ଶ୍ରୀଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରମ୍
{॥ ଶ୍ରୀଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରମ୍ ॥}
॥ ଶ୍ରୀଲଲିତାତ୍ରିପୁରସୁନ୍ଦର୍ଯୈ ନମଃ ॥
॥ ଅଥ ଶ୍ରୀମତ୍ ଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରସାଧନା ॥
ଓଂ ଶୁଦ୍ଧସ୍ଫଟିକସଙ୍କାଶଂ ଦ୍ଵିନେତ୍ରଂ କରୁଣାନିଧିମ୍ ।
ଵରାଭଯକରଂ ଵନ୍ଦେ ଶ୍ରୀଗୁରୁଂ ଶିଵରୂପିଣମ୍ ॥ ୧॥
ଭକ୍ତାଜ୍ଞାନତମୋଭାନୁଂ ମୂର୍ଧ୍ନି ପଙ୍କଜସଂସ୍ଥିତମ୍ ।
ସଦାଶିଵମଯଂ ନିତ୍ଯଂ ଶ୍ରୀଗୁରୁଂ ପ୍ରଣମାମ୍ଯହମ୍ ॥ ୨॥
ଶ୍ରୀଵିଦ୍ଯାଂ ଜଗତାଂ ଧାତ୍ରୀଂ ସର୍ଗସ୍ଥିତିଲଯେଶ୍ଵରୀମ୍ ।
ନମାମି ଲଲିତାଂ ନିତ୍ଯଂ ମହାତ୍ରିପୁରସୁନ୍ଦରୀମ୍ ॥ ୩॥
ବିନ୍ଦୁତ୍ରିକୋଣସଂଯୁକ୍ତଂ ଵସୁକୋଣସମନ୍ଵିତମ୍ ।
ଦଶକୋଣଦ୍ଵଯୋପେତଂ ଭୁଵନାରସମନ୍ଵିତମ୍ ॥ ୪॥
ଦଲାଷ୍ଟକସମୋପେତଂ ଦଲଷୋଡଶକାନ୍ଵିତମ୍ ।
ଵୃତ୍ତତ୍ରଯାନ୍ଵିତଂ ଭୂମିସଦନତ୍ରଯଭୂଷିତମ୍ ॥ ୫॥
ନମାମି ଲଲିତାଚକ୍ରଂ ଭକ୍ତାନାମେତଦିଷ୍ଟଦମ୍ ।
ଅମୃତାମ୍ଭୋନିଧୌ ତତ୍ର ରତ୍ନଦ୍ଵୀପଂ ନମାମ୍ଯହମ୍ ॥ ୬॥
ନାନାଵୃକ୍ଷମହୋଦ୍ଯାନଂ ଵନ୍ଦେଽହଂ କଲ୍ପଵାଟିକାମ୍ ।
ସନ୍ତାନଵାଟିକାଂ ଵନ୍ଦେ ହରିଚନ୍ଦନଵାଟିକାମ୍ ॥ ୭॥
ମନ୍ଦାରଵାଟିକାଂ ଵନ୍ଦେ ପାରିଜାତାଖ୍ଯଵାଟିକାମ୍ ।
ନମାମି ତଵ ଦେଵେଶି କଦମ୍ବଵନଵାଟିକାମ୍ ॥ ୮॥
ପୁଷ୍ପରାଗମହାରତ୍ନପ୍ରାକାରଂ ପ୍ରଣମାମ୍ଯହମ୍ ।
ପଦ୍ମରାଗାଖ୍ଯମଣିଭିଃ ପ୍ରାକାରଂ ସର୍ଵଦା ଭଜେ ॥ ୯॥
ଗୋମେଦରତ୍ନପ୍ରାକାରଂ ଵଜ୍ରପ୍ରାକାରମାଶ୍ରଯେ ।
ଵୈଡୂର୍ଯରତ୍ନପ୍ରାକାରଂ ପ୍ରଣମାମି ତଵେଶ୍ଵରି ॥ ୧୦॥
ଇନ୍ଦ୍ରନୀଲାଖ୍ଯରତ୍ନାନାଂ ପ୍ରାକାରଂ ପ୍ରଣମାମ୍ଯହମ୍ ।
ମୁକ୍ତାରତ୍ନମଯଂ ଚୈଵ ପ୍ରାକାରଂ ସର୍ଵଦା ଭଜେ ॥ ୧୧॥
ମରକତାଖ୍ଯମହାରତ୍ନପ୍ରାକାରାଯ ନମସ୍ତଵ ।
ଵିଦ୍ରୁମାଖ୍ଯମହାରତ୍ନପ୍ରାକାରଂ ତୁ ତଵାଶ୍ରଯେ ॥ ୧୨॥
ମାଣିକ୍ଯମଣ୍ଡପଂ ଵନ୍ଦେ ସହସ୍ରସ୍ତମ୍ଭମଣ୍ଡପମ୍ ।
ଲଲିତେ ତଵ ଦେଵେଶି ଭଜାମ୍ଯମୃତଵାପିକାମ୍ ॥ ୧୩॥
ଆନନ୍ଦଵାପିକାଂ ଵନ୍ଦେ ଭଜେ ଚୈଵ ଵିମର୍ଶିକାମ୍ ।
ଭଜେ ବାଲାତପୋଦ୍ଗାରଂ ଚନ୍ଦ୍ରିକୋଦ୍ଗାରମାଶ୍ରଯେ ॥ ୧୪॥
ମହାଶୃଙ୍ଗାରପରିଖାଂ ମହାପଦ୍ମାଟଵୀଂ ଭଜେ ।
ଚିନ୍ତାମଣିମହାରତ୍ନଗୃହରାଜଂ ନମାମ୍ଯହମ୍ ॥ ୧୫॥
ପୂର୍ଵାମ୍ନାଯମଯଂ ପୂର୍ଵଦ୍ଵାରଂ ଦେଵି ଭଜାମି ତେ ।
ଦକ୍ଷିଣାମ୍ନାଯ ରୂପଂ ତେ ଦକ୍ଷିଣଦ୍ଵାରମାଶ୍ରଯେ ॥ ୧୬॥
ନମାମି ତେ ପରଂ ଦ୍ଵାରଂ ପଶ୍ଚିମାମ୍ନାଯରୂପକମ୍ ।
ଵନ୍ଦେଽହମୁତ୍ତରଂ ଦ୍ଵାରମୁତ୍ତରାମ୍ନାଯରୂପକମ୍ ॥ ୧୭॥
ଊର୍ଧ୍ଵାମ୍ନାଯମଽହଂ ଵନ୍ଦେ ଊର୍ଧ୍ଵଦ୍ଵାରଂ କୁଲେଶ୍ଵରି ।
ଲଲିତେ ତଵ ଦେଵେଶି ମହାସିଂହାସନଂ ଭଜେ ॥ ୧୮॥
ବ୍ରହ୍ମାତ୍ମକମଞ୍ଚପାଦମେକଂ ତଵ ନମାମ୍ଯହମ୍ ।
ଏକଂ ଵିଷ୍ଣୁମଯଂ ମଞ୍ଚପାଦଂ ତଵ ନମାମ୍ଯହମ୍ ॥ ୧୯॥
ଏକଂ ରୁଦ୍ରମଯଂ ମଞ୍ଚପାଦଂ ତଵ ନମାମ୍ଯହମ୍ ।
ମଞ୍ଚପାଦଂ ନମାମ୍ଯେକଂ ତଵ ଦେଵୀଶ୍ଵରାତ୍ମକମ୍ ॥ ୨୦॥
ମଞ୍ଚୈକଫଲକଂ ଵନ୍ଦେ ସଦାଶିଵମଯଂ ଶୁଭମ୍ ।
ନମାମି ତେ ହଂସତୂଲତଲିମାଂ ପରମେଶ୍ଵରି ॥ ୨୧॥
ଭଜାମି ତେ ହଂସତୂଲ ମହୋପାଧାନମୁତ୍ତମମ୍ ।
କୌସୁମ୍ଭାସ୍ତରଣଂ ଦେଵି ତଵ ନିତ୍ଯଂ ନମାମ୍ଯହମ୍ ॥ ୨୨॥
ମାନସପୂଜା ।
ମହାଵିତାନକଂ ଵନ୍ଦେ ମହାଜଵନିକାଂ ଭଜେ ।
ଏଵଂ ପୂଜାଗୃହଂ ଧ୍ଯାତ୍ଵା ଶ୍ରୀଚକ୍ରସ୍ଯ ଶିଵପ୍ରିଯେ ॥ ୨୩॥
ମଦ୍ଦକ୍ଷିଣେ ସ୍ଥାପଯାମି ଭାଗେ ପୁଷ୍ପାକ୍ଷତାଦିକମ୍ ।
ଅଭିତସ୍ତେ ମହାଦେଵି ଦୀପାଁସ୍ତାନ୍ ଦର୍ଶଯାମ୍ଯହମ୍ ॥ ୨୪॥
ମୂଲେନ ତ୍ରିପୁରାଚକ୍ରଂ ତଵ ସମ୍ପୂଜଯାମ୍ଯହମ୍ ।
ତ୍ରିଭିଃଖଣ୍ଡୈସ୍ତଵ ତ୍ର୍ଯସ୍ତ୍ରଂ ପୂଜଯାମି ଶିଵପ୍ରିଯେ ॥ ୨୫॥
ଵାଯ୍ଵଗ୍ନିଜଲସଂଯୁକ୍ତପ୍ରାଣାଯାମୈରହଂ ଶିଵେ ।
ଶୋଷଣଂ ଦାହନଂ ଦେଵି କରୋମ୍ଯାପ୍ଲାଵନଂ ତଥା ॥ ୨୬॥
ତ୍ରିଵାରଂ ମୂଲମନ୍ତ୍ରେଣ ପ୍ରାଣାଯାମଂ କରୋମ୍ଯହମ୍ ।
ଅପସର୍ପନ୍ତୁ ତେ ଭୂତା ଯେ ଭୂତା ଭୂମିସଂସ୍ଥିତାଃ ॥ ୨୭॥
ଯେ ଭୂତା ଵିଘ୍ନକର୍ତାରସ୍ତେ ନଶ୍ଯନ୍ତୁ ଶିଵାଜ୍ଞଯା ।
କରୋମ୍ଯନେନ ମନ୍ତ୍ରେଣ ତାଲତ୍ରଯମହଂ ଶିଵେ ॥ ୨୮॥
ନାରାଯଣୋଽହଂ ବ୍ରହ୍ମାଽହଂ ଭୈରଵୋଽହଂ ଶିଵୋଽସ୍ମ୍ଯହମ୍ ।
ଦେଵୋଽହଂ ପରମାତ୍ମାଽହଂ ମହାତ୍ରିପୁରସୁନ୍ଦରି ॥ ୨୯॥
ଧ୍ଯାତ୍ଵୈଵଂ ଵଜ୍ରକଵଚଂ ନ୍ଯାସଂ ତଵ କରୋମ୍ଯହମ୍ ।
କୁମାରୀବୀଜସଂଯୁକ୍ତଂ ମହାତ୍ରିପୁରସୁନ୍ଦରି ॥ ୩୦॥
ମାଂ ରକ୍ଷ ରକ୍ଷେତି ହୃଦି କରୋମ୍ଯଞ୍ଜଲିମୀଶ୍ଵରି ।
ନମୋ ଦେଵ୍ଯାସନାଯେତି ତେ କରୋମ୍ଯାସନଂ ଶିଵେ ॥ ୩୧॥
ଚକ୍ରାସନଂ ନମସ୍ଯାମି ସର୍ଵମନ୍ତ୍ରାସନଂ ଭଜେ ।
ସାଧ୍ଯସିଦ୍ଧାସନଂ ଵନ୍ଦେ ମନ୍ତ୍ରୈରେଭିର୍ମହେଶ୍ଵରି ॥ ୩୨॥
କରୋମ୍ଯସ୍ମିଂଶ୍ଚକ୍ରମନ୍ତ୍ରଦେଵତାସନମୁତ୍ତମମ୍ ।
କରୋମ୍ଯଥ ଷଡଙ୍ଗାଖ୍ଯଂ ମାତୃକାଶ୍ଚ କରୋମ୍ଯହମ୍ ॥ ୩୩॥
ଵଶିନ୍ଯାଦ୍ଯଷ୍ଟକଂ ନ୍ଯାସଂ ଷୋଢାନ୍ଯାସଂ କରୋମ୍ଯହମ୍ ।
ମହାଷୋଢାଂ ତତଃ କୁର୍ଵେ ନଵଯୋନ୍ଯାଖ୍ଯମୁତ୍ତମମ୍ ॥ ୩୪॥
ଚକ୍ରନ୍ଯାସଂ ତତଃ କୁର୍ଵେ ଶ୍ରୀକଣ୍ଠନ୍ଯାସମୁତ୍ତମମ୍ ।
କେଶଵାଦି ମହାନ୍ଯାସଂ କାମନ୍ଯାସଂ କରୋମ୍ଯହମ୍ ॥ ୩୫॥
କଲାନ୍ଯାସଂ ତତଃ କୁର୍ଵେ କୁର୍ଵେ କାମକଲାହ୍ଵଯମ୍ ।
ପୀଠନ୍ଯାସଂ ତତଃ କୁର୍ଵେ ତତ୍ତ୍ଵନ୍ଯାସଂ କରୋମ୍ଯହମ୍ ॥ ୩୬॥
ତତଃ କରୋମି ସ୍ଥିତ୍ଯାଦିନ୍ଯାସଂ ତତ୍ ତ୍ରିପୁରେଶ୍ଵରି ।
ତତଃ ଶୁଦ୍ଧୋଦକେନାହଂ ଵାମଭାଗେ ମହେଶ୍ଵରି ॥ ୩୭॥
କରୋମି ମଣ୍ଡଲଂ ଵୃତ୍ତଂ ଚତୁରସ୍ରଂ ଶିଵପ୍ରିଯେ ।
ପୁଷ୍ପୈରଭ୍ଯର୍ଚ୍ଯ ସାଧାରଂ ଶଙ୍ଖଂ ସଂସ୍ଥାପଯାମ୍ଯହମ୍ ॥ ୩୮॥
ଅର୍ଚଯାମି ଷଡଙ୍ଗେନ ଜଲମାପୂରଯାମ୍ଯହମ୍ ।
ଦଦାମି ଚାଦିମଂ ବିନ୍ଦୁଂ କୁର୍ଵେ ମୂଲାଭିମନ୍ତ୍ରିତମ୍ ॥ ୩୯॥
ତଜ୍ଜଲେନ ଜଗନ୍ମାତସ୍ତ୍ରିକୋଣଂ ଵୃତ୍ତସଂଯୁତମ୍ ।
ଷଟ୍କୋଣଂ ଚତୁରସ୍ତ୍ରଂ ଚ ମଣ୍ଡଲଂ ପ୍ରକରୋମ୍ଯହମ୍ ॥ ୪୦॥
ଵିଦ୍ଯଯା ପୂଜନଂ ମଧ୍ଯେ ଖଣ୍ଡୈସ୍ତ୍ର୍ଯସ୍ତ୍ରାଭିପୂଜନମ୍ ।
ବୀଜାଵୃତ୍ଯା କୋଣଷଟ୍କଂ ପୂଜଯାମି ଶିଵପ୍ରିଯେ ॥ ୪୧॥
ତସ୍ମିନ୍ ଦଶକଲାଯୁକ୍ତମଗ୍ନିମଣ୍ଡଲମାଶ୍ରଯେ ।
ଧୂମାର୍ଚିଷଂ ନମସ୍ଯାମି ଊଷ୍ମାଂ ଚ ଜ୍ଵଲିନୀଂ ଭଜେ ॥ ୪୨॥
ଜ୍ଵଲିନୀଂ ଚ ନମସ୍ଯାମି ଵନ୍ଦେଽହଂ ଵିସ୍ଫୁଲ୍ଲିଙ୍ଗିନୀମ୍ ।
ସୁଶ୍ରିଯଂ ଚ ସୁରୂପାଂ ଚ କପିଲାଂ ପ୍ରଣମାମ୍ଯହମ୍ ॥ ୪୩॥
ନୌମି ହଵ୍ଯଵହାଂ ନିତ୍ଯଂ ଭଜେ କଵ୍ଯଵହାଂ କଲାମ୍ ।
ଯାଦିଭିଃ ସହିତା ଵହ୍ନେଃ କଲା ଦଶ ତଥା ଭଜେ ॥ ୪୪॥
ସୂର୍ଯସ୍ଯ ମଣ୍ଡଲଂ ତତ୍ର କଲାଦ୍ଵାଦଶକାତ୍ମକମ୍ ।
ଅର୍ଘ୍ଯପାତ୍ରେ ତ୍ଵଽହଂ ଵନ୍ଦେ ତପିନୀଂ ତାପିନୀଂ ଭଜେ ॥ ୪୫॥
ଧୂମ୍ରାଂ ମରୀଚିଂ ଵନ୍ଦେଽହଂ ଜ୍ଵାଲିନୀଂ ଚ ରୁଚିଂ ଭଜେ ।
ସୁଷୁମ୍ଣାଂ ଭୋଗଦାଂ ଵନ୍ଦେ ଭଜେ ଵିଶ୍ଵାଂ ଚ ବୋଧିନୀମ୍ ॥ ୪୬॥
ଧାରିଣୀଂ ଚ କ୍ଷମାଂ ଵନ୍ଦେ ସୌରା ଏତାଃ କଲା ଭଜେ ।
ସୋମସ୍ଯ ମଣ୍ଡଲଂ ତତ୍ର କଲାଃ ଷୋଡଶକାତ୍ମକାଃ ॥ ୪୭॥
ଅର୍ଘ୍ଯାମୃତାତ୍ମକଂ ଵନ୍ଦେଽମୃତାଂ ମାନଦାଂ ସ୍ତୁଵେ ।
ପୂଷାଂ ତୁଷ୍ଟିଂ ଭଜେ ପୁଷ୍ଟିଂ ରତିଂ ଧୃତିମହଂ ଭଜେ ॥ ୪୮॥
ଶଶିନୀଂ ଚନ୍ଦ୍ରିକାଂ ଵନ୍ଦେ କାନ୍ତିଂ ଜ୍ଯୋତ୍ସ୍ନାଂ ଶ୍ରିଯଂ ଭଜେ ।
ନୌମି ପ୍ରୀତିଂ ଚାଙ୍ଗଦାଂ ଚ ପୂର୍ଣାଂ ପୂର୍ଣାମୃତାଂ ଭଜେ ॥ ୪୯॥
ସ୍ଵରୈଃ ଷୋଡଶଭିର୍ଯୁକ୍ତା ଭଜେ ସୋମସ୍ଯ ଵୈ କଲାଃ ।
ତ୍ରିକୋଣଲେଖନଂ କୁର୍ଵେ ଅକଥାଦିସୁରେଖକମ୍ ॥ ୫୦॥
ହଳକ୍ଷଵର୍ଣସଂଯୁକ୍ତଂ ସ୍ଥିତାନ୍ତର୍ହଂସଭାସ୍ଵରମ୍ ।
ଵାକ୍କାମଶକ୍ତିସଂଯୁକ୍ତଂ ହଂସେନାରାଧଯାମ୍ଯହମ୍ ॥ ୫୧॥
ଵୃତ୍ତାଦ୍ବହିଃ ଷଡସ୍ରେ ଚ ଲେଖନଂ ପ୍ରକରୋମ୍ଯହମ୍ ।
ପୁରୋଭାଗାଦି ଷଟ୍କୋଣଂ ଷଡଙ୍ଗେନାର୍ଚଯାମ୍ଯହମ୍ ॥ ୫୨॥
ଶ୍ରୀଵିଦ୍ଯାଯାଃ ସପ୍ତଵାରଂ କରୋମ୍ଯତ୍ରାଭିମନ୍ତ୍ରଣମ୍ ।
ସମର୍ପଯାମି ଵିଶ୍ଵେଶି ତସ୍ମିନ୍ ଗନ୍ଧାକ୍ଷତାଦିକମ୍ ॥ ୫୩॥
ଧ୍ଯାଯାମି ପୂଜାଦ୍ରଵ୍ଯଂ ତେ ସର୍ଵଂ ଵିଦ୍ଯାମଯଂ ଶୁଭମ୍ ।
ଚତୁର୍ନଵତି ସନ୍ମନ୍ତ୍ରାନ୍ ସ୍ପୃଷ୍ଟ୍ଵା ତତ୍ପ୍ରଜପାମ୍ଯହମ୍ ॥ ୫୪॥
ଵହ୍ନେର୍ଦଶକଲାଃ ସୂର୍ଯକଲାଦ୍ଵାଦଶକଂ ଭଜେ ।
ଆଶ୍ରଯେ ଷୋଡଶକଲାସ୍ତତ୍ର ସୋମସ୍ଯ କାମଦାଃ ॥ ୫୫॥
ସୃଷ୍ଟିମୃଦ୍ଧିଂ ସ୍ମୃତିଂ ଵନ୍ଦେ ମେଧାଂ କାନ୍ତିଂ ନମାମ୍ଯହମ୍ ।
ଲକ୍ଷ୍ମୀଂ ଧୃତିଂ ସ୍ଥିରାଂଵନ୍ଦେ ସ୍ଥିତିଂ ସିଦ୍ଧିଂ ଭଜାମ୍ଯହମ୍ ॥ ୫୬॥
ଏତାଂ ବ୍ରହ୍ମକଲାଂ ଵନ୍ଦେ ଜରାଂ ତାଂ ପାଲିନୀଂ ଭଜେ ।
ଶାନ୍ତିଂ ନମାମୀଶ୍ଵରୀଂ ଚ ରତିଂ ଵନ୍ଦେ ଚ କାମିକାମ୍ ॥ ୫୭॥
ଵରଦାଂ ହ୍ଲାଦିନୀଂ ଵନ୍ଦେ ପ୍ରୀତିଂ ଦୀର୍ଘାଂ ଭଜାମ୍ଯହମ୍ ।
ଟାଦିଭିଃ ସହିତା ଵିଷ୍ଣୋଃ କଲା ଦଶ ତଥା ଭଜେ ॥ ୫୮॥
ଏତା ଵିଷ୍ଣୋଃ କଲା ଵନ୍ଦେ ତୀକ୍ଷ୍ଣାଂ ରୌଦ୍ରୀଂ ଭଯାଂ ତଥା ।
ନିଦ୍ରାଂ ତନ୍ଦ୍ରାଂ କ୍ଷୁଧାଂ ଵନ୍ଦେ ନମାମି କ୍ରୋଧିନୀଂ କ୍ରିଯାମ୍ ॥ ୫୯॥
ଉଦ୍ଗାରୀଂ ଚ ଭଜେ ମୃତ୍ଯୁମେତା ରୁଦ୍ରକଲା ଭଜେ ।
ପୀତାଂ ଶ୍ଵେତାଂ ଭଜେ ନିତ୍ଯମରୁଣାଂ ଚ ତଥା ଭଜେ ॥ ୬୦॥
ଭଜେଽସିତାଂ ତଥାଽନନ୍ତାଂ ଷାଦିଭିଃ ସହିତାସ୍ତଥା ।
ଈଶ୍ଵରସ୍ଯ କଲା ହ୍ଯେତା ଵନ୍ଦେ ନିତ୍ଯମଭୀଷ୍ଟଦାଃ ॥ ୬୧॥
ନିଵୃତ୍ତିଂ ଚ ପ୍ରତିଷ୍ଠାଂ ଚ ଵିଦ୍ଯାଂ ଶାନ୍ତିଂ ନମାମ୍ଯହମ୍ ।
ଇନ୍ଧିକାଂ ଦୀପିକାଂ ଚୈଵ ରେଚିକାଂ ମୋଚିକାଂ ତଥା ॥ ୬୨॥
ପରାଂ ସୂକ୍ଷ୍ମାଂ ନମସ୍ଯାମି ନୌମି ସୂକ୍ଷ୍ମାମୃତାଂ କଲାମ୍ ।
ଵନ୍ଦେ ଜ୍ଞାନାଂ କଲାଂ ଚୈଵ ତଥା ଜ୍ଞାନାମୃତାଂ କଲାମ୍ ॥ ୬୩॥
ଆପ୍ଯାଯିନୀଂ ଵ୍ଯାପିନୀଂ ଚ ଵ୍ଯୋମରୂପାଂ ନମାମ୍ଯହମ୍ ।
କଲାଃ ସଦାଶିଵସ୍ଯୈତାଃ ଷୋଡଶ ପ୍ରଣମାମ୍ଯହମ୍ ॥ ୬୪॥
ହାଂସାଖ୍ଯଂ ଚ ମହାମନ୍ତ୍ରଂ ଜ୍ଯୋତିଷଂ ହଂସମାଶ୍ରଯେ ।
ପ୍ରତତ୍ପ୍ରଥମଵିଶ୍ଵାନ୍ତଂ ମନ୍ତ୍ରଂ ଜ୍ଯୋତିଷମାଶ୍ରଯେ ॥ ୬୫॥
ତ୍ର୍ଯମ୍ବକଂ ଚ ନମସ୍ଯାମି ତଦ୍ଵିଷ୍ଣୋଃ ପ୍ରଣମାମ୍ଯହମ୍ ।
ଵିଷ୍ଣୁର୍ଯୋନିଂ ମୂଲଵିଦ୍ଯାଂ ମନ୍ତ୍ରୈରେଭିରନୁତ୍ତମୈଃ ॥ ୬୬॥
ଅମୃତଂ ମନ୍ତ୍ରିତଂ ଵନ୍ଦେ ଚତୁର୍ନଵତିଭିସ୍ତଵ ।
ଅଖଣ୍ଡୈକରସାନନ୍ଦକରେଽପରସୁଧାତ୍ମନି ॥ ୬୭॥
ସ୍ଵଚ୍ଛନ୍ଦସ୍ଫୁରଣାମତ୍ର ନିଧେହ୍ଯକୁଲରୂପିଣି ।
ଅକୁଲସ୍ଥାମୃତାକାରେ ଶୁଦ୍ଧଜ୍ଞାନକରେ ପରେ ॥ ୬୮॥
ଅମୃତତ୍ଵଂ ନିଧେହ୍ଯସ୍ମିନ୍ ଵସ୍ତୁନି କ୍ଲିନ୍ନରୂପିଣି ।
ତଦ୍ରୂପିଣ୍ଯୈକରସ୍ଯତ୍ଵଂ କୃତ୍ଵା ହ୍ଯେତତ୍ସ୍ଵରୂପିଣି ॥ ୬୯॥
ଭୂତ୍ଵା ପରାମୃତାଽଽକାରା ମଯି ଚିତ୍ସ୍ଫୁରଣଂ କୁରୁ ।
ଅମୃତେଶୀଂ ନମସ୍ଯାମି ସର୍ଵଦାମୃତଵର୍ଷିଣୀମ୍ ॥ ୭୦॥
ଵାଗ୍ଵାଦିନୀଂ ନମସ୍ଯାମି ଶ୍ରୀଵିଦ୍ଯାଂ ପ୍ରଣମାମ୍ଯହମ୍ ।
ଏଭିର୍ମନୂତ୍ତମୈର୍ଵନ୍ଦେ ମନ୍ତ୍ରିତଂ ପରମାମୃତମ୍ ॥ ୭୧॥
ଜ୍ଯୋତିର୍ମଯମିଦଂ କୁର୍ଵେ ପରମର୍ଘ୍ଯଂ ମହେଶ୍ଵରି।
ତଦ୍ବିନ୍ଦୁଭିର୍ମେ ଶିରସି ତ୍ରିଗୁରୂନ୍ ପୂଜଯାମ୍ଯହମ୍ ॥ ୭୨॥
ବ୍ରହ୍ମାଽହମସ୍ମି ତଦ୍ବିନ୍ଦୁଂ କୁଣ୍ଡଲିନ୍ଯା ଜୁହୋମ୍ଯହମ୍ ।
ହୃଚ୍ଚକ୍ରସ୍ଥା ମହାଦେଵୀଂ ମହାତ୍ରିପୁରସୁନ୍ଦରୀମ୍ ॥ ୭୩॥
ନିରସ୍ତମୋହତିମିରାଂ ସାକ୍ଷାତ୍ ସଂଵିତ୍ସ୍ଵରୂପିଣୀମ୍ ।
ନାସାପୁଟେ ପରକଲାମଥ ନିର୍ଗମଯାମ୍ଯହମ୍ ॥ ୭୪॥
ସମାନଯାମି ତାଂ ହସ୍ତେ ତ୍ରିଖଣ୍ଡକୁସୁମାଞ୍ଜଲୌ ।
ଜଗନ୍ମାତର୍ମହାଦେଵି ମହାତ୍ରିପୁରସୁନ୍ଦରି ॥ ୭୫॥
ସୁଧାଚୈତନ୍ଯମୂର୍ତିଂ ତେ କଲ୍ପଯାମି ନମଃ ଶିଵେ ।
ଅନେନ ମନୁନା ଦେଵି ଯନ୍ତ୍ରେ ତ୍ଵାଂ ସ୍ଥାପଯାମ୍ଯହମ୍ ॥ ୭୬॥
ମହାପଦ୍ମଵନାନ୍ତଃସ୍ଥେ କାରଣାନନ୍ଦଵିଗ୍ରହେ ।
ସର୍ଵଭୂତହିତେ ମାତରେହ୍ଯେହି ପରମେଶ୍ଵରି ॥ ୭୭॥
ଦେଵେଶି ଭକ୍ତିସୁଲଭେ ସର୍ଵାଵରଣସଂଯୁତେ ।
ଯାଵତ୍ ତ୍ଵାଂ ପୂଜଯିଷ୍ଯାମି ତାଵତ୍ ତ୍ଵଂ ସୁସ୍ଥିରା ଭଵ ॥ ୭୮॥
ଅନେନ ମନ୍ତ୍ରଯୁଗ୍ମେନ ତ୍ଵାମତ୍ରାଵାହଯାମ୍ଯହମ୍ ।
କଲ୍ପଯାମି ନମଃ ପାଦ୍ଯମର୍ଘ୍ଯଂ ତେ କଲ୍ପଯାମ୍ଯହମ୍ ॥ ୭୯॥
ସୁଗନ୍ଧତୈଲାଭ୍ଯଙ୍ଗଂ ଚ ମଜ୍ଜଶାଲାପ୍ରଵେଶନମ୍ ।
କଲ୍ପଯାମି ନମସ୍ତସ୍ମିନ୍ ମଣିପୀଠୋପଵେଶନମ୍ ॥ ୮୦॥
ଦିଵ୍ଯସ୍ନାନୀଯମୀଶାନି ଗୃହାଣୋଦ୍ଵର୍ତନଂ ଶୁଭମ୍ ।
ଗୃହାଣୋଷ୍ଣୋଦକସ୍ନାନଂ କଲ୍ପଯାମି ନମସ୍ତଵ ॥ ୮୧॥
ହେମକୁମ୍ଭଚ୍ଯୁତୈସ୍ତୀର୍ଥୈଃ କଲ୍ପଯାମ୍ଯଭିଷେଚନମ୍ ।
କଲ୍ପଯାମି ନମସ୍ତୁଭ୍ଯଂ ଧୌତେନ ପରିମାର୍ଜନମ୍ ॥ ୮୨॥
ବାଲଭାନୁପ୍ରତୀକାଶଂ ଦୁକୂଲପରିଧାନକମ୍ ।
ଅରୁଣେନ ଦୁକୂଲେନୋତ୍ତରୀଯଂ କଲ୍ପଯାମି ତେ ॥ ୮୩॥
ପ୍ରଵେଶନଂ କଲ୍ପଯାମି ତଵାଲେପନମଣ୍ଡପମ୍ ।
ନମସ୍ତେ କଲ୍ପଯାମ୍ଯତ୍ର ମଣିପୀଠୋପଵେଶନମ୍ ॥ ୮୪॥
ଅଷ୍ଟଗନ୍ଧୈଃ କଲ୍ପଯାମି ସର୍ଵାଙ୍ଗେଷୁ ଵିଲେପନମ୍ ।
କାଲାଗରୁ ମହାଧୂପସ୍ତଵ କେଶଭରସ୍ଯ ହି ॥ ୮୫॥
ମଲ୍ଲିକାମାଲତୀଜାତୀଚମ୍ପକାଦିମନୋରମୈଃ ।
ରଚିତାଃକୁସୁମୈର୍ମାଲାଃ କଲ୍ପଯାମି ନମସ୍ତଵ ॥ ୮୬॥
ପ୍ରଵେଶନଂ କଲ୍ପଯାମି ନମୋ ଭୂଷଣମଣ୍ଡପମ୍ ।
ଉପଵେଶଂ ରତ୍ନପୀଠେ ତତ୍ର ତେ କଲ୍ପଯାମ୍ଯହମ୍ ॥ ୮୭॥
ନଵମାଣିକ୍ଯମୁକୁଟଂ ତଚ୍ଚନ୍ଦ୍ରଶକଲଂ ତତଃ ।
ତତଃ ସୀମନ୍ତସିନ୍ଦୂରଂ ତତସ୍ତିଲକମୁତ୍ତମମ୍ ॥ ୮୮॥
କାଲାଞ୍ଜନଂ କଲ୍ପଯାମି ପାଲୀଯୁଗଲମୁତ୍ତମମ୍ ।
ମଣିକୁଣ୍ଡଲଯୁଗ୍ମଂ ତେ ନାସାଭରଣମୀଶ୍ଵରି ॥ ୮୯॥
ତେ କଲ୍ପଯାମି ତ୍ରିପୁରେ ଲଲିତାଽଧରଯାଵକମ୍ ।
ଅଥାଽଽଦ୍ଯଭୂଷଣଂ କଣ୍ଠେ ହେମଚିନ୍ତାକମୁତ୍ତମମ୍ ॥ ୯୦॥
ପଦକଂ ତେ କଲ୍ପଯାମି ମହାପଦକମୁତ୍ତମମ୍ ।
କଲ୍ପଯାମି ନମୋ ମୁକ୍ତାଵଲିମେକାଵଲିଂ ଚ ତେ ॥ ୯୧॥
ଛନ୍ନଵୀରଂ ଚ କେଯୂରଯୁଗଲାନାଂ ଚତୁଷ୍ଟଯମ୍ ।
ଵଲଯାଵଲିମୀଶାନି ଊର୍ମିକାଵଲିମୀଶ୍ଵରି ॥ ୯୨॥
କାଞ୍ଚୀଦାମକଟୀସୂତ୍ରଂ ସୌଭାଗ୍ଯାଭରଣଂ ଚ ତେ ।
ତ୍ରିପୁରେ ପାଦକଟକଂ କଲ୍ପଯେ ରତ୍ନନୂପୁରମ୍ ॥ ୯୩॥
ପାଦାଙ୍ଗୁଲୀଯକଂ ତୁଭ୍ଯଂ ପାଶମେକକରେ ତଵ ।
ଅନ୍ଯସ୍ମିନ୍ନଙ୍କୁଶଂ ଦେଵି ପୁଣ୍ଡ୍ରେକ୍ଷୁଧନୁଷଂ ପରେ ॥ ୯୪॥
ଅପରେ ପୁଷ୍ପବାଣାଁଶ୍ଚ ଶ୍ରୀମନ୍ମାଣିକ୍ଯପାଦୁକେ ।
ନଵାଵରଣଦେଵୀଭିର୍ମହାଚକ୍ରାଧିରୋହଣମ୍ ॥ ୯୫॥
କାମେଶ୍ଵରାଙ୍କପର୍ଯଙ୍କ ଉପଵେଶନମୁତ୍ତମମ୍ ।
ସୁଧାସଵାଖ୍ଯଂ ଚଷକଂ ତତଃ ଆଚମନୀଯକମ୍ ॥ ୯୬॥
କର୍ପୂରଵୀଟିକାଂ ତୁଭ୍ଯଂ କଲ୍ପଯାମି ନମଃ ଶିଵେ ।
ଆନନ୍ଦୋଲ୍ଲାସଵେଲାସହାସଂ ତେ କଲ୍ପଯାମ୍ଯହମ୍ ॥ ୯୭॥
ମଙ୍ଗଲାରାର୍ତିକଂ ଦେଵି ଛତ୍ରଂ ତେ କଲ୍ପଯାମ୍ଯହମ୍ ।
ତତଶ୍ଚାମରଯୁଗ୍ମଂ ତେ ଦର୍ପଣଂ କଲ୍ପଯାମ୍ଯହମ୍ ॥ ୯୮॥
ତାଲଵୃନ୍ତଂ କଲ୍ପଯାମି ଗନ୍ଧଂ ପୁଷ୍ପଂ ମହେଶ୍ଵରି ।
ଧୂପଂ ଦୀପଂ ଚ ନୈଵେଦ୍ଯଂ କଲ୍ପଯାମି ନମସ୍ତଵ ॥ ୯୯॥
ଅଥାଽହଂ ଵୈନ୍ଦଵେ ଚକ୍ରେ ସର୍ଵାନନ୍ଦମଯାତ୍ମିକେ ।
ରତ୍ନସିଂହାସନେ ରମ୍ଯେ ସମାସୀନାଂ ଶିଵପ୍ରିଯାମ୍ ॥ ୧୦୦॥
ଧ୍ଯାନମ୍ ।
ଉଦ୍ଯଦ୍ଭାନୁସହସ୍ରାଭ୍ଯାଂ ଜପାପୁଷ୍ପସମପ୍ରଭାମ୍ ।
ନଵରତ୍ନପ୍ରଭାଦୀପ୍ତମୁକୁଟେନ ଵିରାଜିତାମ୍ ॥ ୧୦୧॥
ଚନ୍ଦ୍ରରେଖାସମୋପେତାଂ କସ୍ତୂରୀତିଲକାଞ୍ଚିତାମ୍ ।
କାମକୋଦଣ୍ଡସୌନ୍ଦର୍ଯନିର୍ଜିତଭ୍ରୂଲତାଯୁଗାମ୍ ॥ ୧୦୨॥
ଅଞ୍ଜନାଞ୍ଚିତନେତ୍ରାଂ ତାଂ ପଦ୍ମପତ୍ରନିଭେକ୍ଷଣାମ୍ ।
ମଣିକୁଣ୍ଡଲସଂଯୁକ୍ତକର୍ଣଦ୍ଵଯଵିରାଜିତାମ୍ ॥ ୧୦୩॥
ମୁକ୍ତାମାଣିକ୍ଯଖଚିତନାସିକାଭରଣାନ୍ଵିତାମ୍ ।
ମଦପାଟଲସଂଯୁକ୍ତକପୋଲଯୁଗଲାନ୍ଵିତାମ୍ ॥ ୧୦୪॥
ପକ୍ଵବିମ୍ବଫଲାଭାସାଧରଦ୍ଵଯଵିରାଜିତାମ୍ ।
ଶୁଦ୍ଧମୁକ୍ତାଵଲିପ୍ରଖ୍ଯଦନ୍ତପଙ୍କ୍ତିଵିରାଜିତାମ୍ ॥ ୧୦୫॥
ତାମ୍ବୂଲପୂରିତମୁଖୀଂ ସୁସ୍ମିତାସ୍ଯଵିରାଜିତାମ୍ ।
ଆଦ୍ଯଭୂଷଣସଂଯୁକ୍ତାଂ ହେମଚିନ୍ତାକସଂଯୁତାମ୍ ॥ ୧୦୬॥
ପଦକେନ ସମୋପେତାଂ ମହାପଦକସଂଯୁତାମ୍ ।
ମୁକ୍ତାଵଲିସମୋପେତାମେକାଵଲିଵିରାଜିତାମ୍ ॥ ୧୦୭॥
କେଯୂରାଙ୍ଗଦସଂଯୁକ୍ତଚତୁର୍ବାହୁଵିରାଜିତାମ୍ ।
ଅଷ୍ଟଗନ୍ଧସମୋପେତାଂ ଶ୍ରୀଚନ୍ଦନଵିଲେପନାମ୍ ॥ ୧୦୮॥
ହେମକୁମ୍ଭସମପ୍ରଖ୍ଯସ୍ତନଦ୍ଵଯଵିରାଜିତାମ୍ ।
ରକ୍ତଵସ୍ତ୍ରପରୀଧାନାଂ ରକ୍ତକଞ୍ଚୁକସଂଯୁତାମ୍ ॥ ୧୦୯॥
ସୂକ୍ଷ୍ମରୋମାଵଲୀଯୁକ୍ତତନୁମଧ୍ଯଵିରାଜିତାମ୍ ।
ମୁକ୍ତାମାଣିକ୍ଯଖଚିତକାଞ୍ଚୀଯୁତନିତମ୍ବିନୀମ୍ ॥ ୧୧୦॥
ସଦାଶିଵାଙ୍କସ୍ଥପୃଥୁମହାଜଘନମଣ୍ଡଲାମ୍ ।
କଦଲୀସ୍ତମ୍ଭସଙ୍କାଶଊରୁଯୁଗ୍ମଵିରାଜିତାମ୍ ॥ ୧୧୧॥
କଦଲୀକାନ୍ତିସଙ୍କାଶଜଙ୍ଘାଯୁଗଲଶୋଭିତାମ୍ ।
ଗୂଢଗୁଲ୍ଫଦ୍ଵଯୋପେତାଂ ରକ୍ତପାଦଯୁଗାନ୍ଵିତାମ୍ ॥ ୧୧୨॥
ବ୍ରହ୍ମାଵିଷ୍ଣୁମହାଦେଵଶିରୋମୁକୁଟଜାତଯା ।
କାନ୍ତ୍ଯା ଵିରାଜିତପଦାଂ ଭକ୍ତତ୍ରାଣପରାଯଣାମ୍ ॥ ୧୧୩॥
ଇକ୍ଷୁକାର୍ମୁକପୁଷ୍ପେଷୁ ପାଶାଙ୍କୁଶଧରାଂ ପରାମ୍ ।
ସଂଵିତ୍ସ୍ଵରୂପିଣୀଂ ଦେଵୀଂ ଧ୍ଯାଯାମି ପରମେଶ୍ଵରୀମ୍ ॥ ୧୧୪॥
ଇତି ଧ୍ଯାନମ୍ ।
ପ୍ରଦର୍ଶଯାମ୍ଯଥ ଶିଵେ ନଵମୁଦ୍ରା ଵରପ୍ରଦାଃ ।
ତ୍ଵାଂ ତର୍ପଯାମି ତ୍ରିପୁରେ ତ୍ରିଧା ମୂଲେନ ପାର୍ଵତି ॥ ୧୧୫॥
ଆଗ୍ନେଯ୍ଯାମୀଶଦିଗ୍ଭାଗେ ନୈଋତ୍ଯାଂ ମାରୁତେ ତଥା ।
ମଧ୍ଯେ ଦିକ୍ଷୁ ଷଡଙ୍ଗାନି କ୍ରମାଦଭ୍ଯର୍ଚଯାମ୍ଯହମ୍ ॥ ୧୧୬॥
ଆଦ୍ଯାଂ କାମେଶ୍ଵରୀଂ ଵନ୍ଦେ ନମାମି ଭଗମାଲିନୀମ୍ ।
ନିତ୍ଯକ୍ଲିନ୍ନାଂ ନମସ୍ଯାମି ଭେରୁଣ୍ଡାଂ ପ୍ରଣମାମ୍ଯହମ୍ ॥ ୧୧୭॥
ଵହ୍ନିଵାସାଂ ନମସ୍ଯାମି ମହାଵଜ୍ରେଶ୍ଵରୀଂ ସ୍ତୁଵେ ।
ଶିଵଦୂତୀଂ ନମସ୍ଯାମି ତ୍ଵରିତାଂ କୁଲସୁନ୍ଦରୀମ୍ ॥ ୧୧୮॥
ନିତ୍ଯାଂ ନୀଲପତାକାଂ ଚ ଵିଜଯାଂ ସର୍ଵମଙ୍ଗଲାମ୍ ।
ଜ୍ଵାଲାମାଲାଂ ଚ ଚିତ୍ରାଂ ଚ ମହାନିତ୍ଯାଂ ଚ ସଂସ୍ତୁଵେ ॥ ୧୧୯॥
ଦିଵ୍ଯୌଘେଭ୍ଯୋ ନମସ୍ଯାମି ପରେଶପରମେଶ୍ଵରୀମ୍ ।
ମିତ୍ରେଶମଥ ଷଷ୍ଠୀଶମୁଡ୍ଡୀଶଂ ପ୍ରଣମାମ୍ଯହମ୍ ॥ ୧୨୦॥
ଚର୍ଯାନାଥଂ ନମସ୍ଯାମି ଲୋପାମୁଦ୍ରାମହଂ ଭଜେ ।
ଅଗସ୍ତ୍ଯଂ ପ୍ରଣମସ୍ଯାମି ସିଦ୍ଧୌଘେ କାଲତାପନମ୍ ॥ ୧୨୧॥
ଧର୍ମାଚାର୍ଯଂ ନମସ୍ଯାମି ମୁକ୍ତକେଶୀଶ୍ଵରଂ ଭଜେ ।
ଭଜେ ଦୀପକଲାନାଥଂ ମାନଵୌଘେ ତତଃ ପରମ୍ ॥ ୧୨୨॥
ଵିଷ୍ଣୁଦେଵଂ ନମସ୍ଯାମି ପ୍ରଭାକରମହଂ ଭଜେ ।
ତେଜୋଦେଵଂ ନମସ୍ଯାମି ମନୋଜମଥ ସଂସ୍ତୁଵେ ॥ ୧୨୩॥
କଲ୍ଯାଣଦେଵଂ କଲଯେ ରତ୍ନଦେଵଂ ଭଜାମ୍ଯହମ୍ ।
ଵାସୁଦେଵଂ ନମସ୍ଯାମି ଶ୍ରୀରାମାନନ୍ଦମାଶ୍ରଯେ ॥ ୧୨୪॥
ପରମେଷ୍ଠିଗୁରୁଂ ଵନ୍ଦେ ପରମଂ ଗୁରୁମାଶ୍ରଯେ ।
ଶ୍ରୀଗୁରୁଂ ପ୍ରଣମସ୍ଯାମି ମୂର୍ଧ୍ନି ବ୍ରହ୍ମବିଲେ ସ୍ଥିତମ୍ ॥ ୧୨୫॥
କଂ ବିଲେଽହଂ ନମସ୍ଯାମି ଶ୍ରୀଗୁରୋଃ ପାଦୁକାଂ ତତଃ ।
ଅଥ ପ୍ରାଥମିକେ ଦେଵି ଚତୁରସ୍ରେ ତଵେଶ୍ଵରି ॥ ୧୨୬॥
ଅଣିମାଂ ଲଘିମାଂ ଵନ୍ଦେ ମହିମାଂ ପ୍ରଣମାମ୍ଯହମ୍ ।
ଈଶିତ୍ଵସିଦ୍ଧିଂ ଵନ୍ଦେଽହଂ ଵଶିତ୍ଵଂ ଚ ନମାମ୍ଯହମ୍ ॥ ୧୨୭॥
ପ୍ରାକାମ୍ଯସିଦ୍ଧିଂ ଵନ୍ଦେଽହଂ ଭୁକ୍ତିମିଚ୍ଛାମହଂ ଭଜେ ।
ପ୍ରାପ୍ତିସିଦ୍ଧିଂ ସର୍ଵକାମପ୍ରଦାସିଦ୍ଧିମହଂ ଭଜେ ॥ ୧୨୮॥
ମଧ୍ଯମେ ଚତୁରସ୍ରେଽହଂ ବ୍ରାହ୍ମୀଂ ମାହେଶ୍ଵରୀଂ ଭଜେ ।
କୌମାରୀଂ ଵୈଷ୍ଣଵୀଂ ଵନ୍ଦେ ଵାରାହୀଂ ପ୍ରଣମାମ୍ଯହମ୍ ॥ ୧୨୯॥
ମାହେନ୍ଦ୍ରୀମପି ଚାମୁଣ୍ଡାଂ ମହାଲକ୍ଷ୍ମୀମହଂ ଭଜେ ।
ତୃତୀଯେ ଚତୁରସ୍ରେଽହଂ ସର୍ଵସଂକ୍ଷୋଭିଣୀଂ ଭଜେ ॥ ୧୩୦॥
ସର୍ଵଵିଦ୍ରାଵିଣୀଂ ମୁଦ୍ରାଂ ସର୍ଵାକର୍ଷିଣିକାଂ ଭଜେ ।
ମୁଦ୍ରାଂ ଵଶଙ୍କରୀଂ ଵନ୍ଦେ ସର୍ଵୋନ୍ମାଦିନିକାଂ ଭଜେ ॥ ୧୩୧॥
ଭଜେ ମହାଙ୍କୁଶାଂ ମୁଦ୍ରାଂ ଖେଚରୀଂ ପ୍ରଣମାମ୍ଯହମ୍ ।
ବୀଜମୁଦ୍ରାଂ ଯୋନିମୁଦ୍ରାଂ ଭଜେ ସର୍ଵତ୍ରିଖଣ୍ଡିନୀମ୍ ॥ ୧୩୨॥
ତ୍ରୈଲୋକ୍ଯମୋହନଂ ଚକ୍ରଂ ନମାମି ଲଲିତେ ତଵ ।
ନମାମି ଯୋଗିନୀଂ ତତ୍ର ପ୍ରକଟାଖ୍ଯାମଭୀଷ୍ଟଦାମ୍ ॥ ୧୩୩॥
ସୁଧାର୍ଣଵାସନଂ ଵନ୍ଦେ ତତ୍ର ତେ ପରମେଶ୍ଵରି ।
ଚକ୍ରେଶ୍ଵରୀଂ ତତ୍ର ଵନ୍ଦେ ତ୍ରିପୁରାଂ ପରମେଶ୍ଵରୀମ୍ ॥ ୧୩୪॥
ସର୍ଵେସଂକ୍ଷୋଭିଣୀଂ ମୁଦ୍ରାଂ ତତୋଽହଂ କଲଯେ ଶିଵେ ।
ଅଥାଽହଂ ଷୋଡଶଦଲେ କାମାକର୍ଷଣିକାଂ ଭଜେ ॥ ୧୩୫॥
ବୁଦ୍ଧ୍ଯାକର୍ଷଣିକାଂ ଵନ୍ଦେଽହଙ୍କାର୍ଷଣୀଂ ଭଜେ ।
ଶବ୍ଦାକର୍ଷଣିକାଂ ଵନ୍ଦେ ସ୍ପର୍ଶାକର୍ଷଣିକାଂ ଭଜେ ॥ ୧୩୬॥
ରୂପାକର୍ଷଣିକାଂ ଵନ୍ଦେ ରସାକର୍ଷଣିକାଂ ଭଜେ ।
ଗନ୍ଧାକର୍ଷଣିକାଂ ଵନ୍ଦେ ଚିତ୍ତାକର୍ଷଣିକାଂ ଭଜେ ॥ ୧୩୭॥
ଧୈର୍ଯାକର୍ଷଣିକାଂ ଵନ୍ଦେ ସ୍ମୃତ୍ଯାକର୍ଷଣିକାଂ ଭଜେ ।
ନାମାକର୍ଷଣିକାଂ ଵନ୍ଦେ ବୀଜାକର୍ଷଣିକାଂ ଭଜେ ॥ ୧୩୮॥
ଆତ୍ମାକର୍ଷଣିକାଂ ଵନ୍ଦେ ହ୍ଯମୃତାକର୍ଷଣୀଂ ଭଜେ ।
ଶରୀରାକର୍ଷଣୀଂ ଵନ୍ଦେ ନିତ୍ଯାଂ ଶ୍ରୀପରମେଶ୍ଵରୀମ୍ ॥ ୧୩୯॥
ସର୍ଵାଶାପୂରକଂ ଚକ୍ରଂ କଲଯେଽହଂ ତଵେଶ୍ଵରି ।
ଗୁପ୍ତାଖ୍ଯାଂ ଯୋଗିନୀଂ ଵନ୍ଦେ ତତ୍ରାଽହଂ ଗୁପ୍ତପୂଜିତାମ୍ ॥ ୧୪୦॥
ପୀତାମ୍ବୁଜାସନଂ ତତ୍ର ନମାମି ଲଲିତେ ତଵ ।
ତ୍ରିପୁରେଶୀଂ ମହାଦେଵୀଂ ଭଜାମୀଷ୍ଟାର୍ଥଂସିଦ୍ଧିଦାମ୍ ॥ ୧୪୧॥
ସର୍ଵଂଵିଦ୍ରାଵିଣୀଂ ମୁଦ୍ରାଂ ତତ୍ରାଽହଂ ତାଂ ଵିଚିନ୍ତଯେ ।
ଶିଵେ ତଵାଷ୍ଟପତ୍ରେଽହମନଙ୍ଗକୁସୁମାଂ ଭଜେ ॥ ୧୪୨॥
ଅନଙ୍ଗମେଖଲାଂ ଵନ୍ଦେ ହ୍ଯନଙ୍ଗମଦନାଂ ଭଜେ ।
ତତୋଽହଂ ପ୍ରଣମସ୍ଯାମି ହ୍ଯନଙ୍ଗମଦନାତୁରାମ୍ ॥ ୧୪୩॥
ଅନଙ୍ଗରେଖାଂ କଲଯେ ଭଜେ ତେଽନଙ୍ଗଵେଗିନୀମ୍ ।
ଭଜେଽନଙ୍ଗାଙ୍କୁଶାଂ ଦେଵି ତଵ ଚାନଙ୍ଗମାଲିନୀମ୍ ॥ ୧୪୪॥
ସର୍ଵସଂକ୍ଷୋଭଣଂ ଚକ୍ରଂ ତତ୍ରାଽହଂ କଲଯେ ସଦା ।
ଵନ୍ଦେ ଗୁପ୍ତତରାଖ୍ଯାଂ ତାଂ ଯୋଗିନୀଂ ସର୍ଵକାମଦାମ୍ ॥ ୧୪୫॥
ତତ୍ରାଽହଂ ପ୍ରଣମସ୍ଯାମି ଦେଵ୍ଯାତ୍ମାସନମୁତ୍ତମମ୍ ।
ନମାମି ଜଗଦୀଶାନୀମଽହଂ ତ୍ରିପୁରସୁନ୍ଦରୀମ୍ ॥ ୧୪୬॥
ସର୍ଵାକର୍ଷଣିକାଂ ମୁଦ୍ରାଂ ତତ୍ରାଽହଂ କଲଯାମି ତେ ।
ଭୁଵନାରେ ତଵ ଶିଵେ ସର୍ଵସଂକ୍ଷୋଭିଣୀଂ ଭଜେ ॥ ୧୪୭॥
ସର୍ଵଵିଦ୍ରାଵିଣୀଂ ଵନ୍ଦେଽହଂ ସର୍ଵାକର୍ଷିଣିକାଂ ଭଜେ ।
ସକଲାହ୍ଲାଦିନୀଂ ଵନ୍ଦେ ସର୍ଵସମ୍ମୋହିନୀଂ ଭଜେ ॥ ୧୪୮॥
ସକଲ ସ୍ତମ୍ଭିନୀଂ ଵନ୍ଦେ କଲଯେ ସର୍ଵଜୃମ୍ଭିନୀମ୍ ।
ଵଶଙ୍କରୀଂ ନମସ୍ଯାମି ସର୍ଵରଞ୍ଜନିକାଂ ଭଜେ ॥ ୧୪୯॥
ସକଲୋନ୍ମାଦିନୀଂ ଵନ୍ଦେ ଭଜେ ସର୍ଵାର୍ଥସାଧିନୀମ୍ ।
ସମ୍ପତ୍ତିପୂରିଣୀଂ ଵନ୍ଦେ ସର୍ଵମନ୍ତ୍ରମଯୀଂ ଭଜେ ॥ ୧୫୦॥
ଭଜାମ୍ଯହଂ ତତଃ ଶକ୍ତିଂ ସର୍ଵଦ୍ଵନ୍ଦ୍ଵକ୍ଷଯଙ୍କରୀମ୍ ।
ତତ୍ରାଽହଂ କଲଯେ ଚକ୍ରଂ ସର୍ଵସୌଭାଗ୍ଯଦାଯକମ୍ ॥ ୧୫୧॥
ନମାମି ଜଗତାଂ ଧାତ୍ରୀଂ ସମ୍ପ୍ରଦାଯାଖ୍ଯଯୋଗିନୀମ୍ ।
ଶିଵେ ତଵ ନମସ୍ଯାମି ଶ୍ରୀଚକ୍ରାସନମୁତ୍ତମମ୍ ॥ ୧୫୨॥
ନମାମି ଜଗଦୀଶାନୀମହଂ ତ୍ରିପୁରଵାସିନୀମ୍ ।
କଲଯେଽହଂ ତଵ ଶିଵେ ମୁଦ୍ରାଂ ସର୍ଵଵଶଙ୍କରୀମ୍ ॥ ୧୫୩॥
ବହିର୍ଦଶାରେ ତେ ଦେଵି ସର୍ଵସିଦ୍ଧିପ୍ରଦାଂ ଭଜେ ।
ସର୍ଵସମ୍ପତ୍ପ୍ରଦାଂ ଵନ୍ଦେ ଭଜେ ସର୍ଵପ୍ରିଯଙ୍କରୀମ୍ ॥ ୧୫୪॥
ନମାମ୍ଯହଂ ତତୋ ଦେଵୀଂ ସର୍ଵମଙ୍ଗଲକାରିଣୀମ୍ ।
ସର୍ଵକାମପ୍ରଦାଂ ଵନ୍ଦେ ସର୍ଵଦୁଃଖଵିମୋଚିନୀମ୍ ॥ ୧୫୫॥
ସର୍ଵମୃତ୍ଯୁପ୍ରଶମନୀଂ ସର୍ଵଵିଘ୍ନନିଵାରିଣୀମ୍ ।
ସର୍ଵାଙ୍ଗସୁନ୍ଦରୀଂ ଦେଵୀଂ ସର୍ଵସୌଭାଗ୍ଯଦାଯିନୀମ୍ ॥ ୧୫୬॥
ସର୍ଵାର୍ଥସାଧକଂ ଚକ୍ରଂ ତଥାଽହଂ କଲଯେ ସଦା ।
କଲଯାମି ତତୋ ଦେଵୀଂ କୁଲୋତ୍ତୀର୍ଣାଖ୍ଯଯୋଗିନୀମ୍ ॥ ୧୫୭॥
ସର୍ଵମନ୍ତ୍ରାସନଂ ଵନ୍ଦେ ତ୍ରିପୁରାଶ୍ରୀଯମାଶ୍ରଯେ ।
କଲଯାମି ତତୋ ମୁଦ୍ରାଂ ସର୍ଵୋନ୍ମାଦନକାରିଣୀମ୍ ॥ ୧୫୮॥
ଅନ୍ତର୍ଦଶାରେ ତେ ଦେଵି ସର୍ଵଜ୍ଞାଂ ପ୍ରଣମାମ୍ଯହମ୍ ।
ସର୍ଵଶକ୍ତିଂ ନମସ୍ଯାମି ସର୍ଵୈଶ୍ଵର୍ଯପ୍ରଦାଂ ଭଜେ ॥ ୧୫୯॥
ସର୍ଵଜ୍ଞାନମଯୀଂ ଵନ୍ଦେ ସର୍ଵଵ୍ଯାଧିଵିନାଶିନୀମ୍ ।
ସର୍ଵାଧାରସ୍ଵରୂପାଂ ଚ ସର୍ଵପାପହରାଂ ଭଜେ ॥ ୧୬୦॥
ସର୍ଵାନନ୍ଦମଯୀଂ ଵନ୍ଦେ ସର୍ଵରକ୍ଷାସ୍ଵରୂପିଣୀମ୍ ।
ପ୍ରଣମାମି ମହାଦେଵୀଂ ସର୍ଵେପ୍ସିତପ୍ରଦାଂ ଭଜେ ॥ ୧୬୧॥
ସର୍ଵରକ୍ଷାକରଂ ଚକ୍ରଂ ତତ୍ରାଽହଂ କଲଯେ ସଦା ।
ନିଗର୍ଭଯୋଗିନୀଂ ଵନ୍ଦେ ତତ୍ରାଽହଂ ପରମେଶ୍ଵରୀମ୍ ॥ ୧୬୨॥
ସାଧ୍ଯସିଂହାସନଂ ଵନ୍ଦେ ଭଜେ ତ୍ରିପୁରମାଲିନୀମ୍ ।
କଲଯାମି ତତୋ ଦେଵି ମୁଦ୍ରାଂ ସର୍ଵମହାଙ୍କୁଶାମ୍ ॥ ୧୬୩॥
ଅଷ୍ଟାରେ ଵଶିନୀଂ ଵନ୍ଦେ ଭଜେ କାମେଶ୍ଵରୀଂ ସଦା ।
ମୋଦିନୀଂ ଵିମଲାଂ ଵନ୍ଦେ ହ୍ଯରୁଣାଂ ଜଯିନୀଂ ଭଜେ ॥ ୧୬୪॥
ସର୍ଵେଶ୍ଵରୀଂ ନମସ୍ଯାମି କୌଲିନୀଂ ପ୍ରଣମାମ୍ଯହମ୍ ।
ସର୍ଵରୋଗହରଂ ଚକ୍ରଂ ତଵାଽହଂ ଦେଵି ଚିନ୍ତଯେ ॥ ୧୬୫॥
ରହସ୍ଯଯୋଗିନୀଂ ଦେଵୀଂ ସଦାଽହଂ କଲଯାମି ତେ ।
ନମାମି ତ୍ରିପୁରାସିଦ୍ଧାଂ ଭଜେ ମୁଦ୍ରାଂ ଚ ଖେଚରୀମ୍ ॥ ୧୬୬॥
ମହାତ୍ରିକୋଣସ୍ଯ ବାହ୍ଯେ ଚତୁର୍ଦିକ୍ଷୁ ମହେଶ୍ଵରି ।
ନମାମି ଜୃମ୍ଭ୍ଣାନ୍ ବାଣାନ୍ ଚାପଂ ସମ୍ମୋହନଂ ଭଜେ ॥ ୧୬୭॥
ପାଶଂ ଵଶଙ୍କରଂ ଵନ୍ଦେ ଭଜେ ସ୍ତମ୍ଭନମଙ୍କୁଶମ୍ ।
ତ୍ରିକୋଣେଽହଂ ଜଗଦ୍ଧାତ୍ରୀଂ ମହାକାମେଶ୍ଵରୀଂ ଭଜେ ॥ ୧୬୮॥
ମହାଵଜ୍ରେଶ୍ଵରୀଂ ଵନ୍ଦେ ମହାଶ୍ରୀମାଲିନୀଂ ଭଜେ ।
ମହାଶ୍ରୀସୁନ୍ଦରୀଂ ଵନ୍ଦେ ସର୍ଵକାମଫଲପ୍ରଦାମ୍ ॥ ୧୬୯॥
ସର୍ଵସିଦ୍ଧିପ୍ରଦଂ ଚକ୍ରଂ ତଵ ଦେଵି ନମାମ୍ଯହମ୍ ।
ନମାମ୍ଯତିରହସ୍ଯାଖ୍ଯାଂ ଯୋଗିନୀଂ ତତ୍ର କାମଦାମ୍ ॥ ୧୭୦॥
ତ୍ରିପୁରାମ୍ବାଂ ନମସ୍ଯାମି ବୀଜମୁଦ୍ରାଂ ନମାମ୍ଯହମ୍ ।
ମୂଲମନ୍ତ୍ରେଣ ଲଲିତେ ତ୍ଵାଂ ବିନ୍ଦୌ ପୂଜଯାମ୍ଯହମ୍ ॥ ୧୭୧॥
ସର୍ଵାନନ୍ଦମଯଂ ଚକ୍ରଂ ନମାମି ଲଲିତେ ତଵ ।
ପରାପରରହସ୍ଯାଖ୍ଯାଂ ଯୋଗିନୀଂ କଲଯେ ସଦା ॥ ୧୭୨॥
ମହାଚକ୍ରେଶ୍ଵରୀଂ ଵନ୍ଦେ ଯୋନିମୁଦ୍ରାମହଂ ଭଜେ ।
ଧୂପାଦିକଂ ସର୍ଵମଯି ତେ କଲ୍ପଯାମ୍ଯହମ୍ ॥ ୧୭୩॥
ତ୍ଵତ୍ପ୍ରୀତଯେ ମହାମୁଦ୍ରାଂ ଦର୍ଶଯାମି ତତଃ ଶିଵେ ।
ତ୍ରିଧା ତ୍ଵାଂ ମୂଲମନ୍ତ୍ରେଣ ତର୍ପଯାମି ତତଃ ଶିଵେ ॥ ୧୭୪॥
ଶାଲ୍ଯନ୍ନଂ ମଧୁସଂଯୁକ୍ତଂ ପାଯସାପୂପସଂଯୁତମ୍ ।
ଘୃତସୂପସମାଯୁକ୍ତଂ ସର୍ଵଭକ୍ଷ୍ଯସମନ୍ଵିତମ୍ ॥ ୧୭୫॥
ସସିତଂ କ୍ଷୀରସଂଯୁକ୍ତଂ ବହୁଶାକସମନ୍ଵିତମ୍ ।
ନିକ୍ଷିପ୍ଯ କାଞ୍ଚନେ ପାତ୍ରେ ନୈଵେଦ୍ଯଂ କଲ୍ପଯାମି ତେ ॥ ୧୭୬॥
ସଙ୍କଲ୍ପ୍ଯ ବିନ୍ଦୁନା ଵକ୍ତ୍ରଂ କୁଚୌ ବିନ୍ଦୁଦ୍ଵଯେନ ଚ ।
ଯୋନିଂ ତୁ ସପରାର୍ଧେନ କୃତ୍ଵା ଶ୍ରୀତ୍ରିପୁରେ ତଵ ॥ ୧୭୭॥
ଏତତ୍ କାମକଲାରୂପଂ ଭକ୍ତାନାଂ ସର୍ଵକାମଦମ୍ ।
ସର୍ଵସମ୍ପତ୍ପ୍ରଦଂ ଵନ୍ଦେ ନମସ୍ତେ ତ୍ରିପୁରେଶ୍ଵରି ॥ ୧୭୮॥
ଵାମଭାଗେ ତ୍ରିକୋଣଂ ଚ ଵୃତ୍ତଂ ଚ ଚତୁରସ୍ରକମ୍ ।
କୃତ୍ଵା ଗନ୍ଧାକ୍ଷତାଦ୍ଯୈଶ୍ଚ ହ୍ଯର୍ଚଯାମି ମହେଶ୍ଵରି ॥ ୧୭୯॥
ଵାଗ୍ଭଵାଦ୍ଯଂ ନମସ୍ଯାମି ତତ୍ର ଵ୍ଯାପକମଣ୍ଡଲମ୍ ।
ଜଲଯୁକ୍ତାର୍ଦ୍ରାନ୍ନଯୁକ୍ତଂ ମକାରତ୍ରଯଭାଜନମ୍ ॥ ୧୮୦॥
ତତ୍ର ଵିନ୍ଯସ୍ଯ ଦାସ୍ଯାମି ଭୂତେଭ୍ଯୋ ବଲିମୁତ୍ତମମ୍ ।
ନମସ୍ତେ ଦେଵଦେଵେଶି ନମସ୍ତ୍ରୈଲୋକ୍ଯଵନ୍ଦିତେ ॥ ୧୮୧॥
ନମଃ ପରଶିଵାଙ୍କସ୍ଥେ ନମସ୍ତ୍ରିପୁରସୁନ୍ଦରି ।
ପ୍ରଦକ୍ଷିଣାଂ ନମସ୍କାରଂ ମନସାଽହଂ କରୋମି ତେ ॥ ୧୮୨॥
ତତଃ ସକଲମନ୍ତ୍ରାଣାଂ ସମ୍ରାଜ୍ଞୀଂ ପରମେଶ୍ଵରୀମ୍ ।
ପ୍ରଜପାମି ମହାଵିଦ୍ଯାଂ ତ୍ଵତ୍ପ୍ରୀତ୍ଯାର୍ଥମହଂ ସଦା ।
ତଵ ଵିଦ୍ଯାଂ ପ୍ରଜପ୍ତ୍ଵାଽଥ ସ୍ତୌମି ତ୍ଵାଂ ପରମେଶ୍ଵରୀମ୍ ॥ ୧୮୩॥
ମହାଦେଵି ମହେଶାନି ସଦାଶିଵ ମହାପ୍ରିଯେ ।
ମହାନିତ୍ଯେ ମହାସିଦ୍ଧେ ତ୍ଵାମହଂ ଶରଣଂ ଵ୍ରଜେ ॥ ୧୮୪॥
ଜଯ ତ୍ଵଂ ତ୍ରିପୁରେ ଦେଵି ଲଲିତେ ଜଗଦୀଶ୍ଵରି ।
ସଦାଶିଵପ୍ରିଯକରି ପାହି ମାଂ କରୁଣାକରି ॥ ୧୮୫॥
ଜଗନ୍ମାତର୍ଜଗଦ୍ରୂପେ ଜଗଦୀଶ୍ଵରଵଲ୍ଲଭେ ।
ଜଗନ୍ମଯେ ଜଗସ୍ତୁଲ୍ଯେ ଗୌରି ତ୍ଵାମହମାଶ୍ରଯେ ॥ ୧୮୬॥
ଅନାଦ୍ଯେ ସର୍ଵଲୋକାନାମାଦ୍ଯେ ଭକ୍ତେଷ୍ଟଦାଯିନି ।
ଗିରିରାଜସ୍ଯ ତନଯେ ନମସ୍ତେ ତ୍ରିପୁରେଶ୍ଵରି ॥ ୧୮୭॥
ଜଯାଦିଦେଵଦେଵେଶି ବ୍ରହ୍ମମାତର୍ନମୋଽସ୍ତୁ ତେ ।
ଵିଷ୍ଣୁମାତରନାଦ୍ଯନ୍ତେ ହରମାତଃ ସୁରେଶ୍ଵରି ॥ ୧୮୮॥
ବ୍ରହ୍ମାଦିସୁରସଂସ୍ତୁତ୍ଯେ ଲୋକତ୍ରଯଵଶଙ୍କରି ।
ସର୍ଵସମ୍ପତ୍ପ୍ରଦେ ନିତ୍ଯେ ତ୍ଵାମହଂ କଲଯେ ସଦା ॥ ୧୮୯॥
ନିତ୍ଯାନନ୍ଦେ ନିରାଧାରେ ଚିଦ୍ରୂପିଣି ଶିଵପ୍ରିଯେ ।
ଅଣିମାଦିଗୁଣାଧାରେ ତ୍ଵାଂ ସଦା କଲଯାମ୍ଯହମ୍ ॥ ୧୯୦॥
ବ୍ରାହ୍ମ୍ଯାଦିମାତୃସଂସ୍ତୁତ୍ଯେ ସର୍ଵାଵରଣସଂଯୁତେ ।
ଜ୍ଯୋତିର୍ମଯେ ମହାରୂପେ ପାହି ମାଂ ତ୍ରିପୁରେ ସଦା ॥ ୧୯୧॥
ଲକ୍ଷ୍ମୀଵାଣ୍ଯାଦିସମ୍ପୂଜ୍ଯେ ବ୍ରହ୍ମଵିଷ୍ଣୁଶିଵସ୍ତୁତେ ।
ଭଜାମି ତଵ ପାଦାବ୍ଜଂ ସର୍ଵକାମଫଲପ୍ରଦମ୍ ॥ ୧୯୨॥
ସର୍ଵଶକ୍ତିସମୋପେତଂ ସର୍ଵାଭୀଷ୍ଟଫଲପ୍ରଦେ ।
ନମାମି ତଵ ପାଦାବ୍ଜଂ ଦେଵି ତ୍ରିପୁରସୁନ୍ଦରି ॥ ୧୯୩॥
ତ୍ଵତ୍ପ୍ରିଯାର୍ଥଂ ତତଃ କାଂଶ୍ଚିଚ୍ଛକ୍ତିଂ ସମ୍ପୂଜଯାମ୍ଯହମ୍ ।
ମପଞ୍ଚକେନ ତାଂ ଶକ୍ତିଂ ତର୍ପଯାମି ମହେଶ୍ଵରି ॥ ୧୯୪॥
ତଯୋପେତଂ ହଵିଃଶେଷଂ ଚିଦଗ୍ନୌ ପ୍ରଜୁହୋମ୍ଯହମ୍ ।
ତ୍ଵତ୍ପ୍ରିଯାର୍ଥଂ ମହାଦେଵି ମମାଭୀଷ୍ଟାର୍ଥସିଦ୍ଧଯେ ॥ ୧୯୫॥
ବଦ୍ଧ୍ଵା ତାଂ ଖେଚରୀଂ ମୁଦ୍ରାଂ କ୍ଷମସ୍ଵୋଦ୍ଵାସଯାମ୍ଯହମ୍ ।
ତିଷ୍ଠ ମେ ହୃଦଯେ ନିତ୍ଯଂ ତ୍ରିପୁରେ ପରମେଶ୍ଵରି ॥ ୧୯୬॥
ଜଗଦମ୍ବେ ମହାରାଜ୍ଞି ମହାଶକ୍ତି ଶିଵପ୍ରିଯେ ।
ହୃଚ୍ଚକ୍ରେ ତିଷ୍ଠ ସତତଂ ମହାତ୍ରିପୁରସୁନ୍ଦରି ॥ ୧୯୭॥
ସର୍ଵଲୋକୈକସମ୍ପୂଜ୍ଯେ ସକଲାଵରଣୈର୍ଯୁତେ ।
ହୃଚ୍ଚକ୍ରେ ତିଷ୍ଠ ମେ ନିତ୍ଯଂ ମହାତ୍ରିପୁରସୁନ୍ଦରି ॥ ୧୯୮॥
॥ ଫଲଶ୍ରୁତି ॥
ଏତତ୍ ତ୍ରିପୁରସୁନ୍ଦର୍ଯା ହୃଦଯଂ ସର୍ଵକାମଦମ୍ ।
ମହାରହସ୍ଯଂ ପରମଂ ଦୁର୍ଲଭଂ ଦୈଵତୈରପି ॥ ୧॥
ସାକ୍ଷାତ୍ ସଦାଶିଵେନୋକ୍ତଂ ଗୁହ୍ଯାଦ୍ଗୁହ୍ଯମନୁତ୍ତମମ୍ ॥ ୨॥
ଯଃ ପଠେନ୍ନିତ୍ଯମେକାଗ୍ରଃ ଶ୍ରୃଣୁଯାଦ୍ ଵା ସମାହିତଃ ।
ନିତ୍ଯପୂଜାଫଲଂ ଦେଵ୍ଯାଃ ସ ଲଭେନ୍ନାତ୍ର ସଂଶଯଃ ॥ ୩॥
ପାପୈଃ ସ ମୁଚ୍ଯତେ ସଦ୍ଯଃ କାଯଵାକ୍ଚିତ୍ତସମ୍ଭଵୈଃ ।
ସର୍ଵଜନ୍ମସମୁଦ୍ଭୂତୈର୍ଜ୍ଞାନକୃତୈରପି ॥ ୪॥ missing letter or word
ସର୍ଵକ୍ରତୁଷୁ ଯତ୍ପୁଣ୍ଯଂ ସର୍ଵତୀର୍ଥେଷୁ ଯତ୍ ଫଲମ୍ ।
ତତ୍ପୁଣ୍ଯଂ ଲଭତେ ନିତ୍ଯଂ ମାନଵୋ ନାତ୍ର ସଂଶଯଃ ॥ ୫॥
ଅଚଲାଂ ଲଭତେ ଲକ୍ଷ୍ମୀଂ ତ୍ରୈଲୋକ୍ଯେ ଚାପି ଦୁର୍ଲଭାମ୍ ।
ସାକ୍ଷାଦ୍ ଵିଷ୍ଣୁସମୋ ମର୍ତ୍ଯୋ ଶୀଘ୍ରମେଵ ଭଵେତ୍ ସଦା ॥ ୬॥
ଅଷ୍ଟୈଶ୍ଵର୍ଯମଵାପ୍ନୋତି ସ ଶୀଘ୍ରଂ ମାନଵୋତ୍ତମଃ ।
ଗୁଟିକାପାଦୁକାସିଦ୍ଧ୍ଯାଦ୍ଯଷ୍ଟକଂ ଶୀଘ୍ରମଶ୍ନୁତେ ॥ ୭॥
ଶଙ୍ଖାଦ୍ଯା ନିଧ୍ଯୋ ଵାଽପି ତଂ ନିତ୍ଯଂ ପର୍ଯୁପାସତେ ।
ଵଶ୍ଯାଦୀନ୍ଯଷ୍ଟକର୍ମାଣି ଶୀଘ୍ରଂ ସିଦ୍ଧ୍ଯନ୍ତି ସର୍ଵଦା ॥ ୮॥
ଭୂଲୋକସ୍ଥାଃ ସର୍ଵନାର୍ଯଃ ପାତାଲସ୍ଥାଃ ସଦାଙ୍ଗନାଃ ।
ସର୍ଵଲୋକସ୍ଥିତାଃ ସର୍ଵା ଯାଶ୍ଚାନ୍ଯାରୂପଗର୍ଵିତାଃ ॥ ୯॥
ରମନ୍ତେ ତେନ ସତତଂ ଶୀଘ୍ରଂ ଵଶ୍ଯା ନ ସଂଶଯଃ ।
ରାଜାଦ୍ଯାଃ ସକଲା ମର୍ତ୍ଯାଃ ହରହର୍ଯାଦଯଃ ସୁରାଃ ॥ ୧୦॥
ଅନନ୍ତାଦ୍ଯା ମହାନାଗାଃ ସିଦ୍ଧଯୋଗେଶ୍ଵରାଦଯଃ ।
ଋଷଯୋ ମୁନଯୋ ଯକ୍ଷାସ୍ତଂ ନିତ୍ଯଂ ପର୍ଯୁପାସତେ ॥ ୧୧॥
ମହତୀଂ କୀର୍ତିମାପ୍ନୋତି ଶିଵଵିଷ୍ଣୁସମପ୍ରଭାମ୍ ।
ପରମଂ ଯୋଗମାସାଦ୍ଯ ଖେଚରୋ ଜାଯତେ ସଦା ॥ ୧୨॥
ଅପମୃତ୍ଯୁଵିନିର୍ମୁକ୍ତଃ କାଲମୃତ୍ଯୁଵିଵର୍ଜିତଃ ।
ପରମାଯୁଷ୍ଯମାପ୍ନୋତି ହରହର୍ଯାଦିଦୁର୍ଲଭମ୍ ॥ ୧୩॥
ଅଶ୍ରୁତାନି ଚ ଶାସ୍ତ୍ରାଣି ଵ୍ଯାଚଷ୍ଟେ ଵିଧିଵତ୍ ସଦା ।
ମୂଢୋଽପି ସର୍ଵଵିଦ୍ଯାଵାନ୍ ଦକ୍ଷିଣାମୂର୍ତିଵଦ୍ଭଵେତ୍ ॥ ୧୪॥
ଗ୍ରହଭୂତପିଶାଚାଦ୍ଯା ଯକ୍ଷଗନ୍ଧର୍ଵରାକ୍ଷସାଃ ।
ଏତସ୍ଯ ସ୍ମରଣାଦେଵ ଵିନଶ୍ଯନ୍ତି ହି ସର୍ଵଦା ॥ ୧୫॥
ତଦ୍ଗାତ୍ରଂ ପ୍ରାପ୍ଯ ସକଲଂ ଵିଷଂ ସଦ୍ଯୋ ଵିନଶ୍ଯତି ।
ସହସ୍ରକାମସଙ୍କାଶଃ କାନ୍ତ୍ଯା ଯଃ ସର୍ଵଦା ଭଵେତ୍ ॥ ୧୬॥
ତସ୍ମାଦେତତ୍ ପଠେତ୍ ସ୍ତୋତ୍ରଂ ତ୍ରିପୁରାହୃଦଯଂ ଶୁଭମ୍ ।
ଜପେଦ୍ ଯଃ ସର୍ଵଦା ସାକ୍ଷାଦ୍ ଭଵେଦ୍ ଦେଵୀସ୍ଵରୂପକଃ ॥ ୧୭॥
ସାଙ୍ଗଂ ତ୍ରିପୁରସୁନ୍ଦର୍ଯା ନିତ୍ଯପୂଜାଫଲଂ ଲଭେତ୍ ।
ଵିମୁକ୍ତୋ ରୋଗସଙ୍ଘାତୈରାରୋଗ୍ଯଂ ମହଦଶ୍ନୁତେ ॥ ୧୮॥
ପ୍ରାପ୍ନୋତି ମହଦୈଶ୍ଵର୍ଯଂ ସର୍ଵଵିଦ୍ଯାନିଧିର୍ଭଵେତ୍ ।
ତତ୍କରସ୍ପର୍ଶମାତ୍ରେଣ ନରୋ ବ୍ରାହ୍ମଣତାଂ ଲଭେତ୍ ॥ ୧୯॥
ମୁଚ୍ଯତେ ସକଲୈର୍ଵିଘ୍ନୈଃ ସ ନିତ୍ଯଂ ମାନଵୋତ୍ତମଃ ।
ସ ଭୁଙ୍କ୍ତେ ସକଲାନ୍ ଭୋଗାନ୍ ଦୁର୍ଲଭାଂଶ୍ଚ ଦିନେ ଦିନେ ॥ ୨୦॥
ଲଭତେ ପୁତ୍ରପୌତ୍ରାଂଶ୍ଚ ମହାଲକ୍ଷ୍ମୀସମନ୍ଵିତାନ୍ ।
ପରମାଯୁଷ୍ଯସଂଯୁକ୍ତାନ୍ ସାକ୍ଷଚ୍ଛିଵସମାନ୍ ଗୁଣୈଃ ॥ ୨୧॥
ସୃଷ୍ଟିପାଲନସଂହାରକର୍ତେଵାଯଂ ସଦା ଭଵେତ୍ ।
ଯସ୍ତେ କୃପାଵାନ୍ ଭଵତି ସ ତ୍ରିମୂର୍ତିର୍ନ ସଂଶଯଃ ॥ ୨୨॥
ତତ୍ସମୀପସ୍ଥିତଃ ଶୀଘ୍ରଂ ସଦା ଜାତିସ୍ମରୋଭଵେତ୍ ।
ତସ୍ଯ ଗେହେ ସଦା କାମଧେନୁଃ କଲ୍ପତରୁସ୍ତଥା ॥ ୨୩॥
ଚିନ୍ତାମଣିଶ୍ଚ ସତତଂ ତିଷ୍ଠତ୍ଯେଵ ନ ସଂଶଯଃ ।
ମହାଜଯମଵାପ୍ନୋତି ସଦା ସର୍ଵତ୍ର ମାନଵଃ ॥ ୨୪॥
ଵଜ୍ରକାଯସମୋ ଭୂତ୍ଵା ଚରତ୍ଯେଵ ଜଗତ୍ଯଯମ୍ ।
ମହାସୁଖୀ ଭଵେନ୍ନିତ୍ଯଂ ପରମାତ୍ମା ଭଵେତ୍ ସଦା ॥ ୨୫॥
ମୁଚ୍ଯତେ ସକଲେଭ୍ଯୋଽପି ବନ୍ଧନୈଃ ଶ୍ରୃଙ୍ଖଲାଦିଭିଃ ।
ତଂ ପୂଜଯନ୍ତି ସତତଂ ହରିରୁଦ୍ରାଦଯୋଽପି ଚ ॥ ୨୬॥
ଶୁଭମେଵ ଭଵେନ୍ନିତ୍ଯଂ ସଦାପଦ୍ଭିର୍ଵିମୁଚ୍ଯତେ ।
ଦେଵଗନ୍ଧର୍ଵରକ୍ଷାଦ୍ଯୈର୍ବ୍ରହ୍ମାଦ୍ଯୈରପି ଦୁର୍ଲଭାନ୍ ॥ ୨୭॥
ପ୍ରାପ୍ନୋତି ସକଲାନ୍ କାମାନ୍ ଶୀଘ୍ରମେଵ ନ ସଂଶଯଃ ।
ଦିଵ୍ଯଭୋଗଯୁତୋ ଦିଵ୍ଯକନ୍ଯାଭିଃ ସହ ସଂଯୁତଃ ॥ ୨୮॥
ଵିମାନଂ ସ ସମାସ୍ଥାଯ ଦିଵ୍ଯାଭରଣଭୂଷିତଃ ।
ଦିଵ୍ଯଚନ୍ଦନଲିପ୍ତାଙ୍ଗଃ ସଦା ଵିଂଶତିଵାର୍ଷିକଃ ॥ ୨୯॥
ସ ଭୁଙ୍କ୍ତେ ସକଲାନ୍ ଭୋଗାନ୍ ଦେଵଲୋକେ ନରଃ ସଦା ।
ତସ୍ମାଦେତତ୍ ପଠେତ୍ ସ୍ତୋତ୍ରଂ ତ୍ରିପୁରାହୃଦଯଂ ଶୁଭମ୍ ।
ଜପେଦ୍ଯଃ ସତତଂ ଭକ୍ତ୍ଯା ଭଵେତ୍ ସାକ୍ଷାତ୍ ସଦା ଶିଵଃ ॥ ୩୦॥
॥ ଇତି ଶ୍ରୀ ରୁଦ୍ରଯାମଲେ ଈଶ୍ଵରପାର୍ଵତୀସଂଵାଦେ
ଶ୍ରୀଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରମ୍ ॥
Encoded and proofread by PP
From Shrividya Sadhana.
Please send corrections to sanskrit@cheerful.com
Last updated ତ୍oday
http://sanskritdocuments.org
॥ ଶ୍ରୀଲଲିତାତ୍ରିପୁରସୁନ୍ଦର୍ଯୈ ନମଃ ॥
॥ ଅଥ ଶ୍ରୀମତ୍ ଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରସାଧନା ॥
ଓଂ ଶୁଦ୍ଧସ୍ଫଟିକସଙ୍କାଶଂ ଦ୍ଵିନେତ୍ରଂ କରୁଣାନିଧିମ୍ ।
ଵରାଭଯକରଂ ଵନ୍ଦେ ଶ୍ରୀଗୁରୁଂ ଶିଵରୂପିଣମ୍ ॥ ୧॥
ଭକ୍ତାଜ୍ଞାନତମୋଭାନୁଂ ମୂର୍ଧ୍ନି ପଙ୍କଜସଂସ୍ଥିତମ୍ ।
ସଦାଶିଵମଯଂ ନିତ୍ଯଂ ଶ୍ରୀଗୁରୁଂ ପ୍ରଣମାମ୍ଯହମ୍ ॥ ୨॥
ଶ୍ରୀଵିଦ୍ଯାଂ ଜଗତାଂ ଧାତ୍ରୀଂ ସର୍ଗସ୍ଥିତିଲଯେଶ୍ଵରୀମ୍ ।
ନମାମି ଲଲିତାଂ ନିତ୍ଯଂ ମହାତ୍ରିପୁରସୁନ୍ଦରୀମ୍ ॥ ୩॥
ବିନ୍ଦୁତ୍ରିକୋଣସଂଯୁକ୍ତଂ ଵସୁକୋଣସମନ୍ଵିତମ୍ ।
ଦଶକୋଣଦ୍ଵଯୋପେତଂ ଭୁଵନାରସମନ୍ଵିତମ୍ ॥ ୪॥
ଦଲାଷ୍ଟକସମୋପେତଂ ଦଲଷୋଡଶକାନ୍ଵିତମ୍ ।
ଵୃତ୍ତତ୍ରଯାନ୍ଵିତଂ ଭୂମିସଦନତ୍ରଯଭୂଷିତମ୍ ॥ ୫॥
ନମାମି ଲଲିତାଚକ୍ରଂ ଭକ୍ତାନାମେତଦିଷ୍ଟଦମ୍ ।
ଅମୃତାମ୍ଭୋନିଧୌ ତତ୍ର ରତ୍ନଦ୍ଵୀପଂ ନମାମ୍ଯହମ୍ ॥ ୬॥
ନାନାଵୃକ୍ଷମହୋଦ୍ଯାନଂ ଵନ୍ଦେଽହଂ କଲ୍ପଵାଟିକାମ୍ ।
ସନ୍ତାନଵାଟିକାଂ ଵନ୍ଦେ ହରିଚନ୍ଦନଵାଟିକାମ୍ ॥ ୭॥
ମନ୍ଦାରଵାଟିକାଂ ଵନ୍ଦେ ପାରିଜାତାଖ୍ଯଵାଟିକାମ୍ ।
ନମାମି ତଵ ଦେଵେଶି କଦମ୍ବଵନଵାଟିକାମ୍ ॥ ୮॥
ପୁଷ୍ପରାଗମହାରତ୍ନପ୍ରାକାରଂ ପ୍ରଣମାମ୍ଯହମ୍ ।
ପଦ୍ମରାଗାଖ୍ଯମଣିଭିଃ ପ୍ରାକାରଂ ସର୍ଵଦା ଭଜେ ॥ ୯॥
ଗୋମେଦରତ୍ନପ୍ରାକାରଂ ଵଜ୍ରପ୍ରାକାରମାଶ୍ରଯେ ।
ଵୈଡୂର୍ଯରତ୍ନପ୍ରାକାରଂ ପ୍ରଣମାମି ତଵେଶ୍ଵରି ॥ ୧୦॥
ଇନ୍ଦ୍ରନୀଲାଖ୍ଯରତ୍ନାନାଂ ପ୍ରାକାରଂ ପ୍ରଣମାମ୍ଯହମ୍ ।
ମୁକ୍ତାରତ୍ନମଯଂ ଚୈଵ ପ୍ରାକାରଂ ସର୍ଵଦା ଭଜେ ॥ ୧୧॥
ମରକତାଖ୍ଯମହାରତ୍ନପ୍ରାକାରାଯ ନମସ୍ତଵ ।
ଵିଦ୍ରୁମାଖ୍ଯମହାରତ୍ନପ୍ରାକାରଂ ତୁ ତଵାଶ୍ରଯେ ॥ ୧୨॥
ମାଣିକ୍ଯମଣ୍ଡପଂ ଵନ୍ଦେ ସହସ୍ରସ୍ତମ୍ଭମଣ୍ଡପମ୍ ।
ଲଲିତେ ତଵ ଦେଵେଶି ଭଜାମ୍ଯମୃତଵାପିକାମ୍ ॥ ୧୩॥
ଆନନ୍ଦଵାପିକାଂ ଵନ୍ଦେ ଭଜେ ଚୈଵ ଵିମର୍ଶିକାମ୍ ।
ଭଜେ ବାଲାତପୋଦ୍ଗାରଂ ଚନ୍ଦ୍ରିକୋଦ୍ଗାରମାଶ୍ରଯେ ॥ ୧୪॥
ମହାଶୃଙ୍ଗାରପରିଖାଂ ମହାପଦ୍ମାଟଵୀଂ ଭଜେ ।
ଚିନ୍ତାମଣିମହାରତ୍ନଗୃହରାଜଂ ନମାମ୍ଯହମ୍ ॥ ୧୫॥
ପୂର୍ଵାମ୍ନାଯମଯଂ ପୂର୍ଵଦ୍ଵାରଂ ଦେଵି ଭଜାମି ତେ ।
ଦକ୍ଷିଣାମ୍ନାଯ ରୂପଂ ତେ ଦକ୍ଷିଣଦ୍ଵାରମାଶ୍ରଯେ ॥ ୧୬॥
ନମାମି ତେ ପରଂ ଦ୍ଵାରଂ ପଶ୍ଚିମାମ୍ନାଯରୂପକମ୍ ।
ଵନ୍ଦେଽହମୁତ୍ତରଂ ଦ୍ଵାରମୁତ୍ତରାମ୍ନାଯରୂପକମ୍ ॥ ୧୭॥
ଊର୍ଧ୍ଵାମ୍ନାଯମଽହଂ ଵନ୍ଦେ ଊର୍ଧ୍ଵଦ୍ଵାରଂ କୁଲେଶ୍ଵରି ।
ଲଲିତେ ତଵ ଦେଵେଶି ମହାସିଂହାସନଂ ଭଜେ ॥ ୧୮॥
ବ୍ରହ୍ମାତ୍ମକମଞ୍ଚପାଦମେକଂ ତଵ ନମାମ୍ଯହମ୍ ।
ଏକଂ ଵିଷ୍ଣୁମଯଂ ମଞ୍ଚପାଦଂ ତଵ ନମାମ୍ଯହମ୍ ॥ ୧୯॥
ଏକଂ ରୁଦ୍ରମଯଂ ମଞ୍ଚପାଦଂ ତଵ ନମାମ୍ଯହମ୍ ।
ମଞ୍ଚପାଦଂ ନମାମ୍ଯେକଂ ତଵ ଦେଵୀଶ୍ଵରାତ୍ମକମ୍ ॥ ୨୦॥
ମଞ୍ଚୈକଫଲକଂ ଵନ୍ଦେ ସଦାଶିଵମଯଂ ଶୁଭମ୍ ।
ନମାମି ତେ ହଂସତୂଲତଲିମାଂ ପରମେଶ୍ଵରି ॥ ୨୧॥
ଭଜାମି ତେ ହଂସତୂଲ ମହୋପାଧାନମୁତ୍ତମମ୍ ।
କୌସୁମ୍ଭାସ୍ତରଣଂ ଦେଵି ତଵ ନିତ୍ଯଂ ନମାମ୍ଯହମ୍ ॥ ୨୨॥
ମାନସପୂଜା ।
ମହାଵିତାନକଂ ଵନ୍ଦେ ମହାଜଵନିକାଂ ଭଜେ ।
ଏଵଂ ପୂଜାଗୃହଂ ଧ୍ଯାତ୍ଵା ଶ୍ରୀଚକ୍ରସ୍ଯ ଶିଵପ୍ରିଯେ ॥ ୨୩॥
ମଦ୍ଦକ୍ଷିଣେ ସ୍ଥାପଯାମି ଭାଗେ ପୁଷ୍ପାକ୍ଷତାଦିକମ୍ ।
ଅଭିତସ୍ତେ ମହାଦେଵି ଦୀପାଁସ୍ତାନ୍ ଦର୍ଶଯାମ୍ଯହମ୍ ॥ ୨୪॥
ମୂଲେନ ତ୍ରିପୁରାଚକ୍ରଂ ତଵ ସମ୍ପୂଜଯାମ୍ଯହମ୍ ।
ତ୍ରିଭିଃଖଣ୍ଡୈସ୍ତଵ ତ୍ର୍ଯସ୍ତ୍ରଂ ପୂଜଯାମି ଶିଵପ୍ରିଯେ ॥ ୨୫॥
ଵାଯ୍ଵଗ୍ନିଜଲସଂଯୁକ୍ତପ୍ରାଣାଯାମୈରହଂ ଶିଵେ ।
ଶୋଷଣଂ ଦାହନଂ ଦେଵି କରୋମ୍ଯାପ୍ଲାଵନଂ ତଥା ॥ ୨୬॥
ତ୍ରିଵାରଂ ମୂଲମନ୍ତ୍ରେଣ ପ୍ରାଣାଯାମଂ କରୋମ୍ଯହମ୍ ।
ଅପସର୍ପନ୍ତୁ ତେ ଭୂତା ଯେ ଭୂତା ଭୂମିସଂସ୍ଥିତାଃ ॥ ୨୭॥
ଯେ ଭୂତା ଵିଘ୍ନକର୍ତାରସ୍ତେ ନଶ୍ଯନ୍ତୁ ଶିଵାଜ୍ଞଯା ।
କରୋମ୍ଯନେନ ମନ୍ତ୍ରେଣ ତାଲତ୍ରଯମହଂ ଶିଵେ ॥ ୨୮॥
ନାରାଯଣୋଽହଂ ବ୍ରହ୍ମାଽହଂ ଭୈରଵୋଽହଂ ଶିଵୋଽସ୍ମ୍ଯହମ୍ ।
ଦେଵୋଽହଂ ପରମାତ୍ମାଽହଂ ମହାତ୍ରିପୁରସୁନ୍ଦରି ॥ ୨୯॥
ଧ୍ଯାତ୍ଵୈଵଂ ଵଜ୍ରକଵଚଂ ନ୍ଯାସଂ ତଵ କରୋମ୍ଯହମ୍ ।
କୁମାରୀବୀଜସଂଯୁକ୍ତଂ ମହାତ୍ରିପୁରସୁନ୍ଦରି ॥ ୩୦॥
ମାଂ ରକ୍ଷ ରକ୍ଷେତି ହୃଦି କରୋମ୍ଯଞ୍ଜଲିମୀଶ୍ଵରି ।
ନମୋ ଦେଵ୍ଯାସନାଯେତି ତେ କରୋମ୍ଯାସନଂ ଶିଵେ ॥ ୩୧॥
ଚକ୍ରାସନଂ ନମସ୍ଯାମି ସର୍ଵମନ୍ତ୍ରାସନଂ ଭଜେ ।
ସାଧ୍ଯସିଦ୍ଧାସନଂ ଵନ୍ଦେ ମନ୍ତ୍ରୈରେଭିର୍ମହେଶ୍ଵରି ॥ ୩୨॥
କରୋମ୍ଯସ୍ମିଂଶ୍ଚକ୍ରମନ୍ତ୍ରଦେଵତାସନମୁତ୍ତମମ୍ ।
କରୋମ୍ଯଥ ଷଡଙ୍ଗାଖ୍ଯଂ ମାତୃକାଶ୍ଚ କରୋମ୍ଯହମ୍ ॥ ୩୩॥
ଵଶିନ୍ଯାଦ୍ଯଷ୍ଟକଂ ନ୍ଯାସଂ ଷୋଢାନ୍ଯାସଂ କରୋମ୍ଯହମ୍ ।
ମହାଷୋଢାଂ ତତଃ କୁର୍ଵେ ନଵଯୋନ୍ଯାଖ୍ଯମୁତ୍ତମମ୍ ॥ ୩୪॥
ଚକ୍ରନ୍ଯାସଂ ତତଃ କୁର୍ଵେ ଶ୍ରୀକଣ୍ଠନ୍ଯାସମୁତ୍ତମମ୍ ।
କେଶଵାଦି ମହାନ୍ଯାସଂ କାମନ୍ଯାସଂ କରୋମ୍ଯହମ୍ ॥ ୩୫॥
କଲାନ୍ଯାସଂ ତତଃ କୁର୍ଵେ କୁର୍ଵେ କାମକଲାହ୍ଵଯମ୍ ।
ପୀଠନ୍ଯାସଂ ତତଃ କୁର୍ଵେ ତତ୍ତ୍ଵନ୍ଯାସଂ କରୋମ୍ଯହମ୍ ॥ ୩୬॥
ତତଃ କରୋମି ସ୍ଥିତ୍ଯାଦିନ୍ଯାସଂ ତତ୍ ତ୍ରିପୁରେଶ୍ଵରି ।
ତତଃ ଶୁଦ୍ଧୋଦକେନାହଂ ଵାମଭାଗେ ମହେଶ୍ଵରି ॥ ୩୭॥
କରୋମି ମଣ୍ଡଲଂ ଵୃତ୍ତଂ ଚତୁରସ୍ରଂ ଶିଵପ୍ରିଯେ ।
ପୁଷ୍ପୈରଭ୍ଯର୍ଚ୍ଯ ସାଧାରଂ ଶଙ୍ଖଂ ସଂସ୍ଥାପଯାମ୍ଯହମ୍ ॥ ୩୮॥
ଅର୍ଚଯାମି ଷଡଙ୍ଗେନ ଜଲମାପୂରଯାମ୍ଯହମ୍ ।
ଦଦାମି ଚାଦିମଂ ବିନ୍ଦୁଂ କୁର୍ଵେ ମୂଲାଭିମନ୍ତ୍ରିତମ୍ ॥ ୩୯॥
ତଜ୍ଜଲେନ ଜଗନ୍ମାତସ୍ତ୍ରିକୋଣଂ ଵୃତ୍ତସଂଯୁତମ୍ ।
ଷଟ୍କୋଣଂ ଚତୁରସ୍ତ୍ରଂ ଚ ମଣ୍ଡଲଂ ପ୍ରକରୋମ୍ଯହମ୍ ॥ ୪୦॥
ଵିଦ୍ଯଯା ପୂଜନଂ ମଧ୍ଯେ ଖଣ୍ଡୈସ୍ତ୍ର୍ଯସ୍ତ୍ରାଭିପୂଜନମ୍ ।
ବୀଜାଵୃତ୍ଯା କୋଣଷଟ୍କଂ ପୂଜଯାମି ଶିଵପ୍ରିଯେ ॥ ୪୧॥
ତସ୍ମିନ୍ ଦଶକଲାଯୁକ୍ତମଗ୍ନିମଣ୍ଡଲମାଶ୍ରଯେ ।
ଧୂମାର୍ଚିଷଂ ନମସ୍ଯାମି ଊଷ୍ମାଂ ଚ ଜ୍ଵଲିନୀଂ ଭଜେ ॥ ୪୨॥
ଜ୍ଵଲିନୀଂ ଚ ନମସ୍ଯାମି ଵନ୍ଦେଽହଂ ଵିସ୍ଫୁଲ୍ଲିଙ୍ଗିନୀମ୍ ।
ସୁଶ୍ରିଯଂ ଚ ସୁରୂପାଂ ଚ କପିଲାଂ ପ୍ରଣମାମ୍ଯହମ୍ ॥ ୪୩॥
ନୌମି ହଵ୍ଯଵହାଂ ନିତ୍ଯଂ ଭଜେ କଵ୍ଯଵହାଂ କଲାମ୍ ।
ଯାଦିଭିଃ ସହିତା ଵହ୍ନେଃ କଲା ଦଶ ତଥା ଭଜେ ॥ ୪୪॥
ସୂର୍ଯସ୍ଯ ମଣ୍ଡଲଂ ତତ୍ର କଲାଦ୍ଵାଦଶକାତ୍ମକମ୍ ।
ଅର୍ଘ୍ଯପାତ୍ରେ ତ୍ଵଽହଂ ଵନ୍ଦେ ତପିନୀଂ ତାପିନୀଂ ଭଜେ ॥ ୪୫॥
ଧୂମ୍ରାଂ ମରୀଚିଂ ଵନ୍ଦେଽହଂ ଜ୍ଵାଲିନୀଂ ଚ ରୁଚିଂ ଭଜେ ।
ସୁଷୁମ୍ଣାଂ ଭୋଗଦାଂ ଵନ୍ଦେ ଭଜେ ଵିଶ୍ଵାଂ ଚ ବୋଧିନୀମ୍ ॥ ୪୬॥
ଧାରିଣୀଂ ଚ କ୍ଷମାଂ ଵନ୍ଦେ ସୌରା ଏତାଃ କଲା ଭଜେ ।
ସୋମସ୍ଯ ମଣ୍ଡଲଂ ତତ୍ର କଲାଃ ଷୋଡଶକାତ୍ମକାଃ ॥ ୪୭॥
ଅର୍ଘ୍ଯାମୃତାତ୍ମକଂ ଵନ୍ଦେଽମୃତାଂ ମାନଦାଂ ସ୍ତୁଵେ ।
ପୂଷାଂ ତୁଷ୍ଟିଂ ଭଜେ ପୁଷ୍ଟିଂ ରତିଂ ଧୃତିମହଂ ଭଜେ ॥ ୪୮॥
ଶଶିନୀଂ ଚନ୍ଦ୍ରିକାଂ ଵନ୍ଦେ କାନ୍ତିଂ ଜ୍ଯୋତ୍ସ୍ନାଂ ଶ୍ରିଯଂ ଭଜେ ।
ନୌମି ପ୍ରୀତିଂ ଚାଙ୍ଗଦାଂ ଚ ପୂର୍ଣାଂ ପୂର୍ଣାମୃତାଂ ଭଜେ ॥ ୪୯॥
ସ୍ଵରୈଃ ଷୋଡଶଭିର୍ଯୁକ୍ତା ଭଜେ ସୋମସ୍ଯ ଵୈ କଲାଃ ।
ତ୍ରିକୋଣଲେଖନଂ କୁର୍ଵେ ଅକଥାଦିସୁରେଖକମ୍ ॥ ୫୦॥
ହଳକ୍ଷଵର୍ଣସଂଯୁକ୍ତଂ ସ୍ଥିତାନ୍ତର୍ହଂସଭାସ୍ଵରମ୍ ।
ଵାକ୍କାମଶକ୍ତିସଂଯୁକ୍ତଂ ହଂସେନାରାଧଯାମ୍ଯହମ୍ ॥ ୫୧॥
ଵୃତ୍ତାଦ୍ବହିଃ ଷଡସ୍ରେ ଚ ଲେଖନଂ ପ୍ରକରୋମ୍ଯହମ୍ ।
ପୁରୋଭାଗାଦି ଷଟ୍କୋଣଂ ଷଡଙ୍ଗେନାର୍ଚଯାମ୍ଯହମ୍ ॥ ୫୨॥
ଶ୍ରୀଵିଦ୍ଯାଯାଃ ସପ୍ତଵାରଂ କରୋମ୍ଯତ୍ରାଭିମନ୍ତ୍ରଣମ୍ ।
ସମର୍ପଯାମି ଵିଶ୍ଵେଶି ତସ୍ମିନ୍ ଗନ୍ଧାକ୍ଷତାଦିକମ୍ ॥ ୫୩॥
ଧ୍ଯାଯାମି ପୂଜାଦ୍ରଵ୍ଯଂ ତେ ସର୍ଵଂ ଵିଦ୍ଯାମଯଂ ଶୁଭମ୍ ।
ଚତୁର୍ନଵତି ସନ୍ମନ୍ତ୍ରାନ୍ ସ୍ପୃଷ୍ଟ୍ଵା ତତ୍ପ୍ରଜପାମ୍ଯହମ୍ ॥ ୫୪॥
ଵହ୍ନେର୍ଦଶକଲାଃ ସୂର୍ଯକଲାଦ୍ଵାଦଶକଂ ଭଜେ ।
ଆଶ୍ରଯେ ଷୋଡଶକଲାସ୍ତତ୍ର ସୋମସ୍ଯ କାମଦାଃ ॥ ୫୫॥
ସୃଷ୍ଟିମୃଦ୍ଧିଂ ସ୍ମୃତିଂ ଵନ୍ଦେ ମେଧାଂ କାନ୍ତିଂ ନମାମ୍ଯହମ୍ ।
ଲକ୍ଷ୍ମୀଂ ଧୃତିଂ ସ୍ଥିରାଂଵନ୍ଦେ ସ୍ଥିତିଂ ସିଦ୍ଧିଂ ଭଜାମ୍ଯହମ୍ ॥ ୫୬॥
ଏତାଂ ବ୍ରହ୍ମକଲାଂ ଵନ୍ଦେ ଜରାଂ ତାଂ ପାଲିନୀଂ ଭଜେ ।
ଶାନ୍ତିଂ ନମାମୀଶ୍ଵରୀଂ ଚ ରତିଂ ଵନ୍ଦେ ଚ କାମିକାମ୍ ॥ ୫୭॥
ଵରଦାଂ ହ୍ଲାଦିନୀଂ ଵନ୍ଦେ ପ୍ରୀତିଂ ଦୀର୍ଘାଂ ଭଜାମ୍ଯହମ୍ ।
ଟାଦିଭିଃ ସହିତା ଵିଷ୍ଣୋଃ କଲା ଦଶ ତଥା ଭଜେ ॥ ୫୮॥
ଏତା ଵିଷ୍ଣୋଃ କଲା ଵନ୍ଦେ ତୀକ୍ଷ୍ଣାଂ ରୌଦ୍ରୀଂ ଭଯାଂ ତଥା ।
ନିଦ୍ରାଂ ତନ୍ଦ୍ରାଂ କ୍ଷୁଧାଂ ଵନ୍ଦେ ନମାମି କ୍ରୋଧିନୀଂ କ୍ରିଯାମ୍ ॥ ୫୯॥
ଉଦ୍ଗାରୀଂ ଚ ଭଜେ ମୃତ୍ଯୁମେତା ରୁଦ୍ରକଲା ଭଜେ ।
ପୀତାଂ ଶ୍ଵେତାଂ ଭଜେ ନିତ୍ଯମରୁଣାଂ ଚ ତଥା ଭଜେ ॥ ୬୦॥
ଭଜେଽସିତାଂ ତଥାଽନନ୍ତାଂ ଷାଦିଭିଃ ସହିତାସ୍ତଥା ।
ଈଶ୍ଵରସ୍ଯ କଲା ହ୍ଯେତା ଵନ୍ଦେ ନିତ୍ଯମଭୀଷ୍ଟଦାଃ ॥ ୬୧॥
ନିଵୃତ୍ତିଂ ଚ ପ୍ରତିଷ୍ଠାଂ ଚ ଵିଦ୍ଯାଂ ଶାନ୍ତିଂ ନମାମ୍ଯହମ୍ ।
ଇନ୍ଧିକାଂ ଦୀପିକାଂ ଚୈଵ ରେଚିକାଂ ମୋଚିକାଂ ତଥା ॥ ୬୨॥
ପରାଂ ସୂକ୍ଷ୍ମାଂ ନମସ୍ଯାମି ନୌମି ସୂକ୍ଷ୍ମାମୃତାଂ କଲାମ୍ ।
ଵନ୍ଦେ ଜ୍ଞାନାଂ କଲାଂ ଚୈଵ ତଥା ଜ୍ଞାନାମୃତାଂ କଲାମ୍ ॥ ୬୩॥
ଆପ୍ଯାଯିନୀଂ ଵ୍ଯାପିନୀଂ ଚ ଵ୍ଯୋମରୂପାଂ ନମାମ୍ଯହମ୍ ।
କଲାଃ ସଦାଶିଵସ୍ଯୈତାଃ ଷୋଡଶ ପ୍ରଣମାମ୍ଯହମ୍ ॥ ୬୪॥
ହାଂସାଖ୍ଯଂ ଚ ମହାମନ୍ତ୍ରଂ ଜ୍ଯୋତିଷଂ ହଂସମାଶ୍ରଯେ ।
ପ୍ରତତ୍ପ୍ରଥମଵିଶ୍ଵାନ୍ତଂ ମନ୍ତ୍ରଂ ଜ୍ଯୋତିଷମାଶ୍ରଯେ ॥ ୬୫॥
ତ୍ର୍ଯମ୍ବକଂ ଚ ନମସ୍ଯାମି ତଦ୍ଵିଷ୍ଣୋଃ ପ୍ରଣମାମ୍ଯହମ୍ ।
ଵିଷ୍ଣୁର୍ଯୋନିଂ ମୂଲଵିଦ୍ଯାଂ ମନ୍ତ୍ରୈରେଭିରନୁତ୍ତମୈଃ ॥ ୬୬॥
ଅମୃତଂ ମନ୍ତ୍ରିତଂ ଵନ୍ଦେ ଚତୁର୍ନଵତିଭିସ୍ତଵ ।
ଅଖଣ୍ଡୈକରସାନନ୍ଦକରେଽପରସୁଧାତ୍ମନି ॥ ୬୭॥
ସ୍ଵଚ୍ଛନ୍ଦସ୍ଫୁରଣାମତ୍ର ନିଧେହ୍ଯକୁଲରୂପିଣି ।
ଅକୁଲସ୍ଥାମୃତାକାରେ ଶୁଦ୍ଧଜ୍ଞାନକରେ ପରେ ॥ ୬୮॥
ଅମୃତତ୍ଵଂ ନିଧେହ୍ଯସ୍ମିନ୍ ଵସ୍ତୁନି କ୍ଲିନ୍ନରୂପିଣି ।
ତଦ୍ରୂପିଣ୍ଯୈକରସ୍ଯତ୍ଵଂ କୃତ୍ଵା ହ୍ଯେତତ୍ସ୍ଵରୂପିଣି ॥ ୬୯॥
ଭୂତ୍ଵା ପରାମୃତାଽଽକାରା ମଯି ଚିତ୍ସ୍ଫୁରଣଂ କୁରୁ ।
ଅମୃତେଶୀଂ ନମସ୍ଯାମି ସର୍ଵଦାମୃତଵର୍ଷିଣୀମ୍ ॥ ୭୦॥
ଵାଗ୍ଵାଦିନୀଂ ନମସ୍ଯାମି ଶ୍ରୀଵିଦ୍ଯାଂ ପ୍ରଣମାମ୍ଯହମ୍ ।
ଏଭିର୍ମନୂତ୍ତମୈର୍ଵନ୍ଦେ ମନ୍ତ୍ରିତଂ ପରମାମୃତମ୍ ॥ ୭୧॥
ଜ୍ଯୋତିର୍ମଯମିଦଂ କୁର୍ଵେ ପରମର୍ଘ୍ଯଂ ମହେଶ୍ଵରି।
ତଦ୍ବିନ୍ଦୁଭିର୍ମେ ଶିରସି ତ୍ରିଗୁରୂନ୍ ପୂଜଯାମ୍ଯହମ୍ ॥ ୭୨॥
ବ୍ରହ୍ମାଽହମସ୍ମି ତଦ୍ବିନ୍ଦୁଂ କୁଣ୍ଡଲିନ୍ଯା ଜୁହୋମ୍ଯହମ୍ ।
ହୃଚ୍ଚକ୍ରସ୍ଥା ମହାଦେଵୀଂ ମହାତ୍ରିପୁରସୁନ୍ଦରୀମ୍ ॥ ୭୩॥
ନିରସ୍ତମୋହତିମିରାଂ ସାକ୍ଷାତ୍ ସଂଵିତ୍ସ୍ଵରୂପିଣୀମ୍ ।
ନାସାପୁଟେ ପରକଲାମଥ ନିର୍ଗମଯାମ୍ଯହମ୍ ॥ ୭୪॥
ସମାନଯାମି ତାଂ ହସ୍ତେ ତ୍ରିଖଣ୍ଡକୁସୁମାଞ୍ଜଲୌ ।
ଜଗନ୍ମାତର୍ମହାଦେଵି ମହାତ୍ରିପୁରସୁନ୍ଦରି ॥ ୭୫॥
ସୁଧାଚୈତନ୍ଯମୂର୍ତିଂ ତେ କଲ୍ପଯାମି ନମଃ ଶିଵେ ।
ଅନେନ ମନୁନା ଦେଵି ଯନ୍ତ୍ରେ ତ୍ଵାଂ ସ୍ଥାପଯାମ୍ଯହମ୍ ॥ ୭୬॥
ମହାପଦ୍ମଵନାନ୍ତଃସ୍ଥେ କାରଣାନନ୍ଦଵିଗ୍ରହେ ।
ସର୍ଵଭୂତହିତେ ମାତରେହ୍ଯେହି ପରମେଶ୍ଵରି ॥ ୭୭॥
ଦେଵେଶି ଭକ୍ତିସୁଲଭେ ସର୍ଵାଵରଣସଂଯୁତେ ।
ଯାଵତ୍ ତ୍ଵାଂ ପୂଜଯିଷ୍ଯାମି ତାଵତ୍ ତ୍ଵଂ ସୁସ୍ଥିରା ଭଵ ॥ ୭୮॥
ଅନେନ ମନ୍ତ୍ରଯୁଗ୍ମେନ ତ୍ଵାମତ୍ରାଵାହଯାମ୍ଯହମ୍ ।
କଲ୍ପଯାମି ନମଃ ପାଦ୍ଯମର୍ଘ୍ଯଂ ତେ କଲ୍ପଯାମ୍ଯହମ୍ ॥ ୭୯॥
ସୁଗନ୍ଧତୈଲାଭ୍ଯଙ୍ଗଂ ଚ ମଜ୍ଜଶାଲାପ୍ରଵେଶନମ୍ ।
କଲ୍ପଯାମି ନମସ୍ତସ୍ମିନ୍ ମଣିପୀଠୋପଵେଶନମ୍ ॥ ୮୦॥
ଦିଵ୍ଯସ୍ନାନୀଯମୀଶାନି ଗୃହାଣୋଦ୍ଵର୍ତନଂ ଶୁଭମ୍ ।
ଗୃହାଣୋଷ୍ଣୋଦକସ୍ନାନଂ କଲ୍ପଯାମି ନମସ୍ତଵ ॥ ୮୧॥
ହେମକୁମ୍ଭଚ୍ଯୁତୈସ୍ତୀର୍ଥୈଃ କଲ୍ପଯାମ୍ଯଭିଷେଚନମ୍ ।
କଲ୍ପଯାମି ନମସ୍ତୁଭ୍ଯଂ ଧୌତେନ ପରିମାର୍ଜନମ୍ ॥ ୮୨॥
ବାଲଭାନୁପ୍ରତୀକାଶଂ ଦୁକୂଲପରିଧାନକମ୍ ।
ଅରୁଣେନ ଦୁକୂଲେନୋତ୍ତରୀଯଂ କଲ୍ପଯାମି ତେ ॥ ୮୩॥
ପ୍ରଵେଶନଂ କଲ୍ପଯାମି ତଵାଲେପନମଣ୍ଡପମ୍ ।
ନମସ୍ତେ କଲ୍ପଯାମ୍ଯତ୍ର ମଣିପୀଠୋପଵେଶନମ୍ ॥ ୮୪॥
ଅଷ୍ଟଗନ୍ଧୈଃ କଲ୍ପଯାମି ସର୍ଵାଙ୍ଗେଷୁ ଵିଲେପନମ୍ ।
କାଲାଗରୁ ମହାଧୂପସ୍ତଵ କେଶଭରସ୍ଯ ହି ॥ ୮୫॥
ମଲ୍ଲିକାମାଲତୀଜାତୀଚମ୍ପକାଦିମନୋରମୈଃ ।
ରଚିତାଃକୁସୁମୈର୍ମାଲାଃ କଲ୍ପଯାମି ନମସ୍ତଵ ॥ ୮୬॥
ପ୍ରଵେଶନଂ କଲ୍ପଯାମି ନମୋ ଭୂଷଣମଣ୍ଡପମ୍ ।
ଉପଵେଶଂ ରତ୍ନପୀଠେ ତତ୍ର ତେ କଲ୍ପଯାମ୍ଯହମ୍ ॥ ୮୭॥
ନଵମାଣିକ୍ଯମୁକୁଟଂ ତଚ୍ଚନ୍ଦ୍ରଶକଲଂ ତତଃ ।
ତତଃ ସୀମନ୍ତସିନ୍ଦୂରଂ ତତସ୍ତିଲକମୁତ୍ତମମ୍ ॥ ୮୮॥
କାଲାଞ୍ଜନଂ କଲ୍ପଯାମି ପାଲୀଯୁଗଲମୁତ୍ତମମ୍ ।
ମଣିକୁଣ୍ଡଲଯୁଗ୍ମଂ ତେ ନାସାଭରଣମୀଶ୍ଵରି ॥ ୮୯॥
ତେ କଲ୍ପଯାମି ତ୍ରିପୁରେ ଲଲିତାଽଧରଯାଵକମ୍ ।
ଅଥାଽଽଦ୍ଯଭୂଷଣଂ କଣ୍ଠେ ହେମଚିନ୍ତାକମୁତ୍ତମମ୍ ॥ ୯୦॥
ପଦକଂ ତେ କଲ୍ପଯାମି ମହାପଦକମୁତ୍ତମମ୍ ।
କଲ୍ପଯାମି ନମୋ ମୁକ୍ତାଵଲିମେକାଵଲିଂ ଚ ତେ ॥ ୯୧॥
ଛନ୍ନଵୀରଂ ଚ କେଯୂରଯୁଗଲାନାଂ ଚତୁଷ୍ଟଯମ୍ ।
ଵଲଯାଵଲିମୀଶାନି ଊର୍ମିକାଵଲିମୀଶ୍ଵରି ॥ ୯୨॥
କାଞ୍ଚୀଦାମକଟୀସୂତ୍ରଂ ସୌଭାଗ୍ଯାଭରଣଂ ଚ ତେ ।
ତ୍ରିପୁରେ ପାଦକଟକଂ କଲ୍ପଯେ ରତ୍ନନୂପୁରମ୍ ॥ ୯୩॥
ପାଦାଙ୍ଗୁଲୀଯକଂ ତୁଭ୍ଯଂ ପାଶମେକକରେ ତଵ ।
ଅନ୍ଯସ୍ମିନ୍ନଙ୍କୁଶଂ ଦେଵି ପୁଣ୍ଡ୍ରେକ୍ଷୁଧନୁଷଂ ପରେ ॥ ୯୪॥
ଅପରେ ପୁଷ୍ପବାଣାଁଶ୍ଚ ଶ୍ରୀମନ୍ମାଣିକ୍ଯପାଦୁକେ ।
ନଵାଵରଣଦେଵୀଭିର୍ମହାଚକ୍ରାଧିରୋହଣମ୍ ॥ ୯୫॥
କାମେଶ୍ଵରାଙ୍କପର୍ଯଙ୍କ ଉପଵେଶନମୁତ୍ତମମ୍ ।
ସୁଧାସଵାଖ୍ଯଂ ଚଷକଂ ତତଃ ଆଚମନୀଯକମ୍ ॥ ୯୬॥
କର୍ପୂରଵୀଟିକାଂ ତୁଭ୍ଯଂ କଲ୍ପଯାମି ନମଃ ଶିଵେ ।
ଆନନ୍ଦୋଲ୍ଲାସଵେଲାସହାସଂ ତେ କଲ୍ପଯାମ୍ଯହମ୍ ॥ ୯୭॥
ମଙ୍ଗଲାରାର୍ତିକଂ ଦେଵି ଛତ୍ରଂ ତେ କଲ୍ପଯାମ୍ଯହମ୍ ।
ତତଶ୍ଚାମରଯୁଗ୍ମଂ ତେ ଦର୍ପଣଂ କଲ୍ପଯାମ୍ଯହମ୍ ॥ ୯୮॥
ତାଲଵୃନ୍ତଂ କଲ୍ପଯାମି ଗନ୍ଧଂ ପୁଷ୍ପଂ ମହେଶ୍ଵରି ।
ଧୂପଂ ଦୀପଂ ଚ ନୈଵେଦ୍ଯଂ କଲ୍ପଯାମି ନମସ୍ତଵ ॥ ୯୯॥
ଅଥାଽହଂ ଵୈନ୍ଦଵେ ଚକ୍ରେ ସର୍ଵାନନ୍ଦମଯାତ୍ମିକେ ।
ରତ୍ନସିଂହାସନେ ରମ୍ଯେ ସମାସୀନାଂ ଶିଵପ୍ରିଯାମ୍ ॥ ୧୦୦॥
ଧ୍ଯାନମ୍ ।
ଉଦ୍ଯଦ୍ଭାନୁସହସ୍ରାଭ୍ଯାଂ ଜପାପୁଷ୍ପସମପ୍ରଭାମ୍ ।
ନଵରତ୍ନପ୍ରଭାଦୀପ୍ତମୁକୁଟେନ ଵିରାଜିତାମ୍ ॥ ୧୦୧॥
ଚନ୍ଦ୍ରରେଖାସମୋପେତାଂ କସ୍ତୂରୀତିଲକାଞ୍ଚିତାମ୍ ।
କାମକୋଦଣ୍ଡସୌନ୍ଦର୍ଯନିର୍ଜିତଭ୍ରୂଲତାଯୁଗାମ୍ ॥ ୧୦୨॥
ଅଞ୍ଜନାଞ୍ଚିତନେତ୍ରାଂ ତାଂ ପଦ୍ମପତ୍ରନିଭେକ୍ଷଣାମ୍ ।
ମଣିକୁଣ୍ଡଲସଂଯୁକ୍ତକର୍ଣଦ୍ଵଯଵିରାଜିତାମ୍ ॥ ୧୦୩॥
ମୁକ୍ତାମାଣିକ୍ଯଖଚିତନାସିକାଭରଣାନ୍ଵିତାମ୍ ।
ମଦପାଟଲସଂଯୁକ୍ତକପୋଲଯୁଗଲାନ୍ଵିତାମ୍ ॥ ୧୦୪॥
ପକ୍ଵବିମ୍ବଫଲାଭାସାଧରଦ୍ଵଯଵିରାଜିତାମ୍ ।
ଶୁଦ୍ଧମୁକ୍ତାଵଲିପ୍ରଖ୍ଯଦନ୍ତପଙ୍କ୍ତିଵିରାଜିତାମ୍ ॥ ୧୦୫॥
ତାମ୍ବୂଲପୂରିତମୁଖୀଂ ସୁସ୍ମିତାସ୍ଯଵିରାଜିତାମ୍ ।
ଆଦ୍ଯଭୂଷଣସଂଯୁକ୍ତାଂ ହେମଚିନ୍ତାକସଂଯୁତାମ୍ ॥ ୧୦୬॥
ପଦକେନ ସମୋପେତାଂ ମହାପଦକସଂଯୁତାମ୍ ।
ମୁକ୍ତାଵଲିସମୋପେତାମେକାଵଲିଵିରାଜିତାମ୍ ॥ ୧୦୭॥
କେଯୂରାଙ୍ଗଦସଂଯୁକ୍ତଚତୁର୍ବାହୁଵିରାଜିତାମ୍ ।
ଅଷ୍ଟଗନ୍ଧସମୋପେତାଂ ଶ୍ରୀଚନ୍ଦନଵିଲେପନାମ୍ ॥ ୧୦୮॥
ହେମକୁମ୍ଭସମପ୍ରଖ୍ଯସ୍ତନଦ୍ଵଯଵିରାଜିତାମ୍ ।
ରକ୍ତଵସ୍ତ୍ରପରୀଧାନାଂ ରକ୍ତକଞ୍ଚୁକସଂଯୁତାମ୍ ॥ ୧୦୯॥
ସୂକ୍ଷ୍ମରୋମାଵଲୀଯୁକ୍ତତନୁମଧ୍ଯଵିରାଜିତାମ୍ ।
ମୁକ୍ତାମାଣିକ୍ଯଖଚିତକାଞ୍ଚୀଯୁତନିତମ୍ବିନୀମ୍ ॥ ୧୧୦॥
ସଦାଶିଵାଙ୍କସ୍ଥପୃଥୁମହାଜଘନମଣ୍ଡଲାମ୍ ।
କଦଲୀସ୍ତମ୍ଭସଙ୍କାଶଊରୁଯୁଗ୍ମଵିରାଜିତାମ୍ ॥ ୧୧୧॥
କଦଲୀକାନ୍ତିସଙ୍କାଶଜଙ୍ଘାଯୁଗଲଶୋଭିତାମ୍ ।
ଗୂଢଗୁଲ୍ଫଦ୍ଵଯୋପେତାଂ ରକ୍ତପାଦଯୁଗାନ୍ଵିତାମ୍ ॥ ୧୧୨॥
ବ୍ରହ୍ମାଵିଷ୍ଣୁମହାଦେଵଶିରୋମୁକୁଟଜାତଯା ।
କାନ୍ତ୍ଯା ଵିରାଜିତପଦାଂ ଭକ୍ତତ୍ରାଣପରାଯଣାମ୍ ॥ ୧୧୩॥
ଇକ୍ଷୁକାର୍ମୁକପୁଷ୍ପେଷୁ ପାଶାଙ୍କୁଶଧରାଂ ପରାମ୍ ।
ସଂଵିତ୍ସ୍ଵରୂପିଣୀଂ ଦେଵୀଂ ଧ୍ଯାଯାମି ପରମେଶ୍ଵରୀମ୍ ॥ ୧୧୪॥
ଇତି ଧ୍ଯାନମ୍ ।
ପ୍ରଦର୍ଶଯାମ୍ଯଥ ଶିଵେ ନଵମୁଦ୍ରା ଵରପ୍ରଦାଃ ।
ତ୍ଵାଂ ତର୍ପଯାମି ତ୍ରିପୁରେ ତ୍ରିଧା ମୂଲେନ ପାର୍ଵତି ॥ ୧୧୫॥
ଆଗ୍ନେଯ୍ଯାମୀଶଦିଗ୍ଭାଗେ ନୈଋତ୍ଯାଂ ମାରୁତେ ତଥା ।
ମଧ୍ଯେ ଦିକ୍ଷୁ ଷଡଙ୍ଗାନି କ୍ରମାଦଭ୍ଯର୍ଚଯାମ୍ଯହମ୍ ॥ ୧୧୬॥
ଆଦ୍ଯାଂ କାମେଶ୍ଵରୀଂ ଵନ୍ଦେ ନମାମି ଭଗମାଲିନୀମ୍ ।
ନିତ୍ଯକ୍ଲିନ୍ନାଂ ନମସ୍ଯାମି ଭେରୁଣ୍ଡାଂ ପ୍ରଣମାମ୍ଯହମ୍ ॥ ୧୧୭॥
ଵହ୍ନିଵାସାଂ ନମସ୍ଯାମି ମହାଵଜ୍ରେଶ୍ଵରୀଂ ସ୍ତୁଵେ ।
ଶିଵଦୂତୀଂ ନମସ୍ଯାମି ତ୍ଵରିତାଂ କୁଲସୁନ୍ଦରୀମ୍ ॥ ୧୧୮॥
ନିତ୍ଯାଂ ନୀଲପତାକାଂ ଚ ଵିଜଯାଂ ସର୍ଵମଙ୍ଗଲାମ୍ ।
ଜ୍ଵାଲାମାଲାଂ ଚ ଚିତ୍ରାଂ ଚ ମହାନିତ୍ଯାଂ ଚ ସଂସ୍ତୁଵେ ॥ ୧୧୯॥
ଦିଵ୍ଯୌଘେଭ୍ଯୋ ନମସ୍ଯାମି ପରେଶପରମେଶ୍ଵରୀମ୍ ।
ମିତ୍ରେଶମଥ ଷଷ୍ଠୀଶମୁଡ୍ଡୀଶଂ ପ୍ରଣମାମ୍ଯହମ୍ ॥ ୧୨୦॥
ଚର୍ଯାନାଥଂ ନମସ୍ଯାମି ଲୋପାମୁଦ୍ରାମହଂ ଭଜେ ।
ଅଗସ୍ତ୍ଯଂ ପ୍ରଣମସ୍ଯାମି ସିଦ୍ଧୌଘେ କାଲତାପନମ୍ ॥ ୧୨୧॥
ଧର୍ମାଚାର୍ଯଂ ନମସ୍ଯାମି ମୁକ୍ତକେଶୀଶ୍ଵରଂ ଭଜେ ।
ଭଜେ ଦୀପକଲାନାଥଂ ମାନଵୌଘେ ତତଃ ପରମ୍ ॥ ୧୨୨॥
ଵିଷ୍ଣୁଦେଵଂ ନମସ୍ଯାମି ପ୍ରଭାକରମହଂ ଭଜେ ।
ତେଜୋଦେଵଂ ନମସ୍ଯାମି ମନୋଜମଥ ସଂସ୍ତୁଵେ ॥ ୧୨୩॥
କଲ୍ଯାଣଦେଵଂ କଲଯେ ରତ୍ନଦେଵଂ ଭଜାମ୍ଯହମ୍ ।
ଵାସୁଦେଵଂ ନମସ୍ଯାମି ଶ୍ରୀରାମାନନ୍ଦମାଶ୍ରଯେ ॥ ୧୨୪॥
ପରମେଷ୍ଠିଗୁରୁଂ ଵନ୍ଦେ ପରମଂ ଗୁରୁମାଶ୍ରଯେ ।
ଶ୍ରୀଗୁରୁଂ ପ୍ରଣମସ୍ଯାମି ମୂର୍ଧ୍ନି ବ୍ରହ୍ମବିଲେ ସ୍ଥିତମ୍ ॥ ୧୨୫॥
କଂ ବିଲେଽହଂ ନମସ୍ଯାମି ଶ୍ରୀଗୁରୋଃ ପାଦୁକାଂ ତତଃ ।
ଅଥ ପ୍ରାଥମିକେ ଦେଵି ଚତୁରସ୍ରେ ତଵେଶ୍ଵରି ॥ ୧୨୬॥
ଅଣିମାଂ ଲଘିମାଂ ଵନ୍ଦେ ମହିମାଂ ପ୍ରଣମାମ୍ଯହମ୍ ।
ଈଶିତ୍ଵସିଦ୍ଧିଂ ଵନ୍ଦେଽହଂ ଵଶିତ୍ଵଂ ଚ ନମାମ୍ଯହମ୍ ॥ ୧୨୭॥
ପ୍ରାକାମ୍ଯସିଦ୍ଧିଂ ଵନ୍ଦେଽହଂ ଭୁକ୍ତିମିଚ୍ଛାମହଂ ଭଜେ ।
ପ୍ରାପ୍ତିସିଦ୍ଧିଂ ସର୍ଵକାମପ୍ରଦାସିଦ୍ଧିମହଂ ଭଜେ ॥ ୧୨୮॥
ମଧ୍ଯମେ ଚତୁରସ୍ରେଽହଂ ବ୍ରାହ୍ମୀଂ ମାହେଶ୍ଵରୀଂ ଭଜେ ।
କୌମାରୀଂ ଵୈଷ୍ଣଵୀଂ ଵନ୍ଦେ ଵାରାହୀଂ ପ୍ରଣମାମ୍ଯହମ୍ ॥ ୧୨୯॥
ମାହେନ୍ଦ୍ରୀମପି ଚାମୁଣ୍ଡାଂ ମହାଲକ୍ଷ୍ମୀମହଂ ଭଜେ ।
ତୃତୀଯେ ଚତୁରସ୍ରେଽହଂ ସର୍ଵସଂକ୍ଷୋଭିଣୀଂ ଭଜେ ॥ ୧୩୦॥
ସର୍ଵଵିଦ୍ରାଵିଣୀଂ ମୁଦ୍ରାଂ ସର୍ଵାକର୍ଷିଣିକାଂ ଭଜେ ।
ମୁଦ୍ରାଂ ଵଶଙ୍କରୀଂ ଵନ୍ଦେ ସର୍ଵୋନ୍ମାଦିନିକାଂ ଭଜେ ॥ ୧୩୧॥
ଭଜେ ମହାଙ୍କୁଶାଂ ମୁଦ୍ରାଂ ଖେଚରୀଂ ପ୍ରଣମାମ୍ଯହମ୍ ।
ବୀଜମୁଦ୍ରାଂ ଯୋନିମୁଦ୍ରାଂ ଭଜେ ସର୍ଵତ୍ରିଖଣ୍ଡିନୀମ୍ ॥ ୧୩୨॥
ତ୍ରୈଲୋକ୍ଯମୋହନଂ ଚକ୍ରଂ ନମାମି ଲଲିତେ ତଵ ।
ନମାମି ଯୋଗିନୀଂ ତତ୍ର ପ୍ରକଟାଖ୍ଯାମଭୀଷ୍ଟଦାମ୍ ॥ ୧୩୩॥
ସୁଧାର୍ଣଵାସନଂ ଵନ୍ଦେ ତତ୍ର ତେ ପରମେଶ୍ଵରି ।
ଚକ୍ରେଶ୍ଵରୀଂ ତତ୍ର ଵନ୍ଦେ ତ୍ରିପୁରାଂ ପରମେଶ୍ଵରୀମ୍ ॥ ୧୩୪॥
ସର୍ଵେସଂକ୍ଷୋଭିଣୀଂ ମୁଦ୍ରାଂ ତତୋଽହଂ କଲଯେ ଶିଵେ ।
ଅଥାଽହଂ ଷୋଡଶଦଲେ କାମାକର୍ଷଣିକାଂ ଭଜେ ॥ ୧୩୫॥
ବୁଦ୍ଧ୍ଯାକର୍ଷଣିକାଂ ଵନ୍ଦେଽହଙ୍କାର୍ଷଣୀଂ ଭଜେ ।
ଶବ୍ଦାକର୍ଷଣିକାଂ ଵନ୍ଦେ ସ୍ପର୍ଶାକର୍ଷଣିକାଂ ଭଜେ ॥ ୧୩୬॥
ରୂପାକର୍ଷଣିକାଂ ଵନ୍ଦେ ରସାକର୍ଷଣିକାଂ ଭଜେ ।
ଗନ୍ଧାକର୍ଷଣିକାଂ ଵନ୍ଦେ ଚିତ୍ତାକର୍ଷଣିକାଂ ଭଜେ ॥ ୧୩୭॥
ଧୈର୍ଯାକର୍ଷଣିକାଂ ଵନ୍ଦେ ସ୍ମୃତ୍ଯାକର୍ଷଣିକାଂ ଭଜେ ।
ନାମାକର୍ଷଣିକାଂ ଵନ୍ଦେ ବୀଜାକର୍ଷଣିକାଂ ଭଜେ ॥ ୧୩୮॥
ଆତ୍ମାକର୍ଷଣିକାଂ ଵନ୍ଦେ ହ୍ଯମୃତାକର୍ଷଣୀଂ ଭଜେ ।
ଶରୀରାକର୍ଷଣୀଂ ଵନ୍ଦେ ନିତ୍ଯାଂ ଶ୍ରୀପରମେଶ୍ଵରୀମ୍ ॥ ୧୩୯॥
ସର୍ଵାଶାପୂରକଂ ଚକ୍ରଂ କଲଯେଽହଂ ତଵେଶ୍ଵରି ।
ଗୁପ୍ତାଖ୍ଯାଂ ଯୋଗିନୀଂ ଵନ୍ଦେ ତତ୍ରାଽହଂ ଗୁପ୍ତପୂଜିତାମ୍ ॥ ୧୪୦॥
ପୀତାମ୍ବୁଜାସନଂ ତତ୍ର ନମାମି ଲଲିତେ ତଵ ।
ତ୍ରିପୁରେଶୀଂ ମହାଦେଵୀଂ ଭଜାମୀଷ୍ଟାର୍ଥଂସିଦ୍ଧିଦାମ୍ ॥ ୧୪୧॥
ସର୍ଵଂଵିଦ୍ରାଵିଣୀଂ ମୁଦ୍ରାଂ ତତ୍ରାଽହଂ ତାଂ ଵିଚିନ୍ତଯେ ।
ଶିଵେ ତଵାଷ୍ଟପତ୍ରେଽହମନଙ୍ଗକୁସୁମାଂ ଭଜେ ॥ ୧୪୨॥
ଅନଙ୍ଗମେଖଲାଂ ଵନ୍ଦେ ହ୍ଯନଙ୍ଗମଦନାଂ ଭଜେ ।
ତତୋଽହଂ ପ୍ରଣମସ୍ଯାମି ହ୍ଯନଙ୍ଗମଦନାତୁରାମ୍ ॥ ୧୪୩॥
ଅନଙ୍ଗରେଖାଂ କଲଯେ ଭଜେ ତେଽନଙ୍ଗଵେଗିନୀମ୍ ।
ଭଜେଽନଙ୍ଗାଙ୍କୁଶାଂ ଦେଵି ତଵ ଚାନଙ୍ଗମାଲିନୀମ୍ ॥ ୧୪୪॥
ସର୍ଵସଂକ୍ଷୋଭଣଂ ଚକ୍ରଂ ତତ୍ରାଽହଂ କଲଯେ ସଦା ।
ଵନ୍ଦେ ଗୁପ୍ତତରାଖ୍ଯାଂ ତାଂ ଯୋଗିନୀଂ ସର୍ଵକାମଦାମ୍ ॥ ୧୪୫॥
ତତ୍ରାଽହଂ ପ୍ରଣମସ୍ଯାମି ଦେଵ୍ଯାତ୍ମାସନମୁତ୍ତମମ୍ ।
ନମାମି ଜଗଦୀଶାନୀମଽହଂ ତ୍ରିପୁରସୁନ୍ଦରୀମ୍ ॥ ୧୪୬॥
ସର୍ଵାକର୍ଷଣିକାଂ ମୁଦ୍ରାଂ ତତ୍ରାଽହଂ କଲଯାମି ତେ ।
ଭୁଵନାରେ ତଵ ଶିଵେ ସର୍ଵସଂକ୍ଷୋଭିଣୀଂ ଭଜେ ॥ ୧୪୭॥
ସର୍ଵଵିଦ୍ରାଵିଣୀଂ ଵନ୍ଦେଽହଂ ସର୍ଵାକର୍ଷିଣିକାଂ ଭଜେ ।
ସକଲାହ୍ଲାଦିନୀଂ ଵନ୍ଦେ ସର୍ଵସମ୍ମୋହିନୀଂ ଭଜେ ॥ ୧୪୮॥
ସକଲ ସ୍ତମ୍ଭିନୀଂ ଵନ୍ଦେ କଲଯେ ସର୍ଵଜୃମ୍ଭିନୀମ୍ ।
ଵଶଙ୍କରୀଂ ନମସ୍ଯାମି ସର୍ଵରଞ୍ଜନିକାଂ ଭଜେ ॥ ୧୪୯॥
ସକଲୋନ୍ମାଦିନୀଂ ଵନ୍ଦେ ଭଜେ ସର୍ଵାର୍ଥସାଧିନୀମ୍ ।
ସମ୍ପତ୍ତିପୂରିଣୀଂ ଵନ୍ଦେ ସର୍ଵମନ୍ତ୍ରମଯୀଂ ଭଜେ ॥ ୧୫୦॥
ଭଜାମ୍ଯହଂ ତତଃ ଶକ୍ତିଂ ସର୍ଵଦ୍ଵନ୍ଦ୍ଵକ୍ଷଯଙ୍କରୀମ୍ ।
ତତ୍ରାଽହଂ କଲଯେ ଚକ୍ରଂ ସର୍ଵସୌଭାଗ୍ଯଦାଯକମ୍ ॥ ୧୫୧॥
ନମାମି ଜଗତାଂ ଧାତ୍ରୀଂ ସମ୍ପ୍ରଦାଯାଖ୍ଯଯୋଗିନୀମ୍ ।
ଶିଵେ ତଵ ନମସ୍ଯାମି ଶ୍ରୀଚକ୍ରାସନମୁତ୍ତମମ୍ ॥ ୧୫୨॥
ନମାମି ଜଗଦୀଶାନୀମହଂ ତ୍ରିପୁରଵାସିନୀମ୍ ।
କଲଯେଽହଂ ତଵ ଶିଵେ ମୁଦ୍ରାଂ ସର୍ଵଵଶଙ୍କରୀମ୍ ॥ ୧୫୩॥
ବହିର୍ଦଶାରେ ତେ ଦେଵି ସର୍ଵସିଦ୍ଧିପ୍ରଦାଂ ଭଜେ ।
ସର୍ଵସମ୍ପତ୍ପ୍ରଦାଂ ଵନ୍ଦେ ଭଜେ ସର୍ଵପ୍ରିଯଙ୍କରୀମ୍ ॥ ୧୫୪॥
ନମାମ୍ଯହଂ ତତୋ ଦେଵୀଂ ସର୍ଵମଙ୍ଗଲକାରିଣୀମ୍ ।
ସର୍ଵକାମପ୍ରଦାଂ ଵନ୍ଦେ ସର୍ଵଦୁଃଖଵିମୋଚିନୀମ୍ ॥ ୧୫୫॥
ସର୍ଵମୃତ୍ଯୁପ୍ରଶମନୀଂ ସର୍ଵଵିଘ୍ନନିଵାରିଣୀମ୍ ।
ସର୍ଵାଙ୍ଗସୁନ୍ଦରୀଂ ଦେଵୀଂ ସର୍ଵସୌଭାଗ୍ଯଦାଯିନୀମ୍ ॥ ୧୫୬॥
ସର୍ଵାର୍ଥସାଧକଂ ଚକ୍ରଂ ତଥାଽହଂ କଲଯେ ସଦା ।
କଲଯାମି ତତୋ ଦେଵୀଂ କୁଲୋତ୍ତୀର୍ଣାଖ୍ଯଯୋଗିନୀମ୍ ॥ ୧୫୭॥
ସର୍ଵମନ୍ତ୍ରାସନଂ ଵନ୍ଦେ ତ୍ରିପୁରାଶ୍ରୀଯମାଶ୍ରଯେ ।
କଲଯାମି ତତୋ ମୁଦ୍ରାଂ ସର୍ଵୋନ୍ମାଦନକାରିଣୀମ୍ ॥ ୧୫୮॥
ଅନ୍ତର୍ଦଶାରେ ତେ ଦେଵି ସର୍ଵଜ୍ଞାଂ ପ୍ରଣମାମ୍ଯହମ୍ ।
ସର୍ଵଶକ୍ତିଂ ନମସ୍ଯାମି ସର୍ଵୈଶ୍ଵର୍ଯପ୍ରଦାଂ ଭଜେ ॥ ୧୫୯॥
ସର୍ଵଜ୍ଞାନମଯୀଂ ଵନ୍ଦେ ସର୍ଵଵ୍ଯାଧିଵିନାଶିନୀମ୍ ।
ସର୍ଵାଧାରସ୍ଵରୂପାଂ ଚ ସର୍ଵପାପହରାଂ ଭଜେ ॥ ୧୬୦॥
ସର୍ଵାନନ୍ଦମଯୀଂ ଵନ୍ଦେ ସର୍ଵରକ୍ଷାସ୍ଵରୂପିଣୀମ୍ ।
ପ୍ରଣମାମି ମହାଦେଵୀଂ ସର୍ଵେପ୍ସିତପ୍ରଦାଂ ଭଜେ ॥ ୧୬୧॥
ସର୍ଵରକ୍ଷାକରଂ ଚକ୍ରଂ ତତ୍ରାଽହଂ କଲଯେ ସଦା ।
ନିଗର୍ଭଯୋଗିନୀଂ ଵନ୍ଦେ ତତ୍ରାଽହଂ ପରମେଶ୍ଵରୀମ୍ ॥ ୧୬୨॥
ସାଧ୍ଯସିଂହାସନଂ ଵନ୍ଦେ ଭଜେ ତ୍ରିପୁରମାଲିନୀମ୍ ।
କଲଯାମି ତତୋ ଦେଵି ମୁଦ୍ରାଂ ସର୍ଵମହାଙ୍କୁଶାମ୍ ॥ ୧୬୩॥
ଅଷ୍ଟାରେ ଵଶିନୀଂ ଵନ୍ଦେ ଭଜେ କାମେଶ୍ଵରୀଂ ସଦା ।
ମୋଦିନୀଂ ଵିମଲାଂ ଵନ୍ଦେ ହ୍ଯରୁଣାଂ ଜଯିନୀଂ ଭଜେ ॥ ୧୬୪॥
ସର୍ଵେଶ୍ଵରୀଂ ନମସ୍ଯାମି କୌଲିନୀଂ ପ୍ରଣମାମ୍ଯହମ୍ ।
ସର୍ଵରୋଗହରଂ ଚକ୍ରଂ ତଵାଽହଂ ଦେଵି ଚିନ୍ତଯେ ॥ ୧୬୫॥
ରହସ୍ଯଯୋଗିନୀଂ ଦେଵୀଂ ସଦାଽହଂ କଲଯାମି ତେ ।
ନମାମି ତ୍ରିପୁରାସିଦ୍ଧାଂ ଭଜେ ମୁଦ୍ରାଂ ଚ ଖେଚରୀମ୍ ॥ ୧୬୬॥
ମହାତ୍ରିକୋଣସ୍ଯ ବାହ୍ଯେ ଚତୁର୍ଦିକ୍ଷୁ ମହେଶ୍ଵରି ।
ନମାମି ଜୃମ୍ଭ୍ଣାନ୍ ବାଣାନ୍ ଚାପଂ ସମ୍ମୋହନଂ ଭଜେ ॥ ୧୬୭॥
ପାଶଂ ଵଶଙ୍କରଂ ଵନ୍ଦେ ଭଜେ ସ୍ତମ୍ଭନମଙ୍କୁଶମ୍ ।
ତ୍ରିକୋଣେଽହଂ ଜଗଦ୍ଧାତ୍ରୀଂ ମହାକାମେଶ୍ଵରୀଂ ଭଜେ ॥ ୧୬୮॥
ମହାଵଜ୍ରେଶ୍ଵରୀଂ ଵନ୍ଦେ ମହାଶ୍ରୀମାଲିନୀଂ ଭଜେ ।
ମହାଶ୍ରୀସୁନ୍ଦରୀଂ ଵନ୍ଦେ ସର୍ଵକାମଫଲପ୍ରଦାମ୍ ॥ ୧୬୯॥
ସର୍ଵସିଦ୍ଧିପ୍ରଦଂ ଚକ୍ରଂ ତଵ ଦେଵି ନମାମ୍ଯହମ୍ ।
ନମାମ୍ଯତିରହସ୍ଯାଖ୍ଯାଂ ଯୋଗିନୀଂ ତତ୍ର କାମଦାମ୍ ॥ ୧୭୦॥
ତ୍ରିପୁରାମ୍ବାଂ ନମସ୍ଯାମି ବୀଜମୁଦ୍ରାଂ ନମାମ୍ଯହମ୍ ।
ମୂଲମନ୍ତ୍ରେଣ ଲଲିତେ ତ୍ଵାଂ ବିନ୍ଦୌ ପୂଜଯାମ୍ଯହମ୍ ॥ ୧୭୧॥
ସର୍ଵାନନ୍ଦମଯଂ ଚକ୍ରଂ ନମାମି ଲଲିତେ ତଵ ।
ପରାପରରହସ୍ଯାଖ୍ଯାଂ ଯୋଗିନୀଂ କଲଯେ ସଦା ॥ ୧୭୨॥
ମହାଚକ୍ରେଶ୍ଵରୀଂ ଵନ୍ଦେ ଯୋନିମୁଦ୍ରାମହଂ ଭଜେ ।
ଧୂପାଦିକଂ ସର୍ଵମଯି ତେ କଲ୍ପଯାମ୍ଯହମ୍ ॥ ୧୭୩॥
ତ୍ଵତ୍ପ୍ରୀତଯେ ମହାମୁଦ୍ରାଂ ଦର୍ଶଯାମି ତତଃ ଶିଵେ ।
ତ୍ରିଧା ତ୍ଵାଂ ମୂଲମନ୍ତ୍ରେଣ ତର୍ପଯାମି ତତଃ ଶିଵେ ॥ ୧୭୪॥
ଶାଲ୍ଯନ୍ନଂ ମଧୁସଂଯୁକ୍ତଂ ପାଯସାପୂପସଂଯୁତମ୍ ।
ଘୃତସୂପସମାଯୁକ୍ତଂ ସର୍ଵଭକ୍ଷ୍ଯସମନ୍ଵିତମ୍ ॥ ୧୭୫॥
ସସିତଂ କ୍ଷୀରସଂଯୁକ୍ତଂ ବହୁଶାକସମନ୍ଵିତମ୍ ।
ନିକ୍ଷିପ୍ଯ କାଞ୍ଚନେ ପାତ୍ରେ ନୈଵେଦ୍ଯଂ କଲ୍ପଯାମି ତେ ॥ ୧୭୬॥
ସଙ୍କଲ୍ପ୍ଯ ବିନ୍ଦୁନା ଵକ୍ତ୍ରଂ କୁଚୌ ବିନ୍ଦୁଦ୍ଵଯେନ ଚ ।
ଯୋନିଂ ତୁ ସପରାର୍ଧେନ କୃତ୍ଵା ଶ୍ରୀତ୍ରିପୁରେ ତଵ ॥ ୧୭୭॥
ଏତତ୍ କାମକଲାରୂପଂ ଭକ୍ତାନାଂ ସର୍ଵକାମଦମ୍ ।
ସର୍ଵସମ୍ପତ୍ପ୍ରଦଂ ଵନ୍ଦେ ନମସ୍ତେ ତ୍ରିପୁରେଶ୍ଵରି ॥ ୧୭୮॥
ଵାମଭାଗେ ତ୍ରିକୋଣଂ ଚ ଵୃତ୍ତଂ ଚ ଚତୁରସ୍ରକମ୍ ।
କୃତ୍ଵା ଗନ୍ଧାକ୍ଷତାଦ୍ଯୈଶ୍ଚ ହ୍ଯର୍ଚଯାମି ମହେଶ୍ଵରି ॥ ୧୭୯॥
ଵାଗ୍ଭଵାଦ୍ଯଂ ନମସ୍ଯାମି ତତ୍ର ଵ୍ଯାପକମଣ୍ଡଲମ୍ ।
ଜଲଯୁକ୍ତାର୍ଦ୍ରାନ୍ନଯୁକ୍ତଂ ମକାରତ୍ରଯଭାଜନମ୍ ॥ ୧୮୦॥
ତତ୍ର ଵିନ୍ଯସ୍ଯ ଦାସ୍ଯାମି ଭୂତେଭ୍ଯୋ ବଲିମୁତ୍ତମମ୍ ।
ନମସ୍ତେ ଦେଵଦେଵେଶି ନମସ୍ତ୍ରୈଲୋକ୍ଯଵନ୍ଦିତେ ॥ ୧୮୧॥
ନମଃ ପରଶିଵାଙ୍କସ୍ଥେ ନମସ୍ତ୍ରିପୁରସୁନ୍ଦରି ।
ପ୍ରଦକ୍ଷିଣାଂ ନମସ୍କାରଂ ମନସାଽହଂ କରୋମି ତେ ॥ ୧୮୨॥
ତତଃ ସକଲମନ୍ତ୍ରାଣାଂ ସମ୍ରାଜ୍ଞୀଂ ପରମେଶ୍ଵରୀମ୍ ।
ପ୍ରଜପାମି ମହାଵିଦ୍ଯାଂ ତ୍ଵତ୍ପ୍ରୀତ୍ଯାର୍ଥମହଂ ସଦା ।
ତଵ ଵିଦ୍ଯାଂ ପ୍ରଜପ୍ତ୍ଵାଽଥ ସ୍ତୌମି ତ୍ଵାଂ ପରମେଶ୍ଵରୀମ୍ ॥ ୧୮୩॥
ମହାଦେଵି ମହେଶାନି ସଦାଶିଵ ମହାପ୍ରିଯେ ।
ମହାନିତ୍ଯେ ମହାସିଦ୍ଧେ ତ୍ଵାମହଂ ଶରଣଂ ଵ୍ରଜେ ॥ ୧୮୪॥
ଜଯ ତ୍ଵଂ ତ୍ରିପୁରେ ଦେଵି ଲଲିତେ ଜଗଦୀଶ୍ଵରି ।
ସଦାଶିଵପ୍ରିଯକରି ପାହି ମାଂ କରୁଣାକରି ॥ ୧୮୫॥
ଜଗନ୍ମାତର୍ଜଗଦ୍ରୂପେ ଜଗଦୀଶ୍ଵରଵଲ୍ଲଭେ ।
ଜଗନ୍ମଯେ ଜଗସ୍ତୁଲ୍ଯେ ଗୌରି ତ୍ଵାମହମାଶ୍ରଯେ ॥ ୧୮୬॥
ଅନାଦ୍ଯେ ସର୍ଵଲୋକାନାମାଦ୍ଯେ ଭକ୍ତେଷ୍ଟଦାଯିନି ।
ଗିରିରାଜସ୍ଯ ତନଯେ ନମସ୍ତେ ତ୍ରିପୁରେଶ୍ଵରି ॥ ୧୮୭॥
ଜଯାଦିଦେଵଦେଵେଶି ବ୍ରହ୍ମମାତର୍ନମୋଽସ୍ତୁ ତେ ।
ଵିଷ୍ଣୁମାତରନାଦ୍ଯନ୍ତେ ହରମାତଃ ସୁରେଶ୍ଵରି ॥ ୧୮୮॥
ବ୍ରହ୍ମାଦିସୁରସଂସ୍ତୁତ୍ଯେ ଲୋକତ୍ରଯଵଶଙ୍କରି ।
ସର୍ଵସମ୍ପତ୍ପ୍ରଦେ ନିତ୍ଯେ ତ୍ଵାମହଂ କଲଯେ ସଦା ॥ ୧୮୯॥
ନିତ୍ଯାନନ୍ଦେ ନିରାଧାରେ ଚିଦ୍ରୂପିଣି ଶିଵପ୍ରିଯେ ।
ଅଣିମାଦିଗୁଣାଧାରେ ତ୍ଵାଂ ସଦା କଲଯାମ୍ଯହମ୍ ॥ ୧୯୦॥
ବ୍ରାହ୍ମ୍ଯାଦିମାତୃସଂସ୍ତୁତ୍ଯେ ସର୍ଵାଵରଣସଂଯୁତେ ।
ଜ୍ଯୋତିର୍ମଯେ ମହାରୂପେ ପାହି ମାଂ ତ୍ରିପୁରେ ସଦା ॥ ୧୯୧॥
ଲକ୍ଷ୍ମୀଵାଣ୍ଯାଦିସମ୍ପୂଜ୍ଯେ ବ୍ରହ୍ମଵିଷ୍ଣୁଶିଵସ୍ତୁତେ ।
ଭଜାମି ତଵ ପାଦାବ୍ଜଂ ସର୍ଵକାମଫଲପ୍ରଦମ୍ ॥ ୧୯୨॥
ସର୍ଵଶକ୍ତିସମୋପେତଂ ସର୍ଵାଭୀଷ୍ଟଫଲପ୍ରଦେ ।
ନମାମି ତଵ ପାଦାବ୍ଜଂ ଦେଵି ତ୍ରିପୁରସୁନ୍ଦରି ॥ ୧୯୩॥
ତ୍ଵତ୍ପ୍ରିଯାର୍ଥଂ ତତଃ କାଂଶ୍ଚିଚ୍ଛକ୍ତିଂ ସମ୍ପୂଜଯାମ୍ଯହମ୍ ।
ମପଞ୍ଚକେନ ତାଂ ଶକ୍ତିଂ ତର୍ପଯାମି ମହେଶ୍ଵରି ॥ ୧୯୪॥
ତଯୋପେତଂ ହଵିଃଶେଷଂ ଚିଦଗ୍ନୌ ପ୍ରଜୁହୋମ୍ଯହମ୍ ।
ତ୍ଵତ୍ପ୍ରିଯାର୍ଥଂ ମହାଦେଵି ମମାଭୀଷ୍ଟାର୍ଥସିଦ୍ଧଯେ ॥ ୧୯୫॥
ବଦ୍ଧ୍ଵା ତାଂ ଖେଚରୀଂ ମୁଦ୍ରାଂ କ୍ଷମସ୍ଵୋଦ୍ଵାସଯାମ୍ଯହମ୍ ।
ତିଷ୍ଠ ମେ ହୃଦଯେ ନିତ୍ଯଂ ତ୍ରିପୁରେ ପରମେଶ୍ଵରି ॥ ୧୯୬॥
ଜଗଦମ୍ବେ ମହାରାଜ୍ଞି ମହାଶକ୍ତି ଶିଵପ୍ରିଯେ ।
ହୃଚ୍ଚକ୍ରେ ତିଷ୍ଠ ସତତଂ ମହାତ୍ରିପୁରସୁନ୍ଦରି ॥ ୧୯୭॥
ସର୍ଵଲୋକୈକସମ୍ପୂଜ୍ଯେ ସକଲାଵରଣୈର୍ଯୁତେ ।
ହୃଚ୍ଚକ୍ରେ ତିଷ୍ଠ ମେ ନିତ୍ଯଂ ମହାତ୍ରିପୁରସୁନ୍ଦରି ॥ ୧୯୮॥
॥ ଫଲଶ୍ରୁତି ॥
ଏତତ୍ ତ୍ରିପୁରସୁନ୍ଦର୍ଯା ହୃଦଯଂ ସର୍ଵକାମଦମ୍ ।
ମହାରହସ୍ଯଂ ପରମଂ ଦୁର୍ଲଭଂ ଦୈଵତୈରପି ॥ ୧॥
ସାକ୍ଷାତ୍ ସଦାଶିଵେନୋକ୍ତଂ ଗୁହ୍ଯାଦ୍ଗୁହ୍ଯମନୁତ୍ତମମ୍ ॥ ୨॥
ଯଃ ପଠେନ୍ନିତ୍ଯମେକାଗ୍ରଃ ଶ୍ରୃଣୁଯାଦ୍ ଵା ସମାହିତଃ ।
ନିତ୍ଯପୂଜାଫଲଂ ଦେଵ୍ଯାଃ ସ ଲଭେନ୍ନାତ୍ର ସଂଶଯଃ ॥ ୩॥
ପାପୈଃ ସ ମୁଚ୍ଯତେ ସଦ୍ଯଃ କାଯଵାକ୍ଚିତ୍ତସମ୍ଭଵୈଃ ।
ସର୍ଵଜନ୍ମସମୁଦ୍ଭୂତୈର୍ଜ୍ଞାନକୃତୈରପି ॥ ୪॥ missing letter or word
ସର୍ଵକ୍ରତୁଷୁ ଯତ୍ପୁଣ୍ଯଂ ସର୍ଵତୀର୍ଥେଷୁ ଯତ୍ ଫଲମ୍ ।
ତତ୍ପୁଣ୍ଯଂ ଲଭତେ ନିତ୍ଯଂ ମାନଵୋ ନାତ୍ର ସଂଶଯଃ ॥ ୫॥
ଅଚଲାଂ ଲଭତେ ଲକ୍ଷ୍ମୀଂ ତ୍ରୈଲୋକ୍ଯେ ଚାପି ଦୁର୍ଲଭାମ୍ ।
ସାକ୍ଷାଦ୍ ଵିଷ୍ଣୁସମୋ ମର୍ତ୍ଯୋ ଶୀଘ୍ରମେଵ ଭଵେତ୍ ସଦା ॥ ୬॥
ଅଷ୍ଟୈଶ୍ଵର୍ଯମଵାପ୍ନୋତି ସ ଶୀଘ୍ରଂ ମାନଵୋତ୍ତମଃ ।
ଗୁଟିକାପାଦୁକାସିଦ୍ଧ୍ଯାଦ୍ଯଷ୍ଟକଂ ଶୀଘ୍ରମଶ୍ନୁତେ ॥ ୭॥
ଶଙ୍ଖାଦ୍ଯା ନିଧ୍ଯୋ ଵାଽପି ତଂ ନିତ୍ଯଂ ପର୍ଯୁପାସତେ ।
ଵଶ୍ଯାଦୀନ୍ଯଷ୍ଟକର୍ମାଣି ଶୀଘ୍ରଂ ସିଦ୍ଧ୍ଯନ୍ତି ସର୍ଵଦା ॥ ୮॥
ଭୂଲୋକସ୍ଥାଃ ସର୍ଵନାର୍ଯଃ ପାତାଲସ୍ଥାଃ ସଦାଙ୍ଗନାଃ ।
ସର୍ଵଲୋକସ୍ଥିତାଃ ସର୍ଵା ଯାଶ୍ଚାନ୍ଯାରୂପଗର୍ଵିତାଃ ॥ ୯॥
ରମନ୍ତେ ତେନ ସତତଂ ଶୀଘ୍ରଂ ଵଶ୍ଯା ନ ସଂଶଯଃ ।
ରାଜାଦ୍ଯାଃ ସକଲା ମର୍ତ୍ଯାଃ ହରହର୍ଯାଦଯଃ ସୁରାଃ ॥ ୧୦॥
ଅନନ୍ତାଦ୍ଯା ମହାନାଗାଃ ସିଦ୍ଧଯୋଗେଶ୍ଵରାଦଯଃ ।
ଋଷଯୋ ମୁନଯୋ ଯକ୍ଷାସ୍ତଂ ନିତ୍ଯଂ ପର୍ଯୁପାସତେ ॥ ୧୧॥
ମହତୀଂ କୀର୍ତିମାପ୍ନୋତି ଶିଵଵିଷ୍ଣୁସମପ୍ରଭାମ୍ ।
ପରମଂ ଯୋଗମାସାଦ୍ଯ ଖେଚରୋ ଜାଯତେ ସଦା ॥ ୧୨॥
ଅପମୃତ୍ଯୁଵିନିର୍ମୁକ୍ତଃ କାଲମୃତ୍ଯୁଵିଵର୍ଜିତଃ ।
ପରମାଯୁଷ୍ଯମାପ୍ନୋତି ହରହର୍ଯାଦିଦୁର୍ଲଭମ୍ ॥ ୧୩॥
ଅଶ୍ରୁତାନି ଚ ଶାସ୍ତ୍ରାଣି ଵ୍ଯାଚଷ୍ଟେ ଵିଧିଵତ୍ ସଦା ।
ମୂଢୋଽପି ସର୍ଵଵିଦ୍ଯାଵାନ୍ ଦକ୍ଷିଣାମୂର୍ତିଵଦ୍ଭଵେତ୍ ॥ ୧୪॥
ଗ୍ରହଭୂତପିଶାଚାଦ୍ଯା ଯକ୍ଷଗନ୍ଧର୍ଵରାକ୍ଷସାଃ ।
ଏତସ୍ଯ ସ୍ମରଣାଦେଵ ଵିନଶ୍ଯନ୍ତି ହି ସର୍ଵଦା ॥ ୧୫॥
ତଦ୍ଗାତ୍ରଂ ପ୍ରାପ୍ଯ ସକଲଂ ଵିଷଂ ସଦ୍ଯୋ ଵିନଶ୍ଯତି ।
ସହସ୍ରକାମସଙ୍କାଶଃ କାନ୍ତ୍ଯା ଯଃ ସର୍ଵଦା ଭଵେତ୍ ॥ ୧୬॥
ତସ୍ମାଦେତତ୍ ପଠେତ୍ ସ୍ତୋତ୍ରଂ ତ୍ରିପୁରାହୃଦଯଂ ଶୁଭମ୍ ।
ଜପେଦ୍ ଯଃ ସର୍ଵଦା ସାକ୍ଷାଦ୍ ଭଵେଦ୍ ଦେଵୀସ୍ଵରୂପକଃ ॥ ୧୭॥
ସାଙ୍ଗଂ ତ୍ରିପୁରସୁନ୍ଦର୍ଯା ନିତ୍ଯପୂଜାଫଲଂ ଲଭେତ୍ ।
ଵିମୁକ୍ତୋ ରୋଗସଙ୍ଘାତୈରାରୋଗ୍ଯଂ ମହଦଶ୍ନୁତେ ॥ ୧୮॥
ପ୍ରାପ୍ନୋତି ମହଦୈଶ୍ଵର୍ଯଂ ସର୍ଵଵିଦ୍ଯାନିଧିର୍ଭଵେତ୍ ।
ତତ୍କରସ୍ପର୍ଶମାତ୍ରେଣ ନରୋ ବ୍ରାହ୍ମଣତାଂ ଲଭେତ୍ ॥ ୧୯॥
ମୁଚ୍ଯତେ ସକଲୈର୍ଵିଘ୍ନୈଃ ସ ନିତ୍ଯଂ ମାନଵୋତ୍ତମଃ ।
ସ ଭୁଙ୍କ୍ତେ ସକଲାନ୍ ଭୋଗାନ୍ ଦୁର୍ଲଭାଂଶ୍ଚ ଦିନେ ଦିନେ ॥ ୨୦॥
ଲଭତେ ପୁତ୍ରପୌତ୍ରାଂଶ୍ଚ ମହାଲକ୍ଷ୍ମୀସମନ୍ଵିତାନ୍ ।
ପରମାଯୁଷ୍ଯସଂଯୁକ୍ତାନ୍ ସାକ୍ଷଚ୍ଛିଵସମାନ୍ ଗୁଣୈଃ ॥ ୨୧॥
ସୃଷ୍ଟିପାଲନସଂହାରକର୍ତେଵାଯଂ ସଦା ଭଵେତ୍ ।
ଯସ୍ତେ କୃପାଵାନ୍ ଭଵତି ସ ତ୍ରିମୂର୍ତିର୍ନ ସଂଶଯଃ ॥ ୨୨॥
ତତ୍ସମୀପସ୍ଥିତଃ ଶୀଘ୍ରଂ ସଦା ଜାତିସ୍ମରୋଭଵେତ୍ ।
ତସ୍ଯ ଗେହେ ସଦା କାମଧେନୁଃ କଲ୍ପତରୁସ୍ତଥା ॥ ୨୩॥
ଚିନ୍ତାମଣିଶ୍ଚ ସତତଂ ତିଷ୍ଠତ୍ଯେଵ ନ ସଂଶଯଃ ।
ମହାଜଯମଵାପ୍ନୋତି ସଦା ସର୍ଵତ୍ର ମାନଵଃ ॥ ୨୪॥
ଵଜ୍ରକାଯସମୋ ଭୂତ୍ଵା ଚରତ୍ଯେଵ ଜଗତ୍ଯଯମ୍ ।
ମହାସୁଖୀ ଭଵେନ୍ନିତ୍ଯଂ ପରମାତ୍ମା ଭଵେତ୍ ସଦା ॥ ୨୫॥
ମୁଚ୍ଯତେ ସକଲେଭ୍ଯୋଽପି ବନ୍ଧନୈଃ ଶ୍ରୃଙ୍ଖଲାଦିଭିଃ ।
ତଂ ପୂଜଯନ୍ତି ସତତଂ ହରିରୁଦ୍ରାଦଯୋଽପି ଚ ॥ ୨୬॥
ଶୁଭମେଵ ଭଵେନ୍ନିତ୍ଯଂ ସଦାପଦ୍ଭିର୍ଵିମୁଚ୍ଯତେ ।
ଦେଵଗନ୍ଧର୍ଵରକ୍ଷାଦ୍ଯୈର୍ବ୍ରହ୍ମାଦ୍ଯୈରପି ଦୁର୍ଲଭାନ୍ ॥ ୨୭॥
ପ୍ରାପ୍ନୋତି ସକଲାନ୍ କାମାନ୍ ଶୀଘ୍ରମେଵ ନ ସଂଶଯଃ ।
ଦିଵ୍ଯଭୋଗଯୁତୋ ଦିଵ୍ଯକନ୍ଯାଭିଃ ସହ ସଂଯୁତଃ ॥ ୨୮॥
ଵିମାନଂ ସ ସମାସ୍ଥାଯ ଦିଵ୍ଯାଭରଣଭୂଷିତଃ ।
ଦିଵ୍ଯଚନ୍ଦନଲିପ୍ତାଙ୍ଗଃ ସଦା ଵିଂଶତିଵାର୍ଷିକଃ ॥ ୨୯॥
ସ ଭୁଙ୍କ୍ତେ ସକଲାନ୍ ଭୋଗାନ୍ ଦେଵଲୋକେ ନରଃ ସଦା ।
ତସ୍ମାଦେତତ୍ ପଠେତ୍ ସ୍ତୋତ୍ରଂ ତ୍ରିପୁରାହୃଦଯଂ ଶୁଭମ୍ ।
ଜପେଦ୍ଯଃ ସତତଂ ଭକ୍ତ୍ଯା ଭଵେତ୍ ସାକ୍ଷାତ୍ ସଦା ଶିଵଃ ॥ ୩୦॥
॥ ଇତି ଶ୍ରୀ ରୁଦ୍ରଯାମଲେ ଈଶ୍ଵରପାର୍ଵତୀସଂଵାଦେ
ଶ୍ରୀଲଲିତାତ୍ରିପୁରସୁନ୍ଦରୀହୃଦଯସ୍ତୋତ୍ରମ୍ ॥
Encoded and proofread by PP
From Shrividya Sadhana.
Please send corrections to sanskrit@cheerful.com
Last updated ତ୍oday
http://sanskritdocuments.org
Lalita Tripura Sundari Hrudaya Stotram Lyrics in Oriya PDF
% File name : shrIlalitAtripurasundarihRRidayastotram.itx
% Category : hRidaya
% Location : doc\_devii
% Language : Sanskrit
% Subject : hinduism/religion
% Transliterated by : PP
% Proofread by : PP
% Description-comments : from Kalyan-Mandir magazine
% Latest update : October 19, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
% File name : shrIlalitAtripurasundarihRRidayastotram.itx
% Category : hRidaya
% Location : doc\_devii
% Language : Sanskrit
% Subject : hinduism/religion
% Transliterated by : PP
% Proofread by : PP
% Description-comments : from Kalyan-Mandir magazine
% Latest update : October 19, 2014
% Send corrections to : Sanskrit@cheerful.com
% Site access : http://sanskritdocuments.org
%
% This text is prepared by volunteers and is to be used for personal study
% and research. The file is not to be copied or reposted for promotion of
% any website or individuals or for commercial purpose without permission.
% Please help to maintain respect for volunteer spirit.
%
We acknowledge well-meaning volunteers for Sanskritdocuments.org and other sites to have built the collection of Sanskrit texts.
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website
Please check their sites later for improved versions of the texts.
This file should strictly be kept for personal use.
PDF file is generated [ October 13, 2015 ] at Stotram Website