% Text title            : Kalyana-Vrishti-Stava
% File name             : kalyANavRiShTi.itx
% Location              : doc\_devii
% Author                : Adi Shanakaracharya
% Language              : Sanskrit
% Subject               : philosophy/hinduism/religion
% Transliterated by     : Sunder Hattangadi, Aravind Krishnan
% Proofread by          : Sunder Hattangadi, Sridhar Seshagiri
% Description-comments  : A hymn in praise of Lakshmi
% Latest update         : March 4 , 2007
% Send corrections to   : Sanskrit@cheerful.com
% Site access           : http://sanskritdocuments.org
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kalyana-Vrishti-Stava ..}##
\itxtitle{.. kalyANavR^iShTistavaH . ..}##\endtitles ##
\section{.. kalyANavR^iShTistavaH . ..}

kalyANavR^iShTibhirivAmR^itapUritAbhi\-
rlakShmIsvaya.nvaraNama~NgaladIpikAbhiH .
sevAbhiramba tava pAdasarojamUle
nAkAri kiM manasi bhAgyavatAM janAnAm .. 1..
etAvadeva janani spR^ihaNIyamAste
tvadvandaneShu salilasthagite cha netre .
sAnnidhyamudyadaruNAyutasodarasya
tvadvigrahasya parayA sudhayAplutasya .. 2..
IshAtvanAmakaluShAH kati vA na santi
brahmAdayaH pratibhavaM pralayAbhibhUtAH .
ekaH sa eva janani sthirasiddhirAste
yaH pAdayostava sakR^itpraNatiM karoti .. 3..
labdhvA sakR^ittripurasundari tAvakInaM
kAruNyakandalitakAntibharaM kaTAkSham .
kandarpakoTisubhagAstvayi bhaktibhAjaH
saMmohayanti taruNIrbhuvanatraye.api .. 4..
hrIMkArameva tava nAma gR^iNanti vedA
mAtastrikoNanilaye tripure trinetre .
tvatsaMsmR^itau yamabhaTAbhibhavaM vihAya
dIvyanti nandanavane saha lokapAlaiH .. 5..
hantuH purAmadhigalaM paripIyamAnaH
krUraH kathaM na bhavitA garalasyavegaH .
nAshvAsanAya yadi mAtaridaM tavArdhaM
devasya shashvadamR^itAplutashItalasya .. 6..
sarvaj~natAM sadasi vAkpaTutAM prasUte
devi tvada~NghrisarasIruhayoH praNAmaH .
kiM cha sphuranmukuTamujjvalamAtapatraM
dve chAmare cha mahatIM vasudhAM dadAti .. 7..
kalpadrumairabhimatapratipAdaneShu
kAruNyavAridhibhiramba bhavatkaTAkShaiH .
Alokaya tripurasundari mAmanAthaM
tvayyeva bhaktibharitaM tvayi baddhatR^iShNam .. 8..
hantetareShvapi manA.nsi nidhAya chAnye
bhaktiM vahanti kila pAmaradaivateShu .
tvAmeva devi manasA samanusmarAmi
tvAmeva naumi sharaNaM janani tvameva .. 9..
lakShyeShu satsvapi kaTAkShanirIkShaNAnA\-
mAlokaya tripurasundari mAM kadAchit .
nUnaM mayA tu sadR^ishaH karuNaikapAtraM
jAto janiShyati jano na cha jAyate vA .. 10..
hrI.nhrImiti pratidinaM japatAM tavAkhyAM
kiM nAma durlabhamihatripurAdhivAse .
mAlAkirITamadavAraNamAnanIyA
tAnsevate vasumatI svayameva lakShmIH .. 11..
sampatkarANi sakalendriyanandanAni
sAmrAjyadAnaniratAni saroruhAkShi .
tvadvandanAni duritAharaNodyatAni
mAmeva mAtaranishaM kalayantu nAnyam .. 12..
kalpopasa.nhR^itiShu kalpitatANDavasya
devasya khaNDaparashoH parabhairavasya .
pAshA~NkushaikShavasharAsanapuShpabANA
sA sAkShiNI vijayate tava mUrtirekA .. 13..
lagnaM sadA bhavatu mAtaridaM tavArdhaM
tejaH paraM bahulaku~Nkuma pa~NkashoNam .
bhAsvatkirITamamR^itA.nshukalAvata.nsaM
madhye trikoNanilayaM paramAmR^itArdram .. 14..
hrIMkArameva tava nAma tadeva rUpaM
tvannAma durlabhamiha tripure gR^iNanti .
tvattejasA pariNataM viyadAdibhUtaM
saukhyaM tanoti sarasIruhasambhavAdeH .. 15..
hrIMkAratrayasampuTena mahatA mantreNa sandIpitaM
stotraM yaH prativAsaraM tava puro mAtarjapenmantravit .
tasya kShoNibhujo bhavanti vashagA lakShmIshchirasthAyinI
vANI nirmalasUktibhArabharitA jAgarti dIrghaM vayaH .. 16..
iti shrImatparamaha.nsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavataH kR^itau
kalyANavR^iShTistavaH sampUrNaH ..
##
Encoded by Sunder Hattangadi sunderh at hotmail.com
Indepdently by Aravind Krishnan.
Proofread  by Sridhar Seshagiri seshagir at engineering.sdsu.edu

\medskip\hrule\obeylines

Please send corrections to sanskrit@cheerful.com
Last updated \today
http://sanskritdocuments.org

\end{document}