{॥ କାମକଲାକାଲୀସ୍ତୋତ୍ରମ୍ ॥}
ଶ୍ରୀ ଗଣେଶାଯ ନମଃ ।
ମହାକାଲ ଉଵାଚ ।
ଅଥ ଵକ୍ଷ୍ଯେ ମହେଶାନି ଦେଵ୍ଯାଃ ସ୍ତୋତ୍ରମନୁତ୍ତମମ୍ ।
ଯସ୍ଯ ସ୍ମରଣମାତ୍ରେଣ ଵିଘ୍ନା ଯାନ୍ତି ପରାଙ୍ମୁଖାଃ ॥ ୧॥

ଵିଜେତୁଂ ପ୍ରତସ୍ଥେ ଯଦା କାଲକସ୍ଯା-
ସୁରାନ୍ ରାଵଣୋ ମୁଞ୍ଜମାଲିପ୍ରଵର୍ହାନ୍ ।
ତଦା କାମକାଲୀଂ ସ ତୁଷ୍ଟାଵ
ଵାଗ୍ଭିର୍ଜିଗୀଷୁର୍ମୃଧେ ବାହୁଵୀର୍ଯ୍ଯେଣ ସର୍ଵାନ୍ ॥ ୨॥

ମହାଵର୍ତ୍ତଭୀମାସୃଗବ୍ଧ୍ଯୁତ୍ଥଵୀଚୀ-
ପରିକ୍ଷାଲିତା ଶ୍ରାନ୍ତକନ୍ଥଶ୍ମଶାନେ ।
ଚିତିପ୍ରଜ୍ଵଲଦ୍ଵହ୍ନିକୀଲାଜଟାଲେ
ଶିଵାକାରଶାଵାସନେ ସନ୍ନିଷଣ୍ଣାମ୍ ॥ ୩॥

ମହାଭୈରଵୀଯୋଗିନୀଡାକିନୀଭିଃ
କରାଲାଭିରାପାଦଲମ୍ବତ୍କଚାଭିଃ ।
ଭ୍ରମନ୍ତୀଭିରାପୀଯ ମଦ୍ଯାମିଷାସ୍ରାନ୍ଯଜସ୍ରଂ
ସମଂ ସଞ୍ଚରନ୍ତୀଂ ହସନ୍ତୀମ୍ ॥ ୪॥

ମହାକଲ୍ପକାଲାନ୍ତକାଦମ୍ବିନୀ-
ତ୍ଵିଟ୍ପରିସ୍ପର୍ଦ୍ଧିଦେହଦ୍ଯୁତିଂ ଘୋରନାଦାମ୍ ।
ସ୍ଫୁରଦ୍ଦ୍ଵାଦଶାଦିତ୍ଯକାଲାଗ୍ନିରୁଦ୍ର-
ଜ୍ଵଲଦ୍ଵିଦ୍ଯୁଦୋଘପ୍ରଭାଦୁର୍ନିରୀକ୍ଷ୍ଯାମ୍ ॥ ୫॥

ଲସନ୍ନୀଲପାଷାଣନିର୍ମାଣଵେଦି-
ପ୍ରଭଶ୍ରୋଣିବିମ୍ବାଂ ଚଲତ୍ପୀଵରୋରୁମ୍ ।
ସମୁତ୍ତୁଙ୍ଗପୀନାଯତୋରୋଜକୁମ୍ଭାଂ
କଟିଗ୍ରନ୍ଥିତଦ୍ଵୀପିକୃତ୍ତ୍ଯୁତ୍ତରୀଯାମ୍ ॥ ୬॥

ସ୍ରଵଦ୍ରକ୍ତଵଲ୍ଗନ୍ନୃମୁଣ୍ଡାଵନଦ୍ଧା-
ସୃଗାବଦ୍ଧନକ୍ଷତ୍ରମାଲୈକହାରାମ୍ ।
ମୃତବ୍ରହ୍ମକୁଲ୍ଯୋପକ୍ଲୃପ୍ତାଙ୍ଗଭୂଷାଂ
ମହାଟ୍ଟାଟ୍ଟହାସୈର୍ଜଗତ୍ ତ୍ରାସଯନ୍ତୀମ୍ ॥ ୭॥

ନିପୀତାନନାନ୍ତାମିତୋଦ୍ଧୃତ୍ତରକ୍ତୋ-
ଚ୍ଛଲଦ୍ଧାରଯା ସ୍ନାପିତୋରୋଜଯୁଗ୍ମାମ୍ ।
ମହାଦୀର୍ଘଦଂଷ୍ଟ୍ରାଯୁଗନ୍ଯଞ୍ଚଦଞ୍ଚ-
ଲ୍ଲଲଲ୍ଲେଲିହାନୋଗ୍ରଜିହ୍ଵାଗ୍ରଭାଗାମ୍ ॥ ୮॥

ଚଲତ୍ପାଦପଦ୍ମଦ୍ଵଯାଲମ୍ବିମୁକ୍ତ-
ପ୍ରକମ୍ପାଲିସୁସ୍ନିଗ୍ଧସମ୍ଭୁଗ୍ନକେଶାମ୍ ।
ପଦନ୍ଯାସସମ୍ଭାରଭୀତାହିରାଜା-
ନନୋଦ୍ଗଚ୍ଛଦାତ୍ମସ୍ତୁତିଵ୍ଯସ୍ତକର୍ଣାମ୍ ॥ ୯॥

ମହାଭୀଷଣାଂ ଘୋରଵିଂଶାର୍ଦ୍ଧଵକ୍ତ୍ରୈ-
ସ୍ତଥାସପ୍ତଵିଂଶାନ୍ଵିତୈର୍ଲୋଚନୈଶ୍ଚ ।
ପୁରୋଦକ୍ଷଵାମେ ଦ୍ଵିନେତ୍ରୋଜ୍ଜ୍ଵଲାଭ୍ଯାଂ
ତଥାନ୍ଯାନନେ ତ୍ରିତ୍ରିନେତ୍ରାଭିରାମାମ୍ ॥ ୧୦॥

ଲସଦ୍ଵୀପିହର୍ଯ୍ଯକ୍ଷଫେରୁପ୍ଲଵଙ୍ଗ-
କ୍ରମେଲର୍କ୍ଷତାର୍କ୍ଷଦ୍ଵିପଗ୍ରାହଵାହୈଃ ।
ମୁଖୈରୀଦୃଶାକାରିତୈର୍ଭ୍ରାଜମାନାଂ
ମହାପିଙ୍ଗଲୋଦ୍ଯଜ୍ଜଟାଜୂଟଭାରାମ୍ ॥ ୧୧॥

ଭୁଜୈଃ ସପ୍ତଵିଂଶାଙ୍କିତୈର୍ଵାମଭାଗେ
ଯୁତାଂ ଦକ୍ଷିଣେ ଚାପି ତାଵଦ୍ଭିରେଵ ।
କ୍ରମାଦ୍ରତ୍ନମାଲାଂ କପାଲଂ ଚ ଶୁଷ୍କଂ
ତତଶ୍ଚର୍ମପାଶଂ ସୁଦୀର୍ଘଂ ଦଧାନାମ୍ ॥ ୧୨॥

ତତଃ ଶକ୍ତିଖଟ୍ଵାଙ୍ଗମୁଣ୍ଡଂ ଭୁଶୁଣ୍ଡୀଂ
ଧନୁଶ୍ଚକ୍ରଘଣ୍ଟାଶିଶୁପ୍ରେତଶୈଲାନ୍ ।
ତତୋ ନାରକଙ୍କାଲବଭ୍ରୂରଗୋନ୍ମାଦ-
ଵଂଶୀଂ ତଥା ମୁଦ୍ଗରଂ ଵହ୍ନିକୁଣ୍ଡମ୍ ॥ ୧୩॥

ଅଧୋ ଡମ୍ମରୁଂ ପାରିଘଂ ଭିନ୍ଦିପାଲଂ
ତଥା ମୌଶଲଂ ପଟ୍ଟିଶଂ ପ୍ରାଶମେଵମ୍ ।
ଶତଘ୍ନୀଂ ଶିଵାପୋତକଂ ଚାଥ ଦକ୍ଷେ
ମହାରତ୍ନମାଲାଂ ତଥା କର୍ତ୍ତୁଖଡ୍ଗୌ ॥ ୧୪॥

ଚଲତ୍ତର୍ଜ୍ଜନୀମଙ୍କୁଶଂ ଦଣ୍ଡମୁଗ୍ରଂ
ଲସଦ୍ରତ୍ନକୁମ୍ଭଂ ତ୍ରିଶୂଲଂ ତଥୈଵ ।
ଶରାନ୍ ପାଶୁପତ୍ଯାଂସ୍ତଥା ପଞ୍ଚ କୁନ୍ତଂ
ପୁନଃ ପାରିଜାତଂ ଛୁରୀଂ ତୋମରଂ ଚ ॥ ୧୫॥

ପ୍ରସୂନସ୍ରଜଂ ଡିଣ୍ଡିମଂ ଗୃଧ୍ରରାଜଂ
ତତଃ କୋରକଂ ମାଂସଖଣ୍ଡଂ ଶ୍ରୁଵଂ ଚ ।
ଫଲଂ ବୀଜପୂରାହ୍ଵଯଂ ଚୈଵ ସୂଚୀଂ
ତଥା ପର୍ଶୁମେଵଂ ଗଦାଂ ଯଷ୍ଟିମୁଗ୍ରାମ୍ ॥ ୧୬॥

ତତୋ ଵଜ୍ରମୁଷ୍ଟିଂ କୁଣପ୍ପଂ ସୁଘୋରଂ
ତଥା ଲାଲନଂ ଧାରଯନ୍ତୀଂ ଭୁଜୈସ୍ତୈଃ ।
ଜଵାପୁଷ୍ପରୋଚିଷ୍ଫଣୀନ୍ଦ୍ରୋପକ୍ଲୃପ୍ତ-
କ୍ଵଣନ୍ନୂପୁରଦ୍ଵନ୍ଦ୍ଵସକ୍ତାଙ୍ଘ୍ରିପଦ୍ମାମ୍ ॥ ୧୭॥

ମହାପୀତକୁମ୍ଭୀନସାଵଦ୍ଧନଦ୍ଧ
ସ୍ଫୁରତ୍ସର୍ଵହସ୍ତୋଜ୍ଜ୍ଵଲତ୍କଙ୍କଣାଂ ଚ ।
ମହାପାଟଲଦ୍ଯୋତିଦର୍ଵୀକରେନ୍ଦ୍ରା-
ଵସକ୍ତାଙ୍ଗଦଵ୍ଯୂହସଂଶୋଭମାନାମ୍ ॥ ୧୮॥

ମହାଧୂସରତ୍ତ୍ଵିଡ୍ଭୁଜଙ୍ଗେନ୍ଦ୍ରକ୍ଲୃପ୍ତ-
ସ୍ଫୁରଚ୍ଚାରୁକାଟେଯସୂତ୍ରାଭିରାମାମ୍ ।
ଚଲତ୍ପାଣ୍ଡୁରାହୀନ୍ଦ୍ରଯଜ୍ଞୋପଵୀତ-
ତ୍ଵିଡୁଦ୍ଭାସିଵକ୍ଷଃସ୍ଥଲୋଦ୍ଯତ୍କପାଟାମ୍ ॥ ୧୯॥

ପିଷଙ୍ଗୋରଗେନ୍ଦ୍ରାଵନଦ୍ଧାଵଶୋଭା-
ମହାମୋହବୀଜାଙ୍ଗସଂଶୋଭିଦେହାମ୍ ।
ମହାଚିତ୍ରିତାଶୀଵିଷେନ୍ଦ୍ରୋପକ୍ଲୃପ୍ତ-
ସ୍ଫୁରଚ୍ଚାରୁତାଟଙ୍କଵିଦ୍ଯୋତିକର୍ଣାମ୍ ॥ ୨୦॥

ଵଲକ୍ଷାହିରାଜାଵନଦ୍ଧୋର୍ଧ୍ଵଭାସି-
ସ୍ଫୁରତ୍ପିଙ୍ଗଲୋଦ୍ଯଜ୍ଜଟାଜୂଟଭାରାମ୍ ।
ମହାଶୋଣଭୋଗୀନ୍ଦ୍ରନିସ୍ଯୂତମୂଣ୍ଡୋ-
ଲ୍ଲସତ୍କିଙ୍କଣୀଜାଲସଂଶୋଭିମଧ୍ଯାମ୍ ॥ ୨୧॥

ସଦା ସଂସ୍ମରାମୀଦୃଶୋଂ କାମକାଲୀଂ
ଜଯେଯଂ ସୁରାଣାଂ ହିରଣ୍ଯୋଦ୍ଭଵାନାମ୍ ।
ସ୍ମରେଯୁର୍ହି ଯେଽନ୍ଯେଽପି ତେ ଵୈ ଜଯେଯୁ-
ର୍ଵିପକ୍ଷାନ୍ମୃଧେ ନାତ୍ର ସନ୍ଦେହଲେଶଃ ॥ ୨୨॥

ପଠିଷ୍ଯନ୍ତି ଯେ ମତ୍କୃତଂ ସ୍ତୋତ୍ରରାଜଂ
ମୁଦା ପୂଜଯିତ୍ଵା ସଦା କାମକାଲୀମ୍ ।
ନ ଶୋକୋ ନ ପାପଂ ନ ଵା ଦୁଃଖଦୈନ୍ଯଂ
ନ ମୃତ୍ଯୁର୍ନ ରୋଗୋ ନ ଭୀତିର୍ନ ଚାପତ୍ ॥ ୨୩॥

ଧନଂ ଦୀର୍ଘମାଯୁଃ ସୁଖଂ ବୁଦ୍ଧିରୋଜୋ
ଯଶଃ ଶର୍ମଭୋଗାଃ ସ୍ତ୍ରିଯଃ ସୂନଵଶ୍ଚ ।
ଶ୍ରିଯୋ ମଙ୍ଗଲଂ ବୁଦ୍ଧିରୁତ୍ସାହ ଆଜ୍ଞା
ଲଯଃ ଶର୍ମ ସର୍ଵ ଵିଦ୍ଯା ଭଵେନ୍ମୁକ୍ତିରନ୍ତେ ॥ ୨୪॥

॥ ଇତିଶ୍ରୀମହାଵାମକେଶ୍ଵରତନ୍ତ୍ରେ କାଲକେଯହିରଣ୍ଯପୁରଵିଜଯେ

ରାଵଣକୃତଂ କାମକଲାକାଲୀଭୁଜଙ୍ଗପ୍ରଯାତସ୍ତୋତ୍ରରାଜଂ ସମ୍ପୂର୍ଣମ୍ ॥


Encoded and Proofread by Ravin Bhalekar ravibhalekar@hotmail.com

Please send corrections to sanskrit@cheerful.com
Last updated ତ୍oday
http://sanskritdocuments.org

KamaKala Kali Stotram Lyrics in Oriya PDF
% File name : kAmakalAkAliistotram.itx
% Location : doc\_devii
% Author : Traditional
% Language : Sanskrit
% Subject : philosophy/hinduism/religion
% Transliterated by : Ravin bhalekar ravibhalekar at hotmail.com
% Proofread by : Ravin bhalekar ravibhalekar at hotmail.com
% Description-comments : mahAvAmakeshvaratantre kAlakeyahiraNyapuravijaye rAvaNakRitam
% Latest update : November 26, 2006
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%

We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website