শ্রীললিতাত্রিপুরসুন্দরীহৃদযস্তোত্রম্
{॥ শ্রীললিতাত্রিপুরসুন্দরীহৃদযস্তোত্রম্ ॥}
॥ শ্রীললিতাত্রিপুরসুন্দর্যৈ নমঃ ॥
॥ অথ শ্রীমত্ ললিতাত্রিপুরসুন্দরীহৃদযস্তোত্রসাধনা ॥
ॐ শুদ্ধস্ফটিকসঙ্কাশং দ্বিনেত্রং করুণানিধিম্ ।
বরাভযকরং বন্দে শ্রীগুরুং শিবরূপিণম্ ॥ ১॥
ভক্তাজ্ঞানতমোভানুং মূর্ধ্নি পঙ্কজসংস্থিতম্ ।
সদাশিবমযং নিত্যং শ্রীগুরুং প্রণমাম্যহম্ ॥ ২॥
শ্রীবিদ্যাং জগতাং ধাত্রীং সর্গস্থিতিলযেশ্বরীম্ ।
নমামি ললিতাং নিত্যং মহাত্রিপুরসুন্দরীম্ ॥ ৩॥
বিন্দুত্রিকোণসংযুক্তং বসুকোণসমন্বিতম্ ।
দশকোণদ্বযোপেতং ভুবনারসমন্বিতম্ ॥ ৪॥
দলাষ্টকসমোপেতং দলষোডশকান্বিতম্ ।
বৃত্তত্রযান্বিতং ভূমিসদনত্রযভূষিতম্ ॥ ৫॥
নমামি ললিতাচক্রং ভক্তানামেতদিষ্টদম্ ।
অমৃতাম্ভোনিধৌ তত্র রত্নদ্বীপং নমাম্যহম্ ॥ ৬॥
নানাবৃক্ষমহোদ্যানং বন্দেঽহং কল্পবাটিকাম্ ।
সন্তানবাটিকাং বন্দে হরিচন্দনবাটিকাম্ ॥ ৭॥
মন্দারবাটিকাং বন্দে পারিজাতাখ্যবাটিকাম্ ।
নমামি তব দেবেশি কদম্ববনবাটিকাম্ ॥ ৮॥
পুষ্পরাগমহারত্নপ্রাকারং প্রণমাম্যহম্ ।
পদ্মরাগাখ্যমণিভিঃ প্রাকারং সর্বদা ভজে ॥ ৯॥
গোমেদরত্নপ্রাকারং বজ্রপ্রাকারমাশ্রযে ।
বৈডূর্যরত্নপ্রাকারং প্রণমামি তবেশ্বরি ॥ ১০॥
ইন্দ্রনীলাখ্যরত্নানাং প্রাকারং প্রণমাম্যহম্ ।
মুক্তারত্নমযং চৈব প্রাকারং সর্বদা ভজে ॥ ১১॥
মরকতাখ্যমহারত্নপ্রাকারায নমস্তব ।
বিদ্রুমাখ্যমহারত্নপ্রাকারং তু তবাশ্রযে ॥ ১২॥
মাণিক্যমণ্ডপং বন্দে সহস্রস্তম্ভমণ্ডপম্ ।
ললিতে তব দেবেশি ভজাম্যমৃতবাপিকাম্ ॥ ১৩॥
আনন্দবাপিকাং বন্দে ভজে চৈব বিমর্শিকাম্ ।
ভজে বালাতপোদ্গারং চন্দ্রিকোদ্গারমাশ্রযে ॥ ১৪॥
মহাশৃঙ্গারপরিখাং মহাপদ্মাটবীং ভজে ।
চিন্তামণিমহারত্নগৃহরাজং নমাম্যহম্ ॥ ১৫॥
পূর্বাম্নাযমযং পূর্বদ্বারং দেবি ভজামি তে ।
দক্ষিণাম্নায রূপং তে দক্ষিণদ্বারমাশ্রযে ॥ ১৬॥
নমামি তে পরং দ্বারং পশ্চিমাম্নাযরূপকম্ ।
বন্দেঽহমুত্তরং দ্বারমুত্তরাম্নাযরূপকম্ ॥ ১৭॥
ঊর্ধ্বাম্নাযমঽহং বন্দে ঊর্ধ্বদ্বারং কুলেশ্বরি ।
ললিতে তব দেবেশি মহাসিংহাসনং ভজে ॥ ১৮॥
ব্রহ্মাত্মকমঞ্চপাদমেকং তব নমাম্যহম্ ।
একং বিষ্ণুমযং মঞ্চপাদং তব নমাম্যহম্ ॥ ১৯॥
একং রুদ্রমযং মঞ্চপাদং তব নমাম্যহম্ ।
মঞ্চপাদং নমাম্যেকং তব দেবীশ্বরাত্মকম্ ॥ ২০॥
মঞ্চৈকফলকং বন্দে সদাশিবমযং শুভম্ ।
নমামি তে হংসতূলতলিমাং পরমেশ্বরি ॥ ২১॥
ভজামি তে হংসতূল মহোপাধানমুত্তমম্ ।
কৌসুম্ভাস্তরণং দেবি তব নিত্যং নমাম্যহম্ ॥ ২২॥
মানসপূজা ।
মহাবিতানকং বন্দে মহাজবনিকাং ভজে ।
এবং পূজাগৃহং ধ্যাত্বা শ্রীচক্রস্য শিবপ্রিযে ॥ ২৩॥
মদ্দক্ষিণে স্থাপযামি ভাগে পুষ্পাক্ষতাদিকম্ ।
অভিতস্তে মহাদেবি দীপাঁস্তান্ দর্শযাম্যহম্ ॥ ২৪॥
মূলেন ত্রিপুরাচক্রং তব সম্পূজযাম্যহম্ ।
ত্রিভিঃখণ্ডৈস্তব ত্র্যস্ত্রং পূজযামি শিবপ্রিযে ॥ ২৫॥
বায্বগ্নিজলসংযুক্তপ্রাণাযামৈরহং শিবে ।
শোষণং দাহনং দেবি করোম্যাপ্লাবনং তথা ॥ ২৬॥
ত্রিবারং মূলমন্ত্রেণ প্রাণাযামং করোম্যহম্ ।
অপসর্পন্তু তে ভূতা যে ভূতা ভূমিসংস্থিতাঃ ॥ ২৭॥
যে ভূতা বিঘ্নকর্তারস্তে নশ্যন্তু শিবাজ্ঞযা ।
করোম্যনেন মন্ত্রেণ তালত্রযমহং শিবে ॥ ২৮॥
নারাযণোঽহং ব্রহ্মাঽহং ভৈরবোঽহং শিবোঽস্ম্যহম্ ।
দেবোঽহং পরমাত্মাঽহং মহাত্রিপুরসুন্দরি ॥ ২৯॥
ধ্যাত্বৈবং বজ্রকবচং ন্যাসং তব করোম্যহম্ ।
কুমারীবীজসংযুক্তং মহাত্রিপুরসুন্দরি ॥ ৩০॥
মাং রক্ষ রক্ষেতি হৃদি করোম্যঞ্জলিমীশ্বরি ।
নমো দেব্যাসনাযেতি তে করোম্যাসনং শিবে ॥ ৩১॥
চক্রাসনং নমস্যামি সর্বমন্ত্রাসনং ভজে ।
সাধ্যসিদ্ধাসনং বন্দে মন্ত্রৈরেভির্মহেশ্বরি ॥ ৩২॥
করোম্যস্মিংশ্চক্রমন্ত্রদেবতাসনমুত্তমম্ ।
করোম্যথ ষডঙ্গাখ্যং মাতৃকাশ্চ করোম্যহম্ ॥ ৩৩॥
বশিন্যাদ্যষ্টকং ন্যাসং ষোঢান্যাসং করোম্যহম্ ।
মহাষোঢাং ততঃ কুর্বে নবযোন্যাখ্যমুত্তমম্ ॥ ৩৪॥
চক্রন্যাসং ততঃ কুর্বে শ্রীকণ্ঠন্যাসমুত্তমম্ ।
কেশবাদি মহান্যাসং কামন্যাসং করোম্যহম্ ॥ ৩৫॥
কলান্যাসং ততঃ কুর্বে কুর্বে কামকলাহ্বযম্ ।
পীঠন্যাসং ততঃ কুর্বে তত্ত্বন্যাসং করোম্যহম্ ॥ ৩৬॥
ততঃ করোমি স্থিত্যাদিন্যাসং তত্ ত্রিপুরেশ্বরি ।
ততঃ শুদ্ধোদকেনাহং বামভাগে মহেশ্বরি ॥ ৩৭॥
করোমি মণ্ডলং বৃত্তং চতুরস্রং শিবপ্রিযে ।
পুষ্পৈরভ্যর্চ্য সাধারং শঙ্খং সংস্থাপযাম্যহম্ ॥ ৩৮॥
অর্চযামি ষডঙ্গেন জলমাপূরযাম্যহম্ ।
দদামি চাদিমং বিন্দুং কুর্বে মূলাভিমন্ত্রিতম্ ॥ ৩৯॥
তজ্জলেন জগন্মাতস্ত্রিকোণং বৃত্তসংযুতম্ ।
ষট্কোণং চতুরস্ত্রং চ মণ্ডলং প্রকরোম্যহম্ ॥ ৪০॥
বিদ্যযা পূজনং মধ্যে খণ্ডৈস্ত্র্যস্ত্রাভিপূজনম্ ।
বীজাবৃত্যা কোণষট্কং পূজযামি শিবপ্রিযে ॥ ৪১॥
তস্মিন্ দশকলাযুক্তমগ্নিমণ্ডলমাশ্রযে ।
ধূমার্চিষং নমস্যামি ঊষ্মাং চ জ্বলিনীং ভজে ॥ ৪২॥
জ্বলিনীং চ নমস্যামি বন্দেঽহং বিস্ফুল্লিঙ্গিনীম্ ।
সুশ্রিযং চ সুরূপাং চ কপিলাং প্রণমাম্যহম্ ॥ ৪৩॥
নৌমি হব্যবহাং নিত্যং ভজে কব্যবহাং কলাম্ ।
যাদিভিঃ সহিতা বহ্নেঃ কলা দশ তথা ভজে ॥ ৪৪॥
সূর্যস্য মণ্ডলং তত্র কলাদ্বাদশকাত্মকম্ ।
অর্ঘ্যপাত্রে ত্বঽহং বন্দে তপিনীং তাপিনীং ভজে ॥ ৪৫॥
ধূম্রাং মরীচিং বন্দেঽহং জ্বালিনীং চ রুচিং ভজে ।
সুষুম্ণাং ভোগদাং বন্দে ভজে বিশ্বাং চ বোধিনীম্ ॥ ৪৬॥
ধারিণীং চ ক্ষমাং বন্দে সৌরা এতাঃ কলা ভজে ।
সোমস্য মণ্ডলং তত্র কলাঃ ষোডশকাত্মকাঃ ॥ ৪৭॥
অর্ঘ্যামৃতাত্মকং বন্দেঽমৃতাং মানদাং স্তুবে ।
পূষাং তুষ্টিং ভজে পুষ্টিং রতিং ধৃতিমহং ভজে ॥ ৪৮॥
শশিনীং চন্দ্রিকাং বন্দে কান্তিং জ্যোত্স্নাং শ্রিযং ভজে ।
নৌমি প্রীতিং চাঙ্গদাং চ পূর্ণাং পূর্ণামৃতাং ভজে ॥ ৪৯॥
স্বরৈঃ ষোডশভির্যুক্তা ভজে সোমস্য বৈ কলাঃ ।
ত্রিকোণলেখনং কুর্বে অকথাদিসুরেখকম্ ॥ ৫০॥
হळক্ষবর্ণসংযুক্তং স্থিতান্তর্হংসভাস্বরম্ ।
বাক্কামশক্তিসংযুক্তং হংসেনারাধযাম্যহম্ ॥ ৫১॥
বৃত্তাদ্বহিঃ ষডস্রে চ লেখনং প্রকরোম্যহম্ ।
পুরোভাগাদি ষট্কোণং ষডঙ্গেনার্চযাম্যহম্ ॥ ৫২॥
শ্রীবিদ্যাযাঃ সপ্তবারং করোম্যত্রাভিমন্ত্রণম্ ।
সমর্পযামি বিশ্বেশি তস্মিন্ গন্ধাক্ষতাদিকম্ ॥ ৫৩॥
ধ্যাযামি পূজাদ্রব্যং তে সর্বং বিদ্যামযং শুভম্ ।
চতুর্নবতি সন্মন্ত্রান্ স্পৃষ্ট্বা তত্প্রজপাম্যহম্ ॥ ৫৪॥
বহ্নের্দশকলাঃ সূর্যকলাদ্বাদশকং ভজে ।
আশ্রযে ষোডশকলাস্তত্র সোমস্য কামদাঃ ॥ ৫৫॥
সৃষ্টিমৃদ্ধিং স্মৃতিং বন্দে মেধাং কান্তিং নমাম্যহম্ ।
লক্ষ্মীং ধৃতিং স্থিরাংবন্দে স্থিতিং সিদ্ধিং ভজাম্যহম্ ॥ ৫৬॥
এতাং ব্রহ্মকলাং বন্দে জরাং তাং পালিনীং ভজে ।
শান্তিং নমামীশ্বরীং চ রতিং বন্দে চ কামিকাম্ ॥ ৫৭॥
বরদাং হ্লাদিনীং বন্দে প্রীতিং দীর্ঘাং ভজাম্যহম্ ।
টাদিভিঃ সহিতা বিষ্ণোঃ কলা দশ তথা ভজে ॥ ৫৮॥
এতা বিষ্ণোঃ কলা বন্দে তীক্ষ্ণাং রৌদ্রীং ভযাং তথা ।
নিদ্রাং তন্দ্রাং ক্ষুধাং বন্দে নমামি ক্রোধিনীং ক্রিযাম্ ॥ ৫৯॥
উদ্গারীং চ ভজে মৃত্যুমেতা রুদ্রকলা ভজে ।
পীতাং শ্বেতাং ভজে নিত্যমরুণাং চ তথা ভজে ॥ ৬০॥
ভজেঽসিতাং তথাঽনন্তাং ষাদিভিঃ সহিতাস্তথা ।
ঈশ্বরস্য কলা হ্যেতা বন্দে নিত্যমভীষ্টদাঃ ॥ ৬১॥
নিবৃত্তিং চ প্রতিষ্ঠাং চ বিদ্যাং শান্তিং নমাম্যহম্ ।
ইন্ধিকাং দীপিকাং চৈব রেচিকাং মোচিকাং তথা ॥ ৬২॥
পরাং সূক্ষ্মাং নমস্যামি নৌমি সূক্ষ্মামৃতাং কলাম্ ।
বন্দে জ্ঞানাং কলাং চৈব তথা জ্ঞানামৃতাং কলাম্ ॥ ৬৩॥
আপ্যাযিনীং ব্যাপিনীং চ ব্যোমরূপাং নমাম্যহম্ ।
কলাঃ সদাশিবস্যৈতাঃ ষোডশ প্রণমাম্যহম্ ॥ ৬৪॥
হাংসাখ্যং চ মহামন্ত্রং জ্যোতিষং হংসমাশ্রযে ।
প্রতত্প্রথমবিশ্বান্তং মন্ত্রং জ্যোতিষমাশ্রযে ॥ ৬৫॥
ত্র্যম্বকং চ নমস্যামি তদ্বিষ্ণোঃ প্রণমাম্যহম্ ।
বিষ্ণুর্যোনিং মূলবিদ্যাং মন্ত্রৈরেভিরনুত্তমৈঃ ॥ ৬৬॥
অমৃতং মন্ত্রিতং বন্দে চতুর্নবতিভিস্তব ।
অখণ্ডৈকরসানন্দকরেঽপরসুধাত্মনি ॥ ৬৭॥
স্বচ্ছন্দস্ফুরণামত্র নিধেহ্যকুলরূপিণি ।
অকুলস্থামৃতাকারে শুদ্ধজ্ঞানকরে পরে ॥ ৬৮॥
অমৃতত্বং নিধেহ্যস্মিন্ বস্তুনি ক্লিন্নরূপিণি ।
তদ্রূপিণ্যৈকরস্যত্বং কৃত্বা হ্যেতত্স্বরূপিণি ॥ ৬৯॥
ভূত্বা পরামৃতাঽঽকারা মযি চিত্স্ফুরণং কুরু ।
অমৃতেশীং নমস্যামি সর্বদামৃতবর্ষিণীম্ ॥ ৭০॥
বাগ্বাদিনীং নমস্যামি শ্রীবিদ্যাং প্রণমাম্যহম্ ।
এভির্মনূত্তমৈর্বন্দে মন্ত্রিতং পরমামৃতম্ ॥ ৭১॥
জ্যোতির্মযমিদং কুর্বে পরমর্ঘ্যং মহেশ্বরি।
তদ্বিন্দুভির্মে শিরসি ত্রিগুরূন্ পূজযাম্যহম্ ॥ ৭২॥
ব্রহ্মাঽহমস্মি তদ্বিন্দুং কুণ্ডলিন্যা জুহোম্যহম্ ।
হৃচ্চক্রস্থা মহাদেবীং মহাত্রিপুরসুন্দরীম্ ॥ ৭৩॥
নিরস্তমোহতিমিরাং সাক্ষাত্ সংবিত্স্বরূপিণীম্ ।
নাসাপুটে পরকলামথ নির্গমযাম্যহম্ ॥ ৭৪॥
সমানযামি তাং হস্তে ত্রিখণ্ডকুসুমাঞ্জলৌ ।
জগন্মাতর্মহাদেবি মহাত্রিপুরসুন্দরি ॥ ৭৫॥
সুধাচৈতন্যমূর্তিং তে কল্পযামি নমঃ শিবে ।
অনেন মনুনা দেবি যন্ত্রে ত্বাং স্থাপযাম্যহম্ ॥ ৭৬॥
মহাপদ্মবনান্তঃস্থে কারণানন্দবিগ্রহে ।
সর্বভূতহিতে মাতরেহ্যেহি পরমেশ্বরি ॥ ৭৭॥
দেবেশি ভক্তিসুলভে সর্বাবরণসংযুতে ।
যাবত্ ত্বাং পূজযিষ্যামি তাবত্ ত্বং সুস্থিরা ভব ॥ ৭৮॥
অনেন মন্ত্রযুগ্মেন ত্বামত্রাবাহযাম্যহম্ ।
কল্পযামি নমঃ পাদ্যমর্ঘ্যং তে কল্পযাম্যহম্ ॥ ৭৯॥
সুগন্ধতৈলাভ্যঙ্গং চ মজ্জশালাপ্রবেশনম্ ।
কল্পযামি নমস্তস্মিন্ মণিপীঠোপবেশনম্ ॥ ৮০॥
দিব্যস্নানীযমীশানি গৃহাণোদ্বর্তনং শুভম্ ।
গৃহাণোষ্ণোদকস্নানং কল্পযামি নমস্তব ॥ ৮১॥
হেমকুম্ভচ্যুতৈস্তীর্থৈঃ কল্পযাম্যভিষেচনম্ ।
কল্পযামি নমস্তুভ্যং ধৌতেন পরিমার্জনম্ ॥ ৮২॥
বালভানুপ্রতীকাশং দুকূলপরিধানকম্ ।
অরুণেন দুকূলেনোত্তরীযং কল্পযামি তে ॥ ৮৩॥
প্রবেশনং কল্পযামি তবালেপনমণ্ডপম্ ।
নমস্তে কল্পযাম্যত্র মণিপীঠোপবেশনম্ ॥ ৮৪॥
অষ্টগন্ধৈঃ কল্পযামি সর্বাঙ্গেষু বিলেপনম্ ।
কালাগরু মহাধূপস্তব কেশভরস্য হি ॥ ৮৫॥
মল্লিকামালতীজাতীচম্পকাদিমনোরমৈঃ ।
রচিতাঃকুসুমৈর্মালাঃ কল্পযামি নমস্তব ॥ ৮৬॥
প্রবেশনং কল্পযামি নমো ভূষণমণ্ডপম্ ।
উপবেশং রত্নপীঠে তত্র তে কল্পযাম্যহম্ ॥ ৮৭॥
নবমাণিক্যমুকুটং তচ্চন্দ্রশকলং ততঃ ।
ততঃ সীমন্তসিন্দূরং ততস্তিলকমুত্তমম্ ॥ ৮৮॥
কালাঞ্জনং কল্পযামি পালীযুগলমুত্তমম্ ।
মণিকুণ্ডলযুগ্মং তে নাসাভরণমীশ্বরি ॥ ৮৯॥
তে কল্পযামি ত্রিপুরে ললিতাঽধরযাবকম্ ।
অথাঽঽদ্যভূষণং কণ্ঠে হেমচিন্তাকমুত্তমম্ ॥ ৯০॥
পদকং তে কল্পযামি মহাপদকমুত্তমম্ ।
কল্পযামি নমো মুক্তাবলিমেকাবলিং চ তে ॥ ৯১॥
ছন্নবীরং চ কেযূরযুগলানাং চতুষ্টযম্ ।
বলযাবলিমীশানি ঊর্মিকাবলিমীশ্বরি ॥ ৯২॥
কাঞ্চীদামকটীসূত্রং সৌভাগ্যাভরণং চ তে ।
ত্রিপুরে পাদকটকং কল্পযে রত্ননূপুরম্ ॥ ৯৩॥
পাদাঙ্গুলীযকং তুভ্যং পাশমেককরে তব ।
অন্যস্মিন্নঙ্কুশং দেবি পুণ্ড্রেক্ষুধনুষং পরে ॥ ৯৪॥
অপরে পুষ্পবাণাঁশ্চ শ্রীমন্মাণিক্যপাদুকে ।
নবাবরণদেবীভির্মহাচক্রাধিরোহণম্ ॥ ৯৫॥
কামেশ্বরাঙ্কপর্যঙ্ক উপবেশনমুত্তমম্ ।
সুধাসবাখ্যং চষকং ততঃ আচমনীযকম্ ॥ ৯৬॥
কর্পূরবীটিকাং তুভ্যং কল্পযামি নমঃ শিবে ।
আনন্দোল্লাসবেলাসহাসং তে কল্পযাম্যহম্ ॥ ৯৭॥
মঙ্গলারার্তিকং দেবি ছত্রং তে কল্পযাম্যহম্ ।
ততশ্চামরযুগ্মং তে দর্পণং কল্পযাম্যহম্ ॥ ৯৮॥
তালবৃন্তং কল্পযামি গন্ধং পুষ্পং মহেশ্বরি ।
ধূপং দীপং চ নৈবেদ্যং কল্পযামি নমস্তব ॥ ৯৯॥
অথাঽহং বৈন্দবে চক্রে সর্বানন্দমযাত্মিকে ।
রত্নসিংহাসনে রম্যে সমাসীনাং শিবপ্রিযাম্ ॥ ১০০॥
ধ্যানম্ ।
উদ্যদ্ভানুসহস্রাভ্যাং জপাপুষ্পসমপ্রভাম্ ।
নবরত্নপ্রভাদীপ্তমুকুটেন বিরাজিতাম্ ॥ ১০১॥
চন্দ্ররেখাসমোপেতাং কস্তূরীতিলকাঞ্চিতাম্ ।
কামকোদণ্ডসৌন্দর্যনির্জিতভ্রূলতাযুগাম্ ॥ ১০২॥
অঞ্জনাঞ্চিতনেত্রাং তাং পদ্মপত্রনিভেক্ষণাম্ ।
মণিকুণ্ডলসংযুক্তকর্ণদ্বযবিরাজিতাম্ ॥ ১০৩॥
মুক্তামাণিক্যখচিতনাসিকাভরণান্বিতাম্ ।
মদপাটলসংযুক্তকপোলযুগলান্বিতাম্ ॥ ১০৪॥
পক্ববিম্বফলাভাসাধরদ্বযবিরাজিতাম্ ।
শুদ্ধমুক্তাবলিপ্রখ্যদন্তপঙ্ক্তিবিরাজিতাম্ ॥ ১০৫॥
তাম্বূলপূরিতমুখীং সুস্মিতাস্যবিরাজিতাম্ ।
আদ্যভূষণসংযুক্তাং হেমচিন্তাকসংযুতাম্ ॥ ১০৬॥
পদকেন সমোপেতাং মহাপদকসংযুতাম্ ।
মুক্তাবলিসমোপেতামেকাবলিবিরাজিতাম্ ॥ ১০৭॥
কেযূরাঙ্গদসংযুক্তচতুর্বাহুবিরাজিতাম্ ।
অষ্টগন্ধসমোপেতাং শ্রীচন্দনবিলেপনাম্ ॥ ১০৮॥
হেমকুম্ভসমপ্রখ্যস্তনদ্বযবিরাজিতাম্ ।
রক্তবস্ত্রপরীধানাং রক্তকঞ্চুকসংযুতাম্ ॥ ১০৯॥
সূক্ষ্মরোমাবলীযুক্ততনুমধ্যবিরাজিতাম্ ।
মুক্তামাণিক্যখচিতকাঞ্চীযুতনিতম্বিনীম্ ॥ ১১০॥
সদাশিবাঙ্কস্থপৃথুমহাজঘনমণ্ডলাম্ ।
কদলীস্তম্ভসঙ্কাশঊরুযুগ্মবিরাজিতাম্ ॥ ১১১॥
কদলীকান্তিসঙ্কাশজঙ্ঘাযুগলশোভিতাম্ ।
গূঢগুল্ফদ্বযোপেতাং রক্তপাদযুগান্বিতাম্ ॥ ১১২॥
ব্রহ্মাবিষ্ণুমহাদেবশিরোমুকুটজাতযা ।
কান্ত্যা বিরাজিতপদাং ভক্তত্রাণপরাযণাম্ ॥ ১১৩॥
ইক্ষুকার্মুকপুষ্পেষু পাশাঙ্কুশধরাং পরাম্ ।
সংবিত্স্বরূপিণীং দেবীং ধ্যাযামি পরমেশ্বরীম্ ॥ ১১৪॥
ইতি ধ্যানম্ ।
প্রদর্শযাম্যথ শিবে নবমুদ্রা বরপ্রদাঃ ।
ত্বাং তর্পযামি ত্রিপুরে ত্রিধা মূলেন পার্বতি ॥ ১১৫॥
আগ্নেয্যামীশদিগ্ভাগে নৈঋত্যাং মারুতে তথা ।
মধ্যে দিক্ষু ষডঙ্গানি ক্রমাদভ্যর্চযাম্যহম্ ॥ ১১৬॥
আদ্যাং কামেশ্বরীং বন্দে নমামি ভগমালিনীম্ ।
নিত্যক্লিন্নাং নমস্যামি ভেরুণ্ডাং প্রণমাম্যহম্ ॥ ১১৭॥
বহ্নিবাসাং নমস্যামি মহাবজ্রেশ্বরীং স্তুবে ।
শিবদূতীং নমস্যামি ত্বরিতাং কুলসুন্দরীম্ ॥ ১১৮॥
নিত্যাং নীলপতাকাং চ বিজযাং সর্বমঙ্গলাম্ ।
জ্বালামালাং চ চিত্রাং চ মহানিত্যাং চ সংস্তুবে ॥ ১১৯॥
দিব্যৌঘেভ্যো নমস্যামি পরেশপরমেশ্বরীম্ ।
মিত্রেশমথ ষষ্ঠীশমুড্ডীশং প্রণমাম্যহম্ ॥ ১২০॥
চর্যানাথং নমস্যামি লোপামুদ্রামহং ভজে ।
অগস্ত্যং প্রণমস্যামি সিদ্ধৌঘে কালতাপনম্ ॥ ১২১॥
ধর্মাচার্যং নমস্যামি মুক্তকেশীশ্বরং ভজে ।
ভজে দীপকলানাথং মানবৌঘে ততঃ পরম্ ॥ ১২২॥
বিষ্ণুদেবং নমস্যামি প্রভাকরমহং ভজে ।
তেজোদেবং নমস্যামি মনোজমথ সংস্তুবে ॥ ১২৩॥
কল্যাণদেবং কলযে রত্নদেবং ভজাম্যহম্ ।
বাসুদেবং নমস্যামি শ্রীরামানন্দমাশ্রযে ॥ ১২৪॥
পরমেষ্ঠিগুরুং বন্দে পরমং গুরুমাশ্রযে ।
শ্রীগুরুং প্রণমস্যামি মূর্ধ্নি ব্রহ্মবিলে স্থিতম্ ॥ ১২৫॥
কং বিলেঽহং নমস্যামি শ্রীগুরোঃ পাদুকাং ততঃ ।
অথ প্রাথমিকে দেবি চতুরস্রে তবেশ্বরি ॥ ১২৬॥
অণিমাং লঘিমাং বন্দে মহিমাং প্রণমাম্যহম্ ।
ঈশিত্বসিদ্ধিং বন্দেঽহং বশিত্বং চ নমাম্যহম্ ॥ ১২৭॥
প্রাকাম্যসিদ্ধিং বন্দেঽহং ভুক্তিমিচ্ছামহং ভজে ।
প্রাপ্তিসিদ্ধিং সর্বকামপ্রদাসিদ্ধিমহং ভজে ॥ ১২৮॥
মধ্যমে চতুরস্রেঽহং ব্রাহ্মীং মাহেশ্বরীং ভজে ।
কৌমারীং বৈষ্ণবীং বন্দে বারাহীং প্রণমাম্যহম্ ॥ ১২৯॥
মাহেন্দ্রীমপি চামুণ্ডাং মহালক্ষ্মীমহং ভজে ।
তৃতীযে চতুরস্রেঽহং সর্বসংক্ষোভিণীং ভজে ॥ ১৩০॥
সর্ববিদ্রাবিণীং মুদ্রাং সর্বাকর্ষিণিকাং ভজে ।
মুদ্রাং বশঙ্করীং বন্দে সর্বোন্মাদিনিকাং ভজে ॥ ১৩১॥
ভজে মহাঙ্কুশাং মুদ্রাং খেচরীং প্রণমাম্যহম্ ।
বীজমুদ্রাং যোনিমুদ্রাং ভজে সর্বত্রিখণ্ডিনীম্ ॥ ১৩২॥
ত্রৈলোক্যমোহনং চক্রং নমামি ললিতে তব ।
নমামি যোগিনীং তত্র প্রকটাখ্যামভীষ্টদাম্ ॥ ১৩৩॥
সুধার্ণবাসনং বন্দে তত্র তে পরমেশ্বরি ।
চক্রেশ্বরীং তত্র বন্দে ত্রিপুরাং পরমেশ্বরীম্ ॥ ১৩৪॥
সর্বেসংক্ষোভিণীং মুদ্রাং ততোঽহং কলযে শিবে ।
অথাঽহং ষোডশদলে কামাকর্ষণিকাং ভজে ॥ ১৩৫॥
বুদ্ধ্যাকর্ষণিকাং বন্দেঽহঙ্কার্ষণীং ভজে ।
শব্দাকর্ষণিকাং বন্দে স্পর্শাকর্ষণিকাং ভজে ॥ ১৩৬॥
রূপাকর্ষণিকাং বন্দে রসাকর্ষণিকাং ভজে ।
গন্ধাকর্ষণিকাং বন্দে চিত্তাকর্ষণিকাং ভজে ॥ ১৩৭॥
ধৈর্যাকর্ষণিকাং বন্দে স্মৃত্যাকর্ষণিকাং ভজে ।
নামাকর্ষণিকাং বন্দে বীজাকর্ষণিকাং ভজে ॥ ১৩৮॥
আত্মাকর্ষণিকাং বন্দে হ্যমৃতাকর্ষণীং ভজে ।
শরীরাকর্ষণীং বন্দে নিত্যাং শ্রীপরমেশ্বরীম্ ॥ ১৩৯॥
সর্বাশাপূরকং চক্রং কলযেঽহং তবেশ্বরি ।
গুপ্তাখ্যাং যোগিনীং বন্দে তত্রাঽহং গুপ্তপূজিতাম্ ॥ ১৪০॥
পীতাম্বুজাসনং তত্র নমামি ললিতে তব ।
ত্রিপুরেশীং মহাদেবীং ভজামীষ্টার্থংসিদ্ধিদাম্ ॥ ১৪১॥
সর্বংবিদ্রাবিণীং মুদ্রাং তত্রাঽহং তাং বিচিন্তযে ।
শিবে তবাষ্টপত্রেঽহমনঙ্গকুসুমাং ভজে ॥ ১৪২॥
অনঙ্গমেখলাং বন্দে হ্যনঙ্গমদনাং ভজে ।
ততোঽহং প্রণমস্যামি হ্যনঙ্গমদনাতুরাম্ ॥ ১৪৩॥
অনঙ্গরেখাং কলযে ভজে তেঽনঙ্গবেগিনীম্ ।
ভজেঽনঙ্গাঙ্কুশাং দেবি তব চানঙ্গমালিনীম্ ॥ ১৪৪॥
সর্বসংক্ষোভণং চক্রং তত্রাঽহং কলযে সদা ।
বন্দে গুপ্ততরাখ্যাং তাং যোগিনীং সর্বকামদাম্ ॥ ১৪৫॥
তত্রাঽহং প্রণমস্যামি দেব্যাত্মাসনমুত্তমম্ ।
নমামি জগদীশানীমঽহং ত্রিপুরসুন্দরীম্ ॥ ১৪৬॥
সর্বাকর্ষণিকাং মুদ্রাং তত্রাঽহং কলযামি তে ।
ভুবনারে তব শিবে সর্বসংক্ষোভিণীং ভজে ॥ ১৪৭॥
সর্ববিদ্রাবিণীং বন্দেঽহং সর্বাকর্ষিণিকাং ভজে ।
সকলাহ্লাদিনীং বন্দে সর্বসম্মোহিনীং ভজে ॥ ১৪৮॥
সকল স্তম্ভিনীং বন্দে কলযে সর্বজৃম্ভিনীম্ ।
বশঙ্করীং নমস্যামি সর্বরঞ্জনিকাং ভজে ॥ ১৪৯॥
সকলোন্মাদিনীং বন্দে ভজে সর্বার্থসাধিনীম্ ।
সম্পত্তিপূরিণীং বন্দে সর্বমন্ত্রমযীং ভজে ॥ ১৫০॥
ভজাম্যহং ততঃ শক্তিং সর্বদ্বন্দ্বক্ষযঙ্করীম্ ।
তত্রাঽহং কলযে চক্রং সর্বসৌভাগ্যদাযকম্ ॥ ১৫১॥
নমামি জগতাং ধাত্রীং সম্প্রদাযাখ্যযোগিনীম্ ।
শিবে তব নমস্যামি শ্রীচক্রাসনমুত্তমম্ ॥ ১৫২॥
নমামি জগদীশানীমহং ত্রিপুরবাসিনীম্ ।
কলযেঽহং তব শিবে মুদ্রাং সর্ববশঙ্করীম্ ॥ ১৫৩॥
বহির্দশারে তে দেবি সর্বসিদ্ধিপ্রদাং ভজে ।
সর্বসম্পত্প্রদাং বন্দে ভজে সর্বপ্রিযঙ্করীম্ ॥ ১৫৪॥
নমাম্যহং ততো দেবীং সর্বমঙ্গলকারিণীম্ ।
সর্বকামপ্রদাং বন্দে সর্বদুঃখবিমোচিনীম্ ॥ ১৫৫॥
সর্বমৃত্যুপ্রশমনীং সর্ববিঘ্ননিবারিণীম্ ।
সর্বাঙ্গসুন্দরীং দেবীং সর্বসৌভাগ্যদাযিনীম্ ॥ ১৫৬॥
সর্বার্থসাধকং চক্রং তথাঽহং কলযে সদা ।
কলযামি ততো দেবীং কুলোত্তীর্ণাখ্যযোগিনীম্ ॥ ১৫৭॥
সর্বমন্ত্রাসনং বন্দে ত্রিপুরাশ্রীযমাশ্রযে ।
কলযামি ততো মুদ্রাং সর্বোন্মাদনকারিণীম্ ॥ ১৫৮॥
অন্তর্দশারে তে দেবি সর্বজ্ঞাং প্রণমাম্যহম্ ।
সর্বশক্তিং নমস্যামি সর্বৈশ্বর্যপ্রদাং ভজে ॥ ১৫৯॥
সর্বজ্ঞানমযীং বন্দে সর্বব্যাধিবিনাশিনীম্ ।
সর্বাধারস্বরূপাং চ সর্বপাপহরাং ভজে ॥ ১৬০॥
সর্বানন্দমযীং বন্দে সর্বরক্ষাস্বরূপিণীম্ ।
প্রণমামি মহাদেবীং সর্বেপ্সিতপ্রদাং ভজে ॥ ১৬১॥
সর্বরক্ষাকরং চক্রং তত্রাঽহং কলযে সদা ।
নিগর্ভযোগিনীং বন্দে তত্রাঽহং পরমেশ্বরীম্ ॥ ১৬২॥
সাধ্যসিংহাসনং বন্দে ভজে ত্রিপুরমালিনীম্ ।
কলযামি ততো দেবি মুদ্রাং সর্বমহাঙ্কুশাম্ ॥ ১৬৩॥
অষ্টারে বশিনীং বন্দে ভজে কামেশ্বরীং সদা ।
মোদিনীং বিমলাং বন্দে হ্যরুণাং জযিনীং ভজে ॥ ১৬৪॥
সর্বেশ্বরীং নমস্যামি কৌলিনীং প্রণমাম্যহম্ ।
সর্বরোগহরং চক্রং তবাঽহং দেবি চিন্তযে ॥ ১৬৫॥
রহস্যযোগিনীং দেবীং সদাঽহং কলযামি তে ।
নমামি ত্রিপুরাসিদ্ধাং ভজে মুদ্রাং চ খেচরীম্ ॥ ১৬৬॥
মহাত্রিকোণস্য বাহ্যে চতুর্দিক্ষু মহেশ্বরি ।
নমামি জৃম্ভ্ণান্ বাণান্ চাপং সম্মোহনং ভজে ॥ ১৬৭॥
পাশং বশঙ্করং বন্দে ভজে স্তম্ভনমঙ্কুশম্ ।
ত্রিকোণেঽহং জগদ্ধাত্রীং মহাকামেশ্বরীং ভজে ॥ ১৬৮॥
মহাবজ্রেশ্বরীং বন্দে মহাশ্রীমালিনীং ভজে ।
মহাশ্রীসুন্দরীং বন্দে সর্বকামফলপ্রদাম্ ॥ ১৬৯॥
সর্বসিদ্ধিপ্রদং চক্রং তব দেবি নমাম্যহম্ ।
নমাম্যতিরহস্যাখ্যাং যোগিনীং তত্র কামদাম্ ॥ ১৭০॥
ত্রিপুরাম্বাং নমস্যামি বীজমুদ্রাং নমাম্যহম্ ।
মূলমন্ত্রেণ ললিতে ত্বাং বিন্দৌ পূজযাম্যহম্ ॥ ১৭১॥
সর্বানন্দমযং চক্রং নমামি ললিতে তব ।
পরাপররহস্যাখ্যাং যোগিনীং কলযে সদা ॥ ১৭২॥
মহাচক্রেশ্বরীং বন্দে যোনিমুদ্রামহং ভজে ।
ধূপাদিকং সর্বমযি তে কল্পযাম্যহম্ ॥ ১৭৩॥
ত্বত্প্রীতযে মহামুদ্রাং দর্শযামি ততঃ শিবে ।
ত্রিধা ত্বাং মূলমন্ত্রেণ তর্পযামি ততঃ শিবে ॥ ১৭৪॥
শাল্যন্নং মধুসংযুক্তং পাযসাপূপসংযুতম্ ।
ঘৃতসূপসমাযুক্তং সর্বভক্ষ্যসমন্বিতম্ ॥ ১৭৫॥
সসিতং ক্ষীরসংযুক্তং বহুশাকসমন্বিতম্ ।
নিক্ষিপ্য কাঞ্চনে পাত্রে নৈবেদ্যং কল্পযামি তে ॥ ১৭৬॥
সঙ্কল্প্য বিন্দুনা বক্ত্রং কুচৌ বিন্দুদ্বযেন চ ।
যোনিং তু সপরার্ধেন কৃত্বা শ্রীত্রিপুরে তব ॥ ১৭৭॥
এতত্ কামকলারূপং ভক্তানাং সর্বকামদম্ ।
সর্বসম্পত্প্রদং বন্দে নমস্তে ত্রিপুরেশ্বরি ॥ ১৭৮॥
বামভাগে ত্রিকোণং চ বৃত্তং চ চতুরস্রকম্ ।
কৃত্বা গন্ধাক্ষতাদ্যৈশ্চ হ্যর্চযামি মহেশ্বরি ॥ ১৭৯॥
বাগ্ভবাদ্যং নমস্যামি তত্র ব্যাপকমণ্ডলম্ ।
জলযুক্তার্দ্রান্নযুক্তং মকারত্রযভাজনম্ ॥ ১৮০॥
তত্র বিন্যস্য দাস্যামি ভূতেভ্যো বলিমুত্তমম্ ।
নমস্তে দেবদেবেশি নমস্ত্রৈলোক্যবন্দিতে ॥ ১৮১॥
নমঃ পরশিবাঙ্কস্থে নমস্ত্রিপুরসুন্দরি ।
প্রদক্ষিণাং নমস্কারং মনসাঽহং করোমি তে ॥ ১৮২॥
ততঃ সকলমন্ত্রাণাং সম্রাজ্ঞীং পরমেশ্বরীম্ ।
প্রজপামি মহাবিদ্যাং ত্বত্প্রীত্যার্থমহং সদা ।
তব বিদ্যাং প্রজপ্ত্বাঽথ স্তৌমি ত্বাং পরমেশ্বরীম্ ॥ ১৮৩॥
মহাদেবি মহেশানি সদাশিব মহাপ্রিযে ।
মহানিত্যে মহাসিদ্ধে ত্বামহং শরণং ব্রজে ॥ ১৮৪॥
জয ত্বং ত্রিপুরে দেবি ললিতে জগদীশ্বরি ।
সদাশিবপ্রিযকরি পাহি মাং করুণাকরি ॥ ১৮৫॥
জগন্মাতর্জগদ্রূপে জগদীশ্বরবল্লভে ।
জগন্মযে জগস্তুল্যে গৌরি ত্বামহমাশ্রযে ॥ ১৮৬॥
অনাদ্যে সর্বলোকানামাদ্যে ভক্তেষ্টদাযিনি ।
গিরিরাজস্য তনযে নমস্তে ত্রিপুরেশ্বরি ॥ ১৮৭॥
জযাদিদেবদেবেশি ব্রহ্মমাতর্নমোঽস্তু তে ।
বিষ্ণুমাতরনাদ্যন্তে হরমাতঃ সুরেশ্বরি ॥ ১৮৮॥
ব্রহ্মাদিসুরসংস্তুত্যে লোকত্রযবশঙ্করি ।
সর্বসম্পত্প্রদে নিত্যে ত্বামহং কলযে সদা ॥ ১৮৯॥
নিত্যানন্দে নিরাধারে চিদ্রূপিণি শিবপ্রিযে ।
অণিমাদিগুণাধারে ত্বাং সদা কলযাম্যহম্ ॥ ১৯০॥
ব্রাহ্ম্যাদিমাতৃসংস্তুত্যে সর্বাবরণসংযুতে ।
জ্যোতির্মযে মহারূপে পাহি মাং ত্রিপুরে সদা ॥ ১৯১॥
লক্ষ্মীবাণ্যাদিসম্পূজ্যে ব্রহ্মবিষ্ণুশিবস্তুতে ।
ভজামি তব পাদাব্জং সর্বকামফলপ্রদম্ ॥ ১৯২॥
সর্বশক্তিসমোপেতং সর্বাভীষ্টফলপ্রদে ।
নমামি তব পাদাব্জং দেবি ত্রিপুরসুন্দরি ॥ ১৯৩॥
ত্বত্প্রিযার্থং ততঃ কাংশ্চিচ্ছক্তিং সম্পূজযাম্যহম্ ।
মপঞ্চকেন তাং শক্তিং তর্পযামি মহেশ্বরি ॥ ১৯৪॥
তযোপেতং হবিঃশেষং চিদগ্নৌ প্রজুহোম্যহম্ ।
ত্বত্প্রিযার্থং মহাদেবি মমাভীষ্টার্থসিদ্ধযে ॥ ১৯৫॥
বদ্ধ্বা তাং খেচরীং মুদ্রাং ক্ষমস্বোদ্বাসযাম্যহম্ ।
তিষ্ঠ মে হৃদযে নিত্যং ত্রিপুরে পরমেশ্বরি ॥ ১৯৬॥
জগদম্বে মহারাজ্ঞি মহাশক্তি শিবপ্রিযে ।
হৃচ্চক্রে তিষ্ঠ সততং মহাত্রিপুরসুন্দরি ॥ ১৯৭॥
সর্বলোকৈকসম্পূজ্যে সকলাবরণৈর্যুতে ।
হৃচ্চক্রে তিষ্ঠ মে নিত্যং মহাত্রিপুরসুন্দরি ॥ ১৯৮॥
॥ ফলশ্রুতি ॥
এতত্ ত্রিপুরসুন্দর্যা হৃদযং সর্বকামদম্ ।
মহারহস্যং পরমং দুর্লভং দৈবতৈরপি ॥ ১॥
সাক্ষাত্ সদাশিবেনোক্তং গুহ্যাদ্গুহ্যমনুত্তমম্ ॥ ২॥
যঃ পঠেন্নিত্যমেকাগ্রঃ শ্রৃণুযাদ্ বা সমাহিতঃ ।
নিত্যপূজাফলং দেব্যাঃ স লভেন্নাত্র সংশযঃ ॥ ৩॥
পাপৈঃ স মুচ্যতে সদ্যঃ কাযবাক্চিত্তসম্ভবৈঃ ।
সর্বজন্মসমুদ্ভূতৈর্জ্ঞানকৃতৈরপি ॥ ৪॥ missing letter or word
সর্বক্রতুষু যত্পুণ্যং সর্বতীর্থেষু যত্ ফলম্ ।
তত্পুণ্যং লভতে নিত্যং মানবো নাত্র সংশযঃ ॥ ৫॥
অচলাং লভতে লক্ষ্মীং ত্রৈলোক্যে চাপি দুর্লভাম্ ।
সাক্ষাদ্ বিষ্ণুসমো মর্ত্যো শীঘ্রমেব ভবেত্ সদা ॥ ৬॥
অষ্টৈশ্বর্যমবাপ্নোতি স শীঘ্রং মানবোত্তমঃ ।
গুটিকাপাদুকাসিদ্ধ্যাদ্যষ্টকং শীঘ্রমশ্নুতে ॥ ৭॥
শঙ্খাদ্যা নিধ্যো বাঽপি তং নিত্যং পর্যুপাসতে ।
বশ্যাদীন্যষ্টকর্মাণি শীঘ্রং সিদ্ধ্যন্তি সর্বদা ॥ ৮॥
ভূলোকস্থাঃ সর্বনার্যঃ পাতালস্থাঃ সদাঙ্গনাঃ ।
সর্বলোকস্থিতাঃ সর্বা যাশ্চান্যারূপগর্বিতাঃ ॥ ৯॥
রমন্তে তেন সততং শীঘ্রং বশ্যা ন সংশযঃ ।
রাজাদ্যাঃ সকলা মর্ত্যাঃ হরহর্যাদযঃ সুরাঃ ॥ ১০॥
অনন্তাদ্যা মহানাগাঃ সিদ্ধযোগেশ্বরাদযঃ ।
ঋষযো মুনযো যক্ষাস্তং নিত্যং পর্যুপাসতে ॥ ১১॥
মহতীং কীর্তিমাপ্নোতি শিববিষ্ণুসমপ্রভাম্ ।
পরমং যোগমাসাদ্য খেচরো জাযতে সদা ॥ ১২॥
অপমৃত্যুবিনির্মুক্তঃ কালমৃত্যুবিবর্জিতঃ ।
পরমাযুষ্যমাপ্নোতি হরহর্যাদিদুর্লভম্ ॥ ১৩॥
অশ্রুতানি চ শাস্ত্রাণি ব্যাচষ্টে বিধিবত্ সদা ।
মূঢোঽপি সর্ববিদ্যাবান্ দক্ষিণামূর্তিবদ্ভবেত্ ॥ ১৪॥
গ্রহভূতপিশাচাদ্যা যক্ষগন্ধর্বরাক্ষসাঃ ।
এতস্য স্মরণাদেব বিনশ্যন্তি হি সর্বদা ॥ ১৫॥
তদ্গাত্রং প্রাপ্য সকলং বিষং সদ্যো বিনশ্যতি ।
সহস্রকামসঙ্কাশঃ কান্ত্যা যঃ সর্বদা ভবেত্ ॥ ১৬॥
তস্মাদেতত্ পঠেত্ স্তোত্রং ত্রিপুরাহৃদযং শুভম্ ।
জপেদ্ যঃ সর্বদা সাক্ষাদ্ ভবেদ্ দেবীস্বরূপকঃ ॥ ১৭॥
সাঙ্গং ত্রিপুরসুন্দর্যা নিত্যপূজাফলং লভেত্ ।
বিমুক্তো রোগসঙ্ঘাতৈরারোগ্যং মহদশ্নুতে ॥ ১৮॥
প্রাপ্নোতি মহদৈশ্বর্যং সর্ববিদ্যানিধির্ভবেত্ ।
তত্করস্পর্শমাত্রেণ নরো ব্রাহ্মণতাং লভেত্ ॥ ১৯॥
মুচ্যতে সকলৈর্বিঘ্নৈঃ স নিত্যং মানবোত্তমঃ ।
স ভুঙ্ক্তে সকলান্ ভোগান্ দুর্লভাংশ্চ দিনে দিনে ॥ ২০॥
লভতে পুত্রপৌত্রাংশ্চ মহালক্ষ্মীসমন্বিতান্ ।
পরমাযুষ্যসংযুক্তান্ সাক্ষচ্ছিবসমান্ গুণৈঃ ॥ ২১॥
সৃষ্টিপালনসংহারকর্তেবাযং সদা ভবেত্ ।
যস্তে কৃপাবান্ ভবতি স ত্রিমূর্তির্ন সংশযঃ ॥ ২২॥
তত্সমীপস্থিতঃ শীঘ্রং সদা জাতিস্মরোভবেত্ ।
তস্য গেহে সদা কামধেনুঃ কল্পতরুস্তথা ॥ ২৩॥
চিন্তামণিশ্চ সততং তিষ্ঠত্যেব ন সংশযঃ ।
মহাজযমবাপ্নোতি সদা সর্বত্র মানবঃ ॥ ২৪॥
বজ্রকাযসমো ভূত্বা চরত্যেব জগত্যযম্ ।
মহাসুখী ভবেন্নিত্যং পরমাত্মা ভবেত্ সদা ॥ ২৫॥
মুচ্যতে সকলেভ্যোঽপি বন্ধনৈঃ শ্রৃঙ্খলাদিভিঃ ।
তং পূজযন্তি সততং হরিরুদ্রাদযোঽপি চ ॥ ২৬॥
শুভমেব ভবেন্নিত্যং সদাপদ্ভির্বিমুচ্যতে ।
দেবগন্ধর্বরক্ষাদ্যৈর্ব্রহ্মাদ্যৈরপি দুর্লভান্ ॥ ২৭॥
প্রাপ্নোতি সকলান্ কামান্ শীঘ্রমেব ন সংশযঃ ।
দিব্যভোগযুতো দিব্যকন্যাভিঃ সহ সংযুতঃ ॥ ২৮॥
বিমানং স সমাস্থায দিব্যাভরণভূষিতঃ ।
দিব্যচন্দনলিপ্তাঙ্গঃ সদা বিংশতিবার্ষিকঃ ॥ ২৯॥
স ভুঙ্ক্তে সকলান্ ভোগান্ দেবলোকে নরঃ সদা ।
তস্মাদেতত্ পঠেত্ স্তোত্রং ত্রিপুরাহৃদযং শুভম্ ।
জপেদ্যঃ সততং ভক্ত্যা ভবেত্ সাক্ষাত্ সদা শিবঃ ॥ ৩০॥
॥ ইতি শ্রী রুদ্রযামলে ঈশ্বরপার্বতীসংবাদে
শ্রীললিতাত্রিপুরসুন্দরীহৃদযস্তোত্রম্ ॥
Encoded and proofread by PP
From Shrividya Sadhana.
Please send corrections to sanskrit@cheerful.com
Last updated ত্oday
http://sanskritdocuments.org
॥ শ্রীললিতাত্রিপুরসুন্দর্যৈ নমঃ ॥
॥ অথ শ্রীমত্ ললিতাত্রিপুরসুন্দরীহৃদযস্তোত্রসাধনা ॥
ॐ শুদ্ধস্ফটিকসঙ্কাশং দ্বিনেত্রং করুণানিধিম্ ।
বরাভযকরং বন্দে শ্রীগুরুং শিবরূপিণম্ ॥ ১॥
ভক্তাজ্ঞানতমোভানুং মূর্ধ্নি পঙ্কজসংস্থিতম্ ।
সদাশিবমযং নিত্যং শ্রীগুরুং প্রণমাম্যহম্ ॥ ২॥
শ্রীবিদ্যাং জগতাং ধাত্রীং সর্গস্থিতিলযেশ্বরীম্ ।
নমামি ললিতাং নিত্যং মহাত্রিপুরসুন্দরীম্ ॥ ৩॥
বিন্দুত্রিকোণসংযুক্তং বসুকোণসমন্বিতম্ ।
দশকোণদ্বযোপেতং ভুবনারসমন্বিতম্ ॥ ৪॥
দলাষ্টকসমোপেতং দলষোডশকান্বিতম্ ।
বৃত্তত্রযান্বিতং ভূমিসদনত্রযভূষিতম্ ॥ ৫॥
নমামি ললিতাচক্রং ভক্তানামেতদিষ্টদম্ ।
অমৃতাম্ভোনিধৌ তত্র রত্নদ্বীপং নমাম্যহম্ ॥ ৬॥
নানাবৃক্ষমহোদ্যানং বন্দেঽহং কল্পবাটিকাম্ ।
সন্তানবাটিকাং বন্দে হরিচন্দনবাটিকাম্ ॥ ৭॥
মন্দারবাটিকাং বন্দে পারিজাতাখ্যবাটিকাম্ ।
নমামি তব দেবেশি কদম্ববনবাটিকাম্ ॥ ৮॥
পুষ্পরাগমহারত্নপ্রাকারং প্রণমাম্যহম্ ।
পদ্মরাগাখ্যমণিভিঃ প্রাকারং সর্বদা ভজে ॥ ৯॥
গোমেদরত্নপ্রাকারং বজ্রপ্রাকারমাশ্রযে ।
বৈডূর্যরত্নপ্রাকারং প্রণমামি তবেশ্বরি ॥ ১০॥
ইন্দ্রনীলাখ্যরত্নানাং প্রাকারং প্রণমাম্যহম্ ।
মুক্তারত্নমযং চৈব প্রাকারং সর্বদা ভজে ॥ ১১॥
মরকতাখ্যমহারত্নপ্রাকারায নমস্তব ।
বিদ্রুমাখ্যমহারত্নপ্রাকারং তু তবাশ্রযে ॥ ১২॥
মাণিক্যমণ্ডপং বন্দে সহস্রস্তম্ভমণ্ডপম্ ।
ললিতে তব দেবেশি ভজাম্যমৃতবাপিকাম্ ॥ ১৩॥
আনন্দবাপিকাং বন্দে ভজে চৈব বিমর্শিকাম্ ।
ভজে বালাতপোদ্গারং চন্দ্রিকোদ্গারমাশ্রযে ॥ ১৪॥
মহাশৃঙ্গারপরিখাং মহাপদ্মাটবীং ভজে ।
চিন্তামণিমহারত্নগৃহরাজং নমাম্যহম্ ॥ ১৫॥
পূর্বাম্নাযমযং পূর্বদ্বারং দেবি ভজামি তে ।
দক্ষিণাম্নায রূপং তে দক্ষিণদ্বারমাশ্রযে ॥ ১৬॥
নমামি তে পরং দ্বারং পশ্চিমাম্নাযরূপকম্ ।
বন্দেঽহমুত্তরং দ্বারমুত্তরাম্নাযরূপকম্ ॥ ১৭॥
ঊর্ধ্বাম্নাযমঽহং বন্দে ঊর্ধ্বদ্বারং কুলেশ্বরি ।
ললিতে তব দেবেশি মহাসিংহাসনং ভজে ॥ ১৮॥
ব্রহ্মাত্মকমঞ্চপাদমেকং তব নমাম্যহম্ ।
একং বিষ্ণুমযং মঞ্চপাদং তব নমাম্যহম্ ॥ ১৯॥
একং রুদ্রমযং মঞ্চপাদং তব নমাম্যহম্ ।
মঞ্চপাদং নমাম্যেকং তব দেবীশ্বরাত্মকম্ ॥ ২০॥
মঞ্চৈকফলকং বন্দে সদাশিবমযং শুভম্ ।
নমামি তে হংসতূলতলিমাং পরমেশ্বরি ॥ ২১॥
ভজামি তে হংসতূল মহোপাধানমুত্তমম্ ।
কৌসুম্ভাস্তরণং দেবি তব নিত্যং নমাম্যহম্ ॥ ২২॥
মানসপূজা ।
মহাবিতানকং বন্দে মহাজবনিকাং ভজে ।
এবং পূজাগৃহং ধ্যাত্বা শ্রীচক্রস্য শিবপ্রিযে ॥ ২৩॥
মদ্দক্ষিণে স্থাপযামি ভাগে পুষ্পাক্ষতাদিকম্ ।
অভিতস্তে মহাদেবি দীপাঁস্তান্ দর্শযাম্যহম্ ॥ ২৪॥
মূলেন ত্রিপুরাচক্রং তব সম্পূজযাম্যহম্ ।
ত্রিভিঃখণ্ডৈস্তব ত্র্যস্ত্রং পূজযামি শিবপ্রিযে ॥ ২৫॥
বায্বগ্নিজলসংযুক্তপ্রাণাযামৈরহং শিবে ।
শোষণং দাহনং দেবি করোম্যাপ্লাবনং তথা ॥ ২৬॥
ত্রিবারং মূলমন্ত্রেণ প্রাণাযামং করোম্যহম্ ।
অপসর্পন্তু তে ভূতা যে ভূতা ভূমিসংস্থিতাঃ ॥ ২৭॥
যে ভূতা বিঘ্নকর্তারস্তে নশ্যন্তু শিবাজ্ঞযা ।
করোম্যনেন মন্ত্রেণ তালত্রযমহং শিবে ॥ ২৮॥
নারাযণোঽহং ব্রহ্মাঽহং ভৈরবোঽহং শিবোঽস্ম্যহম্ ।
দেবোঽহং পরমাত্মাঽহং মহাত্রিপুরসুন্দরি ॥ ২৯॥
ধ্যাত্বৈবং বজ্রকবচং ন্যাসং তব করোম্যহম্ ।
কুমারীবীজসংযুক্তং মহাত্রিপুরসুন্দরি ॥ ৩০॥
মাং রক্ষ রক্ষেতি হৃদি করোম্যঞ্জলিমীশ্বরি ।
নমো দেব্যাসনাযেতি তে করোম্যাসনং শিবে ॥ ৩১॥
চক্রাসনং নমস্যামি সর্বমন্ত্রাসনং ভজে ।
সাধ্যসিদ্ধাসনং বন্দে মন্ত্রৈরেভির্মহেশ্বরি ॥ ৩২॥
করোম্যস্মিংশ্চক্রমন্ত্রদেবতাসনমুত্তমম্ ।
করোম্যথ ষডঙ্গাখ্যং মাতৃকাশ্চ করোম্যহম্ ॥ ৩৩॥
বশিন্যাদ্যষ্টকং ন্যাসং ষোঢান্যাসং করোম্যহম্ ।
মহাষোঢাং ততঃ কুর্বে নবযোন্যাখ্যমুত্তমম্ ॥ ৩৪॥
চক্রন্যাসং ততঃ কুর্বে শ্রীকণ্ঠন্যাসমুত্তমম্ ।
কেশবাদি মহান্যাসং কামন্যাসং করোম্যহম্ ॥ ৩৫॥
কলান্যাসং ততঃ কুর্বে কুর্বে কামকলাহ্বযম্ ।
পীঠন্যাসং ততঃ কুর্বে তত্ত্বন্যাসং করোম্যহম্ ॥ ৩৬॥
ততঃ করোমি স্থিত্যাদিন্যাসং তত্ ত্রিপুরেশ্বরি ।
ততঃ শুদ্ধোদকেনাহং বামভাগে মহেশ্বরি ॥ ৩৭॥
করোমি মণ্ডলং বৃত্তং চতুরস্রং শিবপ্রিযে ।
পুষ্পৈরভ্যর্চ্য সাধারং শঙ্খং সংস্থাপযাম্যহম্ ॥ ৩৮॥
অর্চযামি ষডঙ্গেন জলমাপূরযাম্যহম্ ।
দদামি চাদিমং বিন্দুং কুর্বে মূলাভিমন্ত্রিতম্ ॥ ৩৯॥
তজ্জলেন জগন্মাতস্ত্রিকোণং বৃত্তসংযুতম্ ।
ষট্কোণং চতুরস্ত্রং চ মণ্ডলং প্রকরোম্যহম্ ॥ ৪০॥
বিদ্যযা পূজনং মধ্যে খণ্ডৈস্ত্র্যস্ত্রাভিপূজনম্ ।
বীজাবৃত্যা কোণষট্কং পূজযামি শিবপ্রিযে ॥ ৪১॥
তস্মিন্ দশকলাযুক্তমগ্নিমণ্ডলমাশ্রযে ।
ধূমার্চিষং নমস্যামি ঊষ্মাং চ জ্বলিনীং ভজে ॥ ৪২॥
জ্বলিনীং চ নমস্যামি বন্দেঽহং বিস্ফুল্লিঙ্গিনীম্ ।
সুশ্রিযং চ সুরূপাং চ কপিলাং প্রণমাম্যহম্ ॥ ৪৩॥
নৌমি হব্যবহাং নিত্যং ভজে কব্যবহাং কলাম্ ।
যাদিভিঃ সহিতা বহ্নেঃ কলা দশ তথা ভজে ॥ ৪৪॥
সূর্যস্য মণ্ডলং তত্র কলাদ্বাদশকাত্মকম্ ।
অর্ঘ্যপাত্রে ত্বঽহং বন্দে তপিনীং তাপিনীং ভজে ॥ ৪৫॥
ধূম্রাং মরীচিং বন্দেঽহং জ্বালিনীং চ রুচিং ভজে ।
সুষুম্ণাং ভোগদাং বন্দে ভজে বিশ্বাং চ বোধিনীম্ ॥ ৪৬॥
ধারিণীং চ ক্ষমাং বন্দে সৌরা এতাঃ কলা ভজে ।
সোমস্য মণ্ডলং তত্র কলাঃ ষোডশকাত্মকাঃ ॥ ৪৭॥
অর্ঘ্যামৃতাত্মকং বন্দেঽমৃতাং মানদাং স্তুবে ।
পূষাং তুষ্টিং ভজে পুষ্টিং রতিং ধৃতিমহং ভজে ॥ ৪৮॥
শশিনীং চন্দ্রিকাং বন্দে কান্তিং জ্যোত্স্নাং শ্রিযং ভজে ।
নৌমি প্রীতিং চাঙ্গদাং চ পূর্ণাং পূর্ণামৃতাং ভজে ॥ ৪৯॥
স্বরৈঃ ষোডশভির্যুক্তা ভজে সোমস্য বৈ কলাঃ ।
ত্রিকোণলেখনং কুর্বে অকথাদিসুরেখকম্ ॥ ৫০॥
হळক্ষবর্ণসংযুক্তং স্থিতান্তর্হংসভাস্বরম্ ।
বাক্কামশক্তিসংযুক্তং হংসেনারাধযাম্যহম্ ॥ ৫১॥
বৃত্তাদ্বহিঃ ষডস্রে চ লেখনং প্রকরোম্যহম্ ।
পুরোভাগাদি ষট্কোণং ষডঙ্গেনার্চযাম্যহম্ ॥ ৫২॥
শ্রীবিদ্যাযাঃ সপ্তবারং করোম্যত্রাভিমন্ত্রণম্ ।
সমর্পযামি বিশ্বেশি তস্মিন্ গন্ধাক্ষতাদিকম্ ॥ ৫৩॥
ধ্যাযামি পূজাদ্রব্যং তে সর্বং বিদ্যামযং শুভম্ ।
চতুর্নবতি সন্মন্ত্রান্ স্পৃষ্ট্বা তত্প্রজপাম্যহম্ ॥ ৫৪॥
বহ্নের্দশকলাঃ সূর্যকলাদ্বাদশকং ভজে ।
আশ্রযে ষোডশকলাস্তত্র সোমস্য কামদাঃ ॥ ৫৫॥
সৃষ্টিমৃদ্ধিং স্মৃতিং বন্দে মেধাং কান্তিং নমাম্যহম্ ।
লক্ষ্মীং ধৃতিং স্থিরাংবন্দে স্থিতিং সিদ্ধিং ভজাম্যহম্ ॥ ৫৬॥
এতাং ব্রহ্মকলাং বন্দে জরাং তাং পালিনীং ভজে ।
শান্তিং নমামীশ্বরীং চ রতিং বন্দে চ কামিকাম্ ॥ ৫৭॥
বরদাং হ্লাদিনীং বন্দে প্রীতিং দীর্ঘাং ভজাম্যহম্ ।
টাদিভিঃ সহিতা বিষ্ণোঃ কলা দশ তথা ভজে ॥ ৫৮॥
এতা বিষ্ণোঃ কলা বন্দে তীক্ষ্ণাং রৌদ্রীং ভযাং তথা ।
নিদ্রাং তন্দ্রাং ক্ষুধাং বন্দে নমামি ক্রোধিনীং ক্রিযাম্ ॥ ৫৯॥
উদ্গারীং চ ভজে মৃত্যুমেতা রুদ্রকলা ভজে ।
পীতাং শ্বেতাং ভজে নিত্যমরুণাং চ তথা ভজে ॥ ৬০॥
ভজেঽসিতাং তথাঽনন্তাং ষাদিভিঃ সহিতাস্তথা ।
ঈশ্বরস্য কলা হ্যেতা বন্দে নিত্যমভীষ্টদাঃ ॥ ৬১॥
নিবৃত্তিং চ প্রতিষ্ঠাং চ বিদ্যাং শান্তিং নমাম্যহম্ ।
ইন্ধিকাং দীপিকাং চৈব রেচিকাং মোচিকাং তথা ॥ ৬২॥
পরাং সূক্ষ্মাং নমস্যামি নৌমি সূক্ষ্মামৃতাং কলাম্ ।
বন্দে জ্ঞানাং কলাং চৈব তথা জ্ঞানামৃতাং কলাম্ ॥ ৬৩॥
আপ্যাযিনীং ব্যাপিনীং চ ব্যোমরূপাং নমাম্যহম্ ।
কলাঃ সদাশিবস্যৈতাঃ ষোডশ প্রণমাম্যহম্ ॥ ৬৪॥
হাংসাখ্যং চ মহামন্ত্রং জ্যোতিষং হংসমাশ্রযে ।
প্রতত্প্রথমবিশ্বান্তং মন্ত্রং জ্যোতিষমাশ্রযে ॥ ৬৫॥
ত্র্যম্বকং চ নমস্যামি তদ্বিষ্ণোঃ প্রণমাম্যহম্ ।
বিষ্ণুর্যোনিং মূলবিদ্যাং মন্ত্রৈরেভিরনুত্তমৈঃ ॥ ৬৬॥
অমৃতং মন্ত্রিতং বন্দে চতুর্নবতিভিস্তব ।
অখণ্ডৈকরসানন্দকরেঽপরসুধাত্মনি ॥ ৬৭॥
স্বচ্ছন্দস্ফুরণামত্র নিধেহ্যকুলরূপিণি ।
অকুলস্থামৃতাকারে শুদ্ধজ্ঞানকরে পরে ॥ ৬৮॥
অমৃতত্বং নিধেহ্যস্মিন্ বস্তুনি ক্লিন্নরূপিণি ।
তদ্রূপিণ্যৈকরস্যত্বং কৃত্বা হ্যেতত্স্বরূপিণি ॥ ৬৯॥
ভূত্বা পরামৃতাঽঽকারা মযি চিত্স্ফুরণং কুরু ।
অমৃতেশীং নমস্যামি সর্বদামৃতবর্ষিণীম্ ॥ ৭০॥
বাগ্বাদিনীং নমস্যামি শ্রীবিদ্যাং প্রণমাম্যহম্ ।
এভির্মনূত্তমৈর্বন্দে মন্ত্রিতং পরমামৃতম্ ॥ ৭১॥
জ্যোতির্মযমিদং কুর্বে পরমর্ঘ্যং মহেশ্বরি।
তদ্বিন্দুভির্মে শিরসি ত্রিগুরূন্ পূজযাম্যহম্ ॥ ৭২॥
ব্রহ্মাঽহমস্মি তদ্বিন্দুং কুণ্ডলিন্যা জুহোম্যহম্ ।
হৃচ্চক্রস্থা মহাদেবীং মহাত্রিপুরসুন্দরীম্ ॥ ৭৩॥
নিরস্তমোহতিমিরাং সাক্ষাত্ সংবিত্স্বরূপিণীম্ ।
নাসাপুটে পরকলামথ নির্গমযাম্যহম্ ॥ ৭৪॥
সমানযামি তাং হস্তে ত্রিখণ্ডকুসুমাঞ্জলৌ ।
জগন্মাতর্মহাদেবি মহাত্রিপুরসুন্দরি ॥ ৭৫॥
সুধাচৈতন্যমূর্তিং তে কল্পযামি নমঃ শিবে ।
অনেন মনুনা দেবি যন্ত্রে ত্বাং স্থাপযাম্যহম্ ॥ ৭৬॥
মহাপদ্মবনান্তঃস্থে কারণানন্দবিগ্রহে ।
সর্বভূতহিতে মাতরেহ্যেহি পরমেশ্বরি ॥ ৭৭॥
দেবেশি ভক্তিসুলভে সর্বাবরণসংযুতে ।
যাবত্ ত্বাং পূজযিষ্যামি তাবত্ ত্বং সুস্থিরা ভব ॥ ৭৮॥
অনেন মন্ত্রযুগ্মেন ত্বামত্রাবাহযাম্যহম্ ।
কল্পযামি নমঃ পাদ্যমর্ঘ্যং তে কল্পযাম্যহম্ ॥ ৭৯॥
সুগন্ধতৈলাভ্যঙ্গং চ মজ্জশালাপ্রবেশনম্ ।
কল্পযামি নমস্তস্মিন্ মণিপীঠোপবেশনম্ ॥ ৮০॥
দিব্যস্নানীযমীশানি গৃহাণোদ্বর্তনং শুভম্ ।
গৃহাণোষ্ণোদকস্নানং কল্পযামি নমস্তব ॥ ৮১॥
হেমকুম্ভচ্যুতৈস্তীর্থৈঃ কল্পযাম্যভিষেচনম্ ।
কল্পযামি নমস্তুভ্যং ধৌতেন পরিমার্জনম্ ॥ ৮২॥
বালভানুপ্রতীকাশং দুকূলপরিধানকম্ ।
অরুণেন দুকূলেনোত্তরীযং কল্পযামি তে ॥ ৮৩॥
প্রবেশনং কল্পযামি তবালেপনমণ্ডপম্ ।
নমস্তে কল্পযাম্যত্র মণিপীঠোপবেশনম্ ॥ ৮৪॥
অষ্টগন্ধৈঃ কল্পযামি সর্বাঙ্গেষু বিলেপনম্ ।
কালাগরু মহাধূপস্তব কেশভরস্য হি ॥ ৮৫॥
মল্লিকামালতীজাতীচম্পকাদিমনোরমৈঃ ।
রচিতাঃকুসুমৈর্মালাঃ কল্পযামি নমস্তব ॥ ৮৬॥
প্রবেশনং কল্পযামি নমো ভূষণমণ্ডপম্ ।
উপবেশং রত্নপীঠে তত্র তে কল্পযাম্যহম্ ॥ ৮৭॥
নবমাণিক্যমুকুটং তচ্চন্দ্রশকলং ততঃ ।
ততঃ সীমন্তসিন্দূরং ততস্তিলকমুত্তমম্ ॥ ৮৮॥
কালাঞ্জনং কল্পযামি পালীযুগলমুত্তমম্ ।
মণিকুণ্ডলযুগ্মং তে নাসাভরণমীশ্বরি ॥ ৮৯॥
তে কল্পযামি ত্রিপুরে ললিতাঽধরযাবকম্ ।
অথাঽঽদ্যভূষণং কণ্ঠে হেমচিন্তাকমুত্তমম্ ॥ ৯০॥
পদকং তে কল্পযামি মহাপদকমুত্তমম্ ।
কল্পযামি নমো মুক্তাবলিমেকাবলিং চ তে ॥ ৯১॥
ছন্নবীরং চ কেযূরযুগলানাং চতুষ্টযম্ ।
বলযাবলিমীশানি ঊর্মিকাবলিমীশ্বরি ॥ ৯২॥
কাঞ্চীদামকটীসূত্রং সৌভাগ্যাভরণং চ তে ।
ত্রিপুরে পাদকটকং কল্পযে রত্ননূপুরম্ ॥ ৯৩॥
পাদাঙ্গুলীযকং তুভ্যং পাশমেককরে তব ।
অন্যস্মিন্নঙ্কুশং দেবি পুণ্ড্রেক্ষুধনুষং পরে ॥ ৯৪॥
অপরে পুষ্পবাণাঁশ্চ শ্রীমন্মাণিক্যপাদুকে ।
নবাবরণদেবীভির্মহাচক্রাধিরোহণম্ ॥ ৯৫॥
কামেশ্বরাঙ্কপর্যঙ্ক উপবেশনমুত্তমম্ ।
সুধাসবাখ্যং চষকং ততঃ আচমনীযকম্ ॥ ৯৬॥
কর্পূরবীটিকাং তুভ্যং কল্পযামি নমঃ শিবে ।
আনন্দোল্লাসবেলাসহাসং তে কল্পযাম্যহম্ ॥ ৯৭॥
মঙ্গলারার্তিকং দেবি ছত্রং তে কল্পযাম্যহম্ ।
ততশ্চামরযুগ্মং তে দর্পণং কল্পযাম্যহম্ ॥ ৯৮॥
তালবৃন্তং কল্পযামি গন্ধং পুষ্পং মহেশ্বরি ।
ধূপং দীপং চ নৈবেদ্যং কল্পযামি নমস্তব ॥ ৯৯॥
অথাঽহং বৈন্দবে চক্রে সর্বানন্দমযাত্মিকে ।
রত্নসিংহাসনে রম্যে সমাসীনাং শিবপ্রিযাম্ ॥ ১০০॥
ধ্যানম্ ।
উদ্যদ্ভানুসহস্রাভ্যাং জপাপুষ্পসমপ্রভাম্ ।
নবরত্নপ্রভাদীপ্তমুকুটেন বিরাজিতাম্ ॥ ১০১॥
চন্দ্ররেখাসমোপেতাং কস্তূরীতিলকাঞ্চিতাম্ ।
কামকোদণ্ডসৌন্দর্যনির্জিতভ্রূলতাযুগাম্ ॥ ১০২॥
অঞ্জনাঞ্চিতনেত্রাং তাং পদ্মপত্রনিভেক্ষণাম্ ।
মণিকুণ্ডলসংযুক্তকর্ণদ্বযবিরাজিতাম্ ॥ ১০৩॥
মুক্তামাণিক্যখচিতনাসিকাভরণান্বিতাম্ ।
মদপাটলসংযুক্তকপোলযুগলান্বিতাম্ ॥ ১০৪॥
পক্ববিম্বফলাভাসাধরদ্বযবিরাজিতাম্ ।
শুদ্ধমুক্তাবলিপ্রখ্যদন্তপঙ্ক্তিবিরাজিতাম্ ॥ ১০৫॥
তাম্বূলপূরিতমুখীং সুস্মিতাস্যবিরাজিতাম্ ।
আদ্যভূষণসংযুক্তাং হেমচিন্তাকসংযুতাম্ ॥ ১০৬॥
পদকেন সমোপেতাং মহাপদকসংযুতাম্ ।
মুক্তাবলিসমোপেতামেকাবলিবিরাজিতাম্ ॥ ১০৭॥
কেযূরাঙ্গদসংযুক্তচতুর্বাহুবিরাজিতাম্ ।
অষ্টগন্ধসমোপেতাং শ্রীচন্দনবিলেপনাম্ ॥ ১০৮॥
হেমকুম্ভসমপ্রখ্যস্তনদ্বযবিরাজিতাম্ ।
রক্তবস্ত্রপরীধানাং রক্তকঞ্চুকসংযুতাম্ ॥ ১০৯॥
সূক্ষ্মরোমাবলীযুক্ততনুমধ্যবিরাজিতাম্ ।
মুক্তামাণিক্যখচিতকাঞ্চীযুতনিতম্বিনীম্ ॥ ১১০॥
সদাশিবাঙ্কস্থপৃথুমহাজঘনমণ্ডলাম্ ।
কদলীস্তম্ভসঙ্কাশঊরুযুগ্মবিরাজিতাম্ ॥ ১১১॥
কদলীকান্তিসঙ্কাশজঙ্ঘাযুগলশোভিতাম্ ।
গূঢগুল্ফদ্বযোপেতাং রক্তপাদযুগান্বিতাম্ ॥ ১১২॥
ব্রহ্মাবিষ্ণুমহাদেবশিরোমুকুটজাতযা ।
কান্ত্যা বিরাজিতপদাং ভক্তত্রাণপরাযণাম্ ॥ ১১৩॥
ইক্ষুকার্মুকপুষ্পেষু পাশাঙ্কুশধরাং পরাম্ ।
সংবিত্স্বরূপিণীং দেবীং ধ্যাযামি পরমেশ্বরীম্ ॥ ১১৪॥
ইতি ধ্যানম্ ।
প্রদর্শযাম্যথ শিবে নবমুদ্রা বরপ্রদাঃ ।
ত্বাং তর্পযামি ত্রিপুরে ত্রিধা মূলেন পার্বতি ॥ ১১৫॥
আগ্নেয্যামীশদিগ্ভাগে নৈঋত্যাং মারুতে তথা ।
মধ্যে দিক্ষু ষডঙ্গানি ক্রমাদভ্যর্চযাম্যহম্ ॥ ১১৬॥
আদ্যাং কামেশ্বরীং বন্দে নমামি ভগমালিনীম্ ।
নিত্যক্লিন্নাং নমস্যামি ভেরুণ্ডাং প্রণমাম্যহম্ ॥ ১১৭॥
বহ্নিবাসাং নমস্যামি মহাবজ্রেশ্বরীং স্তুবে ।
শিবদূতীং নমস্যামি ত্বরিতাং কুলসুন্দরীম্ ॥ ১১৮॥
নিত্যাং নীলপতাকাং চ বিজযাং সর্বমঙ্গলাম্ ।
জ্বালামালাং চ চিত্রাং চ মহানিত্যাং চ সংস্তুবে ॥ ১১৯॥
দিব্যৌঘেভ্যো নমস্যামি পরেশপরমেশ্বরীম্ ।
মিত্রেশমথ ষষ্ঠীশমুড্ডীশং প্রণমাম্যহম্ ॥ ১২০॥
চর্যানাথং নমস্যামি লোপামুদ্রামহং ভজে ।
অগস্ত্যং প্রণমস্যামি সিদ্ধৌঘে কালতাপনম্ ॥ ১২১॥
ধর্মাচার্যং নমস্যামি মুক্তকেশীশ্বরং ভজে ।
ভজে দীপকলানাথং মানবৌঘে ততঃ পরম্ ॥ ১২২॥
বিষ্ণুদেবং নমস্যামি প্রভাকরমহং ভজে ।
তেজোদেবং নমস্যামি মনোজমথ সংস্তুবে ॥ ১২৩॥
কল্যাণদেবং কলযে রত্নদেবং ভজাম্যহম্ ।
বাসুদেবং নমস্যামি শ্রীরামানন্দমাশ্রযে ॥ ১২৪॥
পরমেষ্ঠিগুরুং বন্দে পরমং গুরুমাশ্রযে ।
শ্রীগুরুং প্রণমস্যামি মূর্ধ্নি ব্রহ্মবিলে স্থিতম্ ॥ ১২৫॥
কং বিলেঽহং নমস্যামি শ্রীগুরোঃ পাদুকাং ততঃ ।
অথ প্রাথমিকে দেবি চতুরস্রে তবেশ্বরি ॥ ১২৬॥
অণিমাং লঘিমাং বন্দে মহিমাং প্রণমাম্যহম্ ।
ঈশিত্বসিদ্ধিং বন্দেঽহং বশিত্বং চ নমাম্যহম্ ॥ ১২৭॥
প্রাকাম্যসিদ্ধিং বন্দেঽহং ভুক্তিমিচ্ছামহং ভজে ।
প্রাপ্তিসিদ্ধিং সর্বকামপ্রদাসিদ্ধিমহং ভজে ॥ ১২৮॥
মধ্যমে চতুরস্রেঽহং ব্রাহ্মীং মাহেশ্বরীং ভজে ।
কৌমারীং বৈষ্ণবীং বন্দে বারাহীং প্রণমাম্যহম্ ॥ ১২৯॥
মাহেন্দ্রীমপি চামুণ্ডাং মহালক্ষ্মীমহং ভজে ।
তৃতীযে চতুরস্রেঽহং সর্বসংক্ষোভিণীং ভজে ॥ ১৩০॥
সর্ববিদ্রাবিণীং মুদ্রাং সর্বাকর্ষিণিকাং ভজে ।
মুদ্রাং বশঙ্করীং বন্দে সর্বোন্মাদিনিকাং ভজে ॥ ১৩১॥
ভজে মহাঙ্কুশাং মুদ্রাং খেচরীং প্রণমাম্যহম্ ।
বীজমুদ্রাং যোনিমুদ্রাং ভজে সর্বত্রিখণ্ডিনীম্ ॥ ১৩২॥
ত্রৈলোক্যমোহনং চক্রং নমামি ললিতে তব ।
নমামি যোগিনীং তত্র প্রকটাখ্যামভীষ্টদাম্ ॥ ১৩৩॥
সুধার্ণবাসনং বন্দে তত্র তে পরমেশ্বরি ।
চক্রেশ্বরীং তত্র বন্দে ত্রিপুরাং পরমেশ্বরীম্ ॥ ১৩৪॥
সর্বেসংক্ষোভিণীং মুদ্রাং ততোঽহং কলযে শিবে ।
অথাঽহং ষোডশদলে কামাকর্ষণিকাং ভজে ॥ ১৩৫॥
বুদ্ধ্যাকর্ষণিকাং বন্দেঽহঙ্কার্ষণীং ভজে ।
শব্দাকর্ষণিকাং বন্দে স্পর্শাকর্ষণিকাং ভজে ॥ ১৩৬॥
রূপাকর্ষণিকাং বন্দে রসাকর্ষণিকাং ভজে ।
গন্ধাকর্ষণিকাং বন্দে চিত্তাকর্ষণিকাং ভজে ॥ ১৩৭॥
ধৈর্যাকর্ষণিকাং বন্দে স্মৃত্যাকর্ষণিকাং ভজে ।
নামাকর্ষণিকাং বন্দে বীজাকর্ষণিকাং ভজে ॥ ১৩৮॥
আত্মাকর্ষণিকাং বন্দে হ্যমৃতাকর্ষণীং ভজে ।
শরীরাকর্ষণীং বন্দে নিত্যাং শ্রীপরমেশ্বরীম্ ॥ ১৩৯॥
সর্বাশাপূরকং চক্রং কলযেঽহং তবেশ্বরি ।
গুপ্তাখ্যাং যোগিনীং বন্দে তত্রাঽহং গুপ্তপূজিতাম্ ॥ ১৪০॥
পীতাম্বুজাসনং তত্র নমামি ললিতে তব ।
ত্রিপুরেশীং মহাদেবীং ভজামীষ্টার্থংসিদ্ধিদাম্ ॥ ১৪১॥
সর্বংবিদ্রাবিণীং মুদ্রাং তত্রাঽহং তাং বিচিন্তযে ।
শিবে তবাষ্টপত্রেঽহমনঙ্গকুসুমাং ভজে ॥ ১৪২॥
অনঙ্গমেখলাং বন্দে হ্যনঙ্গমদনাং ভজে ।
ততোঽহং প্রণমস্যামি হ্যনঙ্গমদনাতুরাম্ ॥ ১৪৩॥
অনঙ্গরেখাং কলযে ভজে তেঽনঙ্গবেগিনীম্ ।
ভজেঽনঙ্গাঙ্কুশাং দেবি তব চানঙ্গমালিনীম্ ॥ ১৪৪॥
সর্বসংক্ষোভণং চক্রং তত্রাঽহং কলযে সদা ।
বন্দে গুপ্ততরাখ্যাং তাং যোগিনীং সর্বকামদাম্ ॥ ১৪৫॥
তত্রাঽহং প্রণমস্যামি দেব্যাত্মাসনমুত্তমম্ ।
নমামি জগদীশানীমঽহং ত্রিপুরসুন্দরীম্ ॥ ১৪৬॥
সর্বাকর্ষণিকাং মুদ্রাং তত্রাঽহং কলযামি তে ।
ভুবনারে তব শিবে সর্বসংক্ষোভিণীং ভজে ॥ ১৪৭॥
সর্ববিদ্রাবিণীং বন্দেঽহং সর্বাকর্ষিণিকাং ভজে ।
সকলাহ্লাদিনীং বন্দে সর্বসম্মোহিনীং ভজে ॥ ১৪৮॥
সকল স্তম্ভিনীং বন্দে কলযে সর্বজৃম্ভিনীম্ ।
বশঙ্করীং নমস্যামি সর্বরঞ্জনিকাং ভজে ॥ ১৪৯॥
সকলোন্মাদিনীং বন্দে ভজে সর্বার্থসাধিনীম্ ।
সম্পত্তিপূরিণীং বন্দে সর্বমন্ত্রমযীং ভজে ॥ ১৫০॥
ভজাম্যহং ততঃ শক্তিং সর্বদ্বন্দ্বক্ষযঙ্করীম্ ।
তত্রাঽহং কলযে চক্রং সর্বসৌভাগ্যদাযকম্ ॥ ১৫১॥
নমামি জগতাং ধাত্রীং সম্প্রদাযাখ্যযোগিনীম্ ।
শিবে তব নমস্যামি শ্রীচক্রাসনমুত্তমম্ ॥ ১৫২॥
নমামি জগদীশানীমহং ত্রিপুরবাসিনীম্ ।
কলযেঽহং তব শিবে মুদ্রাং সর্ববশঙ্করীম্ ॥ ১৫৩॥
বহির্দশারে তে দেবি সর্বসিদ্ধিপ্রদাং ভজে ।
সর্বসম্পত্প্রদাং বন্দে ভজে সর্বপ্রিযঙ্করীম্ ॥ ১৫৪॥
নমাম্যহং ততো দেবীং সর্বমঙ্গলকারিণীম্ ।
সর্বকামপ্রদাং বন্দে সর্বদুঃখবিমোচিনীম্ ॥ ১৫৫॥
সর্বমৃত্যুপ্রশমনীং সর্ববিঘ্ননিবারিণীম্ ।
সর্বাঙ্গসুন্দরীং দেবীং সর্বসৌভাগ্যদাযিনীম্ ॥ ১৫৬॥
সর্বার্থসাধকং চক্রং তথাঽহং কলযে সদা ।
কলযামি ততো দেবীং কুলোত্তীর্ণাখ্যযোগিনীম্ ॥ ১৫৭॥
সর্বমন্ত্রাসনং বন্দে ত্রিপুরাশ্রীযমাশ্রযে ।
কলযামি ততো মুদ্রাং সর্বোন্মাদনকারিণীম্ ॥ ১৫৮॥
অন্তর্দশারে তে দেবি সর্বজ্ঞাং প্রণমাম্যহম্ ।
সর্বশক্তিং নমস্যামি সর্বৈশ্বর্যপ্রদাং ভজে ॥ ১৫৯॥
সর্বজ্ঞানমযীং বন্দে সর্বব্যাধিবিনাশিনীম্ ।
সর্বাধারস্বরূপাং চ সর্বপাপহরাং ভজে ॥ ১৬০॥
সর্বানন্দমযীং বন্দে সর্বরক্ষাস্বরূপিণীম্ ।
প্রণমামি মহাদেবীং সর্বেপ্সিতপ্রদাং ভজে ॥ ১৬১॥
সর্বরক্ষাকরং চক্রং তত্রাঽহং কলযে সদা ।
নিগর্ভযোগিনীং বন্দে তত্রাঽহং পরমেশ্বরীম্ ॥ ১৬২॥
সাধ্যসিংহাসনং বন্দে ভজে ত্রিপুরমালিনীম্ ।
কলযামি ততো দেবি মুদ্রাং সর্বমহাঙ্কুশাম্ ॥ ১৬৩॥
অষ্টারে বশিনীং বন্দে ভজে কামেশ্বরীং সদা ।
মোদিনীং বিমলাং বন্দে হ্যরুণাং জযিনীং ভজে ॥ ১৬৪॥
সর্বেশ্বরীং নমস্যামি কৌলিনীং প্রণমাম্যহম্ ।
সর্বরোগহরং চক্রং তবাঽহং দেবি চিন্তযে ॥ ১৬৫॥
রহস্যযোগিনীং দেবীং সদাঽহং কলযামি তে ।
নমামি ত্রিপুরাসিদ্ধাং ভজে মুদ্রাং চ খেচরীম্ ॥ ১৬৬॥
মহাত্রিকোণস্য বাহ্যে চতুর্দিক্ষু মহেশ্বরি ।
নমামি জৃম্ভ্ণান্ বাণান্ চাপং সম্মোহনং ভজে ॥ ১৬৭॥
পাশং বশঙ্করং বন্দে ভজে স্তম্ভনমঙ্কুশম্ ।
ত্রিকোণেঽহং জগদ্ধাত্রীং মহাকামেশ্বরীং ভজে ॥ ১৬৮॥
মহাবজ্রেশ্বরীং বন্দে মহাশ্রীমালিনীং ভজে ।
মহাশ্রীসুন্দরীং বন্দে সর্বকামফলপ্রদাম্ ॥ ১৬৯॥
সর্বসিদ্ধিপ্রদং চক্রং তব দেবি নমাম্যহম্ ।
নমাম্যতিরহস্যাখ্যাং যোগিনীং তত্র কামদাম্ ॥ ১৭০॥
ত্রিপুরাম্বাং নমস্যামি বীজমুদ্রাং নমাম্যহম্ ।
মূলমন্ত্রেণ ললিতে ত্বাং বিন্দৌ পূজযাম্যহম্ ॥ ১৭১॥
সর্বানন্দমযং চক্রং নমামি ললিতে তব ।
পরাপররহস্যাখ্যাং যোগিনীং কলযে সদা ॥ ১৭২॥
মহাচক্রেশ্বরীং বন্দে যোনিমুদ্রামহং ভজে ।
ধূপাদিকং সর্বমযি তে কল্পযাম্যহম্ ॥ ১৭৩॥
ত্বত্প্রীতযে মহামুদ্রাং দর্শযামি ততঃ শিবে ।
ত্রিধা ত্বাং মূলমন্ত্রেণ তর্পযামি ততঃ শিবে ॥ ১৭৪॥
শাল্যন্নং মধুসংযুক্তং পাযসাপূপসংযুতম্ ।
ঘৃতসূপসমাযুক্তং সর্বভক্ষ্যসমন্বিতম্ ॥ ১৭৫॥
সসিতং ক্ষীরসংযুক্তং বহুশাকসমন্বিতম্ ।
নিক্ষিপ্য কাঞ্চনে পাত্রে নৈবেদ্যং কল্পযামি তে ॥ ১৭৬॥
সঙ্কল্প্য বিন্দুনা বক্ত্রং কুচৌ বিন্দুদ্বযেন চ ।
যোনিং তু সপরার্ধেন কৃত্বা শ্রীত্রিপুরে তব ॥ ১৭৭॥
এতত্ কামকলারূপং ভক্তানাং সর্বকামদম্ ।
সর্বসম্পত্প্রদং বন্দে নমস্তে ত্রিপুরেশ্বরি ॥ ১৭৮॥
বামভাগে ত্রিকোণং চ বৃত্তং চ চতুরস্রকম্ ।
কৃত্বা গন্ধাক্ষতাদ্যৈশ্চ হ্যর্চযামি মহেশ্বরি ॥ ১৭৯॥
বাগ্ভবাদ্যং নমস্যামি তত্র ব্যাপকমণ্ডলম্ ।
জলযুক্তার্দ্রান্নযুক্তং মকারত্রযভাজনম্ ॥ ১৮০॥
তত্র বিন্যস্য দাস্যামি ভূতেভ্যো বলিমুত্তমম্ ।
নমস্তে দেবদেবেশি নমস্ত্রৈলোক্যবন্দিতে ॥ ১৮১॥
নমঃ পরশিবাঙ্কস্থে নমস্ত্রিপুরসুন্দরি ।
প্রদক্ষিণাং নমস্কারং মনসাঽহং করোমি তে ॥ ১৮২॥
ততঃ সকলমন্ত্রাণাং সম্রাজ্ঞীং পরমেশ্বরীম্ ।
প্রজপামি মহাবিদ্যাং ত্বত্প্রীত্যার্থমহং সদা ।
তব বিদ্যাং প্রজপ্ত্বাঽথ স্তৌমি ত্বাং পরমেশ্বরীম্ ॥ ১৮৩॥
মহাদেবি মহেশানি সদাশিব মহাপ্রিযে ।
মহানিত্যে মহাসিদ্ধে ত্বামহং শরণং ব্রজে ॥ ১৮৪॥
জয ত্বং ত্রিপুরে দেবি ললিতে জগদীশ্বরি ।
সদাশিবপ্রিযকরি পাহি মাং করুণাকরি ॥ ১৮৫॥
জগন্মাতর্জগদ্রূপে জগদীশ্বরবল্লভে ।
জগন্মযে জগস্তুল্যে গৌরি ত্বামহমাশ্রযে ॥ ১৮৬॥
অনাদ্যে সর্বলোকানামাদ্যে ভক্তেষ্টদাযিনি ।
গিরিরাজস্য তনযে নমস্তে ত্রিপুরেশ্বরি ॥ ১৮৭॥
জযাদিদেবদেবেশি ব্রহ্মমাতর্নমোঽস্তু তে ।
বিষ্ণুমাতরনাদ্যন্তে হরমাতঃ সুরেশ্বরি ॥ ১৮৮॥
ব্রহ্মাদিসুরসংস্তুত্যে লোকত্রযবশঙ্করি ।
সর্বসম্পত্প্রদে নিত্যে ত্বামহং কলযে সদা ॥ ১৮৯॥
নিত্যানন্দে নিরাধারে চিদ্রূপিণি শিবপ্রিযে ।
অণিমাদিগুণাধারে ত্বাং সদা কলযাম্যহম্ ॥ ১৯০॥
ব্রাহ্ম্যাদিমাতৃসংস্তুত্যে সর্বাবরণসংযুতে ।
জ্যোতির্মযে মহারূপে পাহি মাং ত্রিপুরে সদা ॥ ১৯১॥
লক্ষ্মীবাণ্যাদিসম্পূজ্যে ব্রহ্মবিষ্ণুশিবস্তুতে ।
ভজামি তব পাদাব্জং সর্বকামফলপ্রদম্ ॥ ১৯২॥
সর্বশক্তিসমোপেতং সর্বাভীষ্টফলপ্রদে ।
নমামি তব পাদাব্জং দেবি ত্রিপুরসুন্দরি ॥ ১৯৩॥
ত্বত্প্রিযার্থং ততঃ কাংশ্চিচ্ছক্তিং সম্পূজযাম্যহম্ ।
মপঞ্চকেন তাং শক্তিং তর্পযামি মহেশ্বরি ॥ ১৯৪॥
তযোপেতং হবিঃশেষং চিদগ্নৌ প্রজুহোম্যহম্ ।
ত্বত্প্রিযার্থং মহাদেবি মমাভীষ্টার্থসিদ্ধযে ॥ ১৯৫॥
বদ্ধ্বা তাং খেচরীং মুদ্রাং ক্ষমস্বোদ্বাসযাম্যহম্ ।
তিষ্ঠ মে হৃদযে নিত্যং ত্রিপুরে পরমেশ্বরি ॥ ১৯৬॥
জগদম্বে মহারাজ্ঞি মহাশক্তি শিবপ্রিযে ।
হৃচ্চক্রে তিষ্ঠ সততং মহাত্রিপুরসুন্দরি ॥ ১৯৭॥
সর্বলোকৈকসম্পূজ্যে সকলাবরণৈর্যুতে ।
হৃচ্চক্রে তিষ্ঠ মে নিত্যং মহাত্রিপুরসুন্দরি ॥ ১৯৮॥
॥ ফলশ্রুতি ॥
এতত্ ত্রিপুরসুন্দর্যা হৃদযং সর্বকামদম্ ।
মহারহস্যং পরমং দুর্লভং দৈবতৈরপি ॥ ১॥
সাক্ষাত্ সদাশিবেনোক্তং গুহ্যাদ্গুহ্যমনুত্তমম্ ॥ ২॥
যঃ পঠেন্নিত্যমেকাগ্রঃ শ্রৃণুযাদ্ বা সমাহিতঃ ।
নিত্যপূজাফলং দেব্যাঃ স লভেন্নাত্র সংশযঃ ॥ ৩॥
পাপৈঃ স মুচ্যতে সদ্যঃ কাযবাক্চিত্তসম্ভবৈঃ ।
সর্বজন্মসমুদ্ভূতৈর্জ্ঞানকৃতৈরপি ॥ ৪॥ missing letter or word
সর্বক্রতুষু যত্পুণ্যং সর্বতীর্থেষু যত্ ফলম্ ।
তত্পুণ্যং লভতে নিত্যং মানবো নাত্র সংশযঃ ॥ ৫॥
অচলাং লভতে লক্ষ্মীং ত্রৈলোক্যে চাপি দুর্লভাম্ ।
সাক্ষাদ্ বিষ্ণুসমো মর্ত্যো শীঘ্রমেব ভবেত্ সদা ॥ ৬॥
অষ্টৈশ্বর্যমবাপ্নোতি স শীঘ্রং মানবোত্তমঃ ।
গুটিকাপাদুকাসিদ্ধ্যাদ্যষ্টকং শীঘ্রমশ্নুতে ॥ ৭॥
শঙ্খাদ্যা নিধ্যো বাঽপি তং নিত্যং পর্যুপাসতে ।
বশ্যাদীন্যষ্টকর্মাণি শীঘ্রং সিদ্ধ্যন্তি সর্বদা ॥ ৮॥
ভূলোকস্থাঃ সর্বনার্যঃ পাতালস্থাঃ সদাঙ্গনাঃ ।
সর্বলোকস্থিতাঃ সর্বা যাশ্চান্যারূপগর্বিতাঃ ॥ ৯॥
রমন্তে তেন সততং শীঘ্রং বশ্যা ন সংশযঃ ।
রাজাদ্যাঃ সকলা মর্ত্যাঃ হরহর্যাদযঃ সুরাঃ ॥ ১০॥
অনন্তাদ্যা মহানাগাঃ সিদ্ধযোগেশ্বরাদযঃ ।
ঋষযো মুনযো যক্ষাস্তং নিত্যং পর্যুপাসতে ॥ ১১॥
মহতীং কীর্তিমাপ্নোতি শিববিষ্ণুসমপ্রভাম্ ।
পরমং যোগমাসাদ্য খেচরো জাযতে সদা ॥ ১২॥
অপমৃত্যুবিনির্মুক্তঃ কালমৃত্যুবিবর্জিতঃ ।
পরমাযুষ্যমাপ্নোতি হরহর্যাদিদুর্লভম্ ॥ ১৩॥
অশ্রুতানি চ শাস্ত্রাণি ব্যাচষ্টে বিধিবত্ সদা ।
মূঢোঽপি সর্ববিদ্যাবান্ দক্ষিণামূর্তিবদ্ভবেত্ ॥ ১৪॥
গ্রহভূতপিশাচাদ্যা যক্ষগন্ধর্বরাক্ষসাঃ ।
এতস্য স্মরণাদেব বিনশ্যন্তি হি সর্বদা ॥ ১৫॥
তদ্গাত্রং প্রাপ্য সকলং বিষং সদ্যো বিনশ্যতি ।
সহস্রকামসঙ্কাশঃ কান্ত্যা যঃ সর্বদা ভবেত্ ॥ ১৬॥
তস্মাদেতত্ পঠেত্ স্তোত্রং ত্রিপুরাহৃদযং শুভম্ ।
জপেদ্ যঃ সর্বদা সাক্ষাদ্ ভবেদ্ দেবীস্বরূপকঃ ॥ ১৭॥
সাঙ্গং ত্রিপুরসুন্দর্যা নিত্যপূজাফলং লভেত্ ।
বিমুক্তো রোগসঙ্ঘাতৈরারোগ্যং মহদশ্নুতে ॥ ১৮॥
প্রাপ্নোতি মহদৈশ্বর্যং সর্ববিদ্যানিধির্ভবেত্ ।
তত্করস্পর্শমাত্রেণ নরো ব্রাহ্মণতাং লভেত্ ॥ ১৯॥
মুচ্যতে সকলৈর্বিঘ্নৈঃ স নিত্যং মানবোত্তমঃ ।
স ভুঙ্ক্তে সকলান্ ভোগান্ দুর্লভাংশ্চ দিনে দিনে ॥ ২০॥
লভতে পুত্রপৌত্রাংশ্চ মহালক্ষ্মীসমন্বিতান্ ।
পরমাযুষ্যসংযুক্তান্ সাক্ষচ্ছিবসমান্ গুণৈঃ ॥ ২১॥
সৃষ্টিপালনসংহারকর্তেবাযং সদা ভবেত্ ।
যস্তে কৃপাবান্ ভবতি স ত্রিমূর্তির্ন সংশযঃ ॥ ২২॥
তত্সমীপস্থিতঃ শীঘ্রং সদা জাতিস্মরোভবেত্ ।
তস্য গেহে সদা কামধেনুঃ কল্পতরুস্তথা ॥ ২৩॥
চিন্তামণিশ্চ সততং তিষ্ঠত্যেব ন সংশযঃ ।
মহাজযমবাপ্নোতি সদা সর্বত্র মানবঃ ॥ ২৪॥
বজ্রকাযসমো ভূত্বা চরত্যেব জগত্যযম্ ।
মহাসুখী ভবেন্নিত্যং পরমাত্মা ভবেত্ সদা ॥ ২৫॥
মুচ্যতে সকলেভ্যোঽপি বন্ধনৈঃ শ্রৃঙ্খলাদিভিঃ ।
তং পূজযন্তি সততং হরিরুদ্রাদযোঽপি চ ॥ ২৬॥
শুভমেব ভবেন্নিত্যং সদাপদ্ভির্বিমুচ্যতে ।
দেবগন্ধর্বরক্ষাদ্যৈর্ব্রহ্মাদ্যৈরপি দুর্লভান্ ॥ ২৭॥
প্রাপ্নোতি সকলান্ কামান্ শীঘ্রমেব ন সংশযঃ ।
দিব্যভোগযুতো দিব্যকন্যাভিঃ সহ সংযুতঃ ॥ ২৮॥
বিমানং স সমাস্থায দিব্যাভরণভূষিতঃ ।
দিব্যচন্দনলিপ্তাঙ্গঃ সদা বিংশতিবার্ষিকঃ ॥ ২৯॥
স ভুঙ্ক্তে সকলান্ ভোগান্ দেবলোকে নরঃ সদা ।
তস্মাদেতত্ পঠেত্ স্তোত্রং ত্রিপুরাহৃদযং শুভম্ ।
জপেদ্যঃ সততং ভক্ত্যা ভবেত্ সাক্ষাত্ সদা শিবঃ ॥ ৩০॥
॥ ইতি শ্রী রুদ্রযামলে ঈশ্বরপার্বতীসংবাদে
শ্রীললিতাত্রিপুরসুন্দরীহৃদযস্তোত্রম্ ॥
Encoded and proofread by PP
From Shrividya Sadhana.
Please send corrections to sanskrit@cheerful.com
Last updated ত্oday
http://sanskritdocuments.org
Lalita Tripura Sundari Hrudaya Stotram Lyrics in Bengali PDF
% File name : shrIlalitAtripurasundarihRRidayastotram.itx
% Category : hRidaya
% Location : doc\_devii
% Language : Sanskrit
% Subject : hinduism/religion
% Transliterated by : PP
% Proofread by : PP
% Description-comments : from Kalyan-Mandir magazine
% Latest update : October 19, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shrIlalitAtripurasundarihRRidayastotram.itx
% Category : hRidaya
% Location : doc\_devii
% Language : Sanskrit
% Subject : hinduism/religion
% Transliterated by : PP
% Proofread by : PP
% Description-comments : from Kalyan-Mandir magazine
% Latest update : October 19, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website