୍ରିଂଶତ୍-ତ୍ରିଖର୍ଵ-ଷଡ୍ଵୃନ୍ଦ-ନଵତ୍ଯର୍ବୁଦକୋଟଯଃ ॥ ୪୪॥
ଦର୍ଶନାର୍ଥଂ ତପସ୍ତେପେ ସା ଵୈ କୁତ୍ର ଗତା ପ୍ରିଯା ।
ମମ ପ୍ରାଣପ୍ରିଯା ଦେଵୀ ହାହା ପ୍ରାଣପ୍ରିଯେ ଶିଵେ ॥ ୪୫॥
କିଂ କରୋମି କ୍ଵ ଗଚ୍ଛାମି ଇତ୍ଯେଵଂ ଭ୍ରମସଙ୍କୁଲଃ ।
ତସ୍ଯାଃ କାଲ୍ଯା ଦଯା ଜାତା ମମ ଚିନ୍ତାପରଃ ଶିଵଃ ॥ ୪୬॥
ଯନ୍ତ୍ରପ୍ରସ୍ତାରବୁଦ୍ଧିସ୍ତୁ କାଲ୍ଯା ଦତ୍ତାତିସତ୍ଵରମ୍ ।
ଯନ୍ତ୍ରଯାଗଂ ତଦାରଭ୍ଯ ପୂର୍ଵଂ ଚିଦ୍ଘନଗୋଚରା ॥ ୪୭॥
ଶ୍ରୀଚକ୍ରଂ ଯନ୍ତ୍ରପ୍ରସ୍ତାରରଚନାଭ୍ଯାସତତ୍ପରଃ ।
ଇତସ୍ତତୋ ଭ୍ରମ୍ଯମାଣସ୍ତ୍ରୈଲୋକ୍ଯଂ ଚକ୍ରମଧ୍ଯକମ୍ ॥ ୪୮॥
ଚକ୍ରପାରଦର୍ଶନାର୍ଥଂ କୋଟ୍ଯର୍ବୁଦଯୁଗଂ ଗତମ୍ ।
ଭକ୍ତପ୍ରାଣପ୍ରିଯା ଦେଵୀ ମହାଶ୍ରୀଚକ୍ରନାଯିକା ॥ ୪୯॥
ତତ୍ର ବିନ୍ଦୌ ପରଂ ରୂପଂ ସୁନ୍ଦରଂ ସୁମନୋହରମ୍ ।
ରୂପଂ ଜାତଂ ମହେଶାନି ଜାଗ୍ରତ୍ତ୍ରିପୁରସୁନ୍ଦରି ॥ ୫୦॥
ରୂପଂ ଦୃଷ୍ଟ୍ଵା ମହାଦେଵୋ ରାଜରାଜେଶ୍ଵରୋଽଭଵତ୍ ।
ତସ୍ଯାଃ କଟାକ୍ଷମାତ୍ରେଣ ତସ୍ଯା ରୂପଧରଃ ଶିଵଃ ॥ ୫୧॥
ଵିନା ଶ୍ରୃଙ୍ଗାରସଂଯୁକ୍ତା ତଦା ଜାତା ମହେଶ୍ଵରୀ ।
ଵିନା କାଲ୍ଯଂଶତୋ ଦେଵି ଜଗତ୍ସ୍ଥାଵରଜଙ୍ଗମମ୍ ॥ ୫୨॥
ନ ଶ୍ରୃଙ୍ଗାରୋ ନ ଶକ୍ତିତ୍ଵଂ କ୍ଵାପି ନାସ୍ତି ମହେଶ୍ଵରୀ ।
ସୁନ୍ଦର୍ଯ୍ଯା ପ୍ରାର୍ଥିତା କାଲୀ ତୁଷ୍ଟା ପ୍ରୋଵାଚ କାଲିକା ॥ ୫୩॥
ସର୍ଵାସାଂ ନେତ୍ରକେଶେଷୁ ମମାଂଶୋଽତ୍ର ଭଵିଷ୍ଯତି ।
ପୂର୍ଵାଵସ୍ଥାସୁ ଦେଵେଶି ମମାଂଶସ୍ତିଷ୍ଠତି ପ୍ରିଯେ ॥ ୫୪॥
ସାଵସ୍ଥା ତରୁଣାଖ୍ଯା ତୁ ତଦନ୍ତେ ନୈଵ ତିଷ୍ଠତି ।
ମଦ୍ଭକ୍ତାନାଂ ମହେଶାନି ସଦା ତିଷ୍ଠତି ନିଶ୍ଚିତମ୍ ॥ ୫୫॥
ଶକ୍ତିସ୍ତୁ କୁଣ୍ଠିତା ଜାତା ତଥା ରୂପଂ ନ ସୁନ୍ଦରମ୍ ।
ଚିନ୍ତାଵିଷ୍ଟା ତୁ ମଲିନା ଜାତା ତତ୍ର ଚ ସୁନ୍ଦରୀ ॥ ୫୬॥
କ୍ଷଣଂ ସ୍ଥିତ୍ଵା ଧ୍ଯାନପରା କାଲୀ ଚିନ୍ତନତତ୍ପରା ।
ତଦା କାଲୀ ପ୍ରସନ୍ନାଽଭୂତ୍ କ୍ଷଣାର୍ଦ୍ଧେନ ମହେଶ୍ଵରୀ ॥ ୫୭॥
ଵରଂ ବ୍ରୂହି ଵରଂ ବ୍ରୂହି ଵରଂ ବ୍ରୂହୀତି ସାଦରମ୍ ।
ସୁନ୍ଦର୍ଯୁଵାଚ ।
ମମ ସିଦ୍ଧିଵରଂ ଦେହି ଵରୋଽଯଂ ପ୍ରାର୍ଥ୍ଯତେ ମଯା ॥ ୫୮॥
ତାଦୃଗୁପାଯଂ କଥଯ ଯେନ ଶକ୍ତିର୍ଭଵିଷ୍ଯତି ।
ଶ୍ରୀକାଲ୍ଯୁଵାଚ ।
ମମ ନାମସାହସ୍ରଂ ଚ ମଯା ପୂର୍ଵଂ ଵିନିର୍ମିତମ୍ ॥ ୫୯॥
ମତ୍ସ୍ଵରୂପଂ କକାରାଖ୍ଯଂ ମେଧାସାମ୍ରାଜ୍ଯନାମକମ୍ ।
ଵରଦାନାଭିଧଂ ନାମ କ୍ଷଣାର୍ଦ୍ଧାଦ୍ଵରଦାଯକମ୍ ॥ ୬୦॥
ତତ୍ପଠସ୍ଵ ମହାମାଯେ ତଵ ଶକ୍ତିର୍ଭଵିଷ୍ଯତି ।
ତତଃ ପ୍ରଭୃତି ଶ୍ରୀଵିଦ୍ଯା ତନ୍ନାମପାଠତତ୍ପରା ॥ ୬୧॥
ତଦେଵ ନାମସାହସ୍ରଂ ସୁନ୍ଦରୀଶକ୍ତିଦାଯକମ୍ ।
କଥ୍ଯତେ ପରଯା ଭକ୍ତ୍ଯା ସାଧଯେ ସୁମହେଶ୍ଵରି ॥ ୬୨॥
ମଦ୍ଯେର୍ମାଂସୈସ୍ତଥା ଶୁକ୍ରୈର୍ବହୁରକ୍ତୈରପି ପ୍ରିଯେ ।
ତର୍ପଯେତ୍ ପୂଜଯେତ୍ କାଲୀଂ ଵିପରୀତରତିଂ ଚରେତ୍ ॥ ୬୩॥
ଵିପରୀତରତୌ ଦେଵି କାଲୀ ତିଷ୍ଠତି ନିତ୍ଯଶଃ ।
ମାଧ୍ଵୀକପୁଷ୍ପଶୁକ୍ରାନ୍ନମୈଥୁନାଦ୍ଯା ଵିରାଗିଣୀ ॥ ୬୪॥
ଵୈଷ୍ଣଵୀ ଵ୍ଯାପିକା ଵିଦ୍ଯା ଶ୍ମଶାନଵାସିନୀ ପରା ।
ଵୀରସାଧନସନ୍ତୁଷ୍ଟା ଵୀରାସ୍ଫାଲନନାଦିନୀ ॥ ୬୫॥
ଶିଵାବଲିପ୍ରହୃଷ୍ଟାତ୍ମା ଶିଵାରୂପାଦ୍ଯଚଣ୍ଡିକା ।
କାମସ୍ତୋତ୍ରପ୍ରିଯାତ୍ଯୁଗ୍ରମାନସା କାମରୂପିଣୀ ॥ ୬୬॥
ବ୍ରହ୍ମାନନ୍ଦପରା ଶମ୍ଭୁ ମୈଥୁନାନନ୍ଦତୋଷିତା ।
ଯୋଗୀନ୍ଦ୍ରହୃଦଯାଗାରା ଦିଵା ନିଶି ଵିପର୍ଯଯା ॥ ୬୭॥
କ୍ଷଣଂ ତୁଷ୍ଟା ଚ ପ୍ରତ୍ଯକ୍ଷା ଦନ୍ତମାଲାଜପପ୍ରିଯା ।
ଶଯ୍ଯାଯାଂ ଚୁମ୍ବନାଙ୍ଗଃ ସନ୍ ଵେଶ୍ଯାସଙ୍ଗପରାଯଣଃ ॥ ୬୮॥
ଖଡ୍ଗହସ୍ତୋ ମୁକ୍ତକେଶୋ ଦିଗମ୍ବରଵିଭୂଷିତଃ ।
ପଠେନ୍ନାମସହସ୍ରାଖ୍ଯଂ ମେଧାସାମ୍ରାଜ୍ଯନାମକମ୍ ॥ ୬୯॥
ଯଥା ଦିଵ୍ଯାମୃତୈର୍ଦେଵାଃ ପ୍ରସନ୍ନା କ୍ଷଣମାତ୍ରତଃ ।
ତଥାଽନେନ ମହାକାଲୀ ପ୍ରସନ୍ନା ପାଠମାତ୍ରତଃ ॥ ୭୦॥
କଥ୍ଯତେ ନାମସାହସ୍ରଂ ସାଵଧାନମନାଃ ଶ୍ରୃଣୁ ।
ସର୍ଵସାମ୍ରାଜ୍ଯମେଧାଖ୍ଯନାମସାହସ୍ତ୍ରକସ୍ଯ ଚ ॥ ୭୧॥
ମହାକାଲ ଋଷିଃ ପ୍ରୋକ୍ତ ଉଷ୍ଣିକ୍ଛନ୍ଦଃ ପ୍ରକୀର୍ତିତମ୍ ।
ଦେଵତା ଦକ୍ଷିଣା କାଲୀ ମାଯାବୀଜଂ ପ୍ରକୀର୍ତିତମ୍ ॥ ୭୨॥
ହ୍ରୂଁ ଶକ୍ତିଃ କାଲିକାବୀଜଂ କୀଲକଂ ପରିକୀର୍ତିତମ୍ ।
କାଲିକା ଵରଦାନାଦି-ସ୍ଵେଷ୍ଟାର୍ଥେ ଵିନିଯୋଗତଃ ॥ ୭୩॥
କୀଲକେନ ଷଡଙ୍ଗାନି ଷଡ୍ଦୀର୍ଘାବୀଜେନ କାରଯେତ୍ ।
ଧ୍ଯାନଂ ଚ ପୂର୍ଵଵତ୍କୃତ୍ଵା ସାଧଯେଦିଷ୍ଟସାଧନମ୍ ॥ ୭୪॥
ଓଂ ଅସ୍ଯ ଶ୍ରୀସର୍ଵସାମ୍ରାଜ୍ଯମେଧାକାଲୀସ୍ଵରୂପ-
କକାରାତ୍ମକସହସ୍ରନାମସ୍ତୋତ୍ରମନ୍ତ୍ରସ୍ଯ ମହାକାଲ-
ଋଷିରୁଷ୍ଣିକ୍ଛନ୍ଦଃ, ଶ୍ରୀଦକ୍ଷିଣକାଲୀ ଦେଵତା, ହ୍ରୀଂ ବୀଜମ୍,
ହ୍ରୂଁ ଶକ୍ତିଃ, କ୍ରୀଂ କୀଲକଂ, କାଲୀଵରଦାନାଦିସ୍ଵେଷ୍ଟାର୍ଥେ ଜପେ ଵିନିଯୋଗଃ ।
ଓଂ ମହାକାଲ ଋଷଯେ ନମଃ ଶିରସି ।
ଉଷ୍ଣିକ୍ଛନ୍ଦସେ ନମଃ ମୁଖେ ।
ଶ୍ରୀ ଦକ୍ଷିଣକାଲୀଦେଵତାଯୈ ନମଃ ହୃଦଯେ ।
ହ୍ରୀଂ ବୀଜାଯ ନମଃ ଗୁହ୍ଯେ ।
ହ୍ରୂଁ ଶକ୍ତଯେ ନମଃ ପାଦଯୋଃ ।
କ୍ରୀଂ କୀଲକାଯ ନମଃ ନାଭୌ ।
ଵିନିଯୋଗାଯନମଃ ସର୍ଵାଙ୍ଗେ । ଇତି ଋଷ୍ଯାଦିନ୍ଯାସଃ ।
ଓଂ କ୍ରାଂ ଅଙ୍ଗୁଷ୍ଠାଭ୍ଯାଂ ନମଃ ।
ଓଂ କ୍ରୀଂ ତର୍ଜନୀଭ୍ଯାଂ ନମଃ ।
ଓଂ କ୍ରୂଂ ମଧ୍ଯମାଭ୍ଯାଂ ନମଃ ।
ଓଂ କ୍ରୈଂ ଅନାମିକାଭ୍ଯାଂ ନମଃ ।
ଓଂ କ୍ରୌଂ କନିଷ୍ଠିକାଭ୍ଯାଂ ନମଃ ।
ଓଂ କ୍ରଃ କରତଲକରପୃଷ୍ଠାଭ୍ଯାଂ ନମଃ । ଇତି କରାଙ୍ଗନ୍ଯାସଃ ।
ଓଂ କ୍ରାଂ ହୃଦଯାଯ ନମଃ ।
ଓଂ କ୍ରୀଂ ଶିରସେ ସ୍ଵାହା ।
ଓଂ କ୍ରୂଂ ଶିଖାଯୈ ଵଷଟ୍ ।
ଓଂ କ୍ରୈଂ କଵଚାଯ ହୁଂ ।
ଓଂ କ୍ରୌଂ ନେତ୍ରତ୍ରଯାଯ ଵୌଷଟ୍ ।
ଓଂ କ୍ରଃ ଅସ୍ତ୍ରାଯ ଫଟ୍ । ଇତି ହୃଦଯାଦି ଷଡଙ୍ଗନ୍ଯାସଃ ।
ଅଥ ଧ୍ଯାନମ୍ ।
ଓଂ କରାଲଵଦନାଂ ଘୋରାଂ ମୁକ୍ତକେଶୀଂ ଚତୁର୍ଭୁଜାମ୍ ।
କାଲିକାଂ ଦକ୍ଷିଣାଂ ଦିଵ୍ଯାଂ ମୁଣ୍ଡମାଲାଵିଭୂଷିତାମ୍ ॥
ସଦ୍ଯଶ୍ଛିନ୍ନଶିରଃଖଡ୍ଗଵାମୋର୍ଧ୍ଵାଧଃକରାମ୍ବୁଜାମ୍ ।
ଅଭଯଂ ଵରଦଂ ଚୈଵ ଦକ୍ଷିଣାଧୋର୍ଧ୍ଵପାଣିକାମ୍ ॥
ମହାମେଘପ୍ରଭାଂ ଶ୍ଯାମାଂ ତଥା ଚୈଵ ଦିଗମ୍ବରାମ୍ ।
କଣ୍ଠାଵସକ୍ତମୁଣ୍ଡାଲୀଗଲଦ୍ରୁଧିରଚର୍ଚିତାମ୍ ॥
କର୍ଣାଵତଂସତାନୀତଶଵଯୁଗ୍ମଭଯାନକାମ୍ ।
ଘୋରଦଂଷ୍ଟ୍ରାକରାଲାସ୍ଯାଂ ପୀନୋନ୍ନତପଯୋଧରାମ୍ ॥
ଶଵାନାଂ କରସଙ୍ଘାତୈଃ କୃତକାଞ୍ଚୀଂ ହସନ୍ମୁଖୀମ୍ ।
ସୃକ୍କଦ୍ଵଯଗଲଦ୍ରକ୍ତଧାରାଵିସ୍ଫୁରିତାନନାମ୍ ॥
ଘୋରରୂପାଂ ମହାରୌଦ୍ରୀଂ ଶ୍ମଶାନାଲଯଵାସିନୀମ୍ ।
ଦନ୍ତୁରାଂ ଦକ୍ଷିଣଵ୍ଯାପିମୁକ୍ତଲମ୍ବକଚୋଚ୍ଚଯାମ୍ ॥
ଶଵରୂପମହାଦେଵହୃଦଯୋପରି ସଂସ୍ଥିତାମ୍ ।
ଶିଵାଭିର୍ଘୋରରୂପାଭିଶ୍ଚତୁର୍ଦ୍ଦିକ୍ଷୁ ସମନ୍ଵିତାମ୍ ॥
ମହାକାଲେନ ସାର୍ଦ୍ଧୋର୍ଦ୍ଧମୁପଵିଷ୍ଟରତାତୁରାମ୍ ।
ସୁଖପ୍ରସନ୍ନଵଦନାଂ ସ୍ମେରାନନସରୋରୁହାମ୍ ॥
ଏଵଂ ସଙ୍ଚିନ୍ତଯେଦ୍ଦେଵୀଂ ଶ୍ମଶାନାଲଯଵାସିନୀମ୍ ॥
ଓଂ କ୍ରୀଂ କାଲୀ କ୍ରୂଁ କରାଲୀ ଚ କଲ୍ଯାଣୀ କମଲା କଲା ।
କଲାଵତୀ କଲାଢ୍ଯା ଚ କଲାପୂଜ୍ଯା କଲାତ୍ମିକା ॥ ୧॥
କଲାଦୃଷ୍ଟା କଲାପୁଷ୍ଟା କଲାମସ୍ତା କଲାଧରା ।
କଲାକୋଟି କଲାଭାସା କଲାକୋଟିପ୍ରପୂଜିତା ॥ ୨॥
କଲାକର୍ମକଲାଧାରା କଲାପାରା କଲାଗମା ।
କଲାଧାରା କମଲିନୀ କକାରା କରୁଣା କଵିଃ ॥ ୩॥
କକାରଵର୍ଣସର୍ଵାଙ୍ଗୀ କଲାକୋଟିଵିଭୂଷିତା ।
କକାରକୋଟିଗୁଣିତା କଲାକୋଟିଵିଭୂଷଣା ॥ ୪॥
କକାରଵର୍ଣହୃଦଯା କକାରମନୁମଣ୍ଡିତା ।
କକାରଵର୍ଣନିଲଯା କାକଶବ୍ଦପରାଯଣା ॥ ୫॥
କକାରଵର୍ଣମୁକୁଟା କକାରଵର୍ଣଭୂଷଣା ।
କକାରଵର୍ଣରୂପା ଚ କକଶବ୍ଦପରାଯଣା ॥ ୬॥
କକଵୀରାସ୍ଫାଲରତା କମଲାକରପୂଜିତା ।
କମଲାକରନାଥା ଚ କମଲାକରରୂପଧୃକ୍ ॥ ୭॥
କମଲାକରସିଦ୍ଧିସ୍ଥା କମଲାକରପାରଦା ।
କମଲାକରମଧ୍ଯସ୍ଥା କମଲାକରତୋଷିତା ॥ ୮॥
କଥଙ୍କାରପରାଲାପା କଥଙ୍କାରପରାଯଣା ।
କଥଙ୍କାରପଦାନ୍ତସ୍ଥା କଥଙ୍କାରପଦାର୍ଥଭୂଃ ॥ ୯॥
କମଲାକ୍ଷୀ କମଲଜା କମଲାକ୍ଷପ୍ରପୂଜିତା ।
କମଲାକ୍ଷଵରୋଦ୍ଯୁକ୍ତା କକାରା କର୍ବୁରାକ୍ଷରା ॥ ୧୦॥
କରତାରା କରଚ୍ଛିନ୍ନା କରଶ୍ଯାମା କରାର୍ଣଵା ।
କରପୂଜ୍ଯା କରରତା କରଦା କରପୂଜିତା ॥ ୧୧॥
କରତୋଯା କରାମର୍ଷା କର୍ମନାଶା କରପ୍ରିଯା ।
କରପ୍ରାଣା କରକଜା କରକା କରକାନ୍ତରା ॥ ୧୨॥
କରକାଚଲରୂପା ଚ କରକାଚଲଶୋଭିନୀ ।
କରକାଚଲପୁତ୍ରୀ ଚ କରକାଚଲତୋଷିତା ॥ ୧୩॥
କରକାଚଲଗେହସ୍ଥା କରକାଚଲରକ୍ଷିଣୀ ।
କରକାଚଲସମ୍ମାନ୍ଯା କରକାଚଲକାରିଣୀ ॥ ୧୪॥
କରକାଚଲଵର୍ଷାଢ୍ଯା କରକାଚଲରଞ୍ଜିତା ।
କରକାଚଲକାନ୍ତାରା କରକାଚଲମାଲିନୀ ॥ ୧୫॥
କରକାଚଲଭୋଜ୍ଯା ଚ କରକାଚଲରୂପିଣୀ ।
କରାମଲକସଂସ୍ଥା ଚ କରାମଲକସିଦ୍ଧିଦା ॥ ୧୬॥
କରାମଲକସମ୍ପୂଜ୍ଯା କରାମଲକତାରିଣୀ ।
କରାମଲକକାଲୀ ଚ କରାମଲକରୋଚିନୀ ॥ ୧୭॥
କରାମଲକମାତା ଚ କରାମଲକସେଵିନୀ ।
କରାମଲକବଦ୍ଧ୍ଯେଯା କରାମଲକଦାଯିନୀ ॥ ୧୮॥
କଞ୍ଜନେତ୍ରା କଞ୍ଜଗତିଃ କଞ୍ଜସ୍ଥା କଞ୍ଜଧାରିଣୀ ।
କଞ୍ଜମାଲାପ୍ରିଯକରୀ କଞ୍ଜରୂପା ଚ କଞ୍ଜନା ॥ ୧୯॥
କଞ୍ଜଜାତିଃ କଞ୍ଜଗତିଃ କଞ୍ଜହୋମପରାଯଣା ।
କଞ୍ଜମଣ୍ଡଲମଧ୍ଯସ୍ଥା କଞ୍ଜାଭରଣଭୂଷିତା ॥ ୨୦॥
କଞ୍ଜସମ୍ମାନନିରତା କଞ୍ଜୋତ୍ପତ୍ତିପରାଯଣା ।
କଞ୍ଜରାଶିସମାକାରା କଞ୍ଜାରଣ୍ଯନିଵାସିନୀ ॥ ୨୧॥
କରଞ୍ଜଵୃକ୍ଷମଧ୍ଯସ୍ଥା କରଞ୍ଜଵୃକ୍ଷଵାସିନୀ ।
କରଞ୍ଜଫଲଭୂଷାଢ୍ଯା କରଞ୍ଜାରଣ୍ଯଵାସିନୀ ॥ ୨୨॥
କରଞ୍ଜମାଲାଭରଣା କରଵାଲପରାଯଣା ।
କରଵାଲପ୍ରହୃଷ୍ଟାତ୍ମା କରଵାଲପ୍ରିଯା ଗତିଃ ॥ ୨୩॥
କରଵାଲପ୍ରିଯା କନ୍ଯା କରଵାଲଵିହାରିଣୀ ।
କରଵାଲମଯୀ କର୍ମ୍ମା କରଵାଲପ୍ରିଯଙ୍କରୀ ॥ ୨୪॥
କବନ୍ଧମାଲାଭରଣା କବନ୍ଧରାଶିମଧ୍ଯଗା ।
କବନ୍ଧକୂଟସଂସ୍ଥାନା କବନ୍ଧାନନ୍ତଭୂଷଣା ॥ ୨୫॥
କବନ୍ଧନାଦସନ୍ତୁଷ୍ଟା କବନ୍ଧାସନଧାରିଣୀ ।
କବନ୍ଧଗୃହମଧ୍ଯସ୍ଥା କବନ୍ଧଵନଵାସିନୀ ॥ ୨୬॥
କବନ୍ଧକାଞ୍ଚୀକରଣୀ କବନ୍ଧରାଶିଭୂଷଣା ।
କବନ୍ଧମାଲାଜଯଦା କବନ୍ଧଦେହଵାସିନୀ ॥ ୨୭॥
କବନ୍ଧାସନମାନ୍ଯା ଚ କପାଲାକଲ୍ପଧାରିଣୀ ।
କପାଲମାଲାମଧ୍ଯସ୍ଥା କପାଲଵ୍ରତତୋଷିତା ॥ ୨୮॥
କପାଲଦୀପସନ୍ତୁଷ୍ଟା କପାଲଦୀପରୂପିଣୀ ।
କପାଲଦୀପଵରଦା କପାଲକଜ୍ଜଲସ୍ଥିତା ॥ ୨୯॥
କପାଲମାଲାଜଯଦା କପାଲଜପତୋଷିଣୀ ।
କପାଲସିଦ୍ଧିସଂହୃଷ୍ଟା କପାଲଭୋଜନୋଦ୍ଯତା ॥ ୩୦॥
କପାଲଵ୍ରତସଂସ୍ଥାନା କପାଲକମଲାଲଯା ।
କଵିତ୍ଵାମୃତସାରା ଚ କଵିତ୍ଵାମୃତସାଗରା ॥ ୩୧॥
କଵିତ୍ଵସିଦ୍ଧିସଂହୃଷ୍ଟା କଵିତ୍ଵାଦାନକାରିଣୀ ।
କଵିପୃଜ୍ଯା କଵିଗତିଃ କଵିରୂପା କଵିପ୍ରିଯା ॥ ୩୨॥
କଵିବ୍ରହ୍ମାନନ୍ଦରୂପା କଵିତ୍ଵଵ୍ରତତୋଷିତା ।
କଵିମାନସସଂସ୍ଥାନା କଵିଵାଞ୍ଚ୍ଛାପ୍ରପୂରିଣୀ ॥ ୩୩॥
କଵିକଣ୍ଠସ୍ଥିତା କଂ ହ୍ରୀଂ କଂକଂକଂ କଵିପୂର୍ତିଦା ।
କଜ୍ଜଲା କଜ୍ଜଲାଦାନମାନସା କଜ୍ଜଲପ୍ରିଯା ॥ ୩୪॥
କପାଲକଜ୍ଜଲସମା କଜ୍ଜଲେଶପ୍ରପୂଜିତା ।
କଜ୍ଜଲାର୍ଣଵମଧ୍ଯସ୍ଥା କଜ୍ଜଲାନନ୍ଦରୂପିଣୀ ॥ ୩୫॥
କଜ୍ଜଲପ୍ରିଯସନ୍ତୁଷ୍ଟା କଜ୍ଜଲପ୍ରିଯତୋଷିଣୀ ।
କପାଲମାଲାଭରଣା କପାଲକରଭୂଷଣା ॥ ୩୬॥
କପାଲକରଭୂଷାଢ୍ଯା କପାଲଚକ୍ରମଣ୍ଡିତା ।
କପାଲକୋଟିନିଲଯା କପାଲଦୁର୍ଗକାରିଣୀ ॥ ୩୭॥
କପାଲଗିରିସଂସ୍ଥାନା କପାଲଚକ୍ରଵାସିନୀ ।
କପାଲପାତ୍ରସନ୍ତୁଷ୍ଟା କପାଲାର୍ଘ୍ଯପରାଯଣା ॥ ୩୮॥
କପାଲାର୍ଘ୍ଯପ୍ରିଯପ୍ରାଣା କପାଲାର୍ଘ୍ଯଵରପ୍ରଦା ।
କପାଲଚକ୍ରରୂପା ଚ କପାଲରୂପମାତ୍ରଗା ॥ ୩୯॥
କଦଲୀ କଦଲୀରୂପା କଦଲୀଵନଵାସିନୀ ।
କଦଲୀପୁଷ୍ପସମ୍ପ୍ରୀତା କଦଲୀଫଲମାନସା ॥ ୪୦॥
କଦଲୀହୋମସନ୍ତୁଷ୍ଟା କଦଲୀଦର୍ଶନୋଦ୍ଯତା ।
କଦଲୀଗର୍ଭମଧ୍ଯସ୍ଥା କଦଲୀଵନସୁନ୍ଦରୀ ॥ ୪୧॥
କଦମ୍ବପୁଷ୍ପନିଲଯା କଦମ୍ବଵନମଧ୍ଯଗା ।
କଦମ୍ବକୁସୁମାମୋଦା କଦମ୍ବଵନତୋଷିଣୀ ॥ ୪୨॥
କଦମ୍ବପୁଷ୍ପସମ୍ପୂଜ୍ଯା କଦମ୍ବପୁଷ୍ପହୋମଦା ।
କଦମ୍ପୁଷ୍ପମଧ୍ଯସ୍ଥା କଦମ୍ବଫଲଭୋଜିନୀ ॥ ୪୩॥
କଦମ୍ବକାନନାନ୍ତଃସ୍ଥା କଦମ୍ବାଚଲଵାସିନୀ ।
କଚ୍ଛପା କଚ୍ଛପାରାଧ୍ଯା କଚ୍ଛପାସନସଂସ୍ଥିତା ॥ ୪୪॥
କର୍ଣପୂରା କର୍ଣନାସା କର୍ଣାଢ୍ଯା କାଲଭୈରଵୀ ।
କଲପ୍ରୀତା କଲହଦା କଲହା କଲହାତୁରା ॥ ୪୫॥
କର୍ଣଯକ୍ଷୀ କର୍ଣଵାର୍ତା କଥିନୀ କର୍ଣସୁନ୍ଦରୀ ।
କର୍ଣପିଶାଚିନୀ କର୍ଣମଞ୍ଜରୀ କଵିକକ୍ଷଦା ॥ ୪୬॥
କଵିକକ୍ଷାଵିରୂପାଢ୍ଯା କଵିକକ୍ଷସ୍ଵରୂପିଣୀ ।
କସ୍ତୂରୀମୃଗସଂସ୍ଥାନା କସ୍ତୂରୀମୃଗରୂପିଣୀ ॥ ୪୭॥
କସ୍ତୂରୀମୃଗସନ୍ତୋଷା କସ୍ତୂରୀମୃଗମଧ୍ଯଗା ।
କସ୍ତୂରୀରସନୀଲାଙ୍ଗୀ କସ୍ତୂରୀଗନ୍ଧତୋଷିତା ॥ ୪୮॥
କସ୍ତୂରୀପୂଜକପ୍ରାଣା କସ୍ତୂରୀପୂଜକପ୍ରିଯା ।
କସ୍ତୂରୀପ୍ରେମସନ୍ତୁଷ୍ଟା କସ୍ତୂରୀପ୍ରାଣଧାରିଣୀ ॥ ୪୯॥
କସ୍ତୂରୀପୂଜକାନନ୍ଦା କସ୍ତୂରୀଗନ୍ଧରୂପିଣୀ ।
କସ୍ତୂରୀମାଲିକାରୂପା କସ୍ତୂରୀଭୋଜନପ୍ରିଯା ॥ ୫୦॥
କସ୍ତୂରୀତିଲକାନନ୍ଦା କସ୍ତୂରୀତିଲକପ୍ରିଯା ।
କସ୍ତୂରୀହୋମସନ୍ତୁଷ୍ଟା କସ୍ତୂରୀତର୍ପଣୋଦ୍ଯତା ॥ ୫୧॥
କସ୍ତୂରୀମାର୍ଜନୋଦ୍ଯୁକ୍ତା କସ୍ତୂରୀଚକ୍ରପୂଜିତା ।
କସ୍ତୂରୀପୁଷ୍ପସମ୍ପୂଜ୍ଯା କସ୍ତୂରୀଚର୍ଵଣୋଦ୍ଯତା ॥ ୫୨॥
କସ୍ତୂରୀଗର୍ଭମଧ୍ଯସ୍ଥା କସ୍ତୂରୀଵସ୍ତ୍ରଧାରିଣୀ ।
କସ୍ତୂରୀକାମୋଦରତା କସ୍ତୂରୀଵନଵାସିନୀ ॥ ୫୩॥
କସ୍ତୂରୀଵନସଂରକ୍ଷା କସ୍ତୂରୀପ୍ରେମଧାରିଣୀ ।
କସ୍ତୂରୀଶକ୍ତିନିଲଯା କସ୍ତୂରୀଶକ୍ତିକୁଣ୍ଡଗା ॥ ୫୪॥
କସ୍ତୂରୀକୁଣ୍ଡସଂସ୍ନାତା କସ୍ତୂରୀକୁଣ୍ଡମଜ୍ଜନା ।
କସ୍ତୂରୀଜୀଵସନ୍ତୁଷ୍ଟା କସ୍ତୂରୀଜୀଵଧାରିଣୀ ॥ ୫୫॥
କସ୍ତୂରୀପରମାମୋଦା କସ୍ତୂରୀଜୀଵନକ୍ଷମା ।
କସ୍ତୂରୀଜାତିଭାଵସ୍ଥା କସ୍ତୂରୀଗନ୍ଧଚୁମ୍ବନା ॥ ୫୬॥
କସତୂରୀଗନ୍ଧସଂଶୋଭାଵିରାଜିତକପାଲଭୂଃ ।
କସ୍ତୂରୀମଦନାନ୍ତଃସ୍ଥା କସ୍ତୂରୀମଦହର୍ଷଦା ॥ ୫୭॥
କସ୍ତୂରୀକଵିତାନାଢ୍ଯା କସ୍ତୂରୀଗୃହମଧ୍ଯଗା ।
କସ୍ତୂରୀସ୍ପର୍ଶକପ୍ରାଣା କସ୍ତୂରୀଵିନ୍ଦକାନ୍ତକା ॥ ୫୮॥
କସ୍ତୂର୍ଯ୍ଯାମୋଦରସିକା କସ୍ତୂରୀକ୍ରୀଡନୋଦ୍ଯତା ।
କସ୍ତୂରୀଦାନନିରତା କସ୍ତୂରୀଵରଦାଯିନୀ ॥ ୫୯॥
କସ୍ତୂରୀସ୍ଥାପନାସକ୍ତା କସ୍ତୂରୀସ୍ଥାନରଞ୍ଜିନୀ ।
କସ୍ତୂରୀକୁଶଲପ୍ରଶ୍ନା କସ୍ତୂରୀସ୍ତୁତିଵନ୍ଦିତା ॥ ୬୦॥
କସ୍ତୂରୀଵନ୍ଦକାରାଧ୍ଯା କସ୍ତୂରୀସ୍ଥାନଵାସିନୀ ।
କହରୂପା କହାଢ୍ଯା ଚ କହାନନ୍ଦା କହାତ୍ମଭୂଃ ॥ ୬୧॥
କହପୂଜ୍ଯା କହାଖ୍ଯା ଚ କହହେଯା କହାତ୍ମିକା ।
କହମାଲାକଣ୍ଠଭୂଷା କହମନ୍ତ୍ରଜପୋଦ୍ଯତା ॥ ୬୨॥
କହନାମସ୍ମୃତିପରା କହନାମପରାଯଣା ।
କହପରାଯଣରତା କହଦେଵୀ କହେଶ୍ଵରୀ ॥ ୬୩॥
କହହେତୁ କହାନନ୍ଦା କହନାଦପରାଯଣା ।
କହମାତା କହାନ୍ତଃସ୍ଥା କହମନ୍ତ୍ରା କହେଶ୍ଵରୀ ॥ ୬୪॥
କହଜ୍ଞେଯା କହାରାଧ୍ଯା କହଧ୍ଯାନପରାଯଣା ।
କହତନ୍ତ୍ରା କହକହା କହଚର୍ଯ୍ଯାପରାଯଣା ॥ ୬୫॥
କହାଚାରା କହଗତିଃ କହତାଣ୍ଡଵକାରିଣୀ ।
କହାରଣ୍ଯା କହରତିଃ କହଶକ୍ତିପରାଯଣା ॥ ୬୬॥
କହରାଜ୍ଯନତା କର୍ମ୍ମସାକ୍ଷିଣୀ କର୍ମସୁନ୍ଦରୀ ।
କର୍ମଵିଦ୍ଯା କର୍ମଗତିଃ କର୍ମତନ୍ତ୍ରପରାଯଣା ॥ ୬୭॥
କର୍ମମାତ୍ରା କର୍ମଗାତ୍ରା କର୍ମଧର୍ମପରାଯଣା ।
କର୍ମରେଖାନାଶକର୍ତ୍ରୀ କର୍ମରେଖାଵିନୋଦିନୀ ॥ ୬୮॥
କର୍ମରେଖାମୋହକରୀ କର୍ମକୀର୍ତିପରାଯଣା ।
କର୍ମଵିଦ୍ଯା କର୍ମସାରା କର୍ମ୍ମାଧାରା ଚ କର୍ମଭୂଃ ॥ ୬୯॥
କର୍ମକାରୀ କର୍ମହାରୀ କର୍ମକୌତୁକସୁନ୍ଦରୀ ।
କର୍ମକାଲୀ କର୍ମତାରା କର୍ମଚ୍ଛିନ୍ନା ଚ କର୍ମଦା ॥ ୭୦॥
କର୍ମଚାଣ୍ଡାଲିନୀ କର୍ମଵେଦମାତା ଚ କର୍ମଭୂଃ ।
କର୍ମକାଣ୍ଡରତାନନ୍ତା କର୍ମକାଣ୍ଡାନୁମାନିତା ॥ ୭୧॥
କର୍ମକାଣ୍ଡପରୀଣାହା କମଠୀ କମଠାକୃତିଃ ।
କମଠାରାଧ୍ଯହୃଦଯା କମଠାକଣ୍ଠସୁନ୍ଦରୀ ॥ ୭୨॥
କମଠାସନସଂସେଵ୍ଯା କମଠୀ କର୍ମତତ୍ପରା ।
କରୁଣାକରକାନ୍ତା ଚ କରୁଣାକରଵନ୍ଦିତା ॥ ୭୩॥
କଠୋରା କରମାଲା ଚ କଠୋରକୁଚଧାରିଣୀ ।
କପର୍ଦିନୀ କପଟିନୀ କଠିନା କଙ୍କଭୂଷଣା ॥ ୭୪॥
କରଭୋରୂଃ କଠିନଦା କରଭା କରଭାଲଯା ।
କଲଭାଷାମଯୀ କଲ୍ପା କଲ୍ପନା କଲ୍ପଦାଯିନୀ ॥ ୭୫॥
କମଲସ୍ଥା କଲାମାଲା କମଲାସ୍ଯା କ୍କଣତ୍ପ୍ରଭା ।
କକୁଦ୍ମିନୀ କଷ୍ଟଵତୀ କରଣୀଯକଥାର୍ଚିତା ॥ ୭୬॥
କଚାର୍ଚିତା କଚତନୁଃ କଚସୁନ୍ଦରଧାରିଣୀ ।
କଠୋରକୁଚସଂଲଗ୍ନା କଟିସୂତ୍ରଵିରାଜିତା ॥ ୭୭॥
କର୍ଣମକ୍ଷପ୍ରିଯା କନ୍ଦା କଥାକନ୍ଦଗତିଃ କଲିଃ ।
କଲିଘ୍ନୀ କଲିଦୂତୀ ଚ କଵିନାଯକ-ପୂଜିତା ॥ ୭୮॥
କଣକକ୍ଷାନିଯନ୍ତ୍ରୀ ଚ କଶ୍ଚିତ୍କଵିଵରାର୍ଚିତା ।
କର୍ତ୍ରୀ ଚ କର୍ତୃକା ଭୂଷାକାରିଣୀ କର୍ଣଶତ୍ରୁପା ॥ ୭୯॥
କରଣେଶୀ କରଣପା କଲଵାଚା କଲାନିଧିଃ ।
କଲନା କଲନାଧାରା କଲନା କାରିକା କରା ॥ ୮୦॥
କଲଗେଯା କର୍କରାଶିଃ କର୍କରାଶି-ପ୍ରପୂଜିତା ।
କନ୍ଯାରାଶିଃ କନ୍ଯକା ଚ କନ୍ଯକାପ୍ରିଯଭାଷିଣୀ ॥ ୮୧॥
କନ୍ଯକାଦାନସନ୍ତୁଷ୍ଟା କନ୍ଯକାଦାନତୋଷିଣୀ ।
କନ୍ଯାଦାନକରାନନ୍ଦା କନ୍ଯାଦାନଗ୍ରହେଷ୍ଟଦା ॥ ୮୨॥
କର୍ଷଣା କକ୍ଷଦହନା କାମିତା କମଲାସନା ।
କରମାଲାନନ୍ଦକର୍ତ୍ରୀ କରମାଲାପ୍ରପୋଷିତା ॥ ୮୩॥
କରମାଲାଶଯାନନ୍ଦା କରମାଲାସମାଗମା ।
କରମାଲାସିଦ୍ଧିଦାତ୍ରୀ କରମାଲାକରପ୍ରିଯା ॥ ୮୪॥
କରପ୍ରିଯା କରରତା କରଦାନପରାଯଣା ।
କଲାନନ୍ଦା କଲିଗତିଃ କଲିପୂଜ୍ଯା କଲିପ୍ରସୂଃ ॥ ୮୫॥
କଲନାଦନିନାଦସ୍ଥା କଲନାଦଵରପ୍ରଦା ।
କଲନାଦସମାଜସ୍ଥା କହୋଲା ଚ କହୋଲଦା ॥ ୮୬॥
କହୋଲଗେହମଧ୍ଯସ୍ଥା କହୋଲଵରଦାଯିନୀ ।
କହୋଲକଵିତାଧାରା କହୋଲଋଷିମାନିତା ॥ ୮୭॥
କହୋଲମାନସାରାଧ୍ଯା କହୋଲଵାକ୍ଯକାରିଣୀ ।
କର୍ତୃରୂପା କର୍ତୃମଯୀ କର୍ତୃମାତା ଚ କର୍ତରୀ ॥ ୮୮॥
କନୀଯା କନକାରାଧ୍ଯା କନୀନକମଯୀ ତଥା ।
କନୀଯାନନ୍ଦନିଲଯା କନକାନନ୍ଦତୋଷିତା ॥ ୮୯॥
କନୀଯକକରାକାଷ୍ଠା କଥାର୍ଣଵକରୀ କରୀ ।
କରିଗମ୍ଯା କରିଗତିଃ କରିଧ୍ଵଜପରାଯଣା ॥ ୯୦॥
କରିନାଥପ୍ରିଯାକଣ୍ଠା କଥାନକପ୍ରତୋଷିତା ।
କମନୀଯା କମନକା କମନୀଯଵିଭୂଷଣା ॥ ୯୧॥
କମନୀଯସମାଜସ୍ଥା କମନୀଯଵ୍ରତପ୍ରିଯା ।
କମନୀଯଗୁଣାରାଧ୍ଯା କପିଲା କପିଲେଶ୍ଵରୀ ॥ ୯୨॥
କପିଲାରାଧ୍ଯହୃଦଯା କପିଲାପ୍ରିଯଵାଦିନୀ ।
କହଚକ୍ରମନ୍ତ୍ରଵର୍ଣା କହଚକ୍ରପ୍ରସୂନକା ॥ ୯୩॥
କଏଈଲହ୍ରୀଂସ୍ଵରୂପା ଚ କଏଈଲହ୍ରୀଂଵରପ୍ରଦା ।
କଏଈଲହ୍ରୀଂସିଦ୍ଧିଦାତ୍ରୀ କଏଈଲହ୍ରୀଂସ୍ଵରୂପିଣୀ ॥ ୯୪॥
କଏଈଲହ୍ରୀଂମନ୍ତ୍ରଵର୍ଣା କଏଈଲହ୍ରୀଂପ୍ରସୂକଲା ।
କଵର୍ଗା ଚ କପାଟସ୍ଥା କପାଟୋଦ୍ଘାଟନକ୍ଷମା ॥ ୯୫॥
କଙ୍କାଲୀ ଚ କପାଲୀ ଚ କଙ୍କାଲପ୍ରିଯଭାଷିଣୀ ।
କଙ୍କାଲଭୈରଵାରାଧ୍ଯା କଙ୍କାଲମାନସଂସ୍ଥିତା ॥ ୯୬॥
କଙ୍କାଲମୋହନିରତା କଙ୍କାଲମୋହଦାଯିନୀ ।
କଲୁଷଘ୍ନୀ କଲୁଷହା କଲୁଷାର୍ତିଵିନାଶିନୀ ॥ ୯୭॥
କଲିପୁଷ୍ପା କଲାଦାନା କଶିପୁଃ କଶ୍ଯପାର୍ଚିତା ।
କଶ୍ଯପା କଶ୍ଯପାରାଧ୍ଯା କଲିପୂର୍ଣକଲେଵରା ॥ ୯୮॥
କଲେଶ୍ଵରକରୀ କାଞ୍ଚୀ କଵର୍ଗା ଚ କରାଲକା ।
କରାଲଭୈରଵାରାଧ୍ଯା କରାଲଭୈରଵେଶ୍ଵରୀ ॥ ୯୯॥
କରାଲା କଲନାଧାରା କପର୍ଦ୍ଦୀଶଵରପ୍ରଦା ।
କପର୍ଦ୍ଦୀଶପ୍ରେମଲତା କପର୍ଦ୍ଦିମାଲିକାଯୁତା ॥ ୧୦୦॥
କପର୍ଦ୍ଦିଜପମାଲାଢ୍ଯା କରଵୀରପ୍ରସୂନଦା ।
କରଵୀରପ୍ରିଯପ୍ରାଣା କରଵୀରପ୍ରପୂଜିତା ॥ ୧୦୧॥
କର୍ଣିକାରସମାକାରା କର୍ଣିକାରପ୍ରପୂଜିତା ।
କରିଷାଗ୍ନିସ୍ଥିତା କର୍ଷା କର୍ଷମାତ୍ରସୁଵର୍ଣଦା ॥ ୧୦୨॥
କଲଶା କଲଶାରାଧ୍ଯା କଷାଯା କରିଗାନଦା ।
କପିଲା କଲକଣ୍ଠୀ ଚ କଲିକଲ୍ପଲତା ମତା ॥ ୧୦୩॥
କଲ୍ପଲତା କଲ୍ପମାତା କଲ୍ପକାରୀ ଚ କଲ୍ପଭୂଃ ।
କର୍ପୂରାମୋଦରୁଚିରା କର୍ପୂରାମୋଦଧାରିଣୀ ॥ ୧୦୪॥
କର୍ପୂରମାଲାଭରଣା କର୍ପୂରଵାସପୂର୍ତିଦା ।
କର୍ପୂରମାଲାଜଯଦା କର୍ପୂରାର୍ଣଵମଧ୍ଯଗା ॥ ୧୦୫॥
କର୍ପୂରତର୍ପଣରତା କଟକାମ୍ବରଧାରିଣୀ ।
କପଟେଶ୍ଵଵରସମ୍ପୂଜ୍ଯା କପଟେଶ୍ଵରରୂପିଣୀ ॥ ୧୦୬॥
କଟୁଃ କପିଧ୍ଵଜାରାଧ୍ଯା କଲାପପୁଷ୍ପଧାରିଣୀ ।
କଲାପପୁଷ୍ପରୁଚିରା କଲାପପୁଷ୍ପପୂଜିତା ॥ ୧୦୭॥
କ୍ରକଚା କ୍ରକଚାରାଧ୍ଯା କଥମ୍ବ୍ରୂମା କରାଲତା ।
କଥଙ୍କାରଵିନିର୍ମୁକ୍ତା କାଲୀ କାଲକ୍ରିଯା କ୍ରତୁଃ ॥ ୧୦୮॥
କାମିନୀ କାମିନୀପୂଜ୍ଯା କାମିନୀପୁଷ୍ପଧାରିଣୀ ।
କାମିନୀପୁଷ୍ପନିଲଯା କାମିନୀପୁଷ୍ପପୂର୍ଣିମା ॥ ୧୦୯॥
କାମିନୀପୁଷ୍ପପୂଜାର୍ହା କାମିନୀପୁଷ୍ପଭୂଷଣା ।
କାମିନୀପୁଷ୍ପତିଲକା କାମିନୀକୁଣ୍ଡଚୁମ୍ବନା ॥ ୧୧୦॥
କାମିନୀଯୋଗସନ୍ତୁଷ୍ଟା କାମିନୀଯୋଗଭୋଗଦା ।
କାମିନୀକୁଣ୍ଡସମ୍ମଗ୍ନା କାମିନୀକୁଣ୍ଡମଧ୍ଯଗା ॥ ୧୧୧॥
କାମିନୀମାନସାରାଧ୍ଯା କାମିନୀମାନତୋଷିତା ।
କାମିନୀମାନସଞ୍ଚାରା କାଲିକା କାଲକାଲିକା ॥ ୧୧୨॥
କାମା ଚ କାମଦେଵୀ ଚ କାମେଶୀ କାମସମ୍ଭଵା ।
କାମଭାଵା କାମରତା କାମାର୍ତା କାମମଞ୍ଜରୀ ॥ ୧୧୩॥
କାମମଞ୍ଜୀରରଣିତା କାମଦେଵପ୍ରିଯାନ୍ତରା ।
କାମକାଲୀ କାମକଲା କାଲିକା କମଲାର୍ଚିତା ॥ ୧୧୪॥
କାଦିକା କମଲା କାଲୀ କାଲାନଲସମପ୍ରଭା ।
କଲ୍ପାନ୍ତଦହନା କାନ୍ତା କାନ୍ତାରପ୍ରିଯଵାସିନୀ ॥ ୧୧୫॥
କାଲପୂଜ୍ଯା କାଲରତା କାଲମାତା ଚ କାଲିନୀ ।
କାଲଵୀରା କାଲଘୋରା କାଲସିଦ୍ଧା ଚ କାଲଦା ॥ ୧୧୬॥
କାଲଞ୍ଜନସମାକାରା କାଲଞ୍ଜରନିଵାସିନୀ ।
କାଲଋଦ୍ଧିଃ କାଲଵୃଦ୍ଧିଃ କାରାଗୃହଵିମୋଚିନୀ ॥ ୧୧୭॥
କାଦିଵିଦ୍ଯା କାଦିମାତା କାଦିସ୍ଥା କାଦିସୁନ୍ଦରୀ ।
କାଶୀ କାଞ୍ଚୀ ଚ କାଞ୍ଚୀଶା କାଶୀଶଵରଦାଯିନୀ ॥ ୧୧୮॥
କ୍ରାଂ ବୀଜା ଚୈଵ କ୍ରୀଂ ବୀଜା ହୃଦଯାଯ ନମସ୍ସ୍ମୃତା ।
କାମ୍ଯା କାମ୍ଯଗତିଃ କାମ୍ଯସିଦ୍ଧିଦାତ୍ରୀ ଚ କାମଭୂଃ ॥ ୧୧୯॥
କାମାଖ୍ଯା କାମରୂପା ଚ କାମଚାପଵିମୋଚିନୀ ।
କାମଦେଵକଲାରାମା କାମଦେଵକଲାଲଯା ॥ ୧୨୦॥
କାମରାତ୍ରିଃ କାମଦାତ୍ରୀ କାନ୍ତାରାଚଲଵାସିନୀ ।
କାମରୂପା କାଲଗତିଃ କାମଯୋଗପରାଯଣା ॥ ୧୨୧॥
କାମସମ୍ମର୍ଦ୍ଦନରତା କାମଗେହଵିକାସିନୀ ।
କାଲଭୈରଵଭାର୍ଯା ଚ କାଲଭୈରଵକାମିନୀ ॥ ୧୨୨॥
କାଲଭୈରଵଯୋଗସ୍ଥା କାଲଭୈରଵଭୋଗଦା ।
କାମଧେନୁଃ କାମଦୋଗ୍ଧ୍ରୀ କାମମାତା ଚ କାନ୍ତିଦା ॥ ୧୨୩॥
କାମୁକା କାମୁକାରାଧ୍ଯା କାମୁକାନନ୍ଦଵର୍ଦ୍ଧିନୀ ।
କାର୍ତ୍ତଵୀର୍ଯ୍ଯା କାର୍ତ୍ତିକେଯା କାର୍ତ୍ତିକେଯପ୍ରପୂଜିତା ॥ ୧୨୪॥
କାର୍ଯ୍ଯା କାରଣଦା କାର୍ଯ୍ଯକାରିଣୀ କାରଣାନ୍ତରା ।
କାନ୍ତିଗମ୍ଯା କାନ୍ତିମଯୀ କାତ୍ଯା କାତ୍ଯାଯନୀ ଚ କା ॥ ୧୨୫॥
କାମସାରା ଚ କାଶ୍ମୀରା କାଶ୍ମୀରାଚାରତତ୍ପରା ।
କାମରୂପାଚାରରତା କାମରୂପପ୍ରିଯଂଵଦା ॥ ୧୨୬॥
କାମରୂପାଚାରସିଦ୍ଧିଃ କାମରୂପମନୋମଯୀ ।
କାର୍ତ୍ତିକୀ କାର୍ତ୍ତିକାରାଧ୍ଯା କାଞ୍ଚନାରପ୍ରସୂନଭୂଃ ॥ ୧୨୭॥
କାଞ୍ଚନାରପ୍ରସୂନାଭା କାଞ୍ଚନାରପ୍ରପୂଜିତା ।
କାଞ୍ଚରୂପା କାଞ୍ଚଭୂମିଃ କାଂସ୍ଯପାତ୍ରପ୍ରଭୋଜିନୀ ॥ ୧୨୮॥
କାଂସ୍ଯଧ୍ଵନିମଯୀ କାମସୁନ୍ଦରୀ କାମଚୁମ୍ବନା ।
କାଶପୁଷ୍ପପ୍ରତୀକାଶା କାମଦ୍ରୁମସମାଗମା ॥ ୧୨୯॥
କାମପୁଷ୍ପା କାମଭୂମିଃ କାମପୂଜ୍ଯା ଚ କାମଦା ।
କାମଦେହା କାମଗେହା କାମବୀଜପରାଯଣା ॥ ୧୩୦॥
କାମଧ୍ଵଜସମାରୂଢା କାମଧ୍ଵଜସମାସ୍ଥିତା ।
କାଶ୍ଯପୀ କାଶ୍ଯପାରାଧ୍ଯା କାଶ୍ଯପାନନ୍ଦଦାଯିନୀ ॥ ୧୩୧॥
କାଲିନ୍ଦୀଜଲସଙ୍କାଶା କାଲିନ୍ଦୀଜଲପୂଜିତା ।
କାଦେଵପୂଜାନିରତା କାଦେଵପରମାର୍ଥଦା ॥ ୧୩୨॥
କର୍ମ୍ମଣା କର୍ମ୍ମଣାକାରା କାମକର୍ମଣକାରିଣୀ ।
କାର୍ମ୍ମଣତ୍ରୋଟନକରୀ କାକିନୀ କାରଣାହ୍ଵଯା ॥ ୧୩୩॥
କାଵ୍ଯାମୃତା ଚ କାଲିଙ୍ଗା କାଲିଙ୍ଗମର୍ଦ୍ଦନୋଦ୍ଯତା ।
କାଲାଗରୁଵିଭୂଷାଢ୍ଯା କାଲାଗରୁଵିଭୂତିଦା ॥ ୧୩୪॥
କାଲାଗରୁସୁଗନ୍ଧା ଚ କାଲାଗରୁପ୍ରତର୍ପଣା ।
କାଵେରୀନୀରସମ୍ପ୍ରୀତା କାଵେରୀତୀରଵାସିନୀ ॥ ୧୩୫॥
କାଲଚକ୍ରଭ୍ରମାକାରା କାଲଚକ୍ରନିଵାସିନୀ ।
କାନନା କାନନାଧାରା କାରୁଃ କାରୁଣିକାମଯୀ ॥ ୧୩୬॥
କାମ୍ପିଲ୍ଯଵାସିନୀ କାଷ୍ଠା କାମପତ୍ନୀ ଚ କାମଭୂଃ ।
କାଦମ୍ବରୀପାନରତା ତଥା କାଦମ୍ବରୀକଲା ॥ ୧୩୭॥
କାମଵନ୍ଦ୍ଯା ଚ କାମେଶୀ କାମରାଜପ୍ରପୂଜିତା ।
କାମରାଜେଶ୍ଵରୀଵିଦ୍ଯା କାମକୌତୁକସୁନ୍ଦରୀ ॥ ୧୩୮॥
କାମ୍ବୋଜଜା କାଞ୍ଛିନଦା କାଂସ୍ଯକାଞ୍ଚନକାରିଣୀ ।
କାଞ୍ଚନାଦ୍ରିସମାକାରା କାଞ୍ଚନାଦ୍ରିପ୍ରଦାନଦା ॥ ୧୩୯॥
କାମକୀର୍ତିଃ କାମକେଶୀ କାରିକା କାନ୍ତରାଶ୍ରଯା ।
କାମଭେଦୀ ଚ କାମାର୍ତିନାଶିନୀ କାମଭୂମିକା ॥ ୧୪୦॥
କାଲାନଲାଶିନୀ କାଵ୍ଯଵନିତା କାମରୂପିଣୀ ।
କାଯସ୍ଥା କାମସନ୍ଦୀପ୍ତିଃ କାଵ୍ଯଦା କାଲସୁନ୍ଦରୀ ॥ ୧୪୧॥
କାମେଶୀ କାରଣଵରା କାମେଶୀପୂଜନୋଦ୍ଯତା ।
କାଞ୍ଚୀ-ନୂପୁରଭୂଷାଢ୍ଯା-କୁଙ୍କୁମାଭରଣାନ୍ଵିତା ॥ ୧୪୨॥
କାଲଚକ୍ରା କାଲଗତିଃ କାଲଚକ୍ରାମନୋଭଵା ।
କୁନ୍ଦମଧ୍ଯା କୁନ୍ଦପୁଷ୍ପା କୁନ୍ଦପୁଷ୍ପପ୍ରିଯା କୁଜା ॥ ୧୪୩॥
କୁଜମାତା କୁଜାରାଧ୍ଯା କୁଠାରଵରଧାରିଣୀ ।
କୁଞ୍ଚରସ୍ଥା କୁଶରତା କୁଶେଶଯଵିଲୋଚନା ॥ ୧୪୪॥
କୁମଠୀ କୁରରୀ କୁଦ୍ରା କୁରଙ୍ଗୀ କୁଟଜାଶ୍ରଯା ।
କୁମ୍ଭୀନସଵିଭୂଷା ଚ କୁମ୍ଭୀନସଵଧୋଦ୍ଯତା ॥ ୧୪୫॥
କୁମ୍ଭକର୍ଣମନୋଲ୍ଲାସା କୁଲଚୂଡାମଣିଃ କୁଲା ।
କୁଲାଲଗୃହକନ୍ଯା ଚ କୁଲଚୂଡାମଣିପ୍ରିଯା ॥ ୧୪୬॥
କୁଲପୂଜ୍ଯା କୁଲାରାଧ୍ଯା କୁଲପୂଜାପରାଯଣା ।
କୁଲଭୂଷା ତଥା କୁକ୍ଷିଃ କୁରରୀଗଣସେଵିତା ॥ ୧୪୭॥
କୁଲପୁଷ୍ପା କୁଲରତା କୁଲପୁଷ୍ପପରାଯଣା ।
କୁଲଵସ୍ତ୍ରା କୁଲାରାଧ୍ଯା କୁଲକୁଣ୍ଡସମପ୍ରଭା ॥ ୧୪୮॥
କୁଲକୁଣ୍ଡସମୋଲ୍ଲାସା କୁଣ୍ଡପୁଷ୍ପପରାଯଣା ।
କୁଣ୍ଡପୁଷ୍ପପ୍ରସନ୍ନାସ୍ଯା କୁଣ୍ଡଗୋଲୋଦ୍ଭଵାତ୍ମିକା ॥ ୧୪୯॥
କୁଣ୍ଡଗୋଲୋଦ୍ଭଵାଧାରା କୁଣ୍ଡଗୋଲମଯୀ କୁହୂଃ ।
କୁଣ୍ଡଗୋଲପ୍ରିଯପ୍ରାଣା କୁଣ୍ଡଗୋଲପ୍ରପୂଜିତା ॥ ୧୫୦॥
କୁଣ୍ଡଗୋଲମନୋଲ୍ଲାସା କୁଣ୍ଡଗୋଲବଲପ୍ରଦା ।
କୁଣ୍ଡଦେଵରତା କ୍ରୁଦ୍ଧା କୁଲସିଦ୍ଧିକରା ପରା ॥ ୧୫୧॥
କୁଲକୁଣ୍ଡସମାକାରା କୁଲକୁଣ୍ଡସମାନଭୂଃ ।
କୁଣ୍ଡସିଦ୍ଧିଃ କୁଣ୍ଡଋଦ୍ଧିଃ କୁମାରୀପୂଜନୋଦ୍ଯତା ॥ ୧୫୨॥
କୁମାରୀପୂଜକପ୍ରାଣା କୁମାରୀପୂଜକାଲଯା ।
କୁମାରୀକାମସନ୍ତୁଷ୍ଟା କୁମାରୀପୂଜନୋତ୍ସୁକା ॥ ୧୫୩॥
କୁମାରୀଵ୍ରତସନ୍ତୁଷ୍ଟା କୁମାରୀରୂପଧାରିଣୀ ।
କୁମାରୀଭୋଜନପ୍ରୀତା କୁମାରୀ ଚ କୁମାରଦା ॥ ୧୫୪॥
କୁମାରମାତା କୁଲଦା କୁଲଯୋନିଃ କୁଲେଶ୍ଵରୀ ।
କୁଲଲିଙ୍ଗା କୁଲାନନ୍ଦା କୁଲରମ୍ଯା କୁତର୍କଧୃକ୍ ॥ ୧୫୫॥
କୁନ୍ତୀ ଚ କୁଲକାନ୍ତା ଚ କୁଲମାର୍ଗପରାଯଣା ।
କୁଲ୍ଲା ଚ କୁରୁକୁଲ୍ଲା ଚ କୁଲ୍ଲୁକା କୁଲକାମଦା ॥ ୧୫୬॥
କୁଲିଶାଙ୍ଗୀ କୁବ୍ଜିକା ଚ କୁବ୍ଜିକାନନ୍ଦଵର୍ଦ୍ଧିନୀ ।
କୁଲୀନା କୁଞ୍ଜରଗତିଃ କୁଞ୍ଜରେଶ୍ଵରଗାମିନୀ ॥ ୧୫୭॥
କୁଲପାଲୀ କୁଲଵତୀ ତଥୈଵ କୁଲଦୀପିକା ।
କୁଲଯୋଗେଶ୍ଵରୀ କୁଣ୍ଡା କୁଙ୍କୁମାରୁଣଵିଗ୍ରହା ॥ ୧୫୮॥
କୁଙ୍କୁମାନନ୍ଦସନ୍ତୋଷା କୁଙ୍କୁମାର୍ଣଵଵାସିନୀ ।
କୁସୁମା କୁସୁମପ୍ରୀତା କୁଲଭୂଃ କୁଲସୁନ୍ଦରୀ ॥ ୧୫୯॥
କୁମୁଦ୍ଵତୀ କୁମୁଦିନୀ କୁଶଲା କୁଲଟାଲଯା ।
କୁଲଟାଲଯମଧ୍ଯସ୍ଥା କୁଲଟାସଙ୍ଗତୋଷିତା ॥ ୧୬୦॥
କୁଲଟାଭଵନୋଦ୍ଯୁକ୍ତା କୁଶାଵର୍ତା କୁଲାର୍ଣଵା ।
କୁଲାର୍ଣଵାଚାରରତା କୁଣ୍ଡଲୀ କୁଣ୍ଡଲାକୃତିଃ ॥ ୧୬୧॥
କୁମତିଶ୍ଚ କୁଲଶ୍ରେଷ୍ଠା କୁଲଚକ୍ରପରାଯଣା ।
କୂଟସ୍ଥା କୂଟଦୃଷ୍ଟିଶ୍ଚ କୁନ୍ତଲା କୁନ୍ତଲାକୃତିଃ ॥ ୧୬୨॥
କୁଶଲାକୃତିରୂପା ଚ କୂର୍ଚବୀଜଧରା ଚ କୂଃ ।
କୁଂ କୁଂ କୁଂ କୁଂ ଶବ୍ଦରତା କ୍ରୂଂ କ୍ରୂଂ କ୍ରୂଂ କ୍ରୂଂ ପରାଯଣା ॥ ୧୬୩॥
କୁଂ କୁଂ କୁଂ ଶବ୍ଦନିଲଯା କୁକ୍କୁରାଲଯଵାସିନୀ ।
କୁକ୍କୁରାସଙ୍ଗସଂଯୁକ୍ତା କୁକ୍କୁରାନନ୍ତଵିଗ୍ରହା ॥ ୧୬୪॥
କୂର୍ଚାରମ୍ଭା କୂର୍ଚବୀଜା କୂର୍ଚଜାପପରାଯଣା ।
କୁଚସ୍ପର୍ଶନସନ୍ତୁଷ୍ଟା କୁଚାଲିଙ୍ଗନହର୍ଷଦା ॥ ୧୬୫॥
କୁମତିଘ୍ନୀ କୁବେରାର୍ଚ୍ଯା କୁଚଭୂଃ କୁଲନାଯିକା ।
କୁଗାଯନା କୁଚଧରା କୁମାତା କୁନ୍ଦଦନ୍ତିନୀ ॥ ୧୬୬॥
କୁଗେଯା କୁହରାଭାସା କୁଗେଯା କୁଘ୍ନଦାରିଭା ।
କୀର୍ତିଃ କିରାତିନୀ କ୍ଲିନ୍ନା କିନ୍ନରା କିନ୍ନରୀକ୍ରିଯା ॥ ୧୬୭॥
କ୍ରୀଙ୍କାରା କ୍ରୀଞ୍ଜପାସକ୍ତା କ୍ରୀଂ ହୂଁ ସ୍ତ୍ରୀଂ ମନ୍ତ୍ରରୂପିଣୀ ।
କିର୍ମୀରିତଦୃଶାପାଙ୍ଗୀ କିଶୋରୀ ଚ କିରୀଟିନୀ ॥ ୧୬୮॥
କୀଟଭାଷା କୀଟଯୋନିଃ କୀଟମାତା ଚ କୀଟଦା ।
କିଂଶୁକା କୀରଭାଷା ଚ କ୍ରିଯାସାରା କ୍ରିଯାଵତୀ ॥ ୧୬୯॥
କୀଂକୀଂଶବ୍ଦପରା କ୍ଲାଂ କ୍ଲୀଂ କ୍ଲୂଁ କ୍ଲୈଂ କ୍ଲୌଂ ମନ୍ତ୍ରରୂପିଣୀ ।
କାଁ କୀଂ କୂଁ କୈଂ ସ୍ଵରୂପା ଚ କଃ ଫଟ୍ ମନ୍ତ୍ରସ୍ଵରୂପିଣୀ ॥ ୧୭୦॥
କେତକୀଭୂଷଣାନନ୍ଦା କେତକୀଭରଣାନ୍ଵିତା ।
କୈକଦା କେଶିନୀ କେଶୀ କେଶୀସୂଦନତତ୍ପରା ॥ ୧୭୧॥
କେଶରୂପା କେଶମୁକ୍ତା କୈକେଯୀ କୌଶିକୀ ତଥା ।
କୈରଵା କୈରଵାହ୍ଲାଦା କେଶରା କେତୁରୂପିଣୀ ॥ ୧୭୨॥
କେଶଵାରାଧ୍ଯହୃଦଯା କେଶଵାସକ୍ତମାନସା ।
କ୍ଲୈବ୍ଯଵିନାଶିନୀ କ୍ଲୈଂ ଚ କ୍ଲୈଂ ବୀଜଜପତୋଷିତା ॥ ୧୭୩॥
କୌଶଲ୍ଯା କୋଶଲାକ୍ଷୀ ଚ କୋଶା ଚ କୋମଲା ତଥା ।
କୋଲାପୁରନିଵାସା ଚ କୋଲାସୁରଵିନାଶିନୀ ॥ ୧୭୪॥
କୋଟିରୂପା କୋଟିରତା କ୍ରୋଧିନୀ କ୍ରୋଧରୂପିଣୀ ।
କେକା ଚ କୋକିଲା କୋଟିଃ କୋଟିମନ୍ତ୍ରପରାଯଣା ॥ ୧୭୫॥
କୋଟ୍ଯାନନ୍ତମନ୍ତ୍ରଯୁକ୍ତା କୈରୂପା କେରଲାଶ୍ରଯା ।
କେରଲାଚାରନିପୁଣା କେରଲେନ୍ଦ୍ରଗୃହସ୍ଥିତା ॥ ୧୭୬॥
କେଦାରାଶ୍ରମସଂସ୍ଥା ଚ କେଦାରେଶ୍ଵରପୂଜିତା ।
କ୍ରୋଧରୂପା କ୍ରୋଧପଦା କ୍ରୋଧମାତା ଚ କୌଶିକୀ ॥ ୧୭୭॥
କୋଦଣ୍ଡଧାରିଣୀ କ୍ରୌଞ୍ଚା କୌଶଲ୍ଯା କୌଲମାର୍ଗଗା ।
କୌଲିନୀ କୌଲିକାରାଧ୍ଯା କୌଲିକାଗାରଵାସିନୀ ॥ ୧୭୮॥
କୌତୁକୀ କୌମୁଦୀ କୌଲା କୁମାରୀ କୌରଵାର୍ଚିତା ।
କୌଣ୍ଡିନ୍ଯା କୌଶିକୀ କ୍ରୋଧା ଜ୍ଵାଲାଭାସୁରରୂପିଣୀ ॥ ୧୭୯॥
କୋଟିକାଲାନଲଜ୍ଵାଲା କୋଟିମାର୍ତ୍ତଣ୍ଡଵିଗ୍ରହା ।
କୃତ୍ତିକା କୃଷ୍ଣଵର୍ଣା ଚ କୃଷ୍ଣା କୃତ୍ଯା କ୍ରିଯାତୁରା ॥ ୧୮୦॥
କୃଶାଙ୍ଗୀ କୃତକୃତ୍ଯା ଚ କ୍ରଃ ଫଟ୍ସ୍ଵାହାସ୍ଵରୂପିଣୀ ।
କ୍ରୌଂ କ୍ରୌଂ ହୂଁ ଫଟ୍ମନ୍ତ୍ରଵର୍ଣା
କ୍ରାଂ ହ୍ରୀଂ ହ୍ରୂଁ ଫଟ୍ ସ୍ଵରୂପିଣୀ ॥ ୧୮୧॥
କ୍ରୀଂକ୍ରୀଂହ୍ରୀଂହ୍ରୀଂ ତଥା ହ୍ରୂଁ ହୂଁଫଟ୍ସ୍ଵାହାମନ୍ତ୍ରରୂପିଣୀ ।
ଇତି ଶ୍ରୀସର୍ଵସାମ୍ରାଜ୍ଯମେଧା ନାମସହସ୍ରକମ୍ ॥ ୧୮୨॥
ସୁନ୍ଦରୀଶକ୍ତିଦାନାଖ୍ଯଂ ସ୍ଵରୂପାର୍ଭିଧମେଵ ଚ ।
କଥିତଂ ଦକ୍ଷିଣାକାଲ୍ଯାଃ ସୁନ୍ଦର୍ଯୈ ପ୍ରୀତିଯୋଗତଃ ॥ ୧॥
ଵରଦାନପ୍ରସଙ୍ଗେନ ରହସ୍ଯମପି ଦର୍ଶିତମ୍ ।
ଗୋପନୀଯଂ ସଦା ଭକ୍ତ୍ଯା ପଠନୀଯଂ ପରାତ୍ପରମ୍ ॥ ୨॥
ପ୍ରାତର୍ମଧ୍ଯାହ୍ନକାଲେ ଚ ମଧ୍ଯାର୍ଦ୍ଧରାତ୍ରଯୋରପି ।
ଯଜ୍ଞକାଲେ ଜପାନ୍ତେ ଚ ପଠନୀଯଂ ଵିଶେଷତଃ ॥ ୩॥
ଯଃ ପଠେତ୍ ସାଧକୋ ଧୀରଃ କାଲୀରୂପୋ ହି ଵର୍ଷତଃ ।
ପଠେଦ୍ଵା ପାଠଯେଦ୍ଵାପି ଶ୍ରୃଣୋତି ଶ୍ରାଵଯେଦପି ॥ ୪॥
ଵାଚକଂ ତୋଷଯେଦ୍ଵାପି ସ ଭଵେତ୍ କାଲିକାତନୁଃ ।
ସହେଲଂ ଵା ସଲୀଲଂ ଵା ଯଶ୍ଚୈନଂ ମାନଵଃ ପଠେତ୍ ॥ ୫॥
ସର୍ଵଦୁଃଖଵିନିର୍ମୁକ୍ତସ୍ତ୍ରୈଲୋକ୍ଯଵିଜଯୀ କଵିଃ ।
ମୃତଵନ୍ଧ୍ଯା କାକଵନ୍ଧ୍ଯା କନ୍ଯାଵନ୍ଧ୍ଯା ଚ ଵନ୍ଧ୍ଯକା ॥ ୬॥
ପୁଷ୍ପଵନ୍ଧ୍ଯା ଶୂଲଵନ୍ଧ୍ଯା ଶ୍ରୃଣୁଯାତ୍ ସ୍ତୋତ୍ରମୁତ୍ତମମ୍ ।
ସର୍ଵସିଦ୍ଧିପ୍ରଦାତାରଂ ସତ୍କଵିଂ ଚିରଜୀଵିନମ୍ ॥ ୭॥
ପାଣ୍ଡିତ୍ଯକୀର୍ତିସଂଯୁକ୍ତଂ ଲଭତେ ନାତ୍ର ସଂଶଯଃ ।
ଯଂ ଯଂ କାମମୁପସ୍କୃତ୍ଯ କାଲୀଂ ଧ୍ଯାତ୍ଵା ଜପେତ୍ସ୍ତଵମ୍ ॥ ୮॥
ତଂ ତଂ କାମଂ କରେ କୃତ୍ଵା ମନ୍ତ୍ରୀ ଭଵତି ନାଽନ୍ଯଥା ।
ଯୋନିପୁଷ୍ପୈର୍ଲିଙ୍ଗପୁଷ୍ପୈଃ କୁଣ୍ଡଗୋଲୋଦ୍ଭଵୈରପି ॥ ୯॥
ସଂଯୋଗାମୃତପୁଷ୍ପୈଶ୍ଚ ଵସ୍ତ୍ରଦେଵୀପ୍ରସୂନକୈଃ ।
କାଲିପୁଷ୍ପୈଃ ପୀଠତୋଯୈର୍ଯୋନିକ୍ଷାଲନତୋଯକୈଃ ॥ ୧୦॥
କସ୍ତୂରୀକୁଙ୍କୁମୈର୍ଦେଵୀଂ ନଖକାଲାଗରୁକ୍ରମାତ୍ ।
ଅଷ୍ଟଗନ୍ଧୈର୍ଧୂପଦୀପର୍ଯଵଯାଵକସଂଯୁତୈଃ ॥ ୧୧॥
ରକ୍ତଚନ୍ଦନସିନ୍ଦୂରୈର୍ମତ୍ସ୍ଯମାଂସାଦିଭୂଷଣୈଃ ।
ମଧୁଭିଃ ପାଯସୈଃ କ୍ଷୀରୈଃ ଶୋଧିତୈଃ ଶୋଣିତୈରପି ॥ ୧୨॥
ମହୋପଚାରୈ ରକ୍ତୈଶ୍ଚ ନୈଵେଦ୍ଯୈଃ ସୁରସାନ୍ଵିତୈଃ ।
ପୂଜଯିତ୍ଵା ମହାକାଲୀଂ ମହାକାଲେନ ଲାଲିତାମ୍ ॥ ୧୩॥
ଵିଦ୍ଯାରାଜ୍ଞୀଂ କୁଲ୍ଲୁକାଞ୍ଚ ଜପ୍ତ୍ଵା ସ୍ତୋତ୍ରଂ ଜପେଚ୍ଛିଵେ ।
କାଲୀଭକ୍ତସ୍ତ୍ଵେକଚିତ୍ତଃ ସିନ୍ଦୂରତିଲକାନ୍ଵିତଃ ॥ ୧୪॥
ତାମ୍ବୂଲପୂରିତମୁଖୋ ମୁକ୍ତକେଶୋ ଦିଗମ୍ବରଃ ।
ଶଵଯୋନିସ୍ଥିତୋ ଵୀରଃ ଶ୍ମଶାନସୁରତାନ୍ଵିତଃ ॥ ୧୫॥
ଶୂନ୍ଯାଲଯେ ବିନ୍ଦୁପୀଠେ ପୁଷ୍ପାକୀର୍ଣେ ଶିଵାନନେ ।
ଶଯନୋତ୍ଥପ୍ରଭୁଞ୍ଜାନଃ କାଲୀଦର୍ଶନମାପ୍ନୁଯାତ୍ ॥ ୧୬॥
ତତ୍ର ଯଦ୍ଯତ୍କୃତଂ କର୍ମ ତଦନନ୍ତଫଲଂ ଭଵେତ୍ ।
ଐଶ୍ଵର୍ଯେ କମଲା ସାକ୍ଷାତ୍ ସିଦ୍ଧୌ ଶ୍ରୀକାଲିକାମ୍ବିକା ॥ ୧୭॥
କଵିତ୍ଵେ ତାରିଣୀତୁଲ୍ଯଃ ସୌନ୍ଦର୍ଯେ ସୁନ୍ଦରୀସମଃ ।
ସିନ୍ଧୋର୍ଦ୍ଧାରାସମଃ କାର୍ଯେ ଶ୍ରୁତୌ ଶ୍ରୁତିଧରସ୍ତଥା ॥ ୧୮॥
ଵଜ୍ରାସ୍ତ୍ରମିଵ ଦୁର୍ଦ୍ଧର୍ଷସ୍ତ୍ରୈଲୋକ୍ଯଵିଜଯାସ୍ତ୍ରଭୃତ୍ ।
ଶତ୍ରୁହନ୍ତା କାଵ୍ଯକର୍ତା ଭଵେଚ୍ଛିଵସମଃ କଲୌ ॥ ୧୯॥
ଦିଗ୍ଵିଦିକ୍ଚନ୍ଦ୍ରକର୍ତା ଚ ଦିଵାରାତ୍ରିଵିପର୍ଯ୍ଯଯୀ ।
ମହାଦେଵସମୋ ଯୋଗୀ ତ୍ରୈଲୋକ୍ଯସ୍ତମ୍ଭକଃ କ୍ଷଣାତ୍ ॥ ୨୦॥
ଗାନେନ ତୁମ୍ବୁରୁଃ ସାକ୍ଷାଦ୍ଦାନେ କର୍ଣସମୋ ଭଵେତ୍ ।
ଗଜାଽଶ୍ଵରଥପତ୍ତୀନାମସ୍ତ୍ରାଣାମଧିପଃ କୃତୀ ॥ ୨୧॥
ଆଯୁଷ୍ଯେଷୁ ଭୁଶୁଣ୍ଡୀ ଚ ଜରାପଲିତନାଶକଃ ।
ଵର୍ଷଷୋଡଶଵାନ୍ ଭୂଯାତ୍ ସର୍ଵକାଲେ ମହେଶ୍ଵରୀ ॥ ୨୨॥
ବ୍ରହ୍ମାଣ୍ଡଗୋଲେ ଦେଵେଶି ନ ତସ୍ଯ ଦୁର୍ଲଭଂ କ୍ଵଚିତ୍ ।
ସର୍ଵଂ ହସ୍ତଗତଂ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୨୩॥
କୁଲପୁଷ୍ପଯୁତଂ ଦୃଷ୍ଟ୍ଵା ତତ୍ର କାଲୀଂ ଵିଚିନ୍ତ୍ଯ ଚ ।
ଵିଦ୍ଯାରାଜ୍ଞୀଂ ତୁ ସମ୍ପୂଜ୍ଯ ପଠେନ୍ନାମସହସ୍ରକମ୍ ॥ ୨୪॥
ମନୋରଥମଯୀ ସିଦ୍ଧିସ୍ତସ୍ଯ ହସ୍ତେ ସଦା ଭଵେତ୍ ।
ପରଦାରାନ୍ ସମାଲିଙ୍ଗଯ ସମ୍ପୂଜ୍ଯ ପରମେଶ୍ଵରୀମ୍ ॥ ୨୫॥
ହସ୍ତାହସ୍ତିକଯା ଯୋଗଂ କୃତ୍ଵା ଜପ୍ତ୍ଵା ସ୍ତଵଂ ପଠେତ୍ ।
ଯୋନିଂ ଵୀକ୍ଷ୍ଯ ଜପେତ୍ ସ୍ତୋତ୍ରଂ କୁବେରାଦଧିକୋ ଭଵେତ୍ ॥ ୨୬॥
କୁଣ୍ଡଗୋଲୋଦ୍ଭଵଂ ଗୃହ୍ଯଵର୍ଣାକ୍ତଂ ହୋମଯେନ୍ନିଶି ।
ପିତୃଭୂମୌ ମହେଶାନି ଵିଧିରେଖାଂ ପ୍ରମାର୍ଜଯେତ୍ ॥ ୨୭॥
ତରୁଣୀଂ ସୁନ୍ଦରୀଂ ରମ୍ଯାଂ ଚଞ୍ଚଲାଂ କାମଗର୍ଵିତାମ୍ ।
ସମାନୀଯ ପ୍ରଯତ୍ନେନ ସଂଶୋଧ୍ଯ ନ୍ଯାସଯୋଗତଃ ॥ ୨୮॥
ପ୍ରସୂନମଞ୍ଚେ ସଂସ୍ଥାପ୍ଯ ପୃଥିଵୀଂ ଵଶମାନଯେତ୍ ।
ମୂଲଚକ୍ରଂ ତୁ ସମ୍ଭାଵ୍ଯ ଦେଵ୍ଯାଶ୍ଚରଣସଂଯୁତମ୍ ॥ ୨୯॥
ସମ୍ମୂଜ୍ଯ ପରମେଶାନୀଂ ସଙ୍କଲ୍ପ୍ଯ ତୁ ମହେଶ୍ଵରି ।
ଜପ୍ତ୍ଵା ସ୍ତୁତ୍ଵା ମହେଶାନୀଂ ପ୍ରଣଵଂ ସଂସ୍ମରେଚ୍ଛିଵେ ॥ ୩୦॥
ଅଷ୍ଟୋତ୍ତରଶତୈର୍ଯୋନିଂ ପ୍ରମନ୍ତ୍ର୍ଯାଚୁମ୍ବ୍ଯ ଯତ୍ନତଃ ।
ସଂଯୋଗୀଭୂଯ ଜପ୍ତଵ୍ଯଂ ସର୍ଵଵିଦ୍ଯାଧିପୋ ଭଵେତ୍ ॥ ୩୧॥
ଶୂନ୍ଯାଗାରେ ଶିଵାରଣ୍ଯେ ଶିଵଦେଵାଲଯେ ତଥା ।
ଶୂନ୍ଯଦେଶେ ତଡାଗେ ଚ ଗଙ୍ଗାଗର୍ଭେ ଚତୁଷ୍ପଥେ ॥ ୩୨॥
ଶ୍ମଶାନେ ପର୍ଵତପ୍ରାନ୍ତେ ଏକଲିଙ୍ଗେ ଶିଵାମୁଖେ ।
ମୁଣ୍ଡଯୋନୌ ଋତୌ ସ୍ନାତ୍ଵା ଗେହେ ଵେଶ୍ଯାଗୃହେ ତଥା ॥ ୩୩॥
କୁଟ୍ଟିନୀଗୃହମଧ୍ଯେ ଚ କଦଲୀମଣ୍ଡପେ ତଥା ।
ପଠେତ୍ସହସ୍ରନାମାଖ୍ଯଂ ସ୍ତୋତ୍ରଂ ସର୍ଵାର୍ଥସିଦ୍ଧଯେ ॥ ୩୪॥
ଅରଣ୍ଯେ ଶୂନ୍ଯଗର୍ତେ ଚ ରଣେ ଶତ୍ରୁସମାଗମେ ।
ପ୍ରଜପେଚ୍ଚ ତତୋ ନାମ କାଲ୍ଯାଶ୍ଚୈଵ ସହସ୍ରକମ୍ ॥ ୩୫॥
ବାଲାନନ୍ଦପରୋ ଭୂତ୍ଵା ପଠିତ୍ଵା କାଲିକାସ୍ତଵମ୍ ।
କାଲୀଂ ସଞ୍ଚିନ୍ତ୍ଯ ପ୍ରଜପେତ୍ ପଠେନ୍ନାମସହସ୍ରକମ୍ ॥ ୩୬॥
ସର୍ଵସିଦ୍ଧୀଶ୍ଵରୋ ଭୂଯାଦ୍ଵାଞ୍ଛାସିଦ୍ଧୀଶ୍ଵରୋ ଭଵେତ୍ ।
ମୁଣ୍ଡଚୂଡକଯୋର୍ଯୋନି ତ୍ଵଚି ଵା କୋମଲେ ଶିଵେ ॥ ୩୭॥
ଵିଷ୍ଟରେ ଶଵଵସ୍ତ୍ରେ ଵା ପୁଷ୍ପଵସ୍ତ୍ରାସନେଽପି ଵା ।
ମୁକ୍ତକେଶୋ ଦିଶାଵାସୋ ମୈଥୁନୀ ଶଯନେ ସ୍ଥିତଃ ॥ ୩୮॥
ଜପ୍ତ୍ଵାକାଲୀଂ ପଠେତ୍ ସ୍ତୋତ୍ରଂ ଖେଚରୀସିଦ୍ଧିଭାଗ୍ ଭଵେତ୍ ।
ଚିକୁରଂ ଯୋଗମାସାଦ୍ଯ ଶୁକ୍ରୋତ୍ସାରଣମେଵ ଚ ॥ ୩୯॥
ଜପ୍ତ୍ଵା ଶ୍ରୀଦକ୍ଷିଣାଂ କାଲୀଂ ଶକ୍ତିପାତଶତଂ ଭଵେତ୍ ।
ଲତାଂ ସ୍ପୃଶନ୍ ଜପିତ୍ଵା ଚ ରମିତ୍ଵା ତ୍ଵର୍ଚଯନ୍ନପି ॥ ୪୦॥
ଆହ୍ଲାଦଯନ୍ଦିଗାଵାସଃ ପରଶକ୍ତିଂ ଵିଶେଷତଃ ।
ସ୍ତୁତ୍ଵା ଶ୍ରୀଦକ୍ଷିଣାଂ କାଲୀଂ ଯୋନିଂ ସ୍ଵକରଗାଞ୍ଚରେତ୍ ॥ ୪୧॥
ପଠେନ୍ନାମସହସ୍ରଂ ଯଃ ସ ଶିଵାଦଧିକୋ ଭଵେତ୍ ।
ଲତାନ୍ତରେଷୁ ଜପ୍ତଵ୍ଯଂ ସ୍ତୁତ୍ଵା କାଲୀଂ ନିରାକୁଲଃ ॥ ୪୨॥
ଦଶାଵଧାନୋ ଭଵତି ମାସମାତ୍ରେଣ ସାଧକଃ ।
କାଲରାତ୍ର୍ଯାଂ ମହାରାତ୍ର୍ଯାଂ ଵୀରରାତ୍ର୍ଯାମପି ପ୍ରିଯେ ॥ ୪୩॥
ମହାରାତ୍ର୍ଯାଂ ଚତୁର୍ଦଶ୍ଯାମଷ୍ଟମ୍ଯାଂ ସଂକ୍ରମେଽପି ଵା ।
କୁହୂପୂର୍ଣେନ୍ଦୁଶୁକ୍ରେଷୁ ଭୌମାମାଯାଂ ନିଶାମୁଖେ ॥ ୪୪॥
ନଵମ୍ଯାଂ ମଙ୍ଗଲଦିନେ ତଥା କୁଲତିଥୌ ଶିଵୈ ।
କୁଲକ୍ଷେତ୍ରେ ପ୍ରଯତ୍ନେନ ପଠେନ୍ନାମସହସ୍ରକମ୍ ॥ ୪୫॥
ସୁଦର୍ଶନୋ ଭଵେଦାଶୁ କିନ୍ନରୀସିଦ୍ଧିଭାଗ୍ଭଵେତ୍ ।
ପଶ୍ମିମାଭିମୁଖଂ ଲିଙ୍ଗଂ ଵୃଷଶୂନ୍ଯଂ ପୁରାତନମ୍ ॥ ୪୬॥
ତତ୍ର ସ୍ଥିତ୍ଵା ଜପେତ୍ ସ୍ତୋତ୍ରଂ ସର୍ଵକାମାପ୍ତଯେ ଶିଵେ ।
ଭୌମଵାରେ ନିଶୀଥେ ଵା ଅମାଵସ୍ଯାଦିନେ ଶୁଭେ ॥ ୪୭॥
ମାଷଭକ୍ତବଲିଂ ଛାଗଂ କୃସରାନ୍ନଂ ଚ ପାଯସମ୍ ।
ଦଗ୍ଧମୀନଂ ଶୋଣିତଞ୍ଚ ଦଧି ଦୁଗ୍ଧ ଗୁଡାର୍ଦ୍ରକମ୍ ॥ ୪୮॥
ବଲିଂ ଦତ୍ଵା ଜପେତ୍ ତତ୍ର ତ୍ଵଷ୍ଟୋତ୍ତରସହସ୍ରକମ୍ ।
ଦେଵ-ଗନ୍ଧର୍ଵ-ସିଦ୍ଧୌଧୈଃ ସେଵିତାଂ ସୁରସୁନ୍ଦରୀମ୍ ॥ ୪୯॥
ଲଭେଦ୍ଦେଵେଶି ମାସେନ ତସ୍ଯ ଚାସନ ସଂହତିଃ ।
ହସ୍ତତ୍ରଯଂ ଭଵେଦୂର୍ଧ୍ଵଂ ନାତ୍ର କାର୍ଯା ଵିଚାରଣା ॥ ୫୦॥
ହେଲଯା ଲୀଲଯା ଭକ୍ତ୍ଯା କାଲୀଂ ସ୍ତୌତି ନରସ୍ତୁ ଯଃ ।
ବ୍ରହ୍ମାଦୀଂସ୍ସତମ୍ଭଯେଦ୍ଦେଵି ମାହେଶୀଂ ମୋହଯେତ୍କ୍ଷଣାତ୍ ॥ ୫୧॥
ଆକର୍ଷଯେନ୍ମହାଵିଦ୍ଯାଂ ଦଶପୂର୍ଵାନ୍ ତ୍ରିଯାମତଃ ।
କୁର୍ଵୀତ ଵିଷ୍ଣୁନିର୍ମ୍ମାଣଂ ଯମାଦୀନାଂ ତୁ ମାରଣମ୍ ॥ ୫୨॥
ଧ୍ରୁଵମୁଚ୍ଚାଟଯେନ୍ନୂନଂ ସୃଷ୍ଟିନୂତନତାଂ ନରଃ ।
ମେଷମାହିଷମାର୍ଜାରଖରଚ୍ଛାଗନରାଦିକୈଃ ॥ ୫୩॥
ଖଙ୍ଗିଶୂକରକାପୋତୈଷ୍ଟିଟ୍ଟିଭୈଃ ଶଶକୈଃ ପଲୈଃ ।
ଶୋଣିତୈଃ ସାସ୍ଥିମାଂସୈଶ୍ଚ କାରଣ୍ଡୈର୍ଦୁଗ୍ଧପାଯସୈଃ ॥ ୫୪॥
କାଦମ୍ବରୀସିନ୍ଧୁମଦ୍ଯୈଃ ସୁରାରିଷ୍ଟୈଶ୍ଚ ସାସଵୈଃ ।
ଯୋନିକ୍ଷାଲିତତୋଯୈଶ୍ଚ ଯୋନିଲିଙ୍ଗାମୃତୈରପି ॥ ୫୫॥
ସ୍ଵଜାତକୁସୁମୈଃ ପୂଜ୍ଯା ଜପାନ୍ତେ ତର୍ପଯେଚ୍ଛିଵାମ୍ ।
ସର୍ଵସାମ୍ରାଜ୍ଯନାମ୍ନା ତୁ ସ୍ତୁତ୍ଵା ନତ୍ଵା ସ୍ଵଶକ୍ତିତଃ ॥ ୫୬॥
ଶକ୍ତ୍ଯା ଲଭନ୍ ପଠେତ୍ ସ୍ତୋତ୍ରଂ କାଲୀରୂପୋ ଦିନତ୍ରଯାତ୍ ।
ଦକ୍ଷିଣାକାଲିକା ତସ୍ଯ ଗେହେ ତିଷ୍ଠତି ନାନ୍ଯଥା ॥ ୫୭॥
ଵେଶ୍ଯାଲତାଗୃହେ ଗତ୍ଵା ତସ୍ଯାଶ୍ଚୁମ୍ବନତତ୍ପରଃ ।
ତସ୍ଯା ଯୋନୌ ମୁଖଂ ଦତ୍ଵା ତଦ୍ରସଂ ଵିଲିହଞ୍ଜପେତ୍ ॥ ୫୮॥
ତଦନ୍ତେ ନାମ ସାହସ୍ରଂ ପଠେଦ୍ଭକ୍ତିପରାଯଣଃ ।
କାଲିକାଦର୍ଶନଂ ତସ୍ଯ ଭଵେଦ୍ଦେଵି ତ୍ରିଯାମତଃ ॥ ୫୯॥
ନୃତ୍ଯପାତ୍ରଗୃହେ ଗତ୍ଵା ମକାରପଞ୍ଚକାନ୍ଵିତଃ ।
ପ୍ରସୂନମଞ୍ଚେ ସଂସ୍ଥାପ୍ଯ ଶକ୍ତିନ୍ଯାସପରାଯଣଃ ॥ ୬୦॥
ପାତ୍ରାଣାଂ ସାଧନଂ କୃତ୍ଵା ଦିଗ୍ଵସ୍ତ୍ରାଂ ତାଂ ସମାଚରେତ୍ ।
ସମ୍ଭାଵ୍ଯ ଚକ୍ରଂ ତନ୍ମୂଲେ ତତ୍ର ସାଵରଣାଂ ଜପେତ୍ ॥ ୬୧॥
ଶତଂ ଭାଲେ ଶତଂ କେଶେ ଶତଂ ସିନ୍ଦୂରମଣ୍ଡଲେ ।
ଶତତ୍ରଯଂ କୁଚଦ୍ଵନ୍ଦ୍ଵେ ଶତଂ ନାଭୌ ମହେଶ୍ଵରି ॥ ୬୨॥
ଶତଂ ଯୋନୌ ମହେଶାନି ସଂଯୋଗେ ଚ ଶତତ୍ରଯମ୍ ।
ଜପେତ୍ତତ୍ର ମହେଶାନି ତଦନ୍ତେ ପ୍ରପଠେତ୍ସ୍ତଵମ୍ ॥ ୬୩॥
ଶତାଵଧାନୋ ଭଵତି ମାସମାତ୍ରେଣ ସାଧକଃ ।
ମାତଙ୍ଗିନୀଂ ସମାନୀଯ କିଂ ଵା କାପାଲିନୀଂ ଶିଵେ ॥ ୬୪॥
ଦନ୍ତମାଲା ଜପେ କାର୍ଯା ଗଲେ ଧାର୍ଯା ନୃମୁଣ୍ଡଜା ।
ନେତ୍ରପଦ୍ମେ ଯୋନିଚକ୍ରଂ ଶକ୍ତିଚକ୍ରଂ ସ୍ଵଵକ୍ତ୍ରକେ ॥ ୬୫॥
କୃତ୍ଵା ଜପେନ୍ମହେଶାନି ମୁଣ୍ଡଯନ୍ତ୍ରଂ ପ୍ରପୂଜଯେତ୍ ।
ମୁଣ୍ଡାସନସ୍ଥିତୋ ଵୀରୋ ମକାରପଞ୍ଚକାନ୍ଵିତଃ ॥ ୬୬॥
ଅନ୍ଯାମାଲିଙ୍ଗଯ ପ୍ରଜପେଦନ୍ଯାଂ ସଞ୍ଚୁମ୍ବ୍ଯ ଵୈ ପଠେତ୍ ।
ଅନ୍ଯାଂ ସମ୍ପୂଜଯେତ୍ତତ୍ର ତ୍ଵନ୍ଯାଂ ସମ୍ମର୍ଦ୍ଦଯନ୍ ଜପେତ୍ ॥ ୬୭॥
ଅନ୍ଯଯୋନୌ ଶିଵଂ ଦତ୍ଵା ପୁନଃ ପୂର୍ଵଵଦାଚରେତ୍ ।
ଅଵଧାନସହସ୍ରେଷୁ ଶକ୍ତିପାତଶତେଷୁ ଚ ॥ ୬୮॥
ରାଜା ଭଵତି ଦେଵେଶି ମାସପଞ୍ଚକଯୋଗତଃ ।
ଯଵନୀଶକ୍ତିମାନୀଯ ଗାନଶକ୍ତିପରାଯଣମ୍ ॥ ୬୯॥
କୁଲାଚାରମତେନୈଵ ତସ୍ଯା ଯୋନିଂ ଵିକାସଯେତ୍ ।
ତତ୍ର ପ୍ରଦାଯ ଜିହ୍ଵାଂ ତୁ ଜପେନ୍ନାମସହସ୍ରକମ୍ ॥ ୭୦॥
ନୃକପାଲେ ତତ୍ର ଦୀପଂ ଜପେତ୍ପ୍ରଜ୍ଵାଲ୍ଯ ଯତ୍ନତଃ ।
ମହାକଵିଵରୋ ଭୂଯାନ୍ନାତ୍ର କାର୍ଯା ଵିଚାରଣା ॥ ୭୧॥
କାମାର୍ତାଂ ଶକ୍ତିମାନୀଯ ଯୋନୌ ତୁ ମୂଲଚକ୍ରକମ୍ ।
ଵିଲିଖ୍ଯ ପରମେଶାନି ତତ୍ର ମନ୍ତ୍ରଂ ଲିଖେଚ୍ଛିଵେ ॥ ୭୨॥
ତଲ୍ଲିହନ୍ ପ୍ରଜପେଦ୍ଦେଵି ସର୍ଵଶାସ୍ତ୍ରାର୍ଥତତ୍ଵଵିତ୍ ।
ଅଶ୍ରୁତାନି ଚ ଶାସ୍ତ୍ରାଣି ଵେଦାଦୀନ୍ ପାଠଯେଦ୍ ଧ୍ରୁଵମ୍ ॥ ୭୩॥
ଵିନା ନ୍ଯାସୈର୍ଵିନା ପାଠୈର୍ଵିନାଧ୍ଯାନାଦିଭିଃ ପ୍ରିଯେ ।
ଚତୁର୍ଵେଦାଧିପୋ ଭୂତ୍ଵା ତ୍ରିକାଲଜ୍ଞସ୍ତ୍ରିଵର୍ଷତଃ ॥ ୭୪॥
ଚତୁର୍ଵିଧଂ ଚ ପାଣ୍ଡିତ୍ଯଂ ତସ୍ଯ ହସ୍ତଗତଂ କ୍ଷଣାତ୍ ।
ଶିଵାବଲିଃ ପ୍ରଦାତଵ୍ଯଃ ସର୍ଵଦା ଶୂନ୍ଯମଣ୍ଡଲେ ॥ ୭୫॥
କାଲୀଧ୍ଯାନଂ ମନ୍ତ୍ରର୍ଚିତା ନୀଲସାଧନମେଵ ଚ ।
ସହସ୍ରନାମପାଠଶ୍ଚ କାଲୀନାମପ୍ରକୀର୍ତନମ୍ ॥ ୭୬॥
ଭକ୍ତସ୍ଯ କାର୍ଯମେତାଵଦନ୍ଯଦଭ୍ଯୁଦଯଂ ଵିଦୁଃ ।
ଵୀରସାଧନକଂ କର୍ମ ଶିଵାପୂଜା ବଲିସ୍ତଥା ॥ ୭୭॥
ସିନ୍ଦୂରତିଲକୋ ଦେଵି ଵେଶ୍ଯାଲାପୋ ନିରନ୍ତରମ୍ ।
ଵେଶ୍ଯାଗୃହେ ନିଶାଚାରୋ ରାତ୍ରୌ ପର୍ଯଟନଂ ତଥା ॥ ୭୮॥
ଶକ୍ତିପୂଜା ଯୋନିଦୃଷ୍ଟିଃ ଖଙ୍ଗହସ୍ତୋ ଦିଗମ୍ବରଃ ।
ମୁକ୍ତକେଶୋ ଵୀରଵେଷଃ କୁଲମୂର୍ତିଧରୋ ନରଃ ॥ ୭୯॥
କାଲୀଭକ୍ତୋ ଭଵେଦ୍ଦେଵି ନାନ୍ଯଥା କ୍ଷେମମାପ୍ନୁଯାତ୍ ।
ଦୁଗ୍ଧାସ୍ଵାଦୀ ଯୋନିଲେହୀ ସଂଵିଦାସଵଘୂର୍ଣିତଃ ॥ ୮୦॥
ଵେଶ୍ଯାଲତାସମାଯୋଗାନ୍ମାସାତ୍କଲ୍ପଲତା ସ୍ଵଯମ୍ ।
ଵେଶ୍ଯାଚକ୍ରସମାଯୋଗାତ୍କାଲୀଚକ୍ରସମଃ ସ୍ଵଯମ୍ ॥ ୮୧॥
ଵେଶ୍ଯାଦେହସମାଯୋଗାତ୍ କାଲୀଦେହସମଃ ସ୍ଵଯମ୍ ।
ଵେଶ୍ଯାମଧ୍ଯଗତଂ ଵୀରଂ କଦା ପଶ୍ଯାମି ସାଧକମ୍ ॥ ୮୨॥
ଏଵଂ ଵଦତି ସା କାଲୀ ତସ୍ମାଦ୍ଵେଶ୍ଯା ଵରା ମତା ।
ଵେଶ୍ଯା କନ୍ଯା ତଥା ପୀଠଜାତିଭେଦକୁଲକ୍ରମାତ୍ ॥ ୮୩॥
ଅକୁଲକ୍ରମଭେଦେନ ଜ୍ଞାତ୍ଵା ଚାପି କୁମାରିକାମ୍ ।
କୁମାରୀଂ ପୂଜଯେଦ୍ଭକ୍ତ୍ଯା ଜପାନ୍ତେ ଭଵନେ ପ୍ରିଯେ ॥ ୮୪॥
ପଠେନ୍ନାମସହସ୍ରଂ ଯଃ କାଲୀଦର୍ଶନଭାଗ୍ ଭଵେତ୍ ।
ଭକ୍ତ୍ଯା କୁମାରୀଂ ସମ୍ପୂଜ୍ଯ ଵୈଶ୍ଯାକୁଲ ସମୁଦ୍ଭଵାମ୍ ॥ ୮୫॥
ଵସ୍ତ୍ର ହେମାଦିଭିସ୍ତୋଷ୍ଯା ଯତ୍ନାତ୍ସ୍ତୋତ୍ରଂ ପଠେଚ୍ଛିଵେ ।
ତ୍ରୈଲୋକ୍ଯ ଵିଜଯୀ ଭୂଯାଦ୍ଦିଵା ଚନ୍ଦ୍ରପ୍ରକାଶକଃ ॥ ୮୬॥
ଯଦ୍ଯଦ୍ଦତ୍ତଂ କୁମାର୍ଯୈ ତୁ ତଦନନ୍ତଫଲଂ ଭଵେତ୍ ।
କୁମାରୀପୂଜନଫଲଂ ମଯା ଵକ୍ତୁଂ ନ ଶକ୍ଯତେ ॥ ୮୭॥
ଚାଞ୍ଚଲ୍ଯାଦ୍ଦୁରିତଂ କିଞ୍ଚିତ୍କ୍ଷମ୍ଯତାମଯମଞ୍ଜଲିଃ ।
ଏକା ଚେତ୍ପୂଜିତା ବାଲା ଦ୍ଵିତୀଯା ପୂଜିତା ଭଵେତ୍ ॥ ୮୮॥
କୁମାର୍ଯଃ ଶକ୍ତଯଶ୍ଚୈଵ ସର୍ଵମେତଚରାଚରମ୍ ।
ଶକ୍ତିମାନୀଯ ତଦ୍ଗାତ୍ରେ ନ୍ଯାସଜାଲଂ ପ୍ରଵିନ୍ଯସେତ୍ ॥ ୮୯॥
ଵାମଭାଗେ ଚ ସଂସ୍ଥାପ୍ଯ ଜପେନ୍ନାମସହସ୍ରକମ୍ ।
ସର୍ଵସିଦ୍ଧୀଶ୍ଵରୋ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୯୦॥
ଶ୍ମଶାନସ୍ଥୋ ଭଵେତ୍ସ୍ଵସ୍ଥୋ ଗଲିତଂ ଚିକୁରଂ ଚରେତ୍ ।
ଦିଗମ୍ବରଃ ସହସ୍ରଂ ଚ ସୂର୍ଯପୁଷ୍ପଂ ସମାନଯେତ୍ ॥ ୯୧॥
ସ୍ଵଵୀର୍ଯେଣ ପ୍ଲୁତଂ କୃତ୍ଵା ପ୍ରତ୍ଯେକଂ ପ୍ରଜପନ୍ ହୁନେତ୍ ।
ପୂଜ୍ଯ ଧ୍ଯାତ୍ଵା ମହାଭକ୍ତ୍ଯା କ୍ଷମାପାଲୋ ନରଃ ପଠେତ୍ ॥ ୯୨॥
ନଖଂ କେଶଂ ସ୍ଵଵୀର୍ଯଂ ଚ ଯଦ୍ଯତ୍ସମ୍ମାର୍ଜନୀଗତମ୍ ।
ମୁକ୍ତକେଶୋ ଦିଶାଵାସୋ ମୂଲମନ୍ତ୍ରପୁରଃସରଃ ॥ ୯୩॥
କୁଜଵାରେ ମଧ୍ଯରାତ୍ରେ ହୋମଂ କୃତ୍ଵା ଶ୍ମଶାନକେ ।
ପଠେନ୍ନାମସହସ୍ରଂ ଯଃ ପୃଥ୍ଵୀଶାକର୍ଷକୋ ଭଵେତ୍ ॥ ୯୪॥
ପୁଷ୍ପଯୁକ୍ତେ ଭଗେ ଦେଵି ସଂଯୋଗାନନ୍ଦତତ୍ପରଃ ।
ପୁନଶ୍ଚିକୁରମାସାଦ୍ଯ ମୂଲମନ୍ତ୍ରଂ ଜପନ୍ ଶିଵେ ॥ ୯୫॥
ଚିତାଵହ୍ନୌ ମଧ୍ଯରାତ୍ରେ ଵୀର୍ଯମୁତ୍ସାର୍ଯ ଯତ୍ନତଃ ।
କାଲିକାଂ ପୂଜଯେତ୍ତତ୍ର ପଠେନ୍ନାମ ସହସ୍ରକମ୍ ॥ ୯୬॥
ପୃଥ୍ଵୀଶାକର୍ଷଣଂ କୁର୍ଯାନ୍ନାତ୍ର କାର୍ଯା ଵିଚାରଣା ।
କଦଲୀ ଵନମାସାଦ୍ଯ ଲକ୍ଷମନ୍ତ୍ରଂ ଜପେନ୍ନରଃ ॥ ୯୭॥
ମଧୁମତ୍ଯା ସ୍ଵଯଂ ଦେଵ୍ଯା ସେଵ୍ଯମାନଃ ସ୍ମରୋପମଃ ।
ଶ୍ରୀମଧୁମତୀତ୍ଯୁକ୍ତ୍ଵା ତଥା ସ୍ଥାଵରଜଙ୍ଗମାନ୍ ॥ ୯୮॥
ଆକର୍ଷିଣୀଂ ସମୁଚ୍ଚାର୍ଯ ଠଂଠଂ ସ୍ଵାହା ସମୁଚ୍ଚରେତ୍ ।
ତ୍ରୈଲୋକ୍ଯାକର୍ଷିଣୀ ଵିଦ୍ଯା ତସ୍ଯ ହସ୍ତେ ସଦା ଭଵେତ୍ ॥ ୯୯॥
ନଦୀଂ ପୁରୀଂ ଚ ରତ୍ନାନି ହେମସ୍ତ୍ରୀଶୈଲଭୂରୁହାନ୍ ।
ଆକର୍ଷଯତ୍ଯମ୍ବୁନିଧିଂ ସୁମେରୁଂ ଚ ଦିଗନ୍ତତଃ ॥ ୧୦୦॥
ଅଲଭ୍ଯାନି ଚ ଵସ୍ତୂନି ଦୂରାଦ୍ଭୂମିତଲାଦପି ।
ଵୃତ୍ତାନ୍ତଂ ଚ ସୁରସ୍ଥାନାଦ୍ରହସ୍ଯେ ଵିଦୁଷାମପି ॥ ୧୦୧॥
ରାଜ୍ଞାଂ ଚ କଥଯତ୍ଯେଷା ସତ୍ଯଂ ସତ୍ଵରମାଦିଶେତ୍ ।
ଦ୍ଵିତୀଯଵର୍ଷପାଠେନ ଭଵେତ୍ପଦ୍ମାଵତୀ ଶୁଭା ॥ ୧୦୨॥
ଓଂ ହ୍ରୀଂପଦ୍ମାଵତି ପଦଂ ତତସ୍ତ୍ରୈଲୋକ୍ଯନାମ ଚ ।
ଵାର୍ତାଂ ଚ କଥଯ ଦ୍ଵନ୍ଦ୍ଵଂ ସ୍ଵାହାନ୍ତୋ ମନ୍ତ୍ର ଈରିତଃ ॥ ୧୦୩॥
ବ୍ରହ୍ମଵିଷ୍ଣ୍ଵାଦିକାନାଂ ଚ ତ୍ରୈଲୋକ୍ଯେ ଯାଦୃଶୀ ଭଵେତ୍ ।
ସର୍ଵ ଵଦତି ଦେଵେଶୀ ତ୍ରିକାଲଜ୍ଞଃ କଵିଶ୍ଶୁଭଃ ॥ ୧୦୪॥
ତ୍ରିଵର୍ଷଂ ସମ୍ପଠନ୍ଦେଵି ଲଭେଦ୍ଭୋଗଵତୀଂ କଲାମ୍ ।
ମହାକାଲେନ ଦୃଷ୍ଟୋଽପି ଚିତାମଧ୍ଯଗତୋଽପି ଵା ॥ ୧୦୫॥
ତସ୍ଯା ଦର୍ଶନମାତ୍ରେଣ ଚିରଞ୍ଜୀଵୀ ନରୋ ଭଵେତ୍ ।
ମୃତସଞ୍ଜୀଵିନୀତ୍ଯୁକ୍ତ୍ଵା ମୃତମୁତ୍ଥାପଯ ଦ୍ଵଯମ୍ ॥ ୧୦୬॥
ସ୍ଵାହାନ୍ତୋ ମନୁରାଖ୍ଯାତୋ ମୃତସଞ୍ଜୀଵନାତ୍ମକଃ ।
ଚତୁର୍ଵର୍ଷଂ ପଠେଦ୍ଯସ୍ତୁ ସ୍ଵପ୍ନସିଦ୍ଧିସ୍ତତୋ ଭଵେତ୍ ॥ ୧୦୭॥
ଓଂ ହ୍ରୀଂ ସ୍ଵପ୍ନଵାରାହି କାଲିସ୍ଵପ୍ନେ କଥଯୋଚ୍ଚରେତ୍ ।
ଅମୁକସ୍ଯାଽମୁକଂ ଦେହି କ୍ଲୀଂ ସ୍ଵାହାନ୍ତୋ ମନୁର୍ମତଃ ॥ ୧୦୮॥
ସ୍ଵପ୍ନସିଦ୍ଧା ଚତୁର୍ଵର୍ଷାତ୍ତସ୍ଯ ସ୍ଵପ୍ନେ ସଦା ସ୍ଥିତା ।
ଚତୁର୍ଵର୍ଷସ୍ଯ ପାଠେନ ଚତୁର୍ଵେଦାଧିପୋ ଭଵେତ୍ ॥ ୧୦୯॥
ତଦ୍ଧସ୍ତଜଲସଂଯୋଗାନ୍ମୂର୍ଖଃ କାଵ୍ଯଂ କରୋତି ଚ ।
ତସ୍ଯ ଵାକ୍ଯପରିଚଯାନ୍ମୂର୍ତିର୍ଵିନ୍ଦତି କାଵ୍ଯତାମ୍ ॥ ୧୧୦॥
ମସ୍ତକେ ତୁ କରଂ କୃତ୍ଵା ଵଦ ଵାଣୀମିତି ବ୍ରୁଵନ୍ ।
ସାଧକୋ ଵାଞ୍ଛଯା କୁର୍ଯାତ୍ତତ୍ତଥୈଵ ଭଵିଷ୍ଯତି ॥ ୧୧୧॥
ବ୍ରହ୍ମାଣ୍ଡଗୋଲକେ ଯାଶ୍ଚ ଯାଃ କାଶ୍ଚିଜ୍ଜଗତୀତଲେ ।
ସମସ୍ତାଃ ସିଦ୍ଧଯୋ ଦେଵି କରାମଲକଵତ୍ସଦା ॥ ୧୧୨॥
ସାଧକସ୍ମୃତିମାତ୍ରେଣ ଯାଵନ୍ତ୍ଯଃ ସନ୍ତି ସିଦ୍ଧଯଃ ।
ସ୍ଵଯମାଯାନ୍ତି ପୁରତୋ ଜପାଦୀନାଂ ତୁ କା କଥା ॥ ୧୧୩॥
ଵିଦେଶଵର୍ତିନୋ ଭୂତ୍ଵା ଵର୍ତନ୍ତେ ଚେଟକା ଇଵ ।
ଅମାଯାଂ ଚନ୍ଦ୍ରସନ୍ଦର୍ଶଶ୍ଚନ୍ଦ୍ରଗ୍ରହଣମେଵ ଚ ॥ ୧୧୪॥
ଅଷ୍ଟମ୍ଯାଂ ପୂର୍ଣଚନ୍ଦ୍ରତ୍ଵଂ ଚନ୍ଦ୍ରସୂର୍ଯାଷ୍ଟକଂ ତଥା ।
ଅଷ୍ଟଦିକ୍ଷୁ ତଥାଷ୍ଟୌ ଚ କରୋତ୍ଯେଵ ମହେଶ୍ଵରି ॥ ୧୧୫॥
ଅଣିମା ଖେଚରତ୍ଵଂ ଚ ଚରାଚରପୁରୀଗତମ୍ ।
ପାଦୁକାଖଙ୍ଗଵେତାଲଯକ୍ଷିଣୀଗୁହ୍ଯକାଦଯଃ ॥ ୧୧୬॥
ତିଲକୋଗୁପ୍ତତାଦୃଶ୍ଯଂ ଚରାଚରକଥାନକମ୍ ।
ମୃତସଞ୍ଜୀଵିନୀସିଦ୍ଧିର୍ଗୁଟିକା ଚ ରସାଯନମ୍ ॥ ୧୧୭॥
ଉଡ୍ଡୀନସିଦ୍ଧିର୍ଦେଵେଶି ଷଷ୍ଟିସିଦ୍ଧୀଶ୍ଵରତ୍ଵକମ୍ ।
ତସ୍ଯ ହସ୍ତେ ଵସେଦ୍ଦେଵି ନାତ୍ର କାର୍ଯା ଵିଚାରଣା ॥ ୧୧୮॥
କେତୌ ଵା ଦୁନ୍ଦୁଭୌ ଵସ୍ତ୍ରେ ଵିତାନେ ଵେଷ୍ଟନେଗୃହେ ।
ଭିତ୍ତୌ ଚ ଫଲକେ ଦେଵି ଲେଖ୍ଯଂ ପୂଜ୍ଯଂ ଚ ଯତ୍ନତଃ ॥ ୧୧୯॥
ମଧ୍ଯେ ଚକ୍ରଂ ଦଶାଙ୍ଗୋକ୍ତଂ ପରିତୋ ନାମଲେଖନମ୍ ।
ତଦ୍ଧାରଣାନ୍ମହେଶାନି ତ୍ରୈଲୋକ୍ଯଵିଜଯୀ ଭଵେତ୍ ॥ ୧୨୦॥
ଏକୋ ହି ଶତସାହସ୍ରଂ ନିର୍ଜିତ୍ଯ ଚ ରଣାଙ୍ଗଣେ ।
ପୁନରାଯାତି ଚ ସୁଖଂ ସ୍ଵଗୃହଂ ପ୍ରତି ପାର୍ଵତୀ ॥ ୧୨୧॥
ଏକୋ ହି ଶତସନ୍ଦର୍ଶୀ ଲୋକାନାଂ ଭଵତି ଧ୍ରୁଵମ୍ ।
କଲଶଂ ସ୍ଥାପ୍ଯ ଯତ୍ନେନ ନାମସାହସ୍ରକଂ ପଠେତ୍ ॥ ୧୨୨॥
ସେକଃ କାର୍ଯୋ ମହେଶାନି ସର୍ଵାପତ୍ତିନିଵାରଣେ ।
ଭୂତପ୍ରେତଗ୍ରହାଦୀନାଂ ରାକ୍ଷସାଂ ବ୍ରହ୍ମରାକ୍ଷସାମ୍ ॥ ୧୨୩॥
ଵେତାଲାନାଂ ଭୈରଵାଣାଂ ସ୍କନ୍ଦଵୈନାଯକାଦିକାନ୍ ।
ନାଶଯେତ୍ କ୍ଷଣମାତ୍ରେଣ ନାତ୍ର କାର୍ଯା ଵିଚାରଣା ॥ ୧୨୪॥
ଭସ୍ମଭିର୍ମନ୍ତ୍ରିତଂ କୃତ୍ଵା ଗ୍ରହଗ୍ରସ୍ତଂ ଵିଲେପଯେତ୍ ।
ଭସ୍ମସଂକ୍ଷେପଣାଦେଵ ସର୍ଵଗ୍ରହଵିନାଶନମ୍ ॥ ୧୨୫॥
ନଵନୀତଂ ଚାଭିମନ୍ତ୍ର୍ଯ ସ୍ତ୍ରୀଭ୍ଯୋ ଦଦ୍ଯାନ୍ମହେଶ୍ଵରି ।
ଵନ୍ଧ୍ଯା ପୁତ୍ରପ୍ରଦାଂ ଦେଵି ନାତ୍ର କାର୍ଯା ଵିଚାରଣା ॥ ୧୨୬॥
କଣ୍ଠେ ଵା ଵାମବାହୌ ଵା ଯୋନୌ ଵା ଧାରଣାଚ୍ଛିଵେ ।
ବହୁପୁତ୍ରଵତୀ ନାରୀ ସୁଭଗା ଜାଯତେ ଧ୍ରୁଵମ୍ ॥ ୧୨୭॥
ପୁରୁଷୋ ଦକ୍ଷିଣାଙ୍ଗେ ତୁ ଧାରଯେତ୍ସର୍ଵସିଦ୍ଧଯେ ।
ବଲଵାନ୍କୀର୍ତିମାନ ଧନ୍ଯୋଧାର୍ମିକଃ ସାଧକଃ କୃତୀ ॥ ୧୨୮॥
ବହୁପୁତ୍ରୀ ରଥାନାଂ ଚ ଗଜାନାମଧିପଃ ସୁଧୀଃ ।
କାମିନୀକର୍ଷଣୋଦ୍ଯୁକ୍ତଃ କ୍ରୀଂ ଚ ଦକ୍ଷିଣକାଲିକେ ॥ ୧୨୯॥
କ୍ରୀଂ ସ୍ଵାହା ପ୍ରଜପେନ୍ମନ୍ତ୍ରମଯୁତଂ ନାମପାଠକଃ ।
ଆକର୍ଷଣଂ ଚରେଦ୍ଦେଵି ଜଲଖେଚରଭୂଗତାନ୍ ॥ ୧୩୦॥
ଵଶୀକରଣକାମୋ ହି ହୂଁ ହୂଁ ହ୍ରୀଂ ହ୍ରୀଂ ଚ ଦକ୍ଷିଣେ ।
କାଲିକେ ପୂର୍ଵବୀଜାନି ପୂର୍ଵଵତ୍ପ୍ରଜପନ୍ ପଠେତ୍ ॥ ୧୩୧॥
ଉର୍ଵଶୀମପି ଵସଯେନ୍ନାତ୍ର କାର୍ଯା ଵିଚାରଣା ।
କ୍ରୀଂ ଚ ଦକ୍ଷିଣକାଲିକେ ସ୍ଵାହା ଯୁକ୍ତଂ ଜପେନ୍ନରଃ ॥ ୧୩୨॥
ପଠେନ୍ନାମସହସ୍ରଂ ତୁ ତ୍ରୈଲୋକ୍ଯଂ ମାରଯେଦ୍ଧ୍ରୁଵମ୍ ।
ସଦ୍ଭକ୍ତାଯ ପ୍ରଦାତଵ୍ଯା ଵିଦ୍ଯା ରାଜ୍ଞି ଶୁଭେ ଦିନେ ॥ ୧୩୩॥
ସଦ୍ଵିନୀତାଯ ଶାନ୍ତାଯ ଦାନ୍ତାଯାତିଗୁଣାଯ ଚ ।
ଭକ୍ତାଯ ଜ୍ଯେଷ୍ଠପୁତ୍ରାଯ ଗୁରୁଭକ୍ତିପରାଯ ଚ ॥ ୧୩୪॥
ଵୈଷ୍ଣଵାଯ ପ୍ରଶୁଦ୍ଧାଯ ଶିଵାବଲିରତାଯ ଚ ।
ଵେଶ୍ଯାପୂଜନଯୁକ୍ତାଯ କୁମାରୀପୂଜକାଯ ଚ ॥ ୧୩୫॥
ଦୁର୍ଗାଭକ୍ତାଯ ରୌଦ୍ରାଯ ମହାକାଲପ୍ରଜାପିନେ ।
ଅଦ୍ଵୈତଭାଵଯୁକ୍ତାଯ କାଲୀଭକ୍ତିପରାଯ ଚ ॥ ୧୩୬॥
ଦେଯଂ ସହସ୍ରନାମାଖ୍ଯଂ ସ୍ଵଯଂ କାଲ୍ଯା ପ୍ରକାଶିତମ୍ ।
ଗୁରୁଦୈଵତମନ୍ତ୍ରାଣାଂ ମହେଶସ୍ଯାପି ପାର୍ଵତି ॥ ୧୩୭॥
ଅଭେଦେନ ସ୍ମରେନ୍ମନ୍ତ୍ରଂ ସ ଶିଵଃ ସ ଗଣାଧିପଃ ।
ଯୋ ମନ୍ତ୍ରଂ ଭାଵଯେନ୍ମନ୍ତ୍ରୀ ସ ଶିଵୋ ନାତ୍ର ସଂଶଯଃ ॥ ୧୩୮॥
ସ ଶାକ୍ତୋ ଵୈଷ୍ଣଵସ୍ସୌରଃ ସ ଏଵଂ ପୂର୍ଣଦୀକ୍ଷିତଃ ।
ଅଯୋଗ୍ଯାଯ ନ ଦାତଵ୍ଯଂ ସିଦ୍ଧିରୋଧଃ ପ୍ରଜାଯତେ ॥ ୧୩୯॥
ଵେଶ୍ଯାସ୍ତ୍ରୀନିନ୍ଦକାଯାଥ ସୁରାସଂଵିତ୍ପ୍ରନିନ୍ଦକେ ।
ସୁରାମୁଖୋ ମନୁଂ ସ୍ମୃତ୍ଵା ସୁରାଚାର୍ଯୋ ଭଵିଷ୍ଯତି ॥ ୧୪୦॥
ଵାଗ୍ଦେଵତା ଘୋରେ ଆସାପରଘାରେ ଚ ହୂଁ ଵଦେତ୍ ।
ଘୋରରୂପେ ମହାଘୋରେ ମୁଖୀଭୀମପଦଂ ଵଦେତ୍ ॥ ୧୪୧॥
ଭୀଷଣ୍ଯମୁଷ୍ଯଷଷ୍ଠ୍ଯନ୍ତଂ ହେତୁର୍ଵାମଯୁଗେ ଶିଵେ ।
ଶିଵଵହ୍ନିଯୁଗାସ୍ତ୍ରଂ ହୂଁ ହୂଁ କଵଚମନୁର୍ଭଵେତ୍ ॥ ୧୪୨॥
ଏତସ୍ଯ ସ୍ମରଣାଦେଵ ଦୁଷ୍ଟାନାଂ ଚ ମୁଖେ ସୁରା ।
ଅଵତୀର୍ଣା ଭଵଦ୍ଦେଵି ଦୁଷ୍ଟାନାଂ ଭଦ୍ରନାଶିନୀ ॥ ୧୪୩॥
ଖଲାଯ ପରତନ୍ତ୍ରାଯ ପରନିନ୍ଦାପରାଯ ଚ ।
ଭ୍ରଷ୍ଟାଯ ଦୁଷ୍ଟସତ୍ଵାଯ ପରଵାଦରତାଯ ଚ ॥ ୧୪୪॥
ଶିଵାଭକ୍ତାଯ ଦୁଷ୍ଟାଯ ପରଦାରରତାଯ ଚ ।
ନ ସ୍ତୋତ୍ରଂ ଦର୍ଶଯେଦ୍ଦେଵି ଶିଵହତ୍ଯାକରୋ ଭଵେତ୍ ॥ ୧୪୫॥
କାଲିକାନନ୍ଦହୃଦଯଃ କାଲିକାଭକ୍ତିମାନସଃ ।
କାଲୀଭକ୍ତୋ ଭଵେତ୍ସୋଽଯଂ ଧନ୍ଯରୂପଃ ସ ଏଵ ତୁ ॥ ୧୪୬॥
କଲୌ କାଲୀ କଲୌ କାଲୀ କଲୌ କାଲୀ ଵରପ୍ରଦା ।
କଲୌ କାଲୀ କଲୌ କାଲୀ କଲୌ କାଲୀ ତୁ କେଵଲା ॥ ୧୪୭॥
ବିଲ୍ଵପତ୍ରସହସ୍ରାଣି କରଵୀରାଣି ଵୈ ତଥା ।
ପ୍ରତିନାମ୍ନା ପୂଜଯେଦ୍ଧି ତେନ କାଲୀ ଵରପ୍ରଦା ॥ ୧୪୮॥
କମଲାନାଂ ସହସ୍ରଂ ତୁ ପ୍ରତିନାମ୍ନା ସମର୍ପଯେତ୍ ।
ଚକ୍ରଂ ସମ୍ପୂଜ୍ଯ ଦେଵେଶି କାଲିକାଵରମାପ୍ନୁଯାତ୍ ॥ ୧୪୯॥
ମନ୍ତ୍ରକ୍ଷୋଭଯୁତୋ ନୈଵ କଲଶସ୍ଥଜଲେନ ଚ ।
ନାମ୍ନା ପ୍ରସେଚଯେଦ୍ଦେଵି ସର୍ଵକ୍ଷୋଭଵିନାଶକୃତ୍ ॥ ୧୫୦॥
ତଥା ଦମନକଂ ଦେଵି ସହସ୍ରମାହରେଦ୍ଵ୍ରତୀ ।
ସହସ୍ରନାମ୍ନା ସମ୍ପୂଜ୍ଯ କାଲୀଵରମଵାପ୍ନୁଯାତ୍ ॥ ୧୫୧॥
ଚକ୍ରଂ ଵିଲିଖ୍ଯ ଦେହସ୍ଥଂ ଧାରଯେତ୍କାଲିକାତନୁଃ ।
କାଲ୍ଯୈ ନିଵେଦିତଂ ଯଦ୍ଯତ୍ତଦଂଶଂ ଭକ୍ଷଯେଚ୍ଛିଵେ ॥ ୧୫୨॥
ଦିଵ୍ଯଦେହଧରୋ ଭୂତ୍ଵା କାଲୀଦେହେ ସ୍ଥିତୋ ଭଵେତ୍ ।
ନୈଵେଦ୍ଯନିନ୍ଦକାନ୍ ଦୁଷ୍ଟାନ୍ ଦୃଷ୍ଟ୍ଵା ନୃତ୍ଯନ୍ତି ଭୈରଵା ॥ ୧୫୩॥
ଯୋଗିନ୍ଯଶ୍ଚ ମହାଵୀରା ରକ୍ତପାନୋଦ୍ଯତାଃ ପ୍ରିଯେ ।
ମାଂସାସ୍ଥିଚର୍ମଣୋଦ୍ଯୁକ୍ତା ଭକ୍ଷଯନ୍ତି ନ ସଂଶଯଃ ॥ ୧୫୪॥
ତସ୍ମାନ୍ନ ନିନ୍ଦଯେଦ୍ଦେଵି ମନସା କର୍ମଣା ଗିରା ।
ଅନ୍ଯଥା କୁରୁତେ ଯସ୍ତୁ ତସ୍ଯ ନାଶୋ ଭଵିଷ୍ଯତି ॥ ୧୫୫॥
କ୍ରମଦୀକ୍ଷାଯୁତାନାଂ ଚ ସିଦ୍ଧିର୍ଭଵତି ନାନ୍ଯଥା ।
ମନ୍ତ୍ରକ୍ଷୋଭଶ୍ଚ ଵା ଭୂଯାତ୍ କ୍ଷୀଣାଯୁର୍ଵା ଭଵେଦ୍ଧ୍ରୁଵମ୍ ॥ ୧୫୬॥
ପୁତ୍ରହାରୀ ସ୍ତ୍ରିଯୋହାରୀ ରାଜ୍ଯହାରୀ ଭଵେଦ୍ଧ୍ରୁଵମ୍ ।
କ୍ରମଦୀକ୍ଷାଯୁତୋ ଦେଵି କ୍ରମାଦ୍ରାଜ୍ଯମଵାପ୍ନୁଯାତ୍ ॥ ୧୫୭॥
ଏକଵାରଂ ପଠେଦ୍ଦେଵି ସର୍ଵପାପଵିନାଶନମ୍ ।
ଦ୍ଵିଵାରଂ ଚ ପଠେଦ୍ଯୋ ହି ଵାଞ୍ଛାଂ ଵିନ୍ଦତି ନିତ୍ଯଶଃ ॥ ୧୫୮॥
ତ୍ରିଵାରଂ ଚ ପଠେଦ୍ଯସ୍ତୁ ଵାଗୀଶସମତାଂ ଵ୍ରଜେତ୍ ।
ଚତୁର୍ଵାରଂ ପଠେଦ୍ଦେଵି ଚତୁର୍ଵର୍ଣାଧିପୋ ଭଵେତ୍ ॥ ୧୫୯॥
ପଞ୍ଚଵାରଂ ପଠେଦ୍ଦେଵି ପଞ୍ଚକାମାଧିପୋ ଭଵେତ୍ ।
ଷଡ୍ଵାରଂ ଚ ପଠେଦ୍ଦେଵି ଷଡୈଶ୍ଵର୍ଯାଧିପୋ ଭଵେତ୍ ॥ ୧୬୦॥
ସପ୍ତଵାରଂ ପଠେତ୍ସପ୍ତକାମନାଂ ଚିନ୍ତିତଂ ଲଭେତ୍ ।
ଵସୁଵାରଂ ପଠେଦ୍ଦେଵି ଦିଗୀଶୋ ଭଵତି ଧ୍ରୁଵମ୍ ॥ ୧୬୧॥
ନଵଵାରଂ ପଠେଦ୍ଦେଵି ନଵନାଥସମୋ ଭଵେତ୍ ।
ଦଶଵାରଂ କୀର୍ତ୍ତଯେଦ୍ଯୋ ଦଶାର୍ହଃ ଖେଚରେଶ୍ଵରଃ ॥ ୧୬୨॥
ଵିଂଶତିଵାରଂ କୀର୍ତଯେଦ୍ଯଃ ସର୍ଵୈଶ୍ଵର୍ଯମଯୋ ଭଵେତ୍ ।
ପଞ୍ଚଵିଂଶତିଵାରୈସ୍ତୁ ସର୍ଵଚିନ୍ତାଵିନାଶକଃ ॥ ୧୬୩॥
ପଞ୍ଚାଶଦ୍ଵାରମାଵର୍ତ୍ଯ ପଞ୍ଚଭୂତେଶ୍ଵରୋ ଭଵେତ୍ ।
ଶତଵାରଂ କୀର୍ତ୍ତଯେଦ୍ଯଃ ଶତାନନସମାନଧୀଃ ॥ ୧୬୪॥
ଶତପଞ୍ଚକମାଵର୍ତ୍ଯ ରାଜରାଜେଶ୍ଵରୋ ଭଵେତ୍ ।
ସହସ୍ରାଵର୍ତନାଦ୍ଦେଵି ଲକ୍ଷ୍ମୀରାଵୃଣୁତେ ସ୍ଵଯମ୍ ॥ ୧୬୫॥
ତ୍ରିସହସ୍ରଂ ସମାଵର୍ତ୍ଯ ତ୍ରିନେତ୍ରସଦୃଶୋ ଭଵେତ୍ ।
ପଞ୍ଚ ସାହସ୍ରମାଵର୍ତ୍ଯ କାମକୋଟି ଵିମୋହନଃ ॥ ୧୬୬॥
ଦଶସାହସ୍ରମାଵର୍ତ୍ଯ ଭଵେଦ୍ଦଶମୁଖେଶ୍ଵରଃ ।
ପଞ୍ଚଵିଂଶତିସାହସ୍ରୈ ଚ ଚତୁର୍ଵିଂଶତିସିଦ୍ଧିଧୃକ୍ ॥ ୧୬୭॥
ଲକ୍ଷାଵର୍ତନମାତ୍ରେଣ ଲକ୍ଷ୍ମୀପତିସମୋ ଭଵେତ୍ ।
ଲକ୍ଷତ୍ରଯାଵର୍ତ୍ତନାତ୍ତୁ ମହାଦେଵଂ ଵିଜେଷ୍ଯତି ॥ ୧୬୮॥
ଲକ୍ଷପଞ୍ଚକମାଵର୍ତ୍ଯ କଲାପଞ୍ଚକସଂଯୁତଃ ।
ଦଶଲକ୍ଷାଵର୍ତ୍ତନାତ୍ତୁ ଦଶଵିଦ୍ଯାପ୍ତିରୁତ୍ତମା ॥ ୧୬୯॥
ପଞ୍ଚଵିଂଶତିଲକ୍ଷୈସ୍ତୁ ଦଶଵିଦ୍ଯେଶ୍ଵରୋ ଭଵେତ୍ ।
ପଞ୍ଚାଶଲ୍ଲକ୍ଷମାଵୃତ୍ଯ ମହାକାଲସମୋ ଭଵେତ୍ ॥ ୧୭୦॥
କୋଟିମାଵର୍ତ୍ତଯେଦ୍ଯସ୍ତୁ କାଲୀଂ ପଶ୍ଯତି ଚକ୍ଷୁଷା ।
ଵରଦାନୋଦ୍ଯୁକ୍ତକରାଂ ମହାକାଲସମନ୍ଵିତାମ୍ ॥ ୧୭୧॥
ପ୍ରତ୍ଯକ୍ଷଂ ପଶ୍ଯତି ଶିଵେ ତସ୍ଯା ଦେହୋ ଭଵେଦ୍ଧ୍ରୁଵମ୍ ।
ଶ୍ରୀଵିଦ୍ଯାକାଲିକାତାରାତ୍ରିଶକ୍ତିଵିଜଯୀ ଭଵେତ୍ ॥ ୧୭୨॥
ଵିଧେର୍ଲିପିଂ ଚ ସମ୍ମାର୍ଜ୍ଯ କିଙ୍କରତ୍ଵଂ ଵିସୃଜ୍ଯ ଚ ।
ମହାରାଜ୍ଯମଵାପ୍ନୋତି ନାତ୍ର କାର୍ଯା ଵିଚାରଣା ॥ ୧୭୩॥
ତ୍ରିଶକ୍ତିଵିଷଯେ ଦେଵିକ୍ରମଦୀକ୍ଷା ପ୍ରକୀର୍ତିତା ।
କ୍ରମଦୀକ୍ଷାଯୁତୋ ଦେଵି ରାଜା ଭଵତି ନିଶ୍ଚିତମ୍ ॥ ୧୭୪॥
କ୍ରମଦୀକ୍ଷାଵିହୀନସ୍ଯ ଫଲଂ ପୂର୍ଵମିହେରିତମ୍ ।
କ୍ରମଦୀକ୍ଷାଯୁତୋ ଦେଵି ଶିଵ ଏଵ ନ ଚାପରଃ ॥ ୧୭୫॥
କ୍ରମଦୀକ୍ଷାସମାଯୁକ୍ତଃ କାଲ୍ଯୁକ୍ତସିଦ୍ଧିଭାଗ୍ଭଵେତ୍ ।
କ୍ରମଦୀକ୍ଷାଵିହୀନସ୍ଯ ସିଦ୍ଧିହାନିଃ ପଦେ ପଦେ ॥ ୧୭୬॥
ଅହୋ ଜନ୍ମଵତାଂ ମଧ୍ଯେ ଧନ୍ଯଃ କ୍ରମଯୁତଃ କଲୌ ।
ତତ୍ରାପି ଧନ୍ଯୋ ଦେଵେଶି ନାମସାହସ୍ରପାଠକଃ ॥ ୧୭୭॥
ଦଶକାଲୀଵିଦ୍ଯୌ ଦେଵି ସ୍ତୋତ୍ରମେତତ୍ସଦା ପଠେତ୍ ।
ସିଦ୍ଧିଂ ଵିନ୍ଦତି ଦେଵେଶି ନାତ୍ର କାର୍ଯା ଵିଚାରଣା ॥ ୧୭୮॥
କାକୀ କାଲୀ ମହାଵିଦ୍ଯା କଲୌ କାଲୀ ଚ ସିଦ୍ଧିଦା ।
କଲୌ କାଲୀ ଚ ସିଦ୍ଧା ଚ କଲୌ କାଲୀ ଵରପ୍ରଦା ॥ ୧୭୯॥
କଲୌ କାଲୀ ସାଧକସ୍ଯ ଦର୍ଶନାର୍ଥଂ ସମୁଦ୍ଯତା ।
କଲୌ କାଲୀ କେଵଲା ସ୍ଯାନ୍ନାତ୍ର କାର୍ଯା ଵିଚାରଣା ॥ ୧୮୦॥
ନାନ୍ଯଵିଦ୍ଯା ନାନ୍ଯଵିଦ୍ଯା ନାନ୍ଯଵିଦ୍ଯା କଲୌ ଭଵେତ୍ ।
କଲୌ କାଲୀଂ ଵିହାଯାଥ ଯଃ କଶ୍ଚିତ୍ସିଦ୍ଧିକାମୁକଃ ॥ ୧୮୧॥
ସ ତୁ ଶକ୍ତିଂ ଵିନା ଦେଵି ରତିସମ୍ଭୋଗମିଚ୍ଛତି ।
କଲୌ କାଲୀଂ ଵିନା ଦେଵି ଯଃ କଶ୍ଚିତ୍ସିଦ୍ଧିମିଚ୍ଛତି ॥ ୧୮୨॥
ସ ନୀଲସାଧନଂ ତ୍ଯକ୍ତ୍ଵା ପରିଭ୍ରମତି ସର୍ଵତଃ ।
କଲୌ କାଲୀ ଵିହାଯାଥ ଯଃ କଶ୍ଚିନ୍ମୋକ୍ଷମିଚ୍ଛତି ॥ ୧୮୩॥
ଗୁରୁଧ୍ଯାନଂ ପରିତ୍ଯଜ୍ଯ ସିଦ୍ଧିମିଚ୍ଛତି ସାଧକଃ ।
କଲୌ କାଲୀ ଵିହାଯାଥ ଯଃ କଶ୍ଚିଦ୍ରାଜ୍ଯମିଚ୍ଛତି ॥ ୧୮୪॥
ସ ଭୋଜନ ପରିତ୍ଯଜ୍ଯ ଭିକ୍ଷୁଵୃତ୍ତିମଭୀପ୍ସତି ।
ସ ଧନ୍ଯଃ ସ ଚ ଵିଜ୍ଞାନୀ ସ ଏଵ ସୁରପୂଜିତଃ ॥ ୧୮୫॥
ସ ଦୀକ୍ଷିତଃ ସୁଖୀ ସାଧୁଃ ସତ୍ଯଵାଦୀ ଜିତେନ୍ଦ୍ରିଯଃ ।
ସ ଵେଦଵକ୍ତା ସ୍ଵାଧ୍ଯାଯୀ ନାତ୍ର କାର୍ଯା ଵିଚାରଣା ॥ ୧୮୬॥
ଶିଵରୂପଂ ଗୁରୁଂ ଧ୍ଯାତ୍ଵା ଶିଵରୂପଂ ଗୁରୁଂ ସ୍ମରେତ୍ ।
ସଦାଶିଵଃ ସ ଏଵ ସ୍ଯାନାତ୍ର କାର୍ଯା ଵିଚାରଣା ॥ ୧୮୭॥
ସ୍ଵସ୍ମିନ୍ କାଲୀଂ ତୁ ସମ୍ଭାଵ୍ଯ ପୂଜଯେଜ୍ଜଗଦମ୍ବିକାମ୍ ।
ତ୍ରୈଲୋକ୍ଯଵିଜଯୀ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୧୮୮॥
ଗୋପନୀଯଂ ଗୋପନୀଯଂ ଗୋପନୀଯଂ ପ୍ରଯତ୍ନତଃ ।
ରହସ୍ଯାତିରହସ୍ଯଂ ଚ ରହସ୍ଯାତିରହସ୍ଯକମ୍ ॥ ୧୮୯॥
ଶ୍ଲୋକାର୍ଦ୍ଧଂ ପାଦମାତ୍ରଂ ଵା ପାଦାଦର୍ଧଂ ଚ ତଦର୍ଧକମ୍ ।
ନାମାର୍ଧଂ ଯଃ ପଠେଦ୍ଦେଵି ନ ଵନ୍ଧ୍ଯଦିଵସଂ ନ୍ଯସେତ୍ ॥ ୧୯୦॥
ପୁସ୍ତକଂ ପୂଜଯେଦ୍ଭକ୍ତ୍ଯା ତ୍ଵରିତଂ ଫଲସିଦ୍ଧଯେ ।
ନ ଚ ମାରୀଭଯଂ ତତ୍ର ନ ଚାଗ୍ନିର୍ଵାଯୁସମ୍ଭଵମ୍ ॥ ୧୯୧॥
ନ ଭୂତାଦିଭଯଂ ତତ୍ର ସର୍ଵତ୍ର ସୁଖମେଧତେ ।
କୁଙ୍କୁମାଽଲକ୍ତକେନୈଵ ରୋଚନାଽଗରୁଯୋଗତଃ ॥ ୧୯୨॥
ଭୂର୍ଜପତ୍ରେ ଲିଖେତ୍ ପୁସ୍ତଂ ସର୍ଵକାମାର୍ଥସିଦ୍ଧଯେ ।
ଇତି ସଂକ୍ଷେପତଃ ପ୍ରୋକ୍ତଂ କିମନ୍ଯଚ୍ଛ୍ରୋତୁମିଚ୍ଛସି ॥ ୧୯୩॥
ଇତି ଗଦିତମଶେଷଂ କାଲିକାଵର୍ଣରୂପଂ ।
ପ୍ରପଠତି ଯଦି ଭକ୍ତ୍ଯା ସର୍ଵସିଦ୍ଧୀଶ୍ଵରଃ ସ୍ଯାତ୍ ॥ ୧୯୪॥
ଅଭିନଵସୁଖକାମଃ ସର୍ଵଵିଦ୍ଯାଭିରାମୋ
ଭଵତି ସକଲସିଦ୍ଧିଧଃ ସର୍ଵଵୀରାସମୃଦ୍ଧିଃ ॥ ୧୯୫॥
॥ ଇତି ଶ୍ରୀମଦାଦିନାଥମହାକାଲଵିରଚିତାଯାଂ ମହାକାଲସଂହିତାଯାଂ
କାଲକାଲୀସଂଵାଦେ ସୁନ୍ଦରୀଶକ୍ତିଦାନାଖ୍ଯଂ କାଲୀସ୍ଵରୂପ
ମେଧାସାମ୍ରାଜ୍ଯପ୍ରଦଂ ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
ଶ୍ରୀ ଗଣେଶାଯ ନମଃ ।
କୈଲାସଶିଖରେ ରମ୍ଯେ ନାନାଦେଵଗଣାଵୃତେ ।
ନାନାଵୃକ୍ଷଲତାକୀର୍ଣେ ନାନାପୁଷ୍ପୈରଲଙ୍କୃତେ ॥ ୧॥
ଚତୁର୍ମଣ୍ଡଲସଂଯୁକ୍ତେ ଶ୍ରୃଙ୍ଗାରମଣ୍ଡପେ ସ୍ଥିତେ ।
ସମାଧୌ ସଂସ୍ଥିତଂ ଶାନ୍ତଂ କ୍ରୀଡନ୍ତଂ ଯୋଗିନୀପ୍ରିଯମ୍ ॥ ୨॥
ତତ୍ର ମୌନଧରଂ ଦୃଷ୍ଟ୍ଵା ଦେଵୀ ପୃଚ୍ଛତି ଶଙ୍କରମ୍ ।
ଦେଵ୍ଯୁଵାଚ ।
କିଂ ତ୍ଵଯା ଜପ୍ଯତେ ଦେଵ କିଂ ତ୍ଵଯା ସ୍ମର୍ଯ୍ଯତେ ସଦା ॥ ୩॥
ସୃଷ୍ଟିଃ କୁତ୍ର ଵିଲୀନାସ୍ତି ପୁନଃ କୁତ୍ର ପ୍ରଜାଯତେ ।
ବ୍ରହ୍ମାଣ୍ଡକାରଣଂ ଯତ୍ତତ୍ କିମାଦ୍ଯଂ କାରଣଂ ମହତ୍ ॥ ୪॥
ମନୋରଥମଯୀ ସିଦ୍ଧିସ୍ତଥା ଵାଞ୍ଛାମଯୀ ଶିଵ ।
ତୃତୀଯା କଲ୍ପନାସିଦ୍ଧିଃ କୋଟିସିଦ୍ଧୀଶ୍ଵରାତ୍ମକମ୍ ॥ ୫॥
ଶକ୍ତିପାତାଷ୍ଟଦଶକଂ ଚରାଚରପୁରୀଗତିଃ ।
ମହେନ୍ଦ୍ରଜାଲମିନ୍ଦ୍ରାଦିଜାଲାନାଂ ରଚନା ତଥା ॥ ୬॥
ଅଣିମାଦ୍ଯଷ୍ଟକଂ ଦେଵ ପରକାଯପ୍ରଵେଶନମ୍ ।
ନଵୀନସୃଷ୍ଟିକରଣଂ ସମୁଦ୍ରଶୋଷଣଂ ତଥା ॥ ୭॥
ଅମାଯାଂ ଚନ୍ଦ୍ରସନ୍ଦର୍ଶୋ ଦିଵା ଚନ୍ଦ୍ରପ୍ରକାଶନମ୍ ।
ଚନ୍ଦ୍ରାଷ୍ଟକଂ ଚାଷ୍ଟଦିକ୍ଷୁ ତଥା ସୂର୍ଯାଷ୍ଟକଂ ଶିଵ ॥ ୮॥
ଜଲେ ଜଲମଯତ୍ଵଂ ଚ ଵହ୍ନୌ ଵହ୍ନିମଯତ୍ଵକମ୍ ।
ବ୍ରହ୍ମ-ଵିଷ୍ଣ୍ଵାଦି-ନିର୍ମାଣମିନ୍ଦ୍ରାଣାଂ କାରଣଂ କରେ ॥ ୯॥
ପାତାଲଗୁଟିକା-ଯକ୍ଷ-ଵେତାଲପଞ୍ଚକଂ ତଥା ।
ରସାଯନଂ ତଥା ଗୁପ୍ତିସ୍ତଥୈଵ ଚାଖିଲାଞ୍ଜନମ୍ ॥ ୧୦॥
ମହାମଧୁମତୀ ସିଦ୍ଧିସ୍ତଥା ପଦ୍ମାଵତୀ ଶିଵ ।
ତଥା ଭୋଗଵତୀ ସିଦ୍ଧିର୍ଯାଵତ୍ଯଃ ସନ୍ତି ସିଦ୍ଧଯଃ ॥ ୧୧॥
କେନ ମନ୍ତ୍ରେଣ ତପସା କଲୌ ପାପସମାକୁଲେ ।
ଆଯୁଷ୍ଯଂ ପୁଣ୍ଯରହିତେ କଥଂ ଭଵତି ତଦ୍ଵଦ ॥ ୧୨॥
ଶ୍ରୀଶିଵ ଉଵାଚ ।
ଵିନା ମନ୍ତ୍ରଂ ଵିନା ସ୍ତୋତ୍ରଂ ଵିନୈଵ ତପସା ପ୍ରିଯେ ।
ଵିନା ବଲିଂ ଵିନା ନ୍ଯାସଂ ଭୂତଶୁଦ୍ଧିଂ ଵିନା ପ୍ରିଯେ ॥ ୧୩॥
ଵିନା ଧ୍ଯାନଂ ଵିନା ଯନ୍ତ୍ରଂ ଵିନା ପୂଜାଦିନା ପ୍ରିଯେ ।
ଵିନା କ୍ଲେଶାଦିଭିର୍ଦେଵି ଦେହଦୁଃଖାଦିଭିର୍ଵିନା ॥ ୧୪॥
ସିଦ୍ଧିରାଶୁ ଭଵେଦ୍ଯେନ ତଦେଵଂ କଥ୍ଯତେ ମଯା ।
ଶୂନ୍ଯେ ବ୍ରହ୍ମଣ୍ଡଗୋଲେ ତୁ ପଞ୍ଚାଶଚ୍ଛୂନ୍ଯମଧ୍ଯକେ ॥ ୧୫॥
ପଞ୍ଚଶୂନ୍ଯସ୍ଥିତା ତାରା ସର୍ଵାନ୍ତେ କାଲିକା ସ୍ଥିତା ।
ଅନନ୍ତ-କୋଟି ବ୍ରହ୍ମାଣ୍ଡ ରାଜଦଣ୍ଡାଗ୍ରକେ ଶିଵେ ॥ ୧୬॥
ସ୍ଥାପ୍ଯ ଶୂନ୍ଯାଲଯଂ କୃତ୍ଵା କୃଷ୍ଣଵର୍ଣଂ ଵିଧାଯ ଚ ।
ମହାନିର୍ଗୁଣରୂପା ଚ ଵାଚାତୀତା ପରା କଲା ॥ ୧୭॥
କ୍ରୀଡାଯାଂ ସଂସ୍ଥିତା ଦେଵୀ ଶୂନ୍ଯରୂପା ପ୍ରକଲ୍ପଯେତ୍ ।
ସୃଷ୍ଟେରାରମ୍ଭକାର୍ଯାର୍ଥଂ ଦୃଷ୍ଟା ଛାଯା ତଯା ଯଦା ॥ ୧୮॥
ଇଚ୍ଛାଶକ୍ତିସ୍ତୁ ସା ଜାତା ତଥା କାଲୋ ଵିନିର୍ମିତଃ ।
ପ୍ରତିବିମ୍ବଂ ତତ୍ର ଦୃଷ୍ଟଂ ଜାତା ଜ୍ଞାନାଭିଧା ତୁ ସା ॥ ୧୯॥
ଇଦମେତତ୍କିଂଵିଶିଷ୍ଟଂ ଜାତଂ ଵିଜ୍ଞାନକଂ ମୁଦା ।
ତଦା କ୍ରିଯାଽଭିଧା ଜାତା ତଦୀଚ୍ଛାତୋ ମହେଶ୍ଵରି ॥ ୨୦॥
ବ୍ରହ୍ମାଣ୍ଡଗୋଲେ ଦେଵେଶି ରାଜଦଣ୍ଡସ୍ଥିତଂ ଚ ଯତ୍ ।
ସା କ୍ରିଯା ସ୍ଥାପଯାମାସ ସ୍ଵ-ସ୍ଵସ୍ଥାନକ୍ରମେଣ ଚ ॥ ୨୧॥
ତତ୍ରୈଵ ସ୍ଵେଚ୍ଛଯା ଦେଵି ସାମରସ୍ଯପରାଯଣା ।
ତଦିଚ୍ଛା କଥ୍ଯତେ ଦେଵି ଯଥାଵଦଵଧାରଯ ॥ ୨୨॥
ଯୁଗାଦିସମଯେ ଦେଵି ଶିଵଂ ପରଗୁଣୋତ୍ତମମ୍ ।
ତଦିଚ୍ଛା ନିର୍ଗୁଣଂ ଶାନ୍ତଂ ସଚ୍ଚିଦାନନ୍ଦଵିଗ୍ରହମ୍ ॥ ୨୩॥
ଶାଶ୍ଵତଂ ସୁନ୍ଦରଂ ଶୁଦ୍ଧଂ ସର୍ଵଦେଵଯୁତଂ ଵରମ୍ ।
ଆଦିନାଥଂ ଗୁଣାତୀତଂ କାଲ୍ଯା ସଂଯୁତମୀଶ୍ଵରମ୍ ॥ ୨୪॥
ଵିପରୀତରତଂ ଦେଵଂ ସାମରସ୍ଯପରାଯଣମ୍ ।
ପୂଜାର୍ଥମାଗତଂ ଦେଵ-ଗନ୍ଧର୍ଵାଽପ୍ସରସାଂ ଗଣମ୍ ॥ ୨୫॥
ଯକ୍ଷିଣୀଂ କିନ୍ନରୀକନ୍ଯାମୁର୍ଵଶ୍ଯାଦ୍ଯାଂ ତିଲୋତ୍ତମାମ୍ ।
ଵୀକ୍ଷ୍ଯ ତନ୍ମାଯଯା ପ୍ରାହ ସୁନ୍ଦରୀ ପ୍ରାଣଵଲ୍ଲଭା ॥ ୨୬॥
ତ୍ରୈଲୋକ୍ଯସୁନ୍ଦରୀ ପ୍ରାଣସ୍ଵାମିନୀ ପ୍ରାଣରଞ୍ଜିନୀ ।
କିମାଗତଂ ଭଵତ୍ଯାଽଦ୍ଯ ମମ ଭାଗ୍ଯାର୍ଣଵୋ ମହାନ୍ ॥ ୨୭॥
ଉକ୍ତ୍ଵା ମୌନଧରଂ ଶମ୍ଭୁଂ ପୂଜଯନ୍ତ୍ଯପ୍ସରୋଗଣାଃ ।
ଅପ୍ସରସ ଊଚୁଃ ।
ସଂସାରାତ୍ତାରିତଂ ଦେଵ ତ୍ଵଯା ଵିଶ୍ଵଜନପ୍ରିଯ ॥ ୨୮॥
ସୃଷ୍ଟେରାରମ୍ଭକାର୍ଯ୍ଯାର୍ଥମୁଦ୍ଯୁକ୍ତୋଽସି ମହାପ୍ରଭୋ ।
ଵେଶ୍ଯାକୃତ୍ଯମିଦଂ ଦେଵ ମଙ୍ଗଲାର୍ଥପ୍ରଗାଯନମ୍ ॥ ୨୯॥
ପ୍ରଯାଣୋତ୍ସଵକାଲେ ତୁ ସମାରମ୍ଭେ ପ୍ରଗାଯନମ୍ ।
ଗୁଣାଦ୍ଯାରମ୍ଭକାଲେ ହି ଵର୍ତ୍ତତେ ଶିଵଶଙ୍କର ॥ ୩୦॥
ଇନ୍ଦ୍ରାଣୀକୋଟଯଃ ସନ୍ତି ତସ୍ଯାଃ ପ୍ରସଵବିନ୍ଦୁତଃ ।
ବ୍ରହ୍ମାଣୀ ଵୈଷ୍ଣଵୀ ଚୈଵ ମାହେଶୀ କୋଟିକୋଟଯଃ ॥ ୩୧॥
ତଵ ସାମରସାନନ୍ଦ ଦର୍ଶନାର୍ଥଂ ସମୁଦ୍ଭଵାଃ ।
ସଞ୍ଜାତାଶ୍ଚାଗ୍ରତୋ ଦେଵ ଚାସ୍ମାକଂ ସୌଖ୍ଯସାଗର ॥ ୩୨॥
ରତିଂ ହିତ୍ଵା କାମିନୀନାଂ ନାଽନ୍ଯତ୍ ସୌଖ୍ଯଂ ମହେଶ୍ଵର ।
ସା ରତିର୍ଦୃଶ୍ଯତେଽସ୍ମାଭିର୍ମହତ୍ସୌଖ୍ଯାର୍ଥକାରିକା ॥ ୩୩॥
ଏଵମେତତ୍ତୁ ଚାସ୍ମାଭିଃ କର୍ତଵ୍ଯଂ ଭର୍ତୃଣା ସହ ।
ଏଵଂ ଶ୍ରୁତ୍ଵା ମହାଦେଵୋ ଧ୍ଯାନାଵସ୍ଥିତମାନସଃ ॥ ୩୪॥
ଧ୍ଯାନଂ ହିତ୍ଵା ମାଯଯା ତୁ ପ୍ରୋଵାଚ କାଲିକାଂ ପ୍ରତି ।
କାଲି କାଲି ରୁଣ୍ଡମାଲେ ପ୍ରିଯେ ଭୈରଵଵାଦିନୀ ॥ ୩୫॥
ଶିଵାରୂପଧରେ କ୍ରୂରେ ଘୋରଦ୍ରଂଷ୍ଟେ ଭଯାନକେ ।
ତ୍ରୈଲୋକ୍ଯସୁନ୍ଦରକରୀ ସୁନ୍ଦର୍ଯ୍ଯଃ ସନ୍ତି ମେଽଗ୍ରତଃ ॥ ୩୬॥
ସୁନ୍ଦରୀଵୀକ୍ଷଣଂ କର୍ମ କୁରୁ କାଲି ପ୍ରିଯେ ଶିଵେ ।
ଧ୍ଯାନଂ ମୁଞ୍ଚ ମହାଦେଵି ତା ଗଚ୍ଛନ୍ତି ଗୃହଂ ପ୍ରତି ॥ ୩୭॥
ତଵ ରୂପଂ ମହାକାଲି ମହାକାଲପ୍ରିଯଙ୍କରମ୍ ।
ଏତାସାଂ ସୁନ୍ଦରଂ ରୂପଂ ତ୍ରୈଲୋକ୍ଯପ୍ରିଯକାରକମ୍ ॥ ୩୮॥
ଏଵଂ ମାଯାଭ୍ରମାଵିଷ୍ଟୋ ମହାକାଲୋ ଵଦନ୍ନିତି ।
ଇତି କାଲଵଚଃ ଶ୍ରୁତ୍ଵା କାଲଂ ପ୍ରାହ ଚ କାଲିକା ॥ ୩୯॥
ମାଯଯାଽଽଚ୍ଛାଦ୍ଯ ଚାତ୍ମାନଂ ନିଜସ୍ତ୍ରୀରୂପଧାରିଣୀ ।
ଇତଃ ପ୍ରଭୃତି ସ୍ତ୍ରୀମାତ୍ରଂ ଭଵିଷ୍ଯତି ଯୁଗେ ଯୁଗେ ॥ ୪୦॥
ଵଲ୍ଲ୍ଯାଦ୍ଯୌଷଧଯୋ ଦେଵି ଦିଵା ଵଲ୍ଲୀସ୍ଵରୂପତାମ୍ ।
ରାତ୍ରୌ ସ୍ତ୍ରୀରୂପମାସାଦ୍ଯ ରତିକେଲିଃ ପରସ୍ପରମ୍ ॥ ୪୧॥
ଅଜ୍ଞାନଂ ଚୈଵ ସର୍ଵେଷାଂ ଭଵିଷ୍ଯତି ଯୁଗେ ଯୁଗେ ।
ଏଵଂ ଶାପଂ ଚ ଦତ୍ଵା ତୁ ପୁନଃ ପ୍ରୋଵାଚ କାଲିକା ॥ ୪୨॥
ଵିପରୀତରତିଂ କୃତ୍ଵା ଚିନ୍ତଯନ୍ତି ମନନ୍ତି ଯେ ।
ତେଷାଂ ଵରଂ ପ୍ରଦାସ୍ଯାମି ନିତ୍ଯଂ ତତ୍ର ଵସାମ୍ଯହମ୍ ॥ ୪୩॥
ଇତ୍ଯୁକ୍ତ୍ଵା କାଲିକା ଵିଦ୍ଯା ତତ୍ରୈଵାନ୍ତରଧୀଯତ ।
ତ୍ରିଂଶତ୍-ତ୍ରିଖର୍ଵ-ଷଡ୍ଵୃନ୍ଦ-ନଵତ୍ଯର୍ବୁଦକୋଟଯଃ ॥ ୪୪॥
ଦର୍ଶନାର୍ଥଂ ତପସ୍ତେପେ ସା ଵୈ କୁତ୍ର ଗତା ପ୍ରିଯା ।
ମମ ପ୍ରାଣପ୍ରିଯା ଦେଵୀ ହାହା ପ୍ରାଣପ୍ରିଯେ ଶିଵେ ॥ ୪୫॥
କିଂ କରୋମି କ୍ଵ ଗଚ୍ଛାମି ଇତ୍ଯେଵଂ ଭ୍ରମସଙ୍କୁଲଃ ।
ତସ୍ଯାଃ କାଲ୍ଯା ଦଯା ଜାତା ମମ ଚିନ୍ତାପରଃ ଶିଵଃ ॥ ୪୬॥
ଯନ୍ତ୍ରପ୍ରସ୍ତାରବୁଦ୍ଧିସ୍ତୁ କାଲ୍ଯା ଦତ୍ତାତିସତ୍ଵରମ୍ ।
ଯନ୍ତ୍ରଯାଗଂ ତଦାରଭ୍ଯ ପୂର୍ଵଂ ଚିଦ୍ଘନଗୋଚରା ॥ ୪୭॥
ଶ୍ରୀଚକ୍ରଂ ଯନ୍ତ୍ରପ୍ରସ୍ତାରରଚନାଭ୍ଯାସତତ୍ପରଃ ।
ଇତସ୍ତତୋ ଭ୍ରମ୍ଯମାଣସ୍ତ୍ରୈଲୋକ୍ଯଂ ଚକ୍ରମଧ୍ଯକମ୍ ॥ ୪୮॥
ଚକ୍ରପାରଦର୍ଶନାର୍ଥଂ କୋଟ୍ଯର୍ବୁଦଯୁଗଂ ଗତମ୍ ।
ଭକ୍ତପ୍ରାଣପ୍ରିଯା ଦେଵୀ ମହାଶ୍ରୀଚକ୍ରନାଯିକା ॥ ୪୯॥
ତତ୍ର ବିନ୍ଦୌ ପରଂ ରୂପଂ ସୁନ୍ଦରଂ ସୁମନୋହରମ୍ ।
ରୂପଂ ଜାତଂ ମହେଶାନି ଜାଗ୍ରତ୍ତ୍ରିପୁରସୁନ୍ଦରି ॥ ୫୦॥
ରୂପଂ ଦୃଷ୍ଟ୍ଵା ମହାଦେଵୋ ରାଜରାଜେଶ୍ଵରୋଽଭଵତ୍ ।
ତସ୍ଯାଃ କଟାକ୍ଷମାତ୍ରେଣ ତସ୍ଯା ରୂପଧରଃ ଶିଵଃ ॥ ୫୧॥
ଵିନା ଶ୍ରୃଙ୍ଗାରସଂଯୁକ୍ତା ତଦା ଜାତା ମହେଶ୍ଵରୀ ।
ଵିନା କାଲ୍ଯଂଶତୋ ଦେଵି ଜଗତ୍ସ୍ଥାଵରଜଙ୍ଗମମ୍ ॥ ୫୨॥
ନ ଶ୍ରୃଙ୍ଗାରୋ ନ ଶକ୍ତିତ୍ଵଂ କ୍ଵାପି ନାସ୍ତି ମହେଶ୍ଵରୀ ।
ସୁନ୍ଦର୍ଯ୍ଯା ପ୍ରାର୍ଥିତା କାଲୀ ତୁଷ୍ଟା ପ୍ରୋଵାଚ କାଲିକା ॥ ୫୩॥
ସର୍ଵାସାଂ ନେତ୍ରକେଶେଷୁ ମମାଂଶୋଽତ୍ର ଭଵିଷ୍ଯତି ।
ପୂର୍ଵାଵସ୍ଥାସୁ ଦେଵେଶି ମମାଂଶସ୍ତିଷ୍ଠତି ପ୍ରିଯେ ॥ ୫୪॥
ସାଵସ୍ଥା ତରୁଣାଖ୍ଯା ତୁ ତଦନ୍ତେ ନୈଵ ତିଷ୍ଠତି ।
ମଦ୍ଭକ୍ତାନାଂ ମହେଶାନି ସଦା ତିଷ୍ଠତି ନିଶ୍ଚିତମ୍ ॥ ୫୫॥
ଶକ୍ତିସ୍ତୁ କୁଣ୍ଠିତା ଜାତା ତଥା ରୂପଂ ନ ସୁନ୍ଦରମ୍ ।
ଚିନ୍ତାଵିଷ୍ଟା ତୁ ମଲିନା ଜାତା ତତ୍ର ଚ ସୁନ୍ଦରୀ ॥ ୫୬॥
କ୍ଷଣଂ ସ୍ଥିତ୍ଵା ଧ୍ଯାନପରା କାଲୀ ଚିନ୍ତନତତ୍ପରା ।
ତଦା କାଲୀ ପ୍ରସନ୍ନାଽଭୂତ୍ କ୍ଷଣାର୍ଦ୍ଧେନ ମହେଶ୍ଵରୀ ॥ ୫୭॥
ଵରଂ ବ୍ରୂହି ଵରଂ ବ୍ରୂହି ଵରଂ ବ୍ରୂହୀତି ସାଦରମ୍ ।
ସୁନ୍ଦର୍ଯୁଵାଚ ।
ମମ ସିଦ୍ଧିଵରଂ ଦେହି ଵରୋଽଯଂ ପ୍ରାର୍ଥ୍ଯତେ ମଯା ॥ ୫୮॥
ତାଦୃଗୁପାଯଂ କଥଯ ଯେନ ଶକ୍ତିର୍ଭଵିଷ୍ଯତି ।
ଶ୍ରୀକାଲ୍ଯୁଵାଚ ।
ମମ ନାମସାହସ୍ରଂ ଚ ମଯା ପୂର୍ଵଂ ଵିନିର୍ମିତମ୍ ॥ ୫୯॥
ମତ୍ସ୍ଵରୂପଂ କକାରାଖ୍ଯଂ ମେଧାସାମ୍ରାଜ୍ଯନାମକମ୍ ।
ଵରଦାନାଭିଧଂ ନାମ କ୍ଷଣାର୍ଦ୍ଧାଦ୍ଵରଦାଯକମ୍ ॥ ୬୦॥
ତତ୍ପଠସ୍ଵ ମହାମାଯେ ତଵ ଶକ୍ତିର୍ଭଵିଷ୍ଯତି ।
ତତଃ ପ୍ରଭୃତି ଶ୍ରୀଵିଦ୍ଯା ତନ୍ନାମପାଠତତ୍ପରା ॥ ୬୧॥
ତଦେଵ ନାମସାହସ୍ରଂ ସୁନ୍ଦରୀଶକ୍ତିଦାଯକମ୍ ।
କଥ୍ଯତେ ପରଯା ଭକ୍ତ୍ଯା ସାଧଯେ ସୁମହେଶ୍ଵରି ॥ ୬୨॥
ମଦ୍ଯେର୍ମାଂସୈସ୍ତଥା ଶୁକ୍ରୈର୍ବହୁରକ୍ତୈରପି ପ୍ରିଯେ ।
ତର୍ପଯେତ୍ ପୂଜଯେତ୍ କାଲୀଂ ଵିପରୀତରତିଂ ଚରେତ୍ ॥ ୬୩॥
ଵିପରୀତରତୌ ଦେଵି କାଲୀ ତିଷ୍ଠତି ନିତ୍ଯଶଃ ।
ମାଧ୍ଵୀକପୁଷ୍ପଶୁକ୍ରାନ୍ନମୈଥୁନାଦ୍ଯା ଵିରାଗିଣୀ ॥ ୬୪॥
ଵୈଷ୍ଣଵୀ ଵ୍ଯାପିକା ଵିଦ୍ଯା ଶ୍ମଶାନଵାସିନୀ ପରା ।
ଵୀରସାଧନସନ୍ତୁଷ୍ଟା ଵୀରାସ୍ଫାଲନନାଦିନୀ ॥ ୬୫॥
ଶିଵାବଲିପ୍ରହୃଷ୍ଟାତ୍ମା ଶିଵାରୂପାଦ୍ଯଚଣ୍ଡିକା ।
କାମସ୍ତୋତ୍ରପ୍ରିଯାତ୍ଯୁଗ୍ରମାନସା କାମରୂପିଣୀ ॥ ୬୬॥
ବ୍ରହ୍ମାନନ୍ଦପରା ଶମ୍ଭୁ ମୈଥୁନାନନ୍ଦତୋଷିତା ।
ଯୋଗୀନ୍ଦ୍ରହୃଦଯାଗାରା ଦିଵା ନିଶି ଵିପର୍ଯଯା ॥ ୬୭॥
କ୍ଷଣଂ ତୁଷ୍ଟା ଚ ପ୍ରତ୍ଯକ୍ଷା ଦନ୍ତମାଲାଜପପ୍ରିଯା ।
ଶଯ୍ଯାଯାଂ ଚୁମ୍ବନାଙ୍ଗଃ ସନ୍ ଵେଶ୍ଯାସଙ୍ଗପରାଯଣଃ ॥ ୬୮॥
ଖଡ୍ଗହସ୍ତୋ ମୁକ୍ତକେଶୋ ଦିଗମ୍ବରଵିଭୂଷିତଃ ।
ପଠେନ୍ନାମସହସ୍ରାଖ୍ଯଂ ମେଧାସାମ୍ରାଜ୍ଯନାମକମ୍ ॥ ୬୯॥
ଯଥା ଦିଵ୍ଯାମୃତୈର୍ଦେଵାଃ ପ୍ରସନ୍ନା କ୍ଷଣମାତ୍ରତଃ ।
ତଥାଽନେନ ମହାକାଲୀ ପ୍ରସନ୍ନା ପାଠମାତ୍ରତଃ ॥ ୭୦॥
କଥ୍ଯତେ ନାମସାହସ୍ରଂ ସାଵଧାନମନାଃ ଶ୍ରୃଣୁ ।
ସର୍ଵସାମ୍ରାଜ୍ଯମେଧାଖ୍ଯନାମସାହସ୍ତ୍ରକସ୍ଯ ଚ ॥ ୭୧॥
ମହାକାଲ ଋଷିଃ ପ୍ରୋକ୍ତ ଉଷ୍ଣିକ୍ଛନ୍ଦଃ ପ୍ରକୀର୍ତିତମ୍ ।
ଦେଵତା ଦକ୍ଷିଣା କାଲୀ ମାଯାବୀଜଂ ପ୍ରକୀର୍ତିତମ୍ ॥ ୭୨॥
ହ୍ରୂଁ ଶକ୍ତିଃ କାଲିକାବୀଜଂ କୀଲକଂ ପରିକୀର୍ତିତମ୍ ।
କାଲିକା ଵରଦାନାଦି-ସ୍ଵେଷ୍ଟାର୍ଥେ ଵିନିଯୋଗତଃ ॥ ୭୩॥
କୀଲକେନ ଷଡଙ୍ଗାନି ଷଡ୍ଦୀର୍ଘାବୀଜେନ କାରଯେତ୍ ।
ଧ୍ଯାନଂ ଚ ପୂର୍ଵଵତ୍କୃତ୍ଵା ସାଧଯେଦିଷ୍ଟସାଧନମ୍ ॥ ୭୪॥
ଓଂ ଅସ୍ଯ ଶ୍ରୀସର୍ଵସାମ୍ରାଜ୍ଯମେଧାକାଲୀସ୍ଵରୂପ-
କକାରାତ୍ମକସହସ୍ରନାମସ୍ତୋତ୍ରମନ୍ତ୍ରସ୍ଯ ମହାକାଲ-
ଋଷିରୁଷ୍ଣିକ୍ଛନ୍ଦଃ, ଶ୍ରୀଦକ୍ଷିଣକାଲୀ ଦେଵତା, ହ୍ରୀଂ ବୀଜମ୍,
ହ୍ରୂଁ ଶକ୍ତିଃ, କ୍ରୀଂ କୀଲକଂ, କାଲୀଵରଦାନାଦିସ୍ଵେଷ୍ଟାର୍ଥେ ଜପେ ଵିନିଯୋଗଃ ।
ଓଂ ମହାକାଲ ଋଷଯେ ନମଃ ଶିରସି ।
ଉଷ୍ଣିକ୍ଛନ୍ଦସେ ନମଃ ମୁଖେ ।
ଶ୍ରୀ ଦକ୍ଷିଣକାଲୀଦେଵତାଯୈ ନମଃ ହୃଦଯେ ।
ହ୍ରୀଂ ବୀଜାଯ ନମଃ ଗୁହ୍ଯେ ।
ହ୍ରୂଁ ଶକ୍ତଯେ ନମଃ ପାଦଯୋଃ ।
କ୍ରୀଂ କୀଲକାଯ ନମଃ ନାଭୌ ।
ଵିନିଯୋଗାଯନମଃ ସର୍ଵାଙ୍ଗେ । ଇତି ଋଷ୍ଯାଦିନ୍ଯାସଃ ।
ଓଂ କ୍ରାଂ ଅଙ୍ଗୁଷ୍ଠାଭ୍ଯାଂ ନମଃ ।
ଓଂ କ୍ରୀଂ ତର୍ଜନୀଭ୍ଯାଂ ନମଃ ।
ଓଂ କ୍ରୂଂ ମଧ୍ଯମାଭ୍ଯାଂ ନମଃ ।
ଓଂ କ୍ରୈଂ ଅନାମିକାଭ୍ଯାଂ ନମଃ ।
ଓଂ କ୍ରୌଂ କନିଷ୍ଠିକାଭ୍ଯାଂ ନମଃ ।
ଓଂ କ୍ରଃ କରତଲକରପୃଷ୍ଠାଭ୍ଯାଂ ନମଃ । ଇତି କରାଙ୍ଗନ୍ଯାସଃ ।
ଓଂ କ୍ରାଂ ହୃଦଯାଯ ନମଃ ।
ଓଂ କ୍ରୀଂ ଶିରସେ ସ୍ଵାହା ।
ଓଂ କ୍ରୂଂ ଶିଖାଯୈ ଵଷଟ୍ ।
ଓଂ କ୍ରୈଂ କଵଚାଯ ହୁଂ ।
ଓଂ କ୍ରୌଂ ନେତ୍ରତ୍ରଯାଯ ଵୌଷଟ୍ ।
ଓଂ କ୍ରଃ ଅସ୍ତ୍ରାଯ ଫଟ୍ । ଇତି ହୃଦଯାଦି ଷଡଙ୍ଗନ୍ଯାସଃ ।
ଅଥ ଧ୍ଯାନମ୍ ।
ଓଂ କରାଲଵଦନାଂ ଘୋରାଂ ମୁକ୍ତକେଶୀଂ ଚତୁର୍ଭୁଜାମ୍ ।
କାଲିକାଂ ଦକ୍ଷିଣାଂ ଦିଵ୍ଯାଂ ମୁଣ୍ଡମାଲାଵିଭୂଷିତାମ୍ ॥
ସଦ୍ଯଶ୍ଛିନ୍ନଶିରଃଖଡ୍ଗଵାମୋର୍ଧ୍ଵାଧଃକରାମ୍ବୁଜାମ୍ ।
ଅଭଯଂ ଵରଦଂ ଚୈଵ ଦକ୍ଷିଣାଧୋର୍ଧ୍ଵପାଣିକାମ୍ ॥
ମହାମେଘପ୍ରଭାଂ ଶ୍ଯାମାଂ ତଥା ଚୈଵ ଦିଗମ୍ବରାମ୍ ।
କଣ୍ଠାଵସକ୍ତମୁଣ୍ଡାଲୀଗଲଦ୍ରୁଧିରଚର୍ଚିତାମ୍ ॥
କର୍ଣାଵତଂସତାନୀତଶଵଯୁଗ୍ମଭଯାନକାମ୍ ।
ଘୋରଦଂଷ୍ଟ୍ରାକରାଲାସ୍ଯାଂ ପୀନୋନ୍ନତପଯୋଧରାମ୍ ॥
ଶଵାନାଂ କରସଙ୍ଘାତୈଃ କୃତକାଞ୍ଚୀଂ ହସନ୍ମୁଖୀମ୍ ।
ସୃକ୍କଦ୍ଵଯଗଲଦ୍ରକ୍ତଧାରାଵିସ୍ଫୁରିତାନନାମ୍ ॥
ଘୋରରୂପାଂ ମହାରୌଦ୍ରୀଂ ଶ୍ମଶାନାଲଯଵାସିନୀମ୍ ।
ଦନ୍ତୁରାଂ ଦକ୍ଷିଣଵ୍ଯାପିମୁକ୍ତଲମ୍ବକଚୋଚ୍ଚଯାମ୍ ॥
ଶଵରୂପମହାଦେଵହୃଦଯୋପରି ସଂସ୍ଥିତାମ୍ ।
ଶିଵାଭିର୍ଘୋରରୂପାଭିଶ୍ଚତୁର୍ଦ୍ଦିକ୍ଷୁ ସମନ୍ଵିତାମ୍ ॥
ମହାକାଲେନ ସାର୍ଦ୍ଧୋର୍ଦ୍ଧମୁପଵିଷ୍ଟରତାତୁରାମ୍ ।
ସୁଖପ୍ରସନ୍ନଵଦନାଂ ସ୍ମେରାନନସରୋରୁହାମ୍ ॥
ଏଵଂ ସଙ୍ଚିନ୍ତଯେଦ୍ଦେଵୀଂ ଶ୍ମଶାନାଲଯଵାସିନୀମ୍ ॥
ଓଂ କ୍ରୀଂ କାଲୀ କ୍ରୂଁ କରାଲୀ ଚ କଲ୍ଯାଣୀ କମଲା କଲା ।
କଲାଵତୀ କଲାଢ୍ଯା ଚ କଲାପୂଜ୍ଯା କଲାତ୍ମିକା ॥ ୧॥
କଲାଦୃଷ୍ଟା କଲାପୁଷ୍ଟା କଲାମସ୍ତା କଲାଧରା ।
କଲାକୋଟି କଲାଭାସା କଲାକୋଟିପ୍ରପୂଜିତା ॥ ୨॥
କଲାକର୍ମକଲାଧାରା କଲାପାରା କଲାଗମା ।
କଲାଧାରା କମଲିନୀ କକାରା କରୁଣା କଵିଃ ॥ ୩॥
କକାରଵର୍ଣସର୍ଵାଙ୍ଗୀ କଲାକୋଟିଵିଭୂଷିତା ।
କକାରକୋଟିଗୁଣିତା କଲାକୋଟିଵିଭୂଷଣା ॥ ୪॥
କକାରଵର୍ଣହୃଦଯା କକାରମନୁମଣ୍ଡିତା ।
କକାରଵର୍ଣନିଲଯା କାକଶବ୍ଦପରାଯଣା ॥ ୫॥
କକାରଵର୍ଣମୁକୁଟା କକାରଵର୍ଣଭୂଷଣା ।
କକାରଵର୍ଣରୂପା ଚ କକଶବ୍ଦପରାଯଣା ॥ ୬॥
କକଵୀରାସ୍ଫାଲରତା କମଲାକରପୂଜିତା ।
କମଲାକରନାଥା ଚ କମଲାକରରୂପଧୃକ୍ ॥ ୭॥
କମଲାକରସିଦ୍ଧିସ୍ଥା କମଲାକରପାରଦା ।
କମଲାକରମଧ୍ଯସ୍ଥା କମଲାକରତୋଷିତା ॥ ୮॥
କଥଙ୍କାରପରାଲାପା କଥଙ୍କାରପରାଯଣା ।
କଥଙ୍କାରପଦାନ୍ତସ୍ଥା କଥଙ୍କାରପଦାର୍ଥଭୂଃ ॥ ୯॥
କମଲାକ୍ଷୀ କମଲଜା କମଲାକ୍ଷପ୍ରପୂଜିତା ।
କମଲାକ୍ଷଵରୋଦ୍ଯୁକ୍ତା କକାରା କର୍ବୁରାକ୍ଷରା ॥ ୧୦॥
କରତାରା କରଚ୍ଛିନ୍ନା କରଶ୍ଯାମା କରାର୍ଣଵା ।
କରପୂଜ୍ଯା କରରତା କରଦା କରପୂଜିତା ॥ ୧୧॥
କରତୋଯା କରାମର୍ଷା କର୍ମନାଶା କରପ୍ରିଯା ।
କରପ୍ରାଣା କରକଜା କରକା କରକାନ୍ତରା ॥ ୧୨॥
କରକାଚଲରୂପା ଚ କରକାଚଲଶୋଭିନୀ ।
କରକାଚଲପୁତ୍ରୀ ଚ କରକାଚଲତୋଷିତା ॥ ୧୩॥
କରକାଚଲଗେହସ୍ଥା କରକାଚଲରକ୍ଷିଣୀ ।
କରକାଚଲସମ୍ମାନ୍ଯା କରକାଚଲକାରିଣୀ ॥ ୧୪॥
କରକାଚଲଵର୍ଷାଢ୍ଯା କରକାଚଲରଞ୍ଜିତା ।
କରକାଚଲକାନ୍ତାରା କରକାଚଲମାଲିନୀ ॥ ୧୫॥
କରକାଚଲଭୋଜ୍ଯା ଚ କରକାଚଲରୂପିଣୀ ।
କରାମଲକସଂସ୍ଥା ଚ କରାମଲକସିଦ୍ଧିଦା ॥ ୧୬॥
କରାମଲକସମ୍ପୂଜ୍ଯା କରାମଲକତାରିଣୀ ।
କରାମଲକକାଲୀ ଚ କରାମଲକରୋଚିନୀ ॥ ୧୭॥
କରାମଲକମାତା ଚ କରାମଲକସେଵିନୀ ।
କରାମଲକବଦ୍ଧ୍ଯେଯା କରାମଲକଦାଯିନୀ ॥ ୧୮॥
କଞ୍ଜନେତ୍ରା କଞ୍ଜଗତିଃ କଞ୍ଜସ୍ଥା କଞ୍ଜଧାରିଣୀ ।
କଞ୍ଜମାଲାପ୍ରିଯକରୀ କଞ୍ଜରୂପା ଚ କଞ୍ଜନା ॥ ୧୯॥
କଞ୍ଜଜାତିଃ କଞ୍ଜଗତିଃ କଞ୍ଜହୋମପରାଯଣା ।
କଞ୍ଜମଣ୍ଡଲମଧ୍ଯସ୍ଥା କଞ୍ଜାଭରଣଭୂଷିତା ॥ ୨୦॥
କଞ୍ଜସମ୍ମାନନିରତା କଞ୍ଜୋତ୍ପତ୍ତିପରାଯଣା ।
କଞ୍ଜରାଶିସମାକାରା କଞ୍ଜାରଣ୍ଯନିଵାସିନୀ ॥ ୨୧॥
କରଞ୍ଜଵୃକ୍ଷମଧ୍ଯସ୍ଥା କରଞ୍ଜଵୃକ୍ଷଵାସିନୀ ।
କରଞ୍ଜଫଲଭୂଷାଢ୍ଯା କରଞ୍ଜାରଣ୍ଯଵାସିନୀ ॥ ୨୨॥
କରଞ୍ଜମାଲାଭରଣା କରଵାଲପରାଯଣା ।
କରଵାଲପ୍ରହୃଷ୍ଟାତ୍ମା କରଵାଲପ୍ରିଯା ଗତିଃ ॥ ୨୩॥
କରଵାଲପ୍ରିଯା କନ୍ଯା କରଵାଲଵିହାରିଣୀ ।
କରଵାଲମଯୀ କର୍ମ୍ମା କରଵାଲପ୍ରିଯଙ୍କରୀ ॥ ୨୪॥
କବନ୍ଧମାଲାଭରଣା କବନ୍ଧରାଶିମଧ୍ଯଗା ।
କବନ୍ଧକୂଟସଂସ୍ଥାନା କବନ୍ଧାନନ୍ତଭୂଷଣା ॥ ୨୫॥
କବନ୍ଧନାଦସନ୍ତୁଷ୍ଟା କବନ୍ଧାସନଧାରିଣୀ ।
କବନ୍ଧଗୃହମଧ୍ଯସ୍ଥା କବନ୍ଧଵନଵାସିନୀ ॥ ୨୬॥
କବନ୍ଧକାଞ୍ଚୀକରଣୀ କବନ୍ଧରାଶିଭୂଷଣା ।
କବନ୍ଧମାଲାଜଯଦା କବନ୍ଧଦେହଵାସିନୀ ॥ ୨୭॥
କବନ୍ଧାସନମାନ୍ଯା ଚ କପାଲାକଲ୍ପଧାରିଣୀ ।
କପାଲମାଲାମଧ୍ଯସ୍ଥା କପାଲଵ୍ରତତୋଷିତା ॥ ୨୮॥
କପାଲଦୀପସନ୍ତୁଷ୍ଟା କପାଲଦୀପରୂପିଣୀ ।
କପାଲଦୀପଵରଦା କପାଲକଜ୍ଜଲସ୍ଥିତା ॥ ୨୯॥
କପାଲମାଲାଜଯଦା କପାଲଜପତୋଷିଣୀ ।
କପାଲସିଦ୍ଧିସଂହୃଷ୍ଟା କପାଲଭୋଜନୋଦ୍ଯତା ॥ ୩୦॥
କପାଲଵ୍ରତସଂସ୍ଥାନା କପାଲକମଲାଲଯା ।
କଵିତ୍ଵାମୃତସାରା ଚ କଵିତ୍ଵାମୃତସାଗରା ॥ ୩୧॥
କଵିତ୍ଵସିଦ୍ଧିସଂହୃଷ୍ଟା କଵିତ୍ଵାଦାନକାରିଣୀ ।
କଵିପୃଜ୍ଯା କଵିଗତିଃ କଵିରୂପା କଵିପ୍ରିଯା ॥ ୩୨॥
କଵିବ୍ରହ୍ମାନନ୍ଦରୂପା କଵିତ୍ଵଵ୍ରତତୋଷିତା ।
କଵିମାନସସଂସ୍ଥାନା କଵିଵାଞ୍ଚ୍ଛାପ୍ରପୂରିଣୀ ॥ ୩୩॥
କଵିକଣ୍ଠସ୍ଥିତା କଂ ହ୍ରୀଂ କଂକଂକଂ କଵିପୂର୍ତିଦା ।
କଜ୍ଜଲା କଜ୍ଜଲାଦାନମାନସା କଜ୍ଜଲପ୍ରିଯା ॥ ୩୪॥
କପାଲକଜ୍ଜଲସମା କଜ୍ଜଲେଶପ୍ରପୂଜିତା ।
କଜ୍ଜଲାର୍ଣଵମଧ୍ଯସ୍ଥା କଜ୍ଜଲାନନ୍ଦରୂପିଣୀ ॥ ୩୫॥
କଜ୍ଜଲପ୍ରିଯସନ୍ତୁଷ୍ଟା କଜ୍ଜଲପ୍ରିଯତୋଷିଣୀ ।
କପାଲମାଲାଭରଣା କପାଲକରଭୂଷଣା ॥ ୩୬॥
କପାଲକରଭୂଷାଢ୍ଯା କପାଲଚକ୍ରମଣ୍ଡିତା ।
କପାଲକୋଟିନିଲଯା କପାଲଦୁର୍ଗକାରିଣୀ ॥ ୩୭॥
କପାଲଗିରିସଂସ୍ଥାନା କପାଲଚକ୍ରଵାସିନୀ ।
କପାଲପାତ୍ରସନ୍ତୁଷ୍ଟା କପାଲାର୍ଘ୍ଯପରାଯଣା ॥ ୩୮॥
କପାଲାର୍ଘ୍ଯପ୍ରିଯପ୍ରାଣା କପାଲାର୍ଘ୍ଯଵରପ୍ରଦା ।
କପାଲଚକ୍ରରୂପା ଚ କପାଲରୂପମାତ୍ରଗା ॥ ୩୯॥
କଦଲୀ କଦଲୀରୂପା କଦଲୀଵନଵାସିନୀ ।
କଦଲୀପୁଷ୍ପସମ୍ପ୍ରୀତା କଦଲୀଫଲମାନସା ॥ ୪୦॥
କଦଲୀହୋମସନ୍ତୁଷ୍ଟା କଦଲୀଦର୍ଶନୋଦ୍ଯତା ।
କଦଲୀଗର୍ଭମଧ୍ଯସ୍ଥା କଦଲୀଵନସୁନ୍ଦରୀ ॥ ୪୧॥
କଦମ୍ବପୁଷ୍ପନିଲଯା କଦମ୍ବଵନମଧ୍ଯଗା ।
କଦମ୍ବକୁସୁମାମୋଦା କଦମ୍ବଵନତୋଷିଣୀ ॥ ୪୨॥
କଦମ୍ବପୁଷ୍ପସମ୍ପୂଜ୍ଯା କଦମ୍ବପୁଷ୍ପହୋମଦା ।
କଦମ୍ପୁଷ୍ପମଧ୍ଯସ୍ଥା କଦମ୍ବଫଲଭୋଜିନୀ ॥ ୪୩॥
କଦମ୍ବକାନନାନ୍ତଃସ୍ଥା କଦମ୍ବାଚଲଵାସିନୀ ।
କଚ୍ଛପା କଚ୍ଛପାରାଧ୍ଯା କଚ୍ଛପାସନସଂସ୍ଥିତା ॥ ୪୪॥
କର୍ଣପୂରା କର୍ଣନାସା କର୍ଣାଢ୍ଯା କାଲଭୈରଵୀ ।
କଲପ୍ରୀତା କଲହଦା କଲହା କଲହାତୁରା ॥ ୪୫॥
କର୍ଣଯକ୍ଷୀ କର୍ଣଵାର୍ତା କଥିନୀ କର୍ଣସୁନ୍ଦରୀ ।
କର୍ଣପିଶାଚିନୀ କର୍ଣମଞ୍ଜରୀ କଵିକକ୍ଷଦା ॥ ୪୬॥
କଵିକକ୍ଷାଵିରୂପାଢ୍ଯା କଵିକକ୍ଷସ୍ଵରୂପିଣୀ ।
କସ୍ତୂରୀମୃଗସଂସ୍ଥାନା କସ୍ତୂରୀମୃଗରୂପିଣୀ ॥ ୪୭॥
କସ୍ତୂରୀମୃଗସନ୍ତୋଷା କସ୍ତୂରୀମୃଗମଧ୍ଯଗା ।
କସ୍ତୂରୀରସନୀଲାଙ୍ଗୀ କସ୍ତୂରୀଗନ୍ଧତୋଷିତା ॥ ୪୮॥
କସ୍ତୂରୀପୂଜକପ୍ରାଣା କସ୍ତୂରୀପୂଜକପ୍ରିଯା ।
କସ୍ତୂରୀପ୍ରେମସନ୍ତୁଷ୍ଟା କସ୍ତୂରୀପ୍ରାଣଧାରିଣୀ ॥ ୪୯॥
କସ୍ତୂରୀପୂଜକାନନ୍ଦା କସ୍ତୂରୀଗନ୍ଧରୂପିଣୀ ।
କସ୍ତୂରୀମାଲିକାରୂପା କସ୍ତୂରୀଭୋଜନପ୍ରିଯା ॥ ୫୦॥
କସ୍ତୂରୀତିଲକାନନ୍ଦା କସ୍ତୂରୀତିଲକପ୍ରିଯା ।
କସ୍ତୂରୀହୋମସନ୍ତୁଷ୍ଟା କସ୍ତୂରୀତର୍ପଣୋଦ୍ଯତା ॥ ୫୧॥
କସ୍ତୂରୀମାର୍ଜନୋଦ୍ଯୁକ୍ତା କସ୍ତୂରୀଚକ୍ରପୂଜିତା ।
କସ୍ତୂରୀପୁଷ୍ପସମ୍ପୂଜ୍ଯା କସ୍ତୂରୀଚର୍ଵଣୋଦ୍ଯତା ॥ ୫୨॥
କସ୍ତୂରୀଗର୍ଭମଧ୍ଯସ୍ଥା କସ୍ତୂରୀଵସ୍ତ୍ରଧାରିଣୀ ।
କସ୍ତୂରୀକାମୋଦରତା କସ୍ତୂରୀଵନଵାସିନୀ ॥ ୫୩॥
କସ୍ତୂରୀଵନସଂରକ୍ଷା କସ୍ତୂରୀପ୍ରେମଧାରିଣୀ ।
କସ୍ତୂରୀଶକ୍ତିନିଲଯା କସ୍ତୂରୀଶକ୍ତିକୁଣ୍ଡଗା ॥ ୫୪॥
କସ୍ତୂରୀକୁଣ୍ଡସଂସ୍ନାତା କସ୍ତୂରୀକୁଣ୍ଡମଜ୍ଜନା ।
କସ୍ତୂରୀଜୀଵସନ୍ତୁଷ୍ଟା କସ୍ତୂରୀଜୀଵଧାରିଣୀ ॥ ୫୫॥
କସ୍ତୂରୀପରମାମୋଦା କସ୍ତୂରୀଜୀଵନକ୍ଷମା ।
କସ୍ତୂରୀଜାତିଭାଵସ୍ଥା କସ୍ତୂରୀଗନ୍ଧଚୁମ୍ବନା ॥ ୫୬॥
କସତୂରୀଗନ୍ଧସଂଶୋଭାଵିରାଜିତକପାଲଭୂଃ ।
କସ୍ତୂରୀମଦନାନ୍ତଃସ୍ଥା କସ୍ତୂରୀମଦହର୍ଷଦା ॥ ୫୭॥
କସ୍ତୂରୀକଵିତାନାଢ୍ଯା କସ୍ତୂରୀଗୃହମଧ୍ଯଗା ।
କସ୍ତୂରୀସ୍ପର୍ଶକପ୍ରାଣା କସ୍ତୂରୀଵିନ୍ଦକାନ୍ତକା ॥ ୫୮॥
କସ୍ତୂର୍ଯ୍ଯାମୋଦରସିକା କସ୍ତୂରୀକ୍ରୀଡନୋଦ୍ଯତା ।
କସ୍ତୂରୀଦାନନିରତା କସ୍ତୂରୀଵରଦାଯିନୀ ॥ ୫୯॥
କସ୍ତୂରୀସ୍ଥାପନାସକ୍ତା କସ୍ତୂରୀସ୍ଥାନରଞ୍ଜିନୀ ।
କସ୍ତୂରୀକୁଶଲପ୍ରଶ୍ନା କସ୍ତୂରୀସ୍ତୁତିଵନ୍ଦିତା ॥ ୬୦॥
କସ୍ତୂରୀଵନ୍ଦକାରାଧ୍ଯା କସ୍ତୂରୀସ୍ଥାନଵାସିନୀ ।
କହରୂପା କହାଢ୍ଯା ଚ କହାନନ୍ଦା କହାତ୍ମଭୂଃ ॥ ୬୧॥
କହପୂଜ୍ଯା କହାଖ୍ଯା ଚ କହହେଯା କହାତ୍ମିକା ।
କହମାଲାକଣ୍ଠଭୂଷା କହମନ୍ତ୍ରଜପୋଦ୍ଯତା ॥ ୬୨॥
କହନାମସ୍ମୃତିପରା କହନାମପରାଯଣା ।
କହପରାଯଣରତା କହଦେଵୀ କହେଶ୍ଵରୀ ॥ ୬୩॥
କହହେତୁ କହାନନ୍ଦା କହନାଦପରାଯଣା ।
କହମାତା କହାନ୍ତଃସ୍ଥା କହମନ୍ତ୍ରା କହେଶ୍ଵରୀ ॥ ୬୪॥
କହଜ୍ଞେଯା କହାରାଧ୍ଯା କହଧ୍ଯାନପରାଯଣା ।
କହତନ୍ତ୍ରା କହକହା କହଚର୍ଯ୍ଯାପରାଯଣା ॥ ୬୫॥
କହାଚାରା କହଗତିଃ କହତାଣ୍ଡଵକାରିଣୀ ।
କହାରଣ୍ଯା କହରତିଃ କହଶକ୍ତିପରାଯଣା ॥ ୬୬॥
କହରାଜ୍ଯନତା କର୍ମ୍ମସାକ୍ଷିଣୀ କର୍ମସୁନ୍ଦରୀ ।
କର୍ମଵିଦ୍ଯା କର୍ମଗତିଃ କର୍ମତନ୍ତ୍ରପରାଯଣା ॥ ୬୭॥
କର୍ମମାତ୍ରା କର୍ମଗାତ୍ରା କର୍ମଧର୍ମପରାଯଣା ।
କର୍ମରେଖାନାଶକର୍ତ୍ରୀ କର୍ମରେଖାଵିନୋଦିନୀ ॥ ୬୮॥
କର୍ମରେଖାମୋହକରୀ କର୍ମକୀର୍ତିପରାଯଣା ।
କର୍ମଵିଦ୍ଯା କର୍ମସାରା କର୍ମ୍ମାଧାରା ଚ କର୍ମଭୂଃ ॥ ୬୯॥
କର୍ମକାରୀ କର୍ମହାରୀ କର୍ମକୌତୁକସୁନ୍ଦରୀ ।
କର୍ମକାଲୀ କର୍ମତାରା କର୍ମଚ୍ଛିନ୍ନା ଚ କର୍ମଦା ॥ ୭୦॥
କର୍ମଚାଣ୍ଡାଲିନୀ କର୍ମଵେଦମାତା ଚ କର୍ମଭୂଃ ।
କର୍ମକାଣ୍ଡରତାନନ୍ତା କର୍ମକାଣ୍ଡାନୁମାନିତା ॥ ୭୧॥
କର୍ମକାଣ୍ଡପରୀଣାହା କମଠୀ କମଠାକୃତିଃ ।
କମଠାରାଧ୍ଯହୃଦଯା କମଠାକଣ୍ଠସୁନ୍ଦରୀ ॥ ୭୨॥
କମଠାସନସଂସେଵ୍ଯା କମଠୀ କର୍ମତତ୍ପରା ।
କରୁଣାକରକାନ୍ତା ଚ କରୁଣାକରଵନ୍ଦିତା ॥ ୭୩॥
କଠୋରା କରମାଲା ଚ କଠୋରକୁଚଧାରିଣୀ ।
କପର୍ଦିନୀ କପଟିନୀ କଠିନା କଙ୍କଭୂଷଣା ॥ ୭୪॥
କରଭୋରୂଃ କଠିନଦା କରଭା କରଭାଲଯା ।
କଲଭାଷାମଯୀ କଲ୍ପା କଲ୍ପନା କଲ୍ପଦାଯିନୀ ॥ ୭୫॥
କମଲସ୍ଥା କଲାମାଲା କମଲାସ୍ଯା କ୍କଣତ୍ପ୍ରଭା ।
କକୁଦ୍ମିନୀ କଷ୍ଟଵତୀ କରଣୀଯକଥାର୍ଚିତା ॥ ୭୬॥
କଚାର୍ଚିତା କଚତନୁଃ କଚସୁନ୍ଦରଧାରିଣୀ ।
କଠୋରକୁଚସଂଲଗ୍ନା କଟିସୂତ୍ରଵିରାଜିତା ॥ ୭୭॥
କର୍ଣମକ୍ଷପ୍ରିଯା କନ୍ଦା କଥାକନ୍ଦଗତିଃ କଲିଃ ।
କଲିଘ୍ନୀ କଲିଦୂତୀ ଚ କଵିନାଯକ-ପୂଜିତା ॥ ୭୮॥
କଣକକ୍ଷାନିଯନ୍ତ୍ରୀ ଚ କଶ୍ଚିତ୍କଵିଵରାର୍ଚିତା ।
କର୍ତ୍ରୀ ଚ କର୍ତୃକା ଭୂଷାକାରିଣୀ କର୍ଣଶତ୍ରୁପା ॥ ୭୯॥
କରଣେଶୀ କରଣପା କଲଵାଚା କଲାନିଧିଃ ।
କଲନା କଲନାଧାରା କଲନା କାରିକା କରା ॥ ୮୦॥
କଲଗେଯା କର୍କରାଶିଃ କର୍କରାଶି-ପ୍ରପୂଜିତା ।
କନ୍ଯାରାଶିଃ କନ୍ଯକା ଚ କନ୍ଯକାପ୍ରିଯଭାଷିଣୀ ॥ ୮୧॥
କନ୍ଯକାଦାନସନ୍ତୁଷ୍ଟା କନ୍ଯକାଦାନତୋଷିଣୀ ।
କନ୍ଯାଦାନକରାନନ୍ଦା କନ୍ଯାଦାନଗ୍ରହେଷ୍ଟଦା ॥ ୮୨॥
କର୍ଷଣା କକ୍ଷଦହନା କାମିତା କମଲାସନା ।
କରମାଲାନନ୍ଦକର୍ତ୍ରୀ କରମାଲାପ୍ରପୋଷିତା ॥ ୮୩॥
କରମାଲାଶଯାନନ୍ଦା କରମାଲାସମାଗମା ।
କରମାଲାସିଦ୍ଧିଦାତ୍ରୀ କରମାଲାକରପ୍ରିଯା ॥ ୮୪॥
କରପ୍ରିଯା କରରତା କରଦାନପରାଯଣା ।
କଲାନନ୍ଦା କଲିଗତିଃ କଲିପୂଜ୍ଯା କଲିପ୍ରସୂଃ ॥ ୮୫॥
କଲନାଦନିନାଦସ୍ଥା କଲନାଦଵରପ୍ରଦା ।
କଲନାଦସମାଜସ୍ଥା କହୋଲା ଚ କହୋଲଦା ॥ ୮୬॥
କହୋଲଗେହମଧ୍ଯସ୍ଥା କହୋଲଵରଦାଯିନୀ ।
କହୋଲକଵିତାଧାରା କହୋଲଋଷିମାନିତା ॥ ୮୭॥
କହୋଲମାନସାରାଧ୍ଯା କହୋଲଵାକ୍ଯକାରିଣୀ ।
କର୍ତୃରୂପା କର୍ତୃମଯୀ କର୍ତୃମାତା ଚ କର୍ତରୀ ॥ ୮୮॥
କନୀଯା କନକାରାଧ୍ଯା କନୀନକମଯୀ ତଥା ।
କନୀଯାନନ୍ଦନିଲଯା କନକାନନ୍ଦତୋଷିତା ॥ ୮୯॥
କନୀଯକକରାକାଷ୍ଠା କଥାର୍ଣଵକରୀ କରୀ ।
କରିଗମ୍ଯା କରିଗତିଃ କରିଧ୍ଵଜପରାଯଣା ॥ ୯୦॥
କରିନାଥପ୍ରିଯାକଣ୍ଠା କଥାନକପ୍ରତୋଷିତା ।
କମନୀଯା କମନକା କମନୀଯଵିଭୂଷଣା ॥ ୯୧॥
କମନୀଯସମାଜସ୍ଥା କମନୀଯଵ୍ରତପ୍ରିଯା ।
କମନୀଯଗୁଣାରାଧ୍ଯା କପିଲା କପିଲେଶ୍ଵରୀ ॥ ୯୨॥
କପିଲାରାଧ୍ଯହୃଦଯା କପିଲାପ୍ରିଯଵାଦିନୀ ।
କହଚକ୍ରମନ୍ତ୍ରଵର୍ଣା କହଚକ୍ରପ୍ରସୂନକା ॥ ୯୩॥
କଏଈଲହ୍ରୀଂସ୍ଵରୂପା ଚ କଏଈଲହ୍ରୀଂଵରପ୍ରଦା ।
କଏଈଲହ୍ରୀଂସିଦ୍ଧିଦାତ୍ରୀ କଏଈଲହ୍ରୀଂସ୍ଵରୂପିଣୀ ॥ ୯୪॥
କଏଈଲହ୍ରୀଂମନ୍ତ୍ରଵର୍ଣା କଏଈଲହ୍ରୀଂପ୍ରସୂକଲା ।
କଵର୍ଗା ଚ କପାଟସ୍ଥା କପାଟୋଦ୍ଘାଟନକ୍ଷମା ॥ ୯୫॥
କଙ୍କାଲୀ ଚ କପାଲୀ ଚ କଙ୍କାଲପ୍ରିଯଭାଷିଣୀ ।
କଙ୍କାଲଭୈରଵାରାଧ୍ଯା କଙ୍କାଲମାନସଂସ୍ଥିତା ॥ ୯୬॥
କଙ୍କାଲମୋହନିରତା କଙ୍କାଲମୋହଦାଯିନୀ ।
କଲୁଷଘ୍ନୀ କଲୁଷହା କଲୁଷାର୍ତିଵିନାଶିନୀ ॥ ୯୭॥
କଲିପୁଷ୍ପା କଲାଦାନା କଶିପୁଃ କଶ୍ଯପାର୍ଚିତା ।
କଶ୍ଯପା କଶ୍ଯପାରାଧ୍ଯା କଲିପୂର୍ଣକଲେଵରା ॥ ୯୮॥
କଲେଶ୍ଵରକରୀ କାଞ୍ଚୀ କଵର୍ଗା ଚ କରାଲକା ।
କରାଲଭୈରଵାରାଧ୍ଯା କରାଲଭୈରଵେଶ୍ଵରୀ ॥ ୯୯॥
କରାଲା କଲନାଧାରା କପର୍ଦ୍ଦୀଶଵରପ୍ରଦା ।
କପର୍ଦ୍ଦୀଶପ୍ରେମଲତା କପର୍ଦ୍ଦିମାଲିକାଯୁତା ॥ ୧୦୦॥
କପର୍ଦ୍ଦିଜପମାଲାଢ୍ଯା କରଵୀରପ୍ରସୂନଦା ।
କରଵୀରପ୍ରିଯପ୍ରାଣା କରଵୀରପ୍ରପୂଜିତା ॥ ୧୦୧॥
କର୍ଣିକାରସମାକାରା କର୍ଣିକାରପ୍ରପୂଜିତା ।
କରିଷାଗ୍ନିସ୍ଥିତା କର୍ଷା କର୍ଷମାତ୍ରସୁଵର୍ଣଦା ॥ ୧୦୨॥
କଲଶା କଲଶାରାଧ୍ଯା କଷାଯା କରିଗାନଦା ।
କପିଲା କଲକଣ୍ଠୀ ଚ କଲିକଲ୍ପଲତା ମତା ॥ ୧୦୩॥
କଲ୍ପଲତା କଲ୍ପମାତା କଲ୍ପକାରୀ ଚ କଲ୍ପଭୂଃ ।
କର୍ପୂରାମୋଦରୁଚିରା କର୍ପୂରାମୋଦଧାରିଣୀ ॥ ୧୦୪॥
କର୍ପୂରମାଲାଭରଣା କର୍ପୂରଵାସପୂର୍ତିଦା ।
କର୍ପୂରମାଲାଜଯଦା କର୍ପୂରାର୍ଣଵମଧ୍ଯଗା ॥ ୧୦୫॥
କର୍ପୂରତର୍ପଣରତା କଟକାମ୍ବରଧାରିଣୀ ।
କପଟେଶ୍ଵଵରସମ୍ପୂଜ୍ଯା କପଟେଶ୍ଵରରୂପିଣୀ ॥ ୧୦୬॥
କଟୁଃ କପିଧ୍ଵଜାରାଧ୍ଯା କଲାପପୁଷ୍ପଧାରିଣୀ ।
କଲାପପୁଷ୍ପରୁଚିରା କଲାପପୁଷ୍ପପୂଜିତା ॥ ୧୦୭॥
କ୍ରକଚା କ୍ରକଚାରାଧ୍ଯା କଥମ୍ବ୍ରୂମା କରାଲତା ।
କଥଙ୍କାରଵିନିର୍ମୁକ୍ତା କାଲୀ କାଲକ୍ରିଯା କ୍ରତୁଃ ॥ ୧୦୮॥
କାମିନୀ କାମିନୀପୂଜ୍ଯା କାମିନୀପୁଷ୍ପଧାରିଣୀ ।
କାମିନୀପୁଷ୍ପନିଲଯା କାମିନୀପୁଷ୍ପପୂର୍ଣିମା ॥ ୧୦୯॥
କାମିନୀପୁଷ୍ପପୂଜାର୍ହା କାମିନୀପୁଷ୍ପଭୂଷଣା ।
କାମିନୀପୁଷ୍ପତିଲକା କାମିନୀକୁଣ୍ଡଚୁମ୍ବନା ॥ ୧୧୦॥
କାମିନୀଯୋଗସନ୍ତୁଷ୍ଟା କାମିନୀଯୋଗଭୋଗଦା ।
କାମିନୀକୁଣ୍ଡସମ୍ମଗ୍ନା କାମିନୀକୁଣ୍ଡମଧ୍ଯଗା ॥ ୧୧୧॥
କାମିନୀମାନସାରାଧ୍ଯା କାମିନୀମାନତୋଷିତା ।
କାମିନୀମାନସଞ୍ଚାରା କାଲିକା କାଲକାଲିକା ॥ ୧୧୨॥
କାମା ଚ କାମଦେଵୀ ଚ କାମେଶୀ କାମସମ୍ଭଵା ।
କାମଭାଵା କାମରତା କାମାର୍ତା କାମମଞ୍ଜରୀ ॥ ୧୧୩॥
କାମମଞ୍ଜୀରରଣିତା କାମଦେଵପ୍ରିଯାନ୍ତରା ।
କାମକାଲୀ କାମକଲା କାଲିକା କମଲାର୍ଚିତା ॥ ୧୧୪॥
କାଦିକା କମଲା କାଲୀ କାଲାନଲସମପ୍ରଭା ।
କଲ୍ପାନ୍ତଦହନା କାନ୍ତା କାନ୍ତାରପ୍ରିଯଵାସିନୀ ॥ ୧୧୫॥
କାଲପୂଜ୍ଯା କାଲରତା କାଲମାତା ଚ କାଲିନୀ ।
କାଲଵୀରା କାଲଘୋରା କାଲସିଦ୍ଧା ଚ କାଲଦା ॥ ୧୧୬॥
କାଲଞ୍ଜନସମାକାରା କାଲଞ୍ଜରନିଵାସିନୀ ।
କାଲଋଦ୍ଧିଃ କାଲଵୃଦ୍ଧିଃ କାରାଗୃହଵିମୋଚିନୀ ॥ ୧୧୭॥
କାଦିଵିଦ୍ଯା କାଦିମାତା କାଦିସ୍ଥା କାଦିସୁନ୍ଦରୀ ।
କାଶୀ କାଞ୍ଚୀ ଚ କାଞ୍ଚୀଶା କାଶୀଶଵରଦାଯିନୀ ॥ ୧୧୮॥
କ୍ରାଂ ବୀଜା ଚୈଵ କ୍ରୀଂ ବୀଜା ହୃଦଯାଯ ନମସ୍ସ୍ମୃତା ।
କାମ୍ଯା କାମ୍ଯଗତିଃ କାମ୍ଯସିଦ୍ଧିଦାତ୍ରୀ ଚ କାମଭୂଃ ॥ ୧୧୯॥
କାମାଖ୍ଯା କାମରୂପା ଚ କାମଚାପଵିମୋଚିନୀ ।
କାମଦେଵକଲାରାମା କାମଦେଵକଲାଲଯା ॥ ୧୨୦॥
କାମରାତ୍ରିଃ କାମଦାତ୍ରୀ କାନ୍ତାରାଚଲଵାସିନୀ ।
କାମରୂପା କାଲଗତିଃ କାମଯୋଗପରାଯଣା ॥ ୧୨୧॥
କାମସମ୍ମର୍ଦ୍ଦନରତା କାମଗେହଵିକାସିନୀ ।
କାଲଭୈରଵଭାର୍ଯା ଚ କାଲଭୈରଵକାମିନୀ ॥ ୧୨୨॥
କାଲଭୈରଵଯୋଗସ୍ଥା କାଲଭୈରଵଭୋଗଦା ।
କାମଧେନୁଃ କାମଦୋଗ୍ଧ୍ରୀ କାମମାତା ଚ କାନ୍ତିଦା ॥ ୧୨୩॥
କାମୁକା କାମୁକାରାଧ୍ଯା କାମୁକାନନ୍ଦଵର୍ଦ୍ଧିନୀ ।
କାର୍ତ୍ତଵୀର୍ଯ୍ଯା କାର୍ତ୍ତିକେଯା କାର୍ତ୍ତିକେଯପ୍ରପୂଜିତା ॥ ୧୨୪॥
କାର୍ଯ୍ଯା କାରଣଦା କାର୍ଯ୍ଯକାରିଣୀ କାରଣାନ୍ତରା ।
କାନ୍ତିଗମ୍ଯା କାନ୍ତିମଯୀ କାତ୍ଯା କାତ୍ଯାଯନୀ ଚ କା ॥ ୧୨୫॥
କାମସାରା ଚ କାଶ୍ମୀରା କାଶ୍ମୀରାଚାରତତ୍ପରା ।
କାମରୂପାଚାରରତା କାମରୂପପ୍ରିଯଂଵଦା ॥ ୧୨୬॥
କାମରୂପାଚାରସିଦ୍ଧିଃ କାମରୂପମନୋମଯୀ ।
କାର୍ତ୍ତିକୀ କାର୍ତ୍ତିକାରାଧ୍ଯା କାଞ୍ଚନାରପ୍ରସୂନଭୂଃ ॥ ୧୨୭॥
କାଞ୍ଚନାରପ୍ରସୂନାଭା କାଞ୍ଚନାରପ୍ରପୂଜିତା ।
କାଞ୍ଚରୂପା କାଞ୍ଚଭୂମିଃ କାଂସ୍ଯପାତ୍ରପ୍ରଭୋଜିନୀ ॥ ୧୨୮॥
କାଂସ୍ଯଧ୍ଵନିମଯୀ କାମସୁନ୍ଦରୀ କାମଚୁମ୍ବନା ।
କାଶପୁଷ୍ପପ୍ରତୀକାଶା କାମଦ୍ରୁମସମାଗମା ॥ ୧୨୯॥
କାମପୁଷ୍ପା କାମଭୂମିଃ କାମପୂଜ୍ଯା ଚ କାମଦା ।
କାମଦେହା କାମଗେହା କାମବୀଜପରାଯଣା ॥ ୧୩୦॥
କାମଧ୍ଵଜସମାରୂଢା କାମଧ୍ଵଜସମାସ୍ଥିତା ।
କାଶ୍ଯପୀ କାଶ୍ଯପାରାଧ୍ଯା କାଶ୍ଯପାନନ୍ଦଦାଯିନୀ ॥ ୧୩୧॥
କାଲିନ୍ଦୀଜଲସଙ୍କାଶା କାଲିନ୍ଦୀଜଲପୂଜିତା ।
କାଦେଵପୂଜାନିରତା କାଦେଵପରମାର୍ଥଦା ॥ ୧୩୨॥
କର୍ମ୍ମଣା କର୍ମ୍ମଣାକାରା କାମକର୍ମଣକାରିଣୀ ।
କାର୍ମ୍ମଣତ୍ରୋଟନକରୀ କାକିନୀ କାରଣାହ୍ଵଯା ॥ ୧୩୩॥
କାଵ୍ଯାମୃତା ଚ କାଲିଙ୍ଗା କାଲିଙ୍ଗମର୍ଦ୍ଦନୋଦ୍ଯତା ।
କାଲାଗରୁଵିଭୂଷାଢ୍ଯା କାଲାଗରୁଵିଭୂତିଦା ॥ ୧୩୪॥
କାଲାଗରୁସୁଗନ୍ଧା ଚ କାଲାଗରୁପ୍ରତର୍ପଣା ।
କାଵେରୀନୀରସମ୍ପ୍ରୀତା କାଵେରୀତୀରଵାସିନୀ ॥ ୧୩୫॥
କାଲଚକ୍ରଭ୍ରମାକାରା କାଲଚକ୍ରନିଵାସିନୀ ।
କାନନା କାନନାଧାରା କାରୁଃ କାରୁଣିକାମଯୀ ॥ ୧୩୬॥
କାମ୍ପିଲ୍ଯଵାସିନୀ କାଷ୍ଠା କାମପତ୍ନୀ ଚ କାମଭୂଃ ।
କାଦମ୍ବରୀପାନରତା ତଥା କାଦମ୍ବରୀକଲା ॥ ୧୩୭॥
କାମଵନ୍ଦ୍ଯା ଚ କାମେଶୀ କାମରାଜପ୍ରପୂଜିତା ।
କାମରାଜେଶ୍ଵରୀଵିଦ୍ଯା କାମକୌତୁକସୁନ୍ଦରୀ ॥ ୧୩୮॥
କାମ୍ବୋଜଜା କାଞ୍ଛିନଦା କାଂସ୍ଯକାଞ୍ଚନକାରିଣୀ ।
କାଞ୍ଚନାଦ୍ରିସମାକାରା କାଞ୍ଚନାଦ୍ରିପ୍ରଦାନଦା ॥ ୧୩୯॥
କାମକୀର୍ତିଃ କାମକେଶୀ କାରିକା କାନ୍ତରାଶ୍ରଯା ।
କାମଭେଦୀ ଚ କାମାର୍ତିନାଶିନୀ କାମଭୂମିକା ॥ ୧୪୦॥
କାଲାନଲାଶିନୀ କାଵ୍ଯଵନିତା କାମରୂପିଣୀ ।
କାଯସ୍ଥା କାମସନ୍ଦୀପ୍ତିଃ କାଵ୍ଯଦା କାଲସୁନ୍ଦରୀ ॥ ୧୪୧॥
କାମେଶୀ କାରଣଵରା କାମେଶୀପୂଜନୋଦ୍ଯତା ।
କାଞ୍ଚୀ-ନୂପୁରଭୂଷାଢ୍ଯା-କୁଙ୍କୁମାଭରଣାନ୍ଵିତା ॥ ୧୪୨॥
କାଲଚକ୍ରା କାଲଗତିଃ କାଲଚକ୍ରାମନୋଭଵା ।
କୁନ୍ଦମଧ୍ଯା କୁନ୍ଦପୁଷ୍ପା କୁନ୍ଦପୁଷ୍ପପ୍ରିଯା କୁଜା ॥ ୧୪୩॥
କୁଜମାତା କୁଜାରାଧ୍ଯା କୁଠାରଵରଧାରିଣୀ ।
କୁଞ୍ଚରସ୍ଥା କୁଶରତା କୁଶେଶଯଵିଲୋଚନା ॥ ୧୪୪॥
କୁମଠୀ କୁରରୀ କୁଦ୍ରା କୁରଙ୍ଗୀ କୁଟଜାଶ୍ରଯା ।
କୁମ୍ଭୀନସଵିଭୂଷା ଚ କୁମ୍ଭୀନସଵଧୋଦ୍ଯତା ॥ ୧୪୫॥
କୁମ୍ଭକର୍ଣମନୋଲ୍ଲାସା କୁଲଚୂଡାମଣିଃ କୁଲା ।
କୁଲାଲଗୃହକନ୍ଯା ଚ କୁଲଚୂଡାମଣିପ୍ରିଯା ॥ ୧୪୬॥
କୁଲପୂଜ୍ଯା କୁଲାରାଧ୍ଯା କୁଲପୂଜାପରାଯଣା ।
କୁଲଭୂଷା ତଥା କୁକ୍ଷିଃ କୁରରୀଗଣସେଵିତା ॥ ୧୪୭॥
କୁଲପୁଷ୍ପା କୁଲରତା କୁଲପୁଷ୍ପପରାଯଣା ।
କୁଲଵସ୍ତ୍ରା କୁଲାରାଧ୍ଯା କୁଲକୁଣ୍ଡସମପ୍ରଭା ॥ ୧୪୮॥
କୁଲକୁଣ୍ଡସମୋଲ୍ଲାସା କୁଣ୍ଡପୁଷ୍ପପରାଯଣା ।
କୁଣ୍ଡପୁଷ୍ପପ୍ରସନ୍ନାସ୍ଯା କୁଣ୍ଡଗୋଲୋଦ୍ଭଵାତ୍ମିକା ॥ ୧୪୯॥
କୁଣ୍ଡଗୋଲୋଦ୍ଭଵାଧାରା କୁଣ୍ଡଗୋଲମଯୀ କୁହୂଃ ।
କୁଣ୍ଡଗୋଲପ୍ରିଯପ୍ରାଣା କୁଣ୍ଡଗୋଲପ୍ରପୂଜିତା ॥ ୧୫୦॥
କୁଣ୍ଡଗୋଲମନୋଲ୍ଲାସା କୁଣ୍ଡଗୋଲବଲପ୍ରଦା ।
କୁଣ୍ଡଦେଵରତା କ୍ରୁଦ୍ଧା କୁଲସିଦ୍ଧିକରା ପରା ॥ ୧୫୧॥
କୁଲକୁଣ୍ଡସମାକାରା କୁଲକୁଣ୍ଡସମାନଭୂଃ ।
କୁଣ୍ଡସିଦ୍ଧିଃ କୁଣ୍ଡଋଦ୍ଧିଃ କୁମାରୀପୂଜନୋଦ୍ଯତା ॥ ୧୫୨॥
କୁମାରୀପୂଜକପ୍ରାଣା କୁମାରୀପୂଜକାଲଯା ।
କୁମାରୀକାମସନ୍ତୁଷ୍ଟା କୁମାରୀପୂଜନୋତ୍ସୁକା ॥ ୧୫୩॥
କୁମାରୀଵ୍ରତସନ୍ତୁଷ୍ଟା କୁମାରୀରୂପଧାରିଣୀ ।
କୁମାରୀଭୋଜନପ୍ରୀତା କୁମାରୀ ଚ କୁମାରଦା ॥ ୧୫୪॥
କୁମାରମାତା କୁଲଦା କୁଲଯୋନିଃ କୁଲେଶ୍ଵରୀ ।
କୁଲଲିଙ୍ଗା କୁଲାନନ୍ଦା କୁଲରମ୍ଯା କୁତର୍କଧୃକ୍ ॥ ୧୫୫॥
କୁନ୍ତୀ ଚ କୁଲକାନ୍ତା ଚ କୁଲମାର୍ଗପରାଯଣା ।
କୁଲ୍ଲା ଚ କୁରୁକୁଲ୍ଲା ଚ କୁଲ୍ଲୁକା କୁଲକାମଦା ॥ ୧୫୬॥
କୁଲିଶାଙ୍ଗୀ କୁବ୍ଜିକା ଚ କୁବ୍ଜିକାନନ୍ଦଵର୍ଦ୍ଧିନୀ ।
କୁଲୀନା କୁଞ୍ଜରଗତିଃ କୁଞ୍ଜରେଶ୍ଵରଗାମିନୀ ॥ ୧୫୭॥
କୁଲପାଲୀ କୁଲଵତୀ ତଥୈଵ କୁଲଦୀପିକା ।
କୁଲଯୋଗେଶ୍ଵରୀ କୁଣ୍ଡା କୁଙ୍କୁମାରୁଣଵିଗ୍ରହା ॥ ୧୫୮॥
କୁଙ୍କୁମାନନ୍ଦସନ୍ତୋଷା କୁଙ୍କୁମାର୍ଣଵଵାସିନୀ ।
କୁସୁମା କୁସୁମପ୍ରୀତା କୁଲଭୂଃ କୁଲସୁନ୍ଦରୀ ॥ ୧୫୯॥
କୁମୁଦ୍ଵତୀ କୁମୁଦିନୀ କୁଶଲା କୁଲଟାଲଯା ।
କୁଲଟାଲଯମଧ୍ଯସ୍ଥା କୁଲଟାସଙ୍ଗତୋଷିତା ॥ ୧୬୦॥
କୁଲଟାଭଵନୋଦ୍ଯୁକ୍ତା କୁଶାଵର୍ତା କୁଲାର୍ଣଵା ।
କୁଲାର୍ଣଵାଚାରରତା କୁଣ୍ଡଲୀ କୁଣ୍ଡଲାକୃତିଃ ॥ ୧୬୧॥
କୁମତିଶ୍ଚ କୁଲଶ୍ରେଷ୍ଠା କୁଲଚକ୍ରପରାଯଣା ।
କୂଟସ୍ଥା କୂଟଦୃଷ୍ଟିଶ୍ଚ କୁନ୍ତଲା କୁନ୍ତଲାକୃତିଃ ॥ ୧୬୨॥
କୁଶଲାକୃତିରୂପା ଚ କୂର୍ଚବୀଜଧରା ଚ କୂଃ ।
କୁଂ କୁଂ କୁଂ କୁଂ ଶବ୍ଦରତା କ୍ରୂଂ କ୍ରୂଂ କ୍ରୂଂ କ୍ରୂଂ ପରାଯଣା ॥ ୧୬୩॥
କୁଂ କୁଂ କୁଂ ଶବ୍ଦନିଲଯା କୁକ୍କୁରାଲଯଵାସିନୀ ।
କୁକ୍କୁରାସଙ୍ଗସଂଯୁକ୍ତା କୁକ୍କୁରାନନ୍ତଵିଗ୍ରହା ॥ ୧୬୪॥
କୂର୍ଚାରମ୍ଭା କୂର୍ଚବୀଜା କୂର୍ଚଜାପପରାଯଣା ।
କୁଚସ୍ପର୍ଶନସନ୍ତୁଷ୍ଟା କୁଚାଲିଙ୍ଗନହର୍ଷଦା ॥ ୧୬୫॥
କୁମତିଘ୍ନୀ କୁବେରାର୍ଚ୍ଯା କୁଚଭୂଃ କୁଲନାଯିକା ।
କୁଗାଯନା କୁଚଧରା କୁମାତା କୁନ୍ଦଦନ୍ତିନୀ ॥ ୧୬୬॥
କୁଗେଯା କୁହରାଭାସା କୁଗେଯା କୁଘ୍ନଦାରିଭା ।
କୀର୍ତିଃ କିରାତିନୀ କ୍ଲିନ୍ନା କିନ୍ନରା କିନ୍ନରୀକ୍ରିଯା ॥ ୧୬୭॥
କ୍ରୀଙ୍କାରା କ୍ରୀଞ୍ଜପାସକ୍ତା କ୍ରୀଂ ହୂଁ ସ୍ତ୍ରୀଂ ମନ୍ତ୍ରରୂପିଣୀ ।
କିର୍ମୀରିତଦୃଶାପାଙ୍ଗୀ କିଶୋରୀ ଚ କିରୀଟିନୀ ॥ ୧୬୮॥
କୀଟଭାଷା କୀଟଯୋନିଃ କୀଟମାତା ଚ କୀଟଦା ।
କିଂଶୁକା କୀରଭାଷା ଚ କ୍ରିଯାସାରା କ୍ରିଯାଵତୀ ॥ ୧୬୯॥
କୀଂକୀଂଶବ୍ଦପରା କ୍ଲାଂ କ୍ଲୀଂ କ୍ଲୂଁ କ୍ଲୈଂ କ୍ଲୌଂ ମନ୍ତ୍ରରୂପିଣୀ ।
କାଁ କୀଂ କୂଁ କୈଂ ସ୍ଵରୂପା ଚ କଃ ଫଟ୍ ମନ୍ତ୍ରସ୍ଵରୂପିଣୀ ॥ ୧୭୦॥
କେତକୀଭୂଷଣାନନ୍ଦା କେତକୀଭରଣାନ୍ଵିତା ।
କୈକଦା କେଶିନୀ କେଶୀ କେଶୀସୂଦନତତ୍ପରା ॥ ୧୭୧॥
କେଶରୂପା କେଶମୁକ୍ତା କୈକେଯୀ କୌଶିକୀ ତଥା ।
କୈରଵା କୈରଵାହ୍ଲାଦା କେଶରା କେତୁରୂପିଣୀ ॥ ୧୭୨॥
କେଶଵାରାଧ୍ଯହୃଦଯା କେଶଵାସକ୍ତମାନସା ।
କ୍ଲୈବ୍ଯଵିନାଶିନୀ କ୍ଲୈଂ ଚ କ୍ଲୈଂ ବୀଜଜପତୋଷିତା ॥ ୧୭୩॥
କୌଶଲ୍ଯା କୋଶଲାକ୍ଷୀ ଚ କୋଶା ଚ କୋମଲା ତଥା ।
କୋଲାପୁରନିଵାସା ଚ କୋଲାସୁରଵିନାଶିନୀ ॥ ୧୭୪॥
କୋଟିରୂପା କୋଟିରତା କ୍ରୋଧିନୀ କ୍ରୋଧରୂପିଣୀ ।
କେକା ଚ କୋକିଲା କୋଟିଃ କୋଟିମନ୍ତ୍ରପରାଯଣା ॥ ୧୭୫॥
କୋଟ୍ଯାନନ୍ତମନ୍ତ୍ରଯୁକ୍ତା କୈରୂପା କେରଲାଶ୍ରଯା ।
କେରଲାଚାରନିପୁଣା କେରଲେନ୍ଦ୍ରଗୃହସ୍ଥିତା ॥ ୧୭୬॥
କେଦାରାଶ୍ରମସଂସ୍ଥା ଚ କେଦାରେଶ୍ଵରପୂଜିତା ।
କ୍ରୋଧରୂପା କ୍ରୋଧପଦା କ୍ରୋଧମାତା ଚ କୌଶିକୀ ॥ ୧୭୭॥
କୋଦଣ୍ଡଧାରିଣୀ କ୍ରୌଞ୍ଚା କୌଶଲ୍ଯା କୌଲମାର୍ଗଗା ।
କୌଲିନୀ କୌଲିକାରାଧ୍ଯା କୌଲିକାଗାରଵାସିନୀ ॥ ୧୭୮॥
କୌତୁକୀ କୌମୁଦୀ କୌଲା କୁମାରୀ କୌରଵାର୍ଚିତା ।
କୌଣ୍ଡିନ୍ଯା କୌଶିକୀ କ୍ରୋଧା ଜ୍ଵାଲାଭାସୁରରୂପିଣୀ ॥ ୧୭୯॥
କୋଟିକାଲାନଲଜ୍ଵାଲା କୋଟିମାର୍ତ୍ତଣ୍ଡଵିଗ୍ରହା ।
କୃତ୍ତିକା କୃଷ୍ଣଵର୍ଣା ଚ କୃଷ୍ଣା କୃତ୍ଯା କ୍ରିଯାତୁରା ॥ ୧୮୦॥
କୃଶାଙ୍ଗୀ କୃତକୃତ୍ଯା ଚ କ୍ରଃ ଫଟ୍ସ୍ଵାହାସ୍ଵରୂପିଣୀ ।
କ୍ରୌଂ କ୍ରୌଂ ହୂଁ ଫଟ୍ମନ୍ତ୍ରଵର୍ଣା
କ୍ରାଂ ହ୍ରୀଂ ହ୍ରୂଁ ଫଟ୍ ସ୍ଵରୂପିଣୀ ॥ ୧୮୧॥
କ୍ରୀଂକ୍ରୀଂହ୍ରୀଂହ୍ରୀଂ ତଥା ହ୍ରୂଁ ହୂଁଫଟ୍ସ୍ଵାହାମନ୍ତ୍ରରୂପିଣୀ ।
ଇତି ଶ୍ରୀସର୍ଵସାମ୍ରାଜ୍ଯମେଧା ନାମସହସ୍ରକମ୍ ॥ ୧୮୨॥
ସୁନ୍ଦରୀଶକ୍ତିଦାନାଖ୍ଯଂ ସ୍ଵରୂପାର୍ଭିଧମେଵ ଚ ।
କଥିତଂ ଦକ୍ଷିଣାକାଲ୍ଯାଃ ସୁନ୍ଦର୍ଯୈ ପ୍ରୀତିଯୋଗତଃ ॥ ୧॥
ଵରଦାନପ୍ରସଙ୍ଗେନ ରହସ୍ଯମପି ଦର୍ଶିତମ୍ ।
ଗୋପନୀଯଂ ସଦା ଭକ୍ତ୍ଯା ପଠନୀଯଂ ପରାତ୍ପରମ୍ ॥ ୨॥
ପ୍ରାତର୍ମଧ୍ଯାହ୍ନକାଲେ ଚ ମଧ୍ଯାର୍ଦ୍ଧରାତ୍ରଯୋରପି ।
ଯଜ୍ଞକାଲେ ଜପାନ୍ତେ ଚ ପଠନୀଯଂ ଵିଶେଷତଃ ॥ ୩॥
ଯଃ ପଠେତ୍ ସାଧକୋ ଧୀରଃ କାଲୀରୂପୋ ହି ଵର୍ଷତଃ ।
ପଠେଦ୍ଵା ପାଠଯେଦ୍ଵାପି ଶ୍ରୃଣୋତି ଶ୍ରାଵଯେଦପି ॥ ୪॥
ଵାଚକଂ ତୋଷଯେଦ୍ଵାପି ସ ଭଵେତ୍ କାଲିକାତନୁଃ ।
ସହେଲଂ ଵା ସଲୀଲଂ ଵା ଯଶ୍ଚୈନଂ ମାନଵଃ ପଠେତ୍ ॥ ୫॥
ସର୍ଵଦୁଃଖଵିନିର୍ମୁକ୍ତସ୍ତ୍ରୈଲୋକ୍ଯଵିଜଯୀ କଵିଃ ।
ମୃତଵନ୍ଧ୍ଯା କାକଵନ୍ଧ୍ଯା କନ୍ଯାଵନ୍ଧ୍ଯା ଚ ଵନ୍ଧ୍ଯକା ॥ ୬॥
ପୁଷ୍ପଵନ୍ଧ୍ଯା ଶୂଲଵନ୍ଧ୍ଯା ଶ୍ରୃଣୁଯାତ୍ ସ୍ତୋତ୍ରମୁତ୍ତମମ୍ ।
ସର୍ଵସିଦ୍ଧିପ୍ରଦାତାରଂ ସତ୍କଵିଂ ଚିରଜୀଵିନମ୍ ॥ ୭॥
ପାଣ୍ଡିତ୍ଯକୀର୍ତିସଂଯୁକ୍ତଂ ଲଭତେ ନାତ୍ର ସଂଶଯଃ ।
ଯଂ ଯଂ କାମମୁପସ୍କୃତ୍ଯ କାଲୀଂ ଧ୍ଯାତ୍ଵା ଜପେତ୍ସ୍ତଵମ୍ ॥ ୮॥
ତଂ ତଂ କାମଂ କରେ କୃତ୍ଵା ମନ୍ତ୍ରୀ ଭଵତି ନାଽନ୍ଯଥା ।
ଯୋନିପୁଷ୍ପୈର୍ଲିଙ୍ଗପୁଷ୍ପୈଃ କୁଣ୍ଡଗୋଲୋଦ୍ଭଵୈରପି ॥ ୯॥
ସଂଯୋଗାମୃତପୁଷ୍ପୈଶ୍ଚ ଵସ୍ତ୍ରଦେଵୀପ୍ରସୂନକୈଃ ।
କାଲିପୁଷ୍ପୈଃ ପୀଠତୋଯୈର୍ଯୋନିକ୍ଷାଲନତୋଯକୈଃ ॥ ୧୦॥
କସ୍ତୂରୀକୁଙ୍କୁମୈର୍ଦେଵୀଂ ନଖକାଲାଗରୁକ୍ରମାତ୍ ।
ଅଷ୍ଟଗନ୍ଧୈର୍ଧୂପଦୀପର୍ଯଵଯାଵକସଂଯୁତୈଃ ॥ ୧୧॥
ରକ୍ତଚନ୍ଦନସିନ୍ଦୂରୈର୍ମତ୍ସ୍ଯମାଂସାଦିଭୂଷଣୈଃ ।
ମଧୁଭିଃ ପାଯସୈଃ କ୍ଷୀରୈଃ ଶୋଧିତୈଃ ଶୋଣିତୈରପି ॥ ୧୨॥
ମହୋପଚାରୈ ରକ୍ତୈଶ୍ଚ ନୈଵେଦ୍ଯୈଃ ସୁରସାନ୍ଵିତୈଃ ।
ପୂଜଯିତ୍ଵା ମହାକାଲୀଂ ମହାକାଲେନ ଲାଲିତାମ୍ ॥ ୧୩॥
ଵିଦ୍ଯାରାଜ୍ଞୀଂ କୁଲ୍ଲୁକାଞ୍ଚ ଜପ୍ତ୍ଵା ସ୍ତୋତ୍ରଂ ଜପେଚ୍ଛିଵେ ।
କାଲୀଭକ୍ତସ୍ତ୍ଵେକଚିତ୍ତଃ ସିନ୍ଦୂରତିଲକାନ୍ଵିତଃ ॥ ୧୪॥
ତାମ୍ବୂଲପୂରିତମୁଖୋ ମୁକ୍ତକେଶୋ ଦିଗମ୍ବରଃ ।
ଶଵଯୋନିସ୍ଥିତୋ ଵୀରଃ ଶ୍ମଶାନସୁରତାନ୍ଵିତଃ ॥ ୧୫॥
ଶୂନ୍ଯାଲଯେ ବିନ୍ଦୁପୀଠେ ପୁଷ୍ପାକୀର୍ଣେ ଶିଵାନନେ ।
ଶଯନୋତ୍ଥପ୍ରଭୁଞ୍ଜାନଃ କାଲୀଦର୍ଶନମାପ୍ନୁଯାତ୍ ॥ ୧୬॥
ତତ୍ର ଯଦ୍ଯତ୍କୃତଂ କର୍ମ ତଦନନ୍ତଫଲଂ ଭଵେତ୍ ।
ଐଶ୍ଵର୍ଯେ କମଲା ସାକ୍ଷାତ୍ ସିଦ୍ଧୌ ଶ୍ରୀକାଲିକାମ୍ବିକା ॥ ୧୭॥
କଵିତ୍ଵେ ତାରିଣୀତୁଲ୍ଯଃ ସୌନ୍ଦର୍ଯେ ସୁନ୍ଦରୀସମଃ ।
ସିନ୍ଧୋର୍ଦ୍ଧାରାସମଃ କାର୍ଯେ ଶ୍ରୁତୌ ଶ୍ରୁତିଧରସ୍ତଥା ॥ ୧୮॥
ଵଜ୍ରାସ୍ତ୍ରମିଵ ଦୁର୍ଦ୍ଧର୍ଷସ୍ତ୍ରୈଲୋକ୍ଯଵିଜଯାସ୍ତ୍ରଭୃତ୍ ।
ଶତ୍ରୁହନ୍ତା କାଵ୍ଯକର୍ତା ଭଵେଚ୍ଛିଵସମଃ କଲୌ ॥ ୧୯॥
ଦିଗ୍ଵିଦିକ୍ଚନ୍ଦ୍ରକର୍ତା ଚ ଦିଵାରାତ୍ରିଵିପର୍ଯ୍ଯଯୀ ।
ମହାଦେଵସମୋ ଯୋଗୀ ତ୍ରୈଲୋକ୍ଯସ୍ତମ୍ଭକଃ କ୍ଷଣାତ୍ ॥ ୨୦॥
ଗାନେନ ତୁମ୍ବୁରୁଃ ସାକ୍ଷାଦ୍ଦାନେ କର୍ଣସମୋ ଭଵେତ୍ ।
ଗଜାଽଶ୍ଵରଥପତ୍ତୀନାମସ୍ତ୍ରାଣାମଧିପଃ କୃତୀ ॥ ୨୧॥
ଆଯୁଷ୍ଯେଷୁ ଭୁଶୁଣ୍ଡୀ ଚ ଜରାପଲିତନାଶକଃ ।
ଵର୍ଷଷୋଡଶଵାନ୍ ଭୂଯାତ୍ ସର୍ଵକାଲେ ମହେଶ୍ଵରୀ ॥ ୨୨॥
ବ୍ରହ୍ମାଣ୍ଡଗୋଲେ ଦେଵେଶି ନ ତସ୍ଯ ଦୁର୍ଲଭଂ କ୍ଵଚିତ୍ ।
ସର୍ଵଂ ହସ୍ତଗତଂ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୨୩॥
କୁଲପୁଷ୍ପଯୁତଂ ଦୃଷ୍ଟ୍ଵା ତତ୍ର କାଲୀଂ ଵିଚିନ୍ତ୍ଯ ଚ ।
ଵିଦ୍ଯାରାଜ୍ଞୀଂ ତୁ ସମ୍ପୂଜ୍ଯ ପଠେନ୍ନାମସହସ୍ରକମ୍ ॥ ୨୪॥
ମନୋରଥମଯୀ ସିଦ୍ଧିସ୍ତସ୍ଯ ହସ୍ତେ ସଦା ଭଵେତ୍ ।
ପରଦାରାନ୍ ସମାଲିଙ୍ଗଯ ସମ୍ପୂଜ୍ଯ ପରମେଶ୍ଵରୀମ୍ ॥ ୨୫॥
ହସ୍ତାହସ୍ତିକଯା ଯୋଗଂ କୃତ୍ଵା ଜପ୍ତ୍ଵା ସ୍ତଵଂ ପଠେତ୍ ।
ଯୋନିଂ ଵୀକ୍ଷ୍ଯ ଜପେତ୍ ସ୍ତୋତ୍ରଂ କୁବେରାଦଧିକୋ ଭଵେତ୍ ॥ ୨୬॥
କୁଣ୍ଡଗୋଲୋଦ୍ଭଵଂ ଗୃହ୍ଯଵର୍ଣାକ୍ତଂ ହୋମଯେନ୍ନିଶି ।
ପିତୃଭୂମୌ ମହେଶାନି ଵିଧିରେଖାଂ ପ୍ରମାର୍ଜଯେତ୍ ॥ ୨୭॥
ତରୁଣୀଂ ସୁନ୍ଦରୀଂ ରମ୍ଯାଂ ଚଞ୍ଚଲାଂ କାମଗର୍ଵିତାମ୍ ।
ସମାନୀଯ ପ୍ରଯତ୍ନେନ ସଂଶୋଧ୍ଯ ନ୍ଯାସଯୋଗତଃ ॥ ୨୮॥
ପ୍ରସୂନମଞ୍ଚେ ସଂସ୍ଥାପ୍ଯ ପୃଥିଵୀଂ ଵଶମାନଯେତ୍ ।
ମୂଲଚକ୍ରଂ ତୁ ସମ୍ଭାଵ୍ଯ ଦେଵ୍ଯାଶ୍ଚରଣସଂଯୁତମ୍ ॥ ୨୯॥
ସମ୍ମୂଜ୍ଯ ପରମେଶାନୀଂ ସଙ୍କଲ୍ପ୍ଯ ତୁ ମହେଶ୍ଵରି ।
ଜପ୍ତ୍ଵା ସ୍ତୁତ୍ଵା ମହେଶାନୀଂ ପ୍ରଣଵଂ ସଂସ୍ମରେଚ୍ଛିଵେ ॥ ୩୦॥
ଅଷ୍ଟୋତ୍ତରଶତୈର୍ଯୋନିଂ ପ୍ରମନ୍ତ୍ର୍ଯାଚୁମ୍ବ୍ଯ ଯତ୍ନତଃ ।
ସଂଯୋଗୀଭୂଯ ଜପ୍ତଵ୍ଯଂ ସର୍ଵଵିଦ୍ଯାଧିପୋ ଭଵେତ୍ ॥ ୩୧॥
ଶୂନ୍ଯାଗାରେ ଶିଵାରଣ୍ଯେ ଶିଵଦେଵାଲଯେ ତଥା ।
ଶୂନ୍ଯଦେଶେ ତଡାଗେ ଚ ଗଙ୍ଗାଗର୍ଭେ ଚତୁଷ୍ପଥେ ॥ ୩୨॥
ଶ୍ମଶାନେ ପର୍ଵତପ୍ରାନ୍ତେ ଏକଲିଙ୍ଗେ ଶିଵାମୁଖେ ।
ମୁଣ୍ଡଯୋନୌ ଋତୌ ସ୍ନାତ୍ଵା ଗେହେ ଵେଶ୍ଯାଗୃହେ ତଥା ॥ ୩୩॥
କୁଟ୍ଟିନୀଗୃହମଧ୍ଯେ ଚ କଦଲୀମଣ୍ଡପେ ତଥା ।
ପଠେତ୍ସହସ୍ରନାମାଖ୍ଯଂ ସ୍ତୋତ୍ରଂ ସର୍ଵାର୍ଥସିଦ୍ଧଯେ ॥ ୩୪॥
ଅରଣ୍ଯେ ଶୂନ୍ଯଗର୍ତେ ଚ ରଣେ ଶତ୍ରୁସମାଗମେ ।
ପ୍ରଜପେଚ୍ଚ ତତୋ ନାମ କାଲ୍ଯାଶ୍ଚୈଵ ସହସ୍ରକମ୍ ॥ ୩୫॥
ବାଲାନନ୍ଦପରୋ ଭୂତ୍ଵା ପଠିତ୍ଵା କାଲିକାସ୍ତଵମ୍ ।
କାଲୀଂ ସଞ୍ଚିନ୍ତ୍ଯ ପ୍ରଜପେତ୍ ପଠେନ୍ନାମସହସ୍ରକମ୍ ॥ ୩୬॥
ସର୍ଵସିଦ୍ଧୀଶ୍ଵରୋ ଭୂଯାଦ୍ଵାଞ୍ଛାସିଦ୍ଧୀଶ୍ଵରୋ ଭଵେତ୍ ।
ମୁଣ୍ଡଚୂଡକଯୋର୍ଯୋନି ତ୍ଵଚି ଵା କୋମଲେ ଶିଵେ ॥ ୩୭॥
ଵିଷ୍ଟରେ ଶଵଵସ୍ତ୍ରେ ଵା ପୁଷ୍ପଵସ୍ତ୍ରାସନେଽପି ଵା ।
ମୁକ୍ତକେଶୋ ଦିଶାଵାସୋ ମୈଥୁନୀ ଶଯନେ ସ୍ଥିତଃ ॥ ୩୮॥
ଜପ୍ତ୍ଵାକାଲୀଂ ପଠେତ୍ ସ୍ତୋତ୍ରଂ ଖେଚରୀସିଦ୍ଧିଭାଗ୍ ଭଵେତ୍ ।
ଚିକୁରଂ ଯୋଗମାସାଦ୍ଯ ଶୁକ୍ରୋତ୍ସାରଣମେଵ ଚ ॥ ୩୯॥
ଜପ୍ତ୍ଵା ଶ୍ରୀଦକ୍ଷିଣାଂ କାଲୀଂ ଶକ୍ତିପାତଶତଂ ଭଵେତ୍ ।
ଲତାଂ ସ୍ପୃଶନ୍ ଜପିତ୍ଵା ଚ ରମିତ୍ଵା ତ୍ଵର୍ଚଯନ୍ନପି ॥ ୪୦॥
ଆହ୍ଲାଦଯନ୍ଦିଗାଵାସଃ ପରଶକ୍ତିଂ ଵିଶେଷତଃ ।
ସ୍ତୁତ୍ଵା ଶ୍ରୀଦକ୍ଷିଣାଂ କାଲୀଂ ଯୋନିଂ ସ୍ଵକରଗାଞ୍ଚରେତ୍ ॥ ୪୧॥
ପଠେନ୍ନାମସହସ୍ରଂ ଯଃ ସ ଶିଵାଦଧିକୋ ଭଵେତ୍ ।
ଲତାନ୍ତରେଷୁ ଜପ୍ତଵ୍ଯଂ ସ୍ତୁତ୍ଵା କାଲୀଂ ନିରାକୁଲଃ ॥ ୪୨॥
ଦଶାଵଧାନୋ ଭଵତି ମାସମାତ୍ରେଣ ସାଧକଃ ।
କାଲରାତ୍ର୍ଯାଂ ମହାରାତ୍ର୍ଯାଂ ଵୀରରାତ୍ର୍ଯାମପି ପ୍ରିଯେ ॥ ୪୩॥
ମହାରାତ୍ର୍ଯାଂ ଚତୁର୍ଦଶ୍ଯାମଷ୍ଟମ୍ଯାଂ ସଂକ୍ରମେଽପି ଵା ।
କୁହୂପୂର୍ଣେନ୍ଦୁଶୁକ୍ରେଷୁ ଭୌମାମାଯାଂ ନିଶାମୁଖେ ॥ ୪୪॥
ନଵମ୍ଯାଂ ମଙ୍ଗଲଦିନେ ତଥା କୁଲତିଥୌ ଶିଵୈ ।
କୁଲକ୍ଷେତ୍ରେ ପ୍ରଯତ୍ନେନ ପଠେନ୍ନାମସହସ୍ରକମ୍ ॥ ୪୫॥
ସୁଦର୍ଶନୋ ଭଵେଦାଶୁ କିନ୍ନରୀସିଦ୍ଧିଭାଗ୍ଭଵେତ୍ ।
ପଶ୍ମିମାଭିମୁଖଂ ଲିଙ୍ଗଂ ଵୃଷଶୂନ୍ଯଂ ପୁରାତନମ୍ ॥ ୪୬॥
ତତ୍ର ସ୍ଥିତ୍ଵା ଜପେତ୍ ସ୍ତୋତ୍ରଂ ସର୍ଵକାମାପ୍ତଯେ ଶିଵେ ।
ଭୌମଵାରେ ନିଶୀଥେ ଵା ଅମାଵସ୍ଯାଦିନେ ଶୁଭେ ॥ ୪୭॥
ମାଷଭକ୍ତବଲିଂ ଛାଗଂ କୃସରାନ୍ନଂ ଚ ପାଯସମ୍ ।
ଦଗ୍ଧମୀନଂ ଶୋଣିତଞ୍ଚ ଦଧି ଦୁଗ୍ଧ ଗୁଡାର୍ଦ୍ରକମ୍ ॥ ୪୮॥
ବଲିଂ ଦତ୍ଵା ଜପେତ୍ ତତ୍ର ତ୍ଵଷ୍ଟୋତ୍ତରସହସ୍ରକମ୍ ।
ଦେଵ-ଗନ୍ଧର୍ଵ-ସିଦ୍ଧୌଧୈଃ ସେଵିତାଂ ସୁରସୁନ୍ଦରୀମ୍ ॥ ୪୯॥
ଲଭେଦ୍ଦେଵେଶି ମାସେନ ତସ୍ଯ ଚାସନ ସଂହତିଃ ।
ହସ୍ତତ୍ରଯଂ ଭଵେଦୂର୍ଧ୍ଵଂ ନାତ୍ର କାର୍ଯା ଵିଚାରଣା ॥ ୫୦॥
ହେଲଯା ଲୀଲଯା ଭକ୍ତ୍ଯା କାଲୀଂ ସ୍ତୌତି ନରସ୍ତୁ ଯଃ ।
ବ୍ରହ୍ମାଦୀଂସ୍ସତମ୍ଭଯେଦ୍ଦେଵି ମାହେଶୀଂ ମୋହଯେତ୍କ୍ଷଣାତ୍ ॥ ୫୧॥
ଆକର୍ଷଯେନ୍ମହାଵିଦ୍ଯାଂ ଦଶପୂର୍ଵାନ୍ ତ୍ରିଯାମତଃ ।
କୁର୍ଵୀତ ଵିଷ୍ଣୁନିର୍ମ୍ମାଣଂ ଯମାଦୀନାଂ ତୁ ମାରଣମ୍ ॥ ୫୨॥
ଧ୍ରୁଵମୁଚ୍ଚାଟଯେନ୍ନୂନଂ ସୃଷ୍ଟିନୂତନତାଂ ନରଃ ।
ମେଷମାହିଷମାର୍ଜାରଖରଚ୍ଛାଗନରାଦିକୈଃ ॥ ୫୩॥
ଖଙ୍ଗିଶୂକରକାପୋତୈଷ୍ଟିଟ୍ଟିଭୈଃ ଶଶକୈଃ ପଲୈଃ ।
ଶୋଣିତୈଃ ସାସ୍ଥିମାଂସୈଶ୍ଚ କାରଣ୍ଡୈର୍ଦୁଗ୍ଧପାଯସୈଃ ॥ ୫୪॥
କାଦମ୍ବରୀସିନ୍ଧୁମଦ୍ଯୈଃ ସୁରାରିଷ୍ଟୈଶ୍ଚ ସାସଵୈଃ ।
ଯୋନିକ୍ଷାଲିତତୋଯୈଶ୍ଚ ଯୋନିଲିଙ୍ଗାମୃତୈରପି ॥ ୫୫॥
ସ୍ଵଜାତକୁସୁମୈଃ ପୂଜ୍ଯା ଜପାନ୍ତେ ତର୍ପଯେଚ୍ଛିଵାମ୍ ।
ସର୍ଵସାମ୍ରାଜ୍ଯନାମ୍ନା ତୁ ସ୍ତୁତ୍ଵା ନତ୍ଵା ସ୍ଵଶକ୍ତିତଃ ॥ ୫୬॥
ଶକ୍ତ୍ଯା ଲଭନ୍ ପଠେତ୍ ସ୍ତୋତ୍ରଂ କାଲୀରୂପୋ ଦିନତ୍ରଯାତ୍ ।
ଦକ୍ଷିଣାକାଲିକା ତସ୍ଯ ଗେହେ ତିଷ୍ଠତି ନାନ୍ଯଥା ॥ ୫୭॥
ଵେଶ୍ଯାଲତାଗୃହେ ଗତ୍ଵା ତସ୍ଯାଶ୍ଚୁମ୍ବନତତ୍ପରଃ ।
ତସ୍ଯା ଯୋନୌ ମୁଖଂ ଦତ୍ଵା ତଦ୍ରସଂ ଵିଲିହଞ୍ଜପେତ୍ ॥ ୫୮॥
ତଦନ୍ତେ ନାମ ସାହସ୍ରଂ ପଠେଦ୍ଭକ୍ତିପରାଯଣଃ ।
କାଲିକାଦର୍ଶନଂ ତସ୍ଯ ଭଵେଦ୍ଦେଵି ତ୍ରିଯାମତଃ ॥ ୫୯॥
ନୃତ୍ଯପାତ୍ରଗୃହେ ଗତ୍ଵା ମକାରପଞ୍ଚକାନ୍ଵିତଃ ।
ପ୍ରସୂନମଞ୍ଚେ ସଂସ୍ଥାପ୍ଯ ଶକ୍ତିନ୍ଯାସପରାଯଣଃ ॥ ୬୦॥
ପାତ୍ରାଣାଂ ସାଧନଂ କୃତ୍ଵା ଦିଗ୍ଵସ୍ତ୍ରାଂ ତାଂ ସମାଚରେତ୍ ।
ସମ୍ଭାଵ୍ଯ ଚକ୍ରଂ ତନ୍ମୂଲେ ତତ୍ର ସାଵରଣାଂ ଜପେତ୍ ॥ ୬୧॥
ଶତଂ ଭାଲେ ଶତଂ କେଶେ ଶତଂ ସିନ୍ଦୂରମଣ୍ଡଲେ ।
ଶତତ୍ରଯଂ କୁଚଦ୍ଵନ୍ଦ୍ଵେ ଶତଂ ନାଭୌ ମହେଶ୍ଵରି ॥ ୬୨॥
ଶତଂ ଯୋନୌ ମହେଶାନି ସଂଯୋଗେ ଚ ଶତତ୍ରଯମ୍ ।
ଜପେତ୍ତତ୍ର ମହେଶାନି ତଦନ୍ତେ ପ୍ରପଠେତ୍ସ୍ତଵମ୍ ॥ ୬୩॥
ଶତାଵଧାନୋ ଭଵତି ମାସମାତ୍ରେଣ ସାଧକଃ ।
ମାତଙ୍ଗିନୀଂ ସମାନୀଯ କିଂ ଵା କାପାଲିନୀଂ ଶିଵେ ॥ ୬୪॥
ଦନ୍ତମାଲା ଜପେ କାର୍ଯା ଗଲେ ଧାର୍ଯା ନୃମୁଣ୍ଡଜା ।
ନେତ୍ରପଦ୍ମେ ଯୋନିଚକ୍ରଂ ଶକ୍ତିଚକ୍ରଂ ସ୍ଵଵକ୍ତ୍ରକେ ॥ ୬୫॥
କୃତ୍ଵା ଜପେନ୍ମହେଶାନି ମୁଣ୍ଡଯନ୍ତ୍ରଂ ପ୍ରପୂଜଯେତ୍ ।
ମୁଣ୍ଡାସନସ୍ଥିତୋ ଵୀରୋ ମକାରପଞ୍ଚକାନ୍ଵିତଃ ॥ ୬୬॥
ଅନ୍ଯାମାଲିଙ୍ଗଯ ପ୍ରଜପେଦନ୍ଯାଂ ସଞ୍ଚୁମ୍ବ୍ଯ ଵୈ ପଠେତ୍ ।
ଅନ୍ଯାଂ ସମ୍ପୂଜଯେତ୍ତତ୍ର ତ୍ଵନ୍ଯାଂ ସମ୍ମର୍ଦ୍ଦଯନ୍ ଜପେତ୍ ॥ ୬୭॥
ଅନ୍ଯଯୋନୌ ଶିଵଂ ଦତ୍ଵା ପୁନଃ ପୂର୍ଵଵଦାଚରେତ୍ ।
ଅଵଧାନସହସ୍ରେଷୁ ଶକ୍ତିପାତଶତେଷୁ ଚ ॥ ୬୮॥
ରାଜା ଭଵତି ଦେଵେଶି ମାସପଞ୍ଚକଯୋଗତଃ ।
ଯଵନୀଶକ୍ତିମାନୀଯ ଗାନଶକ୍ତିପରାଯଣମ୍ ॥ ୬୯॥
କୁଲାଚାରମତେନୈଵ ତସ୍ଯା ଯୋନିଂ ଵିକାସଯେତ୍ ।
ତତ୍ର ପ୍ରଦାଯ ଜିହ୍ଵାଂ ତୁ ଜପେନ୍ନାମସହସ୍ରକମ୍ ॥ ୭୦॥
ନୃକପାଲେ ତତ୍ର ଦୀପଂ ଜପେତ୍ପ୍ରଜ୍ଵାଲ୍ଯ ଯତ୍ନତଃ ।
ମହାକଵିଵରୋ ଭୂଯାନ୍ନାତ୍ର କାର୍ଯା ଵିଚାରଣା ॥ ୭୧॥
କାମାର୍ତାଂ ଶକ୍ତିମାନୀଯ ଯୋନୌ ତୁ ମୂଲଚକ୍ରକମ୍ ।
ଵିଲିଖ୍ଯ ପରମେଶାନି ତତ୍ର ମନ୍ତ୍ରଂ ଲିଖେଚ୍ଛିଵେ ॥ ୭୨॥
ତଲ୍ଲିହନ୍ ପ୍ରଜପେଦ୍ଦେଵି ସର୍ଵଶାସ୍ତ୍ରାର୍ଥତତ୍ଵଵିତ୍ ।
ଅଶ୍ରୁତାନି ଚ ଶାସ୍ତ୍ରାଣି ଵେଦାଦୀନ୍ ପାଠଯେଦ୍ ଧ୍ରୁଵମ୍ ॥ ୭୩॥
ଵିନା ନ୍ଯାସୈର୍ଵିନା ପାଠୈର୍ଵିନାଧ୍ଯାନାଦିଭିଃ ପ୍ରିଯେ ।
ଚତୁର୍ଵେଦାଧିପୋ ଭୂତ୍ଵା ତ୍ରିକାଲଜ୍ଞସ୍ତ୍ରିଵର୍ଷତଃ ॥ ୭୪॥
ଚତୁର୍ଵିଧଂ ଚ ପାଣ୍ଡିତ୍ଯଂ ତସ୍ଯ ହସ୍ତଗତଂ କ୍ଷଣାତ୍ ।
ଶିଵାବଲିଃ ପ୍ରଦାତଵ୍ଯଃ ସର୍ଵଦା ଶୂନ୍ଯମଣ୍ଡଲେ ॥ ୭୫॥
କାଲୀଧ୍ଯାନଂ ମନ୍ତ୍ରର୍ଚିତା ନୀଲସାଧନମେଵ ଚ ।
ସହସ୍ରନାମପାଠଶ୍ଚ କାଲୀନାମପ୍ରକୀର୍ତନମ୍ ॥ ୭୬॥
ଭକ୍ତସ୍ଯ କାର୍ଯମେତାଵଦନ୍ଯଦଭ୍ଯୁଦଯଂ ଵିଦୁଃ ।
ଵୀରସାଧନକଂ କର୍ମ ଶିଵାପୂଜା ବଲିସ୍ତଥା ॥ ୭୭॥
ସିନ୍ଦୂରତିଲକୋ ଦେଵି ଵେଶ୍ଯାଲାପୋ ନିରନ୍ତରମ୍ ।
ଵେଶ୍ଯାଗୃହେ ନିଶାଚାରୋ ରାତ୍ରୌ ପର୍ଯଟନଂ ତଥା ॥ ୭୮॥
ଶକ୍ତିପୂଜା ଯୋନିଦୃଷ୍ଟିଃ ଖଙ୍ଗହସ୍ତୋ ଦିଗମ୍ବରଃ ।
ମୁକ୍ତକେଶୋ ଵୀରଵେଷଃ କୁଲମୂର୍ତିଧରୋ ନରଃ ॥ ୭୯॥
କାଲୀଭକ୍ତୋ ଭଵେଦ୍ଦେଵି ନାନ୍ଯଥା କ୍ଷେମମାପ୍ନୁଯାତ୍ ।
ଦୁଗ୍ଧାସ୍ଵାଦୀ ଯୋନିଲେହୀ ସଂଵିଦାସଵଘୂର୍ଣିତଃ ॥ ୮୦॥
ଵେଶ୍ଯାଲତାସମାଯୋଗାନ୍ମାସାତ୍କଲ୍ପଲତା ସ୍ଵଯମ୍ ।
ଵେଶ୍ଯାଚକ୍ରସମାଯୋଗାତ୍କାଲୀଚକ୍ରସମଃ ସ୍ଵଯମ୍ ॥ ୮୧॥
ଵେଶ୍ଯାଦେହସମାଯୋଗାତ୍ କାଲୀଦେହସମଃ ସ୍ଵଯମ୍ ।
ଵେଶ୍ଯାମଧ୍ଯଗତଂ ଵୀରଂ କଦା ପଶ୍ଯାମି ସାଧକମ୍ ॥ ୮୨॥
ଏଵଂ ଵଦତି ସା କାଲୀ ତସ୍ମାଦ୍ଵେଶ୍ଯା ଵରା ମତା ।
ଵେଶ୍ଯା କନ୍ଯା ତଥା ପୀଠଜାତିଭେଦକୁଲକ୍ରମାତ୍ ॥ ୮୩॥
ଅକୁଲକ୍ରମଭେଦେନ ଜ୍ଞାତ୍ଵା ଚାପି କୁମାରିକାମ୍ ।
କୁମାରୀଂ ପୂଜଯେଦ୍ଭକ୍ତ୍ଯା ଜପାନ୍ତେ ଭଵନେ ପ୍ରିଯେ ॥ ୮୪॥
ପଠେନ୍ନାମସହସ୍ରଂ ଯଃ କାଲୀଦର୍ଶନଭାଗ୍ ଭଵେତ୍ ।
ଭକ୍ତ୍ଯା କୁମାରୀଂ ସମ୍ପୂଜ୍ଯ ଵୈଶ୍ଯାକୁଲ ସମୁଦ୍ଭଵାମ୍ ॥ ୮୫॥
ଵସ୍ତ୍ର ହେମାଦିଭିସ୍ତୋଷ୍ଯା ଯତ୍ନାତ୍ସ୍ତୋତ୍ରଂ ପଠେଚ୍ଛିଵେ ।
ତ୍ରୈଲୋକ୍ଯ ଵିଜଯୀ ଭୂଯାଦ୍ଦିଵା ଚନ୍ଦ୍ରପ୍ରକାଶକଃ ॥ ୮୬॥
ଯଦ୍ଯଦ୍ଦତ୍ତଂ କୁମାର୍ଯୈ ତୁ ତଦନନ୍ତଫଲଂ ଭଵେତ୍ ।
କୁମାରୀପୂଜନଫଲଂ ମଯା ଵକ୍ତୁଂ ନ ଶକ୍ଯତେ ॥ ୮୭॥
ଚାଞ୍ଚଲ୍ଯାଦ୍ଦୁରିତଂ କିଞ୍ଚିତ୍କ୍ଷମ୍ଯତାମଯମଞ୍ଜଲିଃ ।
ଏକା ଚେତ୍ପୂଜିତା ବାଲା ଦ୍ଵିତୀଯା ପୂଜିତା ଭଵେତ୍ ॥ ୮୮॥
କୁମାର୍ଯଃ ଶକ୍ତଯଶ୍ଚୈଵ ସର୍ଵମେତଚରାଚରମ୍ ।
ଶକ୍ତିମାନୀଯ ତଦ୍ଗାତ୍ରେ ନ୍ଯାସଜାଲଂ ପ୍ରଵିନ୍ଯସେତ୍ ॥ ୮୯॥
ଵାମଭାଗେ ଚ ସଂସ୍ଥାପ୍ଯ ଜପେନ୍ନାମସହସ୍ରକମ୍ ।
ସର୍ଵସିଦ୍ଧୀଶ୍ଵରୋ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୯୦॥
ଶ୍ମଶାନସ୍ଥୋ ଭଵେତ୍ସ୍ଵସ୍ଥୋ ଗଲିତଂ ଚିକୁରଂ ଚରେତ୍ ।
ଦିଗମ୍ବରଃ ସହସ୍ରଂ ଚ ସୂର୍ଯପୁଷ୍ପଂ ସମାନଯେତ୍ ॥ ୯୧॥
ସ୍ଵଵୀର୍ଯେଣ ପ୍ଲୁତଂ କୃତ୍ଵା ପ୍ରତ୍ଯେକଂ ପ୍ରଜପନ୍ ହୁନେତ୍ ।
ପୂଜ୍ଯ ଧ୍ଯାତ୍ଵା ମହାଭକ୍ତ୍ଯା କ୍ଷମାପାଲୋ ନରଃ ପଠେତ୍ ॥ ୯୨॥
ନଖଂ କେଶଂ ସ୍ଵଵୀର୍ଯଂ ଚ ଯଦ୍ଯତ୍ସମ୍ମାର୍ଜନୀଗତମ୍ ।
ମୁକ୍ତକେଶୋ ଦିଶାଵାସୋ ମୂଲମନ୍ତ୍ରପୁରଃସରଃ ॥ ୯୩॥
କୁଜଵାରେ ମଧ୍ଯରାତ୍ରେ ହୋମଂ କୃତ୍ଵା ଶ୍ମଶାନକେ ।
ପଠେନ୍ନାମସହସ୍ରଂ ଯଃ ପୃଥ୍ଵୀଶାକର୍ଷକୋ ଭଵେତ୍ ॥ ୯୪॥
ପୁଷ୍ପଯୁକ୍ତେ ଭଗେ ଦେଵି ସଂଯୋଗାନନ୍ଦତତ୍ପରଃ ।
ପୁନଶ୍ଚିକୁରମାସାଦ୍ଯ ମୂଲମନ୍ତ୍ରଂ ଜପନ୍ ଶିଵେ ॥ ୯୫॥
ଚିତାଵହ୍ନୌ ମଧ୍ଯରାତ୍ରେ ଵୀର୍ଯମୁତ୍ସାର୍ଯ ଯତ୍ନତଃ ।
କାଲିକାଂ ପୂଜଯେତ୍ତତ୍ର ପଠେନ୍ନାମ ସହସ୍ରକମ୍ ॥ ୯୬॥
ପୃଥ୍ଵୀଶାକର୍ଷଣଂ କୁର୍ଯାନ୍ନାତ୍ର କାର୍ଯା ଵିଚାରଣା ।
କଦଲୀ ଵନମାସାଦ୍ଯ ଲକ୍ଷମନ୍ତ୍ରଂ ଜପେନ୍ନରଃ ॥ ୯୭॥
ମଧୁମତ୍ଯା ସ୍ଵଯଂ ଦେଵ୍ଯା ସେଵ୍ଯମାନଃ ସ୍ମରୋପମଃ ।
ଶ୍ରୀମଧୁମତୀତ୍ଯୁକ୍ତ୍ଵା ତଥା ସ୍ଥାଵରଜଙ୍ଗମାନ୍ ॥ ୯୮॥
ଆକର୍ଷିଣୀଂ ସମୁଚ୍ଚାର୍ଯ ଠଂଠଂ ସ୍ଵାହା ସମୁଚ୍ଚରେତ୍ ।
ତ୍ରୈଲୋକ୍ଯାକର୍ଷିଣୀ ଵିଦ୍ଯା ତସ୍ଯ ହସ୍ତେ ସଦା ଭଵେତ୍ ॥ ୯୯॥
ନଦୀଂ ପୁରୀଂ ଚ ରତ୍ନାନି ହେମସ୍ତ୍ରୀଶୈଲଭୂରୁହାନ୍ ।
ଆକର୍ଷଯତ୍ଯମ୍ବୁନିଧିଂ ସୁମେରୁଂ ଚ ଦିଗନ୍ତତଃ ॥ ୧୦୦॥
ଅଲଭ୍ଯାନି ଚ ଵସ୍ତୂନି ଦୂରାଦ୍ଭୂମିତଲାଦପି ।
ଵୃତ୍ତାନ୍ତଂ ଚ ସୁରସ୍ଥାନାଦ୍ରହସ୍ଯେ ଵିଦୁଷାମପି ॥ ୧୦୧॥
ରାଜ୍ଞାଂ ଚ କଥଯତ୍ଯେଷା ସତ୍ଯଂ ସତ୍ଵରମାଦିଶେତ୍ ।
ଦ୍ଵିତୀଯଵର୍ଷପାଠେନ ଭଵେତ୍ପଦ୍ମାଵତୀ ଶୁଭା ॥ ୧୦୨॥
ଓଂ ହ୍ରୀଂପଦ୍ମାଵତି ପଦଂ ତତସ୍ତ୍ରୈଲୋକ୍ଯନାମ ଚ ।
ଵାର୍ତାଂ ଚ କଥଯ ଦ୍ଵନ୍ଦ୍ଵଂ ସ୍ଵାହାନ୍ତୋ ମନ୍ତ୍ର ଈରିତଃ ॥ ୧୦୩॥
ବ୍ରହ୍ମଵିଷ୍ଣ୍ଵାଦିକାନାଂ ଚ ତ୍ରୈଲୋକ୍ଯେ ଯାଦୃଶୀ ଭଵେତ୍ ।
ସର୍ଵ ଵଦତି ଦେଵେଶୀ ତ୍ରିକାଲଜ୍ଞଃ କଵିଶ୍ଶୁଭଃ ॥ ୧୦୪॥
ତ୍ରିଵର୍ଷଂ ସମ୍ପଠନ୍ଦେଵି ଲଭେଦ୍ଭୋଗଵତୀଂ କଲାମ୍ ।
ମହାକାଲେନ ଦୃଷ୍ଟୋଽପି ଚିତାମଧ୍ଯଗତୋଽପି ଵା ॥ ୧୦୫॥
ତସ୍ଯା ଦର୍ଶନମାତ୍ରେଣ ଚିରଞ୍ଜୀଵୀ ନରୋ ଭଵେତ୍ ।
ମୃତସଞ୍ଜୀଵିନୀତ୍ଯୁକ୍ତ୍ଵା ମୃତମୁତ୍ଥାପଯ ଦ୍ଵଯମ୍ ॥ ୧୦୬॥
ସ୍ଵାହାନ୍ତୋ ମନୁରାଖ୍ଯାତୋ ମୃତସଞ୍ଜୀଵନାତ୍ମକଃ ।
ଚତୁର୍ଵର୍ଷଂ ପଠେଦ୍ଯସ୍ତୁ ସ୍ଵପ୍ନସିଦ୍ଧିସ୍ତତୋ ଭଵେତ୍ ॥ ୧୦୭॥
ଓଂ ହ୍ରୀଂ ସ୍ଵପ୍ନଵାରାହି କାଲିସ୍ଵପ୍ନେ କଥଯୋଚ୍ଚରେତ୍ ।
ଅମୁକସ୍ଯାଽମୁକଂ ଦେହି କ୍ଲୀଂ ସ୍ଵାହାନ୍ତୋ ମନୁର୍ମତଃ ॥ ୧୦୮॥
ସ୍ଵପ୍ନସିଦ୍ଧା ଚତୁର୍ଵର୍ଷାତ୍ତସ୍ଯ ସ୍ଵପ୍ନେ ସଦା ସ୍ଥିତା ।
ଚତୁର୍ଵର୍ଷସ୍ଯ ପାଠେନ ଚତୁର୍ଵେଦାଧିପୋ ଭଵେତ୍ ॥ ୧୦୯॥
ତଦ୍ଧସ୍ତଜଲସଂଯୋଗାନ୍ମୂର୍ଖଃ କାଵ୍ଯଂ କରୋତି ଚ ।
ତସ୍ଯ ଵାକ୍ଯପରିଚଯାନ୍ମୂର୍ତିର୍ଵିନ୍ଦତି କାଵ୍ଯତାମ୍ ॥ ୧୧୦॥
ମସ୍ତକେ ତୁ କରଂ କୃତ୍ଵା ଵଦ ଵାଣୀମିତି ବ୍ରୁଵନ୍ ।
ସାଧକୋ ଵାଞ୍ଛଯା କୁର୍ଯାତ୍ତତ୍ତଥୈଵ ଭଵିଷ୍ଯତି ॥ ୧୧୧॥
ବ୍ରହ୍ମାଣ୍ଡଗୋଲକେ ଯାଶ୍ଚ ଯାଃ କାଶ୍ଚିଜ୍ଜଗତୀତଲେ ।
ସମସ୍ତାଃ ସିଦ୍ଧଯୋ ଦେଵି କରାମଲକଵତ୍ସଦା ॥ ୧୧୨॥
ସାଧକସ୍ମୃତିମାତ୍ରେଣ ଯାଵନ୍ତ୍ଯଃ ସନ୍ତି ସିଦ୍ଧଯଃ ।
ସ୍ଵଯମାଯାନ୍ତି ପୁରତୋ ଜପାଦୀନାଂ ତୁ କା କଥା ॥ ୧୧୩॥
ଵିଦେଶଵର୍ତିନୋ ଭୂତ୍ଵା ଵର୍ତନ୍ତେ ଚେଟକା ଇଵ ।
ଅମାଯାଂ ଚନ୍ଦ୍ରସନ୍ଦର୍ଶଶ୍ଚନ୍ଦ୍ରଗ୍ରହଣମେଵ ଚ ॥ ୧୧୪॥
ଅଷ୍ଟମ୍ଯାଂ ପୂର୍ଣଚନ୍ଦ୍ରତ୍ଵଂ ଚନ୍ଦ୍ରସୂର୍ଯାଷ୍ଟକଂ ତଥା ।
ଅଷ୍ଟଦିକ୍ଷୁ ତଥାଷ୍ଟୌ ଚ କରୋତ୍ଯେଵ ମହେଶ୍ଵରି ॥ ୧୧୫॥
ଅଣିମା ଖେଚରତ୍ଵଂ ଚ ଚରାଚରପୁରୀଗତମ୍ ।
ପାଦୁକାଖଙ୍ଗଵେତାଲଯକ୍ଷିଣୀଗୁହ୍ଯକାଦଯଃ ॥ ୧୧୬॥
ତିଲକୋଗୁପ୍ତତାଦୃଶ୍ଯଂ ଚରାଚରକଥାନକମ୍ ।
ମୃତସଞ୍ଜୀଵିନୀସିଦ୍ଧିର୍ଗୁଟିକା ଚ ରସାଯନମ୍ ॥ ୧୧୭॥
ଉଡ୍ଡୀନସିଦ୍ଧିର୍ଦେଵେଶି ଷଷ୍ଟିସିଦ୍ଧୀଶ୍ଵରତ୍ଵକମ୍ ।
ତସ୍ଯ ହସ୍ତେ ଵସେଦ୍ଦେଵି ନାତ୍ର କାର୍ଯା ଵିଚାରଣା ॥ ୧୧୮॥
କେତୌ ଵା ଦୁନ୍ଦୁଭୌ ଵସ୍ତ୍ରେ ଵିତାନେ ଵେଷ୍ଟନେଗୃହେ ।
ଭିତ୍ତୌ ଚ ଫଲକେ ଦେଵି ଲେଖ୍ଯଂ ପୂଜ୍ଯଂ ଚ ଯତ୍ନତଃ ॥ ୧୧୯॥
ମଧ୍ଯେ ଚକ୍ରଂ ଦଶାଙ୍ଗୋକ୍ତଂ ପରିତୋ ନାମଲେଖନମ୍ ।
ତଦ୍ଧାରଣାନ୍ମହେଶାନି ତ୍ରୈଲୋକ୍ଯଵିଜଯୀ ଭଵେତ୍ ॥ ୧୨୦॥
ଏକୋ ହି ଶତସାହସ୍ରଂ ନିର୍ଜିତ୍ଯ ଚ ରଣାଙ୍ଗଣେ ।
ପୁନରାଯାତି ଚ ସୁଖଂ ସ୍ଵଗୃହଂ ପ୍ରତି ପାର୍ଵତୀ ॥ ୧୨୧॥
ଏକୋ ହି ଶତସନ୍ଦର୍ଶୀ ଲୋକାନାଂ ଭଵତି ଧ୍ରୁଵମ୍ ।
କଲଶଂ ସ୍ଥାପ୍ଯ ଯତ୍ନେନ ନାମସାହସ୍ରକଂ ପଠେତ୍ ॥ ୧୨୨॥
ସେକଃ କାର୍ଯୋ ମହେଶାନି ସର୍ଵାପତ୍ତିନିଵାରଣେ ।
ଭୂତପ୍ରେତଗ୍ରହାଦୀନାଂ ରାକ୍ଷସାଂ ବ୍ରହ୍ମରାକ୍ଷସାମ୍ ॥ ୧୨୩॥
ଵେତାଲାନାଂ ଭୈରଵାଣାଂ ସ୍କନ୍ଦଵୈନାଯକାଦିକାନ୍ ।
ନାଶଯେତ୍ କ୍ଷଣମାତ୍ରେଣ ନାତ୍ର କାର୍ଯା ଵିଚାରଣା ॥ ୧୨୪॥
ଭସ୍ମଭିର୍ମନ୍ତ୍ରିତଂ କୃତ୍ଵା ଗ୍ରହଗ୍ରସ୍ତଂ ଵିଲେପଯେତ୍ ।
ଭସ୍ମସଂକ୍ଷେପଣାଦେଵ ସର୍ଵଗ୍ରହଵିନାଶନମ୍ ॥ ୧୨୫॥
ନଵନୀତଂ ଚାଭିମନ୍ତ୍ର୍ଯ ସ୍ତ୍ରୀଭ୍ଯୋ ଦଦ୍ଯାନ୍ମହେଶ୍ଵରି ।
ଵନ୍ଧ୍ଯା ପୁତ୍ରପ୍ରଦାଂ ଦେଵି ନାତ୍ର କାର୍ଯା ଵିଚାରଣା ॥ ୧୨୬॥
କଣ୍ଠେ ଵା ଵାମବାହୌ ଵା ଯୋନୌ ଵା ଧାରଣାଚ୍ଛିଵେ ।
ବହୁପୁତ୍ରଵତୀ ନାରୀ ସୁଭଗା ଜାଯତେ ଧ୍ରୁଵମ୍ ॥ ୧୨୭॥
ପୁରୁଷୋ ଦକ୍ଷିଣାଙ୍ଗେ ତୁ ଧାରଯେତ୍ସର୍ଵସିଦ୍ଧଯେ ।
ବଲଵାନ୍କୀର୍ତିମାନ ଧନ୍ଯୋଧାର୍ମିକଃ ସାଧକଃ କୃତୀ ॥ ୧୨୮॥
ବହୁପୁତ୍ରୀ ରଥାନାଂ ଚ ଗଜାନାମଧିପଃ ସୁଧୀଃ ।
କାମିନୀକର୍ଷଣୋଦ୍ଯୁକ୍ତଃ କ୍ରୀଂ ଚ ଦକ୍ଷିଣକାଲିକେ ॥ ୧୨୯॥
କ୍ରୀଂ ସ୍ଵାହା ପ୍ରଜପେନ୍ମନ୍ତ୍ରମଯୁତଂ ନାମପାଠକଃ ।
ଆକର୍ଷଣଂ ଚରେଦ୍ଦେଵି ଜଲଖେଚରଭୂଗତାନ୍ ॥ ୧୩୦॥
ଵଶୀକରଣକାମୋ ହି ହୂଁ ହୂଁ ହ୍ରୀଂ ହ୍ରୀଂ ଚ ଦକ୍ଷିଣେ ।
କାଲିକେ ପୂର୍ଵବୀଜାନି ପୂର୍ଵଵତ୍ପ୍ରଜପନ୍ ପଠେତ୍ ॥ ୧୩୧॥
ଉର୍ଵଶୀମପି ଵସଯେନ୍ନାତ୍ର କାର୍ଯା ଵିଚାରଣା ।
କ୍ରୀଂ ଚ ଦକ୍ଷିଣକାଲିକେ ସ୍ଵାହା ଯୁକ୍ତଂ ଜପେନ୍ନରଃ ॥ ୧୩୨॥
ପଠେନ୍ନାମସହସ୍ରଂ ତୁ ତ୍ରୈଲୋକ୍ଯଂ ମାରଯେଦ୍ଧ୍ରୁଵମ୍ ।
ସଦ୍ଭକ୍ତାଯ ପ୍ରଦାତଵ୍ଯା ଵିଦ୍ଯା ରାଜ୍ଞି ଶୁଭେ ଦିନେ ॥ ୧୩୩॥
ସଦ୍ଵିନୀତାଯ ଶାନ୍ତାଯ ଦାନ୍ତାଯାତିଗୁଣାଯ ଚ ।
ଭକ୍ତାଯ ଜ୍ଯେଷ୍ଠପୁତ୍ରାଯ ଗୁରୁଭକ୍ତିପରାଯ ଚ ॥ ୧୩୪॥
ଵୈଷ୍ଣଵାଯ ପ୍ରଶୁଦ୍ଧାଯ ଶିଵାବଲିରତାଯ ଚ ।
ଵେଶ୍ଯାପୂଜନଯୁକ୍ତାଯ କୁମାରୀପୂଜକାଯ ଚ ॥ ୧୩୫॥
ଦୁର୍ଗାଭକ୍ତାଯ ରୌଦ୍ରାଯ ମହାକାଲପ୍ରଜାପିନେ ।
ଅଦ୍ଵୈତଭାଵଯୁକ୍ତାଯ କାଲୀଭକ୍ତିପରାଯ ଚ ॥ ୧୩୬॥
ଦେଯଂ ସହସ୍ରନାମାଖ୍ଯଂ ସ୍ଵଯଂ କାଲ୍ଯା ପ୍ରକାଶିତମ୍ ।
ଗୁରୁଦୈଵତମନ୍ତ୍ରାଣାଂ ମହେଶସ୍ଯାପି ପାର୍ଵତି ॥ ୧୩୭॥
ଅଭେଦେନ ସ୍ମରେନ୍ମନ୍ତ୍ରଂ ସ ଶିଵଃ ସ ଗଣାଧିପଃ ।
ଯୋ ମନ୍ତ୍ରଂ ଭାଵଯେନ୍ମନ୍ତ୍ରୀ ସ ଶିଵୋ ନାତ୍ର ସଂଶଯଃ ॥ ୧୩୮॥
ସ ଶାକ୍ତୋ ଵୈଷ୍ଣଵସ୍ସୌରଃ ସ ଏଵଂ ପୂର୍ଣଦୀକ୍ଷିତଃ ।
ଅଯୋଗ୍ଯାଯ ନ ଦାତଵ୍ଯଂ ସିଦ୍ଧିରୋଧଃ ପ୍ରଜାଯତେ ॥ ୧୩୯॥
ଵେଶ୍ଯାସ୍ତ୍ରୀନିନ୍ଦକାଯାଥ ସୁରାସଂଵିତ୍ପ୍ରନିନ୍ଦକେ ।
ସୁରାମୁଖୋ ମନୁଂ ସ୍ମୃତ୍ଵା ସୁରାଚାର୍ଯୋ ଭଵିଷ୍ଯତି ॥ ୧୪୦॥
ଵାଗ୍ଦେଵତା ଘୋରେ ଆସାପରଘାରେ ଚ ହୂଁ ଵଦେତ୍ ।
ଘୋରରୂପେ ମହାଘୋରେ ମୁଖୀଭୀମପଦଂ ଵଦେତ୍ ॥ ୧୪୧॥
ଭୀଷଣ୍ଯମୁଷ୍ଯଷଷ୍ଠ୍ଯନ୍ତଂ ହେତୁର୍ଵାମଯୁଗେ ଶିଵେ ।
ଶିଵଵହ୍ନିଯୁଗାସ୍ତ୍ରଂ ହୂଁ ହୂଁ କଵଚମନୁର୍ଭଵେତ୍ ॥ ୧୪୨॥
ଏତସ୍ଯ ସ୍ମରଣାଦେଵ ଦୁଷ୍ଟାନାଂ ଚ ମୁଖେ ସୁରା ।
ଅଵତୀର୍ଣା ଭଵଦ୍ଦେଵି ଦୁଷ୍ଟାନାଂ ଭଦ୍ରନାଶିନୀ ॥ ୧୪୩॥
ଖଲାଯ ପରତନ୍ତ୍ରାଯ ପରନିନ୍ଦାପରାଯ ଚ ।
ଭ୍ରଷ୍ଟାଯ ଦୁଷ୍ଟସତ୍ଵାଯ ପରଵାଦରତାଯ ଚ ॥ ୧୪୪॥
ଶିଵାଭକ୍ତାଯ ଦୁଷ୍ଟାଯ ପରଦାରରତାଯ ଚ ।
ନ ସ୍ତୋତ୍ରଂ ଦର୍ଶଯେଦ୍ଦେଵି ଶିଵହତ୍ଯାକରୋ ଭଵେତ୍ ॥ ୧୪୫॥
କାଲିକାନନ୍ଦହୃଦଯଃ କାଲିକାଭକ୍ତିମାନସଃ ।
କାଲୀଭକ୍ତୋ ଭଵେତ୍ସୋଽଯଂ ଧନ୍ଯରୂପଃ ସ ଏଵ ତୁ ॥ ୧୪୬॥
କଲୌ କାଲୀ କଲୌ କାଲୀ କଲୌ କାଲୀ ଵରପ୍ରଦା ।
କଲୌ କାଲୀ କଲୌ କାଲୀ କଲୌ କାଲୀ ତୁ କେଵଲା ॥ ୧୪୭॥
ବିଲ୍ଵପତ୍ରସହସ୍ରାଣି କରଵୀରାଣି ଵୈ ତଥା ।
ପ୍ରତିନାମ୍ନା ପୂଜଯେଦ୍ଧି ତେନ କାଲୀ ଵରପ୍ରଦା ॥ ୧୪୮॥
କମଲାନାଂ ସହସ୍ରଂ ତୁ ପ୍ରତିନାମ୍ନା ସମର୍ପଯେତ୍ ।
ଚକ୍ରଂ ସମ୍ପୂଜ୍ଯ ଦେଵେଶି କାଲିକାଵରମାପ୍ନୁଯାତ୍ ॥ ୧୪୯॥
ମନ୍ତ୍ରକ୍ଷୋଭଯୁତୋ ନୈଵ କଲଶସ୍ଥଜଲେନ ଚ ।
ନାମ୍ନା ପ୍ରସେଚଯେଦ୍ଦେଵି ସର୍ଵକ୍ଷୋଭଵିନାଶକୃତ୍ ॥ ୧୫୦॥
ତଥା ଦମନକଂ ଦେଵି ସହସ୍ରମାହରେଦ୍ଵ୍ରତୀ ।
ସହସ୍ରନାମ୍ନା ସମ୍ପୂଜ୍ଯ କାଲୀଵରମଵାପ୍ନୁଯାତ୍ ॥ ୧୫୧॥
ଚକ୍ରଂ ଵିଲିଖ୍ଯ ଦେହସ୍ଥଂ ଧାରଯେତ୍କାଲିକାତନୁଃ ।
କାଲ୍ଯୈ ନିଵେଦିତଂ ଯଦ୍ଯତ୍ତଦଂଶଂ ଭକ୍ଷଯେଚ୍ଛିଵେ ॥ ୧୫୨॥
ଦିଵ୍ଯଦେହଧରୋ ଭୂତ୍ଵା କାଲୀଦେହେ ସ୍ଥିତୋ ଭଵେତ୍ ।
ନୈଵେଦ୍ଯନିନ୍ଦକାନ୍ ଦୁଷ୍ଟାନ୍ ଦୃଷ୍ଟ୍ଵା ନୃତ୍ଯନ୍ତି ଭୈରଵା ॥ ୧୫୩॥
ଯୋଗିନ୍ଯଶ୍ଚ ମହାଵୀରା ରକ୍ତପାନୋଦ୍ଯତାଃ ପ୍ରିଯେ ।
ମାଂସାସ୍ଥିଚର୍ମଣୋଦ୍ଯୁକ୍ତା ଭକ୍ଷଯନ୍ତି ନ ସଂଶଯଃ ॥ ୧୫୪॥
ତସ୍ମାନ୍ନ ନିନ୍ଦଯେଦ୍ଦେଵି ମନସା କର୍ମଣା ଗିରା ।
ଅନ୍ଯଥା କୁରୁତେ ଯସ୍ତୁ ତସ୍ଯ ନାଶୋ ଭଵିଷ୍ଯତି ॥ ୧୫୫॥
କ୍ରମଦୀକ୍ଷାଯୁତାନାଂ ଚ ସିଦ୍ଧିର୍ଭଵତି ନାନ୍ଯଥା ।
ମନ୍ତ୍ରକ୍ଷୋଭଶ୍ଚ ଵା ଭୂଯାତ୍ କ୍ଷୀଣାଯୁର୍ଵା ଭଵେଦ୍ଧ୍ରୁଵମ୍ ॥ ୧୫୬॥
ପୁତ୍ରହାରୀ ସ୍ତ୍ରିଯୋହାରୀ ରାଜ୍ଯହାରୀ ଭଵେଦ୍ଧ୍ରୁଵମ୍ ।
କ୍ରମଦୀକ୍ଷାଯୁତୋ ଦେଵି କ୍ରମାଦ୍ରାଜ୍ଯମଵାପ୍ନୁଯାତ୍ ॥ ୧୫୭॥
ଏକଵାରଂ ପଠେଦ୍ଦେଵି ସର୍ଵପାପଵିନାଶନମ୍ ।
ଦ୍ଵିଵାରଂ ଚ ପଠେଦ୍ଯୋ ହି ଵାଞ୍ଛାଂ ଵିନ୍ଦତି ନିତ୍ଯଶଃ ॥ ୧୫୮॥
ତ୍ରିଵାରଂ ଚ ପଠେଦ୍ଯସ୍ତୁ ଵାଗୀଶସମତାଂ ଵ୍ରଜେତ୍ ।
ଚତୁର୍ଵାରଂ ପଠେଦ୍ଦେଵି ଚତୁର୍ଵର୍ଣାଧିପୋ ଭଵେତ୍ ॥ ୧୫୯॥
ପଞ୍ଚଵାରଂ ପଠେଦ୍ଦେଵି ପଞ୍ଚକାମାଧିପୋ ଭଵେତ୍ ।
ଷଡ୍ଵାରଂ ଚ ପଠେଦ୍ଦେଵି ଷଡୈଶ୍ଵର୍ଯାଧିପୋ ଭଵେତ୍ ॥ ୧୬୦॥
ସପ୍ତଵାରଂ ପଠେତ୍ସପ୍ତକାମନାଂ ଚିନ୍ତିତଂ ଲଭେତ୍ ।
ଵସୁଵାରଂ ପଠେଦ୍ଦେଵି ଦିଗୀଶୋ ଭଵତି ଧ୍ରୁଵମ୍ ॥ ୧୬୧॥
ନଵଵାରଂ ପଠେଦ୍ଦେଵି ନଵନାଥସମୋ ଭଵେତ୍ ।
ଦଶଵାରଂ କୀର୍ତ୍ତଯେଦ୍ଯୋ ଦଶାର୍ହଃ ଖେଚରେଶ୍ଵରଃ ॥ ୧୬୨॥
ଵିଂଶତିଵାରଂ କୀର୍ତଯେଦ୍ଯଃ ସର୍ଵୈଶ୍ଵର୍ଯମଯୋ ଭଵେତ୍ ।
ପଞ୍ଚଵିଂଶତିଵାରୈସ୍ତୁ ସର୍ଵଚିନ୍ତାଵିନାଶକଃ ॥ ୧୬୩॥
ପଞ୍ଚାଶଦ୍ଵାରମାଵର୍ତ୍ଯ ପଞ୍ଚଭୂତେଶ୍ଵରୋ ଭଵେତ୍ ।
ଶତଵାରଂ କୀର୍ତ୍ତଯେଦ୍ଯଃ ଶତାନନସମାନଧୀଃ ॥ ୧୬୪॥
ଶତପଞ୍ଚକମାଵର୍ତ୍ଯ ରାଜରାଜେଶ୍ଵରୋ ଭଵେତ୍ ।
ସହସ୍ରାଵର୍ତନାଦ୍ଦେଵି ଲକ୍ଷ୍ମୀରାଵୃଣୁତେ ସ୍ଵଯମ୍ ॥ ୧୬୫॥
ତ୍ରିସହସ୍ରଂ ସମାଵର୍ତ୍ଯ ତ୍ରିନେତ୍ରସଦୃଶୋ ଭଵେତ୍ ।
ପଞ୍ଚ ସାହସ୍ରମାଵର୍ତ୍ଯ କାମକୋଟି ଵିମୋହନଃ ॥ ୧୬୬॥
ଦଶସାହସ୍ରମାଵର୍ତ୍ଯ ଭଵେଦ୍ଦଶମୁଖେଶ୍ଵରଃ ।
ପଞ୍ଚଵିଂଶତିସାହସ୍ରୈ ଚ ଚତୁର୍ଵିଂଶତିସିଦ୍ଧିଧୃକ୍ ॥ ୧୬୭॥
ଲକ୍ଷାଵର୍ତନମାତ୍ରେଣ ଲକ୍ଷ୍ମୀପତିସମୋ ଭଵେତ୍ ।
ଲକ୍ଷତ୍ରଯାଵର୍ତ୍ତନାତ୍ତୁ ମହାଦେଵଂ ଵିଜେଷ୍ଯତି ॥ ୧୬୮॥
ଲକ୍ଷପଞ୍ଚକମାଵର୍ତ୍ଯ କଲାପଞ୍ଚକସଂଯୁତଃ ।
ଦଶଲକ୍ଷାଵର୍ତ୍ତନାତ୍ତୁ ଦଶଵିଦ୍ଯାପ୍ତିରୁତ୍ତମା ॥ ୧୬୯॥
ପଞ୍ଚଵିଂଶତିଲକ୍ଷୈସ୍ତୁ ଦଶଵିଦ୍ଯେଶ୍ଵରୋ ଭଵେତ୍ ।
ପଞ୍ଚାଶଲ୍ଲକ୍ଷମାଵୃତ୍ଯ ମହାକାଲସମୋ ଭଵେତ୍ ॥ ୧୭୦॥
କୋଟିମାଵର୍ତ୍ତଯେଦ୍ଯସ୍ତୁ କାଲୀଂ ପଶ୍ଯତି ଚକ୍ଷୁଷା ।
ଵରଦାନୋଦ୍ଯୁକ୍ତକରାଂ ମହାକାଲସମନ୍ଵିତାମ୍ ॥ ୧୭୧॥
ପ୍ରତ୍ଯକ୍ଷଂ ପଶ୍ଯତି ଶିଵେ ତସ୍ଯା ଦେହୋ ଭଵେଦ୍ଧ୍ରୁଵମ୍ ।
ଶ୍ରୀଵିଦ୍ଯାକାଲିକାତାରାତ୍ରିଶକ୍ତିଵିଜଯୀ ଭଵେତ୍ ॥ ୧୭୨॥
ଵିଧେର୍ଲିପିଂ ଚ ସମ୍ମାର୍ଜ୍ଯ କିଙ୍କରତ୍ଵଂ ଵିସୃଜ୍ଯ ଚ ।
ମହାରାଜ୍ଯମଵାପ୍ନୋତି ନାତ୍ର କାର୍ଯା ଵିଚାରଣା ॥ ୧୭୩॥
ତ୍ରିଶକ୍ତିଵିଷଯେ ଦେଵିକ୍ରମଦୀକ୍ଷା ପ୍ରକୀର୍ତିତା ।
କ୍ରମଦୀକ୍ଷାଯୁତୋ ଦେଵି ରାଜା ଭଵତି ନିଶ୍ଚିତମ୍ ॥ ୧୭୪॥
କ୍ରମଦୀକ୍ଷାଵିହୀନସ୍ଯ ଫଲଂ ପୂର୍ଵମିହେରିତମ୍ ।
କ୍ରମଦୀକ୍ଷାଯୁତୋ ଦେଵି ଶିଵ ଏଵ ନ ଚାପରଃ ॥ ୧୭୫॥
କ୍ରମଦୀକ୍ଷାସମାଯୁକ୍ତଃ କାଲ୍ଯୁକ୍ତସିଦ୍ଧିଭାଗ୍ଭଵେତ୍ ।
କ୍ରମଦୀକ୍ଷାଵିହୀନସ୍ଯ ସିଦ୍ଧିହାନିଃ ପଦେ ପଦେ ॥ ୧୭୬॥
ଅହୋ ଜନ୍ମଵତାଂ ମଧ୍ଯେ ଧନ୍ଯଃ କ୍ରମଯୁତଃ କଲୌ ।
ତତ୍ରାପି ଧନ୍ଯୋ ଦେଵେଶି ନାମସାହସ୍ରପାଠକଃ ॥ ୧୭୭॥
ଦଶକାଲୀଵିଦ୍ଯୌ ଦେଵି ସ୍ତୋତ୍ରମେତତ୍ସଦା ପଠେତ୍ ।
ସିଦ୍ଧିଂ ଵିନ୍ଦତି ଦେଵେଶି ନାତ୍ର କାର୍ଯା ଵିଚାରଣା ॥ ୧୭୮॥
କାକୀ କାଲୀ ମହାଵିଦ୍ଯା କଲୌ କାଲୀ ଚ ସିଦ୍ଧିଦା ।
କଲୌ କାଲୀ ଚ ସିଦ୍ଧା ଚ କଲୌ କାଲୀ ଵରପ୍ରଦା ॥ ୧୭୯॥
କଲୌ କାଲୀ ସାଧକସ୍ଯ ଦର୍ଶନାର୍ଥଂ ସମୁଦ୍ଯତା ।
କଲୌ କାଲୀ କେଵଲା ସ୍ଯାନ୍ନାତ୍ର କାର୍ଯା ଵିଚାରଣା ॥ ୧୮୦॥
ନାନ୍ଯଵିଦ୍ଯା ନାନ୍ଯଵିଦ୍ଯା ନାନ୍ଯଵିଦ୍ଯା କଲୌ ଭଵେତ୍ ।
କଲୌ କାଲୀଂ ଵିହାଯାଥ ଯଃ କଶ୍ଚିତ୍ସିଦ୍ଧିକାମୁକଃ ॥ ୧୮୧॥
ସ ତୁ ଶକ୍ତିଂ ଵିନା ଦେଵି ରତିସମ୍ଭୋଗମିଚ୍ଛତି ।
କଲୌ କାଲୀଂ ଵିନା ଦେଵି ଯଃ କଶ୍ଚିତ୍ସିଦ୍ଧିମିଚ୍ଛତି ॥ ୧୮୨॥
ସ ନୀଲସାଧନଂ ତ୍ଯକ୍ତ୍ଵା ପରିଭ୍ରମତି ସର୍ଵତଃ ।
କଲୌ କାଲୀ ଵିହାଯାଥ ଯଃ କଶ୍ଚିନ୍ମୋକ୍ଷମିଚ୍ଛତି ॥ ୧୮୩॥
ଗୁରୁଧ୍ଯାନଂ ପରିତ୍ଯଜ୍ଯ ସିଦ୍ଧିମିଚ୍ଛତି ସାଧକଃ ।
କଲୌ କାଲୀ ଵିହାଯାଥ ଯଃ କଶ୍ଚିଦ୍ରାଜ୍ଯମିଚ୍ଛତି ॥ ୧୮୪॥
ସ ଭୋଜନ ପରିତ୍ଯଜ୍ଯ ଭିକ୍ଷୁଵୃତ୍ତିମଭୀପ୍ସତି ।
ସ ଧନ୍ଯଃ ସ ଚ ଵିଜ୍ଞାନୀ ସ ଏଵ ସୁରପୂଜିତଃ ॥ ୧୮୫॥
ସ ଦୀକ୍ଷିତଃ ସୁଖୀ ସାଧୁଃ ସତ୍ଯଵାଦୀ ଜିତେନ୍ଦ୍ରିଯଃ ।
ସ ଵେଦଵକ୍ତା ସ୍ଵାଧ୍ଯାଯୀ ନାତ୍ର କାର୍ଯା ଵିଚାରଣା ॥ ୧୮୬॥
ଶିଵରୂପଂ ଗୁରୁଂ ଧ୍ଯାତ୍ଵା ଶିଵରୂପଂ ଗୁରୁଂ ସ୍ମରେତ୍ ।
ସଦାଶିଵଃ ସ ଏଵ ସ୍ଯାନାତ୍ର କାର୍ଯା ଵିଚାରଣା ॥ ୧୮୭॥
ସ୍ଵସ୍ମିନ୍ କାଲୀଂ ତୁ ସମ୍ଭାଵ୍ଯ ପୂଜଯେଜ୍ଜଗଦମ୍ବିକାମ୍ ।
ତ୍ରୈଲୋକ୍ଯଵିଜଯୀ ଭୂଯାନ୍ନାତ୍ର କାର୍ଯ୍ଯା ଵିଚାରଣା ॥ ୧୮୮॥
ଗୋପନୀଯଂ ଗୋପନୀଯଂ ଗୋପନୀଯଂ ପ୍ରଯତ୍ନତଃ ।
ରହସ୍ଯାତିରହସ୍ଯଂ ଚ ରହସ୍ଯାତିରହସ୍ଯକମ୍ ॥ ୧୮୯॥
ଶ୍ଲୋକାର୍ଦ୍ଧଂ ପାଦମାତ୍ରଂ ଵା ପାଦାଦର୍ଧଂ ଚ ତଦର୍ଧକମ୍ ।
ନାମାର୍ଧଂ ଯଃ ପଠେଦ୍ଦେଵି ନ ଵନ୍ଧ୍ଯଦିଵସଂ ନ୍ଯସେତ୍ ॥ ୧୯୦॥
ପୁସ୍ତକଂ ପୂଜଯେଦ୍ଭକ୍ତ୍ଯା ତ୍ଵରିତଂ ଫଲସିଦ୍ଧଯେ ।
ନ ଚ ମାରୀଭଯଂ ତତ୍ର ନ ଚାଗ୍ନିର୍ଵାଯୁସମ୍ଭଵମ୍ ॥ ୧୯୧॥
ନ ଭୂତାଦିଭଯଂ ତତ୍ର ସର୍ଵତ୍ର ସୁଖମେଧତେ ।
କୁଙ୍କୁମାଽଲକ୍ତକେନୈଵ ରୋଚନାଽଗରୁଯୋଗତଃ ॥ ୧୯୨॥
ଭୂର୍ଜପତ୍ରେ ଲିଖେତ୍ ପୁସ୍ତଂ ସର୍ଵକାମାର୍ଥସିଦ୍ଧଯେ ।
ଇତି ସଂକ୍ଷେପତଃ ପ୍ରୋକ୍ତଂ କିମନ୍ଯଚ୍ଛ୍ରୋତୁମିଚ୍ଛସି ॥ ୧୯୩॥
ଇତି ଗଦିତମଶେଷଂ କାଲିକାଵର୍ଣରୂପଂ ।
ପ୍ରପଠତି ଯଦି ଭକ୍ତ୍ଯା ସର୍ଵସିଦ୍ଧୀଶ୍ଵରଃ ସ୍ଯାତ୍ ॥ ୧୯୪॥
ଅଭିନଵସୁଖକାମଃ ସର୍ଵଵିଦ୍ଯାଭିରାମୋ
ଭଵତି ସକଲସିଦ୍ଧିଧଃ ସର୍ଵଵୀରାସମୃଦ୍ଧିଃ ॥ ୧୯୫॥
॥ ଇତି ଶ୍ରୀମଦାଦିନାଥମହାକାଲଵିରଚିତାଯାଂ ମହାକାଲସଂହିତାଯାଂ
କାଲକାଲୀସଂଵାଦେ ସୁନ୍ଦରୀଶକ୍ତିଦାନାଖ୍ଯଂ କାଲୀସ୍ଵରୂପ
ମେଧାସାମ୍ରାଜ୍ଯପ୍ରଦଂ ସହସ୍ରନାମସ୍ତୋତ୍ରଂ ସମ୍ପୂର୍ଣମ୍ ॥
The stotra was attributed to kAlI tantra and rudrayAmala but I have the
hard copy and I have seen the manuscripts in Bombay University as well as
Asiatic Society. This is definitely a part of the lost 'kAlakAlI khanDa of
mahAkAlasaitA'. Only the begining suggests that it is from rudrayAmala
ie kailAsashikhare ... but the rest of the matter suggests otherwise. So
since the kAlakAlIkhaNDa is not available someone must have attributed this
to kAlItantra and rudrayAmala. I have taken the liberty to end the stotra
with the ending in my hard copy - mahAkAla sa.nhitA - guhyakAlI khaNDa -
3 of ga~NgAnath jhA sa.nskRRit vidyApiTH, alAhAbAd.
A note by Ravin.
Proofread by Ravin Bhalekar ravibhalekar@hotmail.com
Please send corrections to sanskrit@cheerful.com
Last updated ତ୍oday
http://sanskritdocuments.org
Kakaradi Kali Sahasranama Stotram Lyrics in Oriya PDF
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : kaaliisahasra.itx
% Category : sahasranAma
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : http://www.mypurohith.com
% Proofread by : Ravin bhalekar ravibhalekar at hotmail.com
% Description-comments : kAlakAlIkhaNDe mahAkAlasa.nhitAyAM
% Latest update : November 14, 2005
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website